|
شتعتقدون راكان بيسوي في سارة ؟ اممممممم .. بياخذها بس قبل بيتفاهموون :) وثاااانكس ختيو عالباراتات الناااااااااااااااايس |
ما توقعت انها بتطلب الطلاق .. الله يهديها .. و اتوقع راكان بيسحب ساره و بياخذها بيتهم .. نتريا البارت اليديد ..:) |
تسلمووْن خوآتي الغاليات عالمرووووور .. وآحــب اشكركم علـى متابعتكم للقصة .. ^^ |
واااو ناااايس الله يعييين ساارووه يسلموو خيتووو و لا تطوولين |
ربي يسلمجـ غلاية .. |
شتعتقدون راكان بيسوي في سارة ؟؟؟ امم آظن بيتفآآهمون وبيآخذهـآ ويـآآه البييت تسلمين ع البآرت النـآيس وحليلهـآ سآروونهـ متعذبـه بحـيــآتهـآ .. نتريـآ البآرت اليآي ..! |
ثانكس ع البارت الحلو ونتريا التكمله |
تسلموووؤؤؤوون .. عالمرور .. ^.^ خلاأآإأصےٍ مآ بآقيےٍ شيےٍ عالقصة واليومےٍ المسآ انـ شآء الله بنزل لڪِـمےٍ جزئــــــيــنےٍ !! واتمنــىےٍ تستــانسونےٍ ^.^ خلـــــــــــڪِمےٍ متآبعـــينـ .. معـےٍ .. همْوووووسة ^.^ |
يسلمؤؤ على الباارت ونترياا الباارت اليووم لاطووليين |
تسلمـ عالمرور اخوؤؤويهـ .. ^^ وهآي الاجزاء الـي وعدتكم فيها . . الجـــــــــ 25 ـــــزء حاولت اهد يدي عن يده لكنه ماسكني عدل .. قلت : يمـاااااااه بيذبحنـــيييييي .. امي : شبتسوي فيها راكان .. صرخت : بيذبحـــــنيييييييييييييي .. راكان : بوديها بيتي .. هناك مكانها .. بسها دلع .. امي سكتت .. قلت : يمااااا خذيني ما ابيه .. امي : هو للحيـن زوجج .. روحي عنده وان شالله تنحل اموركم .. راكان : عمتي ما عليج امـر .. عباتها .. قلت : لااااااااااااا .. انت ما بتااخذني .. ابي اتم هنيه .. انت مالك حق علي .. طلقنـــي .. راحت امي .. قلت : لااااا تروحيـــــن .. راكان مسكني من يدي الثانيه : انتي مب ساكته .. سكتي عوررتي رااسـي .. قلت : عسااااه البـط .. يات امي ماسكه عباتي وشيلتي .. قلت : يمه انتي ما تبيني .. امي : مكانج في بيت ريـلج .. قلت : بعتووني .. لهالدرجه انا رخيصـه .. امي : انا ما بعتج .. بس مكانج هناك .. وبيت ابوج مفتوح لج 24 ساعه .. خذ راكان عباتي وعطاني اياها .. مسكتها وحذفتها : مب لابستها .. وبتم هنيه .. راكان : سااره لا تناحسيـن .. تميت متكتفه وماعطته ظهـري .. وامي طلعت برع الميلس .. هاجر : انا بنتظـركم في السياره .. شل راكان العبايه .. راكان : لبسيها .. قلت : مابي .. مب رايحه معاااك اقول لك .. راكان : انا اقول لج بتروحيـن معاي .. بالطيـب بالغصـب بتروحيـن .. " صرخ " لبســـي عباااتج والا انا بلبســج .. تميت واقفه مكاني .. سحبني من يدي ولبسني العباه وانا اصيـح .. راكان : قولي تبيني انا البسـج .. قلت وانا اصيح : ما ابيــــــــك .. طلقـــــــــني .. راكان مسك يدي وطلعنا من الميلس .. نفضت يدي عشان ما امسك يده .. مسكني من ذراعي ودخلني السياره .. غطيت ويهي بيدي وتميت اصيــح .. وقفت السيـاره وانا على وضعي .. مغطيه ويهي بيدي وقاعده اصيـح .. فتح راكان الباب .. راكان : مــب نازله ..؟ طالعته بنظـره كره .. سحبني ونزلني من السياره .. دخلت وتميت واقفه عند باب الصاله .. راكان : هناك الغرفه مب هنيه .. تميت ساكته واطالعه .. راكان تنهد : كيفــج .. راح الغرفه وانا تميت واقفه مكاني .. معانده روحي .. طلع من الغرفه لابس كاشخ بالثوب والغتـره وريحه العطـر تارسه المكان .. راكان : تبين شي من برع .. يكلمني ولا كأنه ساحبني حالي حال العنز .. طالعته وكشرت وصديت .. راكان : يلا مع السلامه .. طلع وقفل الباب وراه .. انصدمت من حركته .. ليش يقفل علي الباب .. ليــش .. شنو شايفني .. قعدت مكاني .. عند الباب .. تميـــت قااعده فتـره طويـله .. بس اصيـح .. ياني نوم ونمت مكاني .. وعيت ولقيت نفسي على السرير .. قمت بسرعه .. ولقيت نفسي بلا عبايه وبلا شيله .. من يابني هنيه .. ؟ التفت يمين ويسار ما لقيت راكان .. ليـكون وانا نايمه امشـي ؟ انفتح الباب ونخرعت .. راكان : واخيـرا قمتـي .. تعالي الصاله يلا .. تمللت بروحي .. قلت : وانت ليكووون فاكرني لعبه .. متى ما تبيني اقعد معاك بقعد ومتى ما مليت مني تخليني اولي .. راكان : لا انا ابيـج .. قلت : وانا ما ابيــك .. قمت وطحت من كثـر ما الفراش ملتف علي .. راكان ياني بسرعه : اسم الله عليــج .. ومسكني من يدي يبي يقومني .. نفضت يدي عنه .. قلت : اعرف اقووم بروحي .. راكان : هههههه عسى ما تعورتي .. طالعته بعصبيه : ما تعورت .. اصلا الطيحه كانت خفيفه .. اااااصـلا ماطحت .. راكان : هههههههههههههههههههههههههههههه .. اوكي اوكي .. شليت الفراش مني بعصبيه ورحت الحمام .. وقمت القط انفاسي .. واسمع ضحك راكان وانا في الغرفه .. سخيــــــف .. غسلت ويهي وتوضيت وصليت المغرب والعشا .. قلت: ابـي ملابسي .. راكان : قلت لهم يجيبون كل ملابسـج .. وكاهم بتلاقينهم تحت في الصاله .. قلت : وليـش ما جبتهم .. راكان : كنت بجيبهم .. بس ما يبتهم .. طلعت من الغرفه ورحت الصاله .. شفت شناطي عند الباب .. حاولت اسحب شنطه لكن ما قدرت .. راكان : قلت لج انا بجيبـهم .. قعدت على الكرسي وحطيت ريل على ريل .. شل الشناط ووداهم فوق .. تمللت .. ما اعرف شاسوي الحيـن .. راكان ما بيطلعني من البيت .. ولا ابي اروح حق حد .. كلهم ما يبوني .. التفت يمين ويسار ادور جوالي .. ويــنه ..؟ نزل راكان : شفيـج ..؟ قلت : انت شتبي ؟ راكان : مابي شي .. بس اشوفج تتلفتيـن .. قلت يمكن تدوريـني .. قلت : لا والله .. راكان : ايه .. قلت : وين جوالي ؟ راكان : سألي روحج .. قلت : انا يايبته معاي .. واتذكـر .. ويـنه ؟ راكان : هه .. وليش تسأليني انا .. تحسبين ان انا اللي اخذته .. انزيـن .. انا اللي ماخذه .. قلت : جيــبه .. راكان : انا ما خذته منج عشان اعطيـج اياه .. مسكت اعصاابي قد ما اقدر وخذت نفس .. قلت : راكان انت شتبي بالضبط .. ليـش تسوي كل هاي فيني .. ليش كل اللي ما ابيه تغصبني عليـه .. انا شسويــت لك .. المفروض انا اللي اعاقبك مو انـــــــت .. راكان : لا انا ما ابي اسوي لج شي يضايقج .. انا بشـتري لج جوال يديد .. قلت : ماابـــــي منك شـــي تفهم .. مااااااااابي .. عطــــني جوالي وكثـر الف خيـرك .. راكان : مابي .. نزلت راسي وتميت اهز ريلي .. فجأه تذكـرت شي .. شهقت .. راكان : شفيـج ؟ قلت: اليـوووووووووووووووووم .. راكان : اليوم الاربـعاء .. خيـر ؟ قلت : ادري ان اليوم الاربـعااء .. اليوم ملجه نووور .. راكان : وخيـر يا طيـر .. قمت : بروووح البـس .. ورحت بسـرعه الغرفه وفتحت الشنطه .. دورت لي اي فستان .. لقيت فستان واحد شريته عشان البسه حق ثاني يوم زواج ولا لبسته .. دخلت الحمام ولبسته وفتحت شعري .. ما عرفت شاسوي فيه ..خلينه مفتوح وحطيت كليب صغيــر وحطيت بودره اخفي السواد اللي طلع تحت عيني .. وحطيت لي لون بسيط فوق عيني وحطيت لي كحل وقلوس .. دخل راكان .. راكان : ويـن على الله ؟ قلت : بروووح ملجه نور .. راكان : استأذنتي منـي .. قلت : رايـك ما يهمني .. لاني جي والا جي رايـحه .. راكان : هه .. اوكي روحي .. طالعته بنظـره تحدي وخذت عباتي وطالعت من الغرفه .. رحت الصاله واتصلت حق خالي عشان ايجيني .. وكان راكان واقف فوق راسي .. مسكت قبظه الباب ابي اطلع .. وكان الباب مقفول .. التفت على راكان .. قلت : افتح لي الباب .. راكان هز راسه بمعنى لا .. تنهدت وغمضت عيوني : افتـــــــح البـااااب .. راكان : لا .. قلت : افتــح راكان .. بروحي متأخـره .. راكان : مب انتي قلتي جي والا جي رايـحه .. راويني شلون بتروحين جي والا جي ..هه قلت : راااااكاااااان لا تتمصخـر الحيــن .. تراني مو متفيجه لك كلـش .. ابي ارووح .. راكان : روحي .. رفع ركان سماعه التلفون واتصـل .. وان اطالعه .. راكان : هلا مـشااري .. شـخباارك .. الحمدلله بخيـر .. ايه الحمدلله .. لا بس بغيـت اقول لك انا بودي ساره الملجه لا تتعب روحك .. لااا ياريال فاضي ما عندي شغل غيرها .. هههه اوكي .. في امان الله .. قلت : بتوديـني ؟ راكان : لا .. قلت : عيــل ليــــش قلت حق خالي ما ايجيني ..؟. راكان : لاني ما ابيج تروووحيـن .. مسكت راسي وهديت روحي على الارض : حرااااااااام عليــــك راكاااان حراااام عليـك " صحت " اانا شسويـــــت لك .. انا ادور شي يونسـني وانت تزيـدني كآأاابه .. حراام اللي تسوونه فيني والله حراام .. ضميت ريلي لصدري وغطيت ويهي بيدي وتميت اصيـح .. مسك يدي .. وقمت قلت : لا تلمســـني .. انا ابيـك تطلقـني .. انت ما تحبـني ولا انا حبـك .. اكرررررررهك يا راكان اكـرهـــــك .. رحت الغرفه بسـرعه وقفلت على روحي الباب وتميت اصيـح .. واصارخ : اكررررررررهك .. اكررررررهك ما احبك .. محد يحبـني .. ولا حد يبيـني .. وانا ما ابي حـد .. ابـــــي اموووووووووووووووت .. يا عسى ربي ياخذني وافتك من هالدنيا الواااطيـه .. اللي ما بترحمني ولا بتخلي رحمه ربي تنزل علي .. تميت اصيـح في غرفه الملابـس اللي داخل الغرفه .. لين ما نمت .. وعيت على صوت صراخ و طق باب .. تخرعت بس كنت عيزانه افتح الباب .. اصلا كان جسمي مكسـر .. شفت الطق يزيـد .. حاولت اقوم وقمت وافتح الباب ورجعت مكاني .. راكان معصب : ليـش ما تفتحيـن الباب ..؟ قلت : مادري كنت نايمه .. تنهد وقعد .. وانا تكورت مكاني وغمضت عيوني .. يا صوبي راكان : ليـش نايمه هنيه .. قومي نامي فوق .. قلت : ما ابي .. راكان : قوومي هنيه بيتكسـر جسمج .. حد ينام على الارض .. قومي يلاقومي .. صديت الصوب الثاني .. ما وعيت الا هو شايلني .. شهقت : نزلــــنيييييي .. نزلني بطيــــــــح .. وحطني فوق السرير .. تربعت وتميت ساكته واتنفس بسـرعه .. راكان : عشان مره ثانيه ماتعانديني .. تميت اطالعه ومنبطه جبدي منه .. راكان : ليـش جي تطالعيني ..؟ ذابح لج حد انا .. صديت عنه وانسدحت على السرير وسرحت .. ياربي انا شباسوي هنيه .. هو شيبي فيني .. ليـش جي يعاملني .. انا ما ابيه .. ما ابيه خلاص .. بس للحيـن احبه .. والله احبه .. بس ما اقدر اعيـش مع واحد جرحنـي وذلني .. والحين يكمل عذابه لي .. شاسوي ياربي .. ساااعدني يارب .. ونزلت دموعي .. راكان جاني : شفيـج تصيحين ؟ ما رديت عليه ومسحت دموعي .. راكان : ما تبيني ..؟ ما رديت عليه .. راكان : كارهتني ..؟ ما رديت عليه .. راكان : ودج تذبحيني .. في خاطرج تعذبيني ؟؟ قلت : ايـه .. راكان : يعني ما تحبيني ؟ قلت بسرعه : لا .. راكان : جوابج هذا بدون تفكيـر .. انا ادري انج تحبيني .. قلت : اووف راكان انا ابي اناام .. روح خلاص .. راكان : هااي غرفتي .. قمت : انا اللي بروح .. سحبني : هاي غرفتنا احنا الاثنين .. قلت : ما ابيـها .. راكان : مب على كيفـج .. تنهدت : انزين وبعديـن ؟ راكان : بتنامين هنيه .. قلت : وانت ؟ راكان : هنيه .. قلت : راكان انت ما تفهم .. ما ابيــك ما احبـــك .. راكان نزل راسه وتنهد : اوكي .. وطلع .. تميت قاعده على السرير متأنبه .. حاسه باحراج من نفسي .. غطيت ويهي بالفراش ونمت .. وعيـت وانا ميته من البرد .. ابي اقوم اسكر المكيف لكن حسيت روحي ثقيله .. قعدت اتنافض مكاني .. دخل راكان ولا تكلم ولا قال شي .. بدل وطلع .. التفت وراي لقيت ريموت المكيف على الطاوله اللي جنب السرير .. اخذته وسكرت المكيف .. وتميت مكاني وانا متغطيه عدل بالفراش .. حاسه بروحي اني تعبانه .. تميت مكاني ليـن المغرب .. مااقدر اتحرك .. دخل راكان طالعني وانا صديت عنه .. يا عندي ومسك راسي .. راكان : راسج حار .. تميت ساكته .. راكان : قومي اوديج المستشفى .. قلت : مابي منك شي .. راكان : ساره انا يوم اقول لج قومي تقوميـن .. لانج تعرفين ان كلامي هو اللي بيمشي .. صحت وقمت : انــت ما تحــس .. لبست عباتي وقعدت .. راكان : امشي يلا .. قمت ولبست شيلتي وانا انزل بشوي شوي .. مسكني راكان من ذراعي .. كنت بهده بس حسيت براحه يوم مسكني .. حسيت اني اقدر اكمل مشـي .. وصلت السياره ورحنا المستشفـى ..واحنا ساكتيـن .. وفي غرفه الدكـتور .. كشف علي ودخل راكان .. راكان : خيـر يا دكتور .. الدكتور : لا خيـر ان شالله .. بس لازمها شوي ترتااح .. لانها حـامل .. الف مبـروك .. ركان طالعني وهو مبتسم .. انا فتحت عيوني .. قلت : شنوووووووووووو ؟ الدكتور : ههههههه مبرووك .. وبكتب لك فيتامينات ومقويات .. قعدت مكاني مب مصدقه .. راكان قام : شكراً دكتور .. الدكتور : ولوو .. هاد واجبنا .. الدكتور عطى راكان ورقه الدواء .. وخلاني في الانتظار وراح الصيدليه .. وانا مب فاهمه الدكتور شنو يقول .. يا راكان وركبنا السياره .. قلت : انا حامل ؟ راكان : هههههه ايه فديتج حامل .. مسكت بطني بسرعه .. يعني ولدي الحين داخل بطني .. قلت : يعني بصيــــــر ام .. راكان : هههههههه وانا بصيـر ابو .. قلت :انزين راكان مابي اروح البيـــــــت .. راكان : لا لازم حبيبتي .. الدكتور قال لازم ترتاحيـن .. قلت : بس انا مابي .. راكان : بس انا ابي .. قلت : يـــــه وانت كل اللي تبيه بتسويه وانا ماتبي تسوي لي شي انا ابيه .. راكان تم ساكت ووصلنا البيت .. نزل وانا تميت قاعده .. راكان : يلااا شتنتظرين .. قلت : ما ابي ارجع البيت .. مـــــــــلل .. راكان : بس انا مستاانس .. وفتح الباب ونزلني .. قلت : يالانااااااااني .. راكان : طالع عليـج .. قلت : انا مب اناانيه .. راكان : ولا انا .. قلت : والي تسويه هاي شنو ؟ راكان : تأديـب .. قلت : وانا شسويـــت يعني عشان تأدبني ..؟ راكان :لا ما سويــتي شي .. يلا دخلي داخل .. قلت : بقعد في الحوش بعد حرااام .. راكان : لا مب حرام .. بس ممنوع .. قلت : الدكتووور يبيني ارتااح .. راكان : والراحه داااخل .. مب في الحوش . قلت : بس انا ارتااح في الحووش .. راكان : اوووف .. تراج بديتي تملليني .. يلا دخلي يـــــلاا .. قلت : وانت مللتني وخلصت .. ترى لاعت جبدي وانا اسمع كلامك .. وانفذ .. مليت منك خلاااص .. راكان : زين دخلي خلصيني .. قمت وانا اتأفف ودخلت ورحت الغرفه على طول .. دخل راكان وراي وعطاني كيس الدواء .. وعلمني كم مره اخذه في اليوم بسرعه بسرعه وطلع .. صرخت عشان يسمع : ايــــــــــه انتي اطلـع واستااااانس .. وانا اتم بروووووحي منزرعــــه في البيــــــت .. ابــــــــي اطلع مو على كيـــــــفك تخليــــني هنيــــــــه .. دخل علي بسـرعه : اووش اوش .. سكتي ولا ابي اسمع حسـج .. بتمين هنيه وبهالحاله ليـن ما تعتدليـن .. قلت : انا عدلـه فااااهم .. راكان : ساره سكتي لا تخليني اعصب واطلع عن طوري .. قلت : عصبت والا ما عصبـت عندي نفس الشــي .. لان ما يهمنـي .. تفهـــــم .. ما يهمنـــي .. راكان : اوكي .. انا اعلمج .. طلع وقفل علي الباب .. شهقت ورحت اركض صووب الباب .. لقيته مقفوول .. قلت : افتــــــح البـااااااااااب يالجبــــاااااااان .. افتح الباااااااااااااااب .. قعدت وتميت اصيـح .. ابي اطلــــــع .. افتح لي البااااب .. خلاص مليت منكم كلكم .. مليت من كل شي .. ابي امي .. ابي ابووووووووي .. رحت صوب الدريشـه .. حاولت افتحها .. ما تنفتح كلها .. بس النـص .. مادري شمسوي فيها بعد .. تميت ادور التلفون .. ما لقيـت شي .. قعدت على الارض منهاره وانا اصيــح .. شاسوي ياربي ..؟ شااسوي .. انا لازم احاول اني اعيـش حيااتي واكملها .. دام اني حامل .. لازم ابدي حياتي من جديد .. لا بـس راكان جرحــني .. راكان اهااني .. وهو ما يحبـني .. هو تزوجني عشان يحيي حبه ببدور .. هو خذاني الحين عشان يأدبني .. مب عشاان شي .. بس انا لازم اكلمه .. اعرف هو شيبي ويعرف انا شنو ابي .. لاني احبـه للحيـن .. لا انا ما احبــه .. ما احبـه .. ابــيه يطلقــني .. وولــدي اللي في بطــني ؟؟! بطيــحه .. ايه .. هالولد اللي من راكان ما ابيه .. حراام الي بسويـه .. لا مـــب حراام .. راكان ما يستاااهله .. وانا ما ابيه .. واذا نزلت البيبي بيكرهني وبيطلقني وبيرجعني بيت ابوي وبترجع لي حريتي .. بس اهلي .. بيسكتوون عن اللي بسويـه ؟؟ بيسكتون اذا عرفوا اني طيحت البيبي .. اصـلا ما بيدروون .. هم شدرااهم .. اهم شي افتك منه ومن ابوووه .. ما ابي شي يربطني براكان ولا هالعايله الكريــــهه .. خلاااااااااااااااااص .. خلاص تعبت .. راسي عورني .. بطني يعورني .. ظهري ريلي كل جسمــي .. يمه وينج .. شوفي حالتي .. شوفيني شلون يوم رجعت له .. مب هاي اللي تبونه .. تبوني ارجع له .. شوفو شسوى فيني .. تنهدت وانسدحت على السرير .. حاولت انام ما قدرت .. تميت مكاني ليـن الفجـر .. حسيت ان الباب بينفتح .. غطيت روحي عدل وطالعت الباب .. دخل راكان لاسلام ولا كلام .. بدل ملابسه وقعد جنبي .. تنهد : تبيني اطلقـج ؟ تميت ساكته .. راكان : هااا ؟ انا :.... راكان : ليش ما تتكلميـن ؟ انا :..... راكان : انا ما ابي اطلقج .. قلت : عشان اللي في بطـني ؟ راكان : يمكن .. والسبب الاهم انـي احبـج .. قلت : تحبــني ؟ راكان : ايه .. قلت : وبدووور ؟ راكان : بدووور ؟ بدور خلاص .. حلت مكانها سـاره .. قلت : وساره من بيحل مكانها .. راكان : محــد .. نزلت عيني .. قلت : ليش سويـت فيني جي ..؟ راكان : كنت ابيج تنقهريـن شوي نفس ما قهرتيني .. قلت : ومالقيت طريقه احسـن ..؟ راكان هز راسه بمعنى لا .. سكت وهو سكت .. راكان : تحبيني ؟ ابتسمت .. حسيت ان سؤاله يضحك .. بس ما عرفت شاقول .. راكان : ما اسمع .. قلت : ايه .. راكان تربع : شكثــر ؟ قلت : شوي بـس .. راكان : شوووووووي ؟ قلت : ايه .. اول تراضيني على اللي سويته فيني وعقب بحبك واايد .. راكان : يلا نطلع ..؟ قلت : الحيــــن ؟ راكان : ايه .. قلت : ويـن ؟ راكان : امشي وبتعرفيـن في الطريـج .. بس اول شي كلتي دوااج ؟ قلت : لا .. راكان : ليـش ؟ بل .. هو لو يدري اني كنت بنزل الياهل .. بس زين تلاحقني وراضاني .. وانا يحليلي بسرعه ارضـى .. راكان : اكلمج .. ليـش ما كلتيه ..؟ قلت : نسيــت يه .. الحين باكل .. رحت وخذت الدواء .. راكان : يلا .. قلت :بلبـس .. والا غيـرت رايـك .. راكان : لا ما غيـرته .. بس يلا لبســي .. يالبرووود .. قلت: انا مب بارده والحين براويـك .. ورحت بسـرعه فتحت الشنطه وطلعت لي جيـنز وبدي شتوي عشان الدنيـا برد .. طلع راكان وبدلت وانا مب مصدقه .. راكان راضاني وانا رضيـت بهالسـرعه ؟ هاي كله من الحـب ..؟ انا لو قلت له ابي الطلاق حزتها بيطلقني ؟؟ خرعني بطقه الباب .. قلت : زيــن زيــن .. راكان : يـلا والا بهوون ( بكنسل ) .. قلت : اوكي خلصـت .. دورت عباتي ولقيتها جنب السرير طايحه من كم يوم .. خذتها ودورت شنطتي وتذكرت اني يايه بدون شنطه .. طلعت .. قلت : خلصـت .. راكان : يلا بنـا .. في الطريـج .. قلت : وين بنروح ؟ راكان : اممم .. البـحـر .. تمينـا ساكتـين فتـره .. راكان : تدريـن سااره .. قلت : هممم .. راكان : يوم سألتج قبل لا نطلع .. قلت لج تبيـن الطلاق .. قلت : انزيـن ؟ راكان : لو قلتي لي ايه جان طلقتج .. شهقت : شنووووووووو ؟ راكان : هه .. ليـش يعني يوم انتي طلبتـي الطـلاق ما كنتـي تبيـن تتطلقيـن .. سكت .. راكان : هاا ؟ شنو ؟ قلت : مادري .. كنت اتكلم بدون تفكيـر .. راكان : والحيـن ..؟ قلت : والحيـن شنو ؟ راكان : الحيـن تتكلمين بتفكيـر والا نفس قبـل .. قلت : امبـلا رد لي عقـلي .. راكان : الحمدلله .. قلت : بس اهون عليـك انك تطلقنـي ؟ راكان : مممادري .. هاذي كانت رغبـتج مو رغبـتي .. نزلت راسـي : يعني كنت بتطلقـني ..؟ راكان : ايه نعم .. قلت : والولد .. راكان : مـره لي ومـره لـج .. قلت : يعني شنووو ؟ راكان : ههههههههه ساره شفيــج .. احنا ما تطلقنا الحمدلله .. ولو طلبـتي الطلاق منيه لين باجـر ما راح اطلقـج .. تدريـن ليـش ..؟ قلت : ليـش ؟ راكان : لان قلبي عندج .. واذا رحتي مع قلبي بموووووت .. قلت بدلع : اسم الله عليــك .. تم يطالعني بنظـره تذوووب .. استحيـت ولفيـت صوب الدريشـه .. شغل المسجـل وكـانت اغنيه طقو وموتو .. طقوا وموتو قهر .. حبي لحبيبي نهر .. وحبه لي طوول الدهر .. طقوا وموتوا قهر .. ذايب انا في هواه .. دايم معي يا غلاه .. وقلبي دايم معاه .. طقوا وموتوا قهر .. يبيني والله وابيه .. وبعمري كله اشتريه .. احبه واموت فيه .. طقوا و متوتو قهر .. من حبنا ما ننوم .. نسهر نعد النجوم .. دايم معي والله دووم .. طقوا وموتوا قهر .. وصلـنا البـحر .. قعدنا مجابليـنه .. مسك يدي وتمينا ساكتيـن فتـره طويـله .. على طول هالفتـره ما تمللت ولا حسيـت بضيـج .. بالعكـس .. كنت حاسه برااحه وانتعااش .. كنت حاسه ان انا اليوم مولوده .. ومسكته ليدي حسستني انه بيتم معـاي طول العمـر .. راكان : تمللتي ؟ قلت : لا بالعكـس .. بس استغربـت من سكوتك .. راكان : انا قاصد اني اتم ساكت .. كنت ابيـج ترتاحيـن وتريحين اعصابـج .. عشان تفكريـن صـح .. ابتسمت وتسلقيـت على الرمـل .. قلت : تدري .. راكان : همم .. قلت : خاطري اتسبـح في البحـر .. راكان : شنوو ؟ انتي ما قلتـي تخافيـن .. قلت : ايه اخااف .. بس مادري ليـش الحيـن دش في خااطـري .. راكان : يـلا .. قلت : الحيـن .. راكان : احسـن شي الحيـن .. يلا شلحي عباتج وشيلتج .. مافي حد هنيه .. قلت : انتظـر خل الشروق يطلع .. راكان : الحيـن بتنور الدنيـا .. يـلا .. شلحت عباتي وشيلتي ومسكني راكان من يدي ويدخلني البحـر شوي شوي .. دست على حصـى صرخت : وااااااي .. دست على شي دست على شــــــي .. راكان : ههههههههه شفيـج ..؟ هاي حصى حصــى .. قلت: لا لا خـلاص مابي .. راكان عشان خااطري . شوي بــس .. قلت : اخاااف والله .. راكان : شووفـي .. انا الحيـن بخليـج .. بس والله عقب ما تولديـن لا اخذج بالغصـب وادخلج واخليـج غوااصه بعد .. قلت : ههههه ايه امبـلا .. بس يلا خلنا نرجع البيـت .. تعبـت .. راكان : اووكي يـلا .. قلت : بــس ويـن جوالي .. راكان : خليــه يولــي .. قلت : يــــــه ؟ راكان : تبيـنه ..؟ قلت : ايه .. راكان : شفتي البحـر .. قلت : شفته .. راكان : خذفته فيه .. قلت : ليـــــــش ؟ راكان : ههههههههه دوااج .. قلت : لا عاد راكان قول الصـج .. راكان : والله العظيـم . حذفته في البحـر .. قلت : انت طاق طريـج ورايـح البحـر عشان تحذف جوالي ؟ راكان : لا انا اصـلا كل يوم هنيه .. من جيتي انتي البيـت .. ما اطلع ولا اروح مكان غيـر البحـر .. احذف همومي فيه وارجع .. قلت : فديـــتك والله .. وانا اللي جايبه لك الهمووم .. راكان : انتي الربـع .. وفي ثلاثه اربااع .. قلت : من بعـد ؟؟ راكان تنهدت : بعديـن بعديـن .. انا الحيـن بروح البيـت واناااااام وارتاااح .. صار لي كم يوم ما انام عدل .. قلت : يلا حبيبـي .. ركبـنا السيـاره ورحـنا البيـت .. بدلنا ونمـنا على طوول .. ... |
الجــــــــــ 26 ــــزء .. قمت الضحـى .. شفت راكان نايم .. رحت تسبحت وطلعت .. شفته بعد نايم .. رحت المطبخ سويت شاي وقهوه .. وحطيتهم في الصاله .. رحت الغرفه شفته نايم .. جيت صوبه .. قلت : راكاااان قووم حبيبي .. مب رايـح الدواام ..؟ راكان يتقلب ولا كأني اتكلم .. قلت : راكــاااان .. قووم يـلا .. " هزيته " قوووووم .. راكان بكسل : شنوووو ؟ قلت : قوم الساعه 11 .. راكان قام فز : السـاعه 11 ؟؟ قلت : ايه .. شوراك ؟ راكان : لا عندي موعد مع نااس الساعه 10 ونـص .. اوووف شلون جي ما حطيت منبه .. اوف .. قام بسـرعه وراح تسبـح ولبس ثيابه .. قلت : اشرب شاي انا مسويته .. راكان : لا لا مستعيـل .. قلت : عشاان خاااطري .. راكان وقف وابتسم : يـلا عشان خاطرج .. صبيلي .. ابتسمت وصبيت له شاي .. شربه وراح .. تميت قاعده انتظـره .. شفت تلفون الصاله .. رحت بسـرعه واتصلت حق امي وتميت اسولف معاها فديــتها .. يا راكان الساعه 12 .. قلت : يـلا يمه الحيـن اخليـج .. راكان وصل .. امي : سلمي عليه فديـته .. قلت : الله يسلمج يوصـل ان شالله... امي : يلا في امان الله .. قلت : في امان الكريـم .. وسلمي على الكل ... امي : يبلغ ان شالله .. مع السلامه .. سكـرت وانا رحت المطبـخ .. ابي اسوي الغدا .. نسيـــت اطبـخ ^ــ^ .. راكان : شنو بتسويـن ؟ قلت : بسوي الغدا .. شتبي اسوي لك ؟؟ راكان : لا بنتغدا برع .. قلت : احسـن بعد .. راح الصاله .. حسيـت ان فيـه شـي .. شالسالفه مادري .. قعدت جنبه .. قلت : شفيـك راكان ..؟ مب على بعضـك .. راكان : في شـي مضايقني .. او بالاحـرى قضيـه مضايقتني .. قلت : خيــر ؟ راكان تنهد : ذيـاب .. نزلت راسـي .. راكان : ذياب يا ساره مينني .. بيذبحــني هالولد .. ما جنه ريال شكبـره .. تصرفاته طايشـه وتصرفات ياهل .. هذي تصرفات واحد عاقل مسلم .. جـي يسوي ..؟ قلت : اهدى وفهمــني شسوى .. انا ما فهمت شي من اللي قلته .. راكان : انا عندي قضيه ضد اخوي .. يعني بوقف في المحكمه ادافع عن خصم اخووي .. قلت : راااكااان لا تكلمني بالالغااز .. ابي اعرف شالسالفه .. راكان : انا اقول لج السالفه .. شوفي .. راكان من كثـر الاعيبه على بنات الناس .. ما تلحقيـن مع اي بنيه غلط ومع اي بنت سولف ومع كم بنت طلع .. انا اعرف سوالفه من زمـان .. بس ما توقعت انه اب .. قلت : شنووووو ..؟ ذياب ابو ؟ راكان : ايه .. ابو .. عنده ولد من وحده .. وهو كان واعدها بالزواج كالعاده .. وماتزوجها .. وسوى فعلته الشينه وحملت .. وهو من يومها ما شافها .. ولدت المـره ويابت له ولد .. ويات البنت عندي على اساس اني محامي وبدافع عنها .. وقالت لي كل سالفتها .. وانا قلت لها عطيني عنوان ابو الولد وانا بحاول احل القضيه بشكل ودي .. بلا محاكم وقضايا .. وعطتني اسمه ورقم تلفونه .. وتقول ما اعرف وين ساكن .. وانصدمت لقيت اسمه مرتز على الورقه ورقم تلفون .. قلت لها انا بتصـرف .. وراحت منيه وانا رحت بيت ابوي على طول .. شي طبيعي ما لقيت ذياب .. اتصلت فيه وقلت له ايي بسـرعه .. ويا وقلت له كل السالفه .. ما اعترف بالولد .. واتهمها بالكذب .. قلت : انزين شلون ولدت .. احنا عندنا في المستشفيـات لازم يشوفون عقد الزواج .. راكان : سألتها وقالت ولدت في بلادها .. لان اصلها عراقيـه .. بس اهلها كلهم هنيه .. وولدت في بيتهم .. ياتها وحده وولدتها .. وامها كانت هنيه .. بس هي بروحها سافرت العراق .. قلت : واهلها .. ما سألوها عن الولد ..؟ والا شلون حملت ..؟ شكان موقف اهلها .. راكان : اهلها هم كلهم امها واختها الصغيـره .. كانت تشتغل وتصرف عليهم .. ويا ذياب وقام يصـرف عليها عشان شي واحد وانتي تعرفيـنه .. ويوم حملت منه هدها وجابل غيـرها .. وامها مـره عوده وكبيـره .. ما قالت لها ان هالولد ولدها .. قالت ان ولد رفيـجتها ورفيـجتها مسافره .. عشان تستـر على روحهـا .. قلت : هااي مب من البشــر .. راكان : وانا الحيـن ابي اخليه يحلل والولد بعد يحلل عشان اقدمهم دليل .. بس مش عارف شلون اقنعه .. قلت : تخليها علي ؟ راكان : شلووون ؟ قلت : انا بقص عليه بطريقتي وبخليه يروح يحلل ويعطيني الورقه بعد .. راكان معصب : شبتسويـــن ؟ قلت بهدوء : بتعرف حزتها .. راكان وكأنه يتذكر شنو سوى فيني من قبل : لا انا خايف عليج منه .. هذا مب آدمي .. قلت بهدوء وانا أحآول ألطف الجو : لا تخااف .. هاجر بتكون معانا .. راكان : يـلا عيـل .. الحيـن .. قلت : لا الحيـن خلنا نتغدى .. انا يووعاانه .. راكان : ايه انا بعـد .. امشـي عشان نروح بيت ابوي بعديـن .. رحت الغرفه لبـست تنوره وبدي ولبست عباتي وخذت شنطتي وطلعت .. راكان : خلصـتي يـلا .. قلت : يلا .. رحنا مطعم في فندق وتغدينا وسولفنا وابتعدنا عن السوالف اللي تغـث .. كانت سوالفنا عن نفسنا وعن البيبي وبـس .. خلصنـا ورحـنا .. وراكان وقف عند محلات .. قلت : وين بتروح ..؟ راكان : دقايق بـس .. تميت انتظـره يمكن ربع ساعه .. تمللت .. ورجع وفي يده كيـس .. يوم ركب حطه في حضني .. قلت : شنو ذيه .. راكان : جوالج .. فتحت الكـيس ولقيت جوال جديد .. قلت : شريــت لي جواال ؟ راكان : يـب .. وبتلاقيـن الكـرت دااخل ها .. شوفي رقمج حـلوو .. انا عجبـني .. شفت الرقم عجبـني .. وشفت الجوال وتميت اتعبث فيه وحطيت الكرت داخل وجرجته في السيـاره .. وصلنا عند البيت .. وخفت .. راكان : جاهزه ؟ قلت : خايفه .. راكان : لا عادي .. انا طرشت رساله حق هاجر وقالت لي انها هناك .. وابشـري بعد ذياب مجابلها .. سكت .. راكان : شبتقوليـن له ؟ قلت : بشككه في اصلـه .. عشان يروح يحـلل ويعطيني الاثبـات .. راكان ابتسم : والله خوش فله .. بس شلون وانا وهو توأم .. قلت : انا مجهزه كل شـي .. راكان : يلا عيـل نزلي قبل لا يروح .. قلت : اوكي بس انت انزل معـاي .. راكان : لا انا بروح من الباب اللي ورى ..وبدخل الميلس .. واذا لقيتي عبدالله زوج هاجر هناك قولي له اني هناك .. قلت : اوكي .. دخلت وانا امسك قلبي .. خايفه لا تكبـر السالفه بدل ما احلها .. طقيت الباب .. هاجر : هـلاااااااااااااااااا بأم الزيــن .. قلت بابتسامه : اهليـن .. هاجر : حيااج حيااج .. قلت : الله يحيـج .. سلمت عليها ودخلت .. شفت عبدالله وذياب قاعديـن .. مسكت هاجر .. همست لها : قولي حق عبدالله ان راكان في الميلس يبغيه .. هاجر : زين .. هاجر : عبوود .. راكان في الميلس ينطـرك .. ذياب : وانا ؟؟ هاجر : والله ما نطق بأسمك .. " تسألني " قال يبغيـه ؟ هعزيت راسي بالنفي .. هاجر تخصـرت : ما يبغيـك .. ذياب : اوكي انا قااعد عيل عله على جبدكم .. وهااي اللي ابغيـه .. ذياب : هه شخبارج ساره ..؟ ابتسمت اغايضه : تمااام .. اخبارك انت ؟ ذياب : طيب .. قعدت وهاجر جنبي وذياب مجابلـنا .. همست حق هاجر : شوفي هجور .. انا الحيـن بقول كلام وابيـج بس تمشيـن معاي .. لان الكلام الي اقوله مب صـج .. هاجر : اي كلام .. ما فهمت .. قلت : انتي بس مشي معاي وخلاص .. هاجر : اوكي .. وسكتـنا فتـره .. ذياب : شفيـكم ساكتيـن .. قلت : والله انا متضايقه .. سمعت شي وايد ضايقني .. ذياب ابتسم بخبث : خيـر ان شالله ..؟ قلت : ما اقدر اقول لك .. ذياب : لا عادي قولي وكأني ما سمعت شـي .. قلت : والله انا خايفه عليك .. ذياب : علي انا ؟ هزيت راسـي بايه .. ذياب : ليـش ؟ قلت : ذياب انت متأكد ان نهله امك .. وابوك ابوك ..؟ ذياب يطالعني ويطالع هاجر .. قلت : متأكد .. ذياب : هه شي طبيعي .. نفس ما انتي متأكده ان فاطمه امج وراشد ابوج .. قلت : عندك اثباات صحي ..؟ ذياب : شفيــج انتي ؟؟ يعني كل الي عنده ام وابو عنده اثبات صحـي .. قلت : لا .. انا مـثلا امي متأكده انها امي .. لانها امي صـج .. ومستعده اسوي لك فحوصات الـ DNA .. ذياب : انزين انتي شتبيـن مني الحيـن ..؟ قلت : انا ما ابي منك شـي .. انت اللي قلت لي شنو اللي مضايقـج .. وقلت لك .. سكتنا وانا اطالع هاجر وانا ماسكه ضحكتي .. وشفت ذياب حالته حاله .. ويحك راسه .. وشكله يتسائل .. ذياب : انزين شلون انتي خمنتي ان انا مب ولد امي ولا ولد ابوي ..؟ على كيفج يعني ؟ قلت : يـااسلااام .. لا مب على كيفي .. امك الصجيه يات عندي البيت وروتني صوره وقالت لي ان هالولد ولدي وقالت اسمك الكامل .. وما قدرت اكذبها .. لانها مـره كبيـره .. ذياب : وانتي اي وحده بتجيـج وبتقول لج ان هالولد ولدي بتصدقينها .. قلت : وليــش ما اصدقها .. ذياب : لاني ولد امي وابوي .. وانا وراكان توأم .. يعني شلون ؟ قلت : يخلق من الشبه اربعيـن .. هاجر : ايه والا ليـش امي تعاملك معامله احسـن منـا .. ذياب تم ساكت .. قلت : عشـان تريـح نفسك سو تحليل الـ DNA .. ذياب قام : ايه بحلل شوراي .. وطلع .. طلعت الضحكه اللي كنت كاتمتها : ههههههههههههههههههههههههههههه .. هاجر : هههههههههههههه .. ليش تشلخيـن عليه ؟ قلت : عشان تحليل الـ DNA.. هاجر : شتبيـن فيه ؟ قلت : هههههههه سالفه طويله .. عقب باقول لج .. بس اللي ابيه ورقه تحليل الـ DNA .. هاجر : اوووف .. قولي لي السالفه زيــن .. تنهدت وقلت لها السالفه كلها .. قلت : بس بليـــــــــــــز هجوور .. ما ابي حد يعـرف .. هاجر شكلها متضايقه : ايه اكيـد محد بيعـرف .. لان هالفضيحه فضيحتنا كلـنا مب بس ذياب .. الله يســتر من الجـاي .. هاي البنت هي اللي تكلمت واشتكت .. الله يعلم كم بنت ساكته وساتره عليه .. قلت : الله يسـتر على الجميـع .. هاجر : هذا ذياب هو اللي ما يبي يستـر على روحه .. سكتنا لان راكان يا صوبنا .. راكان يا صوبـي : ها شسويـتي .. قلت : راح يحلل كأنه .. راكان ابتسم : الحمدلله .. ان شالله ما يطلع هو .. يارب مغلطه .. بس انا من شفت ولدها قبل لا تتكلم حسـيته قريب منـي .. حسيـت ان يشبهنـا .. لا وياخذ من هاجر بعد .. هاجر : شنووووووووو ؟ راكان : ههههههههههه .. لا تنسيـن ان يمكن تصيـرين عمته .. هاجر : لا ان شالله .. قلت : انزين واذا طلع ذياب ابوه .. شبتسوون ؟ راكان : يا نحل القضيه بشكل ودي ولا تنرفع القضيه .. قلت : يعني شنو بيسون ؟ هاجر : لا ان شالله ما يصيـر هاي كله .. تميـنا نسولف شوي .. قلت : هجووووور ما قلت لج .. هاجر : شنوووو ..؟ قلت : انا حااامل .. مو بس انتي .. هاجر : صــــــــــــج ؟؟ ضحكت : ههههه ايه والله .. هاجر : يعني مو انا بـس بروحـي .. ^ــ^ .. قلت : لا انا معـاااج .. راكان : ايه احسـن مع بعـض .. عشان يكونون نفس المدرسـه .. هاجر : وييي شوفوا راكان بشنو يفكـر .. راكان : ايه عشان اخلي عبوود يوصله .. هاجر : يــااسلااام .. وانت وين ؟ راكان : ههههههه لا انا بجابل امه .. هاجر : لا والله .. وانا من يجابلني ..؟ قلت : ههههههههههههه ليش خلي راكان يجابلني .. هاجر : مافي مافي .. والله ما اخليه يوصله .. بخليه يجابلني زيـن .. راكان : هههههه ما يسوى عليـنا .. ما بيوصله عبوود .. بوصله انا وبدخله الروضه وبوصله الكـلاس وبطلع له الكتاب بعد وبطـلع .. قلت : لا واللـــــــــــه ؟؟ يعني هناك مافي مدرساات ؟؟ راكان : اي مدرسات ..؟ قلت : يعني ما في بنات بيدرسوون ؟؟ انت بتروح ترز روحك ليـش ؟؟ عشان ياخذونك مني ؟ راكان : ههههههه اهاا .. انا والله ما حطيت في بالي .. قلت : لا تحط والا ما تحط مب شغلي .. انا اروح معاك نوصله وانا ادخله الروضه ونطلع .. راكان : وارد اوصلج البيـت ؟ قلت : ايه .. واذا انت خايف تتأخـر على دوامك انزل معاك مافي مشكله .. احل معاك مشاكلهم ما عندي اي بروبليم .. راكان : على طاري المشاكل .. ذياب وينه ؟ هاجر : مادري .. من طلع للحيـن ما رد .. شوي الا ذياب يفتح الباب .. وحذف علي الورقه .. ذياب : شوفي .. قلت : لا لازم اوديها معاي .. عشان اشوف ورقه المـره وهالورقه نفس الشـي والا لا ..؟ ذياب : وشلون بتعرفيـن ..؟ قلت : لا بوديها المستشفـى .. راكان اونه ما يدري : شالسالفه ..؟ قلت : لا ولا شي .. راكان : يلا ساره تأخـرنا .. قلت : اوكي يـلا .. راكان سبقـني وانا وراه .. ذياب قرب صوبي .. ذياب يهمس : يااماال الويعه .. مافي شي يفرقكم .. التفت بسـرعه منصدمه منه .. ذياب : هه .. في حفظ الله .. طلعت بسـرعه وركبت السياره .. راكان مبتسم : الورقه بسرعه .. عطيته .. قلت : ليكون الحيـن بتخليني وبتروح الشغـل .. راكان : شاسوي حبيبتـي شاسوي .. ابي افتك من هالقضيـه .. تنهدت : الله يوفقك .. راكان : فديتج والله .. تروحين عند امج عشان ما تتملليـن ؟ قلت : ايه ايه ودني .. وغيـرنا الطريج ووداني البيت اهلي .. دخلت على البيت قلت : السلام عليـكم .. لقيـت خالد وريموه قاعديـن يطالعون TOM & JEERY ... قلت : اللــــــه .. وقعدت معاهم وتميت اطالع واندمجت وتميت اضحك معاهم .. شوي الا تركي نازل .. تركي : هلا هلا .. اهلا بمن اتانا .. قلت : هلا فيــك .. ورحت سلمت عليـه .. قلت : اخباارك ؟ تركي : الحمدلله بخيـر .. انتي اخبارج ؟ قلت : تمااام الحمدلله .. الا وين مشاعل .. تركي : داخل الغرفه .. توها كانت في الصاله تعبت وقالت بتريـح .. قلت : ايـه مسكيـنه .. في اي شهـر الحيـن ؟ تركي : في الشهـر السادس .. قلت : الله يكوون في عونها .. الا ما باركت لي .. تركي : على شنو ؟ قلت : انا حامل .. تركي : صــج والله ؟ قلت : ايه والله .. تركي : مبــروووك .. قلت : ايه من قدك بتصيـر خال .. تركي : هههههه انا استويت خال خلاص .. والا نسيـتي ان غايوه حملت وربـت قبلج .. قلت : لا ما نسيـت .. بس اذا انا ولدت بتصيـر خال اسبشـل .. تركي : ههههه لا والله .. شفرقت فيه يعني ..؟ قلت : في فرق لما تقول هذا ولد اختـي سـاااااره .. وهذا ولد اختي غايه .. في فرق صـح .؟ تركي : والله ما عندج سالفه .. قلت : انزين وين امـي ؟ تركي : امي مب هنيه .. قلت : وينها ..؟ تركي : كلهم متجمعيـن في بيت خالتي زينب .. قلت : وهاي " أشـرت على ريموه وخلود " ليـش ما راحو ؟ تركي : امي معاقبتهم .. قلت: خخخخ صـج ؟ ليـش ؟ تركي : ما حلوا الواجب .. قالت ليـن الساعه 4 اللي ما بيحل الواجب بروح عنه .. وماحلوا وراحت .. ياني خالد يركض : والله والله حليـت .. قلت : صـج ؟ ريموه وراه : والله انا بعد .. يوم راحت امي خلصنا الواجب .. قلت : يـلا عيـل امشو معاي .. تركي: وين يمشون معاج ؟ قلت : انت بتوديني بيت خالتي .. تركي : من قال لج ؟ قلت : انت .. تركي : والله ما قلت .. قلت : امبلا توك قايل .. تركي : ما تكلمت .. قلت : اكوه قلت .. تركي : اووووف .. يلا امشوو .. التفت صووب اليهال : بيوديـــنا .. يلا روحوا لبسووو .. وراحوا بسـرعه 5 دقايق وطلعنا من البيـت .. قلت : حراام تمت مشاعل بروحهـا .. تركي : الحيـن بروح لها .. قلت : يعني ما تطلع هي ؟ تركي : امبـلا اطلعها اذا شفتها احسـن .. بس اليوم شكلها تعبانه .. قلت : وانت تقضـي اليوم كله معاها ؟ تركي : اذا امي محد اقعد معاها .. لاني ما اقدر اخليها بروحها في البيـت .. تتعب فجأه والا شي .. قلت : اهاا .. تركي: الا انتي شخبارج مع راكان .. قلت : الحمدلله كل شـي تمام .. تركي : عشان تعرفيـن ان الحريـم ما يجون الا بالعيـن الحمـره .. قلت : لااا والله ؟ تركي : هههه ايه كلمناج بالطـيب ما نفع معاج .. مافي الا راكان يعرف لج .. قلت : فديته والله .. قلت : تركي ترى انت حنون .. تدري ؟ تركي : لا والله توني ادري .. قلت : لا والله من صجـي .. تركي مبتسم وشكله مستانس: زين .. قلت: اول مـره اشوفك جي تخاف على احد او تهتم في احد .. تركي : عشان تعرفيـن .. ابتسمت وتسمّـت مكاني .. وصلـنا بيت خالتي .. دخلت او شي ريموه وخلود .. سمعت امي تقول : ويه .. من جايبــكم .. خالد : تركي وساره .. امي : وليـش جيتو .. ريموه : بعد حليـنا الواجب بعد شنوو ؟ امي : انت لسانج اطول منج .. الا وين سـاره .. خالد : مادري توها معانا .. دخـلت : انا هنيــــه .. غايوه : سـاااااارووووووه .. وياتني وسلمت علي .. وسلمت على الباقي كلهم وكان جاسم قاعد يلعب سوني .. قلت : شخبارج جاسم .. وقف start والتفت وراه .. جاسم : اوه بنت الخاله هنيه .. ما شفتج .. شخباارج ؟ قلت : الحمدلله بخيـر .. اخبارج انت ؟ جاسم : والله اخبااري خايسه .. قلت : عسـى ما شـر .. جاسم : انتي ما تشوفيني قاعد في البيـت .. قلت : ايه امبـلا .. جاسم : سيارتي في الكراج .. وربعـي كلهم مسافريـن .. ويوم قلت بسافر معاهم الوالده منعتني مادري ليـش .. واصلا حتى لو رضـت ما في حجز لـي .. يعني حضي نحس في نحـس .. قلت : عسـى ان تكرهوا شي وهو خيـر لكم .. يمكن ربعك هناك ما يستانسوون .. جاسم : رايــحيــن جزر المالديف يا سـاره تعرفيـن يعني شنو جزر المالديــف .. قلت : ههههه ان شالله بتعوضها في يوم ثاني .. خالتي : لا لا شنو يوم ثاني .. مافي .. ما يرووح .. قلت : ليش ؟ خالتي : هناك كله بـحر .. يروح ويغـرق ولدي .. جاسم : يـايمه اذا انا اغرفت عندج بدالي خالد .. بكرج ولا نشوفه .. خالتي : لا لا انا ما افرط في عيالي .. جاسم : وحــد قال لج ان اللي يروحون هنااك يموتوون .. خالتي : هناك بحـر .. يعني في اي لحظه بيغرقون .. جاسم : لا يمه في سلندرات هوى ورانا وفي اغراض الغوص كلها بتكون معاي .. وولدج يا يمه الي هو جاسم اللي هو انا عنده ليـسن غوص .. قلت : صـج والله عنك ليـسن ؟ جاسم : عيــــل ..؟ قلت : فلـه ؟ جاسم : خووش شـي .. تحسيـن انج في عالم ثااني .. شي رهيــب .. انا رحت شرم الشيـخ .. وجزر المالديف عن قريب ان شالله .. خالتي : ماميــش .. جاسم : لا يمه ميش ميش .. ضحكت : ههههههههههههههههههه ياسلامين على اللغه .. جاسم : شاسوي في خالتج .. نور نقزت مره وحده : سـااارووووه ..؟ قلت : شنووو ؟ نور : يوصلـني الكــلام من هاجر وما اسمعه منــج ؟ قلت : شنوو ؟ شالسالفه ؟ نور : تدروون ان سـاروه حامل .. ضحكت وغطيـت ويهي .. حسيـت بإحرااج .. امي : شنهوو ؟ نور : والله العظيم .. حتى هاجر قالت لي .. امي : صـج ساره ؟ قلت : ايه يمه .. توني كنت بقول لج .. امي حضنتني وشكلها طايـره من الفرحه : مبروووك حبيبتـي مبرووووك .. قاموا كلهم يباركون لي وانا احس ان ويهي صار احمـر .. قلت : الله يبارك فيـكم .. الفال لج نورووه .. نور استـــحـــــت : انتي سكـتي .. اصلا زعلااانه عليـج .. لـيش ما جيتي ملجـتي ؟ قلت وطبعا مب صـج : والله كنت باجي .. بس كنت تعباانه وحتى دورت جوالي بتصل لج ما لقيـته .. وشرالي راكان جوالي جديد .. نور : عاذرتـج بس العرس غصب عنج بتيـن .. لو بتولديـن تولدين في عرسـي .. ضحكت : ههههههه ايه اكيـد باجي .. ان شالله يعني .. شوي الا اتصـل لي راكان .. قلت : عن خشمكم دقايـق .. رحت برع في الحوش : هــلا .. راكان : اهليـن .. ها خلصتي ..؟ قلت : ويـن تو النـااس .. راكان : انا برجع البيـت انتي من بيجيـبج يعني ..؟ قلت : اوكي خـلاص تعال ..انا في بيت خالتي زينب .. راكان : اي وحده زيـنب .. وين بيتهم .. قلت : وييييه ياراكان .. انا ما ادل .. راكان : انزين عطيـني خالتـج اكلمها .. قلت : اوكي ثواني.. دخلت : خالتي راكان يبي يكلمج .. خالتي : ويـه ويـه .. ليـش ؟ قلت : هههههه يبي يدل البيــت .. خالتي : لا لا لا وي استــحيــي .. نجوى : انا انا بكلمـــه .. عطيـني .. جاسم قام : يـلا يـلا منــاك .. انا ريـال ليـش عيـل .. خذ التلفون منـي وطلع بـرع .. خالتي : ليـش راكان يبي يدل البيـت ..؟ قلت : لان بيجيني خالتي .. خالتي : ليـــش ؟؟ توهالنـاس .. قلت : لا لانه شكله تعبان ويبي يرتاح ويروح البيــت .. خالتي : قعدي جاسم بيوصلـج .. قلت : لا خالتي ما ابي اكلف عليـكم .. وكاهو راكان على وصول .. نجوى : والا قوولـي ما تبيــن تفاارقيــنه .. آآآه يا حظـي انا .. كلهم تزوجووا وتمت نجوى .. مادري شاسوي في حظـي انا .. خالتي : نجووه وويعه .. نجوى : شنو يمه .. الواحد يبي يتزوج .. نبي نكمل نـص ديـنا بس هالريايل ما يبون .. طالعت امي ميته من الضحك .. خالتي : خله يجي جاسم والله الا اقوله .. نجوى : ويـــه .. قولي له .. يمكن يلاقي لي ريـل .. امي : هههههههههههههه انتي شتبيـن في الريـل الحيـن .. نجوى : خله يوديـني يطلعني .. ابي اروح شهـر العسـل .. هااني مانــث .. قلت : كثــري منها هاني مانث .. نجوى : انا كنت حاطه العيـن على تركـي .. بـس خاني وتزوج مشاعل .. مافي الا اخو راكان .. عنده اخوان ؟ قلت : هههههه ايه عنده غيـث .. عمـره 27 سنه .. كبـر خالد اخوج .. نجوى : لا لا ابي توأمه .. عشـان يشبـهه :D قلت : ههههه لا الثاني مو مال زوااج .. نجوى : يعني صايـع ..؟ قلت : تقدريـن جي تقوليـن .. نجوى : ايييييوه .. وهااااي اللي ابيـه .. خالتي : انتي ما تاخذيـن الا ولد الامام اللي يأذن في المسيد الي عند بيـتنا .. نجوى : لاااااااا .. ليـش انا ناقصـه عقــد .. خالتي : انتي شفيـج مب صاحيـه .. شالعقـد يعني ؟ نجوى : الا مافي طلعه .. ومافي صياعه .. مافي سينما ..مافي شهـــر عســــل .. شهر عسل يمه يرضيــج ما ارووح .. امي : هههههههههههه بس نجوى سكتي .. جاسم وصـل .. نجوى : انتو تحسبووني اخااف منه .. جاسم دخل : تخافيـن من منو .. نجوى : :D هلا هلا بالاخو .. خالتي : اقوووووول .. نجوى : تقوليـن شنو ^,^ .. قلت : هـا جاسم دليـته .. جاسم : هـااا ؟ قلت : دليـته الطريـج ؟ جاسم وهو يفر عينه يمين ويسار: لاء .. شهقت : عيــل شتسوون من مسااع ؟ جاسم : نسولف .. قلت :لاه .. جاسم : والله نسيـت ادليـه .. ضحكت : ههههههههههههههههه من صجك انت .. تميتوا تسولفون .؟ جاسم : ههه ايه والله نسيــت .. اتصل راكان ورد عليه جاسم .. جاسم : هــلااا .. ههههههه ايه ادري .. ههههههههه اوكي اوكي .. انت الحيـن ويـن .. وطلع برع .. ربع ساعه وياني راكان .. في السيـاره .. راكان : ههه اما هاي ولد خالتج عجيــب .. قلت : هههه ليـش ؟ راكان : من مسـك التلفون وهو يسولف وانا ابي اقول له وين بيتكم بس ابيه يخـلص سالفته .. يوم خلص سالفته سكـر .. وانا توهقـت .. هههههههه قلت يمكن بيتصـل .. بس ما تصل اتصلت انا .. وزين بعد هالمـره دلاني ما سولف وسكـر .. ضحكت : ههههههههههههههههههههه .. مسكيـن قاعد في البيـت ما طلع .. راكان: يحليله والله يونـس .. قلت : ايه يونـس .. بس انت شفيـك يوم اتصلت لي كأنك متضـايق .. رد تضايق وتنهد : رحت المستشفـى معاها وعرفت من الدكتور ان هالولد ابن راعي التحليل .. يعني ذياب عنده ولد .. نزلت راسـي متضايقه : والحيـن شبتسوي ؟ راكان : بكلم ذياب بكـره وبشوف آخـرتها .. قلت : ان شالله تنحل الامور بسـرعه وتفتك .. راكان : ان شالله .. رديـنا البيـت وراكان على طول تسبح ونام .. اما انا تميـت متملله .. لان الساعه الحيـن 10 .. وانا مو متعوده انام في هالوقت .. شفت فلم وخلص الساعه 12 ورحت انام .. قمت على حـس راكان .. فتحت عيني بالغصـب : وين بتروح ؟ راكان : الدوام حبيبتـي .. قلت : انزين بقوم بسوي لك فطـور .. راكان : لا لا لا .. بروح مستعيـل .. قلت : ياارااكان وانت كله مستعيـل وبـس .. راكان يلبس الغـره : شاسوي حبيبتـي .. ابي افتـك من هالسالفه .. وان شالله بـرد بسـرعه يـلا باي حبيبـتي " طرش لي بوسه " سي يووو .. ابتسمت ورديـت نمت .. قمت وانا حاسه ان ظهـري بينقـص .. رحت الحمام وتسبحـت ورجعت الصاله وتسلقيـت على الكـرسـي .. شفت الساعه 10 .. رحت المطبـخ ابي اسوي غدا .. مع ان جسمـي مكسـر بس بسـوي مب كل يوم من بـرع .. تميـت احوس واحوس في المطبـخ .. عل وعسـى ابتكـر شـي .. شفت عيـش .. نظفته وحطيـته على الجدر وشفت ربيان ( جنبـري ) في الثـلاجه .. ومع الساعه 12 طـلع مـعاي مجبوس ربيـان فاتـح مادري شلون .. المهم .. خذته وحطيـته تحت في الفـرن ليـن ما راكان يوصـل .. رحت الصاله شوي ريـحت الا راكان وصـل .. راكان تنهد : السـلام عليـكم .. قلت : اهليـن وعليـكم السـلام .. راكان :توج قايمه ؟ قلت :لا من مساعه .. الا انت ليـش تأخـرت .. قلت ما راح تتأخـر .. راكان : شاسوي حاولت انهـي الموضوع بـسرعه .. قلت : شسويـت ؟ راكان : ياليتني ما رحت له .. قلت : لـيش ؟ راكان : مع ان الاثباتات عندي بـس ينكـر .. قلت : شلون ينكــر ؟ راكان : انا جبته معاي المكـتب بالغصـب .. وصدمته برولا .. قلت : من رولا ..؟ راكان : رولا هاي المـره الي لعب معاها وياب الولد شفيـج .. قلت : ايه انزين ..؟ راكان : انا حسيـته ان يوم شاف الولد توهق وماعرف شيسوي .. بس بعد نكـر .. قال ان هالبنت ما يعـرفها ولا مـره شافهـا .. ويوم هي طلعت له رقمه من جوالها .. قال ان انا اللي عطيتها اياه عشـان احبسـه وقام يقول كلام ماله معـنى .. وطالعني بنظـرات وطلع .. انا احـس ان هالقضيـه بتفرق مابيني وبينه .. على قد ما احاول طول عمـري من وانا صغيـر ان احنـا نكون دوم مع بعـض مثل أي توأم .. او اخواان .. بس هو دايمـاً اللي يبتعـد .. انا ما اعرف شاسوي .. قلت : بتصيـر قضيـه ..؟ راكان : اذا تم جي مناحـس ومعاند حتى نفسـه ومايبي يعتـرف .. بتصيـر قضيـه .. قلت : انزين واذا اعترف .. شراح تسوي .. راكان : يتزوجها .. قلت : شنووو ؟؟ يتزوجهـا ؟؟ راكان : ايه .. عشان يغطـي عيوبه .. وهذا الولد بعد ولدنـا .. وله الحـق في كل شـي .. قلت : وشراح تسـوي ؟ راكان : لا تســـأليــني هالســؤال .. انا ما أحبـه .. لاني ما اعرف شاسوي .. قلت : انت كلمه اليوم في البيت بالطـيب .. واذا ما نفع معـاه قول له ان السالفته بتكـبر وبتتحول قضيـه .. وانت مافي حل جدامك الا انك تدافع عن رولا .. لان هاي امـر انت مكلف بتأديته .. راكان : ادري بس انتي تتوقعيـن بيوافق .. قلت : والله مادري عن اخوك .. بس انت حاول معـاه وقول له ان مافي جدامك غيـر جـي .. راكان تنهد : الله يســتــر .. قلت : يـلا من قــدك .. سويــت لك غداا بنفسـي .. قام راكان : مالي نفـس .. نزلت راسي : بس انا تعبت وانا اسـويـه .. التفت علي وابتسم : ما اخلي تعبج يروح .. باكل وامـري لله .. ابتسمت وطرت المطبـخ وحطيـت الغدا وتميـنا نتغـدى ونتكلم في مواضيـع كثيـره .. وبعد الغدا راح راكان ينام وانا نمت في الصاله .. وعيـت على صـراخ .. فتحت عيني شفت التلفزيون مفتح وراكان مندمج في الاخبـار .. قلت : تشوفــني ناايمه ليـش ما تقــصـر على الصـوت .. راكان : عشان انتي نايمه انا خليت الصوت عالي .. قعدت وتربعت : شهالنحـاسه ؟ راكان : تمللت بروحـي .. صـار لي نـص ساعه من قمت وانتي للحيـن نايمه .. مادري من اللي راح الشغل انا والا انتي .. قلت : ايه وانا حامل لازم ارتاح ..ومادري من مسوي الغدا انا والا انت ؟ راكان : ايه في هاي صدقتـي .. بعد اليوم سويتي غدا وبذلتي مجهود .. لازم ترتاحيـن .. قلت : ايه صـح ما قلت لي شـرايك في اكـلي ..؟ راكان : اممم .. كأنه ماصخ شوي .. قلت : لا اصلا هالاكـل صحـي .. حتى ما حطيـت بهارات وايد .. احـسن .. راكان : ايه يعني ماله طعم .. والربيان يابـس .. وايد طابخته .. قلت اعاتبه : رااااكاااااااان .. احمد ربك اني سويت لك غدا. . راكان يمثل الزعل : اصلا انا قلت لج مب مشتهي .. بس انتي سويتي روحج زعلانه وجان تكسـرين خاطري وكلت غصبـن عنـي .. تخصـرت : لا والله .. راكان : هههههههههه لا اتغشـمر .. اكلج حلو .. بس المـره اليايه تعلمي من امج شوي وطبـخي .. ترى يطلع منج شـي .. قلت : اصـلا يطلع مني اشياء بس انت ما تعرف تقدر مواهبي .. راكان قام : هههههه .. انا ببدل وبطلع .. تبين شـي .. قلت : وين بتروح ؟ راكان : بروح بيت ابوي .. بكلم ذياب وبسلم على ابوي بعد .. قلت : بجي معاااك .. راكان : لا انتي تمـي هنيه .. ماراح اطول .. قلت : اوووف .. انزين روح الله يحفظك .. راح الغرفه وانا رحت غسلت ويهي وتوضيت وصليت العصـر .. وتميت ارتـب الغرفه وبخرتها وبخـرت راكان .. وطلع وانا تميت ارتب البيـت وابخـره من الملل .. وعقب رحت الغرفه شفت لابتوب راكان .. فتحته ودخلت على مواقع القصص وحطيت لي قصه وتميت اقـرى .. وانا في نص القصه رن تلفوني .. رديـت : هــلا هجوور .. هاجر : اهليـن .. شخبااركم ؟ قلت : الحمدلله بخـيـر .. انتي اخبارج ؟ هاجر : الحمدلله تماااام .. بس متملله شوي .. قلت : والله انا نفسـج .. متملله وخاصه بعد ان اليوم شكلي مب طالعه .. هاجر : عيل مافي الا اجي بيتج واونسـج .. قلت : ايـــه ايــه تعاالي والله .. هاجر : مافي داعي تحلفيـن .. دقايق اقوم عبود من الرقاد واخليه يوصلني ببجامته .. قلت : ههههه حرام عليـج .. هاجر : لا مب حراام .. امس مخليني في البيـت وهو بـرع لين نص الليل .. اليوم خلني اهلكه شوي .. قلت : يلا تعالي زيـن .. انتظـرج .. هاجر : دقايق اقول لج .. وسكـرنا وانا رحت لبست جلابيه كشخه .. وفتحت شعـري وسويت نسكافيه في دله .. الا رن الجرس .. خفت اني اروح افتح الباب .. رحت عند الباب .. ماااابقــى لكم الا جـزء بـــس ^^ هاااا ابــي توقعاتكم .. وردودكم الحلوة .. ؟؟ مايقى غير جزء و تنتهي القصة .. متحمسين او لا؟؟؟؟؟؟ |
بسرررعه همسه دلع لييش طوليها بعد آلفي من عندج هالقصه رووعه اتجنن مثلج :) |
بنت من البنات ,, ,, والله انتي و ردج الي تجننون اكثر يالغلا ^^ تسلميــــــــــن عالمرور ^^ وان شاء الله لا خلصت هاي في الي احلى لآ تخافيـن حبوبه .. بس هااا توعديني انج تظلي متابعة .. ^.^ |
ثانكس ع البارت الحلو ونتريا التكمله من جداج |
تسلميييييين ع التكمله النآيــس نتريآ البآرت اللي بعده ^^ |
تسلمووون عالمروور .. و اذكركم ان البارت الي بعدهـ هو البارت الاخيـــــــر و تنتهي القصة على خير ^^ !! !!! هموووسة :ast7eee: |
الحمد لله يوم ردوا لبعض .. يلا نتريا البارت اليديد .. :) |
متى بينزل الاخييير ؟؟ |
اووعدج فدييت خشمج ننطرر البارت فدييت ترابج يا قطر |
يسلمؤؤ على الباارت يآالله كملييهااااااااااااااا متحرقصه ابا اعرف منوه على البااب |
تسلمووون عالمروور حبايبي .. تبونهـ باجر العصر والا بالليل اخر بارت ؟؟؟ |
يسلمووووووو ع البارت ونتريا الختام 8_8 |
مشكووورة ع البارت ونتريا الختام |
اذا قدرتي اتنزلينه العصر نزليه .. و مشكوره الغاليه .. |
لو تنزينه العصر احسن بنتظااارج خيتوووو |
اوكــي يالغالــيين . . تريووني اليوم العصر ان شاء الله^^ |
نتريــآآج الــ غ ــــلأآآآآآآآ |
بنتظاااارج يالغاليه |
اليوم نودع القصة ='( الجـــــــــــ 27 ـــــــــزء والاخيــــــــــــــــــــــــــــــــــر قلت : منو ؟ هاجر : فتحـي خلصيني .. صار لي واقفه سااعه .. خلصيني انا حامل .. قلت : هههههههههه انزين بفتح لج .. بس شدخل حامل .. فتحت لها الباب .. سلمت علي .. هاجر : يلا دخليني .. انا حرانه .. قلت : تعالي زيـن .. وترى انتي طلباتج وايد زايده .. هاجر : كيفي حامل .. ضحكت : هههههههه شفيج مب مصدقه ..؟ هاجر : ايه اول مره احمل .. قلت : اووه ؟ صج .؟ هاجر : ايه .. قعدت هي وحطت ريل على ريل : قعدي قعدي يلا .. قلت : هجور انتي صاير اسلوووبج خاايس .. الله يعين عبود عليـج .. هاجر : مب هو ابو اللي في بطني .. يستحمل .. قلت : بس الريال له طاقه .. هاجر : والله شاسوي .. انا بعد كارهه روحي .. الحمل جي يسوووي ... قلت : الحمدلله انا مافي هالسوالف .. هاجر : لاحقه .. قلت : يلا ما علينا من هالسوالف .. انتي اخبارج شمسويه ..؟ وتميـنا نسولف لين الساعه 8 ونـص ودخل عليـنا راكان .. راكان : الســــلااام عليــكم .. اوه السااحـره هنيــه ؟ هاجـر : من تقصـد زوجـتك ..؟ راكان : ههههه لا زوجتـي فديت روحهـا منورته .. هاجر تخصـرت : يعنــي انا ؟ راكان : اللي على راسه بطحه .. يتحسسها .. هاجـر : لا انت تقصـدني .. مافي غيـري مرتز هنيه .. بس انا اوريــك .. راكان وهو رايح الغرفه يضحك .. ضحكت : هههههههههههههههه شفيـج حبيبتـي .. ما يقصـد ؟ هاجـر : ايه انتي شعليـج انتي ماجاج شــي .. عيـل انا سااحـره ؟ بس اوريـه .. ضحكت : هههههه .. هاجر : مب معشيتني ؟؟ قلت : امبـلا .. تبين نسوي عشا والا نطلب ؟ هاجر : لا مابي اكل مطاعم .. ابي اكل بيـت .. قلت : يـلا امشـي عيـل .. هاجر : لازم اسوي معااج ..؟ قلت : ايه حبيبتـي .. مثل ما نتي حامل انا حامل .. هاجر : لا والله .. شدخل زين .. التفت الا لقيت راكان ميت من الضحك : ههههههههههه والله مب صاحيـيــــن .. هاجر : اسكت انت .. حتى ولا سلمت علي .. راح لها راكان وضمها : فديـــت اختــي .. هاجر: قوم قوم .. قوم عني .. راكان : حمدي ربـج انتي اني عطيتج ويه .. هاجر : يلا هناك .. روح سولي عشـا .. راكان : نعم ؟ هاجر : ايه انا متنسيه مكرونه بالبشميل من يدك .. راكان : خيــــر ؟ هاجر : تصــرف .. والا بيطلع في ولد اختك شامه شكبرها على ويهه .. على شكل صحن مكرونه .. يلا قووم .. راكان حط ريل على ريل : مابي .. خل يطلع فيه .. ولدي والا ولدج ؟ هاجر : اوووووووووووووووف .. راكان لا تينني .. ضحكت : هههههههههههههههه راكان حرام عليـك .. قوم سو لها المكرونه عشان خاطـري .. انا بعد متنسيه فيك وانت تطبخ .. راكان : ومااااحلاااالكم التنســي الا فيني ؟؟ قلت : عشان ما يطلع في ولدك شويمه تشوهه .. راكان : شووويمه عاد ؟؟ " تنهد وقام " برووح وبسـوي بعد شااسوي .,.؟ هاي كله عشان ما يطلع في ولدي شويمه تشوهه .. وطالع هاجر .. وانا تميت اضحك .. هاجر : وييييييي مالت على ولدك .. الا يقول بيطلع ابيض واشقر وعيونه زرق ودبدووب .. اقصها عظمه سووده .. والا هالاشكاال شبتجيــب يعني ؟؟ قعد على الكرسي وانا امسك بطني من الضحك على تعليق هاجر ونظـره راكان المستغرب راكان : الحيـــن ولـــدي عظــــــمــــه سوووووده ؟ هاجر : ايه عيل شنو تتوقع يصيــر ... راكان : بشوووف شنو بيطلع ولدج وولد عبوود .. " التفت علي راكان " وانتي تضحكين وهي تعيب على ولدج ..؟ قلت : ههههههههههههههههه شاسوي اذا ريلي واخته يهاال .. قومو يلا روحو المطبخ .. راكان : برووح امـري لله .. اخـر زمن .. حمّل يتشرطوون على محااامي .. عـــــلى طااااري المحـااامي .. شسوووى راكان بسالفه ذيـااب .. ؟ اشوفه مستااانس ان شالله خيـــر يارب .. دخلت المطبخ شفت هاجر قاعده على طاوله الطعام وهي تقرى مجله و راكان لابس المريله ويحوس في كبت الجدور .. قلت : شتسوي ؟ راكان : ادور الجدر اللي بطبخ فيه المكرونه .. هاجر وهي مندمجه في المجله : انا قلت ابي مكرونه بالبشمل .. راكان : ان شالله مداام هاجـر .. اي اوامر ثانيه ؟ هاجر : امم .. ساروه سوي لي عصير رمـاان .. شهقت : وشلون يسووونه ؟ هاجر : قصـي الرمانه نصين وعصيريها بمعصاره البرتقال .. وبيصير لج عصير رماان يـلا .. راكان يتطنز: حبيبتي استحمليها عشااني .. هاجر : ليــش ان شالله انا شفيني ؟ راكان : انتي اووش خلينا نشتغل .. هاجر : عيل انا سااحره هااا .. راكان : يعني انتي تردينها لـــي ؟ هاجر : انت ما قلت تبي تشتغل.. يلا اشتغل وانت ساكت ,., تمينا انا وراكان نشتغل ونسوي العشـا .. وهاجر شوي بس قامت تجيب الخضره وتقطعهم .. خلصنا على الساعه 10 واكلنا وراحت هاجر الساعه 11 ونص .. راكان حاط يده على ظهره : والله تعـــبت وانا اطبـخ .. جي انتو تتعبون ..؟ قلت : ايه والله تعبت .. راكان : بجيب لج خدامات يساعدونج .. مب زين تشتغلين بروحج .. قلت : المهم .. شسويت مع ذيااب ؟ راكان : للحيـن .. مناحس ومب راضي يعترف بالولد .. نزلت راسي : انزين شناوي تسوي ؟ راكان تنهد : بسوي شغلي .. بدافع عن موكلتي .. قلت : ضـد اخوووك ؟ راكان نزل راسه : يعني شاسوي اذا اخوي مأذني بنات العالم .. قلت : بس حاول معاه .. مب على طول تنرفع القضيه ... راكان : انا فهمته بكل شي ممكن يصيـر في المحكمه وشنو ممكن يكون عقابه .. بس هو مطنـش .. خلني بشوف يطنش لين متـى .. نزلت راسي : بس حــرااام .. راكان طالعني : كااسر خاطـرج ؟ قلت : مب هو كااسر خاطر .. علاقتكم ببعض هي اللي كاسره خاطـري .. اخو يوقف في المحكمه ضد اخووه .. هااي اللي ما يصيـر .. راكان : خليها على الله .. جي الدنيا .. تنهدت .. ورن جوال راكان .. راكان : شتبي امي متصله احيـن اوف .. قلت : رد يمكن تبي شي ضروري .. راكان رد : هلا يمه .. شسويت ؟ ... انا مشتكي ضده ..؟ لا انتي ما فهمتي السالفه عدل ... شلون ما تبين تفهمينها صـح بعد ... يمه ساااره مالها خـص .. ليش كله تبين تدليها في المشااكل .. " تم ساكت فتره بس يسمع " .. شوووفي يـــماااه .. بكره انا باجي وبقوول لج كل السالفه ... شنووووو ؟ ما تبيني اطب البيت .؟. اذا ابوي طلع من البيت سااعتها تحكمي فيه .. وسكر وراح الغرفه على طول .. وانا تميت مكاني محتاره .. ما اعرف شاسوي الحيـن .. رحت الغرفه ما لقيته .. اكيد دخل الحمام .. فتحت تلفزيون الغرفه تميت اطالعه بصووت وااطي .. طلع من الحمام .. قلت : تسبحت ؟ راكان تنهد : ايه .. قلت : شفيـك متضايق ..؟ راكان : يعني انتي ما تعرفين شفيني ..! قلت : امبـلا بـس لا تاخذ على كلام امك الحيـن .. هي معصبه وماتعرف شنو تقول .. راكان : لا تعرف .. امي اللي تعرف عدل هي شتقول .. وتحسب الف حساب على الكلام اللي بتقوله قبل لا تقوله .. قلت : مهما تكون .. هذي امك .. راكان : هذي مب ام اصـلا .. شهقت : لا راكان لا تقول جي .. الجنه تحت اقدامها .. راكان : اذا شمت ريحه الجنه هاي .. قلت اعاتبه : راااااكـاااااان .. استغفــر ربــك .. لا تقوول جي .. راكان حط يده على ويهه : استغفر الله استغفر الله .. اعوووذ بالله من ابليــس .. فتح البلكونه وطلع .. رحت عنده وحطيت يدي على كتفه ولفحنا الهوى .. قلت : ادخل داخل .. بتمرض توك متسبح .. تم ساكت .. مسكت يده ودخلته .. وابتسم لي .. ورحنا ننام .. قمت الساعه 9 .. شفت راكان نايم .. صحيته على طول .. راكان بكسل : شنووو ؟ سحبت عنه الفراش : قووم الساعه 9 مارحت الدوام .. راكان تلحف : ادري .. قلت : زين قوووم .. تاخرت .. راكان : مابي ارووح .. وقفت على الفراش وسحبت عنه الفراش وطيحته على الارض : قووم بسـرعه .. راكان ابتسم : شفيـج مابي اروح .. قلت : بترووح .. راكان : ليـش ؟ قلت : عشان تفتك من قضيه ذياب .. راكان : اوووووف .. زين قايم الحين .. قام وراح الحمام ولبس وراح الدوام بدون فطور .. رجع الساعه 2 .. وقال حددوا الجلسه .. كان ودي تنحل القضيه بشكل ودي .. بس ذياب راسه يابس ويبي يوهق رووحه .. شفت راكان يدور .. قلت : شنو تدور .؟ راكان : جوالي .. قلت : كاهو على الشاحن .. خذاه واتصل .. راكان : ما يرد بعد .. قلت : منو ؟ راكان : ذياب .. قلت : ليش ؟ راكان : ابي اقول له متى تحددت الجلسه .. بلعت ريجي .. راكان اتصل : الوو .. مابي منك شي .. بس بغيت اقول لك ان الجلسه قربت .. روح كلم ام ولدك عشان تتنازل عن القضيـه .. كيفك .. راكان : سكر في ويهي الحقيـر .. قلت : معليـش معصب .. راكان : انا امووت واعرف ليـش تدافعين عنهم هالكثـر .. نزلت راسي وعقب قمت : ماالي شغل فيكم خلاااص .. لو تتذابحون انا مالي دخل فيكم .. هذا يزاي الحيـن .. ورحت الغرفه .. كنت بصيـح بس مسكت روحي .. المسأله ما تستاهل .. وتميت اطالع المطر اللي ينزل على الدريشه .. وحسيب بيد على كتفي .. سويت عمري زعلانه .. راكان : انا آسف .. لا تاخذين على كلام واحد معصـب .. نفس ما انا .. ما تكلمت .. راكان : زعلانه .؟ فكرت .. بروحه الي فيه كافيه بعد ازيده .. التفت عليه وابتسمت .. قلت : محد يقدر يزعل من رووحه .. راكان ابتسم : فديـــت روووحج انا .. ابتسمت له .. راكان : مافي غدا ؟ هزيت راسي بـ لا .. راكان : ليـش ؟ قلت : بنتغدى عند امي .. راكان : اوكي .. بتسبح دقايق وبشوفج جاهزه .. طلعت لي لبس ولبست وبعد نص ساعه رحنا بيت ابوي وتغدينا .. مــرت الايام وجا يوم الجلسه .. راكان كانت نفسيته تحت الصـفـر وما كان ياكل عدل .. وكلامه معاي صاير مختصـر .. بس انا عاذرته مهما يسـوي .. ذياب دخله في مشاكل مالها نهايه .. راكان الحين برع .. اكيـد في المحكمه .. ياربي شيسوي ..؟ شنو شعوره الحين .. وذياب شناوي عليه .. هاي افكااره خايسه ونواياه خبيثه .. ياارب استر ياارب .. تميت انتظـر ليـن ما غابت الشمـس .. حطيت راسي على يد الكرسي وغطيت شوي .. وعيت على صوت الباب ..فزيت على طول ورحت عند راكان .. قلت : شسويييييييييييييييييـــت ؟؟ راكان كان ويهه حزين .. قلت : ما نجحت ؟ ابتسم وحضني وشلني : بااااااركييييييييلي سااروه بااركيـللللللللي .. تميت اضحك وانا ما ادري شالسالفه .. قلت : خيــر ؟ نزلني : الحمدلله ذياب اعترف والمـره تنازلت .. قلت: صــــــج ؟ راكان : ايه صـج .. وذياب الحين بيتزوجها رسمـي .. قلت : شنوو ؟ راكان : انا مثلج مو مصدق .. مو مصدق كلـــش .. قلت : الحمدلله الحمدلله .. الحمدلله انها جات منه .. حتى لو آخـر لحظه .. راكان : الحمدلله .. قلت : شكان شعوره ؟ راكان : مادري .. شكله حزين .. ومهزوم .. مادري شنو شعوره بالظبط .. قلت : وامــك ؟ راكان : ما شفتها .. قلت : روح لها راكان مب زينه القطاعه .. راكان : ماني محتاجها في شـي .. خلها في حالها وانا في حالي .. نزلت راسـي : بس هاي امك .. راكان : ساره حبيبتـي .. لا تخربين فرحتي .. ويلا قومي لبسي بنطلع .. قلت : وين ؟ راكان : الشاليهااات .. بنتم يوم وبنرجع .. قلت : اللـــــــــــــه ونااسه .. بروح اجهز شنطتي .. راكان : ونادي الخدم يساعدونج .. لا تشيلين اشياء ثقيله .. قلت : انت قعدت مع امي ؟ راكان : لا ليش ؟ قلت : الكلام اللي تقوله لي امي نفسه انت تقوله .. راكان ابتسم : عشان تعرفين ان احنا نخاف عليج .. يلا روحي جهزي .. رحت وجهزت كل شي .. وشلوا الخدامات الشناط وودوهم الصاله وانا تميت اتعدل .. حطيت لي بودره خفيفه وكحل وماسكاره .. خذت شنطة يدي وطلعت .. وفي الطريج اهداني راكان اغنيه وحطها عشان اسمعها .. والله احبك .. احبك ويشهد الله علي .. لما اشوفك .. ابتسم .. صدقني ماهو بيدي .. لا حاسد يقدر يبعدنا .. هذا انت لو شوي .. يالله احفظ حبي لي .. يالله ربي ياقوي .. مافي غيره سكن روحي حبيبي وانا احبـه .. لوقالوا تمنى اتمنى عمري قربــه .. يعشقني يعشقني يعشقني من قلبه وقال انا ادري يحبني بس شوي اغتلى عليه .. وغلاتي وغلاتي وغلاتي ياعمري تعال لو يطلب عمري كله والله عمري بين ايديه .. يفهمني يفهمني يفهمني وانا بيدي دواه هذا اللي احبه احبه ومن قلبي ابيه حبيبي حبيبي حبيبي وكل عمري معاه لو كل العواذل تفرق ما تقدر عليه احبـــك .. ابتسمت له وكملنا طريـجنا .. مــرت 3 شهوور واحنا في حاله استقرار ولله الحمد .. وفي بيت امي .. امي : الا ساروه انتي في اي شهـر ؟ قلت : في الشهر الراابع يمه .. ما تحسبين لي ..؟ امي : امبـلا بس ما اشوف لج بطـن نفس العالم .. غايوه : يمـاه تو الناس على البطن .. في الخامس ويطلع صغنون بعد .. امي : ايه حسبالي بعد تقصين علينا طول هالفتره .. ضحكت : هههههههههه شدعوه يمه مب غشمـره هاي اذا بتطول هالكثـر .. غايوه : بعد ما يصيـر تكون كذابه .. عمـري ما شفت وحده تتنسـى كثـرها .. يمه انا تنسيـت ؟ امي : لا بس سألتيني متى موسم البطيـخ .. والحمدلله ان في موسمه .. وانا قلت اكيد ماجد ياب لج .. غايوه : هههههههههه ايه صـح .. كنت اتنسى في بطيخ .. قلت : ههههه انا اهون .. اتنسى في زيتوون .. غايوه : ايه والله .. لو البطيخ مو في موسمه جان طلعت بطيخه في ويه ولدي .. ضحكت : ههههههههه الا وينه ..؟ غايوه : نايم عند مشاعل .. قلت : فديييييييته .. الا مشاعل ليش ما نزلت ..؟ امي: يختي تعباانه من امـس .. ويها ذابل وحالتها حاله .. كنت بقول حق تركي يوديها المستشفى بس خفت يخاف عليها .. سكت .. غايوه : لازم يمه هي في شهورها الاخيـره .. قلت : مب اللي في الشهور الاخيـره لازم يمشون وايد ؟ غايوه : ايه بس مشاعل تعبانه اصـلا من اول ما حملت .. يمكن مب زين لها المشي .. قلت : الله يهون عليها ويعينها .. شوي الا ينفتح باب الصاله وكان تركي وياي بسرعه حتى ما سلم وراح فوق يركض .. خفت ووقفت .. قلت : شفيــــــــه ؟ شصااااير ؟ امي حطت يدها على قلبها : ويه ؟ مشاعل اكيد فيها شي .. وراحت غايوه تركض معاه وكنت بركض وراها وامي مسكتني .. تركي يصاارخ : يمـــــــــااااااااااااااااه .. طلبي الاسعااف بسررعه .. صحت : ليـش ..؟ شفيها مشاعل .. رحت فوق بسرعه .. لقيت مشاعل تصارخ وتصيح .. وشكلها كان يعور القلب .. ضعيفه ومافيها الا بطنها .. وغايوه ماسكتها من يدها تخفف عليها .. قلت : ما تشووفيـن شر ما تشوفين شـر ان شالله .. مشاعل تصرخ : ابــــــي امـــــــــي .. ابي اميييييي .. تركي حذف علي الجوال : اتصلي بـأمها بسـرعه وقولي لها ان مشاعل في المستشفـى . خذت الجوال وتميت ادور في الاسماء .. لقيت اسم (ام مشاعل ) .. اتصلت لها على طول وطلعت من الغرفه .. ردت : الوو ؟ قلت : هلا خالتي .. شخباارج ؟ ردت : بخيـر .. بس من ؟ قلت : انا ساره اخت تركي .. قالت : هلاهلا ساره .. شخبارج حبيبتي ..؟ شلونج وشلون امج ؟ قلت : الحمدلله كلناه بخـير.. خالتي . قالت : هلا .. قلت : خالتي مشاعل شكلها بتولد .. وهي الحين بنوديها المستشفـى .. قالت : فــــــي المستشفـــــــى ؟ هي في الشـهـر الثامن الحين .. شلون تولد ..؟ قلت : مادري خالتي . هي تعبت وبنوديها المستشفـى .. ما سمعت ردها .. سكرت وانا رحت اساعد مشاعل وسمعت صوت الاسعاف .. خذوها وانا رحت وغايوه وامي مع تركي .. وكان تركي يسوق بسـرعه جنونيه .. انا كنت خايفه وادعي طول الطريج .. وصلنا المستشفـى واتصلت حق راكان وقلت له ان انا في المستشفى مع مشاعل .. وقال ان هو بيجي .. دخلوها غرفه العمليات بسـرعه واحنا تمينا ننتظر برع .. الكل خايف .. طلع الدكتور .. تركي : خيــر دكتوور ؟ شفيـها ؟ الدكتور : لااازم وبسرعه تولد .. تركي : بس هي في الشهر الثامن .. الدكتور : لسلامتها وسلامتك ابنك .. قلت : اوكي اوكي .. طمني عليها دكتوور ارجووك .. الدكتور يظربه على كتفه : ماتخاف .. وخل ايمانك بالله قوي .. ودخل الدكتور واحنا تمينا برع بحاله لا تسـر عدو ولا رفيـج .. تمينا ننتظـر فتـره طويله .. وتركي ما قعد.. وشكله متوتر وحالته عصيبه .. جا راكان وتم يهديه ويهديني .. انا شوي اصيح واسكت .. بعد وقت طويييل .. طلع الدكتور .. تركي راح له على طول : خيـر دكتور بشـر .. الدكتور مبتسم : مبروك جاك ولد .. بس راح يكون في الحضانه لين ما نتأكد من صحتو .. تركي: ومشاعل شخبارها ؟ الدكتور: والله مشاعل تعبانه شوي .. وهذا تأثيـر العمليه .. وان شالله راح تكون بحاله مستقـره بعد 24 ساعه .. تركي : اقدر اشوفها .؟ الدكتور : هي الحين في غرفه النقاهه .. وراح لها تركي واحنا استانسنـا وتمينا نحضن بعض من زود الفرحه .. وقال تركي ان بيسمي ولده راشد .. رجعنا البيت بعد ما تطمنا على مشاعل .. ومــرت الايـام .. والشهـور .. وانا الحين في الشهـر التاسع .. وراكان مستانس على بطـني .. كل ما اكون قاعده ايجي ويمسك بطنـي .. ولا بعد يوم البيبي يتحرك .. يستاااانس .. رن تلفون البيت ورفعت الساعه .. رديت : الووو .. خالي : الوووووووووه ساااااروووووووووه .. قلت : هلا خااااااالي .. خالي : بااركيـلي يااني ولد .. قلت : صـــــــج ؟؟ لطوووف ولدت ؟ خالي : ايه ايه .. تبين تلكميـنها ..؟ قلت: ليـش هي متى ولدت ؟ خالي : اليوم الفجـر .. شهقت : وليــــــــش ما قــلت لـــــي ؟ خالي : فرقت يعني الفجر عن العـصـر .. يلا تبين تلكميـنها والا .؟ قلت : ايه ايه .. عطني اياها .. لطوف بتعب : الووه .. قلت : هلااااااا بالخاينه .. لطوف : ههههههه حرام عليج لا تضحكيني .. قلت : ليش تولدين قبلي ..؟ لطوف : بعد شاسوي ..؟ قلت : فدييــتج والله .. مبرووك ما جااج .. لطوف : الله يبارك فيـج .. سمعت خالي يقول : انا ولااااا تبااارك لـي هالخاايسه .. لطوف : سمعتيه ؟ ضحكت : ههههههههههه والله شاسوي من المفاجأه .. لطوف : انتي متى بتولدين ؟ قلت : مادري بس عندي موعد بعد اسبوع .. يعني خلال هالايام .. الله يستـر .. لطوف : الولاده عذاااب يا سااروه .. الله لا يرااويج .. قلت بخوف : امبلا بيراويني بعد كم يوم .. لا تقووليـــن .. لطوف : والله .. انا ما تخيلتها جي .. تخيلتها شوي اخف .. بس صدقيني كل الالم يرووح لما تشوفين ولدج .. فديــت خشمه .. قلت : شفتيـــه ؟ لطوف : ايه عطوني اياه .. قلت : من يشبــه ؟ لطوف : يختي ما يبين فيه شـي .. نتفه .. مافي الا خشمه علي .. هااي اللي لاحظته .. قلت : زين انتي خشمج حلو .. زين ما طلع على ابوه .. لطوف : ههههههههههههه اقول له .. قلت : لا لا خلاص آسفه .. الا شنو بتسموونه ؟ لطوف : مشاري يقول فيصل على ابوه .. قلت : اهااا .. حلو فيصل .. لطوف : الا هاجر شخبارها ؟ قلت : والله مادري .. امس كلمتها كأنها شوي تعبانه .. لطوف : عيل قريب تربي .. قلت : لا ان شالله اربي قبلها .. لطوف : ليش يعني ؟ قلت : يختي اخاااف اتم في الاخيـر .. لطوف : هههههههههه عادي انزين .. في الاول والا الاخيـر .. الولاده ما بتتغيـر .. قلت :بعد .. شفت راكان ماسك جواله ويدور وهو مبتسم : اوه عيـل ما بقت الا ساره .. هههههههه .. قلت : لطوف لحظه شوي .. قلت حق راكان : شنوو اللي ما بقـى غيـري .. راكان : هههههههه هاجر ولدت .. قلت بخوف : هاااااااااااااا ؟ راكان مات من الضحك : هههههههههههههههههههههه .. قلت : الحمدلله .. شنو يابت ؟ راكان : ولد .. قلت : كلهم ولد .. راكان : البكر احسن شي ولد .. قلت : استغفر الله .. اللي ايجي من الله حلو .. راكان : ايه يجنن بعد .. كملت مكالمتي مع لطوف .. لطوف : شفيـج ؟ قلت : هاجر يابت ولد .. لطوف : صـــــج .. ههههههههههههههههه مبرووووووووك ؟ قلت : الله يبارك فيـج .. يختي لطوف خاايفه .. لطوف : لا تخافين حبيبتـي .. ان شالله الله يهون عليـج .. قلت : يلا باي الحين بلبس وباجيج وبروح حق هاجر .. لطوف : اوكي .. قلت : باي .. سكرت وخذت لهم الهديه اللي مجهزتها لهم .. ووديتها لهم وقعد شوي عند لطوف وعقب عند هاجـر .. هاجر: انا ما حسيت بالالم تدريـن ليـش ؟ قلت : لــيش؟ هاجر : لان عبود فديته كان معااي .. صج هو طول الوقت كان مغمض عيونه ومساد اذنه بيده عن صرااخي .. بس شعور حلو .. ضحكت : هههههههههه ارجوج هجور لا تضحكيني وانا خايفه .. هاجر : ترى والله من صجي .. خلي راكان يدخل معاج .. طالعت راكان .. شفت يلف عينيه يمين ويسار .. ضحكت على شكله .. راكان : لا انا ما احب الاكشن .. انا بترقب المولود من بعيد .. قلت : لا بتدخل معااي .. راكان : وقتها يصيـر خيـر .. هاجر : لا انتي شكله هالولد بيخيـس في بطنـج .. قلت : لا مب خايس .. انا توني داخله التاسع .. يعني باقي له كم اسبوع .. هاجر : الله يهون عليـج .. قلت : آآميـن .. تميت عندها شوي ورحت البيـت .. مـرت 4 أيام وانا احااتي .. اخاااف من الولاده .. تميت قااعده الفجر وراكان نايم .. كان ظهـري يعورني .. وانا مافيني نوم .. تميت اطالع التلفزيون فلم مصـري .. حسيت بألم في ظهـري .. قمت بروح انام وزااد الالم .. تميت واقفه مكاني لين ما يخف .. بس كل شوي يزيد .. وبطنـي عورني .. قعدت على الكرسي وصحت .. آآآه ياابطـــني .. احســه بيتقطع .. .. صرخت : راااااااااكاااااااااااااااااان .. راااكااان قوووووووم .. رحت صوب السرير وانا امسك ظهري : راكاااان قووم حراااام عليك .. قووم الله يخليــك .. راكان يتقلب : مب رايح الدوااام .. عندي اجاازه .. قلت : قوووووووووم ودني المستشفــــــــــــى حراااااااااام عليـــــــــــــــك .. راكان قام بسرعه : شنو ؟ قلت : قوم الله يخليك .. راكان راح الحمام غسل ويهه وانا رحت اخذ عباتي بسرعه ولبست الشيله .. حط راكان يده ورى ظهري وبيده الثانيه مسك يدي .. وركبنا السياره على طول ورحنا المستشفى وانا طول الطريج اصرخ واصيـح .. وراكان يحاول يسكتني بس مافي امل .. خذوني بكرسي وعلى طول دخلوني غرفه العمليات وانا اصيح واقول لهم ابي امي .. دخل معاي راكان يهديني .. ولدت وجبت بنت .. بس صدقت لطوف .. شوفه البيبي تنسيـج الم الولاده .. اول ما جابوا لي بنتي حضنتها وتميت اصيح .. راكان خاف علي وشل البنت وتم يهديني .. كنت ابي راكان يسميها نهله على امه .. بس هو قال يبي يسميها منيـره على جدته ام امه .. وانا اقتنعت .. وانا قاعده كنت ارضع منيره .. طقوا الباب .. لبست شيلتي .. قلت : الباب مفتوح .. دخلت عمتـي وتفاجأت انها ياتني .. ابتسمت لها وابتسمت لي .. ويات وراها اريج واللي ما توقعتها ابدا ابدا رولا زوجه ذياب .. تميت اضحك من زود فرحتي .. سلمت علي عمتي وحضنتها وتميت اصيـح .. عمتي : فديتج .. مبروووووك عليـج منيـره .. قلت وانا امسح دموعي : الله يبارك فيج .. عمتي : الا وين راكان .؟ قلت : توه طلع وقال ماراح يتأخـر .. سلمت علي اريج ورولا .. شوي الا راكان دخل .. وكأنه تفاجأ من وجود امه واخته ورولا هنيه .. راكان : السسسسلام عليكم .. عمتي ابتسمت : وعليكم السلام .. راكان طالعها وكأنه مستغرب .. ويطالعني .. ابتسمت له .. طالع امه وسرح شوي .. وابتسم لها .. وراح لها وضمها وهي صاحت .. وانا صحت معاهم .. واريج كانت متأثـره .. عمتي : من زماااااااااااااان ما حضنتك يا ولدي .. من زمااااااان .. رولا ابتسمت وقالت : عمتـي نسيت اقول لج شي .. عمتي : خيـر ؟ رولا ابتسمت ونزلت راسها : انا حامل .. عمتي ضمتها : مبروووووووووووووووك حبيبتـي مبروووك .. الحمدلله انكم تراضيتو .. الحمدلله .. انا مالي غيركم يا عيالي .. محد بينفعني غيـركم والله .. ابتسم راكان وطالعني .. ويات الممرضه وعطتني منيـره ويا راكان صوبي وقعد معاي على السرير.. وتمت عمتي تطالعها وعيونها تدمع .. طلعت الممرضه ودلخوا بدالها امي وابوي وغايوه خالتي وبنات خالتي .. كل الاهل تجمعوا حولي وباركولي ببنتي .. تركي ومشاعل عاشو حياه مستقـره مع راشد ولدهم .. اللي صار كووبي من ابوي .. ومافكروا يجيبون غيـره لسـلامه مشاعل .. ولطوف وخالي مستانسين بحياتهم .. وفيصل طلع شيطاني نفس خالي .. بس كان جباان وايد .. وطلع يشبه لطوووف نسخه .. هاجر وعبود كل سنه يبون بيبي .. استانسو على اليهال .. اريج انخطبت من خالد رفيج راكان .. وخالد كان مطلق زوجته بعد وماعنده منها عيال .. ورايج وافقت والعرس قريب .. ونور عرسها امس يحليها .. كانت طالعه تجنن وزوجها يناسبها .. وحياتهم حلوه ومستقـره .. نجوى انخطبت من رفيج جاسم .. وهو اهبل نفسها .. وطلعوا لايقين على بعض .. والي كانت تبغيـه بيصيـر .. بيوديها شهـر العسـل :D اما انا وراكان حيااتنا حلوه .. راكان دلعني وخلاني اتعلق فيه بشكل مو طبيعي .. لدرجه انه هو يوحشني وهو جنبي .. احبه واحبه واحبه .. هذي الحياه .. فيها دروس تعلمنا الصح من الخطأ .. ولو ان دروسها قويه .. بس الدنيا جي .. اللي يبي يعيـش في الدنيا .. لازم ياخذ من دروسها .. وانا احمد ربي كل يوم وكل وقت .. ان عطاني هالزوج الصالح اللي يحبني ويخاف علي اكثـر من نفسـي .. وان عطاني هالبنت اللي زادت حياتنا حلاه .. وهنيه اقـــدر اقوووول النهـااااااااااااااااااااااااااااااااااااااا ااااااااااااااااايه و طبعا اليوم خلصت القصة على خير:02: .. و اتمنى انها تكون عيبتكم .. وابي رايكم فيها ؟؟ وهنيــه احب اشكر كل من رد و تآبع القصة للاخر و الي مروا عليها,, واوجه شكر خاص للاعضاء الي تموا متابعين وياي للاخر .. والله ما قصروا وان شاء الله لهم كل يديد و حلو من صوبي .. وهم : .~[قلب حاير]~. .~[اماراتية كشخة]~. .~[cutty tweety]~. .~[الميم]~. .~[دلوعة بوظبي]~. .~[da1a3]~. .~[الورد الحلو]~. .~[دلوعة الغربية]~. .~[ند الغرام]~. .~[كلي دلع]~. .~[بنت من البنات]~. ميـــــــــــرسي .. ميرســــــــــــي .. ميرســـــــــــــي :13: وقصتي الثانية بتكون بعنوان .. [ انــأ بآقي على عهدي ولو قبري يصير غطاي .. وان خنتك بعد موتي عسى ينكرني ترابي ] بصراحة القصة روووعة و اتمنى تعجبكم .. و تتابعونها وياي و اكون عند حسن ظنكم يالغاليين . . والسموووحة عالقصــور .. اختكم .. [ همووؤؤووسة ] :ast7eee: |
:02: ~*¤ô§ô¤*~والله انه القصه طررررررررر الطروري ..~*¤ô§ô¤*~ ][®][^][®][انا احب هالقصص ..][®][^][®][ ~*¤ô§ô¤*~ثاكس غلاتي..~*¤ô§ô¤*~ |
و أخييييييرا ً .. نهايه سعيده و الحمد لله .. وآآيد حلوه النهايه .. و ان شا الله بكون متابعه القصه اليديد .. فمآن الله .. |
مشــكوووره ع القصـه الغآويـه وان شااء الله بتابع ويااج القصـه اليآآيـه ..^^ |
تسلميييييييييييييييين همسووووووووه على القصه الطرررررررررررر و ننتظر القصه اليديده |
الله النهاااايهـ واااايد حلوووووهـ( طرررررررررررررررر ) مشكوووورهـ ختيو عهالقصهـ الي واااااايد عيبتني ونترقب القصهـ اليايهـ ( انــأ بآقي على عهدي ولو قبري يصير غطاي .. وان خنتك بعد موتي عسى ينكرني ترابي ) وانشالله تكوون حلوو شرات هالقصهـ نترياج .. |
نهاااايه رووووعه الحمدالله انتهت بسعاااده للابطاال مشكوووره حبوبه و بنتظااار قصتج اليايه و نبا اول بارت يكون طويل هع هع هع هع هع |
ههههههههههههههههه ان شاء الله حبابيبي تآمرووووووووون امر! قولولي متى تبون القصة قولولي و انا انزلها لكم .. ^.^ وتسلمون عالمرور ^.^ |
باجر اذا ما عليج امر |
من عيووووني غلايه .. اتريوووني باااجر .. وسي يو فالقصة اليديدة ^.^ |
تسلمين حبوبه ع النهايه الحلوه ونتريا كل جديد من صوبج ومشكوره ع الشكر ولا هنتي |
واااااااااااااااااااااااااااااااااااي القصة ولا اروع واااااااااااااااااااااااااااااااااايد روعة نتريا القصة الياية مشكوووووووووووووووووووووووووووووووورة ..^^.. |
| الساعة الآن 03:54 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir