منتدى استراحات زايد - تعقيب لموضوع اختكم قلب (الدخول للشباب فقط)

منتدى استراحات زايد (http://vb.ma7room.com/index.php)

- الحوار والنقاش - الرأي والرأي الآخر (http://vb.ma7room.com/forumdisplay.php?f=7)

اقتباس:

المشاركة الأصلية كتبت بواسطة ظبياني عكس القانون (المشاركة 458912)

أحبها على عيني وراسي بس هب يعني اني اعيش روحي فهموم وديون

المفروض تفهمني وتفهم ظروفي واذا هي تبي ترتاح فحياتها لازم اتراعي حالتي الماديه

راح اتفاهم ويا ابوها واقول له باللي اقدر عليه .. واذا قدرت ابدا ماراح اقصر او ابخل عليها بشي اللي فخاطرها بسويه بس اني ادين هالشي ماارضى احط روحي فيه

وانا اكره المثل اللي يقول { ادين واتزين }

وراح اتفاهم ويااا اهلهاا واقنعهم .. كل شي بالتفاهم والزين بيي وبنوصل لحل

ومشكوره ختيه عالموضوع

اخوج حمدان

والنعم فيك ياحمدان .. هذا الكـلامـ الزين
ادين واتزين واللـه اول مرة اسمع بها المثل بس ماحبيته ..
تسلم ع مرورك الطيب
واترقب يديدي
يعطيك العافية

اقتباس:

المشاركة الأصلية كتبت بواسطة الخالدي-018 (المشاركة 458681)

السلام عليكم ورحمة الله وبركاته

والله يااختي انا ماراح يكون اعتمادي كله على هالقرض واذا اني

اقدر على هالطلبات اكيد بجيبها لها لأني احبها وبسوي اي شي عشانها..

اما اذا كانت طلبات مالها داعـي وفوق طاقتي بتزوج لكن مهب من الخارج

من السعوديه ولا من اي دول الخليج.. ومثل مااسلفت بنات الحلال اللي يبن

الستر ومتفهمات هن واهلهن واجد.. والله يوفقنا وياكم لكل مافيه خير

وصـلاح.

آخــوتس

الـخـآلــدي

تسلم خويه ع مرورك ..
صح كلامك ..
يعطيك العافية ع تعقيبك لرودك وماتقصر
اترقب يديدي

اقتباس:

المشاركة الأصلية كتبت بواسطة القناص007 (المشاركة 458162)

إذا أحبها

الغالي يرخص لها

وإذا ماحبها

بدور غيرها اللي خلقها خلق غيرها ألوف

تسلم ع مرورك يالقناص..
يعطيك العافية

اقتباس:

المشاركة الأصلية كتبت بواسطة ઇ النورس ઇ (المشاركة 457892)

يا مرحبا ترحيبتن شذاها ورود ورياحين

^^

موضوع غاوي ختيه

..

والله لو البنيه تحبني وتباني .. بتخف من الحمل اللي عليه

وما بتتفيزر وبتخق يدام الخلق بالمهر ولفلوس الزايده

..

أحيد الحريم يخقن بريايلهن .. مب بلفلوس ههههه

..

ف يعني لو لبنيه تباني ,, ما بتشترط عليه امور ثقيله ومهر زايد

وأصلا هالشي بينعكس سلبيا عليها

يعني لو كان المهر مرتفع ,,

الريال ما بيروم يعيّش حرمته حياه مريحه وسعيده

لنه بيكون عالق فديون المهر والعرس ,, ومضغوط من الناحية الماديه

فهالشي بيضر الحرمه

>> فكروا عدل ^^ <<

..

اما لو الحرمه تبا تتفشخر شرا ماقلتي ,, وتبا مهرها مرتفع

ف هذي حرمه ما تصلح حق زواج أصلا

لنها تفكر فمصلحتها وبس ..

وحرمه شروا هذي وراها عوار راس

أريد و أريد وأريد .... وطلبات مالها أول ولا آخر

..

يعني انت توك ياي من الدوام وتعبان تبى ترقد .. بتقولك أريد خاتم الحين

هههههه

مب لهالدرجه ,, بس يعني ههههه <<<<<

...

ترا الحرمه فالنهايه ما بينفعها مهرها ولا بتنفعها الخقه ..

اللي بينفعها هو ريلها ماغيره

فالحرمه كل ما فكرت فمصلحة ريلها ,, فهالشي بينعكس ايجابيا عليها

يعني كل ما ارتاح ريلها ..هي بترتاح وبيسويلها اللي تباه

اما اذا كانت مطلعه عينه ,,, ف عويناتها الثنتين بيطلعن بعد هههه

..

وأنا رايي واضح ... وهو كالآتي :

اذا الحرمه بغت مهرها مررتفع وانا ما اروم عليه

فهذي ما تصلح حق زواج

لنه هي تبا لفلوس وما تباني انا

ولنه تفكيرها أصلا ما ينفع يخليها تكون ربة بيت

وفوق هذا

لو انا ما رمت ادفع المهر هي ما بتوافق

يعني هي باعتني عسب المهر .. وهي تعرف اني ماروم أدفع

واللي باعك يا صاحبي برخيص بيعه

ولا شرايج ^^

يعني لو كنت أحبها ,, بس هي بتكون بايعتني

واللي يبيعني انا ماريده

وانا ماحب شخص مايحبني ويبيعني

و .. و .. و .. و جني كتبت مقاله ههههه

::::

زيين ختيه

لج كل الشكر عالموضوع الغاوي

تقبلي مروري :

النورس

ههههههههههههههههههههههههههههههههه
يالنورس واللـه اني مت ضحك ع ردك ..
يعني ما شاء اللـه عليك شو تحلل ذكرتني بالمحشش اللي ينصح ولده .. هههههههه .. واللـه ماقصد شي بس صدق شي قصة محشش يوم كان ينصح ولده..

المهم
تسلم يالنورس ع ردك اللي نور موضوعي ..
وان شاء اللـه دوم اترد ع مواضيعي بالحماس ..
يعطيك العافية
وربي يرزقك بشيخة العذارا..

اترقب يديدي
وسوالم

[align=center]

السلام علييكم ...

الغاليه شكراا عالطرح المميز منج ...

لو تبين تحسبينهاا نحن عااايشيين زمن الكشخه .. وحب المظهر ... من ( بعض ) البناات الله يهدييهن ... مثلا تقوول ربيعتي عرست في المكان الفلاني .. وفصلت فستان العرس عند المصصم الفلاني .. ويابت المطربه الفلانيه .. وسوت زفه ما مثلهاا زفه .. واباا شهر العسل في المكان اللي ...

وفي الاخير اذاا بو الشبااب يباهاا ويحبهااا اكيد بيتسلف لانه الشيطاان يالس يلعب في راسه والبنووك ما تقصر تعطي من غير حسييب ولا رقييب .. ويزين له انهاا بس ليله في العمر .. ويدخل الرياال في متااهه مالها اخر ..

وفي الاخيير ييلس يندب حضه .. ويلعن ابوي اليوم اللي عرس فييه .. ونحن الحيينه في وقت الغلا الفاحش ..

وفي النهاايه بييلس بوالشبااب واييده على خده ويون ويغني ...

ويلي يا ويلي ويلي يا ويلي ....

بس ما اباا اقوول

الا

الله يرحم ابوناا زاايد ... ويحفظ شباابناا من هالزمن

[/align]

[overline]
السلام عليكم ورحمة الله وبركااااته

يعطيج العااافيه خيتوووو مدية على هالطرح الزين

شوفي ربي يسلمج.......البنت العااقل....واللي عقلها براسها...ما تفكر بالفلوس

قد ما تفكر بسعادتها.......لانه الفلوس والفشخره حق يوم ...والديون حق سنين...

واللي هيه صدق شارية الريال ...وتبا الستر على عمرها.......بتطلب عرس

معقول وفي حدود امكانيه هالريال....

لانه باجر هب إلا حياااتها هي بس...حياة ريلها وباجر حياة عيالها.....ومحد يا

اختيه يرضى بالدين...وحيااة كلها ديون......بالعكس بتفرح هيه بساعه

بس...وبتقضي باقي العمر ويا هالريال المسكين يادون الديون....يعني ما بتقدر

تلبس شرات لما تكون حياتهم بلا ديون.............

وتبين الصدق يا اختيه البنت اللي تفكيرها سطحي جيه.....الريال مايباها.....لانه

دامه سحطي بهالشيء بيكون سطحي بشيء ثاني وثالث ورابع......

والريال محتاج بنت عاقله تفكر في بيتها وريلها وعياله...وكيف تحفظ فلوسه.....

هب من اولها خساير......ومصاريف.........والله الواحد بدون تبذير وخساير يقدر

يسوي عرس من احسن لعروسات بدون خساير وبدون اشياء مالها داااعي......

والريال يا اختيه يبا اللي تحاتيه وتحاتي مستقبله هب اللي تفكر كيف

تتفشخر....صدقيني حتى لو كان يحبها......بس بيحز في خاطره انه اللي يحبها ما

تراعي ضروفه وتحمله بشيء فوق طاقته.....

عالعموم.............الله يهدي البنات وشباب المسلمين اجمعين
[/overline]

اقتباس:

المشاركة الأصلية كتبت بواسطة يوييل_الغربيه (المشاركة 460272)

[align=center]

[/align]

وعليكم السلام ورحمة الله وبركاته
تسلم ع مرورك الطيب
يعطيك العافية
ورب ييرحم الشيخ زايد واتذكر مقولته عن المهر يوم قال ان مهر البنية مالا خص بكرامتها شي جيه قال بالانجليش
the dignity of women doesn't kie in high dowries

" ويلي يا ويلي ويلي يا ويلي .... " حلوووووووة عيبتني
ماتقصر ع مرورك الطيب

اقتباس:

المشاركة الأصلية كتبت بواسطة وزيرة الحب (المشاركة 460533)

مشكوووورة ختيه
اسعدني تواجدج في مواضعي لاهنتي
صح كلامج بس المشكلة ان زمانا اخترب ومادري متى هالشريحة بتعقل ..

يعطيج العافية
واترقبي يديدي