|
سوري تاخرت عليكم وهذا البارت الرابع ♥♥ جزء الرابع ♥♥امنه : الووه سلطان: الوو امنه: سلطان سلطان: منووووه امنه: انا .. امنه سلطان: امنه منووو امنه: انا امنه الي ترمسك في المسن سلطان: شوووووووه من وين يبتي رقمي امنه: مايخصك من وين يبته انا عندى لك كلام ابا اقوله سلطان: تفضلى امنه: سلطان انت ليش ماتحس فيني انا احبك والله احبك كم بقولك انت انسان غير سلطان: اوهوه ردينا انتى سمعتي جوابي صح ولالا امنه: بس هيه ماتحبك سلطان: وانتى شدراج امنه: اصلن هيه ترمس شباب وجيه سلطان: ثمني رمستج عن بنت العم لا تغلطين عليها ولا شي تسواج وتسوى امثالج امنه: تخسي الي هيه بس هيه ماتحبك وصدقني سلطان: اوهوه اقولج انتى بس غيرانه منها امنه: شحقه اغار سلطان: لانها احسن عنج واحلا امنه: خسي هاااي احلا عني سلطان: احلا عنج بملييييييون مره امنه : سلطاان انت ليش ماتحبني سلطان: الحب مب غصب وبعدين انا احب امنه: ماعليه يا سلطان سلطان : جب جب امنه: جان ماخليتك تحبيني وتردلي وتحب ريلي ماكون امنه سلطان: وايد متاثره روحي حق سحرج وطبولج انجلعي وايد منزل مستواي لج باااي امنه [ ماعليه يا سلطان ماعليه بتشووف شو بتسوي وانتى يالخايسه يا ساروه دواج عندي شوفي شو بسوي ] الصوب الثاني الساعه 12 فليل ساروه: هههههههههههههه قول والله منصور: والله تخيلي ساروه: اخوك فنان منصور: ههه ادري ولا بعد يقوولها اونه شفتي ويهج ساروه: حليله اخوك منصور: اسميني صحت من كثر الضحك ساروه : ههه دوم انشالله تضحك منصور: وياج ساروه: اسمع حشره منصور: هيه هايل عيال عمي وبنات عمي حشره مسوين ساروه: انت حذالهم منصور: لا هم بعاد شوويه اقول شمسه ساروه: هلا منصور: انا يوم سالت اختى قالت ماعرف حد اسمه شمسه كيف جيه ساروه: اااااا مم لا تعرف اكيد انا ربيعتها منصور: انتى يوم سمعتيني كنتى وياها عالخط ساروه: هيه عشان جيه ماتبا تقول اسمي منصور [ انا شاك]: اها منصور: ههههه اليوم اقولج يوم دخلت السينمه شافتني وحده منصدمه ساروه[ اويه هاي انا ]: هه ليش منصور: ماعرف انا روحي زغت اول مالفت طاح الي في ايدها وتمت باقه عيونها حشى والله صدق مقلع ساروه [ حسيت انى انجرحت ] : ليش منصور : ماعرف خاصه انها رمست اخوي يعني حمدان يوم دخلت هيه اظن وحده من ربع اختى بس يعني بس ماعرف اختى ليش ترابع جيه ساروه[ شو قصده]: كيف جيه منصور: يعني اختى مل كشخه وجيه وهيه غير عنها وبعدين يبين انها بنت يعني مب من راهيين وداشه قولد كلاس احسها غلط واتم تطالعني يخي مب معجبه فيج يعني صح انى حلوو ومشهور بس ليش جيه اطالعني ماحب حد يطالعني زين ماكفختها بشي ساروه [ انجرحت من رمسته انا جيه ماتوقعته يقول جي من كثر مانجرحت سكرت في ويهه ] منصور[ بلاها سكرت في ويهي انا قلت شي لا ماقلت شي اممممم ليش زعلت خلني ادقلها ] ساروه[ اكوه يدق والله مارد عليه انا لازم اقطع علاقتي فيه داموجهة نظره جيه انا اصلن من البدايه شو يعلقني فيه اعرف انه ولد عز ومستحيل ولد عز يفكر في وحده شراتي يتحرني انا بنت عز شراته مابرد عليه] منصور[ امم ليش ماترد على انا ماقلت شي ليش جيه امم يمكن كشفوها او يمكن يكون عندها ظروف اكيد بطرشلي مسج قمت ورحت قعدت عندهم مولعين ضو وقاعدين قعدت حذالهم وانا سرحان عالاخير كنت افر بشمسه امممم ليش سوت جيه يمكن مضايجه منىلا لا انا ماقلت شي يمكن تحبني وتغار لا لا ماتحبني ولا تغار يمكن ليش لا يمكن هلها كشفوها يارب صبرني متى بطرشين مسج] ملاك : منصووور منصور: نعم ملاك: بلاك جيه ويهك مصفر منصور: مايخصج حمدان: اووه صح عنووود عنود: ها حمدان:ش فت ربيعتج فالسنمه سارووه عنود: قوول والله مادقيتلها حليلها بدقلها حمدان: هههه كانت يايه ويا وحده منصور كان ويياي فالسينمه صح منصور: صح[ وبسبت هالسالفه وهالبنت الله يقطعها شمسه سكرت ااف] حمدان: حليلها والله ميثا: انت ماتستحي ترمسها وهيه ماتقربلك حمدان: عادي كيفي وبعدين هيه اكبر منى ب 7 شهور يعني عادي وهيه صديقتي صح عنود عنود: صح انزين شو كنتوا تشوفون حمدان : ها منصور دخلنا فلم رومنسي عنود: هيه ساروه تحب هالافلام حمدان: من طلع منصور هيه طلعت سيده وراه منصور: شووه حمدان: هيه من طلعت شفتها طلعت بعد هيه منصور: كيف طلعت حمدان: كيف طلعت بعد من الباب يعني من وين منصور [ امممم يعني طلعت وراي و ماشفتها الا عقب هاي البنيه منوه سالفتها سالفه و ليش شمسه بندت اممم شكيت فالسالفه وايييد هيه اسمها ساروه تذكرت شي وكيييييييييييف ماخطر في بالي ] (( منصوور: عنود اباج شويه عنود: ارمس ربيعتي منصوور: دقيقه بسالج شي بسرعه عنود: اووووووووكيييه عنود: ساروه بخليج عالهولد اخويه يباني ساروه: ماعليه ))))) يعني شمسه مب ساره بس كيف اتاكد يعني هيه قصت على اسمها مب شمسه بس انا بعد قصيت عليها اممم يعني البنت الي رمست عنها هيه صح حمدان قال اسمها ساره يمكن هيه هااي شمسه انا شووو سويييت ليش رمست جيه اكيد زعلت يعني هاي الي شفتها شمسه انا كنت اقول عنها البنيه جيه بس عسب شمسه تقوول عني انى مب راعي بنات بس ماتوقعت انه البنيه هيه ] منصور: عنود ممكن موبايلج عنود: ليش منصور: بطرش شي بس اغاني عنود: امم صبر يوود منصور: اوكيه [ سوويت سيرج ل رقمها ولقيته ومكتوووب تؤام روحي ... مستحيل مكتوب تؤام روحي سارووه يعني هيه اااااااااف انا شوو سويييت شووو سويييت اخافها ماترمسني الحين ياربي بطرشلها مسج امم بس شوو بكتب لازم ابين لها انى اعرفها من زمان ] منصور طرشت مسج وكان مكتوب [ حبيت اللعب باعصابج عسب اتاكد انج انتى ساره !! ] ساروه[ اووويه كيف عرفني ياربي شو اطرشله اممممم بدقله ] [منصور قام بسرعه وكل حد تم يطالعه وراح شويه بعيد] ميثا: اكيد يرمس وحده حمدان: ليش انشالله ميثا: عيل ليش يركض حمدان: كلن يرا الناس بعين طبعه منصور: الوو ساروه: كيف عرفتني منصور: امم انا اعرفج من زمان ساروه: كيف منصور: امم يوم حمدان قالج ساره في السينمه يوم رديت البيت تذكرت يوم قلتي سمعتك كنت فالخط عنود قالت كانت ترمس ساره ساروه[ كيييييييييف مافكرت بعد انا ]: خلاص عيل منصور نحن لازم نقطع بعض منصوور: ليييييييش ساروه: بعد الي قلته عني منصور: ساروه انا قلت جيه بس ابا اللعب في اعصابج ساروه: اعرف انى مب من مستوواك منصور: ساروه شو هالرمسه بعد في مستوا ومامستوى كلنا الله خلقنا ساروه: بس مايوز ارمسك منصور: ليش ساروه: منصور شو اخرتها من ارمسك ماله معنى منصور : لا واللله كيف مالها معنى ساروه انتى ماتحسيييين شووه ساروه: شوه ماحس منصور منصور [ تنهد ]: انتى تتحسبين ارمسج بس جيه ساروه: منصوووراعرف انك ترتاح من ترمسني منصور: مب جييه ساروه مب بس ارتاح انتى مابتفهمين ساروه: افهم شووه منصوور خلاص انا مابتم وياك طول العمر منصور: وليش لاا ساروه: منصور شو ليش لااا منصوور: ساره انتى ماتفهمييين ساروه: منصوور شو مافهم شو مافهم قولي شو تريد تفهمني منصووور[ تنهدت و تنفست بصوووت عالى طلعت من الكلمه بالم حسيت الكلمة يوم طلعت راح الهم كله ]: انى احبج ساروه[ يحبنــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــى !! انا مستحيل يحبني انا احسه يقص على كيف يحبني انا مستحيل يحبني منصور ناصر ال .. يحبني انا مستحيل مستحيل اصدقه ] : تحبني منصور [ تنهدت وخذت نفس واحس قلبي يدق بقوووه بقوووه فضيعه فعمري ماتوقعت انه يدق هالكثر اول مره تصير هالحاله حسيت جسمي كله يرتجف مارمت احرك عيوني وكلها دموع محبووسه تتريا الفرج حسيت شي في صدري اباها هالانسانه اباها بس كنت افكر انى اريدها ها الشي مب من شوري]: هيه يا ساروه احبج اعرف انج مابتصدقين بس انتى انسانه مالها وجود فالدنيا يعني لو ادور وادور مالاقى غييييييييييييييييييييييييييييييييييرج صدقيني انتى علمتيني وايد اشياء انتى خليتني افكر مب كل شي اقدر احصله وخاصه انتى يمكن ماقدر احصلج الي كتباه ربنا بيصير ساروه انا مالعب عليج هاي احساسي اتجاهج لو اقولج احبج ها شووي انا قبل ماعرفت شو هالشعور بس تاكدت مليوووووووون مره عقب ] ساروه[ حسيت جسمي يرتجف ماعرف ليش ابا اوقفه ماقدر ايدي ترتجف عروقي ينبضن قوو ويعورن وايد حسيت اتنفس بجنون ماقدرت ماعرف شو هالشعور مب اول مره حد قالى هالكلمه بس هالمره سمعتها من الخاطر من كثر من هالخاطر سمعت دقات قلبه همساته كل شي يبين انه صادق بس انا ماناسبه منصور ماناسبه ابدااا هوه مايعرف منو انا ] بس منصور: بس شوه يا ساره ساروه: منصوور انا ماعرف شو اقولك تصبح على خييير منصور: ساره يلعن اصلى جان زعلتي ساروه : لا لا مب زعلانه امم بدقلك باجر الحين ابا ارتاح شوي منصور: على راحتج يالله عيل تصبحين على خير ساروه: وانت من اهله منصور [ الى سويته صح ولا لا انا متاكد مليون بالميه من مشاعري كل ماحاول اتذكر شكلها انسى ماكان يبين وايد ويهها ابا اشوفها مرثانيه امممم اتضايجت يوم قلتلها جيه ولا مستحيه يارب تكون تحبني والله ياساره انتى سويتيلي اشياء حتى ابد اميه ماسوتلى اياها والله اعوضج يا ساره بالي سويتي اياه بعيشج ان وافقتى على احلى حياه عشتيها ومايهمني حد المهم انتى ] ساروه[ ليش ماقدر امسك عمري ليش ارتجف هالكثر اول مره احس جيه منصور يحبني انا يحبني انا مايحب وحده غيري انا شمعنا انا ليش يحبني انا خلا كل البنات ويا صوبي انا ليش انا يعني انا مب حلوه ولا شي ليش يحبني انا منصور ناصر يحبني انا احلا واحد شفته فحياتي يحبني انا بس مستحيل هوه مب من مستواي وبعدين انا ماناسبه يستاهل احسن عنى بوايد في وايد بنات احلا عني وايد احسه يقص على ماعرف ليش احسه مايحبني يمكن يبا منى شي بس شو يبا انا ماعندي شي وليش وانا واثقه منه اه شو هالشعور ] نروح صوب حمدان حمدان يالس يدز عنود بريلها حمدان: عنود عنود : هاا حمدان: ساروه عندها اخوات عنود [ بلاه يسال ]: هيه ليش حمدان [ الا اغهر الميث ]: عندها اخت جيه شوي طويله وضعيفه خشمها جيه طويل وهههههه لسانها طويل عنود : بل بل كيف تعرف عنها حمدانوه خبرني حمدان: ماشي شفتها ويا ساروه عنود: هييييييه مريوم هاي حمدان : بعد اسمها مريييوم لا مب حلو بسميها مي مي عنود: ههههههههه ويا ويهك عيب ترمس عن البنت حمدان: ههه كيفي الميث[ اونه منو هاي مريوم فقت ويها وليش يرمسون عنها انا واثقه حمدان يباني ] نرد صوب منصور منصور كان في الخيمه طايح على فراشه فاتح عيونه الوساع يطالع يمين ويسار يفكر كان قلبه يدق يدق طبوووووول حاس اول مره يستويله شي حاس انه مب ندمان بس اتسرع ] راشد: منصور بلاك منصور: .. راشد: منصوور بلاك منصوور منصور: ها ماشي راشد: عيل بترقد الحين منصور: هيه برقد الحين يالله عيل تصبح على خير راشد: وانت من اهله من الصوب الثاني سيف: جسوم ياخي ملل منيه جاسم: تعال بوظبي سيف: ضيجه والله الله يرحمك ابويه كان دوم يركبني الحصنه ويعلمني جاسم: الله يرحمه خلاص سيف سيف [ دمعت عيونه ] اسمحلي والله جاسم جاسم: بلاك سيف شو فيك سيف [ بنوبة صياح]: والله تولهت على ابويه كان دوم يقولي انت ريال وانت شجاع الحين محد يقولي كان دوم يقولي في يوم من الايام بتغدي زين وبتساعد الناس ااااااه الله يرحمك جاسم: الله يرحمه يا سيف الاعمار بيد الله سيف: والله مالى غيرك يا جاسم جاسم: واخوانك سيف: والله اخواني مايقصرون فيني بس انت احسن عنهم جاسم: اها سيف: يعني منصور مايقصر كل يوم اي ويقولي شي قاصرنك تبا ترمس عن شي احسه يبا يحسسنا انه يعني لازم ننسى ابويه جاسم: لا مب قصده بس يبا يحسسكوم انه هوه موجود سيف: بس ماريد اكثر عليه والله احسه مب مهم هوه المهم احنا جاسم : هيه والله حليله . . [شرقت شمس بوظبي و عايلت قوم منصور ال ... كلهم رادين بوظبي و في بوظبي وتحديد غرفة ساره] [قامت ساروه الكسولة الساعه 11 طبعن اجازه الربيع ها من وقت دوم تقوم 2 بس امس رقدت من كثر التفكير حست فيها صداع فراسها خذت لها حبة بندول فجت شعرها البني يوصل لاخر ظهرها تمت تطالع عمرها في المنظره نزلت قصتها الطويله عويها تمت تطالع ويهها راحت بسرعه للاب توب دشت فلكر ادور نك منصور دشت ولقت صورته طبعتها تمت تشووفها وتشوف ويها ] ساروه: وين حلاتك يا منصووووور محلاك [ تميت امرر ايدي صوب ويهه ] ماشالله عليك ولا عيب في ويهك حتى رموشك مرتبه وويهك ماشالله لا حبه ولا شي تميت اشوف ويهه ولاحضت عنده حبيت خال تحت عيونه وحذال بعض كانوا يجنن ماشالله عليييك اتجنن ابداااا انا مايخصن يفيك والله . [تررررررررررن تررررررررررررررررن ] من الصوب الثاني كانوا عنود ومنصور وام منصور و زايد و محمد محمد: منثور مل الشيشيه منصور: من عيوني ام منصور: حق منوه اتقين عنود: حق سارووووووه ام منصوور: ساروه ناصر عنود: هيه اميه ام منصور: ويه فديتها خلني ارمسها منصور [ وانا اسمع اسمها قلبي يدق طبوووول ياليت الحين انا مكانج يا عنوووود واللله ياليت اقدر ادقلها هيه بس ادقلي فديتها والله ] عنود: خل اترد عنود: الووووووووووه ساروه: هلا والله عنود: هيه هيه الحين هلا والله ماتذكرين ربيعتج هاه ساروه: سووووري والله تعرفين ماحبيت ازعجج عنود: دخيلج لا تتفلسفين ناس شايفينج في السنمه ساروه [ اويه ] : منو عنود: منو بعد حمدانوه ساروه: هههههه ام منصور: عطيني اياها بسج عنود: الوالده تبا ترمسج ساروه: قولي والله عنود: هاج ساروه [ يالفشله] ام منصور: هلا فدييتج ساروه: هلا خالوه شحالج ام منصور: هلا والله ببنتى شحالج ساره عسبج مرتاحه ساروه: حمدالله بخير وانتوا شخباركم ام منصور: نحن بخير فدييت روووحج انتى الا قاطعه ماتزورنا ساروه: افا عليج خالوه وين قاطعه انا ام منصور: الا من كم شهر مايتينا ساروه: تعرفين ظروف ام منصور: الا انتى معزمه عدنا فالغدى ساروه: بس خالوه منصور: [ معزومه عدنا فالغدى يعني بشوووفها يييييييييس فديتج امايه انتى الوحيده الي حاسه فيني وانا اقول اميه ماتحس فيني يالله يا ساروه يعني بشوفج اليوم انا فعمري ماشفتها ماحيد شكلها امم يعني بشووفها اكيد بشووفها انا بحرشها جدام باب البيت لين ماتي ] ام منصور: لا بس ولا شياته غداج عدنا ولا بزعل ساروه: لا خلاص خالوه ماعليه [ لا لا يارب مب وياها منصور عن يسمع ماريده يشوفني يارب مب وياهم يارب يارب يارب ] ام منصور: هيه وهاتي حد من اخواتج بعد عنود: هيييييييييييييييه هاتي مريوم تولهت عليها ساروه: ماعليه بشوفها عنود: اميه هاتي بسج ام منصور: خليني ارمس البنيه عنود: بسج هاتي الوو ساروه ياي بتين بيتنا ساروه: انتى بعد فشله عنود: تستاهلين يالقاطعه منصور[ فديت روحها يعني بتي اليوم لازم اشوفها هيه لازم اممم كيف ماعليه بدبر امم خلني اطرشلها مسج ههه ولا لا مب مطرشلها عقب مابتي ] ساروه: يالله بخليج عنود: انزين يالله اترياج 2 فبيتنا فاهمه ساروه: اوكيه فديتج عنود: باي ساروه: باي ساروه[ ياربي شو اللبس الحين عالغداء ماعندي قلاليب فخمه اخاف حد يكون عندهمامممم بروح الحين اليشمك بسرعه بخذلى بفلوس الي عندي اياهم اكيد يكفن و بخذ صينية باتشي فشله اروحلهم فاضيه امممم مايكفن عندي 900 الجلابيه روحها ب 800 والصينيه امم اكثر برووح عند مريم امس طالبه من اميه بتقولي الفلوس وين راحت ] ساروه: مريم مريوم: هلا ساروه: اقولج ترانا بنروح عند العنود مريم: اي عنود ساروه: ههه اخت حمدان مريم: قطيييييييعه ساروه:يالله مب كيفي ام منصور عازمتنا مريم: قولي والله ساروه: هيه دقت قالتلي انتى واختج مريم تعالوا مريمك شعرفها فيني ساروه: عنود خبرتها مريم: نعم شو اللبس تعرفين هايل ناس راهييين ونحن ماعدنا ولا بدله شراتهم ولا قلابيه فخمه ساروه: انا بروح الحين عندج فلوس مريم: فبوكي 500 بس ساروه: شووووووووه مايكفن مريم: ها مصروفي لهل شهر كان 1000 خلصته كامل بقى 500 ساروه: امممممم عيل شو الحل مريم: انا عندي عباتي مل عيد وايد حلوه بلبسها وبلبس كندوره عاديه وانتى خذيلج انتى روحج ماتلبسين كنادير كله بناطلين صباعيه ساروه: ههه تراه جيه بروح مريم: بروح وياج ساروه: هيه بناخذ صينيه باتشي عيب نروح فاضيين مريم: هيه اولله في سيارة منصور [منصور شوي الا بيقوم بيووول وبيبس من الفرحه حلجه مايتسكر شاق الابتسامه مب عكيفه بس جيه مستانس ويبا يرد بسرعه ] وفي سيارة حمدان حمدان: اوه عاش ميحد راشد: بطل اغاني لو محطي شريط قران احسلك حمدان: اوهوه لا تحشرنا ماتبا تسمع سد اذنيك اكوه كلينكس سيف كان سرحان يطالع الجامه حمدان: سيفوه فمنو تفكر فحبيبة القلب اكملت العايله كلها تحب سيف: هاه حمدان: بلاك سيف[ بضيج ] : امم تذكرت ابويه يوم اشوف هالدرب يوم كان يقوللنا طاعوا الهوش وطاعوا الجمال حمدان [ اتضايج وايد من سمع وماقدر يرمس] راشد: خلاص يا سيف لا تعرض بقدرة ربك ها الي كتباه ربك وها الي بيصير ماتقدر تسوي شي سيف : هيه والله حمدان[ يبا يغير جوو] : بتمرون الشيشه سيف: مالى نفس اكل راشد : وانا بعد حمدان: عراحتكم . |
ماابي اطول عليكم بالقصة وهذا تكملة البارت يتبع >> [ ركبت السياره انا ومريم ] مريم: امم وين بنسير ساروه : المرينا بخذ من اليشمك وبنرووح تحت باتشي مريم: اوكييييه [ وصلا المرينا و دخلنا رحنا اليشمك فوق ] ساروه: وايد اشياء حلوه بس غاليه ماعندي الا 900 مريم: شوفي هاي ب 850 وايد اتجنن لونها احمر ساروه: هيه حلوه خلاذ عيل دوري قايسي ميديم مريم: ها اكوه ساروه: بناخذها عيل [ خذناها ورحنا باتشي وخذناااه سيده وطلعنا وروحنا البيت ] ساروه: امايه ام جاسم: هلا فديتج ساروه: بنروح بيت قوم العنود ام جاسم: الحين ساروه: شو اسوي ام منصور عازمتيني انا ومريم عالغدا ام جاسم: وحليلها خلاص برايكم روحوا روضه: انا بلوح معاكم ساروه: هلى قاصر مانبا دلووعين روضه: تب ساروه: جبج رحت فوق صوب مريوم وشفتها تتعدل ] ساروه: الله الله عالكشخه كله حق حمدانوه مريم: وقطيعه تقطعه انشالله خسي اتعدل لاشكاله ساروه: حليله مريم: حله حلول قولي امييين ساروه: مابقول مريم:فقققته والله وبعدين مابنشوفهم ساروه[ يعني فخاطري اشوف منصوور احس شي فقلبي يقولي لازم اشوفه بس ماباه يشوفني ]: ههه هيه مابنشوفهم [رحت الغرفة عشان اتعدل شفت عمرى بالمنظره امممم شو اسوووي بشعري ارفعه ولا برفعه بطريقة حلوه وايد وبحط شباصات حمر عليهم اممممم خليني اتجحل اتجحل ولا لا امم بتجحل وبحط قلوووس اتجحلت وحطيت قلوس احمر لبست الجلابيه الحمرا وكانت روعه حطيت شوي مسكره و لبست عباتي و تعطرت بعطر مس ديوور رحت صوب مريوم وكانت تخبل كانت لابسه تركواااوز وروعه ماشالله عليها اختى اتجنن ] من الصوب الثاني عنود: امييييه ام منصور : هلا عنود: شو سووه غدا ام منصور: مسوين برياني دياي و خليتهم يسون كشري و تبولة و فتوش و معكرونه بشميل وسلطة عاديه عنود: اها زين عيل ساروه تحب هالاكل منصور[ نزلت من فوق وسمعت اسم الي سكنت قلبي ] عنود: انت ايه اطلع منصور: نعم عنود: ربيعاتي بيون روح الميلس بيحطون غداكم مناك منصور: لا والله عنود: عيل تتحسب بتتغداء ويانا منصور[ احبطوني]: انزيييين انزييييين بروح اللبس جلابيه وبنزل منصور[ ياربي الحين كيف بجوفها ابا اجوووفها ] ممن صوب ساروه ساروه: هاذا بيتهم مريوم: ماشالله وايد وايد وايد عوود ساروه: ادري هالباب عود اصبري يوم بدشين مريم[ دشينا البيت وكان عود كان كله زراعه ونحن نمشي شفنا الفه ووراها صوب الباركنات مل سياير] ساروه: امم ابركن مناك مريم: ماعرف ساروه: يالله منصور[ ااف لازم اسير صوب الميلس خلني اروح المطبخ طلعت بس يوم طلعت شفت سياره بتبركن اكيد هاي ساره تميت وقفت ماتحركت تميت اتريا لين ماتنزل] مريم: ساروه شوفي ها كيف يطالع السياره ساروه[ لفيت وياليت ماشفته هيه منصور شفته اه يخبل وكان لابس جلابيه ويت ليش واقف اكيد يبا يشوفني ] مريم: قومي ننزل ماعلينا منه بنروح الباب الرئيسي ساروه: امم لا بنترياه لين مايروح مريم: لا والله عنود تتريانا مناك يالله ساروه : امم انزين منصور[ شفت الباب ينفتح] حمدان: بوووه شو تسوي منصور: هاه ماشي [ وقته ها ] حمدان: اوه هاي سيارة ساروه خلني اقصص فيها منصور[ عصبت مارضى]: انت ايه ماتستحي صدق ماتخيل ولا تستحي خل البنات فحالهم حمدان: اونه تباني اصفق لك بروح لاه من الصوب الثاني ساروه[ تغشيت مافيني يشوفني ]: مريم خايفه مريم: اندوكم تغشت طاف لاه حمدان: السلاااااااااااااااااااااااامن عليكم منصور[ شفت حمدان راح بلحقه حلال عليه وانا لا ] ساروه: وعليكم السلام منصور: السلام عليكم ساروه[ كنت خايفه ارد قلبي يدق قو قو وهوه يرمس لفيت راسي ويايه بمشي] حمدان: اوه ساروه شحقه متغشيه تستحين منى احم من قدي مريم [ ماتقدر تمسك لسانها ]: عداااااااااااال ماعرف منو و انت تتغشى منك روح زين حمدان: انا حمدان مريم: وخير يا طير حمدان انتى شفتي ويهج قبل ساروه[ اهوه نقعت ضرابه شفت منصور يطالعني وانا متغشيه كنت متنرفزه ماقدر ارمس مشيت بسرعه وسويت طاف لمريم ] منصور: حمدانوه بس قوم نسير حمدان: هيه ابركلنا من هالشيفه مريم: انجلع مريم[ طع وين هاي راحت رحت بسرعه ولحقتها ] منصور:[ اخيرن جفتها بس كانت متغشيه ليش متغشيه ابا اشوف ويهها انا لا بس جسمها روعه مب ضعيفه ها اهم شي بنات عايلتنا كلهم ضعاف وعظام بس جسمها روعه و بس ماشالله عليها وايد حلوه صح ماشفت ويهها بس شوفتتها كانت شي حسيت استانست كنت شويه وبنط عليها من الوناسه حسيت ماقدرت اخوز عيني منها ماسمعتت شي ولا جنه حد حذالنا ] عنود: هلا والله ساروه: اهلييين شحالج عنود: بخير تولهت عليج الله الله محلوه مريم: هلا والله عنود: اهلين مريوووم شحالج عساج مرتاحه مريم: تمام بخير عنود: تفضلووا مريم[ تميت اشوف بيتهم كله تحف وزينه كان خبال بيتهم تميت اطلع الرسم عالايدار كان كل شي مرتب وحلووو وراهي حسيت بس هالغرفه تسوى مليون واكثر تميت امشي واشوف الاشياء اف يا حمدان صدق قليل ادب ومايستحي على ويهه ] من الصوب الثاني حمدان: هه اخ بطني منصور: انت شعندك طايح عالبنيه حمدان: يخي هالبنيه قوية عين مقوى فيها يخي احب اسبها اطالع شو بتسبني منصور: هيه ويهك لوووح حمدان: يخي ابا ارد اضارب معاها منصور: متفيج حمدان: عيل انت واقف وفاج حلجك يالس اتشوف ساروه عايبتنك هاه اعترف ممنوع تخطبها منصور: لا والله ليش انشالله حمدان [ رفع حياته]: ليش ناوي تخطبها لايكووون هاي الي منصور: [ ارتبك] : لا لا انت مخرف بس ليش يعني ممنوع اتغربت حمدان: ااااااااااااااااااحم حرمتي هاي لحين نحن متزوجين منصور: لا والله حمدان: اسسولف وياااااااااااااااااااكـ ههه . . ام منصور: ياهلا بساره يا هلا بشيخة الحريم شحالج ساروه: بخير الغاليه وانتى شحالج ام منصور: بخير شوه هالكشخه فديتج كبرتي وغديتي عروس لازم اندورلج معرس الحين ساروه[ حسيت ويهي احترق من الرمسه] : ههه ام منصور: وانتى مريم شحالج بنتيه مريم: بخير خالوه وانتى شخبارج ام منصوور: بخير الحمدالله اي سنه انتى مريم: خالوه انا ثنويه ام منصور : والله مبروك عيل انشالله تنجحين مريم: تسلمين خالوه مريم [ تغدينا كلنا وكان الاكل يجنن اول مره اذوقه الصراحه اكل جي وكان وايد اكل اكيد عندهم مب طباخ طبابيخ من كل بلاد واحد ساروه تسولف ويا عنود وانا مليت روحي بعد الغداء يعني ماشالله سوالفهم كله عن الجامعه جنهم ماشافوه بعض ] دخل سيف اول ماشاف بنات طلع عنود: سيفوه تعال سيف: هلا عنود: هايل ساروه مريوم بس سيف: اووه حيالله من يانا وين اخوكم ليش ماي مريم: اخونا فالبيت مايبناه سيف: افا ها ساروه شحالج ساروه: بخير وانت شحالك سواف سيف: تمام عنود:شو بغيت سيف: كمبيوتري ماعرف شوه بلاه مايطيع يطلع صور اباج تصلحينه عنود: امم مايطلع صور كيف يعني سيف: جيه يعني الصور مايطلعن مل مواقع عنود: ماعرف والله مريم: هييييييييييييييييييييييييييييييييييييييييييييييييي يييه عرفت ها استوالى اعرف اصلحه سيف: انزين تعالى مريم: اوكي عنود عادي ولا عنود: روحي لاه عادي البيت بيتج مريم[ لحقت سيف و انا اسولف وياه كان الدري يجنن واايد يخبل الا بس يبالي يوم كامل اكتشف دخلنا قسم سيف كان يخبل ها الياهل وكبر غرفته جيه عيل الكبير كيف كان ستايل مل كبره كور معلقه و كان يجنن ] سيف: هاي كمبيووتري بروح تحت شوي وبرد مريم: اوكيه مريم[ تميت مدققه احاول اعدله يبالي وقت اعدله] حمدان[ كنت رايح عند سيف ارمسه عن سالفة السياره لازم ارمسه سكله اتضايج وايد من دشيت الغرفه شفتها قاعده هه مريم قلت خلني اغصص فيها ] : لا واللله قاعده بعد عالكمبيوتر مريم[ اف من سمعت صوته تاففت خله يولي بصلح الكمبوتر ] حمدان [ طاف هاه اراويج منو حمدان]: شو يابج بيتنا ليش اتين مريم[ زودها الصراحه وانا ماقدر امسك لساني ] كيفي حمدان[ هه رمست ] : لا مب كيفج كيفي انا متا ماباج ااتين اتين مريم: لا والله انشالله منو تتحسب عمرك حمدان: حمدان ناصر منصوؤ ال .. مريم: مبروك عليك الاسم حمدان: الله يبارك فيج عقبالج مريم: هيه امره ماباه حمدان: تتمنين انتى مريم: خسي حمدان: انتى اي لا تقولي خسي وفبيتنا بعد [ رحت ورا و مجعت الواير مل كمبيوتر] مريم: اييييييييه ليييييييييييش حمدان: كيفي كمبيوترنا تبين كمبيوتر روحي بيتكم اللعبي مريم[ صدق **** وقسم بالله مابسكتله] : شوف انت ايه انا مب يايه اللعب عدنا كمبيوترات مب انتوا بس عندكم اخوك قالي اصلحه شي والحين سكرته مشكور يعني عالي سويته ها يزاتي اسويلكم شي يالله مع السلامه اخ حمدان [ وطلعت معصبه وانا زاعقت عليه صدق ويهي لوح] حمدان [ فاتح حلجه] : بل عليها اللسان حليلها والله ههههخلني اركبه و اشوف شو السالفه عن ياكلني سيف تتحسبنا محتاين الها والله مريم[ تمت امشي وانا معصبه اف بيتهم كبير ماعرف وين انا اصلن تميت امشي وو تعبت قعدت على اقرب كرسي اتاافف ] زايد[ كنت طالع من قسمي رايح المرينا وانا شفت وحده قاعده منو هاي الصراحه كانت حلوه وخاصه شعرها كان ظاهر ها طبيعي لون شعرها ولا صبغ بس حلو عليها لقيتها تتافف و جنها مضيعه المكان قلت بقوولها انتى منو]: السموحه اختى بغيتي شي مريم[ بسم الله زيغني ] زايد[ اوه زيغتها ههههه]: امم بغيتي شي مريم[ كان شكله حلو وملامحه طفوليه وايد كان واقف يطالعني وجان اوقف وادخل شعري] : اممم ضيعت زايد[ اوه هاي الي عزمتهم اميه]: ههههه وين كانوا قاعدين هم عشان ادليج مريم: امم ماعرف غرفة زجاج فيها تلفزيون زايد: ههه هيه فصاله الصغيره مريم[ الحين هايج صاله صغيره وايد عوده اكبر من نص بيتنا ] : امم وينها زايد: جوفي روحي سيده ولفي يمين بتلاقين دري انزلي ولفي يسار امشي شوى بتلاقين . مريم: اوكي مشكووور ومشيت عنه زايد : حليلها والله مضيعه من كبر بيتنا تضيع حمدان: هاي زيود شو تسووي زايد: ماشي ههه تعال توه شفت بنيه حمدان[ حسيت يقصد مريم]: هيييييييه هايل ربع عنود زايد: ادري انزين وحليلها ضايعه ماتندل الدرب دليتها حمدان: هههههههههههههههههه صدق غبيه زايد غبيه بس ماشالله عليها جمال وايد حلوو جسمم حمدان[ حسيت بغيره وايد قويه فصدري عصبت عليه]: انت ماتستحي وقسم بالله طارت الحيه عنك لعنبوه ربع اختك خاف عليهم مثل اخواتك صدق قلة ادب زايد: بسم الله كليتني انزين انا رايح يالله باي حمدان[ بسم الله شو صار فين وينه سواف صلحتله ] باي مريم : واخيراا لقيتكم ساروه هه جيه وينج انتى تاخرتي مريم: بس جيه عنود: تعالي قعدي بنسولف مريم: اوكييييه ساروه[ شفت مريم و عنود يسولفون ] عنود: تبوني احوطكم فالبيت مريم: عادي عندي ساروه: اممم اوكيه ساروه[ مب اول مره احوط بس هاي المره ودتنا صوب الغرفه دخلت عنود و مريم وانا غرفة من الغرف وكانت غرفة محمد وكانت اتجنن دزاينها طفولي يعني ازرق فاتح وسياير و الشبريه سياره عوده وكانت اتجنن صدق بيتهم كله يجنن شفتهم قعدوا يسولفون لمحت لوحه فالطريج قلت خلني اشوووفها رحتلها و تميت ادقق فيها انا احب الرسم ووايد ارسم و شفتها كانت اتجنن كانت ايطاليه واتجنن لقيت غرفه قريبه منها وكانت مفتوحه كان بابها كبير ويجنن ياني فضول اشوف غرفت منوه فجيتها تميت اطالع الغرفه كانت وايد عوده وكانت اتجنن شوي عليها كان فيها 3 اقسام شفت مفتوحات على بعض كان فيها غرفة رياضيه صغيره و كان فيها غرفة نووم و كان الثالث غرفة ملابس وانا كنت فغرفة عووووووووووووده فيها تلافزيون وكمبيوتر وغنفات وايد تميت اطالع الغرفه كان لونها بني على ذهبي ملكي ياني فضول ادش غرفة النوم دشيت غرفة النوم لقيتها مرتبة الا الفراش معفووس كانت بارده موت وتميت اطالع دزاينها كانت الشبريه عوده وااايد وحلوه لفيت وشفت صورت منصور يعني هاي غرفة منصور تميت اتقرب من الصوره واشوفها] منصور: طلعت من الحمام و لبست كندورتي مب طالع من البيت غير يوم تطلع ساره رحت بروح غرفتي ايب السويج بس انصدمت شفتها هيه ساره متاكده كانت لابسه جيه تميت اراقبها وانا عند الباب مابقص عليكم كانت حلوه وايد فنظري وايد وايد حسيتها احلى عني تميت اطالع ملامحها كان ثمها صغير و عيونها عاديه ويها كان صغير نفس جسمها حسيت عمري عملاق بالنسبه الها كان ويها بيبي فيس ووايد كيوت حسيتها ملاك حسيتها رقيقه حسيتها صدق احلا عن كل البنات حسيتها هاي الانسانه الي لازم تتسمى بنت كل صفات البنت فيها تميت اطالعها يوم راحت صوب صورتي وانا قلبي يدق قو قو شفتها تطالع صورتي وابتسمت حبيت اروح عنها بس ماقدرت ريلي كانت ملصقه عالارض و كانت قويييييييه ماقدرت احركها عيوني كانن مثبته عليها ماقدرت احرك عيوني قلبي راح يا ناس تميت واقف بدون قلب قلبي راح صوبها حسيته خذته حست جسمي ذايب حسيت اني ضعيف مب قوي هاي الانسانه تملكني روح وجسد ماقدرت احرك عمري سمعت صووت ياي الغرفه ربعت ورحت الحمام وغفلته على سمعت هالاصوات ] عنود: اوه ساروه انتى هنيه ساروه: ااا كنت ابا اشوف هاي الغرفه مريم: ياي اتجنن احلا غرفة واكبر وحده شفتها عنود: هيه غرفة اخوي منصور الله يحفظه ساروه: اها لا حلوه منصور:سمعت صوتها كان يجنن حلو وايد عالطبيعه بمليون مره عالفون حست صوتها بثل طبل يهز قلبي بكلمها فليل انشالله امم بشوف ردت فعلها بعد ماقلتلها اني احبها ] شو تتوقعون يصير |
يسلموووو ع البارت القصة طرررررر نترقب منج البارت اللي بعده لاطولين ولا بالعصى ههههه:1.gif::1.gif: |
:GIF_13.gif: يالله انا خلصت من هذا البارت .. يسلموو على البارت وانتريا البارت اللي بعده .. بس طلب حاولي اتنزلينه بسرعــهـ |
البارت طرررررررر .. واترياج تنزلينـ البارت الياي عاحر من اليمر .. مب تبطين علينا .. اترياج ^_^ |
| الساعة الآن 05:08 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir