|
:36: :36: |
ههههههههههه .. بآأإركوولي فج نك دلوعة .. ههه يلآلآ الحيين باكمل لكم .. سوري ع الانقطاااع .. ^^ == في بيت بو احمد == احمد : ابووووووووووووووووووووويه ...... بو احمد : وعثررره يا احمد تراااك خبلت بي والله بهالقب الحين ع راسك جان مافجيت .. احمد : انزين ابوي دخيلك يعني متى بترمسسه هو قالي لو بطييت ما بيوزني اياها ... بو احمد : وجااانك تميت تحن ع راسي والله ما يوزك اياها ..... == يدخل راشد == راشد : السلام عليييكم .... ونحن ما نخلص من سالفة شهد ....... صبح وليل ..... بس ياخي نووع .. لوعت بجبدي .... احمد يغمز له يرمس ابوه ... راشد : اسف .. انا ياااااااي من برع تعبان بسير احط راسي ...... تغديتو انتو ؟؟ بو احمد : وبنترياك يالهوااام يالرغيييد ..... راشد : انا رغييد .. وانا طول الوقت على بالي اسمي راشد ؟؟ احمد : هههههههههههههههههههههههههههه لا تلعب بابويه تراه مش رايق ..... بو احمد يقوم : بسير احط راسي احسن لي من مجابل خباالكم ......... راشد : سير سير ابويه احسن لك والله .,,,,,, وقام بو احمد ............ يلس راشد وصب له كووب شااي ..... وشغل التلفزيون .... احمد يطييح ع الغنفه : والله طفرااااااااااااااااااااااااااان ..... راشد مسوله اكبر طااااف ....... احمد : ايييه اكلمك انا .... راشد : بااجر سيرلهم وفكنا من حشرتك ..... عمي بيسير بوظبي ..... احمد : احلففففففف ... راشد يطالعه بنص عين : سير لاه ..... يعلك ماصدقت ... احمد : رشووووود هالسوالف مافيها مصخرره .... راشد : وانا مااااتصمخر ياخي لا تحشرني قلتلك ........ احمد : باااااااجر بجوفها يعني واااااااااااااااه قلبي ......... عزوه تيهم ....... عزوه : سلااامت قلبك اخوووي شبلاااااه حليله ؟؟ راشد : ماتعرفين يعني .. ياخي تصدقي عليه اتصليبها سمعييه حسها عن يموت علينا .. احمد يطالع راشد بمتنااان ع الفكره : فدييييييتك اخويه .... " يطالع عزوه " عشان ويهي دخيلج .. عزوه: لاااااااااا مافيني يشله عمي تعرفونه كيف نسر عن يجعمني ولا شي .. يوم زيين ويوم نسر .. احمد : والله لاعوضج بدال الهزبه واحوطج وكل الي تبينه ..... عزوه : ياااااااالله كله عشان شهد هاا ...... احمد : يالله عاااااد ....... راشد : عزوووووو فكينا من صدعته واتصليي ....... عزوه : افففففف انزيييين ...... سارت صوب تلفون البيت ودقت .......... طوط .................... طوط .................................................. ..... طوط ..................... عزوه : محد يرررد ........ احمد : انزين مره ثاااانيه ...... عزوه : عندهم كاشف بيجوفون رقمنا بيتصلون ............ احمد : عزيييييز دخيلج اخوج انا اخر مره والله اخر مره ........... عزوه : استغفر الللللللللللله انزيييييين .............. طووووووط ............... طووووووووط ................. في بيت بو الود بو الود معصب : منو هاللي حااااااشرنا هالكثر ...... سيرن التعنن ردن ...... قامت هنوف وتربع صوب التلفون عسبت يهدا ابوها من رنته : الووه ؟؟ عزوه : خوووووز مش هيي هااي هنوف ...... مرحبا ؟؟ هنوف : هلا والله هلا وغلا ريموه .......... عزوه : مالت عليج ماعرفتيني انا بنت عمج عزوه ....... هنوف : هيه هيه عرفتج ريموه افا عليج كيف مااعرفج .......... عزوه : مسخنه انتي ؟؟ راشد : شفيج يالخبله يمكن ترقع لج لان ابوها اهنه .. صدق خبله ....... عزوه : هيييييييييييييه .. ابوج اهنه ....... هنوف : هيييه الود اهنه وتتغدا ......... عزوه : معصب ؟؟ هنوف : الا توولع ههههههههههههه .... عزوه : واااااابوييه خلاص خلاص دقولنا اوكي احمد متخبل يبا يرمس شهود تصرفي انزين .. هنوف : فالج طيب .. بقولها ان شاء الله ... خلاص لا تحاتين الاورااق كلها عند الود ماعليج هيه كل شي تخش ..... عزوه : ههههههههه يالله انزين سلمي ع الكل ..... هنوف : يوصل وانتي بعد ......... عزوه :الله يحفظج ...... بو الود : هاا منو ؟؟ هنوف : ربيعت الود ابويه ..... بو الود : شوه من سنع عندها تتصل هالحزه ........ الكل سكت .......... نوره : يلا بو الود قوم فووق عسبت تااخذ الدوا وتقولي شو تباني ازهب لك حق باجر ..... بو الود : يلا ..... ويقومون .,.................. اما هنوف تخبر الي يالسين السالفه ....... شهد : هاا احمدوه مادري ع شووه ناوي الله يهدييييييه ..... عـقب اذان المغرب .......... طوووط .. طووووط ........... احمد بلهفه : الووه ؟؟؟ شهد : مرحبا ؟ احمد : اااااااااااه ياويييييلي انا ياويلي ... شهدووو لين متى هالعذاااااب عندي اقترااح شرايج اخطفج خلاص ماتحمل ......... شهد : هههههههههههه كليتني والله ....... شحالك ؟؟ احمد : وربي من سمعت حسج استويت بخير ......... وينج عني ويييينج ؟؟؟ شهد : اهنه موجوووده في قلبك ..... احمد : وااثقه ؟؟؟ شهد : اكييد .. شوه يالس تسوي ؟؟ احمد : توني صاعد فوق .. كنت اسولف ويا رشود مش مخلنه يرقد من الظهر ..... شهد : امممم زين انا بس حبيت ...................... احمد : شوه شوه ؟؟ ع شوه ناويه ؟ تبنديين .. ؟؟ اسمحيلي واسف وياويلج .. ماصدقت جفتج وتقوليلي حبيتي تسلميين لالا ...... شهد : هههههههههه احمد والله مش وقته ..... بسير اطالع مهاري اختي .. ماظهرت من الحجره من الصبح .. احمد : زيين لاحقه ع مهاري بتشوفينها كل شويه .. انا والله محروم من شوفتج ورمستج وكل شي ... شهد : زيين ... احمد بخبث : شوه زين ؟؟ شهد : شفيك بتم ويااك .. احمد : يلا يلا ماتصدقين انتي .. صدق ما تنعطين ويييه ......... شهد : افاااااا ..... اوكي يا احمدوه ...... احمد : هههههههه احمدوووووو !!! انزين يا شهييييييدااااااااا ..... شهد : احممممممد ّّ !! لاتقولي هالاسم اكررررهه ..... احمد : شهييييييدا .... تدرين اسم بشكارتنا شهدا ؟؟ هههههههههههههههههههههههههه شهد : ماعليه ماعليه ..... احمد : شوه الي ماعليه ؟؟ مشتاااقلج لو عندي جااان كلتج ... تدرين ولا .... شهد : ههههههه ادري ادري ........ هنوف : شهووووووود تعالي بسج من التلفووون ........... شهد : هاا سمعت .,. يالله بخلييييك .... ماافيني بعد ابويه يجوفني جيي ... بيذبحني ... احمد : زيين احبج ... شهد : وانا بعد .... احمد : قوليها دخيلج ... بسرعه قبل لا تبندييين ... شهد بصوت واطي : احبك ....... بااي ....... وبندت بسرعه وهيه ترتجف ....... واي قلبي قلبي ....... تصد يمين ويسار ..... الحمدلله محد جااف ولا سمع ....... هنوف من وراها : ايييه ..... شهد حطت ايدها ع قلبها : بسم الله خوفتيييني !!! هنوف : هههههه والله ؟ جي اكيد كنتي تسوين شي ......... شهد حاطه ايدها ع قلبها : هيييه ااااخ بس .... عقب بخبرج .... هنوف : زيين سيري رمسي مهااري موول مسويه طاف ماترد ع حد ...... شهد : زيين خلوها ... انتي تعرفينها لا بغت ترمس بترمس .. لكن دامها ساكته ما بتقول شي .. هنوف : متحمسه اجووووفج وايد .؟؟ شهد : هييييه دام ابويه بيسير باجر .. كيف ما تبيني اتحمس ههههه .... نوره تنزل من الدري : شهد ..... شهد : هلا نواري ؟؟ نوره : ابوج يباج تسيرين ويانا باجر ...... شهد تشاهق : شوووووووه ؟؟ لا لا قولي غير هالكلااااام ..... نوره : للاسف سيري زهبي حاالج ...... شهد تطالع هنوف وشوي بتصيح : ليييييييش انا ليششششش ؟؟ نوره تضحك : هههههههه اقص عليج خيبه كيف خفتي !!! شهد : مااااااعليه نوروه الله يساااااامحج طيحتي فواادي ..... < مهاري ... بسج يامهاري بسج بتذبحيين روحج من التفكير .. خلي كل شي للاايام اليااايه ... ااخ يا ذياب ... والله انك طيب وحبوووب وتستااهل وحده احسن عني تحبك وتدللك ... انا ماقدر اسعدك ... حتى لو سعدتك والله مول مش من قلبي ,. مجبوره ... مش لان ابويه جبرني .. لااء .. وااجبي .. واحتراامي لذاتي .... " رنيت لك رنه ماسويت لي رنه " ......... يااربيه ... انا بغير هالرنه طفربي كل شوي يتصل ...... بس .. ماكان ذياب ؟؟ رقم غريب ......... ماردت طنشت ....... بس رد تكرر الرقم .... شلته ........ ....: الووه ؟ مهاري : مرحبا امنوه ؟؟ ندى : انا دنووه ..... مهاري مبتسمه : هلا وغلا ...... شحالج ؟؟ ندى : بخيير ربي يسلمج ... الا بغيت اتخبرج ذياب قالج وين بيسير ؟؟ مهاري : مم لا ماكلمته الا الصبح ؟ ليش شي مستوي ؟؟ ندى متردده : آآ لالا بس اباه منه شي ومايرد عليه ..... خلاص السموحه منج .... مهاري : دنوه شي مستوي ؟؟؟؟؟؟ ندى : لا مش مستوي شي ... يالله بخليج بدقلج بعديين اوكي ؟ يالله باي ...... < مهاري .. لالا فيي شي مش طبيعي ؟ طريقتها السريعه فالرمسه وارتبااكها !! ما يمشي عليه .. اعرفها دنوه انا ..... يوم يكون عندها شي كيف تكون ........ ان شاء الله خيير ......... ترددت تتصل ولا بس اخرتها اتصلت ........... طوط ........................ طوووووووط ........................... طوط .............. ذياب : ...... مهاري : الوه ؟ ذياب بتعب : هلا ؟ مهاري: ذيااب وينك ؟ ذياب : موجود بغيتي شي ؟ مهاري: انته ويين !! ذياب : مشغول شوي ... مهاري : ......... ذياب : شي في خاطرج ؟؟؟ مهاري : لاء بس حبيت اطمن عليك ..... امممم ندوه اتصلت بي تحاتيك وادورك شكلها ... ذياب : آآه زين ماعليه بكلمها الحين ......... مهاري : ذياب ! ذياب مغمض عينه : عيونه ؟ مهاري : اممم لا تضايج بروحك ... واذا تبغي تقولي شي تراني موجوده أي وقت ... بسمعك .. ذياب : ......................... مهاري : ذياب لاتخليني احااتيك ؟؟ وينك انته .... ذياب : فالسياره ... مهاري : وين انزين ؟؟ ذياب : موقف ع الكورنيش ...... مضايج شوي ......... مممم بكلمج بعدين .... مهاري :اكييد ؟؟ ذياب : وانا اقدر ماكلمج ؟؟ مهاري : زيين قبل ما تحررك تتصل بي ...... ذياب : ان شاء الله ... يالله الغلا ...... مهاري : الله وياك ............. طلعت من الحجره متوجهة حجرره الود ....... جافتها هنوف وزقرتها ........ هنوف : مهاااااري تعالي نحن اهنه ....... مهاري : الود وين ؟ هنوف : تتلبس بتسير تتشرا اغرااض ناقصه حق العشا ..... مهاري : زيين بسير لها ....... طق طق طق ....... الود : هلا .. دشوو ...... مهاري : ودااوي ......... الود : هاا مهاري ؟ فيج شي حبيبتي ؟؟؟ تبين شي ؟؟ .................................................. .................................................. .. شهد : ع ويييين ماشاء الله ؟؟؟ مهاري مبتسمه : ضايج خااطري وبطلع ويا ودوه نتشرا .......ز شهد : أي وياكم ؟؟ الود : لا خلج مكاانج ................ يلا مهاري .............. وظهرن من البيت ............... == في السياره == الود : انزين ليش ما خبرتيني ؟ مهاري: السالفه الصبح متى اخبرج ... بس تدرين وايد احس اني جرحته لكن يوم صحت تأثر .. ماعرف والحين من اتصلت لي دنوه عرفت في شي ... تعرفينها دنوه ماتعرف تخش شي ... وينعرف ارتباااكها .. وذياب مش طبيعي ... الود : والله انتي خبله وهو اخبل عنج ...... هو ياينج الصبح وانتي ناويه تسيرييله الحيين ... مهاري بتردد : ودوه اذا مش مقتنعه مش لاازم ترا .. انا شاورتج بس ...... الود مبتسمه وتزخ ايد مهاري : بالعكس انا ودي انج تتعلقيين به وتعتدل علاقتكم ..... مهاري : الي اسويه مش عيب ؟؟ الود حست كيف مهاري صغييره .. محد علمها ولا حد قالها عن العيب .. مع انها 18 !! المفروض خلاص تعرف كل شي بس ... الوضع الي فيه مخلي تفكيرها وايد صغيير ..... وايد عورها قلبها الود ع هالشي .. لامت روحها لانها بمكاانه امها ومافهمتها شي عن الحياه الزوجيه ... اصلا انا روحي ماعرف شي عن العلاقه الزوجييه .. حليلي عاانس وميلسه في البيت شعرفنييه ؟ يحلييلج ياختييه ... الود : لا الغاليه .... هذا ريلج .... وحلال عليج الي تسوينه ...... بس ......! مهاري: لالا فاهمه شوه تقولين .... مش لهدرجه ..... هو ان كثر بااس ايدي لاتحاتين ... الود : ههههههههه واستويتي حرمه تفهمين النغزاات هاا ..... مهاري: وتتحرين هالشي حلوو الله يهدييج .. وقفي وقفي هااي سيارته ...... الود : متأكده ؟؟؟ مهاري : هييه هييه .. شرات الرقم ... الود : زين بعد طمنيني واول ماتركبين دقيلي قوليلي .... مهاري : اوكي .. بتسيرين ؟ الود : هييه السوبرماركت .. بس اول اركبي واتصلي طمنيني وعقب بسير ومن تخلصين اتصلي باخذج .. مهاري : اوكي .... ممم مشكوره ودااوي ..... الود : عن الدلع اختج انا ... يلا انزلي الغاليه ............. < مهاري .. اول مره بكون قويه عييين جي .. اويه وين اباااااااااا والله استحي ... دام ودووه اهنه خل ارد احسن لي انا مش ويه وحده يايه تواسي ريلها ..... لالا مهاري قوي نفسج ... كيف بتستوين حرمه عيل .. تبينه يتم يقولج الياهل وانتي تميين تصيحين ... يلا تشجعي وفجي الباب ........ فجت الباب ......... ............................................ راشد : احمد ياخي مش حاله هااااااي وياك لا الظهر خليتني ارقد ولا العصر خليتني اطالع تلفزيون ولا الحين بتخليني ارمس تلفون مثل الناس رووووووح عني ... احمد : زيييين بسك مغااااازل اخوك طفشاااان ... راشد : ياخي شسويلك طفشان وطفشان طفشتني ويااك اطلع برع اجووووف ....... احمد : مش اخو انته مالت عليك خل ينفعنك الي ترمسهن ........ راشد : محد بينفعني يلا اظهررررر ...... احمد : انزيييين لا تصارخ حشى .......... ويظهر من الحجره ...... راشد : الووه ..... عليا : هلا .. شبلاه احمد اليووم يتحرطم ؟؟ راشد : ماعليج منه خربووطي .... يالله فارجي انتي بعد خليني احط راسي مصدع وايد ... عليا : ياربي رشووود انا طفشانه .... راشد : انتو ما عندكم الا هالكلمه !! ذبحتوني ترا ... مهرج انا ... تعالي شرايج اعطيج رقم احمد تونسينه ويونسج ؟ عليا : ويين بيرمسني وهو عاشق بنت عمك .! راشد : ماااااعليج قردنييييه وفكيني منه ترا والله معوفني روحي وبكون ممنوون لج .... عليا : افا عليييك هههه يالله حمستني .. عطني رقمه ...... راشد : ********51 عليا : اوووكي بااي ........ راشد : بباي ..... بباي ولا زيتونه واااااااككككككككككك هههههههه باي باي .. عليا : ههههههههههههههههههههه ..... باي ....... > عليا .. اتصل ؟؟!! اممممم لالا شوه فشله ..... اممم عاااااادي شوي بس .. ملاااااااااااانه !! طووووط .......................... احمد : الوووه ؟؟ عليا : السلام عليكم والرحمه ...... احمد : وعليج السلام ؟ امنوو ؟! عليا : اناا !! احمد : عيل انا ؟ عليا : انا وحده ....... احمد : لا والله جد ؟ ماعرفت تصدقين ...... عليا : هههههه لا جد انا وحده طفشانه وودي اسولف ..... احمد : وانا ماعندي سوالف وياااج ..... عليا : خيبه اول مره اجوف واحد جييه ؟ احمد : وانا اول مره اجوف وحده بقوه عيينج ومذهبج هذا .... عليا بقفطه : شو سويت ........ احمد : ابدن بس ترمسين ريال غريب ......... عليا : انت مش غريب انا اعرفك .......... احمد : تعرفيني ؟؟ رمسي شوه عندج ؟؟ عليا : كنت ترمسني .... احمد : خلي عنج عمري مارمست بنات ....... عليا : زين احمد ....... احمد : تعرفيني !!! امنوه انتي ؟؟ ليكون وحده من بنات عمي ؟؟ عليا : هييه ..... احمد : اوووه السموحه والله ماعرفتكن .. ؟؟ منو فيهن ..... عليا : توووقع ........ احمد : هنووف ؟؟ عليا : لااااء ؟ احمد : مستحيل شهد لاني اعرف صوتها ومستحيل مهاري لانها ما بتفضالي ؟ اكيد ودااوي ؟ عليا : هييه انا وداوي شحاالك ؟ احمد : يسرج الحاااال بنت العم وانتي من صوبج ؟؟ غريبه يينا ع بالج ...... عليا : دوم على بالي ..... احمد : شوه يااينج ؟؟؟ عليا : مايايني شي ...... بس حبيت اسولف وياك ملانه شوي ... احمد : مممم شحالها شهود ؟؟ عليا : بخير بخير .. زين ماعلينا منها خبرني عنك شو تسوي شو ما تسوي .؟؟ وينه راشد عنك عيل ؟ احمد : والله راشد الا يقردن من وحده لي وحده ؟ عليا : يرمس بنات ؟؟ احمد : اونج ماتدريبه يعني هههههههههههه ....... عليا :ايوااااا ............ تدري صوتك حلو على التلفون وايد ....... احمد : مش كثر عن صوتـ .............. وسكت ...... عليا : صوتي ؟ جيه ماكلمتها ...... احمد : ههه انزين الود بخليج اظن قامت صلاه العشا الحيين ...... بسير اصلي ...... عليا : بكلمك بعدين ؟؟ احمد : ماعليه نتفاهم عقب ....... عليا : تييك كيير ...... احمد مستغرب .: مم يو تو .. يالله فمان الله ..... < احمد .. بلاها الود جيه ترمسني !! اسلوبها غيير ؟؟ وبعدين الود مش راعيه سوالف .. تسلم وتقول الي عندها وتبند ؟ يمكن شي عندها .... ممم مادري كل شي بعرفه ..... خل اقوم اصلي احسن لي ..... ......... ذياب : مهااري !!! مهاري : ممم عاادي اركب ؟ ذياب : اكيد عادي ... مهاري تركب السياره .. واتصلت رنه حق الود ... وبندت ومن عقبها حركت الود ..... ذياب يطالع روحه من جامت السياره ويعدل شكله التعبان .... مهاري تطالع عفسه السياره .. اوراق .. اوراق وااايده مطرطره وامبعثره .. عطور متكسره ؟ شسالفه ؟ مهاري بحناان زخت ايده .. وبتردد كبير لكن قوت نفسها : حبيبي .. شوه فيك ... ذياب قلبه يدق بالقو ... حبيبها ؟ وصرت حبيبها ..؟؟ ولا هاي شفقه بحالي ..؟ اكيد شافقه بحالي ... لان قلبها كبير وطيبه ..... ذياب يرص ع ايدها بقو جنه يقولها لا تروحين عني ........... مهاري : شوه الي متعبنك ؟ شوه فييك .؟؟ تنزل راسها ........ : الي صار اليوم ضايجبك ؟؟ ذياب بسرعه : شوه الي صار ؟؟ قصدج الصبح الي بيني وبينج ؟؟ مهاري : هيه ..... يرفع راسها : تدرين شوه اكتشفت ؟؟ مهاري : ممم ؟؟ ذياب : اني خبله وانتي اخبل عني .. ماتجوفين نحن شوه يالسين نسوي !!! مهاري مبتسمه : الود قالت نفس الشي ... ذياب مستغرب : قلتي للود ؟ مهاري : اكييد .. ذياب مبتسم :فديتج .. زين سويتي ..... هيه يابتج ؟ مهاري: هيه .. لا تغير السالفه . شوه بلاك ؟؟ ذياب : شوقج غربلني ..... مهاري : والله اتكلم جد شوه بلاك اليوم ....... ذياب يتنهد : ماعرف مهاري لا تساليني .... " يصد صوب الجامه ويجرب ايدها من قلبه " تسمعين ؟ مهاري بدت تتنافض ...... ذياب : وربي ماتزيد دقاته الا بقربج .. ولا لو كنت اسمع حسج ... مهاري : ذيااب .... ذياب : روحه ؟ امريني ؟ مهاري : خبرني عااد شو فيك ؟؟؟ ذياب بانفعال : مهور لا تحنين ع راسي ... ماحب الحنه .. شي فيني وخلاص مابا ارمس عنه ... مهاري ارتعبت من صرخته ومن انفعاله ... يرت ايدها وحطتها في حظنها .. وصدت صوب الجامه ... وعقب ثواني ... زخت تلفونها ودقت كمن رقم ..... سحب التلفون عنها بسرعه ..... ذياب : شوه تسوين ؟؟ مهاري تطالعه : عطني التلفون ؟ ذياب : تلفوني !! كيفي ! اخذه متى ما ابا .... مهاري: تراك قلت اني خبله .. بسوي شي ما يعيبك ... ذياب : وانا قلتلج اني اخبل عنج .. وبسوي شي ما يعيبج ...... مهاري : شوه بتسوي يعني ؟؟ ذياب : احين بتجوفين ....... ومشا السياره .... مهاري فاجه عينها : ذيااااااااب وين ساير !!! ذياب : مالج خص ... ياخبله .... مهاري شلت علبت الكلينكس وعـ طول صدالها : هاا شوه ناويه بعد ؟؟ تعمييني هالمره ؟؟ حاسده عيني لهدرجه ؟ مهاري : رد المكاان الي كنا فيه .... ذياب : اسف ..... مهاري : وييين سااااااير .. ذياب : سكتي سكتي مابا اسمع صوتج ..... صدت الصوب الثاني ونزلت دمعه حاره .. ماتدري ليش .. من القهر ؟؟ ولا من اسلوبه ؟؟ ولا شوه بالضبط ماتعرف .... ذياب حس انها تصيح : مهور ؟ تصيحيين ؟؟ سكتت ....... ذياب يعلي صوته : شفيييج كل كلمه وثاااانيه صحتي فيها !! ذبحتيني تراااج ... ماقلتلج شي الحين ..... انا ابا افهم حق شوه يااااايتني انتي ياايه تزيديييني هم ... " ويصارخ اكثر " يعني شووه تبيني استخف .. من وين الاقيها ولا من ويييين ....... مهااري ارتبكت وزااد صيااحها .. شفييه يصاااارخ ... شوه قلتله اناااا .. انا طبعي جييه .. ليش جيه يكبر السااالفه ... مهاري : ذيااااااااااااااااااااااااااب شااااااااااااااااااااااحنه .................................................. ................ .................................................. .................................................. ................... راشد : الووه ؟ هلا عنووده ..... انتي وييينج .... هههههههههههههههه .... مالت عليج عيل ... انزين انزين اخبرج عندي خط ... مااااالج دخل يلا باي ........ الووه ....... عليا : هلا رااااشد يبت راااس اخوووووووووك .... راشد : خلي عنج ..... الا احمد مستحيل ...... عليا : تتحدااااني يعني ..... راشد : اتحداااج ....... عليا : رمسني اليوم والله حوالي ربع ساااعه . لكن ان ماخليته يتعلق فيني وينسى بنت عمه .... راشد : لالالا السالفه سالفه مصخره كانت لاتعلقينه بج ولا شياااته .. هو يحب شهد وبيااخذها .. لا تدشين فالساالفه ....... عليا : الحين تقول هالكلاااام ؟؟؟ عقب ما عيبني استااااااايله وشخصييييته وااااايد رزيين غير عنك .. راشد : جوفي تأدبي لا تخليني اخبره انج من طرفي ..... عليا : لالا خلاص روحي بقوله باسلوبي بس لا تدخل ........ راشد : زين ماعليه يلا بسير اتعشا انا .......... عليا : بالعااافيه باي ....... راشد : باي ....... والله انج فااااضيه وانا سويت لج سالفه وايد ........ هنوف : شهووووود ...... يلا تعالي عشا ........ نوره تنزل : قصري صوتج ابوج رقد ...... الود وين .؟ هنوف : ظهرت ويا مهاري يشترن اغراض ناقصه ...... نوره : اها ... وشهد ؟ شهد : اهنه وراااج ........ مايوو للحين ؟؟ نوره : ماعليه اكيييد الود تبا ترمس مهاري دام طلعتها خلونا نتعشا ...... ولا نتصل فيهم ؟؟ شهد : لالا بنتعشا يوااااعه .. الاكل ممزور بياااااكلون أي شي ......... يالله سمو بسم الله .... هنوف : حشى فجعاااااانه من وين يايه انتي ........ شهد : كلي كلي ............ |
تسلمين اختي على هذي القصه وداايمن تتميزين بالقصص الجميل واحلى شي ان لهل قصص معنى وافاده تسلمين مره ثانيه اختي وعساج على القوه ولج من احلى تقيم تقبلي مروري اخوج spg |
تسلمين على هالقصه وننتظر التكمله |
مشكووورين ع الردوود ^.^ وفأقرب وقققت باحط لكم القصصة اوكيييك |
| الساعة الآن 10:01 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir