منتدى استراحات زايد - ﻟﯙ ٲﺼﯙﻣﮕ .. ﺿﻨﮙ ٲڶقـﻰ فيـﮏ ﻋﻴد ؟!

قال أبرحل مابقى فيني من العمر الحزين
ابتعد عن دنيتي وخلني اكافح هالسنين
ابتعد لا لا تحاول ترجع بشوق و حنين
انكتب نبقى أنا وانته سؤال بلا جواب
روح للي انقسم لك وارضى بالعمر الأكيد
وابتسم واسعى بحياتك لا تعاني من جديد
*
*
*
*

بعد مرور نص ساعه موزه من زود ماصاحت ارقدت فمكانها " على شبرية بطي "
صوب بطي اللي رقد فمكانه ..
هادف ظهر من حجرته وشاف بطي
هادف : مم بطي بطي
بطي : .................
هادف : بطي
بطي : همممم
هادف : نش ارقد فحجرتك
بطي " فتح عيونه شوي شوي "
هادف : نش يلا
بطي نش وراح حجرته وقبل لا ايعق بعمره على الشبريه شاف موزه راقده ابتسم بطي عشكل موزه وتذكر اللي سوااه لحفها
وظهر من الحجره وراح حجرة هادف
بطي : طق طق طق
هادف : ادخل
بطي : عادي ارقد عندك
هادف : جي بلاها حجرتك !!!
بطي : ممم موزه ر اقده فيها
هادف " !! " : شووووووو
بطي " وخبر هادف السالفه "
هادف : ّ!!!!! حرام عليك يا بطي
بطي : شو اسوي تمت ترادد وتزاعق عليه وتسب
هادف :" وانته حضرتك ماقصرت
بطي : هادف انا تعبان وابا ارقد ..
وانسدح بطي حذال هادف و تلحف بس ماقدر يرقد تم يفكر مره موزه ومره ف اسما و بعد ساعه رقد !

يوم الجمعة ..
الساعه 11 ..
فحجره بطي ..
نشيت وليمت شعريه وتميت اشوف يمين ويسار وشفت عمريه هب في حجرتيه .. وتذكرت اللي استوا البارحه نشيت ورحت حجرتيه
تسبحت وجحلت عيوني وحطيت قلوس خفيف ونزلت ..
شفت ام راشد وابو راشد وعمتي وبواحمد وام احمد .. و راشد وشما وعيالهم وسعيد وسلامه

موزه : صباح الخير ..
الكل : صباح النور
وربعو سعيد وسلامه صوب موزه
سلامه : موذه شليني انا
سعيد : لا لا انا
ومسكتهم من ايدهم وراحت يلست وياهم
موزه : سلامه
سلامه :ثو
موزه : شو رايج اليوم انا وانتي وميثاني نروح الالعاب
سعيد " شهق والدموع ف عينه " : واناااا
موزه : يا حبيبي انته اول واحد
وراحو سعيد وسلامه وخبرو ابوهم
بعد نص الساعه الشباب كلهم نشو ..
سعيد " صوب موزه " : صباح الخير
موزه : بابتسامه هاديه " : صباح الجوري .. مم سعيد
سعيد : لبيه
موزه : مم بلاك ويهك مصفر حيل
سعيد : لاأأ هه مـ ممـ اآأ شـ ي
موزه : وبعدها ماقتنعت " : اها
وراحت موزه صوب المطبخ التحضيري وصبت لها كوب حليب فرش حار
وهي ظاهره حدر بطي
بطي : مم موزه
موزه " وهي رايحه بتطلع قبض ايدها بطي
بطي: يوم ارمسج ردي عليه
موزه " تنهدت " نعم
بطي : انا آسف على اللي استوا البارحه !!
موزه : WHAT EVER
بطي : شو !!!! مايهمج
موزه : هي ما يهمني ..
بطي : " تنهد " وظهر
واما موزه تضايجت وطلعت وراه ..
تيمعو الشباب وراحو المسيد وكذلك البنات راحو يصلون
.
.
.
بعد الغدا ..
موزه راحت يلست برع وفتحت اللابتوب ويلست تصمم
موزه : هاتشو ونزل دم من خشمها وراحت داخل وحاطه ايدها على خشمها عشان محد يشوفها
ام احمد : موزه !!
موزه : هلا خالتيه
ام احمد : شلي ايدينج اشوف
موزه : لا لا وراحت صوب ام احمد وشلت الكلينكس
ام احمد : تعالي حطي راسج ع ريولي
موزه " استحت " : لا لا عادي
ام احمد افا يا موزه تستحين منى انا شرات امج يالغاليه
وانسدحت موزه بما انه ماكان في حد ورفعت راسها وام احمد تمت قابضه الكلينكس
شوي ويابت لها الخدامه ثلج ..
موزه : لا لا احس الثلج يزيده
ام احمد : لا مايزيده
شوي وين البنات
اليازيه " بصوت عالي الكل صد صوبها " : مواااااااااااااااااااااااااااااااااااااااااااااااا از
راشد " فتن عليها " : اصصصص غربلاته من حس
اليازيه : وترمش بعينها " : احم سوري
وربعت صوب موزه ..
موزه : الحينه ليش مكبرين الموضوع
ام احمد : لا هب مكبرينه لازم يا بنتي تروحين المستشفى
موزه : لا لا لا
شوي ويا سعيد ومانع واعتدلت موزه فيلستها
سعيد " بخوف " : موزه شو بلاج
موزه : ماشي وراحت فتحت التلفزيون ويلست تشوف
الساعه 5 ونص ..
نصره صوب موزه
نصره : يلا عاد حطي حواس
موزه : افف لا لا لا
نصره " سحبت الريموت من موزه وحطت حواس وكانو حاطين دبي الحربيه ..
موزه : بندي بندي
نصره علت على الصوت آخر شي وثواني وتيمعو الشباب وحالهم رقيص واللي ايول واللي غيره
موزه " استانست على هالاجواء "
وشوي ويا بو راشد
نصره : عاش ابويه
وخوله " متخبله على بطي "
وخلاف ظهرو الشباب رباعه ..
احمد مانع سعيد بطي هادف راشد
موزه راحت صوب عمها تستأذنه انها بتظهر وبتشل عيال ولده راشد وميثاني بنته وبتظهرهم وياها
شما : لا لا حياتي بيلعوزونج
موزه : لا والله فديت خشمج عادي ماعليج
.
.
وراحو اتلبسو اليهال واستانسو ..
..
وراحت بهم المارينا ..
.
.

احمد مانع وسعيد وبطي وراشد
فالعزبه ..
بطي : اقولكم بتترايسون
هادف : اقولك عن الخبال
راشد : يلا يلا
هادف : يلا عيل بقول حق فري يظهر الدراجات
راشد : هو وبطي ربعو لانه كل واحد يبا نفس الدراجه وهي الا وحده
بطي : انا سبقتك مايخصني ..
راشد : لا لا لا
مانع : يلا عاده بتيلسون شرات اليهال تتضاربون
احمد : يلا
وكل واحد خذ له دراجه
هادف : شوفو تاخذون لفه كامل على العزب واللي يوصل هو الفايز ..
بطي : يلا اوكي
هادف : 1 , 2 . 3 GO
وانطلقو
.
.
بيت بو راشد
خوله : وشعنه مارحتي وياها
نصره : لا انا ماحب سيرة اليهال
اليازيه : انا مادريبها انها بتظهر كنت اسبح ولا كنت بسير وياها
خوله : وعع مالت على ويهج
اليازيه : اففف انتي ليش جي ابا اعرف انتي تغارين منها
خوله : هه على شو
نصره : افف بس بس عاده بديتن
اليازيه : والله هاي بنت عمج انا ماعرف ليش تكرهينها معنه والله ماسوت لج شي
خوله : هه هي غسلت مخكم بنت المغريبه و ....
اليازيه " تنرفزت " وراحت برع ..

صوب بو راشد وام راشد
ام راشد : وبطي مارد عليك
بو راشد : لا والله قلت بتخبره باجر
ام راشد : الله يجدم الله فيه الخير
بو راشد : آمين
ام راشد : وموزه متى بترمسها
بو راشد : اتريا الرد من بطي وخلاف بنيلس انا واخويه وبنرمسها
ام راشد : على خير ان شاء الله
المارينا مول ..
سلامه : موذه انا ابا اثكريم
ميثا : انا بعد
سعيد : وانا
موزه : لالا لا بتمرضون
ميثا شوي وبتصيح
ميثا : موذه بلييذ
"موزه كانت صوب باسكن روبنز .. وواحد وربيعه يراقبونها من بعيد .. "
موزه : منو يحب موزه
سعيد ميثا سلامه : انااااا
موزه : اللي يحب موزه بيحضني بالقو ومابياكل اسكريم
وكلهم ربعو فحضن موزه ..
1...: فديتها ياربي اليهال متخلبين عليها ..
2 : " ابتسم " : هه يلا نروح
1 : يلا ..
.
.
بعد ماظهرو من المارينا
فالسياره .. كلهم راقدين فحضن موزه ميثا فحضنها وسعيد طايح على ريولها وسلامه نفس الشي
.
.
.

نرد صوب الشباب
بعد مرور ساعه بالظبط
الكل وصل الا بطي !!
هادف : وين بطي .. !!!!
راشد : انا مانتبهت له
سعيد : وين بيكون تأخر
هادف : ويت بتصل به ..
صوب بطي .. راح بطي من الطريق المختصر من بين العزب تقريبا عشان يوصل قبل الكل بس اللي استوى انه بطي وهو رايح بيصعد
فوق العرقوب تفاجآ انه قص مش عرقوب ..
وودر الدراجه وطاح ..
بطي : أآآآآي وتم يصارخ هاااااادف راااشد وماشي فايده ..
.
.
صوب هادف اللي تخبل على اخوه
هادف : محد يرد
راشد : اخاف صابه شي
سعيد : شباب توزعوا ..
سعيد : انا ومانع بنروح من نفس الدرب وندوره وراشد انته واحمد سيرو من الطريج المختصر وهادف انته اتريا اهنا
وراحو الشباب .. يدورون بطي ..
عند احمد راشد فالسياره ..
راشد : والله اني متروع عليه
احمد : ان شاء الله كل خير بس انته هد اعصاابك ..
راشد : وين بنحصله فهالظلمة
احمد : سير سير فوق
راشد : مينون انته ها قص مستحيل حد يمر من اهنا
احمد : انته اسمع رمستيه وسير
وبعد ماراحو فوق راس العرقوب اللي بطي انخدع به
احمد : بطيييييييييي
بطي : منو رااااااا أآأ شـ ـ د راشد
احمد : راشد اربع اسمع صوت بطي
وراحو يربعون صوب بطي
راشد : بطي بطي شو يااك
بطي : راشد احسني بموت
احمد : بسم الله عليك
بطي : ...... شوي شوي ويغمض عيونه
راشد : احمد شله ويايه
بطي : ريوولي بطي
احمد : ضني مكسروه
بعد ماسدحوه على السيت اللي يدام
راشد : احمد انته سير العزبه وانا بيب الدراجه ..
احمد : اوكي
.
.

فالعزبه ..
هادف من شاف السياره ربع
احمد : يلا اركبو
هادف : وين
احمد : المستشفى ..
شوي ووصل راشد وركب وياهم وطارو صوب المستشفى
بطي : بسـ ـرعه احمـ ـد
هادف " عيونه تدمع " : اصبر بطي بسرعه احمد

خذو لهم ربع ساعه
دخلو بطي داخل ..
الدكتور : مين اخوه
هادف وراشد : انا
الدكتور تفضلو ..
الدكتور : عنده كسـر مضاعف
هادف : شووووو
الدكتور " كان مصري " : نحن نقلناه من غرفة الاشعه عشان يجبسون له ريوله واذا ماتجاوب ماعنا الكسر مضطرين نسوي له عمليه
راشد : دكتور انته شو تقول
هادف : نش راشد نسير صوب بطي ..
سعيد : بشر ..
راشد : عنده كسر مضاعف ..
..
وظهرو بطي وراحو صوب البيت ..
بيت بو راشد
شوي ووصلت موزه ونزلت اليهال ..
شما : شو هذا كله ..
موزه : العاب حق اليهال
شما : !! موزه حياتي جي كلفتي على عمرج
موزه : لا كلافه ولا شي انا ماحب اخلي شي في خاطر اليهال
..
..
شويه وحدر بطي على عكاز
ام راشد : بطي !!!!!!!
بطي : هادف تعال شوي اقبضني ..
وراح هادف ويلس بطي صوب امه وابوه
.
.
ام راشد " تمت تصيح : شو استوى خبروني
وخبرها راشد القصه .. من الالف الى اليـاء

راشد : وهاااي السالفه
..
شوي وحدرن خوله ونصرره
خوله : بطييي شو بلاك
بطي " ويدور بعيونه على موزه " : ماشي
خوله : منو تدور
بطي : وين موزه
خوله " غيضت " : ههه تولهت عليها
وراحت هي ونصرة فوق
..
الساعه 1 الكل راقد الا بطي فالصاله اللي تحت .. شوي وسمع صوت فالمطبخ التحضيري
ونش بصعوبه على العكاز وراح
موزه " الدموع فعينها " : بطي !!!!!!!!!!
بطي : ..............
موزه " عدلت له الكرسي عشان يلس
بطي : ............
موزه : شو هذا وكيف !!!
بطي " خبرها بالسالفه "
موزه " سوت له حليب فريش وياها "
موزه : اشرب
بطي : مم مابا
موزه : لا تبا يلا اشرب وعطته
بطي : متى بترقدين
موزه : بعدني
بطي : عيل تعالي الصاله يالس بروحي ملان
موزه : اوكي ..
بطي : مم
موزه " عرفت انه يباها تساعده " : اساعدك
بطي : يا ليت ..
ساعدته موزه لين مايلس فالصاله ..
بطي : مم موزه
موزه : لبيه
بطي : لو خطبتج بتوافقين
موزه " بصدمه ": !!!!!!!!!!!!!!!!!!!!!!!!!!!!!!!!!!
بطي : بلاج
موزه : ممـ أآشي
بطي " تنهد "
موزه كانت تشوف بطي وهو يبا اييب الريموت ونشيت صوبه وعطيته ومسك ايديه ويلسني حذاله .. تميت اشوفه ويشوفني لين مانزلت عيني ونشيت يلست وراه عشان ياخذ راحته وينسدح .. وحطينا MBC 2 ويلسنا نشوف لين الساعه تقريبا 3
ونحن كنا نشوف يت لقطه xxxx
وغمضت عيوني وغطيت عيون بطي بايديه
موزه : لا تشوف
بطي : ههه مم مواز ايدج بارده
موزه " عطول سحبت ايدها " :مم لا ماعليك
بطي : بردانه ..
موزه : لا عادي ..
ربع ساعه ورقد بطي فمكانه
موزه : ياربي هذا كيف بيروح فوق الحينه منو بيشله ..
موزه " بصوت هادي وناعم " : مم بطي
بطي : .......
موزه : بطي
بطي : همم
موزه : بطي نش روح فوق ..
.
.
شوي وظهرت خوله وقعدت تشوفني
موزه : نعم
خوله : ههه ماشي
موزه : مم بطي
.
.
شوي ونش بطي وسارت له خوله
خوله " تتصنع الدلع " : حبيبي بطي سير ارقد فحجرتك جي راقد اهنا الغالي
موزه " عقدت حياتها "
بطي " باحتقار " : موزه تعالي ساعديني
موزه " شافت خوله باحتقار " وراحت
وانا رحت صوب بطي وعطاني ايديه وساند عمره عليه وانا مجبوره اني اساعده ..
وراحو صوب اللفت ودخلو .. ووصل فوق واول مافتح بطي بنده
موزه : بطي
بطي : ابا اتم وياج
موزه فتحت الباب وظهرت
بطي " بصوت مرتفع " : بتخليني ارقد اهنا
موزه : هههه
بطي " تجنن "
وراحت موزه ساعدته ووصلته لين باب الحجره
موزه : بعد ماتباني ارقدك ؟!
بطي : آآأه يااليـ ـت
موزه : هه مينون انته وراحت حجرتها تمت تقرا قرآن لين ما أّذن وخلاف صلت ورقدت

*
*
*

هذا دمعي ينزفك ليل ونهار وكل يوم
وعقبك الأيام صارت كلها حزن وهموم
عفتها دنياي مالي فيها من غيرك لزوم
وماتمنى غير موتي يعله يزيح العذاب

كــــــت .. روؤح البداآوه
توقعاتكم ورايكم