|
شيما طبعا تذكرت أخوها حامد.. تخيلت في هاللحظة لو أن أخوها حامد هو المعرس وسارة هي العروس.. بس يلا.. الحمد الله على كل شي شيما: لا بس تذكرت شي سارة وشكلها فهمت: الله يرحمه عليا: يا ربي.. بلاكم جذه جلبتوها مناحة اليوم محد يصيح.. اليوم وناسة وبس ميسون: صدقها علاية... يلا عاد لا تمصخوها.. وقعدوا يسولفون ويضحكون وقدرت سارة انها تنسى حارب شوي عقبها نزلوا البنات تحت عسب تقدر سارة تتصور.. في الصالة تحت.. كان المكان ممزور حريم.. أم سهيل وأم علي وظبية اللي كانت الدنيا ما تشيلها من الوناسة وحصة والبنات عليا وميسون وشيما اللي ما قصروا وقعدوا يساعدون..وحريم من معارف أم سهيل وظبية... عليا: اليوم ما بخلي سارة بحالها.. بقعد أقرصها.. الين ما أقول بس.. وعلى الله أعرس بعدها ميسون: والله انج يا عليوه.. شيما: ههههههه حصة: يلا بنات الحين سارة بتنزل.. وصدت صوب ميسون:يودي هذا الشريط وشغليه ميسون: أوكيك.. صعدت حصة فوق عسب تجهز سارة.. وأول ما أشرت لها حصة شغلت ميسون المسجل.. وانطفت الأنوار.. نزلت على أغنية.. سلمان حميد.. الحرف العنيد أول ما ظهرت سارة الكل صد صوبها.. والكل انبهر بجمالها وطلتها الروعة.. كانت تلمع من فوق لتحت.. صح أن الفستان ما كان أبيض.. بس كان عجيـــــــــــــــــــــــــــــــــــــــــب مرت عليا جدام هنتين يتساسرون: ياللــــــــــــــه عليها ..قمر عليا وهي تصد صوبها: بلاج انتي بتاكلينها.. قولي ما شاء الله شيما: عليو.. فضحتينا عليا: عيل ما تشوفينها شيما: امشي امشي.. عن الفضايح |
.. من صوب ثاني.. حصة وهي تساسر سارة: ابتسمي يالدبة.. بلاج جذه مكشرة؟ سارة وهي تتصنع الابتسامة: جذه يعني؟ حصة: قلنا ابتسمي هب تسويلنا دعاية سجنال وهني ابتسمت سارة من الخاطر والكل انتبه لضحكتها الحلوة.. وعقب ما وصلت مكان ما تقعد.. ارتاحت وأخيرا.. عقبها يو الحريم وقعدوا يسلمون عليها.. ظبية: ألف مبروك يا بنتي... سارة وتوقف تسلم عليها: الله يبارك فيج خالوه ظبية وهي ترفع ايدها: الله يسعدكم ويرزقكم بالذرية الصالحة.. احمرن خدود سارة ونزلت راسها.. أم سهيل وعيونها تدمع: والله وكبرتي يا سارة.. وصرتي عروس سارة وعيونها امتزرت دموع ولوت على أمها.. حصة: يالخايسة.. بتخربين مكياجج سارة وتحاول تمسك عمرها... عقبها اشتغلت الأغاني وارتبشن البنات وقامن يرقصن.. .................................................. .. في هالوقت حارب توه واصل البيت عسب ياخذ شور.. شوي ورن موبايله.. حارب: ألو.. : اليوم بتتزوج صح؟ حارب: منو يتكلم؟ .................................................. ...... منو تتوقعوون المتصل؟؟ و العرس بيعدي عى خير ولا في مصايب بتستوي؟؟ و سارة.. كيف بيكون اول يوم لها مع حارب؟؟ و شو رايكم في البارت؟؟ |
يسلموووووووووو ,, ونتريآ آلتكملهـ ,, |
منو تتوقعوون المتصل؟؟ منووو غيييرهااا يعني سعااادووو الجلبه و العرس بيعدي عى خير ولا في مصايب بتستوي؟؟ والله ماادري بس ان شااء الله كل خير و سارة.. كيف بيكون اول يوم لها مع حارب؟؟ والله ماادري اسالهم و شو رايكم في البارت؟؟ واااااااااااااوييينج |
يسلموووووووو ونتريا البارت الياي ^^ |
| الساعة الآن 06:48 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir