|
>@-- part 27 .~ حمدان روح موزان ترمس حمده: هههههههههه حمده قافطه من الخاطر: حماااره موزان: هههه بخبر عليج ترى حمده: عادي ما أخاف موزان: بنجوف* حمده: خلينا من هذا كله عندي لج خبر احس بتيج حاله هستيريه يوم بتسمعينه موزان بلقافه: شو؟؟ حمده: تدرين ان فواغي عرسها عقب أسبوعين!! موزان: حلفي؟! حمده: و الله العظيم موزان: عيل ما خبرتني حمده: يمكن انشغلت هي اصل[ن] متى بتتزهب و بتخلص؟! موزان: ايواااااا انزين جوفي نحن البنات يوم الأحد و الاثنين بنحاول نخلص اشغالنا و عقب بنتفرغ لفواغي و بنساعدها يعني ع الاقل بتخلص بسرعه جذيييه حمده: خلاص يعني اعتمد؟! موزان: اكييييد حمده: يلا عيل باااي و سلمي موزان بخبث: على منو؟؟ حمده: عن العياره عاد موزان: ههههه يلا باااي و انا بقول لعلو و سلامه حمده: خلاص اوك و سكروا عن بعض.. __________________________________________________ __________________ مايد اتصل لسعيد سعيد: وينك يا ريال اخوي قال راح و ما لقاك هناك مايد: أسف بس انا فهمت الريال غلط كانت بين عاليتنا و عايلتهم مشاكل قبل و بس بغى يذوقنا المراره نحن بعد سعيد: استغفر الله لا تقول له علاقه بشمسه و عادل!! مايد: هيه للاسف يلا بخليك تعبان شوي سعيد: تعال الكوفي مايد: ما لي نفس سعيد: يلا فداعة الله مايد: فداعة الرحمن و سكروا عن بعض __________________________________________________ __________________ علايه ترمس بالفون: خلاص اكييييد و لا يهمج هذي مرت اخوي موزان: يعني خلاص انتوا ويانا بعد؟! علايه: اكييييد موزان: يلا تشاااو قلبووو بسييير عند حمدان علايه: ما اوصيج غلسي به موزان: ههههههههه اوك علايه: باااي و سكروا عن بعض علايه: اقووول سلووم سيف: شو جايفتنها ولد؟! علايه: ما رمستك سلامه حبيبتي سلامه: هلا علايه: جوفي نحن يوم الأحد و الاثنين بنسير بنزهب اعمارنا حق العرس سلامه: عرس منو؟! علايه: عرس منصور و فواغي سلامه: ليش حددوا العرس!! علايه: صباح الخير العرس عقب أسبوعين سلامه صدت لمنصور: صج منصور؟! منصور ببرود: هيه صج سلامه: انزين البنت متى بتجهز؟! منصور: انا شو يخصني؟! علايه: شو شو يخصك بعد لا تنسى ترى ه رن فون منصور و شاف الاسم و ابتسم رد منصور: هلا و مرحبا بو شهاب .....: حد يالس حذالك؟! منصور: هييه تركيا شويه ظهر منصور بررع: هلا حبي اخبارج ....: أكيد مب بخير دامك مب وياي منصور: كلها يومين و عقب خلاص ....: تدري انا وااايد مستانسه منصور: دووم انشالله __________________________________________________ __________________ راشد جاف باقه ورد جوري داخل صندوق ذهبي متوسط الحجم و الغطا ملتصق فيه ع شكل معين كان جد روعه و جاف بطاقه مكتوب عليها من سلامه لمريم ال...... خذ الصندوق و حدر البيت سعود: شو هذا؟! راشد: أظن هديه لمريوم ممدري مكتوب من سلامه مريوم بلعت ريجها و تذكرت سالم: هييه من ربيعتي خذت الصندوق و سارت فوق بو سعود: سمعيني عاشه لا تضغطون ع البنت خلوها تفكر براحتها ام سعود: لا حشا ليش اضغط عليها بو سعود: و انت سعود مب ناوي الكل خطب عداك انت سعود: و الله هو جي شي بس مب الحين عقب ما تخلص المدارس و انا اخلص ام سعود: جوف تراني ما راح أخطب لك من بنات الشوارع سعود: أمييه الله يهدييج شو بنت شوارع ترها بنت عايله محترمه راشد ياشر ع أبوه و بو سعود جاف فواغي دموعها نزلت و الكل يعرف ان فواغي دموعها ما تنزل منيه و الدرب نادراً ما يجوفونها تصيح لانها ما تحب تصيح يدام حد لانها تعتبر نفسها ضعيفة الشخصيه الكل قام و ما تم الا فواغي و بو سعود بو سعود يلسها و مسح دموعها بو سعود: ليش تصيحين؟! فواغي: ما ابغي أتزوج بو سعود: ما تبغين تتزوجين و لا ما تبغين منصور؟! فواغي: ما ابغي منصور بو سعود بهدوء: ممكن اعرف شو اللي غير رايج و انتي بنفسج عطيتيني موافقتج ف نفس اليوم فواغي ردت بها الذاكره لليوم المنحوس اللي بالنسبه لها __ يالسه ع شبريتها تذاكر لامتحان الكيميا حدرت مريووم الغرفه مريووم: فواغي فواغي: هلا مريووم: منصور يبغي يرمسج فواغي: ليش؟! مريوم: انتي رمسييه و بتعرفين انا بنزل تحت* فواغي خذت الفون و مريوم ظهرت بررع فواغي: مرحبا منصور: مرحبتين و لا يسدن فواغي: امر يا ولد العم منصور: ما يامر عليج عدو و لا ظالم طلبتج لا ترديني فواغي: اذا شي ارووم عليه بسوييه منصور: انا خطبت مريوووم اختج اليوم انا وياها نحب بعض من زمان فواغي: و المطلوب؟؟ منصور بخبث: مريووم قالت ما راح توافق علي الا بموافقة كل اخوانها و عسب جذييه بغيت أتأكد اذا انتي بتوافقين و لا لا!! فواغي: مع انك غثيث و ترفع لي الضغط و السكري بس بوافق عسب خاطر مريووم منصور بخاطره: و الله لا ارويج بس ما عليه هانت: مشكوره و ما تقصرين يزاج الله خير فواغي: عسب تعرف أني طيبه منصور: هيه وااايد .. بخاطره: دواج عندي فواغي: يلا مع السلامه منصور: باااي سكرت فواغي الفون و نزلت تحت بو سعود مستانس: مسرع ما قررتي فواغي: هو ما في احسن من منصور و احس بعد ما يباله تفكير بو سعود: بالبركة عييل فواغي: انا بسير ادرس ____ فواغي بترقيع: أخاف تسرعت بو سعود: لا و الله ما راح تحصلين احسن من منصور لدرجه انه أصر ان هو بنفسه يرمسج عسب يتأكد ان محد جبرج فواغي بخاطرها: حضرة جنابه مخطط لكل شي: اللي تجوفه أبوي بس انا ما يخصني بعدين شو بيصير؟! بو سعود: ما بيصير شي ان شالله فواغي: انا مب مطمنه الصراحه بو سعود: مجرد وساوس هذيي فواغي راحت فوق* __________________________________________________ __________________ موزان نزلت تحت و جافت حمدان يلست حذاله حمدان: نعم شو تبغين موزان: في ناس سلموا عليك حمدان شق الحلج<< دعاية معجون أسنان مب حلج: فديت هالناس انا موزان: لا تيلس تتفدى يدامي حمدان يلس يلعب بشعرها موزان: يا صبر ايوب على بلواه حمدان: متى يخطبونج و نفتك منج موزان: يالسه ع قلبك حمدان: عن جريب بتصيرين عتيجه موزان: هئ بنجوف __________________________________________________ __________________ فتحت الصندوق جافت شي عليه مخمليه راقيه باللون الذهبي و البني المحروق فتحته و لا تجوف.... مريوم بخاطرها: لا مستحيل كيف وصلوا؟! منو يا بهم ..و جافت cd خذت اللاب و فتحته و جافت الفيديو يلست تصيح.. حرام و الله هذي مب انا هذا تركيب هئهئئهئهئهئهئهئهئهئهههئ و جافت رساله و فتحتها و قرتها أهلين باللي تحطمني كل يوم لقطع صغيره بس ليومي هذا احبها مريم انا خطبتج عسب استر عليج و انتي بيدج القرار من محبوبج: مااايد |
وصلتني واايد شكاوي ان الروايه كلها تنقيعات حابه أوضح نقطه هذي مب تنقيعات بس لأني اكتب بالايباد و بروحه يصحح تعبت من كثر ما اعدل بس بعد لازم اسهو شوي و بس |
هالله هالله بالردوود الغاويه تراها مهمه عندي عسب أتشجع* |
تسسلمين حبووبهـ آلبآرت حللو ..اما عن التنقيعات مو مششكله انا كنت جييه بععد ... الموهييم نتريآج حبووبهـ ولآ تبطيين علينآ ..! آختج..:: مس جرينيش |
اقتباس:
|
| الساعة الآن 03:01 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir