|
البارت الثاني عشر قام ذياب من مكانه و لا قال و لا كلمة .... و دخل الغرفة .. وقفت و روحت صوبه و انا متساندة عالباب: ليش ما جاوبتني؟ ذياب و هو يفصخ كندورته: يوم بتهدين برمسج دخل الحمام عزكم الله و انا شليت المكياج من ويهي و افج التسريحة و اتذكرت: شششششت نسيت اصلي العشا و بعد ما طلع ذياب من الحمام عزكم الله دخلته ع طول و توظيت و عقبها طلعت ... لبست شيلة الصلاة و كان يطالعني و فرشت السيادة ذياب مستغرب: توج بتصليين؟ قلتله : هييه و سكت عنه وبدت اصلي و عقب ما خلصت ... تسبحت ..و لبست بيجامة حرير أسود قميص و بنطلون طلعت من غرفة التبديل و اطالعت ذياب اللي كان يطالع السقف و سرحااااان .. سألته: وييين القى بطانية ؟؟ انتبه عليه و قال: لييش؟ قلتله: لاني ابا ارقد ع الكنبة ذياب عطاني ظهره و قال: ارقدي الليلة ع الشبرية ما باكلج و باجر يصير خير قلتله:شو قصدك باجر يصير خير؟ ذياب:باجر بننشر بوظبي يلست عالشبرية الجهة اللي ارقد فيها:نحن وين بنسكن؟ اطالعني و سأل: ليش؟ قلتله: لانه ربيعتيه ساكنة فـ مكان و انا بجوف مكانا بعيد عنها و الا؟ ذياب: نحن في فندق ..... قلت بوناسة: يااااااااي يعني فـ نفس الفندق اللي ساكنة فيه ذياب: استانستي؟ قلت باستغراب: واااااايد ذياب: هذا اللي اباه اباج تكونين مستانسة اتذكرت ميروه لما قالت لي انه ذياب عزمهم: صح انته عزمت حامد و اخته؟ ذياب: هييه... شدراج؟ قلت بابتسامة:مشكووور صدق فرحتنيه .. هي اللي قالتلي ذياب ابتسم: قلتها مرة و بقولها الحين .. اباج تكونين مستانسة اليازية:يعني انته تدري انهم هم هناك ساكنين عسبت جي بنسكن هناك ذياب: هيه يوم انه عادي آخذ و اعطي عنده بكلمه عن جامعتي قلتله بتردد: ذياب .. امممم... عن الجامعة انا ادرس فـ جامعة الامارات لي شهرين من شهر9 الين آخر شهر 11 .. و أخذت اجازة عسبت العرس اللي فـ شهر 12 و انا ابا اكمل .. مب وايد طافني الا اسبوع ... الاحد ابا اداوم ذياب قعد.. و قال باهتمام: بس انا شغلي فابوظبي ..ليش ما استأذنتي مني قبل ما تسجلين فالجامعة؟ قلت بخوف: لانه ما عندي رقمك و لا ادري انه شغلك فابوظبي ذياب: حتى ولو .. لو خبرتي نهيان جان خبرني.. اليازية: اللي صار صار .. و الحل؟ ذياب: توقفين .. و بسجلج فـ جامعة ابوظبي قلتله بعناد: ادري لازم اقولك انشالله .. بس هذا قرار يحدد مصيري .. مصيري انا .. و أنا ابا ادرس فـ جامعة الامارات ذياب بخقة : و بما اني انا المسؤول عنج .. فلازم تمشين ع شوري قلتله: حرااااام عليييك ذياب: ليش انتي ما تفكرين ..الدوام عندج من الاحد لين الخميس و أحيانا الاربعاء.. و انا نفس الشي يعني ما بجوفج غير فالويكند قلتله بطنازة: يعني وااايد ميت ع شوفتي؟ ذياب: و الناس شو بتقول؟ قلت: و انا شـ علي من الناس... انا تهمني مصلحتي .. و مصلحتي اني ادرس في جامعة الامارات .. اللي كل معترف فييها و الكل يمدحها و يمدح دراستها .... معترف فيها عالميا... الحين انته مسؤول عني بس بعدين بنطلق و عقب بـشو بتفيدني ؟ منو بيسكن عندي فابوظبي ؟ مو بيوديني هناااك؟ ذياب عصبية : بتطلقني و بتطلقني .. منووووو قال اني بطلقج؟؟؟ انا ما تزوجتج عسب اطلقج قلتله:عيل لييش متزوجني؟؟ سكككت ذيااااب و لا رمس.. انسدح و تلحف باللحاف و رقد قهرررني برووده.. شغلت الابجورة .. و رحت بندت الليت و رديت الشبرية و بندت الابجورة و عقبها رقدت عقب ما شيكت ع البي البي ذياب: يزويتي يلا نشي و انا اتجلب مضايقة لانه بيوعيني ذياب: حبيبي يلا ورانا خط نشيت بكسل و انا احج عيوني: هممممم ذياب:ههههههه يا لبى قلبي على الكسولين أنا ... ما اروم ابتسمت فويهه و قلت: يالله صبااح خير... تسب قرب مني ذياب و باسني ع خدي: فديييييييييتج انا منو يروم يسبج انتي؟ اليازية بدلع: انته ذياب: ههه حبيبي ما يسبك الا اللي يحبك اليازية: حبيبي اتحبني؟ قرب مني اكثر و سحبني بعد صوبه ... حيث اني كنا متلاصقين فـبعض . ويه بـويه .. ذياب: عمري متى الالبوم بيطلع؟ قلتله و انا ميتة احرااج:ليييش هالسؤاال؟ ذياب بخبث: لانه اليوم بيطلع قلتله باحرراااج:طبه شو تباابه؟ ذياب: مليت شكلج من دون ميك اب ابا استرجع ليلة عرسنا ضربته ع جتفه بالخفيف: حماااااااااااااااااااااار ذياب انسدح ع ظهره و هو يضحك:هههههههههههههه اشرلي بانه تعالي ارقدي فـ حضني اليازية بعنااد: مابا ذياب بوز:افااااا تردين حبيبج انتي ترومين اصلا قربت منه و حطيت راسي ع صدره و انا طااايرة من الوناسة: حشاااا ما اروووم حاوطني بايده و قال بحنان: اباج جي طوووول العممر اليازية: ذياااااب.. قاطعني و هو يحط صبعه ع شفايفي: لا تقولين ذياب.. قولي حبيبي حياتي عمري اي شي ابتسمت له و قلت: حياااتي انته تحبني؟؟! ذياب و هو يحركني: الياااااااازية ..يلااااااا نشي عاااااد ... فزيت من رقادي مرة وحدة و انا اطالعه .... يعني اللي من شوي حللللم ... لا يحبني ولا شي... اساسا حلم ابليس في الجنة انه ذياب يحبج ... نزلت دمعة مني.. مسحتها على طول ذياب: و شو لزمة الدموع الحين؟ صديت عنه الصوب الثاني..و سألته:لييييش موعنيه؟ ذياب:صلاة و الا ما تبين اتصلين؟ سألته: انته صليت؟ ذياب: هيه توني راد .. وعيتج قبل ما اسير و الحين .. يلا صلي الفير قمت من ع الشبرية و مشيت صوب الحمام عزكم الله و انا اقول: انشاااالله دخلت الحمام أكرمكم الله ... و قعد ع طرف البانيو و نا اتذكر اشيا بسيطة من الحلم ..... كان يقولي كلاااام حلو وااايد ...كان محسسني انه يحبني و يموت فيني آآآآهـ يا ذياب ليتك انته اللي كنت بالحلم الحييين .. يالييييييت وقفت و بديت اتوظأ و عقب ظهرت صليت و رديت ارقد ع الصبح تجلبت يمين و يساار ... نشيت و قعدت ع السريرو أنا احج عيني...لفيت جهة ذيااااب اوووف هذا وينه الحين توجهت للحمام عزكم الله و اتسبحت .. طلعت و انا لابسة رووب..اخترت أي ششي البسه ... مغربي خفيف باللون الازرق .. توجهت للتسريحة و نشفت شعري .. و مشطته .. و عقب حطيت بودة خفيفة و بلاشر وردي و قلوس وردي ..و آي شدو ازرق و كحل أزق و ماسكرا لبست ذهب فرفشة و لبست الدبلة .. امححق دبلة الا طاري محطوطة فايدي .. و الا نحن ما يربطنا شي >هههه.... لا بس كانت جد حلوة و نعومة اخذت البي البي و شيكت عليه اذا في مسجات او برودكاست ... جفت اللسته .. ميروه (رقااااد تاااايم) و سلامة و حمدة (شوبينق تااايم) هذيلا الثنتين ما يوزن عن بعض .. دوم ويا بعض الله لا يفرقهن طلعت برع الغرفة و جفت ذياب يالس يلعب بالبي البي ماله .. و فايده كوب .. قلت بابتسامة: صبااح الخير انتبه لي و رفع راسه و قال: صباااح النور ... ووقف و سألته: ع وين؟؟ ذياب باستغراب: شو ما جهزتي اغراضج و اغراضي؟ اغراضي! قلت:ليييش؟ ذياب:ورايه شغل يلا هبابنا نوصل. قلت:ذياااب وضحلي ويين بنسير؟ و ليييش؟ و بعدين اليوم اليمعة ما شي شغل اجازات ذياب: أووووف يلا يوم اقول كلمة تتنفذ من دون اسئلة ..رتبي اغراضج و اغراضي دخلت الغرفة انا اقول: اغراضك عب مرتبتنها خل احد غيري يرتبها و دخلت و دخل ورايه متساند ع الباب: خيييييير حرمي المصوون عدت كلامي: اغراضك هب مرتبتنها قرب مني و مسكني من ايدي بقوو.. و قااااال بعصبية : خييييييييييييير ماااااااا سمعت قلت بخوف: تبا تضربني.... قرب مني و قاطعني: هيييييه و اباااااج تخبرييين نهيااااااان اوكييي ضربته ع جتفه بالقوووووو و قلت: انا ورا باااجر دوامي ما بسير عندكـ ذياب عصبية : انا قلت رمستي البارحة و مب مستعد اعيدها .. دراااااسة هني لااااء قلتله بجذب: انزييين برتب الاغراض و باجر نرجع ذياب ابتسم: اوكي ... انا طالع عندي شغلة و راد ابتسمت: اوكي طلع عني .. أول ما طلع طلعت شنة متوسطة الحجم و حطيت فيها اغراضي بس بعد ما خلصت .. اتصلت بنهيان نهيان:هلا و الله بالقاطعة قلت و انا زعلانة منه من الخاااطر: ممكن خدمة؟ نهيان شكله حس اني زعلامة منه: حتى اشحالك ماشي؟ اليازية: نهيااان ممكن خدمة؟ نهيان: اكييد آمري قلت بتردد:تعال البيت هني ..و ابا اسير مشوار نهيان: أنا فالبيت .. في أي مكان انتي؟ قلت بفرحة: انته هنيييي وييييت بطلع لك الصالة نهيان: انا هب فالصالة .. فـ غرفتيه .. ذياب يا عندج؟ قلت بيأس: يالحمااااااااااااار انا في بيت ذياب نهيان: أهاااااا قولي جي اونه فالبيت .. حماارة و حدة .. وريلج وينه ما يوصلج هالمشوار؟ قلت: نهياااان يعني بتذلني ... تعال و عقب بخبرك نهيان: اوك اعطيني خمس دقايق بسس اليازية: لا تسوي هرن نهيان: من عيوني .. أول ما اوصل بتصل بج اوكي قلت: اوكي لبست عبايتي و حطيت الشيلة ع راسي .. و شليت الشنطة ..طلعت من القسم و أنا ادعي ربي انه محد يجوفني .. طلعت من الباب الخلفي ... و رحت صوب مكان التلة ... بس جفت راااشد هنااك يرمس فوون.. اوووف .. الحين شوها اكيد لو جافني بيقول لذياب.. امممم صبر بتريا نهيان و من اتأكد انه نهيان وصل بتطلع انتظرت و انتظرت لييييين ما رن فوني و كان المتصل نهيااان ... الحمدلله .. رديت عليه: يالله يايه و سكر فويهي ... خطفت مكان التلة بس زقرني راشد راشد: اليازية وين؟ قلتله: مااا يخصك راشد: ادري ما يخصني .. بس ذياب موجود ما انصحج اطلعين اطالعته: جذااااب هو قال بيظهر قرب مني راشد .. بس كانت مبينا مسافة كبيرة متر مترين .. راشد: تراكم بتسيرون بوظبي ع وين ؟ قلت: ادري ... و بعدين انته ما يخصك وين بظهر .. و قلت لذياب و الا لا ما يخصك بعد راشد: خيييبة .. بس اناا حذرج من ذياب لو عرف ما بيصير خير قلت: و انا ما اباه يصير خير و مشيت عنه بس سمعته يقول: الله يهداكم هو شدراه بحياتنا كييف .. لا يكون ذياب قاله شي ... عادي حتى انا خبرت نهيان و ميروه .. وصلت عند سيارة نهيان بطلت الباب و يلست: السلام عليكم نهيان: وعليكم السلام ..خشمج ما رديت عليه لاني صدددق زعلانة منه ... نهيان طنش الموضوع و قال: امممم ضربج؟ قلت : ما يخصك مشاكلنا الشخصية بيني و بين ريلي نهيان: شاطرة جي اباج بعد هدوء صارله ثواني بسيطة ... رن فون نهيان نهيان: مرحبتين ... بخير و سهالة و من صوبك؟..... هي نعم .. ليش هو هب عندك .. ما يحتاي هذي عندي اطالعته : منو يسأل عني؟ نهيان و هو يعطيني الفون: ها عندج ردي خذت الفون و انا اطالع اسمه فالشاشة >ذياب< اكييييد راااشد قاله قلت بتردد و خوف: ألو ذياب:الحمارة انا ما قلتلج ما تجهزين الاغراض لانه عنديه شغل اليازية:........... ذياب: هيين هين ياليزوي دواج عندي .. بس خليني ارد من بوظبي و بند فويهي عطيت نهيان الفون و هو يطالعني مستغرب: هو ما عنده رقمج؟ قلت بعصبية : ليييييييش نحن متزوجييين يعني؟ نهيان رد اطلع الدري و هو ساكت سألته: نهيان .. تدري ليش ذياب يعاملني جي؟ نهيان: و أنا شدراني؟ قلتله: ربييييعك و يقولك اكييييد نهيان: اذا تبين تسألين احد اساليه او اسالي رااااشد هم بيفيدونج قلت له: و انته؟ نهيان: ربيعهم بس نحن ما نقول اسرارنا لمليون مثلكن سكت عنه .. ادريبه يقصدني ...وصلنا البيت و ع طول نزلت .. دخلت البيت محد كان هناك غير امايه .. سلمت عليها امايه: بنتي شو ها اللي شالتنه فايدج؟ اطالعت الشنطة: امايه هذي شنطتيه بسكن عندكم كم من يوم لانه ذياب فابوظبي امايه: و لييش ما رحتي عنده؟ قلت بتوتر: امايه بس جي ... يعني ما تبوني بتصلبه يرد يشلني امايه: انا ما قلت جي... العين اوسعلج من المكان .. بس بعدكم ما كملتو شهر كلن يبات فبقعة قلت : امااااااااايه .. امايه: هههههه تعالي يلسي اتريقي قلت : هيييه والله محتاجه اتريق ...اخترب قانوني امايه: شـ قايل؟ قلت: انتي قولي اول ما انزل تحت شسوي؟ امايه: ههه تاكلين ين ما تنطرين قلت: بسم الله عليه .. المهم و آكل و عقب اسولف صح؟ امايه: هيه قلت: الحين اسولف و عقب آكل ... بيضعفوني امايه: ههههههههه اسميج انتي سوالف ... خلي عنج هالرمسة .. و قولي اخبارج انتي و ريلج؟ كنت آكل كرواسون .. و من يابت اميه الطاري غصيت : كح كح كح امايه يابت لي ماي و هي تدبسني من ورا: بسم الله الرحمن الرحيم عليج .. اميه بلاج؟ بعد ما ارتحت قلت: و لا شي ... اميه لا ترمسونيه و انا اكل امايه: بسم الله روعتينيه ... الله يقطع ابليسج .. اكلي و شبعي ما يرزالنا هالسؤال اللي سألناه و بعد ما اكلت و شبعت >بالعافية على قلبي خخ< ق جفت امايه كاشخة جنها الا بتطلع: اماااااايه ع ويييين ؟ امايه: انتي متى بتعقليييين ؟؟؟؟؟؟؟... بسير بيتج بتخاويني؟بسلم على يدتهم لااااااااااااااا و الله انا شاااااااردة و تبين اسير للموووت بريولي هاهاهاهاها: لا هب سايرة امايه: منو بيلس عندج فالبيت يلا قلت: مابا .. مب اول مرة ايلس في البيت اروحي.. انتي توكلي ميوه بتيني امايه: اللي يريحج و طلعت من البيت انا انا فـ عطول مسكت فوني و اتصلت بـ ميوه ميوه: ألــو اليازية: ألويين .. الحمارة عند ريلج صح؟ ميوه: و انتي شعليج حاطة دوبج من دوبه اليازية: و انتي شو خصج كيييفييي ... يلا تعالي البيت ميوه: مينونة انتي و الا مينونة ..تراني البارحة عندج .. انفردتي بميروه و نسيتينا اليازية: يالحمارة يالهبلة ... في بيييييييتنا بيت ابويه امايه نهيان انتي انا .... فهمتيييييي ميوه: صمختي اذني يالسبااااااالة .. يلا يايه فااااارجي اليازية: اوييييييه بسرقج من روميو ميوه: انا ما اقول غير الله يعين حبيب قلبج> و بندت فويهيي حبيب قلبي!!>و مسحت دمعة نزلت بسرعة < آآهـ و لا داري عني حتى... ما يفتكر فيني و لا يحس فيني .. صرت جسد بلا روح .. آآه يا ذياب لو ما تزوجت .. كنت خليتك مثل ما كنت في خيالي انسااااااان محد يقدر يطوله .... عااااايش في قصر قلبي .... انساااااااان محد يقدر يكون مثله ... انسااااان مالهـ شبيه.... لكن !!!!! ... لكن انته ياااا ذياااب مدري شو من قلب فييييك ....آآآآآآآه >و تنهدت تنهيدة من الخااااااطر تقطع القلب ممزوجة بدموع ألم و حزن و أسى< بعد دقايق دخل نهيان ...و قعد على الكنبة و يلعب بـ فونه قرب منه و يلست عداله اليازية: نهيااان نهيان و هو لازال يطالع فونه: همممم اليازية: انته ضايف ذياب فاللستة عندك؟ نهيان: هييه اليازية: عطني البن ماله نهيان: ليش؟ اليازية: عطني انته أول و بعدين بخبرك لييش نهيان: عطيني البي البي مالج عطيته و بدى يتعبث بـ فونه اليازية: نهيااااااااان انته فاتح اللستة مالتي ... ما تضيفه نهيان: انزيييين بضيفه و عقب دقيقتين رد لي البي البي.. نهيان سألني: يلا قولي لييش؟ قلت بجذب تقريبا:ماشي كنت ابا اضيفه عندي فقالي اتحداج تيبينه ... فـ قبلت التحدي و هذا انا غلبته نهيان: هههههههه اسميكم انتم حركاااااات ابتسمت فويهه و قال: بس بعدج ليين الحين انتي معلقة قلتله بطنازة و انا اقصد نفسي: لا متزوجة و لا مطلقة هع نهيان: هعين يلا باااي قلتله: وييييييين؟ نهيان: مب فاضي لج .. و طلع .. اما انا فـ كنت ارمس اللي عندي و ميروه لين الحين ما غيرت عن رقاااد تايم بعد خمس .. انتبهت ع وحده نك نيمها >At3bni 7bi< اتعبني حبي ..... أول مرة اشوفها ... كلمتها >ro7i fdak< انا : هلا بعد فترة At3bni 7bi: أهلين ro7i fdak: منو؟ At3bni 7bi: انته اللي ضايفني؟ انته!! معقولة ريال .. لا و انا ضايفتنه متى ؟؟؟؟؟؟؟ ro7i fdak:منووو؟ At3bni 7bi:اقول شكلك انته فايج امححححق شو هالاسلوب ro7i fdak: انزين انتي قولي باسمج و بعدين انا بقول At3bni 7bi:أولا انا ريال ريال!!!!!!!!! اووووووبس لو دراااااابي ذيااااااااااب بيذبحني !!! ro7i fdak: سوري انا ما ضفتك و بعدين باااي بسوي لك دليت At3bni 7bi: انتي بنت؟؟؟؟ ro7i fdak: هيه .. باااي At3bni 7bi: اممممممممم ro7i fdak: خير في شي؟ At3bni 7bi: متأكدة انج انتي مب ضايفتني؟ ro7i fdak: أكيييد .. و بعدين لو بضيف ما بضيف ريااال At3bni 7bi: اها ro7i fdak: شو اها؟ At3bni 7bi: انزين قولي اسمج؟ ro7i fdak: سوووري ما عندي هالسوالف .. و الحييين بااااي At3bni 7bi: ههههههههه ro7i fdak: ليييش تضحك؟ At3bni 7bi: متأكدة انج بتسوين لي دليييت ؟؟ انا اعرف هالحركات ترا ro7i fdak: آي حركاااات ... الحمدلله انا انسانة متربية ولا و ازيدك من الشعر بيت متزوجة بعد At3bni 7bi: يحليله ريلج .. ما يدري بخيانج .. اتضيفين شباب مني و مناك ro7i fdak: هييييييييه انته احترم نفسك : At3bni 7biلا و الله انتي مب ملاحظة انج لين الحين ترمسيني ...و لا بعد انتي اللي ضايفتني ro7i fdak: حيوااااااان انته تدري ... و الحين بتشوف الدليت ع أصوله At3bni 7bi: ههههههههههههههه اوك بس البن مالج لين الحين عندي ... يعني اقدر اضيفج متى ما بغيت. و أنا شوي و بصييييييح ... لو درى ذياااااااب بيذبحححني .. ارمس وااااحد غيره شوووو هالبلوة و لا انا اللي ضايفتنه بعد ... ياج الموت يا يزووووي ro7i fdak: بليييييز ... انسى البن مالي و الحين بسويلك دليت ولا من شاف و لامن درى At3bni 7bi: عكيفج انتي تقررين؟ ro7i fdak: دخييييييييلك لو درى ريلي بروووووح فيها At3bni 7bi: بالنفااااااااااااااد انشالله ... أساسا لازم يكسر عظامج كلها ... خيااااانة من وراه ... مسكييين ريلج. ياااااااااربي ... شو هالورطة اللي طحت فيها .... نهيااااااان صحححححح ... ركضت صوب نهيااااان و انا كل شوي ييني PING! أكييييد منه ...دخلت غرفته بسررعة نهيان: و من دووووون استئذااااااااااااان بعد انا و شوي و بصيييح : نهيااااان تعرف هذا بن منو و لا ررمسه حمااااااااااار قسسسسم بالله نهيان جاااااف البن و انطر من الضحك : هههههههههههههههههههههههههههههههههههههههههههههههههه هههههههههههههههههههههههه و انا بعدني بخووووفي: يالحماااااااااار قولي منو؟؟؟؟؟ نهيان: ههههههه ريلج هههههههه <و يأشر بيده بمعني روحي< روووووووحي رمسيه ههههههه روحت عنه و أنا مقهووووووووووورة منه... يلست ع الكنبة اللي بالصالة فوق و بديت ارمسه بعد ما شفت البنقات المصففهن لي ro7i fdak: حماااااااااااااااااااااااااار وااااااااحد At3bni 7bi: الحمااااااااااااااااااااار ريلج اللي ما يدري ع ضياعج ro7i fdak: و الله مب ضااااااايعة اللي ترمس ريلها هع At3bni 7bi: شووو قصدج؟ ro7i fdak: ذيوووووووب يبت البن مااالك فزت عليك بالتحدي At3bni 7bi: يزووووووووووووي الخاااااااااااامة ... و هذا اللي فوق كان مقلب كنت ابا اقوله لا .. بس مسحتها بسرعة ... من لديه حيلة فاليحتال بها... لو دري بيذبحني ro7i fdak: هيييييييه ... تعيييييش و تاااااكل غيررها At3bni 7bi: دواااااااج عندي الخااااايسة .. و تعالي لييييييييش شردتي هاااااااااا ro7i fdak: كييييييييييييفييي يوم اقولك مابا اسير ويااااك بوظبي احترم قراري At3bni 7bi: امحق قراااااااااار فذمتيه .. |
[COLOR=green] البارت الثالث عـــــشــــــر بعد ما رمسته .. قال انه مشغووول .. و بعدها يت ميوووه .. بعد ما سلمنا ع بعض يلسنا نسولف اليازية: منو يايبنج؟ ميوه بغياض:ريلللللللي حبيبي .. ما يخليني اروح الروحي سويتلها مالت: حبيبتي هب عشان سواد عيونج .. عشان اللي في بطنج ميوه:جب جب اساسا انتي حمقانة انه ريلي يحبني اليازية: عااااااد حب ميوه و خلوف ميوه: ما علينا بعد شوي خلوفتي بي و بيتفاهم وياااج .. انتي لييش هني؟ اليازية: يا حمارة بيت هلي ميوه: حبيب القلب وييين؟ اليازية: فـ بوظبي ... و أنا بسكن هني عسبت الجامعة خليفة من ورا الباب: هوووود هووووود ميوه قامت اونها عسب تستقبله: هداا هدااا... محد هني حيااكـ صرخت: لاااااوالله و أنا هب تارسة عينج؟؟؟؟ خليفة دخل: السلااام عليكمـ أنا + ميوه: و عليكم السلام خليفة: انتي لييييش تناغقين من الصبح اليازية: جب جب انته اول سكت حرمتك حمااااارة وحدة خليفة و هو ساير يقعد: لااا حووول ... انا ابا اعرف انتن كيف كنتن عايشات ويا بعض اليازية: هذا و لا شي .. عااد لو نهيان هني و نجتمع امايه و ابويه يشردون برع البيت الكل: هههههههههههههه خليفة : ميا ليش واقفة تعالي يلسي > و يأشرلها تيلس عداله اليازية: ع كيفك اهو .. خيلو انا موجودة ميووه: قال بيبوسني هااااا .. قال بس يلسي عدالي ... سيري لحبيب القلب هناااااك خليفة : ههههههههه اسميكن انتن .. اليازية: الحمااااااارة دووووم اسممعج اتقولييين حبيب القلب لا يكووون بس تبينه؟؟ ميوه: فديييتج لا اباه و لا شياته عندي ريلي > و ترقص حواجبها .. و تسير تيلس عدال ريلها اليازية: أساسا مدري كيييف نزلت مستوايه لمستواكم اوووف خليفة: ههههههه علموج الـ....... اليازية: اييييه لا تسبهم عاد انتو قوم الـ........... ميوه: اييه انتي و انته صخو بتسوين عقب ثورات طائفية اليازية: عاااد انتي بكرشتج مرة هني و مرة هناك الكل:ههههههههههههه اليازية : و تعال انته بعد.... هم مب خقاقين تفههم ميوه: اذا هم هب خقاقين عيل منو الخقاق! خليفة : صدقتي .. عاد معروفين كل واحد رافع خشمه و خاصة راشد و ابوه و ذياب .. عاد هذيلا معدين صددددددددددقه رااااااشد و ذيااااااب خقاقين رقم وااااحد بس بو راششد لا اليازية: جب جب اساسا انتو حمقانين قولو ما بخبر ميوه: عـ شو بسس.... خليفة عـ شو هم خقاقين؟ خليفة : افضل السكووووت اليازية: لاااااااااااااااا جاااااااااااااااوب خليفة:ههههههههه اخااف تنصدمين اليازية باصرار: لااااا ما بنصدم .. قوووووووول خليفة : عـ بيزاتهم جتفت ايديني: و عـ شو انصدم هاااااا ميوه: ترااااا ما يطلعون بيزاتهم اليازية .. عكيفهم يلفقون:فديتكم مصادركم خاااطئة انا متعاملة عندهم و خااصة ذياااب .. ماااا يقصر بيزات اول بأول .. و ميوووه اون ما يطلعونهم .. ما جفتي الحفلة اللي مسوينها ليييي ... لا تيلسون اتلفقوون من عندكم خليفة + ميوه:هههههههههههههههههههههههههههههههههههههه اليازية باستغراب: بلا كم تناقعتم ضحك؟ خليفة : تعيشين هههه و تاكلين غيرها هههههههههههه وقفت و قلت بعصبية : صددق انكم حمييييير و خمام و سبلان و ما تستاهلون حد يعزمكم خليفة وقف: هههههههه ترا هذي فكرة ميوه تبا تعرف غلاتهم عندج . هههههه يلا فداعة الله عندي شغل و روح... عاد ياك الموت يا تارك الصلاة براويج يا ميوه خذتلها ميوه كم هزبة من المحترمات ...و عقب يلسنا نتطالع التيلفزيون ... بعد ثواني بسيييطة ... انصددددددمت من سؤال ميوه ميوه بجدية:يزوي انتي مرتاحة مع ذياب؟ انصدم من سؤالها:لييش؟ ميوه: ما ادري بس احسسج مب انتي اليازية اللي اعرفها... تضحكين من دون خاطر اليازية: بالعكـس ذيــاب ما يقصر ويايه و هذا أهم شي ميوه: يحبج؟؟ هه يحبني اونه .. لو تدرين يا ميوه انه قلبه مع وحدة غيري و ما كفاه هذا الخيانة مبدأه اليازية: الحب يي بعدين .. بلاج انتي عبالج الكل عايش قصتج انتي و خلوف ميوه براحة: يالله يا خلوووف يوم اكون عندهـ انسى الكل ابتسمت براحة لاختي: تذكرين يوم كنتي تقولين مابا احد من العايلة .. ههههه ياج ولد عمج ميوه: هههههههه لا و طلع يحبني فديته من قبل و انا اقلدها: مااااباااا احد من العاااايلة ... عايفتنهم و حافظتنهم .. هم و الرومانسية هب خواااان ميوه:هههههههههه كنت عميا عن خليفة ... طلع هو و الرومانسية توأم اليازية+ميوه:هههههههههههههههه اليازية: الله يسعدكم > و فـخاطري و يحنن قلب ريلي علي بعد دقايق بندت التي في ميوه: ليييش؟؟ اليازية: بلاج ابا اآخذ اخبار بنات العايلة من عندج؟ ميوه: هههههه عن منو تبين؟ اليازية: عوااااش ويين ما تنشاااف .. هي و عيالها؟ ميوه: ههه لاهية ويا البزنس مان ريلها .. تخيلي كل ما يكون عند ريلها شغل برع البلاد يشلهم وياه.. ماشالله اليازية: هههههه الله يديم المحبة .. عاد هي و ريلها و ولدين عندها مب واايد ميوه: هههههه و البشاكير بعد ... و الحين هي حامل اليازية: مااااشالله .. عقب أربع سنين حملت ميوه: تقول مب فايجة للحمال في هييج الفترة ... بسس والله نشتاااااقلها و نشتاق لسوالفها ... حتى انتي يقولن من عرست ما بينت اليازية: خييييييبة أسبووووووع بس ما جافني فيييه .. سونها شهر ميوه: عااااد انتي ع قولتهم ملح اليلسة اليازية: ههههههه انزين الليلة السهرة في بيتج ميوه: لا فديييتج بييتي كله عيال و حشررة و ماشالله الميلس ما يفضى الله يطول فـ عمر عمي ... بنخليه في بيت موزوه ... محد الا هي و عيالها فيه اليازية: أوكي خبريها ... و لا تحلف انا بييب أكل ميوه: بتسيرين بيتكم؟؟ اليازية: و ليييش اسير بيتنا .. فديتج الله يطول فـ عمر امايه بتقول المطبخ يترياااج ميوه: لا يكووووون انتي بتطبخين؟؟؟؟؟؟؟؟؟؟؟؟؟!!! اليازية: هههههه لا دخيلج الحامل بطيح و المريضة بتموت و الصاحية بتمرض ميوه: ههههههههههههه عبالي بعد اليازية: فديييييتج بـتصل بـ ميثوه و بقولهن يطرشن بشكارتهم اللي تعرف تطبخ و هي بتطبخ ميوه: عيييييييييب اليازية: لا عيب و لا هم يحزنون ... بيتي بعد ميوه: حماااااررة لو درت امايه بتعصب اليازية: لااااا و الله لو سألني منو طبخ هذا .. اقولهن بشكارة امايه لا حبيبتي .. خليني احس اني معرسة ميوه: كيييفج بس امايه لا تدري بتعصب.... و عزمي ميثوه و اختها اليازية: لا ما بياخذن راحتهن و لا هناك بياخذن راحتهن ميوه: عن المصاخة يلا و اعزمينهن ... المهم عزمتيهن . ين و الا ما ين المهم عزمتيهن اليازية: صدقج بتصل بهن و اتصلت بميثوه عسب اتطرش بشكارتهم و عزمتها و عقب سكرت ميوه: هاا شو قالت؟ اليازية: قلتلج ما بطيع .. ميوه: الموهيم عزمتيهن اليازية: هيه و الله .. و الحين بتي البشكارة ميوه: شو بتسوين؟ اليازية: محشي ورق عنب >ابااااا اهئ< و كرواسون و بيتزا و بس ميوه: اوك عيل انا بسوي معجنات و كيك اليازية: اوكي و لا تنسين تخبرينهن .. و اذا ما قدرت موزوه تخليه في بيتها .. فـ بيتنا هني بنسويه ميوه: أوك ... الحين بتصل لخليفة و عقب بتصل بموزة اليازية: اللي يريحج ... انا بسير المطبخ و مشيت عنها .. و بويهي للمطبخ .. و أفكر هل اخبر ذياب و الا لا؟؟... اكيد ما بيطيع .. امممم شالحل طرشتله بينقات لين ماارد At3bni 7bi: خيييييييييييير؟؟؟؟؟؟؟؟ ro7i fdak: اممممم بقولك شي At3bni 7bi: غردي عفانيه الله شوووو هالاسلوب ... لو انا وحدة غييير جااان رمسني بطريقة ثانية ro7i fdak: امايه تباني اسير صوب بييت بنت عمي و نا مابا At3bni 7bi: و يعني؟ ro7i fdak: عطنيه حل At3bni 7bi: قوليلها بسير بيتنا امحححححق حل فـذمتيه ... انا عبالي بيغصبنيه ro7i fdak: و الا اقولك مابا اكسر بخاطر امايه .. عادي اسير؟ At3bni 7bi: لا ro7i fdak: ليييييييييييييييش دخيييييييييلك؟ At3bni 7bi: انا ادري انج تبيني اوافق بس لااااااااا خيييييييييييييييييييييبة شدرااااااااهـ؟؟؟؟؟؟؟!!! ro7i fdak: عاااااادي ما بسيييييير At3bni 7bi: شاااااااطرة ro7i fdak: انته ويين؟ At3bni 7bi: يااااي العيييييييييين شووووووووووووووووووووووو خيييييييييييبة شقا بسير و هو راد العين اووووووف شهالبلوة؟ ro7i fdak: بلييييييييز ذياااااااب خلني اسيييييييير ... فضييييحة عازماتني و من زمان انا ماشفتنهن At3bni 7bi: بشرررط ro7i fdak: اللي هوو؟ At3bni 7bi: باااجر اتييين بوظبي ro7i fdak: لااااااااااا مستحيييل ما اقدر ... و الله حرااااام علييييك ... خاطري بس مرة تقول هيه At3bni 7bi: انزيين متى بتسيرين؟ ro7i fdak: بعد صلاة المغرب At3bni 7bi: انزين ع الساعة 10 ترديين ro7i fdak: ويييين ارد؟ At3bni 7bi: بيتكم .. لاني هب ياي العين ro7i fdak: انته قلت انك راد At3bni 7bi: كنت امزح .. تسمعين 10 و تردين و اقدر اعرف اذا رديتي و الا لا ro7i fdak: مشكووووووووووووور معروووووف ماااااراح انساااااااه At3bni 7bi: هبلللة يلا بااااااي و ما رديييت عليه .... يت بشكارة قوم ذياب و رمستها عن اللي اباها اتسويه و طرشت الدريول ييب الاغراض الناقصة من الجمعية .. اذن الظهر .. و صليت و عقبها نزلت تحت ابويه: يااااا مرحباااا بالقاااطعة سلمت ع ابويه و قلت: مرحبتييين ... يوم اني قاطعة بعوضكم باسبووع بيلس هني نهيان: خييير اختي ؟؟؟؟ ما رديت عليه لاني لييين الحين شايلة فخاطري عليييه .... ابويه يدارك الامر مع انه مش فاهم شي: ليش بنتي ريلج وين؟ قلت بدون اهتمام و انا اطالع نهيان:فابوظبي و انا ورا باجر عنديه دواام نهيان: وذياب راضي؟ ابويه: اكييد راضي و الا ما خلى اختك اتيي اكتفى نهيان بالسكوت و عقبها يت امايه و البشكارة يجهزن الغدا و ساعدتها .. و عقبها اتغدينا بعد الغدا امايه و ابويه سارو يرقدون و انا و نهيان باقين فالصالة و نشرب جاهي أحمر نهيان و هو يشرب الجاهي: مااايدري صح ؟؟ عسب جي قلتيلي تعال و عقب بخبرك .. و لا بعد لا تسوي هرن قلت و انا اطالع كوب الجاهي مالي : ما يخصك فـ مشاكلنا الشخصية نهيان: مب زيين اللي تسوينه ..بيصبر و بيصبر و عقب بيمل قلت و عيوني فيهن دمووووع: انته لييييييش وااااااقف عندهـ .. لانه ربيعك و تحبه و ما تحبني ... الحين يوم طلعت من دون شوووره عصبت .. و يوم كاااان يضربني عاااااااااادي نهياان: منوووووو قالج عاااادي ... يزوووي انتي اختي و كرامتج من كرامتيه .. و ذياب وعدني انه ما يعييدها .. عسب جي كل شوي اسألج اذا ضربج و الا لا ما قدرت اتحمل رمسة نهياان و صحححت ... معقولة نهيااان كان مخدوع بذياب ... معقولة وعده و خلف بوعده .. و أنا البقرة شايلة بخاطري علييييه و هو ماله ذنننب .. آآخ منك يا ذياب دخلت حياتنا و فرقت بيني وبين اخووووووي نهيان: ليييش تصيحين ؟؟؟ خبريني اذا ضربج .. صدقيييني بااااخذ حققج منه غصصصصب قلت و انا اشاهق: لااا .. بس متلومة منك نهيان ابتسم: و انتي ع كل شي اتصيحين الله يهداج .. نشي غسلي ويهج و انخمدي .. من الصبح ما رقدتي قلت و انا امسسح دموووعي: ههههه انزين يالحمار نهيان:بصفعج قلت: ههههههههه بخبر ابويه نهيان: و انتي مشتغلة مخابرااات ماشالله وقفت: يلا بسيير ارقد ... صح بعد المغرب لا تروح مكاااان اباك اتوصلني بيت موزوه بنت عمي نهيان: اوكي يالحمارة روحت عنه .. متعودين كل وااااحد يسب الثاااااني عااااااادي هههه دخلت غرفتي .. و كالعادة توجهت صوووب الدريشة .. و تساندت ع اليدار و جفت ايديني .. و انا اطالع بيتنا هه مررت علي ذكرى سرييعة من أول ما تزوجت ليين الحين و قارنتها بين افكاري أول و الحيين .. و عقب تعبت من التفكير و رقدت بكندورتيه فتحت عيوني شوي شوي .. قعدت و انا ارتب شعري المتناثر حولي .. شفت الساعة أووف 4 و نص .. نشيت و رحت صوب الحمام عزكم الله و توظيت و عقب طلعت و صليت .. فتحت الشنطة .. اطالع شوو بلبس .. طلعت منها جلابية لونها رصاصي و ثقيلة و حلوووة بنفس الوقت .. شليتها ويايه و نزلت تحت .. عسب اخلي البشكارة تكويها ... عطيتها البشكارة و اطالعت الترتيبات في المطبخ فناااااانة يا ناااس بشكارة قوم ذيااااب ... هي جهزت كل شي شكلها متعودة .. رديت الصالة و لاقيت امايه امايه و هي تشرب قهوة: شـعندج تحوسين هني و هناك؟؟؟ يلست و انا ماليه باااارض لشي: عقب صلاة المغرب بنسير انا و ميوه بيت موزوه بنت عمي .. بتسيرين ويانا؟ امايه: أسييير هناك شسوي .. لا انا بسير بيت أم خليفة .. منو بيوصلج؟ قلت: نهياان .. و دام انتي تبين بيت عمي بنقول لميوه تسير ويانا ع الدرب امايه: زيين عيل بعد ما تفقنا على كل شي تجهزت و طلعت صددددق عروووس مع انه الميك اب خفيف و متناسق و لبست عبايتي .. و ركبنا السيارة كنا مشغلين أغنية ما فيك حيلة لـ فؤاد عبد الواحد > رووووعة امايه: بند ياولديه حراااام نهيان: امايه اذ ما تبين تسمعين سكري اذنج انا و يزوي نبا نسمع .. صح يزوي؟؟ اما انا كنت سرحاااااانة ... سرحاااانة فـ ذياب اللي ما يرمسني في مسن البلاك بيري ! الا اذا انا بديت و رمسته نهيان علّا صوته: يزووووووووي صححح؟ قلت : صح و بعديين سكتناااا و محد رمس الثاني ليين ما وصلنا بيت عمي نزلت امايه امايه: ما تبون تسلمون ع عمكم نهيان: بعدييين انا ربعيه يتريوني يلا بسرعة ... امايه فديتج ازقري ميوه طولي بعمرج امايه: انشالله .. و هالله الله في الدرب لا تسرع نهيان : انشالله و سكرت الباب و راحت قلت بحزن: نهيااان اطالع ورا و هو ساكت .. كملت بنفس نبرة الصوت: تعرف شي عن ذياب؟ نهيان ابتسم: فأي ناحية تبين ؟ قلت: في كل النواحي نهيان:اعرف انه طيب و ما يعيبه الغلط .. >و علّا صوته شوي< وما يحب احد يطلع عن شوره أو يقوله انته غلطااااان قلت: اها > و رديت سندت راسي ع السيت . . و يت ميوه و يلسو يتمصخرون هي و نهيان و يعلقون و كنت اعلق بشكل عادي مب وااايد .. طبعا انا ورا و ميوه قدااام لانها اخذت مكان امايه شوو توقعااااااتكم؟؟؟ شو بيصير في بيت موزة؟؟؟؟؟؟؟؟ و ذيااااااب كيف بيتعامل ويا اليازية يوم كسرت كلامه؟؟؟؟؟؟؟ |
البارت الرابع عـــــشــــــر نزلنا أنا و ميوه بيت موزوه ... دخلنا و سلمنا عليهن .. و بشكارتهن يابت الاكل اللي نحن مسوينهن موزة : يا هلا و الله ميوه + أنا: يا هلا فيج بعد السوالف... ميوه تساسرني: يزووي تعالي اباج دااااخل بسررعة سرنا للصالة الفرعية بعد ما استأذنا سأالتها: بلاج ميوه؟ ميوه بتعب: تعباااااانة .. اتصلي بـنهيان يي يشلني البييت سألتها: و ريلج؟ ميوه: مشغوول دخيييلج اتصلي بــ نهيان اتصلت بنهيان و قلتله انه ميوه تعبانة .. عصب شوي لانه عند ربعه بس قال انه بيي سكرت و قلت: الحيين بيي ميوه: أنا بسير وياهـ انتي يلسي هني و عقب سارت ميوه اما انا يلست حسنة خت خليفة .. خرييش و سوالفها ما فيها مستحى تقريبا>تحشش هع<: هااااا يزوووي نجوف هالريل ماخذج عنا رديت عليه بنفس الاسلوب: ياااا ويلي اناااا.... حاطين دوبكم من دووووبي .. الا اسبوع غبت عنكم .. عيل عواش شو بتقولولها! موزة:عاد عواش حاله ميئوس منها .. اما انتي في أمل حسنة: لا فديتج .. هالريل منسنها .. حتى اسمها اظنيه نااااسيته يوم تكووون عندهـ قلت : ويدييييييه أنا ع ريلييييي ما يخصكم انا و هو ننياز وديمة خت موزة: ههههههههه مرة مستحى ماشي حسنة: لا فدييييتج نحن البناااات ماشي مستحى قلت: هييييييه خلينا المستحى حق الريال حسنة بتحشييييش خااااالص: يزوي حتى نحن نعلمهم شو يسوون فـ ليلتهم لاه كلنا ضحكنا و اللي معرسة طبعاااا بـمستحى : هههههههههههههههههه حسنة: علمتيه انتي يزوووي صح قلت و انا ميته مستحىىىىىى كنت احشش وياها عادي بس مدري متى نزل المستحى فجأة هههه: ههههه يالحمارة عييييييب .. وديمة: الحييينه عيييب هاااااا موزة: جب يلا عياليه هنيي... بعد يسيرون يخبرون ابوهم ... مستوين تسجيل ماشالله علييهم حسنة: يبالهم وسسسم الحميييير موزة: الحمااااااااارة انتي ... صددددددق عيوز قلت بطنازة: لااااااا عيوز بستااااايل بعد وديمة: ع طاري الستايل ... جفتهم الماسكرا اللي من ماكس فاكتور اليديدة رمشت بعيوني: عنديييييي و يلسنا نسولف عن المااااركات و ع السااااااعة 11:15 رديييييييت البييييت ادري انه ذيااااب قالي الساعة عشر بس السوالف ما تخلص و الوقت يربع خخخخخخ أول ما دخلت غرفتيه بدلت ملابسيه ورقدددددددت > نوم العوافي هع مرن 3 أسابيع .. و ذياب عنوانه الصد و الجفاا .. لقائنا ويا بعض يكوووون جااااف و كل واحد فينا يتجنب الثاني ... في ايام الاسبوع انا اكون فالعين عسب الجامعة أماهو فأبوظبي للشغل ... و ما نتلاقى الا في الويكند ... و ارمسه في مسن البلاك بيري اذا بغيييت منه شي او استئذان ... ميوووه ربت و يابت ولد و نص > ههههههه امزح توأم أولاد حلوووووووووين انصصدمت لمــا قالولي انه نهيان خطب .... منو تتوقعون خطب ؟؟؟؟؟؟؟؟؟؟ ... ... ... بعد تحت ..... حمدوووووووووووووه ربيعتي ... صرااااااحة ع كثر ما كنت مستانسة ع كثر ما انا زعلانة ع حال ميروه .. بس لما رمستها بالفووون قااااالت عااااادي و انه حب مراهقة و ما اعرف شووو المووووووهيم >>>> الـــــيـــــــوم بسييييييير بوظبي عند ذياااب لان عنديه اجازة عالاسبووع... طبعاااا من تزوجنا ليييين الحين صار لنا .... شهر >30 يوم > >هع في الفندق > الصالة قاعدة اطالع التي في ع الكنبة اللي ع يسار التي في ... أما ذياب فـ يعابل في ملفات و يالس ع الارض و قدامه الطاولة ... بزنس مان ماشالله هههه ذياب: قصري ع صوت التيلفزيون اليازية: لاببندهـ .. ابا اسير ويا ربيعتيه ذياب : ويين بتسيرين؟ اليازية: قلتلك عند ميرووه ذياب: لا يعني وين بتيلسن؟؟ رديت عليه باستغراب: في شقتها ذياب: اها عيل توكلي استغرربت كييييييف وافق بهالسهولة ....يلا فيه الخير روحت صوب الغرفة و لبست عبايتي و حطيت شيلتي ع راسي ... و حطيت كحل و قلوس وردي و تعطرت و بس طلعت متوجهة صوب الصالة ... اليازية: ذياب انا بطلع ذياب: الرب حافظج طلعت من الشقة و انا مستغربه من موافقته السريعة ... دنياااااا عجيبة دقيت الجرس بعد شوي حرمة اخوها تبطل الباب حرمة حامد > شيخة : خيير اليازية: السلام عليكم شيخة: و عليكم السلام اليازية: ميروه هني؟؟ شيخة : يعني ويين بتكون بغرفتها شووو يعني ما بتدخليني ... بتخليني واقفة؟؟؟ اليازية: اها .. اوك اباها فـــ شي شيخة: وييت بزقرها لج .. لانه ربيعاتيه دااخل اليازية بطنازة: أوك بس أنا هب ريال شيخة: قلت ويييت ... يعني في بيتي و ما اخذ راحتي > و ردت دااخل اووووف هذي كيف متحملتنها ميروووووه ... تقههههههههر من الخااااااااااااطر اتساندت ع اليدار و أنا اتريا ميروه اتشرف .... بعد دقايق يت اليازية: جاااان ما ييتي ميروه اتحرطم: بالله عليكم هاييل ربااااايع .... مدري كيف كل وحدة متحمله الثانية دقيتها ع راسها: اييي ارمسج انا ميروه: شووو تبييين؟؟؟ يلا خلينا ننزل للكوفي اللي تحت قلت بخووف: هبلا .. فالكوفي كلهم ريااااال شقا تبيني اسييير هناااك ميروه عصبت: شووو يعني ؟؟؟ تبينا انيلس هني؟؟؟ لااااا و نقول لله يا محسنييين قلت: ايييه ميروووه بلاج محرجة ...؟؟؟؟؟؟؟ ميروه: تعالي للكوفي و برمسج نزلنا للكوفي و انا كل شوي اطالع حوليي... لا يشوفني ذياب مسولي فلم رعب هـ الـ ذيااااب يلسنا ع الطاولة لشخصين .. ميروه مجابلة البوابة و انا عاطيه البوابة ظهري استرر سألتها: بلاج محرجة؟؟؟ ميروه: خيلنا نطلب شي و عقب برمسج .. شو تشربين ؟؟؟ قلت: مابا ميروه: مب ع كيفج بسير اييبلج قلت: لا دام انه ع ذوقج انا بختار.. ادريبج بتيبين نسكافيه .. هاتي لي كابتشينو ميروه: تماام> و روحت تطلب بعدها بـ دقايق بسيطة رجعت مكانها و فــ ايدها الكوبين .. عطتني الكابتشينو و هي خذت النسكافيه سألتها: يلا قولي؟؟ ميروه: تعرفين واحد اسمه راااشد دوووم ويا ريلج؟؟ رديت عليها باستغراب: هيييه بس لييش؟ ميروه: شو يصير لريلج؟؟ قلت: ولد خاله ميروه: اها ... الحمار .. مرة ييت ادق عليج الجرس عبالي انتي موجودة و ظهرلي هووو .. قالي اونه اقدر اكون لج اليازية و يزوي و اللي تبينها ضحكت : ههههههههه .... هذي العايلة يمووووتووون في البنااااات حشاااااااا ميروه: نرفزني جاااااااااااااان اعطيه طرااااااااااق يعرفه حدوده ويايه انصدمت: خييييييييييييييبة ياااااا قوية انتي ميروه ابتسمت: اعجبج قلت: ميروووه احطها فذمتج ... تحسين بشي تجاااه نهيااان؟؟؟؟ ميروه: و الله ثم و الله ان نهيان شرات اخويه لا أقل و لا أكثربس قتلج مرااهقة كاااانت .. الا لو صدق احبه جااان اشتقتله و لا شرااايج ...؟؟؟..... تراااااااج مجربة الحب ابتسمت بألم و اكتفيت بالسكوووت .. يا غير صوت ميروه نقزني ميروووه: يزوووووي اطاااااااالعي منووووو عند ريلج؟؟؟؟؟؟؟؟؟؟؟؟؟؟؟؟!!!!!!! اطالعت ورا و الا انا منصدددددددددددددددددددددددمة لابعد الحدووووووووووود كان يمشي و عداله وحدة حلوة بس مب واااااااايد >اونه< و ماسكة فايدينها ملفااات مثل اللون اللي كان عند ذياااب ... يعني ماكان يشتغل كان يسوي لها شي ..... حمااااااااااااااااااااااااااار خااااااااااين ميروه: منوووو هاااااي؟ ما عرفت شـ قولها .. بس دبرت جذبة قلت: هذي بنت خالته تهاني حليلها ميروه طالعتني باستغراب: حليلها!!!!!!!! قلت: هييي يا ميروووه لو تدرين بقصتها ... >و أنا تقريبا نص الكلام خريييط< ريلها مب معبرنها و هيي وااااايد طيوووبة و حبووووبة و انا كذا مرة تعاملت وياها و ذيااااب كان دوم وااقف وياها و اكيد الحين بيساعدها فـ شي ميروه > صدمني كلامها: يمكككككن هيي اللي يحبها ذيااااااب صدددددددق ليييش ما فكرت فهالشي قبل ... بس هذي اللي عنده مب تهاني ... هه ريلي ينوع ماشالله غيرت السالفة و سولفنا شوي .... و رديت لشقتي ... دخلت ع طول للغرفة .. طلعت شنطة .. و حطييييييييت فيها كللل اغرااااااضي و ما بدلت عبايتي تميت بها .. شليت الشنطة ويايه الصالة انا انتظر ذيااااب .. غصبن عنه بيردني و الحييييييين بعد ربع ساعة تقريبا رد ذيااااب دخل و هو يطالعني مستغرب .. وقفت و قلت: يلا ردني العين كانت علامات الاستغراب مبينه فويهه: كيييف؟ اليازية بحزن: ماااااااابااااااااااااك ردني بيت هلي ... طلقني ماااااااااااااابااااااااااااااك افهم .. لو حمااااااار فهم قرب مني و مسك ذراعي و رص عليها و قلت: اضرب... اذبحنييي. خاااااايفة منك يعني..... ما همييييتنيييي... خااااااااااين .... خااااااااااااااااااااااين ... نذذذذذذل ... جذاااااااااب .. حقيييييير ساااااافل و ما حس الا بطراااااااااااااااااااق عــــ ويهيي .. طيحني ع الارض ذياب بعصبية : و الله ثم والله ان تميتي ترمسيني بهالاسلوووووب الزفت .... لاشبعج ضراااااااب و اخلي حيييلج منهههههد من الضرب قلت و انا بعدني ع الارض: ماباااااكـ .... ردني بييييييت هلي ماباك ـ .. طلقني ذياب نزل تحت ع مستواي و فج الشيلة مني و مسك شعري: طلااااااااق هب مطللللق ... تسمعييين >و على صوووته< هبب مطللللللللق بعدت يده عني و وقفت بسرعة .. و مسكت مزهرية من زجاج باللون البني عدالي و رفعتها .. اوني بضربه بها :: انننن ما طلقتني بذبحك ... ماابااااااا اعييييييش عند خاااااين ... الخيانة عنده شربت ماااي ذياب وقف: يزووي عن الينان ... شاللي غيرج .. طلعت صوب ربيعتج محد احسسن عنننج قلت بعصبية ممزوجة بدمووع: لانييييي شفتت خياااانتك >اشرت ع عيوني< شففتها بعيوووونييي .. بعيوووووني شفتهاااااا ... ماااااااااا كفااااااك خليتني برووووحي في ماليزيا و سرت اتراااااكض و تهيت ويا بنت خالتك اللي ريلها مب معبرنها ... مستوووي عنتر زماااااااانك .... هااااا... و الا اقووووووول يوم اغتصبتني عسسسسسسبت بسس قلت عنك حقييير و روح امك .. >>>وصحححت بصوووت و انا اشااااهق<<< و الااااااااا حبك لوحدة غييييييييرييي... عطييييييت قلبك وحدددددة مب مسموووووح تحبها و انته المفروووووووووض تحب حرمتك >و اشرت ع نفسي< اللي من قراااااادة حظي انااااا .... و الااااااا خياااانتك اللي شفتها اليووووم و انااااا يااااااالسة في الكووووووفي... تمشي ويااااااااها و عااااااادي و لا جنكم مسويييين شي غلط ..... طلللقني خلاااااااااص كااااااافي اللي شفته منننك بسسس ... صوورتك اهتزت عندي بمااااا فيييه الكفااااااية ..... شووووو بيبقى لوووو تميت وياااااك اكثرر... انته ما تستحق اصيييح عشانك و الا اتعذذب و الا اندب حظيييييي العااااااااااثر..... طلقني دخييييييلك ذيااااب: خليني اوضحلج ... قاطعته: لاااا توضحلي و لا هم يحزنون .. اللي اعرفه كفااااية عليه و الا >رفعت المزهرية قريبة من راااسي< اضرب رااااسي بالمزهرية ووقتها امووووت و افتك من العذاااااااب اللي عايشتنه ذياب بسرعة: لا لالالا ... بطلقج بس دخيلج نزلي المزهرية .. نزلت المزهرية و الا بسررررررعة اخذ المزهرية عني و بعدها و مسكني من جتووووفي اقاومه و اصرخ: فجججججج عنييييييي .... انته مب ريااااااااال ... مب رياااااااااااااااال .. ترد بكلمتك ذياب: اهدي .. اهدي بسوي اللي تبينه بس هالافكاااار لا تنفذينها تسمعييين قلت: اباااااك اطلقني و افتك منك و تردني بيت اهلي ذياب .. اطالعني: بطلقج بس مب الحيين .... اول شي بيوصلج بيت اهلج و قبل ما تنزلين بطلقج .. طلقة وحدة قلت بعناد وصريخ خفيف: لااااااااطلقني طلااااااق بالثلااااااث عطني حريتييييي مااابااااااااك ذياب: اختاري اطلقج مرة وحدة و الا اخليج هني و احبسج و اخذ كل وسائل الاتصال عنج قلتى بقلة حيلة: موااافقة ذياب:يلا زهبي اغراضج قلت : مزهبتنهن ... >و شليت الشنطة< يلا نسير ذياب: ماشالله .. مزهبة كل شي وااااثقة قلت: غصبن عنك مارد عليه و سار قبلي كالعادة ركبنا السيارة و كلنا ساكتين كان الهدوء و الصمت هو سيد الموقف .... لييين ما وصلنا بيت اهلي ... طالعني ذياب ... ذياب: شو تتوقعووون ؟؟؟؟ هل ذياااب فعلا بيطلق اليازية؟؟؟؟؟؟؟؟؟ و الا بيصير شي؟؟؟؟؟؟؟؟ |
الـ،ـ،ـــ،ــبارت الخــــامـــ،ـ،ـ،ـــس عـ،ـ،ــ،ـشــ،ـ،ـر كان الهدوء و الصمت هو سيد الموقف .... لييين ما وصلنا بيت اهلي ... طالعني ذياب ... ذياب: يلا انزلني طالعته بصدمة: شوووووو؟ ذياب لف عني و قال: نزلي يلا قلتله بعصبية : لا والله ... مب على اساس بطلقني شوووو؟ ذياب و لازال صاد عني: انزلي أول و لا تسكرين الباب الا عقب ما اقولج ياها و لاتخبرين احد نزلت من السيارة و عطاني الشنطة و يايه بسكر الباب الا اسمع كلمـــــــــة ..... ذياب: انتي طــالق و سكرت الباب و هو على طول شخط و طلع من البيت أما انا فـمشيت ببطئ صووب البيت و لازلت مب مستوعبة الكلمة اللي قالها دخلت البيت و لا هتميت منو في الصالة .. على طول توجهت صوب غرفتيه ... سكرت الباب بقو و فريت الشنطة بعيد و طحت ع الشبرية .. سحبت المخدة صوبي .. و صحت .. صحت الايام اللي قضيتها ويااه ... معقووولة الحييين بيحرم على التفكيير فييه .. معقولة عقب ما تعلقت فيه و حبييييته ... لا ما حبييته ...أناااااااااااا عشقته >و على صياحي و شهقاتي بدت تطلع< مستحييييييل هذا اللي يصيييير عندي مستحيييييل..... بسس هو طلقني مررة وحدة ... عيل كيييييف لووووو احرم علييييه للابد .. لاااااااا ماااااقدر افكر.... بس انااااا مستحيييل ارجعله ......... لو المووووووت مااااارجعتله .. آآآآآآهـ و على هذي الافكاار رقدت و اناااا ميته تعب >>> >>> فتحت عيوووني بكسل .. و فتريت صوب اليسااار ويين ما يرقد ذيااااب ... ماااا لقيييته تذكرت بااااارحة لما طلقني ...يالله كيييف بعدني مب مستوعبة انه طلقنيي..... آآآهـ ياااا عذابج ياااا اليازية جفت الساعة 7 المغرب نشيت بسرعة يعني بعده باااجر .. يعني من ساعتين ذياااب مطلقني قمت صوب الحمام عزكم الله و توضيت و طلعت و عقب صليت ... فصخت عبايتي و بدلت ملابسي ... لبست جلابية خفيفة باللون الزهري و نزلت من دون كحل و لاشي .. ويهي صاااافي في الصالة ابويه و امايه و ميوه و التوأم ... محمد > اسم عمي ..... و حمد سلمت عليهم و عقب يلست عدال ميوه و خذت حمد و حطيته فوقي ابويه: شحالج يزووي ؟؟... الحينه مرة ما تنجافين قلت بتعب: بخير الحمدلله امايه: وين ما تجوفها .. دوم فالبيت.. ريلها مدري متى تجوفه؟ ميوه بضحك: ههههه ولا جوفيها ماسكة حمد .. ع اسم الابو محد يروم امايه و ابويه: هههههههههه اميه: انشالله جوفج ميودة ولدج ابويه و ميوه: انشالله هه ويين بـ مسكه و انا عندي ريل هه قصدي طليق ما عنده احسااااس و لا اظنيه بيجرب احساس الابوة الا من خايساته يلسو يطمشون و يضحكون و عقبها يا نهيان و بدت الطماشة صدددق بسس انا ماكان لي بااارض لهم .. عسب جي ما رمست و لا قلت شي اميه : انا كل ما اجوف نهيان و فويهه هالخايس > تقصد البي البي ميوه:الله يهداااج امايه يغاازل ابويه: ههههه يباله من يخبر حرمته نهيان: ابوووويه تراك كبرتنيه .. اونه > و يقلده< حرمتك و شوي نهيان يضربني ع جتفي بالخفيف: اييييه يالهبلة بلاااااج ؟؟؟؟ ميوه: هييه صح لييش يايه مب اونه بتقضين الاجازة ويا ريلج؟ اوووف احينه شقولهم .. اقولهم طلقني يعني قلت بجذب: ذياب عنده شغل و انا ما اعرف اقعد بـ مكان روحي بدون انس نهيااان: ههههههه مدري ذياب كييف متحمل ... لو انا بطلقها و بفرها بيت اهلها الكل ما عداي: ههههههههههه ترا هذا اللي سواااه طلقني و فرني ببيت اهلي ... بعد ما جفت خيانته عين بعين ...لا اوني بقضي اجازته ويايه و هو مقضيه طول الوقت عند ربيعاته .. آهـ بس اتم ساكته احسن لي و باقي الوقت مر عادي جدا ..... بعد العشا استأذنت .. ماليع بارض اسهر وياهم سرت لغرفتي.. دخلتها ... يلست ع الشبرية و مسكت البي البي.... فتحت مسن البلاك بيري ... جفته مطرش برودكاست مكتوب فيه ....: من ۈين سـﭐمع هﭐلكلام ۈشلۈن قلبكـ صدقه معقۈل منا ۈﭐلسلام ﭐختار غيركـ ۈﭐعشقه هذﭐ ۈﭐنﭐ قلبي معﭐك ۈمﭐحب في ﭐلدنيا سۈﭐك تظلمني كل مره معﭐك ۈﭐلظلم يا عمري حرﭐم من ۈين جﭐتك هﭐلظنۈن ۈش جﭐك يﭐعمري علي شﭐيفني مع غيرك ﭐخۈن ۈﭐلﭐ تغير فيني شي معقۈل ﭐي ۈﭐحد يقۈل فيني تصدقه على طۈل معقۈله طﭐۈعت ﭐلعذۈل ۈخليت عينك مﭐتنﭐم تدري بعيني مﭐتشۈف غيرك ۈلﭐ قلبي هۈﭐك لﭐ شك لﭐ غيره ۈخۈف مﭐبيننﭐ ۈﭐحنﭐ سۈﭐ تدري بمن قلبي يبيك ۈش صﭐر بس ﭐلله يهديك ﭐرجۈك لﭐتصدمني فيك ۈتشك في ﭐحلى غرﭐم اونــــه عاااد ... صكرت على طول و اغلقت فوني و حاولت ارقد بس ما قدرت... شوي و الا يدق الباب اليازية: منووو؟؟ .....: انا نهيان .. راااقدة؟؟؟ قمت و فتحت له الباب : حياكـ نهيان تقدم و يلس ع الشبرية: شفيج الكل حس انه فيج شي .. مب من عوايدج؟ قلت : ما فيني شي بس تعبانة شوي من الخط نهيان: و انتي من متى تعبين من الخطوط ! ... يزوي لا تخبين علي شي بلاج؟؟؟ قلت: صدقني ما فيني شي نهيان بعدم تصديق: مب علي ... ليش ردج .. شو مستوي؟؟؟ قلت و انا شوي و بصيييح .. بنفضح اذا ما طلع الحين: نهيان ما فيني شوي تعبانة ممكن تطلع ابا ارقد قام و طلع و قال: ادري انه فيه شي .. و يا خبر اليوم بفلوس بااااجر ببلاش > و ظهر و بعد ما طلع ... مسكت اللاب ماليه .. و قريت قصة .... معقولة بتكون انا نهايتي شرات القصص ... بس مستحييل انا و ذياب ما نصلح لبعض .. واااايد فرق مبينا السن التفكير الميول الخيانة الوفاء الحب القسوة الجفا الاحساس المشاعر في كل هذيلا ذياب الاشياء السيئة فيه .....مجرد من الحب و المشاعر و الاحاسيس و الوفاء ... ذياااااب انسااااان انا نفسي ما اعرفه رغم الفترة القصيرة اللي عشت وياه فيها ... بس الحمدلله انا في بدايه الطريج الصح ... اليوم طلقني مرة وحدة باااجر بيعطين حريتي وورا باااجر بمسح شخص من ذاكرتي اسمه ذياااااب .. و ارتاح و اعيش مرتاحة |
البارت السادس عشر نشيت الصبح ع صريخ امايه و نهيان ... ركضت برع الغرفة بـ بيجامتي ... سألتهم :بلاكم؟؟ نهيان يكلم امايه: و هذي لين الحين ما خبرتوها؟؟؟ قلت : يخبرونيه عن شو؟ امايه : انا بسير اعابل ويا البشكارة و انته قولها > و سارت نهيان: يلا زهبي روحج بنسير العزبة يومين و الا ثلاثة لاااااااااااااااا اكيييييييد ذياااااب بيكووون موجود ماباااااااا قلت باعتراض: مابا اسير .. مافيه .. و بعدين ليش نسير؟؟؟ نهيان: و الله يا اليزوي نحن ما بنخلي كشتتنا عسبج .. و بعدين انتي سمعتي شي البارحة؟؟ قلت باستغراب: مثل شو؟؟ نهيان: يعني ما حستي بشي؟؟ قهرني قلت: شوووو؟؟؟ نهيان: بارحة طول الليل مطر و انتي ما تدرييين؟ اليازية|: احلللللللللف ياااااااااي ونااااااااسة .. نهيان: عشان جي بنسير العزبة ... الاربعاء و الخميس و اليمعة بنرد احسسسن ذياااب في هذيلا يكون عنده شغل يعني هب يااي ملاحظة: بنات و اولاد المدارس كانت اجازة الفصل الاول المهم زهبت اغراضي اللي احتاجهن لمدة 3 أيام .. و لبست جلابية خفيفة باللون الفوشي و لبست عباة مفتوحة و حطيت شيلتي ع راسي و شليت شنطتي و طلعت برع الغرفة لقييت البيت صخة ... ابدا ماشي صووت ... حطيت شنطتي ع الارض و سرت المطبخ و محد كان فالمطبخ ..رديت الصالة مرة ثانية و الا اسمع صوت سيارة .. يعني يتريونيه و انا حضرتي ادورهم .. شليت شنطتي و ظهرت برع .... هذي مب سيارة نهيان و لا ابويه هذي سيارة ...... ذيــــــــــــــــــــــــــاب!!!!!!!! ليييش؟؟؟؟ مب ع اساس عنده شغل ... نزل من السيارة و انا ييت ابا ادخل بس وقفني صوته .. ذياب: اليازية صبر عطيته مقفاي و انا واقفة مكاني ذياب: نهيان اتصلي و قال اييبج العزبة .. لانه سيارته مزحومة بيت عمه كلهم بيركبون سيارته و سيارة ابوه .. فما لقى حل غير اني انا ايبج قلت : وانا مستحيل اركب عندك ذياب: اليازية بلا عنااااد ... يعني نهيان مسكين ما يدري .. محد يدري غيري انا و انتي قلت: مب معناته انه يخليني و يروووح ذياب: عادة تفاهمي عند اخوج عقب اليازية: وانته ليش من أمس مارديت عند هذيج ذياب: ما يخصج .. مب مطلقنج يعني ما يخصج فيني حسيت بسجاجين تنطعن ف قلبي من كلامه ... لهالدرجة يبا يفتك مني .. بس لو الموت ما ركبت عندك قلت: رووح انا مابااا اسيير عندك ذياب: تبين تيلسين بروحج فالبيت؟؟! قلت: ايلس بروحي فالبيت و لا فسيارتك يالنجس و ربعت صوب غرفتي و قفلت الباب .. الا واسمع دقه ذياب و هو يدق الباب: ان ما بطلتي الباب لكسرررررررره فوووووووق رااااااسج قلت بخوووف: انتته ماااا يخصك ... خلاااااااص مااا يحقلك تضربنيي اطلع بررع البيييت و الا اتصل بالشرطة .. انته الحييين غريب ذياب: ههههههه ليش حرمتي عندج دليييل انا مطلقين اليازية: انته بارحة طلقتني شووو تبا فييييني اطللللللللع و الا اتصل بــــ نهيااااان .. اساسا نهيان متوعد لك ذياب: متوعد و الا لا ماا يهمني اللي يهمني الحيييييين اطلعين برع الغرفة يعني انا خاااايفة منك بطلع ... عااااادي ... بطلت الباب و قلت: هذا انا بطلته ... شو بتسوي ...... ما كملت كلامي الا وهو متهجم علي .... يضرب و يرفس ليييييييييييين .................... فتحت عيوني بتعب .. و اطالعت اشوووف كله ابيض ...اطالعت يدي فيها مغذي .. أنا ويين ؟؟؟؟ شوي تدخل علي ممرضة و مبتسمة الممرضة: صباح الخير يا أمر> قمر ابتسمت بتعب و انا احاول اتذكر اللي صاااار ... هيي بعد ما ضربني اغمى علي الممرضة : الراجل اللي برا خااايف عليكي أوي ... بيستناكي تفيأيي .. رح اناديه> الريال اللي برع خايف عليج وايد و يترياج تقومين .. بزقره قلت لها بسرعة: لاا لا ما يحتاي .. أنا شفيني؟ الممرضة: بتدلعي عليه .. مبروك انتي حامل حاااااااااااامل !!!! معقوووووولة حااامل و بهالظرووووووف ... معقولة الظروف تبانا نرد لبعض ... بس مستحيل انا حطيت اكس عوووود ع ذياااااااااب و مستحيل أزيله سألتها: قلتيله؟؟؟ الممرضة: لأه >لا قلتها: احسسن لا تقولين له الممرضة: و ليه يعني؟؟؟ قلت بجذب: انا ابا اسوليله مفاجأة الممرضة: يعيييني ع المفجآآآآت و طلعت .. و أول ما طلعت حطيت يدي ع بطني لاا إراديا ... معقولة انا فـ بطني ياااهل ...!! بعدها بثواني بسيطة دخل ذياب و بعدت يدي عن بطني بسرررررعة و شوي ترد نفس الممرضة تدخل .. و غمزتلي و نا خااايفة انه ذياااب يدري ... فجت المغذي من ايدي و حطت لزقة و قالت لنا اني اقدر اطلع و ردت طلعت ذياب يا عدالي يساعدني اقوم ... ما قاومته لاني فعلا محتاجة يساعدني .. ذياب: ليش غمزتلج؟؟؟ قلت بتعب: ما ادري و بعد هالحوااار ابد مارمسنا مع بعض .. طلعنا من المستشفى ... برع المستشفى ذياب: يلسي ع الكراسي هناك لين ما اييب السيارة .. تراني موقفنها بعيد قلت بخوف انه عرف: ما يحتاي اقدر امشي لين هناك ذياب: لا توج طالعة من المستشفى .. خمس دقايق و السيارة هني ........ بعد ما ياب السيارة ركبت .. و كنت صادة الصوب الثاني .. و خطر في بالي البرودكاست اللي مطرشه بارحة قلت باستفسار: ليش مطرش البرودكاست البارحة؟ ذياب بصوت هادي: ما ادري سكت عنه .. فهمتها يعني ما يباني ادري .... طول الوقت كنت سااااكته .. الا أول ما وصلنا العزبة ...كان العراقيب مخرسات بالماااي روووعة فتح ذياب الجامة اللي عداله و اللي عدالي لفحنا نسيم باااارد روعة ... قلت: بعدهم لين الحين ما رتبو العزبة عدل ذياب: لانهم اليوم قررو .... اليازية: منو بيي العزبة؟؟؟ ذياب: عايلتنا و عايلتكم و عايلة خالي سليم >بو محمد< و عايلة عمج اليازية: بسس ذياب: هذيلا اللي اعرفهم لين الحين سكت عنه لنا وصلنا و كنت بفتح الباب .. لكن .. ذياااب: صبررر وركبها العرقوب متوسط الحجم و انا صرخت ..: ايييييييييييييييييييييه ذياب: ههههههههههه بلاج؟ حطيت ايدي ع بطني لا اراديا: مينوووووون ذياب ما انتبه و نزل و نزلت عقبه ... و سلمنا عليهم .. ذياب سار صوب الرياييل و نا سرت صوب الحريم يعني ما سلمت ع الرياييل... بعد ما سلمت ع الحريم يلسنا نحن و البنات ميوه و عيالها& ميثوه&شموس& مريوم& اشوق و بنتها&وديمة بنت عمي & حسنة اخت وديمة& انا مسوين داااايرة عوووودة و قدام ميثوه دلة الجاهي و طاسة فيها كوبات الجاهي .. ميوه: ميثوه يوم الدلة قدامج قهوينا ميثوه: احم احم انا بقهويي اللي اباها بسس و شوي نسمع صوت أغاااني شموووس: اغاااااااني اكيييد مسوين غية هنااااك وديمة تطالع و تأشر ع مكانهم: هنااك صوووب الشباب... فديت خلوف ييبس ميوه: هييي ودوم لا تفدين ريلي وديمة تسويلها ماالت: اخويه يالحمارة و لفينا كلنا صوبهم ... اللي كانو ييولون و ييبسون > محمد & خليفة &حميد اخو خليفة عمره 18 & نهيان & خليفة ولد عم ذياب و اخو محمد عمره 24سنة اما ذياب و راشد و سالم ريل شوق يالسين و الشواب شموس: شووقووه لييش ريلج ما ييبس شوق: ترا ذياب و رشود ما ييولون ما قلتي شي ميثوه: ترا سالم البوس مالهم .. اتصلي به و خليه ييول اتصلت شوق بريلها شوق: ليش ما تيول ؟؟.... يلا عشاان خاطري ... بنتك تبا تجوفك و انته تيوول ... ههههه اوكي بطرشها .. مع السلامة ميثوه: ها هكو قام بيول شوق تكلم بنتها: يلا حبيبي مهوي سيري عند بابا مها بدلع و حاطة صبعا ف حلجها: انزييين > و ربعت شموس تقلد.. حطت صبعها ف حلجها: انزييين ضحكنا ع استهبال شموس: هههههههههههه حسيت بمغص فـ بطني بس ما اهتميت لانهن زقرني حسنة: يزوووي يلا دووورج اتصلي بريلج ميثوه: هيييه يلا شووو هالورطة انا ما اعرف رقمه ... كييف و اذا مثلت اني ارمسه بيجوفنه اووووف قلت بتردد: مب لازم لو بيول بيول وديمة:يااا ويلي ما روم ..اتصليله اقووول يلا و شوي قام ذياب و يال ... الحمدلله اللي ظهرت من هالورطة ... و تنهد برااااااحة و بعد ما خلصو من اليولة ... نحن البنات سرنا نساعد الحريم في الطباخ و الترتيب و جي ...ترا نحن من نروح العزبة ما نشل ويانا بشاكير .. بدوووو ع االعصر ترا مسوين ذرا ... يعني فاصل بينا و بين الرياييل ... و يالسين كلنااااا هناااك و ينسمع السوالف و احيانا عياييزنا يسولفن هناك .. و يدة ذياب>بسميها يدوه< يلست عند الريايل قلت للبنات بصوت خفيف: خاطري اسوق حسنة: منو بيسوقج يا حظي؟! ميوه: هههه نهيان لاه الكل: هههههههههه لانه نهيان ما يأد فكرة ان البنت تسووووق اليازية: عااااد انا فـ خاطري شموس: سيري لريلج سكت .. اوووف بس و الله فخاطري .... شوق : هه اتحداج اذا وافق ذياب قهرني ردها ... أساسا من ييت البيت و هي مب طايقتني و لا اونه اعرف ذياب وااايد .. بتشوفين ان ذياب ما وافق و احرجتج ... بس كييييف ؟؟؟؟ ذياب مطلقنيي؟؟؟؟؟ يلا عاااااادي مرة وحدة عااااادي بس كيييف اقوله ... مسكت البي البي و طرشت له بنق At3bni 7bi: هلا ro7i fdak: اهلين ... ممكن طلب؟؟ At3bni 7bi: اوووب مصااالح ro7i fdak: خلااص شكرا مابا شي At3bni 7bi: قولي شو؟ ro7i fdak: بس اباك توافق .. يعني كأننا نودع بعض و بعدين ما برمسك و لا شي At3bni 7bi: انزين شو؟ ro7i fdak: أبا اسوق ^_^ At3bni 7bi: ههههههه اوكي تعالي اخذي السويج و مع السلامة ro7i fdak: عااااااااااااادي؟؟؟؟؟؟؟!!!!!!! At3bni 7bi: طبعا لا ro7i fdak: ذيااااااااااااااااااااااااب At3bni 7bi: ههههههههه بشرط ro7i fdak: شووووووو؟ At3bni 7bi: اركب وياج ro7i fdak: بس انا اسوق At3bni 7bi: اوك ro7i fdak: يلا ...بسير عند سيارتك ... بتستأذن من أحد؟ At3bni 7bi: لييش ؟؟؟ انا و حرمتي ننياز ro7i fdak: يمكن خطأ مطبعي .. حرمتي At3bni 7bi: و لا يهمج طليقتي ro7i fdak: جي احسن At3bni 7bi: يلا بسرعة ووقفت ... وديمة: ويين؟ قلت بدلع خفيف: بسير أسوووق شوق: وااافق! قلت بدلع: طبعاا بيوافق > و مشيت عنهن شوووو تتوقعون؟؟؟؟؟ شو بيصير في السيارة؟؟؟ شو من الاحداث بتستوي فالعزبة؟؟؟ ذياب بيدري عن حمل اليازية و متى؟؟؟ أو انه هو بالاساس يدري؟؟ |
| الساعة الآن 01:09 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir