|
في دبي دار الحي .. ابو نوره: انزين ليش ماتبين اتسيرين ..؟ نوره: باباتي خلاص انا سلمت عليم جيه اسير وبعدين ابه اسير مع سارونه وموزه .. ام نوره: خلااص راشد خلها على راحتها .. ابونوره: على راحتج.. يابنتي ..انزين فطوم راح تي ! فطوم: هيه بسير معاكم.. ابو نوره:زين عيل يلاه ركبو السياره .. اليده : موزه سااره ما اوصيكن بناتي جان اتصلو عليكم لا تردون عليهم .. ساره وموزه : ان شاءالله يدوه ... بعد ساعتين ..الساعه 8:11 المساء الكل وصل اهل دبي واهل العين (قوم ثاني)..ومروان ومرته والي من راك مانع ومرته .. الخيمه انمزرت ريايل .. فالخيمه .. حارب: اخوك صقر سافر صح !! ثاني : هيه سافر من سبوع .. مايد: حساافه بغينه نشوفه .. ثاني ابتسم .. حارب : سلطون موزه وساره روحهم فالبيت !.. ( يبه يسال عن نوره بس مب عارف كيف ) سلطان: لا نوره معاهن وسارن مول الامارات .. حارب: اها..حساافه .. سلطان :جيه حسافه ! حارب: هااا ..لااقول يعني بغيت اشوف ساره اختي من زمان عنها.. سلطان : اها .. تحديدن في امارات مول .. نوره: بتخبركن تعالو نسير صوب الالعاب .. خاطري في مطعم فرايديز موزه: اووك حتى اناا خاطري فيه .. ساروه: بس خلوني احدر هالمحل اول نوره: اوك.. بعد ما خلصو ..ظهرو من المحل نوره :هه تذكرون فـ دعمت بولد صغير يصيح ساروه: اويه شكله ضايح نزلت نوره لمستوى الياهل نوره تمسح على راسه: لا تصيح ..بنحلص هلك حبيبي موزه نزلت هيه بعد : حبيبي شو اسمك.؟ .....: يصيح ساروه : عندي حلوه تبه ؟؟ نوره: ظهري الحلوه هه لا تسالين .. ظهرت الحلوه وعطته سكت .. موزه: تبه تلعب ؟ الولد اطالعها : هيه ابه نوره:هه فديتك انا .. تعال بنلعبك.. ساروه: يلاه قول لنا شواسمك..عسب تروح لماما ولا ماتبه تسير ؟ الياهل: لا ابه ..اسمي حمني نوره:هه فديت حمني انا ..انزين يا حمني يلاه قوم معايه نوره : ميري خذي الجياس عورت ايدي سارن صوب الالعاب ..عسب يلعبون حمني موزه: اقول بنات شرايكن نحدر السنيما .. ساروه: وحمني !! اكيد اهله يدورونه حمني يلعب :عموتي هني كانت واقف نوره: وين ! جان ياشر على مكان شبااب واقفين في نفس المكان نوره: اكيد هم صوبنا عيل .. دام كانت واقفه هني موزه : انزين تعالو ننزل وناخذ تذاكر سارونه: وحمني موزه:بنخليه معانه وجان ماحصلنه هله بنحدر وبنشوف الفيلم وهو معانه نوره: زين .. بنشووف رسوم عيل عسبه . حمني: عموتي قالت بشوف بتوديني اشوف رسوم موزه: يمكن صوب السينما هم ..اكيد بنحصلهم بعدين فالقاعه سارونه: من صدقج انتي ولدهم ضايع تبين يحدرون ويشوفون الفيلم.. نوره ترمس حمني : حمني حبيبي ..انت بس يااي مع عمتك! حمني: لاا وعمي بعد.. نوره: انزين شو اسم عمتك! حمني: خدوي .. نوره: وعمك! حمني: خالد نوره: نزين شو اسم ابوك؟ حمني:محمد نوره: اقول بنخبر السيكورتي حرام اكيد يحاتونه موزه: انزين انا باخذ لنا تذاكر .. ساروه : اي معاج نوره؟ نوره: لا مايحتاي هذا السيكورتي واقف .. ساروه:زين نحن صوب الاكل جان خلصتي نوره: اوكيه نوره: ميري ..تعالي معايه .. وسارت تمشي وراها .. وحمني حذالها وزاخ ايدها .. مرت صوب شلة شبااب على يمينها وعلى يسارها ..(تعرفون انتو بعد صوب السينما جيش من الشباب ..وياليت لو كلهم يحدرون ويشوفون فيلم )) واحد منهم: حلوه ماشاءالله الثاني: هذا ولدها ؟.ماتخيل احسها صغيره ... ....: ابه ارقمها .. عيبتني.. .....: ماتشوف ولدها معاها ... .......: يمكن اخوها انزين .. ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ لمح ولد يمشي مع وحده . خالد: جنه هذا سار خالد ورا نوره ..الي توها وصلت لسيكورتي خالد: عبد الرحمن .. صد يشوف الي يناديه حمني : عمي .. تدرك ايد نوره وربع صوب خالد.. حضن حمني وشله وسار صوب نوره .. خالد: مشكوره اختي .. نوره: العفو اخوي.. خالد: اسمحيلنا مره ثانيه .. نوره: مسموح..هااحمني ..مب تترك عمتك وعمك اوكيه حبيبي ؟ حمني ابتسم: زين .. نوره جربت وزخت خده : شطوور.. يلاه عيل فمان الله . خالد ذاب يوم جربت ريحت عطرها خبلت به:فمان الله .. رن فونها يوم سارت |
خالد ذاب يوم جربت ريحت عطرها خبلت به:فمان الله .. رن فونها يوم سارت نوره: هلاا ساونه .. ساروه : شو صار.. نوره: ماشي حصلت هله .. وهيه تمشي وترمس ساره صدت على ميري نوره: ميري بســ.. ضربت بواحد.. نوره قفطت : السموحه منك اخوي ومشت .. مشى خلفها ..:.. مسموحه شيخه .. اترياج اليوم على هالرقم 050558**** مشت بسرعه حرجت .. وصلت صوبهم.. نوره: اففف خلصتو.. ساروه: شوفيه ويهج هه.. نوره: سكتي سكتي انتي ..ماتشوفين هذا الي يمشي ورايه .. موزه: انا اشوف خمسه هه نوه: عن السخافه .. موزه: صدق شوفي ..جربت منها ..والله لويعرف حارب بيتخبل نوره: مايهمني حد .....: نوواري صدت نوره نوره: خدوي ...شحالج خدوي: تمام.. شحالكن بنات .. نوره: اعرفج على بنت عمتي .. ساره .. وموزه تصير بنت عمها .. خدوي: تشرفنا موزه وساره: نحن اكثر .. نوره: اعرفكم..خـدوي بنت يرانه موزه وساروه: تشرفنا خدوي: اخخ عيل انتو الي حصلتو ولد اخوي نوره: جيه .. حمني ولد اخوج؟ خدوي:هه تصدقين هيه .. ضيعته يوم سرت اخذ التذاكر..واخوي كان يطلب اكل.. وضاع .. نوره: هه زين .. خدوي: توه اخوي يخبرني يقول هذي الي حصلته نوره: وحليله كان يصيح خدوي: ماعليج هذا دوولع واايد اصلن ...هه اقول شو راح تشوفون ؟ موزه:رسووم.. خدوي: حتى نحن .. صوب بوظبي حارب: هيه بعد العرس بسافر حمده : يعني ما راح اعرف اخبارك حارب : حمده انتي شرات اختي ..لا اكثر .. حمده: زين ... حارب: زين .. بعد سكووت لمدة دقايق حمده : اخليك اناعيل ..فمان الله حارب: انزين .. فمان الله فرت الفون على السرير :.. شو اخته يستهبل هذاا .. انا احبه .. يقول شرات اختي ..افففف .. في مكان جريب حدرت المطبخ تزاعج فطوم:جولي جوووولي ويـ صد يوم سمع حسها ذياب ابتسم:شحالج فاطمه ؟ فطوم رفعت حياتها:الحمدالله ..ومن صوبك؟ ذياب: الحمدالله .. فطوم: زين... جولي بتخبرج وين ريما ؟ ذياب:مارديتي عليه .. فطوم: ؟؟ .. ذياب: كم نسبتج؟ فطوم: جيه متى سالتني ؟ ذياب: طرشت لج مسج.. فطوم: جيه عندك رقمي .؟ ذياب: مب هذا الي اطرش عليه الرصيد.. فطوم تذكرت السالفه: انت الين الحين تطرش رصيد؟ ذياب: هيه .. فطوم:هههههههه ...احلف.. ذياب مستغرب: والله .. فطوم: وانا مب قلت لك لا تطرش ذياب: عادي حلال عليج... فطوم: قصدك على الدريول ..هذا مب رقمي .. رقم الدريول ههه ذياب انصدم: شوو..يالخايسه طول هالوقت اطرش له كنت .. فطوم:هههه..والله قلت لك لا تطرش .. ذياب من قهره كان شي غرشت ماي حذاله فجها ورش على ويها فطوم وهي كانت تضحك انرش على ويها انصدمت من الحركه فجت عيونها .. : يالحماارر.. جيه ترش عليه ذياب: تستاهلن .. فطوم انقهرت سحت منه الغرشه بسرعه :استاهل هاا .. ذيااب: فطووم ..بظهر اناا ..لشبااب دخيلج لاا.. فطوم بنذاله : اونه ..؟ عيل هااك.. جان ترش عليه .. جولي : انا بكبر ماما صارت عنهم .. فطوم: سخيف ... ذياب شل الغتره من راسه : انتي .. فطوم يلست تنظف ثيابها : دفش.. ذياب: ظاهر عليج فطوم: حـ.. ام نوره: هاا شوفيكم..(( شافت اشكالهم ..شو هذا جيه خرسانين مااي .؟؟ ذياب: السموحه منج خالتي .. وظهر ..وهو منقهر .. فطوم: سخيف .. ام نوره: شوسالفه .. فطوم: يقهر ..قهرني جان ارش عليه ماي.. فالخيمه .. سعيد يساسر حمد: بتخبرك ردت عليك..؟ حمد: لااا .. سعيد: حتى انا مارديت عليه موزه حمد:هذي اكيد يدتي موصتنهن مايردن علينا سعيد: اخاف صابهن شي ..عسب جي مايردون مب عسب يدوه حمد: لاا لا ان شاءالله الله لا يقول ..يدوه هيه الي مانعتنهن ..ولا جان ردوعلينا سعيد: تعرف نطرش مسج يطمنه عليهن يمكن يردون علينا ..وجان ماردو..بنكلم نوره تطمنا عليهن .. حمد: اوكيه .. حدر البيت من الخلف مستعيل نسى فونه على جرج .. لانه البيت كله حريم .. حدر غرفة المكتب.. مايد:اففف ..وين حطيته عواش؟ ......ترمس بالفون:لا تتاخرين .. اترياج هه اوكيه..باي مايد صد يطالع عباله عواش..انصدم.. نزل راسه..مايد:السموحه.. قفطت وحطت الوقايه على راسها:مسموح..صدت عسب تظهر مايد:شهد.. شهد: هلاا ..! مايد: تعرفين وين عواش حطت فوني ..؟ شهد: بتحصله على طوله الصغيره .. مايد ابتسم:مشكوره شهد ابتسمت : العفو..يلاه عن اذنك... مايد: اذنج معاج.. وظهرت ... طااح على كرسي ..وفر العقال والغتره على ينب مايد: تغيرت ..وااايد..حلوت اكثر عن قبل ..ربي يحفظها ..امين .. حدرت الصاله ..والكل صد وشافها .. ابتسمت ويلست مكانها .. عوااش: شوفيج..؟ شهد:مااشي.. عواش: مخورج احلى من مالي .. ظاهره جنان ..هه شهد:هه..فديتج..انت انتي والله حلوعليج.. الفوشي .. عواش:جان استحي..اخخ.. شهد زخت راسها وباستها على خدها :ههه ..احبج يابنت ... كـــــــــــــــــــــــــــــــــت... |
وين التكمله >< والله يعطيك العافيه على البارت |
يـعطيك آالعآفيه خيوو ., وي منك أككثر و احلى ., و واتريآ البآرت اللي بعده ., |
.، تسلم أخوويه و اظن الجو الحين بدى يتعدل جيه يقوول اخوييه يالله عاد لا تتاخر علينا شرى كل مرة ., |
| الساعة الآن 07:26 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir