|
عـزوز قص الخبـز و مريوم تقص الطماطا و الخيـار .. و مره وحـده هدت اللي فايدهـا .. وسيده الحمـام .. مريـوم : كح كح كح .. عـزوز هد اللي فايده : بسم الله عليج .. سـار صبالهـا ماي و عطاها عـزوز : اشربي فديتج .. مريـوم : تسلم .. عـزوز : الله يسلمج .. مريـوم : عبدالعزيز النت يشتغل ؟ عـزوز : هممم اظن بـ الواير لس .. مريـوم : بسير اجرب .. سـارت خذت اللاب مالهـا فجته .. ودورت و جـان تحصل و تشبك .. و سـارت تتعشـى ويا عزوز بس طبعـا ماترمس ويـاه .. ويوم خلصت .. خذت الروب مال الحمـام و الفوده و دشت تسبح .. عند غرفة عليـا و عمـر .. كـانو يتعشـون .. و يسولفون ويا بعض .. عـمر : عـلايه متأكده انه يوم مريوم اتكح عـادي !! عليـا : هيه فديتك .. لانه فالبرد هيه جيه عمـر : وديتـوها المستشفـى ؟ عليـا : هيه سـارت ويا ابويه .. بس عطوهـا دوا واستوت بخـير .. ويي اليـوم والله بغيت اموت لو ما دزها عزوز عمـر : هييه اسكتـي ,, الله يسلمـها ! عليـا : والله ما اعرف كيف بعيش من دونهـا عمـر : ماعليه فديتج حصل خيـر .. عليـا : انا ابا ارقـد ,, عمـر : برقد ويـاج .. عليـا : ياربيه قـلااد عمـر : مابخليج بروحج عن الجني ياكلج عليـا : ويي بسم الله عليـيه ,,, سـارو غسـلو ايدهم و بدلـو ثيـابهم و رقـدو .. عنـد مريوم و عـزوز ,, مـرو 10 دقايق جان تطلع مريـوم بالروب و سيده يلست ع النت .. و كانت ميلسه عدال التيلفزيـون " في طاوله عدال التيلفزيون " و عـزوز مطيح ع الشبريه يشوف التيلفزيـون .. مره وحـده .. ايي صوبهـا و يخلي الفـوده ع راسهـا : خليهـا عن تمرضين مريـوم تمت تشوفه و عقب ردت تشوف اللاب .. عزوز سار صوب شنطته خذا فانيه و وزار و فوده .. عـزوز : انا بدش اتسبـح .. خـذي الدوا مريوم ماقالت شي .. و يوم شافته سك الباب .. سارت تاخذ الدوا ويلست ع اللاب مره ثانيه و عقب دقايق فخاطرها تقـول : الايميل !!! تشوف صوب المسن وين الايميل اذا فيه ولا لا جان تشوف 1 e-mail .. دشـت ع الـ hotmail و شافت الايميل من فطـوم .. السـلام عليـكم .. أول شي .. الحمـدالله ع السـلااامه ^_^ .. اشحـالج ؟ و شحـال عبدالعزيز ويـاج .. ان شاء الله مرتـاحين ويا بعض ؟! و عليـا و عـزوز شخبـارهم ؟؟ .. ولهـت عليـج انتي و عليـا وايد وايد وايد .. و البيـت من دونكم هب شي =( .. مريـومه حبيت اعلـمج شي .. بس يـاليت تفهميني و اتصدقين اللي بقولج عنه .. حبيـتي الريـم .. اليـوم يالسه ويـا حمـدان .. يقولي بـلاج سرحـانه .. اقوله افـكر فعزوز .. ههه فديته هوه عصب عليه .. قلتله افكر فيه عسب السـالفه .. و جيـه ,, و عقـب قلتله عندك رقم خـوله .. قالي هيه .. و عقب عطـاني ياه .. و انا خليت سمـاعتي وحده ع مايـك " مال الكمبيـوتر " و الثانيه فـ اذنييه ,, و عقـب اتصلت لهـا .. وهـ AL- links .. ((www…………………com)) انزلي اللي فيه و اسمعـيه عـدل .. . . وعقـب سرت اتلبس و يوم خلصت خذيت ويايه اللي يسجـل الصوت و سرت ويا حمـدان و جسـوم و وليـد .. و يـوم و صلت .. قلت حق جسـوم و وليـد .. و سيرو فوق ,, انه انا بكون واقفه عدال آلـدو بيكون آلـدو ع يسـاري.. و هم بيكونون مجابليني فـوق ,, عسب البنـات ايوون جدامي وهم يشوفون ظهرهم ,, ويوم بس اشوفهم ينزلون و ايوون من ورايه .. انا قلت حق الـ AL Body Guards ايون وياايه .. عشـان اني كنت حاسه انه هاي العنـز بتيب حد وياها .. وعقـب هم دشـو المريـنا و انا عقب دقايق دشيت و تميت فـ الممر اللي بين آلـدو و استـار بوكس .. جـان ادور عسب اني كنت حاسه بتـي و بتكون مجابلتنـيه .. و يـوم يـت .. هممم مابقولج .. دشتي ع هـ AL- links و حمـلي و اسمعي انتي بروحـج ((www…………………com)) . . وأخيــراً .. اتمـنى انج صدقتـي انه عـزوز مظلـوم ,, و والله العظيـم انه عـزوز وعمـر ودرو هالسـوالف و حمـدان و محمد نصحـوهم و هم قبـلو النصيحه .. وانا سويت هـا عشـانج انتي ,, وانا ما اريـد اشوفج جيه ,, ويـا ريلج !! شو بقـول غيـر حسـبي الله علـى من كـان السـبب .. . . حبيـتي مريـوم .. اللي عليـج الحيـن ,, تسيرين عند ريلـج و ترمسينه و تتأسفيله ع اللي استـوا .. وتقوليله كيف صدقتـي الرمسه .. و حبيت اقولج .. " اللي فـ الشريـط هب صـوووت عبدالعزيز .. خوله بروحهـا قالت " والحيـن حبيبتي ياليت انـج تحسيـن بالغلـط اللي سويتيه .. غنـاتييه ,, مره ثـانيه لاسمح الله اذا استوا شي .. لاتزعلين وتضـاربين سيده .. لااااء !! .. اتفاهمي ويـاه و كل واحد يقول اللي عنده و عقب كل شي بيكون اوكـيه صدقيني ,, و اذا مثـلا عرفتي شي ثـاني " شوكان يسوي قبل العرس " لاتزعليـن !!! لالالالالاتزعلـيييين ,, لانه عبدالعزيز خـلاااااااااص اتغيـر !! اتغييــر !! .. والله يوفقـج ويـااااه .. :: اختـج :: . . .. فطـامي .. السـموحه مريـوم من بدت تقرا البدايه و سمعت اللي تسجلته فطـوم دموعهـا 4 . 4 ,, و يوم خلصت تمت فاجه عيـنها و سكرت اللاب وتمت تفكـر : عـزوز مظلـوم ,, و فطـوم اكدتلي بهالشي !! عـزوووز مظلـوم .. فديتك والله " اهنيه دمعت زياده " انا الحيـوانه ليش جيه وايد كنت قاسيه ويـاك !! اخوك رمسني فطوم رمستني حمـدان اللي هوه ربيعك رمسني وانا اعـاند و مصدقه انك انـك ..... انفـح باب الحمـام .. و انقطع افكـار مريوم ,, وكـانت اهييه محطيهـا ايدهـا 2 ع راسهـا " رافعه شعرهـا " و عزوز استغرب يوم شافهـا و خاف .. سار صوبهـا تقرب منهـأ مسك ويهـا و هوه كان موخي راسه " لانه هيه كانت يالسه" عـزوز خايف : حبيبي فييج شي !! شي يعورج !! ليش اتصيحين مريوم قامت و ومسكت ايده بالقـو وهوه مقرب ويه عند ويهـا ويرمسهـا وهيه دموع 4 .. 4 .. مريـوم : ع .. عزوز عـزوز : عيون عزوز .. |
مريـوم : أأ انا .. انـا آسفه فديتك .. اهنيه انهارت من الصيـاح و لوت عليـه عـزوز استغرب و لوا عليها بالقو مريـوم تصيح من خـاطرها : حبيبي عزوز سامحني دخيلك .. ماكان قصدي اني اعاملك جييه =( .. قريت ايميل من فطـوم و............... (( قالته السـالفه و هيه لاويه عليه و اتصيح )) جان تشوف ويهه .. : عـزوز .. فذمتيـه انيه احبـك .. والله احبك ,, مابا غيرك .. سويت جيه لاني اغـاار عليك مووت .. والله اغـار عليك .. اكيـد مليت منيـه صح ... هـاا ؟ حبيبي دخيـلك سامـ .... اهنيه عزوز حط ايده صوب شفـايفه وهوه كان مرتـاااااااااح حـاله استوا رقيص من الخـاطر عـزوز : اشششش لاتقولين ولا شي ,, مسـامحنـج فديتج .. مسـامحنـج ,, انا لو ما احبـج !! جان ماسمعتي كلمه حلـوه منيه .. الا يوم بترضيـن .. انـا احبـج و امـوت فيج .. وفذمتيـه اني ماليت منـج ولا شي .. قسم بالله انه كل ما يا يوم حبيتج اكثر و اكثر ع اللي تسوينه .. والله اني احبـج اكثر من قبل .. جان يمسك ويهـا " صوب خدهـا " : افهـمي احبــج موت .. موووت .. فذمتيه محد دخـل قلبيـه غيرج فديتج .. و مستحيـل يدش عقبج حد ثـاني .. مريـوم : هب زعـلان منـيه ؟ عـزوز : ولا اطـشه !! مريـوم قربت شفايفـها صو خده و باسته بحنـااان : احبـك عـزوز : آآآآآآآآآآخ يا قلـبيه .. من متـى اتريـاها هاي .. من متـى مريـوم : هههههه فديت روحك هيه صـح بعطيـك شي .. سـارت صوب الاجيـاس مال المطـار وخذت الميداليه .. و عطته " وكـانت معطيـه الشبريه ظهـرهـا " عـزوز : شو هـا ؟ مريـوم : همممم هديه بسيطه منيـه عـزوز فجهـا و جاف الميداليه كانت وايد وايد راقيـه و مـاركه كانت بعـد .. خـلا الميداليه ع الطاوله و تقرب منهـا زيـاده و خـلا ايدهـا عند ظهرهـا .. وتم يرمسهـا بحنـان و هـدووء عـزوز : بترقدين اليوم وين بعـد فالحمـام ولا فالممر مريـوم بدلع : ههههه .. لااء عـزوز : عيـل ؟ مريـوم احمـرت : فحظـنك .. عـزوز : آآه ياويل حـاليه .. بترقدين ويايه اخيــراَ مريـوم : ............. عـزوز : فديتـج انا .. جـان يسير ويسـكر الليت ويفج ليت الابجوره و يسـكر الستـاره عـدل و رد سـار جدام مريوم و تقرب منهـا .. عـزوز : تحبنييه ؟ مريـوم : الا امـوت فيك .. عـزوز : أأأأخ دلـع والله دلع .. جان يهد مريوم و يفصخ الفانيه " حران الاخو " .. و تقرب عـدالهـا .. و هيه سـارت اتطيـح عسب ترقد .. جان يخلي ويه مجـابل ويهـا .. (( طبعـا هيه بتكون طـايحه .. وهوه بيكون موخي راسه )) عـزوز : مـابتفصخين الروب ولا بترقدين فيه ؟ مريـوم : هـاا .. بسير البس ثيـااب !! ترا من طلعت من الحمـام وانا لابسه الروب .. عـزوز : لاخلج مريـوم : بددل عـزوز : ماعليه خلج .. جان يقرب ويه زيـاده وتم يبوسهـا .. مريـوم : فديــتك .. عـزوز تقرب عـدال اذنهـا : احبــج .. وعقب وبـاسها بالقو ع خـدها ,, و كـانت ايده عند روب مريوم " وين يوم تربط هالحبليـن " مريـوم احمـرت و صرطت ريجهـا : حبيبي لااااااااااء .. فـ بوظـبي .. الكـل راقـد لوول .. بس بقـولكم شو استوا و يـاهم .. يوم سـارو فطـوم و سـاره عند ام حمـدان خبرتهم فطوم فـ سالفه سيف و تمو يضحكون عليهـا .. وعقـب سـاعه اتصل بو حمـدان و قالهم انهم يردون .. و كل واحد ركب السيـاره اللي كان فيهـا .. و فطوم و سـاره مستخفـات داقين سوالف ويا جسـوم ..و هوه يسولف وياهم .. و عقـب اتصل حمـدان حق فطـوم يطمن عليهـا ,, و محمد بعد اطمن ع سـاره .. وبسرعه و صلـو بوظبي .. وصلو قبل قوم بو حمـدان .. ام حمـدان و صلت ام مريوم و رفيعه بيوتهم ,, وسـارت اهيه بعدين .. و كـانو فطوم و سـاره واصليـن قبلهـا .. و عقب سيده كل وحده فـ غرفتهـا تسبحت و رقدت " بس فطـوم كانت طايحه ع الشبريه بعدهـا مارقدت " .. و ام حمـدان نفس الشي .. اتسبحت و رقدت ويا عبدالرحمـن ,, امـا عند فطـوم كانت تفكر اذا مريوم قرت الايميل ولا بعدهـا !! وتمت تفكـر و تفكـر و جان ترقـد .. و عقب 10 دقايق .. بو حمـدان و الشبـاب وصلـو البيت .. و كان هـادي البيت .. بو حمـدان قال اكيد راقديـن .. وبعدين بو حمـدان سار غرفته و حصل حرمته راقده سار غير ملابسه و رقد ,, و حمـدان ومحمد .. كل واحد سار عند حرمته عسب يشوفونهم اذا واعين ولا راقدين .. للاسف رقـود لول .. وعقب هم كملـوهـا ورقدو .. الاحـــد .. سـاعه 8 ونص .. فـ المـانيـا ,, غـرفة عليـا و عمـر .. كانو يلبسون ثيابهم عسب يسيرون يتريقون تحت ,, و يوم لبسـو زاغ !! جـان يسير ويا عليـا صوب غرفتهم ,, تمو يدقون البـاب .. ثيـابهم .. عمـر اتصل ع غرفة عزوز و مريوم .. وماحد يرد عليهم دق دق دق دق دق دق دق مريـوم بتعـب :اففف منو هـا .. جـان تخوز الحـاف وشتهق : اوييييه وين الرووب !! تمت تدور حصلته طايح تحت لول لبسته و سـارت صوب البـاب .. فجته جان تدخل عليـا بس .. عليـا : رقـووود !! مريـوم : اففف خربتي رقـادي !! يلا اطلعـي عليـا : اشووه وين رقدتي الحين ؟ مريـوم تصاصرهـا : راضيته عليـا : ححححلفيي مريـوم : يلا اطلعي بعدين بقولج شو السالفه .. عليـا : انزين ,, جـان تسكـر البـاب .. و تسير اتطيـح ع الشبريـه .. و تصد صوب عزوز .. شكله كان يضحك .. مكشكش ,, و كان طايح هب سيده شويه مايل " ع ظهره " ,, جان تتقرب صوبه و ترد شعره ع ورا .. وتتامل فويهه .. عـزوز حس قـال بيخوفهـا عقب ثواني بصوت عـالي : Boooooooooooooooooo مريـوم بصوت حـاد : واااااااااااااااااااااااااااااااااااااااااااي عـزوز ناقع من الضحك : ههههههههههههههههههه .. فديتج والله .. جان يلوي عليهـا مريـوم : خوز خوز ماحبك .. عـزوز : انا اموت فيج .. جان يبوسهـا ع خـدها .. تعـاالي بلاها رقبـتج !! مريـوم زاغت : هـاا شوفيها بعد ؟ عـزوز : محمره مريـوم : عن الاستهـبال عـزوز فيه ضحكه بس سكت : اشوووه مريـوم : باعووض عـزوز : هيييه باعووض باعوووض مريـوم كفخته : هههه .. توه عليـا يايه صوبنـا .. اظن سايرين يتغدون .. انا بنش اتسبح و البس بسير يوعانه عـزوز : يلا يوم بتخلصين وعيني .. مريـوم :ان شاء الله فديتك .. جـان تسير و تدخل الحمـام تسبح ع السريع .. و يوم خلصـت ,, سـارت وعت ريلهـا و هوه قام يتسبح .. و سارت بعدين اتصلي و يوم خلصت سارت طلعت ثيـاب حق عزوز,, و يلست هيه تلبس ثيابهـا .. شافت عليـا كانت لابسه " بنطلون جنـز ازرق ع اخضر + قميص هـاي نك لونه زيتي + تنوره فيها تكسيرات بس هب طويله وايد التنوره.. و جاكيت القصيـر " .. و يوم لبست و رسمت عيونها و حطت مسكره و قلوز .. لبست دلاغـا و بوتهـا .. و لفت الشـال " مال البرد " ع رقبتهـا كاان لونه بعد زيني .. ولفت شعرهـا و طلعتلها شنطه .. ويوم خلصت .. تريت عزوز يطلع من الحمـام .. ويوم طلع سار صلـى و يوم خلص سار لبس ثيـابه .. و يوم لبس و خلص شغله .. يت مريوم جدام ويهه و الفوده فايدهـا .. و حطتها ع راسه و تمت تحرك عسب يجف .. عـزوز : بيطييح مريـوم : بتتتمرض عـزوز : هههه .. خذتي دواج ؟ مريـوم : لا عـزوز : يلا سيري خذيه .. مريـوم : بحطه فالشنطه عسب يوم نتريق تحت آخذه عـزوز : جاهزه انتي ؟ مريـوم : هييه عـزوز : عيل خلينـا نسير تحت ,,, وعقـب طلعو من الغرفه و سـارو تحت يتريقون .. شافو عليا و عمـر يالسين بـس .. سارت مريوم طلبت عصير برتقال بس .. و عزوز نفس الشي .. و يوم وصل .. خذت الدوا مريوم و شربت العصيـر .. عمـر : هـاااااااا مريوووم .. اشوفج اليوم مستـاانسه |
البـارت الـ 42 وعقـب طلعو من الغرفه و سـارو تحت يتريقون .. شافو عليا و عمـر يالسين بـس .. سارت مريوم طلبت عصير برتقال بس .. و عزوز نفس الشي .. و يوم وصل .. خذت الدوا مريوم و شربت العصيـر .. عمـر : هـاااااااا مريوووم .. اشوفج اليوم مستـاانس مريـوم : حـد مايستـانس اذا كـااان حبـي موجود الكـل : هههههههههه عليـا : له له شكلكم تراضيتـو مريـوم : مالج خص هههههههههه عليـا : يالله يالله مانرووم الكـل : هههههههههه مريـوم : خـاطريه اسير منطقه فيهـا ثلج !! عمـر : انزين برع ينزل برد مريـوم : احلف .. جان تركض و تسير صوب الزجـاج ,, و عـزوز لحقهـا .. مريـوم : ياويل حـاليه كشخه .. همممم عزوز ابا اطرش مسج كيف ؟ عـزوز : حق منوه ؟ مريـوم : حق فطـوم .. عـزوز طلع موبايله وعطاه مريوم عسب تكتب المسج .. جان تكتب " فديتج فطوم والله احبـج موت .. ماتعرفين شكثر ريحتي قلبي .. و قلب عزوز بـ سالفه خولوه الكلبه .. حبيت اطمنج انه كل شي اوكيه .. و الكـل يسلم عليـج .. و سلمي ع الاهل .. فداعة الله " مريـوم : خذ و ها رقمهـا 050/******* عـزوز : طرشت .. عليـا : بنسيـر المريـن ولا ؟؟ عـزوز : أأأ هيه عـمر : ايي شو هيه بعد .. بنسيـر نخلص شغلنـا عـزوز : اوووه .. نسيت السـالفه مريوم تشوف عليـا : يعني ماشي طلعه اليـوم !! عـمر : هيه طبـعـا مريـوم بوزت : ملل .. عـزوز : مريومه فديتج .. خذي هالموبايل .. اي شي تبونه اتصلـو ع رقم عمـور .. مخزن الرقـم مريـوم : انزيـن عـمر : ويوم بتخلصـون سيرو سيده فـوق !! عليـا تشوف مريوم و فخاطرهـا تضحك : اوكيـه فـ بوظبي .. كـانت السـاعه 12 وربع .. و كلهم كانو فـ الصـاله و لا مره وحده فطـوم : مسسسسسج من مريـووووم .. حمـدان : أأشوووف .. و سـار نط صوبهـا فطـوم : آآآي كسريتني الله يغرببل العـدو .. جان تفتح المسـج و تقراه .. حمـدان : كلولولولوليييييييييش فطـوم : yeeeeeeeees كلولولولولوييييييييييييييش بو حمـدان : ايه ايه شو السالفه فطـوم اعتدلت : هـا لا ماشي سلامتك .. تقول انها مستانسه ومادري شوو تسلم عليكم بو حمـدان : الله يسلمهـاا تعـالي شيخه بنسير برع .. ام حمـدان : انزين .. يوم سـارو .. سـاره : لايكون تراضـو ؟ محمد : شو السـالفه حمـدان + فطـوم : الله يسلمكم السـالفه هيه ( قالوولهم من اول شي لييين ما استوا آخر شي ) محمـد شهق : وين طلعت هـاااي !!!! فطـوم : بس الحمدالله انه الحين كل شي اوكيه .. سـاره : الحمـدالله ^_^ حمـدان يشل فطـوم فطـوم : اييييه نزلني محمد + سـاره : هههههههههههه حمـدان : بقولج شي .. جـان يدش غرفته و يسكر البـاب .. فطوم اتساندت ع البـاب فطـوم : هاا شوفيك ؟ حمـدان : ولهت عليج فطـوم : هههههه حمـدان يتقرب منهـا : حبيبي سـاعه 2ونص بنسير دبي فطـوم : ويا منوه ؟ حمـدان : بروحنـااا فطـوم : وين بنسير ؟ حمـدان : ميـنا سـلام فطـوم : هـممم .. اوكيه حمـدان : عطيني بوسه فطـوم بدلـع : مابببااا حمـدان : احبـج فطـوم .. امـوووت فيييج فطـوم ابتسمتله .. حمـدان : فدييييت هالغمـازااااات ياربيييه .. جان يبوسهـا فطـوم لاتعليـق و محمـره : ....... حمـدان : بعدج اونج تستحيـن !! فطـوم : لااا والله !! شو تباني ما استحي !! حمـدان يود ايدهـا و فج البـاب : تعـالي بنسير غرفتـج فطـوم : انزين .. توهم طالعين جـان بو حمـدان مـر صوب الغرفه بو حمـدان : هـاا شو اتسوون !! حمـدان فز : بسم الله وين طلعت انتـه !! احيدك برع بو حمـدان : تمينـا شويه و ينـا .. شو تسوون ويغمزلهم فطـوم : هـا .. ما ما ما نسـوي شي .. يعني شو بنسوي مثـلااا بو حمـدان يغمزلهم : مـااادريبكم حمـدان : اوووووه تعـالي فطـوم فطـوم : اييه شوي شوي كسريتنـي بو حمـدان : لا وبعد غيـرو الغرفه حمـدان : ابوووووييه !! بو حمـدان : هههههه .. خلاص خلاص .. جـان يدشـون الغرفه .. |
فـ ألمـانيـا .. عـقب ربـع سـاعه .. مريوم و عليـا بعدهم فـ المطعـم " يوم كـانو يتريقـون " .. عليـا تشوف مريـوم وبابتسـامه خبيـثه : شورايج ؟ مريـوم : اصــلا بدون ماتاخذين راايييه .. موافقه عليـا قبضت ايد مريوم و قـامو : يـلا بنسير نبدل ثيابنـا .. مريـوم : حق شوووه !! بس بناخذ umbrella احتيـاط .. عليـا : انزين .. جان يركبـون اللفـت ,, كـان فـاضي .. مريـوم : ويي اخـاااف عليـا : ههههه .. ماعليه ماعليه .. مريـوم : تدليـيين !! عليـا : ويـييييييي ما ادل !!! جـان يوقف اللفـت " حد بيدخـل " مريـوم لصقت فـ عليـا : امييه ليش وقف .. جـان ينفتح .. و يدشـون الولديـن .. عليـا بصوت واطي و هيه لاصقه فـ مريوم : وابويه !! مريـوم محطيه ايدهـا صوب شفافهـا و ترمس : لو يدرون ريايلنـا جان ذبحـونـا !! عليـا بصوت واطي : الله يغربلج شعره حلـو !! مريـوم داستهـا : الله يغربلج اسكتـي عليـا متيبسـه وهيه محطيه الشيله ع ويهـا بس مخليه عينهـا لووول مريوم سوت نفس الشي .. و الولديـن يشوفون بعض و يشوفون مريوم و عليـا .. و يوم وصلـو .. سيده تجدمو عسـب يطلعون اول شي .. عـاد الولدين نذاله فيهم .. قالو بيحوطون فـ هالطـابقه .. جان يطلعـون وياهم .. عبدالرحمـن : شو سالفتهم هاييل يضحكون ! علـي : شعرفني فيهم .. يمكن قفطـو .. انا بسير عند سواف اونه عـاد لين مايطلعـون .. عبدالرحمـن : انزين .. جـان يسيرون صوب الممر يشوفون مريوم وعليـا واقفيـن صوب غرفت مريـوم مريـوم بصوت عـالي : ويييييييييي ماعنددددددي البطـاااقه "عند بصوت واطي" عزووز !! عليـا : غربلات الهـوش والبقـر وتيرهـا مريـوم : ايه ايه عن الغلط > يوم قالت جيه .. كانو خاطفين عـدال عبدالرحمن و علـي .. جـان يوصلـون غرفة عليـا و يدشون .. مريـوم : اقولج تعـالي نلبس اسكـاارف !! عليـا : انزين .. انا عندي واحد مالج ماخذتيه مريـوم : اي لون !! عليـا : ع حظنـا نفس لون لبسـنا .. مريـوم : بسرعه انزين طلعـيه .. سـارت عليـا .. طلعت الاسكـارف .. وكـان متجسف .. كوته مريـوم و عليـا كانت تطلع ال umbrellaكانو الثنين سود .. و يوم خلصـو .. سـارو عدلـو جحـالهم و زيـدو لوول طبعـا !! و حطـو قلـوز وردي عليـا سـارت صوب شنطتهـا و طلعتلهـا قفـازات لول كـانو بيج 2 : انـدوج مريـوم : لا هب لازم عليـا : انتي امبـونج مريضه لبـسي بررررد !! مريـوم : اوكيه .. و يوم لبـسو و كل شي تمـاام .. و جـان يطلعـون .. كـانت مريوم مـاسكه عليـا من ايدهـا من فوق " يوم يعرسون الاجانب لول " و يسولفون .. وجـان يطلعون عبدالرحمن و علـي و سيـف و دحـو بريك .. لانه الاولاد ماشافوهم .. مريـوم و عليـا رفعـو حيايهم وجـان يكملـون دربهم .. كـانو جدام .. و الاولاد ورا .. سيـف : يخرب بيتهم حلـوات !! عبدالرحمن : اشش بتفضحنـا !! علـي : هههههههه .. ويوم و صـلو البنـات صوب اللفت .. هوسو ,, و تمو واقفين ع اليمين جان ايوون الشبـاب و وقفـو ع اليسـار .. وهم يسولفون .. و يوم يـا اللفت دشـو البنـات و كانو صوب وين اللي يختـارون الطوابق وجيه .. و بعدين الاولاد دشـو .. مريوم هوست ع الطابق اللي تحت .. و جان ايي علـي و يهوس بعـد تمت تشوفه مريوم ورفعه حيـايهـا بصوت خفيف : سخيف عليـا مهـوسه ع ضروسهـا بالقـو و قفـطت : الله يغربلـج اسسسكتي !! مريـوم بصوت ينسمع : انزين ادلين ! " وتشوف عليـا و عليـا تشوفهـا " عليـا : هه لاا !! مريـوم : ويي عزالله انخطفنـا .. جـان تشل ايدها من عليـا و تصرخ : اويييييييييه !! الشبـاب سكتـو و جان يشوفونهم .. مريوم احمـرت .. و ماصدقت انه الباب انفج .. هدت عليـا وسـارت .. عليـا تمت واقفه و تشوفهـا : ايييه تريي !! جـان يطلعون برع " لانه كان اللفت قريب من الباب اللي ورا " عليـا : الله يغربلج شو سويتي مريـوم : اميييه بيخطبـونا !! عليـا بصوت عـالي : هههههههههه .. بيخطبـونـا اون .. مريـوم قفطت : اوووه بيخطفـونـا !! عليـا يودت ايد مريوم شرات قبل : شوفي .. بنسير صوب الـ underground .. ولفت الجهـه الثـانيه جان تشوف الاولاد : و اذا هايل بيسيرون صوب الـ underground بنسألهم .. مريـوم : هههه .. انزين .. ولا دقـايق .. يرن موبايل مريوم " مال المـانيا و جان تشوف انه فطـوم اللي متصله " مريـوم بعدهـا ماردت بس شافت الرقم وقفت بصوت عـالي : فطـووووووووووم !!!! جان ترد : الـووووو .. فطـوم : واااااااااااااااااااي حبيبتــي !! مريـوم تناقز : ولهت عليج موت موت موت احبـج موووووت فطـوم : ههههه .. فديتج والله .. شحـالكم ؟ شو طالعين ؟ مريـوم : الا شارديـن فطـوم : ههههه ليش ؟ مريـوم : عزوز و عمور سايرين يخلصون شغلهم و قالولنـا لاتطلعـون .. ونحنا طلعنـا فطـوم : اخبــر حمـدااان !! مريـوم : لا الله يغربلج !! اييه فطـوم في مزاين اهنيه !! فطـوم : ولاتوبوون !! مريـوم : ترا ذيل الجلب دومه عوي فطـوم : ههههههههههههه .. عليـا : عطيني برمسهـا : اللوو فطـوم : هلا والله بحووبي عليـا : هلا والله فدييت البك كيفك ؟ فطـوم : منيحه .. ومن صوبج ؟ عليـا : زييينه .. اقولج خذنـا لكم انتي و سـاره قميص خبـال فطـوم : هههه مانبـا شي .. المهم انكم تستانسون ويا ريايلكم عليـا : جب !! فطـوم : انزين ماعليه عيل .. بخليكم ويـا شردتكم و قولولي شو بيقولوكم .. عليـا : هههه ماعليه .. سلمي ع الاهل فطـوم : من عيوني .. بباي عليـا : بباي .. مريـوم : فديتهـا والله .. عليـا : اييه وين اختـفو !!! مريـوم : اكم ورانا لاتصدين !! عليـا : هيه .. زين .. |
صـوب الشبـاب .. سيـف : هاايل سايرين صوب الـ underground علـي : يمكن سايرين صوب المرين عبدالرحمن : ههههههههههه .. ان ماسألونـا ما اكون انا حمانوه !! سيـف : ليش يعني ؟ عبدالرحمن : لانه وحده فيهم قالت لـ الثانيه ادلين الكـل : هههههههه سيـف : بطفربهن وجـان يزيدون السرعه لول و سـارو صوبهم بس الجهه الثـانيه .. و هم عـاد مايردون .. مريـوم بدلع : اسماراني مر يا يمه و قـالي هـاي ..يوم قال هـاي " سوي هالحركه انها تخلي جتفهـا ع ورا وعقب ترده " لول هزت جتفهـا بس مره وحده .. عليـا : هههههههه مريـوم : من كلمة آه يمـه ما أدري شحصـل جـواااي .. قلي يا قمـره ياحلـوه ياروح الروح .. علتي انتي يازينه سبب بلواي احرجني > هالمره هزت كمن مره .. صـوب الشبـاب علـي : هاي مخترشه عبدالرحمن ههههههه .. اشوفهـا .. سيـف : يعيب عليهـا يوم قالت احرجنـي بصوت ينسمع : احرجنـي علـي + عبدالرحمن : هههههههه مريوم فجت حلجـها و سوت طـاف و جان ينزلـون عند الـ underground ,, و راهم الشبـاب >> عسب الشباب بعد بيسيرون المرين .. يوم نزلـو تجدمو الاولاد .. مريـوم : الله يغربل هالشور ماعرف شو نسوي !! عليـا (( بعدهـا ماهدتها كانت ماسكتنـها )) : تعـالي نسير صوب هايل بسالهم .. مريـوم : انتي ارمسي عليـا : هههه كل شي انا كل شي انا ... انزين تعـالي .. كـانو الشـباب ياخذون التكيـت ومتجمعين عند المكيـنه واحد فالنص والثنين الباجين واحد ع جهة اليمين و الثاني ع اليسـار و مريوم و عليـا وقفـو وراهم عليـا : أأ احـم .. جـان يلفـون كلهم مره وحده عليـا : أأ ممكن خدمه صغنونه علـي : آآآمري عليـا : مايامر عليكم عـدو .. وين بتسيرون انتو المريـن ؟ عبدالرحمن : هيييه مريـوم : وصلونـا وياكم .. ماندل نحنا !! سيـف : ههههه مريـوم رفعت حيـايها : قلت نكته وانا ما ادري ؟ عبدالرحمن : خلاص ماعليه .. خذو تيكت ,, و تمو ويانا عن تضيعون القطـار زحمه بيكون اكيد ..!! مريـوم + عليـا : اوكيه .. جان يسيرون ياخذون تكيت .. و يوقفـون صوب الشبـاب .. ولامره وحده مريـوم : آآآتشي >> هالمره طلعت دلع لول الشبـاب + عليـا : يرحمج الله .. عليووه كان فيها ضحكه بس سكتت مريـوم : خشـميييه !! يهدينـا و يهديكم الله .. جان تسمع صوت القطار : اكووووه وصـل وعقـب دخلو الشبـاب و مريوم و عليـا وراهم .. وكـان القطـار زحمه و ماشي مكان عسب ايلسون تمو واقفين صوب الشبـاب الـ 3 وكانو عدال البـاب .. و طول الوكت الشباب يشوفونهم و هم زايغـات و في كان واحد عدالهم اجنـبي .. الاجـنبي يصـف : wooooow ,, u r very beautiful مريوم و عليـا شافوه و ابتسمو من ورا خاطرهم و صدو الصوب الثـاني .. الاجـنبي قرب صوبهم : hey baby مريـوم و عليـا مره وحده : shat up !!! الاجنبـي قفط : okay okay سيـف : هـا شوبلااه !! مريـوم : منـكر !! فـ بوظبي .. فطـوم : بلبس هـا حمـدان : يلا ماشي .. تنوره تلبسين فطـوم : حمـداااان .. بلبس بنطلـون !! حمـدان يشوفهـا بنظـره فطـوم : لاتشوفني جيه .. بلبس هالبنطلـون و القميص و هالتنـوره القصيـر لاتقولي لاااه !! حمـدان : خلاص ماعليه .. تعـالي نسير تغـدا .. وعقـب سارو طـاولة الطعـام .. وتمو ياكلـون وجيه ولامره وحده سـاره : حمودي بس عـااد محمـد : بس بس هـاي قولي آآآ ام حمـدان : نونو بعدهـا تقول آآ الكـل : هههههههه سـاره : آآآآآآ محمـد : وابويه اسـد .. جان يكلهـا و سيده باسهـا : فديتج والله سـاره : هههههه .. فديت روحك .. حمـدان : هيه ترا انا و حرمتـيييه بنسيـر دبي اليـوم محمـد : وانا و حرمتـييه بنسيـر المول اليوم بو حمـدان : ع كيفكم انتـو حمـدان : ليش خلاص حرمتي هـاااي !! بو حمـدان : لا ماشي محمـد : شو مـااشي !!! ام حمـدان : حمـودي عـاد خلهم يسيرون >> ترمس ريلهـا بو حمـدان : هههه اسوولف وياهم .. وعقـب كملـو اكلهم .. فـ المـانيـا ويـوم وصـلو .. تمـو ورا قوم سيـف لين ماوصلـو صوب الاسواق .. عبدالرحمن : تعرفون تردون بروحكم ؟ مريـوم : هـاا .. هييه هييه هييه علـي : هههه امبين !! مريـوم : ههه بس لااه بنخبص بروحهـا .. المهم ميغسـي عبدالرحمـن : انزين مـتى بتخلصـون ؟ عليـا : أأأأ جيه ع السـاعه 12 ونص .. عبدالرحمـن : شراتنـا .. خلاص ماعليه يوم بتخلصـون اوقفـو اهنيه .. مريوم + عليـا : اوكيه .. وجـان يروحون .. و مريوم و عليـا سـارو الصوب الثـاني .. عند الشبـاب .. علـي : اقولكم هايل مابيضيعن !! سيـف : مادريبهن عبدالرحمن : الله يعين !! علـي : بنراقبهم !! سيـف : هيه عشـان يقولون عاقين عمارهم علينـا !! علـي : لااا لا لا .. ما اظن !! عبدالرحمن : ماعليه .. انا امس شفتهم فـ محل من المحـلات .. يعني اظن يعرفون علـي : خلاص ماعليه .. فـ بوظـبي .. صوب سيـارة الرنـج .. سـاعه 2ونص طبـعـا حمـدان داخل السيـاره يتريـا الشيخه فطوم تطلع من البيت .. وهيه كانت فوق تلبس عباتهـا و بوتهـا " كـان بنطلونهـا ابيض و تنـوره سودا و قميص ايده قصيره ابيض و عليه حركـات ورسومـات بالاسود و بوتهـا اسود كـان .. و كانت راسمه عيونهاو حاطه قلوز و مسكره و يوم خلصـت نزلت و سلمت ع اهلـها و ركبت المـوتر حمـدان : مابغيتي ؟ فطـوم : سوري حبيبي حمـدان : عـادي ياعيوني جـان يتحرك وهم سـايرين طريج دبـي .. وطول الوكت وهم يسولفون وحاطين FM حمـدان : بتتغشيـن !! فطـوم : لا بلبس نظـاره و بلصق فيك عسب يعرفون انك ريلي حمـدان : لاوالله !! >> بمصخره فطـوم : هيه افا عليك .. حمـدان : لا فديتج تتغشين فطـوم : حمـداانوه محد ايي اهنـاكي .. كله اجانب !! حمـدان : اوكيه ماعليه .. يوم بقولج تتغشين تتغشين !! فطـوم : وابويه عليك .. لهدرجه تغـار حمـدان بجديـه : ماابا حد يشوفج فطـوم قفطت : انزين انزين .. |
| الساعة الآن 06:07 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir