|
عن جابر بن عبدالله رضي الله عنه قال: قال رسول الله صلى الله عليه وسلم: (من كان له ثلاث بنات يؤدبهن، ويرحمهن، ويكفلهن وجبت له الجنة البتة، قيل: يا رسول الله فإن كانتا اثنتين، قال: وإن كانتا اثنتين). أو كما قال صلى الله عليه وسلم. .:. من ربى على شيء شاب عليه .:. .:. فاقد الشيء لا يعطيه .:. موضوع مهم للغاية .. وحساس وأنا اعتبر إنه جاء في وقته .. خاصة ونحن في عصر صار الواحد منا يخاف على نفسه من الزلة والخطأ .. وحتى الإنسان مهما كبر وتعلم وتثقف، ممكن وبكل سهولة إنه ينجرف مع التيارات والتوجهات "الغير سوية" إذا ما حافظ على ميزان الأخلاق .. الأب والأم يعرفون الأبناء حق المعرفة، ويعرفون أن أبنائهم لن يتبعوا خطوات ودروب غير التي نهلوها منهم منذ الصغر ولكنــــهم .. على يقين بوجود تيارات قد تأتي على ما غرس الوالدان في أبنائهم وتغير من صفاتهم وأخلاقهم .. وعندها لا ينفع الندم ما لم يتابع الوالدان أبنائهم خطوة بخطوة .. [ طفلة 3-6 ] .. ! * هالخآدمة شو من اساليب بتستخدمها مع هالطفله .. ؟ و هل بتروم تربيهآ شرآت تربية امهاتنـآ ؟ !.. هنا يكمن الخطر عندما يتم الاتكال على الخادمة في كل شيء حتى في تربية الأبناء، اختلاف الثقافات والعقائد الدينية يشكل خطرا كبيرا على عقيدة الطفل، تقاليده، وتوجهاته ولربما ساهمت تلك الخادمة في تلويث عقل ذلك الطفل وحشته بأفكار واعتقادات دينية وثقافية قد تجعل من الطفل ناكرا لأهله وأصحاب و وطنه. فهؤلاء الخدم .. ما هم إلا عصارة مجتمع متفكك شاءت الظروف بأن تخرجهم من أحضان أمهاتهم للعمل وأغلبهم غير متعلمين "جهلة" إن صح التعبير .. فإن كنا ننتظر من تلك الخادمة أن تربي أبنائنا فخير لنا بأن نضعهم في الحضانة على أن نترك الخادمة تشكل عجينة الطفل كيفما شاءت .. وإن كنت تسالين عن تلك الأساليب .. فالجواب .:. فاقد الشيء لا يعطيه .:. * ، شو الاثار والانطباعات اللي بتغرسها الخادمه فالبنت !! ؟! .. كثيرة تلك الآثار السلبية التي سيتصف بها ذلك الطفل .. وقد تتنوع تلك الانطباعات من طفل إلى آخر ومن خادمة إلى أخرى فاختلاف الجنسيات والعقائد الدينية والخلفية الاجتماعية والثقافية لها جانب في تشكيل شخصية الطفل .. وربما أخطرها .. عندما يتعلق ذلك الطفل بالخادمة ويبدأ بمناداتها "ماما" عندها يكون الماء قد بلل الذقن .. ولا ينفع بكاء ولا حسرة .. *متى نحتآآي للخادمه ب وجود الام .. ؟ إن الحاجة إلى الخادمة في الأصل هو للمساعدة في الشؤون المنزلية كالطبخ والتنظيف والتريب وما إلى ذلك أما تربية الأبناء فهي من واجب الأم والأب .. وإن كانت تقع غالبا على عاتق الأم بحكم أن الأب يعمل ليؤمن الرزق لعائلته .. *هل الاجيال اللي بتخلفها ميري و غيرهاا بتكون شرات الاجيال اللي خلفوها امهاتنآآ و يدآتنآ ؟ هيهات .. .:. عشم إبليس في الجنة .:. وين أمهاتنا الأول .. وين الخادمات الحينة .. فرق ما بين الثرى والثريا !! أنا بسألج ... انتي قد شفتي طالب في الصف الأول يعلم أستاذه القراية والكتابة ؟؟ الأم اشوفها بنظري بروفيسورة في تربية الأولاد لو تفرغت لهم .. لأنه محد بيكون حنون على عياله كثر الأم .. ومهما ازعلت على عيالها يظلون أحباب قلبها .. لكن الخادمة، ما عندها صبر من تتضيق منهم نقول: يا رب سترك وحفظك لعيالنا :a040: ======================== [ فتاة 9-12 ] * شو ذنبها البنت الحينه .. ؟ يوم اهلها غافلين عنها ؟ .. الصراحة مالها ذنب أبدا، خاصة إنها في هالمرحلة العمرية أقدر أقول إنها غير مسؤولة بالكامل عن تصرفاتها .. لأنها توها تتعلم الصلاة والصيام ووجاباتها الدينية، وتوها اتشوف الحياة .. بدايات مراهقة .. والدور اهنيه يرجع للأهل وتربيتهم .. * كثرت سوآلف الاغتصاب بهالايام ،. بمنظوركم ،، شو الآسبآب !,, وكيف نحل هالمصيبه =_ = او نقلل من مرتبيكها .. ! ؟ الاغتصاب نوعين: 1. هناك عرض بالرضى. 2. هتك عرض بالقوة (اغتصاب) الأسباب كثيرة 1. أسباب عاطفية: لم الوحدة ما تلاقى اهتمام من أهلها، ولا صدر يضمها .. يمكن يساعدها في البحث عن صدر حنون يفهمها ويحس بمشاعرها .. والله يستر ساعتها .. يطلع ولد حلال يصونها .. أو غير ذلك :a040: 2. أسباب جنسية: عدم متابعة الأبناء ومراقبتهم وخاصة عند البلوغ، أترك الشرح لأهل التخصص .. 3. أسباب ثقافية: وين دور الاهل في توعية البنت بالثقافة الجنسية (الحدود الدينية)، لا حياء في الدين .. والواحد منا لازم يتعلم شو الصح وشو الغلط ؟!! والوالدان يجب عليهم أن يقوموا بإرشاد الابناء وتوعيتهم التوعية الصحيحة حتى لا تأتي توعية وإرشاد خارجي لا يتوافق مع مبادئنا وأخلاقنا 4. أسباب خادمية: طبعا، إذا كانت البنت متربية على يد خادمة .. فلا تطلب منها عدم الانحراف .. (لا أعمم ولكن هناك حالات) [ مراهقة 14-17] * تلومون منو هنيه ! البنت ,, ولا الاهل ؟! .. وليش ؟! الخطأ مشترك، والبنت تتحمل المسؤولية بنسبة 90%، لأنها هي اللي اتخذت القرار بأنها تكلم واحد من تعرفه وبدون شور أهلها وكيف تثق فيه وترسل له صورتها؟ هذا للأسف "تهور" من البنت وعدم اكتراث الحب ما يعني إنها ترسل له صورها وبعدين تقعد تعض أصابع الندم، وتقعد على نار .. يمكن ينشر صورها أو لا ؟؟!! وأين الأهل ؟ هاي مرحلة الخطر وأهم مرحلة لعمر أي إنسان التوعية والإرشاد والنصايح هي الطريقة الوحيدة اللي تقدر تتعامل فيها مع المراهق لا الصراخ ولا حتى الضرب يفيد .. لأنها المراهق بطبعه عنيد ولابد لنا إننا نتفهم مشاعره ومطالبه ونعطيه فرصة للتعبير عن رأيه .. * شو الحل يوم توصل الموآصيل عند هالمرحله ؟ يعني شقايل تحل البنت المشكله ؟ .. ! يعتمد على مدى تفهم الشخص الآخر للموضوع .. يعني هي اتحبه وهو يحبها وفجأة حست البنت إنه اللي تسويه غلط .. ما أنصحها أبدا إنها توقف من ساعتها .. مع الوقت تقلل عدد مرات التواصل واشوي شوي تبتعد عنه بعد ما تتواصل معاه وتتفق معاه على البعد :) لأنه التوقف المفاجيء راح يكلفها الثمن غالي خاصة إذا كان الطرف الآخر ماسك عليها شيء (صور، محادثات) .. وتختلف ردات الفعل من شخص إلى آخر .. * تتوقعون شو سبب كثرة سوالف الحب وهالخربطاان بهالاياام خصووصا ن.. ؟ وشقايل نوقف ازمة العشق هذي .. ؟ ! :walla: صدق !! هي أزمة !! شو رايج لو أخالفج الرأي ؟ تظنين بتتقبلين وجهة نظري ؟ اوكيه، ولو قلت لج إنها مب أزمة ولكنها "ظاهرة" .. بتوافقيني الرأي أو بتعارضيني ؟ بترك لج التفكير ... وبنتظر ردج قبل لا أعطيج ردي ^-^ (جاوبي على تتوقعون شو سبب كثرة سوالف الحب وهالخربطاان بهالاياام خصووصا ن.. ؟ وشقايل نوقف ازمة العشق هذي .. ؟ ! ) طلبتي النقاش ... ياج على طبق من ذهب :D-: اقتباس:
اقتباس:
والسموحة على التأخير وتستاهلين التقييم |
بما اني مستعيله لوول .. و لي عوده ف النقاش مع النورس / الامبراطوره / الجود / وانت =) انطر ردك ، السموحه عيل ، خاننا التعبير !، ^^ ، بشوف وجهة نظرك وبعدها انشالله بتتفق بانتظآر ردك " brb |
تتوقعون شو سبب كثرة سوالف الحب وهالخربطاان بهالاياام خصووصا ن.. ؟ وشقايل نوقف ازمة العشق هذي .. ؟ ! ) * يمكن انعدام الرقابة الذاتيةع العيال ، و التربية ع يد الغير " * تغييب [ التوعية ] * عدم ادراك معظم الاهالي مدى خطورة هالتكنولوجيا او الحواسيب و الشبكة العنكبوتية اللي يقدمونها لعيالهم .. [ شرآت مآ حطو شعبية الكرتون ب حلقة بو مهير و ولده ] .. * يأس المراهق من الحياه والرغبة في العثور ع شخص يعطي وياخذه وياه ب حنان وموده و يعوضه عن هالفراغ اللي عايش فيه "اللي بنظره هو [ الحبيب ] .. بدآل مآ تكون [ الام ] *فآلآونة الاخيره صايره موضه .. و من اللي شفتهم اشوفهم حابين يجربون [ الحب ] .. ، مع اني ماشوف هاللي يسمونه حب " هو الحب الحقيقي ،" ،، اما الحلول اللي اشوفها .. * ما نترك يهالنا و الحواسيب هاي في غرفة مغلقة و بروحهم .. * نقوي علاقتنآ ويآهم و نشاركهم فآرآئهم ومثل مآ قلت نترك لهم الحريه في التعبير عن رآيهم .. عشان نعطي وناخذ وياهم * عند ارتكابهم الاخطاء ، نرشدهم ، و نوعييهم ، عسبت ما يطيحون بالخطأ مره ثانيه ..بأسلوب جيد " * اهم شي .. نقوي الوازع الديني و نربيهم ع الدين الاسلامي =) حآبه آٍسمع ردك ياخويه ، فمان الله |
اقتباس:
اقتباس:
ما شاء الله عليج ... عيني عليج باردة .. حلو يبتيها من وجهة نظر المجتمع .. والأسباب أكثر من رائعة .. أنا بتكلم من وجهة نظر "الحبايب" .. لأنها بتكون أصدق في التعبير اللي يكتم ويسكت ويحط في خاطره .. مرده أيي يوم وينفجر :522: واللي ما عنده شخص يعبر له عن مشاعره ويشاركه في أحاسيسه، ويضع معاه الحلول .. راح يتخذ طريقتين فقط : 1. يتعرف على شخص يديد (شاب أو فتاة) ويحاول يكون صداقة .. ويكون له عون في كل وقت .. 2. يلقى حلول أخرى للتنفيس عن ما بداخله، وليس بالضرورة التحدث إلى شخص آخر .. الحب هالأيام كلنا نقول إنه حب كاذب وحب ماله معنى وحب للمصلحة والحاجة أوافقكم إلى حد معين .. والسبب إنه التفكير السائد جاء من خلال القصص المتنوعة اللي نسمعها كل يوم عن الخيانة والكذب والخداع في الحب وأصبحت مثل "stereo type" نعممها على كل قصة حب ونقول تراه يجذب عليج وما بيتزوجج .. هو بس يقضي وقته أخوي * أمير الحزن * .. ذكر في موضوعه عن منظمة الحب وانا أيدته نوعا ما .. لأنه مثلا الشباب لما يحب وحدة المشكلة الأهل يوقفون في وجهه وأحيانا تكون الأسباب غير منطقية كـ: (مسماي لبنت عمك، مش من ثوبنا، أمها مش مواطنة، عرب، عيم، ...الخ) فيفشل الحب، وتصبح مثل العقدة عند صاحب الشأن .. فشل الحب الأول، فشل الحب الثاني، خلاص ما همني لو فشل الثالث ويصير يضيع وقته كله في سوالف الحب وما يعود هالحب حق حقيقي إلا نادرا .. وفي بعض الأحيان يكلم أكثر من شخصين في نفس الوقت .. ويقارن بينهم وأكيد في وحدة أو واحد له نصيب الأسد والبقية احتياط .. تبين إتوقفين الأزمة ؟؟ أو الظاهرة ؟؟ 1. امنعي الإعلام اللي يسلط الضوء في كل يوم على قصص الحب والعاشقين .. (أوراق الحب) (نور) (سنوات الضياع) 2. امنعي الروايات والقصص من المكتبات والمعارض .. 3. سوي محاضرة توعية وإرشاد في المدارس الثانوية عن المراهقة وعواقبها .. 4. تواصلي مع أولياء الأمور و أرشديهم و وعيهم إلى أهمية التواصل مع المراهق .. 5. انشري عددا من الطالبات (المتخفيات) في الجامعات لاصطياد حالات الحب والغرام .. ما تقدرين توقفينه .. لأنه تيار قوي .. لكن تقدرين إنج تقللين من مخاطره بــ: 1. الإرشاد الصحيح في المدارس، وتوعية الطلاب والطالبات .. 2. التربية الصالحة القائمة على أساس الدين والأخلاق .. 3. إشراك وسائل الإعلام المختلفة في توعية المجتمع (كما يتم توعيتهم حاليا عن آثار الطلاق). 4. الدعوة لأفراد المجتمع بالهداية ... :GIF_13.gif: والسموحة على الإطالة |
السلـآم عليكـم .. ^^ صراحـة موضووع قمـة الرووعة .. ومميـز جـداا .. وفعلا مشاكل ممكن تواجه كتيير بنات بمجتمعنا هالأيام .. * هالخآدمة شو من اساليب بتستخدمها مع هالطفله .. ؟ و هل بتروم تربيهآ شرآت تربية امهاتنـآ ؟ أكيـد هيكـون أسلوبها غييير عن أسلووب أهل الطفلة وبلد الطفلة كله .. لأنها جاية من مجتمع مختلف تمااما عن هالمجتمع .. وأظن صعب عليها تربي البنت نفس تربية امهـآ .. * ، شو الاثار والانطباعات اللي بتغرسها الخادمه فالبنت !! ؟! .. اممم في كتيير آثار سلبية ممكن تأثر فيها على البنت .. لأنه الطفلة عقلها لسا صغيير وفااضي .. وبهالعمر أي بنعلمها ياه بيضل معها لين ما تكبر !! ممكن تأثر على علاقتها مع امها واوبها .. تتعلق بالخادمة اكتر منهم !! وممكن يأثر على دينها .. الخادمة شو ديانتها ؟؟ أكيد معتقداتها هتأثر بالطفلة وتكبر عليها .. *متى نحتآآي للخادمه ب وجود الام .. ؟ اذا كانت الأم بتشتغل .. وما تقضي معها اليوم كله بس الوقت اللي بتغيب فيه الأم .. *هل الاجيال اللي بتخلفها ميري و غيرهاا بتكون شرات الاجيال اللي خلفوها امهاتنآآ و يدآتنآ ؟ لا طبعـآ .. تربية الأهل بتضل الأصل .. * شو ذنبها البنت الحينه .. ؟ يوم اهلها غافلين عنها ؟ .. بالعكس هاد مو ذنبها .. هي ضحية لغفلة اهلها عنها وهي بهالعمر .. تعتبر لسا صغيرة ومحتاجة لحبهم وحنانهم ورعايتهم .. حتى لو مشغولين .. هاي بنتهم حراام !! * كثرت سوآلف الاغتصاب بهالايام ،. بمنظوركم ،، شو الآسبآب !,, وكيف نحل هالمصيبه =_ = او نقلل من مرتبيكها .. ! ؟ مصيبة عنجد هاي ><" لأنها بتدمر البنت لآخر يوم بعمرها .. وسبب لكتير من جرايم الشرف << قتل الأهل للبنت !! أسبابها .. اممم اول شي قلة الدين عند البنت والولد .. وكمان عدم وعي وعدم المبالاة منهم .. البنت ناسية .. او بتتناسى انه شرفها اهم شي !! والولد ما بتفرق معو لأنه هو ما هيأثر عليه يعني .. وكمان الأهل غلطانين .. وينهم عن اولادهم .. * تلومون منو هنيه ! البنت ,, ولا الاهل ؟! .. وليش ؟! اممم البنت والأهل .. البنت : لأنه بهالعمر المفروض انها صارت وااعية وتعرف الصح من الغلط .. واكيد بتعرف شو يعني كرامتها وشرفها .. وتحافظ عليهـم .. ما في بنت هالأيام بهالعمر الا عقلها صااحي وفاهمة بكل شي .. والأهل : أكيد الأهل بيعرفوا شو تفكير البنت بهالمرحلة . لازم يكونوا جنبها ويخلوها تعرف انه هالشي غلط .. لو ما عرفت الصح من اهلها هتعرف من مين ؟ وما يحسسوها بأي نقص مشان تضل قريبة منهم وفي ثقة بينها وبينهم .. * شو الحل يوم توصل الموآصيل عند هالمرحله ؟ يعني شقايل تحل البنت المشكله ؟ .. ! امممم لما توصل لدرجة التهديد .. البنت ما رح تقدر ترد عليه وهتخااف .. ويمكن تفكر بإنها تعمل اللي بده ياه مشان تتجنب الفضيحة !! برأيي .. لازم تقول لأهلها وهم يتعاملوا مع الوضع بالطريقة اللي شايفينها .. حتى لو انه البنت هتروح فيها واهلها عادي يقتلوها .. بس هاد احسسن حل .. اظن يعني .. * تتوقعون شو سبب كثرة سوالف الحب وهالخربطاان بهالاياام خصووصا ن.. ؟ وشقايل نوقف ازمة العشق هذي .. ؟ ! امممم في كتير أسباب .. يمكن يكون ضياع البنت .. وحاجتها لشخص يحسسها بالحب والاهتمام .. مشان هيك بتروح لهالطريق .. ويمكن كمان المسلسلات والأفلام بتأثر على عواطفها .. من اللي بتشوفه بتصير تحكي ليش ما أجرب هالشعور .. وهيك يعني ..نوقفهـآ .. هاد ما عرفت جوابه ^^ ومشكوورة كمان مرة ع الطرح المميـز =) |
| الساعة الآن 03:25 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir