المشاركة الأصلية كتبت بواسطة شـــاحـــوف (المشاركة 767924)

[motfrk]السلام عليكم و رحمة الله و بركاته[/motfrk]

هبوب الهوى شكرا على طرحك هذا الموضوع القيم الرهيب الي ابا اشارك فيه لكن مشاركتي بتزعل
كل الي رادين على موضوعك و انا شديد الاسف اذا في حد بيزعل لكن اسمها حوار و نقاش و كل حد
يطرح رايه في الموضوع اولا انا مستغرب انتو ليش تقولون القسوه على الاطفال ممكن اسالكم شوي؟

- هل انت اب او ام؟
- هل تعرف معنى الابو او الامومه؟
- هل تعرف ماذا يعني ان تكون لك فلذه كبد؟
- هل تعرف ماذا يحصل عندما تكون اب او ام؟

موضوع سهل جدا و قلمي لن يتعب في الرد على هذا الموضوع البسيط الذي يتكلم فيه الناس ان على
حسب خبرتي في هاي الاشياء لاني كنت في يوم من الايام طفل انظربت ظرب من قبل ابوي والله محد شافه
ولا بيشوفه والله الخيزران و المزهريات كانت تنكسر على ظهري ترا انا البكر يعني المفروظ اكون الدلوع صح
كلامي و لا غلط؟ لكن بعد ذاك الظرب الي انظربت فيه و لا في حد من اخواني في البيت انظرب كثر الظرب الي
انظربته انا الي كبري الحين يشوف ابوه ما يظرب اخوانه كثر ما انظرب هوه يكره اخوانه صح الكلام و لا غلط؟؟؟
لكن انا ما كرهتهم مول تدرون ليش لاني كنت استاهل كل ظربه و لا صفعه وصلتني من ابوي الله يحفظه في
طفل ما ايي الى بالكلام مهما تظربه و في طفل ما ايي بالظرب الى اذا كلمته و فهمته و في طفل ما ايي
الى بالكلام و الظرب يا اخي صح المفروظ انك ما تمد ايدك على الطفل لو شو كان ترا الاب مستحيل يسوي
ها الشي في الولد الى لعدة اسباب مهمه بخبركم عنها وفي اب ما يظرب ولده الى لانه خسيس و مب ريال
بعد بخبركم عنها.

سبب الاب الي يظرب ولده؟

- مرات خلاص يتعب ما يعرف شو الحل.
- مرات يكون مظايق وايد و تعبان .
- مرات الام هي الي تجبره يظربهم.
- مرات الولد يستفد كافة الحلول عند ابوه.

سبب الاب الخسيس لظرب ابنائه؟

- يعتبر هذا الشي رجوله من قبله.
- ربع الاب يكونون مصغرين قيمته.
- يبا يفرظ النقص الخارجي في المنزل.
- انسان ناقص عقل و دين و عديم احساس.

والي يقول غير ها الشي كله كلام و خاصه كلام الانجليز لا تاخذوه لانه كذب في كذب هم اصلا لو فيهم خير
جان ربوا اعمارهم قبل و حريمهم معاهم قبل لا يربون الطفل هم يعاملون الحيوان احسن عن البني ادم شو
هاي المسخره انا الحمدلله من الظرب الي وصل لي والله طلعت عن عشرة رياييل لي كلمتي و رمستي عند
الكبير و الصغير كل ابناء المنطقه يعرفوني ليش تربية ابوي هاي الله يحفظه كان يعلمني على اشياء وايد
مهمه كان يقول لي كل شيئ له وقته المصخره خلها في وقتها و الجد بوقته الى الدين هذا في كل وقت و خلك
شديد بس مب قاسي لان الشديد يقدر يسوي كل شي لكن الجاسي ما يقدر يسوي شي لان اسلوبه بيكون
مفتقر لاحترام و الحنان و انا ارهان اي حد اذا يقدر اييب لي واحد شديد مب زين و اراهن اي حد يقدر اييب لي
جاسي و زين والله ماشي ترا الجاسي دوم يسوي عمره قوي و محد يرومه قال رسول الله صلى الله عليه و سلم
((( ليش الشديد بالصرعه انما الشديد الذي يملك نفسه وقت الغضب ))) ما قال الشديد الي يظرب و يكسر و يفدع
الدنيا و يستعرظ عظلاته و الله العظيم الي يسوي عمره قو ترا هذا الي ولا شي لكن سير شوف الهادي الشديد
شو يسوي حزتها ترا يقول لك (( اتقي شر الحليم اذا غضب )) و الحليم ما يغضب باي وقت لكن الي بيستعرظ
قوته على طفل فهذا مب ريال و لا بيشوفها المريله ليوم الدين اسمحولي طولت عليكم وايد اخوكم شاحوف

المشاركة الأصلية كتبت بواسطة ...فيمتو... (المشاركة 779543)

تسلم اخوي عالطرح الغاوي


العيال مهما سوو ومهما خربوا وكسروا يبقون يهال
مايعرفون الصح من الخطأ ولازم نحن نعلمهم ونفهمهم
الزين من الشين والصح من الخطأ

الظرب عمره ما فاد بالعكس تتولد عند الطفل مناعه من شي اسمة ظرب
يمكن يخاف مرة ومرتين وبعدين عادي يتقبل الوضع ويكرر فعلته لأن جسمه تعود عالظرب
وصار شي غير مؤلم ،،،، بس اذا عاقبناهم وفهمناهم ان اللي سووه غلط مابعيد الكره وبيعرف انه رح ينحرم من
الشي الله هو يحبه

والعقاب في هالحاله يكون منعه من اللعب على حسب عمره يعني لو كان عمره سنتين نمنعه من انه يتحرك لمدة دقيقتين ويجلس في مكان واحد ،،، وعلى فكره هذا هو الاسلوب الصح للعقاب
وفعلاً اختي تعاقب ولدها على هالطريقة اذا غلط ،،، وهو عمره ثلاث سنين تقوله اذا ما قعدت زين روح اقعد عند الزاويه وتريا لين ما يخلص الوقت وهو يسمع الكلام وينفذ لأنه عرف عمره انه مسوي شي غلط
الظرب نتيجته معروفه ( عناد وطولة السان ) عسب جي ابتعدت اختي عن الظرب وعيالها الله يباركلها فيهم
منظبطين ويسمعون الكلام




والسموحة جان طولت عليكم
تقبلوا مرور اختكم فيمتو

المشاركة الأصلية كتبت بواسطة وزيرة الحب (المشاركة 781758)