منتدى استراحات زايد - الكرامه أول والحب ثاني

[color=#000000]هذا هو الباارت الأخير

خلود:خلي عنج ويلا نرد مايخصنا
وديمه:شبلاج متروعه خلنا ناخذه يمكن فوون واحد مزيوون ؟
ميره:صدقج ودووم شوفي لحظه
خلود:الله ياخذ بليكن منو قالكن انه فون واحد
وديمه:يعني وحده بتكتب حياتي
خلود :يمكن لحبيبهاا
ميره:هييه صدق امم دخلي الصور وبنشوووف يمكن واحد
وديمه:خلوود لاتحشريناا عااادي ترى
خلود:اوكي اوكي يلا دخلي
وديمه :هااا اشوفج قلبتي
خلود:اوكي خلاص
وديمه:لالا امزح لحظه >>حدرت عـ الصور شاافن صور حمدان وتخبلن البنات المهم البنات خذن الفون وردن البيت والشباب بعدهم شما بعد اتصلت لحمدان
وديمه :اووهو هاي اذتنا والله لا ارد عليهاا وردت <<
وديمه:الو ؟
شما(استغربت):مرحبا ؟؟
وديمه:مرحبتين ؟؟ منو معايه
شما:انتي منو؟
وديمه:هههه انا منو الغاليه انتي متصله على هـ الرقم بغيتي منو ؟؟
شما: بغيت صاحب الرقم
وديمه:نعم؟؟ وانتي شلج فيه
شما(انصدمت ):انا متصله لحبيبي>>لوقالت ريلي بتكون احسن شوفوا شو بيستوي<<
وديمه:نعم ؟؟ حبيبج لا الغاليه هذا رقم حبيبي ولا تتصلين عليه مره ثاانيه
شما:انتي شو تقولين هذا رقم حمدان وحمدان مستحيل يسويها ويحب غيري
وديمه:امممم لا الغاليه حمدان يحبني هذااك اول يمكن يوم ان ما يحب غيرج
شما(مصدوووووووووووومه):وسكرت عنهاا ؟؟>> بس شما تحملت واتريت لين مايي حمدان وصل حمدان وحدر الصاله وهو يغني<<
"مانسينا لو تناسينا يالغلا في يوم حبينا يوم كنا بسمتن حلوه قلب واحد من يساوينا
تذكرين حروف كلماتي يوم كنتي اروع ابياتي يوم قلتي قول وحياتي غير موت يفرق ايدينا >>وبتحديد <<ياحسافة ما مضى والله ياحسافة هـ الغلا كله ليت قلبي ليت متوله وليتنا في يوم مغلينا"
وشاف شما وقرب عتوها وياي يحبها عـ راسها وقامت )
حمدان:خيبه شو بلاج ؟؟
شما:رووح عند اللي مأمن فيها وعاطنها تلفونك
حمدان:نعم ؟؟ شو تقولين انتي
شما:مدري والله
حمدان:شماااني؟!؟!(راح بتقرب عتوها)
شما:اوقف مكانك لاتتقرب
حمدان:شماني ليش ؟؟ شو فيج قولي شو السالفه
شما:وين فونك ؟؟
حمدان:وربي اني مدري اتذكرته فـ السياره ودورته وماشفته اكيد طاح عني فـ البر ليش تسألي؟
شما:حمدان لاتكذب عليه ؟ حمدان انا مدري شسوي اخر شي اتوقعه منك هذا الشي والله حرام عليك انا شو سويتلك قصرت معاك بشي
حمدان(قبضها من كتفها) :بتقولين شو السالفه ولا شو؟
شما:شو بتسوي بتمد يديك عليه ؟؟
حمدان:بتقولين ولا شوو ؟؟
شما( خبرت حمدان واتصلت برقمه وعطته حمدان وخلته عـ السبيك ):اتكلم ...
حمدان:آلو؟؟
وديمه:مرحبا
حمدان:منو معايه ؟
وديمه:انت منو ؟؟
حمدان:دام انج ماعرفتينيه ليش تقولي اني حبيبج
وديمه:يااااخي انت منو
حمدان:انا ريل اللي اتصلتبج وقلتيلها ان هذا فون حبيبج
وديمه: ريلهاااا ؟؟
حمدان:هيه نعم خير الغاليه تعرفيني اعرفج ؟؟
وديمه :اممم سموحه منك اخويه >>حمدان رمسها وهزبها هزاب وسكر عنها<<
"يوم سكر عنها شاف شما وشما شافته وعينها تدمع وراحت عنه ومسكها "
حمدان:شماني شوفيج ؟؟
شما(صاحت):حمدان انا مضااايقه وربي مضايقه
حمدان: شماني حمدان موجود شو اللي مضايقنج ..
شما:انته ...
حمدان:اهااااا..بس بس عرفت السالفه >>فديتج شماني وربي مره ثانيه ماببعد عنج هـ الكثر ادري مصخناها هـ المره تأخرنا يدى
شما:زين يوم عرفت عمرك
حمدان(وهو يمسح دموعها):شماني
شما:عيونها ..
حمدان: تسلملي امممممم يوعاان وربي يووعان
شما:ليش مب معشينك ..
حمدان(مسك يديها): مافي شي يغنيني عن هـ الأيادي
شما:وامنو قالك انتي اعرف اطبخ
حمدان:افطن انج ماتعرفين تسوين شي بس يلاا انا وانتي بنحدر المطبخ شورايج
شما:لا والله ماحدرت انا بحدر بروحي وبجرب وامري لله بس لو سمحت من دون تعليق اوكي
حمدان:امممم اوكي يلا انا بسبح وبنزل ابا اشوف الأكل جااهز
شما:هييه اوكي بسويلك كورن فليكس انا تبى شي بـهـ السرعه ياويهك
حمدان:يعني شكثر بياخذ من الوقت
شما:امممممممممم 5ساعات
حمدان:خيييييييييييييييييييييييييييييييييييبه مب طالب ذبيحه أي ذبيحه ماتيي هـ الوقت شماني بتبنيلي بيت انت ؟؟
شما:هههههههه خلاص خلاص روح ويصير خير
حمدان:اوكي > <
(راح حمدان وسبح وووووووووو...ألخ ونزل الصاله ويترياا شما وشما تأخرت حمدان رقد عـ الطاوله وقام من الرقاااد ومل وشما بعدها )

حمدان( صرخ) شما >>الساعه 2ونص وانا قفلت خلااااااص عيوني ماتتبطل
شما:هااا خلاص وربي ييت (يت شما ويوم حطت الأكل عـ الطاوله حمدان )
حمدان:احلفي انتي بس ؟؟
شما:ليش ؟
حمدان:من متى يالس اتريااج وآخر شي تسويلي اندومي
شما:لالا تريد الصدق سويتلك بس والله ما اقولك شو سويت اممم شفته احترق قلت لالا حمدان بهو مايعرف يقرض وووماشفت شي الا الآندومي
حمدان:يالظالمه اندومي عااي بطني لاصق فـ ظهري اندومي
شما:اوووووهووووووووووو بتاكل ولا شو
حمدان:شما ممكن اقولج شي
شما:اذا بتستهبل لاهب ممكن
حمدان:وربي هب استهباال
شما:قول؟؟
حمدان :وربي باكل لأني يوعان وهب متبرظ اظهر ولا تعرفين لو متبرظ وربي كان كفختج تكفيخ
شما:لو فيك خير يلا اللحين كفخني
حمدان :اهااا اوكي (وقام ومسكها من ويها) انا يوم اقول شي اسوسه انزين ياويهج
شما:احلا عن ويهك ؟؟
حمدان:احلفي انتي بس
شما:احلف ..
حمدان:لاتيلسين تغلسين عليه انا جاااد هاااا
شما:ههههه حمدان جاد ما اصدق؟؟
حمدان:شموووووووووووووووه
شما:ويعه تويع العدو..
حمدان:خاطري اسوي شي ..
شما:الي هو ؟
حمدان:عادي اسويه ..
شما: لا اول شي قول شو هو؟؟
حمدان:بشرط عادي اسويه
شما:ذليتني تراااك قول؟؟
حمدان:يعني خلااااص ؟
شما:شافت >>غرشة ماي عـ الطاوله<< وحمدان ميودنها ماتقدر تسوي شي المهم شلت غرشة الماي وفتحتهاا وترش عـ حمدان وشردت
حمدان:وربي لا اردها ياشما وبتشوفين ....
شما:ههههه اوكي بنشووف ؟؟
حمدان(سوى عمره زعلااااان وكل اآندومي غصباً عنه لأن كان يوعان وشما يالسه بعيد ورااح فوق وحط راسه ورقد واونه هو زعلان من شماااا >>وهناااك خرطي يستهبل<<المهم رقد حمدان وشما شافته ورقدت وهي مضايقه لأن اول مره حمدان يزعل منها المهم مر الوقت ودقت الساعه >>وقت صلاااة الفير<< وحمدان قام قبل شما وحمدان خذااها فرصه وشما غرقانه فـ الرقاد قال بيواعيها بس قال بيصلي وخلاااف بيواعيها المهم صلاا وراح عتو شما وخذ غرشة ماي ويرش الدبه كااااااااااااااااامله عـ شما , شما فزت مره وحده )
حمدان:حمدااااااااااااااااااااااااااااااااااااااااا اااااااااااااااااااااااااااااااااان
حمدان:ههههه يلااا قومي قومي
شما:والله انك تقهر ياويهك >>هب متبرظه لو متبرظه جااان روته الويل<<قامت وصلت ومرهـ اليووم ومرت الأياام والأساااابيع والشهور وحاال شما يتغير كل يوم والثاني تحب حمدان اكثر ومتريد حمدان يبعد عنهاااا ومتغيره بـ المره كلااا تسرح وتصيح .....................>>>>>>>>
7
7
7
7
7
7
7
7
المهم في هذا اليوم حمدان بتزيد آللامه بيعش احساس عمره ما عاشه بيتغير وضعه كل شي بيتغير ..بس قبل ما تعرفون كل شي اتأملوا هـ المقطع ..

{ حان الرحيل وساعـة البعد حانت
الله يا مصعب . . ويعآت . . لفرآق
مآ كنها لسّـود . . ليـام . . بآنت}

هـ اليوم شما كاانت راقده من التعب كانت تعباااانه حييييييييل تعبان نحن فوق قلنا ان شما تغيرت >>المهم حمدان راح عتو شما ووعاها من الرقااد وشما خلااااااااااااص منهد حيلها وحاسه عمرها ان تتكلم وهي هب حاااسه بعمرها )
حمدان(مسكها من راسها, وبتم يمسح راسها):شماني ؟؟
شما(شافته بس)
حمدان:حياتي قومي نظهر ..
شما: مريد .
حمدان:ليش شما قومي انتي لين متى بتمين على هـ الحال ؟؟ حتى هب طايعه تقولي شو فيج ؟؟.. شما.. انا حمدان انتي فيج شي قولي انتي متخبي عني شي ..؟
شما:حمدان .. وربي اني احبك
حمدان: شما اعرف وني بعد ..بس قولي ريحيني ..>>انتي متريديني ارتااح
شما:حمدان هب مرتااحه
حمدان:من الشو ؟؟
شما(نزلت دموعها الحاره ):اريد اقولك شي؟
حمدان:آمري قولي اللي تريدي تقوليه
(شما>>قالت لحمدان<<حمدان صرخ عليهاا ؟)
حمدان:جب انتي شو تقولين شما انتي الغاقله تظهر منج هـ الرمسه بعد عمرٌ طويل >>شما منو كاذب عليج اصلاٌ ليش تحطي هذا الشي فـ باالج ؟
يلاا قومي قومي نظهر ارقبج تحت انا >>وظهر من الحجره بس قبل لا يظهر قرب الباب كان في طاوله وعليها صورة شما وحمدان قبل ميظهر تم يشوووفهااا وما شل عينه ومسك البرواز وحب صورته وردهاا >>بعدين استغرب اول مره يسوي هـ الشي >>وظهر حمدان المهم نسيت اقولكم حمدان كان بيفاجأ شما لأن هل حمدان تحت وكان بيظهرون كلهم لأن الجو كاان حلوووووووووو>>الجو كان مغيم >>وممطر >>ونقع عليهم المهب شويه بس <<المهم حمدان يترقب شما ومر الوقت وشما تأخرت وام حمدان<<
ام حمدان:ابويه وين حرمتك ماجنها تأخرت ..
حمدان(حس بحسااس غريب وسااكت)
ام حمدان:ابويه حمدان شبلاااك
حمدان:امايه شما,.
ام حمدان:شو فيها شما انا اقولك تأخرت ..
حمدان(دمعت عينه):امايه شما فيها شي؟؟
ام حمدان(والكل وقف كانوا يالسين استغربوا من حمدان وعيونه تدمع ): حمدان ليش تسألني انا حمدان ابويه شو فيك ..
حمدان:امايه وربي شما فيها شي؟؟>>وحمدان هب قادر يتحرك من مكانه<<
حصه(اخت حمدان<<استغربت من حالت وانهدت من الصيااح يوم شافت اخوهاا وخنت عـ الدري ودقت الباب عـ شما ومحد ير وادق البااب ومحد يرد وحمدان يسمع اخته ادق الباب كم مره ومحد رد عليها وحصه ادق اقوى ماعندها وحمدان يريد يسمع صوتها يريد يسمع صوت شما وواقف حصه : شما شما فتحي الباب >>والباب ماكان مقفول وحصه مقدرت تمسك اعصابها وفتحته
حصه:شماااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااااااااااااااااا
(والكل راحوا عندهااااااااا فوق وحصه طايحه وتصرخ
وحمدان(يصييييييييييييييييييييييييييييييييييييييييي ييييح اول مره يصييييييييييييييح على شي حمدان قلبه قوي بس مراات هااا بس هـ المره مقدر يشووف حبيبته وحياته كلها >>قدامه طاايحه ورااح عندهاا ومسكها وهو يصيح :شما حيااتي يلاا قومي قومي نظهر شما ترى برش عليج ماااي >>ويتم يذكر كل الأيام الحلوه وماشي أمل وصرخ بربه اللي خالقنه :شمااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااا
[{ نادرة ماعرفت الدنيا قدرها
يوم راحت مابقى في الناس طيب

جسدت كل العواطف صورها
وارحلت عني على دموع و نحيب

والله اني كنت واقف و انتظرها
مالها عاده على وعدي تغيب

طحت من طولي على لحظة خبرها
وانكسر عمري ولا لي من يثيب

ليت امر الموت ياني و لأمرها
لكن الاقدار في الدنيا نصيب

حكمة الله خالق الله و بشرها
في شروق الشمس يا مروي المغيب

وقفت قلبي و هي وقف عمرها
وارتجف من الحزن و الموقف صعيب

آه ويلي من نزلت في قبرها
شاب عقلي من قبل قلبي يشيب

كن روحي خنجر ياها و نحرها
وهل دمع العين ع ثيابي صبيب

صرت اخايلها و هي تنشل شعرها
تنثر الداجي على الغصن الرطيب

صرت اخايلها على ميلت خصرها
راح ذاك الزين و الحسن العجيب

يعلها في جنة الخلد في قصرها
تقطف الاثمار من عودا قريب

يعلها ماتفارق البسمه ثغرها
ادعي الله يا سميع و يا مجيب[/mark]}

>>شما توفت ودفنوهاا وخلاااص وحمدان ميقدر يتصور انه يعيش من دونهااا والكل يصيح من حالته وميريد أي وحده ثاانيه ومرت الأيام وعليا وعواش حمل>>وعليا ربت قبل <<وفي هـ اليووم
راشد(اخو عليا اتصل بحمدان):
حمدان:آلو
راشد: مرحبا بحمدان شحالك ؟؟
حمدان:آآآآآآآآآآآآآآآآآآآآه
راشد :المهم بطرشلك صورة وحده اوكي؟
حمدان:نعم ؟؟!
راشد:يلااا باي بس بطرشلك اللحين هاا
حمدان:انت وين تبى صورة منو؟؟
راشد:قلتلك يلااا باي وسكر عنه وحمدان مستغرب وطرشله وحمدان يوم فتح >>راشد كان كاتبله>>هاي شما اللي اليوم ظهرت وعساها تمشي عـ خطى شما اللي فبالك >>وصورتها
حمدان (كان يالس وقاام ورييييييييييييييييس كامل عند راشد )بسرعه وينها بسرعه اريد اشوفها ؟
راشد:ههههههههههههه اقولك اليوم ظهرت يعني فـ المستشفى هههه
حمدان: يلااا بسرعه طوووف قدامي اريد اشوفها >>وراح شافها وحمدان يوم عن يوم يزيد حبه لهـ البنت ومرت الأياام وحمدان مانسى شما ولا منصور اللي صارح حرمته بكل شي عنه وعن شما ؟ يوم كان يحبها ولا حتى هوو بينسااها
والكل عايش اياامه وحمداان >>عرف وخلااص صدق ان موت شما >>قضا ربي وقدره << وحمده ربيعة شما عرست وحملت ويابت ولد وسمت ولدها حمدان عسبت شما كانت تحب اسم حمدان >>

ودمتم بحفظ الله ورعاايته >>والسموحه والله اني توه مخلصه القصه ونزلتها اذا فيها تنقيعات سوولها طاااف >>وبعد الأمتحانات انشاء الله بتنزل قصه ثانيه بس بتكوون قصييييييييره مخلصتنها قبل هااي بس هااي احلى عنها وسي يو