منتدى استراحات زايد - ﻤـڜـڪـلـنــي ﭼــﭔـڪ

البارت الثالث

يوم الاثنين الصبح الساعة 9:30

نشيت من الفراش وانا متنشطة .. مستغربة من عمري ناشة الساعة تسع ونص ومتنشطة وما ابا ارقد .. العادة انش الساعة وحدة .. بس تعرفوون لييش .. لان اليوم العصر بشووف عـــلــــي !!! .. خطرت فبالي فكرة .. اني اظهر واروح الـ costa الجريب من بيتنا وما اروح ويا البودقار .. يعني اروح بروحي .. سرت اسبحت وسويت معجون و غسلت ويهي بكركم .. عقب حطيت بويهي بودرة مع اني بيضة مايحتاي بس حطيت شوي للأحتياط خخخخ .. وتكحلت بكحال رصاصي .. وحطيت قلوز شفاف عشان يبرز لون شفايفي الوردية .. و لبست قميص رصاصي نص كوم مرسوم عليه فالنص 3 نجوم بالون البنفسجي وكنت لابسة تحته قميص بنفسجي لان القميص الرصاصي نص كوم .. ولبست تنورة بنفسجية لين تحت الركبة .. وبوت جلد رصاصي يوصل لين تحت الركبة .. وسكارف بنفسجي .. وشنطة سيرها طويل لونها رصاصي .. وتعطرت وشليت البيبي مع البوك وحطيتهم فالشنطة .. عقب ظهرت اشوف اذا حد من البودقارد برع ولا لا ..والحمدلله ما شفت حد كان اركض برع البيت لين ما وصلت جريب الــ costa.. شوفوا ترى الكوستى فيه قعدات برى وداخل .. انا رحت داخل .. ورحت عند اوبا النادل

وكان يكلمني بصوت عالي فمعضم الناس اللي في الكوستا يسمعونا ويطالعونا : HelloMira ( مرحبا ميرة )

انا : HelloOpa ( مرحبا اوبا )

اوبا : What is your order ( ما هو طلبك )

انا : I want one fresh orange juice ( اريد واحد عصير برتقال طازج )

اوبا : Two minutesbefore youhavethe juice ( دقيقتين ويكون العصير امامك )

رحت انا لطاولة فاضية ويلست فيها ومثل ما قال دقيقتين بس والعصير كان عندي .. وانا يالسة اشرب العصير كأني لمحت يدي وعمي .. لما دققت فعلا هذا يدي وهذا عمي .. قمت من مكاني ورحت وقفت حذال طاولتهم وقلت ليدي : شحالك يدي حبيبي

التفت لي يدي متفاجأ عقب ابتسم وسلمت عليه هو وعمي

يدي : هاا ميرة ياية هني ويا منو

انا : ييت بروووحي

عمي وكأنه شوي وبيعصب : لاوالله .. وابوج وينه مخلنج ترووحين وتردين بروحج عادي عنده

ميرة ببراءة: لا لا ابوية مايعرف اني ظاهرة .. هو يقولي ظهري بس شلي البوديقارد معاج .. وانا كل مرة لما اظهر يكونون معاي بس اليوم مالقيتهم و..

قاطعني عمي بعصبية : قمتي ظهرتي بروحج

انا بخووف : هيييه

عمي : لاواللله آنسسسة ميرة

انا : سسسوري واللله سوووري ما اعيدها .. خلاص اصلا الحين برد البييت

عمي :يلا بسسرعة ردي البييت .. ولا اقولج اناا بوصلج عند باب بيتكم برد

يدي : زين تسوي .. عشان ما اتروح برووحها .. وانتي ميرة آخر مرة اتظهرين بروحج

انا : ان شاء الله يدي

سلمت على يدي وشليت الباق مالي وظهرت ويا عمي .. واحنا ظاهرين كان في واحد ماسك فيصل بيدة .. واااايد يشبه ابوي .. وهو كان يتطالع عمي .. كأنه يعرفه .. المهم وصلني عمي البيت وهزب البودقارد .. الصرااحة غمضوني المهم عقب رحت حجرتي بدلت ملابسي بــبجامه .. ورحت صوب الشبرية تجلبت مني مناااك ماياني رقاد .. رحت فتحت كبتي ويلست اشووف شو ببلبس العصر

الساعة 3:00

بعد ما تغدينا فشقة يدي يلسنا نسولف هالمرة عمي ذياب كان معانا.. صح اني ما ركزت واايد .. بس القط بعض الكلام

سيف : هااا عمي بخبر عليك خالوه فاخرة

ابوية : ليش شو سويت انا ؟!

سيف : اليوم الصبح الساعة عشر الا ربع شفتك ظاهر مع بنت غرشووبة من الــ costa

اماية بصدمة : شوووو.. سيفووه انت تتمصخر ولا

سيف : والله ما اتمصخر

انا : ههههههه هاااا ابووووية تظهررر مع بناااات

ابوية : خسك الله يالهرررم .. تشك فيني

اماية تطالع ابوية بنظرة سمممم: منو اللي كانت معاااك

ابوية وهو يظحك : هههههه هذي ميرة بنت ذياااب

هني انا ماعرف شصار فيني واطالعت ابوي باهتمام عسب يكمل وحسيت ان اميه حست فيني

سيف و عمي ذياب : مــــيرة !!!!

ابوية : الهررمة ظاهرة بروحها من البيت .. ماشافت البودقارد برى ظرت بروحها .. رحت رديتها البيت و هزبت البودقارد

عمي ذياب : ههههههههه هالبنت كذا مرة منبهنا ماتظهربروحها

صراحة حركتها ما عيبتني .. ماعرف ليش انقهرت وعصبت وحسيت ان امية حست اني حرجت

يدي :عاد انت ما قصرت عصبت على البنية وخوفتها

عمي ذياب : تستاهل عسب ما تعيدها مرة ثانية

سيف : يعني هاي ميرة اختي

عمي ذيياب : هـــيــه اختك .. هيه صح اتذكرت انتوا اليوم بتظهروون ؟

سعيد : هيه بنظهر ليش ؟

يدوه : يلسوا مكانكم ماشي سيرة

حامد : لا عاد نبا نظهر .. نحن مب يايين كوريا عشان نيلس فشققنا

يدي : قلنا لكم يلسوا فالشقق يعني يلسوا فالشقق بلا هذرة وكلام فاضي

انا : ليش عاد ؟!

عمي ذيااب : عقب بتعرفوون لاتستعيلوون على رزقكم

صراااااحة انقهرررت ليش يعني مايبونا نروح .. انا ابا اظهر عشان انسى شوي مــــيرة وهم يحكرونا فالشقق .. افففففف

عقب كلنا رحنا شققنا وعمي ذياب قال عنده شغل وراح .. وانا يلست عالمنتدى اشغل عمري شوي عن التفكيير فميرة .. لكن مثل العادة مااقدر انسااااها او اتناااساااهااا

الساعة 4:30

كنت يالسة ويا اماية فصالة .. عقب قالت لي امي اروح اتلبس عشان نروح وهي راحت تتجهز .. سرت الحجرة .. لبست قميص احمر كوم طويل فيه حركات صوب الصدر وآخر القميص .. ولبست بنطلون جينز .. وجوتي احمر .. وحطيت فويهي شويه بودرة .. وتكحلت بكحال احمر .. وحطيت قلوز شفاف .. عقب لبست سكارف احمر وتعطرت .. وشليت الباق مالي الاحمر اللي حطيت فيها البيبي و الكحال والبودرة والقلوزوالعطر والآيبود.. وشليت بيدي النظارة الشمسية .. ولما ظهرت شفت امي ظاهرة معاي وكانت لابسة نفسي لان احنا متفقيين .. المهم نزلنا تحت وطلعنا من باب الصالة .. ورحنا لسيارة وركبناها.. ولما وصلنا الفندق سألت امي : اماية تعرفين كم رقم شقة يدي ويدوه

اماية : إييه ابوك قال لي

انا : يلا عيل خل ننزل من السيارة

نزلت من السيارة وانا لابسة النظارة الشمسية فالسيارة .. واول مادخلنا الفندق فصخت النظارة .. ورحنا صوب المصعد وصعدنا الطابق 15 ورحنا شقة رقم **** .. دقت اماية الجرس .. وظهر لنااا وااحد باين علييه انه جيه 17 او 19 جي يعني بعده ما دخل الــ 20 .. ويشبه ابوي وااايد

اماية : Hello

......: Hello

اماية : Is this a condo, apartment grandmother Mira ( هل هذه الشقة , شقة الجدة ميرة )

......: Yes ( نعم )

اماية : Her club to me please ( نادها لي من فضلك )

......: give a lecture ( حاضر )

راح يزقر لنا يدوه ما كملت دقيقة الا وهي ياية لنا ولما شافتنتا ابتسمت وسلمت علينا عقب دخلتنا وهي تقول : مرحباااا الساااع وملايين مايسد ذمتيه وان سدن فلا باس .. جربو جربوا

دخلنا وشفت الولد اللي قلت لكم عنه هو ويدي وعمي وابوية .. انا وصلني مسج ويلست اقراه عند الباب اما امي دخلت وكلهم وقفوا لما شافوها .. سارت سلمت على يدي بيدها وباستها على راسه وهي تقول : كيفك عمي

يدي : الحمدلله ومن صوبج

اماية : الحمدلله .. كيفك يا بو علي

عمي : الحمدلله تمام

ابوية وهو يقول للولد اللي فتح لنا الباب : حامد هذي ( وهو يأشر على اماية ) حرمتي ام ميرة اختك .. وهاذيك ( وهو يأشر علي ) اختك ميرة

حامد وهومبتسم : شحالج حرمت ابوية

اماية : الحمدلله .. كيفك انته

حامد : تمام

دخلت عندهم وسرت ليدي ولويت عليه من الخاطر : شحالك يدي

يدي : الحمدلله بخير.. انتي شحالج بعد الهزبة اللي حصلتيها

انا :ههههههه زينه الحمدلله

عقب سرت لعمي وسلمت عليه و لما وصلت لابوية وسلمت عليه لاني من الصبح مب شايفتنه

ابوية : ميــرة هذا اخوج حامد .. حامد هذي اختك ميرة

سلمت على حامد وعقب كلنا يلسنا ويلست حذاله ويلس اكلمه صراحة حسيته حبوب وخرييش عيبني الصراحة

انا : حامد انت كم عمرك ؟ .. 17 ولا 18 ولا 19

حامد وهو مبتسم : 19 ليش ؟

انا : مثل ما توقعت انك ما وصلت 20

حامد : ليش يبين من ويهي اني صغير

انا: هيه يبين انك ما وصلت 20

ابوية : عاد شوف الحين بتتفلسف عليك

انا بوزت : حرااام عليك دادي انا ما اتفلسف صح حمادينو

حامد : هههههه صح

اتصلت يدووه للباقيييين وقالت لهم ايوون الشقققة وما قالت لهم اني انا وامي هني .. وانا خايفة ومتوترة وفنفش الوقت فرحااانة لاني بشوووف القلب

دق الجرس وكان حامد بيفتح الباب بس انا قلت له بفتحه

اول ما بطلت الباااب شفت ثلاث حريم وريالين .. الثلاث حريم باين انهم كبار اما الريالين باين انهم صغار

واحد من الرياايييل يكلم الريال الثاني : هذي شقة يدووه ولا نحن غلطانيين

انا : لا هب غلطاانين .. تفضلوا يدووه داااخل

دخلو وهم مستغربين .. ياية بلحقهم الا ويدق الجرس مرة ثانية .. فتحت الباب شفت ريالي وحرمه .. شفتهم مستغربين فقلت لهم يدخلو داخل يدووه تتريااهم .. عقب انا عطيت البااب ظهري مشيت خطوة بروح عندهم كان الجرس يدق مرة ثانية شفتوا النحاسة .. سرت فتحت الباب شفت حرمت عمي و عمتي وسلامة وحمدة وفصول والقلب ( علي ) .. كانوا مستغربين ما عادا فصول .. اول ما شافني قال : ميلة هبيبتي ( ميرة حبيبتي )

انا ابسمت له : هلا فصولي شحالك

فيصل: انا بخيل كل ملة اقول لهم يودوني عندج ما يطيعون

انا : فديتك والله

عقب سلمت على حرمت عمي وعمتي وسلامة وحمدة .. والحين دور علي

انا مبتسمة : شحالك علي

علي رد لي الابتسامة بأحلى منها حسيت قلبي ذاب من الابتسامة : من شفتج صرت زين

انا استحييت وحمرت خدودي اما حرمت عمي اطالعته بنظرة حادة .. عقب دخلوا ودخلت انا وعرفت ان الريالين اللي كانوا ويا الثلاث حريم هاذيل اخواني سيف و سعيد و ثلاث حريم هاذيل حريم ابوية .. والريال والحرمة هاذيل خالد وحرمته اسما .. قعدت اسولف وياهم كلهم وانا متجاهلة سلامة وحمدة لاني زعلانة منهم وهو ما فكروا يراضوني حتى .. ولاحظت ان علي لما يطالعني او يبتسم لي او يكلمني او يسألني عن شي امه تطالع بنظرة حادة وتساسرة تقوله شي وهو سيدة يتضايج من الكلام اللي امه تقوله له .. ما عرف ليش ما تباه يرمسني او يطالعني .. شايفة علي غلط وانا ما ادري .. ماعرف ليش احسها تكرهني وما تحبني وما تبا علي يحبني .. حسيت امي لاحظت اني متضايجة فما طولنا ساعة ونص وعقب ردينا البيت .. دخلت حجرتي وتمييت اصيييح لاني ياني احساس انها تكرهني واذا كرهتني بتكره علي فيني و اذا ماكرهت علي فيني ما بتخلييه ياخذني ولو انه يحبني .. لاني حسييت انه يحبني .. ذييج الليله ماقدرت ارقد وقعدت اصييح والوسواااس يلعب فيني

شو تتوقعوون يصيير بين ميرة وعلي ؟

وهل احساس ميرة بأن ام علي ما تحبها صحيح ؟

وشو سالفة ام علي ؟ وليش ما تبا علي يرمس او يحتك بميرة ؟