|
: البـــــ 8 ـــــــــــارت : ع العصر .. في بيت حمده ~ : [ حمده كانت يالسه فالصاله .. ودق لها هالشخص المجهول ..] حمده : نعم ؟ ... : بسم الله .. السلام عليكم حمده : وعليكم السلام .. في شي ؟ .. : انتي قلتيلي ادق لج العصر .. حمده : شو عندك ؟ ... : نبا نسولف .. مب نضارب الله يهديج حمده : اخويه .. انا ما احب هالسوالف .. اذا في شي مهم قوله ...: خيبه انا مااعرف ارمسج جذا حمده : والله كيفك .. انا سألتك اذا تبا شي .. ... : انزين صبري الله يهديج حمده : شكلك ما تبا شي .. وانا مب فايجه .. : لا ماشي .. برايج .. بيي يوم وبتندمين .. حمده : مشكلتي مب مشكلتك .. باي { صدق ناس ما ينعطون ويه اففف ولا وعاد الفاضين عندنا وايد اففف } [عقب نص ساعه اتيي ميثه .. ] ميثه : السلام عليكم حمده : وعليكم السلام [ وتسلم على اختها ] ميثه : شخباركم ؟ حمده : الحمدلله .. وينج من اسبوعين مالج حس ميثه : عشان تفتكون مني عدل حمده : لووووووووولز ههههههه دبه وحشتيني ميثه : ادق لج ماتردين حمده : رديت عليج .. جم مره ادقين انتي ؟ ميثه : ههههههههههه يوم ادق على امايه اترد اما انتي ... الوو اهلين .. يلا يلا بزي بزي حمده : ههههههه والله انتي ما اتوقتين عدل هههه .. ادقين يوم اكون مشغووله حيل ميثه : هههههههههههههه خلاص انا اليوم بيلس لج حمده : يااااالللله انا قلت خلاص تعودتي على بيت اهل ريلج ما بتيلسين عندنا مووليه ههههه ميثه : ههههههههه دبه ... بقضي الويك اند عندكم بس حمده : يو ولكم ميثه : اقول حمدوووه ... في معرض فاجينه .. خلينا نسير حمده : ليييش ؟ ميثه : بس جيه .. احب هالسوالف حمده : اففففففففففف انزين سيري ويا امايه ميثه ^_~ : نووو امايه كله تقول شوها وشو ها .. ما يعيبها هالسوالف الي خبري خبرج حمده : اووووووووونه ليش تغمزين لي ميثه : ههههههههههه يلا خلينا نروووح : [ سعود كان مار صوب حجرت اخته بالغلط ] حمده : سعود سعود سعود : ها ؟ حمده : نبا نسير المعرض سعود : انزين سيروا .. ميثه : ومنو بيودينا ؟ سعود : ؟؟ تبوني اوديكم يعني ؟ حمده : يس يس سعود : اففففففففففف .. يلا .. اتجهزوا ميثه : فديييييييييييت سعود انا سعود : مب لله ها .. عشان المعرض .. [ وهو رايح ] ياحبكم للخرابيط حمده : ههههههه شو يقول ها ؟ ميثه : ههههههههه خليه : عند الربع في المزرعه ..~ [ خالد وراشد يسولفون ..] خالد : ومن وين تعرف على هاي ؟ راشد : تعرف عليها من الجات خالد : يخيييييييييهم قوم جات راشد : احمد ربك ابا اعرفك عليها بعد خالد : انزين انزين .. حلوه ؟ راشد : ماادري خالد : انا مابا اتعرف على وحدة جرمبع راشد : وانت بتتزوجها ؟ خالد : لا راشد : عيل ليش تباها حلوه ؟ خالد : وان شاء الله تباني اتغزل بوحده خايسه ؟ راشد : اففففففف .. والله عاد انت قردنا وشوف جانها حلوه والا لا .. خالد : شكلك بتوهقنا راشد : مشكلتك خخخخخخ [ يا عمر عندهم وسلم ] خالد : يالله حييييييييهم عمر عمر : تسلم تسلم راشد : وين اليوم ؟ عمر : شو ؟ راشد : سرت عند هند ؟ عمر : لا راشد : ليش ؟ عمر : اففففففففف .. ذلتني هالبنت خالد : ليش ؟ عمر : ماتفكر فيني كله تسولف عن منصور .. ومتى بتاخذ لي موعد وياه راشد : قلعتك .. قلنالك هالبنات لا تعطاهم ويه .. تبين تسولفين وياي حياج ماتبي انقلعي .. لا تعطاهم واحد واثنين .. واتقول باجر تتتعدل لا .. عمر : انزين لا تتدخل خالد : صدقه رشود .. انت عاطنها ويه عمر : انزين انا حر .. شو عندكم اليوم ؟ خالد : طع .. حر قال . يحب هند وهند مسويتله طاف راشد : انزين خلني اجرب اقردنها عمر وهو يطالع اربيعه بنظره : ان قربت صوبها .. ماتلوم الا نفسك [ يا ذياب وسلم ] ذياب : شو عندكم ؟ ليش ما تضحكون اليوم؟ عمر : مافينا شي ايلس خالد : بتسيرون المول اليوم ؟ عمر : لا راشد : المعرض .. اليوم فاتحين معرض ذياب : انا بعد مابسير خالد : ليش ؟ شفيكم ؟ ذياب : بس .. النفسيه ما تساعد راشد : هذاك وعرفناه .. بس انت يا ذياب شو بلاك ؟ ذياب : افففففففففففففف ... يبيولي راس هالبنت .. خالد : اي بنت ؟ راشد : منو هاي ؟ ذياب : مااعرف شو اسمها .. بعطيكم رقمها .. واتيبون لي راسها خالد : اوكي راشد : بس ليش ؟ ذياب : الي ما اتيي على مزاجي .. ما ايي على مزاجها .. بتيي غصبن عليها على مزاجي خالد : عااااااااااش راشد : روووح يالذيب .. انييبها لك : : في المعرض ..~ [ حمده وميثه وسعود يتمشون لعشر دقايق .. عقبها وبسرعه تملل سعود .. قررن انه يعطيهم بيزات ويروح ياكل له شي برع .. اما حمده وميثه بدووا يتشرون ] حمده : مايصيييييييييييير قلنالك ها نحن ماخذين منه من قبل .. والله يخترب بسرعه البياع : انا هادا شغل مال مشغل وايد زين انا يعرف .. انتي مافي معلوم .. حمده : ياااالله .. بوراسين ما يفتهم .. انزين خلنا بكم بتعطينا اياه الحين ؟ البياع : قلت لك 50 آخر حمده : شو 50 ؟؟؟؟؟ تستهبل عليه ؟ البياع : ماما هادا اصلي حمده : شو اصلي ما اصلي ؟ اصلي في معرض ؟ ميثه : حمدوووووووه اوووص لا تصارخين .. الناس بدوا يطالعونا حمده : انتي انطمي شويه ... ميثه : اففففف حمدووه انزين بناخذه ب50 .. بالعكس رخيص حمده : جب انتي شويه شفييييييييج .. ميثه : ام سعيد ما تنلامين حمده : ههههههههههه .. ها رفيق .. ب20 زين ؟ ميثه تهمس : شو ب20 انتي ؟ خسرتيه رفيق : لاماما ما يجي .. 45 آخر حمده : غربلاتك من ساعه اترجاك ما يلين راسك عنبووه ميثه : خلاص .. اندوك البيزات يلا روحنا .. بلا فضايح حمده : حلفت عليج بسير اشتري نعال ميثه : يلااا .. انا بعد باخذ [ ثواني ورن تيلفون حمده وطالعته .. ،،، اففففففف ها كل شويه بيدق ؟ مافهم انا شو قلت له من قبل ؟ اففففففففف والا لا ز. ها رقم ثاني .. ... ممم ارد والا لا .. لا يخسي .. شو ماعندي شغله ارد .. الي يباني يدل بيتنا !!! انا ما اتنزل حق اي واحد ] ميثه : شو فيج ؟ حمده : طااالعي هالنعال كشخه ميثه : يااااي صدق حلوه حمده : حق الجامعه رووعه بتظهر ميثه : هيه خلينا ناخذها توني ماخذ شنطه نفس اللون تقريبا حمده : هييييييي عيل ان اباخذ لي على لون شنطتي ههههه [ عقب الاختيار والتفاوض ] حمده : شو قلت آخر ؟ البياع : 50 حمده : خلاص يعني 1 ب25 البياع : حق واحد 50 حمده : شو حق واحد ؟ تحلم انت والا تستهبل ؟ البياع : ماما حق واحد 50 اذا 2 ب100 حمده : شو سالفتكم ويا 50 اليوم ؟ جووووف بعطيك 60 وماشي غيرهم البياع : ماما انا في خساره بعدين حمده : لا عيل انا الي مافي خساره [ واطيح في الجدال وتنتهي بخفض السعر ] البياع : خلاص شل 2 ب65 حمده : انزين نزل ال5 عاد ميثه : ههههههههههه خلاص خليييييييهم اندوك اندوك .. عطنا النعلان حمده : هههههههه امشي امشي [ ردت ميثه وحمده للبيت وشارين اغراض ... تقضي ميثه هالويك اند حواطه ويا اهلها .. من سوق وغيره من زيارات .. حمده مستانسه باختها بعكس الكلاس الي تقوله هههه ] : [ اما عند ذياب وربعه ] خالد : دقيت لها وماترد راشد : وانا بعد ذياب : جرب عمر عمر : افففففففف .. يلا بدق .......................... ماترد ... ذياب : طرش لها مسج عمر : شو عندك ذياب ؟ عصب تبا تتعرف ؟ ذياب : هيه غصب عمر : خلها .. هاي بنت شريفه مب مثل الي نتعرف عليهم ذياب : يعني هند مب شريفه قصدك عمر : اييييييييييه كله ولا هند راشد : خلاص شباب هدوا اللعب .. كل البنات مب شريفات الا هند ارتحت الحين ؟ ذياب : لا قول كل البنات شريفات الا الي يتعرفون على شباب غير الشباب الزينين عمر : جيه اوك راشد : ههههههههههههه خالد : خخخخخخخ مشكله انتوا .. اصلا اي بنت تتعرف خلاص انسوها ذياب : وانت عبالك بنتزوجها ؟ خالد : لا اقول يعني راشد : مشكور اخوي على النصيحه خالد : اشكرك جزيل الشكر على المرور اخويه الكل : ههههههههههه : والصبح .. ~ [ ام حمد تبا تسير المستشفى ويا بنتها حمده .. سارت وياها ... حمده وامها ترين الدور من الساعه 8 الييييييين 12 .. حمده ما عيبها الوضع ..سارت تهازب الموظف ] حمده : شو ها ؟ من الصبح نحن هنيه وللحين ما يا دورنا الموظف ببرود : شو تبيني اسوي اختي ؟ حمده : يعني دخلونا ما صارت هاي الموظف ببروود : انتي تجوفين الزحمه .. يعني انا اييب شي من عندي حمده [ بعصبيه خفيفه ] : والله هي زحمه زحمه .. انا يوم ييت ماشي زحمه .. بس اجوفها كل شويه واتزيد ليش انكم ما ادخلون حد اصلا الموظف : انزين اتريي دورج عقب شويه بيي دورج حمده : هيه هيه قص عليه .. كل شويه عقب شويه .. كل شويه عقب شويه .. خطفن الساعات ونحن يالسيييييييييين هنيه [ ام حمد سمعت بنتها تهازب .. دقت لها تيلفون منعنا للاحراج ههههه ] حمده : هلا اميه .. هااا .. اميه من الساعه 8 هنيه .. هيه .. مايانا الدور .. يلا انزين .. اوك .. [ وبندت الفون ] حمده : اسمعني انت .. انا انسانه مب فاضيه اذا انت فاضي وايد الموظف : الله يهديج ليش معصبه ابا افهم ؟ حمده : ويهديييييييييييك يارب ... دخلنا الله يهديك الموظف " وهو يطالع الملفات " : هههههه انتي شسمج ؟ حمده : مب لي للوالده الموظف وهو يطالع حمده بنظره : الوالده ؟ ومسويتيلي قصه ؟!!! حمده : هههههه دخلنا يلا : [ وعقب المستشفى .. ] ام حمد : يااااااالله مابغوا يدخلونا حمده : وكل الفضل يعود لي طبعا ام حمد : هيه والله لو ما هزبتيهم ما دخلونا حمده : هههههههههه تصدقين امايه .. يلست اهزبه واهزبه ام حمد : انزين ؟ حمده : آخر شي قال لي شو اسمج انتي ؟ قلت له مب لي للوالده . جان يطالعني جيه ام حمد : ههههههههههههههههههههههههههههه اسميج سوالف ههههه .. ما طلعتي على امج تستحي حمده : لالا انا مااعرف استحي في امووور شرات هاي ههههه ام حمد : انتي في كل وقت جيه هههههه استحي شويه .. البنت حلوو يوم تستحي ههه حمده : لا اميه .. ان لم تكن ذئباً اكلتك الذئاب هههههه ام حمد : هيه والله صدق : [ تمر الايام .. وحمده بدت تتغير شويه شويه وكلامها خف عن قبل .. ذياب مثل ما اهوه .. ومنصور عايش في هدوء تام .. ] : ع المغرب .. ~ في بيت بوحمد ..~ { طلبت ام حمد من ولدها حمد انه يوديها المول ويا بنتها .. } حمد : اوووهووو .. انتوو كله السوق السوق السوق ؟ حمده : بس هالمره غيرنا .. قلنا المول حمد : وشو فرقت يعني ام حمد : انزين انته تبا تودينا والا لا ؟ حمد : ليش عصبتي ؟ ام حمد : لانك ذليتنا .. اذا تبا تودينا قول .. واذا ما تبا بعد قول .. حمد : بوديكم .. لحووول حمده : امايه .. ابويه وين ؟ ام حمد : ابوج مب فاضي .. سار الصناعيه .. حمده : هيييييييه .. حمد : يلا خلصوونا .. سيروا البسوو .. { الكل ركب السياره .. وفي الدرب .. } حمده : حمد ف هالصوب حمد : لا انا اندل طريق مختصر حمده : انزين على آخر الشارع لف يمين حمد : مابسير من هاييج اللفه ... خليني انا بوديج طريق مختصر حمده : انزين اسمعني وسير من هالصوب حمد : حمده .. انتي شرايج اتيي تسوقين بدالي ام حمد : جان زين حمده تسوق .. حمده : ها ؟؟ انا ؟؟ ليش ؟ حمد : هيه .. مره سقتي فالبر .. شو لقيتي السواقه ؟؟ ها ؟ حمده : آآآآآآآ حلوه .. انته طالع الدرب .. حمد : خخخخ عبالها امزح .. صدق سيري قصي الليسن احسن حمده : من صدقك انت ؟ ..؟؟,, { وهي ترمس امها } .. امايه انتي شرايج ؟؟ ام حمد : انا اقول لو تسيرين تتعلمين السواقه .. يكون احسن .. بدال المذله .. حمده وهي تتطالع اخوها بنص عين .. : هيه والله حمد : انا صاحب الفكره ها هههه : : في المول .. ~ : حمد : يام حمد .. تراني بسير عنكم .. ام حمد : وين وين ؟ حمد : بسير الكوفي اشوف الربع حمده : الربع ؟ جيرل فرند والا بوي ؟ حمد : آآخ منج يالسوسه ... اسكتي .. ام حمد : هاااا ؟ شو بعد جيرل فرند يا حمد ؟ حمد : جيرل فرند يعني ربعي ام حمد : ربعك والا ربيعاتك ها ؟؟؟؟ حمده : عااااااااشت امايه هههههههههههه حمد : شدراج اميه بالانجليزي ؟ ام حمد : اعرف من زمان انا حمد : يا خطيييييييره .. يلا بسير عنكم حمده : سلم لي على الجيرل فرند حمد : اوص .. -_-" : : [ بين المحلات .. حمده تتمشى بكل هدوء .. تتطالع الميك اب .. تختار الي تبيه .. تسير محل الملابس وتختار الي تبيه .. ^_^ .. وتوها مخلصه .. يا دور امها في الاختيار والتدوير .. حمده تتلفت يمين ويسار .. تبا تجوف محل اوك حق امها .. عطور او اي شي .. مافي شي في بالهم .. اطيح عينها على الكوفي .. وتبتسم وتتطالع اكثر ..: اكيد حمود هنيه يغازل ههههه خلني اجوفه عدل هههه .. ، وفي ظرف ثواني تجوف هند في الكوفي .. معقوله هند ؟ هاي هند ؟ ليش ويها احمر ؟ .. ومنو الي يالس وياها ؟ ..] ام حمد : حمدووه .. مشينا الغاليه حمده : ها ؟ ام حمد : وين تتطالعين ؟ مب عيب عليج ؟ حمده : اميه اربيعتيه اطالع .. اطالع اربيعتيه ام حمد : اربيعتج فالكفتريا ؟ حمده : ها لا .. مشينا مشينا [ وعينها على هند ] : [ عقب الهياته .. ردت حمده البيت .. ويلست في حجرتها شويه ... وعقب ؟؟؟ .. مممممممم ليش هند يالسه فالكوفي ؟؟ ومنو الي كان وياها ؟ خساره ما جفت ويهه .. افففف .. ها .. انا ليش يالسه افكر فيها .. يكون الي يكون وياها .. ها .. لالا .. لازم ما اخليها تسوي جيه .. الريايل ما منهم امان .. لازم انصحها بصراحه .. مممم افففففففف وليش افكر فيها الحين .. انا ما نسيت كلام حمد .. بسير اشاور ابويه بالسواقه ..] [ وصلت الصاله ولقت ابوها يالس يقرا جريده ] حمده : ابويه شرايك اسوق ؟؟ بوحمد : تسوقين ؟ حمده : هيه ابا اسوق بوحمد : ماادريبج .. انتي تحسين انج تقردين اتسوقين ؟ حمده : ان شاء الله بتعلم عدل يابويه بوحمد : والله فكره حلوه السواقه .. عشان توفرين علينا راتب الدريوله .. حمده : هههههههههههه بوحمد : سيري وقدمي على السواقه .. وتعلمي واباج تبيضين الويه مب توفقفين في نص الطريج ..} حمده : افا علييييييييك .. فالك طيب .. : |
الــبــــــــــ9ـــــــــارت الصبح ..~ في الجامعه ..~ : [ حمده كالعاده يالسه ويا نفس البنات ... منال وهند وريم ] حمده : غريبه اليوم مهره محد منال : مب مداومه اليوم حمده : عندها واسطه ؟ منال : ههههه لا مريضه يحليلها حمده : اهااا الله يشفيها يارب ريم : آآمييين اشتقت لها [ حمده كانت ترمس وياهم وعيونها على هند ] : هند بلاج ؟ هند بسرعه : مافيني شي ريم : صج هند منال : خلوووها .. ^_^" تعيش لحظات صعبه .. هند : اففففففففففف .. حمده وهي تقترب من هند : امس كنت فالمول هند بسرعه : اي مول ؟ حمده بغمزه ^_~ : نفسه المول الي كنتي فيه امس هند : ها ؟ حمده : سوووري بس جفتج بالصدفه وكنت يايه اسلم عليج .. بس غيرت رايي جنه حد وياج .. يمكن اخوج .. استحيت الصراحه هند : هيييي .. هييي .. اخويه .. كيف جفتيه حمده : وانا خاطفه جفته وياج هند : لا اقصد كيف كان شكله ؟ حمده : هههه وليش هالسؤال ؟ هند : بس جيه ^_^" .. اذا مواصفاته عيبتج بخطبج له حمده :هههههههههه هالايام ما ادري شفيهم عليه الخطاطيب .. دخيلج .. مب ناقصتنه بعد هههههه هند : ليش ؟ حمده : هههه دخيلج .. فوق 10 خاطبيني قريب .. وكل ام تحاول في امايه وامايه تحن عليه .. شسوووووي ياربي ... ولا واحد منهم حسيت انه ممكن يكون لي اوك .^_^" منال : اووووووووونها هند : اهاا حمده : اساسا ما افكر بالزواج الحينه .. ابا اخلص بالاول وعقب افكر ^_^ ريم : تخلصين شو ؟ حمده : اوو ما قلت لكم ... بسوووق هند : حلووو منال : يحظج .. انا اخويه مب مخلني ريم : امبييييييييه يخوف حمده حمده : هههه جربت من قبل فالبر .. الحين بجرب الشارع .. احسه سهل.. : [ حمده وهي تفكر .. آآآه احس حياتي صارت حلوه ^_^ .. من قبل كانت ممله حيل .. الحين حلووه ^_^ .. آآه ، حمدت بدت طموحها تكبر شوي شوي تبي اطور من نفسها .. دشت مدرسة تعليم السواقه .. ونجحت بسرعه .. والين يا الطبيق العملي .. صارت كل يوم تاخذ لها 3 ساعات تدريب .. ما تتعب ولا تمل بالعكس ..كل يوم تتنشط اكثر عن اليوم الي قبله .. الجامعه بالمره ما تسبب لها عائق جدام الي تبي توصله حمده .. لهالسبب مرت الايام بسرعه بدون ما نحس... وحمده صار وااايد اوك .. ] : في بيت بوذياب .~ [ ام ذياب حاطه العشى .. ويالسه تتعشى ويا شيبتها وعيالها الصغار .. ] بوذياب : ذياب ما يا اليوم ؟ ام ذياب : ماادريبه والله .. هالولد داش وطالع ما تقول عنده اهل موليه بوذياب : هزبيه ام ذياب : انا الي لازم اهزبه والا انت ؟ بوذياب : انا عيزت وياه ام ذياب : ويوم انك عيزت وياه .. انا تباني احاول فيه ؟ بوذياب : ما يسمع الكلمه .. ام ذياب : طالع على ابوه .. مسوله قرنين بوذياب : ههههههه .. ابوه ريال والنعم فيه .. محد تكلم عنه بشر موليه .. ام ذياب : هيه والله .. الا هالولد ..بيفضحنا ان ما فضحنا وخلص .. بوذياب : خليه يستانس .. خليه يعيش شبابه .. ام ذياب : اهتم فيه شويه .. انت كله برع .. ما ترد الا وقت الرقاد .. ما نحس انه حد عايش في البيت موليه .. بوذياب : تراني اشتغل لكم الا وين عاليه ؟ ام ذياب : علوي تقول ما تبا عشى بوذياب : جيه شعنه ما تبا ؟ ام ذياب : عليها مذاكره تقول .. خلها تدرس .. [ بوذياب وام ذياب ،، دايما يتصنعون الاعذار لذياب ، لانهم يدرون انه حتى ولو حاولوا فيه ما بيفيد .. ] : في بيت بوحمد ..~ [ بوحمد يسولف ويا ولده سعود في الحوش ] سعود : وليش هاي سفراتك الدايمه يالوالد ؟ بوحمد : شغل ياولدي سعود : أخاف الا معرس وما تبا تقول خخخ بوحمد : ههههههه لا ياولد وين اعرس وانتوا عندي .؟؟ انا تكفوني انتوا وامكم مالها مثيل .. لو احط كل الحريم بكف وامك بكف امك كفها بينزل من ثقل مكانتها في قلبي سعود : لهلهله ياخطير .. تعرف تصفصف الرمسه هههه بوحمد : عيل شو عبالك .. شراتكم عيال الحين .. احبج احبج .. ومامنه شي عاد سعود : خخخخخخخخ ها مب حب يالغالي بوحمد : وهو في حب هالايام ؟! خخخخخ سعود : هههههه بوحمد : اختك تبا تسوق سعود : ادريبها بوحمد : علمها السواقه .. اباها تقص الليسن بسرعه سعود : هي خطت جم امتحان .. بوحمد : حتى ولو .. انت سير وعلمها .. هي الحين كل يوم اشوفها تتدرب بروحها .. ما يصير ياولدي .. لو صار شي عقب منو المسؤول ؟ بيقولون والله محد وياها سعود : صدقك .. ما عليه يوم بفضى بسير وياها بوحمد : فضى عمرك عشان اختك .. ساعدها .. بتساعدك يوم بتحتاجها سعود : فالك طيب يالغالي [ ويحب راس ابوه ] يلا الوالد .. انا بسير داخل بوحمد : برايك .. خل امك تحط العشى عيل سعود : حمد ما يا بوحمد : وينه ؟ سعود : سار ويا منصور بوحمد : منو منصور .؟ سعود : نسيبك اليديد بوحمد : ههههه ما صار نسيبي بعده سعود : صهرك على قولتهم والا ماادري شو تقولون .. المهم بسير بوحمد : برايك يلا .. : : وعلى الطرف الآخر ... في بيت بومنصور ..~ [ ام منصور يالسه تتعشى ويا بومنصور وفارس وسيف وزايد وحصه الصغيره ] ام منصور : وين سار منصور ؟ بومنصور : سار ويا نسيبه ام منصور : اي نسيب ؟ بومنصور : خاطبين بنتهم نسيتي ؟ ام منصور : ويييييييييي ما ردوا علينا .. بومنصور : مايحتاي يردون .. واضحه .. يبونا نتقدم رسمي ام منصور : شو نتقدم رسمي .. الولد ما وده بومنصور : شو ماوده ؟ ام منصور : انا هاك اليوم سرت عنده وسألته .. قال لي ماافكر بالعرس فارس : تبون تزوجونه صدق ؟ بومنصور : انت كمل عشاك زايد : لا كلام على الطعااام حصه : لا كلام على الطعام ام منصور : ههههه هيه نبا نزوجه .. مب احسن ؟ فارس : احسن .. ويسكن في بيت بروحه ياااسلاااام .. بومنصور : شو مسوي بك ههههه ؟ فارس : ماتمت بلاي استيشن ما اشلها عني .. ما تمن شرايط عندي وماشلنهن كلهن في سيارته .. وما تمن كابات والا ما ادري شو . حتى الكفرااات شلهن بومنصور : اخوان ههههههه فارس : افففففففف هههههههه بعدني ما تعودت عليه عدل ام منصور : فدييييته والله .. للحين ما يروم يرقد عدل ... من يأذن المغرب وده يرقد بس يتحمل وخلاف يصكها رقده الين الصبح .. مب مثل نااااس فارس :والله انا ارقد ام منصور : بس آخر الناس ... بومنصور : وراك ثنويه عامه.. ادرس ياولدي وطب النت وهالهياته فارس : وشو فيها اذا تمشيت شويه ؟؟ والا يلست عن النت . الواحد ما يمل يعني ؟ بومنصور : بتستانس عقب ما تخلص ياولدي .. هي كلها سنه .. وبتعدي .. فارس : ابا اقص ليسن انا بومنصور : فالك طيب .. بتقص الليسن .. بس خلص دراسه بالاول فارس : اوووهوووو ام منصور : كمل عشاااك : : في الشاليه ..~ : [ راشد ومحمد يسولفون عن السيارات الباجي جماهير ] راشد : اقولك الكورفت ماشي عقبها محمد : وشرايك انه الفراري احسن ؟ راشد : عكيفك انت ترمس ترا خالد : الفراري حلوه رشود واحسن راشد : وشرايك انه الكورفت تعيبني ؟ سير جربها .. واحكم محمد : اسمع ..حسستني انك سقتها ذياب : شباااب هوووش [ وهو يأشر ع الفون ] ارمس الحب محمد : روووح انت والحب الكل : ههههههههههه [ يدش عليهم حمد ومنصور ] حمد : مرااااحب الكل : مرحبتين .. خشمك >< منصور : هااااي قاااايز الكل : رووووح يابو قايز الكل + منصور محمد : هههههههههههههههههههههه [ قاموا الشباب وسلموا على بعض ] خالد : ها منصور .. شو الجو وياك ؟ منصور : ترتوب .. خالد : وين احلى هنيه والا هناك راشد : اكيييييييييد برع ما يابلها كلام منصور : ههههههههههههه والله كلهم واحد عندي محمد : عااااش قاااي استراليا خخخخ منصور : هههه انت عيبتك الكلمه ؟ محمد : وايد خالد : اقول بس لا اتذلو الريال .. وتعال خبرني منصور : آمر حمد : كح كح نحن هنا منصور : خخخخخ خالد : صبر انت عقب بنجابلك .. خبرني .. تعرفت على بنات هناك والا كيف ؟ منصور : اكييييد ... يا شباب .. انا ماتعرفوني عدل بس تعرفون اني منصور وولد عم ذياب .. اعرفكم بنفسي يعني للي مايعرفني .. الكل : حلوو حلوو حيهم منصور منصور : و ها حمد اربيعي .. اليوم انا يبته ويايه .. عشان تتعرفون عليه .. الكل : حي الله حمد ذياب : حياكم .. اقول انتوا ما تسكتون والا كيف ؟ راشد : اقول خلك في حالك انت خخخخخ ذياب : اقول اسكت اسكت ... انا ارمس الحب الحينه [ سوالف الشباب ما تخلص للي الصبح .. بس منصور وحمد اترخصوا من هالسوالف ع الساعة 10 .. يبون يردون البيت .. وعلى قولة ذياب .. دياي ! ههههه ] : [ منصور حاليا يبا يسوي مسح ذاكره بس بطريقه حلوه .. يبا يتعرف ع الكل .. يبا يحس انه يتنمي للمكان .. ينش من صباح الله خير عشان يجابل الشركه ..عشان يكون له شغل يكد من وراه ] : [ منصور ناش من صباح الله خير .. ونازل تحت بسرعه .. لو انه كالعاده لابس جنز وفانيله كشوخيه .. بس يبقى كاشخ ] ام منصور : على وين ؟ منصور : ساير الشركه [ ويحب راس امه ] ام منصور : انزين تعال كل لك لقمه منصور : اميييه عندي شغل لازم اخلصه .. ابويه طلع صح ؟ ام منصور : هيه سبقك منصور : جفتي .. انا متأخر ههههه .. باااي يالغاليه . : : |
: البـــ10ـــــــــارت فالجامعه ..~ [ حمده كعادتها .. يالسه تسولف للكل عن بطولاتها العالمين في الاحلام هههه ] ريم : ههههههههه والله انج تحفه يا حمده حمده : صبري بعدني ما قلت شي هههه منال : هههههههه ها كله وما قلتي ؟ مهره : خلوووها تسولف .. هههه من زماان ما سولفنا ههه صح هند ؟ [ هند كانت في عالم ثاني .. يالسه تفكر .. ] حمده : هند .. هند .. هند : ها مهره : اوووووووووووووووووووووو الكل : ههههههههههههههه ريم : وين وصلتي ؟ هند : هه .. ماشي .. كنت افكر عليه امتحان منال : اوو صح .. وانا عندي امتحان .. لازم اراجع ... اصلا ما ذاكرت هههه مهره : انتي دوم جيه ههههه ريم : الله يعينكن .. انا عن نفسي .. بسير اسلم البروجكت للاستاذ ذلني مهره : عيل قومي بمر على استاذنا بالمره .. ريم : يلا .. [ قامن ريم ومهره يجوفن شغلهن و منال يالسه تذاكر .. وهند تفكر للحين .. وحمده يالسه ملانه .. افففففف ما كملت سالفتي للحين ليش قاموا ؟ اففف .. مرت نص ساعه وانا ساكته .. ياربيييييييييييي خلني العب بالفون شويه .. ] [ رن تيلفون حمده وردت عليه ] : هلا خوله خوله : اهلييين .. شخبارج حمده ؟ حمده : الحمدلله زين .. شو بتغيتي ؟ خوله : بغيت ايلس وياج .. انتي وين ؟ فالكانتين حمده : هيه خوله : انزين عندج كتاب .... حممده : لا والله ما عندي خوله : اوووهووو .. لازم ادبر كتاب بسرعه .. هالاستاذ نحيييس مايبا من النت .. خلاص حمده برايج .. حمده : باي .. [ سكرت التيلفون وهي تعيسه ,, : توقعتها تسأل عن حالي تبيني ايلس وياها .. ثرها تبي شي .. هه.. يااااربي هند ليش جيه كله تفكر ؟ ... شو هالحب الي عامي قلبها . انزين ليش ما تسولف بالفون ؟ والا تستحي منا ؟ مممم لا مستحيل هي ترمسه جدامنا بس هو ما يدق ولا هي ادق .. الا نادر .. اظاهر تاخذ راحتها يوم ما اكون موجوده .. بس لا ماظنتي .. احس في شي .. اوووه .. وعلى السواقه .. مرت الايام .. والحمدلله خلصت كل الامتحانات .. باجي لي وااااحد .. افففف السوق زحمه .. ياربي كيف بسوق هناكي .. بس عااادي .. الحين كله اشاير ههههه مممم الله يسهله ان شاء الله بتدرب اكثر .. ] [ فعلا .. مرت الايام بسرعه .. ويا وقت الامتحان الاخير لحمده فالسواقه ..~ ] : ع الغدى .. ~ حمده : آآآآه تعبت .. اليوم سرت اسوق فالشارع .. عشان استعد للامتحان الاخير .. سعود : احينه انتي من صدقج بتقصين الليسن ؟ حمده : عيل امزح وياك ؟ ام حمد : الله يوفقج ياربي حمد : اقولك سعود .. سعود : ها ؟ حمد : ولى عصر الريايل سعود : والحين شو ؟ حمد : الحينه دور الحريم .. سعود : ونحن حمد : بنفصل لنا على فستان فستان وبنرضع [ ام حمد وحمده ضحكن عليهم .. خخخخخخخخخخخخخخ خاصه على كلمه بنرضع ههه ] : : عند الربع ..~ : عمر : اقول خلوود صب لي شاهي خالد : اسمه جاي راشد : جاي والا رايح عمر : ههياااااااااااااااااي خالد : احسب بباااااااااااي عمر : هع صب لي شاهي انته خالد : حيور ما اطورو عمر : من زينك يالمطور .. حتى كندوره ما يعرف يلبس خالد : وحيااااااتك انها اغلى من كندورتك عمر : والله خايسه .. لو تعطاني اياها ببلاش ماباها خالد : بطراااان ذياب : ايه قصروا حسكم شويه ... يالس ارمس الحب .. خالد : كح عمر : كح كح راشد : كوكوكوا خالد : شدخل ؟ .. اقولكم ... منو هاي الحب ؟؟ عمر : ماادريبه .. بس يمكن الي خبري خبرك هاك اليوم شفناها فالمول راشد : هيه هي .. كل يوم يرمسها عمر : ماشي شغله راشد : ابد .. يرمسها ويرمس غيرها خخخخخ خالد : خخخخخخخ اقول بوسنيده راشد : هلا خالد : عطني تيلفونك راشد : لالا عيب يا بو وليد عيب .. خالد : خخخخ كل الارقام الي عندك انا عاطنك اياهم وين عيب .. يلا مناك .. راشد : شو بتسوى ؟ خالد : عمور .. هالرقم تعرفه .. ******* تعرفه ؟ عمر : دو والا اتصالات ؟ خالد : اتصالات عمر : صبر ... { وهو يطالع في اللسته } .. قول لي الرقم مره ثانيه خالد : ******* عمر : هيه ليش تعرفها ؟ خالد :يلعنننننننننننننننننننن وتقول لي { وهو يقلد البنت } انت اول واحد ارمسه .. وسوووري اذا مب يالسه ارمس وياك وايد .. لاني مب متعوده ارمس واحد ع الفون وانا مااعرفه .. عمر وراشد : ههههههههههههههههههه خبايل والله ههه خالد : سكرانه ... تبا تقردني بعد عمر : خخخخ شاده حيلها .. ذياب : حووووووو اسكتووو عمر وراشد وخالد : ول ! [ دقايق بس .. والكل بزي بالفون يقردنون ] ذياب : يااااقلبي انتي ياعمري انتي .. ليش انتي جذه ؟ حبيني شو المشكله ؟ بس لا تقعدين تحنين على راسي .. ترا صدق مليت من حنتج .. [ طوط طوط ] خالد : ها حبيبتي عواش ؟ مااكلم غيرج ياعمري .. انا ويييين والتقردين وين ؟ حبيبتي مااقدر انا على هالشكوك الدايمه .. بصراحه زعلتيني منج [ طوط طوط ] عمر : لا حياتي .. انتي تحسين اني جيه ؟ عنووود .. مابا ازعل منج .. قلت لج احبج ولازم تتقبلين حبي .. مب شرط تحبيبني .. بسكر الخط .. مااقدر اتحمل [ طوط طوط ] راشد : آآآآآآه ياعمري .. لا تحيريني وياج .. شوق ماتحبيني خلاص لا تكسرين قلبي اكثر .. قلت لج احبج لازم تذليني يعني ؟ خلاص خلاص .. حبي ماله داعي والا خلاص .. لا تكلميني صدق زعلت .. [ طوط طوط ] [ اما محمد يسمع وهو فاااااضي وراااايق ] : [ ثواني بس .. ! ] ذياب : هلا بعمري هلا بحياتي هلا بنواري .. هيه .. توني راد من الدوام .. ماصدقت على الله فضيت قلت رامسج واسمع صوتج هههه يابعد عمري خالد : هلااااااا شواخ .. هلا حبيبتي .. شو يالسه تسوين .. لايكون ازعجتج بس ؟ ههههه حبيبتي والله عمر : هلا والله .. هلا بالزييييييييين كله هلا .. شو يالسه تسوين ؟ راشد : هاااااااا فطوم .؟ شو يالسه تسوين ؟؟ فديتج والله .. هههههه لا تحاتيني .. ريلج سبع .. هيه ريلج .. ليش ما تعديني ريلج ؟ افا بس افا .. خلاص نحن مابنتفارق موليه .. هيه حبيبتي والله [ محمد وهو يسمع رمستهم ] : الله واكببببببببببببببببر الله واكبببببببببببببببببر ذياب : لا حبيبتي .. اذن عندنا خالد : اذان يمكن ماادري وين .. عمر : مشغلين التلفزيون يمكن راشد : هيه ها فالراديوو محمد : ههههههههههههههههههههه : في بيت حمده ..~ [ حمده يالسه في حجرتها وملاااانه .. طلعت من الحجره .. وسارت الصاله .. لفت ولفت ولفت .. فجت لتلفزيون .. يلست .. قامت ... يلست .. قامت تستهبل .. تقرا كتب .. نو نو .. سارت صوب المطبخ .. ،،، افففففففففففففففففففففففففففف ماادري ليش صايره اتملل من كل شي .. آآآآآآآآه بدق على ميثوه من زمان ماجفتها ] ميثه : هلااا اختي حمده : هلا ميثوه شخبارج ؟ ميثه : بخير الحمدلله انتي شخبارج ؟ حمده : الحمدلله زينه ^^ اقول ميثه وينج هالايام ما اتيينا ؟ ميثه : يالله .. شو عندج ؟؟ حمده : هههههههههه لا صج اشتقت لج ميثه : ههههههههه خلي عن العياره حمده : تبين الصدق .. ابيج مرافق .. ابا اسير ادرب ميثه : مااقدر حبيبتي سوووري حمده : اففففففففف مامنج فايده .. باااي ميثه : هههه باي [ بندت حمده عن اختها .. ودقت على عليا ] عليا : سووووري حمدووونه .. مااقدر حمده :من شو خايفه ؟.. تراني اعرف اسوق عليا : لا حمدووه .. انا ماعندي ليسن وانتي ماقصيتيه للحين .. اذا صار شي مصيبه حمده : افففففففففففف يعني مابتسيرين ويايه ؟ عليا : لا حمده : اوك ... باي عليا : زعلتي ؟ حمده : لا .. بجوف غيرج يرافقني .. ماباجي شي ع الامتحان .. بااجي [ بندت حمده الفون ودقت على اربيعاتها والكل نفس الشي .. حست حمده بنوع من الاحباط .. بس اتلبست وظهرت من البيت وركبت السياره ولا عليها من حد ^_^" ..] : : [عند الربع تمر الدقايق الكل حس بنوع من الملل .. بندوا فوناتهم وساروا للمول عشان يقردنون بنات غير .. شويه والا منصور ياي وساحبينه وياهم ] : في المول ..~ منصور :شرايكم يا شباب نيلس فالكوفي ذياب : شاربين جاهي وقهوه فالشاليه منصور : خخخخخخخ نسكفيه زين ؟ خالد : منصووووووووور قالنا ما نبا نشرب الحين نبا عقب شفيك ؟ خخخخخ منصور : وليش بعدين يعني ؟ راشد : افهمها منصور : لايكون ناوين تقردنون ؟ خخخ محمد : الحمدلله يوم فهمتها ههههههههه منصور : ههههههههههههههههههههه ذياب : خخخخ منصور يلا نباك اليوم تضبطنا منصور : انا ؟ ذياب : هيه انته منصور : شدخلني انا ؟ ذياب : يلا يلا لك طلت مهند الي يحبونه البنات ما تبا البنات يعطونك ويه ! منصور : وين لي طله مثله خخخ مايخصني فيه موووليه خالد : لا قصده حليو ابيضاني والشعر ماادري كيف جسمك مرتب جيه .. راشد : شوف اللبس انت بس محمد : آآآخ كيف بيقردن ها بهاللبس راشد : فضيحه والله عمر : خلوووو بواللوك الفنتك ذياب : آآخ نسينا انلبسه لبس عدل منصور : شو بلاكم ؟ ها ماركه ذياب : شو ماركه .. اقول سير الحمام اعدل فانيلتك اول منصور : ها ؟ بلاها ؟ خالد : رووح رووح عدلها .. شو هاللبس .. جيه ماخليتهم يكوونه ؟ منصور : خخخخخخخخخخخخخخخخ بلاكم شباب ؟ ذياب : يابو موضه البنات عبالهم انت زلمه والا اجنبي شيبون فيك ؟ منصور : خخخخ تبا تجوف ؟ ذياب : يلا [ سار منصور وقصده يراويهم شو يسوي .. مشى بروحه وهو لابس النظاره وبكل ثقه .. فصخ النظاره ومسكها في ايده يوم شاف شلة بنات يايه .. جان يتعمد يطيح النظاره عشان ينزل ويشلها والبنات ينتبهون عليه لانه جدامهم ويقوم مره ثانيه بكل ثقه وبابتسامه ثقه ..البنات طبعا يتهامسن عنه شحلوه وشزينه ما عدا وحده .. ! اطيح عينه في عينها .. تتحول الابتسامه لنوع من الخوف والغرابه ..! شله البنات كملت دربها .. بس وحدة منهم وقفت في مكانها ومنصور بعد وقف في مكانه وفي لحظه صمت كل واحد قاعد يقرا افكار الثاني .. ويفكر .. يسلم اول ؟! قرر منصور يبدا ] منصور : مراحب هند : منصور ؟! منصور : هيه نعم عرفتيني ما شاء الله هند وهي تشل نظارتها عن عيونها : هيه اعرفك منصور : هه .. بس انا ما عرفتج هند : ما تغيرت بالمره منصور : ممممممممممم خليني افكر . انتي اكيد تعرفيني فالمسن صح ؟ هند : لا منصور : ها يعني لقيتي صوري فالفيس بوك او نت لوق المهم .. شخبارج ؟ هند : الحمدلله منصور : بلاج مب مستوعبه ؟ متروعه من شي ؟ هند : لا منصور : هه .. السموحه ع الازعاج فرصه حلوه .. مع السلامه [ لف منصور ويهه عنها ولف جسمه وياه .. سار صوب ربعه ] [ هند تمت واقفه لدقايق في مكانها ..! وعقب قررت تكمل ويا اربيعاتها التمشي ] ذياب : ها ليش رديت ؟ منصور : هه .. عرفت اسمي ههه عمر : وانت ؟ منصور :شو وانا ؟ عمر : ما عرفتها ؟ منصور : لا وين اعرفها .. جنه جايف ويها في مكان بس مااعرف وين خخخخ [ عمر اعتفس ويهه وعصب وسار لهند .. اما باقي الربع ساروا يدورون لهم بنات غير ] عمر دق لهند تيلفون : انتي وين ؟ هند : انا في البيت عمر : توني جفتج عن الجذب هند : لا خلاص .. انا الحين طالعه .. بسير البيت خلاص عمر : بيسارتج ؟ هند : لا الدريول بييني عمر : هند خلينا نسولف هند : مالي خلق اليوم عمر : خلينا نسولف شويه .. مشتاق لج هند : عمر .. برمسك بعدين .. الحين بسكر الفون عمر : هند صبري صبري .. انا مابا اسولف وياج فالفون .. خلنا فيس تو فيس .. يلا عاد هند بحزن اكثر وحبس دموع : عمر .. قلت لك مابا اسولف الحين .. مالي خلق يعني مالي خلق .. خلاص عمر : اوك اوك .. على راحتج .. [ سكرت هند الفون بسرعه من دون لا تقول اي كلمه ثانيه .. وسارت بيتها ] : : [ في هالوقت حمده كانت شاله السياره وتتدرب ع الشارع .. برووحها .. ] حمده : افففففففففففففففففف ماادري ليش محد يبي ايي ويايه ؟ لهالدرحه صرت ممله ؟ يمكن ليش اني اسولف وايد ؟ بس لا .. بالعكس المفروض مايملون مني .. بالعكس .. المفروض يستانسون .. بس ليش ؟ افففففففففففف خلني اتدرب عدل .. مابا اتفشل ... وعقب بيقولوووون حمدوه ودينا وييبينا .. ماااابعطيهم ويه بيجوفووون ... خلني اتدرب بروحي ... ،، فعلا .. حمده تدربت برووحها ! ] : : [ رد عمر للشله مضايج .. لدرجه انه كاره منصور ويطالعه بنظره ..ومنصور مستغرب من نظره عمر له .. بس مطنش .. ويالس يفكر بهند : اممممم منو تكون هالبنت ؟؟؟ وتعرفني بعد .. هه اكيد وحدة من هالمواقع او من المسن يعني .. ! اذا ما كانت من البيبي بعد .. ممممممم لا بس شكلها مألوف الحقيقه .. ماادري يمكن جايفنها في مكان وماحصل الشرف .. يمكن هه ] ذياب : ياولد العم منصور : ها ذياب : البنت الي من ساعه جفناها ما قلت لي ليش روحت عنها ؟ منصور : اي بنت ؟ ذياب : الي من ساعه واقف وياها منصور : هييي شفيها ؟ ذياب : اقولك ليش روحت عنها ؟ البنت كانت واقفه منصور : مااعرفها ذياب : ياذكي .. فرصه ويت من السما منصور : فرصه شو ؟ ذياب : كنت تقدر تقردنها يا ولد العم منصور : وليش اقردنها ؟ ذياب : افففففففف منك منصور .. ما تفهم ؟ منصور : اشفييييك انت ؟ خالد : هوووووو شباب اسكتوا .. لا تفتحون عيون الامن علينا ذياب : رووح انت والامن .. شويه هنود ملبسينهم ها قالوا امن الحمدلله والشكر محمد : شفيكم انتوا ؟ منصور : مافينا شي يالسين نسولف ذياب وهو يأشر على عمر : هذااااك الي هنااك تجوفه .. عيز يحايل فيها .. وانت يتك بارده مبرده تعرف ؟! منصور : وانا شدخلني تخبرني ؟ ذياب : لانها ما تعطينا ويه يالذكي .. هاي اول مره تعطي حد ويه منصور : اووو ذياب انا مابا العب شراتكم ... انا انسان مب مال بنات .. عمر قام وسار صوب منصور : لانك شبعان بناااات منصور : شو شبعان بنات ؟ خالد : هيييييييييي شبابات سوي هدو ممكن ؟ منصور : قول لهم عاد عمر : شووووف لا تتشيطر عليها ها .. من الحين اقولك منصور : يااااا روووح مناك ياخي ذياب : منصور لا تتخقق وايد ها .. منصور : انا الغلطان يعني ليش اني ييت وياكم ها ؟ عمر : هيه غلطان .. ياليت لو تروح من هنيه ذياب : لا عمر مب جذه عاد منصور : اصلا ما بيلس وياكم ذياب : لالا تعال تعال منصور منصور : مابيلس وياكم خااالد : افففففففف صدق انكم ما تنعطون ويه راشد : يهال الله يعزك محمد : صدقه .. يلسوووو عن حركات اليهال هاي ذياب : خلاص منصور .. خلك هنيه منصور : عشانكم بس بيلس شوي عمر : اوك اوك انا رايح ذياب : عمرررررر .. تعال عمر : مب يالس وياه .. ذياب يقترب من عمر ويكلمه بصوت خفيف : اشفيك انت ؟ عمر بصوت خفيف : ذياب .. مابا هالمخلوق ويانا ذياب : ليش ؟ : |
تابعوني في البارت 11 والي عقبه اتمنى الاقي ردود عشان اكمل تنزيل البارتات ^^" |
السـلآلآلآم عليييكمم الصـرآآحة البـآآرت عجيييب ومـآآعلييه اي كـــلآم ..^^ الشخص اللي حمدووه ترمسسه اعتقد انه منصـووور ..~ وهند تحب منصـوووور بس منصـووور مـآآيففكر فيهـآآآ ,,, وعمـووور يحب هند وهند مـآآتفككر فيييه الصـرآآحةة كـآآسسر خــآطري هالعممر يحبهـآآ وهي مـآآتحس والشلة اللي حمدووه مرآبعتنهم عليهم حركـآآآت وجي يعني واتمنى حمدووه تتركههم والبنت اللي يرمسون عنهـآ اهل منصووور هي حمدووه ومنصـوور بيخطبهـآآ ويممكن هندووه بتتعرف وبتخرب علييهههم ههع ^^ وذيـآآآب يـآآلسس يتصل ف حمدووه ويلعووزهـآآآ ويمكن يورطهـآآآ وتصير مشـآآآآككل ^^ ........... ومتى البـآآآري اليـآآي ؟؟ ولآ تتـأخريين علينـآآآ ^^ ^ والسسمووحة |
| الساعة الآن 10:21 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir