|
مشكور على القصه |
القصة واااااايد حلوة ومؤثر يسلمووو |
مشكور على القصه ..... |
:861:السلام عليكم ورحمة الله وبركاته شـكــ وبارك الله فيك ـــرا لك ... ماقصرتي يافنون : |
الغاليه وينج طولتي علينا عسى ما شر |
يسلمو ع القصة |
هاااااااااااااي القصة وااااايدحلوة بس وايد طولتي علينا شـكــ وبارك الله فيك ـــرا لك ... لك مني أجمل تحية . |
تسلموونـ عـ مـــــــــرورو الـــــــــــــgــــــــــــأووي.. السمووحهـ بس صاارت عنديـ ظرووف الي خلتني ماا انزل الباارت .. بعد دقايق البارت ناازلــ... |
{.. الــُـبــْــِـارتٍ 23 *ْ//~ ...] شوق ( لاحظت سرحان صقر اللي كل دقيقه والثانيه يطالع الساعه ) : شفيك صقر ! صقر ( توه استوعب ) : أأ.أ.أ. ها .. لا حبيبي ما فيني شي ! ام صقر ( قامت من مكانها ) : أأخ .. لا اله الا الله .. يالله عيل انا بسير انجب الغدا لكم !! صقر : لا اميـــــيه .. اتريي شوي ..! ام صقر : خير ؟! اخوانك بيموتون يوع .....! محمد : صقور .. عن المصاخه .. خلنا نتغدا ! يعقوب : امي .. انا يوعااااااااااان .. وفجأأة رن الجرررس ... اللي خلى صقر يقوم من مكانه بسرعه لصوب الباب وهو يقول لامه : الحين تقدرون تحطون الغدا ....! .. .. فشقة راشد ... كان راشد فساأأبع نوومة .. ولا صحا الا على صوت الجرس اللي فز منه !! [ باسم الله .. لا يكون الشرطه ! وليش الشرطه ؟! انا ما سويت شي ..! الله يستر ! خلني اشوف منو ع الباب !! .. .. راشد ( وبعد ما فتح الباب ) : هذي انتي ؟ عليا : هيه انا .. من الصبح وانا ادقلك وانت ما ترررد راشد : كنت رااقد !! عليا : للحين !!! ( وبعد ما تمت تطالع الشقه وهي لايعه بجبدها ) وبعدين شهالشقه !! راشد : ترمسين وجنج اول مره تشرفين هالشقه !! .. ع العموم تفظلي ...! ولا بتمين واقفه عند الباب ! عليا : لا حبيبي ..! انا مب يايه ادخل شقتك .. ( وبعد ما ردت توايج ع الشقه ) وعع ..!! مو مستوااي !!! راشد ( اللي طفر ) : وبعدين ؟؟!! شبتين عليووه ؟ عليا : بغيت اقولك .. ظبط حالك اليوم ... خطه الريم راح تتنفذ اليوم راشد : هني ؟! عليا : هممممم .. هيه هيه يكون احسن .. عشان تعرف مستواها راشد : شقصدج ؟! عليا : ولا شي .. يالله جااو .. لا تنسى ....... بدقلك عقب راشد ( وقبل لا تروح يود ايدها بسررعه ) : لحظه ! بعدنا ما اتفقنا ... عليا : اظن ان نحن متفقين من زمااان !! راشد ( بنظره خبيثه ) : ماشي عربوون حياتي ...! مو معقووول .. اظبط حالي ببلاش ! عليا : جم تبي خلصني ؟! راشد : 5 آلاف .... نوط ينطح نوووط ...! عليا : بللل .. ها كله بتظبط فيه حالك راشد : لا حبيي .. اللي طالبتنه انتي مو شويه عليا : اووف منك ... اشكر ربي ان عندي مصرووف ... ( وبعد ما طلعت دفتر الجيكات من شنطتها ) : خذ .... هذي 5 لاف ... راشد : اوه ربيعتنا راهية عيل .. ودفتر جيكات بعد هههههههههههه والله دنيا .. عليا : شعباالك ؟ بس لو ما نجحت يا رشوود .. يا ويل ويلك ! لا والقهر اسمك ع اسمه .. اوف .. يالله باي راشد ( بظحكه خبيثه وهو يطالع الجيك ) : هه .. باااي يا حلووهـٍ .. .. .. فغرفة الطعام .... وفي بيت ابو صقر .... كانت الاجواء مغيمه ....! وخاصة بحضور ابو سعود اللي كان صقر يتريااه ...! ابو سعود : تسلم ايدج ع الطبخه ام صقر ! ام صقر : عليكم بالعافيه ...! ابو سعود : هممم بنات .. مب ناويين تردون الببيت !! جواهر : ونيلس ويا منو ان شاءالله فالبيت .؟! ويا يدتك ؟!!! ابو سعود ( فووووووول مره وحده ) : نعم نعم ! والله وطالت وشمخت .. اشوف امج معلمتنج جواهر ( انتفظت من الخوف .. ما تدري كيف زلت ) : انا آآسفه .. اسمحولي شبعت .. ( وبعد ما راحت جواهر وسارت وراها فطووم ) ام صقر : حرام عليك يا اخوووي ! ترا البنيه بعد نفسيتها تعبانه !! ابو سعود : هي ما عادت صغيره ! ولازم تتعود .. ولا غلط كلامي يا الريم ؟ الريم ( اللي من دخل ابو سعود وهي عينها ع الصحن ولا جنها وياهم ) : ما اظن رايي مهم صقر : ما علينا عمي ؟ انت شحالك ؟ شو مسوي ؟ ابو سعود : الحمدلله ع كل حال ... صقر لازم تشد حيلك فالشركه ترا عندنا منافسين .. وحميد انا وقت عنه المصروف وحتى المعاش قطعته عنه ! محمد ( توه استوعب ) : لييييييش؟!! ابو سعود : لازم يتعلم ... ان الفلوس ما اتي مني والدرب .. لازم يطلعها بتعبه وشقاه واذا ما كان عايبنه الدوام فالشركه ما بمنعه من انه يداوم فاي مكان يبغيه !! صقر : بس عمي انت تدري ان نفسيته الحين ما تسمحله انه يداوم ...! ابو سعود : وليش كل ها ! بتقولون لي حب ما حب ! ما عندنا نحن حب قبل الزواج محمد ( اللي غص ) : كح .. احم .. عمــي حميد اول مره فحياته يتعلق بشي ! وفالنهايه يفقده ! ابو سعود : والله هو ريال ولازم يتعود على هالمواقف ! ام صقر ( بعد تفكير ) : زين بو سعود ... ليش ما تاخذون له رووضه ! بنت حلوه ومؤدبه .. واكيد بتقدر اتيب راسه ابو سعود ( بعد ما فتحت ام صقر عقله بهالفكره ! ) : هــي والله .. انا وين هالفكره عني من زمان ... حميد ما بيحصل احسن عن رووضه ! يعقوب : كيف يتزووج اخته ؟!!!!!!!!! صقر : اي اخته ! هي مب اخته لا من الام ولا من الابو ولا حتى بالرضااعه الريم : محد بيقدر يجبره ع شي ما يبااه .... عن اذنكم ! .. .. فبيت ابو علي ..... فالميلس كان علي عازم ربعه ع الغدا ... ومنهم كان حميد اللي ما رفض الدعوه ! مايد : ها حميد ! وينك يا اخوي !! صارلنا مده ما شفناك ! حمد : هي والله من داومت قطعتنا ... حميد : اي دوام واي خرابيط الله يخليك هههههه خالد : افااا .. لا يكون مخلينك تشتغل فالمطبخ ! علي : ههههههههه .. لا ينظف السيايير برع حميد ( بمزاااح ) : هه .. يظحك ؟ ولا تبوني اظحك يعني ؟! مايد : لا دخيللك تظحك هههههههه حميد : الا بتخبركم ... منصور شحاله ؟ ماله حس ؟ خالد : دومه ينشدني عنك .. مسكين ما عنده رقمك حميد : انا بعد من بدلت المبايل كل الارقام انمسحت عني خالد: هي اقول مب من الله يقطعنا ههههه مايد : لا ما عليك .. لو يبا يسأل عنا .. بيطلع الرقم .. هاذوه علي يعرف ارقامنا هههه علي : لا لا ما عندي ارقامكم ... يالله ما يخصكم فحمييدوه تراه عازمنا باجر ع السينما حميد : هههههههههههه .. احلف ! حمد : ها حميد ؟ من متى تعزم ههههههه ما احيدك من ايام الثانويه تحاسب عمرك ع الفلس حميد : لهالدرجه طايح من عينكم شوه ههههههه خالد : من زمااااااان ابوووويهـ مايد : اييكم شور ؟ نطلع باجر للبر حمد : هي والله يبالنا ظهره للبر ! انا ما عندي شغله باجر وعزيمة حميد تتأجل حميد : وانتو مصدقين اني عازمنكم ع السينما هههه .. لا لا خلونا ع البر ابرك خالد :اوكي عيل انا بطالي بعد شوراي مايد : علي .. ما بتي ؟ علي : اممم ... انا اسمحولي عندي شغل باجر حمد : لا تقول يا رياال . حميد : خل عنك الشغل .. علي : يالله ما عليه .. المره اليايه بها ! .. .. مر الوقت .... وعقب أذان العصر سارت روضه عند الريم اللي تكونت بينهم صداقهـٍ كبيره ..! روضه : اووف والله حدي خايفه .. غريبه للحين ما ظهرت النتايج يعني ...! الريم : انا سمعت ان باجر روضه : يمه ,, همممم زين كم تتوقعين نسبتج ! الريم : هممم ما اظن فوق الـ 85 ...! روضه : اويه ليش ريموه ! الريم : انتي ادري بالظروووف ... وعلى رد الريم على روضه ... توها روضه بترمس ويقاطعهم صوت مبايل الريم اللي شافت مسج من رقم غريب ... وهي مصدومه ...! روضه : شو فيج ريامي ؟ الريم ( منصدمه ) المسج ......!! روضه : شوفيه المسج خوفتيني ....! ( بعد ما شافت صدمه الريم ... سحبت المبايل وهي تقرى المسج ) .. .. اذا مهمته لمصلحة اخوج حميد ... سيري الشقه رقم *** من عماره ***** وبتشوفين حالته اللي ما تسر ! ترا حياته بين ايدج .. .. الروضه ( بدورها انصدمت هي بعد ) : رقم منو ها ...؟ الريم : ماادري .. والله ما ادري ...! الروضه : بتسيرين ؟ الريم : اكيد .. عيل اخلي اخوي يموت ...! الروضه : اشدراج يمكن حد يلعب عليج .. دقي ع حميد اول الريم : لا روضه .. انا برتاح نفسيا الا اذا رحت وشفت بعيني .....! الروضه : خلاص انا بيي وياج الريم : اوكيه ما عليه بس من بيودينا .. الروضه : من هالناحيه لا تحاتين .. بدق حق عبد الغفور ( الدريول ) خل يوصلنا ..! الريم : خلاص عيل .. وانا بدور ايي حجه عشان نظهر ... روضه : اتفقنا ...! .. .. كانت مبركنه سيارتها قريب من العماره .. على اساس انها تراقب اللي يصير وتشهد على عذاب الريم ..... بس انصدمت لما شافت سيارتهم متوجهه لصوب نفس العماره .. وزادت فيها الصدمه لما شافت روضه نازله ويا الريم عليا ( بخاطرها ) : هذي تخبلت .... ! شو يايبنها ويا الريم .. اووف اخاف راشد يخربط بينهم !! يا ربي ... لا لاخلني ادق لراشد .. راشد : الووه عليا : هلا رشود ..! راشد ( من ورا خاطره .) اهلين عليا : اقلك حبيبي ... الريم وصلت لصوب العماره ... بس شوف اسمعني زين بتيك هي ووحده .. تحمل تقرب من الثانيه فاهم ...! راشد : تستهبلين الشيخه ! وانا كيف اميز بينهم ان شاءالله .! عليا : بتشوف وحده نسخه من حميد .. عيونها وساع .. نفس البياض .. هاي هي ريموووه .. والثانيه لا تقرب صوبها راشد : خلاص خلاص ... ان شاءالله ( ويرن الجرس ) .. يوا .. يوا يالله اخليج ...! عليا : باي راح راشد صوب الباب وحاس ان في شي يمنعه ..! كان يفكر [ ليش اظر البنيه .. الحين هي حسب ما تقول تبي تنتقم لحميد ما ادري ابووه ...! بس البنيه شذبها .... لا لا انت شتقولا يا راشد ... هاي عليها فلوووس .. مو ببلاش راشد ( بعد ما فتح الباب ) : هلا والله الريم : اخوي ... نحن يايين نسأل عن واحد اسمه حميد راشد ال***** راشد : زين تفظلو ليش واقفين عند الباب ..! روضه ( اللي حست بربكه الريم وانقهرت بنفس الوقت من حركات راشد ) : نحن مب يايين نتفظل .. حميد وين !! راشد : حميد موجود داخل بين الحيا والموت ( وبظحكه استهزاء ) هه مسكين ما عنده حد الريم اللي انصدمت .... وفجأة ما حست بعمرها اللي وهي فالشقه .. تدور ع الغرف غرفه غرفه ... ووراها راشد ... يظحك بكل خبث ... اما روضه فهي تمشي وراهم ولا تدري شو السالفهه !! بس ابد ما كانت خايفه على عكس الريم اللي حست انها بتطيح من كثر الخوف ...! راشد : همم اقول الريم ... ما شفتي فهاييج الغرفه ...! ( وهو يأشر على غرفه من الغرف ) ركضت الريم مثل المينونه .. على امل انها تشوف اخوها حميد ..... بس ما حصلته ...! وهني ما قدرت تتحمل وتمت تصيح ... اول ما شافت راشد وراها ويحاول يتقرب منها : خوز عني يالحقـييير .... خووز ... بخبرك عليك اخويه ... خوز عني .. يالجلب يالخايس ... راشد ( بكل خبث ) : ههههههههه سوي اللي بتسوينه يا حياتي ... اما الحين فانا ما يهمني .. ( بس هني رد وتقرب من الريم اكثر .. اللي تمت ترد اكثر واكثر لين ما انظربت بالليدار وهي تصارخ ... ) : حرام عليك .. والله حرام عليك ..خليني فحالي من صوب روضه اللي كانت منصدمه فمكانها بس فجأة وتوها استوعبت ... ان راشد كان قريب من الريم زياده عن اللزوم .. ما عرفت شو تسوي ...! ارتبكت فالبدايه .. بس ما استسلمت ... سارت من ورا ظهر راشد وتمت تظربه بكل قوتها ... شافته ما اهتم ... بس عقبها لقت ابجورة ع الدرب ... و عطول خذتها وفرتها ع راشد ... [ فالبدايه تم يتويع .. وعصب بشكل رهيب .. لدرجه انه صفع روضه صفعه قويه حركتها من مكانها ...! ورد مره ثانيه لصوب ريم ولا استسلم .... بس روضه كانت عزيمتها اقوى من انها تستسلم ولا تابت ... خاصه لما سمعت الريم تستجد فيها : روضه .. روضه اللي يخليك بعديه عني .. روضه .. بموت يا روضه .. بموت ...! طاحت عين الروضه ع ديكور من زجاج .... فالبدايه خافت انها تسوي اللي فبالها .. بس فالنهايه مالها غير هالحل .... خذت الديكور .. وتمت تظرب راشد بالزجاج لين انكسر على راسه ... وتوه بيصد بيظربها ... بس هالمره ما قدر النزيف كان وايد .. والألم كان اقوى .. وعلى طول طاااح ...! .. .. فبيت ابو صقر الكل متيمع فالصاله ... منهم ام صقر وصقر ومرته ومحمد ويوسف وجواهر وفاطمه ويعقوب حتى حميد كان وياهم بالاضافه لام سعود اللي سارت عشان تزور عيالها .... كانو يتريوون يية الريم بس ...! ام سعود : حميد فديتك دق لاختك شوف وينها ... للحين ما يت !! حميد : من متى وانا ادقلها وما تررد ..! ام صقر : غريبه .. قالت بتطلع هي وروضه لمشوار صغير .. يوسف : ما صار مشوار هذا ....! ام سعود ( اللي حست بنغزه فقلبها ) : استغفر الله .. حاسه ان شي جايد صاير ...! محمد ( فز قلبه من رمسة ام سعود ) : لا تقولين جي خالووه ...! حميد : زين محد حافظ رقم روضه ..! دقولها فاطمه : جوجو .. احيد عندج الرقم ..! جواهر : صح ... خلني بدقلها ... ( دقت جواهر لروضه .. وردت دقت .. بس محد يرد ...! ) محد يررد ....! ام سعود : واحسرتي على قلبي يعقوب ( ما عليج خالوه يمكن ساروا السينما ولا حاطين فوناتهم ع السايلنت ...! حميد : واي سينما فهالوقت ان شاءالله ... وبنات بروحهم بعد ! هالقاصر فجأة فزت قلوب الكل على صوت الجرس ... وكن الكل بنطر خبر ...! صارلهم شي ! ناسيين فوناتهم فمكان ! ولا متعمدين انهم ما يردون ....! دخلت الريم البيت .. ووراها الروضه .. الكل لاحظ حالة الريم ورووضه ..! بس الريم من شافت الكطل يبحلقون فيهم ...! خافت ... ومن زود الخوف .. طاحت ! روضه ( شهقت ) : ريموووووووووووه .........................!!!! |
البارت 24 *//~ عذوبــــي .. مرمروونـــي .. حسبي الله عليهم ...! ...] كانت غارقه بعالم ثاآآآنـــي وهي ترد وتشوووف المشهد مره ثانيه وثالثه ورابعه ,, حست بضعف . لو الود ودها انها ترد الزمن شوي لورا وتجتله بيدها هاييج الساعه ... فاللحظه اللي حاول فيها انه يعتدي عليها ... عشان يعرف ويحس بقيمه اللي يسوييه .. عشان يعرف كيف ان شرف البنيه وعذريتها اهم شي عندها ...! بس للحسره ما باليد حيله ... الريم من بعد الحادث وحاسه بعمرها مشلوله .. من الصدمه ما نطقت بولا كلمه ...! فجأة وبعد ما ردت شافت المشهد اللي صار قامت من رقادها بصرخه قويه تعبر عن قهرها وحزنها ....! ولا استوعبت الدنيا عدل الا والكل حاوليها ... واستغربت اكثر من وجودها فالمستشفى .. ام سعود ( وهي تصيح على حال بنتها بعد ما ضمتها لحضنها ) : شو فيج يا بنتي ؟؟ شو اللي صار لج ؟! الريم ( وهي تحضن امها بكل قوتها ... من الخوف اللي فيهاا) : امايه لا تخليني مره ثانيه ؟ اميه الله يخليج .. خلج وياي لا تخليني .. انا محتاجتج يا اميي .. ام سعود : انا موجووده يارووحي .. لا تخافين .. ما بخليج ... روضه ( بحزن ) : الحمدلله ع سلامتج الريم الريم : اي سلامه يا روضه ! بسبة هالنذل بتم عايشه طول عمري بخوف وربكه ! حميد : ريموو .. روضه .. ممكن تفهمونا شو صاير ؟؟ محمد ( بقهر ) : من هالنذل اللي تتكلمين عنه يالريم ؟ الريم ( وتدخل فنوبة صياح ) : ما اعرف .. ما اذكر حتى اسمه ! ( وهني تمت تصيح زياده وردت لحظن امها ) ام صقر : لا حول ولا قوة الا بالله العلي العظيم .. جواهر ( دمعت عينها ) : ريمو .. لا تصيحين .. نحن كلنا معاج فاطمه : انتي بس خبريني منو هذا اللي اذاج ونحن بنرويه الويل .. والله لاكسرج ضلوعه شوق ( سارت ويلست حذال الريم من الصوب الثاني وتمت تمسح ع راسها ) : خلاص حبيبتي .. اهدي انتي الحين اهدي .. وعقب بنعرف كل شي ..! حميد ( لاحظ انه ما راح يلاقي شي من الريم ) : روضه .. ممكن شوي من وقتج ! روضه : آآمر حميد ... خير ..! حميد : خلينا نظهر برع الغرفه احسن ..! روضه : اللي تشوفه .. وبعد ما طلعوا برع الغرفه .. حميد : هممم روضه .. ادري ان الوضع ما يساعد ... بس اذا الريم ما بتقوللنا شي .. ما عندنا غيرج ؟! شو اللي صار بالضبط ...! الروضه ( وهي منزلة راسها .. ولا عارفه شتقوول ) : حميد .. اللي صار هذا كله بسبتك ... او بمعنى ثاني اللي سوته الريم كله عشاانك ...! حميد ( فاج عينه ) : أنا !!!!!!!!!!!!!!!!!!! ؟؟؟؟؟ الروضه : هي انت .. ما ادري شقولك ! بس وصلها مسج الظهر .......................................... ( وتمت روضه تخبره بكل اللي صار من بعد سالفه المسج لين ما ردوا البيت ) حميد ( حرررج .. وتم يصارخ باعلى ما عنده ) : محد غيره النذل ... معلوم اكيد الشيخه عليا مطرشتنه .... والله لاذبحه على ايدي .. هالحقيييير الخايس ! روضه : عليااا ! حميد توه بيصد عشان يسير لراشد والا روضه تطيح مغمى عليها .. ما قدرت تتحمل الصدمه ... ما قدرت تستوعب ان اختها اللي من امها وابووها هي السبب فها كله ..! [ كيف توصل فيها الحقاره لهالدرجه ! كيف هي قاسيه جذي !!! تبغي تظيع بنيه مالها ذنب فزواج ابوها من امنا !! ليش جذي تفكيرها ليش !!! ~ حميد ( فز ) : رووضه !! .. .. كان موعدهم فالكوفي شوب من بعد الخطه ! كان راشد طاير من الوناسه على الجيك اللي استلمه من عليا .. خاصه بعد ما جذب عليها بان الخطه تنفذت مثل ما بغت .... وهي طبعا صدقت لانها شافت حاله الريم يوم طلعت من الشقه بعينها ..! عليا ( بظحكه من الخااطر ) : ههههههههههه هذا حبيبي ولا بلااش ! والحين اقدر ارتااح ... ولا وين الراحه ... انا ما برتاح الا لما تنفصل امي عن هالجلب رشوود ! راشد : حياتي .. افا عليج نحن فالخدمه ! انتي بس زيدي الحلاوه .. ونحن موجودين عليا : قطيعه وانت ما تملي عينك غير الفلووس ( وبعد ظحكه كلها خبث ) هههه بس تستاهل ..... والله انك تستاهل وزوود يا روح ألبي ! راشد : زين مدام اني استاهل باجر تعزميني ع العشا فاحسن مطعم شرايج ؟ عليا ( ما عبرت راشد وجنه في شي شاغل بالها ) : راشد ؟ انا حاسه انهم بيدورون علينا ؟ راشد : وشو بيسوون يعني ! عليا : انت غبي .. مافيك عقل ! راشد : اووووف .. زين زين ... والحل يعني ! عليا : نسافر ؟؟؟ نشررد ! راشد : لا ابوويه .. تبين تشردين اشردي برووحج ! عليا : هي وعقبها انت تنقط فالسجن مثل الحيوان .. خلاص خلك .. وعيش باجي عمرك فالسجن ! راشد : لا حول .. خلاص نسافر عمتي .. نسااافر عليا : شوف ... اليوم فالليل تمر عليه ولا ليش بالليل .. الحين بروح ازهب ملابسي وانت بعد .. وانا بمر عليك ونروح مع بعض لبوظبي .. نحجزلنا هناك فاي فندق .. وعقب نشوف طياره لفرنسا ولا اسبانيا لبعد يومين ! راشد : زين انتي ما فكرتي فيها .. لين هاييج الساعه ما يكونون بلغوا علينا ...! واذا حاولنا نسافر يمكن ايوجونا ... اوف ... المهم الحين خلنا نروح لبوظبي وبعدها يحلها الف حلال ...! .. .. فبيت ابو علي كان ابو علي يالس يلعب كره هو ويا سلطان وسيف .. طبعا سلطان وسيف ففريق وابو علي برووحه ! ابو علي : ما يصير .. غششش .. كيف جذه ! سيف :ههههاااااااي ... يا ابوي .. قلنالك انت مب قدها سلطان : سيفوووه ... قول ثاني دخيلك ههههههههه ابو علي : ما عليه .. تتطنزون على قدراتي عيل هاه .. عاد انتي ظالمين ... انا بروحي وانتو 2 سيف : ابويه : عمري وعمر سلطوون يساوي عمرك ... سلطان : صح مجموع عمري وعمر سيفووه هو 31 تقريبا .. لا عاد ابوويه انته شايب .. اظني الا صكيت الـ 50 هههههههه ... يعني نحن اللي مفروووض انزيد ويانا واحد ابو علي: ما عليه ... خلاص مب لاعب وياكم من الصبح وانتو تتطنزوون .. بس يالله لو مب الدرجات الحلوه اللي يايبينها جان فلقتكم هنييه الحين سلطان ( يساسر سيف ) : لا السالفه فيها فلقه ...! سيف : شرررررررررررده ..! ابو علي ( وهو يظحك مكانه ع خبال سيف وسلطان ) هههههههههههه .. والله انكم ..! على ظحكه ابو علي توجه علي اللي كان توه نازل من سيارته لابووه ...! علي : عساه مديم يا ربي ! ابو علي : يالله ... ع الاقل بدو ينسوون شوي ...! قدرت ادوس ع حزني واجاملهم علي: ابوويه .. كم بنعيش ! الدنيا جذي .. ابو علي : الله كريم يا ولدي ... الله كريم .. المهم قولي شسويت فبيت عمك ؟؟ شفت مرتك ! علي : هي ابوويه .. وقررنا ان نسوي حفلة بسيطه فبيتهم بلا طقطقه ولا شي وبعدها نسافر لشهر العسل ... ابو علي ( بعد ما تنهد ) : خلاص سووا اللي تبونه ... وانا مستعد اساعدك بعد ! علي : تسلم يا ابوي تسلم ..! الحفلة ان شالله بنسويها بعد كم من يوم .. ابو علي : الله يهنيكم ...! .. .. من صوب حميد .. اللي من بعد ما استنجد بالدكاتره وشلو رووضه ... طلع من المستشفى وركب سيارته وعلى طووول توجه لشقه راشد .. تم يدق الباب ويدق ... بس بدون فايده .. محد فتح الباب .... تعب حميد وهو يدق الباب لين اخرتها من القهر ... طلع حرته كلها فالباب اللي كسره ....! دخل الشقه ... فتشهم غرفه غرفه ... لين مر بالغرفه اللي صارت فيها الحادثه ! كان مبين كل شي من الغرفه .. لاحظ الديكور المكسوور .. وتذكرر دفاع روضه عن الريم .... حس بالنار تغلي فداخله تم يظرب باقوى ما عنده بالليداار .. ومن زووود القهر صرخ صرخه تهز العمااره بكبرها .. بعدها طلع من الشقه مقهور لانه ما حصله ! حالف انه يقطعه بمجرده انه يشوفه .. حالف انه ينتقم لخته .. لازم يرد الجميل لاخته اللي ظحت عشاانه ! لازم يموووت على ايده .. لازم ....! تم يدور فالشوارع شارع شراع ... ما خلا ميلس يروح له راشد .. ولا خلى كوفي ولا خلى واحد وما سأل عنه !!! بس للأسف ما حصل اي شي عنه ... ما عرف شيسوي .. ما خلا مكان ما دوور فيه عليه ...! حس بالاستسلام .. تذكر كيف انه الهام ماتت من القهر بسبته ...! اه يالهام ااه ... بسبة مسج !! رحتي وخليتيني ! بسبة مسج اخوج هدم كل اللي بينا وانا ظليت واقف مثل البهيييم ولا خاولت اني اساعدج لين رحتي وخليتيني غريب بهالدنيا ... والحين الريم وبمسج ظحت عشاني ... بس ما راح اخلييها تمووت من القهر ... ما اقدر اشوف التجربه تنعاد علي مرتين ! ما اقدر ... [ على ذكرى الهام حس حميد بالسجين يقطع يووفه ! ما قدر يتحمل ذكراها .... وله عليها ! وله عليها وااايد ... ] ااه .. نظره بس يالهام .. نظرره .. ممكن تحييني من يديد ! بس خلاص .. فاات الفووت ...! [ وعلى صورة الهام اللي انت فبال حميد تخالطت له صورة رووضه . دايما تذكره بالهام ...! نفس الطيبه ! نفس النظره ! لقا فنظره رووضه البراائه اللي كان يشوفها دايم فعيوون الهام ...! تذكر لما روضه طاحت بعد ما عرفت ان عليا هي السبب ] يا رب .... لي روضه استغربت من سمعت اسم عليا ..! ( وككنه تذكر شي ) لحظه ... انا اذكر ان ابويه يوم كان فبيتنا قال ان هم بنتين ... روضه وعليا ! واحيد عليا على ايام الجامعه كانت تطري اختها روضه !!!!!! معقوووووووووولهـ!!! بعد التفكير ... ما حس حميد بعمره لين وقف سيارته وراح بساابع نوومه من التعب ...! .. .. شرقت الشمس وانورت الدنيا...! وفتحت روضه عينها على نور الشمس القوي ..! مستغربه من مكانها ...! وبعد ما تذكرت اللي صار ! وبعد ما تذكرت ان عليا هي السبب .. تمت تصيح من كل خاطرها [ ليش يا عليا ! وين راحت طيبتج ! وين راح عقلج ! ليش تسوين جذي .. وين اودي ويهي من الناس ع اللي سويتيه ! .. الله يهديج يااختي الله يهدييج .. الله يهدييج ....] مسحت روضه دموعها ..... وبعد ما حست ان وجودها فغرفه بروحها ماله داعي ... قامت من مكانها وصلت فرضها ..... وبعدها تمت تقرا قرآآن بصوتها العذب ....! كانت تقرا وهي تصيح متخشعه ! ....... ولا اكتفت روضه لين اختتمت سورة البقرة ... بعدها قامت من مكانها وحطت القرآن وشلت مبايلها وشافت 34 مكالمه لم يرد عليها ...! روضه ( شهقت ) : الحين امي اظني جالبه البيت فوق حدر !!!!! خلني ادقلها .. اطمنها ؟! روضه : الووه ..! // هلا اميه // اووه اسمحيلي امي والله ما كان قصدي // نسيت // لا لا تخافين امي ما استوابي شي .. انا عند الريم لا تحاتين .. // لا بايته عندها ... ها لا لا بس ما حسيت بعمري امس ورقدت عندها وكنت حاطه مبايلي ع السايلنت من جي ما قدرت ارد عليج // خلاص خلاص .. ما بطول // فمان الله .. .. .. توجهت روضه للغرفه اللي حذالها .. غرفة الريم .. بس قبل ما تدخل انتبهت لمحمد اللي كان راقد ع الكرسي اللي مجابل باب الغرفه وجنه قاعد يحرسها ... وبعد ما دخلت لقت ام سعود بعد فساابع نوومهـ ... سارت روضه حذال الريم وتمت تمسح ع راسها .. بعدها قامت من مكانها وتوجهت للدريشه اللي مجابلة الحديقه ...! تمت تتأمل الوروود اللي فيها ! وعلى سرحان روضه دخل حميد الغرفه ولقا الكل راقد ما انتبه لروضه فالبدايه ....! لين يلس عقب لاحظ وجودها ..... حميد ما حس بعمره الا وهو يتأمل فيها ...! كان قاعد يقارنها بالهااام ! حس للحظه ان الي واقفه الهام .... مالقا عمره الا وهو واقف وراها ! ..... من صوب روضه ... حست بنفس من وراها .. عرفت ان في حد واقف وراها .... حست بداق قلبها تززيد ....! خافت ... التفتت بسرررعه !! واستغربت من وجود حميد !! روضه : حميد !!!!!! خوفتني ..! حميد ( وبعده سرحان ) : الهام .......! روضه ( مستغربه ) : حمييد .. شفيك .. انا رووضه ! حميد ( وتوه انتبه ..... انحرج ما عرف شيسوي .. رد ووقف صوب الريم ...! وبعدها حب يغير الجو ) : أ..أأأ.أ.أ الريم ما قامت للحين ! روضه : لا .. انا استأذن برووح البيت ! حميد : أهاا .. اوكيه ... همم عندج حد يوديج ! روضه : لا تحاتي .. فمان الله .. .. فالشركه كان صقر عند ابو سعود .. يخبره باللي صار ...! .. ابو سعود : انت شو تقول يا صقر !!! صقر : يا عمي الاوضاع الصراحه وايد ملخبطه ! ابو سعود : ومنووو اللي مسوي فيها جذي ! صقر : محد يعرف .... غير روووضه ... وما يندرى جان خبرت حميد امس ولا ! ابو سعود : روضه كانت وياها !!!! صقر : هي عمي ابو سعود : من جي عيل امس كانت محد ...! امها طول الليل تحاتيها هي واختها عليا ..؟ صقر : همممم بس عليا ما كانت وياها ... ولا نعرف عنها شي .! ابو سعود : عيل وين بتكون ! .... من متى ونحن ندقلها بس ما ترد ..! واخر مره دقينالها ... غالقه ميايلها ..... لا حول ولا قوه ...! من وين حلت علينا هالمصايب ! ع العموم خلنا نروح المستشفى الحين نشوف اختك ! صقر : لحظه ...! عمي ما ادق حق سعود ! ابو سعود( عصب من طاري سعود ) : انسى ان عندك ولد عم اسمه سعود ... فاهم ! ولا ابغيه يقرب من اخوانه حتى !! صقر: اللي تشووفه .. .. .. بعد ما طلعو صقر و ابو سعود من المكتب تلاقو ا فدربهم مع ابو حمدان اللي كان امس راد من السفر ... ابو حمدان : اووه .. هلا اخوي ... هلا صقر ! ابو سعود : هلا هلا ... بو حمدان .. عن اذنك نحن بنروح .. بعدين بكلمك ابو حمدان : خير يا اخوي ... شو صاير؟ صقر : عمي ... ريم فالمستشفى .. يالله فمان الله ...! ابو حمدان : لحظه انا ياي وياكم ....! .. .. توها فتحت عينها .. قرب منها حميد وبكل رقه همس فاذنها ....! : ريم انا عرفت كل اللي صار .. ما يحتاي تغبين شي ! الريم ( ما عرفت شو تقول حست بالاحراج فنفس الوقت كانت خايفه ) : حميد .. انا خايفه ! حميد : مب بعد اليوم .. انا عرفت منو اللي سوا جي .. واعتبري امره منتهي .... الريم ( علت نبرة صوتها وعلى دمعة خوف رفعت يدها ) عسى الله يجازيييه على كل خطوه اخطاها صوووبي ....! عسااه يموت متعذب ومتألم ....! حميد : آآآآآآآآآآميـــن ...! دخلت ام صقر ويا شوق وجواهر وفاطمه ...! ودخل وراهم محمد اللي كان يالس بررع ...! وبعد لحظات يا ابو سعود وابو حمدان وصقر ...! ابو سعود ( سار صوب الريم وباس راسها ) : سلامات يا بنتي سلامات ...! ابو حمدان : ما تستاهلين يالريم ...! ولو انا ما نعرف اللي صاير ! الرريم ( وهي تتطالع حميد اللي كان يطالعها فنفس الوقت وجنهم فاهمين بعض ) : الله يسلمكم ...! شوق : رياامي فديتج .. عندي لج مفاجأة ولو انه مب وقته ! بس ترا النتايج طلعت ! الريم ( بلا مبالاة ) : زين ..! ام سعود : بشري يا بنتي ... كم النسبة ؟ شوق : 90.2 ..... مبرووك ريمووو .. مبرووك ! الريم : الله يبارك فيج ... بس ما يهمني ... ابو سعود : ريم ... شو هالرمسه ؟ الريم : خلاص ابووي خلاص ...! محمد : ريم مفرووض تستانسييين بهالنسبة !َ الريم : مو مهم ويسووف كم نسبته ؟ شوق : همممم جني سمععته يقول 93.6 صقر : ول ول ... اول ولد فالعايله اييب نسبة فالتسعين ... فاطمه : هي شعبالكم بعد ! اخويه زلللمه ! جواهر : مب نفسنا .. معتمدين عالــ فاطمه ( تقاطع جواهر ) : على عقولنا ... أ.أ. صح صح .. انا وياج فهااي ! حميد : امركم مفضووح ... والله وكنا نقول البنات شطاار .. وعاقلات ... والله وانجلبت الآآية ...! الريم ( صدت لحميد ) : حميد .. انا ابغي اظهر من المستشفى ! حاسه بخنقه هني حميد : بس انتي بعدج ... لازم اتمنين تحت العنايه شوي ! ام سعود : لا حميد .. خلاص رمسهم ... انا باخذها وياي .. وانا بتحمل منها هناك ! ابو سعود : وانا اقول ان الريم مالها غير بيت عمها .. ولا بتسير وياج ...! ابو حمدان ( حس ان مكانه مو هني ) : عن اذنكم .... انا بسير شوي وعقب برد .... ( وطلعو وراه ام صقر ومحمد وجواهر وفاطمه وحتى شوق طلعت ... ام سعود : انت ما تستحي على ويهك ... عاق البنيه على هالمساكين ...! ما قلت عندهم اولاد فالبيت ... شي رياييل ... ابو سعود : وشو يعني ؟ تراهم عيال عمها ! حميد : ابووي ... امي ... خلاص عاد ... انتو شو .. ع االاقل قدروا هاي الفقيره ...! .. وبعدين ابوي امي معاها حق ... لين متى بيتمون الريم وجواهر فبيت عمي !! شي رياييل مثل ما قالت ..! ابو سعود ( ولا عبر حميد ... ورد يطالع ام صقر ) : سمعييني زييين ... الريم مالها رووحه بيت اهلج .. فاهمه !( وظهر من الغرفه معصب ) ام سعود ( تمت تصيح ) : حسسبي الله عليك يا ابوو سعود ... حسبي الله عليك جانك بتحرمني من بنتي ....! الريم فهاللحظه تمت منهارة مكانها ما قدرت تعلق .. ولا قدرت ترمس ...! حست ان مالها مكان ترووح له ...! ابوها رافض انها تروح بيت اهل امها ...! وامها رافضه انها تروح بيت عمها ....! وبيتهم ما فيه حد ....! ام سعود : سمعيني ريمو .. ما عليج من اببووج ... انا باخذج عندي ...! خله يولي ...! الريم ( تمت تطالع امها بنظرة حزن وبراءه ) : لين متى !! ( وبعد ما نزلت راسها ... وبكل هدوووء ) خلاص .. طلعوا برع .. خلوني بروحي ... ما ابا حد اييني ...! .. .. فبوظبي عليا وراشد متوجهين للمطار .. كانو طايرين من الونااسه .. صوت الاغاني ع الاخر .. والظحك والمصخره مغطي كل شي .. عليا : ههههههههههههه ... نحن ياييينج يا فرنسا ...! راشد ( مستطرب ويغني ) : طاير من الفرحه طاير... عاشووو .. يبس يبس فوووووق .. ههههههههههههه .. عليا : خلاص رشوود بنبني لنا فيلا هناك ... اشعلينا احنا هههههههه راشد : هي لازم يوم ان الفلوس عندج لعبه فايديج ههههه .. ( وتم يطالع عليا ويتأملها ) : علياا تتزوجيني .؟ عليا : هههههههههههههههههههه .. واي واي ... حظرتك تنكت ... لا حبيبي .. طبعا لاااء ... راشد ( وبعده يطالعها ) : الحين هالجمال وهالزين .. حربام يرووح لغيري ... وبعدين فلووسج تراا محد بيحافظ عليها غيري ( وتم يغمزلها بخبث ) .. افا عليج عليا : راشد ... مو وقته .. الحين انتبه لسواقتك ! هني رااشد ما صد الا والشاحنه طايفه جدامهم فالتقاطع ... وتدخل السيارة فالشاحنه عليا : لاااااااااااااااااااااااااااااااااااااااااااا .........! كـــــــــــــــــــــــــــــــــــــــــــــــــ ـــــت |
يسلمووووو... ونتريـــــــــــا البارت الياي .. هب تبطين علينااا... |
مرحبا الغاليه وينج طولتي علينا |
رووووووووووووووووووعة نتريااااااااااااااااااااج |
وين البااااااااااااااااااااااااااااااااااااااااااااااا ااااااااااااااااارت؟ |
يسلمووو و نحن في الانتظار ^^ |
ووووووووووووووووووووووووووووووووووووووووويــــــــ ـــــــــــــــــــــــــنـ البــــــــــــاااارتـ... |
نتريـــــــــــــــــــــــــــــــــاجـ.. |
وييييييييييييييييييييييييييييييييييييييييييييييييي يييييييييييييييييييييييينه ؟؟ |
تسلموووووووووووووووووووووونـ عـ مــــــــــــــــــــــــرور الــــــــــــــــفنتوووكيـ... |
{.... البـْــــًــِــــْـــُـــِارتٌ 25 في ناحية من نواحي دبي .... وين ما كانت عوشه فالفيلا على اعصابها ....! تصيح على بنتها اللي مالها حس من يوميـــن عوشه ( وهي تصيح وتظرب ويهها بكفها ) : آآآه عليج يا بنيتي ....! يا حسرتي عليج ! وين رحتي يا عليا !!! وينج يا بنتي !! وينج ! روضه : يا اميه الحين هدي ... انتي هدي بس .. هاي مو أول مره تسويها ! ظاري تبات عند ربعها ابو سعود : هي ماشاءالله اختج اشوفها وايد ماخذه الدنيا بسخافه !!! ولا تغلق مبايلها بعد ! عوشه : انا حاسه ان شي صايرلها .... وااي عليييج يا عليا ... قلبي ناغزني عليها يا راشد .. الله يخليك خلينا نبلغ الشرطه !! روضه : هي ابويه .. انا بعد اشوف جي ابو سعود ( نزل راسه وهي يستغفر ) : خلاص ما عليه .. نحن نتريا لين المغرب اذا ماشي خبر ...... نبلغ ! روضه : وأنا شو يصبرني لين المغرب .. حرام عليك يا ابو سعود ... أنا ما برتاح لين ما احصل بنتي .. انتي فاهمني !!! هذي بنتي .. لو شو تسوي ...! بتم بنتي ... آآآه يا عمري ... ما يندرى انتي وينج الحين ! الله يستر بس ... الله يستر .. ابو سعود ( بعد ما تقرب من عوشه .. وويودها من جتفها ) : خلاص يا عوشه ... انتي اذكري الله الحين .. وارتاحي شوي ... وانا بسوي اللي علي ...! عوشه ( بنظره ترجي ) : انا اترجاك يا راشد انك تردلي بنتي ... لا تاخذ بخاطرك منها .. شو ما كانت تقولك .. ترا عقلها صغير .. الله يخليك يا راشد .. الله يخليك ... تردلي بنتي .... ابوووس ريلك ( وهني ردت لنوبة صياحها ) ابو سعود : قومي يا الغاليه ... قومي .. وصليلج ركعتين .. واذكري الله ... وانا الحين بسير وببلغ .. وبجلب عليها الدنيا ...! بعد ما قام ابو سعود من مكانه .. توه بيظهر من البيت .. رن التلفون ... الكل وقف مكانه ... كل حد يتريا من الثاني انه يرد ........ بس عوشه ما قدرت عوشه ( اللي تمت تصرخ فمكانها ) : حد يررررد .. ابو سعود ( على طول توجه للتلفون ورفع السماعه ولا كان وده ) : الووه // هي نعم هذا بيتها // خير يا اخوي ! // اشووووه !! // خلاص خلاص .. اي مستشفى ! // خلاص ما عليه ... فمان الله عوشه : اشفيها عليا ؟؟؟ قول .. لا تخبي علي .. .. فالمستشفى وبعد ما رخصوا الريم ..... ظهرت ويا حميد اخوها وامها ... وفالسيارة ..! ام سعود : حميد .. ودنا بيت يدك ابراهيم ! انا الريم بتم عندي الريم : لا ... أنا بسير بيــــــــتنا ...! حميد : دوختوني ... الحين قولولي وين تبووون ! ام سعود : حبيبتي ...! خلج عندي ع الاقل بس هاليومين اتطمن عليج . الريم : اميه ... اذا تبين تتطمنين عليه تعالي بيتنا ... انا ما بنزل الا بيتنا ! حتى لو اضطر اني اعيش فيه بروووحي حميد : خلاص يعني ... بيتنا ! ام سعود ( ما قدرت تعارض الريم ) : خلاص يا ولدي اللي تشوفه اختك .. وهني رد مبايل حميد ... حميد : اسكتوا ... ولا حس .. ربيعي متصل .. ام سعود : ان ساءالله حميد :ألوووه .. مرحبااااا علي : المرحب باجي .. انت وينك ! لا تدق ولا تسأل ولا جن عندك ربع ! حميد : والله شنسوي ! مشغووول ويا الاهل .. علي : ايوا ... ومن جي عيل ما سرت ويا الربع البر حميد : اوووووووه تعال انا نسيتهم هههه علي : يقلك فولو عليك ولا الربع كانو ناوييــن يظهرون بسيارتك هههههه حميد : ههههههه يالله ما عليه الييات أكثر علي : المهم بغيت أخبرك حميد : آآآمر علي : أحم .. اليوم عرس ربيعك ... حميد : اليوم ! علي : هي اليوم .... وطبعا أنت اول الحاضرين حميد : أ..أأ.أ .. اسمحلي يالخوي .. بس والله ما اقدر علي : لا تقول يا ريال .. وبعدين كلها حفلة بسيطه فالخيمه ...! مب شي شي يعني حميد : هممم خلاص ما عليه بحاول أمركم ! علي : أكيد ! حميد : ان شاء الله علي : خلاص عيل .. بخليك انا الحين .. خلنا ع اتصال ها حميد : لا توصي .. علي : فمان الله حميد : مع السلامه سكر حميد عن علي فنفس اللحظه اللي وصل فيها للبيت .. حميد : يالله نزلو .. ام سعود : خلاص انا بتم هني لين ما تيي الريم .... بدورها ما عبرت حد .. ع طول نزلت من السيارة وشلت شنطتها الصغيره ودخلت للبيت ...! وع طول توجهت لغرفتها اللي فيها تمت منهاره وهي تصيح ......! صارلها فترة ما حست بالدفى اللي حست فيه وهي فغفرتها ... حست بالأمان والراحة وأخيرا بقدر آخذ راحتي واتحرك كيف ما أبغي وآكل مثل ما احب .. وآخيرا ... بس الفرحه ما بتكمل الا .......... تيت تيت .. تيت تيت الريم ( وقبل لا تفتح المسج ) : منو مطرشلي مسج الحين ! .. .. ريآآمي حبيبي .. ليش رحتي بيتكم ! لا يكون بس مب عايبتنج اليلسه ويانا ع العموم حياتي انتي وراحتج .. وما أبيج تفكرين بالموضوع اللي صارلج أبد ...! ولا دموع ولا ندم ولا غيره وحياتج يا حياتي ... اني ما اتحمل اشوفج وانتي زعلانه اظحكي .. واستانسي ولا يهمج شي احبـــــــج يا قلــــــــــبي المرسل : محمد .. .. من صوب محمد .. اللي فسيارته كان يتريا رد من الريم و أول ما وصله مسج ع طوووول فتحه .. .. لا تواسيني بتصغير الألم دامه بعيني واحساسي كبيــــر قل لي اني اكثر انسان انظلم وانك بتبقى بصفي للأخير لا تعاتبني على دمع وندم لا تطلعنـي بهاللحظه صغــــير افهم احساسي ترى محد فهـم اني اكبر من شقى عمري كثير خلني أشكي وأعبر عن ألم لا تقول اظحك انا توي كسيـــر ابتسامه مالها عندي طعم وش يفيد الكحل بعيون الضرير ......! المرسل : الغـــــــــــــي r .. .. استغرب محمد من رد الريم .. وحز بخاطره على حالتها !! حب يبدل السالفه ..... وعلى طول رد عليها .. .. . . يآ حيلـة الله . . وش أسوي بـ الأقـدآر مآلـي على رد الأقـدآر قوّه مڪتوب أصير في دآر و الزين في دآر و قلبـي تلوّع و أحمر الدمع ضوّه يآ مـا صبرت و رآعي الحب صبّـآر يخفـي . . عذآبـﮧ ڪآن عنـده مــروة .. .. فتخت الريم المسج ... وبـظحكة استهزاء ...: هه مدامك مو قدها ليش تحاول تواسيني من البدايه .....! عقت الريم مبايلها ع السرير بدون ما ترد عليه .....! وع طول تزلت للصاله وين مالقت امها يالسه ترتب ويا الشغالات ... ام سعود : هلا حبيبتي ... فديتج .. يوعانه ! الريم : همممم يعني .. ام سعود : خلاص دقايق والغدا جاهز دق الجرررس .. ام سعود ( وهي تعابل ) : ريمو قولي للشغاله تفج الباب الريم : لا لا انا بفتح الباب ظهرت الريم عند الباب .... لقت دبدوب كبير عند الباب وبوكيه ورد .. ووسط الورد كان في علبه خاتم صغيره .....! التفت تشوف من اللي يابها .. ولا رفعت عينها الا والسيارة طاااارت ...! دخلت الريم للصاله .. ومالقت امها .. تمت تطالع الهاديا .. لقت كرت صغير في حضن الدبدوووب .. وأول ما فتحته .. .. لك أنا خطوه وأوصل للجنون بك ترى العاقل على عقله يلام بك أنا بفخر على العالم وأكون أسعد اللي حب واجملهم كلام مبروك النجاح حبيبي ..ْ بيظتي ويوهنـــــأ بالنسبة الحلــــوه اسير الريـــم .. .. الريم ( فخاطرها ) : أأأخ يا ربي ... شكثر يحبني هالانساان ! فديتك يا محمد .. بس انا ما استاهل ها كله منك ... على قد ما اسويله طااف .. ابد ما ينساني ولا لحظه ! عمري ما شفت انسان بهالطييه .... ااخ .. اسمحلي يا محمد ع قصووري .. اسمحــلي .. .. فالمستشفى .. عوشه من دخلت وهي تصيح وحالتها حاله .. ابو سعود : استهدي يا عوشه .... اذكري الله !! مب زين اللي قاعده تسوينه فعمرج روضه ( ودموعها ع الخد سياله ) : اميه .. الله يخليج اميه هدي .. وان شالله ما بيصير الا الخيــــر عوشه : قلتلكم انا قلتلكم ... احساس الام عمره ما يخيب .. قلبي كان ناغزني عليها كنت حاسه ان شي صايرلها .. ابو سعود : انزين انتي الحين هدي شوي .. خلينا نكلم الدكتور بالاول .. عوشه : ابغي اشوف بنتي يا ابو سعود .. ابغي اشوف بنتي .! ابو سعود : ان شاءالله بتشووفينها .. الحين انا بسير ارمس الدكتور .. راح ابو سعود عند الدكتور ... وكله أمل بأن رد الدكتور بيفرح الكـــــل دق دق دق الدكتور : تفضل .. ابو سعود : السلام عليك دكتور الدكتور : أهلا .. وعليكو السلام .. اتفضل ابو سعود : دكتور .. اأأ.أ.أ.أ بصراحه ياي أسلك بخصوص مريضه عندكم أسمها عليا مبارك ***** الدكتور : أ..أأأ. ايوا .. أيوا اللي عملت حادث ابو سعود : يا دكتور شو اللي صاير بالضبط ! سيارتها فالبيت !!! الدكتور : ايوا وفي السيارة كانو شخصين .. واحد توفى .. وهي بنتكم نجت بأصعوبه .. بس إزا عاوز الحقيقه .. الأمل ضئيل بأنها تعيش ابو سعود : بس لحظه دكتور ... كيف مع واحد !!!!!! الدكتور : ده اللي أنا بعرفهـ .. ابو سعود : زين .. دكتور كم بالميه انها تعيش ! الدكتور : 15% ابو سعود ( مصدوم ) : اشوووووووووه ! ليش ! الدكتور : مافيش حاقه اسمها ليش بأه دي إراده ربنا .. انتو ادعولها وربنا كريم .. ابو سعود ( منزل راسه .. حاس بعمره مخذوول ) : والنعم بالله .. وهي شو حالتها الحـــين ! الدكتور : هيه دلوأتي تحت العناية المركزه .. في غيبوبه .. وعلى فكره .. هيا ضربهه الحادث .. جاتها في راسها .. يعني 95% تكون فاقده للذاكره ..! ابو سعود : دكتور انت شو قاعد تقول !! الامل ضئيل انها تعيش .. وفاقده للذاكره .. ومع واحد .. دكتور انت متأكد من اللي تقوله .. دخيلك اتأكد من الاسم .. يمكن مغلط ولا شي ................!!!!!!!!!! .. .. فبيت أبو علي .. الدنيا ربشة عند الشباب فالخيمه .. وخاصة بعد العشا .. الشباب كلهم ظهرا صوب الحديقه .. وهناك تمو يرزفون ع أغنية قلبي تشوف .. وآه يا من ون حتى حميد ما حرم عمره من هالوناسه .... كان وياهم مربوووش .. وهناك اتلاقى ويا ربعه اللي خون فيهم ...! مايد : عيل ما عليه ياللوتي .. مخلنا نترياك وحالتنا حاله حميد : ههههههههه اعجبكم .. حمد : اسميها النذاله تسري بدمك انت .. بس جان ما ردينالك اياها ههههههه وتوه علي ياي صوبهم ومرتبش ع الآخر حميد : هي شعليك يالمعرس ...! علي : عقبالك يا حميد حميد : لا لا شلووونـــي من بالكم .. ماشي شعله ابلي عمري بخرابيط العرس مايد : جان ع المهر .. بدعه عنك شو تبا اكر من جي حمد : وانا بتولى شهر العسل علي : والله لو أدري جان ييتكم أنا من زمان ههههههههههه حمد : خلاص راحت عليك هههههه .. .. فبي أم شوق .. كانو صقر وشوق يالسين يتعشون هناك ..! صقر : تسلم ايدج عمووووه .. ماشاءالله عليج . شوق : فديتج اميه .. شو ولهت ع طباخج ام شوق : عليكم بالعافيه صقر : عموووه .. عشان ما انسى .. بصراحه انا وشوق قلبي طالبنج ام شوق : خير .. محتاجين شي ! ناقصنكم شي ! شوق ( وهي تتطالع صقر ) : أ..أأأ لا ماشي اميه .. الحمدلله الغاليه مب ناقصتنا الا انتي ! ام شوق : هذا انا كل ما تحتاجوني .. تعالولي صقر : مب هذا قصدنا عموه .. ام شوق : كيف يعني ! صقر : فديتج عمووه .. انتي الحين يالسه هني فالبيت بروووحج .. انتي وهالخدم .. يعني نحن فكرنا انج اتين وتعيشين ويانا .. ام شوق : شوووه !! .. لا لا لا لا شلو هالفكره من بالكم شوق : افا يا امـــيه .. نحن نبي مصلحتج .. لين متى بتمين يالسه بروحج ! وبعدين لو ييتي عندنا ع الاقل عندج عمووه .. وفنفس الوقت تيلسين ويانا .. صقر : وتجابلين بنتج .. وتربين اللي فبطنها ع ايدج .. عمووه لا ترفظينا دخيلج ...! ام شوق ( تتنهد ) : لا حول .. خلاص .. خلاص اللي تشوفونه ...! بس البيت يتم .. مب عقب تقولون لي نبيعه ولا ما ادري شوه شوق : اميه شو هالرمسه ! عبالج يعني طمعانين فالبيت نحن .. لا والله حشا علينا ! ام شوق : لا تفهمين غلط يا بنتي ...! بس ترا بعد مالي غير هالبيت أنا .. وانتي ادرى بالحال .. .. فشقته كان قاعد يجلب فالقنوات ... مالقا شي يجوفه .. حس بملل فظـــــــيع .. دق ع خطيبته نورة ..... ما ترد ....! أووووف ... أنا شسوي بين هالأربع أطوف الحين ! سار ع طول غرفته .. شل السويج والبوك .. وطلع من الشقه .. تم يحوط فشوارع دبي .. بعد ما دخل سيدي بدون ما يعرف مال شوه حتى ....! وبدأ السيدي بأغنية آه من قلب .. .. آه من قلب غدا حبه جنوني وآه من خلن على بالي طرااااااا لي سطا فالروح وتملك وشجوونـــي ومن صدوده يا ملا دمعـــي جرا فالمحبة يا عرب لا تعذلوني لان حبه في فوادي قد سرااااا ما قدر يكمل ... اتنرفز من الأغنيه .. هالأغنية تذكره بحبه الجديم ..... أأخ كانت تعشق هالاأغنيه ............. ع طول طلع السيدي .. وفتح الدريشه وعقه بكل قوه .. وهني رن تلفونه وكان المتصل .... نورة ألووووووه ... نورة : هلا حبيبي انتي وينج ؟ ليش ادقلج وما تردين ! والله اني ميت من الملل نورة : شفيك مروان ! حد مضايق بك ! مروان : لا فديتج لا تحاتين ... المهم قوليلي اخبارج انتي ؟ نورة : والله ماشي يديد .. تولهنا مروان : ههه وانا اكثر .. يالله عاد متى الملجه .. باجي وايد ! نورة : يالظالم ....! اي وايد .. اسبوع وتقولي وايد مروان : ههههههههه شسوي حياتي ! نورة : مروان مروان : يا لبيــــــه نورة : لباك قلبي مروان : لبيتي حايه نورة : أأأ .. حبيبي انتي لازم تخبر اختك بالملجه .. ع الاقل اعزمها مروان : نورة نحن تكلمنا فهالموضوع وايد .. اهي باعتني برخيص بدون ما تعرف حتى شي ! فضلت ريلها علي نورة : حبيبي مهما كان هذي اختك .. دخيلك مروان .. على شاني .. حاول كلمها .. مروان : ان شاءالله بحاول نورة : لك بتأبرني يا ألبي إنته شو بحبك ! مروان : هاه هاه .. خفي علينـــــا .. اشوفج متأثره بهالنور مالج وايد نورة: ربك بعد ههههه .. المهم انا بخليك الحين .. تامرني بحايه .. مروان : كلمة حلوه ههههههه نورة ( قفطت ) : عن المصاخه مروانوووه مروان : ما يخصني مب مسكر نورة : لا والله .. ( ووتسوي عمرها بتزقر ابوها ) يبـــــــــه .. ابووووويه .. مروان : لا لا دخيلج كله ولا العم عبدالله .. خلاص .. بااي نورة : هههههه .. فداعة الرحمن .. .. كانت الريم يالسه فالصاله ترمس روضه وتخفف عنها خاصه بعد ما عرفت بكل اللي صار ! وهني دخل حميد البيت على الريم ... حميد : السلام عليكم الريم ( ترمس روضه ) : فديتج روضه .. أنا عقب بدخلج // اوكيه // مع السلامه .. ( وهني ترد لحميد ) وعليكم السلام والرحمه حميد : شحالج حلوتنا ! الريم : انشد عن احوالك ! حميد : والله ما دامني شفت القمر بخير وعافيه ! الريم : والله حميد : ههههههه ... من كنتي ترمسين ! الريم : يا ظرافتك .. تسمعني اقول روضه .. حميد : ههه هي ... بغيت اتأكد بس ... ( وبظحكه استهزاء ) لقو الشيخه عليا ! الريم : هممم فالمشتشفى فبوظبي ! يقولك مسوية حادث .. ووياها واحد .. اللي يسوق طبعا .. مااات وهي فغيبوبه ... يحليلهم والله .. غامظيني الصراحه .. الله يعينها روضه .. والله يصبر امها حميد (فخاطره ) : يحليلج يا روضه .. ما تدرين انهم هم السبب فكل اللي صارلج .. بس يالله الله ما يضرب بعضا وراسد ومات .. وعليا بتذووق نفس العذاب اللي ذقتيه .. حميد : أ.أ انزين وين امج ! الريم : تعبت وهي تترياك .. اخر شي رقدت حميد : اها زين .. انا بعد ما فيني حيل اوديها .. بسير ارقد الريم : اوكيه .. قود نايت .. .. فبيت أبو صقر .. فغرفة فاطمه .. كانت فاطمه يالسه هي وجواهر .. يسولفون جواهر : اقول فطوم فاطمه : هاه ! جواهر : همم تعالي بجحلج .. ولا اقول برسملج عيونج .. تعلمت من ريمو فاطمه : لا والله ,, تتطنزين يعني جواهر : يالله فطوم .. دخيلج .. اذا ما عيبج مسحي ع طول .. يالله بس شوفي فاطمه : انتي ظاربنج حمار الليل شوه ! ونص الفجر يايه تقوليلي برسملج عينج جواهر : هههههههه .. والله انج تحفه .. يالله بنت عمي .. جربي لو مره فحياتج فاطمه : جوجو خوزي عني .. فيني رقاااااااااااااااااااااااااد جواهر : ما بترقدين لين ما تسوين اللي اقولج اياه فاطمه : يا ربي .. ابتليت ببنت عم !! سوي اللي تبينه .. فكيني من حشرتج .. جواهر ( وع طول سارت صوب شنطتها الصغيره وطلعت كل الادوات اللي بتحتاجها ) : يالله يلسي وتمت جواهر ترسم عيون فاطمه ... جواهر .. معروف عنها من صغرها وهي تعشق المكياج وهالخرابيط لدرجه انها كبرت فنانه فهالسوالف .. دايما كل ما تشوف حد يسوي شي تسير وتقلده لين تعلمت ... تمت جواهر نص ساعه تقريبا وهي تعدل ففاطمه ... لين خلصت .. جواهر : ترارارارار .. مع جواهر احلى .. خلصت فاطمه ( قامت تنقز من مكانها ) : بشوف .. بشوووف ! جواهر ( يرت فاطمه ورجتها لمكانها ) : ماشي .. مو بهاللبس .. بدلي بدلي .. طلعت جواهر .. فستانها القصير اللي لبسته فعيد ميلادها ... ولبسته لفاطمه ...! طبعا بعد حنه ورنه .. وحفله وعرررررس وافقت فاطمه ! ووكانت الصدمه يوم شافت فاطمه عمرها فالمنظره ............! .. .. مر اليوم وغاب القمر يتلاه شمس .... و على نوره فتح عينه سعود .. لقى حرمته بعدها راقده مكانها .. ما حب يزعجها ... قام من مكانه .. واتسبح وبدل .. وع طول ظهـر للصاله .. بس انصدم يوم شاف ان الصاله مو نفسها .. سعود (فاج عينه ) : معقوله ها بيتنـا .....!!!!!!!!!!!!!!!!!!!!!!!!1 .. .. كـــــــــــــــــــــــــــــــــــــــــــــــــ ت |
تسلمين الغاليه وبانتظار البارت الياي |
يسلمووووو و جاري الانتظااار و انشاء الله البارت الياي يكووون اطووووووووووووووووول ^^ تحياتي لج ^^ |
تسلمين فديتج على البارت بليز لا تطولين علينا |
وييييييييييييييين البااارت يا دم الغزاااال بطيتي علينااا وااايد |
الغاليه طولتي واااايد |
وين البارت |
سلااااام . تسلموونـ عـ مــــــــــــــرورو .. بس تره القصه مب امكمله .. يعني .. انا شرااتكمـ اتريه الكاااتبه .. وسمووحهـ... {.... البـْــــًــِــــْـــُـــِارتٌ 26 .. .. على طاولة الطعام ... وفوقت الفطور .. كانت يالسة ام صقر .. وولدها صقر ومرته شوق ومحمد ويوسف ويعقوب .. ام صقر : شوق يمه رمستي امج عن الموضوع ؟ شوق : هي عمتي ... رمسناها انا وصقر وبعد حنه طاعت ام صقر : زين زين مسيجينه احسن لها من اليلسه بروحها هناك يعقوب ( والاكل تارس حلجه ) : عموه بتعيش ويانا ؟؟؟؟؟ صقر : صقر .. هيه كل وانته ساكت يوسف : اميه .. وين جوهروه وفطيم !! مالهم حس ! ام صقر : ما ادري فيهم يا ابوووك !! اليوم بغيت ادخل عليهم الغرفه ما خلووني .. ما ادري شو وراهم هالسوساات ! محمد : سوووسات .. سوووسات .. صدقتي والله ... همم اقول يسوووف ؟ يوسف : امر محمد : فاظي اليوم ! يوسف : لا والله اليوم بطالي .. بس يمكن امر ريمووو محمد ( فز قلبه .. اخ يالريم .. ما ادري شو اللي جلبج عليه ! ) يوسف : ابووووه .. وين طرررت ؟ محمدوووه .. محمد ( وتوه استوعب ) : أ..أ. هلا ..أ. لا لا وياك ! المهم بسرعه تريق باخذك ويايه ام صقر : خله يتريق براحته .. من امس مب ماكل شي ! صقر : يوسف وما ياكل !!! ما يركب هههههه وفجأة عم السكووووت والكل انصدم ع دخلة جواهر وفاطمه !!!! واكثرهم ام صقر اللي من الصدمه دمعت عينها .............! فاطمه : صباااح الخير .. جواهر : مرحبااااااااا الكل تم ساكت من الصدمه .. حبت شوق انها تغير الجو : اوه .. هلا والله .. شهالحلااااة !! قربوا ! ام صقر ( وهي تتأمل فاطمه ) : يا حلووووج يا بنتي ! شوفي شزينج وانتي متجحله .. ومتعدله فاطمه اللي كانت منحرجه تمت سااااكته ولا عرفت شو تقول جواهر : احم احم ... مع جواهر للتعديل مافيش مستحيل .. صقر : ههههههههههه ,,, يظحك ولا تبينا نظحك ؟؟؟ ها فطيم .. من وين طالعه الشمس فاطمه : لو سمحتوا ! فطامي ....! محمد ( بطل حلجه ع الاآآآآآآآآخر .. ) : فطامي !!!! ام صقر ( وعينها تدمع بحراره ) : تعالي يا بنتي تعالي خلني اشوفج من قريب .. تعالي خليني اجحل عيني فشوووفه هالحلاة .. يعلني ما خلا منج فاطمه ( صارت طماطه ) : خلاص عاد ...! لا تخلووني اسير وابدل واشل هالخربطانه من ويهي يوسف : بل ما مدانا .. توج فطامي ... والمستحيه هههههههههههه يعقوب : فطووووم .. صرتي بنيه هههااااااااي شوق( تهمس فاذن صقر ) : حبيبي انا اليوم عندي مراجعه .. لازم اتي ويايه .. صقر : خلاص ما عليه .. الحين عقب الريوم تبدلين ونروح .. .. .. فبيت ابو سعود .. بعد الريوق تم حميد يطالع الاخبار ويا الريم .. او بالاحرى كان سرحان بروضه اللي كانت ماخذه عقله .. كان دايم كل ما يفكر فيها .. يقارنها بالهام !! .... تذكر سالفه عليا .. محتار يخبر الريم ولا يسكر الموضووع ... [ لا كيف ما اخبرخا ! هي من حقها تعرف ان عليا اللي كانت تحاور تضرها !! ولا لا .. ليش عوار الراس ! خلاص عليا وراشد خذو يزاهم .. اوووف .. الحين شو اسوي انا ... لا لا انا بخبرها وامري لله .. ] حميد : أأأ.أ اقول ريمو الريم : قول حميد : أأ.أ تعرفين عليا اخت الريم ! الريم : لا للأسف ما صارلي الشرف للحين حميد : أها .. وما خبرتج روضه عن اللي كان وياها فالحادث ؟ الريم : لا والله .. ما ادري .. مسكين متوفي الريال .. نطريه وهو فمقبرته ليش ! حميد ( شاف الطيبه تلمع بعين الريم .. توه بيقوللها .. بس بسرررعه تردد .. ما قدر حس ان لسانه انربط ) الريم : ليش شو فيه ! حميد : أأ.. لا ماشي بس اسألج ! .. .. رن الجرررس .. قام حميد شااارد من الصاله .. سار يفتح البااب .. بس تغيرت ملامح ويهه لما شاف سعود .. صح انه استانس بس استغرب من ييته للبيت !!!!! سعود : حميد ! .. الحق يا اخوووي حميد : خير ؟ شصاير ؟ سعود : البيت بكبره انسرق .. اليوم ما قمت .. الا والبيت جنه يديد .. حميد انا خليت ميره ومحمد راقدين وييت هني .. مب عارف شسوي حميد : شتسوي بعد !! بلغ الشرطه ! وبعدين انت مطول هني عند الباب .. ادخل ادخل .. البيت بيتك . .خلنا نتفاهم داخل سعود : لا لا .. انا من الصبح ادقلك وما ترد .. قالولي انت هني .. يالله بسرعه طوف ويايه المركز .. حميد : لا حووول .. انزين اتريا ببدل وبيي ...! سعود : شو تبدل بعد ! خلك بلبسك .. ما فيها شي ! حميد : تخبلت اسير المركز جي .. ثواني بلبس الكندورة وبيي سعود : بسررعه .. بتريااك فالسيارة .. .. كانت عند باب غرفة اختها .. صوب العناية المركزه .. تتلو .. بصوتها .. تقرا سورة وراها سورة .. والدمع ما وقف أبد .. كانت تقراا بخشوووع .. ويين كل أية وآيه تذكر حالتها اختها وتدخل فنوووبة واتم تدعيلها .. اما عوشه .. فاللي يشوفها يشك انها تسمع او تشوووف .. او حتى تفهم !!! متصنمه مكانها .. من عرفت بحالة بنتها .. وهي ما تكلم حد .. ابو سعود : عووشه .. فديتج .. قومي قومي خلينا نرد دبي .. من امس واحنا هني !! روضه ( سكرت المصحف اللي بيدها ) : صدق الله العظيم .. ( وبعد ما باست المصحف ومسحت دموعها ) : ابوويه خلنا هني .. الله يخليج .. ابغي اتم عند اختي ! ابو سعود : عندي اشغال مهمه .. ( وبعد ما وجه كلامه لعوشه ) : عوووشه .. نحن لازم نرد دبي عوشه بدورها تمت تدمع بدون ما تحرك حتى عينها .. كانت مثل الصنم . لا تقول هيه ولا تقول لا روضه : دخيلك يبه .. انزين انت سير وخلنا هني !! انا ما برتاح وانا بعيده عنها .. هي ممكن تقوم فاي لحظه ولازم تلقانا حذالها ..! ابو سعود : خلاص انا بسير وبخليهم يحولونها لاحسن مستشفى فدبي ! ومن هناك تقدرون تزورونه اي وقت ! روضه : اللي تشوفه يا ابوووي ! .. .. فتحت عينها .... واول شي سوته .. شافت الساعه .. انصدمت !! [ الساعه 1 ... انا شو مرقدني للحين .. قامت من ماكنها .. سارت صوب سرير ولدها محمد .. شافته قايم .. ويالس يلعب بالدباديب اللي حوليه ..! : يا روووحي انته ! ( وبعد ما شالته ) : وليش ما وعيتني وياك !! ها .. ادريبك تبغي راحتي .. ( باسته .. وردت حطت فسريره ) انا سايره اغسل ويهي وابدل ورادة لك ! دخلت ميره الحمام .. واتسبحت ع السريع وبدلت .. وطلعت لولدها وبدلتله بعد .. وبعدها .. طلعت للصاله تدور شي ياكلووونه !! بس انصدمت لما شافت الصاله فاظيه مافيها شي ابد !!! تبدل لون ويها .. اخضرت ... احمررررت ... ازرررقت .. اول شي فكرت فيه سعود ! على طول دقت له .. .. .. سعووود (توه طالع من مركز الشرطه شافن مبايله يرررن ) : اووه .. حميده هذي ميره ! اكيد قامت ! حميد :ههههههه .. يالله راوينا شطارتك ! سعود : صج انك متفيج ! ( وبعد ما رد ) : الووه .. ميره : سعوووود !! الحق ؟؟ البيت منسرق . سعود : ادري يا قلبي ادري .. ميره : وعايبنك يعني !! سعووود .. اذا البيت ما رد نفس ما كان .. انا ترا بسير بيت اهلي ... بخلي اي حد يمر عليه وبسير بوظبي انا وولدي !! سعود : بل بل بل .. شوي شوي ... خلاص انزين بندور اي صررفه .. البيزات اللي ميمعنهم للحين فالحفظ والصون .. ميره : اي حفظ واي صون وانت مخلنهم مع هذا رفيجك اللي ما ادري شتسميه ! اسمعني يا سعووود .. انا زين مني عشت فبيت صغير مثل هذا .. بس ماتوقعت ابد ان ..... سعود ( يقاطعها ) : خلاص يا ميره .. مو وقته .. انا توني طالع من المركز .. ويصير خير ان شاءالله .. ميرة : اي خير .. من وين ايينا الخير ؟ من وين ؟؟ ( وهني تم يصيح محمد ) اوووف منك انته الثاني .. سعود : حبيبي .. انا بخليج الحين .. خلاص انا بتصررف .. ميره : باي طوووط طوووط طوووووط حميد : بلللل .. ويقولووولي عررس .. اشهد ان العرس نكااااد ! سعود : هي والله .. ولا جان تميت انا عزوووبي الحين ! يا سلام .. حميد : ههههههه احلام فقارى .. راحت عليك خلاص ههههههههههههههه سعود : اطنز ويا ويهك .. مو منسررق .. عايش فالفيلا .. ماكل شارب .. ببلاش .. مب انا ! امحق حميد : طلعتو برغبتكم .. لا تنسى هالشي سعود ( يتنهد ) : خلها على الله .. .. .. فالوكاله .. وبعد ما وقع ع الاوراق وسلم المبلغ كااش .. : مبروووك عليك يا اخوي السيارة .. هاي هدية نجاحك .. مثل ما وعدتك .. يوسف ( حضن اخوه ) : تسلم والله .. تسلم .... ما تقصر يا محمد ...... بس من وين لك هالبيزات ! محمد : لا تحاتي .. اخوك ايمع .. وعمي راشد مو مقصر ويانا بعد .. بس هالله هالله يالسياارة .. انفنتي مثل ما طلبت يوسف : افا عليـــك .. المهم يالله خلنا نمر بيت عمي راشد .. بسير اشوف ريمو ..! محمد : غااايته .. .. .. ام سعود : وما تدرين وين سار ؟ الريم : لا والله .. شفته دخل .. وبدل وظهر .. ما خبرني حتى منو اللي دق الجرس .. بس اكيد واحد من ربعه . . ام سعود : هيه .. انزين يا بنتي .. وشو سويتي فاوراقج مال الجامعه .. الريم : طرشت اوراقي واوراق روضووه .. ويا عمي حمدان .. عشان يطرشلي اياهم بالبريد للجامعه ام سعود : واي تخصص ناويين تدرسون ! الريم : هندسه بلا شك بعد لحظات من السوالف .. يو محمد ويوووسف .. وزادت السوالف .. والربشه غاطه ع المكان .. الريم : هي يسووووف .. يااي تخق بالانفنتي يا راعي الانفنتي ها ههههه يوسف ( وهو رافع خشه .. يتصنع الكبريا ) هيه .. كح .. احم احم .. تدرين بعد ! الريم : مالت .. بدينا نتكبر ها ام سعود : هههههه .. تستاهل والله يا يوسف .. عاد ما نوصيك بظهره بسيارتكم يوسف : من اولها .. لا لا .. خاشنها فالكراج هاي ! بسوي جدول خاص حق السيارة .. بخصص يوم من كل اسبوع اظهر بالسيارة .. وباجي الايام اظهر بسيارة محمد ( وتم هني يطالع محمد بنص عين ) هههههههههههه محمد : لا لا احلف انته بس .. دخيلك .. عشان اصدق يوسف : وقسم انا بس .. عيل تباني اخسر بترول ودنيا .. لا لا خساارة بيزات الريم : يا اخي انا علي البترووول .. هههههههههههههه حرام عليك يالزطي .. اشوف علمك حميدووه الزط .. كنا نعيب عليه .. ابتليت الظاهر هههههههه يوسف : هيه خلينا الكرم حق محمد ام سعود : يا حليلك يا ولدي .. مسكين محمد من صغره يتمنى الخير لغيره اكثر من نفسه .. الريم تمت تطالع محمد من سمعت مديح امها فيه .. ما انتبهت الا وعين محمد يت فعينها .. على طول نزلت راسها .. انحرجت من الخاطر يوسف ( لاحظ اللي صار ) : كح كح .. لحقي عليه خالووه .. غصيــــت ام سعود : باسم الله عليك .. ما اشوفك شربت ولا كليت شي ! من شوو غصيت يوسف : لا تذكرت فلم هندي !! محمد : أأ. ..أأأ. . يسووف .. قوم خلنا نظهر .. يوسف : وين .. تو الناس ( وبنغزه ) بعدني ما تهنييييييت بشوفة الغاليه الريم .. والأغلى ام الريم الريم : ههههههههه .. يالمكار ام سعود : لا لا يوسف يا ولدي اليوم انت مب طبيعي ! لا يكون ما خذ شي .. ولا !! لا يكون بعد صاير من هالشباب اللي يدخنون ..! يوسف : لا خالووه !! مب مثل ناس هههههههه الريم ( فجت عينها وتعمدت تقول هالرمسه ) : منوو هالناس الي ما يستحوون على ويووهم !! منو هاللي يدخنون !! محمد ( فخاطره ) : ول ول فظحني اللووتي .. لا من باجر عيل مودر انا يوسف : واحد من الشباب .. ربيعي .. تعبت وياه لا تدخن ولا تدخن .. مسكين صاير مثل الديايه اونه بيرقد من وقت .. ومن هناك يدش غرفته ويدخن ع كيف كيفه .. مسكين الحب ماخذ عقله الريم ( تدري من زمان ان محمد يدخن بالدس كان مخبرنها يوسف ) : اخ اخ اخ .. انا اكره ما عندي اللي يدخنون .. ولا شو رايك محمد ؟ محمد : هي صح .. حتى أأ.أ نا ما ادانيهم ! صج قليليين ادب ( وهو يظرب جتف يسوف ) : أأ.أأ.يييه قوم قوم .. خلنا نروح .. عشان اراويك صنع الله .. ام سعود : مصرين يعني ! يوسف : لا خالووه ما ابغي ارووح .. نهايتي على ايده اليوم ! ام سعود : محمد يا ولدي خليه هني .. محمد : لا لا خالووه لازم يروح وياي .. هذا لسانه يجحه ... يخور الاكو والماكووو ! الريم : مسكين تراه يبا مصلحة ربعه محمد : يالله قوم انته قوم .. امحق ربع هاييل ... ويدخنون بعد .. صج ما تستحي ع ويهك ! يوسف ( اللي تم يظحك ع اسلوب محمد ) ههههههه .. يالله عيل .. نحن بنخليكم الحين .. لا تقطعوون ام سعود : خلاص ما عليه .. اقول محمد يا ولدي .. فالليل جان تروم ييب جواهر هني .. وجان تبا فطيم خلها اتي وياها .. محمد : انتي بتباتين هني ! ام سعود : لازم يا ولدي ما اقدر اخلي البنات بروحهم .. .. بعد ما ظهر من الدوام ... طرا عبالي رمسة نورة .. قرر انه يسير عند اخته ويقول لها عن ملجته اتصل حق نوورة .. عشان يحصل تشجيع منها .. نوره : هلا والله وغلا مروان : هلا والله بدنيتي كلها ... هلا بروووحي وقلبي .. هلا بعيوني اللي اشووف بها نوره : ههه .. بس بس .. حسبي عليك قلبي تعود ع الدلع بسبتك مروان : وليش ما ندلعج ! انتي تستاهلين الدلع كله يا عمري ! ولا وين بحصل وحده مثلج نوره : هههه .. الا انا اللي وين بحصل واحد مثلك .. احمد الله ليل ونهار اللي رزقني بواحد بحنيتك وطيبتك مروان : عاد لازم تتهلين فيني .. ولا فالدوام .. الغرنوقات من حولي يمين ويساار نورة : لا والله !! ولا يكون بس تطالع فيهم ولا تعبرهم ! مروان : لازم تدور بينا نقاشات وحوارات تعارف ! نورة : ماشاءالله .. وتقولها جي بكل سهوله ! عادي الحياة لهالدرجه حلوه عندك .. تونا نمدحك مروان ( متعمد ) : شسوي ..! ما اقدر اقاوم .. نورة : خلاص خل الغرنوقات اللي عندك فالدوام يفيدونك مروان : حبيبي !! اسووولف وياج ههههه ... ألوووه نوره : .......................... ( لا تعليق ) مروان : نواري يا قلبي والله اسووولف وياج .. عيني ما تشوف غيرج حبي ! نورة ( انحرجت ) : ما ينقدر لك هههه .. المهم قولي فديتك .. شمسوي ! شحالك ؟ اعلومك؟ مروان : والله.. طيبيين .. اشحالج انتي ؟ نورة : منيحه .. هممم وينك عيل ! مروان : والله فالسيارة ساير بيت اختي .. داقين لج نحصل تشجيع منج !! نورة : وان شاءالله حصلت التشجيع .. مروان : الا ما حصلت تشجييع وبس .. البطاريه صارت عندي فل ...! ( وهني بركن السيارة وبعد ما نزل من السيارة ) المهم غناتي .. انا وصلت الحين ! ادعيلي نورة : الله وياك .. لا تخاف ... واول ما تظهر .. تدق لي ! مروان : خلاص .. على امرررج ..! مع السلامه سكر مروان عن نورة .. وتم عند الباب يدق الجررس .. بس لا حياة لمن تنادي .. رد يدق الجرس .. ومحد بطله الباب !! وتوه بيروووح ... بس طلعت فاطمه ووياها جواهر .. فاطمه ( اول ما شافت خالها ) : مروااااااااااااااااااانيييييييييي !! ( وبعد ما صد لها ع طول سارت وحظنته ) اشحالك ؟ اعلومك ؟ مروان : والله تمااام .. اعلومج انتي ! فاطمه : والله زينين .. مروان : اشحالج جواهر ؟ عاش من شافج .. جواهر : شكرا .. حالنا من حالك مروان : اقول فطووم .. محلوه ..! شالطاري ! فيث شي متغير فيج ! جواهر : يس اووف كووورس .. كيف ما لاحظت ! فاطمه : احم احم .. مروان ( وتوه استوعب .. ) اووووه .. جي السالفه ههههه .. حيج بنت اختي .. جي اباج ! الا اقوول فطوم وين امج ؟ فاطمه : داخل ياسه تتحرطم من الصبح ! مروان : ليش ! فاطمه : ما ادري فيها فاطمه : زين طوف .. خلني اوديك عند الوالده .. من زمان ما حصلت لك هزبه ههههههه مروان : هي هي اطنزي ههههه .. وبعد ما دخل مروان الصاله .. تم يالس شوي .. وبعد لحظات دخلت عليه ام صقر اللي انصدمت من وجوووده : انته مره ثاااانيه !!!!!!!!!! مروان : هي أنا .. تعبت وانا كل مره اييج واسمع منج نفس الكلام يا اختيه .. متى الله بيهديج وترضين عليه ام صقر : الكلام اللي بقوله هو نفسه اللي اقوله كل مره .. يعني ماله داعي اعيد مروان : بســ أ.أ ( ما قدر مروان يكمل .. لان صريخ شوق كان شال المكان بكبره ) |
{.... البـْــــًــِــــْـــُـــِارتٌ 27 .. .. ام صقر : الكلام اللي بقوله هو نفسه اللي اقوله كل مره .. يعني ماله داعي اعيد مروان : بســ أ.أ ( ما قدر مروان يكمل .. لان صريخ شوق كان شال المكان بكبره) صقر بعد ما دخل ورا مرته ورض الباب بالقووو .. صقر : حرااام عليج يا شووووق .. حرام علييج َ!! شوق : لا تحاول يا صقر .. لا تحاااااول .. قلتلك ما ابــــــــــــــي خلاص .. سكر الموضووع صقر : شوووق فكري يا قلبــــي .. انتي لازم تسوين العمليه ...! شوووق : امووووووووووت .. امووووت ولا اني اسقط ولدي .. ما راح اتخلى عنه ما ابي ما ابي ما ابي صقر : يا شوووق .. اذكري الله الحين وهدي ... انتي هدي شوي بس شوق ( وهي تصيح بحرقه يوووف ) :والنعم بالله .. صقر الله يخليك ابي ولدي .. ما اقدر .. والله ما اقدر .. صقر ( حررررج ) : ولدي وولدي ... تفكرين فمصلحتج بس ...! ما فكرتي فالولد .. كيف بتكون حياته لما بينولد نااقص . شوق : الكماال لله .. افهمنــــــــــي يا صقر .. من متى وانت قاسي جذي صقر : وانتي تتحريني مستانس يعني ...! بس الولد يتعوض حبيبي .... انا خايف عليج ! ما سمعتي كلام الدكتووور اولا هالحمل ممكن يضرررج وايد ... ثانيا ... الولد بينولد معااق او او او الخ .. شوق : ما يهمنــــــــــي .. اسمعني زيين .. انا ما بتخلا عن ولدي ... لووو خيرووني بالموووت عشاانه ... اختاااره ...! ( وعلى طوووول ركضت للغرفه منهااره ) ام صقر ( كانت منصدمه فمكانها ... خلت مروان .. وع طول توجهت لصقر اللي كان يتحرطم فمكانه ) : صقر ؟؟؟ خير شو صاير .! شالسالفه ؟ صقر ( بعصبيه ) : السالفه ومافيها ان النحاسه لاصقه فينا وين ما رحنا .. ( وهو يرمس رووحه ) والله ما ادري بس متى بنرتاااح .. ( راح صقر ورا مرررته للغرفه وخلى ام صقر مستغربه فمكااانها ... ام صقر .. كانت منصدمه من اللي سامعتنه ...ما انتبهت الا وصوت مروان وراها ) : شكلي يايكم بوقت غلط ....! خلاص انا بييكم يوم ثاني ام صقر ( وهي تتنهد ) : لا حووول .. تعبت والله تعبت من مشاااكلهم ...! مروان : مافي مشكله الا ولها حل يالغاليه ...! يالله انا استأذن ! ام صقر ( بدون ما تحس بعمرها ) : خلك شوي .. اشربلك شي ع الاقل مروان ( تم فاج عينه ... العاده ام صقر تطرده !!! والحين تقوله خلك واشربلك شي ! شي ما يدخل العقل ) : أ..أأأ.أ انا ...!! ام صقر : هي انت ! مب تبغي تقول شي مروان : ما عليج مني الحين .. سيري شوفي صقر هو ومرته وان شاءالله بمركم باجر ...! ام صقر : الله وياك .. .. .. فغرفة شوق وصقر .. شوق ( تصيح على حظن صقر ) : الله يخليك صقر .. اذا تحبنــــي .. صقر ( وهو يمسح ع راس شوق ) : ولاني انا احبج مضطر اخليج تسقطينه .. شوق : ليش ! انا ابيييه ! بموت يعني ؟؟ خلني اموت .. المهم ما اسقطه صقر ( وهو يمسك شوق من ويها .. وبعد ما تم يطالعها .. وبعيوون تلمع برااءة ) : وانا ما فكرتــــي فيني ! كيف حياتي من دووونج ! شوق ( اكتفت بالسكووت .. ما عرفت شتقوول ... وبعد لحظات ) : صقر .. آآسفه حبيبي ........ ما اقدر .. ( ابتعدت عن حضنه .. وسارت يلست ع السرير .. صقر بدون ما يحس مسح دمعة نزلت من عينه . ع طووووول مسحها ما حب يبين ضعيف جدام مرررته .. صعب عليه الموضووع بعد .. بس حط فباله ان الولد يتعووووض .. شووق ما تتعوض ..! وعلى لحظه الصمت اللي كانت سايده ... دقااات الباب قظعت هالجووو المربـــــك .. صقر ( وهو ساير صوب الباب ) : منوو ! ام صقر : انا امك يا ولـــدي .. عسا بس مو راقدين .. صقر ( فج الباب ) : اتفضلي امايه .. لا راقدين ولا شي ....! شوق ( وهي تطالع صوب الدريشه بدون حتى ما تحط عينها فعين ام صقر ) : من وين بيينا النوووم ! ام صقر ( سارت صوب شوق ) : شو فيج يا بنتي ....؟ شو هالرمسه اللي سمعتها ؟ شوق ( وبعد ما صدت لام صقر ) : عموووه دخيلج قولي لصقر .. ما ابي اسقط الولد ..دخيلج قوليله .. صقر ( اللي ما قدر يتحمل .. حررج من خااطر ) : اووووووووووووووف .. خلاص .. مالي خص فيج .. سوي اللي تبينه ......! ما عاد لي راااااي ... طلع صقر من البيت بكبــــــــــــره اما شوق .. فزادت نوبة صيااحها .. خاصه لما حظنتها ام صقر .. حست براااحه .. وطلعت كل اللي بخاطرها بصياااحهاا .. ام صقر : خلاص يا بنتي .. خلاص ... ان شاءالله بنشووف حل ...! شوق ( وبنبرة ترجــــي ) : عموووه .. ابي ولدي يا عمووو .. .. .. فغرفه الريم .. المسجات كانت لاعبه دور عند الريم .. تووت توووت ... توووت تووووت .. .. زين خلاص بنودر التدخيــــن لعيووونج .. انتي آآآمري بس المرسل : محمد .. .. بظحكه خفيفه ... وتوها بترد على محمد .. تذكرت سالفة الهديه ..[ اووه انا للحين ما شكرته ...} .. .. همممم صج محمد نسيت اشكرك ع الهديه .. استانست عليها وايد ع الاقل في حد ذكررنــــي .. .. محمد اللي كان قاعد فالشاليه يتراسل ويا الريم بالمسجات ... سمع صوت المسج .. وع طووول فتحه بكل لهفه .. وبعد ما قرااا .. رد عليها .. .. الهديه مو قد المقاااام .. بس اذا تبين الصراحه انا عندي لج مفاجأة ...! .. .. الريم الفظول ذبحها ....[ شو هي المفاجأة يا ترى . . . } .. .. همم زين مايصير اعرف شو هي المفجأة .. ترا الفظول ذبحنـــي .. .. وبعد لحظات .. وصلها مسج من محمد .. .. .. اذا كنتي مصررره نقوووولج .. قبل لا ننفذ .. أنا ناوي اخطبج يالريم ... ما عدت اقدر اصبر على فراقج .. .. .. تمت الريم للحظه فاجه عينها ...!!!! زواااج ! .... بس أ.أأ. كيف ...! [ صدمها مسج محمد .. ما عرفت تفسر شعورها من المسج .. استانست للحظه .. وللحظه رفظت الفكره ...! حست بالارتبااك ... [ يا ربي انا احب محمد .. وانا اعرف هالشي .. بس ليش ! ليش من يابلي طاري الخطبه تدودهت !!!!!!!! .. .. من صووب محمد .. كان ينطر رد من الريم ... بس لا حيااة لمن تنادي .. حس بشعوور غريب .. اهو من قبل اصلا حاس ان الريم مو هي ريموو القبليه ..... كل شي تغير من سالفة راااشد ! [ يا ربي ليش احسها ماخذه الامر بمزااااح ..... معقووله انها ما عادت تحبنـــي ! ] ... بعد تفكير .. رد محمد طررش مسج للريـــم بعد تررردد ....! .. .. ما أهمك ..! قولها لي //~ مو خطآآآآآآآآ ارحم اللي ذوب دروؤبـه خطآآآآآآآآآ كون لو مرح { . . صريـــح .. .. من صوب الريم قرت المسج ..... بس فكره الخطبه بعدها ما راحت عن بالها .. ارتباكها زاااد .. حيرتها زااادت .. ما عرفت بشووو ترد عليه .. بس فالنهايه اضطرت انها تتهرب من سؤاله .. .. .. محمد انا برقد الحين تصبح على خير .. .. بعد ما غاآآب القمر طلعت شمس ... يتلاها ليل .. وعلى هالموال عدت الايااام .. محمد والريم .... كل واحد منهم ولا يدري بالثانــــــي .. محمد اللي كان ناوي يودر التدخيــن .. زاااد تدخينه ..! وشوووق ظلت متمسكه بالطفل اللي فبطنها وحاربت الكل فسبيل انها ما تتخلى عنها .. حتى امها اللي يت وعاشت وياهم فالفيلا تزاعلت وياها .. أما صقر فهو من ذااك اليوم وهو متضااارب ويا شوووق ... ومن صوب حميد .. حياته ما تغيرت ! كله طالع ومن يرررد يرقد بس شي واحد اللي تغير فيه ... تفكيره برووضه زاد عن حده ....! اما سعود فتظااارب كذا مره ويا مرته بس كل ظرااابه تنتهي برضاا .. صحيح ان دوم هي اللي تكوون غلطانه .. بس دووم اهو اللي يراظيها ...! عليا .... وضعها ما تغير ... بس زالت من حاله الخطر ونقولها من العناية المركزه .... والكل للحين ما فقد الامل .. الكل يدعيلها انها تقوم من غيبوووبتها ....!!!! رووضه .. بين كل فترة وفتره ترووح تقعد ويا الريم .. اللي صارو ابد ما يتفارقووون ...! // علي رجع من شهر عسله .. وعايش ويا مرته عاشه احلى عيشه ... اللي صارت مثل الاخت الكبيره بالنسبة لسيف وسلطاآآآن ...~ ومروااان رد راح عم اخته ... وانصدمت من الخبر ... بس اعتذرت وبكل هدوووء طلبت منه انه يرووح .... وبجذي عدت الشهووور .. وحال الباجيييين ما تغير .....!!! .. .. بعد ما قام من رقاااده .. تذكر انه اليوم بيرد يداوم فالشركه !! على طول اتسبح ورد كشششخ .. وتوجه للشركه ...! وبعد ما حصل هززبه محترمه من ابووه توجه لمكتبه ...! .. [ اااخ ماشي احلى من ان الواحد يداوم فمكت ويستلم راتب ع الفاظي ههههههههه . . ْ} دقاااات باب وعت حميد من سرحاااانه حميد : اتفظل عبدالله : استاذ حميد .. الاستاذ راشد طالبنك ..! حميد ( يالله ما تهنيت بمكتبــــي *) : خلاص ما عليه .. مشكور .. قام حميد من مكااانه .وتوجه لصووب مكتب ابوووه .. وبعد ما دخل.. حميد : آآمر ابوويه .. طلبتــني ابو سعود : هي بغيت اخبرك .. انا رديت وعينك مدير الشؤون الماليه ... لا تحسب ان وظيفتك سهله .. ومال لعبااان .. حميد ( ياااله تونا نقول ع الفاظي خخخ ) : هي ابويه .. صح صح .. ابو سعود : اسمع يا حميد ... انت الحين . امانه الشركه كلها تحت ايدك .. يعني تغلط غلطه وحده ممكن نخسر كل شي حميد : انزين والـ ...... ( ما قدر يكمل حميد كلامه الا وتلفون ابو سعود يرن ) ابو سعود : لحظه ( وبعد ما رد ) الووه // هلا هلا عوشه .. خير ؟! // شوه !! صج والله ؟؟ // الله يبشرج بالخير.. ؟ لا لا خلاص انا الحين بييب حميد وياي وبيي ....! |
تآآآآآآآآآآآآبع . . . }ْ .. .. فالمستشفــــــي ... عوشه وروضه قاعدين فغرفه عليا مستانسين على نشتها . . . ! عوشه ( عينها تدمع من الفرحه ) : الحمدلله ع سلامتج يا بنتــــي .. الحمدلله ع سلامتج .. عليا ( اللي كانت مب عارفه شي ... كانت ترمس بكل هدووووء ) : انتي منووو !! انا وين !! عوشه ( ما قدرت تقاوم دموعها ) : انا امج يالغاليه .. انا امج !!! شو صارلج يا بنتي ! شو اللي غيرررررج .. اكيد صكووج بعين .. هيه صكووج بعين .. عليا ( بخوف وارتباك ) : انا ما اعرفج ...! خلوني بروحي ... اطلعو .. انا ما اعرفكم .. عوشه ( وهي تتقرب من عليا تحاول تهديها ) : عليا انا امج .. الله يخليج .. اتذكري اتذكري ... عليا ( عصبت .. وباعلى صوتها ) : خلوني بروحي .. انا ما اعرفكم .. اطلعووو برررع دخلو فجأة دكاتره .. وعلى صريخها اللي كان هاز المستشفى هززز .. الدكاتره اميودينها .. وبعد ما عطوها المخدر .. داخت وراحت بسااابع نووومة . . ~ .. .. برررع الغرفه .. ام عليا تمت تصيح وقلبها يتقطع من القهر ... عوشه : بنتي ما عرفتني يا رووضه .. عليا ما عرفتنــــي ...! فقدت الذاكره خلاااص .. نستنا ونست كل شي روضه : خلاص يا اميه .. هدي انتي هدي ..! ( وبعد ما يلست امها فاقرب كرسي ) امي خلج هني بسير اييبلج ماي تشربينـــه . . ~ بعد ما راحت روضه صوب (المصعد) .. ظغطت ع الزر تترياااه يطلع .. عشان تنزل صوب الدكان وتشتري شي حق امها تشربه .... وتوه انفتح بويها ... لقت ابو سعود وحميد فويهها .. ارتبكت ..... : أ..أأ السلام عليكم عمي .. السلام عليك حميد ..! ابو سعود + حميد : وعليكم السلام والرحمه ..! ابو سعود : ها وينها امج ؟ روضه : صوب غرفه عليا .. ابو سعود ( وتوه بيسير ) : و .. انتي وين سايره بروحج ؟ روضه : بنزل تحت .. بشتري لامي شي تشربه ..! ابو سعود : زين .. روح وياها يا حميد .. لا تخليها بروحها .. تحت زحمه ..! روضه : أأأ. ماله داعي يبه . ابو سعود : له داعي ونص .. ويبولي وياكم عصير باارد ...! حميد : على امرك ابويه ..! ( وبعد ما راح ابو سعود .. اشر حميد لروضه بيده مأشر للأصنسير عشان تدخل ) اتفضلي الشيخه . . ~ روضه ( بعد ما دخلت .. ودخل وراها حميد ) : زاااد فضلك .. .. .. فلحظه هدوووء .. ما قدر حميد يشيل عينه عن رووضه .. مالقا عمره الا وهووو يتأملهاااا .. كان شي واحد يدور فباله ...... انه روووضه تملكت كيااانه ... بس بسرعه تغيرت هالفكره لما رفعت روضه عينها ولقته يطالعها ..... ضاف فعينها نظره الهام ....! على طووول تذكر الهام [ لا لا .. مستحيل .. مالي غير الهام ...! ] صد حميد للصوب الثاني .. وبعد ما انفتح المصعد وسارو صوب السوبر ماركت ...~ اشترت روضه دبه ماي صغيره واشترت عصير برتقال فريش لابو سعوود . حميد ( اللي لاحظ انها ما خذت لها شي ) : وانتي ما تبين شي ..! روضه ( بدون ما ترفع عينها من الارض ) :لا مالي نفس .. ( وع طووول سارت صوب المحاسبه ) لحقها حميد .. توها بتدفع .. دفع قبلها .. روضه : ما كان له داعي .. حميد : يالله نروووح ...! ردو حميد وروضه وبعد ما ركبو الاصنسير .. انعاد المشهد .. بس هالمره حميد رفع ويه روضه اللي كانت تطالع الارض . . .! روضه ( انصدمت . ) : لووو سمحــــت حميد !! حميد : اسمحيلي ..( وبعد ما حب يغير الموضووع ) أ..أ اشحالها عليا روضه : قامت فاقده الذاكره . . . ! حميد : أهااا روضه ( فخاطرها ) : حتى ما كلف خاطره يقول ما تشوووف شر . . ! حميد ( فخاطره ) : هذا جزاهاا .. ونحن مالنا على حكم الاقداار انفتح الاسنصير .. وتوجهوا لصوب غرفه عليا .. وهناك كانت يالسه عوشه اللي هدت شويه ويا ابو سعود .. ابو سعود : خلاص يا عوووشه .. ان شاء الله بتتذكر حميد ( شاف ان وجوده ماله معنى ) : ابوويه .. انا بررد للدوام الحينه ! تامرني بحايه ؟ ابو سعود : خذ روضه وصلها ع دربك . . ! حميد ( حس ان الفكره غلط شاف الارتباك فعين روضه ) : لا ما عليه خلها بتيلس عند اختها .. روضه ( فخاطرها ) : زين انها يت منك .. ولا جان يتني سكته قلبيه فنص الطريج .. .. فبيت سعود هو ومرته . . ميره ( وهــي تبدل لمحمد ) : اقول سعود ..! سعود : آآمري يا قلبــي ميره : اهلك ما اشووفهم يسألوون عنك سعود : ردينا لاهلك واهلك . ميره : والله شسوي .. يوم انهم هم عايشين فالفيلا لابسين عدل ماكلين احلى الطبخات ... راقدين مرتاااحين ... سعود ( وهو يطالع ميره بنظره ) : ما ادري ليش احسج مرات ماخذتني عشان مستواي لا اكثر . . ! ميره : صج والله ؟ سعود : شوفي يا ميره اذا انا كنت صابر عليج كل هالمده ترا ها كله عشان ولدي لا اكثـــر صح اني احبج .. بس لين متى بتم مذلول تحت ريلج !!! ميره : كيف يعني .. تبغي تطلقنــــي !! طلقني .. يالله طلقني اشوووف ..! سعود ( بعد ما شاف ولده ... وبكل هدووء ) : خلاص ميره انا ااسف حقج عليه .. ميره : لين متى ؟ سعود : خلاص ميرووتي .. أناا اسف .. ما اعيدها ان شاءالله .. وهني رن تلفووون سعووود .. وكان المتصل واحد من ربعه .. سعود : هلا وغلا اشحالك يالقاطع ؟ // خير بلاااك مب على بعضك ؟ // انت شو تقووول !!!!!!! // لا حسن .. قولي انك تجذب عليه دخييــــــــــــلك . . . . ٍ! // يعنـــي .. كل شي رآآآح ...! // الحين الحين ياينك .. .. .. فبيت ابو حمدان .. ابو حمدان : اقول ام حمدان ام حمدان : آآمر يالغالي ابو حمدان : وينهم حمدان وحصه ...! ام حمدان : فغرفهم .. ابو حمدان : زين ع اذان العصر خلهم يزهبووون .. بظهرهم اليوم .. ويا فاطمه وجواهر ويوسف ام حمدان : وين ناوي بهم فهالوقت ؟ .. .. فبيت ابو صقر فغرفه فاطمه .. وبعد ما اذن العصر كانو فاطمه وجواهر يلبسوون ..! فاطمه : جوجو ... ( وهي تأشر ع اكتسسواراتها ) شو البس هذا ولا هذا ولا هذا احسن ؟؟ جواهر : هممم لبسي هاللي فيه فوشي .. نايس عليج .. فاطمه : زين .. يالله يالله بسرررعه اذن العصر جواهر : انا مخلصه .. قولي حق عمرج ؟ هو قال عقب اذان العصر تكونون جاهزين ...! يوسف وهو يدق الباااب .. : جوهروووه .. فطووم يالله عمي تحت .... ! فاطمه : انزيييييييين يايين .. .. .. بعد ما ركبو فاطمه وجواهر ويوسف اللاند .. وبعد السلاااام فاطمه : عمي .. ما خبرتنا .. وين بتودينا .. ابو حمدان : مكان تحبوونه واااايد حصه : من الصبح ونحن نحاول فيه مب طاايع ..... جواهر : من الصبح ها خخخخخ فاطمه : حليلها شاده حيلها من الصبح ههههههههه يوسف : انتو يالسوساات ما تيوزوون .. يكتوا شوي حمدان : ابوويه وينه شريط ميحد .. ! مررر الوقت والرحله طولت .. استغرقت تقريبا ساعه ....! فجأة لقوا عمارهم فالبر .... البنات من الوناسه تمو يصارخووون ....! فاطمه : الااااااااااااااااااااي .. البر .. البر .. عاشوو يبس .. فوووق .. يوسف : حيك عمي .. يبتها ع العوووق ابو حمدان : ههههه شفت عااد .. حمدان : ابوويه البانشياات هني ! ابو حمدان : اكيد .. فاطمه : يالله صبااااياااا .. انفجعووووووووووا .. كل وحده تاخذ لها بانشي قبل لا يسبقونا عليهم الاولاد حمدان : ماشي بانشياات حق البنات .. يالله مناااااك .. يوسف : لا لا حرام .. انا بركب فطوم وجواهر ويايه .. وانت ركب حصووه ه فاطمه : لا عيوووني .. انا وجواهر فبانشي ... حمدان : مااااااااااااااااشي .. .. بعد حنه ورنه وعناااااااد وصريخ .. خلو جواهر وفاطمه بروحهم وحمدان برووحه ويوسف بروحه اما حصه فركبت ويا ابوووها . . . ! .. .. فبيت ابو صقر كانت ام صقر قاعده تشرب الجاي ويا ولدها ام شوووق ولا قطع عليهم الا صوت الجررس .. وبعد ما فجت الشغاله الباب .. يت عند ام صقر : ماما .. في هرمته تبي انتي ! ام صقر : حرمه تباني .. انزين دخليها الميلس سارت ام صقر صوب الميلس .. شافت وحده شكلها صغيره فالسن .. جمالعها كااان ناااعم وهااادي .. [ غريبه منو هاي ؟ اول مره اشوفها .. ام صقر : هلا بنتــــي ... اشحالج ؟ ..: يسرج حالي خالتي .. اكيد ما عرفتيني . . . ! ام صقر : لاء اسمحيلي يا بنتي بس ما عرفتج .. ..: انا نورة .. مرت مروااان ام صقر : مرواان . . ! نوره : هي يا خالتي .. مروان اللي كل ما اييج تصدينه ! خالووه انتي ظالمتنه .. ! لو تدرين هو شكثر يرمسني عنج ... مروان يعزج وايد .. فوق ما تتصورينه .. وهو كذا مره بغا يفهمج الموضووع .. بس انتي فكل مره تصدينه . ام صقر : يتم اعيااالي ... كيف اشوف اللي كان سبب في موت ريلي ! نورة : ترا اقولج ظلمتيــــه . . ! خالووه انا ييت هني حتى بدوون ما يدري .. بس انا بخبرج بكل الموضووع .. واتمنى انج تسمعيني للآخر وبعدها احكمي اذا كان مروان غلطان ولا انتي اللي ظلمتيه .. .. .. مرر الوقت وحل الظلاااااام .... وصارت الساعه 11 وفغرفه شوق وصقر .. الجفاااا كان هو الطريق اللي اختاره صقر لشووق من بعد قرارها .. بس شووق ابد ما كانت قادره تتحمل هالشي .. سار ورقد ... بدون ما يعبرها حتى ..! شوق : أووووف وبعدييين يعني . . . ! صقر . . . لا تعلييييييييييييييييييييييييييييق .. شوق : صقر !!!! حرام عليك صقر : خير ! تبيني اهد الغرفه بكبرها يعني شوق : انت ليش جذي تسوي فيني يا صقر انت تدري اني احبك صقر ( قام من مكانه وصد لشوق وبكل عصبيه ) : انتي لو تدرين انج باللي تسوينه صرت اغار حتى من ولدي .. عيل اشوف صررت ما اهمج .. ما فكرتي فيني للحظه وحده .. كل همج ولدج وبس .. خلاص شوق .. لو سمحتي .. ابغي ارقد .. ( وبعد ما اتأفف ) ولا تدرين شوو .. الغرفه خليتها لج .. عن اذنج ..... طلع صقر من الغرفه وكالعاده رض البااب بالقو من بعد ما خلا شووق منهاره من الصياااح .. .. فاليوووم الثاني .. و فالمستشفـــي .. قامت عليا على نور الشمس ... يلست للحظه .. تحاول تتذكر شي .. [ منوو أناا ...! ليش ما اذكر شي ليش !!! شو اللي يايبني هنــي ! ليش انا هني ! وين اهلي ؟ ليش محد عندي ليش محد سأل عني .. معقوله اللي يت عندي امس تكون امي .. لا لا .. عيل ليش ما حسيت اي شي اتجاهها . . ! يا ربي ليش ما اتذكر شي ليش ؟؟؟؟ ليش ؟!! ( تمت عليا تظرب راس بكفها .. من القهر تحاول تتذكر شي .. ابد مب قادره !! ) ليييش ؟؟ اتذكري ..! لحظه .. سمعتها امس تقولي عليا .. انا عليا !! انا اسمي عليآآآ ! دقات باب هزت عليا من مكااانها .. دخلت النيرس .. : اهلا بالحلوه ؟ ازيك اليوم ؟ عليا ( بابتسامه خفيفه ) : اأأ.. تمااام .. انا تماام .. ليش محد يا زارني اليوم النيرس : ما احنا كنا مانعين عليك الزياره لحد ما تهدي عليا : بس انا مليت من اليلسه برووحي ... النيرس : خلاص .. هم شويه وحييجو عندك .. .. .. سار حميد بيت عوشه مثل ما أمره ابووه .. وبعد ما خذا عوشه .. وداها المستشفى .. عشان تشووف بنتها .. وتوه بيروووح .. تمت عوشه تترجاه عشان ينزل وياها .. وبالفعل نزل ودخل وياها المستشفى .. .. .. عليا : اوف .. ملل .. ملل .. ملل .. ملل .. ملل .. ملل .. دق دق دق عليا ( شقت الحلج ) : اتفضل .. عوشه ... وبعد ما دخلت الغرفه ( وباست بنتها وحضنتها بحراااره ) :هلا ببنتــي .. هلا حبيبتي ... اشحالج عساج بخير ؟؟؟ عليا : الحمدلله بخير .. عوشه : الحمدلله ع سلامتج الغاليه .. الحمدلله يا ربي الحمدلله عليا : الله يسلمج .. عوشه ( تذكرت حميد اللي كان يالس برع ) : اوو ه .. حميييد .. يا حميييد تعال ادخل .. انت مب غريب عليا بدورها حطت الارني ع اسها بدون ما تلفه .. حميد : هوود .. عوشه : هدي يا ولدي .. اتفضل .. حميد ( من ورا خاطره اضطر انه يبتسم ) : الحمدلله ع السلامه عليااا عليا ( اللي ما شالت عينها من حميد .. ) أ..أأ. الله يسلمك عوشه : يمه عليا .. هذا حميد ولد ريلي .. ريل امج ...! عليا ( لاحظت ان حميد جك نظراتها له وع طول نزلت راسها منحرجه ) : تشرفنا .. حميد :هه الشررف لي عليا اللي سرحت ما تدري شو صابها من شافت حميد [ ااخ لف .. ما ادري ليش احس ان شكلك مو غريب علي !! بس عيوونه عذااب . . . نظرااته هلاك .. اسميه ذوبني من اول نظرره } لحظات ودخلت رووضه ووياها الريم ... على طوول عليا التفتت لحميد .. لاحظت لهفته لشووقه رووضه .. شافت رووضه .. لقت فعيوونها الخجل والحب لحميد ... فالبدايه ما عبرتهم .. بس ويا السوالف .. حست بهالشي صدق .. عليا فخااطرها وبقهر : معقووووووله . . . . ! لا مستحيل .. حميد لي { .. بلغ حبيبك وقوله باخذك منه . . هذا هو الحل ومال اي حل ثاآآني .. ما اقدر اقعد واشووفك بس واستنه .. كل يوم عنك بعيد يزوود جناني // من يوم شفتك وانا في داخلي ونه .. ولعت قلبي ترى شبيت وجداني .. قله ترا مووت لو ما تبتعد عنه * لازم انا اهواك ولازم انته تهواآآآآآنـــــــــــي ...] كـــــــــــــــــــــــــــــــــــــــــــــــــ ـــــــــــــــت |
يسلموووووووووو دم الغزااااااااااااااااااال ربي لا هانج الباااااااااااااااااااااااااااااااارت روعه روعه ابدعتي غلايه انا في انتظار البارت اليديد على احر من الجمر خيتو ^^ |
يسلمووووووو الغلا على البارت وبانتظار البارت الياي |
يسلمووووووو الغلا على البارت وبانتظار البارت الياي |
رووووووووووعة القصة يسلموؤوؤوؤوؤوؤوؤو ونترقب البارت اليااي |
وييييييييييييييييييييييييييييييييييييييييييينه |
وين البارت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟ ؟؟؟؟؟؟ ؟؟ ؟ |
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟ |
نباااااا الباااااااااااارت |
لا حيااااااااااااااااااه لمن تنادي ><’ |
[]-----{..يًٍسًًلًٍمًًوًًٍ عّ اٌٌُلًٍطٍرًٍحًًٍِ اٌلًًٍطًٍَرًًًٍٍ ..}-----[] |
| الساعة الآن 04:09 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir