|
تسلمين فديتج ع آلبآرت .. }~ ولآ آطولين بآنتظآرج حبوبة =ْ) |
. . . البارت الـ 35 مهره ب صوت يقطع القلب : لا تودرني . . . الله يخليك . . لا تذلني . . سيف انعصصصر قلبه بالحيل . . ما بغاها تقول هالكلام موول . . ماتوقع هالرمسه تظهر منها ابد . . كمل مشيته بهدووء وهو عينه جاامده ويطالع ميثا وهيه تطالعه باسستحقار . . . ميثا : والنعم فيك . . ريال صراحه . . . سيف من عقب ما بطل باب الشقه نزلها وابتسم لها . . سيف يبوس راسها عن قصد جدام ميثا : انا اسف لاني طلعتج من البيت بهالطريقه . . قلتها ل رامي وبقولها لج . . انا مش ريال يوم سويت الحركه هذي . . " يمسك خذها " تذكرين الورقه " يغمزلها " ورقه التعهد ؟ " يبتسم " الحين سيري سويلي وحده يديده !! من زمان مآ تأدبت انا . . . مهره ب عيون حايره تطالعه . . . سيف يبوس راسها : حقج علي وانا اسف . . . انا غلطت وانا اتاسف لج . . سيف يصد لـ ميثا ويبتسم : حبيبي . . . تأسفيلها . . ميثا تطالع سيف ب صدمه : نععععععم ؟؟ سيف يبتسم اكثر : اتأسفي . . لانج سبيتيها وهيه ما غلطت عليج . . . ميثا عاقده حياتها : كييييييف ما غلطت علي وهيه اطلعني برا . . سيف : يبقى هذا بيتها ! وهيه حرره ادخل واطلع امنو . . انتي لج شقه وهيه لها شقه . .وكل واحد يتحكم ب شقته . . . يالله اشوف . . اعرفج انتي عاقله وانتي الي انا افتخر ب عقلانتيج وادبج واعرف انج كنتي معصصبه تقاطعه ميثا ب عصبيه وتسير صوبه : اششش . . " تشوف مهره " حيوانه وبتبقين لآخر يوم ف حياتج حيووانه . . . سيف يعطي ميثا طراق هد حيلها وخلاها اطيح ع الارض . . سيف ينزل لها : يوم بتحشميني وبتحشمين وجودي ع الاقل . . بترياج اهني . . ميثا عيونها امتزرت دموع واطالعت سيف ب نظرات صصصدمه : انا مييثا يا سيف . ! سيف : على عيني وراسي . . كلمتج بأدب وقلتلج تأسفي لانج غلطانه ! ماطلبت منج وايد . . ميثا : تهين كرامتي جدامها . . سيف : دافعت عنج قبل !! وضربتها جدامج مع انها ما غلطت . . ميثا تقوم من ع الارض وتطالعه وعيونها غرقانه دموع : تبينا نتساوى يعني . . سيف : لا حششى ! مش قصدي اي شي . . انتي غلطانه ومن واجبج تتأسفين لو تبيني ارضى عليج . . لكنج مصختيها ورديتي كررتي غلطتج وجدامي ب قوه عين ! ميثا ترص ع شفايفها بقهر : ماعليه يا سيف . . بتعرف قيمتي . . وتروح عنه بسسرعه . . . مهره تطالعه باستغراب : ليش جي سويت .؟ سيف : رديت لج حقج . . . مهره ابتسمت . . . سيف يبوس راسها ويرقق صوته : انا اسفه . . . " يرد ل صوته الطبيعي " هذي من ميثا . . ضحكت مهره من الخاطر عليه واطالعها ب تعجب . . . وايد استانس لانها ضحكت . . سيف : يالله دشي . . بنتم اهني . . دخلت دااخل الشقه ودخل وراها . . . صدت له : ما بتروح لها . . سيف : لا . .. بقعد معاج . . راحت غرفتها وخلت الباب مبطل . . بطلت عباة شوق وعلقتها ف الشماعه على اساس باجر ترد لها اياها . . تمت ادور لها بين الملابس بغت شي فضفاض . . تحس ب ضيج من الجينز . . تمت ادور لين حصلت لها جلابيه حمرا موديل الفراشه . .ستايلها بسيط . . . ما كان فيها فصوص . . كلها تطريز بسيط . .لبستها وفلت شعرها . . سيف يطالعها . . كانت عاطتنه ظهرها وهيه مجابله المرايه تتجحل الجحال الطبيعي الي يريح العين . . كثرت منه لان عيونها وارمه من الصياح . . . حطت دهن العود وتعطررت وايد . . سيف مبتسم : ياويلي .. كل هذا حقي . . مهره انحرجت وصدت له : لاا .. . انا متعوده ف البيت جي . . سيف : انزين جاملي ع الاقل . . " يقوملها بيسير صوبها " . . ردت جابلت المرايه وهيه ف خاطرها تقول " يااارب ماييي صووبي . . " اما سيف ابتسم ب خبث . . حس فيها وهيه متوتره . . سسار لين عندها وحظنها من ورا وغمض عينه . . مهره نزلت عينها عن المرايه وتمت تشوف الارض ب احرااج . . وهو حاظننها مسك ايدينها الهنتين . .. سيف : ياسسلام . . شو هالريحه العجيبه . . . جنج فروت سالد . . مهره : هههههه سلطه الفواكه مافيها ريحه . . سيف : بس طعمها لزززيززززز . . . مهره : شو يخص الريحه ف الطعم . . سيف : انزين طوفي انتي .. يالس اغازلج الحين . . مهره : انزين . . سيف: يالله بنعيد مره ثانيه . . . " يرص عليها " ياسسلام شو هالريحه . . . اعنبوه مهور تسبحي شوي . . انا اقول الذباب يتراكم علينا من وين . . مهره تقوم عنه وتجابله وتضربه ع صدره ع خفيف : يالسسسسسسبال . . سيف يضحك : هههههههههه استوييلج سبال . . . مهره : هاهاا . . مايضحك . . سيف بخبث : تبيني تضحكين . . مهره ب عيون وسيعه : لا مابا . . ابتسم : لا شكلج تبين انا اعرف . . مهره تبتعد شوي ع ورا : والله مابا . . سيف يقرب ايدينه من خصرها ويقعد يقرقطها وهيه تلف عليه . . يقرقطها بقوه لدرجه انه يعورها ما يضحكها . . مهره وهيه تضحك على ألم : والله يعور ههههههههههههههههه . . خلااااصصصصصصصصص . . انته اييييييييييييه . . هههههههههههههههه لين تعب خاز عنها . . . وانسدح ع السرير . .اما هيه تمت طايحه ع الارض تتنفس ب صعوبه . . سيف مبتسم ويطالع السقف : استانس يوم اكون معاج . . . وهيه طايحه عالارض وبعد تطالع السقف . . : انا بعد . . سيف : انا احب ميثا . . ولين الحين احبها . . بس معاج . . احس اني واحد ثاني . . اكون شخص انا بروحي ما اعرفه !! مهره تبتسم : ع الرغم الي تسويه فيني . . بس بعد قلبي ما يطاوعني اجافيك . . سيف يغمض عينه : مهور هذا ح ـب ؟ مهره ب تردد : لااا !! مشش حب . . سيف : عيل شو تسمينه . . ؟ مهره : ماعرف . .شي حلوو وايد . . بس مش حب . . سيف يقوم ويقعد ع السرير عدل ويشوفها طايحه ع الارض : تمسساح . ؟ قومي ليش طايححه جي بتمرضين وانتي طايحه ع السيراميك . . قامت من ع الارض ووو سسارت صوبه بـ حزم . . سيف يطالعها ب نظرتها الجبروتيه و بكل تركيز تتجدم . . << بسم الله شو فيها .. شو ياها . . .ليكون بتجتلني . . اكيد خاشه وراها سجين واحين بتنتقم ع الضرب الي ضربتها اياه من عرفتها . . مهره تتجرب منه وهو يشوف عينها وألف فكره ف باله .!!!! تجدمت لين وصلت عنده ووخت . . شلت القرطاسه من شعره وسارت بتعقها ف الزباله . . سيف يحط ايده ع قلبه : خوفتيني يا بنت الحلال . . مهره صدت له : من شو خفت . . ؟ سيف : هاا ؟ لا ماشي . . " يشوف الساعه 8 " سيف : وين رحتي ويا شوق ؟ مهره ردت له وقعدت ع السرير بعد بس بعيده شوي عنه . . مهره : السينما ! فيلم جاكيشان اليديد . . بس ما انتبهت للفلم مول . . سيف مبتسم : وليش . . كان بالج معايه صح ؟ مهره ترد له الابتسامه : صح . . سيف : انزين شرايج نروح نحظره الحين . ؟ مهره : الحييين !! سيف : هيه شو ورانا . .؟ مهره بتردد : مم مادري احس ب تعب شوي . . وابا اكل وارقد . . سيف يسير صوبها ويسحبها من ايدينها يقومها : يلا يلا . .بسرعه . . ببنشوف فلم وبنتعشى وبنرد وبننام على طوول . . مهره : انزييين . . . سيف : فديت الي ما يرد لي طلبب . . ابتسمت له وما قالت شي . . لبستلها عباه مسكره عليها موديل بسيط . . لبست معاه سكارف احمر . . . حطت لها قلوس شفاف . . وبلاشر احمر خفيييف وايد . . لبست لها ساعة شانيل سودا . . و الايد الثانيه سويره هرمز . . تحجبت عدل وسسارت صوب الصاله عشان تتريا سيف . .بس هو كان جاهز . . لابس له كندوره بنية ومتعصم . . وريحته شاله البقعه ششل ! مد لها ايده عشان تمسكه . . مسكت ايده وابتسمت . . . وطلعو من الشقه . . . . . |
ثااااانكس عالبااااااررت و تستاااااهل ميثاا هههههههه بس سلامة شو صااار لهاااا بليييز نزلي البارت الياي بأقرب وقت تحياااتي ^^ |
|[ فدييييييييييييييييت ضحوويهـ آللي مآ آبطت فـ آلبــآآرت ,, وميثووووهـ تستآآآآآآآآآهل لو يطلقهآآ بيرحمنـآآ .. وسلأآمهـ شحآلهـآآ ؟؟ وسيف متى بيوصلهـ آلخـبرر ..؟ وآرقب بـآآرت آلـ36 تسلمين قلبي }..~ |
ثآآآآنكس ع البآرت الجميييلْ .. :) ميثوو ما احبهآ تقهرْ , يارب يطلقهآ خخخْ ومهوورْ حلييلها تستاهل وان شالله سيف دوم يكون جيْ. سلـآمـ‘ه ربي يقومها بالسلـآمـ‘ه , ووو نتريآ البارت اليايْ ع أحر منْ الجمرْ . . . . |
| الساعة الآن 09:56 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir