|
. . . البارت الـ 121 فتحت عينها وهيه تثاوب . . عينها تتحرك يمين ويسار . . فوق وتحت . . تشوف المكان حواليها غريب . . >> انا وين . .! فـ سيآآآره ؟ سلطان : صح النؤم . . عذاري تبلع ريجها : انا ليش اهني . . سلطان : وين كنتي تبين تكونين ؟ عذاري : السينما . . سلطان يشوف جدامه : شرايج فالفلم . . عذاري : حلو . . سلطان يطالعها : وايد ؟ عذاري تحجج راسها : هيه . . سلطان : شو اكثر لقطه حبيتيها فالفلم فديتج ؟ عذاري : هاه سلطان يطالعها . . عذاري : ماذكر . . وبعدييين " تذكر " انا اصصلا ما اكلممممك . . سلطان : مخسرتني حق تذاكر واكل . . وحظرتج ترقدين ؟ عذاري: بعد ! تستخسسر علي . . سلطان : يوم انج مدخلتنا ع الفاضي اكيد استخسسر . . لو داش بروحي احسن . . عذاري : وجان زين مدخلني فلم رومانسي . . مدخلني اكششن " تسويله مالت " امحق . . سلطان يبتسم . . عذاري تصد تطالع الدريشه : الساعه كم الحين ؟ سلطان يشوف ساعته : 9 . . عذاري : شششووووووووووو . . " تحط ايدها ع قلبها " امايا بتذبحني . . سلطان : دقيتلها قبل شوي وقلتلها اني نزلتج بيت ربيعتج واني بمر عليج بنتعششا وبنرد وما عارضت عذاري : . . سلطان : هاتي ايدج . . عذاري تصد له . . سلطان : هاتي !! عذاري تمد ايدها . . سلطان مسك ايدها وحظن ايديها بايدينه الهنتيين . . عذاري استحت وتمت تشوف برا السيارة . . سلطان : شو المنظر الجميل الي يخليج ماتشوفين عيوني وتصدين ؟ عذاري تطالعه : الباركنات . . وايد راقيه سلطان عاقد حياته : تستظرفين دمج . . عذاري : لاء . . " تسحب ايدها وتعدل يلستها " سلطان ماتحرك من مكانه ويطالعها . . عذاري : يالله حرك السيارة خلنا نروح البيت . . سلطان عاقد حياته : ليش تصديني عذاري تطالعه وتشوف نظرته جديه . . وترد توخر عينها . . سلطان بنظرة حاده يمسك ايدها : طالعيني يوم ارمسج . . ودري عنج التلفتتتتتتتت . . عذاري تطالعه : ها سلطان . . قاعده اطالعك . . سلطان عاقد حياته : ليش تصديني ؟ عذاري : ما صديتك . . سلطان : امسك ايدج تشلينها . . اطالع عيونج تتلفتيييين . . اسولف معاج بحنيه تتهربين عذاري تتنهد . . سلطان : لا وتتأففين بعد عذاري : ما تأففت " تطالعه بنظرة حاده " اتنهد .. حرام ؟ سلطان : وبقوة عين تطالعيني جي وتراددين . . عذاري : شلي تبيه سلطان ؟ شلي تبيه ؟ سلطان : شو هالنفسيه . .ليش ترمسيني بهالنبره . . عذاري : كيف تباني اكلمك ؟ خبرني وانا بطاوعك مثل العاده سلطان : وليش ما اطاوعيني . . مش حرمتي ؟ عذاري : لا مش حرمتك . . قول مش خدامتي . . انت تبيني اسمع وانفذ . . لا اقول رايي ولا اسوي الشي الي يريحني . . بس تبي تنكد علي وتغصبني . . ولو ما سويت الشي الي تباه كفرتننننني وما تخلي شي ما تقوله . . سلطان يطالعها . . عذاري : شوه بتنكر سلطان بتنكر ؟ سلطان : من متى ما تسمعين كلامي عذاري ؟ من متى ما اطاوعيني ف كل شي اقوله ؟ عذاري : راعني شوي . . بس راعني . . انت كل شي تبي . . رغباتك ضد رغباتي سلطان : كان عادي عندج قبل الملجه وراضيه وما نقمممتي !! عذاري : سلطان انت كل ما ياك تشد تشد تشد . . انا انسانه بعد . . تعبت وانا اطاوعك واغصب روحي ع كل شي انت تبيه وانا ما ابيه . . زهفتتتتتت سلطان : ما تبيني ؟ عذاري فاجه عينها : انا ما قلت ما اباك . . انت تعرف اني اباك ومتلهفة عليك واتريا اليوم الي نعرس فيه . . سلطان يبتسم باستهزاء : هه ما يبين . . عذاري : بس لاني ما رضيت برغباتك صار ما يبين . . سلطان : اانا ماحب هالنوع . . عذاري عاقده حياتها . . سلطان : انا ابا كلمتي هي الي تمشي . . واي شي اقوله يتنفذذذذذ . عذاري : واذا العكس صار ؟ سلطان : جربي .. عذاري : قبل لا اجرب خبرني سلطان ك جربي وبتشوفين عذاري: سلطان هذي مسأله عناد . . انا قلتلك خلني اسوي الشي الي يريحني بعد وما طلبت شي كبير . . ولا طلبت شي حرام . ! ولا طلبت شي صعب . . واصلا للحين ما طلبت شي . . بس قلتلك خلني اعبر عن رايي . . بس قلتلك عطني مجال اسوي الشي الي انا اباه عالاقل . . انت ما تحبني ؟ سلطان يطالعها . . عذاري : لا جد انت ما تحبني !!! لو تحبني كيف عايبنك انك تغصبني ف كل شي وانا ما اقول غير ان شاء الله سلطان : وانا حبييييييييييييييت فيج هالشي . . واذا انششل هالطبع الي انا حبيته . . "يطالعها عين بعين " بعووووووووفج !!!!!!! عذاري بصدمه : بتعوفني ! سلطان : . . عذاري : معقوله سلطان : امشي وياي مثل ما ابا ولا ودريني احسن عذاري : اودرك . . " بصدمه تهز راسها يمين ويسار " انت شو يالس تقول . . سلطان : رغباتي الي تمشي . . عذاري : انزين وانا سلطان ؟ ورغباتي انا ؟ سلطان : . . عذاري : مش مهمه عندك رغباتي ! سلطان : اعتقد سمعتي كلامي وفهمتيه عذاري : لا ما فهمته . . وضحلي وضحلي . . اصدمني اكثر سلطان يصارخ : لا اطلعيني ع ـن طووووووووووووووووووووري عذاري تصارخ : لا تصارخ علي . . وبطلت باب السيارة ونزلت . . نزل وراها سلطان بسرعه . . هيه تمشي بسرعه وهو بسرعه لين وصل لها ومسك جتفها سلطان بعصبيه : ردي ركبي السياره احسن لج . . عذاري : وخر ايدك عني وألتقع بروحك لاني ما بركب وياك . سلطان يسحبها من جتفها بقوة وهيه تقاومه لين وصل السيارة . . بطل الباب . . سلطان : اركبي . . عذاري: قلتلك ما بركب وياك . . سلطان يغمض عينه ويفتحهن بعصبيه : اركبي . . عذاري تصارخ : قلتلك ما برررررررررركب سلطان يعطيها طراق : لا تصارخين جدام الناسسسسسس وفرها فالسياره ورا وحرك السيارة . . . . . الحزن بيت ... وصادق الدمـع شبـاك !! واليـل خيّـم فـوق صـدر القصـيـده !! والهـم شعلـه .. والمعاذيـر تنـبـاك !! منها ضلـوع الصـدر راحـت وقيـده !! طعنت ظهـر الحـب .. وزداد الاربـاك !! ولا فيه علم ٍ جـاي مـن تحـت حيـده !! وحاولـت ادراي غلطتـك واتحـاشـاك !! واثـرك مـن الله ودك ابهـا نكـيـده !! مدري وش اللي فيه قصرت .. وش جاك !! مصدوم منك .. و صدمتي بـك شديـده !! مدري اقول : انك على البـال وابغـاك !! والا غديـت لمخلـب الكـره صـيـده !! اتعبتني مـن كثـر مـا ودي ارضـاك !! وضحيت من شانك .. باشيـاء عديـده !! و كثر الخطا من عيـن مغليـك وطـاك !! من عقب .. مانت براس ماله .. رصيده !! صحيح / أحبك .. واعشقك .. واتمنـاك !! لكن .. سجين الصـدر / فكيـت قيـده !! دفتر معاذيرك .. شكـى مـن سوايـاك !! ماعـاد باقـي فيـه صفحـه جـديـده !! تعبت اجمّل فيـك .. وادمـح خطايـاك !! ياخي .. ترا مشاعـري عـ/ الحديـده !! ماعادنـي .. يـا صاحبـي بتـرجـاك !! فارق .. ترا لا رحت مـا انـت بفقيـده !! مانيـب قايـل : عـذّب القلـب فرقـاك !! بالعكـس مـن بعـدك حياتـي سعيـده !! |
شوووووووووووووووهاااا ... هذااا يستهبل و لااا يستهبل ... يقهر شووووووووووووو هالتفكير الغبي اللي عنده .... يالله نتريااا next .... |
صرااااااحة قهرني سسسسسلطااااان ما احب الريااااييل المتسلطييين يقهرررر .. يعني مايقول لها كلام حلو و كله جاف معاها ويطلب منها اتسوي اشياء هي ما تباااها اكييد بتزهق حتى اذا قالت رااايهاااا بيعصب عليييها يلا نترياااااا البااااارت الياااااي |
حرآآآم علييييييييييك يآ سلطون والله أنـآ أنصدمت فيه لهدرجه =( يعني صدق يرآآعي شعورهـآ مهمآ كآن كل شي بالتفآهم >< تسلمين الشيخه وأتمنى إنهم يترآضوون بأسرع وقت ومآآآبآهم يطلقون لـآآآآآآ =( أحم بنتضآرج |
البارت الـ 122 محمد : ليييش ؟ فالويكند احلى . . عنود : مابي . . انا ضايجه ابا اروؤؤؤح الحيييييين . . محمد : انتي كل شي تبين الحين . . ما تبين كفف يصقع ويهج الحين ؟ عنود : اسكت اسكت . . انت واعدني ف ليسن من متى وللحين ما سويت شي محمد :اخيييه بدينا بسوالف الحريم الحين عنود : ما علينا ماعلينا . . طنشش هالموضوع . . الحين قوم خلنا نرؤح محمد : انتي ليش صايره حنانه جي . . عنود تحط ايدها ع بطنها : اوكي حمود لا تنفذ طلباتي . . محمد يوقف من غير ما يحس : خلاص بنروح الحين . . نسيت انج حامل والله عنود حاطه ايدها ع خصرها : ششششششووووووو محمد : نسيت اسم الفندق الي كنا بنروح له . . عنود : زين يوم عدلتها . . محمد بصوت واطي : وابويه مستويه تهذرب وايد . . عنود :حمووووووود محمد يبتسم : لبيه . . امري الشيخه . . عنود : يلااااااااااا قوم خلنا نروح محمد " يغير السالفه " : اقول عنود . . عنود : قول محمد : ليش ما كملتي هالكورس يالفاشله . . ليش اجلتيه ؟ مش احسن لج بدال يلسه البيت عنود : لا خلاص ماقدر ع الدراسه دامني حامل الحين محمد : هيه صح صح . . اهم شي سلامتتتتتتتته فديته " يحط ايده ع بطنها " عنود فجاه يتها لوعه وقامت تركض صوب الحمام وتمت ترجع وترجع . . محمد لحقها وتم واقف عند باب الحمام : شوه فيج . . عنود : ماعرف . . محمد : بسم الله علييييييج . . " يمسك ايدها ويقربها ف حظنه " تعالي حياتي . . عنود تحط ايدها ع خشمها : لا تلمسني . . محمد يطالعها . . عنود : امففففففف . .شو هالريحه . . قوم روح اسبح . . محمد يشم روحه : ريحت خشمج يمكن . . " عاقد حياته" ايه بصمج بطراق . . مافيني ريحه محمد يتقرب منها اكثر وتلوعت عنود ودشت الحمام مره ثانية وتمت ترجع . . محمد : اقولج انتي ايه . . لا تسويلي حركات الوحام . . تتوحمين علي عنود تحس انها جازه . . فجاه حست انها مش متحمله تشوف محمد . . محمد عاقد حياته ويطالع عيونها المتعصره والجازه . . : لا يطيحون عيونج اتحملي . . عنود : اطلع برا . . محمد فاج حلجه . . عنود : ما سسسسسسسمعت ؟ اطلع محمد : ايه عنود لا تسوين جي . . خلاص بوديج دبي ياخي عنود : مابا مابا اروح مكان . . خلاص اطلع وخلني . . محمد : لا إله إلا الله . . وين اروح يا بنت الناس . . توا مأذن العشا . . بنتعشا بنوطي راسنا ورانا دوامات عنود : اطلع بررررررررررررررع . . محمد : لا حول ولا قوة الا بالله العلي العظيم . . هذا حال يصير لي عيل . . " يطلع " طالع طالع خلاص . . حمد فويهه : اوب طاردينك هاه محمد : اسكت لا اطلع حرتي فيك حمد : هههههههههه ليش محمد : اختتتتك . . تصور يقاطعه حمد ويي جدامه ويبتسم . . : يالله محمد : شو يالله . . ؟ " يسويله علامه المينون " خبيل انت ؟ حمد : انت قلت تصور. . " يبتسم " يالله صورني محمد يمد ايده بيعطي حمد بكس بس ايد حمد كانت اقوى وقبض ايده محمد . . حمد :لا اطلع حرتك فيني . . روح عند حرمتك لو فيك خير ومد ايدك . . محمد : لو مش الي ف بطنها حمد جان صميتها بوكسات ولصقت راسها برواز فالحوش حمد : ههههههههههه . . محمد: عيل شو تقول لي " يقلد ع صوتها " اطلع برا . . حمد : يا ريال وحام الحامل . . لازم تسمع الرمسه ولا بيستوي شي للولد محمد : احلف . . حمد : والله شوو تتحرا عيل . . محمد : اسميها سالفه عيل . . حمد يدق جتف محمد : شكلك بترقد عندي الليله . . محمد يسوي روحه يصيح : يا قراده حظي . . " يرن تلفونه " اوووب الوالده . . حمد مبتسم : يالله روح رمسها وانا بسير اسبح . . صعد حمد غرفته . . شاف مسج واصلنه . . " مهور متى بترد " انسدح ع السرير وابتسم وطرش " باجر " " اي وقت " " اظن 3 الظهر بتكون فالبلاد . . ليش تسألين ؟" " لاني بروح استقبلها فالمطار " حمد : منو قدج يا مهره . . وايد يشتاقون لج . . " لهالدرجه مشتاقتلها ؟ " " فوق ماتتصور " " والله حتى انا " انصدم عقب ما طرش المسج . . حمد : كيف طرششششششششششت جي بدون حاسسسسسسسسيه . . ماحسيت " يدق ايده براسه " اففف والله اني غبي . . وتم يتريا منها مسج بس ما وصله منها اي شي . . وتم موسوس ومضايق . . وكل شوي يناظر الفووون ! بسسس ماردت عليه . . . . . منصور : يعني ضروري العرس حبيبي ؟ انا فخاطري اغير جو معاج ونسير ونستانس . . سلامه تتلحف : لاحقين حبيبي لاحقين . . خلاص طف الليت خلني ارقد . . منصور يطالع الساعه : بعدها الساعه 10 . . شو يرقدج الحين ؟ سلامه : تعبانه منصووووور . . كفايا الحمل متعبني . .انت مافيك احساس ؟ منصور يتنهد : اسف . . ماقصصد . . سلامه : سكر الليت ويالله تعال ارقد وياي . . منصور: مابرقد . . بروح اتمشي فالسيارة . . احس روحي مخنوق . . سلامه تقعد ع السرير وبعصبيه : وين بتروح الحيييييين؟ شو عندك ؟ منصور : ماعندي شي بس زهقان اقولج . . لو بتمين واعيه بتم معاج بتونسيني . . سلامه : اففف . . والله منصور انت فاضي . . سكر سكر الليت وتعال خلنا نرقد منصور يصك الليت : نامي حبيبي . . نوم العوافي . . سلامه : لحظظظظظظظظظظظه . . . منصور يشغل الليت : امري . . سلامه عاقده حياتها وبدون نفس : وين بتروح خبرني اول . . منصور : بسير بيتنا . . سلامه باستغراب : شعندك اهناك منصور : بسلم على امايا وباخذ فخاطرها . . ما قادر ارتتاح انا . . سلامه بضيج : وبتخليني ؟ منصور : انتي بتنامين ترااااااااج . . سلامه : تعاااااااااال خلاص ما بنام . . منصور بضيج : خليني اروح . . سلامه بدلع : لا ترؤوح . . “ cut” . . . |
| الساعة الآن 10:29 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir