|
السلاام عليكم شحالك غرشووب؟ يلا متى بتحط لنا باارت المدارس بتبدا بالاحد عطنا باااارت حلو من عندك ^^ |
وينك غرشووب |
السلام عليكم ... شحالكم...؟ السموحه منكم تاخرت عليكم واايد.. بس رديت البلاد .. ومن اسبوع رديت المانيا .. ف كنت بزي وايد.. كتبت لكم البارت .. بس مش طويل ..يعني .. اتمنى انه يعيبكم .. |
البارت 39... الساعه 2 الظهر ..فالميلس ... ابوسعيد: الحريم متيمعات فالصاله .. محمد: عيل قوم سرنا صوبهن عسب نخبرهم .. .. فالصاله .. اليده: نووير ..نووير .. نوره: هلا يدوه.. اليده: خلي يسون بعد قهووه وشاي نوره: ان شاءالله .. ظهرت من الصاله .. وقتها حدرو الريايل الصاله راشد: نوره بنتي .. سوينا درب .. نوره: ان شاءالله .. حدرت الصاله نوره: الريايل بيحدرون .. لبسو شيلكن .. اليده: حيااهم .. نوره: حياكم ..وسارت عنهم .. حدرت المطبخ .. شافته يشرب ماي ..(حارب) نوره: ديانه ..ديانه .. صد حارب وشافها ..وبعدها صد الصوب الثاني .. ديانه: نعم .. نوره: سوي دلتين قهوه ودلتين شاي ..توها بتظهر .. حارب: الريايل اهني !! اسمع حس ابويه نوره: هيه ..وسارت .. حدرت الصاله وهو حدر وراها .. ابوسعيد: راح نسافر يميع ان شاءالله بعد اسبوع ..بالمره نطمن على حارب وسلطان .. سكنهم ..وسوالف الجامعه .. ونتونس فالبلاد اشوي.. حارب: كلنا بنسير ..؟؟ راشد: ان شاءالله .. محمد: قلنا نخبركم .. عسب تزهبون وتشوفون جان محتاين شي .. اليده:انا مابسير .. مافيني على السفر .. هند: ليش يدوه.. اليده: بنتي مافيني ..ركبي تعورني .. راشد: بناخذ لج كرسي وبنحوط فيج.. اليده: لا لا مافيني على السفر .. نوره: انا عد مش سايره بتم مع يدوه ..محد احذالها .. راشد: لا محد يتم .. ابوسعيد: امايه مابنطول فديتج..عشان خاطرنا .. اليده: خلاص الي تشوفونه . محمد: زين عيل .. السفر بيكون يوم ..السبت .. راشد: شيماء تجهزي انتي والبنات بنرد دبي العصر .. هند: عمي انا بي معااكم.. راشد: حيااج.. محمد: وغراضج.! من يجهزها .. هند: بجهزها وبسير عادي.. محمد:زين .. المغرب .. وصلوا قوم راشد دبي ... نوره :يالله متى تخلص السنه ونتخرج .. هند:هه بعدها مابدت السنه .. نوره: ادري انزين .. بس ابه اخلص ابسرعه .. هند:نفس الشعور .. نوره: بعدج ترمسينه !! هند: من..! ( اونها ماتعرف ) نوره: هيه اونج ماتعرفين .. هند:هه .. خلفوه ! نوره: لا خالي سلطان .. هند صخت:.... نوره: بعدج!! هند: هيه.. نوره: يقص عليج يالهبله ..من صدقج تحبينه !! هند: مايقص عليه .. نوره: افف انا خايفه عليج .. هند: خليفه غير .. نوره: لا والله شعرفج انه غير مب يمكن شرات غيره .. هند: انا اقولج غير ... نوره: كيفج باجر لا تين وتصيحين .. هند: ماراح اصيح .. نوره: بسير اسبح.. هند: اوكيه .. انا بسير اسبح ف غرفة الضيوف .. نوره: زين ..قفلي الباب عن يدخل حد . هند:هه اكيد. بعيد..عن الامارات .. نروح صوب ساروه وريلها .. ساروه :وين ساير .. احمد: بسير اخذ من المحل شي وبرد.. خلج مكانج.. ساره: زين لا طول .. احمد : انزين .. يلست تشوف النافوره الي يدامها .. واليهال كيف يلعبون ..فالماي.. ابتسمت على برائتهم ..تخيلت لو واحد منهم ولدها ولا بنتها .. لمحت ياهل يالس تحت شيره ويصيح.. شافت احمد بعده ماوصل .. قامت وسارت صوب الياهل ..ويلست حذاله .. (طبعا الحوار بالانجليزي ) ساره: ليش تصيح !! الولد..مارد عليها .. ساره: انزين ش اسمك ! الولد: اسمي ادم .. ساره: انت ضايع ! الولد: لا ساره: عيل ليش تصيح! الولد: سرقو بيزاتي الي كنت باخذ فيها دواء لامي .. انتبهت ساره على ثيابه .. كيف كانت متقطعه ساره: وين امك! الولد: فالبيت مريضه .. ساره : زين قوم معايه .. بخذلك الدواء .. الولد: صدق!! ساره: هيه.. سارت صوب المحل ماحصلت احمد.. وسارت المكان الي كانو يالسين فيه بعد ماحصلته ساره في خاطرها : ماراح اطول باخذ للولد الدواء وبرجع مكاني ساره : تعرف مكان الصيدليه ! الولد: هيه .. |
ساره : تعرف مكان الصيدليه ! الولد: هيه .. وخذاها للصيدليه .. وخذت له الدواء ..ويلس يشكر فيها ومرت على مطعم ساره: يوعان ! الولد: من يومين مب ماكل.. كسر خاطرها: زين تعال ..وخذت له اكل .. وخذت لاهله .. ساره: بيتك بعيد! الولد: ف هالسكه ساره .. شافت السكه كيف ظلام .. ساره: اهني بيتك!! الولد: هيه .. رجعي انتي الحين في وايد سكاره اهني .. ساره: ماعليه راح اوصلك .. الولد : لا تخافين عليه ساره: اوكيه نص الدرب بس الولد: اوكيه .. ومشو.. كان المكان مظلم .. ووصخ .. انسير لاحمد الي تخبل .. يدور ف كل مكان عليها .. احمد: ياربي وين سارت .. خاف حد خطفها .. يسونها اهني .. شاف سيارت شرطه .. سار لهم .. احمد: ممكن تساعدوني ! الشرطي : تفضل احمد: زوجتي اختفت .. خليتها ف مكان وماحصليتها الشرطي: من متى ! احمد: يمكن من ساعتين الشرطي: اسف مااقدر اساعدك .. على الاقل لازم يمر عليها 10 ساعات .. احمد: وانا شو يصبرني ل10 ساعات .. شافه الشرطي وايد متوتر وخايف : نزين عطنا مواصفاتها .. وراح ندور معاك .. احمد: شكرا شكرا لك..اوكيه صوب ساره .. ساره : وين ببيتك ! الولد..: هذا شافت مبنى جديم .. وظلام .. ساره: خلاص بصعد وبشوف امك.. الولد: اوكيه .. صعدت معاه . ودخلت الشقه .. كانت شقه صغيره .. وضيجه دخل الولد.. وزقر اخوانه الصغر ساره شافتهم فرحانين على الاكل ..كسرو خاطرها .. دمعت يوم شافتهم ياكلون .. وسارت ورا الولد .. دخل عند امه الي كانت طايحه .. الولد: يبت لج الدواء لشهر جدام الام: من وين .. ليكون سرقت .. لو سرقتهم ماباخذ الدواء الولد: لا ماسرقت .. بس هالحرمه ساعدتني ساره: انا ساره .. ماتشوفين شر الام: شكرا لج .. شكرا لانج ساعتيني ..يابنتي كيف دخلتي المنطقه ادم ليش خليتها تدخل .. ماتعرف انه شي سكاره وايد اهني ساره: ادري خبرني .. بس بغيت اطمن عليكم .. الام : شكرا لج..ادم وصلها لاتخليها روحها الولد: اوكيه نرد صوب الامارات .. ابوظبي ام سعيد:ياختي قلبي ناقزني ..حاسه بيصير شي ام احمد: مايصير الا كل الخير ان شاءالله ام سعيد: عيل جيه ماترد.. ام احمد: يمكن نايمين .. تعرفين انتي بعد وقتهم غير عنا ام سعيد: لا لا مااظن نايمين .. صار لهم شي اكيد.. ام احمد: استغفري ربج يام سعيد.. ان شاءالله مافيهم شي .. يمكن ظاهرين وحاطه فونها فالفندق.. ام سعيد: استغفر الله ... الله يسمع منج .. صوب احمد... الشرطي: عدها فون! احمد: هيه عدها ... بس ماترد... اتصل عليها وماترد.. الشرطي: لا تحاتي بنحصلها .. احمد رد يتصل :: ردي ردي ياساره .. ياربي وينها ... يلس على الرصيف ..دمع .. الشرطي انتبه له : لا تحاتي بنحصلها .. الشرطي الثاني: يقولون حصلو وحده مغمى عليها ف شارع رقم 7 .. قام احمد: شو ! ساره ... وين حصلوها الشرطي الثاني : مب اكيد تكون هي .. هذي محصلينها ف سكه ..مع سكاره احمد تخبل : وين وين !! الشرطي: هدي.. يمكن مب هي .. احمد: ابه اسير اشوفها .. الشرطي: اركب معانا السياره .. وركبو وسارو صوب هالبنت .. ... |
| الساعة الآن 03:36 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir