منتدى استراحات زايد - صدفهـ لقيته اللي هويتهـ محلى عيونه واااي فديـتهـ

مايد:الحمد الله وشكر اتخبلت؟
حسن:هممم يقولون
فهد:الله يعطيك العقل
حسن:ويا ك
سارة:انا خلصت ,منو خلص
علي:انا
عواش:انا
سارة:عيل قوموا نروح ونتصل فشعول لين مايخصلون البقية
فهد:ها خلاص انا خلصت
سالم:وانا بعد
طارق:تريوني بي وياكم
وعقب راحو فوق وبعدين مانع و مريوم وحسن ومحسن ومايد والبقية خلصو وسارو عندهم
سارة اتصلت فشعول
ترن ترن ترن
شعول:الو سارو
سارة:هلا
شعول:اهلين شحالج؟
سارة:بخير والله انتي شحالج
شعول:والله تمام
سارة:شعول شو شعورج وانتي احين متزوجة وع ذمة ريال غير ابوج او امج
شعول:هههه شعوور حلو
سارة:يبالي اجرب
شعول:هههههه
وعقب عواش مطت السماعة
عواش:شعول امس كنتي قمر ما شالله علي
شعول:ميرسي حبي
وعقب كل حد رمساها وسلم عليها وعقب سكرو
فبيت بو سعود:
شعول:هنود توة قوم سارة اتصلو فيا
هنادي:زين والله
وعقب رن تلفون شعول وكان ((حبيبي))
هنادي:منو؟
مشاعل:ريلي
هنادي:ردي
مشاعل:ويت
هنادي:اويه ردي بلاج؟
مشاعل :استحي
هنادي:هههه ردي حرام انزين
مشاعل ردت
عمر:الوو
مشاعل:الو
عمر:ليش اتأخرتي يوم اتردين؟
مشاعل:ها كنت حاطة التلفون ع سايلنت
عمر:اها انزين ليش حاطتنه ع سايلنت
مشاعل:بس جي
عمر:لا والله
مشاعل:اويه بلاك
عمر:ههه مابلاية شي المهم اليوم انا عازمنج ع الغدا
مشاعل:لا امي بتعصب ..((بعدها ماكملت رمستها قاطعها))
عمر:ماعلية من امج انا احين ريلج
مشاعل:انزين انزين خلاص
عمر:اذا ماتبين كيفج
مشاعل:لا ابي
عمر:اوكي عيل ساعة 1ونص بمر عليج
مشاعل:اوكي
عمر:يلا باي حياتي
مشاعل:باي
عمر:انزين قولي حبيبي حياتي عمري شي بس جي باي
مشاعل:يلا عن الحركات باي
عمر:بس براوي جباي
وسكرو
هنادي:ههه شو فيج
مشاعل:هههه عبيط والله
هنادي:الحمد الله وشكر
مشاعل:هنود انتي كيف ماتستحين من شهاب واتقوليله حبي وحياتي وجي؟
هنادي:هههه تستعبطين حظرتج؟ هذا ريلي كيف استحي منة؟
مشاعل:خيبة مو بني ادمة حيوانه
هنادي:ريلج
مشاعل:اي مارظا
هنادي:ويا ويهج
.................................
في قطر
ميرا:عبود انتو متى بتساافرون؟
عبود:الفير ان شالله
ام عبدالله:شوع عبود اذا سرعت يا ويلك
عبود:لا توصين بمشي 1280 بس
ام عبدالله:وايد امس بس 100 او 120
عبود:اميه اذا جي مابنوصل الا بعد يومين
ام عبدالله:ماعليه بس لاتسرع
عبود:امي انا كم مرة ظارب خط من دبي لين الدوحة ومن بحرين لين كويت يعني عندي خبرة فشوارع
ام عبدالله:حتى ولو انت ماتعرف شو بيصير
عبود:إن شاء الله مابسرعة
احمد:عبود انا بسوق من الدوحة لين مركز مركز الغويفات
عبود:اوكي
..................................................
في بوظبي:
بو جاسم:ام جاسم متى بي محسن الاستاذ بيله المغرب
ام جاسم: مادري والله
بوجاسم:عطيني مبايلي بتصل فيه
ام جاسم:هاك
واتصل حق محسن
محسن:مرحبا ملاين
بوجاسم:مرحبتين ,محسن متى بترد بوظبي؟
محسن:بعد الغدا بنرد
بوجاسم:زين ترة الاستاذ بي المغرب
محسن:لا في وقت ان شالله قبل المغرب بكون عندكم
بوجاسم:يالله عي لانا احين بخليك
محسن:يلا مع سلامة
بوجاسم:مع سلامة
..................................................
فبيت بو راشد:
كانو كلهم يالسين فصالهـ:
ام راشد: العروس ماشالله عليها حلوة
حمدو:هي ادري
راشد:حمدو متى بتخلصون امتحاناتكم؟
حمدو:همم يوم الثلاثاء اخر يوم
راشد:يعني باجي اربعة ايام
حمدو:هي
راشد:اميه شوفي احين باجي اربعة ايام وبيخلصون وعقب اخطبيلي سارة
ام راشد:هههه يصير خير
راشد:امييه شو يصير خير قولي تم
ام راشد:شو تم اول شي خلى اقول حق ابوك
راشد:ليش انتي ماقلتيلة؟
ام راشد:قلتلة ,بس بشوفه متى فاظي ولازم انحدد موعد وياهم
راشد:عيل شوفو نفس اليوم الي بيخلصون فيه الامتحان اتصلو فيهم وحددو معاهم موعد
ام راشد:يصير خير
راشد:امييييييييه لاتقولين يصير خير هال كلمة تنرفزني
ام راشد:ههه الله كريم
راشد:اميييه
ام راشد:ههههه
حمدو:اخيرا بتزوج
راشد:الله يسمع منج ,اوييييييييييييييه
ام راشد:بلاك؟
راشد:نسيت ايب حق سارو اسكريم
ام راشد:ليش؟
راشد:الله يسلمج كنا نلعب لعبة وهي فازت عليه وشرطت عليه ايبلها من باسكن
سلمى:ههه انزين يا شاطر سير احين واشترلها
راشد:اوكيمنو بي وياي؟
حمدو:انا
راشد:سلمى مابتين؟
سلمى:لا بذاكر
راشد:اوكي يالله حمدو بسرعة بترياج فسيارة
حمدو:اوكي دقايقراشد:اوكي منو بي وياي؟
حمدو:انا
راشد:سلمى مابتين؟
سلمى:لا بذاكر
راشد:اوكي يالله حمدو بسرعة بترياج فسيارة
حمدو:اوكي دقايق

فسيارة:
راشد:همم حمدو ماتعرفين سارة اتحب اي اسكريم؟
حمدو:همم مادري ,بس خذلها ع ذوقك
راشد:اوكي
حمدو:انزين اعزمني
راشد:ههه شوتبين؟؟
حمدو:همم ابي جيز كيك
راشد:اوكي ماتبين من مطعم؟؟
حمدو: هي هي هي
راشد:انزين من وين تبين؟
حمدو:هممم ابي من بيتزا هت
راشد:اوك خلاص اول شي بنروح نشتري اسكريم وعقب بناخذ سلامي وبنسير ناكل برع
حمدو:انزين والاكل الي مسوينة فاليت
راشد:امي وابوي والخدم بياكلونة
حمدو:امي بتعصب
راشد:ماعليه بقردنها
حمدو:ههههه
ووصلو باسكن وراشد وحمدو نزلو واشترو اسكريم حق سارة وردو وركبو السيارة ..فطريج لحبيت بو فهد.
راشد:حمدو
حمدو:هلا؟
راشد:خلي سارة تطلع برع
حمدو:ليش؟
راشد:ابي اشوفها
حمدو:هههه انزين
وعقب وصلو بيت بوفهد.. واتصلت حمدو فعواش
ترن ترن ترن
سارة:الو
حمدوه:فديت راعية الألو
سارة:هلا حبي
حمدو:اهلين,اقول سارو طلعي برع
سارة:ليش انتي برع
حمدوه هي
سارة:اوكي دقايق وبطلع ,
وطلعت سارة ويت صوب السيارة
سارة:هلا اشحالكم؟
راشد:بخير
سارة:تعالو حياكم داخل الكل موجود
راشد:لا نحن احين بنروح بس ياين انيب لج اسكريمج
سارة:اسكريم ,ليش؟
راشد:لان انتي قلتي تبين اسكريم
سارة:متى؟
راشد:هههه شكلج فاقدة الذاكرة امسات يوم كنا نلعب
سارة:هييييييييه وانت يا الغبي صدقت؟؟
راشد:ها شرط ولا زم اسويه
سارة: عل عمووم مشكوور وتعبناك ويانة ,بس الاسكريم بذوق منو ؟؟
حمدو:بذوق اخوي
راشد:اذا اسممتي مالي خص
سارة:اذا اسممت انت اتوديني المستشفى
راشد:من عيوني
حمدو:يلا عي لاحين نحن بنسير وسلمي ع الاهل وخاصت(ن) الشلة
سارة:ويت تمو بنادي ريلي شوفوه
وراحت داخل
فسيارة:
راشد:حمدو منور يلها
حمدو:ههه احين بتشوفه
راشد :الله يستر
ويت سارة ومعاها محسن
محسن:هلا والله برشود
راشد:هلا فيك
سارة:ها شرايك فريلي
راشد:هههه مزيون
محسن:هههه استحيت
حمدو:ويا ويهك ليش ماتسلم؟؟
محسن:اووه حمدو سوري والله شحالج يا الغلا؟
حمدو:تمام
راشد:يلا عيل نحن بنخليكم احين
سارة:مرة ثانية يوم بتون تنزلون
حمدو:يصير خير
راشد:قسم بالله حمدو بصفعج
سارة:اويه ليش
حمدو:هههه لانه يتنرفز من هال كلمة
محسن:ههههه يصير خير عيل
راشد:هههه ويا ويهك
محسن:احلى عن خشمك
راشد:هههاي ,يلا بسير تامروني بشي؟
سارة:سلامتك ولاتنسون سلمو على الوالدة والوالد وسلامي
حمدو؟:يوصل ان شالله
محسن:باي
حمدو:بباي
وراحو وسارة ومحسن دخلو داخل
فهد:منو يايبلج اسكريم؟
سارة:ربيعك
فهد:شووو ؟
سارة:ربيعك راشد يابلي اسكريم بلاك؟
فهد:لي شان شالله ايبلج ؟
سارة:لان فزت عليه فاللعبة
مايد:اوييه نسيت السالفة انا
سارة:حتى انا وتوني تذكرت
فهد:انزين اختي حبيبتي خلني اكل وياج هو يايبلج حجم العود
مايد:هي وايد وزعي علينا
سارة:مابي ها بس حقي وحق حياتي
محسن:احم
مايد:زقوم
سارة:فبطن العدو,انا بروح المطبخ وبحط لكم اسكريم عن تاكلوني
مايد:هي جي صرتي بنت شاطرة
سارة:جب
((هم كانو يايبن حق سارة اكبر علبة الي اظن يحطون فيه خمسين كرة اسكريم مادري اقل))
وراحت سارة وحطت لهم الاسكريم فقلاص ((القلاص هذا حق الاسكريم هو مو قلاص قلاص هو يشبه القلاص ويحطون فيه يا اسكريم او سلطة فواكة ))
وراحت وعطتهم وكلو:
فبيت بو راشد:
راشد:اميه خلينا انسير الله يخليج
ام راشد:لا مافي نحن ليش امسوين غدا ؟؟
راشد: انزين انتو كلو
ام راشد:والباقي؟؟
راشد:همم يتلي فكرة ,حطي اكل وعطي الجيران لوول
ام راشد:انزين
راشد:يس ,حمدو وسلمو بسرعة تتلبسون
حمدو وسلمى:اوكي
وراحو فوق ولبسو :

سلمى لبست:تنورة عنابية وعلى تنورة خرز بلون الذهبي والقميص تيشريت بلون العنابي والذهبي وعليه خرز وفولك وهال اشياء
وحطت قلووس وجحال ولبست اكسسوارات واتعطرت وعباية مفتوحة وشيلة اسكارف بلون العنابي
حمدو لبست: بنطلون جنز سماوي وعلى الينب في خرز وهال اشياء والقميص طويل سماوي وعليه فنص شكل وردة بالفصوص بلون السماوي الغامج
ورسمت عيونها وحطت قلوس ولبست اكسسوارات وعباية مفتوحة وشيلة اسكارف بلون الازرق
وراشد لبس: كندورة بيظة وعصامة بيظة ونعال اسود وساعة ونظارة سودة
تحت فصالة
راشد:يالله امي نحن سايرين
ام راشد:يالله مع سلامة
وطلعو فسيارة:
راشد:اي مطعم تبون؟
حمدو:همم شو رايكم ف بيتزا هت؟
سلمى:مادري شو رايكم انتو؟؟
راشد:انتو تبون سندويجات ولا بيتزا ولا شي ثاني؟
حمدو:مادري اي شي
سملى: انا اهم شي اكل
راشد:خلاص بنسير بيتزل هت
وراحو بيتزا هت وكلو وعقب سارو ستي
حمدو:شوبنسوي احين؟.
راشد:بروح اشتريلي بزم
سلمى:ليش ماعندك؟
راشد:هي عندي بس انا فصلت كنادير يدية واحين ابي اشتري بزم يديدة
سلمى:اها
وعقب وصلو المحل
راشد:اي واحد اختار؟
سملى:همم خذ هذا
حمدو:شوف خذ اثنين هذا(وتأشر الي سلمو قالت عليه))..وخذ هذا((واحد ثاني))
راشد:اوكي,
واشترو وطلعو
فسيارة:
حمدو:وين بنسير احين؟
راشد:بنسير الخياط بيب كناديري
سلمى:وبعدين؟
راشد:مادري
وعقب وصلو الخياط ونزل راشد وياب كناديرة
فسيارة:
راشد:احين وين تبون اتسيرون؟
حمدو:همم رشود ودنا مال فطاير
راشد:ليش؟
حمدو:ابي اشتري حق البيت فطاير وحلويات
راشد:اوكي
وراحو المحل واشترو فطيار وحلويات
وعقب ردو البيت
فبيت بو فهد:
الساعة ((4 العصر))
كانو احين بيردون بوظبي
ام سالم:يالله مع سلامة
ام فهد:مع سلامة
ام مانع:مع سلامة وسملي ع بو فهد
ام فهد:يوصل ان شالله
مانع:يالله فهود تامرني بشي؟
فهود :سلامتك
مانع:اونت ميود:
ميود:سلامتك فديتك
سارة:وااااي بتوله عليكم والله
((وراحت وحظنت محسن))
ام فهد:ههههه رميو وجليت
حسن يا ومد ايده حق مريوم عشان يسلم عليها
حسن:مع سلامة
مريوم ابتسمت:مع سلامة
حسن صاصر ميروم:فالدرب برمسج بالمسجات ويوم بكون في بوظبي برمسج بالتلفون
مريوم:اوكي
عواش:بلاكم انتو الاثنين؟
حسن:اويه شو يخصج؟
عواش:سخييف
مريوم:كلن يرى الناس بعين طبعة
عواش:مالت عليج
كلهم ((الي بيردون بوظبي)):مع سلامة
الي بيتمون فدبي:مع سلامة
وطلعو قوم مانع واتوكلو
ام فهد:انا بتصل حق بدرية بشوفها متى بتي؟
سارة:بي وياج
وراحو واتصول حق بدرية
ترن ترن ترن
ام عبدالله:الو
ام فهد:هلا
ام عبدالله:اهلين
ام فهد:شحالج وشحالج الاهل
ام عبدالله:والله بخير انتو شحالكم؟
ام فهد:والله مانشكي من شي
ام عبدالله:الحمد الله
ام فهد:متى بتون إن شاء الله؟
ام عبدالله:عبود واحمد بيطلعون الفير وبيون يعني الصبح بيكونون عندكم ونحن بتطير طيارتنا ساعة 3 ونص بتوقيتنا وبتوقيتكم 4 ونص يعني بني المغرب ان شالله
ام فهد:على خير ان شالله
ام عبدالله:تامريني بشي؟
ام فهد:سلامتج
وسكرو الخط
سارة:ها متى بيون؟
ام فهد:عبود واحمدو بيون باجر الصبر والبجية المغرب
سارة:الله وناسة
ام فهد:سارو قولي حق الخدم ينظفون غرفة حق خالتج وريالها وحق عبود واحمدو