|
آلبآرت آلثآمن .. ذيآب على اعصابه يتريا حد يطلع وآخر شي طلع الدكتور وتم يطآلعه عقب قآم ورآح صوبه آلدكتور : المريض اللي دآخل يقرب لك شي ؟ ذيآب : لآ بس ربيعي واعرفه , شي فيه ؟ الدكتور : رضوض بسيطه وجرح كآن في ريله آضطرينآ نسوي له خيآطة 6 غرزات فقط لا غير تقدر تشوفه , عن اذنك " ورآح " ذيآب سيده دخل وتم يطآلع حآمد , تنهد وقال : حمدالله على سلآمتك حآمد منزل رآسه : ربي يسلمك ذيآب : حآمد انت فيك مخ ؟ كيف تسرع بالسيآرة وتسوي كل هذآ , يسوى علي هزبتك حآمد تم يطآلع ذيآب : ذيآب اللي سويته مب شوي لا تحسسني انك مسآمحني , وبعدين هذوا انا جدامك مافيني شي ذيآب قعد وابتسم : آدريبك بسبع اروآح ماشاء الله حآمد : آمم ترآ طرشت لها مسج اني حذفت كل شي وخلاص مابرقم ولا يخصني بالبنآت ذيآب : آحسن لك يآريآل شفيك آنت لآزق بالبنآت حآمد : ههههه خلاص تبنا خل نسكر هالمواضيع ذيآب : زين زين بنسكرههآ حآمد : آممم السموحه مرة ثانية .. ذيآب : مسموح بالحل . . مهره ترمس بالفون : ريموه بليز تعآلي ريم : بحآول مآوعدج وبعدين آحس فشله آي بيت يدج ياخي مهره : لآ فشله ولآ شي يعني ملجه ربيعتج وزميلتج بالكلآس بعد مآبتين ريم تنهدت : آنزين خلآص بس مهره : لآ بس ولآ شي وقولي لامج اني عازمتنها وياليت تيون بتونسوني ترى ريم : همم زين مهآري عن الصدعه وسيري جآبلي ريلج الحين بروح اخبر امي مهره : هههه آوك يلآ باي ريم : بآي .. . . رن تلفوني وانا مستغربه , منو بيتصل بهالوقت ؟ آكيد ذيآب مشغول بالمستشفى مع ربيعه , طآلعت ان هو نفسه رقم المجهول , احترت ارد ولآلآ , ضربني فضول قوي اعرف منو فرديت ** : انتي شحقه تردين على ارقام غريبه ؟ : وآنت ليش تتصل بي اذا ماتباني ارد على ارقام غريبه ** : غبيه : قرد ** : آنتي ماعرفتيني من صدقج ؟ : لآ مآعرفتك , جييه قالولك رآعيه شبآب شو ** : محشومه بس انا من آهلج : ايوا عسب جي تستخف دمك بزيآدة ومسوي عمرك هذاك الفآهم اللي تعرف عني كل شي ** : ههههههههههههههههه ايوآآآ عليج نور , والله حرآم كنت بلعب عليج لعبه المجهول لكن فعلآ غبيه اذا للحين مآعرفتيني : عن العبط ترى برقع التلفون ف ويهك وفوق ها بخبر يدي ! ** : فديت آبوي , بوسيلي اياه وخبريهه اني اسلم عليه شهققت : نصصصصصصصصصصصصور !!!!!!!!!!! نآصر : نصور ف عينج بخبر عليج ابوي بقوله الهنوف ترد على ارقام غريبه وماتحترم عمهآ : يالخآيس وينك وحشتنيي ليش ماتتصل لنآ قبل ! نآصر : مآيخصج , شخبآركم شالعلوم ؟ : بخييير ياخي وحشتننني , فقتك وفقت هالحححسسس يآربيييييي نآصر : الحين فقدتيني بمعنى الفقد ولا حضرتج تسبيني ترى افهم انا : هههههههههههههههههههه سير لآه , ماسبك , المهم يلآ متى بتي نآصر : اليوم .. انا بالمطآر الحين بس ماعرف منو بيبني : آححححلففف , آمممم غريبهه ليش رجعت عقب هالفترة ؟ نآصر : خلصت شغلي برع البلآد وآلحين برد خلآص بتم عندكم , وبعدين آحسن انها يات بهالوقت عسب احضر ملجهه حمود : زيييين وآلله , آنزين منو اخبر عسب ايك ؟ نآصر : خبري سهيل احيده دوم فاضي تضايججت وقلت : سهيل ! نآصر : هي سهيل شفيج ! : هه خبرك عتيج , سهيل مانعرف عنه حي ولآ ميت , طردته مرت عمي من زمآآآآآآآآآن نآصر منصدم : نعممم !! , وليش مآحد خبرني : خلها على ربك نصور , آلمهم بكلم خلود آيك نآصر : آوك ولو خلود مب فاضي خبري حمود او ذيآبو ايوني ياخي طفرت وانا اتريا : آوك يلآ بآي نآصر : لحظظظظه : هلآ نآصر : لآ تخبري حد اني ياي غير اللي بيبني لان امي وابوي مايعرفوآ : آوك , يلآ خلني اروح اجوف حد ايبك عسب ماتبطي " بندت ولفيت " يوسف : ههههههههههههههه على اساس شريفه مكه , وشباب من ورانا " تقرب منهآ " مثل مآرفضتيني وخليتيني اتعذب برد هالشي ف اختج يالهنوف وبتشوفي طفت عنه وطبيته , ولآ كآنه يرمسني , عسب يحترق آكثر وآكثر , عسب يتادب .. دخلت الميلس وجفتهم قاعدين , آمم بصرآحة احترت منو آنآدي فقلت بخلي حمود مع مهره وبنآدي خلود آيبهه .. : خلود تعال شوي اباك بموضوع يدي : وآبوي بنت علي سمي الناس بآسآميهآ قبل لآ تآكلج بآثآميهآ : ان شاء الله يدي طلعت برع ولحقني خلود .. خآلد : آمري : آممم آول شي لآيكون زعلت لما نأديتك خلود ؟ خآلد : ههههههه يالله يا بنت عمي الامور طيبه آمري ! : آممم بصرآحة " قربت منه شوي " نصور يباك تاخذه من المطار ومايبا حد يعرف خآلد رفع حياته وهو يطآلعني باستغراب : منو نصور ؟ : عمي ناصر مسرع نسيته خآلد حك راسه : هييييي قولي عمي لا تقولي نصور ماشاء الله انتي مطيحه الميانه مع الكل : هههههههههههههه المهم هو وصآني اخبرك تسير تاخذه من المطار ولا تخبر لا يدي ولا يدوه لان ماحد يعرف غيري وغيرك خآلد : خلآص تمآم " ودخل قبلي وشل مفآتيحه وانا دخلت " يدي : بنت علي شحقه تعبين ولد عمج ؟ خآلد : لآلآ يدي هي ذكرتني ب شي انا كنت بسويه يعني يزاها الله الف خير " وطلع " طآلعت روضه : تعآلي ابا اكلمج يدوه : الهنوف شفيج انتي اليوم ! : ههه فديتج يدوه مافيني شي بس بكلم اختي شوي يدوه : هي زين آنصحيها خل تمتن مب زين جي جسمها منو بيرضى فيها هاي السلق : ههههههههههههههههههههههه يدوه : تضحكين تراج الا اخس عنها افتشلت : يدووووووووووه غآية معصبه : الهنوفففف وين المسجل والسمآعه اللي كانوا بالعزبه ؟ : يآبوي والله يبناهم بتلاقينهم فالغرفه اللي تريح فيها مهره غايه : آوك " وصعدت " يدوه تسآسرني : الا الغاليه بتخبرج هاي شو تبا تسوي ؟ : تغني يدوه مشت : آمففف عليها قليله الادب انا براويها شغلها عدل شهقت اويييه الحين غايوه بتتكفخخخ , ههههههههههههههههههه آتخيل شكلهآ , جد بيفوتني .. روضة تهزني : آيييه يلآ خل نطلع انتبهت لها وطلعنا برع .. : يوسف مآيحبج .. وتراه يبا يلعب عليج روضة : يآخي قولي كلام يدخل مخي مآبغيت اصفعها ولا بغيت اسوي فيها شي : أنتي تعرفي انا لا قلت شي يصير وبعدين هو بروحه ياني اليوم وقال انه بينتقم لاني رفضته عن طريقج انتي , تحملي اللي بيصير روضة ابتسمت : كل هذا عشآن خآلد ! : هممم انتي تعرفين آنج مآتستآهلين خآلد , عسب جي انا مخليه خآلد برع الموضوع روضة منصدمه : آييه انا اختج المفروض ادافعين عني : انا ادافع عن الحق وانتي ظلمتي خالد بقرارج , على العموم سيري للنآر بآيدج مآحد بيمنعج لكن فكري عدل .. روضة : آممم شورج اوافق على خالد عسب اقهر يوسف ؟ الشغله جميلة صرخت عليهآ : آنتي شو تتحسبين الناس عندج لعببببببببببببببه ! عبدالله طلع : الهنوف شهالصريخ حشمي نحن مب بالبيت قلت لها وانا معصبه : لو فكرتي تسويها بخبر الكل حتى ابويه بخبره فاهمه ولآلآ , ولا تعتبريني اختج من اليوم ورآيح عندج اخوان ومرت اخو اما اخت لا فاهمه ولآلآ " وطفت عنهم " عبدالله بهدوء : روضة شو مسويه بالهنوف ؟ روضة نزلت راسها : وآلله كنت اتمصخر معاها مافكر اسوي هالشي اصلا عبدالله مستغرب : شو تسوين ؟ روضة تنهدت : ولآ شي عبدالله ولآ شي .. " ورآحت " . . غايه : مهور نشي مهووووووووووور مهره فزت : شفيج يالله توني غفيت غايه : شو كنتي تسوي من مساعه ؟ مهره : آكلم ربيعتي اعزمهآ غايه : آنزين خل تولي وين ها المسجل كبير ؟ مهره : آمممممم هنآك بالكبت غآيه طلعت وركبته : خليه جي عسب ف ملجتج نتخبل مهره ابتسمت : آنآ آحس بضيج ليش محمد بيروح .. غايه : خلآص مهور لآعت جبدي من هالموضوع , انا بتخبرج شي هاي مثايل شو فيها عافان الله احس نفسيتها صايره زفته مهره : مدري وآلله احسها وآيد تغيرت شي وراها يمكن الهنوف تعرف غايه : آكيد هاي السوسه الهنوف تعرف لآن ماتم شي ماعرفته عن بنات العايله دشيت انا عليهم ولقيتهم يسولفون قعدت وانا انافخ حسيت اعصابي تلفآنه خلآص وويهي شوي محمر من كثر مامعصبه على الكلآم اللي قالته روضة , يعني شو تتحرى الناس لعبه عندهآ ؟ تتزوج هذآ عسب تقهر هذآك , آوففففففففف ! مهره تطآلع غايه وغايه تطآلعهآ غآيه : شفيج ؟ " همست " ذيآب مضيج بج ! طآلعتهآ بضيج : آسكتي عني , ذيآب مآيخصه بالموضوع , بتخبل انا من هالعقليات الزفته ! مهره : الهنوف شفييييييج ! مآتحمممملت قمت وقفلت الباب : آوعدوني انه بيني وبينكم مهره وغايه : وعد نزلت راسي : يوسف اليوم كلمني , وقال لاني رفضته هو بينتقم الحين من روضة .. بينتقم مني عن طريقهآ غايه شهقت : آويييييييييه هذآ مينون شووووووووو مهره باستغراب : بس شو يخص روضة بالموضوع بالغلط زليت : ترى الغبيه تحبه " حطيت ايدي على حلجي " آوييه انا اسفه كان المفروض ماقول هالكلأآم غايه : عآدي , اذا تتحسبين اني بتضايج عسب خآلد ترى خلآص طآف : والله انا متضايجه يعني هي الغبيه خلت خالد . . تعرفون ليش خآلد هآك اليوم متضايج ؟ لآنه سمعها تقول ليوسف انها تحبه مهره تيود راسها : وآبويي كل ها من ورانا وانتي كيف عرفتي كل هذآ ؟ : هي خبرتني , تتحرى انها بتستآنس معآه انا لازم اخليهم يغصبونها على اول واحد بيتقدم لها مرة ثانية ! غايه استآنست : شرايج اخلي خلود يرجع يتقدم لها وبجي انتي بتخبري امج وابوج وبنغصبهم على بعض مرة ثانية تعرفين عاد اخوي مارضى عليه , شنسوي بعد داشه خاطره اختج ابتسمت : هههههههههههه يخرب بيت هالافكآر " سويت لها كفج " موافقه مهره ابتسمت : آييييه شهالجنون اللي تسونهه افرضوآ عقب روضة قعدت تقول لخآلد انها مآتحبه جي بتجرحه آكثر غايه بسرعه قالت : وآلله خآلد اذا جرحته مآبيسكت لها بعد , ولآ آن يوسف يعذبها عسب الهنوف , شخص يحبها ولآ شخص تحبه : انا معآهآ شخص يحبها ولا هي تحبه , لآن يوسف بيدمرهآ مهره : آلله يخسكم آحسكم على كيفكم تقررون حيآة النآس مهره وغايه طآلعوني بجرم : خير شفيكم مهره : بليييز خبرينآ آشيآء ثآنية عن بنآت العايلهه : آوك لآني وآثقه فيكم بقول بس يا ويلكم آن طلع هالكلآم برع ! غايه : لآلآ مآبيطلع بينآ انا وياج ومهور وعد مهور تطآلعهآ : بذمتي . . : مثايل تحب عبدالله , وعبدالله شكلهه مآيبآها تسافر عسب جي متضايجه ومتغيره هالفترة غايه تطالع مهره : وانا اقول ليش نفسيتها خآيسه مهره : غردي قولي شي ثاني اصدميني اكثثثثثثر : ههههههههههههه شنو بعد , يلآ منآك , يكفي اللي قلت لكم اياه " قمت وبطلت شعري " احس راسي يعورني " رن تلفوني ورديت " هلآ هلآ نآصر : منو تحت ؟ : وآلله مآعرف انا فوق مع العروس نآصر : آنزلي استقبليني : اوك وبيب غايه معاي يلآ " بندت ولميت شعري مرة ثآنية وحطيت الشيلة على راسي " غايوه قومي ننزل سبرآيز جممممميل مهره : منووو ؟ رحت صوبها وساسرتهآ : عمي ناصر مهره شهققققت : آححححححححلفي ؟ شيتتتتتتتتتتتتت اشتقت له غايه بفضول : منو ؟ : انا خبرت مهور لاني اعرف انها مابتقدر تنزل اما انتي يلآ تعالي وياي غايه : آوك .. نزلت انا وغايه وطلعنا صوب الباب .. وغايه تيبست مكآنهآ لمآ جآفت منو يآي وبلعت ريجهآ وانا مستغربه شفيها كآن نصور مبتسم ومتزقرت على الاخر وكآشخ بلبسه رسميه .. غايه وكآنهآ مآتشوف منو بالضبط تقربت منه وحطت ايدهآ على ويه : سهيل انت رجعت ؟ خآلد كآن يجوف غايه وسآكت .. غايه تصيح ولوت عليه : اشتقت لك ليش رحت وخليتني .. ناصر كمل عليها ولوى عليها : وانا اشتقت لج اكثر غايه بطلت ايدهآ وحطتها على ويهآ وتمت تصيح بهستيريه : ليش سمعت كلآم آمي ورحت ليش تخليت عنآ ناصر ياشر لي ولخالد بآن نسكت ونخليها تطلع اللي في خآطرهآ غايه : سهيل انا وآيد محتآجتنك لآ تروحح , دخخيلك وآلله , حتى لطيفة " صآحت آكثر " حتى خآلد كلنآ نبآك لآ تروح لآ تسمع كلآم آمممي , انا امي صفعتني بس لاني طريتك بس مايهمني انت لآ تروح اقييين دخيلك نآصر : مآرآح آروح غايه قآمت من حضنه وتمت تتآمل ملآمح ويهه وقفطت لمآ دققت وعرفت آنه عمهآ مب سهيل : نصور نآصر ابتسم : لآ سهيل غايه افتشلت وآحمر ويههآ : آنآ .. آآسفه على الكلآم اللي قلته تحريتك سهيل مدري شو صابني " كآنت بتشرد بس زخ آيدهآ " نآصر : عمي حبيبي , انتي قلتي هالشي لعمج يعني مآبيطلع لغيرنآ آنزين , مآله دآعي تستحين مني غايه ابتسمت : آنزين , " نزلت راسها " حمدآلله على آلسلآمة : حمدآلله على السلآمة ! نآصر : آلله يسلمكم خآلد آبتسم ودخل دآخل قبلنآ عقب دخلنا انا وغايه وحده على يمين نصور ووحده على يساره وخآلد فتح باب الميلس والكل كآن يسولف لكن من دخلنا صخوآ .. يدي صآح : نآصر !!!!! نآصر رآح وبآس رآس ابوه : هي ناصر يالغالي شخبارك ؟ يدي : بخير وسهآله ويدوه رآحت ولوت عليه وقعدت تبوسه وتشم ريحته : آنت بعدت عني مرة ثانية بذبحك غايه : يآ حآفظظ يدوه رآحت صوبها وزختها : تعآلي انتي من متى ادورج , وييين المسجل اللي تبين تغنين فيه غايه طآلعتني وبلعت ريجهآ : منو قالج بغني ؟ يدوه تطآلعني : قولي انتي وينهه عشآن آكسرهه فوق راسج يا قليله الادب نصور : ههههههههههههههههههههههههههههههه آمآيه خليها شتبينهآ يدوه : شو شو اباها تبا تسود ويوهنا جدام العرب تبا تغني جييه هي مب بنت آوآدم وعرب غايه تطلع ورقه فاضيه : شوفي شو مكتوب , انا المتسابقه رقم 245 يعني جريب بي دوري وبغني بالتلفزيون يدوه يودت عصا يدي وتركض وراها تبا ترشها رش , يحليلها يدوه شكلها ماشافت ان الورقة فاضيه ! غايه تركض : آيييييييييييه يدوه ترى وآلله آمزح , حبيبتي انتي فري العصى يدي : غايه اصطلبي وانزلي عن الكراسي غايه خيفآنه وترآكض : آآه يدي خل مرتك تروح عننننننننننننننننننننننننننننننننننننننننننني يوم جآفت يدوه قريب بتزخها بطلت الباب وشردت فالحوي . . وتآخذ نفس .. عقب ردت دخلت دآخل وكآنت يدتهآ تتريآهآ ورشتها رش من الخآطر آتحرم بعده تجذب .. . . سعيد : شمسه حبيبي قومي شمسه : بعدين سعيد خلني وآلله تعبآنة سعيد رآفع حيآته : قومي بنطلع مليت من البيت ! شمسه بطلت عينهآ بتعب وتمت تتطآلعه : وين تبا تروح هالحزه ! سعيد : ههههه لا آنتي وآيد متآثره بالمسلسلآت الكويتيه , هالحزه وحركآت , نشي يلآ بنطلع وبنتمشى مع بعض بدل هالقعده شمسه مآحبت تكسر فخاطره ف قآمت مع آنهآ كآنت مصدعه وتحس آلآم في ظهرهآ دخلت الحمام وسبحت ولمآ طلعت ما لقته بالغرفه فرآحت وطلعت لها تنورة وقميص ولبستهم وحطت جحآل دآخل عيونهآ وسوت روج خفيف هآدي مآسوت لآ مسكره ولآ بلشر مآحبت تبالغ او تحرج سعيد بالطلعه هآي لبست عبايتها وفلآتهآ وشلت غشوتها بايدهآ يعني لو سعيد حب انها تتغشى وشلت شنطتها وفونها ونزلت تحت .. سلمت على ام ذياب وبو ذياب .. ام ذياب : ماشاء الله عليييج كآشخه اليوم شمسه استحت : آمم سعيد حب نطلع ف قلت بكشخ على الخفيف مآحب اسوي مكيآج آم ذيآب : هي زين آمي بس شو جي مشلله شيله ثآنية بايدج شمسه : ههه فديتج عموه هاي مب شيله هاي غشوه تعرفين شباب هناك وجي ويمكن سعيد يجوف حد من ربعه ف قلت بلبسها وانا طالعه ام ذياب عيبتها شمسه : وآلله زين يالغاليه يلآ عيل روحي هو يتريآج بالسيآرة شمسه : يلآ مآتوصون بحآيه ؟ آم ذيآب & بو ذيآب : سلآمتج شمسه : مع السلآمة " وطلعت " آم ذيآب : فديتها عيبتني هالبنت اصول وآلله بوذيآب : هي شكلهآ جي , الله يهنيهم يآرب شمسه ركبت السيآرة : عسى مآتآخرت سعيد يطآلعهآ : يآ سلآم هالكشخه بس للطلعآت ولآ لي مآشي شمسه يودت ايده : عن العيآرة يلآ عآآآد سعيد : هههه فديتج وآلله .. آمممم وين تبينآ نروح ؟ شمسه : آي مكآن " تذكرت " آقول سعيد حآب اني البس غشوه وجي ولآ ! سعيد : لبسي اخاف اليوم زحمه والكل موجود وتعرفي عاد سبحآن الله يمكن نلتقي بحد شمسه ابتسمت : آن شاء الله . . برع البلآد .. ترفة : آنآ آليوم بروح آحجز برد الآمآرآت .. ميثآ وعليآ : بنروح معآج ترفه : زين حسيتوآ على دمكم وبتروحون تشوفون آهلكم ! ميثآ : جب جب من يومنا فينآ آحسآس ودم يالزفته ترفه : زفت ريلج , آلمهم عليآ : عيل دآم بنرد الامآرآت لموآ كل اغراضكم من الغرفه عسب نحن مآبنرجع مرة ثانية هالمكآن ميثآ : هي صدقج اليوم بنرتب كل شي وبنوزع الاغراض في شنط بعض عسب يخف الحمل على كل وحده ترفه : زين مآعندي مآنع .. . . ف آلمطآر .. حمدآن : شو خلصنآ ؟ سيف : هي خلصنآ .. حمدآن : خل نمر نشم العطور نتونس سيف : يلآ ومروآ صوب " آلديوتي فري " وقعدوآ يشموآ العطور وحآلتهم حآله عقب خذوآ هديه لمحمد ولذيآب كذآ عطر وساعه وخذوآ لعمآرهم عطور عيبتهم .. سيف : مليت يآخي حمدآن : على شو مستعيل انت عافان الله ماتم وقت الحين بنروح سيف : آنزين شو الحين ؟ حمدآن : صبر " رآح ورجع وهو شآل كيسه " سيف يطآلعه : شو ها حمدآن يعطيه : كندر وحلآوه اتسلى سيف : ههههه آوك " وخذ وتموآ يآكلوآ بثنيناتهم لين مآعلنوآ آن البوآبه فتحت " حمدآن : يلآ بس اكل , بنروح سيف : يلآ رآحوآ وركبوآ آلطيآرة وبعد دقآيق آقلعت فيهم الطيآرة متوجهه للآمآرآت .. . . |
سهيل يوعي ظهور : آفففففففف ظآهر ترى لو مآنشيت بصفعك ظآهر عصب : آنقلععععع برع ! سهيل : ظهور قوم رتب شنطتك اليوم الاربعا خلاص مآتم وقت ظآهر : آفففففففففففففف يا سهوووووول لا تخليني اهون واقطع التذكره وماروح وياك سهيل بند المكيف وشغل الليت وطلع وسكر الباب بقوه يعرف ان هالاشياء اللي يسويها تنرفز ظآهر وتخليه يقوم شوي وظاهر طلع من الغرفه .. سهيل ابتسم : يآ مسآء الورد ظآهر سواله طآف ورآح يصب له مآي سهيل : هههههههههههههههههههههههههههههههههههههههههههه ظآهر : آفففففف تعرف ان مافي حد حيوآن فهالدنيا كثرك ! سهيل : خلاص انسى ياخي اباك ترتب الشنطه ظآهر : آنت مآدري على شو مستعيل .. في وقت يا ريال في وقت رن جرس شقتهم واستغربوآ , بالعآده مآحد ايهم وهم الاثنين مب متعرفين على نآس .. ظآهر : ايلس انا بفتح .. " فتح وانصدم " سهيل !!!! سهيل رآح صوب الباب وبلع ريجه : شهذآ ظآهر يجوف الرساله اللي محطوطه ف طرف وقراها وعطى سهيل وعصب : كيف يفرون يآهل جي صوب اي شقه ! سهيل : شوف مكتوب تو كيت , واعتنوآ فيه زين يعني هذا مب لنآ ظآهر : ونحن شعرفنا منو هاي كيت , الحين ها اليآهل شو بنسوي فيهه ونحن بآجر مسآفرين .. سهيل اشفق عليه : حرآم ظهور هذا ياهل كيف طاوعهم قلبهم , خل نخليه عندنآ ظآهر يطآلع سهيل : لآ آحلف بس آحلف ب الله انك اشفقت عليه " ضربه على راسه " هذآ يآهل مو لعبه يعني اي غلطه منا بيروح فيها , وبعدين انا وانت شعرفنا باليهآل وهالسوالف مالهم سهيل شل الياهل المحطوط في نفس السله : خلاص خله عندنا واليوم بنطلع ندور على هاي كيت آو على اهله ظآهر يحط ايده على راسه : سهههيييل هذا ياهل يبا حححليب ويبآ مآددري شو سهيل : خلاص بتصل ف اختي بسالها يلآ آنت آدخل ! ظآهر دخل وهو يتنهد : اللي نسويه غلط كان المفروض من نشوفه محطوط صوب الباب مانفتح الشقه مول انا ماحب اتحمل مسؤوليه يهال سهيل كاتم ضحكته : ليش تخاف ؟ ظآهر صرخ : هي اخاف سهيل : هههههههههههههههههههه يآخي انت كتله جمآل ظآهر : سير لآه شوي واليآهل صآح وثنيناتهم توتروآ وتموآ يطآلعوآ بعض .. ظآهر : آففففففففف يلآ روح اتصل ف اختك اسالها سهيل يود تلفونه ودق على لطيفة كآن متوتر بالبدآية لكن عقب من سمع حسها تم سآكت .. لطيفة : آلو .. سهيل ؟ رد ! سهيل : آممم هلآ لطيفة بضيج : آهلين , آنت وينك وحشتني هنت عليك تخليني ؟ سهيل : حبيبتي انتي , والله مب بايدي الشي اللي صار كان كلهه بسبب شك امي لطيفة تننهدت : مآعلينآ مب نآوي ترجع ؟ سهيل يرمس بسرعه : بلآ برجع الجمعه لطيفة : خلآص تعآل الملجه هذا احسن وقت تطلع لهم سهيل مستغرب : ملجهه ؟ لطيفة : هي ملجه محمد ومهره سهيل : يآحيهم هذيل بس بآركي لهم انا اقول لطيفة : مابا انت تعال وبارك لهم ظآهر يآشر له عسب يسال سرعه سهيل : آممم لطوف ابا منج خدمه لطيفة : آكيد آمر ! سهيل : كيف يسون حليب لليهال ؟ لطيفة : هههه شو تبا الحليب انته سهيل : سآلفه طويله يلآ قولي لطيفة : لو مآعندك مرضعه مآل اليهآل روح اشتري مرضعه , وآشتري الحليب هذا مالهم اللي اي ف قوآطي مثل السيرلآك اسالهم انت وين حليب مآل اليهال هم بيخبرونك سهيل : لحظة بيب ورقة وقلم لطيفة : آوك سهيل : آنزين وبعد مآنشتري الاغراض شو نسوي ؟ لطيفة : حر المآي وصبه في المرضعه لين يوصل لرقم 2 سهيل بغباء : كيف رقم 2 ؟ لطيفة : سهيل لا تستوي غبي ترى المرضعه مرقمه ! سهيل : ههههههههه آنزين وعقب ؟ لطيفة : آنزين صب الماي الحآر لين رقم 2 عقب حط خآشوقتين حليب وخلها شوي تبرد عقب عطها للياهل سهيل : آهآ آوك خلاص يلآ نخدمج بالافراح اختي غايه صرخت : لطططططططططططييييييييييييفهه !!!!!!!! لطيفة : خلآص سهيل بسكر عن تي غايوه الحشره , دير بالك على نفسك وبنترياك بالملجه سهيل : وآنتي بعد , يلآ مع السلآمة لطيفة : ف حفظ الله " وبندت ورآحت صوب غايه " سهيل عطآ الورقة لظآهر : روح يب وانا بتم معاه ظآهر رفع حياته : نععععععععععععم ! سهيل : خيبه , يلآ انزين بنروح سوآ ظآهر : هي بس انته شله بهاي مالته انا اخاف اعقه ولا شي سهيل شله : آمسك هاي الاغراض عسب ماتضيع الورقة عني وطلعوآ ورآحوآ آلسوق وآشتروآ الاغراض وبعد مروآ محل وخلوآ آلعآملة تساعدهم بمشترى لبس لعمر الياهل .. وعقب من آلعآملة عرفوآ آن عمره 3 شهور ظآهر : سهيل بمآ آنهم يآبوه ف بنآيتنآ وكآتبين آنه ل كيت يعني هاي كيت ف بنآيتنآ ! سهيل : صح كيف مآفكرت فيهآ , آنزين يوم بنرجع بنسال ف الرسبشن .. ظآهر : خلنآ نرجع مآفيني صبر يلآ سهيل : يلآ ورجعوآ وشلوآ اليآهل واغراضه ورآحوآ البنآية ويوم سآلوآ الرسبشن حسوآ بآحبآط فضيع لمآ قالهم .. Miss kait is already live here but she moved to other country for work and she will came back after two weeks !: الرسبشن سهيل ميود رآسه : خيبه آسبوعين " آطآلع ظآهر " نحن بنرد الامآرآت شو بنسوي باليآهل ظآهر : آكيد مآبنخليه هني بنشله ويانا اوردي انا مابحضر ويآك لمآ بتروح عند آهلك ف بتم وياه فالشقه لين ترجع وتخبرني شو صار واذا اطمنت عليك برد انا وياه هني وبتريا هاي كيت لين ترجع وبعطيها هالآمآنه وخلآص ! سهيل تنهد : آنزين يلآ خل نروح , لكن هذآ الحين ينحجز له تذكره ولآلآ ؟ ظآهر رفع كتوفه : قآلك خبير اطفال لا سمح الله سهيل : هههههههههه صبر " وآتصل ف آلمطآر وسالهم " آقولك هذيل يقولون آونه مآله تذكره هذا عمره 3 شهور يعني في حضن امه عآدي ! ظآهر آطآلع بآستنكآره : جيه وتتحرآني امه وانا مآدريت ؟ سهيل : لآ مآقصد بس يعني بنوديه ويانا لان لو كان له تذكره كنا بنروح ندفعهآ فهمت ظآهر : هي صح .. آنزين يلآ سوي له حليب وبدل ثيآبه سهيل : آسوي حليب آوك آبدل ثيآبه لآ ظآهر شل الياهل والملابس اليديده وطلع من الشقه ورآح الشقه اللي حذالهم وتم يدق الباب ولمآ طلع الريال طلب منه يسآعدهم يعني يعطي الياهل لمرته عسب تغيرله ثيابه لان هم ريايل ومآيعرفون والحرمه مآعآرضتهم بالعكس استآنست وبدلت لليآهل وعطتهم .. ظآهر رجع الشقه : خلصت سهيل يصب شوي حليب على ايده يشوف حار ولا بارد : دآفي عطآه يلآ ظآهر : آففففففففففففف سهيل انت اللي تباه واخر شي انا اعتني فيه " مط المرضعه وحطهآ لليآهل " خلآص يلآ روح سهيل : تعال الغرفه هنآك عطه الحليب وانا برتب شنطتك انت مامنك فآيده ظآهر : يلآ .. . . برع البلآد .. ترفه وصلهآ مسج : آمم آقولكم انا بروح الجآمعه عليآ : ليش ؟ ترفه : وآصلني مسج عسب اسير اسجل جدولي عليآ : هئئ ليش مآطرشوآ لي .. ! ترفه : مدري , بتروحي ؟ عليآ بهيآزه : لآ مآبروح لين مآيطرشوآ لي مسج .. ترفه : كيفج .. " قآمت لبست وطلعت ويوم وصلت آلجآمعه سجلت مسآقآت ويوم طلعت لقت فآطمه " آوه فطآمي هني فآطمه : هي وآلله عآش من شآفج شو تسوين هني ؟ ترفه : آسجل مسآقآت وموآد وهالحركآت عسب بعد فترة ينزلوآ لي الجدول كآمل وآي آخذه فآطمه : آنزين هالمرة لآ تروحي على الاقل خليني اعزمج على آيس كريم ترفه تفكر : آنزين فشله جي من آول مرة آنتي تعزميني ؟ فآطمه : لآ مآعليج لآ فشلة ولآ شي يلآ خل نروح ترفه : يلآ فآطمه وترفه طلعوآ من آلجآمعه .. فآطمه دقيقه بيب آختي وبي ورآحت فآطمه الحضآنه القريبه وشلت آختهآ وطلعت هي وترفه واختهآ ترفه : يآحححيآتتتتي على العسووولييييييننن فآطمه ابتسمت : آنتي مآعندج خوآت ؟ ترفه : بلآ عندي بس هم مب وياي هني انا مع ربيعآتي فآطمه : آيوآ ترفه : وآنتي ؟ فآطمه : انا هني مع آهلي كلهم حتى عيال خالتي هني ترفه : آهآ .. الله يخليهم لج فآطمه : آممين ترفه بحيرة : شسمهآ آختج العسولة ؟ فآطمه : فوآغي ترفه شلتهآ وبآستهآ : آهلآ بالحلوين فوآغي تمت تضحك ومستحيه .. ترفه حضنتها : حبيبتي انتي تبين ايس كريم ؟ فوآغي تهز راسها ب هيه .. ترفه : يلآ بنروح نآخذ لنآ آيس كريم فآطمه : شكلج تحبين اليهال .. ترفه : مآقدر آقآومهم عشق فآطمه : خلآص بفرها عندج ترفه : حيآهآ الله , اقول شرايج تين وياي الشقه اعرفج على البنآت ؟ فآطمه : آوك بخبر اخوي اول ترفه : آوك .. رآحوآ وطلبوآ آيس كريم وقعدوآ يسولفون بآمور وآيده , آولهآ الآهل وآخرهآ الجآمعه عقب استرخصوآ من بعض وكل حد رد لبيته . . قعدت آضحك , مآقدرت آيود عمري وآنآ آجوف غايه ترآكض يمين ويسآر , شوي ونزلت مهره وهي لآبسه جلآبيه بيت بس لآبسه شمد . . ومن جآفت نآصر سلمت عليه وقعدت شوي عقب رآحت المطبخ ! صآلح رآح لهآ وكآن معصب : شحقه تكلمين مصعب بالتلفون ؟ مهره بعنآد : وآنت شو يخصك ؟ صآلح يودهآ من آيدهآ بقوه : آنتي على ذمه ريآل مآتستحين على ويهج شو ؟ محمد كآن ورى الباب ويسمع كآن رآيح يبا يكلم مهره بس مآعرف آن صآلح موجود .. ! مهره سحبت ايدهآ : آنت مآيخصك باللي يصير فآهم ولآلآ " طآلعته بشر وطآفت عنه وآول مآطلعت من المطبخ بلعت ريجهآ وهي تشوف محمد جدآمهآ " صآلح طلع وجآف محمد ابتسم لها باستهزآء وطآف عنهم مهره انغاضت وخآفت محمد يشك فيهأآ : محمد محمد : آدري هذآ مآل قبل بس لآ تمي تعآندين ف آخوج عن يخرب علينآ كل شي " ورآح عنهآ " مهره ابتسمت وقآلت ف خآطرهآ " فديته وآلله , ربي لآ يحرمننننننننننننننننننننني منه " : يدي , خذت دوآك ؟ يدي : هي :وآنتي يدوه ؟ يدوه :هي خذته : زين فيه الشفآ يآرب آلكل : آمممييين نصور ينغزهم : عيل شخبآره سهيل ؟ مآله حسس ! آلكل سكت .. وآنآ آطآلعته ويتني الضحكه , الزفت يعرف بس يبا ينغزهم .. يدي قال : سهيل محد نصور : وينه آبوي ؟ يدوه معصبه : كلآم كبآر لآ تتدخل فيه .. نآصر وقف وهو معصب : آنآ كبير مآظن آني يآهل آبوي : نآآآآآآآآآآآآآآآآصر نآصر : علي لآ تلعب بآعصآآآآآآآآآآآآآبي هذآ ولد آخوي شو اسال وينه امي تقول كلآم كبآر شو تتحسبني ياهل ! آبوي : سهيل رآح وخلآص نآصر : لآ مب خلآص وهالموضوع مآبيتسكر الا لمآ يرجع سهيل " آطآلع يدوه بتحدي " يآ سهيل يرجع مرة ثانية مثل مانا رجعت يا انا بطلع مثله ومآبرجع ! خآلد : نصور نآصر معصب وقآل بصوت عآلي : آلكلآم اللي عندي قلتتته غير جي مآبيصير " شل مفآتيحه " انا ماببات هني بعد " وقبل لآيطلع " يدي : على هونك يآ نآصر , سهيل مرده لآهله وبيرجع وتظن اذا رجع نحن بنطلعه من البيت يدوه صآحت : مستوي قليل آلآدب لآ يحترمني ولآ آي شي نآصر تنهد وطلع من البيت بكبرهه .. يدوه ركضت ورآه وهي تكلمه : نآآآآآآآصصصصصر نآصر : آدري آمي آنج جنتي ونآري بس اللي تسونه غلط يدوه : خلآص آذآ تعز آمك لآ تطلع من البيت ! نآصر بآس رآسهآ : خلآص مآبطلع بس انتي لآ تزعلي مني يدوه حضنته : فديتك علني مآخليييييييييييييت نآصر بآس راسها مرة ثانية : حبيبتي آنتي وآلله , لآ تزعلي مني ترى يوم انفعل مادري شو يصيبني يدوه : مآعليه يالغالي , بس يلآ دش معاي نآصر تنهد ودخل مفآتيحه ف مخبآة البنطلون ورآح ورآهآ وردوآ قعدوآ ف آلميلس وين الكل متجمع , آلكل يطآلع بعض وتنهدوآ , عقب الكل كمل سوالف الا ام خآلد , تحس النآر في يوفهآ وتحرقهآ وهم يتكلموآ عن ولدهآ ف مآقدرت تتحمل ف طلعت برع .. . . برع البلآد مكآن آخر تمآمآ .. عذآري : لآ خلآص آجلي جميع المرضى لبآجر آنآ بروح عند ريلي ابتسمت السكرتيره : بس مدآم آلآنسه اللي يات هاك آليوم لنآ حسيت آن حالتها تدهورت آكثر عذآري تنهدت : دخليهآ آنزين دخلت البنت عندهآ وعذآري تمت تطآلعهآ بتمعن وتمت هذيك بس تصيح وعذآري تهديهآ وتمت تكلمهآ آلمريضه قآمت بدون لآ تتكلم عقب طلعت عذآري قالت لهآ قبل لآ تطلع : بتريآج بآجر , لآ تنسين .. آلمريضه طلعت سيده بدون لآ ترد عذآري تنهدت قآمت وتحجبت عدل ولبست غشوتها ورجعت شقتها الكبيرة وتمت تتريآ حمد يرجع .. حمد رجع وسلمت عليه : آهلين آنتي رجعتي ؟ عذآري : تعرف مآحب توصل البيت قبلي اخاف تحتاي شي حمد ابتسم : فديتج وآلله آنزييين هممم شو سويتي اليوم فدوآمج ؟ عذآري طآحت على الكرسي : وآلله متعب بشكل فضيع , آحس آلحآلآت اللي توصلني نوعآ مآ صعبه يعني مآتترضى تتكلم , بتلآقيهآ طول المده تصيييح ومن هالكلآممم .. واللي صدمني فعلآ آن في موآطنآت عندي حمد قعدت صوبها ومسح على راسها : مآشتقتي لآهلج ؟ عذآري طآحت ف حضنه وهي تلعب بآصآبعهآ : انا معآك مآحس بالوحده يعني مآتفرق وياي لو جفتهم ولالا اوردي نحن مب مقصرين وفي كل اجازه ننزل لهم ونسلم عليهم , لا تنسى ان نحن ينا هني بسببهم وبسبب شركاتهم حمد تم يمسح على راسها .. عذآري : لآ تلعب ف شعري عقب بنآمم حمد : نآمي شو عليه رآده تعبآنه عذآري : وآلآكل ؟ حمد : نفآده حبيبتي انا مب يوعآن عذآري تحط راسها صوب بطنه : ههههههههههههه جذآآآآآآآآآب بطنك يقول غير جي المهم " قآمت عنه " بسوي لك آكل خفيف تآكله آدريبك يوعآن بس تكآبر لآنك تشوفني تعبآنة .. مآل نص ساعه وآلآكل جآهز .. " ورآحت عنه المطبخ " حمد يآي بينسدح صرخت عذآري ! عذآري : لآ مآتنآآآآآآآآآآآآآم روح آسسسسسسسسسسبح وبدل ثيآبك حمد يطالع يمين ويسار وفوق : انتي محطيه كآميرآت مرآقبه عذآري : ههههههههههههه لآ بس حركآتك معروفه حفظتها خلآص حمد : آنزين خلآص قمت عذآري : آوك حمد رآح وسبح وبدل لكن من التعب نآمم آمآ هي سوت خفآيف وآنصدمت آن حمد نآيم ف غطت آلآكل ورآحت سبحت وبدلت ونآمت .. . . مآيد & موزة مآكآنوآ فبيتهم كآنوآ رآيحين عند الدكتورة يبون يكلمونهآ بخصوص السفر .. آلدكتورة تطآلع موزة وتشوف ف عينهآ لمعه آن خآطرهآ تروح ابتسمت : آنتي خآطرج تروحي ؟ موزة : وآآآآآآيييييييييييد آلدكتورة تطآلع مآيد : مآفي مآنع آنهآ تسآفر بنعطيهآ آدويه تخفف من الغثيآن وقبل لآ تسآفر بكم يوم يبهآ عسب نعطيهآ آبره موزة بخوف : آبره شو ؟ آلدكتورة : آبره تثبيت الحمل موزة ابتسمت : آنزين مآيد : يعني مآعليهآ خطورة لو خذت هالابره ؟ الدكتورة : لآ مآبيكون عليها شر .. بس يآليت لو تعبت تقعد مب اتعب عمرها اكثر مآيد : آن شاء الله , مشكورة دكتورة آلدكتورة : آلعفو " كتبت آدويهه وعطتهم الورقه " آصرفوهآ ف الصيدلية اللي على اليمين , ولآزم تآخذهم بآنتظآم مآيد : آن شاء الله " وطلع قبلهم عسب ايب الادويه " موزة : مشكورة وآيد وآلله " قآمت وهي مستآنسة وطلعت ولحقت مآيد وبحمآسس وبدون لآ تحسس علت صوتها وقآلت " يسسس آلكل لف يطآلعهآ موزة نزلت راسها وآفتشلت .. مآيد طآلعهآ : موزة شهالصوت العآلي , خففي صوتج ! موزة بآحرآج : آن شاء الله صرفوآ آلدوآ وطلعوآ من العيآدهه .. ورآحوآ مآل الحجوزآت وحجزوآ بنفس الموعد اللي حآجزين فيهه آهلهم وعقب رآحوآ بيت آهل موزة .. بوموزة : شحقه يتي مآيد : شخبآرك عمي ؟ بوموزه : حآلي زفت من شفتكم ام موزة كآنت تطآلع بنتها وسآكته مب قآدره تتكلم ولآ قآدره تعاتب ريلها على اللي قاعد يصير .. موزة بهدوء : آنآ يت اخبركم آني حآمل وآني ... قبل لآ تكمل قآم ابوهآ ومطهآ بقوه : شوووووو قلتتتتتتتتتتتي !!! موزة خآفت : آبويه شوفيك ! مآيد رآح ومط حرمته : آظن انا اللي اصرف عليها وانا اللي متحمل من مسؤوليتها يات عسب تودعكم مب عسب تمد ايدك عليهآ موزة صآحت وآنخشت ورى مآيد وتحس بطنهآ شوي عورها من آلمطه .. آبو موزة : عيل اذا انت مسؤول عنهآ مبروك لها آنهآ حآمل , بس مب عقب تينآ وهي مطلقه ونحن نتحمل مسؤوليه ولدك مآيد بنفسيه خآيسه ويرد مثل الاسلوب اللي يتكلم فيه ابوهآ: لآ آطمن لو خذت فوقها عشره موزة مستحيل اطلقهآ " يود ايد موزة وقدمهآ " اظن آنهآ يآت وودعتكم وآلحين نحن متوكلين " وطلعوآ سيدة وموزة طول الدرب تصيح " يآ حبيبي ليش تصيحين بطنج يعورج ؟ موزة تهز رآسهآ ب لآء .. مآيد يود آيدهآ : آبوج وتعرفين آطبآعه زين مآله دآعي تضايجين من اللي يسويه انا غلطآن طآوعتج ووديتج هنآك موزة ترص على ايده , سدحت الكرسي وشوي وغمضت عينهآ وهي بعدهآ تدمع وتصيح مآيد تنهد بحزن عليهآ , يعرف انها بالنهآية حرمه بتتضآيج من آي شي يصير وخاصه آنهآ حآمل فمستوية شوي حسآسة بزيآدة .. . . |
آلسلآم عليكم ورحمةة الله وبركآتهه * آخبآركم قرآئي ؟ آتمنى تكونون بآفضل آحوآلكم طبعآ هالمرة تآخخرت وآيد عسب اشوف ردودكم الجميلة وآلطويلةة بآلبدآيةة آنصدمت آن مآلقيت تفآعل وآيد مع آني منزله بآرتين بس الحمدالله عقب لقيت . . . نزلت البآرت الثآمن طبعآ قرآءهه ممتعه وبآنتظآر آرآئكم + آنتقآدآتكم ! + دعوآتكم لي بآجر عندي آمتحآن وبعد كم يوم بعد آممتحححآن ثآني " ربي يسهل آموري ♪ " مآبطول عليكم وبآنتظآر ردودكم المفرحهه لكم ودي جميععآ ♥♥♥♥♥♥ ' |
رووعه تسلم ايدج ع البارت الجميل والله يوفقج حبيبتي و يسهل عليييج و نتريااااج |
البارت واايد حلو . . يوسف : اووف يقهر أبد ما احبه .، ذياب : حبيت وقفته ويا حامد ربيعه .، حامد : الحمد لله انه قام وبيودر سوالف المغازل .، سهيل & ظاهر : شو بيسون في الياهل ، أبد ما يعرفون يسون له شي / وان شاء الله يرجعون البلاد .، ناصر : حبيت شخصيته واايد .، وبس بانتظار البارت . . والله يوفقج ويسهل عليج الامتحان . |
| الساعة الآن 05:01 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir