|
انا مع تعدد الزوجآت خصوصا مع العدد الهائل المتكدس من العوانس البنات ونسبة الاناث بشكل عام على مستوى احصائيات تعادل ما يقرب 4 او 5 الى 1 ذكر لكن انه ما يخبر زوجته انه متزوج احسه خوف وانعدام بالشخصيه ليش خايف من حرمتك يا من تسمى رجل ما راح تقطع راسك لو خبرتها مجرد انه عواطفها وطبيعة المراه الغيره وعدم حبها ان يشارك زوجها احد لكن فهمها الاسباب واعدل وتوكل اما بالخفاء تذهب تتزوج مثل الفأر خخخخخ وبس تقبلوآ مروري |
تسلمين آلغلأا على الموضوع يمكن يكون أزمة العصر أو حتى الموضه الدارجه بين المتزوجين الكل راح يوضع لج ألف والف سبب راح تقتنعين من البعض و. ممكن تنقهرين من الثاني بس خذي الكلام من أبناء الزوجه الأولى نظرتي للمرحوم أبوي مكسورة فهو يمثل لي الزوج المجرم مسألة العدل صعبه فقلبه مش من حجر وراح يميل لوحده منهم ومحد بيشوف حبه غيرنا أعياله في وقت حاجة أحد الزوجات أو أبنائها عاطفيا للأب أو ماديا راح يكون عند الثانيه ولما بيطلب أحد أن يمر على الزوجه إلي تحتاجه بيكون عذره الوحيد ????????ان لكل وحده. ليله ولازم يعدل ناهيكم عن أن الحساسيه بين الأبناء تكون موجوده وفي بعض الأوقات تكون قويه مسألة أن يخبي زواجه من الثانيه أقول لج أنه جبان أو ببساطه شعور زوجته ما يهمه مهم حاول يخبي زوواجه راح يضهر وقتها راح يطيح من عين زوجته وعيالهاا ومسألة الشرع لاغبار عليه حلله يتزوج أربع واعطى المراه حق الموافقه أن تستمر بالزواج أو تتطلق والسموحه في حفظ الرحمن |
تعتبر خيانه سواء بالدس ولا بالعلن الشريجه تحر لو هي فالقبر انا مااابي حد يشاركني بريلي اعوذ بالله ، الله لا يبلينا |
اقتباس:
طيب اولا اقول // شرفتي الموضوع وزدتيه نور ثانيا كلمه مجرم ما تحسينها قويه ...؟؟ انا ماراح اعتب ع الكلمه لان النار ما توجس الا رجل واطيها ... يعني يجوز الوضع اللي مريتي فيه خلاك تقولين هالكلمه والله المستعان والحساسيه بين الاطفال ترى كل الاعتماد ع الوالدين وكيف تربيتهم هل بيربونهم على عداوه بينهم وبين عيال الزوجه الثانيه والا يربونهم على اساس هذا اخوك وهذي اختك وماشي فرق ثالثا \\ تقولين مسأله العدل صعبه .. انا اقول من كتاب الله((وإن خفتم ألا تعدلوا فواحده)) معناته لو ماكان الوالد حاس انه بيعدل كان المفروض ما ياخذ الثانيه .. والله اعلم كثير تزوجوا مثنى وثلاث ورباع وعايشين في نعيم وكثير ماخذين وحده وفي جحيم وكثير ماخذين ثنتين وشافوا عيالهم الموت والعقد والمرض وكثير من الرجال اخذين ثنتين وصاروا اكثر من خوات .. وربي اعرف عجوز من المسجد ايام رمضان ودائما معها عجوز ثانيه يجون ويروحون مع بعض وكلهم ام عبدالله سالت امي قلت ليش دائما مع بعض قالت هذول متزوجات رجل واحد وتوفى ووحده منهم عقيم ما تجيب عيال قامت الاولى قالت ولدي عبدالله ولدك وماحد بيقولك الا ام عبدالله ومن يوم عرفنا العجوز وهي كنيتها ام عبدالله وعاشوا وشابوا مع بعض لا وازيدك من الشعر بيت تدرين انهم عايشين في بيت واحد ..؟ لا وتوفت الاولى ام العيال وعبدالله اخذ مرت ابوه وسكنها معاه في امريكا فــ سبحان الله مسخر بعض الناس للناس يجوز مع الاعتذار لشخصك الكريم الوالد اخطا الاختيار او كان طيب وما عرف شلون يعدل رحمه الله رحمه واسعه ومغفره .. ونقطتك الاخيره \\ انا معاك في انها تقدر تطلب الطلاق لان كان موقف الزوج جدا جبان اخيرا وليس اخرا الف شكر على مرورك لموضوعي ولا عدمت طلتك حبوبه |
المفروض يقولها أول بأول مو يخش عنها لانها شريكه حياته وبتشوف قبل بتم أو لا لانها تسبب الطلاق .. |
| الساعة الآن 07:00 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir