منتدى استراحات زايد - • رواية : (( أخبرتك . . أن لا تحاول الاقتراب منهُم )) بقلميَ ،

البارت الثاني :

( في لندن - الفندق )

البعض ينسى ، وآخرون يذكرون ..
هنالك تفاصيل في الحياة بسيطة لكنها تعني الكثير لقلوبنا وقلوب من نحب ..

دخلت المكان وأنا منصدم ههههههههههه يلست أضحك على أشكالهم أونه مسوين كيكه وبلونات
وحمود لابس هذا كاب مال عيد الميلاد وألوان ومشغلين اغنية ، ويصفقون اونه يغنون لي هابي بيرث دي هههههههههههه
وقفت مكاني اضحك أوني منصدم وانا ميت من الضحك عليهم : هههههههههههههه حموود فهوود من صجكم ،

جون يطالعني ومستغررب ، أما حمود يدور ويغني لي شال الكيكه في ايده ومبتسم ابتسامه عبيطه ،
أنا : شو هااا حركات يهاال من متى اعيااد ميلاد اونه ، مسوين حقي حفله ..
فهود ويضحك : حبينا نقول لك كل عام وانت بخير شقيناا ،
حمود : يالله انفخخ ع الشموووع طفهاا ..
أنا واضحك : هههههه مابي حسستوني ياهل وانا كملت 23 سنهه وبعدييين امس كان عيد ميلادي مب اليوم ..
حمود : ي خي والله نسيت ، بروحي يالله اذكر متى انولدت هههه ..
جون يطالعني ويقول لي انفخ عالشمووع حليله مستاانس هههه ..

نفخت وانا مسوي عمري زعلان ، بس صج نكته انا عبالي عندهم سالفه هههه طالعت حمود ،
وقلت : مسمووح مب لازم اذا اهلي ماتذكروا هههه الله كريم ،
حمود : يالله ناااكل ونستااانسسس "جون صفق" ..
طالعتهم : هههه اوك ولا تزعلون ..
حمود : هههههه لا افا عليك مانزعل منك ..
طالعت جون وشكرته ، : صج مشكورين ههه متعبين عمركم ..

فهد بابتسامه : ماسوينا شي بس حبينا نستانس لك ..
رديت : وانا سعيد لانكم تذكرتوا لو ان متاخر بس يالله ههههه
حمود : اقولك حتى الدكتور عرف ان يوم ميلادك جان يقول ، قولو له يفكر في طموحات كبيره للسنه اليديده ،
انا ضحكت : ههههههه كيف عررف !!
حمود : شافنا يوم نتشري وسال جون شو السالفه وهو خبره ، حتى جولي اول ماعرفت استانست .،
انا : لااا تقوول الحينه مابتخليني بحالي بروحي اشرد منها ههههه
حمود : معجبه فيك بعد ماصدمت الاستاذ ،
انا : من زمااان وهيه اول ماتشوفني مدري شو يستوي فيها ههههه خبله هالبنت ..
حمود : ههههه حرام عليك يمكن تحبك ،
انا ومبطل عيوني منصدم : شوووووه لا هذا الي ناقص فهوود سكت ربيعك

فهد ويضحك : هههههه يسولف معاك ،
حمود : لا ما اسولف اقول الصج ..
رديت : ليكون عازمينهاا !!!!!!
حمود : لاا لاا هههههههههه
قلت : اشوه عبالي انت حمود بعد خبل ،
حمود ويضحك اونه طلع فونه : الوو جولي ..
انا : لاااا تتمصخررر .. والله بظهر الحينه ،
حمود : لاا خلاص خلك ،

* * *

فجأه دخلوا البيت والكل مستانس ويسلمون على خالد وحرمته أنا أطالع البنات هذا الي كنتوا ماتبون تخبروني عنه هههههه ماعلي ماااعلي ، رحت سلمت على خالد وحرمته كانوا رادين من شهر العسل وشكلهم يبون يسوون مفاجأه طبيعا أميه الثانيه استانس ويلست تحضنه وتصيح واشتقتلك ..

خالد وهو بحضن امه : ههههه مامااتي شفيج ،
أمه : ماشي احاتييكم شو عسى استانستوا ..
خالد ويبتسم : الحمدلله ونااسه وحرمتي طفرتني ماخلت مكان ماراحته ..
غاليه : هههههه حرام عليك ماعليج عموه والله زين منه يطلعني ..

يلسناا معاهم ويسلفون ، وتقريبا كلهم ردوا البيت وتمينا نحن أنا وعلاوي ، وخالد وحرمته ، و العنود ومريومه ، وأميه وأبوي اما اميه الثانيه مدري وين راحت ..

مريومه اطالع العنود كانت تهمس بس سمعت : امس كان عيد ميلاد رشود صح ؟
العنود ومنصدمه : والله !!!!!
مريومه : هيه توني تذكرت ، بعدين شكله محد يدري ..

العنود طالعتيني بس التفت اونه ماسمعتهم طاحت عيني ع مرت خالد كان مبين من ويها تعبانه وماسكة راسها .. أكيد من السفر بس ماحبت تزعل مرت ابوي وخالد ..
قلت لها : غاليه ..
التفتت لي : هلا ميره ..
قلت : روحي ارتاحي انتي يايه من سفر ..
هيه شافت خالد عقب قالت بابتسامه : لا عادي ،

خالد التفت وقالها : تعبانه ؟ روحي ارتاحي ..
غاليه وقفت : خلاص برتاح شوي وراده لكم السموحه ..
اميه وحرمة ابوي : مسموحه ..
مرت من صوبي وابتسمت لي وقالت بصوت مب مسموع شكرا وسارت ..

حليلها شكلها مستحيه تقول انها تعبانه خافت لانزعل منها ..
شوي ويدخل علاوي : السلااام علييكم زيييين رااحوووا خيبه انحبسنااا " وسلم على خالد" شحالك خالد ..

العنود وانا ضحكناا ؛ خالد : هههه حي الله علي ، الحمدلله بخير وانت ..
علاوي : الحمدلله والحمدلله عالسلامه .. " عقب يلس عندي "
خالد : ربي يسلمك ، قوووم شو يلست صب لنا القهوه ..
علاوي : متعاايز قول لعنوودووه ..

عنود كانت مندمجه فالفون اول ماسمعت اسمها : هااا شيفييهاا عنودووه ..
علاوي : قومي صبي لهم قوه ..
العنود وقفت : زيين من عيوني..
خالد ويطالع علاوي بنظره : من متى مستوي جيه متكاسل ومتعايز .
علاوي ويبتسم : منوو انااا حليلي لاتظلمني بس عسب ماقمت اصب لكم القهوه ..
خالد بجديه : اوك من اليوم وساير انا مراقبك ..

مريومه والعنود استانسو .. علاوي التفت صوبهم وقال : اوك ماعلي
مريومه : شووو ليششش جيه اطاالعني !!!!
علاوي : تعرفين مب لازم أقول ..

تميت أطالعهم هههههه يضاربون هالثلاثه دووم .. حسيت ابوي واميه يتكلمون عن شي ويتهامسون بطريقة غريبه .. خالد كان يشرب قهوه وماسك اعصابه عالحشره الي جدامه .

أنا حاولت المح لهمم يسكتون بس ماشي فايده ..
فجاه خالد وقف : انتتووو ماتسكتوون "ورااح حجرته"

مريومه : كللله منك عصبب
علاوي : واناا شو يخصني انتييي وهاا عنوودووه منقهريين مني ع شوو مدري .
العنود : لااا والله ليش ننقهرر منكك ..
علاوي بغرور : احلى عنجج وعنهااا ..
مريوومه : تخسيييي لاتغترر بنفسك وااايد

أميه : بسسسكممم خلاااص حشرتووناا ..
وعقب قامت هيه وابوي راحوا
أنا : هههه زين جيه
علاوي والعنود يبادلون النظرااات ..

مريوومه : اييييييه تعالووو بحدر السكايبي وبكلم رشود فيديو ،
وراحت ركض يابت اللاب ويلست ..

* * *

كنت أسوي شغلي والاوراق والكتب عالطاوله كالعاده الغرفه جنها زريبه وفجاه شفت مريومه دلوعتناا داخله سكايبي ،
شغلت الكام وقلت : هلا موريوومه مب رااقده !!
مريوومه : اهللييييين اشتقناالك .. " وتسوي حركه فايدهاا هااي"
طالتهع من زمان ماشفتهاا هالدلوعه ضحكت : كبرتي مريوومه ..
مريوومه : ويه بعدني صغيرونه توني 14 سنه "اونه استحت ويها صار احمر" ..
رديت : زين زين منو عندج واخباركم ..

مريومه وتحرك اللاب : بخير هذي عنوودووه. وهذاا علاوي يبي يركب البلستيشن وميرووه يالسه هنااك ..
قلت : اها وين عيل اميه وابوي ..؟
مريومه : داخل ، خاالد ييه اليوم مع حرمته واستانسناا كنا مسوين حفله لميره ..
استغربت ماخبرني اخوي خالد انه بييه : والله ؟؟
مريومه : هيييه ، بس راح عصب عليناا ليش نتهاوش ..
ضحكت : ههه وليش انتو متى عقلتوو دوم تضاربون وخالد بعده صغير بالنسبه لي . . عنوووودووووه بلاج ساااكته ..

العنود صوتها مب واضح : لاترمسني مضايقه منك ..
شفتها هههه خبله اونه منخششه عسب لا اشوفها. : مريوومه حطي الكام صوبها اكلمهاا ..
مريومه : هااا .. عنوودووه تعالي ..
العنود تحركت وسارت مدري وين .. مريومه : راااحت ماتبي تكلمك ..
عاد اذا العنود زعلت مستحيل ترضى : هههههه عنووودووووووه مااعلي ماااعلي ..

مريومه : برررااايهااا تتدلع عليك..
رديت : هههههههه زين سلمي ع الكل ..
مريومه : رشوووووووددد صح كل عاام وانت بخييير ،،
سويت عمري مب مهتم : هيه زين تذكرتي ..
مريومه : والله سوريي ادري ان امس بس مدري كيف نسيت حتى الكل نسى ،
قلت : مب مهم منو الي هنااك ..
مرريومه تلتف : هييه هذي ميرووه، مييييروووه تعالي رمسي رشوود ..
ميره : مشغووله .،
مريومه ؛ اووونه مشغوووله تعاالي
قااطعتهاا : ومنوو قال اني ابي ارمسهااا !!! بسكر لازم ادرس ..
مريومه : لاااا خلني بسولف معاااك ..
رديت : عقب يالله بااي ..

سكرت ، برايها ادري بتتضايق وعقب بنتنسى كملت شغلي وانسدحت ارتاح شوي ،

* * *

( بعد يومين )

بدأت الامتحانات ويالله راشد لازم تشد حيلك مابقى شي وتخلص وترد لاهلك ،
سويت جوله في لندن ، مابي اترك هالمكان تعودت على كل شي وحتى الناس صاروا عزيزين علي ،
لو ان في البداية عشت حياة غريب بس بعدين تعودت عليهم وحبوني وحبيتهم ..

كالعاده ماسك الكام واصور الاماكن والناس واليهال ،
فهود سوا لي حساب اونه فالانستفرام وعلمني عليه مع اني ماحب هالسوالف ..
بس وايدين حبو صوري وجان استانس عليهم هههه ً ..

انا امشي جان تطلع لي ام شعر اشقر وعيون الخضر ، هذي جولي الحينه شو بيفكني منها ..
سويت عمري مب منبه بس على طول يت عندي : راشد !!!!!
* الحوار مترجم *

رديت : صباح الخير !!!!
جولي ومبتسمه لي حسيتها ما صدقت عطيتها وي هههه : كيف حالك اليوم راشد ؟
كنت احاول ما اطالعها اوني مشغول اعدل في الكام واشوف الصور : بخير ..
جولي وتطالع الصور : جميل جدا !!!!
قلت : شكرا ،
جولي : كيف استعدادك للامتحانات ؟؟؟؟؟
رديت : جيد كما اظن ،.
ضحكت : هههههه يمكنني مساعدتك ..
فكرت هاي شاطططرر وايد والدكاتره تعبو ويمدحون فيها بس مابي تتعلق فيني زياده : لا شكرا ..
زعلت : هكذا اذا ..

طالعتها شكلها تضايقت شو اسوي يعني برايها : حسنا انا سأذهب !!!
جولي : الي أين ؟ هل يمكنني مرافقتك ؟
رديت : لا ، انا مشغول قليلا في وقت آخر سنذهب معاَْ ..
جولي بحزن : حسناََ ، وداعا ..

أنا ماصدقت شررردههه هههههههه .. تزعل برايهاا رجعت الفندق شافني فهد ..
فهد : رشووووود رشووود ،
انا كنت اركض وقفت وسرت عنده : هااا ..
فهد : شو هااا ، ليش جيه مستعيل جنه حرامي يلحقك ..
ضحكت : هههههه شارد من جولي ..
فهد : ههههه حليلهاا ،

رديت وانا اوصف له الموقف : تخيل انا واقف اصور فجاه طلعت لي مدري يخي احسها تراقبني ..
فهد ويضحك : هههه هيه وبعدين ..
كملت : تقول تبااه نتمشى مع بعض .. تخيييل !!
فهد ويضحك : ههههههه انزين عادي مابيستوي شي ..
رديت : لاا شووو اونه عادي ، شو من متى اتمشى مع بنات لاصير حمود الثاني ،
فهد : اسولف معاك يالله تعال ندرس شوي ..

قلت : هيه بالمره تفهمني بعض النقاط ..
عقب دخلت انا وفهد ندرس ..

* * *

( في البيت )

مريومه : خاالد وحرمته ظهروا يحاوطون ويغيرون جو اونه ، ماتعبوا كل يوم مكان ..
العنود : قولي انج غيرااانه بعد.
مريومه وتضحك : ههههه وليش اغار اصلا عادي ..

علاوي : اقول مريوم الدلوعه شرايج اخذج نحاوط اليوم ..
مريومه ماصدقتتت : اوووووكييييه ..
علاوي : بس يوم اخلص لعب ،
انا ضحكت : هههههه
مريومه وبقهرر : تستهبل علي انت مابتخلص لعب اصلا ههههههه ، سخيييف
علاوي اونه : كنت حاط ف بالي اطلعج بس بعد كلامج غيييرت رايي..

انا والعنود متنا ضحك ..
مريووومه : باااابااااااا "وراحت تكلم ابوي"

علاوي : هالفالحه فيه باااباا وبااباا ..
العنود : اخااف رشود زعل مني ،
علاوي : هذااا اخوج مولما يسال عن حد شووو !!!
العنوود: لاا والله ليش مب اخوك بعددد ..
علاوي : انا ماعندي خوان غير ميرووه ..

رديت بعصبيه : علاوي لا تقووول جيه ويسمعك ابوي تدري بيعصب ..
العنود : ليش يعني علشان انا ومريوم وراشد وخالد من ام ثانيه ً ، وبعدين خلاص كلنا خوان ..
علاوي: عيل اخوج مافكر يسال عناا .. معتبرناا غرب بالنسبه له .
حسيت اذا تموو يتكلمون بتصير مشاكل : خلاااااص بسسس علاوي ..

علاوي : بلاج عصبتي ، غريبه تدافعين عنهم !!!
رديت : علاوي خلاص !!!
شوي ويدخل خالد مع حرمته البيت ..

خالد : شو فيكم ؟؟؟؟
رديت : ماشي ..
العنود قالبه ويها اونها معصبه ، وعلاوي مطنش ..
خالد : زين ، غاليه انا بروح ارتاح ع اذان العصر وعيني عسب اصلي ..
غاليه : ان شاء الله .. " عقب راح خالد "

غاليه يلست عني هيه بعمري يعني بعدها صغيره وتحس عمرها غريبه في البيت ،
قلت لها : استانستي ؟
ردت : هيه بس تعب ههه
رديت : الحينه خالد اجازه مايداوم يمكن بعد يومين ولا ثلاث يرد الدوام ، بعدين مابيكون متفيج لج يطلعج هههه عسب جيه حاوطي الحين ..
ضحكت : هههه يصير خير ،
علاوي : مرررت اخوووي قوومي هااتي لي شي اكله ..

انا : علاوي ، ليش خدامه عندك تقول جيه !!
غاليه : عادي .. اصلا بروح اييب شي اكله تبون شي ؟؟
انا تضايقت من علاوي ليش جيه يقول البنت توها يديده في البيت ..
علاوي : هييه ابي بيبسي وشي كيك فالثلاجه..

غاليه : اوكيه ، العنود تبين شي بالمره ،.
العنود : لا مشكوره .
"عقب راحت المطبخ"

انا قمت من مكاني رحت لعلاوي ومسكته من ذانه : علاااوييي شو هالرمسههه ..
علاوي : اخخخخ قومي ميروه والله مابي اضربج
رديت : اضربني يالله . . لو خالد يدري انك تعامل حرمته مثل الخدامه مابيرحمكك .
علاوي دزني انا طحت : ميييروووه مايخصج ..

العنود : اييييه شفيييكمم بس ابوي بيسمعع ..
وقفت : عقب نتفااهم ..

* * *

شفت الفون ، غريبه ليش متصله !!!
رديت : الووو ؟؟؟
حسيت من صوتها كانها تصيح : راشد دخيلك رد لي متى ان بنتظرك ..
رديت وانا اتافف : اوووف الحين انتي بتميين جيييه لي متى !!!!!
ردت : ليين ماترررد ..

تنرفزت : ماايخصج متى ارد ولا لااا ..
كملت كلامها : حراام عليك ، انت وعدتني بانك بترد بسرعه الحين سنتين وشي !!!
قلت : لا تخليني مااا افكرر. ارررد نهائياا
ردت : لااا خلااص ما بقووول شي خلاص ..
قاطعتهاا : لاا تتصلييين مره ثااانيه فاهمه !!!

ردت : فااهمه ،
ضحكت : ههه هيه خلج مطيعه .. يالله سكري اشوف ..
سكرت الفون ،

فهد : منوو ؟؟
رديت : مب مهم، ويين كناا !!

يلس فهد يكمل يدرس وانا افكر الحينه شو بتسوي هيه ..
شوي ورن فوني مريومه تتصل ،
فهد : الظاهر مابتخلص هالمكالمات ههههه ..

طالعته : شوي وراد ..

ظهرت برع الحجره وسكرت الباب ، رديت : مريوومه شو تبين ؟؟!
مريوومه : اهليييين رشود شحالك ؟
قلت : بخير الحمدلله شو فيج ؟؟
مريومه وبخوف : راشد في خبر مايبشر بخير !!
رديت : شووو بعدد ..
مريومه : مرت ابوي ام علاوي ، طااحت عليناا فجأه والحين الكل في المستشفى وانا تميت بروحي انا ومرت خالد غاليه ..

رديت : شووو صاير تعباانه يعني ولا كيف ؟؟
مريومه : مدري والله شو فيهاا ..
رديت : لا حول ولا قوة الا بالله يعني شو اسوي لج انا الحينه انا وين وانتو وين ..!!
مريومه : مدري والله مدري انا خايفه محد هنيه وغاليه بعد. ونتصل فيهم محد يرد اخاف صار شي..
وديت : خلاص ماعلي مافيها الا العافيه لاتكبرين الموضوع ، شي مب مستاهل ..

مريومه : زين ..
قلت : يالله خلاص سكري الحينه ، وانتظري يمكن يتصلون ..

* * *

( في المستشفى )

وقفناا برع نترياا الدكتور انا ومرت ابوي وابوي ،. وعلاوي وخالد والعنود ..
كنت خايفه ، مع اني حاسه ان مافيها شي يمكن تعبت بس ، بس هم يوترون الواحد
للحين محد طلع من الغرفه ..

خالد : ميره انا باخذ ابوي لان مايقدر يتحمل جيه واقف برده البيت انتو طمنونا عقب ..
حركت راسي بمعنى اوك : ابوي انت رد البيت مب لازم توقف جيه ..
ابوي : اتحملي من خوانج وام راشد ..
رديت : ان شاء الله ..

العنود : بروح الحمام وبرد ..
قلت : اوكيه ، علاوي خلك هنيه معاي ..
علاوي واقف اول مره احسه جاد جيه : اوك لا تحاتين مافيها الا كل خير ..
ابتسمت : يوم تتكلم جيه تكبر في عيوني ..
علاوي : ليش انا صغير في عيونج ؟
رديت : لا مب جيه بس خلك جيه جاد واترك عنك المصخره والسوالف الي مالها داعي ..
علاوي : بس احب اغايض فيج ليش مدري ،

قلت : مب يومك تغايض فيني ..
علاوي ويبتسم : زين متى بيطلعون هالدكااتره ،.
رديت : مطولين ..

مر الوقت : اوف تعبت ..
علاوي ويطالعني : العنود وينها ؟؟!!
رديت وانا مستغربه : قالت بتروح الحمام وبترد !!!
علاوي ومنصدم : كلل هالوووقت حمااام !!!!!
رديت : والله ما ادري نسيت انها راحت ،.
علاوي وحسيته شوي وبعصب : انا بروح اشوف وين ساارت ..

رديت : اوك لا تتاخر محد هنيه غير انا ومرت ابوي ..
علاوي ؛ اوكككك ،

كات

السلام عليكم ورحمة الله وبركاته

عذرا عالتاخير:1711: ،
وفي انتظار رايكم وتوقعاتكم :eh_s(1)P:

انتظركم ،