|
جااااااري انتظاااااار الباااااااارت |
. . . البارت الـ 118 فهد : شحالج ؟ روضة مبتسمه : الحمدلله تمام وانت شحالك ؟ فهد يتثاوب : بخيير . . مستفقدنكم والله . . روضة : حياتيي والله " ومسكت حلجها . . طلعت عشوائية " فهد ابتسم : هههه . . ياويل حالي . . روضة تمت مغمضه عينها باحراج . . فهد مبتسم : فديتج يا الغالية . . روضة تغير السالفه : وينك الحين ؟ فهد : مريت البيت سبحت وعقب يييت اهني بيت امايا تغديت ووطيت راسي وتوني مبطل عيني يوم دقيتي . . روضة : مثل ما اتفقنا .. ماتروح البيت بروحك ولا برد ترى ! تم عند عموه . . فهد مبتسم : من عيوني . . وين العيال عيل ؟ ما اسمع لهم صوت ؟ روضة : يالسين عند امايا . . توكلهم فواكه . . فهد : شو نفسية امج الحين ؟ روضة : الحمدلله وايد احسسن . . فهد : الحمدلله . . روضة : متى ما بغيت تعال لا تستحي ترى . . فهد مبتسم : ان شاء الله فديتج . . روضة : يالله خلاص بروح لليهال . . فهد : اوكي .. اقوول روضه ؟ روضة : هلا . . فهد : خلي التلفون بإيديج عشان لو بغيت اطمن عليكم . . روضة : ان شاء الله . . فهد : سلمي على اهلج . . روضة : يوووصل . . فهد : فمان الله . . روضة : فمان الكريم . . . . . مسك ناصر الفون واستغرب من مسج واصلنه " ممم " تم يقرا المسج ويحج راسه . . ناصر : هذي حصيص مطرشة ولا انا يتهيأ لي ؟ روضة تطالعه : بلاك نصور ترمس روحك ؟ ناصر يعطيها الفون : اقري شو مكتوب .. روضة : مكتوب مممم . . ناصر : منو الي مطرش ؟ روضة : القلب ؟ منو القلب !! ناصر : هيه والله القلب . . يغلق الفون ويرد يفتحه . . ناصر : بعده المسج موجود . . يعني صدق . . روضة : نصوووووور . . استخفيت ؟ ناصر يطالع روضة : حصيص . . بس لا تخبرين عذور . . روضة فاجه عينها . . ناصر : اذا انتي فجيتي عينج . . عيل انا شو اقووووووول ؟؟؟ بلع ريجه وركض سار غرفته ودق لها . . ناصر : . . . حصيص : . . ناصر : . . حصيص : ما بتتكلم يعني ناصر : مصدوم . . حصيص : من ؟ ناصر : انج انتي مطرشتلي مسج . . حصيص : . . ناصر : . . حصيص : شحالك ؟ ناصر : اتصدقين ماعرف حصيص مبتسمه . . ناصر: والله اني مش مستوعب حصيص : ليش سويت جذي ناصر ؟ ليش خربت عرسي . . ؟ ناصر : . . حصيص : انا مش متصله اعاتب . . لكن ابغي اعرف ليش تهورت . . اذا انت تحبني . . معقوله ماتهمك سعادتي ؟ معقوله ما فكرت انك بتحرجني وبتسويلي مشكله ناصر : الله شاهد ما فكرت . . انعمييت . . كنت ياي من برا بس عشان اسوي الي فراسي . . مافكرت بالعواقب ابد . . عقب هدوء بسيط . . ناصر : سامحيني . . حصيص : انا اسامحك . . واشكرك بعد ناصر : تشكريني ؟ حصيص مبتسمه : لانك خلصتني من شخصيه قذره ناصر ما فهم . . حصيص : عقب ما اطلقت . . عرفو اهلي وايد اشياء شينه فييه وفـ اهله . . انغشييينا فيهم وايد . . ناصر : . . حصيص : له سوابق برع البلاد وله مشاكل ما تخلصص . . واهله . . ناصر يقاطعها : الله يستر عليهم . . حصيص : . . ناصر: لا تطرينهم . . الله يستر على عبده . . استري على ماعرفتي . . حصيص ابتسمت : مشكور وايد . . ماعرف اي مصير كنت بعيشه عقب ما اكتشف حقيقته وانا على ذمته . . ناصر مبتسم : فرحني كلامج . . حصيص : لا تحس بتأنيب الضمير . . ولا تحس بشي . . الي سويته ريحني من هم كنت بعيشه طول عمري ناصر يبلع ريجه : اسم الله عليج من الهم . . حصيص : خلاص . . انا حبيت اقولك هالكلمتين . . والحين لازم ابند ناصر: لاااااا . . دخيلج لا . . حصيص : . . . ناصر : خلج شوي بعد . . بس شوي ّ!!! . . . |
. . البارت الـ 119 عذاري : ممممممممابتغششششششا ما بتتتتغششششششا سلطان : ما بتتغشين بردج البيت . . عذاري : عادي ردني البيت لكن ما بتغششششششششا سلطان عاقد حياته : شفيج قلتلج لين اندش الفلم بس . . عذاري : ما احب الغشوه وما بتغشششششا سلطان يتنهد : استغفر الله . . .بتسمعين الرمسه ولا اردج عذاري : قلتلك ردني " تصد الصوب الثاني " مابتغشششا سلطان : وين عذاري قبل ؟ الي كل ما اقول لها شي تقول لي ان شاء الله ومن عيوني ؟ ولا بديتي تتغيرين عقب الملجه ؟ اطلعي على حقيقتج اطلعي . . عذاري تطالعه يرمس جد ولا . . وطلعت ملامحه جدا جدية . . : ترمس من قلبك ؟ سلطان يطالعها عين بعين . . عذاري تغشت . . سلطان : نزلي من السيارة يلا . . ونزلت ونزل وراها . . طبعا بما انها زعلانه فأبدآ مش لاصصصصصصصصقه فيه . . مخليه بينهم مسافه كبيرة وسلطان كل ما ياه ويتقرب منها اكثر . . سلطان يمسك ايدها بقوة : شوي شوي . . وخلج اهني . .!!! عذاري : . . سلطان : يعني انا ما قانع امج تين ويايه السينما عشان اتمين مبوزه . . عذاري : . . سلطان : مابترمسين بعد . . عذاري : ماعندي شي اقوله . . خلنا نشوف الفلم وخلاص . . لاترمسني سلطان مبتسم : اوكي . . عـ رآحتج ودر ايدها وسبقها شرى التذاكر . . رجعلها وسارو صوب الاكل . . سلطان يطالعها : شحلاتج بالغشوه اصلا . . عذاري : قلتلك لا ترمسني سلطان يبتسم : ان شاء الله . . شتبين اطلب لج ؟ عذاري : مابا ششششششي منك سلطان : عن الدلع يلا قولي . . عذاري : قلتلك مابا منك شي !!!!! سلطان : غناتيه .! بس عاد عذاري : . . سلطان : يالله خبريني شتبين . . عذاري : . . سلطان يمسك ايدها : يالله ادري تبين على ذوقي . . وطلب لها بابكورن اكبر سايزز . . وبيبسي طبعا وشراله نفس الشي . . دخلو الفلم بسرعه والليتات بعدها مبطله . . ما بدا . . خذولهم مقعد ورا . . سلطان : ها اوكي المكان ؟ " يطالعها " بطلي الغشوه خلاص عذاري من غير ما تطالعه : مابي . . سلطان : ليش كل هالعناد .؟ عذاري : قلتلك مابي وخلاص . .مره تقولي تغشي ومره فضخي الغشوه سلطان : قلتلج لين مانوصل ما قلتلج لين يخلص الفلم . . عذاري ما ترد عليه . . سلطان يبتسم : كيفج . . انتي الي ما بتشوفين شي . . ولا بتستمتعين بالفلم . . عذاري : عادي . . مالك خصصصص سلطان يبتسم : ان شاء الله . . عقب دقايق بسيطه . . تسكرت الليتات وبدت الدعايات وعقبها بدا الفلم . . والسكوت عام بينهم !! ولا حد فيهم يرمسسس ولاحد فيهم ياكل . . الكل يطالع جدام ويشوف الفلم . . . . . سيف : يالله يا حبيبي يالله بيأذن المغرب وبيزحم المكااااااااان . . مهره تحاسب : انزين شو ارد وايدي خاليه يعني ؟ سيف : احين كل شي موجود اهني موجود فالامارات . . حق شو بعد مهره : بعد ما يستوي . .لازم صوغه . . سيف : اسميج انتي بعد . . مهره يايه ادش محل بس سيف زخ ايدها سيف : تعالي تعالي . . بسج بسج . . عقب صلاه المغرب . . بيييييبج اهني . . مهره تطالعه : جذاب . . احنا بنتم اهناك لين صلاه العشا . . وعقب بتعب وابا ارد عشان ارقد . . سيف : صدقيني ما بتكونين تعبانه . . ولو تعبتي بيييبج باجر الصبح . . لاتحاتين والله بييبج .!! مهره : بس بس هالمحل . . سيف : ياربي من هالبنت . . مهره تفج عينها : الله يخليك . . بس هالمحل . . سيف : وانا شو مغربلني غير هالنظرة . . روحي روحي يالله خلصيني . . ابتسمت مهره بنصر وبسرعه دشت المحل . . خذت كم قطعه حق الحريم الكبار وياها سيف داخل نزل السعر وحاسسب ومسكو ايادي بعض وطلعو . . سيف : وين يمدي الحين نودي الاغراض ونرد نطلع مهره : بيمدي بيمدي . . بس انت يالسلحفاه امشش بسرعه . . سيف عاقد حياته :احين انا ما امشششي بسرعه ؟ تبيني اشلج واركض فيج مهره : لا الله يخلييييييك . . الحيين بيونا هيئة الامر بالمعروف والنهي عن المنكر وبيفرونا برع انا وانته سيف : هههههههههههههههه . . مهره ابتسمت . . سيف يرد ع الفون : مرحبا . . عنود : مرحبتييييييييييين . . شحالك اخويه حبيبي . . سيف : بخييير اختي حبيبتي . . مهره تطالع سيف وتبتسم : عنود . . سيف يهز راسه بمعنى هيه . . عنود : فديت الي عرفتني والله . . عطني عطني اياها سيف : اعنبوج اطمني على اخوج .ّ! خذي اخباره . . مد الفون حق مهره . . مهره : هلا بـ عنووووووده . . عنود : لو سمحتي قولي ام حموووووود مهره : هااه ؟ عنود : ههههههههههه مهره وقفت : صددددددق عنود ولا تتمصخرين شرات عادتج . . عنود : والله ارمس جد " بحيا " حامل انا . . مهره : يا عمممممممممممممممممممممممممممممممممري . . ألف ألف مبروووووووك سيف يطالعها : شفيييييج . . امشي يلااا . . مهره تطالع سيف : عنود حامل . . سيف تغيرت ملامحه وببرود : والله ؟ " يصد يطالع جدام ويمسك ايد مهره " يالله امششي . . مهره : فديتج يا عنووووووووووود . . تستاهلين كل خير حبيبتي . . عنود :اميين اميين .. وربي يعوضج قريب ان شاء الله مهره تتلاشى ابتسامتها وتبلع ريجها : ان شاء الله . . سيف صد ولاحظ ان نبرتها تغيرت وشل التلفون . . سيف : يالله يالله . . بندي ورانا صلاه احنا مش فاضيلج . . لا تحاتين بدعيلج بالعقل . . عنود : انزين يا سواف ما عليه . . سيف : تامرين بشي ؟ عنود : سلامتك فديتك . . تحمل من مهووور . . سيف : لا توصين . . وبند عنها . . محد علق ولا حد رمس وقال شي لين وصلو الفندق . . ودرو الاغراض وتوضو وطلعو مره ثانية متوجهين للحرم . . قبل لا يوصلون بشوي : لا تضايقين . . الله بيعوضنا . . مهره تبتسم : ان شاء الله . . سيف يطالعها : حاس بشعورج . . شعور مش حلو . . مهره : لا بالعكس انا فرحت لاختك وايد . . سيف : بس يوم تفكرين ف نفسج . . تتحطمين . . مهره تبتسم : خيييييره حبيبي . . خيره . . " ترص على ايده بقوه " الله كاتب . . والحمدلله على كل شي . . سيف ردالها الابتسامه : احبج يا اغلى انسانه فهالدنيا . . مهره تبتسم اكثر وتدق جتفه : جب جب . . . . . . |
. . البارت الـ 120 محمد : ها منصور شو رايك ؟ منصور : والله مادري يا ريال . . بشوف سلامه وبخبرك . . محمد : احنا بنسير يومين بس وبنرد . . يعني حتى لو فالوكيند مش لازم تاخذ اجازه . . سلامه تيهم : شسالفه ؟ منصور يبتسم : ولد عمج يبانا نروح وياهم دبي هالويكند . . بيحجزون ف جميرا بيتش . . شرايج ؟ سلامه : هاه . . " ترتبك " لا ماقدر هالويكند عرس ربيعتي . . محمد لاحظ ارتباك سلامه بس ما قال شي . . منصور : ضروري تروحين ! سلامه : هيييييييه ضرروري . . هاي وايد ربيعتي وما اقدر ما اروح . . منصور : ممم . . " يطالع محمد " خلاص روحو انتو برايكم استانسو . . مره ثانيه ان شاء الله . . محمد ما يحس براحه من سلامه وما علق ولا قال شي . . حمد : اوه مجتمعيين الحبايب اهني . . محمد يطالع حمد : حياك ابن عمممي . . حمد : الله يحييييك . . محمد : صب صب لي قهوه دامك واقف . . حمد يطالعه بنظرة . . محمد : صصصصصصب لا اصمك بكف . . حمد : اقولك بشل الدله بجبها فويهك بحررررررقه . . عنود : حمود كله ولا بو حمد . . حمد يبتسم : اخخخخخخخخ . . شحلاتها . . عشان بو حمد بس بصبلك وبشربك بعد محمد يطالع عنود : شفتي شفتي امور الواسطه . . امفف عليك . . منصور مبتسم . . اذنه مستمعه وباله عند اهله . . عند امه . . يبا يتأفلم اهني وبنفس الوقت قلبه اهناك . . ومن يصد يطالع سلامه يقول فخاطره " تسدني عن الكل " لكن ما تريحه هالكلمه وايد ! يرن تلفون حمد ومن شاف الرقم قام عنهم . . محمد استغرب : اوووووووووب يالحبيب . . حمد يطالعه بنظرة عشان يسكت وقام سار بعيد . . شوق : السلام عليكم حمد : وعليكم السلام شوق : شحالك حمد ؟ حمد : بخير ربي يعافيج . . شوق صح ؟ شوق : هيه . . اسمحلي والله على الازعاج . . حمد : لا افا عليج امري . . شوق : اتصلت ف خوات مهره كلهم ما يردون ومهره فونها مبند ! وانا وايد احاتيها . . ومن حسن الحظن اني مسيفه رقمك من اخر مره . . " وسكتت ماكملت " حمد : مهره مسافره شوق : مسسسافره !! حمد : هيه . . ما خبرتج ؟ شوق : لا ما خبرتني . . حمد : سارت ويا سيف العمره شوق : وووووووووووالللللللله ؟ حمد لاحظت فرحت شوق وابتسم : هيه . . شوق : الحمدلله يااااارب . . اتصالحووو ؟ حمد : ممم . . تقدرين تقولين هيه شوق : الله يبشششششششرك بالخير يااارب .. حمد مبتسم : والنعم فيج يا شوق . . صدق انج اخت وصديقه وقلبج على قلبها شوق : مهره كانت لي الاخت ودخلتني عالمها وطلعتني من الوحده الي كنت عايشتنها . . الله يكتبلها الخير يارب . . حمد من قلبه : امين . . شوق : آآ . . خلآص عيل حمد . . بخلييك . . واسمحلي مره ثانية حمد : لا افا عليج مسموحه . . انا زين اني ذاكر رقمج اخره 666 . . ولا انا ضاري ما ارد على ارقام غريبه شوق ابتسمت : الحمدلله عيل . . حمد : ولا تشرهين على مهره . . ترى السفره صارت مفاجئه شوق : لا بشره ونص . . وحسابها عندي يوم بترد حمد : ههههههه حرام عليج . . توني امدحج اقول انج اختها ووو صديقه واكبر راسج شوق : . . حمد : اسمحيلي خذت راحتي . . شوق : لا عااادي اصلا طاحت السماعه ما سمعتك شو قلت ؟ حمد ابتسم : سلامتج . . شوق تبتسم : خلاص عيل حمد . . بترخص . . حمد : الله وياج . . وابتسسم . . >> واخيرا اقدر اقول اسم مهره براحتي ؟ من غير ما احس العيون عليه؟ من غير ما احس بتوتر . . " يبتسم " وينج ياشوق من زمان ! . . . سلطان يدق عذاري بشويش : اييه . . لين متى بتمين مطنشه ماردت عليه سلطان : عذور وبعدين ويا هالعناد ؟ ما بنخلص ؟ عذاري : . . سلطان : اففف . . قومي قومي . . انتي مش ويه سينما . . خليني اردج البيت احسن . . عذاري : . . سلطان : بعد ؟ حاقرتني وماترديييييييييييين !!!!!!! عذاري : . . سلطان : عذور شفيج ما تردين علي . . ياه خوف فجاه و بطل عنها الغشوه وانصدم يوم شاف انها مغمضه وراقده ! طاح راسها بشويش ع جتفه مما خلاه يرجف فجاه . . ارتبك من الحركه لكن سرعان ما هدا وخلاها ع جتفه وهو يبتسم براحه سلطان : هذا الفلم الحلو . . الي يستاهل الواحد يشوفه . . " ابتسم اكثثثر " . . . حصيص : اعتقد قلتلي شوي . . والحين كل ما نخلص صلاه ترد ادقلي ؟ ناصر مبتسم : مش مصدق بعدني . . خليني استوعب الموضوع . . حصيص : كملنا اكثر عن ساعتين وبعدك ما استوعبت . . ناصر : هيه . . حصيص : . . ناصر : حصيص ممم . . لو تقدمتلج الحين بتوافقين ؟ حصيص : مش الحين . . ناصر : مم حصيص : ع الاقل خل مده طلاقي اطول اكثثر . . وعقب يصيير خير ان شاء الله " تبتسم " ناصر : احلفيييييييييييييييييييييييي . . يعني اقتنعتي فيني حصيص حصيص : انا ما قلتلك موافقه ! انا قلت عقب يصيير خير ان شاء الله ناصر : صدقيني انا متفائل وايد انج بتوافقين حصيص : وليش متفائل وايد ناصر يبتسم : لانه امايا دعتلي وايد . . ودعتلي من قلبها . . وحسيت انها لاول مره راضيه علي بالحيييل . . حصيص ابتسمت وما علقت . . ناصر يرفع ايده : يسسسسسسسسسسسس . . حصيص :هههههههههههه . . ناصر مبتسم . . حصيص : من زمان ما حسيت بهالراحه . . ناصصر : حتى انا . . والله العظيم من زمان ما حسيت بهالراحه . . " يغمض عينه " حتى ودي انااام الحين احس اني لو نمت بحلم باحلام وايد حلوه .. حصيص : عيل دامني انا صليت العشا بعد . . بغمض وبنام . . ناصر : حصيص . . حصيص : لا تقول شي .!! ناصر : ليش حصيص : خلها يوم بنكون مع بعض بالحلال احسن . . ولا تتوقع ترى هالمكالمه بتتكرر ليين مااا !! ناصر يغمض عينه بقوه ويقاطعها : اقولج اسكتي اشوي اسكتي احسن . . حصيص ضحكت من قلبها . . . . . |
' ' السلآم عليكم ورحمه الله وبركآته . . آإلصرآحه ضضحكت ع التعليقآت كتيير كتيير :yaw: " تعليقآت الكره والسب على سلاآمه " بعدكم مآإ ششفتو ششي :11: . . . وتسسلمون لي عالحمآس آلدآيم والكلآم الحلو . . الله يجبر بخوآطركم . . وبالنسسبه لتوقعآإتكم عن حمد وشوق . . مآتعرفون ضحيه ؟ دآيمآإ‘ عكس المتوقع . . :yaw: يمكن شسمه ويمكن شسمه :2: بس حلو آحسآسكم . . يمكن صح آصلآ . . > انا بروحي م ـآعرف :21: وآعذروني آنآ دآإومت فـ مآ آدري متى آقدر آنزل بآإرت وجي .. بس خلونآ نتفق آنه كل سّبت ويكونون مش آقل عن 3 بآرتآت وان شاء الله طويله . . ووو لو قدرت انزل فالايام العاديه رآح آنزل . . وانتو ادخلو كل سبت وشوفو كل البآرتآت " اهم شي راحتكم :wrd: " وسلآمي لكم . .ومآ قصرتو ع التشجيع المتوآصل . . إن كآن آهني آو بـ ملفي آو بالرسآإيل وعسسآكم ع القوة . . ضحيهـ . . * |
| الساعة الآن 10:18 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir