|
اقتباس:
يسلموووووو على المتابعة و البارت الياي جريب |
اليوم بنزلل لكم ابرت عشان شهر مضان ثواني والبارت عندكم |
حارب: اسمحلي عمي... وبعد إذنكم كلكم.. وعسب تكون الأمور واضحة.. ترى أنا عندشي شرط الكل استغرب .. أبوسهيل: خير يا ولدي.. قول؟ وبعدين هذا من حقك؟ حارب: بما أن ولد خالتي حامد ما صار له سنة من توفى فأنا ما ابي أسوي عرس.. وإذا تبون نسوي حفلة صغيرة يعني حق الأهل بس تراني بالشوفة وحاضر سهيل: خرعتنا.. نتحرى شي الحينة أبوعلي: هذا من حقك يا ولدي.. والا شو رايك يا أبوسهيل؟ أبوسهيل: إن كان علي أنا.. لو من اليوم ياخذها.. بس تعرفون لازم نشاور الحريم بعد.. وسار أبو سهيل ودخل الصالة اللي كانن أم سهيل وأم ثاني وظبية قاعدين فيها.. أبو سهيل: هــود هـــــــود أم سهيل: هدى هدى أبو سهيل: السلام عليكم الكل: وعليكم السلام.. أم ثاني: ها بشر يا أبو سهيل؟ أبو سهيل: خير خير ان شاء الله.. بس حارب عنده شرط وأنا ياي استشيركم به استغربت ظبية مع أن حارب ما ياب لها طاري هالشرط ظبية: خير يا أبو سهيل؟ وبعد ما خبرهم أبو سهيل بشرط حارب.. أم سهيل: هذا من حقه.. وأنا ما عندي مانع ظبية: بس أنتوا لازم تشاورون البنية..يمكن عندها راي ثاني.. أم سهيل: سارة ما بتقول لأ... وبعدين إذا يت عالعرس هب مشكلة بنسوي لهم حفلة صغيرة في البيت أبو سهيل: خلاص يعني موافقين؟ أم سهيل: خلاص توكل موافقين طبعا كل هذا صار وسارة ولا تدري شي عنه.. بس أكيد بستانس إذا عرفت به.. وعقب ما عرفت سارة بشرط حارب اشترطت عليهم أن حتى حفلة صغيرة حق الأهل ما يسوون وتكون الملجة والعرس في يوم واحد كل هذا بس عسب ما تبين لحارب أنها هينه وهي بعد عندها شروط مثل ما هو عنده.. الكل استغرب طبعا من شروط سارة والكل كان يعرف شكثر سارة كانت تحلم بهذا اليوم.. وعقب ما اتفقوا على كل شي.. ظبية: وين بنتي سارة؟ خلها تنزل عسب نبارك لها.. حصة: لحظة خالوه..الحين بسير بزقرها عسب تنزل سارت حصة حجرة سارة عسب تنزل ويباركون لها.. ... في حجرة سارة... حصة وهي مصدومة: ساروه يالخايسة؟ شو سويتي؟؟؟؟؟؟؟؟؟؟ سارة اللي كانت مبدلة ثيابها وماسحة المكياج بالكامل ..وقاعدة في البيجامة.. سارة ولا كأنها مسوية شي: بلاج؟ حصة وهي تصارخ: يالــــــــــــــــــدبة... خالوه ظبية تزقرج تحت عسب تبارك لج سارة: قوليلها راسي يعورني.. هب قادرة أنزل حصة: شـــــــــــــــــــــــــــــــــو؟؟؟؟؟ تتمصخرين.. ليش سويتي جذه؟ سارة وما قدرت تتحمل أكثر: أووووووووهووووووووووو يا أخي كيفي هب فايجة أنزل.. حصة: وطي صوتج فضحتينا... ترى والله خالوه ظبية بتزعل |
سارة ودمعت عينها: ما أحبــــــــــه حصة: وخالوه ظبية؟ سارة ودموعها تزيد: والله على عيني وراسي.. بس هو أكرهه حصة تجرب من سارة وتحضنها: مو جنج تسرعتي بشروطج؟ سارة: أحسن.. أصلا أنا خلاص ما تهمني هالأشياء من يوم ما دخل هذا الخام حياتي حصة: ســـــــارة.. لا تقولين جذه.. من اليوم ورايح هذا اللي تقولين عنه بصير ريلج وأبو عيالج.. سمعتي.. سارة وهي تبتسم باستهزاء: حلوة هذي أبو عيالج...ههههه حصة:وبلاج تقولينها جذه؟ سارة: لا عادي.. بس .. وقبل لا تكمل سارة رمستها دخلت عليهم ظبية وأم سارة وأم ثاني يباركون لها.. سارة وهي منصدمة: خالوه؟؟؟؟؟؟ ظبية: جذي ياسارة تزعلينا منج؟ جيه ما تنزلين عسب نبارك لج؟ سارة وهي متلومة حست أنها زودتها شوي.. تعرف أن ظبية ما تروم تصعد الدري بس أصرت ألا تصعد وتبارك لسارة بنفسها.. سارة وتربع صوب خالتها : آسفة..خالوه أنا.. ظبية وهي تبتسم: لا تقولين شي يا بنتي.. ادري انج مستحية ما عليج وقعدوا أم سهيل وأم ثاني يباركون لسارة اللي كانت شوي وتنفجر دموعها بس عسب خاطرهم يودت عمرها شوي.. عقبها ظهروا وتحت في الصالة كان سهيل وأحمد وحارب قاعدين.. عقب ما نزلوا الحريم من فوق.. سهيل وهو يبارك لظبية: مبـــــــــــــــــروك.. ظبية وهي مستانسة من الخاطر: الله يبارك فيك يا ولدي.. والفال لك إن شاء الله سهيل: الله يسمع منج حارب وهو يجرب منهن وسلم على خالته وعمته أم سهيل.. أم سهيل: الله يسعدكم ياولدي.. ابتسم حارب.. أحمد: عيل وين ساروه؟ ما أشوفها؟ ما عرف حارب بشو حس أول ما طروا سارة.. أم ثاني: ياحليلها تعبانة شوي سهيل: أونها عاد.. من الحينة بدينا دلع.. الكل ضحك..ما عدا حارب أم سهيل: سهول يوز عاد ابتسم حارب: ها شو الحينه؟ نروح؟ ظبية: هي يما.. ولفت صوت أم سهيل وأم ثاني وسلمت عليهم وظهروا .................................................. .......... بعد ما دروا ربيعات سارة بشروطها زعلوا عليها واصروا ألا تسوي حفلة صغيرة ولو حتى في البيت.. وبعد محاولات كبيرة قدروا أنهن يقنعوها.. قبل الحفلة بأسبوع.. طول هالأيام وحصة ما خلت سارة في حالها.. من مول لمول.. طبعا سارة ما كان لها نفس وكله تقول هذا هب عايبني.. وهذا هب ستايلي.. بس حصة وربعها ما قصروا وتكفلوا بتجهيز سارة عسب تكون أحلى عروس.. ........................................ ... يوم الحفلة... حارب وتوه نازل من فوق لمح خالته ظبية وسار صوبها.. حارب: شحالج أمي؟ ظبية: هلأ.. حيا الله معرسنا ابتسم حارب... ظبية: حارب؟ شو ها يا ولدي؟ حارب: خير امايا؟ بلاج تطالعيني جذه؟ ظبية: سير وطالع نفسك في المنظرة في ذمتك هذا ويه واحد بعرس اليوم.. وشو ها اللحية حشى.. ما تعرف تحلق ولا شو؟ حارب: ههههههههه فديتج تراني الحين بظهر وبتحلق ظبية: انزين بتخبرك؟ خل حجرتك مفتوحة لأن الخدم بنقلون ثيابك وبحطونها في جناحكم.. حارب: ما علي .. ظبية: وين بترقدون الليلة؟ حارب: وين بنرقد؟ هني بعد وين ظبية: لا ياولدي.. كفاية عرس وما سوينا.. اسمعني يا حارب الحينه تسير وتحجز لكم ليلتين في أي فندق حارب: وشله انزين؟ ظبية: كيف وشله بعد؟ يلا يما لا تقول ليش وما ليش حارب: إن شاء الله.. وظهر .... |
........................................... في هالوقت سارة كانت في الصالون.. حصة: ها ساروه.. شو شعورج اليوم؟ سارة: زفت حصة: أنتي وبعدين معاج يعني؟؟ سارة:.................. حصة: أففففففففف.. ما أقول غير الله يعينك يا حارب على ما بلاك سارة: يا سلام.. إذا هو الله يعينه.. أنا شو أقول؟ حصة: يا سارة يا حبيبتي خلاص ارضي بالنصيب.. وبعدين حارب والله ريال وما فيه شي عيب.. أموت وأعرف ليش ما تحبينه سارة: والله كيفي.. غصب أحبه شو؟ حصة: ياللــــــــــــــــــه.. الكلام ضايع معاج.. قومي قومي... راعية الميكاب تزقرنا وقامت سارة وتحس عمرها ثجيلة هب رايمة حتى توقف على ريلها........ ............................................... الساعة 8,8..مساء.. في بيت أم سهيل... الحفلة كانت مقصورة حق الأهل.. بس وايد ناس حضروا.. الحوش ممزور حريم ويهال.. حصة وسارة توهن واصلات من الصالون.. حصة وهي تفصخ عباتها: شوفي سارة أنا بسير أنزل تحت وبشغل المسجلة سارة: وين وين بتسيرين وبتخليني لحالي؟ حصة: هههههههه شو أخليج لحالج؟ ترى هذا بيتكم سارة: لا بس.. حصة: يا ربي.... سارة الحين بتييج المصورة وبتقعدين تتصورين.. أنا بنزل تحت وبشوف خالوه وعموه يمكن يبوني أساعدهم سارة: انزين لا تنسين أطلين علي بين فترة وفترة. حصة: أوكي.. يالدلوعة.. ابتسمت سارة.. وقبل لا تظهر حصة دخلن عليا وشيما وميسون .. عليا وهي تصارخ: ســــــــــــــــــــــارة؟ سارة وهي متخرعة: خير بلاج عليوه؟ عليا: الله يخسج.. قمـــــــــــــــــــــــــــــــــــــــر سارة وتحط ايدها على صدرها: الله يخس ابليسج خرعتيني اتحرى شي عليا: حفلة عادية وجذه كاشخة.. إذا عرس شو بتسووين؟ سارة: أوهو عليوه ترى استحي.. ميسون: خلاص عليوه.. شو خليتي لحارب.. ماتت سارة من طروا حارب .. سارة: وبعدين معاكم يعني؟ الكل: هههههههههههههه عليا: فديت اللي يستحون والله سارة فعلا كانت عروس بمعنى الكلمة.. كانت لابسة فستان أصفر مع تداخلات من الفوشي والأخضر والأزرق بدون أكمام منفوخ عالآخر عجيييييييييييييب واللي محلنه أكثر جسم سارة المتناسق كانت قمر بكل معنى الكلمة... وكانت الباقة رقيقة تتكون من ورود طبيعية صفرا رهيبة.. ميسون : ألف ألف مبروك يا سارة سارة: الله يبارك فيج شيما: مبـروك سارة سارة: هلا شيوووووووم فديتج والله.. تصدقين لو ما كنت حاضرة اليوم كنت بزعل منج في هاللحظة دمعت عيون شيما.. سارة: شيوم... حبيبتي بلاج؟ |
| الساعة الآن 06:14 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir