منتدى استراحات زايد - |..~|| ليـٍـٍـٍـٍـش لابس عبـٍـٍـٍـٍـٍـٍـٍـٍـٍـآة ||~..|

منتدى استراحات زايد (http://vb.ma7room.com/index.php)

- الحوار والنقاش - الرأي والرأي الآخر (http://vb.ma7room.com/forumdisplay.php?f=7)

اقتباس:

وعليكم السلام ورحمة الله وبركاته

عزيزتي هذي الظاهره منتشره حتى في الاماكن العامه
الغاليه نحن هنيه ايي دورنا في ان ننصح هالبنات من هالشئ
واكيد انهن مابيقتنعن بالاول .. يسقى ع زمان لول اللي حتى الويه محد يشوفه

بنات نحن بنات زايد ونحن انمثل هالبلد
بالله عليكو اذا شافونا الاجانب بالاهشكال بيقولون برافو
لا بيقلون خلهم يطبقون الدين ع انفسهم حتى نسلم اذا هم جي فحنا كيف
نحن بنات امة محمد

اوكي جامعه مايخالف لاكن ان شفتي ريال يابنت الحلال استتري
والله ها كله مابينفعهن يوم الحساب والكل بيضحك عليهم

انتي عليج في نفسج اهم شي ماتاثر فيج هالاشكال
ومدامج قلتي هالكلام فالحمدلله الدنيا عدها بخير

واسمحيلي الاطاله

كانت هونا < الورد ^^

هلا والله بالورد ..~

كلامج كلة صحيح يــآ آختي ..~
بس احس هالاشكال مب بسهوولة تهتدي ..~

يعني اذكر مرة وحدة كانت مضهرة ضهرهاا .. ويت وحدة وقالت لها اختي ظهرج طالع .. مسكينة حسبالهاا ما تدري ان ضهرهاا برا ..~
قامت البنت وظهرت ظهرهاا اكثر ... >> شفتي عبط اكثر عن جي ..~

بس نحن بعد علينا بالامر بالمعروف والنهي عن المنكر .. لان نحن مثل ما قلتي ام محمد وعيال زايد الله يحمة ..~

.... شــآكرة لج تفاعلج ..

منوورة ..

:ف4:

اقتباس:

"

"

عليكم السلام ورحمه الله وبركآته

هلا والله وحي الله وايي والله خخ

موضوع مهم..=)

"

والله يا حلوم جآن بنرمس عن العبي..مآ بنخلص قسسم بالله..يعني الحين تشوفين العجب
تشوفين اشياء الوآحد بس ينآظر..بنآت هالوقت مآادري شقآيل عآيشآت ><

نحن البنآت اذا شفنآ جيه فجينآ عيونآ واستعيبنآ...؟ عيل الشباب مآ ينلامون..جآن كل وآحد عينه مفتوحه شبر هههه

يختي مآ يحسسن اشكآلهن غلط مثلن،،

اذكر يوم كنت ف الكليه ..كنت اشوف بنآت مظهرآت قذلهن عند السير..وهن خبر خير..؟. والله ولا تحرك فيهن شعره لا يخيلن ولا يسستحن مول

الود ودي اصقعهآ بكف..؟

المكيآج مآني مستعجبه منه...؟ من زمآن يقطعن نومهن عسب هالكيلو مكيآج من صبآح الله خير..؟ لا والعطور اللي تقول خآطف من عدآلج عبدالصمد القرشي هههه..؟ كآنن بعد يرفعن شعورهن وبالقبآضآت اللي كل وحده جنه فوق رآسهآ يونيه عيش..؟

الاسبآب تييئ من البنت نفسهآ..؟ البنت الحشيم..مآ تطلع من بيت اهلهآ شكل..وف الجآمعه ولا الكليه شكل 2

البنت تبغي اهتمآم اكثر..؟ يعني ف الكليه تلاقي حد يعبرهآ..ويقولهآ الله اليوم انتي حلوه ..؟ عبآتج اتينن..؟ من وين مفصلتنهآ..؟ وف البيت موول محد يقولهآ شوو احوآلج اليوم..؟

مهمآ كبرن البنآت يحبن حد يلتف لهن هع ..؟ الوآزع الديني اييئ من دآخلهآ هي..؟ جآن مآشي..الله يستر بعد

وصلت العبآه حآليآ للالف درهم..؟ وفي نآس يشترون.؟ ومآزآل هالشي في ارتفآع مستمر
والسبب هو ان في اقبآل عليهم..والله يعين..؟ شي ازرق واحمر واصفر وفصوص وضيق وووو الخ

والله يا اختي اللي يبغي الصلاه لا تفوته ..واللي يبغي رضآ ربه بيعمل باللي يقوله..؟

وعسى ربي يهديهن ان شاءالله..وترى هاللي يسونه محد خلاف بيقول عنهن ووالنعم
بالعكس بيذمونهن الخلق..؟ وليش اخلي عمري علجه في حلوق الخلق..

بالعكس لازم اكون ذهب واأمشي باللي ربوني عليه اهليه..~

وتسلمين حلوم ع الطررح الطيب
سمحيلنآ عآده وآيد تفلسفنآ خخخ...بس طلعت اللي في خآطريه

عسآج ع القوه..

هلا والله بنظرة الشطوورة ..~

صدقتي يا نظرووتي بكل كلمة ..~

الا يختي يوم كان في خاطرج تصفعيهن كف .. كان صفعتي .. والله احس ما يآثر فيهن ... لووول .. هع ..~
هههههههههههه بس حلوو تشبية يونية العيش .. هههههههههه واايد معبر صرااحة .. هع ..~

صح .. البنت لو محصلة احد يعبرها في البيت ويهتم فيهاا ما كان دورت الاهتمام برا البيت .. شراات يلي حاصل الحين ..~

شكـٍـٍـٍـرآ يا نظرووتي على ردج ..~
وفلسفتج حلووة .. حبيتهاا لوول ..~

منورة ..

:ف4:

اقتباس:

وعليكم السسلآم وآلرحمه ،
مسساء الطيب ،

تعرفين الأغنيه اللي تقول ( البنات البنات ألطف الكآئنات ) !
الحين صصآرت ( البنات البنات أبشع الكآئنات بأخلاقهم ) !!
طبعاً البنات اللي من هالفئه اللي ذكرتيها ..
والمشكله تسوي هالشي من باب الحريه الشخصيه ،
وتجاهلت إن اللي تسويه تعدى هالمرحله لمرحلة التفلت !

هالفئه تعاني من موت القلوب وتبلدها ، وموت الدين المحفز لها ،
ونسوا إن الدين وضع ثواب وعقاب !
ودامهم واثقين بأن العقاب مابيوصلهم بذريعة حريتهم الشخصيه شي طبيعي بيسيؤون الأدب !
عزيزتي ، لكل واحد فينا منهج بالحياه ، ولكل مجتمع قواعد عامه بالسلوك ..
إحنا كمجتمع خليجي يفرض علينا نمط معين باللباس ،
وهذ1 الشي من الدين قبل يكون من المجتمع !
لما أحد يخل بواحد من هالقواعد يعتبر شاذ ،
وطبعاً كل واحد بيمشي معاه بسلوكه يعتبر مثله ،
ويآخذ ذنبه وذنب من قلده ، وياحسسآبه إحسبي !

للأسف اللي تسوي هالحركات مريضه نفسياً ..
وعقلها مصاب بحمى خطيره ، أثرت على نخاعها الشوكي فأصابها بشلل الأخلاق !
للأسف تحس بنقص في ذاتها ، تعوضه بالشي اللي تسويه !
هالبنت ظآلمه لنفسها بالدرجه الأولى ..
وبعيده كل البعد عن القيم المتوارثه بالمجتمع ..
فقط جسد يترنح ! ولو تكلمتي معاها تلآقيها خاليه من كل شيء !
طبعاً المشكله الأساسيه بالقلب الميت ،
والأهل أكييد ، مافي أحد عنده غيره لو 1% يشوف أخته أو زوجته تطلع بهالشكل قدامه ،
حتى لو تكون ثقته فيها 100% !
نطلق عليه ديوث مثلاً ؟!
ولو تسألي أي رجل وش نظرته لمثل هالبنات ..
بيقولك مالقت لها رجآل يربيها !

لما رحت أنهي أمور تسجيلي بالكليه إستغربت إني الوحيده اللي تغطي وجهها !
وكان أخوي ينتظرني برآ ..
لما طلعت له ، قلتله شفت اللي شفته !
قال شفتهم وعلى كثر المكياج اللي حاطينه مافيهم ذرة جمال !
شي طبيعي فيه كرجل يلفت نظره هالشي ،
وماقال هالكلام الا وهو مشمئز منهم !
وكلنا نعرف المقوله المشهوره للشباب :
البنت مثل الحلآوه كل ماكانت مغلفه أكثر ، كل ما زآدت جودتها وحلآها !!
كل وحده تسوي هالحركات بتكون لها حياتها بعدين مع زوج يقدرها ،
ويخليها تنتقد نفسها كل ما تذكرت اللي كانت تسويه قبل !
هالبنات هم جزء من مجتمعنا رضينا أو لآ ،
مانقول غير الله يهديهم ويصلحهم ..

وربي يعطيك العافيه ع النقآش الحلو ..
عسآك ع القوه ..

مســآء النهـآيــآت الحلووة ..~

هية اعرفهاا هالاغنية .. اياام حلووة والله .. هع .. هههههههههههه صدقتي والله .. هههههههه ..~

اناا ما اشووف صراحة ان في يلي يسونة ينطبق علية مصطلح الحرية الشخصية .. لان الحرية مب تعني ان الوحدة تلبس وتسوي مثل ما بعض البناات يسون ..~

اناا ما اعتقد ان هالفئة تعاني من مووت القلب او موت الدين .. احسهاا كلمة كبيرة الصرااحة .. الدين شي بالفطرة ومستحيل يمووت .. لكن اناا معاج ان عندهم تبلد في القلووب ..~

وشي اكيد ان عندهم مشاكل نفسية ولها كثير من الاسبااب ..~
وما يلام اخووج يوم جي قال عنهن .. هع ..~

الله يهدي الجميع ان شااء الله ..~

شكــٍـٍـٍــرآ حياتاتي على هذا الرد الحلوو ..~
منوورة ..~

:ف4:

اقتباس:

السلام عليكم

مووضووعج مهم بصرااحه

أيام زمااان العبااه كانت ستر وحشمه

وف هالووقت بس عسب أتظهرين مفاتنج وجمالج للناس

أحينه البنات يلبسن عبي حدث ولا حرج جأنهن سايرات عرس

نص الشعر برع وعند الخصر ضيجه حتى ما يروومن يتنفسن من كثر ما هي ضيجه

ما أعرف بصرااحه كيف عادي عندهن يلبسن عبي جي ويظهرن الشعر جدام الأساتذه!!

أنا اذا شعره ظهرت مني جدام حد أحس عمري بصيح ومتلوومه

كيف عاده اذا ظهر شعري كامل جدام حد؟!

والمشكله اذا شافن هندي عاااااااادي عندهن يفصخن العبااه والشيله

ترا الهندي ريااال حاله حال غيره

بس هن يقوولن عااادي

الله المستعااان بس

البنت اللي تظهر من بيت أهلها وعباتها ضيجه ونص شعرها برع وأهلها راضيييييييين

ما أقوول شي غير الله يهديهم

بس البنت اللي تظهر من بيت أهلها بشي وجدام الناس بشي ثااني هاااي المفرووض يكوون عندها ضمير وتخاف ربها قبل لا تخاف أهلها

ومشكووره ع الطرح الطيب

ربي يعطيج العافيه

والسمووحه ع الأطااااااااااااله

وعليكم السلام والرحمة ...~

حي الله ياا همووسة ..~

صدقتي والله ..~

هوو بس عند الهنوود .. ما شااء الله .. يتحسبن كل الريايل خوانهم .. وعادي يلي يسونة .. هع ..~

والله حالتهن صعبة هالبنات اذاا كان يلي سونة جدام ولا ورا اهلهن . تراا النتيجة وحدة ..~

شااكرة لج تواجدج ..~

منوورة ..~

:ف4:

اقتباس:

السلام عليكم ورحمة الله وبركاته

والله بصراحه هذي الاشياء قامت تنتشر في دول الخليج بصفه عامه

والله قمنا نشوف اشياء ماتتوقع انك تشوفه وانت في هذي البلده

لكن انا ابركز على شي وهو الهيئه اقسم بالله رجال بمعنى الكلمه

يامرون باالمعروف وينهون عن المنكر وبصراحه مجهودهم واضح في المملكه

واتمنى لو يطبق هذا الشي في دول الخليج

وثاني شي الاهل وينهم عن بناتهم الي يطلعون كذا والله ياناس البنت عرض والله عيب

وبعدين كيف ترضى البنت انها تكون سلعه بين الرجاجيل عيييب

والبنت اصلها ملاك تكون مستوره بعبايتها الين مايجها ابن الحلال

ومشكوره اختي على الموضوع الجميل

والله يستتر علينا كلنا

وعليكم السلام ورحمة الله وبركــآتة ..~

اووة صدق .. ما كنت اعرف ان في شي جي ..~
ليت لو يطبق على كل دول الخليج .. كان ما انتشرت هالظااهرة جي ..~

شااكرة تواجدك خيوو ..~

منور ..~

:ف4: