منتدى استراحات زايد - ~*¤ô§ô¤*}أغليهـ يعنيـ أعشقهـ~*¤ô§ô¤*أعشقهـ يعنيـ أموتـ فيهـ{~*¤ô§ô¤*~

منتدى استراحات زايد (http://vb.ma7room.com/index.php)

- استراحة قصص وابداعات الاعضاء (http://vb.ma7room.com/forumdisplay.php?f=28)

رن فون هند: هلا امايه ..انزين نازله الحين ..

هند: انا نازله ..وطرشت بوسه لساروه...

لبست عباه مفتوحه وحطت الشيله على راسها ..

ونزلت ..

ويوم جربت من القاعه عقت الشيله ..

وهي تمشي..

سلطان: نووره .. نوووره..

هند على طول لبست شيلتها ..

سلطان : نووره .. الكام من غير بطاري ..

هند لفت صوبه : ..

سلطان انصدم .. عباله نوره .. نفس الشعر .. بس اللون غير شوي ..

سلطان: اسف ... عبالي نوره

هند: نوره فوق بعدها .. ولفت عنه .. وسارت ..

هند: وهيه ترى البطاري على جرج ..

وسارت ..

فوق .. عند نوره ..

نوره: فديتج ساونه .. اوقفي عسب ادخنج ..

ووقفت يدم المنظره الي كانت على طولها تقريبا ..

ويلست ادخنها نوره .. والحريم الي تعدل شعرها والي تعدل الطرحتها ..

ساروه بهدو: شورايج!

نوره: قمر وربي ..

ساروه ابتسمت ودمعت

نوره: ليش ليش .. هالدمعه

ساروه: مادري ليش خايف ..

نوره: كل هذا خوف .. هذا وانتي تعرفين المعرس وتحبينه .. كيف لو ماتعرفينه ..

رن فون ساره

ساروه : عمره طويل ..

نوره:هه هاتي انا برد عليه

نوره :هلاا بالمعرس هلا والله

حمد عرفها من صوتها : هلاا بنوااري هلاا..

نوره: مبرووك يالغالي .. ربي يخليكم لبعض ويسعدك اميين

حمد شاق الحلج : اميين ااميين .. وينها عروستي !

نوره: حذالي .. فديتها قمر قمر لو تشوفها

حمد: لا تخليني اتهور وصعد لكم .. وبلا دخله وبلا خرابيط..

نوره: لاا لا عاصابك ..بتصيح اكثر

حمد: جيه تصيح..

نوره: عروستك بتخرب كشختها شكلها كل شوي ودمعت

حمد: وينها وينها نورعيني .. عطيني ياها ..

نوره: هه ان شاءالله ..

نروه مدت الفون

ساروه تاشر ماابه ..

نوره: رمسي..

ساروه : ماابه

نوره حط الفون على الطاوله : كيفج ..

وظهرت ..

ساروه شافت الفون ..وشلته ..

حمد سمع انفاسها : فديت هالانفاس انا

ساروه دمعت: .....

حمد: شوفيج غناتي ..

ساروه: مادري ليش خايفه

حمد: تبين اصعد لج ..

ساروه على طول : لاا لاا

حمد:هه زين ياقمر ..متحرقص ابه اشوفج ..

ساروه: انتظرت كمن شهر .. كلها ساعات وتشوفني ..

حمد: يااربي سااعات .. جامليني وقولي دقاايق ..على الاقل

ساره: هه

حمد: هيه ضحكي .. اليوم يومج غناتي ..

فالغرفه الثانيه..

نوره: مااشاءالله عليج موزاني .. ربي يحفظج من العين اميين .. وربي انج جناان ..

موزه: صدق!

نوره: هيه وربي ..

موزه

http://vb.ma7room.com/picture.php?al...ictureid=19762

شعرها مع التاج طبعا

http://vb.ma7room.com/picture.php?al...ictureid=19754

نوره: تعاي بدخنج..

وقفت موزه .. والحرمه خلفها تعدل طرحتها .. والثانيه تعدل ذيل فستانها ..

نوره: الحمدالله يوم انج ماصحتي شرى سارونه

راعية المكياج: حبيبتي عدلت الميك اب 3 مرات ..

نوره: هه وانتي بعد.. انزين ليش الصياح .. تراكن بتاخذون واحد تعرفونه ..

موزه: مادري بس جي خاايفه

راعية المكياج: عادي حبيبتي كل عروس تحس برهبه وخوف في هاليوم.. بس بعدين يوم تحدرين القاعه راح تنسين ..

موزه: ان شاءالله ...

بعد نص ساعه ..

نوره: ان شاءالله امايه ..

نوره: عمووه امايه اتقول خلي ساره تنزل ..

ام سعيد: يلاه حبيبتي ... وهي تدمع ..بسم الله عليج من العين ..

ربي لج حافظ..اميين

ونزلت ساره .. ووقفت يدام باب القاعه ..

كل البنات حولها ثلاث على يسارها وثلاث على يمينها ..وام سعيد وام حمد...

شهد وهند وعواش ونوره: الف الصلاة وسلام عليك يااحبيب الله محمد.. وصارو ايببون ..

ام حمد: ربي يحفظج يابنتي ..اميين .. من كل عين ومن كل شر اميين

هند: سااروه راح ينفج البااب

شهد: الابتساامه لا تنسينها ..

عواش: لا تخافين ..

ساروه ابتسمت لهم ..

نوره عطتها مسكتها : ربي لج حافظ يالغاليه .. اميين ..

ساروه ابتسمت في ويهم وشوي وبتصيح..

ثواني .. ونفتح الباب .. ونتشر الدخاان .. وضاعت العروس.. ومابينت .. الا بعد ثواني ..

والكل صار ايبب ويصلي على سيدنا محمد.. من حلاها ...

وصارت تمشي .. وعلى ويها احلى ابتسامه ..

والشاعر يشعر عليها ..وباسمها ..

وخلفها البنات يعدلون ذيل فستانها ..

ويدمها رقصات باليه .. ويوم وصلت صوب الدري زخو ايدها وساعدوها على الصعود..

وسمعت صريخ بنات .. عرفت انهم اربيعاتها ..

وصلت للكوشه ..وكل هذا والكاميره تصورها مع كل حركه وكل بسمه ..

ويلست .. ثواني .. والبنات سارو يسلمون عليها ويصورون معاها ..

وبعد نص ساعه .. اعلنو دخول المعرس..

وعلى القصيد و صوت الحريم وهم ايببون

وحدر حمد.. وهو لابس البشت ..وعلى ويه احلى ابتساامه ..

وعيونه مافارقت القمر الي واقف يتنظره على الكوشه ..

حذاله ابوه وصوب الثاني عمه ..وخلفه عمه راشد.. وحارب وسلطان

وحمدان ومايد..

وصارو الحريم ايببون ..ويصلون على سيدنا محمد..

اوقف حذالها وزخ ايدها تصورو العرسان مع الشباب ويوم ظهرو ..

ماتم غير ابوه وعمه وعمه راشد..

رفع حمد الطرحه من على ويها ..وباسها على يبهتها ..

راشد: مبرووك مبرووك .. منك المال ومنها العيال ..

حمد شاق الحلج: الله يبارك في حياتك عمي وتخاشمو..

راشد: فديتج سارونه .. صايره قمر .. ربي يحفظج.. امين ..

ساروه ابتسمت : تسلم عمي ..

راشد: مبروك غناتي .. ربي يهنيكم اميين ..

سلم عليهم .. ونزل ..

خاري صوب الشبااب والمعرس
سعيد: يلااه .. ابه احدر..
حارب: ترى موزه بعدها ماحدرت .. اترياء يوم حمد وساره يظهرون وبعدها هي تدخل وبعدين انت تحدر
سعيد: يااربي ..
سلطان:هه الي يشوفك يقول بطير عنك ..
مروان: اذكر الله .. .
مايد يصور فيديوه: هاا سعوود .. شو شعورك...
سعيد عدل عمره : احم.. صرااحه ..احس اني بطير من الفرحه .. ومن غير جنحان بعد ..شعور لا يوصف ..ودي ارقص من الفرحه هه
الشبااب:ههه..
سعيد: احم ..بسكم عااد..يلااه عااد ابه احدر..
نقول لكم سعيد شو لابس...
كان لابس بدله بيضه ..والقميص مفتوح لصدر ..
وفي باله هو وموزه سالفه ..بعد شوي راح نعرفها ..
بعد ماقصو الكيك وشربو العصير وتصورو مع الخلق ..قام حمد ..وزخ ايد مرته ساره ..وقامت معاه ..ووداها صوب قفص عود ذهبي .. كان على ينب .. دخلت ودخل معاها .. والكل يصفر ومحتشرات البنات على الحركه..
وشوي شوي تغطه القفص بقطعه حمره.. ونزل القفص تحت شوي شوي ..ومن بعدها .. ظهرو حمد وسااره..من خلف الكوشه كان شي باب عود.. من غير مايشوفونهم النااس ..وبعد ثواني .. اعلنو .. دخول الاميره الثانيه ..

موز خلف البااب في خاطرها: صار اليوم الي بغيتي اتشوفيني فيه عروس يايمه .. بس للاسف مانتي معايه .. الله يرحمج..
ام سعيد: بسم مالله عليج .. ربي يحظج غناتي ..سمي اول ماتحدرين
موزه وشوي وبتصيح: ان شاءالله
شيماء: هاا موزاني مانبه دموع ..زخي عمرج..
موزه ابتسمت :...........
صفو البنات على يسارها ويمينها ...وصارو ايببون ..
ام حمد: على مهلج غناتي اول ماتحدرين ..
موزه: ان شاءالله ..
انصكت الليتاات ..وليت واحد بس على الباب القااعه .. الكل يترياء هالبااب ينفتح ..
ونفتح هالبااب ...ودخلت على نغمات الموسيقى ويدامها ملااك وبيدها شرات الصندوق ..وصارت تمشي على هونها ..والبسمه على شفاتها وخلفا ام سعيد وام حمد وشيماء والبنات حدرن داخل من خلف .. ومن صوب ثاني انفتح بااب في اخر القااعه .. وحدر سعيد.. و خلفه ابوه وعمه ..وعمه راشد..وثنينتهم صارو يمشون على سجاده حمره..صارو يجربون من بعض ..وكل واحد عينه متعلقه بالثاني
سعيد في خاطره: فديتج.. وربي انج ملااك..
موزه في خاطرها: ياربي ... لا تحرمني منه ..وحفظه لي ..اميين
سعيد: وربي ..لا اخليج اسعد انسانه بهالكون..
جربو من بعض ووقفو ..
نزل سعيد وتساند على ريل وحده ..
وفتح الصندوق الي بيد ملاك وباسها .. زخ ايد موزه ..وباسها ..ولبسها الخاتم ..
ابتسمت له موزه وعيونها بدت تمليها الدموع ..
سعيد لحظ جان يغمز لها وهو يوقف :لا لا لاتخربين شي ...
موزه ابتسمت له ..
زخ ايدها وكملو للكوشه ..
سعيد جرب من اذنها : موزااني ..

الصوب الثاني ..
هند: له له مانروم على الرومنسيه .. هه تتوقعون شو يقول لها
نوره: ربي يسعدهم .. اميين .. امم مادري..
هند: هه .. بنات ابه اعرس ..
البنات:ههه ..
نوره: امنوه امسات يقول انا مابعرس وبيلس عند امايه ..بطفر ابها
هند:هه لا انا بس ابه هالجو .. لا غير ماابه معرس ولا خربطان ..
شهد: هيه صح صح ..
هند: صدق بعد شو..
فطوم: اقول . ابه افصخ الي انا واقفه عليه ..
نوره: هه سيري للخدامه.. قولي لها وين نعال نوير وراح تعطيج ياه
فطوم: ياحماره ويوم انه عندج سطحي جيه ماخبرتيني ..
نوره: لانه جي احلى ..
فطوم اطالعها بنظرات : سكتي اسكتي الله يخليج.. حتى يدوه علقت عليه ..اونه شو رديتي بنت !!..
البنات:ههه
فطوم: مايضحك..وسارت ..
ظهرت من القاعه .. وماانتبهت انه شي شباب
سلطان في خاطره : ياربي على هالبنت مادري متى بتعقل ..
تركهم وسار لها بسرعه عسب يقول لها شي شباب والخ..
سلطان : فطووم...
فطوم: صدت هلا .. يوم صدت انتبهت على الشباب الي كانو جريب الباب ..
سلطان: امشي يدامي اشوف عن يشوفونج..
صارت فطوم تمشي يدامه وهو مغطي عليها ..
وصلت للخدامه ولبست عباتها .. وغيرت النعال
سلطان:جيه جي احلى ..!!
فطوم: اخيك شو حلو.. السطاحي احلى ..

على الساعه 2 المعريس .. صعدو فوق عسب التصوير ..
فضت القاعه من الخلق .. ويوم فضت حدرو الشباب ..ويلسو ..
مع الاهل ..
مايد: الساعه كم طيارتهم !!
حمدان: حمود.. الساعه 10 الصبح.. وسعيد ..شراته .. بس عاد كل واحد مختار مكان ثاني .
مايد: ربي يهنيهم..
اليده: اميين.. يلاه دوركم .. ياي جريب ..
حمدان شق الحلج:يدوه شرايج من السبوع الياي ..عسب اخذها معايه يوم اسافر ..
وقتها حدرن البنات ..
وكانو لبسين عبيهم ومتغشايات ..
اليده: والله لو عليه انا عادي من باجر بدور لك ..بس امك وابوك..لازم تخلص دراسه اول وبعدها تشتغل ..وبعدين تتزوج ..
حمدان: ياربي ..
مايد: شو ياربي .. عيل تتزوج.. وانت بعدك..حتى بيت ماعندك.. ش هالرمسه..
حمدان: ياخي ابه اتزوج..
ام حمد : اسكت اسكت خلص دراستك وبعدها يصير خير ..
هند: شوسالفه حمداني ..!
حمدان: ابه اتزوج..
هند:هه سخيف عبالي شي
حمدان اطالعها بنظرات ..يعني سكتي عني ..
راشد: ها انرد دبي ..ولا انام هني !
اليده: الوقت متاخر ياولدي خلكم.. روحكم تعبانين ..راتاحو وباجر ردو
نوره: لا مانبه .. نبه نرد دبي ..
الكل صد صوب البنات ..
اليده: نووير ! وينج انتي اي وحده فيهن
نوره اشرت بيده :هني يدوه..بابا مانبه نتم ..
محمد: افا نواري خلاص .. نسيتي ابوظبي ..ماتبينا ..!
نوره : لا عمي بس ..
يدوه: بس وبس .. ماوراج دراسه ولا شياته خلج ف ابوظبي كمن يوم وبعدها ردي دبي..
نوره: شو كمن يوم.. مابه مابه .. ابه ارد..
راشد: خلاص بنرد ..
حارب وده يقوم ويضرب نوره ماصدق تي فرصه ويشوفها وهي تبه تسير
اليده حرجت : شو خلاص بنرد.. وانت على طول تسمع رمست بنتك ..الوقت متاخر وين تردون ..
محمد: صدقها امايه ..الوقت متاخر وانت تعبان يارشد من الصبح وانت تراكض يمين ويسار .. اسمع رمست امايه وخلك على الاقل الليله بس..
( صد صوب نوره) نوره بابا ابوج تعبان مايروم على هالدرب .. ارتاحوا اليوم وباجر سيرو ..
نوره سكتت صدق ابوها تعبان ..بس هي متبه اتم اهني ماتبه تيلس مكان حارب فيه ..

نوره سكتت صدق ابوها تعبان ..بس هي متبه اتم اهني ماتبه تيلس مكان حارب فيه ..

نوره: الي تشوفونه ..

الكل سكت ..

حارب ابتسم وفي خاطره: احسن ..

فجاء

نوره: انزين برد مع السايق

اليده فولت : عطوني شي ..اضربها فيه ..وين تبين ..تردين دبي روحج ومع السايق هزورج..

نوره بوزة : زين ..انزين وين السايق برد البيت ابه ارتاح ..

اليده: بنسير ربااع .. صبري .. خلي امج تي هي وعمتج ومرت عمج ..

نوره في خاطرها : حمار يطالع .. ولله لو عليه بالكعب على راسه ..سخيف اكرهه ..( طبعا تتكلم عن حارب الي كان يالس يدامها ويطالعها

مع انها متغشيه الا انه قدر يشوف ملامحها ..)

سالفه وراء سالفه .. بعد عشر دقايق ..

اليده:ها بوصقر اليوم عدنا ترى ماتردون بيتكم..الدرب طويل ..والوقت متاخر ..راتاحو وبعدها سيرو

ابو صقر: ان شاءالله من عيوني

محمد: عدنا عيل ..

ابوصقر: الي يريحكم..

نوره: واايد مطولين ابه ارد ..

اليده: نووووير.. بسج..قلت لج اربااع ..

نوره سكتت يتها العبره :..(بعد ثواني) ..ان شاءالله يدوه..

راشد حس انها متضايجه من شي :ماعليه امايه بردها انا قومي نوره..قومي بابا ..

سلطان: خلك انت انا راد.. ..رد انت مع اختي والبنات

راشد: تسوي خير ..

سلطان: قومي نوره...حد بيسير معانا ..!!

حارب: خذني معاكم..

نوره انقهرت : خلاص مابه اسير بترياهم مره وحده

اليده: اسميج حركات ..ماعرفنا لج ..

نوره: مب انتي قلتي اصبري .. خلاص بصبر ..

حارب في خاطره: وراج وراج..لو بتركبين تكسي بركب معاج..هه مابخليج يانوير ..

حدرت فطوم.. وهي حاطه الشيله على رسها ..

فطوم تزاعج: هوووب.. شحالكم..

اليده: من ساع كنتي بنت .. شفيج تحولتي

الباجي:هه

راشد:بابا فطوم.. عيب سلمي شرات الخلق مره ثانيه

فطوم تاشر على عيونها:من عيوني ياعيوني انت ..شفتي (ترمس يدتها) هالكلام الحلو تعلمي تعلمي يدوه..

الكل:هه..

ويلست حذال نوره..جان تشوفها ..

فطوم: امنوه الاخت!!

نوره اطالعتها بنظرات يعني سكتي ..

جان ترفع شوي فطوم

فطوم: هيه عرفتج اختي نواري الحلوه

اليد:زخو بنتكم اخاف شاربه شي من الفندق ..انا قلت هالفندق مب زين ماصدقتوني ..

فطوم: بسم الله عليه يدوه شو شاربه .. افااا افاا بس شو تفقنا انا وانتي ..

اليده: ماتفقنا ولا شي ..

فطوم: لاا تفقنا هذااك الشي ..

اليده استغرت: اي شي

فطوم: يدوه هذااك الشي (وغمزة لها )

اليده: عن الطفاسه

فطوم: كيفج والله بس لاتنسين هذااك الشي

انتبهت على حمدان ومايد يضحكون..

فطوم: شفتي كله منج عرفو الحين

الكل استغرب ش سالفه

مرت بنظرها على سريع عليهم ..ولمحت ثاني الي مجتف ايدها ويطالعها تذكرت يوم رش عليها الماي جان تبتسم في ويها

فطوم: حتى ثاني مشترك في هذااك الشي..

الكل شاف ثاني

ثاني: والله ماسويت شي..

اليده: انزين تعالي وقولي لي ف اذوني ..

فطوم: لا لا مايصير .. انتي قلتي اني انا شاربه انا بعد راح اقول لهم هذااك الشي..

حمدان:هه هايدوه ش مسويه!!اعترفي

اليده حرجت: اسكت انت الثاني ..ماسويت شي انا

فطوم: صح صح ماسويتي شي ..اقووول!!

اليده:قولي اشوف

فطوم: لا ماقدر وايد كبير هالشي ..خلي ثاني يقول لكم..

ثاني: معرف شي والله

فطوم: انت بعد.. ليش تنكرون ابه اعرف..ادري لانكم خايفين .. بس انا راح اكشف السر هذا بقول وامري لله ..

اليده:لا تقولين خلاص

فطوم:هه اونه!!هاا يعني اعرفتي ش مسويه

اليده: حشه عليه ..

فطوم: صح صح باين ..

اليده: مايد حمدان هاتوها بضربها

فطوم: شفتو هذا الدليل انها مسويه شي كبير .. وخايفه منكم

حارب:قولي انزين

فطوم: الله يسلمكم .. ويطول ف عماركم..تـ.. اقول يعني !!

الكل: هيه ..

فطوم: انا ويدوه كل اسبوع نشرب ..مرات تغصبني اشرب ..عاد انا وحليلي اشرب لازم امع رمستها وجي..

اليده انصدمت: فطييم!!

فطوم: شو فيج يدوه. مب صح انا وانتي نشرب ماي زمزم كل اسبوع ومرات اتشربيني غصب اونه زين

الكل:هههه

ثاني :وحليلي انا ماسويت شي ..

فطم: لا سويت اخبرهم .. اقوللهم شو سويت ذاك اليوم.!

ثاني: ماسويت شي..

فطوم: سويت ..رشيت عليه غرشه كامله..

ثاني: ترى انتي رشيتي ..ياهل

فطوم حرجت جان تقوم..: نعم نعم نعم..

اليده:حمدان .. هاتها هذي يبالها ضرب..قووم اشوف

حمدان قاام

ابوصقر: خليها ترى هو شرات اخوها ..

ثاني شاف ابوه في خاطره: انا مب شرات اخوه

بعد نص ساعه .. الكل ظهر من الفندق.. صوب السيارات

راشد:بابا نوره سيري مع سلطان .. ماشي مكان عدنا خواتج نايمات وراء

نروه: ان شاءالله ابويه ..
سارت نوره سيارة سلطان (كانت مشغله بس مافيها حد) على طول وركبت يدام وفرت الشيله ..وردت السيت ..
نوره: افف مابغينه نظهر
صكت عينها .. تحس انها وايد نعسانها
بعد خمس دقايق
سلطان:محد راح اي !!
راشد: قلت لنوره تروح معاك بتحصلها فالسياره
سلطان: اوكيه..
حارب: بسبقك انا لسياره
سلطان: اوكيه.. دقايق وياي..
سار حارب صوب السياره..
فج الباب حصلها نايمه ..شل الشيله شوي شوي..وحطها على راسها
وصك الباب ويلس وره ..
ثواني..وركب سلطان السياره
انتهب على نوره
سلطان شاف حارب..
انتبه حارب:مابغيت اقومها قلت ايلس وراء..
سلطان: زين..

صوب مايد..كان مع حمدان ..ومعاه شهد..وهند..
شهد:حمداني ..ممكن طلب..
حمدان: امري انتي تامرين..
هند: هيه وانا انجلعي ..
حمدان: افاا هنوده انا اقول جي..!!
هند: لا حبيبي انت تقول ش تبين عمري !!
مايد:هه
شهد: هنوود بسج ابه ارمس..
مايد تلخبط حاله يوم سمعها جان يصد على هند: بسج هند خلي البنت ترمس..
الكل سكت ..هند سكتت مب عايبنها ..وشهد..سكتت لانه ماتوقعت مايد يرمس ..
حمدان: يلاه ياشهد رمسي .. هند وسكتها مايد..
شهد بهدوء :بغيت اسير البحر
حمدان: متى!
شهد: عادي اي يوم.. بس المهم قبل لاتسافر ..
هند: وانا بعد..
حمدان: ان شاءالله على هالخشم..وعواش معاكم بعد..
مايد شاف حمدان بنظرات
انتبه عليه حمدان وهو يسوق: وانت اكيد الي راح تخبرها وراح تي معايه صح!!
مايد: هيه ..اكيد..
وصلوا البيت .. وكل واحد ..غير ثيابه .. وصله الفير ونام ..
الساعه 9 ..الكل نايم ..ماعده ..اليده ونوره ..
فالصاله ..
نوره: يدوه..راح ترجعين معانا صح!!
اليده: هيه بنتي ..
نوره نشت : زين عيل بظهر انا بتمشه خاري وبرد..
اليده: حار وين سايره ..
نوره: لا يدوه الجو اوكيه.. بسير صوب المسبح وبرد..
اليده: على راحتج بنتي ..
سارت نوره لغرفتها عسب تبدل ثيابها ..وبعدها نزلت
ظهرت خاري ولبست نظارتها ..وحطت السماعات وصارت تسمع اغاني ..وهي تتمشه .. لفت منطقة بيتهم كلها ووصلت عند شيره متوسطة الحجم.. كانت شيرة ياسمين ..
نوره: زين الحمدالله ماماتت ..ونزلت لمستوها عسب تشوفها عدل..
......: ماماتت لانه انا كل يوم اسقيها ..الي زرعتها خلتها وسارت ..
نوره صدت وشافته :شكرا لك ..
.....: العفو..
نوره يلست تزاعج:محمد ...محمد..(الزراع )

نوره يلست تزاعج:محمد ...محمد..(الزراع )
محمد ترك الهوز لانه كان يسقي الزرع : نعم ..
نوره: محمد خذ هالشيره .. وحطها في قالب ..
محمد: ان شاءالله ..وسار ..
حارب: ليش..!
نوره: ابه اخذها معايه ..
حارب: خليها انا اهتم فيها ..
نوره: بتسافر انت ...وراح تموت اكيد..
حارب سكت:.....
نوره: ف راح اخذها معايه ..انا بهتم فيها ...
حارب: على راحتج..
سارت عنه نوره..وهوتم يطالعها ..
حارب: اليوم بتردين !!
نوره:هيه ...
حارب: تمي ليش تردين ..
نوره: مابه ..وسارت عنه عسب مايسال ..
صار الجوحار اكثر عن قبل .. ف حدرت البيت ..
سارت وخذت لها شور على السريع ..
الساعه 2 الظهر ..
الكل كان في بيت ابوسعيد.. الغده كان هناك ..
الشباب فالميلس ..والحريم فالصاله .. والبنات فالصاله الثانيه ..
ام صقر :لا مانروم والله لازم انرد اليوم..ابوصقر عنده دوام باجر..
اليده: دام جي مرخوصين ..

بعيد.. عن القصر ..فالسماء ..شي طياره .. ماخذه عرسان يدد..
سعيد حاظن ايدها : موزاني..
كانت موزه تطالع الغيوم..وسرحانه..
سعيد شافها سرحانه..وماترد عليه
جرب منها وعظ خدها
موزه: اااي سعووود..يعور
سعيد: فديت سعوود انا
موزه:هه ..
سعيد: اول مره اعرف انه اسمي حلو
مووزه: صدق!!
سعيد:هو حلو في حاله وحده بس..
موزه: الي هي ..
سعيد: يوم تنطقينها ..
ابتسمت موزه..
سعيد قرب منها :موت احبك حبيبي وهتويك بجنون ..
موزه لفت ويه سعيد عنها : بسك..حبي
سعيد زخ ايدها وبسها : ماابه ..
موزه: بسك سعود.. الناس بتشوفنا ..
سعيد: عادي..
موزه: ياربي عليك..
سعيد: امووت فيج..
موزه شفات عيونه :وانا بعد حبيبي ..
سعيد: فديت حبيبج انا
موزه:هه

اما فالطياره الثانيه..باجي على وصولهم 3 ساعات
سارونه: حموود..حموودي..
حمد اونه نايم.
ساره جربت منه بهدوء: حمود..
شافته نايم ..جان تلحفه عن يبرد..
توها بتبتعد عنه..
حمد زخ ايدها وجرب منها: من صدقج انام..كيف انام وسارونه حذالي ..
ساوره:هه...اونه!..خلاص عيل لازم ابتعد عسب تنام
حمد: اونه!
سارونه: يس يس..
حمد: وتتوقعين بخليج..!..
سارونه: لازم عشان تنام..
حمد: مابه النوم..انتي نومي...
سارونه:بعدين راح تتعب..
حمد:عادي..
سارونه ابتسمت له حطت راسها على صدره: تعرف !
حمد: هيه اعرف..
سارونه:هه ش تعرف!
حمد: انج تحبيني ..
سارونه: ياواثق ..من قال !
حمد: انا اقول..
سارونه: للاسف عيل ماتعرف شي انت
حمد: اونه
ساره رفعت راسها وشافته : يس يس..
حمد بنظرات:زين يانسه ساره قوالي ش ماعرف
ساره: انا ما احبك..انا اموت ف حبك..
حمد:جان استحي..
حمدوساره:ههه ..

نرد للارض ..ونرد للامارات بس هالمره مب ابوظبي ..مكان ثاني..
الساعه 9 المساء..
توه حادر البيت ..البيت هادي..
مروان: مهووووي..حبيبتي..وينج..!! مهااا
مروان: وينها !
صعد فوق للغرفه سمع صوت موسيقى هاديه.. حدر الغرفه وشافها ظلام وكلها شموع ..والورد في كل مكان وبلوناات
مروان انصدم مايعرف ش سالفه بهدواء اكثر : حبيبتي !..
مها من وراه :عيونها ..
صد وشافها وصار يسمي في خاطره من عيونه على الملاك الي وافق يدامه ابتسم لها ..
مها كانت لابسه ..

http://vb.ma7room.com/picture.php?al...ictureid=19756

مها ابتسمت له وحضنته : كل عام وانت بخير ياعمري
مروان زخ حصرها : وانتي بخير ياروح مروان..هه تصدقيني اني ناسي انه اليوم عيد ميلادي....وانا اقول ليش تقولي خذ راحتك عادي..
مها:هه
مروان: كل يوم حاشرتني متى ترد ومتى ..واليوم خذ راحتك
مها: الحين انا حاشرتنك !..خلاص مره ثانيه مابحشرك..
مروان: هه اونه!
مها خلته: هيه ..
مروان رد وسحبها: مب كيفج انا بحشرج عيل .. كل شوي وبتصل فيج..
مها: مابه لا تتصل ..
مروان : اونه..(جرب منها اكثر )..صدق!
مها: نسيت الكيك ..
مروان:هه..ماراح تشردين مني ..
مها:يلاه تعال ..
في ابوظبي ...
الساعه 9 ونص ..قوم ابو صقر ردو العين ...
نوره: افففف ياربي .. مب على اساس انرد اليوم..!!
شيماء: ياماما ..شوفيج.. شويصير لو ردينه بعد يومين ..
نوره: ماما مابه اتم .. ابه ارد..
شيماء: ليش..!..هند..والبنات كلهم اهني .. جان ردينه ..كل اشوي وقلت ابه شوفهم ومادري شو ..
نوره خذت نفس:..زين خلنا نتم ..(وظهرت من الغرفه وهي محرجه
وسارت خاري ..تبه تاخذ نفس ..)
وقفت فتره ..
......:ماسرتي عيل !!
نوره لفت صوبه وهي محرجه: انت شو تبه هااا !! شوو .. كرهت المكان والسبه انت ..انت السبب ..في هذا كله ..انا اكرهك اكرهك .. انت ماتفهم ..!!.. اكيد ماتفهم ....وسارت عنه ..
....لحقها ..وزخها من ايدها وخلها تلف صوبه: هيه ماافهم .. انا مافهم لاني احبج..قصدي..كنت احبج..والحين حالي شراتج واخس عنج..اكرهج ومااطيقج احب العوزج لاني ما اطيقج..واكرهج..عسب جي وراج وراج..في كل مكان ..مب لسبب ثاني ..
نوره كانت تشوف اعيونه وهو يرمس وكيف محرج كانت شبه مصدومه
ترك ايدها وقبل لايسير : اكرهج كره ماتصورينه يانوره ..
وسار .. وخل نوره الي تحس انه الكون كله سمع جملة حارب ..
حارب وهو يمشي وفي خاطره منصدم من عمره : شو صاار .. شوو صار فيني ..ليش صار جي..

دخلت الفيلا ..
هند: نواري ..نواري ..
نوره:............
صعدت نوره فوق وحدرت غرفتها ..وقفلت على نفسها الباب ..
اليده: شفيها ! جيه ماردت عليج!
هند: مادري يدوه.. يمكن ماسمعت
اليده: جي عاد!!..انا اتصمخت من صوتج..
هند: يمكن تعبانه .. بسير اشوفها
صعدت فوق ..
هند تدق الباب : نووره ..نوره..
تحاول تفتح الباب بس ماينفتح..
هند: نووره فجي الباب ..
نوره: هند..ابه انام ..
هند: فجي اقولج..
نوره قامت وفجت الباب ..
وحدرت هند.. وقفلت الباب ..
هند: ش تسوين !
نوره: برد دبي الحين .. مايخصني فالباجي..
هند: ليش !
نوره: بهدواء: بس جي..
هند: انتي فيج شي ..شكلج مب طبيعي ..لفت نوره صوبها ..قولي شوفيج..
نوره لفت ويها : مافي شي..
هند زخت ويها ولفته صوبها: الا فيج شي..
نوره شافت عيونها ..ويلست تصيح..وطاحت على الارض ..
هند: شوفيج!!!
نوره:يكرهني ..مايحبني ..
هند: من قال !
نوره: هو قال ..
هند بهدواء: مب انتي تكرهينه !..وماتحبينه ..زين عيل حتى هو يكرهج..
نوره: لا لااا انا ما اكرهه .. انا احاول ..وصارت تصيح زياده
هند حضنتها : بس ...خلاص بسج..ماعليج منه رمسه بس اكيد نرفزتيه
نوره يلست تصيح...وبعد دقايق ..
نوره: لاا هو يكرهني .. لو مايكرهني جان كل الي صار لي ماصار يكرهني صدق..وانا الي كنت اقص على عمري اقول لا يحبني ..وصدقت هالشي بعد رمست البويه ..الي كن اتحسبها ريال صدق..
هند:ااه ..بسج انزين لاتصيحين .. مايسوى عليج..باجر سيري دبي .. الساعه 4 الفير بنسير البحر مع مايد وحمدان ..

صعد لغرفته وظهر للبلكونه يحس مخنوق ..
غمض عينه ورفع راسه ..: انا شو سويت ! شوو ..(لف صوب غرفتها ..)
وتذكر كلامها ...تكرهني! ..زين يانوره وانا لازم انساج دامج تكرهيني ..
شاف فونه على الطوله ..زخ الفون وسار صوب اسمها .. وطلب اتصال ..
.....: الو
حارب: مرحبا ..
...: اهلين ..شحالك!
حارب: زفت ..
......: افا ليش..
حارب: ااه ..ماشي ..ماعليج مني ..علومج حبي
.....استغربة ونفس الوقت فرحت يوم قال حبي: تمام..

فالصاله...
شهد: عواش باجر بنسير البحر الساعه 4 الفير
عواش: الله وناسه ..من بيودينا!!
شهد: اخوي واخوج..
عواش: اها ..بس انا وانتي !!!
شهد: لا وهند ونوره وفطوم..
عواش: اها زين....اقولج تحدرين المسن الحين !!
شهد: لاا ..
عواش: اها..زين زين ..
حدر مايد الصاله ..
مايد: مرحباا ..
عواش: اهلين ..اشوفك متكشخ على وين !!
مايد شافها بنص عين : ليش اخت عواش !
عواش: اسال بس..
مايد: شحالج شهد!
شهد: الحمدالله بخير ..
مايد: موعدنا باجر ان شاءالله !!
شهد: ان شاءالله
عواش: اي موعد!
شهد: قصده على سيرت البحر..
عواش: اها ..
مايد: وين حمدان عيل فالبيت !
شهد: تحصله فالميلس مع حامد ربيعكم
عواش : هذا الي من اشوي شافج!
مايد حرج: حامد شافج!!
شهد مستغربه : هيه
مايد: كيف شافج!!
شهد: كنت ظاهره من باب الصاله وسايره صوب بيتكم وشافني هو وسلم وسار
مايد: ماتعرفين تسيرين من باب الخلفي يعني لازم تظهرين من باب الصاله
عواش مستغربه: اعصاابك..شوفيك ..ماصار شي وبعدين البنت حره كيفها وظاهره وهي محتشمه ..
مايد: سكتي سكتي انتي ..
شهد قامت : عن اذنكم..وظهرت من بيتهم ..
عواش حرجت:حمار ..الحين بتسير وبتصيح.. ماتعرف شهد انت على الدقه اتصيح..
مايد: اسف مب قصدي..
عواش: الحين اسف ومب قصدك..قامت وتوها بتظهر
مايد: وين سايره!
عواش: بسير بيتهم واشوفها ..وظهرت
مايد: اففف ش هالحاله ...
وظهر وسار الميلس..صوب حمدان وحامد..

الساعه اربع ونص الفير
كلهم جاهزين ..
عواش: عيل وين شهد!
حمدان: تقول انها تعبانه وماتبه تسير ..
مايد: كيف مب هذا طلبها ..
حمدان: مابغيت ازعجها شفتها مب طايعه جان اسكت ..
عواش: مب كيفها .. بسير وبشوفها
مايد: نوره راح تي!!
هند: انا خبريتها ... وقالت بشوف ..
دقايق ولا توصل نوره وفطوم
نوره: اسفه اخرناكم ..
حمدان: لا عادي .. ..
يت صوبهم عواش
حمدان : ها وينها!!
عواش : اختك عنيده وراسها يابس ..
مايد: ماراح تي !
عواش: لا شو هزورها ماتي .. طفريت ابها اخر شي طردتني وقالت نازله بعد شوي ..
حمدان:هه زين عيل خلنا نركب السياره ..ونترياها ..
ركبت هند وفطوم اخر سيد .. وسيد الثاني نوره وعواش وراح تكون معاهم شهد.. ويدام مايد والي يسوق حمدان ..
ثواني ووصلت شهد..
شهد بهدواء: اسفه اخريتكم..
مرو على المحطه وخذو لهم اكل ..
وصلوا للبحر .. ونزلو الحصير وحمدان ومايد نزلو الدراجات ..عسب يلعبون بعدين..
فطوم: ابه اركب بعدين..
حمدان: ان شاءالله ..
وصارو ياكلون
هند تساسر نوره: شوفيج كلي
نوره: مالي خاطر
هند: اشوي بس ..
صوب عواش..وشهد
عواش تساسر شهد: بعدج زعلانه !
شهد بهدواء: من!
عواش: من اخوي الغبي
شهد:لا اصلن نسيت السالفه ..
عواش: صح باين ..

صوب مايد..كان كل شوي يمررنظره عليها .في خاطره: شكلها بعدها زعلانه ....اففف هي بس لوتدري اني احبها جان عذرتني ..
حمدان: اقول..!
مايد:هلا !
حمدان: تتوقع حامد وصل الحين !
مايد: لا ما اظن ..يمكن بعد ساعتين او ثلاث ..
(حامد قرر انه يسبقهم ويسافر وهم راح يردون بعد اسبوعين ..)
حمدان : يلاه فطوم قوومي جان تين تلعبين
فطوم: اووكيه..
حمدان: بتركب !!
مايد: لا بسير امشي احسن ..
هند: قومي نوره ..
نوره: وين!
هند: تعالي انتي بس...بنسوي بيت هه
نوره: هه اوكيه..
حمدان شاف عواش من بعيدهي وشهد ..وصار يزاعج..: شهووود!!
شهد لفت صوبه
حمدان: لا تسيرون بعيد..
شهد اشرت بمعنى اوكيه..
مايد: ماعليك انا بمشي جريب منهم ..
حمدان : تسوي خير ..
بعد دقايق
صوب عواش
عواش: اقولج لا نبتعد زياده ... اخاف
شهد:لا تخافين ..خوج ورانه ..
عواش جان تصد وتشوفه : هيه والله
شهد: اقولج صدق الكلام الي سمعته!!
عواش: شووه!!
شهد: تقول امايه بنسافر بعد فتره !
عواش: مادري والله ... قصدج ربااع!!
شهد: هيه قالت كلنا بنسير ..
عواش: مادري صراحه
مايد: حووو تريوو ..
وقفن وصدن صوبه
مايد وصل صوبهن : امشو شوي شوي ..نفسي انقطع وانا اربع وراكن ..
عواش:هه ..
مايد: زين... بمشي معاكم عادي..!!( بغى يسمع صوتها)
عواش: هيه اكيد..
مايد: ها شهد عادي..!
شهد: هيه..
عواش: حلو الجو
مايد: بعد اشوي بيصير احلى .. يوم تظهر الشمس ..صح شهد!
شهد: هيه ..
مايد: انا اسف على حركة البارحه حقج علي
شهد:حصل خير ..
مايد: تعالوا نرد شي شباب اهناك ..

صوب هند ونوره..
هند: هه روعه البيت ..
نوره: تذكرين يوم ابوي ايبنا البحر انا وانتي وحارب نسوي بيت عود..
هند: هه هيه ويوم حارب يفر عليج التراب وانا ادافع عنج وافر عليه وتقومين انتي وتفرين عليه بعد
نوره ابتسمت : ايام حلوه كانت ..
هند:هيه والله ...

كـــــــــــــــــــــــــــــــت

اتمنى عيبكم البارت
وان شاءالله ماراح اطول عليكم فالبارت الياي