|
اسمحولي هذا الاسبوع مابقدر انزل البارت.. عسب العيد و تجهيزاته.. ان شاء الله يوم العيد او ثاني يوم العيد بنزل لكم بارتين.. |
اقتباس:
لا عادي حبيبتي خذي كل وقتج :m_haha: تحياتي "..! |
رواية أييه أحببك لو تسوي مَ تسوي.. البارت الرابع.. حمده:راجو نزل الاكياس الصالة نحن بنشله راجو:اوك ماما حمده:يلا ندخل.. دخلوا داخل و اتأكدوا ان حمادة و حمد مو موجودين ... فاطمة و مهرة عقوا عبيهم و تموا يشوفون شو مشترين و كيف بيسوون المكياج و شو بيلبسون و من هل الاشياء.. حمدة:فاطمة انتي لبسي تنورة الي فيها كسرات و لبسي قميص سادة باجر بنروح نشتري لج التنورة من ميركاتو... فاطمة:انزين انزين.. روضة:و انا شو البس؟ حمدة:انتي شو اشتريتي ؟ روضة :بس اكسسوارات شريت حمدة o.o:و شو بتلبسين ان شاء الله ؟ روضة:تدرون مافكرت !! مهرة: لا بالله مايد شل مخج روضة:فدديته مهرة:صح صح بناااات تذكروون السالفة الي بغيت اخبركم اياها يوم الاثنين !! فاطمة:عن سالفة عمار ؟ مهرة :هيه بس نسيت اخبركم سمعواا!! فجأة طاحت عيني على عمار كان يشوف شخص و ماكان يشل عينه عنها !! انا شكييت روضة:منو منو ؟؟ مهرة: رويض كان يشوفج حمدة و روضة o.o روضة:جذااابة!! مهرة:والله! حمدة:اصلا من كثر ما يرمسج على البيبي انا حسيت روضة:هي صح هو كل يوم يرمسني بس كنت احس ان عادي ولد عمي و يرمسني مهرة:وين الحين عادي محد يرمس حد بدون سبب فاطمة:حتى سمية يوم كانت ترمسني قالت عمار فيه شي شكله عاشق و مايبا يخبر روضة:اوووييييه!! ماجد لو عرف شو بيسوي فيني !! مهرة: انتي رمسيه اول بعدين حمدة:خلج من ماجد الحين امسحيه من البيبي!! رن تلفون مهرة مهرة:ساروه متصلة مهرة ردت و نشت راحت الميلس الي برع مهرة:هلا سارووه سارة:اهلين خلاص ماله داعي المقدمات قولي مهرة:انتي ماتتصلين عسب تعرفيني اشحالي على طول تبين السوالف سارة:ارمسج على البيبي و اعرف اخبارج يلا شو صار ؟ مهرة خبرتها سالفة دبي مول و قلت باجر بنروح ميركاتو اذا بتين ويانه سارة:هيه بيي وياكم بي ساعة كم؟ مهرة:من الساعة٤بنفطر هناك و بنرجع سارة:خلاص اوك مروا عليه اوك باي مهرة:باي و مهرة اول ما فتحت الباب تبا تطلع .. مهرة o.o على طول ردت داخل و سكرت الباب .. مهرة:الحمدلله ما شافني _____ روضة:حمد ياخي ماتروم ادق الباب!! بنات في الصالة اطلع بنروح الغرفة بسوي لك رنه ادخل حمد:خلكم انا بسير فوق بتسبح و بطلع .. حمد راح فوق روضة يت عند باب الميلس و دخلت مهرة:مهرة يلا بنروح فوق جمعنا اشيائنا و رحنا غرفتهم مهرة ماسكة قلبها:واااي الحمدلله ماطلعت روضة:هههههههه ماتخيل شكلج حمدة:ماشفتي فاطمة كيف صارخت و اتخشت ورا الكرسي شكلها كان اككس!! فاطمة:سكتي عني قلبي بيوقف مهرة:ههههه اوي شافج!! فاطمة:اول ما فتح الباب شردت انا مهرة:تدرين اتذكرت سالفة حمدة و وليد !! فاطمة:يوم كانت ادور على عمرها و تصارخ ههههههه مهرة:هههه فونها طااح و لا اهتمت روضة:متى؟؟؟ مهرة:يوم كنتي زعلانه من حمدة و ماييتي بيتنا ! روضة:هييييه حمدة:اصلا اخوكم ذاك اليوم مارقد يفكر فيني مهرة:واايد واثقة!! خطيبته بتقص راسه حمدة:هي صح متى الملجة؟ مهرة:بعد العيد قالو فاطمة:ماشرينا شي مهرة:خلي العيد يعدي على خير بعدين و طبعا تموا يسولفون ___ نروح لمكان ثاني بعيد عنهم شوي عليا:طلال وين بتروح؟ طلال:باي باي مروان يترياني برع عليا:هذا مروان الي بيخربك روح روح ما منك فايدة طلع طلال.. عليا:حموود خلنا نطلع ملانه محمد:وين تبين نروح؟ عليا:مرينا مول او اي مكان محمد:بعد العيد بنروح دبي مول برمس بابا عليا :خلاص اوك مر يوم الجمعة عادي راحوا ميركاتو مهرة و فاطمة و حمده و فاطمة و معاهم سارة ربيعت مهرة.. اول مارجعوا البيت.. منى:فاطمة و مهرة جهزوا عماركم باجر عزيمة.. مهرة:منو بيي؟ منى:خالج حسن و خالج علي و يا عيالهم مهرة:انزين انا تعبانه برقد قوميني الساعة3 فاطمة فاطمة:انا بعد برقد سوي منبه مهرة:اففففف خلاص زين زين طبعا نشوا يوم السبت على الساعة 4 العصر صلوا صلواتهم و نزلوا تحت يساعدون امهم على الساعة 6 يجهزون و راحوا يتكشخون فاطمة و مهرة .. فاطمة لبست مخور وردي و عليه شيلة الصلاة الصغيرة نفس لون المخور و لبست ساعة اول شي حسن و عياله و مرته وصلوا بيت منى سلموا عليهم فاطمة و مهرة و تمو يسولفون و ياهم لين ما يأذن المغرب عسب يفطرون و سارة كانت اطالع فاطمة بنظرات و فاطمة تشوفها بس كانت تعطيها طاف و بعد ما أذن الكل راح يصلي و في الوقت الي هم يصلون علي و عياله دخلوا بيت منى مهرة خلصت الصلاة اول وحده لانها اول وحده راحت غرفتها تصلي و هي نازلة شافت معصومة مهرة:سلام عليكم معصومة:و عليكم السلام و هم يتوايهون معصومة:شحالج مهرة:بخير الحمدالله معصومة:وينهم مهرة:يصلون معصومة:انا بعد بروح بصلي وراها كانت روضة سلمت على روضة و قالت لها تروح اتصلي و مايد و حماده و حمد كانو واقفين مهرة:سلام عليكم <من بعيد مايد – حمادة – حمد : و عليكم السلام و على طول راحت تشل علي الصغير لان يالس ياكل الحلويات و يخرب الدنيا شلته و راحت وين يصلون بعدها وليد نزل و وداهم عسب يصلون ... ((حمدان رجع من الصيفي ويا ابوه-محمد-)) بعد ما الكل خلص الصلاة قعدوا على السفرة معصومة:مهرة ودي الفيمتو عند عيالي ..عيالي انا ما ياكلون بدون مايشربون فيمتو مهرة:ههههه الحين بودي نشت مهرة و شلت الفيمتو و يا ٣ اكواب و راحت عند وليد و عطته مهرة:عط حمادة و حمد و مايد ماياكلون بدون مايشربون ههههه وليد:ههه انزين و شلاهم و عطاهم منى:مهرة ودي العصاير عند الرياييل مهرة قامت تشل و تودي عند وليد <<مافطرت اليوم عدل هع و رجعت تقعد مكانها حمدة:مهررة صبي لي فيمتو روضة:انا بعد ابا ميثاء:انا بعد سارة:صبي لي انا بعد مهرة:خخيييبه و هي تصب انصب عليها الفيمتو مهرة شهقت:لااااء و البنات يضحكون مهرة:مايضحك انزين و نشت عسب تنظف لبسها حمدة:فاطمة صبي لنا يلا فاطمة:اففف انزين و صبت لهم و عطتهم مهرة رجعت او ماقعدت تبا تاكل منى: مهرة ودي الحلويات عند خوالج مهرة نزلت الشوكة و تنهدت:انزين و قامت ودت الحلويات جمب خالها حسن و خالها علي و رجعت و كلت بس لقمتين و نشت و بعد فترة الكل نش و يو الخدامات يشلون السفره قعدوا يسولفون الحريم و علي و حسن طلعوا و الاولاد راحو فوق و البنات في غرفة اليدة فاطمة.. مهرة:يدوو تعالي خلنا نطلع برع اليدة فاطمة:تعبانه ما اروم مهرة:يلاا يدو قعدي هناك فاطمة:بنات قوموا نشلها و نطلعها اليدة فاطمة : خلاص بطلع بلا حشرة و طلعوا للصالة فاطمة و مهرة و روضة صعدوا فوق عسب ياكلون ليمون و ملح <<شردة و هم يصعدون شافو الشباب و يا شيخة و شيخة توزع فلوس حق اليهال راحو على طول غرفة فاطمة و قعدوا يسولفون و ياكلون ليمون و ملح بعدين طلعوا و نزلوا تحت في الصالة بعد فترة الكل اجتمع في الصالة شيخة:متى اشوفكم عرايس ... مهرة ييبي الكاميرا من فوق مهرة: ان شاء الله و نشت مهرة و راحت اتيب الكاميرا و نزلت.. مهرة تعطي شيخة:هااج شيخة:صوري الحشاكل <<قصدها حمادة و حمد و عمار مهرة:انتي صوريهم مابي شيخة:تستحين منهم ! خلاص مابنعطيج لهم دامج تستحين مهرة:اصلا انا ما اباهم و حطت الكاميرا على الطاولة و راحت قعدت جمب روضة .. قعدوا يسولفون و جي بعدين (عمار و حمادة و حمد) طلعوا اونه يبون يروحون الدكان و نفس الوقت كان علي<الصغير ضايع انا نشيت ادور عليه و مريت من الباب الرئيسي و انا ياسة ادوره <<ترا مهرة الي ترمس و اسمع صوت صراخ و حد يركض لفيت ويهي شفت حمادة و عمار و حمد يركضون يدخلون البيت و يسكرون الباب.. و انا واقفة ابا اعرف شو السالفة شفت علي يتمشى رحت عنده و شليته و اسمعهم يقولون لحمدة الكلب لحقنا .. كنت ميوده ضحكتي مشيت لين ماوصلت لين دخلت هديت علي عسب يروح عند امه رحت عند روضة و خبرتها السالفة و تمينا نضحك مهرة:ماشفتي شكلهم كيف شكله الكلب ماقصر فيهم روضة:هههههه ليش مازقرتيني ححيوانه !! شيخة:شو فيكم تتساسرون انا و روضة سكتنا .. -_- و قعدوا لين الساعة 12 واايد سوالف صارت .. ما اقدر اكتبها كلها .. و بعد ايام تجهيزات العيد و الطلعات و ماكان في وقت نروح عند حمده و روضة .. يوم العيد الصبح .. طبعا هذا اليوم محد رقد و كالعادة انا و روضة و حمده و فاطمة نرمس بعض من سكايب .. مهرة:افففف فاطمة ظهري عورني ابا اتسند فاطمة:محد مااسكنج اتسندي مهرة .. عطيتها بنظرة:و السماعات !! فاطمة:اففففففف مهرة:تبين كل شي على حسب مزاجج فاطمة:انا اكبر لازم مهرة:انا اكبر اونه سيري ولي حبيبة حماده فاطمة:بذبحج الليلة مهرة:يلا يلا راوينا ككيف حمده:اففففف اسكتوااااا ابا اشووف فريحةة!!! مهرة:ياك الموت يا تارك الصلاة .. اي حلقة وصلتي ماااما؟؟ حمده:مهرة سكتي .. مهرة:ان شاء الله ماما .. سكتتني الججلبة روضة:بناات مصدقين باجر العيد مهرة:واااااي ما كملت 3 ايام ماشفتكم الا ناقزين في ويهي بعد فاطمة:والله مب عايبنج سيري عند سارة حبيبة قلبج مهرة:تخسيييين هااي حبيبة قلبي اونه هاي كريهة قلبي روضة:ايييه فاطمة عن الغلط همست:حبيب قلبها حمد مهرة:شوووه حبيبتي ما سمعت !! فاطمة:مهرة اي مخور بتلبسين اليوم مهرة: الاخضر فاطمة:خلاص عيل انا بلبس الاصفر مهرة:كيفج مب متفيجة اضارب وياج ... بنات انا برقد ساعتين جي عسب انش اتجهز حق ييتكم حمده:هي صح لازم نرقد يلا باي روضة:يلا تمسون على خير فاطمة:باااااي قبلاااتي الحاارة مهرة:بدينا شغل المصاخة فاطمة:جب انتي يلا باي .. و سدووا. شو صار في يوم العيد ؟؟ منو راح يتعور ؟؟ و منو راح يضحك؟؟ بتعرفون في البارت الياي .. |
تسلم اييدج خيتوو ابداع و يالله دخيلج نزلي الباارت متحمسييين اقوى شي |
سوري ع التأخير بس صارت لي ظروف ما قدرت اكتب :36: ما اوعدكمم بيوم محدد انزل لكم البارتات:03: و بحاول اعوضكم عن الاسابيع الي ما نزلت لها لكم :169: و اتمنى يصير تفاعل للرواية ..:78: |
| الساعة الآن 02:07 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir