عليكم السلام ياخويه ...

والله يسلمك .

ومشكوور ياخويه على البارتات الروووعه ..

ونتريا التكمله

اوب اوب البارت ماعليه كلام


وحمدالله ع السلامه غرشوب



ونتريا البارت الياي

البارت العشرين

ظهر هزاع من الصاله وهو كان يمشي سمع صوت صريخ وحده سار لحق صوت الصريخ شاف وحده كانت بنظره جميييييييييله من شافها تخبـــل تم يتسآل منو هااي ؟ .. وينها عني من زمان ؟!

هزاع سار صوبها
هزاع : شو بلااج اشعنه اتصارخيين ؟
: شي طيطــــاار يزييغ
هزاع : هههههه الحين كل ها آخر شي يظهر طيطار
: هيه هاظحك تعاال اذبحه
هزاع : من عيووني بس وينه ؟
: هاااذووه ( وهيه تأشر صوب الطيطار )
هزاع : اععع طاع شكله خخخ ( وجان يذبحه )
جان اتي ملاك صوبهم
ملاك : شيخــه يدوه موزه تناديج
شيخه : الحين بيي
وعقب سارت ملاك ولحقتها شيخه بس صدت مره وحده وقالت
شيخه : مشكـــوور
هزاع : العفوو ولوو نحن فالخدمه
شيخه : هههههه فمان الله
هزاع : فمان الكريم
حدرت شيخه داخل وهزاع توجه لسيارته وهو يفكر فـ شيخه ويذكر شكلها وهيه تصارخ وتم يذكر ملامحها ومره وحده ظحــك بصوت عالي وجان يشغل سيارته وحط السيدي وشغله جان تظهر اغنيه غرنوقه لعبيد بن سرحان

آه يامـــن باحـبه عـوقـه
واشتبك غزلي على المغزل
شفتلي رعبــوب غرنــــوقه
وانتحى بي صوبه المزمل
الــعسل يا مــحلى ذوقـــه
عادتي في الزين انا اتغزل
لو طالــعت البـدر من فوقه
والبدر من شــوفه يــخجل
من هــواه الكبد مــحروقه
من العناا والشوق ماتحمل
حتى جسمي نشفت عروقه
جنني طمعان في محمل


هزاع : آآه صدقك يا عبيد شفتلي رعبــوب غرنــــوقه

وعقب توجه صوب بيتهم

مر الوقت بسرعه وكلهم ردوا لبيوتهم وطبعا راشد وصل فاطمة قبل لاترقد ترمسه مر هاليوم بسرعه للكل

فاليوم الثاني يوم الثلاثا
طبعا البنات ماصدقن غابن خذوها حجه انهن تعبانات ومايرومن يداومن ..
عالساعه 10 ونص نشت ساره من الرقاد وتوجهت للحمام وتغسلت وعقب ظهرت وبدلت ولبست مخوره عنابيه ورسمت عيونها بجحال اسود وحطت مرطب وتعطرت ورفعت قصتها ولبست شيلتها ونزلت تحت
كانوا شيخه + اليده موزه + امها عوشه + سيف + ملاك + خالتها شما يالسين
ساره : السلااام عليكم
الكل : وعليكم السلام والرحمه
ساره : شسالفه مشالله كلكم متيمعيين ليكون تخطبون لسيفوو وانا مادري
سيف : خخخخ من بأك لباب السماا
اليده موزه : شوو بأك بعــد هاااه ؟
سيف : خخخخخ يدوه ها مثل مصري ومعناه انشالله الله يسمع منج
اليده موزه : واشعنــه مستعيييل عالزواج ؟ ترى الزواج مسؤوليه هب لعب ياهاال
سيف : ادري ادري فديتج
عوشه : بسج الحين يدتج بتيلس تهزب سيف روحها تعبانه لاتعبونها زيااده
سارت ساره ولوت ع يدتها
ساره : فديـــــــت يدوه موزه انــاا ( وحبها فوق راسها )
اليده موزه وهيه تحاول تفجهاا : نشي عنيي انا زعلاانه منج اشعنه هب مداومه اليوم ؟
ساره : يدوه فديتج والله اني كنت تعباانه البارحه رقدت الساعه 2 ونص بعد اتعرفين درب العين لين دبي
اليده موزه : هيه هيه ظهريلي حجج
ساره : الا وين رشوود ؟
سيف : اتلاقينه يرمس حبيبة القلب الحين
ساره : وععع اوقاتهم غلـــط الحيييين عااد ؟!!
سيف : اخاااف الا هو توه راقد البارحه اول ماردينها قبض تلفونه ويلس يهذرب
اليده موزه : كيفه شوو تغـــــاار والله هاي حرمته هب شرات بعض النااااس يرمسون اي بنيه مني والدرب
سيف استغرب وطالع ساره وساره ردتله النظره
سيف : حشـــى عليه متى رمست اي بنييه يدوه ؟
اليده موزه : انــت ادرى ( وهيه ترمس ساره ) شو مب ناويه تتريقين يلااا سيري لاتقولين ماباا اخر شي بتختفين عليييناا
ساره : هههه من عيووني يا عيوني الحين بسيــر
اليده موزه : تسلملي عيونج

فدبي دار الحي بس فبقعه ثانيه
فبيت سالم بالتحديد ظبيه كانت يالسه ترمس يمعه الي زعلاان منها
يمعه : مااشي مااشي لاتحاولين البارحه من متى وانا اتحاايل عليج بس اشوفج نظره وحده وانتي اونج تستحيين
ظبيه : يموووع يلااا عااد فديتك والله آسفه ثاني مره بظهرلك
يمعه : ماااشي قوليلي ليش ماظهرتي ؟
ظبيه : والله قلتلك كنت مستحييه
يمعه : امممم انزين مابرظى الا بشرط
ظبيه : شو هوو ؟
يمعه : اليوم بعزمج عالغدا برع
ظبيه : لاا والله يموووع
يمعه : عيونه
ظبيه : تسلملي عيونه دخيلك لاتظغط علييه
يمعه : مااشي ترى مابرظى
ظبيه : افف منك عنيــــــد راسك يابس مادري طالع على منوو
يمعه : ههههه طالع على حبيبتي
ظبيه : حليلها حبيبتك موول مب عنيده جي شراتك
يمعه : ههههههههه فديتهااا المهم ها شو قلتي ؟
ظبيه : شو تباني اقول بعد اكييد بظهر بس عسب اراضيك
يمعه : اشكره فالويه يعني مب عشاان خاطري عشان تراضيني !!
ظبيه : يموووووووع بلااك تكبر السالفه ترى مابظهر ويااك
يمعه : لاتظهريين وانا مابرظى
ظبيه : ههههه فديتك ادري انك ماتروم تزعل مني
يمعه : واايد واثقه ؟
ظبيه : هييه ( وجان تسمع ظبيه صوت سعيد وهو يزقرها )
ظبيه : حياتي انا ببند الحين بسويلك بعدين بوسنيده مادري شو يبا مني اسمعه يزقرني
يمعه : اوكي فديتج بس لاتنسين اليوم الغدا
ظبيه : ههههه ذليتني اوكيك قلبـوو
يمعه : هع هع فمان الله
ظبيه : فمان الكريم
وعقب مابندت الفون سارت صوب سعيد وتمت تسأله شو يبا وجيي

فالعين دار الزين
تحديدا فبيت مريم فحجره فاطمه
فاطمه كانت رااااقده تعباانه من خاطر كانت تسمع دق عالبااب وكانوا حاشرنهاا
فاطمه : اففففف منوووو ؟
خميس : رشوود يعني منوو انا خميس
فاطمه : خموس اباا ارقد دخييييلك والله تعبااانه
خميس : بسج رقااااد تدرين الحين الساعه كم ؟
فاطمه : كم يعني كم ؟
خميس : الساعه 12 ونص
فاطمه فزت من مكانها : خيييييبه مسررع ما مر الوقت
خميس : بطلي البااااب
فاطمه : اففف منك انزيين برقد بس نص ساعه بـــس الله يخلييك ابا ارقد
خميس : اباا ارمسج يالثووره بسج رقاااد ( وتم يدق البااب بالقوو )
فاطمه صارخــت : خميـــــــــس
خميس : ترى رشود تحت بيسمع صوتج المزعج
فاطمه : لاتخرط واايد ابا ارقد
خميس : انزيين بعد نص ساعه بردلج ان شفتج راقده بكسر الباب على راسج
فاطمه وهيه تبا الفكه : انزيين انزيين
نزل خميس تحت وشاف مايد + ميثه + امه (مريم ) يالسين تحت
مايد : بعدها العروس راقده ؟
خميس : هييه
مايد : المهم ماعليينا ها شرايج امييه ؟
مريم : اففف ميووود البنت مشالله عليها من احسن البنات وماعليها اي رمسه وغير ها هيه بنت عمك بس بعدها خل تخلص دراستها وانت بعدك اعتمد على عمرك عدل بعدييين فكر بالزواج
ميثا : انزيين اميه انتي بس خطبيها وعرفي رايها يعني حيروها لميود
مايد : فديتــــج ميثاانه انتي الي حاسه فيه
خميس : مــــاااالت بصراحه لو تبا رايي ساره ماتنفعلك
مايد وقف : لااا والله ليكون تنفعلك انت !!
خميس حرج : شو هالرمسه بعــد اصلا ساره اشوفها شرات فطوم اختيه لا اكثر ولا اقل ها انت الي جي تفكيرك
مايد : لو تعتبرها شرات اختك عيل لاتتدخل اوكي
مريم : بس بس انشالله خييير
مايد : امييييه انتي قلتيلي عقب مافاطمه بتملج بترمسينهم
مريم : بلاااك مستعييل خل البنت اتخلص دراستها
مايد : ولو خذوها مني !!
مريم : انشالله محد بياخذهاا
مايد : امييييه انزيين بس حيريها ليي
مريم حرجــت : قلتلك انشالله خيـر خلااص لاتحن واايد علييه

فدبي دار الحي
فبيت محمد فالصاله
كانوا ساره + سيف + راشد + ملاك +شيخه +اليده موزه يالسيين
اليده موزه : الاا سيف ماقلتلي سلطان سار المستشفى عسب يشوفون بلااه ؟
هنيه ساره قلبها دق : ليـــــــــش بلاه ؟
راشد + سيف شافوها بنظره
ساره : بلاااكم اسأل عن ولد عمي حرااام ؟
راشد : لا هب حراام
سيف : لا فديتج ماساار ماعلييه انا بخلييه يسيير
ساره : انزين بلااه ؟
سيف : مادريبه والله يقول يحس بعوار فراسه ودوخه
شيخه : هيه اشوفه فديت ويهه ضعفان ومصفـرر
راشد : خخخخ ماعليكم ترى سلطون حصان بس جي يتدلع عليكم
جان يحدر عليهم سلطان
سلطان : الله واكبر عن تظربني بعين .. السلاااام عليكم
الكل : هههههههههههههههههههههههههههه وعليكم السلام
سلطان : شحالكم ؟
الكل : بخييير
راشد : اشعنه حادر البيت بدون استئذان
سلطان : يعني اطلع ؟!
راشد : ههههه لا والله اتمصخر
اليده موزه : شحالك حبيبي انشالله احسن ؟
سلطان : الا احسنيين .. هع
سيف : الحمدالله ماشفتك شكلك البارحه اشقاايل
سلطان : فديتني دومي غاوي هب جي عموو


شيخه : هييه فديتك
اليده موزه : يعني خلااص نتطمن عليييك
سلطان : هيه نعــم ، الا اشحااالج انتي ؟
اليده موزه : والله بخيير وعافييه
سلطان : يدوه شرايج يوم الخميس انسير عوافي ؟
ساره : هييه هييه خلنا نسيييييير كشخه
راشد + سيف : قالوا يدوه ماقالوا ساروه
ساره قفطت : خخخخخخ اقلكم رايي يعني ، يدوه قولي هيه والله ونااسه
اليده موزه : اوكيييه بس بشرط
سلطان : آآآمري كم موزه عندنا ؟
اليده موزه وهيه تظرب سلطان على جتفه : اصغر عياالك انااا ، احم الا هيه انا
الكل : هههههههههههههههههههههههههههههه
سلطان : آمري فديتج شو هو شرطج ؟
اليده موزه : انسير العزبه يوم اليمعه
الكل : هيــــــــه
ملاك : لحظه شنو ها عوافي ؟
شيخه : عوافي ها مكان فراس الخيمه ( راك ) كل الناس يسيرون هناك يلعبون دراجات كل شبااب هناك بس شي مكان خاص للعائلااات
ملاك : يعني بيكون وناااسه !!!
شيخه + ساره : اكيـــــــد

مر الوقت بسرعه وسارت الساعه 1 ونص والكل تغدى وطبعا ظبيه ظهرت ويا يمعه وساروا ابن بطوطه
ظبيه : يمووع والله انا ماداني ابن بطوطه
يمعه : ليش يعني ليش ؟
ظبيه : ها يسمونه مول بعد مووول مافيه حد
يمعه : لا والله يعني انتي تظهرين اتسيرين مولات عسب الناس !!
ظبيه : يموووع وبعديين ما احب هالمول مابنزل
يمعه : مااشي انا بالعمد يبتج هالمول عسب مافيه حد وانت روحنا على كيفنا ناخذ راحتنااا احب هالمول واايد ، يلااا نزلي
ظبيه : مـاابااا
يمعه : اوكي لاتنزلين شوفي منو بيردج البيت
ظبيه : يموووووع
يمعه : هههههههههه عيون يموع قلب يموع روح يموع
ظبيه وهيه تظربه على ظهره : اكرهــك
يمعه : ههههههههه من خاطرج هالكلمه
ظبيه : ........
يمعه : اوكي تكرهيني هاااه !!
ظبيه : .........
يمعه : متأكده انج تكرهيني ؟
ظبيه بعناد : هييييه
يمعه : اوكي مابردج البيت انزييين
ظبيه : لالا والله احبك يموع والله احبك
يمعه : ههههههههههههههه ادري
ظبيه : خقاااق
يمعه : اشقايل ماتبيني اخق والقمر يحبني
ظبيه : هااهااهاا اونك عاد
يمعه : يلا حبيبي نزلي
ظبيه : انزييين
يمعه : يلا تراني والله يوعان ابا اكل
ظبيه : خخخخ عن تاكلني بس
ظبيه + يمعه : ههههههههههههههههههه
عقب ساروا ظبيه ويمعه صوب المطاعم وكل واحد منهم طلب الي يبييه وعقب ماكلوا وخلصوا ساروا تمشوا وحدروا دبنهامز يمعه ماخل شي وماشراه لظبيه وظبيه تتحرطم عليه شوي وتضارب ويا شوي وتتغزل فيه شوي
عقب ماخلصوا ظبيه شرت عطرين وميداليه هديه ليمعه وعطته واستاانس ع الهديه عقب مر الوقت بسرعه وسارت الساعه 6 ونص
ظبيه : يموع هب جنه اتأخرنااا ؟
يمعه : لااا فديتج عاادي انتي ويا ريلج هب ويا حد غريب
جان تلزق ظبيه بيمعه ويودت ايده : فديت ريلي انــاا
يمعه : هههههه فديت روحج وقلبج وعمرج
ظبيه : يلااا ردني البيت
يمعه لوى عليها : لهالدرجه كارهتني ماتبين اتميين وياي ؟
ظبيه : لااا والله بس تأخرنااا
يمعه : جــب يلااا مابا اسمع رمسه زياده وبسرعه امشي جدامي
ظبيه : انزيــــن
وعقب تمشوا الين ماسارت الساعه 7 بعد حنة ظبيه توجهوا للسياره وحرك يمعه وتوجه لبيت ظبيه وعقب ربع ساعه وصل صوب بيتهم
يمعه يود ايد ظبيه قبل لاتنزل
يمعه : بشتااق لج
ابتسمت له ظبيه : واناا اكثر
يمعه : عااد اتصلي وطمنيني علييج
ظبيه : من عيوني
يمعه : تسلملي عيونج ، اممم ظبيه
ظبيه : قلبهااا
يمعه : امممم لا خلااص يوم الوقت بيصير مناسب بخبرج
ظبيه : يموع حبيبي في شي ؟
يمعه : هههه لااا بخبرج بعدين
ظبيه : اوكي برايك
يمعه : شدي حيلج فالدراسه وباجر داومي هب تغيبين شرات اليوم
ظبيه : انشـــالله ، حبيبي لاتسرع وانت ساير اوكي ادريبك ماتروووم لازم تسرع
يمعه : هههه انشالله فديتج
ظبيه : فمان الله
يمعه : فمان الكريم
وجان تنزل ظبيه وتحدر البيت عقب ما تأكد يمعه ان ظبيه حدرت حرك وتوجه للشارجه ..

فبيت حميد ( بو احمد )
كان حميد +ام احمد +احمد +حصه +سلطان + ميره يالسين تحت فالصاله
سلطان : اليوم قلت حق يدوه يوم الخميس نبا نسير عوافي قالتلنا اوكي بس بشرط ان يوم اليمعه نسير العزبه
ميره : الله وناااااااااااسه صدق بنسيير ؟
سلطان : لا جذب شو هالعبط الي فيج ؟
ميره : جب جب انزيين
احمد : لو بتسيرون انا وحرمتي وولدي مابني
عبيد : لااااااااااا انـــاا ابا اسيــــــــرر
احمد : هب كيفك امك حامل ماتقدر مره اليايه
عبيد : اهئ اهئ ماابااا بسير ويا عمي سلطان اهئ اهئ
احمد : انزين يصير خير
عبيد : يعني بسييير ؟
احمد : قلتلك يصيير خير
سلطان : ها ابويه شرايك ؟
حميد : دام ان امييه وافقت اوكي ماورانا شيي
ام احمد : هيه والله من زمان ماسرنا مكان ربااعه
سلطان : زيين يعني نخبر الكل
حميد : اكييييد
سلطان : اوكي ، يلا عيل انا بظهر
حميد : ماتروم تقر فالبيت ؟
سلطان : ههه بسير ويا سيف نحوط شوي وعقب برد انشالله
حميد : الله يحفظك
سلطان : ويااك يارب ، يالله فمان الله
الكل : فمان الكريم

عقب مر الوقت شرات الماي والكل تعشى وتسبح وسوى الي عليه وعقب توجهوا لشبريتهم ورقدواا

فاليوم الثاني الساعه 6 ونص نشت ظبيه على صوت تلفونها كان مزعجنها
ظبيه : ألـــــوو
يمعه : هلا براعية هالصوت
ظبيه : اهليين ، منوو ؟
يمعه : اويييه شو نسيتيني
ظبيه وهيه توها تنتبه : اووه سوري كنت راقده
يمعه : هههههههه عادي فديتج ، شحالج ؟
ظبيه : تمام ، شحالك انت ؟
يمعه : تمام ، يلا نشي اتلبسي عسب تداومين
ظبيه : انشالله حبيبي ، اتريقت ؟
يمعه : هيه انا فالدرب الحين ساير الدوام
ظبيه : الله يحفظك قلبـوو
يمعه : ويــااج يارب
ظبيه : يلاا عيل ببند وانتبه عالدرب ولا تسرع
يمعه : انشالله يلا بااي
ظبيه : بااي
عقب توجهت ظبيه للحمام وسارت واغتسلت وبدلت ولبست لبس المدرسه وتعدلت وتعطرت ونزلت تحت وتريقت وعقب سارت السكول

صوب ساره
نشت الساعه 6 وكالعاده اغتسلت وعقب لبست لبس السكول و اتكشخت وتعطرت ونزلت تحت
ساره : صبـااح الخير
الكل : صباح النور
ساره : شحالكم اليوم ؟
الكل : تمااام
ساره : انشالله دووم ( ويسلت ع طاوله الاكل )
راشد : هااه كم باقي على امتحاناتكم ؟
ساره : امممم الحيين باقي اسبوعين وبنفتـــك
راشد : زين زين هاانت مابقالكم شيي
ساره : هيه والله
راشد : عاااد نبا نسبه تبيض الويه
ساره : انشالله
عوشه : اصلا بنتي من يومها شاطره مشالله عليها
ساره : منو قدي ماماتي مدحتني
الكل : هههههههههههههههههههههه
ساره : الا ويين سيفوو ؟
عوشه : اظني اليوم مابيداوم فديته محموم
ساره : حبيبي والله ، انزيين وين يدوه ؟
راشد : توني ظاهر عندها كانت فحجرتها
ساره : يالله عيل بسير اسلم عليها عقب بروح المدرسه
وسارت ساره صوب حجرة يدتها دقت الباب وحدرت سلمت على يدتها وحبتها على راسها وتمت تسولف شوي وياهاا وعقب ظهرت وسلمت على الكل وسارت السكول

ف سكول قوم ميثا
كانت خفيه يالسه مضاايجه وشكلها كانت صاايحه سارن ميثه وعبير صوبهاا
ميثا : خفووي حياتي بلااج ؟
خفيه :....
عبير : خفوي حد جرحج حد قالج شي خبرينا ونحن بنتصرف وياه
خفيه حرجت : انتي سكتي كل الي يصير لي بسبتج اكرهــــــج ( ويلست اتصيييح )
ميثا اطالعت عبير وخفيه بنظره استغرااب عبير من سمعت رمسة خفيه حرجت وسارت الصف، اما ميثه لوت على خفيه وتمت تهدييها
ميثه : خلااص فديتج خلااص لاتصيحين خبريني بلاج ؟
خفيه : تعبت يا ميثوه تعبــــت خلاااص
ميثه : من شوو فديتج ؟
خفيه : من كل شيي
ميثا : انزين خبريني شو السالفه ؟
خفيه : بخبرج بس يكون سر بيني وبينج ؟
ميثا : هييه
خفيه : الله يسلمج من فتره كنا انا وعبير يالسات نسولف ويا بعض قلتلها فخاطريه مره اكلم واحد قالتلي مينونه انتي اتكلمين واحد تبين اهلج يذبحونج !! قلتلها افف شو ها بس مره قالتلي تدرين شو الحل الحين محد يرمس شباب الحين الكل يرمسون بويات ، انا استغربت من الفكره وقلتلها شو بوياات استغفر الله قالتلي بعطيج رقم وحده كلميها وشووفي اول شي كنت متردده بعدين قلت عادي الا هيه بنت يعني شو بيصير بيناا
ميثا وهيه مستغربه : انزيــــن
خفيه : بعدين شليت عنها الرقم فالبدايه كنت متردده اتصل فيها ولا بعدين اتشجعت ورمستها يوم يومين ثلاث اربع الييين ماتعلقت فيها وعشقتهاا اتخيلي اسلوبها كان يخبببل بس الي ماعيبني فيها كله ترمس على انها ولد
ميثا : انزيـــــن
خفيه وهيه شوي وبتصييح : ويا اليوم الي اتواعدنا فيه عسب تشوفني واشوفهاا وبعديين ( جان اتصيييح )
ميثا زاغت : خفووي شو صاار
خفيه وهيه تصيييح : بغت ادمرني بس انا وقفتها عند حدهاا
ميثا مصدومه : شوووو !!!
خفيه تكمل صياحها
ميثا : الحمدالله ماصار شي ، وانتي قطعتي علاقتج وياهاا
خفيه : هيه اكييد وقبل لا اركب السياره صفعت البويه وقلتلها خسااره انتي تعرفت على وحده زباله شراتج
ميثا : زيـــــن سويتي ابهااا
خفيه : كل مني ومن عبير هيه الي عرفتني عليهاا
ميثا : خلااص فديتج انسي الي صاار وانتي لا ترمسين اي وحده بس جي مني والدرب
خفيه : هيه تعلمت درس وهذيله البويات اتعقدت منهم
ميثا : عفاان الله ، الله لايبتلييينااا ، يالله نشي وامسحي دموعج وردي خفوي الحلوه الي الكل يعارفهاا
خفيه ابتسمت : انشالله
وعقب نشت خفيه وسارت ويا ميثا الحمام غسلت ويها وعقب سارت الصف ورمست عبير وخبروها عن السالفه كلها عبير طبعا اتندمت على الي سوته وعقب نصحوها تودر البويات الي تعرفهم وقال من اليوم راح تقطع كل العلاقات الي
تربطها ابهم

ف بيت محمد
مر الوقت بسرعه و صارت الساعه 11 ونص نش سيف ونزل تحت شاف يدته يالسه + شيخه
سيف : السلااام عليكم
الكل : وعليكم السلام
اليده موزه : صبااح الخير لا سير كمل رقادك بعد شي وقت
سيف سار ولوى عليها : فدييتج والله كنت محموم وتعباان حتى شوفي فيه حراره
شيخه : ههههه صدقه امييه كان تعباان
اليده موزه حظنته : فديتك سلامتك ماتشوف شر يعله فالعدوو ولا فيك
سيف : الله يسلمج من كل شي ، الا وين امييه ؟
شيخه : سارت الجمعيه ويا راشد
سيف : هيييه اشوف رشود الحين مايداوم وااايد هب شرات قبل
اليده موزه : فديييته والله
سيف : هيه هيه اتفديه هو بس وانا ولد البطه السوده
شيخه : هههههههههههههههههههههههههه
جان تحدر عليهم ملاك
ملاك : هلا شلونكم ؟
اليده موزه : والله لونا شرات لونج
ملاك اشتغربت وسيف + شيخه تموا يظحكون
شيخه : امييه شلونكم بالكويتي شرات شحالكم
اليده موزه : شووو !!
سيف : خخخخخخ هيه فديتج
ملاك : وين ماماتي ؟
شيخه : سارت ويا عوشه الجمعيه
ملاك : اهــاا وجدان راحت معاها ؟
شيخه : هيه
ملاك : شي حلوو انزيين
شيخه : امييه باجر بنسير عوافي ؟
اليده موزه : هييه
سيف : خلااص الكل وافق ؟
اليده موزه : هييه
ملااك صارخت : هييييييااا ونااسه
اليده موزه : حمدالله والشكر ينت البنت ويلست
وعقب تموا يسولفون ومر الوقت بسرعه وصارت الساعه 2 ونص طبعا البنات ردوا من السكول والشباب الي ظهر والي بعده فالكليه وراه كمن كلاس والي استأذن ورد البيت

فـ كليه خميس
كان خميس يالس ويا ربيعه بطي يسولف
خميس : بس هااي السالفه كلهاا
بطي : خلها تلتعن والله شي غيرهاا واايد مالت ترى هاي وايد مصدقه عمرهاا
خميس : ماعلييه خلاص انا نسيتها و عفتهااا
بطي : زين والله زين بس تعال عندك صورتها خل نفظحها بنت الذين
خميس انصدم : بطووووي شو هالرمسه !! انا خميس الـ ... جي اسوي مستحيييل هاي بنت ناااس تبا اهلها يذبحونهاا
بطي : والله جان انها متربيه عدل مارمست واحد ولا سوت الي سوته
خميس : بطوي دخييلك عمرك لاتفكر بهااي الطريقه ترى كما تدين تدان
بطي : شو قصدك خواتي جي يظهرن والله لدفنهن
خميس : اوكي اوكي خلاص سكر الموضوع خلها تولي
بطي : هيه والله صدقك (وتم يغني)

خله يولي الي ما يبانا خله يولي

جان يكمل خميس :


ياما نصحته ماسمع
ياما رجيته مانفع
يبي يمشي على كيفه
مايهمني خله يولي
خلي عنك هالتغلي
ماخذ الدنيا تسلي
لا تفتكر نفسك ملاك
وانه مالي حد سواك
خذها مني لك نصيحه
ابعد يالله عني ولي
تدري بعدك وش حصلي
زادت ايامي تحلي
صرت وغيرك لي طلع
صار يدلعني دلع
كلمته دايم صريحه
يوم يقولي خله يولي


عقب تموا يظحكون على عمارهم ونشوا عسب يسيرون لأن وراهم كلااس

اما سلطان الي استأن ورد البيت لانه ردتله الدوخه وحس بعوار فظييييع شافته ميره وسألته بلاه وجي وقالها تعبان شوي حدر حجرته حتى مابدل على طول عق عمره عالفراش ورقد

اما صوب يمعه الحبيب كان يالس ويا ربعه جان تتصل فيه ظبيه استأذن وسار ركب سيارته وتم يرمسها
يمعه : ظبوووي
ظبيه : عيون ظبوي
يمعه : تسلملي عيونهاا ، شرايج اليوم نظهر نتعشى ويا بعض ؟
ظبيه : هههههههه ترااك مصختها شو كل يوم ؟
يمعه : عشاااااني
ظبيه : انزين انت شو رايك اتي تتعشى فبيتنا اليوم انا مسويه العشى
يمعه : صــــدق ؟!!
ظبيه : هيه يعني بجذب علييك !!
يمعه : هههه خلااص بي اليوم عسب اكل طباخ حرمتي المصون
ظبيه : هههه فديتك عاد توني مبتدآه اتدرب ع الطبخ
يمعه : هييه ترى اقلج من الحين اول ماباخذج اباج كل يوم تعشيني وتغديني بطباخج الغاوي
ظبيه : ههههههههههه انشالله
يمعه : فديت حرمتي المطيعه ، يلايلا سيري جهزي الاكل واتعدلي وعدلى المكان بسرعه ريلج ياينج بعد دقاايق
ظبيه : خخخخ فديته والله انشالله حبيبي
يمعه : احبج
ظبيه : انا امووت فيـك
يمعه : ياا ويييل حالي يموتون فيه
ظبيه : بس عااد يلا بااي
وسكرت التلفون حتى ماسمعت رده حرج يمعه عالحركه الي سوتها وطرشلها مسج

( ظبوي يالدبه براويج اتسكرين التلفون عويهي
ترااني الحين ياينج )

ظبيه من قرت المسج تمت تظحــــــك جان اترد عليه
( عسب تعرف اشكثر انا ما احبك وانت اتمصخهاا
فديتك )

يمعه من قرى هالمسج رد عليها
(ماتحبيني هااه )


ردت عليه
( هيه ما احبك )

رد عليها
( اوكييه خلاص مابي اتعشى عندكم
بسير عند ربيعتي الي اليوم متعرف عليها
ترى انا بعد ما احبج )

ردت عليه
(ما احبك ما احبك قلتها بس استفزك
لو تدري بالصراحه ماسكن بالقلب غير حبك)
رد عليها
(والله احبك احبك يشهد الله علي
لما اشوفك ابتسم صدقني ماهو بدي
لا حاسد يقدر يبعدنا انا وانت لو شوي)

ردت عليه
( اتريــــااك لاتتأخر )

رد عليها
( من عيوني )

وعالساعه 9 سار يمعه بيت قوم ظبيه وكانت متعدله من خااطر كانت لابسه تنورة بنيه فخمه عليها بدي بيج كت وفوقه شرات الجاكيت القصير وكانت لابسه اكسسوارات بنيه وراسمه عينها بجحل اسود ورافعه شعرها كله وحاطه توكه بنيه يعني كانت خبـاال ..
ويمعه كان لابس كندوره بيظه ومتسفر بسفره بيظه ..

يمعه : ياويل حالي كم بتحمل انااا ، شحالج ؟
ظبيه قفطت : خخخخ تمام شحالك انت ؟
يمعه : بخير دامني اشوفج ( وجان يتقرب صوبها وقالها ) ماتحبيني هاااه
فهاللحظه ظهر سعيد
سعيد : استغفر الله استغفر الله لو سمحتوا مانبا مسلسلات مكسيكيه فبيتنا
يمعه : ههههههههه اسكت يالطفس اصلا عيونها كانت تعورها كنت اطالع لو رمشه طايحه فيها ولا
سعيد وهو يغمز له : اشك الصراااحه
يمعه : شك مايهمني ، الا شحاالك ؟
سعيد : يسرك الحاال ومن صوبك ؟
يمعه : ترتوووب
سعيد : مالوومك ترى ....... ( وجان يغمز له )
يمعه انصدم : ايييه يالياهل انت شو تقول !!
سعيد : هههههههه اتمصخر ، بلاهاا ظبوي ساكته مو من عوايدهااا
ظبيه : كيفيي اسمعكم وانتوا ترمسون
سعيد : مااالت
يمعه : اييه هب على حرمتي فديتها والله
سعيد : مالت طاع منو يدافع عنج ياحظي ، صدقيني بتندمين عاليوم الي وافقتي ع يموع
جان ظبيه تتقرب من يمعه وتيود ايده غياظا بسعيد
ظبيه : فديييييته والله عمري مابندم على يموع مشكله الي يغارون افف
سعيد : قلتلكم مابا مسلسلات مكسيكيه فبيتنا
يلاا انا بظهر مافيه تخلوني انحرف شراتكم
يمعه : جــــب مابقى الا يهالوا يرمسون
ظبيه : لا وانت الصااج مابقى الا المغازلجيين يرمسون
عقب سار سعيد عنهم وحدر يمعه ويا ظبيه البيت وسلم ع الموجودين ( عبدالله + روضه +سالم )
عقب يلسوا شوي يسولفون ويتمصخرون وكل واحد يقول شو سوى اليوم فالدوام والمواقف الي صارتله وبعدين اتعشوا ويمعه تخبـــل على طباخ ظبيه وعالساعه 11 رد يمعه البيت

وعقب كل واحد توجه لشبريته ورقد عسب يستعد لليوم الثاني ..

فاليوم الي عقبه ( الخميس )
نشت فاطمة من الرقاد الساعه 7 ونص توجهت للحمام وتغسلت عقب ظهرت وبدلت ولبست بنطلون جينز اسود وعليه توب اصفر ولبست نعال اصفر ورفعت شعرها بتوكه صفره ورسمت عيونها بجحال اسود وحطت بلشر ومرطب شفااف ولبست عباتها وشيلتها وتعطرت وشلت شنطه اللاب وتلفونها ونزلت تحت ، شافت امها يالسه ويا خميس
فاطمه : صبــااح الخير
الكل : صبااح النور
فاطمه : شحالكم اليوم ؟
الكل : الحمدالله بخير وسهاله
فاطمه : يعله مدييم ، الا وين ميود و ميثوه ؟
مريم : ميود ظهر سار الدوام وميثا بعد سارت المدرسه
فاطمه : غريبه فالعاده تسير الساعه 8 الا ربع
خميس : اكييـــدد وراها شي هالبنت
فاطمه : هههههه اكيد خموس متى بيبدى كلاسك ؟
خميس : اممم عالساعه 8 وانتي ؟
فاطمه : ايــوااا ، 8 ونص
خميس : اشعنه ناشه من وقت ؟
فاطمه : هييهييهيي بسير ويا راشد
خميس : ايــوااا وانا اقول ليش كل هالكشخه
فاطمه : فديتني دومي كاشخه
خميس : وين بتسيرون ؟
فاطمه : اممم هو البارحه قالي بيوديني اتريق بعدين بوصلني الكليه بعدين بيمر ياخذني وبيغديني وبعدين بيردني البيت
خميس : افــااا وماتعزمين اخوج
فاطمه : ههههه حيــاااك
خميس : اتمصخر ,, يلا انا ساير تامروني بشي
مريم + فاطمه : سلامتك
خميس : الله يسلمكم فمان الله
الكل : فمان الكريم
ظهر خميس وجان يرن مبايل فاطمه وكان راشد
فاطمه : هلا والله
راشد : اهلييين ، ها جاهزه ؟
فاطمه : هييه انت وينك الحين ؟
راشد : قريــب ، بطلي باب بيتكم وبتحصليني
فاطمه : هههه انزيين الحين بقول للبشاكره تبطلك الباب
راشد : لاا انتي تعالي
فاطمه : اوكييك
سكرت الفون وقالت حق امها انها بتسير تبطل الباب لأن راشد بي اسلم عليها وجيي ، طبعا سارت فاطمه وبطلت الباب وماحصلت حد يت بتبند البـااب بس حد دز الباب بالقوو لدرجه ان فاطمه كانت بطيييح