|
( الصفحة السآدسة عشر ) . . . , (( الصبح في جزر المآلديف في الفندق )) كآنت ميثه يآلسه في الغرفة بروحهآ سيف مب موجود من الفير !! . . كنت أطآلع الأكل الي موجووود بس مآآبي آكل شي هوو شاريه مع أني أحسس باليووع .. غيررت ثيآبي وبظهر ماابي أتم هنييه فالغرفه برووحي .. ظهرت من الغرفه يلست ألتفتت كآنووا شي أجآنب ياالسين وبعد جنسيآآت عربيه ، حلو الفندق يلست أحآوط فييه وأصور ههههه متفيجه كنت عقبب ظهررت من الفنددق بروح صووب البحرر وبلعب يلستت امشي رغم أني مضاايقه واايد من أمس ومشاعري مسيطره علي بس حآول اتناسى ناس ماتستاهل .. سررت كآآن شي كرااسي صووب البحرر والناس يتسبحوون وأجآنب عاد مايستحوون هنيه تحرركت رحت بعييد عنهم لمآ حسييت اني ابتعدت يلست على الرمل جداام البحر كآن المااي والمنظرر حلو استغلييت الفرصه ويلست أصوور والعب بالرمل دفنت ريولي داخل الرمل كآن الرمل باررد حلوو الشعور .. ماي البحرر شفااف أقدرر اشوف شو دااخله عيبتني السالفة و صور كم صوره .. قرييب من الصووب الثااني كآن شي يلساات وأكوااخ في البحر فكرت أروح بس مب ألحين .. حسيت براااحه مدري ليش مع أني بروحي بس جيه مرتااحه والجوو حلوو .. حتى أني نسييت سالفة اليووع .. رسمت عالرملل وكتبت أموون داخل قلب وصورته عسب عقب بطرشها لها .. عقب قمت ويلست انفض الرمل عني توصخت .. رفعت رآسي أشوف البحرر خاااطري اسبببح في البحرر يقهرروون عقب تحررك سرررت صوب الشيير ويلس تحت الظل ، واشووف الصور الي صورتهن ههههههه خييبه ماخلييت شي مااصورته عقب صورت عمري سويت حبتيين عساس أرفع معنويااتي أقصص على عمري شوي هههه عقب ردييت الفندق بدلت ثيآبي ، ويلست على الشبريه وين صاار الحقيير .. شفته دخل وسكر البااب قال : طلللللعتي بدوون ماتستأذنيين مني ؟؟؟ سويت له طااف .. سيف وبعصبيه : ميييثه اكلللللمججج طلعتيي برعع الفندددق صح ؟؟؟ رديت : هييه طللللععععععت وسرررت عنددد البححححر اغيير جووو عندك ماانع ؟؟ سيف وبعصبيه وبنظره تخوف : يعني زيااده عن النقاااق بعد ماتستحيين على ويهج أحييج بصراحه .. كنت مااسكه اعصاابي يعني ماايسوى علي طلللعت وغيرت جوو يرجع وينكددد علي .. سيف : أووك اسلووبج هذاا تحملييه يوم يكون من حدد غيييرج مثل ماتتجآهلين وجودي بتجاهل وجودج هنيه .. " عقبهاا ظهرر مره ثاانيه " التفت أدور الأكل ويييييين سااار الاكل !!!!!!!!!! بمووت ياربيييي مسكت بطني شو بسوي الحيينن .. ما اعررف كييف اشتري كيف اددفع لهم .. شويه وتدخل المضييفه ويايبه اكلل معااهاا .. حطته وظهههررت تجدمت اطااالع الاكل هذاا حقي ولا لا .. شلييت الشووكه ابي اجررب هالتخبييص الي جداامي .. سمعت صوت سيف من وراي : هذاا مبب لللج .. ما إلتفت له .. رجعت الشوكه وتحرركت يلست على الشبريه وهو يلست يااكل .. حرام والله حررراام يبااني امووت من اليووع صدييت ويهي الجهه الثاانيه ، سيف : بعدد شوي بيووصل أكللج لييش مستعيله .. ما التفت له كل همي الحيين اكل أي شي حرام من أمس مب مآكله ، وشوي صج تدخل المضييفه وحط الأكل وظهررت .. أناا تمييت مكااني مدريي ارووح اكل ولا لا .. كنت أطالع الاكل مققددرر استحملل .. سيف : شو تتريين ليين ماا يبررد الاكل اونج الحينه تكاابريين .. يوم قاال جيه سدددد نفسي قلت : ليش اكااابرر ..؟؟ سييف ويتطنزز : مدري عنج سإلي نفسج انتي ادرى عنيي .. قلت في بالي بس خل نررجع البييت وبعدهاا بتشووف اسلوبي الثااني .. سيف : قوومي اكليي مب علشاانج مابي يقولون مرته مااتت من اليووع بسبته عققب .. تحرركت ويلست آكل كلييت واااايدد بشكلللل فضييع كأن مب مااكله من اسبووع .. \ / \ / \ [ بيت بو حمد ] في حجرة شوق .. كانت شووق يالسه تقراا روايه بوليسيه ومندمجه ، دخل عليها حمد .. حمد : هلالالالالا بالغلآ .. شوق : حممممد بررع يالسه اقراا لاتسوي ازعااج .. حمد ويطاالع اللآب : شوو هااا ؟؟ شوق : شوو مااتشوووف رواية بوليسيه .. حمد ويضحك : هههههههههههه وأنا اقووول كله من هالروايات عسب جيه مستويه المحقق كونان .. شوق : هااا هاا هااا قول شو تبي ما اتييه الا ورااك موضوع تسأل عنه ؟؟ حمد : شوووو نسييتي أنج بتقوولين شوو صاار معااج مع فطووم ، شوق : ههههههه هيه بقوولك شو صاار بس ماتخبر حدد بيني وبيينك زين حمد : أووكككككك تفضلي .. شوق يلست تقوول شو صار بينهم . . , دخلت عليها الغرفه كانت يالسه على الشبريه يلست حذالهآ .. وقلت : فطووم ممكن سؤال ؟؟ فطوم وتلتفت لي بإستغراب : هيه .. قلت : ارييد افهم ليش دووم ماتييلسين وياناا ومنعززله عنا اشو صاير ويااج ؟؟ فطوم تغيرت ملآمح ويهاا كانت متوتره ومشاعر متلخبطه مافهمت .. قلت لهاا : شو فييج معنااته في شي ؟؟ فطوم : شوق مافيني شي .. رديت : لآ فيه قوولي الصصج أكيد فيي شي مستحيي لجيه برووحج كنت غيير قبل مب مثل الحين تغيرتي واييد من يوم اشتغلتي الموضوع يتعلق في شغلج فالمستشفى ؟؟ فطوم ومتوتره : لآ ميخصه شغلي .. حسيت انهاا تجذب : لآ يخصصه لأنج تغيري بعد فتره من يوم داومتي فالمستشفى صار معاج شي ؟؟ فطوم بحزن غريب : لو عرفتي مابيتغر شي .. قلت بإستغراب : مب مهممم يتغيرر ولا لا المهم أعرف شو فييج يمكن أقدر اسااعدج؟؟؟ فطوم : لآم حد يقدر يسااعدني شي انتهى بس صعب .. مافهمت شو الي تقصده : انزيين خبريني شو هوو ؟؟ فطوم : خلآص شووق روحي برقد ألحينه .. عقب نررمسس .. عرفت أنها تتهرب من سؤالي ماحبيت أجبرها ترمس : أوك براحتج .. وعقب ظهررت من الحجره ., . . حمممد : ههههههههههههههههههههه واايد عليج إختي .. شوق : هههههه والله صج شو تبآني أسوي مب طايعه ترمس .. حمد ويفكر : ياخووفي إختج مسويه شي .. شوق : لآ شوو فطوم أعقل وحده فينآا .. حمد ومحتار : إنزين خلينآ من فطوم عقب بحآول أرمسهاا واسحب منها الرمسه ألحين خبريني إنتي لي متى جيه ؟؟؟ شوق وباستغراب : شو تقصد يعني ؟؟ حمد : لييي متى لآشغل ولا شي .. شوق : خخخخخخخ لييش أنا حصلت شغل وقلت لآ .. حمد : وإذاا قلت لج بدور لج ؟؟ شوق : ماابي بتم فالبيت أحسن عايبني جيه عقب بتعقد بصير شراات فطووم .. حمد ويضحك : هههههههه شدخل يالخبله .. شوق : أقووول حممممد تشووف باب الحجره ولا لا ؟؟ حمد : هممممممم لآ ما اشوفه .. شوق : عيييييييل شووفه وإظهرر من حجرتي يالله برررررع .. حمد ويستهبل : هههههههه قسم مب حلو عليج معصبه .. شوق وبنظره : حلو عيل أطردك من الحجره بالغصب صح ؟ حمد ويوقف : لآ خلآص بظهر بكرامتي .. عقب كآن بيظهر بس رد إلتفت : شووق أقولج إذآ حد سأل عني قولي ظهر سآر بيت عمي بو عبدلله .. شوق : أوككك . . . . ، بعد صلآة العشا (( بيت بو سعود)) : دخلت البيت شفهم يآلسين قلت : السلآم عليكم .. أميه : هلآ سعود ويين كنت وأنآ أدورك ؟ قلت : كنت في المسيد .. "عقب يلست" عقب شفت أميه مدري شو يالسه إدور ظهرت من الصآله .. مآكنت أبيهاا تظهر لأني ب هالطريقه بكون يالس بروحي مع شيماء الي يالسه على طرف .. وأحس بنظراتهاا صوبي .. سمعت صوت حد ياي يدق الجرس ، سرت أروح أشوف منو .. لمآ فتحت البااب كآنت ساره قلت بعصبيه : إنتي شوو يايبنج ؟؟ ساره : وعليكم السلآم ورحمة الله .. قلت : لآ تغيريين السسااالفه !!!! سآره تحاول تدخل بس وقفت أمنعهاا : شووفي إرجعي بيتكم واايد أحسسن مابي مشااكل فاهمه ولا لا ؟؟ بس حسيت بحد يمشي ياي كآنت شيماء : هلالالا ساره حيااج .. سآره وتدخل تسلم عليهاا : عيل وين عمووه ؟؟ شيمآء : في حجرتهآا تعالي نيلس في الصآله .. " عقب دخلوا " قلت في بآلي إذآ تمت ساره إتييه بيتنآ جيه بتزيد المشآكل بيني وبين شيماء .. كنت أفكر أني أشتري بيت وأبتعد من هنيه حزتهآ ساره مآبتروم إتيه وتزعجنآا . . , (( بعد مرور ثلآث أيآم من السفره )) مآتغير شي كآنت طول هالثلآث الأيآم كل من سيف وميثه يتجآهل الثآني .. كآنوا أشبه بأنهم مب متقبلين أنهم يتمون أكثرر .. لكن العنآد كان مسيطر في حين أن ميثه كآنت حاقده على سيف .. على كل شي صار بدون مآتدركه وكآن همها ترجع وتتفاهم مع إلي كان السبب .. كآنت لأول مره تحس عمرها مستعده تتخلى عنهم بمجرد أنها تذكر كلام سيف ، تحآول تتقبل إلي صار لكن مآشي أعذار للي صار .. كانت تقنع عمرها أنا بتتغير بعد الي صآر .. ف هل بتتغير ؟؟ . . . كنت يآآلسه شرات الجمآد لآ حركه ولا صوت .. لي متى جيه كرهت المكآن .. أول ما أرجع برمسس سعوود مستحييل اسكتت بفضضضح سيف جدامه .. إلتفت أطآل سيف .. بس نرجع وبعدهاا نتفااهم ، سيف : بلآج إطااالعيني جييه ؟؟ قلت ببرود وفي داخلي قهرر : ماشي .. سيف : ماشي ! تحاوليين تقنعيني أدري ما اييه منج إلا كل شرر الله أعلم بشوه يالسه تفكرين .. رديت بقهر : إنتت تتحرى كل النااس شراتك !!!!!!!!!!!!!!!!! سيف : لآا ما أتوقعع النآس في هالأيآاام الواحد يحآآتي شوو ورا هالقنعه إلي يتصنعونهااآ وإنتي وحده من هالنآس .. قلت : على فكررره ترا أنآ إلي مفروض أقوول هالكلآم بعد الي صاار مب إنتت .. سيف : كمآ تديين تداان .. سكت ومسكت أعصاابي ليش ألحين سيف مآخذذ فكره سيئه جيييه !!!!!!! أنا شو سوييت له .. سيف : بنررجع باجرر وبعدهاا نتفااهم .. يوم قال جيه استانست أووووووووووووف ياربي اخيييرا بنرجع ذلللللللني هالانساان .. سيف ويكمل كلآمه : عقبهاا بكم يوم بسافر .. استغربت يسافر !!!!!! سيف : بخلييج فالبيت مع نوره وإذآ ماعيبج تقدرين ترجعين بييتكم بس ابآج تعرفين شي إذآ رجعتي بيتكم حزتها لآتلوميني لآ طلقتج .. ابتسمت في داخلي هذا الي اباه .. قلت : زين تسوي سيف : هيه أدري تبين هالشي عسب جيه أنآ عن نفسي ملييت منكم ومحد يهمني من اليوم وسااير كل واحد يشوف عمره أحسن .. وأنا مب خسران شي بالعكس .. قلت في داخي .. وأنا من بعدهاا مايهمني .. \ / \ / \ واخيرا رجعت .. كانت ثلاث ايام مثل شهوور كنت أحس بتعب فضييع كنت مب مصدقه رجعت الامارات رجعت البيييت تجاهلت كل شي نظرات نوره لأني ماسلمت عليهاا لأني بكل بساطه من اليوم ورايح مالي خص فيهاا .. لو أنها كانت مستاانسه لأني رجعت ويايه بتسلم بس حبيت أبين لهاا أن خلاص كل شي اكتشف على حقيقته ومابيناا شي ولآتفكرني بكون عندهاا مجرد تسليه بداال الملل او أكون شرات الخدامه عندهاا .. خذيت شور وبدلت ويلست أتصل واطمن أميه وابوي كلمتهاا كآنت مستغربه ليش رجعت بسرعه بس اتطريت أقول لها أن الأجواء تغيرت عسب جيه رجعنا وهيه حليلهاا صدقت .. استانست لأني خبرتها أني كنت مستانسه . . وأنا في داخلي شي يقول ليش تخدعين نفسج .. وكلمت عموووه حليلهاا استانست وقالت بأقرب فرصه بتحآول تمر تشوفني .. وطرشت لربيعااتي يلسوا يسإلوني واايد شو صاار ؟؟ استانستي ؟؟ كيف الجوو كاان ؟؟ عيبج المكان ؟؟ .. واسأله واايد تميت أحاول اسكر السالفه وأفتح مواضيع ثانيه .. وعقبهاا اتصلت فيني شوق واتحمد لي بالسلآمه ومهووه نفس الشي وباركت لهاا من الخااطر لأنها بتشتغلل .. لما كنت اسوولف معاهم فالفون حسيت للحين الدنياا بخير خسرت ناس صح لكن للحين في ناس بعدهاا مكانتهم موجوده ، يمكن كان هذا افضل لي ماكنت افكر الوم حد احس أنهم مايستاهلون شي ساره ونوره وشيماء مايهموني .. . . . , بعد يومين (( كنت في البيت )) يلست عند أبوي مستانسه لأن فرحان ومبتسم .. حسيت براحه الدنيا بخير دامه موجود .. كانت أميه مسويه كيك وحلويات ومشترياا وتطبخ وسوالف استغربت حق منوو ؟؟ صدمتنيييي من الخااطر يوم قاالت مرت عمي الله يررررحمه بتمر هنيه وعياالها بعد يبون يشوفون ابوي .. استغربت وايد ماصدقت فالبدايه عقبها عرفت أن خوان منصور خلاص تقبلوا ان منصور أخوهم ، وأكييد كلمهم عن أبوي إلي هو عمهم .. قلت لأبوي : يالله منوو قددك ياايين عيال عمي الله يرحمه علشآن يشوفونك .. يالله ان شاء الله ربي لآيفرقنااا مره ثاانيه وانتم كلناا أهل لو الي صاار بالمااضي صح .. سمعت صوته .. عرفت أن أبوي خلاص مب مضايق من هالموضوع لأن في النهايه هو يعتبرهم شرات عياله .. دخل سعود وسلم على ابوي عقب قال لي تعالي ..!! استغربت ظهرت وقلت : شو سعود ؟؟ سعود : ميييثه قوولي الصج صاااير شي ؟؟ رديت : ماا صاير شي " كنت يايه بمشي بس مسكني من ايدي" سعود : قووولي والله حلفي أن مبب صاااير شي ؟؟ قلت : مابي أحلف خلاص سعود مب وقته أبوي يطالعناا .. سعود : عييل شو معنااة كلام سسيف ؟؟؟؟ انا هنيه انصددمت معقووله قاال شي حقييييرر .. قلت : شووو قاالك ؟؟ سعود ومستغرب : قال أن بيساففر .. يعني لييش بيساافر مره ثاانيه وبيخلييج !! اشوه عبالي قاله انه بيطلقني : مدري والله هوو ربيييييعك سأله شوف شو بيقوول لك .. " عقب تحرك ويلست عند أبوي حسيت بسعود منصدم مني بس ما اهتميت وايد " مدري كنتً أطآلع الفونَ سيف مآ إتصل أبددد .. أدري غروره وأنآنيته مآتسمح له أن يتصل ليَ سمعتَ صوت شيمآء : ونااااااااااااااااسه بيكون لي بيت بروحي َ " ويت تسلم علي" طالعتها بنظره لو مب أبوي موجود كآن بيكون تصرفي شي ثاني قلت : هيه لآزم هذا إلي تبينه .. شيماء : مييييثه خبرييني كيف علآقتج إنت وسيف ؟ قلت : شي مآيخصج .. شيماء : ليش هههه أصلا أعرف كل شي أدري أن يفكر " وشافت أبوي عقب همست لي يطلقج " أنا هنيه انصصصصدمت هذي كييف عرفت تغيرت ملامح ويهي .. وقفت وقلت لها : تعالي بنسااعد إميه .. عقب تحركناا ودخلت المطبخ أميه راحت تبدل ثيابها .. قلت : منو قاالج ؟؟ شيماء وتضحك : ههههه منو قآل لي شو ؟؟ حسيتها تلعب في أعصابي : شيمااااااء أكلللمج ردي علي ولآ تستهبليين منو قااالج ؟؟ شيماء : ممممم سيف ضحكت : هههههه طبعاً لآزم شي متوقع .. شيماء : لآ لا تفهميين غللطط بس قلت بتحمد له بالسلآمه وخبرني الموضوع .. هنيه كنت ماسكه عمري وإتجذببب بعدد .. قلت : وسعووود يدري ؟ شيماء : لآ .. إبتسمت : شرآيج أرمسه وأقوله له ؟؟ شيمآء : ههههه مآبيصدقج لآتعبين عمرج .. إنصدمت من هالثقه ليش يعني وآثقه لهدرجه ؟ شيماء : ههههه باااي "وطلعت" ظهرررت من البييت بقهررر مآبي أتم وهذي هنيه بتهوور مآ أقدر أسوي شي علشآن خاطر أبوي .. لمآ ظهرت شفت سيارة تدخل حوش البيت مدري منوو .. عقب تذكرت أن مرت عمي بتمر ، لما وقفت السياره نزلت شفتهاا حلييلهاا هالعيوز . . ونزلوا ثنين إلي هم راشد وسلطآن .. وشوي أشوف سياره منصور .. ألحينه شو أسوي أرد داخل ولآ أروح .. قلت لآزم على الأقل أسلم رحت صوبهم .. وقلت : السلآم عليكم .. "إلتفتوا صوبي" رآشد : هلآ ميثه .. سلمت على أمه : شحاالج عموه ؟؟ قآلت : إنتييييي منوو ؟؟ رآشد ويضحك : هههه أميه هذي ميثه بنت عمي .. ردت : هييه هييه شحاالج اميه عساج بخير .. إبتسمت : الحمدلله .. سلطآن : وين ميثه أشوفج ظاهره من البيت ؟ قلت : هيه بروح البيت تأخر .. حياكم دآخل أميه تنتظركم .. "عقب هم تحركوا وساروا دآخل " .. وشفت منصور مر من صوبي : شحالج الحمدلله على السلآمه متأخر .. رديت : الله يسلمك كيف علآقتك بإخوآنك ألحينه منصور : زينه ومرت عمي تبآني أعيش معاهم ووافقت .. قلت : زين والله .. منصور : أوك أخليج بروح عمي يترياني .. في أمآن الله " وسار " أمآ أنا ركبت السياره .. ورجعت البيت ، . . . ’, تميت وآقفه عند الباب متردده أني أدخل دآخل هالبيت ناس أكرهم .. دخلت البيت كآن ظلام سكرت الباب ويلست فالصاله كان التلفزيون مشتغل .. شكلها نوره نست تبند التلفزيون وسارت ترقد كالعاده ، فصخت العباية والشيله وحطيتهم على طرف ورحت المطبخ .. وخذيت لي عصير بارد عقب رحت صوب حجرة سيف وقفت عند الباب اشوف شوي سوي كآن يالس على الشبريه وفاتح اللاب يسوي شغله أتوقع .. دخلت وهو مطنش .. عقب يلست أعآبل بفوني .. كنت َ أرمس آمون .. ف الوآتساب كآنت تتكلم وتتلكم أنآ مب منتبه ع كلآمها بس أرد أقول لها أي شي هههه .. عقب كتبت لي .. آمون : مييييييثه !! أنآ أسألج وإنتي كله أهاا .. أنآ : سوري مب مركزه أبد مدري شو فيني .. أمون : هههههه وأنا أقول شو بلآها شكلج تعبانه ولا شي إرتاحي عيل .. أنا : عادي .. أمون : لآ صج هههه ميثوووه تخيلي شوو صاار .. أنآ : ؟ أمون : الهاامسترر ظهر من القفص ورآيح حجرة مآماتي وعقبهآ سمعتها تصررخ فااااار فاااار ههههههه .. أنآ يلست أضححك تخيييلت المووقف سيف إلتفت صوبي مستغرب .. كتبت لأمون : ههههه حليلهآ شو صار عقب ؟ أمون : ههه اميه شلته وفرته على الشبريه مالتي وهو حليله مستغرب هههه أنا : هههههه زين مره ثآنيه لآ تخلينه يظهر من القفص .. آمون : أوك .. عقب شوي رجعت كتبت .. أمون : ميثه بررررب عقب برمسج .. أنآ : أوك .. حطيت فوني على ينب .. كنت أفكر في كلآم شوق عن فطوم وأن في شي محد يدري عنه غير فطوم .. وهالشي له علاقة في تصرفات فطوم .. شو يعني بيكون هالشي مع أني أحسها عادية بس أحيانا أشك أن صار وياها شي .. إلفتفت وقلت لسيف : سيف متى بتسافر ؟؟ سيف : يهمج ؟؟ قلت : هيه لآزم أعرف متى بتسافر وبطول في السفره ولا لا ؟ سيف : هه أقنعتيني بصراحه أن يهمج .. قلت : زين رد على سؤآلي بالأول ؟؟؟؟ سيف ويفكر : مممممممم يلست أنتظر الجواب ماشي رد !! عقب قال .. سيف : يمكن أطول وايد شهور مدري .. ع حسب شهوور !! وآاااايد أكيد عسب العلآج ؟؟؟! مع أن سعود قال أن عادي يقدر يكمل علاجه هنيه ., سيف : بشو تفكريين ؟؟ رديت : ماشي أنا بروح أسوي العشاا .. "وكنت بظهر بس هو قال " سيف : لحظظه مييثه .. بطلب منج طلب .. التفت وأنا مستغربه !! سيف ويكمل كلآمه : لآ سافرت ورحتي بيتكم مآبي حد يعرف أني بطلقج قبلهآ ولآ سعود وحد إلآ لما أرجع .. قلت منصدمه : انننننننت تطلب شي مستحييل يصير كيف أني مآ أخبرهم !!!!! سيف : لمآ إتيه اللحظه المناسبه بنرمسهم .. رديت : أوك برايك ., " عقب ظهرت وسرت المطبخ أطبخ وطول الوقت يالسه أفكر فالكلآم " !! . . . , بعد يومين ( موعد طيارة سيف لألمانيا ) !! ربما تكون رحلة أخرى .. مختلفة عن سابقها ربما تكون بداية أمر مختلف حياة جديده ليس المهم ما نهاية تلك الرحلة ولكن كيف سأترك الجميع وأذهب بعيدا عنهم ! كيف سأرجع أقف من جديد .. كطير فقد أجنحة .. ويحاول أن يسترجعها من جديد .. كنت وآقفه أطالعه وهو يعابل في فونه وعقبها رمس للدريول .. لما خلص كلامه تحرك وظهر .. لحقت وراه وقلت : سيف اهتم بعمرك .. سيف مارد .. قلت : لآتطول وايد اتصل فينا وطمنا على أخبارك وشو صار معاك .. سيف : بس علشان الي قلتيه امس بس خلج قد وعدج .. تذكرت الي دار بينا امس فالليل أنا وعدته لازم ما انسى هالشي .. مدري لحظهتا كنت أريد أروح وياه بس مايفيد الكلام الحين ظهرت نوره ودخلت المطبخ ولآ كأن يهمها أن سيف بيسافر كنت أطالعها باستغراب وهيه ما اهتمت .. عقب شفت سيف قال : يالله ميثه في أمان الله .. أحيانا هالشخص مثل اللغز .. يوم أحسه حقود ويوم أحسه إنسان على نياته ! مرات أحسه ظالم ومرات مظلوم ! ما أدري شو قصته ما أدري شو إلي صار معاه شو إلي وصله لـ هالمرحلة !! ولآ كيف صار مقعد وليشم حد مهتم فيه وليش حاقد على الكل كنت لحظتها كنت أريد أسأل وايد أمور قبل لآ يسافر بس بالنسبة لسيف شي مستحيل أن يرد على أسإلتي !! وإنتهت قصة سيف في لحظتها إنتهت كل الحكاية بفراق ! تغيرت أمور وايد أمور ما كنت أدري أنها بتصير وصارت بديت مرحلة مختلفة .. بديت شي يديد كأني أدور عن ميثه أدور عن نفسي شو أريد أنا في حياتي ! كان همي كل يوم أروم الجامعه هيه الجامعه بكمل دراستي أبوي وأميه وسعود كلهم وافقوا أني أكمل دراستي كنت شبه منعزله عن الكل إلي بالجامعه كنت متفرده .. مالي خص بحد أدرس وبس وساره حتى ما أشوفها هي في فترة تدريب وقريب بتتخرج .. ماكنت أعرف حد في بعض البنات أعرفهن بس مب شرات ربيعاتي ، يوم الإثنين [ بيت عمي بو حمد ] كآن الكل موجود بنات العايله أمون .. شوق وفطوم ومها وعنود وساره ، والصغاريه الكل بالميلس بنات خالتي مب وايد معاهم شيخه ومهره ومريم .. شفت شوق كان معصبه وحالتها حاله .. كانت تقول : مهررررررررررررررره يالخايسه مااعلي حساابج عقبب بفتن علييج كل شي أعرفه .. مهره وخايفه : لآ شووووق آخر مره السمووحه مآكنت أدري أن اللاب بيبند .. شوق : لآ والله تشلين عنه الجاارج شوو تتوقعيين يصيير يرقص مثلا !!!!! أنا هنيه يلست أضحك لأن صج كآنت معصبه أكيد فآتحه موقع ولآ كانت تقرا شي .. مهره : أوووووف الحين هذي شو بيسكتهاا !! شوق ويلست عدالي : مييييثه قوولي لهاا تسسكتت والله بذبحهاا المره اليااايه .. قلت : خلاص انزييين كل هذاا عسب الآب بندد .. شووق ومهره في نفس الوقت : هييييه .. "ومهره تكمل" حسييتي !! أمون : بنااااات شووفووو هالصووص كيووووت ابي مثثثثله .. شيخه : هههههه إنتي كله ربعج حيواناات !! أمون : والله صصصصج شكله كيووووووت " ويلست تطالع الصوره وحالتها " كانت ساره يالسه على طرف وشكلها مايطمن كأن في شي صاير لأنها خايفه وتوتر .. همست لشوق : شو صاير مع ساره .. شوق : هييه مآتدرين أحمد أخوها في المستشفى حالته سيئه .. إنصدمت أحمد !!!!!!! شوق وتكمل كلآمها : تعرفين هو تعبان في قبله عسب ربي يشفييه إن شاء الله حليله تخيلي ساره تقول ناصر متأثر وايد وطول الوقت فالمستشفى مايتحرك من مكانه هم وايد مع بعض .. قلت : ربي يشفيه حليلهم والله ربي يقومه بالسلآمه إن شاء الله .. ساره : آمين يارب .. فطوم خبرتني ولآ ماكنت بعرف تدرين هيه تشتغل فالمستشفى .. قلت : أهاا زين خبريني شو بعدهاا مثل ماهي ماعرفتوا شو سالفتها ؟؟ شوق : لآ مع الأسف كل محآولآتي فشلت .. قلت : عيل برمسها اناا .. شوق : جربي يمكن ترمس لج شي .. عقب قمت من مكاني ورحت صوب فطوم ويلسا عدالها وهيه التفت لي ابتسمت وقال : شخبار الدراسه ؟ قلت : الحمدلله ماشي الحال .. وانت كيف الشغل ؟؟ فطوم : الحمدلله .. أنا يوم ارمس فطوم أحس إسلوبي يكون رسمي ما اخذ راحتي بالكلام واحترمها وايد لأنها أكبر عني .. شوي ويت مريومه بنت خالتي الصغيره وشاله في ايدها حلاوه تبي تعطي فطوم .. شفتها : هلآ مريووومه شو هاا ؟؟ مريم : هذاا حق فاطمه من عند شوق " مدت ايدها تعطي فطوم بس هيه تمت ساكته كأنها سرحت !! " قلت لها : فطووم إخذي الحلآوه .. هيه تغيرت ملآمحها مدري شو صار لها فجأه خذت الحلآوه وتمت متوتره .. قلت باستغراب كنت أراقب إيدها الي ترتجف : شو فيج ؟؟ فطوم : هاا مااشي بس تذكرت شي .. استغربت : شو تذكرتي .. هيه على طول قامت من مكانها وراحت حجرتهاا .. يلست أزقرها : فطووم .. فطوووووم ويييييييت !!!!!! " الكل مستغرب" دخلت حجرتهاا وسكرت الباب فتحت الباب كانت يالسه على الشبريه .. " رحت عدالها : شوو فيججج بس الله ؟؟ فطوم : ماشي ميثه .. قلت : لآ شي عيل بلآج جيه فجأه تغيرت ملآمح ويهج ؟؟ أكييد في شي قوووولي !!! فطوم وبعنااد : مااشي قلت لج تذكرت موقف صار |
( الصفحة " 17 " ) تختفي العبآرات تاركة خلفها مجرد ذكرى لم تكنَ سوى محطة يأس قاسية . . البعضُ يتوقع الكثير من الحياة ويظل في شوق للأيام القادمة متوكل على الله . . في حين من أغلق أبواب حياته قبل حلول النهاية ! لكن هنالك أمور تستحق المتابعة رغم كل شيء . . رغم كل شيءَ تنتظرنآ أيآم أخرى .. رغمَ كل شيءَ الآمآل تتجدد ، والقلوب ترضىِ بمآ كتبت الله لهآ فتسعدَ .. رغمَ كل شيءَ ؛ القآدم يحملَ في جعبتهَ أيآم سعيده وجميلة .. رغم كل شيءَ الحيآة تستمر وهنآلك زوآيآ مضيئه أخرى ، بعيداَ عن تلكَ البقع السودآء .. رغمَ كل الصعآبَ ، ينبضُ في دآخلنآ أنهُ حتماً الخيرةُ في مآ إختاره ُ الله سبحآنه .. وتستمر الحكآية . . . ! . . . . كنت أحس بضيقة معقولة فطوم كان طول هالفتره عايشه على ذكرى الموقف إلي صار جدامها ، ماكنت متوقعه هالشيء يمكن هيه غلطت لكن كلنا نغلط في النهاية ، ! مب معناته إتم طول حياتها جيه متعقده . . طالعتها وقلت : فطوم خلاص إلي صار صار إنتي ماكنتي متوقعه هالشي؟ طالعتني بحزن عورت قلبي : ميثه أنا السبب فلي صآر للياهل إنتي ماشفتي أمه وأبوه كيف كانوا منصدمين حزتها ماعرفت شو أقول أنا جذبت جذبه كبيره ، أنا المفروض ما أكمل شغلي الولد ألحينه صار له شهور يتعالج من غلطه أنا إرتكبتها كان المفروض أتأكد من الأدوية قبل لآ أعطيه لكن فالمقابل غلطططت .. مآحبيت أقآطعها حسيت أنها ترمس من خاطرها يلست تقولي شعورها من بعد مآصار وأن ضميرها يأنبهآ يمكن صح هيه غلطت بس ليش جيه تسوي بعمرهاا .. فطوم : بسسسس بس خلآص مقدر والله حاولت أنسى مآ أقدر والله ياا مييثهه كل مآرحت المستشفى أذكرر الولد أحس أني خربت كل شي جتللت إبتساامه طفيل بريء وبدووون ما أعترف بغلطتيي لأن خفت .. خفت على مصلحتي وشغلي .. خبريني شوو أسوي ؟؟ لووو كنتي مكااني مييثه شوو بتسوين .. حضنتهآ أبيهاا تنسى إلي صار : خلآص خلاص بس لآتقولين شيء .. فطوم حسيت بدموعها علي : ما أقدر ميثه مآ أقدر أنسى أخآف ربي يعااقبني على إلي سوييته .. " فكرت شو أقدر أسوي عسب تنسى وهذا قضاء وقدر وخلاص مافي شي بيتغير " شوي وظهرت خليتها ترتاح .. سكرت باب حجرتها ورجعت الصاله كانت شوق كالعاده تراقبني .. وأشرت لي علشان أروح عندها .. شوق : شو صاار ؟؟ قلت : ولآشي بس هيه مضايقه شوي .. المهم وين عيل البنآت ؟؟ شوق : ظهرن برع فالحوش يسولفن .. قلت : أوك بظهر بعد أنا يالله قومي معاي .. شوق وتوقف : أوك بروح أييب لي شيله لحظه ، . . . خآرج النص : - " بمآ ان صار لي فتره مآكتب البارتات يمكن في حد نسى الشخصيات تذكير سريع * - سآره = بنت عم ميثه إلي تغير علآقتها بينها وبين ميثه " أحمد وناصر خوآنها + عبدالله *بو زيود* " - سيف = ريل ميثه مسافر + إخته نوره - راشد + سلطآن = خوان منصور من أم ثانيه - منصور = ولد عمهم - شوق + فطوم = خوات وأخوهن حمد عيال عم ميثه بو حمد .. - سعود = أخو ميثه + هو متزوج شيماء "عندها خوات " + آمون إختها .. - مها + عنود = بنات خالته ميثه .. - أم مايد = عمة ميثه عندها مايد .. يمكن نسيت حد ههه بس إن شاء الله ما عكس شي ههه نكمل ! . . . . . قلت لعلآوي : تدري ما منك فاايده إنت محد يقولك شي .. علآوي : سعووود تشوفني يآلس ألعب مقدر يآخي روح مع عبود .. قلت : مالت علييكم وبعدين ترى إنتوا الخسرانيين عبود ويضحك : ههههههه علآوي كمل كمل ماعليك .. قمتت وبندت عنهم البلستيشن .. عبوود وعلآوي : لالالالالالالالالالالالالالالالالالا أنا شرررررده ظهرت برع الميلس واسمعهم يتحلفون علي وحالتهم حاله ههههه ماحسييت الا بالنعاال يضررب على البااب خييبه من وين ظهر هالنعال هههه من زود ما أركض دعمت فالخدامه وأم علاوي سمعت صوت الصحن وهو يتكسر على الارض الخدامه : إنت ماايشوووف ماامااا مااماااا أنا : سوري ، سووري شششت شوبسوي الحينه ، " سمعت صوت عبود وعلاوي يضحكوون علي حسابهم بعدين " أم علاوي دخلت : بسم الله شوو صاار .. ؟؟؟ الخدامه ويالسه تشل الصحن إلي تكسر : مااماا هذاا يخلي أنا كسر صحن .. أم علاوي : سعود !!!!!!! عموه عسى ماتعورت .. أنا : لآ عموه السموحه ما كان قصدي كنت مستعيل .. أم علآوي : ماعليه عموه الا هو صحن " أشوف علاوي واقف ويضحك علي ويتطنز لأني متفشل من الموقف " أما الخدامه حاقده علي احسهاا من هذيله الي يسون سحر ومدري شو ههههه سويت حركه لعلاوي بمعنى ماعليه دواك بعدين . . ظهرت وركبت سيارتي ارد البيت عقب قلت بمر عند أميه .. كملت طريجي لين ماوصلت البيت شفت سياره ميثه شكلها رجعت من بيت عمي بو حمد ، دخلت البيتَ شفت ميثه يآلسه بروحهآ فالصآله .. سلمت : السلآم عليكم هااا أشووفج هنيه ؟؟؟؟ ميثه وتسلم علي : ليش مب عاايبنك شحآآلك الدب .. ؟ قلت : والله ماشي بخير الحمدلله عيل ويينهم ؟؟ ميثه : أبوي حليله رآقد من شوي ومآحبيت أوعيه شكله تعبآن وأميييه مع حموود فوق .. طآلعتها بنظره شك : وإنتي ؟ ميثه : أنآ ؟ شوو .. قلت : شو يآيه تسوين هنيه .. ميثه وتضربني : جبببب زيين أونه شو تسوين هنيه يايه عسب أطمن عليكم وعلى أبوي بالأخص .. قلت : أها زين زيين شي طيب .. هيه كيف الدراسه ؟؟ ميثه : الحمدلله أموري طيبه .. أنآ : عيل أقولج لآتنسين أبآج تمرين بيت عمي بو عبدلله .. ميثه وبإستغراب : ليش شو صاير ؟ قلت : تعرفين وضعهم سيء وبنت عمي ساره محتاجه حد ييلس معاها وبعدين أحمد أخوهم الله يعلم بحاله إن شاء الله يقوم بالسلآمه .. ميثه : آمين يارب هيه حليله بس إنت ليش مهتم ؟؟ أنا : كييف ما أهتم ههه ميثه وين عقلج هذيله أهلنا شو نسيتي ؟ ميثه : مب هذا قصدي بس ليش مهتم في ساروه بالذات نسيت أني صرت مآ أرمسها شرات قبل .. رديت : ولييش إن شاء الله وبعدين هيه ماغلطت بحقج .. ؟؟ ميثه ومنصدمه : سعووووود تستهبل صح ؟ قلت : أقول بروح أسلم على أميه .. " وظهر " شو إلي تغير ألحيننه سعوود نسى إلي صاار ؟؟ ولا هو راضي من الأساس أكيد دام سيف ربيعه بيوقف معاهم بلحظه تذكرت سيف شو يسوي أحينه ؟؟ . . . . . . . . في يوم الثآني ، الجمعة بعد صلآة الجمعة في بيت بو سعود ، كآنوا الكل متيمع وفي جهه ثانيه ميثه قررت تروح المستشفى علشان خاطر فطوم .. وفي المستشفى / شفت فطوم أشرت لها وعقب سللمتت عليهاا : هلا فطووم شحاالج ؟ فطوم : هلا ميثه .. إبتسمت : أهليناات عيل كيف الشغل ؟؟ فطوم : ماشي الحال ، خير فيج شي ؟ رديت : لآ لا مافيني شي بس قلت بمر صووبج .. فطوم وخايفه : ميثه ساره هنيه .. طالعتها بإستغراب : ليش ؟ عسب أخوها أحمد فطوم : تعآلي باخذج عندهم عموه موجوده بعد .. فكرت أروح ولآ لا ؟؟؟؟؟؟؟؟؟؟؟؟!! عقب قلت : أوك .. تحركنآ أنا وفطوم لين ماوصلنا صوب الغرفه كانوا يالسين على الكراسي ساره وناصر وأم عبدلله .. مآ إنتبهوا علي . فطوم : أوك عيل أنا بخليج ألحينه .. أنا : لآ وييييين ؟؟؟؟؟؟؟؟؟؟ فطوم : عندي ككم ششغله لآزم أروح .. "عقب راحت .. أنا يالسه أطالعهم كسروا خاطري عقب رحت أسلم على أم عبدلله .. مآكنت أدري أن أحمد حاله سئيه لهدرجه يلست عدالها وقلت : ماعلي لآتحاتين ان شاء الله كل خير الدكاتره يعرفون شغلهم لآتحاتين عموه .. طالعتني بنظره حزن : ولدي بيموت ميثه كيف تبيني ما أحاتي .. ساره كانت تطالعني من بعيد بس حسيت بنظراتي صوبي : ماعلي عموه ربي يقوومه بالسلآمه إن شاء الله .. رن فونها عقب شفتها وقفت طالعت ساره وقالت : لآتخلين أخوج بروحه أنا بسير أبوج إتصل .. سآره : إن شاء الله .. " عقب راحت عموه حتى ماقالت لي مع السلامه كأنها مب حاسه بعمرها من زود ماتفكر في أحمد !!! " إلتفت شفت ناصر يالس ومايرمس حسيته متجمد على الكرسي !!! يلست أفكرر شو بيسير لهم إذا صار فأحمد شي !!! ياربي إن شاء الله مايصير شي ويقوم بالسلآمه تذكرت حالنا يوم أبوي فالمستشفى ! تذكرت معروف ساره لي ووقفتها معاي ! وألحينه أنا انكر كل شي بلحظه ،! وبعدال ما أرد لها المعروف ووقفتها معاي بس مع هذاا مابيتغر شي هيه السبب مب أنا ., تحركت من مكاني برجع البيت .. حسيت كان موقفي غلط أني خليتهم لكن مايهمني ..و لآ يهمني كلامهم ! . ؟ . . . . . . رجعت البيت .. شفت نوره يالسه تطالعني ببنظرات ماحبها كالعاده ، سرت حجرتي وسكرت الباب .. فصخت العباره ويلست أفكر سعود بعده مع شيماء أكيد إذا عرفت شيماء يمكن تنصدم كبداية لكن فالنهاية هي مب همها سعود ! سمعت فوني يرن رقم غريب مارديت دخلت الحمام "عزكم الله " اخذ شور سريع وعقب أدرس .. وبعد دقايق ظهرت حسيت بدوخه يلست على الأرض أستوعب المكان .. بسم الله شوفيني الأرض تتحرك ولآ أتخيل " غمضت عيوني" وبعدها راحت الدوخه وقفت يمكن لأني تعبانه !!!!!!!! انسدحت على الشبريه اووف استغفرر الله يعني لآزمم تعلي صوووت التلفزيووون عسب الكل يعرف أن الآنسه نووره إطاللع تلفزيون ياربي ليش جيه .. " كانت معليه على صوت التلفزيون وايد " شفت فوني رجع يرن بعده الرقم الغريب !! يمكن حد يبي يرمسني ضروري رديت : ألو ؟ .... : ميثه شحالج ؟؟ قلت بإستغراب : بخير منو ؟ .... : بعد تردين على أرقام غريبه أشوف .. !!!!! أنآ : أخوي شكلك مخربط فالرقم مع السلآمه .... : لحححححححظظظظظظظه أنااا سيف إنصدمت سيف متصل !!!!!!!!!!!!!!!!!!!!!!!!!! غريبه من يووم سافر ولا مره فكر يتصل ؟؟ أصلا هو وين ؟؟ وشوو صاار معاه وليش كل هالفتره ما اتصل ؟؟ كمل كلامه : شخبار أميه ونوره ؟؟ قلت : بخيييير .. سيف : ليش تقولينها جيه بدون نفس أها عسب أنا اتصلت زين المهم سلمي عليهم .. اسلوبه جااف ويقهر فالكلام رديت : يوصل .. سيف : في أمان الله "وسكر" يلست أطالع الفون ! غريبه متصل يسأل عن نوره وأمه !!! حتتى المكالمه ماعدت دقيقه شوه الاسلوب كأنه مب من خاطره يتصل حتى ! أنا المفروض ما أرد عليه لأني مانسيت ومستحيل أنسى إلي صار شيماء وساره وسيف ونوره مستحيل انسى .. عقب يلست على اللآب وأدرس لين الساعه 12 وعقب رقدت ، \ / \ / \ (( في اليوم الثاني فالجامعه )) كنت يالسه مع البنات ويلست وحده من البنات تفهمني شي ما فهمته من الشرح ! ما تتوقعون فالجامعه ما افكر أكون صداقات مع أي حد الكل يستغرب من تصرفاتي بس النطقة الاجابية أن درجاتي أوكيه والحمدلله أموري طيبه ماحبيت هالشي لكن لازم أكمل دراستي واشتغل علشان اعتمد على نفسي .. علآيه : هااا ميثه فهمتي ولا ؟؟ أنا : هيه خلاص مشكوره وماقصرتي بس بنقل منج الملآحظات ممكن ؟ علآيه وتعطيني دفترها : هيه ممكن .. أنا : مشكوره برده لج إن شاء الله بعد ما أنقل منه مآبطول .. علآيه : لآ عاادييييي مب محتاجه الدفتر الحينه .. صح ميثه ممكن طلب صغيرون ؟؟ أنا ومستغربه : هيه ممكن ؟ علآيه : اتشوفيين هذي البنتت ميره ربيعتي ؟؟ "واشرت عليها" أنا وستغربه : هيه شو فيها ؟؟ علآيه ومتحمسه : نبي نسوي لها بارتي صغيره علشان عيد ميلآدها .. أبآج تساعديني مع البنات ، رديت بتوتر : السموحه مآ أقدر بكون مشغوله شوي علآيه ومنصدمه : شووو مشغولة بشو ! وبعديين ميثه أول مره أطلب منج شيء قلت : آسف والله علآيه وزعلت : خلاص اوك براحتج " وعقب سارت عند ربيعاتها " حسيت أن مابيستوي شي لو ساعدتهم بس لآزم أفكر بدراستي وما اشغل عمري بحفلات وغيره ، يلست أنقل الملآحظات علشان اعطيها الدفتر .. حسيت بحد واقف وراي إلتفت .. ! كآنت ساره استغربت شو يابها هنيه مب مفروض هيه خلاص يالسه تتدرب ليش هيه فالجامعه !!!!!!!!! ساره : شحالج ميثه ؟؟ أنا رجعت أنقل من الدفتر بدون ما أرد عليها .. سآره : مييثه ؟؟؟ أرمسج "وحطت إيدها على كتفي .. ما التفت : شو يايبج هنيه ؟؟! ساره : اريد أرمسج ماعندي حد غيرج !! ضحكت : هه صجج ! ساره وتيلس عدالي : أدري مالج خاطر ترمسين معاي ومضاايقه مني لين ألحين بس انتي تسرعتي وظلمتيني .. أنآ وقفت : أهاا .. أوك أنا ظلمتج اسمحيلي أروح عندي شي أهم من كلآمج .. وتحركت وهيه مصره أني أرمسهاا : مييثه مييثه وقفي .. مارديت عليهاا كملت طريجي لين ماحسيت بأنها مب وراي وتلحقني .. بروح آكل شي يعت من الخاطططر .. \ / \ / \ " عند سعود فالدوام " طالعت منصور : منصووور شوو فييك ؟؟ أشووف خلآص صرت تستغلني ؟؟ منصور : أفآا أنآ أستغلك ؟؟!!!!!!! قلت : هيه ترآني قلت لك من البدآيه إذآ إشتغلت هنيه مب معناته كل شي تورطني معاك !! منصور ويضحك : ههههه زين بس هالمره وعقبها ما بطلب منك شي بس محتاج تساعدني ., أنا وأتأفف : أوووف زين خلصناا .. شوي ويدخل بو جاسم : السلآم عليكم .. أنا ومنصور : وعليكم السلآم ورحمة الله .. بو جاسم ويطالعني : سعود تعال شوي بكلمك بموضوع .. منصور ومستغرب : خلآص خلكم هنيه أنا بظهر أكمل شغلي سعود يوم تخلص إتصل .. أنا : أوك مب مشكله .. تفضل بو جاسم بو جاسم يلس وتم ساكت !! قلت : خير إن شاء الله ؟؟ بو جاسم : والله أحاتي سيف عرفت شي عنه ؟؟ ضحكت : هههههه بعدك تحاتي سيف بعد إلي صار لك من وراه ولا نسيت ؟؟ بو جاسم : لا مانسيت لكن أنا أكثر واحد يعرف سيف قلبه طيب .. استغربت شوي بس الي سواه سيف مب شوي : والله تبي الصج من زمان ما اتصل مدري عنه .. بو جاسم : ماعندك رقمه ؟؟؟ انا : لآ والله ماعندي رقمه إذا إتصل بخبر إن شاء الله .. بو جاسم : ماتقصر .. \ / \ / مرت الأيآم بعد صدمة كبيره في بيت بو عبدلله الي من بعدها صار البيت مب شرات أول كان همهم أحمد يرد لهم بالسلآمه رغم كل الكلام إلي كان يوصلهم من الدكاتره عن حالته وصحته في جهة ثانيه الكل كان يحاول يخفف عليهم ويطمنهم بأن مابيصير إلآ كل خير . . لكن محد يقدر يضمن حياته ! وساره خلصت تدريب وتخرجت لكن ماحست بطعم الفرحه من قلبها ! لأن بأي لحظه يمكن تخسر أخوها أحمد ويختفي وجوده .. وناصر حالته تسؤء ومصر يتم فالمستشفى ، (( في بيت بو سعود – يوم الجمعة )) كنت يالسه مع أبوي أسولف له عن الجامعه يلست أطلع إلي بقلبي .. مستانسه لأن من زمأن ما سولفت معاه حتى هو مستانس ربي يخليه لي ، وأميه حليلها يالست تسوي الغداا مدري أحس لآزم يكون عندنا خدامه لأن خلاص مابتقدر أميه على شغل البيت وتتعب وايد .. بكلم سعود عقب ، أما حمود أخوي يالس يلعب بالآيباد هذا إلي يباله ضرب لأن مايمسك كتاب في إيده قلت : حموووووووود .. حمود : شووو ؟؟ أنا : رووح جابل الكتب وإدرس .. حمود : مابي بللعب .. أنا : والله بكسسره إذا ماقممت رووح إدرب وإكتب لي متى جيه .. حمود قام وسار حجرته بدون مايقول شي .. شكله سار عند أميه يشكي لها هههه يلست أفكر فطوم ليش إتصلت لي ؟؟ .. المشكله أتصل لها ماتدر معقوله صاير شي لآ ما أظن .. شفت فوني رن نفسه الرقم الغريب يعني سيف شفت أبوي وابتسمت شو بسوي ما أريد أرمس جدامه .. تحركت : أبوي شوي وبرجع .. دخلت حجرتي ورديت عليه : نعم ؟؟؟؟؟؟؟ .... : هلا ويينج إنتي ؟؟ ساعه لين ماتدرين !!! أنآ : ميخصك وين أنا ألحين المهم شو تبي ليش متصل ؟؟ سيف : مييثه في شي اسمه إحترآم تعرفين ولآ أعلمج ؟؟ انا أتأفف : لآ أعرف بس انت متصل وقت ما أنا متنرفزه كيف تباني أرمسك عدل ؟؟ سيف : من شو متنرفزه ؟؟ أنا : مب مهممم .. سيف : أهآآ أوك برايج بس متصل أقولج أنآ رآد الإمآرات بعد يومين .. استغرررربببت كيف يعني رآد ماصار غير شهر من يوم رآح معقوله خلص علآج ورآد !!!!!!! لآ لا مآ أظن أكيد يستهبل ولآ يمزح .. بس سعود ما قال شي يمكن علاقة مع سعود مب مثل ماتوقعت وأصلا ليش سعود دوم يسألني عن سيف لو كان فعلا سعود مع سيف وايد جان ماسألني !! معناته سعود مايدري عن سيف شي !! قاطع علي سيف : هاا خلصتي تفكيير ؟؟ أنا ومتوتره : تفكيير شووو ؟؟ سيف : مدري عنج أشوف ساكته .. زين خبرتي نوره وأميه أني إتصل ؟؟ أنا : هاا هيه خبرتهم " مابي يدري أني ماقلت لهم عقب تصير مشاكل " سيف وبشك : مع أني ما أظن أنج كلمتيهم بس بصدقج هالمره .. غريبه يصدقني ! : لييش يعني ما أقوول لهم وبعدين إنت خلصت علاج ؟؟؟ سيف ويضحك : هههه علاج شو ؟؟!! أنا ومستغربه : ليش إنت مب مسافر عسب تكمل علآج وترجع تمشي مره ثانيه مثل ماقلت ؟؟ سيف ويتطنز : أنا أنا قلت هالكلآم ؟؟ متى أنا قلت بغير جو .. !! إنصدمت : إتغييييييير جوو شو كل هالأسآبيع تغير جوو ؟؟؟؟ " سمعت حد يدق الباب ويزقرني " سيف : هيه .. المهم سلمي على أهلج خاصه أمج حليلها وايد تحبني .. أنا : هههه منو قالك ؟؟؟؟ سيف : أدري يبين عليها دوم تسأل عني يوم كنت أمر صوبهم .. كنت بقوله أني كملت دراسه بس فجأه سعوود دخل علي الحجره : مييييثه بلآلآج ماتدريين .. !! " عقب انتبه إني أرمس فالفون " : تكلميين منووو ؟؟؟؟ أنا : أوك يالله بسكر ألحين .. سيف وسمع صوت سعود : هذاا سعوود ؟؟ أنآ : هيه عقب نتكلم .. سيف : اها اوك في أمآن الله " وسكر " سعود ويطآلعني مستغرب : منوو ؟؟ رديت : منووو يعني وحده من البناات فالجاامعه .. سعود ومستغرب : زين بلآج جيه معصبه ليكون تضاربتي مع أم سيف وإخته كالعاده ؟؟ نرفزني زياده : لآا لييييش أناا شوو ابي منهم ماايهموني .. سعود ويتطنز : زيين زيين ريييلآكس أهم شي أعصاابج إختي ، يالله تعالي كلهم تحت فالميلس .. أنآ ومستغربه : كلهم !!! سعود وببرآءه : هيه كلهم .. عصبت : يعنيييييي منووو ؟؟؟؟ سعود : شيماء وآمنه وعموه يبون يسلموون عليج .. أنا ومستاانسه : أموووون هنييييييه !!! زيين قوووم بروح أسلم " دزييته ورحت أسلم " سعود ويضحك : ههههههههههه كل هذاا عسب آمنه هنييه بل شوي شوي عن إطيحين من ع الدري .. دخلت فديتهاا آمون أحب أسولف معاها .. شفتها وهيه على طول يت تسلم علي .. آمنه وتحضني : وييييييييييييييينجج وحشتيني .. دريت : هههه حبيبتي والله وأنا مشتاقه لج واايد " حسيت بنظرات قهر من صوب شيماء إلي كانت متعدله من الخاطر استغربت شوي سعود مايحب أني أتعدل وايد كيف راضي أنها تسوي بويها جيه " !! أم شيماء : هلا هلااا تعاالي فديتج شحاالج .. سلمت عليهاا : بخير الحمدلله " حسيتها اليوم مستانسه بس غريبه اظن هيه تكرهني " !! عقب سلمت على شيماء .. وهيه كالعاده : هلآ حبيبتي ميثه لج وحششششه أكيد افتقدتيني .. أنا وأسايرهاا : هيه والله منورين البيت اليوم .. شيماء وتتدلع : تسلمين فديتج النور نوركم والله .. آمنه وتهمس : أنا المنوره مب هم هههههه الكل تم يطالعها يوم ضحكت !! أم شيماء : آمنننه شوو بلآج تضاحكيين .. آمنه : مآآشي ماامااتي أسوولف وتذكرتت شي .. أميه : مييثه حبيتي صبي لهم قوه .. أنآ وقفت : إن شاء الله ، " يوم قمت أريد أصب القهوه مدري شو صار حسيت الأرض تتحرك ماقدرت أركز " أمييه : ميييييثثثثثثه اتحملي صبيتي القهووه برع الفنياان بلآج ماتشووفيين!!!!! أنا وأمسح الي إنصب بالكلينكس : السمووحه ماا انتبهت .. أميه ويت خذت الدله من إيدي : بسم الله بلآج أميه خلآص خلي عنج روحي إيلسي شكلج تعبانه .. رحت يلست مكاني مستغربه شو السالفه أحس بصداع ، آمنه وتمسك إيدي : مييثه مييثه بلاج ؟؟ أنآ : ماااشي بس شوي مصدعه .. آمنه راحت ويابت لي عصير : إخذي شربي يمكن ضغطج نزل ولآ شي .. شربت العصير : مشكوره .. . . . . (( بيت بو حمد )) \ فالصآله .. شوق : أمييييييييييييييييييييييييييه أمييييييييييييييه .. أم حمد وخايفه : بسسسسم الله شوو بلآج شووق شوق : شوووفي حمممممد بذذذببببببححححه والله .. أم حمد وتطآلع حمد : شوو فييك على البنيه .. حمد ويضحك : ههههههههههه والله مآقلت لها شي .. أم حمد ومستغربه : عيل بلآهاا تصررخ ؟؟ شوق وتضرب حمد بكتفه : جذاااااااب يطفرني ومايخليني بحاالهاا كل مآ أقراا شي يبند اللآب عني .. أم حمد : صج كلآمهااا " وإطالع حمد بعصبيه " حمد ويضحك : هههههه يعني أنا موجود وأسوولف معااها مسويه طااف حقي قلت أبند اللآب عنهاا .. أم حمد : زيين خلاص اعقلووا مب يهاال .. " من صوب المطبخ بو حمد يزقر: أم حمدددددد أم حممممد ويينجج " أم حمد : لآ حوووول زيين زيين شوفيكم اليوووم .. شوق وحمد : ههههههههههههه أم حمد : الله يعييني عليييكم " وراحت المطبخ " حمد ويسكر اللآب بقو ويررركض : ويييييييييوووو .. شوق تصارخ : حيواااااااااااااااان فييك شي مب طبيعي اليووم .. حمد : ههه أطفرررركم قبل لآ أساافر عيل وينهآآ فطووم ؟؟؟ شوق وتفكر : ممممم أظن في المطبخ مع أبوي مدري بشو يكلمهآ حمد ويبتسم : أنا أدري بشو يتكلمون .. شوق وبإستغراب : لييش بشوو يتكلمون ؟؟ حمد : مممممم عقب بتعرفين.. شوق : لآااااا ألحين تقوول .. حمد وتحرك يبي يظهر : إستخدمي ذكاائج عبقرينو .. شوق : أووووووووكييييييي مآبتقول بروووحي بعرف .. |
السلآم عليكم ورحمة الله وبركاته عسآكم بخير =) بكتفي بهذا القدر لأني للحين ماكملت ! إن شاء الله الرواية تنال إعجابكم .. وإنتظروا التكملة :ax::yaw: ،، |
؟؟؟؟؟؟ ؟؟؟؟؟؟ ويين درودكم :m_haa: المهم كونوا فالانتظآر بحاول اخلص البارت .. وإن شاء الله إذآ قدرت بخلصه اليوم :wrd: |
روووعة كمليييييييي |
| الساعة الآن 04:26 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir