منتدى استراحات زايد - `·.¸.-> ح ـكاية ع ـشق مـ ج ـنـونـهـ !!!

.. ح ــكـآية ع ــشق مجنــــونهـ ..
البــــــآرت الـ ع ــآشر [ 10]

ملاحظـهـ صغنـــونهـ ، ، ،
هالبارتـ من كتـآبـة ماااي فرينــد فديتها واللهـ ، ^^ H ..

ساارهـ كاانت واايد فرحاانهـ عسب حفلهـ التخرج وخااصهـ أن أبوهاا أقترح أن يسويلهاا أيااهاا ف روتانا .. وهيه أول ما سمعت هالخبر ما شاء الله ماخلت حد ما خبرتهـ ... قوم عمهاا و عمومتهاا وأربيعااتهاا كلهمن .. وكانت كل يوم تسير وياا أبوهاا المول تجهز حق الحفله وكل ماتبااا شي أبوهاا مايردهاا ولا يقصر وياهاا .. وكل شوي تتصل حق ماال البوفيه ولا محل الورد ... وهيه نازله تحت لقت أبوهاا بعدهـ فالصالهـ .. يلست ويااه وتمت تسولف ..

سارهـ : ابويه غريبه بعدك يالس فالبيت ...
بو سارهـ : شو أسوي يوم الغلا كله عندي وأسير عنه منوه يقول ...
سارهـ حست أن الفرحه مب شايلتنهاا أنا أبوهاا أستواا يحب يلس وياهاا وبعد مايظهر من البيت
سارهـ : واايهـ فديت أبويه أناا يوم أن يودر شغله ويلس فالبيت عشاني والله يحظي
بو سارهـ : ههههههه .. أنزين غناتي خلصتي كل شي عسب الحفله ولا شي ناقصنج
سارهـ : أمممممممممـ والله ماعرف
بو سارهـ: أنزين خذتي فستان ولا شو بتلبسين
سارهـ : أفااا عليك عااد هذاا الأسااسي أول شي اشتريت الفستان هههه
بو سارهـ: هههه .. أنزين وشوه ناقص بعد
سارهـ : أممـ .. شويهـ إكسسوارات حق الفستان وحق شعري ووووو أباا بعدني نعاال وجيـه ...
بو سارهـ: أنزين الحين أنتي شو تسوين
سارهـ : ماشي
بو سارهـ: أنزين قووم تلبسي بنسير الموول
سارهـ : أن شاء الله ثوااني وأناا فالسياارة

تم بو سارهـ يطالع بنته ويقول في خااطرة .. ربي يحفظج ياابنتي ويخليج ذخر لي ..

.
.
.

فــالـــمـــووول

سارهـ كانت تمشي وياا أبوهاا صوب المحلات وكل شوي تدخل محل وتشتري تقريبااا ماخلت شي فالمول إلي خذته مب جنه تتجهز حق حفلة التخرج.. جنهاا تجهز زهبتهاا ... وعقب تعبت وسارت هيه وابوهاا يتعشون فالمطعمــ..

سارهـ : أبويه شو بلاك
بو سارهـ: ماشي والله بس أنتي ماشي ناقصنج
سارهـ : لا والله مشكور وربي يخليك لي

وتموو يسلفوون ويضحكوون و بو سارهـ حاس بشي غريب أول مرة يحس بهاا الأحساس وفالجهة الثاني سارهـ كاان هاليوم عندهاا واايد حلو ماتعرف ليش بس تحس أنهاا فرحانه واايد .. ويوم خلصوو ردو البيت وأحـــلام سعيده للجميع ....

.
.
.
.

الصبـح الساعه 8

نشت سارهـ وهيه تحس بنشااط فظيع خااصه أن بااجر حفلتهاا .. نشت من على السرير وتسبحت وتكشخة وسارت عالمسن ولقت هدوي و عزوهـ و مريمـ ... تمت ترمسهن وتخبرهن أن لو ماين الحفله بنفاادهن ... وعقب سكرت المسن وردت تنسدح على السرير وياا ع بالهاا خاالد .. آآآه يااخالد شكثر ولهت عليكـ وتمت سرحانه تفكر ف خالد ... وفالجهة الثانيه (ف دبي) خالد يالس يتصل حق هزااع ...

هزااع : هلا والله بالحلوو
خالد : ههه هلا بك زوود الغااالي . شوو حاالكـ؟
هزاااع : والله الحمدلله مانشكي بااس ... ومن صووبكـ؟
خاالد : الحمدلله تماام ... هزاع شورايـك نسير صوب العين (خالد لو الود وده يسير عند سارهـ ومايفارجهاا دقيقه وحدهـ)
هزااع : والله خلاص تم متى نااوي تسير..
خالد : أمممـ ع الساعه 4 العصر ان شاء الله
هزااع : ان شاء الله
خالد : أنزيت عيل يالله فداعة الله
هزاع : مع السلامه

سار خالد على البحر ... يلس يتأمل البحر شوي .. وكل ثانيه يمر طيف سارهـ في بالهـ ...
خالد: يارب أناا شوو بلاني من يوم شفت هالبنت وصورتهاا مب راضيهـ تنمسح من خياالي ...

يلس خالد يفكر ويفكر لين مل وعقب ركب سيارتة وسار البيت ....

<<<<<<<<< رومانسي الأخ ،

.
.
.

فالعــــيـــن ...!
سارهـ ماعرفه شو تسوي كل شوي تتصل براع ــيهـ الصالون عسب تأكد الحجز وأن بااجر بتيهاا البيت ومن البيت بتسير الحفلة ... يلست تعدل شوي ففستانهاا وشوي فالإكسسوارات لين ياا أبوهاا يلست وياه تسولف وعلى الساعه 7 المغرب تم بو سارهـ يفكر ف بنته وأن هو وياهاا يالسين فالعين رواحهم وأهلهم كلهم ف دبي وتم يقول في خاطره لي مت بنتي مع منوه بتيلس ولا منوه بيهتم فيهاا صح أهلي مب مقصرين وياهاا بس حتى لو هااي بنتي الوحيده ربي يحفظهاا لي ... وعقب سار غرفته لأن كان تعبان ورقد..

سارهـ يوم شافت أبوهاا سار يرقد سارت صوب التيلفون تتصل حق البوفيهـ تأكد عليهم الطلبيه لازم تكون الساعه 5 العصر في روتانا .. وجيهـ تمت لين ما ياا هاا النوم ونامت ...

يـ ـ ـ ـ ـ ـ ــــــومــــــ ، الـــــــ ح ــــــفـــــــــــــلهـــ. ....!

سارهـ ما شاء الله عليهاا ناشة من الساعه 4 الفير نشت تصلي وما ياها رقااد تمت أطالع الأغرااض والإكسسواراات وتتأكد من أن كل شي موجود ... عالساعه 7 سارت صوب الصاله وأبوهاا كان بعده مب سااير الدواام ...

بو سارهـ: صباح الخير من وين طالعه الشمس اليوم ناشه من الصبح
سارهـ : هههه . . صباح النور والسرور .. حليلي والله نشيت أصلي الفير وماياني رقااد تميت فالغرفه لين مايت الساعه 7 وييت الصالهـ
بو سارهـ: يااحافظ عليج أنزين جااهزه حق اليوم
سارهـ : دخيلك أبويه اناا من يوم ماقلت بتسويلي حفله وأناا جااهزه .. ههههه
بو سارهـ: ههه ... هذاا عوق البنات يموتن على الحفلات والتزين والإكسسوارت والحاله حااله .. وحليلناا نحن نبتلي ...
سارهـ : حليلناا نحن ... ( ومدت بوزهاا أنهاا زعلت )
بو سارهـ: واايه فديت الزعلانه أناا
سارهـ والإبتساامه من الأذن اليمين لين الأذن اليسار : فديتك أنته أبويه
سارت ولوت عليه وتمت يمكن نص ساعه في حضنه .. كانت تحس بحراره حضنه وتمنت أن محد يبعدهاا عن أبوهاا لأن مابقالهاا في هالدنياا غيرة .... وعقب خازت عن أبوهاا لأن بيسر الدواام .. وتمت يالسه أروحهاا لين يت الساعه 1 يت راع ـية الصالون اللي بتعدلها لأنهاا متواعده وياهاا ويلست عندها لين الساعه 4 وعقب لبست فستانهاا إلي كااان روعه x روعه كااان رقبه يعني مربوط من عند الرقبه بس ظهرهاا كله مكشووف وكاانت حااطه كرستاااال على ظهرهاا من عند رقبتهاا لين آخر ظهرهااا وكان الفستان مخصر بس من عند الخصر في قطع زيااده يعني بختصاااااااااااااار رهـــــــــــيـــب .. وكانت مسويه حق شعرهاا فير مصري ( كله مخليتنه كيرلي )وهيه كااانت آيهـ من الجماال ... وهيه ناازله ورايحه صوب أبوهاا أبوهاا كاان يالس يطااالعهاا بكل عزه وشموخ وكأنه يقول شوفو هااي بنتي إلي أناا ربيتهاا هااي بنتي حشااشه يوفي ... ويوم وصلت سارهـ عند أبوهاا قالتله ...
سارهـ : أبويه شورايكـ فيني .... بنخطب ولا ههههههههه
بو سارهـ: ماشاء الله عليج واايد حلوه .. بس الله يبعد عنج عيوون الحسااد
ساارهـ : هههههههههه ... أن شاء لله .. يالله ابويه نسير عسب أرحب باللي بيون بدري لازم أناا اكون اول وحده حااظرة
بو سارهـ: أن شاء الله .. يالله سيري لبسي عبااتج وأناا بتريااج فالسيارة
سارهـ : أن شاء الله

فـــ دبي دار الحــي

البنات مرتبشات وكل شوي يلبسن شي ويعقنه ومب عارفات شو يلبسن ..
شـمـا : حـصوهـ ياخي مب عارفه شو ألبس
حصهـ : ياربي والله حتى اناا شكلي بلبس البدله العيناويه وأنتي لبسي البدله التركوازيه أوكليك ..
شما : أنزين وإذاا ماظهرت حلوه
حصهـ : لا أنتي لبسيهاا وتكشخي وتعالي خليني أحكم .. ههه
شما : أنزين

ونروح بيت محمد عم سارهـ ... عااد هنيه الربشه مستويه .. ميثه ترمس ولا طايعه تسكت وكل شوي تعلق على عزه .. وعزه مبتلشه وأربع وعشرين ساعه تفلعهاا بشي لين مافلعتهاا بدبت الماي ويت على يبهتهاا
ميثه : اااي .. يالـ***** والله عيل صبري ... ( وتروح ميثه تعبي دبة الماي كلهاا بيبسي وترد حق عزه بس عزه ما أنتبهت لأنهاا كانت تظهرلهاا بدله ).... وفجأه تصرخ عزه وماتسمعون غير التكفيخات وميثه اللهم عافناا ويهاا لوح .. تضحكـ
(الله يسلمكم تراه ميثه يوم سارت تعبي دبة الماي بيبسي حطت وياهاا ثلج بس مبشور ... وسارت فوق عند عزه ووو جبتهاا كلهاا دااخل كندورتهاا .. وحليلهاا عزه تبريدت مكانهاا )

المهم ظهرن البنات لهن بدل وكل وحده أحلى من الثانيه .. ميثه بتلبس لون بني وعزه بتلبس لون وردي ...

نرجع حق بيت سيف عم سارهـ ... خلصن البنات ونزلن يشوفن منوه بيوديهن ... وهن نازلات مالقن حد استغربن .. جان تقول حصهـ ..

حصهـ : بسم الله وينهم محد فالبيت .. شموه تخيلي على هالتعديل كله مانلقاا حد يوديناا
شما : لا ان شاء الله بتصل في أبويه بشوفه الحين

شما وهي ترمس أبوهاا
شما : أبوياا وين أنتوا
بو راشد : وعليكم السلام .. بلاج بنتي ليش
شما : سمحلي الغالي بس والله مالقيناا حد يودينا صوب العين
بوراشد : لا أبويه طمني اناا خبرت خالد وهو بيوديكن بس أنتن خلصتن
شما : هيه من الصبح مخلصات
بو راشد : أنزين عيل بتصل ف خالد وبطرشه صوبكم
شما : أنزين يالله مع السلامه
بوراشد : مع السلامه

وتمن البنات يترين خالد لين ياهن وسارن وياه .. وفالصوب الثاني قوم عزه وداهن أبوهن عقب ماخذت ميثه هزبه من عند أبوهاا بالي سوته في عزه ...

فـــالــــعـيــــــــــــــــــن

الساعه 6

سارهـ يالسه ترحب بالبنات وكل شوي تسير تتصل في حصهـ لأنهاا أروحهاا يالسه ترحب وجيهـ .... وبعد ساعه وصلن قوم عزه وقوم حصهـ

سارهـ : تو الناس جاان ماييتن
حصهـ : والله شونسوي من الصبح ونحن مخلصات بس كنا نترياا حد ييبناا
عزهـ : هيه والله أنا من خلصت أبويه على طوول يابني ماكنا بنتأخر بس هالحيوانه ميثه جبت علي بيبسي ...
ميثه : دوااااج
شما : حصهـ يبتي الكاميرا
حصهـ : أووووووووه ... لا والله نسيت
سارهـ : لا عاادي الحين بتصل في أبويه ييب الكاميراا مالتي

سارت سارهـ فالممر تتصل في أبوهاا ... بس ماكانت لابسه شيله لأن محد غيرالبنات هنيه بس إلي صدمهاا أن وهيه تمشي فالممر شافت خالد .. وخالد أول ماشافهاا مارام يشيل عيونه عنهاا لانهاا كانت واايد حلوه ... (حصهـ نست شنطتهاا فالسيارة وكان خالد نازل وواقف فالممر عسب يتصل فيهاا ويخليهاا تشل شنطتهاا..)

خالد : سارهـ
سارهـ : (قافطه ماعرفه شو تقول ) ... هـ ـ ـا خـ ـ ـ ـ ـ ـالـ ـ ـ ـد
خالد : هههههه .. تعرفين أنج أحلى بنت شافتهاا عيني ... وآخر بنت
سارهـ : ( أستحت وتمت ساكته )
خالد : ( تقرب منهاا وكان واايد قريب يلس يتأمل ويهاا البيبي والكيوت واايد .. ) مبروك التخرج
سارهـ : الله يبارك فيك
خالد : سارهـ عاادي أسألج سؤال ؟؟؟؟؟؟؟؟؟؟
سارهـ ( كانت خايفه من إلي بيقوله ) : هيه عاادي ..
خالد : أناا شو بنسبه لج ...!!!!
سارهـ ( أحمرت واخضرت واصفرت .. ماشالله غدت إشارات مرور) .. هـ ـ ـ ـااه
خالد : أناا شوووووه بالنسبه لج ..
سارهـ ( تمت ساكته عقب قالت .. يارب شوو هالموقف شوو بقوله الحين بقوله أن هو حياتي كلهاا ولا هوو دنيتي ولا أني أعشق ثرااهـ يارب سااعدني ..) : خالد أنت تعرف أنت شو بالنسبه لي وتعرف أنت شكثر غاالي عندي وصدقني أناا من يوم شفتكـ فالمول أنته في باالي والله .. وأعرف أن لو تمر علي دقيقه طيفك لا زم يمر مع هالدقيقه ...
خالد ( ماعرف شو يقول .. حس أن فرحاان وفي نفس الوقت ميت من الفرحه .. خالد تم يطالع سارهـ وعقب بحركه تلقائيه ... مسك إيدينهاا وباسهاا وسار عنهاا ) ...
سارهـ ( ما أقدر أوصفلكم شعور سارهـ هاذيج اللحظه تمنت لو أن خالد تم ماسك إيدهاا ... وقفت ساره مكانها وعقب تذكرت أنهاا لازم تتصل حق أبوهاا .. واتصلت له وقالت له أيب الكاميراا .. وفعلا ياب أبوهاا الكاميرا ورد سارهـ القاعه ويلست وياا البنات وتمن كل شوي وحده ترقص وحد تنعش ... كانت سارهـ فرحتهاا ماتنوصف ..)

كـــــــــــــــــــــــــــــــــــــــــــت

شو راااايكمـ .. فـ الباااارت والسموحهـ منــكمـ ،
واتمنى ينـآل اع ـجابكمـ ،
بدون ما آح ـط الأسئلهـ آريد توقعـآتكمـ ..

بدويهـ غ ـرشوب ،

ح ــكآيهـ ع ـشق مجـــــــــــنونهـ ...!
البـــــآرت الــحاااادي ع ــــــشر [ 11 ]

عنـوان البـآرت ..: ++ فقدتك يا آع ـز انسـآن فقدت الحب والطيبهـ ..
وانـآ من لي فـ هالدنيا يسواك ان طالت الغيبهـ .. ++:..

وفالصوب الثاني بوسارهـ كان وياا بوعبدلله ( أخوه محمد ) و خالد ويسولفون وياه لين يت الساعه 11:30 ... سار هو وأبوعبدلله و خالد صوب روتانا عسب يشيلون البنات .. وهم فالطريج كانواا ثلاث سياير يتسابقون .. ستيشن وبي إم دبليوو وو تشارجر ... كان خالد ماخد اليمين وبوعبدلله ماخذ الطرج السريع ( اليساار) وبو سارهـ الوسط .. وفجأه بنجر تاير السياره إلي جداام بوسارهـ ( تاير البي إم ) وتمت أدور السياره جدام بو عبدلله بس بوعبدلله عفد فالرصيف أماا بوسارهـ لأن كان فالوسط ماراام لايروح يمين ولا يسار ... ودعمته السياره من جدام وتمت سياره بوسارهـ تتجلب جدام خالد وخالد منصدم من الموقف إلي جدامه ...

ف روتــانــــــــــــــــااااا

كانن البنات يترين الأهل يوصلون بس لين الحين محد وصل تمت حصهـ تتصل في أبوهاا بس الأبوو مايرد ... وسارهـ كانت سرحانهـ في خالد وفالموقف إلي أستوالهاا اليوم ...

نرجع عند الحادث ... كان الدم منتشر في كل مكان وإلي يجوف السياره يقول إلي دااخلهاا أكيد ميت ( طبعاا هااي السيارة البي أم ) أماا سياره بو سارهـ كانت متجلبه ومتعفصه وااايد بس أبو ساره كان أمدد على الأرض وكان يقول كلام باليالله ينسمع ..
بوسارهـ : مـ ـ ـحـ ــ ـمـ ـد أبـ ـ ـ اا سارهـ يـ ـ ـ ـ بـ ـولي سـ ـ ـارهـ
بوعبدلله : أنشالله أنشالله بس أنته أهدى ولا تتكلم
.. وبعد دقايق يت الإسعاف وشلت بوسارهـ وإلي فالسيارة البي أم ... ( تذكر بوعبدلله البنات فقال حق خالد يروح أيبهم المستشفى )

وفعلا سار خالد عند البنات وركبو البنات السياره وهم يسولفون وطبعا سألوه خالد ليش ماياا أبوناا وأبوو سارهـ وهو قالهم أي عذر ويحاول يتهرب من أسألتهم بس عزه حست أن فيه شي بما أن هيه الكبيرة بينهم ... وبعد دقايق لاحظت سارهـ ان هذاا طريج مستشفى التواام مش البيت ..

سارهـ : خالد ليش نحن مب سايرين البيت ..
خالد : .........................
سارهـ : خالد أرمسك أنااا
خالد : بنسير المستشفى وبس محد يسألني سؤال ولا والله العظيم لحذفكن الحين من السياره

خالد كان واايد محرج من أسألة البنات ... وبعد دقايق وصلوو المستشفى

فـالــــــــــمــــستــــــــــشفـــــــــــى

الدكاترة متبهدلين ماعافين شوو يسوون لأن بوسارهـ والريال إلي فالبي أم حالتهم خطيرة .... وبعد ثواني وصلوو سـارهـ وعزه وشما وحصهـ وخالد المستشفى وساروو عند أبوعبدلله

خالد : هاا عمي بشر ..
بوعبدلله : والله يااولدي ما أعرف شوو أقولك
عزه : أبويه شوو صااير شوومستوي
بوعبدلله ( تم يطالع سارهـ ألي تترجاه بعيونهاا أن يقولهاا شو مستوي ...) : والله يابنتي كناا نمشي فالشارع وسيااير يتسابقون جدامناا وفجأه أنطر تاير السياره إلي جدام بوسارهـ وبوسارهـ حاول يبتعد عن السياره بس ماقدر
سـارهـ : شـ ــــــــــــــــــــــوهـ أبــــويـــهـ شوو بــلاهـ .. عمي دخـيـلكـ أبويه شوو بلاه شي فيه تعور ... ( وبوعبدلله يالسه يطالع بنت أخوه ومب عارف شو يقول ) ..
بوعبدلله : أستهدي يابنتي أستهدي بالله بعده الدكتور ماظهر ولا قالناا شي

وشوي إلى الدكتور وااصل والكل تم يطالع الدكتور في أمل أن يقولهم شي يفرح ولا يبشرهم بأي شي ..

الدكتور : أنتوو تقربوله خليفه ( طبعاا الدكتور كان يعرف خليفه )..
بو عبدلله : هيه أبويه أناا أخوه .. دخيلك بشرناا
الدكتور : والله ما عرف شو أقولكم
خالد : يااااخي قول وفكناااا
سارهـ : دكتور دخيلك قول أن أبويه مافيه شي دكتور دخيلك قولدكتور أبوس أيديك خبرني (الدكتور كان يطالع ساره والدمعه في عيونه )
الدكتور : والله ماعرف كيف أقولكم بس منوه سارهـ
سارهـ : ليش دكتور أناا سارهـ
الدكتور: بنتي أبوج وصاني أقولج هالكلمتين هوو تمنى يشوفج بس قالي قولهاا أني أحبهاا وخلهاا تهتم بنفسهاا ولا تحزن علي ولو حزنت أناا بزعل عليهاا .. سارهـ .. أمـ ـ ـ ـ مـ ـ ـ أبووج عـ طاج عـ ـ ـمـ ـ ـره
(... طبعاا بوسارهـ كان قايل حق بوعبدلله أن يباا يشوف بنته بس ماصار فيه وقت)

سارهـ : شوووووووووووووووووووه لالالالالالالالالالالالالالالالا أبويه مــــــــــــــــامـــــــــــــــــــــــــــات أبــــــويـهـ حـــي هوو قاالي اليوم يوم بنرد البيت بنسهر وياا بعض .. أنته ليش تجذب أبــــــــــــــــــويهـ حــــــــــــــي مـــــــــامـــــــــات

أبوعبدلله تم يطالع سارهـ وهو خانقتنه العبره ومتقطع قلبه على أخووه وحاال بنته ... وعزه تمت تهدي ساره بس سارهـ مب راضيه تهدى .. وشماا يلست في زاويه وتمت تصيح وحصهـ تمت متصنمه في مكانهاا وتصيح وخالد .. يلس يطالع حاال سارهـ ويتذكر عمه ويلس يصيح وعقب راا ح عند عمه محمد ولـوى عليه
وتم يصيح ... وسارة مب مصدقه أن أبوهاا مــات

سـارهـ : عمي أنتو تجذبووون علي صـح .. عمي انتوو تسون فيني مقلب .. ابويه الحين بيي أصلان أبويه فالبيت .. ودوني البيت أبويه يترياني فالبيت ... ( بس الكل كان يطالعهاا )
بوعبدلله : سارهـ أبويه ترحمي حق أبوج لا تمين جيه تصيحين
سارهـ : عمي أنته ماتسمعني قلتلك ودني البيت الحين أبويه فالبيت يترياني ولو تأخرت بيزعل علي واناا محب أبويه يزعل علي

تمن البنات يهدن سارهـ وفي نفس الوقت يصيحن .. ومنهاارات
وشل خالد البنات ووداهن بيت بوسارهـ وسارهـ تمت أطالع من الدريشه اللحظه إلي بتوصل فيهاا البيت

نرجع حق المستشفى

أبوعبدلله تم أروحه فالمستشفى وبعدين تذكر أخوانه وأتصل فيهم بس ماخبرهم شوو صاار بس قالهم تعاالوو العين ويوم توصلون أتصلوو...... وبعد ساعه ونص وصلوو بوراشد (سيف) وبوخليل(سلطان) و خميس وسعيد وعلي وحميد بس ناصر وعبيد ما قالولهم ...

بوخليل(سلطان) : وهوو يتصل في بوعبدلله : هااه أخوي وصلناا شوو السالفه والله أن قلبي قاابظني من يوم قلتلي تعال العين ..
بوعبدلله : ياخوي والله ماعرف شوو اقولك .. بس خليفه عطاك عمرة
بوخليل(سلطان) : شــــــــــــــــــــــــــوهـ ويـن أنته
بوعبدلله : في مستشفى التوام
بوخليل(سلطان) : أوكيه دقايق وأنااعندك ( حليله سلطان مب مصدق عسب جيه قال أسير أتأكد أريحلي )

فــــــــــ بــــــــــيـــــــــــت بـوسارهـ

أول ماوصلت سارهـ سألت الخدمات .

سارهـ : وين بابا
روزي : I don’t know
سارهـ ( سارت عن الخدامه صوب غرفه أبوهاا وهيه تزقرة ... ) : أبـــويهـ .. أبــويهـ ليش ماترد علي أبوي دخيلك رد علي والله توبه خلاص ماب أدلع وااايد .. أبو دخيلك رد علي
.... تمن البنات يطالعن سارهـ ويترجونهاا أنهاا تفهم .. بس سارهـ كانت منصدمه ماتوقعت يوم من الأيام أأ أبوهاا بيروح عنهااا .. خالد يلس على الأرض ومب عارف شويسوي ولا يقول وهو يشوف روحه وقلبه وغناته جيه متعذبه

سارهـ : أبويه ليش روحت عني ليش .. الحين من عندي .. أمي وراحت والحين أنته ... أبويه اناا ماريد أستوي يتيمه ... أبويه والله العظيم أنك غاالي والله ولا يوم كنت أرخيص عندي ... أبويه

حصهـ وعزه يلس يهدن سارهـ لين غفت شوي ... وودنهاا غرفتهاا .. وشما يالسه تصيح وخالد منهاار ... وعزه تحاول تكون قويه جدام البنات لأن هيه أكبر وحده .. ولازم تكون قويه بس مع هذاا ماقدرت ..

فــــالـــمستــــــــــــــــــــــــــــشــــــفى

الساعه 4 الفير

بوخليل(سلطان): أخويه خبرني شو صار وشو السالفه ..

وطبعاا الكل وصل المستشفى وتم بو عبدلله يقولهم شو صاار بضبط
بوراشد(سيف) (وهو يصارخ) : شو هاااذيلا ماعندهم لارقيب ولاحسيب جيه يتسابقون فالشارع .. شارع أبوهم هوو والله العظيم لوو أشوفه هذاا جداامي نفاده ونفااد اليوم إلي بشوفه فيه

بوخليل(سلطان) : لاحول ولاقوة إلا بالله .. استغفرك يارب ... يارب أرحم أخوي وغمد روحه الجنه

وفالصوب الثاني .. خميس وسعيد وعلي وحميد .. مب قادرين يستوعبون الموقف وكل وااحد يالس في مكان ويصيح وخميس متمسك فالعمود ويصيح .. وعلي يلس عالأرض وضم أريوله لصدرة وتم يصيح ...
بوعبدلله : ياجماعة أستهدواا بالله وحطوو الرحماان فصدركمـ
بوخليل(سلطان) .. وهو يصيح : الله يرحمك ياخوي ويغمد روحك الجنه أنشالله ...

عقب ماكل وااحد صااح وطلع إلي في خاطره ظهروا من المستشفى وريحوا في بيت بوساره ...

فـ ـ ـ دبــــــــــــــــي

الساعه 7 الصبح

نشت العيوز وهيه حاسه قلبهاا نااغزنهاا من البارحه ولا عارفه ترقد ... طلعت من غرفتهاا وسارت صوب الصاله وتريقت بس مب كالعاده تحس أن فيهاا شي مب طبيعي ... وقررت تتصل في بو راشد (سيف) ....

العيوز : الووو
بوراشد(سيف) : مرحباا الغاليه شوو بلاج
العيوز : والله ياولدي ماعرف شو فيني من البارحه وأناا حاسه ان قلبي ناغزني مادله شوو صااير ....
بوراشد(سيف) .. عوره قلبه عليهاا وقال آآآآه ياميهـ لو تدرين أن أخوي عطاج عمرة ... أخوي إلي كنت اشوفه المثل العود لي ... إلي يوم أتعور ولا شي يستوي لي أقول أخ ... آآآه ياا أخوي رحت وخليتناا ...))) : أنزين أميه أنتي أرتااحي وأناا الحين بيي صوبج
العيوز : أنزين يالولدي
بوراشد (سيف) : مع السلامه
العيوز : الرب حافظنج

نرد صوب العين

في بيت بوسارهـ .. نشت سارهـ وسارت صوب الصاله وولقت عمهاا بوراشد (سيف) .. بيظهر ... وقفت عند الدري وطالعته عقب قالت

سارهـ : عمي أبوي مـ ـ ـات .. عمي أبوي ليش رااح وخلاني ... أنا كنت واايد أدلع عليه وهوه كان واايد يبزيني ... عمي الحين ماعندي حد أقوله أبويه ... يعني خلاص مابقول كلمت أبويه مرة ثانيه ... ( ويلست تصيح بطريقه هستيريه)
بوراشد(سيف).. نش وسار صوب سارهـ ولوى عليهاا وتم يهديهاا .. ))) : سارهـ بنتي الحين أنتي حرمه عوده لازم ترضين بالوااقع وكل وااحد له عمر ووقت محدد .. شرات كل إنسان بيعطيناا عمرة .. وأنتي لازم تكونين قويه .. يالله غناتي سيري غرفتج وبدلي ملابسج

نشت سارهـ وسارت فوق بس مب غرفتهاا .. سارت غرفه أبوهاا تمت تطالع صورته وتشم ريحته فالغرفه ... وعقب عقت عمرهاا على السرير مال أبوهاا ومسكت صورته وتمت تصيح .. وغفت عيونهاا الممزوره دموع ................
الـســاعـهـ 11:30

نش بوخليل(سلطان) وسار صوب المستشفى عسب يطلعون بوسارهـ ويودونه البيت ... عشان يسلمون عليه الأهل كلهم ..

وعالساعه 12:43 وصلت سيارة بوسارهـ ... والكل كان في بيت بوسارهـ .. بوجاسم وعمات سارهـ .. مريم وعليا وآمنه ونورة وشيخه وفاطمه وحنان و ... والعيوز وعوشة .. وربع بوسارهـ وييرانهم ...

سارهـ كانت في غرفتهاا يوم ياابو جثه أبوهاا عسب يشوفونه لآخر مرة .. هيه ما كانت تباا تشوفه .. كانت تحس أن هووو حي بعده مامات .. وبعد دقايق .. يت الخدامه روزي أدق عليهاا الباب بس هيه مب راضيه تفتحه .. وتمت على هالحال لين يتهاا العيوز .. وفجتلهاا الباب .. وأول مافجت سارهـ الباب طاحت في حظن يدتهاا تصيح ...

العيوز : غناتي بسج والله بتجتلين روحج من الصياح ..
سارهـ : يدوهـ هذاا أبويه والله مابقاالي في هالدنياا غيرة
العيوز : بنتي واابووي عليج .. شو هالرمسه ونحن وين رحناا نحن أهلج لا تقولين محد بقالي ...
سارهـ : ................
العيوز : أنزين الغاليه ماتبين تسيرين تشوفين أبوج ..
سارهـ : .....................
العيوز : بنتي سيري جوفي أبوج وطلبيله الرحمه
سارهـ : ان شاء الله

ونزلت سارهـ وجاافت الحريم كلهم يالسات وسلمت عليهم .. وعقب سارت تمشي لين براا .. ( لأن هم حااطين أبوهاا فالميلس ) ...

سارهـ وهيه تمشي صووب أبوهاا ... وريولهاا تحسهن ثجاال مب رايمه تمشي عليهن .. بس تحس أنهاا يالسه تسحبهن سحااب

سارهـ وقفت جدام أبوهاا وعيونهاا ممزورات دمووع .. وقلبهاا يدق بقوو وتحس أن الكل يالس يسمع دقات قلبهاا .. وفالجهة الثانيه كان خالد يالس يطالع سارهـ ويجوف حالهاا كيف غداا .. ( . سارهـ من يوم اتوفى أبوهاا مب راضيه تااكل ولا تشرب شي .. ومستويه وااايد ضعيفه .. حتى السواد تحت عيونهاا يبين بدرجه فظيعه ..)

سارهـ ( وهيه تشوف أبوهاا ) .. : أبويه .. أبويه .. أبويه .. أبويه ...
بوخليل(سلطان) : بنتي شو بلاج
سارهـ : عمي خلني ازقر أبويه ... ( وتصيح ..) عمي هااي بتكون آخر مرهـ أزقرة وهوهـ جداامـي
سارهـ ( وهيهـ تطلب الرحمه لبوهاا .. وتستسمح منه إذاا كانت سوت شي ماعيبه ) : الله يرحمكـ يالغالي ..

... ومرن أيام العزاا بشكل فظيع على سارهـ .. وعلى العايله كلهاا تقريباا .. ومع الوقت سارهـ قدرت تتخطى .. فكرة أن أبوهاا متوفي .. بس مب معناته أنهاا نست لالالالا.. تحاول تنسى ..

نهــــآيهـ البــــآرتـ ..