يسلمووووووووو نتريا البارت الي

لاهنتـــوا ع التواصـــل جميعا ..

واسمحولـــي ع التأخير بس كانت عندي ظروف وما قدرت احدر النت ..

والحين بنزل لكم البـــارت .. ^^


السموحه ع التأخير :35.gif:

دمتم بود .. ^^

لعيــــــــــــــــــــــــــــــــــــونكم بس .. بارت طويل .. ^^


الــــــــــــــــــــــــــــــــبارت الرابـــــــــــــــــــــــــــــــــــــع




صوب حمد وهزاع
حمد:هزاع افتح الكهرب خلاص حرام اخاف يستويبهم شي ..
هزاع خلهم شوي..
حمد:ياخي افتح خلاص.وفتح هزاع الكهرب.
صوب البنات.بعدما فتحت الكهرب .. فطوم ترتجـــف من الخوف وتصيح ؟؟
ميره:فطوم بسم الله شو ياج فطوم حبيبتي تعوذي من ابليس قولي بسم الله أعوذ بالله ..
يواهزاع وحمدصوب البنات.
حمد:شوفيها فطوم
عليا تصيح:انتواللي بندتوالكهرب صح .. تبون تذبحون البنت انتوا.
هزاع: سيرو ايبوماي بسرعه..
وركضت ميثه تيب ماي.وبهالوقت دخل سعيد وشاف فطوم طايحه وتصيح..
سعيد ركض صوبهم : شوفيها ..؟؟..
ميثه:خوفونا وبندوا الكهرب ومن الخوف قعد ترتجف ....
سعيد:ومن اللي خوفكم ؟؟
.ميره:حمد وهزاع بندوالكهرب واحنا كنا فالمطبخ ..
سعيد صد صوب الشباب:ميانين انتو اتخوفون بنات..
حمد وهزاع ساكتين وصلت ميثه ويابت الماي وشربوها .فطوم هدت شوي..وشافت سعيد
فطوم : شفت شو سووا بندوا الكهرب وخوفونا وهي تصيــح ..
..سعيد:ماعليه بأدبهم انا يالله قومي سيري رقدي ..
فطوم وهي ترتجف ماقدرريولي ماقدر أوقف عليها.
سعيد : يالله خلي البنات يساعدونج ...
ومسكوالبنات فطامي وودوها الغرفه ومن الزيغه البنات كلهن رقدو من وقت
..وسعيدهزب حمد وهزاع ع اللي سووه..


وبالبــاجر..
الصبح نشت ميره الصبح الساعه ٩،
فتحت الستاير،،وتصرخ..بسكن خستن رقاد نشوا يامسودات الويه .. بيأذن المغرب وانتن بعدكن رقود..
ميثه: وتفتح عيونها غصب:الساعه جم؟
ميره:الساعه خمس ونص.. ماشاءالله عليكن لاصلاه ولاعباده حياتكن كلها رقاد فرقاد..يالله نشن لا بركتن فيكن من بنات..
حمده:اوف ميروالدبه بندي الستاره ابا أرقد ما شبعت رقاد..
ميره:والصلاه..الصلاة خيرمن النوم وتصرخ قوموا صلوقبل ان يصلى عليكم..
فطوم:اوف منج صدق ازعاج..
ميثه:انتي لاترقدين ولا تخلين غيرج يرقد..
ميره:حشى هاكله رقاد بتخيسن من كثرالرقاد..الرقاد مل منكن..
ونشن البنات من حشرة ميره اللي ماخلتهن يرقدن..ونزلن البنات تحت واليده كانت قاعده وسلامه وام سيف..
اليده : ما شاء عليهن بناتي واعيات.
سلامه:غريبه شعندكن واعيات من الحين مب عادتكن
ميره: احم احم انا وعيتهن فديتني شو خليهن يتعودن ع النشاط باجركل وحده فيهن يضويها واحد من هالغراشيب ويشوفها متعوده عالرباده خلهن من الحين يتعودن.
اليده:فديت منطوقج انا يا بنت احمد. صح لسانج..
ميره:صح بدنج. وسارت عند يدتها:خشمج.واتخاشمت ويا يدتها
حمده:ليش الساعه كم الحين ؟؟؟
ام سيف:الساعه تسع.
والبنات كلهن صدن صوب ميره..
فطوم: يالجذابه..
مهره:بنات عليها..
عليا:يالله كلناعليها الدبه..
ميره سارت ورا يدتها خلاص الحين فحماية العيوزمحد يقدريجرب منها.وكلهن متوعدات لها..
وقعدوا البنات يتريقن ..ويت صوبهم مهره: صبحكم الله بالخير.
الكل:صباح النور
مهره:ماشاءالله الشيخات واعيات اشوف..
اليده:البركه فميره فديتها..
مهره:يالله بسكن لعب ذاكرن الحين وراكن امتحانات..
مهاري:ان شاءالله.
ميره:وبدينا بالهم..
عواش:صح لسانج.
ميره:صح بدنج.كفج من بعيدورفعت وعواش رفعت كفهاوضربوألهوا حركات.ككك..
وقعدن البنات يكملن ريوقهن.وخلاف ساروا يذاكرن.وكل وحده ماسكه كتابها وحده ترسم وحده تشخبط.وحده تكتب اغاني. وحده تكتب اشعار.وحده تلعب بفونها . وحده تغني.بس ماسكين الكتب مظاهر..واللي يشوفهن يقول مقطعات عمارهن دراسه.صدق ان المظاهرخداعه..
عندمنال وخلود ونوف مريم وروضه..
خلود:انزين متى العرس بعدهم ماحددوا..
نوف: قالوا يمكن بع دشهرين اوقبل..لحد ما يخلص قسم عبود بس ماحددواالتاريخ..
خلود: يعني لازم نتزهب من الحين ونفكر فاللي بنلبسه من الحين ..
مريم: انا عن نفسي بفصل عندوليدعطاالله..
خلود: انابعدوياج..
منال :لاانا ابا أغيربس مادري وين افصل بشوف يمكن اخلي ميره تاخذلي يوم اتسير لندن لانها
قالت بتاخذله افستان جاهز من هناك ..
خلود: ليش ميره بتسافر.
منال:هي بعدما تخلص امتحانات بتسيرتقعد اسبوعين وبترد..
روضه:ومن بيوديها.
منال:اضني بتسير وياخالها.
.روضه:آها.
منال:وانتي رواضي وين بتفصلين .
.روضه:مادري والله بعدني ما قررت ..
ونسيرصوب ذياب وعبود
وحمود..كل واحدويا درجاته يلعبون ف الحوش..أحمد توه ناش من رقاده
وهوساير صوب المطبخ شافهم.
أحمد:تعالواهني..والثلاثه ساروصوب أحمد..
احمد :انتو متى امتحاناتكم.
ذياب:يوم الأحد.
أحمد:ما شاء الله.وماناوين تنجحون السنه؟
حمود:لااكيد نبا ننجح .
أحمد: هي وجيه بتنجحون صح تلعبون وتنجحون صح.
وثلاثتهم ساكتين.وهزبهم أحمد وساروايذاكرون.
طبعاحالهم مب أحسن من حال الشله المشتله. كل واحد ماسك كتابه يرسم سياير ويتحدون من سيايره احلى .مصخره.
ومحد يذاكر بضمير غير مروه وامون وسلامي اللي قاعدين يذاكرونه وكل مره وحده تسمع للثانية (( ماشاء الله عليهم شطار ))...
عندالشله المشتله: رن فون عواش وكلهن فرن كتبهن وسارن صوب عواش.
عواش:بسم الله شوياكن ..
ميره:ردي يالله..ولا اقول عطيني انا أرد.وما عطتها فرصه تردعليهاوشلت الفوف من ايدهاوردت من غيرما تشوف الرقم حتى.
عواش:شوفواهاي حوه أحيده فوني مب فونج.
ميره بولباس ميره:الوووو.والصوب الثاني
................:السلام عليكم.
ميره:وعليكم السلام .من معاي .. من انت ؟؟
..............انتي من؟
ميره بغباء:انا ميره
.............:ميره اي ميره؟يستهبل >_<
ميره: ميره بنت أحمد ال.......
.............:حي الله ميره بنت أحمد شحالج ياميره .؟؟.
ميره:يسرك الحال .ومن صوبك.؟
.............:يعله امديم وحالي يسرج...
ميره:امديم حالك ، صح تعال من انت وليش متصل؟وتبامن؟
..............:شوي شوي علي عطيني فرصه ارد.انزين تعالي انتي يوم ماتعرفيني ليش تردين علي
وبعدين تعالي انتي كيف تقولين اسمج لواحدما تعرفينه هبله انتي.
ميره:هاهي مادري .بعدين انامب هبله عن الغلط انزين .. ومن انت ؟؟
.................: ههههه صدق هبله وياج سيف بن محمدال......
وحطاه ع السبيكروخلا حمدان وسلطان يسمعون
ميره:هلا والله أشحالك .وشخبارك وين انت مانسمع حسك انزين اتصل انشدعن حالي مب أختك اناما استاهل انك تسأل
عني وتنشدعن احوالي.خوان آخرزمن مافيكم خير
سيف:ههههه انزن عطيني فرصه ادافع عن نفسي..
ميره:هي يادنيا خوان مايسألون عن خواتهم..قول يامسود الويه دافع عن نفسك اشوف ارمس..
سيف:والله وختيه العزيزه الله يسامح هالغربه اللي ماخذتني من اهلي ومخلتني ما انشد عنهم بس هانت راح
الكثيروما بقى الا القليل ..
ميره:الله يردكم بالسلامه.تعال الا ين هالجلب سلطون.
سلطان:جلب فعينج يالدبه..
ميره:ياويلي كيف سمع ها ... دبه فعينك كان زمان ياحبيبي.دلوأتي خلاص كل حاحه اتغيرت بأينا حاجه
تانيه
.سلطان:اشحالج يالحشره والله ماتولهت الالحشرتج.
ميره :يسرك الحال يالتيس .
سلطان:تيس اللي بياخذج.
ميره:ايه عن الغلط ماسمحلك تسب ريلي.
سلطان :شوفواهاي صدق ماتستحين احشمي انزين ...
ميره:سيرلا قال احشمي يسب ريلي يباني اسكتله ..
سلطان:بنات اخرزمن.
ميره:شباب آخر زمن ..
سلطان:لاتقلدين.
ميره:كيفي ..
سلطان:فجيبج.
ميره:ماعندي جيب ككككككـ ,, عمي القط ويهك بسرعه عن سيفوه يدوسه
.سيف:سيفوه فعينج شواصغر عيالج.
ميره:لاوحياتك أكبرخواني.
الشباب:ككككككككككككككككككككككككككككككككككككككـ هق ..
سيف:والله انج سوالف
.ميره:والله ماتبا رقمي..
سيف:جب جب ..اقول اصلا انا متصل ابا امايه.وينها اتصل بهاليش ماترد..
ميره: يابوك امك الحين قاعده وياالحريم و ناستنك.تدري اذااجتمعن الحريم ينسن عمارهن وماعندهن
غير الحش فخلق الله.
سلطان:اسمع من يرمس..
سيف:وانااقول بعد.يالله بنوته جلبي ويهج يالهبله وسيري قولي لامايه تردعفونها.
ميره:احلف انت بس يالله اسمع صوت القطاروبندت فويهه ..
سيف:بنت الذين صدق ماتستحي ...نذله.. بندت فويهي ..
سلطان:طالعه عليك..
سيف:لا احلف انت بس.
سلطان:يالحرامي.. ليش تسرق كلمة بنت اخوي.
سيف: جب جب..وحمدان يضحك عليهم...
وبعد ما بند سيف عن ميره ..
ميره:بنات قوموا نسيرنتمشى ونذاكر تحت..
حمده:شوتسوين.ليش انتي اصلا قعد اتذاكرين ..
ميره:عيل شو قعداسوي العب؟
عواش:لاقعد تغنين .. هع هع ^_*
فطوم:يعني انتواللي مقطعات عماركن مذاكره.
ميره:صح لسانج.
فطوم:صح بدنج.
ميره:عيدج مبارك
فطوم:كل عام وانتي بخير..
ميره:و انتي بخير,كفج.
عواش:أحلفوا انتوبس.
الكل:ههههههه..
وصوب الشباب ..(حمد،أحمد،عبدالله،سعيد،هزاع) كانو قاعدين فالميلس.
أحمد : ما بتسيرون صوب العين.
عبدالله:انا اليوم بروح بوظبي عندي شغل..
سعيد:انا بعد بخاويك بسيراقضي أشغالي بعد..
حمد:يالله انا بخاويك .
هزاع :وانا وياكم.
أحمد:خلاص بعد الغدا بنسير.
صوب البنات..يتهم ريتا تخبرهم ينزلون يتغدون.وماصدقن البنات عطول ركض تحت..
الكل تحت قاعدين فغرفة الطعام الريايل بصوب والحريم الصوب الثاني.
هالوقت الكل كان قاعد والمكان هدوء, وفجأة وصلوالشله المشتله وشالين البقعه بصريخهم..
سعيد:وطمه.حشرتواالعالم يالحشره انتو
.بوسيف:خلهم شوتبابهم.خذوا راحتكم بناتي.سوااللي تبونه(بوسيف حنون وايدويموت فبناته وبنات خوانه وخواته مايرضى حد يهزبهم من قدهم))
البنات عادخقن بعمارهن ومحد يقدر يكلمهن.وقعدن يتغدن..بعدالغدا الكل قاعدين فالصاله.
أحمد:يالله شباب روحنا.
حمد:يالله.
ميره بلقافه:ع وين ؟؟
هزاع:وانتي شويخصج يالملقوفه..
ميره:ماكلمتك انت اناأكلم أحمد...
هزاع:انزين انتي ليش ترزين فيسج فشي مايخصج
.ميره:والله مادري من اللي راز فيسه.
.بوسيف:وين سايرين شباب؟
أحمد:سايرين العين ..
ميره:يااااي.أحنا بعدنبا نسيروياكم.
حمد:اقول استريحي.قعدي مكانج ..
ميره:أقول ريح عمرك انت محد كلمك او خذ رايك.
حمد:ومن هذااللي بيوديج اصلا ..
أحمد:انا بوديها عندك مانع أخ حمد..
حمد:أفا تقفطني. ويدام من يدام البنات ..
ميره:القط ويهك بسرعه لايدوسونه اليهال.
منصور:انا بروح وياكم زين.
حمد:حياك خلاص انا بوديك وياي,عاد كله ولا منصوري ..
أحمد:خلاص ميره حياج انا بوديج وياي.
ميره:فديت اخوي ماخليت منك ان شاء..
أحمد:كم ميره عندنا نحن.
هزاع:وحده ومطلعتلنا قرون.
ميره:هاهاهاهااحلف انت بس
حمده:فديتها ميره مافي شراتها..
حمدبصوت واطي فديت هالمنطوق انا.. محد يسواج انتي ..
عواش:هي وحده ويننة العالم كله والله لوماكانت اختي بخطبها لواحد من خواني.
هزاع:ليش،بقى واحدمن خوانج عسب تخطبيله ياها سعيدو محيربنت عمته.وسيف يحب ن ...وسكت
بعدمافجرالقنبله..
ميره بلقافتها المعهوده:يحب من؟!عاد الحين من يسكت ميره..
هزاع:لاما فهمتواقصدي قلت يمكن يحب وحده..
ميره بخبث :هي يمكن صح جايز..
عواش: عادي كنت بخطبها لذياب.
ميره:أحلفي انتي بن وشواسويبه اربيه.
هزاع:هي عادي مافيها شي.
ميره:عادي ولا اوتوماتيك.ه
زاع:سخيفه.
ميره:طالعه عليك ولدالعم..
هزاع:جب جب يالدبه
أحمد:يالله مشينا.
ميره:اسيرألبس عباتي.
أحمد:لا..
هزاع:قفطوها.
ميره: جب جب..
أحمد:ميراني فديتج بعد المغرب أتجهزن انتي والبنات بي و بحوطكم..
ميره اتطلع لسانها لهزاع القط ويهك بسرعه لايدوسها منصوري ككك.
هزاع:جب.
مهره:خلاص سيرن ذاكرن ولامافي روحه.والبنات كلهن ركضن فوق.
وظهروا أحمد حمد هزاع وياهم منصور.
وسعيدوعبدالله سارو صوب بوظبي.
والحريم سارواسويحان صوب بيت بنت خالة اليده.والاولاد ( عبود وحمود وذياب )ساروا غرفتهم يلعبون بلستيشن
وقافلين ع عمارهم اونهم يذاكرون.
والشله المشتله نفس الحاله فاتحين ع نجوم ويسمعون اغاني وماسكين كتبهم اونهم يذاكرون.
وسلامه وأمون و مروه يذاكرون شوي ويسولفون شوي،
حصوص وشوق والعنودسارو وياباقي البنات بيت موزه..اونهم يغيرون جو..
وبروك وحروب وسهيل سايرين صوب العراقيب..
وبعدالمغرب.البنات صلن ولبسن عبيهن يتريون أحمد طبعا أحمد دق فيهن خيانه بس الصراحه خيانه
غيرمقصوده لانه التهى بربعه ونسى انه وعد ميره......
عليا:أكيدنسا..
فطوم:قالت نسى أكيد حمدقاله لاتسير.
عليا:لااعرف أخوي محد يقدر ياثرعليه.
عواش:دام وراه حمد وهزاع أكيد بيتأثر.
عليا:لاأخوي و أعرفه..
ميره ساكته(هدوءماقبل العاصفه خخ).شوي وتدش سياره فتك الحوش..كانو مبارك وحارب و سهيل..
حمده:اوف عبالي أحمد....
نزلوالشباب من السياره..وكانوا حارب مبارك وسهيل .. حارب شافهم وسار صوبهم .. ماشاء الله
شو عندكم لابسين وكاشخين ..
عواش: نتريا أحمد ..
حارب : وليش تتريونه شو عندكم ..
حمده : قال انه بيودينا العين بيحوطنا ...
حارب : وينه الحين هو ياي يوديكم ..
عليا : لا نحن من بعد صلاة المغرب نترياه للحين مايا ..
حارب : ليش هو قال بيوديكم ؟؟؟
فطوم : قال بس شكله نسا السالفه ونسانا ..
حارب : حليلكم .. وانتو بعدكم تتريونه ..
ميثه : هيه نترياه عل وعسى يحن قلبه ويينا ..
حارب : انزين واتصلتوا فيه ..
مهاري: لا ميرا ما طاعت
حارب :وليش ما طاعت ميره ..
ميره : مااريد ليش انذل اعمارنا عنده والله لو يبا يودينا بيودينا من غير ما نتصل فيه .. بس
دامه ما يبا يودينا ليش نذل عمارنا عنده ..
حارب : ككككـ حليلكم عيل شكلكم بتبطون وايد وبترقدون بعبيكم هني ..
دام انه أحمد سار العين لا تحلمن اتشوفن رقعة ويهه قبل الساعة وحده ولا ثنتين .. أحمد اذا شاف ربعه ينسى نفسه
وتبونه يذكركم انتو .. خخخخـ .
ميره : والحل ..
حارب : الحل ف كتابج بتحصلينه .. خخخخـ
ميره : والله مالي خلق اضحك حدي متضايقه ..
حارب : خلاص خلي البنات يضحكون بدالج ككككـ .. ميره : هاهاهاهاهاهاها ..
حارب: انزين يالله خلاص انا شفقت عليكم قوموا بسير اوديكم صوب العراقيب شوي واردكم ..
ميره : احلف ,, يالله مشينا ع الاقل نحس انا ظهرنا من البيت ..
البنات كلهم : يييييييييييس يالله عليها ...
حارب : يضحك ع خبالهم .. كككككـ عليهااااااااااا ههههههـ وساروا الشله المشتله هجوم ع السياره ..
طبعا البوس قعدت يدام ميره .. ورا ..(( عليا , ميثه , مهره )) وررا (( حمده , عواش , فطامي )).
مبارك: حروب وين سايرين ..
حارب : بمشيهم شوي صوب العراقيب وانرد ..
مبارك : صدق ما عندك سالفه .. قصوا عليك هاااا ...
حارب : لا حرام همووووني ما تشوفهم قاعدين بعبيهم حرام خل افرحهم شوي ..
ميره : فديت اخوي انا والله انك نشمي فديتك انا ..
مبارك : يالمصلحجيه .. صدق دنيا مصالح ..
ميره : اقول حروب فديتك يالله مشينا يالله ..
وحرك حارب السياره وفتحت ميره المسجل .. كانت اغنية غرنوقه لعبيد سرحان .. والبنات مرتبشات
ويغنن .. اه يامن باحبه عوقه واشتبك غزلي مع المغزل
شفتلي رعبوب غرنوقه وانتحى بي صوب هالمزمل
وحارب يصعد بهن ع العراقيب والبنات عايبتنهن السالفه .. ويصرخن وحالتهن حاله ..
فطيم : بس خلاص احس اني برجع ..
حارب : لا دخيلج لا ترجعين ولا شياته بس بس .. (( ف خاطره فديت اللي ما يتحملون انا ))
ميره : ماعليه انت نزلها هني وصعد بنا بعدين بنرجع ونشلها .. ع
واش : هي صح فكره حلوه ..
فطيم : لا والله احلفوا انتو بس ..
حمده : مشكله يوم انتي مب ويه عراقيب ليش تسيرين ويانا جان قعدتي وجابلتي ريتا ولينا .. ككككككـ
فطيم : جب جب ... حارب وهو راد صوب البيت ..
ميره تصرخ : وين وين وين ساير بعدنا ما شبعنا .. ما استانسنا ..
حارب : بس خلاص ما تشوفون البنت تعبانه ..
عليا : مب تعبانه بس تتدلع علينا
ميثه : دخيلك حارب ارجع يالله حرااااااااااااااااام .
حارب : ماشي خلاص ..
ميثه : اوف وصدت ورا وقرصت فطوم كله منج يالدبه .. زين جيه خليتيه يردنا المره اليايه ما بنشلج
ويانا صدق انج مب ويه عراقيب .. فطوم: اي يعور ..
حارب : شو فيج فطامي ..
فطامي : ها لا ماشي بس هاي ميثه تقرصني ...
حارب : الميث .. ميثه : نعم
حارب : قعدي ما يخصج ف ففطيم ولا مره ثانيه ما بظهرج ..
ميثه : توبه توبه توبه .. خلاص اخر مره اسفه افسه ..
ميره بصوت واطي محد سمعه غير حارب : الله ع الحب .. مانقدر احنا ..
حارب مبتسم : شو قلتي ..
ميره : ها لا ماشي قلت اوقف صوب البقاله خلنا نشتري شي ...
حارب : يوم بتوصلون اتصلوا وبيبلكم اللي تبونه ..
ميره : يالله عاد ما بيطيح نصك ..
حارب : ماشي ..
ميره بخبث : فطامي فديتج تحسين جبدج لايعه صح ..
فطامي : هي .. ميره : تبين ماي .. فطامي : امممم هي ..
ميره تصد صوب حارب : حروووب فطامي عطشانه تبا ماي جبدها لايعه ..
حارب : يالله الحين بوقف صوب البقاله ..
ميره : يلعن ابو الحب شو بيعمل ..
حارب وفخاطره يضحك : شو .. ميره : ماشي اوقف صوب البقاله فطامي عطشانه .. ككككـ ..
وقف حارب صوب البقاله .. وكان بيزقر راعي البقاله بس ميره فتحت الباب ..
حارب : حوه وين رايحه انتي ..
ميره : انزل انزل بسير اتشرى شويه اغراض وبرجع ..
حارب: اقول ردي يالله ركبي السياره اشوف ..
ميره ما عطته سالفه اتغشت ونزلت وبندت الباب وراها ..
حارب: عنيده وراسج يابس واللي فراسج تسوينه .. ونزل وراها ..
ودخلت ميره وطبعا ماخلت شي ما شرته .. كاكاوات وجبسات وبارد وكل شي تباه .. وطبعا
خلت حارب يدفع ككككـ نذاله .. خخخخخخخخخـ ...
وحارب المسكين امره لله شو يسوي لازم يدفع ما يقدر يفشل روحه يدام بابو راع البقاله ..ككككـ ....
وركبت السياره .. ميره : بنات اليوم السهره صباحي .. شريت كل ملزمات السهره ..
عواش:عاشت ميره عاشت ..
الكل : عاشت عاشت .. خخخخخـ خبااااااااايل ..
وركب حارب السياره وسار صوب الفله
ونزلن البنات وشافن البنات قاعدين برع (( خلود , مريم , روضه , نوف , منال ))
ميره : السلام عليكم ..
البنات : وعليكم السلام ..
منال : من وين يااايين ؟؟؟
ميره : سرنا نتمشى ..
منال : ومن هالكريم اللي تبرع ومشااااااااااااكم ..؟؟..
ميره : حارب فديته والله ما قصر ..
منال: انزين ياللي ما فيكم خير ليش ما تخبرونا ..
ميره : السياره ما بتكفي وين انحطكم ؟؟
منال: لا والله .. انزين خبريني انا بس مب لازم الباقي يووون وياي ..
ميره : نذله طول عمرج نذله ..
منال : جب جب ... وشافت الاغراض اللي فايدها .. ميره فديتج شو عندج شو يايبه حق عمتج ..
ميره : سيري لا اون شو يايبه لعمتج .. حبيبتي احنا نذاكر واللي يذاكرون لازم ياكلون واايد عسب يقدرون يستوعبون فهمتي ..
منال : فديت بنت اخوي انا انزين انا بعد بساعدكم ف المذاكره ...
ميره : والله بفكر ف الموضوع .. وخلاف برد عليج
منال: وسمو الشيخه ميره متى ناويه تعطيني الرد ..
ميره : انتي راجعي سكرتيرتي خلاف وهي بترد عليج الخبر
منال : ومن سكرتيرتج .. ان شاء الله ؟؟
ميره : امممم .. بصراحه وايد عندي .. عندي ست سكرتيرات انتي اختاري
وحده منهن وخليها ترد عليج الخبر ..
منال : انشاء الله عمتي .. بعد تأمريني بشي ثاني ..
ميره : لا ماشي ثاااااااااانكس يالله عن اذنكم .. بسير ابدل ثيابي وارجعلكم .. اوكيه وصدت ورا صوب البنات ..
يالله بناااااااااااااااااااااات مشيـــــــــنا ..
الشله المشتله : يالله وكلهن سارن فوق ..
و باقي البنات سارن ف غرفتهن فوق .. طبعا عبود وحمود وذياب من العصر
قاعدين فالغرفه وقافلين ع عمرهم ويلعبون عبود وحمود يلعبون بليستيشن وذياب قاعد ع النت ..
عبود : خلاص مليت ذياب تعال العب وياه وعطني اللاب ..
ذياب : اوكيه يالله تعال ..
وسار عبود يقعد ع النت وذياب يا مكانه يلعب .. طبعا
حمود يموت ع شي اسمه بليستيشن يعني لو يلعب اربع وعشرين ساعه ما يمل ..
ع الساعه 11 ردوا الحريم من سويحان وطبعا كل وحده فيهم سارت ترقد ..
والشياب بعد وصلوا بعدهم وساروا يرقدون
ميره : بنات خلونا ننزل تحت يالله ..
عليا : يالله مشينا .. وقامن علينا وميره
ميره : حد بيخاوينا ..
فطوم : مالي خلق كانت تسوي اظافرها ..
مهاري : انابعد مالي خلق .. كانت قاعده ع الاب ..
عواش : انا بي وياكم .. ميثه : وانا بعد ..
ميره : وانتي حمدايه .. حمده اللي كانت تلعب بفونها : لا ما بي سيروا انتو .. بعدين بلحقكم انا ..
ميره : برايكم .. يالله مشينا بنات ..
ميثه وعواش وعليا : يالله .. وظهرن البنات من الغرفه .. وهم ماشين سمعوا اصوات صوب غرفت
قوم منال : ميره : شو رايكم انخوفهم .. عواش : هههااااااااااااااااااااااااي .. لا داام الوحشه منال وياهم ما
بيخافون هاي منال روحها ينهيه ما تخاف هاي ينخاف منها ..
ميره : والله صدقتي .. هاي الينانوه يخافون منها .. مب هم اللي يخوفونها ..خلنا
نشوفهم شو يسووون ..
ميره فتحت الباب : شو تسووووووووون يالله اعترفوا الحين يالله بسرعه يالله ..
مريم : اششش شوي شوي شوق وحصيص راقدين ...
ميره وخفت صوتها .. انزين يالله اعترفوا شو اتسووون شو اتقوووولووون ..
منال : ماشي بس قعد نفكر شو بنلبس ف عرسج ..
ميره : تو الناس ع عرسي .. انتوا قبل عرسوا عماركم يالأوانس انتو ..وبعدين فكروا شو بتلبسون ف عرسي .. ككككـ
منال : عوانس ف عينج فديتنا بعدنا ف ريعان شبابنا ..
وقعدت ميره عنده وقعدوا البنات وياها .. انزين جد شو تقولون شو عندكم ..
روضه : ماشي قعد نفكر شو نسوي لعرس عبدالله ..
ميره : اها صح وين بتفصلون ؟؟
روضه : ما ادري والله انا محتاره بعدني ما قررت ..
ميره : انا قلت باخذلي جاهز من بريطانيا يوم بسافر ان شاء الله ..
عليا:صح تعالي متى بتسافرين انتي ؟؟وكم يوم بتقعدين .. ؟؟
ميره : بسافر من اخلص الامتحانات .. اممم وبقعد يمكن اسبوعين ...
عواش : وااااااايد ..
ميره : وين وايد انا اشوفهم شوووي والله متولهه ع باباتي وماماتي ومنصوري وحمد فديتهم انا والله ..
منال: شو رايج اسير وياج ..
ميره : الحين انا وخالي سايريين انتي رازه فيسج ليش ؟؟
ميثه : انزين عادي يمكن يشوفها خالج وينعجب فيها ويحبها ويخطبها ويفكنا منها ..
منال : جب جب صدق ما تستحين ع ويهج .. ميثه : ككككككككككككككـ
ميره : والله فكره حلوه .. وبكون انا وفقت رأسين بالحلال ..
عواش : ميره شو رايج تشتغلين خطابه .. ميره : والله شغله حلوه .. صراحه يبالي افكر ف الموضوع ..
ميثه : هي فكري ف الموضوع صراحه الموضوع يستاهل انج تفكرين فيها
ميره : ان شاء الله بفكر ف الموضوع ..
خلود : ظهروا برع يالله بتوعون اليهال ..
ميره : اصلا احنا كنا بنظهر من غير ما تقولين ..يالله بنوتات ..
وظهرن من الغرفه ونزلن تحت .. وظهرن برع البيت .. وشافن .. أحمد وحمد وهزاع توهم
داخلين وهزاع كان شال منصوري فايده لانه كان راقد ..
هزاع : الميث تعالي شلي اخوج راقد .. وسارت الميث تشل
اخوها عن هزاع .. وبتوديه صوب روضه عسب اترقده عندها ..
طبعا ميره شافت الشباب بس ما عطتهم ويه ع طول سارت صوب المطبخ ومعاها عواش وعليا ...
أحمد : ياويل حالي انا ع الزعلانين .. ميره والله السموحه منج بس والله قاعد ويا الشباب ونسيت
السالفه مره وبعدين ليش ما اتصلتي اتذكريني ها ..
وميره ما عطته سالفه وسارت صوب المطبخ ..
وأحمد وراهن : لا لا لا ما يصير ابدا مايصير .. المير زعلانه مني لا ما اقدر انا ..خلاص اخر
مره بس عادي يالله ..
ميره كل مره تفتح شي وتبنده ما عندها شغل بس جيه وما تعطي ويه لأحمد ..
احمد :انزين خلاص قلنا اخر مره .. خلاص باجر الصبح نشي وبوديج وين ما تبين ..
ميثه : ههاي اتقص ع من باجر الصبح احنا رادين ابوظبي ..
أحمد : لا قولي والله ..
ميثه : والله راحت علينا خلاص .. حليلنا من الساعه ست لابسين عبينا وقاعدين ..
لي الساعه ثمان اتكرم علينا حارب وحوطنا شوي بسيارته ..
أحمد : والله نسيت والله ..
ميره : يالله بنات مشينا .. بنسير نرقد باجر وراانا نشه من الصبح ورانا درب ..
أحمد : لا ماقدر انا ما اقدر خلاص لا لا المير زعلانه مني .. وين اسير انا وين اولي .. خبروني
عطوني الحل شو اسوي قولوا شو اسوي عسب ترضى علي قولووولي ياعالم ..
ميره ظهرت من المطبخ والبنات لحقوها وسارت صوب الفله من غير ما تعطي أحمد سالفه ..
احمد : مشكله هالبنت عنيده وراسها يابس .. ما عليه براضيها باجر ان شاء الله ..
وسار صوب الشباب ..
أحمد : حمد انتوا باجر راجعين ابوظبي .. حمد : ان شاء الله .. أحمد :ليش ؟؟
حمد : ليش ورانا دوامات واشغال .. أحمد: اهااااا .. ومتى بتسيرون الصبح .. حمد : لا بعد الغدا ان شاء الله
بنتغدى ونتوكل على الله .. أحمد : اهاااا .. يالله عيل تصبحون ع خير بسير ارقد انا.. حمد : وانت من اهله
يالله احنا بعد لا حقينك .. وساروا الشباب يرقدون ..
اما عند البنات بعد ما دخلن الصاله قعدت ميره وشلت الريموت وفتحت التي في ..
ميثه : انتي ما قلتي بترقدين ..
ميره : انا متى قلت برقد ..
ميثه : توج قلتي يدام احمد انج بترقدين ..
ميره : وان شاء الله صدقتي اني برقد الحين ..
ميثه : لا وانا اقول بعد غريبه يعني ميره بترقد..
ميره : انزين وياج فونج ..
ميثه : هيه .. ميره : اتصلي فعواش يوم تنزل تيب وياها الاكل اللي شريناه اليوم ..
ميثه شلت فونها واتصلت ف عواش وخبرتها .. وبعد خمس دقايق نزلن عواش وحمده وفطامي ومهاري
مع الاغراض .. ميره : ما شاء الله توكم مالكم خلق اشوف الحين اتفيجتن ..
فطامي : كككككـ ومن يشوف الاكل وما يتفيج .. كككـ ..
ميره : وانا اقول بعد مب لسواد ويوهنا نزلتن .. نزلتن عشان بطونكن ..
مهاري : ههااااااااااااااااااااي .. والله حقرت اللي عندي فالمسن ونزلت عسب اكل ..
الاكل اهم من السوالف اللي ما منها فايده .. خخخخخخخخـ ..
وتموا البنات ياكلون وحاطين مسرحيه .. ويشوفون المسرحيه (( كانت مسرحيه بومتيح )) ويضحكن وياكلن ..
وخلصت المسرحيه ع الساعة اربع الا ربع , وسارن البنات فوق فالغرفه ..
وقعدن يسولفن لحد ما اذن الفير وصلن ورقدن ..

تـــــــــــــــــــــــــــــــــــــــــــــــــ ـــــــابع




اليوم الثاني الصبح ... الساعة عشر ..
مهره سايره صوب غرفة البنات ( الشله المشتله ): علايه قومي ياااماااايه قومي انسير البيت
يالله .. عليا : بتعب شووو في .. شو مستوي ..
مهره : قومي ياامايه بنسير البيت الحين يالله ..
عليا : الحين ..
مهره : هي الحين يالله نشي ..
عليا : انزين انزين ..
مهره : يالله لبسي عباتج ونزلي ..
وقامت عليا من مكانها : انزين وسارت صوب الحمام ( عزكم الله ) .. وسارت مهره صوب غرفة البنات الثانيه ..
مهره : ها يامايه خلود قمتي ..
خلود: هي امايه نشيت بلبس عنوده وبننزل ..
مهره : انزين بس بسرعه يما حارب يتريانا ف السياره .
خلود : ان شاء الله يامي ..خمس دقايق وبنكون تحت ..
مهره : يالله انا نازله اترايكن لا تتحيرن ..
خلود : ان شاء الله .. وقبل ما تنزل خلود سارت صوب غرفة البنات وزقرت ع عليا .. ونزلن هي وعليا والعنود وسارن
سلمن ع يدتهن وخلا ف سارن وركبن السياره ..ومهره سلمت ع امها وع خوانها وحريمهم وسارت ركبت السياره
وساروا اهل سويحان دارهم .
.طبعا البنات رقود وما يدرون ان عمتهم مهره شلت عيالها وسارت ..
الساعه 12 نشت منال وشافت مريوم وروضه راقدين بس ..
ووعتهن منال : رواضي مريماني نشن اذن الظهر قومن صلاه .. ونشوا روضه ومريم ..
روضه : وينهم نوف و خلود..
منال : مادري والله يمكن نشن ونزلن تحت ..
روضه : يمكن .. خلنا نصلي وننزل نشوفهن .. وصلن البنات وبعد ما خلصت منال ظهرت وسارت صوب غرفة
الشله المشتله فتحت الستاير ..
منال: بنات يالله قوموا صلاه قوموا صلووو الظهر يالله ..
وبعد عناء طويل معاهم نشوووا ..
ميره : وين علايه .؟؟..
منال: مادري مب راقده وياكم ؟؟
ميره : هي كانت راقده ويانا .. بس وين اختفت ؟؟..؟؟
منال : ما ادري حتى خلود نشينا ومالقيناها هي ونوف ...
ميره : اكيد نشن ونزلن تحت ..
منال : يمكن جايز .. بنزل تحت وبشوفهم الحين ..
ميره : يالله واحنا بعد بنصلي وبننزل تحت .. وسارت منال وخلت البنات يصلووون ..
تحت عند الحريم .. كانوا قاعدين اليده ام محمد و ام سيف وام هزاع وام ناصر وام عبدالله وام حمد ))
ام محمد اليده : متى بنرجع ان شاء الله ..
ام سيف : بنتغدى وبنظهر ان شاء الله ..
ام محمد : زين .. وما بتخاووونا يما موزه ؟؟
موزه ام ناصر : وين يما العيال وراهم امتحانات ان شاء الله من تخلص الامتحانات بنيكم ..
ام محمد : يالله تنجحهم ان شاء الله ..
الكل : اميين ..
ام عبد الله : ياجماعة اتحدد عرس عبد الله . قررنا انسويه 12\2 ان شاء الله ..
ام حمد : زين يالله بالمبارك .. منه المال ومنها العيال .
امن ناصر : بالبركه ان شاء الله ..
ام محمد : الله يهنيهم ان شاء الله واشوف عيالهم وعيال عيالهم ..
الكل : اميييين ..
وشوي وصلن منال ومريم وروضه : السلام عليكم ..
الكل : وعليكم السلام وسارن ثلاثتهن وباسن راس ام محمد وقعدن ..
منال : عيل وين مهره عنكن ..؟؟
ام محمد : مهره شلت عيالها وسارت بيتها ...
منال : سارت بيتها يعني ودت خلود وعلايه ..
ام ناصر : هي ساروا كلهم ..
منال : ليش ساروا من الصبح لو ترريووا يتغدون وخلاف يسيرون .
ام محمد : ما ادري عنها يامايه شلت عيالها وسارت قالت عندهم مذاكره وراهم امتحانات ..
منال:: اهاااااااااااااااااااا ..
البنات بعدماصلن الظهر نزلن تحت...شافن الحريم قاعدات فالصاله
سارون البنات وحبن راس يدتهن......
ميره:وين عمومهره عنكن؟!
منال : شلت عيالهاوسارت سويحان.
ميره : نعم..وليش ان شاء الله.
ام محمد :اتقول وراهم امتحانات ..
ميره: لا والله...ماعليه عموه تشردين عني هااا ..
عندالشباب نشوامن الرقاد..
أحمد:وين حروب؟!
مبارك:صح النوم حارب شل اهلك وساروسويحان.
أحمد:لا متى سارو؟!
مبارك :الصبح عالساعه عشر.
أحمد:اها..وانتومتى بتسيرون؟
مبارك:بعدالغداان شاءالله.
أحمد:اهاااااا
وسارواالشباب داخل صوب الحريم
الشباب:السلام عليكم.
الكل:وعليكم السلام.وساروكلهم يحبون راس يدتهم.
أحمد قعدعند يدته:امايه..
اليده: لبيه ..عيون امك .
أحمد : فديت اعيونج انا ..شوفي القمرزعلان مني.
ام محمد :امنو اللي زعلان منك؟!
أحمد:ميره بنت أحمد زعلانه مني..
أم محمد:وشو مسوبهاعسب تزعل منك؟
أحمد: ما ادري سأليهاأنتي؟
أم محمدصدت صوب ميره:ليش زعلانه من اخوج يا بنيتي.
ميره:ياامايه سأليه خله يقولج عن سواد ويهه.
ام محمد:شومسوي انت يابوك ؟
أحمدببراءه ماسويت شي ..
ميره:بنات يالله مشينا اونه ماسويت شي قال.وسارت ميره الفله ووراها
البنات.ام محمد:مسودالويه شومسوي لبنتي.
أحمد:ماشي وعدتها اوديها العين ونسيت..
ام ناصر:ح ديوعد ميره و ينسى..وتباها تراضيك بعد.
أحمد:ههه والله نسيت..
ام محمد : مره ثانيه لا تنسى .. لا وعدت لازم توفــي ..
احمد يحب راس يدته : ان شاء الله يامايه .. يالله انا ساير شي ف خاطرج الغاليه ؟؟
ام محمد : وين ساير تو الناس خلك اتغدى ويانا ..
احمد : لا ماعليه مره ثانيه بسير عندي اشغال بقضيها ف العين ..
ام محمد : فداعة الرحمن .. هالله هالله بالدرب لا تسرع ..
احمد : ان شاء الله الغاليه ..
وسلم أحمدعليهم وسار صوب سويحان
وبعدالغدا أتجمعوا الكل صوب سيايرهم عسب يردون بوظبي
كانوا ست سيايير
(حمد،مبارك،بوسيف ,هزاع،بوحمدان،)
البنات(ميره،ميثه، مهاري،فطامي،عواش،حمود.فسيارة حمد)كالعاده مرتبشين
(مريامي، شوق , منال ، روضه، حصه ، أمون)ف سيارة مبارك
(ام سيف وام محمد ف وذياب سيارة بوسيف)
(ام حمدان و منصورفسيارة بوحمدان)
والشيخ هزاع فسيارته اللمبرجيني ومعاه عبود..وانطلقواكلهم صوب العاصمه
وصلواالعصروكل حد ساربيته ..
بيت ابو سيف واليده كانت عنده ..
امابيت بوحمدان كان فنفس المنطقه بس يبعدعن بيتهم بثلاث بيوت..امابيت سعيد كان فآخر الحاره
وبيت سلامه كان مجابل بيت بوسيف. ميره طبعاسارت بيت بوسيف ..

بعد صلاة المغرب ميره وعواش قاعدين ف الصاله ماسكين كتبهم ومجابلين نجوم اونهم عاديذاكرون.
دخل سعيد:ماشاءالله الحلوات شو يسون؟
ميره:نذاكر^^..
سعيد:اتذاكرن ولاتشوفن أغاني.
ميره:لابس جيه نركزأكثر..
سعيد:لاواناأضمن لكن النجاح بامتياز..
عواش:شي أكيد براذراذا انا وميره مايبنا امتيازمن بييب امتياز
ميره:صح لسانج.
عواش:صح بدنج ..
ميره:خشمج وقامن وتخاشمن ...
سعيد:الحمدلله والشكر.صدق العقل نعمه.
وسارصوب التلفزيون وبنده و سار فوق والبنات احتشرن عليه ..
وفتحن التلفزيون واونهن عاد كملن مذاكرتهن..
المسا الساعه ثمان الشله المشتله مجتمعين فبيب بوسيف (ميره،ميثه، مهاري،فطامي،عواشه) ناقصنهم عليا
وحمده..
ميثه:والله مليت من الدراسه..
عواش:حتى انازهقت..
فطامي:من تو..
مهاري:مي ثري...
ميره:اللي يسمعهن يقول مقطعات عمارهن مذاكره بس ماسكين الكتاب ويتأففن.بنات آخر زمن .
ميثه : اصلا الكتاب بس من تمسكينه يبلج الهم.
عواش:صدقتي ..
ميره:بنات يالله نلعب.
مهره:شو نلعب
ميثه : نلعب انسان حيوان نبات جماد بلاد..
فطامي يالله.وقعدن البنات يلعبن ..
وعالساعه عشر..خلصن اللعبه..
ميثه:يالله وصلوني البيت.
ميره:رقدي عندنا انزين.
ميثه:لابسيرروضه الصبح بتسيرالجامعه ومنصوري ماعنده حد وامايه بتظهرالصباح مادري وين بتسير
عواش:ويت بشوف عبدالقادريوصلج ..
ميره:لاخلينا نحن نوصلهاوانرد..
ميثه: لاوين نوصلها البيت بعيد.
ميره:عادي بنمشي بنسوي شوية رياضه.ككك.
فطامي:هي يالله انسوي رياضه من زمان مامشيت..
مهاري:هي يالله.
ميره:يالله مشينا بنات ..
عواش:اوف منكن لازم يتعبونا لازم.
والبنات تمن يضحكن ععواش اللي تتحرطم جنهاعيوز.
.وساروايوصلون ميثه بيتهم وبعد ما وصلوا ميثه بيتهم وردوا ..وهم رادين شافوا سياره وراهم وخافوا يصدون
وراو سرعوا فمشيتهم. طبعااللي وراهم كان مبارك وعرفهن وقال بيخوفهن
مهاري:يامايه شوفوه ياي صوبنا..
عواش:اتغشن بنات تغشن والبنات كلهن تغشن وياشلهن الملونه.وكانو زايغات..
مبارك وصل صوبهم وهم من الزيغه ماعرفوه.
مبارك:صوبنا صوبنا.عطوناويه انزين..
ميره:بنات مب جنه هاصوت بروك.
فطامي من الخوف حتى ماعرفت صوت أخوها: لالامب بروك.
مبارك يضحك بصوت عالي.حوه يالخوافات تعالوركبوا بوصلكم.
وميره صدت صوبه شافته. بروك يالخام يالسبال..
مبارك:هههههه يالله ركبن يامسودات الويه..بسرعه.
وركبن البنات ويامبارك ووصلهن كل وحده بيتهم..والكل ساريرقد...
مرالاسبوع بأكشناته..وسوالف ميروه والشله المشتله اللي ماتخلص..يوم الجمعه كان آخر يوم لميره.
وخلاص بتسيردبي عسب امتحاناتها..الجمعه الكل متيمع بيت بوسيف..الخوان والخوات كلهم ...
الكل قاعدين فالصاله العوده ..البنات بصوب والشباب بصوب والشياب والحريم بصوب.
والكل موجود ماعدا سعيد.اللي كان مسولهم مفاجأة ..
بعدالغدا سارن البنات فوق وتموا الباقين تحت..ميره كانت اتجهز أغراضهاعسب اتسيردبي اليوم..
عواش:يالدبه خلاص اتعودت عليج مب حلو لاتسيرين.
ميثه:هيه والله انتي كشخه اتسوين ربشه واكشن
ميره:شواسوي عادورانا امتحانات..
فطامي: بتسافرين بعدالامتحانات ع طول ..
ميره:هي ان شاء الله بسوي لهم سوربرايز.
ميثه:ليش مامخبرتنهم انج بتروحيلهم ..
ميره:لاماخبرتهم..
وعندالشله الثانيه..كانواسلامي وأمون يذاكرون..وعند
خلودومريامي وروضه ومنال.
منال: قومواننزل تحت.
.روضه:يالله..
ونزلن البنات تحت عند الباقي..
خلود:ميراني وين؟!
اليده:مادري فديتهااكيدسايره تجهزعمرهاقالت لي بسيراليوم صوب دبي.
مهره:لازم يامايه وراهاامتحانات..



وفجأة¿!¡؟



دخل سعيد..... اللي كان محضر لهم مفــــاجعـــه وااايد حـــــــلوه ..



ياترى شو هي المفــــاجعـــه ؟؟



تبون تعرفون شو المفاجعــــه







اكيد تبون تعرفون ..











اخبركم شو هي ..







يعني لازم تعرفون اليوم













خلاص البـــارت الياي بتعــــــرفون شو هي المفاجـــعه ..











Stop

ها شـــو رايــــكـــم فـ البـــــــــــارتـ ان شاء عيبكــــــم ..

امممممـــ سوري لان البــــارت قصيـــر ان شــــاء المره الـــيايه بيكــــون البــــــــــــارت اطــــول ..

ياترى شو المفاجعـــه اللــــي محضرنهـــا سعيد لاهلــــه .. ؟؟

بانتظـــــــــــــــار ردوكـــــم اعزائـــي الاعضــــاء ..
ولي عـــــــــــــــــوده .. ^^