|
حزين الكون من دونك ح ـزينة كل أحلامي .,., ولح ــــظات الفرح ترجي وصال يروي أحبابكـ حبيبي كيف تقوى البعد وتنسى × ح ـبنا السامي × .,., أنا قلبي طواهـ الشوق وأنت الشوق ما ج ــابكـ الرمـأاااااح.. صوب رويض.. الساعه 4 ونـص.. وقفت رويض من مكانها وسارت صوب الكبت فجته بتدور لها شيله من ايام العزوبيه بعد ما غيرت كندورتها طااااحت عيونها على سفره..استغربت من شافتها..شلتها..ويلست تتذكر شو سالفة هـ السفره..وكيف بتنساها..وهي بالأصل..سفرة سيف..طواها على يدها يوم انجرحت بسبة الزجاج.. سيف..!؟؟الي اليوم بيي..ومن مصادر رويض اللي هي فطامي..عرفت ان سيف بيي ع المغرب او بعد صلاة العشا..وهي ..محترقه..من الشوق من الخوف من الحزن من الظلم..من كل شي..قلبها ما يتحمل اللي يستويلها اللحينه.!!! دزت شجون الباب بريولها.. شجون:أوووه رويض.. رويض"تحط السفره على اقرب طاوله اتشوفها":لا غبوش.. شجون:هااااااع هووووع هييييع..مرحبا مرحبا بهل سويحان.. رويض:مرحبابج زود.. دقن الخشم.. شجون:متى ييتوا..!؟ رويض:توني من شوي ييت هنيه.. شجون:مشالله.. رويض:شو رقدتي..!؟ شجون:هيه ونشيت بسرعه..ماريدهم يسيرون للـعزب ويخلوني.. رويض:هـ المرة الكل متحمس ايرووح للعزبه.. شجون:لا تلومينا..الجو يخبل..وجنه الا شي مطر بيي.. رويض:جان زين والله.. شجون:فطامي يت..؟! رويض:هيه كلنا يينا..وشويخ بعد.. شجون:زين زين..سمعت من امايه العوده ان ريلج بيي اليوم من الكويت.. رويض:هيه.. شجون:ان شالله يوصل بالسلامه.. رويض:اميين.. شجون:يلا عيل نزلنا تحت.. رويض:يلا.. تنااااست رويض سالفة السفره اللي ما ردتها لـ مكانها..وظهرت ويا شجون لـ تحت وين ما العرب كلهم يتزهبون سايرين للعزبه يتريون بس الرياييل ايون من صلاة العصر.. فطامي:غبوووووووووووش.. غبوش:وويعه..شو تبين..؟! فطامي:وين عقيتي الـ Mp4..مالي.. غبوش:انا ما يخصني.. فطامي:اشووو ما يخصج.؟؟!.!؟؟!؟!؟!!؟!؟! غبوش:حطيته ع هـ الغنفه وسرت اصلي.. شيخه:شفت عبدالله خذه.. غبوش:شفتي..قلت لج ما يخصني.. فطامي:خلاص انزين ما استوى شي.. شجون"تحدر البيت يايه من الحوش":شو تترين انتن..يلا يلا..الرياييل يوا وحركوا السيايير.. رويض:يلا عيل.. نشن اللي يالسات فـ الصاله..وحولن للسيايير..ووصلوا العزبه..الجو كاااااااان طررررررر كسرتيم..والسما ملبده بالغيوووووم..والهبايب البارده ترد الروووح.. الكل يلس سوالف وحشره طماشه.. شجون:رويض نشي سرقي لنا سياره.. رويض:موول مب متفيجه.. فطامي:اونه اونه..يلا رويض عن خاطريه.. رويض:سمحن لي فديتكن..والله مالي خاطر للسرقه.. غبوش:زين الحمدالله من متى .. شموس:ربج ربج ستر.. رويض:عن رمستكن هاي..والله بقوم اللحينه بنسرق سياره بنتحوط.. فطامي وشجون تشققن..نشن وايهن رويض.. رويض"بخباثه":بس هاه..انا ما بسرق غير الكلوزر.. فطامي:غااااااااايته...المهم نسرق.. دبرت رويض عمرها ورامت اتييب سويج الموتر من عند ابوها..كانت اشكالهن تضحك وهن يسرقن السياره ورويض مسرعه عن يلحقها حد.. وقفن عند عرقوب صغيرون..ونزلن..ويلسن يسولفن ويغنن + استهبال غريب من نوعه..اشوي الا يشوفن نيسان حمد الأبيض وسعيد ورا باستيشن بني.. فطامي:وااايه التراااب.. رويض:الحكووومه.. شجون:عنلاتهم...ما يخلون حد يستانس.. رويض:هاااااااهاااااااهاااااااااااا...هجووووووووووم .. ركبن البنات الموتر..ويلسن يتحاوطن..وسيارات سعيد وحمد وراهن..لين ما تمت المحاصره..حمد من صوب رويض..وسعيد من صوب شجون وفطامي.. فطامي"تتلثم بشيلتها":وييه وييه بيصورونا بيفظحونا...كككككك.. رويض وشجون:هههههههههههههههههههههههه.. فطامي:طااااع..هاي موزاني عند سعيد.. ورويض:وهاي شموس عند حمد.. فطامي:مضيعين المذهب..اللي ما يخيلون ع ويوهم.. شجون:يلا روووووووووويض زيدي السرعه.. رويض:فاهمه حركاتهم..يبون يسابقون.. وطت الجامه..شافت حمد مكشخ ضروسه.. رويض:نعم..شو تبغي..؟ حمد:ليش تسرقون سيارة عمي.. رويض:سيارة ابويه.. حمد:انا اشتريتها هديه.. رويض:يلا يلا هناك..هالللي قاصر والله تشتري لـ بويه سياره.."وترمس شموس"يايه هاه..بتموتين اذا ما ييتي ورانا..>>خخخخخخ.. اونه بوشهاب سوى عمره معصب جان يجرب سيارته من اللي اسمها رويض ويمد يده اونه بيضربها بس هي خازت عنه وجربت من سعيد اللي كان يبتسم.. سعيد:بنت راشد.. شجون:عووونك..ختيه مب فاضيه لك.. سعيد:قوليلها سباااااااااااق لين العزب.. شجون:يقولج سباق لين العزب.. رويض:قوليلها غايته..واللي يخسر..يعزم الثاني.. قالت له شجون هـ الرمسه ووافق سعيد وبدى السباق..سعيد كان مخفف السرعه ورويض طايره من الوناسه تتحرى عمرها بتفوز..شاده حيلها الأخت..من هناك..موزاني معصبه تبغي تفوز هي وريلها..وهاذا اللي صار..سعيد زاد من السرعه..ووصل للعزب قبل رويض.. مر الوقت بسرعه..وبدت الشمس تغيب..وعربنا؟؟زهبوا عمارهم اللي بيردون للرمـاح..اشوي..الا رنج ياي صوووبهم..ظهروا الرياييل من سيارتهم..والرحمات وطن الجامات..كان سيف بن المر..كاشخ بكندوره شتويه سودا وسفره حمرا..سلم ع الرياييل..ومن هناك ساروا للرمـاح..واظطر سيف يسلم على رويض بما انها كانت قاعده عن الحرمات واستحى انه يطنشها جدامهن.. رويض..حالته كانت من نوع آآخر..اتحس انها متاضجه..لأنه عرفت ان سيف متضايج..من صوته..نظراته..حتى شكله..مع هذا..تفائلت بالخير.. { اليوم الثـــاني..~..بعد صلاة المغـرب.. أثنـاء هطووول المطر.. ناظـر الحـزن × متبعثـر × بـ الملامـح والخفـوق مـدري أواسـي خفـوقي ولا أراضـي ~ رغبتـك ~ أنت تتمـادى بغيابـك وأنـا | ضايـق / ومخنـوق | يـاخي / حـس / بضيقـتي تكـفى وعجـّل طلتـك سحبت الستاره..خلتها تمنع عيون رويض عن شوووفة المطر..خلتها تمنع رويض عن التمادي في اعطااااااء سيف المجال الكافي لـ تعذيبها..والتفنن فيه..خلاص..ما صارت تستحمل كل اللي يستويلها..ولا قلبها..عنده القوه انه يكمل مشوار شهر كامل فـ انتظار شيخه تعترف فـ انتظار سيف يحس فـ انتظار النهايه توصل.. طااالت رحله الإنتظار ورويض بتشد رحايلها..من عند سيف ومن قلبه..ولكــن..قلبها ما طاوعها..يأ فـ بالها تعطيه فرصه اخيره..ترمسه فيس تو فيس..ومن بعدها بتحكم هي شو تقوووووووووول.. ظهرت من القسم..ويهت للصاله لقت سيف يالس يطالع التلفزيون وميود الريموت ..زقرته.. رويض:....سيف..... سيف:.............................................. .. قهرها سكوته..وكملت.. رويض:بقولك شي..ترى كل اللي تسويه فيني غلط × غلط..انته فاهم السالفه غلط..ما عطيتني فرصه عسب نتفاهم ونشوف شو اللي صارلنا..ظلمتني بدون اسباب.. سيف:.............................................. ....... رويض:مع هذا تحملت وصبرت كل اللي تسويه فيني..تركتني وسافرت خلتني ارووحي..شو اسوي بدونك قولي شو اسوي..افكر فـ حياتي اللي ما تهنيت فيها..افكر فيك انت ياللي وعدتني بانك تحبني داايم الدوووم.. سيف:.............................................. ... رويض:واخر شي اقوله..رد عليه..قول شي..لا تخليني اتركك واروح..وتندم عليه بعدين.. سيف:.............................................. ........ رويض:رد عليه..لا اتم ساااكت..ترى والله سكوتك يقهرني.. سيف:.............................................. ........ رويض:عيل تحمل نتايج سكوتك.. سارت عنه..وهي ميوده عمرها عن اتصيييح..وهو..يلس يطالع في الفراغ اللي تركته رويض..ما عطاها اهتمام..تسوي اللي تسويه..صح قلبه محتار..بس رويض هي الغلطانه..رويض هي اللي خانت..رويض هي اللي انهت كل حلو بينهم..رويض هل اساس الغلط..وهي ماتهمه.. { من صوووب..~ حطت شويخ شيلتها على راسها..اللي صار واللي فكرت به شيخه..لازم ..لازم..تعترف لـ سيف..وتنهي اللي صار..مب من تهديدات الآنسه شيخه..لا..من قلبها اللي صار ما يتحمل اللي يستوي..و الشي الثاني..هلها يايين..وهي تبغي تنهي كل شي..ويا سيف..ورويض..وهزاع..وتبدى حياتها من اول ويديد.. نزلت من الدري..وهي تمشي بـ شوي..شوي..خطوه خطوه..وقلبها..يرقع..من الخوف..ومن هول اللي بتقوله اللحينه.. وصلت للصاله..صدت على يمينها..شافت سيف يالس ع الغنفه ويطالع التلفزيون..تجدمت صوبه...وهو انتبه لها جان يتعدل فـ يلسته..هاي اول مرة يشوفها..من يت بيتهم..نش من مكانه اونه احترامن لها.. شويخ:السلام عليكم.. سيف"منزل عيونه":عليج السلام..شحالج شيخه..!؟ شويخ:يسرك الحال..من صوبك..؟! سيف:ما نشكي باس.. فطامي"تفج باب الصاله بقووه":كككككككككك..فديتج والله مهروه صدقيني امزح وياج..امايه..!؟؟امايه مادري وين سارت اظني عند ام خالد..مادري شو سالفتهن هـ العياييز..كله يلتمون ويسولفون..اوكي عيل يلا باي ..اشوفج على خيره..هيه تعالي باجر عندي اوكي..بي باي.. بندت فطامي ..وفرت الموبايل على اقرب غنفه..رفعت عيونها ..شافت سيف و شويخ واقفين.. فطامي:هلا هلا.. سيف:اهلين.. فطامي:شعندكم.. شويخ:ماشي.. فطامي "تسحب يد سيف وتيلسه عدالها":يلا كملوا شو كنتو تقولين.. هدووووووووووووووووووء..محد رد عليها.. فطامي:اوكي تبون تيسلون جيه..عيل انا لازم اكون وياكم..محرم..خخخخخخخخخخخخخ.. سكتت شويخ..وسيف بعد..رد يطالع التلفزيون.. فطامي:سيف.. سيف:...."طالع فيها".. فطامي:بسم الله الرحمن الرحيم ماروم ع النظرة انا.. سيف:ههههههه..شو تبين.!.؟ فطامي:شويخ تبغي اتقولك شي.. صد سيف صوب شيخه.. سيف"عيونه على شيخه":شوو..!؟ استانست شويخ يوم انه فطامي عدلت لها الوضع.. شيخه:انناااا..انا... فطامي:انتي و اللي بعدووووو.. سيف:....................... شيخه:انـااااا.. فطامي:اوووووهوووو.."تحط يدها ع ويه سيف وتلفه صوبها عسب يطالعها"..اسمع انا بقولك شو الموضوع..اللي فـ الصور مب رويض..هاي شيخه..تعرف عليها ناصر واقنعها باشياء لين ما خلاها تتصور وياه..تفاهمنا انا وياها اليوم الصبح..واللحينه..هي يايه تعتذر منك ومن رويض ع اللي سوته فيكم وطالبه السموووحه منكم.. أيه انا ياللي جرحتك..توني دريت ابخطـأي.. سامحني..ويعلم الله اني ماني بـ قاصد.. توهم قالوا الحقيقه..بعد ما طولت وياي.. كنت تعاني من جفاي..وانا اللي كنت به قاصد.. انصدم..انذهل..اللحينه..اللحينه يايين يعترفون يعتذرووون يقولون اللي يقولونه..يعني..يعني شو يعني..؟!؟!؟؟!بعد اللي صار..يعد الجرح والتعذيب والهجران..تظهر رويض مالها ذنب ومظلووومه..بعد ذيج الليالي والحالات والمعاناه..بعد التفكير والحيره اللي عاشها سيف..تظهر رويض..انسانه عفيفه ما فكرت بشي اسمه خيانه..كره عمره كره فطامي كره شويخ..كره هـ المكان ..ما يريد يرد ع الرمسه اللي قالولها..اللي يريده..هي رويض ..ايشوفها..مستعد مستعد ايسوي أي شي..ولا يخليها زعلانه عليه جيه..هاي رويض..الغاليه..الإنسانه اللي ملكت قلبه..وهو ملك قلبه..ولكن جارت الدنيا عليهم.. سيف"بعصبيه":..فطامي..وين رويض.. فطامي:مادري..شفتها ظاهر للحوي.. مشى سيف لباب الصاله العووود..فجه..وظهر..شاف ان المطر وقف..وما اهتم له..لمح البشكاره جدامه.. سيف:وين رويض.. البشكاره:رويض يروح.. راحت روووحج..>>هاللي قاله سيف فـ خاطره.. سيف:وين.. البشكاره:انا يشوف سياره مال بابا ذياب يجي..ورويض يروح .. سيف:................................ يهيـم | الليـل | من دونـك .. تعـطّر بـالـ / زهـر طـربـان أنـا ’؛ قـلبـي ’؛ مـعـك يا زيـن بالـ وجـدان طربـاني [ أحـبـك ] وحـدك ولانـي ,, مع غـيرك مـن الخـلان .. ! تـرّفق ... انتـه ليـ : وحـدك / حبيـب وكـل وجـدانـي تم يطالع..وقلبه..يعتصر من الألم..ويحس بحرقه في عيونه..وده يصارخ ..رويض..وينج رووووووووويض..وطيران..صوب موتره..!!!!! { من صوب..~ ذياب:ووينه ريلج ما سلمنا عليه.. رويض:امبونه سيف مب فـ البيت>>صيووطاااخ.. ذياب:عيل وينه..وانا شفت سياييره كلهن.. رويض:هزري واحد من ربعه يأ صوب البيت وظهر وياه.. ذياب:هيه هيه زين.. رويض:وانته لليش تسأل..امبونك فـ سويحان هطفت عليه وخذيتني.. ذياب:وانتي ليش سايره بيت هلج.. رويض:متولهه ع الوالده..هـ الفتره تعبانه وانا ما يلست وياها.. ذياب:اهـا.. دق تيلفون ذياب..ورد ويلس يسولف..صدت رويض صوب الجامه..يلست تطالع..حتى ملابسها ما شلتها وياها..مب محتايه دام ان اغراضها هي اغراضها ما تغيرت..مب محتايه لـ شي..خلاص..دام ان سيف ما يبغيها.. شكـرا ً على قـل اهتمـامـك وهجـرانـكـ وخـذلانـك احسـاسـي وحلمـي ورجـواي .. تعبـت وليلـي يحتـري نـور فجــــــركـ وتعبـت اسـافـر لكـ ولاتـوصـل خطـاي وأضحـكـ على نفسـي وأسـامـح وأعـذركـ يمكـن يحـن قلبـك وألاقيـك ويـاي .. ! |
الجزء الخـامس والثلاثيـــ (35) ـــن والأخيـــــ,,ـــــر : •!¦[• عجــــ!!!!ـــايب •]¦!• الفصــل الأول.. تشـوف × الكـون × في وسعـهـ وفي عرضـهـ .. وفي طولـهـ ترى ~ حـزني ~ كبـر هـ الكـون وحتـى || الكـون || مـو حولـهـ صدت رويض صوب غبوش وطالعتها بنظره.. رويض:هيه برقد في بيت ابويه عندج مانع اخت غبيشه.. غبوش:لا بسم الله..بس مستغربه.. رويض:امايه ميهوده ومحتايتني.. شجون:هيه صح كلامج..نشي غبوش بنظهر رويض تبغي ترتاح بترقد.. رويض:زين الحمدالله.. غبوش:هـ الحرمه مب على بعضها.. رويض:.......................... شجون:غبووووش..!؟..يلااا.. غبوش:اوكي اوكي بسم الله الرحمن الرحيم بظهر اللحينه عن تاكليني بقشوري.. نشن غبوش وشجون وظهرن من عند رويض..اللي كـانت حالتها عصيبه ويرثى لها..يلست ع الشبريه اتفكر باللي سوته.. هل هو صح ولا لا..اختيارها لـ فراق سيف هل كا الحل الصح ولا لا..!؟؟كانت في متاهة من الأفكـار.. شافت تيلفونها يدق..انصدمت..من شافت اسم "غلا الروح".. معقوووووله سيف داااق عليها..؟؟معقوووووله..!؟وليش وشو يبى واشعنه واللحينه وفي هالوقت..كان قلبها يقولها ردي ردي ردي..لين متى بتييلسسين جيه..ردي وفكي عمرج وخلي اللي صار يخوز عنج..النقطه السودا تروح من صفحـات حياتج.. بس عقلها..كـان يعاند ويعاند ويعاند..ما يريدها ترد على سيف وترمسه..يبغيها تخليه يحترق اشوي..يحس بمرارة اللي عاشته في أوقات كانت تدق له وما تمل من زود ما تدق..وهو مب مسوي له نص سالفه..يأ فـ بالها..ليش ليش ليش ليش سيف داق..معقوله اكتشف السالفه الصحيحه..ولا لا..!؟..شو يبغي بالضبط.. شلت التيلفون فـ يدها..التيلفون محترق..خاطرها ترد عليها بالأول تسمع صوته..تندمج مع سوالفه..تسأل عنه..وعن علومه وأخباره..ولكــن..كان ودها تعرف وين سيف اللحينه بالضبط..مشت صوب الدريشه..ووايجت..ما تشوف الا سيارة سيف جدام باب بيتهم..وسيف سـاند ظهره على باب السياره..كان حاط سفرته ع جتفه..و يمرر يده بشعره وعيونه على تيلفونه وهو يدق ويدق ويدق ويدق..رويض..شو اللي يفصل بينج وبينه اللحينه..يدار بيتكم..وزر واحد اذا هوستي عليه صار الوصال امبينكم..فرت الموبايل ع الشبريه..ويلست ع الغنفه..تسمعه..كـان سيف يدق يدق يدق..أبد ما يمل..ودرت التيلفون..وردت مرة ثانيه جدام الدريشه اتطالع سيف..اووووف شو هالإنسـان..كلمة اتحبه اشوي فـ حقه..مع هاذا هو ما قدر مشاعرها وما عليه سوى انه يعذبها يجافيها وما يهتم لها.. انتبهت ان الصوت راااح..بس اللحينه اشتغل دور المسجــات..اغلقت الموبايل على طول..تبغي تقهره..لأنها لا ردت عليه..ولا قرت مسجــاته.. × من صوب× استهم سيف على رويض..حس ان مستويبها شي..ما رام يتحمل..كل ما يدق ما ترد واللحينه فجأة اغلقت الموبايل..تم يتنهد من الحزن اللي فيه..شل بعمره وركب سيارته..الليله ماشي أمل يشوف رويض ولا حتى انه يسمع صوتها..كل اللي صار بسبتيه انا..انا الغلطان من بدت السالفه وانا مب معطنها أي اهتمام..كله مني انا..انا.. × × × انا ..رحلت .. ودمعتي فوق متني !! حاولت .. أبيك ..ولاطلع في .. يدّيـا وإن قاله الله .. والسنين .. أمهلتنـي محد ٍ .. يبي .. ينوش .. حبك .. هنيّا حبـك هنيـا .. آآآآآآآه .. يامعذبنـي ودي .. أكملها .. : ( ولكن .. بليّا ( الرمــاح.. السـاعه التاسعه والنصف صبــاحاً.. بيت بو محمد.. حطت المصحف ع الطاوله اللي جدامها..ونشت من مكانها وعيونها على الموبايل..حلقة الوصل بين رويض وسيف بعد اللي صار..بطلت شافت ان فيه مسجـات واصلتها بس ما تكرمت وقرت نص مسج..اغلقت الموبايل مرة ثـانيه..وظهرت من حيرتها بعد ما تعدل اشوي.. من نزلت لقت يدوتها فـ ويهها.. رويض:السلااااااااام عليييييج.. أم راشد:الروووض..يا مرحب يا مرحبا والله مليووون ولا يسدن بالغويلي.. رويض:علني فدا هـ النصخ والله..لا عدمني الرب منه.. ويهت رويض صوب يدتها و وايهتها وباستها ع راسها ويودت يدها يمشن ارباعه صوب باب الصاله بيظهرن خـاري.. أم راشد:حــي هـ الشووف والله..أسميها نورت الرمـاح.. رويض:منورة بهلها..امايه..والله ثمن والله اتولهت عليج.. أم راشد:وايه لا خلا ولاعدم..يلسي فديتج.. رويض:يلست رويض عدال يدوتها وسوالف ورويق وقهوه..حياكم قربوووا.. أم راشد:ووينهن خواااتـج.. رويض:بلاج يدوه نسيتي..اليوم أربعاء ومدارس.. أم راشد:هيه هيه نسيت والله..عموتج نورة اشعنه ما يت وياج.. رويض:فطامي عندها مدارس.. أم راشد:مضيعة المذهب..اتيي تسلم على امها وتظوي لدارها.. رويض:امبوني يايه من البارحه.. أم راشد:شوو.!؟وينج عيل ما شفتج..!؟ رويض:كنتي راقده.. أم راشد:واشعنه ظاويه من بيت ريلج..عسى ما شر.. رويض"بابتسامه":مـامن شر فديتج..غير تولهت عليكم..وامايه ميهوده هـ الفتره..فـ قلت ايلس عندكم.. أم راشد:وعموتج وبنتها متى بتيي.. رويض:ان شالله فـ الويكند.. أم راشد:شووو..!؟؟شو ونكند بعد.. رويض:ههههههههههه..ويكند..ويكند..يعني اجازة نهاية الأسبوع.. أم راشد:علني بلاها هالرمسه الماصخه.. رويض:ههههههههههههههههههههههههه.. أم راشد:فقدت هالضروس يا ربيه..صبيلي صبيلي قهوه يلا.. رويض:افا عليج يدوه ما طلبتي.. أم راشد:مسودة الويه..شو يدوه هاه..قولي أمايه العوده.. رويض:أنزين انزين امايه العوده.. أم راشد:وعموتج ناعمه..ما من خبر عنها..!؟ رويض:اللي سمعته انها يايه اليوم ويا ريلها و ولدها سلطان وحرمته اليوم ان شالله..! أم راشد:هيه هيه..متى..!؟ رويض:فليل..ع الساعه 12 ونص ولا 1.. أم راشد:عيل بنغبش من الفير باجر عندهم.. رويض:ما تقصرين.. أم راشد:وشويخ بنت خالد للحينه ميلسه عندكم..! رويض:هيه.. أم راشد:وشو يابها لـ سويحان.. رويض:مادري والله يا يدوه.. أم راشد:ردينا ع الطاري يلي..يدووووه..!.!....!؟! رويض:مادري والله امايه العوده.. ام راشد:روويض.. رويض:عووونج.. أم راشد:عانج الرحمن..نشي للدريول قوليله يزهب الموتر بنسير صوب العزبه.. رويض:جيه ابويه شفته الفير غابش للعزب..ما ياب اللبن.. أم راشد:لا يابوه..بس انا وديه اظهر من هـ البقعه..خست فيها عنلاتها من بقعه.. رويض:افا عليج..أمبوني ابغي اظهر لـ بقعه.. أم راشد:غايته.. خلال ربع ساعه..تواجدج رويض وويدوتها فـ العزب..ورويض هـ المره ما استغنت عن الكام مالها ويايبتها وياهـا..عسب تصور كل شي يعيبها.. وقفت سيارة الدريول..وراح الدريول يسير على خوياه اللي فـ العزبه..من صوب..ظهرت العيوز و رويض..وسـارن صوب الرجــاب.. رويض:يلا امايه حدري ويايه.. العيوز:ما فيني حيل.. رويض:افــا..احدر اروحي..اخاف..!؟ العيوز:تخـافين..!؟..احيد وانا بنيه كبرج احدر صوب الرجاب اروحي واظوي اللبن للعربان.. رويض:هـأي انتي..مب انــا.. العيوز:عيل يلسي عدالي..وما يحتاي اتحدرين صوبهن.. رويض:لزوووومن ادخل صوبهن.. العيوز:براايج.. يلست العيوز عند العريش..ورويض حدرت صوب الرجـاب و قلبها يقول"طربق طربق"..لووول..وهي ميوده الكام مالها وقلبها يرقع من الخوف..من شافت البعير خــااااااافت..لوول..صدت صوب يدوتها.. رويض:امايه..شوو ياب البعير هنيه..!؟ العيوز:قري مكانج عن ايي صوبج اللحينه ويدوسج دووس..قاعدين ينظفون الشبك ماله.. رويض:لااااا..امايه ياي صوبي.. العيوز:ظهري ظهري .. رويض:ابغي اصوره.. جربت الكاميرا منه..وهو يالس يطالعها و ياكل..لوول..تجدم صوبها اشوي..وهي خافت منه..جان تربع صوب الباب مال الشبك..وطبيعي..من شافها تربع تحرى عندها اكل ومب طايعه تعطيه..لووول..جـان يربع وراها..رفعت كندورتها وزين كانت لابسه صروال عن يشوفون عصاقيلها البيادير..لوول..من وصلت عند باب الشبك ما عرفت كيف اتفجه..وسار واحد من البيادير وفجلها اياه..وظهرت صوب يدوتها وهي تلهث من الخوف.. العيوز:ههههههههههههههههه..دواج..يوم انج مب مالت رجاب..اشعنه حادره صوبهن.. رويض:...آه..ابغي مااي....اوفطـالعي طالعي الدم ظاهر من ريول دقني شي..ااااخخخخ.. العيوز:اكيد مسمار..اشعنه مب لابسه نعولج.. رويض:امبوني اعقهن من ايي العزبه.."وتصد صوب البعير"..حقير هـ البعير سوالي فلم رعب..اوف اوف.. العيوز:ههههههههههه..وتربعين وهو يربع وراج..جان وقفتي وهوستي ع ويهه اشوي ما بيستوي بج شي.. رويض:شوووووووووووو..؟؟؟بياكلني امايه بياكلني.. العيوز:جان زين..يودي يودي اللبن شربي خلينا نرد.. رويض:هيه بنرد للبيت..بس الدريول بنعقه اهنيه..وانا بسوق.. العيوز:شووو.!.؟تسوقين..قطعيها الرمسه عن افج راسج اللحينه.. رويض"تجدم صوب يدوتها وتحط اصبوعها ع خشمها":ورفقة الغالي ورفقة هـ الخشم يعلني فداااه يا ربيه ..خليج تشوفيني وانا اسوق.. العيوز:تبغين تفظحينا انتي..هل رماح بشوفونج وانتي اتسوقين..لالالالا.. رويض:وينهم هل رمـاح..اللي راقد واللي فـ الحوي ميلس واللي فـ عزبه..بليززززززززززززززززززززززززززززززززز.. العيوز:لا زيز ولا زوز سواقه ماشي .. رويض:امايه..حرام عليج اترديني.. العيوز:يلا يلا زقري الدريول بنسير البيت..انتي ويه حد يطلعج بقعه.. رويض:حرام عليج امايه..حراااام.. العيوز:لا حرام و لا الله قاله.. رويض:امــاااااااااااايه..بليز.. العيوز:بلاج انتي وهاللسـان..قلت لج سواقه ماشي.. رويض:.................................. العيوز:نشي زقري الدريول.. رويض:....................................... العيوز"تاخذ العيره":لزووومن عليه افج راسج اليوم.. رويض:هههههههههههههههههه..خلاص خلاص عفتها السواقه..امبونها ريلي تعورني ماروم ع السواقه الدم مب طايع يوقف.. العيوز:هيه ماعندنا بنات يسوقن..والدم حطي عليه ملح وبيوقف.. رويض:اوكي اوكي..لازم الطب البديل الشعبي القديم..خخخخخخ.. ماردت عليها العيوز..كل اللي سوتها..عطتها نظره من نظراتها الشيوخيه..لوول.. ردوا البيـــت..و أول ما وقفت السياره..وظهرن رويض ويدوتها..طـاحت عيونها على سيف اللي كـان واقف ع الدري اللي جدام باب الصاله..وطت عيونها تحت وويهت صوب المطبـخ..تتحاشى شوفته ومبادلة الرمسه وياه.. سيف..استانس من شاف سيارة الدريول..واستانس اكثر من لمح رويض ظاهره من السياره..بند الموبايل وحطه فـ مخباه وويه صوب يدوته.. العيوز:بن المر..يا مرحبا السـاع مليووون.. سيف"يوايه يدوته ويبوسها ع راسه":المرحب لا هـان..شحالج يالغاليه.. العيوز"ميوده يده":يسرك حاليه ولا يضرك..شحالك انته..وشحال هلك وعربك وتواليك..؟ سيف:امممره ما يشكون باس.. العيوز:هاه ياي تبغي غدانا ولا تبغي حرمتك ما رمت ع فراقها.. سيف:تبغين الصدق ولا ولد عمه.. العيوز:لالا..الصدق.. سيف"بإحساس صار راعي احساس الريال":ابغي حرمتيه ما رمت ع فراقها.. العيوز"قنـاة الجزيره":حرمتك..أمحق حرمه..حادره شبك الرجـاب الا تصور البعير..وجـان تربع وهو يربع وراها..وداست ع مسمار و ريلها يظهر منها الدم..وتبغي اتسوق بعد..مسودة الويه.. اشتاق لسوالفها..وحركاتها الغبياااا..ونظراتها و استهبالها..اشتاق انه يشوفها ميودة الكام وتصوره وين مـا كان..استرجع ذكريات لـ آخر مرة يوم راحوا البر..ويوم استوت امبينهم مواقف..كـانت ما تحمل غير الشوق و الحب..وبس.. سيف:ههههه..وينها اللحينه.. العيوز:ويهت للمطبخ..بتحط ملح مكان الدم.. سيف:اهـا.. خطفته العيوز وحدرت للصـاله..وهو ويه بعمره صوب المطبخ..هنـاك بتكون اللحظه الحـاسمه..مستعد..ايسوي اللي تطلبه..الموووهيييم انها تسامحه..وتقبل بإعتذاره..كـان متأكد من هـ الشي..لأن رويض قلبها طيب..ويا ما سامحت وسامحت..اللحينه هاه عرفت ان رويض قلبها طيب ..بعد ما اتهمتها وخليتها وحده واطيه..!؟ لقد تم الوصول الى المطبخ..وحدر..صد يمين يسار فوق تحت..اشوي وبينزل وبيطالع تحت الطـاوله..رويض..مالها آثـر..كل اللي شافه بس..بشكاره واقفه عند الطـاوله..و الكام مالت رويض ع الطـاوله.. سيف"يطالع البشكاره":وين رويض..؟ البشكاره:ما في معلوم.. صد سيف صوب الكام وشلها وظهر من المطبخ صوب ميلس الرياييل وهو حاس بخيبة أمل..ينيه مب آدميه هـ المخلوقه..توني شفتها سايره للمطبخ الحينه اختفت..!!!!!! [ فـ المطبخ ] ظهرت رويض من ورى الباب مال المطبخ..وهي تتنفس الصعداء>>لووول.. صدت صوب البشكاره وطالعتها بابتسامة امتنان وردتاه البشكاره لها..صدت صوب الطاوله بتاخذ الكام مالها..ما لقتها..سألت البشكاره..وقالت لها ان سيف سرقها..لوول.. ظهرت من المطبخ..لمحت سيف يدخل للميلس الرياييل وراحت للصاله..ومن هناك طيران لحيرتها فووووق.. × × × انا اللي عشت بالدنيا اصارع غابة الاحزان,,,,,,حزن هموم عذابي يبتسم فيهــــا تعبت بدنيتي هايم وصرت بدنيتي حـــيران,,,,,,تعبت وهذي الدنيا دايم الاقيهــــا زانا في داخلي نغمة وجدها داخلي فــنان,,,,,,وجدها نغمة حيه وتبغى من يغنيها سويحـــان.. صوب شويـــخ.. السـاعه 2 ونـص.. حطــت تيلفونها على طرف الطـاوله..وهي حزينه..وهي فرحــانه..حزينه..على اشياء وايد..وفرحـانه على شي واحد..حزينه..بعد الهزبه اللي وصلتها من سيف..اللي خلت قلبها يطلع من مكانه..اللي صار..ان بعد ما وصل سيف من رمـاح..ردت حرته كل ابوها فـ شويخ اللي كانت واقفه عند باب الصـاله..عطاها من الزين وخطف وخلاها..وفطامي أكيييد كاانت موجوده..وتطالعهم بصمت.. ما تدري ليش اتذكرت موقف يوم اكتشفها سيف ان هي مها ..شيخه هييمها ومها هي شيخه..ما تدري شاللي ربط بين موقف مر عليه الزمن..وموقف مستوي البارحه..فـي كلا الموقفين..هي تهزأت..وسيف كان الأقــوى..ولكــن..هـ الموقف أثر عليها أكثر..كل ما تذكره ماودها اتسوي شي واحد غير الصياح وبس..يمكن لأنها اتعرفت بأغلاطها فـ حق سيف..و فـ حق رويض..وفـ حق كل من عرفتـه شويخ..وعاشت معـاه.. توها اللحينه مرمسه امها تبشرها انهم اليوم فليل بيون البيت..وأكيد شويخ بتكون فـ استقبالهم..يعني ما بتصبر لين باجر..!؟!؟؟ بعد ما غيرت لبسها..إلى كندورة ومصلى..نزلت تحت..ما شافت الا خـالوتها يالسه اترمس تيلفون..مرت ربع ساعه..وشويخ يالسه بدون ولا كلمه..لين ما بندت خالوتها وصدت صوبها.. أم سيف:تسلم عليج رويض.. شويخ:الله يسلمها..وينها ما شفتها من اصبحت.. أم سيف:من أمس سايره بيت هلها.. شويخ:ليش..؟ أم سيف:أم محمد ميهوده..وهي ودها تيلس فـ رماح .. شويخ:أها.. صخت أم سيف..وشويخ بعد..الا فطامي طابه عليهن توها يايه من المدرسه.. فطامي:السلاااااااااااااااااااااااااااااااااااااااا اااااام علييييييييييييييييكم.. شويخ وأم سيف:وعليج السلام والرحمه.. فطامي:بسرعه بسرعه..الغدااااااااااااااااا.. أم سيف:زاهب زاهب..صلي وتعالي.. فطامي:اوكي اوكي..آآه بطني..يعورني من اليوووع.. أم سيف:انتي سيري اللحينه وبس.. فطامي:اوكيي.. |
انا اللي عشت بالدنيا اصارع غابة الاحزان,,,,,,حزن هموم عذابي يبتسم فيهــــا تعبت بدنيتي هايم وصرت بدنيتي حـــيران,,,,,,تعبت وهذي الدنيا دايم الاقيهــــا زانا في داخلي نغمة وجدها داخلي فــنان,,,,,,وجدها نغمة حيه وتبغى من يغنيها سويحـــان.. صوب شويـــخ.. السـاعه 2 ونـص.. حطــت تيلفونها على طرف الطـاوله..وهي حزينه..وهي فرحــانه..حزينه..على اشياء وايد..وفرحـانه على شي واحد..حزينه..بعد الهزبه اللي وصلتها من سيف..اللي خلت قلبها يطلع من مكانه..اللي صار..ان بعد ما وصل سيف من رمـاح..ردت حرته كل ابوها فـ شويخ اللي كانت واقفه عند باب الصـاله..عطاها من الزين وخطف وخلاها..وفطامي أكيييد كاانت موجوده..وتطالعهم بصمت.. ما تدري ليش اتذكرت موقف يوم اكتشفها سيف ان هي مها ..شيخه هييمها ومها هي شيخه..ما تدري شاللي ربط بين موقف مر عليه الزمن..وموقف مستوي البارحه..فـي كلا الموقفين..هي تهزأت..وسيف كان الأقــوى..ولكــن..هـ الموقف أثر عليها أكثر..كل ما تذكره ماودها اتسوي شي واحد غير الصياح وبس..يمكن لأنها اتعرفت بأغلاطها فـ حق سيف..و فـ حق رويض..وفـ حق كل من عرفتـه شويخ..وعاشت معـاه.. توها اللحينه مرمسه امها تبشرها انهم اليوم فليل بيون البيت..وأكيد شويخ بتكون فـ استقبالهم..يعني ما بتصبر لين باجر..!؟!؟؟ بعد ما غيرت لبسها..إلى كندورة ومصلى..نزلت تحت..ما شافت الا خـالوتها يالسه اترمس تيلفون..مرت ربع ساعه..وشويخ يالسه بدون ولا كلمه..لين ما بندت خالوتها وصدت صوبها.. أم سيف:تسلم عليج رويض.. شويخ:الله يسلمها..وينها ما شفتها من اصبحت.. أم سيف:من أمس سايره بيت هلها.. شويخ:ليش..؟ أم سيف:أم محمد ميهوده..وهي ودها تيلس فـ رماح .. شويخ:أها.. صخت أم سيف..وشويخ بعد..الا فطامي طابه عليهن توها يايه من المدرسه.. فطامي:السلاااااااااااااااااااااااااااااااااااااااا اااااام علييييييييييييييييكم.. شويخ وأم سيف:وعليج السلام والرحمه.. فطامي:بسرعه بسرعه..الغدااااااااااااااااا.. أم سيف:زاهب زاهب..صلي وتعالي.. فطامي:اوكي اوكي..آآه بطني..يعورني من اليوووع.. أم سيف:انتي سيري اللحينه وبس.. فطامي:اوكيي.. أنت يوم ٍ غبــت أذّاني .....عليك ! قلبي اللي صـار .. من حبك . أذااااي ! ياخي والله بـ ( ماي ) عيني مشتريك ذا .. إذا باقى بعـد ... بالعين .. ماااااي ! الرمـــاح.. حيرة رويض.. السـاعه5 العصر.. شجون"واقفه عند الباب":يوم ادقـلج من تحت..اشعنه مغلقه الموبايل.. رويض:مب متفيجه له.. شجون:غريبه..هيه صح..ريلج يزاقر عليه من اشويه يقول يبغي ايشوفج.. رويض"تصد صوبها":سيف..!؟ شجون:هههههههههههههه..عندج ريل غيره..!؟ رويض"تفرها بالعبايه اللي في يدها":عنلااات هالنصخ..لمي لمي ثمـج.. شجون:اوييه عصبت عبله.."تفر العبايه عليها"..فكييينا يلا لبسي عبايتج..ورانا مشاوير.. رويض:انزين انزين..وانتي ما عرفتي السوق الا من ييت هنيه.. شجون:أمبوني كنت اتريــااج.. رويض:منو بيسير ويـانا.. شجون:محد.. رويض:شو محد؟؟..نسير ويا الدريول ارواحنا.. شجون:اوووه..رويض بلا استهبال.. رويض"تتذكر سيف":ريلي ما يرضى.. شجون:رووويض.. رويض"عناد":اقولج يلا خطفي الدريول وينه.. شجون:يتريانا يحليله.. رويض:يحليله..؟!..حلول افـ بطنه وبطنج..خطفي جدامي.. شجون:يماااا..بلاج شابه ضو.. رويض:هههههههههههههههههاااي..ماااشي.. نزلـن تحت..صوب الصـاله.. رويض:وين العرب بسم الله الرحمن الرحيم توني شايفتنهم.. شجون:ساروا بيت عمي.. رويض:مشالله مشالله..متنقلين.. شجون:ايه تيلفونج نسيتيه.. رويض:ادري..يلا خطفي.. شجون"مستغربه":اوكي.. ركبن السيـاره..وقالت له شجون يخطفـون على هل سويحـان فطامي كـ العاده بتسير وياهم..فـ السياره.. فطامي:صديق سلم على رفيق قله ترى حالتي تيكا.. شجون:تيكا.. فطامي:اقول..بلاه هاه دريولكم جيه صاخ وما يرمس.. رويض:ههههههههههههههه.. شجون:أكيد دريولكم ما يسكت دقيقه.. فطامي:دريولنا..خليه ع صوب مسود الويه.. شجون:ليش شو مسويبج..!؟ فطامي:عنلاته مستوي ولي أمري..خخخخخخخ..كل ما سرت المدرسه قالوا ويا منو يايه ويا الدريول..ودوومي ع الدريول.. رويض:هاهاها..دواج..دومج سايره المدرسه ع الساعه 9 ونـص.. فطامي:مافيني ع الطابور وسوالف الطابور.. شجون:بالعكس..الطابور احلى شي..كله طماشه وضحك..وخصوص المخالفـات.. فطامي:امحححق..انا يقطعوووني.. رويض:بالله عليكن..انتن شو مظهرنكن وباجر مدارس هاه..!؟ فطـامي:واايه فقدت المدرسه واللي داخلها..اشعنه طريتيها لي..افف..لعنتي خير مودي اللحينه.. رويض:هيه هـ المطلوب.. فطامي:شوووو..!؟ شجون:انا ما عليه امتحان ولزوم اسير السووووق.. فطامي:ليييييييش..!؟ شجون:يوم اليمعه بنلتم كلنا بيت ربيعتي عنودي.. رويض:ربيعتج يوم كنتي فـ المدرسه الأوليـه.. شجون:هيه..فطامي تعالي ويايه.. فطامي:امبوني بسير وياج..ابغي اشوفهـا.. شجون:شااطره شاااطره..استحي اروح بروحي لأنها بتعزم بنات عمها وبنات ييرانهم وبنات ما اعرفهم.. فطامي:اوكي اوكي..بروح وياج بس تعطيني عمولتي.. شجون:أي عمووووله.. رويض:هاللي اسمها فطامي ما تمشي الا بالعموله.. فطامي:هااااااااهاههاهاااي.. شجون:يستوي خير.. من وصلوا المول..اتجهن صوب محل كـان كـان..عسبة شجون وفطـامي يتشرن لبس عسبة الحفله اللي بتكون باجر في بيت ربيعة شجون.."عنود"..كـان يتنقن اللبس..وخلاف يسألن رويض..جانه عيبها ..ولا لا..لأنهن أوريدي ما يتستغنن عن ذوق رويض الرااقـي..تقريباً خلصن كل شي..الا فطـامي بعد تبغيلها نعول..من ألــدو..وصلوا لألـدو..ويلست فطامي اتنقي..وشجون بعد خذتلها نعول.. فطامي:لقد انتهينا والحمدالله..يلا ما بقى شي غير الأكل.. شجون:اووه..انا مب يوعانه..وفوق زحمـه..خلونا نخطف على بيتزاهت وخلاص.. فطامي:لالالالا..انا احب اسير فوق..احسه طماشه.. رويض"جيه بنتأخر..السـاعه اللحينه 10 ونص.. فطامي:هدووء هدووء..سيافي يتصل بك.."وترد عليه"..الوووو..اهلين..شووو..!.انا قلت لأمايه انيه بسير ويا رويض..هيه رويض ويانا..اوكي..انته وين..تتريانا..اوكي اللحينه ظاهرات..بي باي"تبند وتطالع في رويض"..وانتي وين عاقه الفون مالج..اتشوفين هاه اللي اسمه سيف مأذيني.. رويض:ما يبته ويايه.. فطامي:يلا..لا اكل ولا هم يحزنون..سيف يتريانا تحت.. شجون:زين زين..يلا خطفنا.. خطفن و ظهرن خاري المول..ورويض..اتحس بشعور غير طبيعي يحتل كيانها..اللحينه بتجاابل سيف فيس تو فيس..شو اللي بيستوي..شو اللي بيصير..!؟؟! شافت رنج سيف جدام اعيونها بالضبط..حست..حست بأن ذكرياتها تنرد لزمـان أول..أيــام..هي و سيف ما تجمع بينهم علاقه سوى السلام وبس..الموقف..اللي هي لاقت سهيل فـ المول..وكانت مستانسه..وبالمره كانت ضاعت عليهم..يوم حدرت السياره..هزبها سيف وهي ظهرت من السياره ولاقت سهيل اللي ردها لـ سويحان.. هـ الموقف..مر بسرعه..ولكن بالتفاصيل في مخيلتها..لاحظت ان شجون وفطامي ركبن ورى..يعني انتي ارتزي جدام..وبـ الفعل..فتحت الباب..لاحظت أن [عيون سيف] كـانت تطالعها..بس هي وخت بعيونها تحت وما عطته نص نظره..وحرك سيف السياره.. فطامي:سيييييييييييييييييييييييف.. سيف:نعععععععععم.. فطامي:اخطف على أي مكان ابغي اكل.. سيف:ما بخطف.. فطامي:ليش..!؟ سيف:مستعيل الرياييل يتريوني ع العشا وانا ياي للعين عشـان سواد عيونكن.. صدت رويض صوب سيف..كانت نظرة سريعه..ارتبش منها سيف..ورد يطالعها مرة ثـانيه..يتحراها بتطالع فيه أقيين..ولكن هي صدت صوب الدريشه وما رمست ولا بنص كلمه..و شجون وفطامي يصارخن على راس سيف..الا يخطفهن على بيتزاهت..وهو مب راضي عسبة ما يتأخر ع الرياييل..كان يرد عليهن بردود تضحك..ويتطنز..كان يحاول يجذب انتباه رويض..بس هي كانت مسويه له أكبر طاف.. من وصلوا لـ بيت قوم رويض..ظهرن شجون وفطامي وهن ميوادت اغراضهن..ولكن رويض كل ما حاولت تفج بابها..كانت ما تروم.. سيف:ما بتظهرين.. رويض:................................ سيف:ليش معصبه..ريلاكس.. لا والله..ريلاكس هاه..كانت رويض بترد عليه..وهـ اللي يبغيه سيف..ولكن لا ثمن لا ثمن لا..رويض بتحرم سيف حتى من سماع صوتها..فـ التزمت بالصمت.. سيف:ردي عليه..ليش مستحقرتني.. رويض:....................................... سيف:لين متى بتمين لامه ثمج..رمسي..حلفتج بالله ترمسين..يعلم الله انيه اشتقت لج مووت.. رويض:................................. سيف:انزين..طالعي فيني..انا اترجاااااج وانتي موول مب معطتني أي اهميه.. ردت رويض راسها لورى وسندته..يعني افهمها يا سيف شكلك مطول وانا ورايه شغل..اللحينه..تأكدت مليوون بالميه..ان سيف عرف الحقيقه..ويبغي يعتذر..وما لقى طاري الشوق لها بس هو العذر.. سيف:رويض..رويض.. رويض:............................................. سيف:ما بترمسين.. رويض:......................................... سيف:قولي شي..أي شي..أي شي..رويض..انا عرفت السالفه..واسمحيلي لأني طول هـ الفتره ظـالمنج.. توقع من قال لها هـ الرمسه انها بتصد صوبه..ولكـن..هالشي ما صار..رويض..حست بالدموع تتجمع وسط عيونها..اللي تتمناه صار..والله ما ينسى عباده..كانت تتريا اللحظه اللي بيعرف سيف منو هي رويض ..رويض بنت ابوها اللي عن درب المدانيس محشومه..يعرف ان الإنسـانه اللي سلمها قلبه و روحه..ما بتحون وتلعب بالأمـانه..يعرف..ان رويض..اذا حبت..تحب بكل حالاتها..من هـ الأفكـار..حست ان عيونها تحرقها..ولازم تصييييح..لازم لازم لازم.. سيف..لاحظ التغير للملامح اللي صار في ويهها..عرف انها مستانسه..ومع هذا تخبل يوم شافها اتصيح بصمت..كل اللي يستوي..دموع تنزل من عيونها وبس.. سيف:لاااااااااااا..لا تصيحين..كله ولا دموووعج لالالا.. رويض:...................................... سيف:رويض..خلينا نرد شرات قبل..اطلبح يالغاليه..انا..مالي حياة بدونج..طول الفتره اللي كنا فيها متباعدين وانا مب فـ حاله..كنت اشتاق واكره واحب واحقر وكل شي عكس بعض.. انهز قلب رويض..يعني سيف كان يعـاني مثل ما كانت تعـاني..يعني سيف كما كان يعرف شو يسوي ..كـان محتار و ما يعرف وين الصح ووين الغلط.. سيف:وانتي يعني ما بتسـامحيني..اذا انا غلطت عليج..فـ أنا كنت بالفعل غلطان و ما اعرف شو اسوي بـ حياتي.. صخت رويض..وما كانت تعرف شو تسوي..هل ترد عليه..هل تكمـل صمتها..دق تيلفون سيف..كـان محمد يزقره للعشـا..ورد عليه سيف انه ياي فـ هاللحظه.. سيف:بعد العشا ابغي اشوفج.. رويض:............................. سيف:ماروم اتحمل هـ الوضــع.. رويض..كانت تفكر..ما رام يتحمل هـ الوضع..وانا شو كانت حالتيه بالوضع اللي عشته فـ الفتره الأخير..!؟ فج سيف الباب..وخلى رويض تظهر..من ظهرت ظهر وراها..ويلس يطالعها..بس هي طنشته وكملت دربها صوب باب الصاله..! (الحــب) كلمــة تجمـــع قلــوب ودروب..محتــــــــاجهــا قلبــي وقـــلبك يبيهــــا غنيتهـــا لعيونــك الســــود بأسلــــــوب..لو هي على أبيـــــات الغـزل ما انتهينا غنيتهــا دبكـه وعرضـه ومسحــــــــوب..غنـي مــــــــعـي وان جــاز لك موليهـا تدرين انا شفتك نصيب ومكتــــــــــــوب..فرحـــــــــة عمـر تستأذنك تفرحيهـــــا اليــوم الثــاني.. السـاعه 5 العصر.. بيت بو سهيــل.. سعيد:بس بس .. عبدالله:والله ما يخصني..انا اريد قطاوه واريد العصافير.. عنودي:لا لا..عصافيري لا.. سعيد:يود قطوتك وانته ساكت.. عبدالله:والله اسرق عصافيرها..اللحينه قطوتي شو بتاكل.. سعيد:يبتلها اكل..لم ثمك.. عبدالله:انزين.. ويعطي عنود نظره..وعنودي تيود كندورة عمها سعيد بخوف..فج سعيد باب الصاله..و حدروا..جان يشوفون امهم العوده..موجوده عندهم..لأنها من بعد الغدا ما ردت بيت ولدها راشد..وموزاني اللي كـانت قاعده ويا يدوتها.. سعيد:السلام عليكم.. العيوز وموزه:وعليكم السلام والرحمـه.. عنودي:يدووووووووووووووووووووووووه..شوفي عمي سعيد شو شرالي..!؟ العيوز:مسودة الويه..ِليتي اذوووني..يعلني بلاج.. موزه:امايه الله يهداج البنيه فرحانه باللي عندها..تعالي تعالي عنودي بشوف شو عندج..!؟ عنودي:عصـ..عصـافير.. موزه:ووواوو..غاويات..احلى وحده هاي..روعه شكلها..ذوقج ولا ذوق سعيد.. سعيد:ذوقي ذوقي..<<صيوطااخ.. عبدالله:جذاب..ذوق هالصخله اللي عندج.. موزاني"تلوي ع عنوده":حرام عليكم..لا تسبون الشيخه عنودي.. سعيد"يضرب عبدالله ع راسه ضربه خفيفه":مسود الويه لا تسب البنيه ولا تجذبني..فاهم..!؟ عبدالله:انا ما جذبتك..وما سبيتها..امبونها البنيه صخله..شسويبها انا..!؟ العيوز:وانته عبدالله شو هاللي فـ يدك.. عبدالله:عمي سعيد شرالي قطوه..طالعي امايه هاي مب حيالله قطوه..قطوه امريكيه..طالعي طالعي كيف عيونها..بربيها ما بستغني عنها..مستحيل اتركها.. العيوز"تفره بفنيال قهوه":مسود الويه..وبعد ما بتتركها..هاه بدل ما ترابع ويا ابوك ويدك صوب الرجاب تشوف حوالهن يالس اتربي فـ القطاوه.. سهيل"يظهر من قسمه":هاه هاه..شو السالفه..منو على عيوزي..!؟ العيوز:تعال شوف اخوك سعيد شو مسوي بـ عبدالله"تطالع فـ سعيد"..بتخبرك انته تبغي عبدالله يظهر شراتك.. سعيد:ههههههههههههههههههه..خليه ينسى سوالف الرجاب..هله وشوابه ما بيقصرون.. موزه:القطاوه احسن عن الرجـاب..القطاوه شكلهن كيوت.. خخخخخخخخخخخخخخخخخخخخخخ..تزيد الطين بله.. العيوز:سهيل..شلني وياك..بيننون بي سعيد وحرمته و عيال محمد.. سهيل"عرق النذاله":كللللللله من سعيد..هو اللي مخرب عبدالله وعنودي.. سعيد:شووو..!؟ سهيل:سعيد محد يعرفه كثري.. سعيد:لا تعق صوبنا.. سهيل:رح وطي يلا..تتحرى العيوز ما تعرف بسوالفك.. الكل:ههههههههههههههههههههه.. سهيل:هاه ام راشد..ويانا صوب العزب.. العيوز:هيه هيه..بظهر من هـ الينانوه اللي هنيه.. موزة:له..له..له..جرحتي شعورنا.. العيوز:يعله زووود.. سهيل:عبدالله.. عبدالله:اييك العون.. سهيل:ابوك ظهر للعزب.. عبدالله:مادري..ما شفتهم.. سهيل:عنلاتك..ما عندك مونه..يلا العيوز..ورانا درب.. العيوز:عيز حيلك مسود الويه.. عبدالله:ههههههههههههه.. سعيد:دواك..يلس الياهل يتمصخر عليك.. عبدالله:انا مب ياهل..شفتني عنودي الصخله.. عنودي:يااااااااااااااااااالس يسبني يقولي..يقولي..يقولي..الصخلااااااااااااااااااا.. شغلت ونانها..فـ اللحظه اللي نشت العيوز بمساعدة سهيل..وويهوا صوب العزب.. نعم من غــابت عيونك وانا اصفق على الكفين.. واتوه بــخطوتي ضايع ولا ادري وين عنواني,, حبيبي شـــــــــفت هالدنيا حلاها لاجتمع قلبين.. تخلــــــي قلوبنا اجمل من اللي عاش وحداني,, أبــوظبي.. الســاعه 6 الا ربــع.. بيت بو سلطــان.. شويخ:هاه ميثــووه وينج..!؟ ميثا:اللحينه اللحينه يايه.. شويخ:اوكي عيل..اترياج انا.. ميثا:يلا جرب بوصل.. شويخ:اوكي باي.. ميثا:باي.. بندت شويخ عن ميثا ربيعتها ..و حطت الفون ع التواليت..ما تلاحظن غريبه ما فرته ع الشبريه..لووول..لبسـت لها لبس كشخـه..وحطت مكيب..طلعت طرر..عشان ربيعتهـا..لوول..ونزلت تحت..شـافت أمها يالسه ع الأرض..وكـانت تشرب قهوه.. شيخه:السلاااااام عليييييج ماماتي.. ام سلطان:وعليج السلام.. شيخه:شحالج..!؟ أم سلطان:يسرج حاليه.. يلست شيخه عدال امها وصبتلها جاي وكانت تطالع التلفزيون بالصمت..فـ الوقت اللي أم سلطان تطالع شيخه وتشوف ملامحها.. أم سلطان:شويخ..شو هـ الشرخ اللي ع خدج..!؟ شيخه"تحط يدها عليه بارتباك":هاه..؟هذا..طولي بعمرج هذا من طيحتيه ع الدري.. أم سلطان:هيه..انزين سمعي يا بنتيه ترى ريلج اليوم ياي صوب سلطان الصبح ورمسه ويقوله انه بيطلقج.. شويخ:............................................. .. أم سلطان:يا بنتيه شو اللي مستوي بينكم..انتي شو سويتي به وهو شو سوابج..!؟ما مداكم تكملون شهر من عرسكم الا وتتطلقون.. شويخ:يمايه..خلوه ع راحته..الريال اللي ما يبغيني ما بعق عمريه عليه.. أم سلطان:شو اللي صار..؟وخلاج تردين لبيت خالوتج نورة.؟! شويخ:ما صار شي..بس انا وياه ما تفاهمنا..ما أقدر اعيش وياه.. أم سلطان:الريال ما يعيبه شي يا بنتيه..وهزاع..كلن يشهد له بطيبة اخلاقه.. شويخ:ادري ادري..بس خلاص يمايه..دام انه طالب الطلاق..لبوا طلبه..لا اتمون اتزنون على راسه..خلوه ع راحته.. أم سلطان:يا شويخ..بتتطلقين للمرة الثانيه..الناس شو بيقولون عنا.. شويخ:ما عليج من رمسة الناس..لا اتودي ولا اتييب.. أم سلطان:الله يهديج يا بنتيه الله يهديج.. شويخ:ان شفتي سلطان قوليله الرمسه اللي قلتها لج.."تطالع الفون مالها"..هـأي ميثوه اتدق..اكيد واقفه بسيارتها خاري البيت.. أم سلطان:هيه هيه يا مرحبابها والله..نشي قربي بها صوبي.. شويخ:افا عليج ما طلبتي..لا يكون الدريول موجود هنيه.. أم سلطان:لا انا طرشته لـ بقعه اييب لي حايه.. شويخ:هيه زين عيل.. شلت فونها وظهرت خاري صوب الحوي..شافت ميثوه واقفه عند باب البيت العود.. شيخوه:يا مرحبا ملاييين..قربوا قربوا.. ميثاني:المرحب باجي.. تجدمت ميثا ويا أمها..صوب شويخ..سلمت عليهن و رحبتبهن صوب أمها.. × × × مابقـى في عيــــوني الا دمعتين..لو يــــــــجفن كيف انا ببكـي عليك الفـراق اللي ذبحـــنـا من سنين..مايبي يرحـــــــــل او يرسلني اليك والعمر يمضي وعـذبني الحنين..ساكــن بعينـي ومــــــــا اقدر اجيك اسمع الآهات في قـلبي الحزين..واسمع جروح الزمن تســـأل عليك !!؟ رمــاح.. بيت بومحمد.. دري المطبخ.. يودت رويض عنود من أذونها.. رويض:من وين لج هالحلويات كلها..!؟ عنودي:..............لا.........لا.... رويض:رمسي عدل لا ادفنج هنيه.. شجون"يايه تربع":والله يا ويلج منيه يا رويض..شو بلاج ع البنيه.. رويض:تسرق تسرق تسرق.. شجون:لا مب سارقتنه..هاه انا يبته حقها.. رويض:هيه .."و تدز عنود عن ويهها"..سيري يلا.. عنودي:والله انتي يعا.. رويض:هيه انا يعا مب حلوة نذله حقيره انتي شويخصج فيني.. عنودي:دوباااا.. رويض:هههههههههههههههههههههههه.. اشوي الا سعيد طاب عليهم.. سعيد:عنووووووووووووووووووووود.. صدت عنود صوبه.. سعيد:والله ان ما ييتي تاخذين هـ العصافير من ويهي بفرهن فـ السما ولا بزقر عبدالله بقطوته عسب تاكلنهن.. رويض:اووب اووب والله عندهم عصافير وشغلات حلوة.. نشت من مكانها وسارت صوب سعيد وخذت العصافير من عنده ويلست تلعب بهن وعنود كـ العاده معصبه عليها لين ما يت شجون وخذت عنود بعصافيرها صوب بيت عمهم بوخليفه عسب يسلمون على سلاموه..لوول..محد شافها.. يلست رويض اروحها..تطالعهم وهم سايريين عنها..ماتدري ليش يأ تيلفونها في بالها..نشت من مكانها وردت عند دري المطبخ ويلست اتشوف الفون وتشيك ع اللي واصلنها..مسجاااااااااات واااااااااااااايد..بس كـ العاده ما تكرمت وفجت واحد منهم وقرته..فزت من سمعت صوت التيلفون يدق..طالعت الرقم..رقم عموتها..يعني فطامي.. فطامي:الوووووووووووووووووووووووووووووووووووووووووو وووو.. رويض:بسم الله الرحمن الرحيم..الو.. فطامي:بسم الله من ويهج..شحالج حرمة اخويه..؟ رويض:يسرج حالي من صوبج..؟ فطامي:حالي من حال اخويه واعليه عليه فديت ويهه.. رويض:....................................>>كان ودها تضحك بس يودت عمرها اسلوب فطامي طرر.. فطامي:اشعنه مسويه له بلوك..ناقص تسوين ديليت.. رويض:أخوج يستاهل الديليت.. فطامي:وه وه وه ..ايه ده الكلام يا بنتي..!؟ رويض:هيه صح كلامي..بعد كل اللي صار ياي يعتذر عنه..شو بيفيدني الإعتذار.. فطامي:أدري انه جرح مشاعرج واهااانج باللي سواه..بس يا رويض..بيتم سيف اللي تعزينه وتغلينه..معقوله بتخلينه وهو عرف غلطته.. رويض:.........ما أقدر ارمسه..احس في شي يمنعني.. فطامي:.....انزين لين متى..!؟ رويض:ما اعرف..لا تسأليني هـ السؤال..سيف ما عرف قدري و انا عنده..يمكن اللحينه بيعرفه وانا بعيد عنه..ياكم قلتله وفهمته وطلبت منه يسمعني..ع الأقل يسمعني ..يعطيني فرصه أدافع عن عمري بدل ما يهيني ويخليني وحده موطيه راس هلها فـ التراب..مع هذا..كان حد ما يتكرم وينزل مستواه ويطالع فيني.. فطامي:يا رويض سيف بأشد حالاتها..في ذمتيه لا العيشه يجرب صوبها ولا الرمسه اييبها..حياته صارت × بدونج.. رويض:وانا شو كانت حياتي بدونه..كنت اعاني وكل ليله كنت اتمنى انه يرد ويفهم اللي صار ولا يخليني اعيش أيام سودا..وكله ايلس افكر فيه..فطامي..انتي مب فاهتمني..سيف ما اهاني وبس..سيف عذبني عذبني عذاب فظيييع ما قويت عليه بصراحه..وانا شو ذنبي..لأني عزيته واغليته وحبيته.. فطامي:................................... رويض:وانتي اكثر انسانه تعرفين شو سيف يعني لي..اتخيلي..فـ اليوم اللي كنت بصرحله عن مشاعري واحاسيسي فاجأني باللي قاله..حطمي وحطمي هالمشاعر والأحاسيس..طول هـ الفتره ما أثرت فيه..سيف من عرفته وهو عديم احساس و قلبه صخر.. × فــ هاللحظـــه × ليـتك تشـوف شجرالـي الحـال صارت نحيـله دمعـي على الخـد سالي ومـالي على الصـبر حيـله انصدم سيف من الرمسه اللي يسمعها..اهتز كيـانه..حس بالقهر يلعب بقلبه ويعذبه..فـ اليوم اللي كانت رويض ناويه تصرح باللي في خاطرها..يروح سيف ويجرحها.. فـ اليوم..اللي كـان بيجتمع قلبين بأسم كل شي وباسم الحب..سيف انهى هالقلبين بكل سهوله.. فـ اليوم اللي كانت رويض ناويه تعيش باجي ايام حياتها بعد اللي صارلها ويا سيف بكل وفاء واخلاص..سيف حطم أحلامها وكل امانيها.. انقهـر سيف من اللي يستويله..رد للواقع..وين ما يسمع صوت رويض وصوت فطامي.. فطامي:اوكي رويض انا بخليج اللحينه.. رويض:اوكي عيل يلا باي وسلمي على عموتي .. فطامي:وسيف ما اسلم عليه.. رويض:مع السلامه.. فطامي:ههههههههههههههه...فمـان الله.. بندت فطـامي..وصدت صوب أخوها وهي رافعه وحده من حياتها.. فطامي:هاه شرايك السيف بن المر..؟عايبنك الوضع اللحينه.. سيف:........................ فطامي:أرمس انته شو فيك جيه سـاكت.. سيف:مب ساكت.. فطامي:خخخخخخخخخ..شو بتسوي اللحينه.. سيف:بدقلها بتفاهم وياها..ماروم ابتعد عنها وهي ماخذه في خاطرها علي.. فطامي:اللحينه هاه..؟والله لو انا بدل رويض..لا اسوي فيك شي..وقسم.. سيف:انا محتار..مب طايعه ترمسني تصد صوبي حتى اتسلم علي.. فطامي:ادواك..انته جيه كنت تسويبها.. سيف:انا كان وضعي غير وهي وضعها غير.. فطامي:انته كنت تعذبها وهي اللحينه تعذبك..خلها تأدبك اشويه..ترى اللي ياها منك مب بالشي العـادي.. سيف:ولين متى يعني..يومين وانا عايف هالدنيا ومن فيها..خلاص..احس احس..بشي ع قلبي..شي ثجيل..أحس صوتي شي خانقنه..احس انيه مهموم فطامي:وهي يوم كـانت تعاني منك..انته شو كنت تسوي لها..ما تعرف شي غير انك تصدها وتجفيها وما تهتم له..عكسها هي اللي كانت تداريك وتحاتيك.. سيف:عطيني حل..لا تيلسين تلوميني.. فطامي:انته اصلن للحينه ما حسيت بعمرك غلطان..تتحرى السالفه عااديه ..والوضع عادي..بصراحه..زين اللي تسويه رويض فيك.. سيف:انتي بتزيدينها.. فطامي:هيه دواك.. سيف:ونعم الأخت والله.."يفرها بالمخده "..سيري عن ويهي يلا.. فطاامي"تنش من مكانها":اوكي عادي بسير..مسكيييييييييييييييين حالته حاله.. سارت عنه..لمدة خمس دقايق خلته يفكر باللي يستويله..وردت عنده مرة ثـانيه.. فطامي:انا اشتقت لمايه.. سيف:وشو اسويلج يعني.. فطامي:ودني صوبها..حرام عليك.. سيف:انا المسكييييييييين اللي حالتيه حاله..شو تبغيني بي.. فطامي:لا..لا..لا تقول هـ الرمسه..انته اخوي الوحيد وسندي وظهري وعزوتي في هذه الحياة القبيحه.. سيف:اتقردنيني هاه..ما بوديج.. فطامي:حراااام.. سيف:حرام فـ الدرام.. ينش من مكانها.. سيف:انا برووح بدور بقعه افكر فيها زين مب مجابلة فيسج.. فطامي:لا..اتم اروحي فـ البيت..لا لا لا.. سيف:ما يخصني فيج..سيري رقدي يلا كلي طالعي التلفزيون يلسي ع النت ما يخصني فيج.. فطامي:لا لا لا.. سيف:لا في عينج.. مشى سيف وفطامي تلصقت فيه.. فطامي:والله ما تسييييييييير. سيف:ماااااا يصخني فيج.. فطامي:انزين ودني عند رويض.. سيف"بهمس":رويض.!؟ فطامي"ترقص حياتها":هيه رويض..؟ سيف:اوكيي يلا.. فطامي:يلا..بزهب عمريه واغراضي بس ربع ساعه.. سيف:يلا بسرعه.. خل القصايد تغتنم مــــــــن محاسنك ..موت القصيده بين رمشك وعينك.. كم صمت عن شعري فطرته بمفاتنك..ألقى النوادر بين شعــــري وبينك.. رمــاح.. الســاعه 8 ونــص.. بيت بوخليفــه.. حمد:خلوووف..من اللحينه اقولك..حرمتك ان ما يودت لسـانها والله لا يستوي لها شي مب طبيعي.. خليفه:لا والله ..؟انتوا اصلاً غيرانين ما ترومين تظهرون.. عنودي:عمممممممممممممممممممموووه شمس..عندها كورة.. شمووس:ويديه..أي كورة..!؟ عنودي حطت يدها على بطن شمس.. حمد:عنلات صداج يالياهل..انتي كلج على بعض كوره..هاذا ياهل فاهمه.. عنودي:ياهل..؟ خلوف:الله يعينكم اللحينه بتبدا بالأنسئله..يلا سلامي سرينـا.. شموس:وين وين العزم يالشيوخ.. خلوف:بنسير صوب هل بوظبي..بنسلم عليهم.. حمد:هاه بتباتون هنـاك.. خلوف:لا..بنظوي فليل..يلا تامرون بشي..!؟ حمد:سلامتك.. نشت سلامي وظهرت ويا ريلها صوب بوظبي..فـ اللحظه اللي طبن فطامي و رويض وشجون اللي يايه بلابها..ككككك..بعد السلام و اليلسه والسوالف.. حمد:الا بتخبرج يا بنت المر..؟ فطامي:عووونك. حمد:عانج الرحمن..وينه اخوج..؟ فطامي"تصد صوب رويض":اخويه..اخويه ويه صوب العين ايقول بيسير ويا سهيل مادري وين.. حمد:امبونه ما يقر فـ بقعه..امسـات ظهرت وراه من ميلس الرياييل قلته بلاقفه اللحينه..وين الريال حرك سيارته.. شجون:لا تلومونه ويا رنج.. الكل:هههههههههههههههههههههههههههههه.. شموس:الا بتخبركم..العرب وينهم.. شجون:الكل ملتم صوب قوم عميه محمد.. شموس:اها.. حمد"يطالع شجون":وانتي شعندج ميوده اللاب وين ما تسيرين.. الكل صد صوبها. شجون:بقولكم..بس اللي يضحك يا ويله.. الكل:خخخخخخخخخخخخخخحخخخخخ.. شجون:وبعدني للحينه ما قلت..ويالسين تضحكون.. حمد:قولي قولي..محد بيضحك..يلا هدووء.. شجون:انزين..يالسه..يالسه اتعلم اللغه الهنديه.. صدت صوبهم .. تطالعهم..استغربت شافت الكل ساكت..فجأه..تشوفهم كلهم يضحكون وميتين من الضحك..بدت يلسة السوالف..لين ما نشت رويض منحرجه من تيلفونها .. ردت لـ بيتهم وكانت تمشي بسرعه..بخوف..من اللي يستوي..سيف قالب الدنيا عليها..وكل مسج يطلب انها يرمسها..يدق..يطرش مسج..يدق..يطرش مسج..وهي مسويه له أكبر طاف.. " رحـيلك وشـ تـرك فينـي ؟! // سوى // × التابـوت × و × الجثمـان × و عـرفت " المـوت " لهـ اسميـن وكـان الثانـي ×× غيابـك ××" قررت اترد عليه..هـ المرة ما ودها اتصده..تبغي تجرحه بالكلام وتعذبه..تبغيه ايحس باللي هي حست به..يوم كـان يجفيها وكـان ما يعيطها ويه.. " انآ احيـآنا عليـكـ ـ : اغلـط : ويقصـر معـآكـ ـ تعبيـري ! ولكن ...بعد الذي شفتـهـ !وبعد مآصرنآ | نتحـآرب | .. تحسب اني ابـي ( حبـكـ ـ ) ؟او بتنـآل تقديـري ! حسآفـهـ .....قـدركـ ـ العـآلي بدآ لـ ’ الأرض يتقــارب" فرت التيلفون على اقرب طاوله شافتها عيونها..و هي تطالع فيه..تتريا..سيف..شو بيطرش..شو بيقول..شو بيبرر اللي سواه في حقها.. "ردي عليه..دخيل الله ثمن دخيلج.." دخيلج..يا ما هـ الكلمه كانت تهز مشاعرها..وتهز مشاعره..واللحينه..كل اللي يصير..هي مجرد ذكريات تمشي على هـامش الزمن الجريح..ذكريات على قد ما تحزن بها رويض..على قد ما اشتاقت لها..وطرشتله :- "ابعد بطيفكــ عيونيـ ماتبيـ شوفكــ تراااكــ جرحـ الخفوقــ ابجد لامستهــ لو كانـ بعضـ الخيانهـ ساكنـ ابجوفكـ عذرتـ قلبي وعاطفتهـ ووسوستهـ صحيحـ انااا كنتـ أحبك و أعشق اطيوفكـ وأن جيتـ قلبيـ بغربة همـ ونستهـ " توقعت..مليون بالميه ان سيف بيدق عليها اللحينه..وهاللي صار..بعد قرايته للمسج دق عليها..حرق التيلفون..و كانت ما ترد ما ترد ما ترد ما ترد..هي من صوب تعـاني..وهو من صوب يعــاني.. من شافت ان سيف مب راضي يفج عنها..اغلقت الفون..وفرته فـ السده..و نزلت تحت.كـان ودها تسير صوب الأهل وين ما هم ملتمين ..بس ماكان لها خاطر..الضيجه حاله تـامه ع قلبها وين ما تسير..باب البيت العود مال الشارع كان مفتوح..وشافت شجون وفطامي وهن خاطفات سايرات لبيت عمها بو سهيل..كانت بتزاقر عليها يترينها بتسير وياهن..بس بعد غيرت رايها..ويلست ع الدري مال باب الصاله..وتطالع جدامها وتسكت..تفكر..تفكر..تفكر..شو تسوي..وهل اللي يالسه هي تسويه فـ هاللحظه صحيح ولا لا.. حست ان شي بداخلها يرمسها..يقولها لين متى بتمين تنجرحين وتنهانين..بعد اللي سواه سيف فيج ..بعد ما اهانج..واتهمتج بسوايا مب انتي راعيتها..اتهمج بأشياء تمس كرامتج وكرامة هلج وتخلي راسهم واطي مواطي جدام العرب..اتردين له..الإنسـان اللي كره لج حياتج وخلاج اتعانين..ترابعين وراه وهو ما حفلج..بتردين له..!؟؟الإنسـان اللي خلاج اتشوفين الويل..ونجوم الليل عز الظهر..بتردله ..ليش..؟!هل الحب هو عذر كـافي..ان رويض تنسى اللي صار وتمسحه من دفتر حياتها..!؟ كيف تمسحه اللي صار وتمسح سيف من دفتر حياتها..وسيف ويااها..فـ كل لحظه..فـ كل دقيقه.. × من صووب × عجايب كيف ما توله عجايب..وانا اللي في غرامك صرت ذايب علامك تاخــــــذك دنياك عني..بعد ما كنت انا وانتــــــــه حبايب.. فج باب الموتر وظهر..طالع يمينه ويسـاره..استغرب ان كل السيايير موقفه جدام بيت خااله بوسهيل..ما عطى هـ الشي أي اهتمام..كل همه كـان رويض..وبس..يبغي ايشوفها..و عشـان يتفاهم وياها..الوضع اللي هم فيه..لا هي مرتاحه فيه..ولا هو..وهو يدري بهـ الشي.. حدر الحوي..شـاف رويض يالسه ع الدري..كـان يمشي صوبها..بكل هدوء..يرقب ان عيونه تلتقي بعيـونها..لكـن..رويض كانت تطالع تحت..وشكلها..كـانت غاااااارقـه فـ التفكير..تجرب صوبها..ويلس عدالها..تأمل ملامح ويهها..حس انه اشتاق لها واشتاق واشتااق.. كانت يترياها تطالع فيه..طول..وهي طولت..لين ما تكرم و زقرها.. سيف:رويض.. فزت من مكانها بخوف..تحس كأنه دقات قلبها تنسمع..خـافت..لأنها طلعت من دوامة افكارها اللي تييب لـ راسها الصداع..يوم طالعت على يمينها..شافت سيف..انصدمت.. كـانت بتنش..بس هو يود يدها بقوووو.. سيف:ورفجة الغالي تيلسين ببقعتج..فـ خاطريه رمسه وابغي اقولها.. صخ سيف..يعطيها مجال ترمس..توقع مليون بالميـه انها بتحرمه مـن سمـاع صوتها..انها بتخلي الصمت كـ العاده سيد الموقف..ولكــن..!! رويض:زيين ييت..لأن بعد انا فـ خاطريه رمسه وابغي اظهرها.. ابتسم سيف..حس ان الفرحه شلت قلبه شل..استبشر بـ خير.. سيف:اوكي..انتي ابدي.. رويض:..انته أول.. سيف:أول شي شحـالج..؟! كـيــف حـالــي ! وربي / بـ الحـزن ممتحني كـيـــف حـالـــي؟ وعمري / انجرحت وماحكيت !! بسـمتي ارتسمها رغم حـزني وكني دايم الحـال طيب / أبد ماقد شـكيت .. صخت رويض..وما ردت عليه..وبعد مرور ثـواني.. رويض:شو اللي فـ خاطرك.. سيف:..بكل اختصار..انا آسف..و واللي ودي انه يصير فـ هاللحظه..أنه نرد شرات قبل وأحسن.. صدت صوبه..كـانت نظراتها جداً غامضه..مب مفهووومـه..حتى انه سيف يلس يطالعها باستغراب..نظراتها ما كانت الا مزيج عن حزن وألم وقهر لا غير..مزيج عن بقايا مشاعر واحاسيس من هـ الزمـن اللي يعذبها..ما كانت الا نظرات..من عيون جارت عليها الظروف وقسوة الحياة.. رويض:آسفـه..لا انته لي..ولا أنا لك.. حبيبي ليش قلبك صار جــافي..وطبعك يا بـــــــعد من كان وافي.. غالي لا تــــــــــزيد الهم كافي..فراقك زاد في قلــــــــــبي لهايب.. انصدم سيف من الرمسه اللي تنطقت بها رويض..شو شو شو تقصد..؟!شو تريد هـأي يالسه تستهبل عليه..يعني شو تفارقــه..يوم عرف اللي صار..يوم رد يعتذر..يوم رد يطلب السموحـه..ندمـان..منكسر..مقهور ع الأيـام اللي طـافت..ع السـاعات والدقايق والثواني..اللي كان فيها مبتعد عن رويض..ويجفيها..ويعذبها.. متندم انه ما سمعها شو كانت بتقول..وان كل اللي سواه انه عق اتهامات وبس..مع هذا..اللحينه ياي يعتذر..بكل برود اتقوله رمسه شرات السـم.. سيف:شوو..!؟ رويض:خلاص سيف..اللي بيني وبينك انتهى.. سيف:وبتتركيني..؟! رويض:شرات ما تركتني اعـاني.. سيف:وانا كنت اعـاني.. رويض:تعـاني من فراغ..بس انا غير.. سيف:اهون عليج.. رويض:شرات ما انا هنت عليك.. سيف:اللي صار ما كان بيدي.. رويض"بانفعال":لا تبرر موقفك..لا تبرر.."وبصوت مخنوق"..تحيد يوم كنت اترجـاك تسمعني..وانا ما اسمع الا صوتي ينرد عليه..تحيد يوم خليتني وحده واطيه ما تسوى التراب اللي ينداس..تحيد يوم فرت عليه الصور..وتركتني..فـ ذيج الليله اصيحك واصيح حيـاتي.. سيف:...قلت لج هـ الشي ما كان بيدي.. رويض:ليش خليتني اتعلق فيك واحبك ليش..!؟ليش بعد ما ملكت قلبي رحت وخذته ويـاك..انته..تتحرى انيه ما احس..انيه..انيه عديمة إحساس..كيف يطاوعك قلبك تجافيني طول هـ المده..انا ما رمت ع اللي تسويه..ما رمت عليه.. سيف:اللي صار مب الشي القليل.. رويض:اللي صار انا مالي يد فيه..شيخه و سواياها..سيف.......سيف.. صد صوبها..يترياها تقول شي..للأسف..ما قالت شي..بس لمح سيل دموع على خدودهـا..كانت تصيح بحرقه..بكل ما في قلبها المقهور من حزن..وسيـف..آآآه يا سيف..دارت به الدنيـا..معقوله هو يكون سبب نزول دموع اغلى إنسـانه..هو سبب حزنهـا..وكآبتها.. سيف"يحط يده على دموع رويض":لا..لا..لااااااااا..لا تصيحين رويض..انا ماريد اسبب لج الحزن والضيجه..طلبتج لا تصيحين.. رويض"تمسح دموعها بطرف يدها":اللحينه همتك دموعي اللحينه..يوم سافرت..كنت اصيح اصيييييح امووت من الصيــاااح..وانته مب ممتحن مني.... سيف:انا كنت اعـاني شراتج..والله يا انه القهر يقطع قلبي..كل شي يصير جدامي كأنه..كأنه..مادري..احس..احس..ان قلبي ياكلني من الغيره..رويض..رويض.. صد صوبها..لقاها تصيح بكل صمت..حط يده على ويهه وفره صوبه.. سيف:رويض..ليش تلوميني..وخطتهم مافيها مجال انيه اجذبها..كل شي واضح جدام عيوني..انتي مصدقتني..!؟ رويض:طبعاً لا.. سيف"يود يدها بقوو":لا..لازم تصدقيني..انا ماجذب عليج يا رويض.. رويض:وانا ماجذب عليك..يوم كنت اقولك يا سيف هاي مب انا..كانت رمستيه ما تهمك..كـنت تتجاهلني وتتجاهل اتصالاتي ومسجـاتي..كنت تتعمد انك تعذبني .. سيف:كان الجرح صعب صعب.. رويض:وانا .. جروحي شو اقول عنها..شو اقول..شو ..؟! انـا ’ قـلبي ، محـال يصـير معـنى الهـجر / دسـتوره ؛؛ يـ غ ـني للـ ، بعـد مـرّه ... ومـرة يـزور [ خـلانـه ] رسمـتك في سـكون : الليـل : لحـظة صمـت ’ مغـروره ، ورسـمتك في ؛ سـ ح ـاب العـمر ... قـطرة شـوق ... حـيرانـه لحظــات صمت..دامت ودامت ودامت..ما ينسمع منها غيير صوت الهوى أيام الليالي البارده..الشتــا..الشتــا..ومبين ان ليله بيكون طوييييييييل على رويض وسيف.. [ الشتـــا ] ليلـه طــوويل .. بـردهـ اللـي هـب قــاسي ..! و إنت بـ \ أنفــاسك لهــيب الشـووق يـوم التقينــا إيــه أنـا مــركـب غــرام و جـيت أدور لـي مـراســي .. و ارتمـيت .. بـ \ حضنــك اللـي ينتظـرني .. و انت مينــا و لاتفكــر كـان شفـت الشــووق .. و لـ ع في حمـاسـي .. تـدري إنـه من ظـروفك .. و الغيـاب ! والله إنـك غـبت عنــي .. لـين قلـت أكيــد نـاسي ..! و قمــت أعـاني من غيـابـك .. بـس تـدري [ ماعلينـــا ] فـ هاللحظـات..سيف يراجع حساباته..ورويض تراجع حساباتها..ما بقى شي ينقـال..الكل ظهر اللي فـ خاطره..شو بقى شو بقى.. سيف:رويض..انا احبج ولا تفكرين فـ لحظه انيه بتركج..!؟ أعـشـقـك .... أهـواك .... أحـبـك ما كـفت ... ؟! اكثـر من ’ الحـب ، احـبـك فـي هـيـام لـو بيـوت الشعـر تـوصف ما وصـفـت كيـف ابوصـف لك شـ ع ـوري بـالـ / كـلام ... ؟! صدت صوبه..ناظرته بنظرات..كـ العاده..عجز سيف يفسرها.. سيف:رويض..خلاص انسي اللي صار..خلينا نبدا صفحـه يديده فـ حياتنا.. رويض:اتقول هـ الرمسه.....لأنك...ما عشت اللي انا عشته.. سيف:وعسب جيه انا اقولج انسيه.. رويض"تنش من مكانها":سيف..اسمحلي..لازم تنفذ رمستك وتكون قدها..وتطلقنـي.. نش سيف من مكانه.. سيف:شوو.!.؟ رويض:اللي سمعته..بصراحه ماروم اكمل حياتي وياك بعد اللي صار..صح كنت لي راحتي..بس انته اللحينه سبب احزاني..انا..انا ماريد اعيش وياك..لا انا استاهلك..ولا انته تستاهلني.. سيف:شو تقولين انتي..تتحريني بتركج بهـ السهوله..تتحرين انج بتمشيني على كيفج..تتحرين انيه بخليج تمشين على هواج ..انا شو بكون بدونج قوليلي..شو تبغيني استوي مينون..اتخبل..تبغيني اصيحج..اناا اموووووووت من بعدج..انتي..انتي مب حاسه فيني باللي يستويلي..انا اللي كنت اتعذب أكثر منج لأنج انتي الغاليه خنتيني..هـ الأشياء ما تخليني ارتـاح..ما تخليني اشوف حياتي..ما تخليني ارقد .. وان رقدت..ما رتحت برقـادي.. رويض:..................................بس..لازم نفترق..لا تضغط عليه..لو شو سويت انا مستحيل اكمل حيـاتي معاك..ودك برمسه ظاهره من خاطريه..أنا اموووووت ولا اعيش ويا شخص اهـاني.. سيف:......لكن.. رويض"تقاطعه":لكن حط شي فـ بالك..الي يحبك..مستحيل يخوووونك..انت تتحراني اخونك..تتحراني بروم ع فرقـاك..كل اللي فكرته به كان غلط × غلط.. سيف:قلت لج انسي اللي صار..مستعد اسوي اللي تبينه..الا البعاد.. رويض:سوري..والبعاد هو اللي اطالب به.."وبعنــاد"..ولازم تنسـاني.. نسيتك يشـــــهد الله ما نسيتك..لقيـــــــــــتك وين مابرحل لقيتك.. عطيتك عمري وروحي عطيتك..يا اغــــــلى من محبين وقرايب.. قفت به..وهو يزقرها.. و حـانت سـاعـه غيـابـك .. و جتـني تسـأل ’ جـراحـك ، .. - | ويـنه | - من جـرح قلبـك .. ؟ ليـه غـاب .. ؟ // ويـن راح ..؟ جـراحـك × رافضـة تـبرى × .. ! تبـيك ... و ودهـا تبـقى .. ! املهـا كـان فـي الـدنيـا .. || ... وجـودك ... || .. حـتى لـو جـارح ..! طعـونـك دايـم تنـادي .. و تسـأل : ويـنه الخنـجر ..! تعـال ارجـوك لا تـرحـل .. طعـونـك مثلـي ... [ تحتـاجـك ] .. ! تجدم صوبها..ويود يدها..وخلاها اتشوف فيس تو فيس.. سيف:وين رايحه.. رويض:ارقد.. سيف:ترقدين..!؟ رويض:هيه ارقد..راسي يعورني.. سيف:من شوو..!؟ رويض:من حياتي.. سيف:وانا حياتج..يعني مني.. رويض:............................. ترياها ترمس..طالع فيها.. رويض:السموحه انا بسير.. دندنت آخـر ثوانـي ساعـة الفرقى ... ورنـّت ,, وانتهت ( آخـر فصول المسرحيه ) بـ اغترابـه احتواهـ الصمت لكن صاحت دموعـه , وجنـّت .. هو بقى شي ٍ بـ عمرهـ يَرجي الوقت اغتصابـه ؟! دايم افراحه خجوله .. لـو عزف حزنـه تغنـّت .. يا كبر جرح ٍ سكن بـه لا شكى / ولحد ٍ درى بـه .. سحبت يدها..ومشت لـ دري باب الصاله..كل خطوه كـانت تخطيها رويض..كان سيف حاط أمل انها بتصد صوبه..وتقوله خلاص سيف انا بنسى اللي صار..ولكـن..رويض..حدرت الصاله..وسيف..لا زال يتوهم..ويتمنــى..!! كـانت ’ اخـر امنـيه ، فـي حيـاتـي رجعـتك .. ليـه اختـرت البعـاد .. ! تـدري فيـني ../ الشـوق زاد .. !! انتـظر .. بس انتـظر .. و اتحـرى | جيّـتك | .. ! طـالع فـ المكان اللي جدامه..وينها رويض..قبل شوي كانت هنيه..ترمسه ويرمسها..كان على وشك اقناعها انها ترد له وتنسـا الماضي الأليـم...ولكن الله ما قدر هـ الشي..وحكم عليهم قدرهم بـ الفراق..اللي ما يروم عليه قلب سيف.. عيـد ميـلاد موتي / أفرحي يا جـروح وأسقي الشمع ’ دمعـه , من وريد الألم وإن طفى الشمع ولا ما بقى فيـه روح .. إسحبي من عروقي وإسقي الشمع دم !! إعزمي كل جرح , وكل قلب ٍ سموح وكل عاشق / تعذب في الهوى وانظلم / يحس بألم..بـ قهر..بـ حزن..بعدة اشياء ما تسر القلب..تييب الهم والغربال..شو حياته بتكون بعد رويض..الحرمه راسها يابس وشكلها معزمه خلاص ما ترد له..جارت الدنيا عليهم..بعد ما كانوا احلى قلبين..صااااروا..بعيدين عن بعض..شل بعمره صوب سياته وحرك الموتر..من الضيج اللي فيه يلس يقحص ويلات..الله وياااااااااااااااااااااااااك..كـان يبغي ايرد حرته فـ أي شي..وما لقى غير موتره وطاح القهر عليه..يلس يتحاوط فـ الشوارع..ما يدري وين مراده.. ووين بيوصل..؟! اللـيـلـة هـــذي واضـحــة لـيـلـة فـــراقـ..حــاولـــت أعـديــهــا وعــيـــت تــعـــديـ ظــروف مـــا تـنـطـاق ولا راح تـنـطـاقـ..صـــد الـقــدر مـاهــو بـصــدك وصـــديـ يود تيلفونه..لازم يطرشلها مسج..مستحيل ينهي اللي بينهم بهـ الشكل.. انـا بـ / غـيابك ضعـت وانتـي تشـوفيـن ... ! بس السـ ؟ ـؤال اللـي جـرح ’ قـلبي ، الآن ... صحـيح انـك في غـيابـي ..... [ تنـاميـن ] .... ؟! عـادي ... !! ولا كـنك فقـدتي لك ... انـسـان ... ! : × من صوووب × بندت باب الحيره..وسندت ظهرها عليه..حياتها انتهت عند هـ النقطه..ما تظن ان سيف بيرجع لها مرة ثـانيه بعد الرمسه اللي وصلته..اهـانته..واهانها بما فيه الكفايه.. ما مداها تيلس ع الشبريه..الا و تسمع صوت..فـي حد يدق الباب.. سارت صوب الباب..وفجـته.. غبوش:....السلام عليـ.....اووه..رويض بلاج..؟! رويض:............"ترد تيلس ع الشبريه"..ما بلاني شي..انتي اللي شو بلاج..!؟ غبوش:بلاه لونج مخطوف.. رويض:لوني..مادري مادري.. غبوش:ويهج..امممم..صوتج..رويض..انتي كنتي تصيحين.. رويض:هيه.. غبوش:افا..ليش..!؟ رويض:تذكرت شي صيج بي..وما استحملت..جان اصيح.. غبوش:انا بيلس عندج.. رويض:سوري..بس انا اريد ايلس اروحي.. غبوش:انتي فيج شي.. رويض:هيه فيني اشياااء مب شي واحد.. غبوش:انزين قوليلي..انا اختج رويض.. رويض:ادري..بس باجر ان شالله بقولج بالسالفه كلها.. غبوش:اللحينه بتخليني احاتيج.. رويض:لا تحاتين ولا شياته..سيري صوب بيت عمي..الكل ملتم هناك..لحقي عليهم.. غبوش:اهـا..اوكي.. ظهرت غبوش وقلبها على رويض..ورويض..حالتها يرثى لهـا.. ومهما غبت يا روحــــي علينا..عســى الله عقب هالفرقى يعينا.. ودادك ضــــــــاق بلا شك فينا..نحبك حاضرن وان كنت غايب.. اليــوم الثـاني.. السـاعه 4 ونـص.. حوي بيت قوم رويض.. ذياب"يفر نعوله على عبدالله":عنلااااااااااااات صدااااك ياللي ما تخيل ع ويهك.. عنودي:انا..انا..قلت..له..لا لا..ياخذ عصافيري.. عبودي:انا قلت لـ عمي سعيد من قبل..انيه ابغي عصافير عشان تاكلهن القطوه.. ذياب"يفر نعوله الثانيه ":سير عن ويهي مسود الويه..يحليلها اللحينه عنودي يالسه تصييييح.. عنودي"تيود كندورة ذياب":واااااااااااااااااااااااااااهههههههئئئئئئئئئ ئئ.. سعيد"ياي من بيتهم":يلا يا جماعة الخير..يلااا.. ذياب:خلاص الكل حولوا ع مواترهم..يا غير انا يالسه مجابل هـ اليهال.. سعيد:هيه عيل يلا.."ويصد صوب فطامي اللي كانت يالسه ع الدري مال المطبخ"..وانتي بنت المر.. فطامي:هلااا.. سعيد:مب يايه ويـانا.. فطامي:لا والله مب سايره.. سعيد:البنات كلهن سايرات.. فطامي:هيه.. ظهر ذياب وسعيد من البيت وويـاهم عبودي وعنودي..من صوب ..يلست فطـامي ع الدري وتجلب فـ فون ماماتها اللي عندهـا.. × من صوب × وقفت رويض صوب دريشة الصـاله تطالع اللي فـ الحوي..وشافت الموقف اللي استوى بين عمها ذياب يوم فر عبدالله بالنعله..لوول.. اليوم..يمعه..الكل التم وساروا للعزب..كان الجو..كلمة "رهيب" ما توصله..يعني كاااااااااان رووووعه روووووعه..خصوصاً ان فترة الظهر نزل مطر خفيف برد الأرض..السما ملبده بـ الغيوم..واشعة الشمس بين ظهور واختفاء.. ولكـن..فطامي ورويض ما طاعن يسيرين..صحيح رويض انتبهت للموقف عمها ذياب..و لكنها ما انتبهت ان فطـامي موجوده ويالسه عند دري المطبخ.حن. يلست تطالع فـ الحوي..وفكرها كـان عند سييف..شعورها كـ العاده متناقض.بين عقل مقتنع بفراق سيف للأبد..وبين قلب متندم حيل على بعاد سيف.. كل شي فـ حياتها يحيرها..بين سيف..وبين انها تتركه وتترك الماضي الأليـم..كل شي.. استهدت بالله..خذتلها شور سريع..وصلت وذكرت ربها بقرايتها للقرآن..يأ فـ بالها تكشخ اشوي..كـ تغيير للنفسيه..وبالفعل لبست كندورة غاويه وحطت ميكب ع الخفيف..و نزلت تحت مرة ثانيه شغلت التلفزيون ويلست.. دق تيلفونها..وردت.. روويض:آلوووو.. فطامي:ألووو هاه..ليش جيه يا رويض ليش..!؟ رويض:شو..!؟ فطامي:انتي شو سويتي فـ سيف..؟ رويض"يتكبر":ما سويت شي.. فطامي:تعرفين ان بعد نص ساعه طيارته..الريال مسافر لـ لندن..وقال انه ابد ما بيرد..وازيدج من الشعر بيت..قـال لأمايه بعد كم شهر ياي وبياخذنا وياه.. رويض:شوووو.!.؟!؟!؟!؟ فطامي:وياااااااااالله يعلها في ذمتيه..ان هـ الرمسه انقالت اليوم الصبح..والتطبيق بعد ساعه..انتي..انتي شو ما تحسين..انتي ما تعرفين ان مصيرنا انا و ماماتي مرتبط بمصير سيف.. رويض:شووو.!.؟يعني يتغرب عسبة شووو...!؟ فطامي:عسبتج انتي..وصلني اللي سويتيه فيه البارحه..الله يسامحج.. رويض:بس..بس انا.. فطامي:انتي بتقصين على عمرج انج بترومين على فراق سيف..انتي كم يوم فارقتيه وحالتج انقلبت فووق تحت.. رويض:بس..كرامتي..سيف اهاني وايد يا فطامي.. فطامي:اهانج..وانتي اهنتيه..لين متى بتمون تكابرون..وكل واحد منكم يحتاي للثـاني..يوم انتي اغليته هو تركج..يووم يأ يعتذرلج انتي رحلتي عنه.. رويض:............................... فطامي:فكري زين..ترى حيـاة سيف بيدج اللحينه.. رويض:ماقدر..ماقدر.. فطامي:انا بقولج شي..انتي تحبين سيف وما ترومين تعيشين بدونه..ليش تكابريين..ليش تعذبين عمرج و تعذبينه.. رويض:................................. فطامي:يا رويض انتي بتندمين اذا سافر سيف..بتندمين.. رويض:...................انا... فطامي:يلا..قبل لا تخطف الساعه ويكون الوضع انتهى.. رويض:انتي وين..!؟ فطامي:انا فـ العزب.. رويض:وليش مب من قبل تقولين لي.. فطامي:كنت اتحرى ان السالفه جذب..لين ما شفت اغراض سيف فـ موتره..ورمسة سهيل انه بيوصل سيف للمطـار.. رويض:فـ ذمتج..فطامي..انا مب مصدقه..! فطامي:انا قلت اللي عندج..الباجي عليج..شدي حيلج.. بندت فطامي التيلفون في ويه رويض..و رويض بين مصدق و مجذب..ما تعرف شو تسوي..سمعت صوت المطر خاري..جان تسير صوب باب الصاله..وتفجه..وتوايج..شافت المطر يصب بشكل غزير..عرفت ان هلها فـ هاللحظات بيردون..لأن المطر شكله قووووي من الخاطر..ردت ويلست..شو تسوي شو تسوي شو تسوي.. الأمر فـ يدها..يا اما انها تنهيه..وتخلي سيف يرجع لها..يا اما انها تترك سيف..يسوي اللي يباه..قطع حبل افكارها..صوت المسج..اللي كـان من عند سيف..!! ليه أحبك وأدري إني في بحر غدرك غريـق وليه أتصفّح حياتـك؟ دام عذّبنـي الغـلاف إن عشقتك صدقيني كني عاشق لـي حريـق الحَطب عمري .. ونارك بس تاكل ما تخـاف ردت تقرى المسج مرة ثـانيه..جان يوصلها مسج ثـاني.. ’ أوعـديـني ، اوعـديني انتـي تتـوصي فـي / روحـك ... ! واوعـديـني ... تـ غ ـسلي بـاكر جـروحـك .. اوعـديـني .... تلبـسي | ثـوب السـ ع ـاده | و ... أوعـدك ... ارحـل عـن / عـيونـك ، بـعـيد واكتـبك يـا [ غـايتي ] أحـلى نشـيد واخـفي الاشـعار والاحـزان عـنـّك ؛ و أوعـدك .... اشـتاق لك ’ أكثـر ، أكـيـد .. خـافت..قلبها انهز من مكانه..اسم يوم فارقت سيف..هي اللي طالبه هـ الشي..ولكن..يوم توصل حروف كلمات سيف..لصميم قلبها..اتحس بالموت جدام عيونها..بدت تصيح..كـ العاده..تبغي اتظهر شي من اللي في خاطرها..اتحس ان قرارها بفراق سيق..بيكون غلط × غلط..لأنه بيكون قرار يعذبهم كلهم..دامه اعتذر..وعرف الحقيقه..ومستعد يعوضها عن اللي طاف..ليش ما تنسى جرحها..وتسامحه..صدت صوب الموبايل..يوم شفات ان فـ مسج ثـاني وصلها.. اسمـعي ’ وصـاتي ، قـبل لا تـدمع الـ ع ـيـن لا اعـلنت عن دنيـا : المحـبـه : مسـيـري اذا / تـفارقـنا ... ابي مـنك شيئـين .. ! 1... مـا أبيـك تكـرهـني 2... ولا تـحـب غيـري ... !! هنيه انهـااارت..ما رامت تجذب على عمرها زووود..انها بتروم على فراق سيف..انها حالتها بتكون جداً طبيعيه بعد سيف..هـ الشي كان فـ داخلها..بس هي كانت تنكره..وما تعطيه أي اهتمام..وتحاول تقنع عمرها انها قويه جدام بعاد سيف..يودت موبايلها..وطرشت لـ سيف..مسج.. تـ ع ـال ان كـان لك نـيـه , معـك دقيقــــ2ــتين ترضيـني وغـلاك ان ’ طـاح ، مـن عـيني .. تـرا مـاني بـ / نـازلـّه واذا كـانك تـبي ودي .. ابـيـك | العـهـد | تعـطيـني وعـلي الله .. وأمـان الله .. احـطك فـوق خـلق اللـه فرت تيلفونها..ومسحت دموعها..خلاص هي قررت..سيف لازم يردلها..وهي لازم ترد لـ سيف..لأن كل واحد منهم يكمل الثاني..لأن كل واحد منهم قلبه متعلق فـ الثـاني.. صدت صوب الفون..تتريا أي مسج..ولكن ماشي وصل..ظهرت مرة ثـانيه للحوي..شافت المطر..للحينه يصب بطريقة قويه..حتى المطر اشتقات له..جان تظهر من البيت..وتيلس فـ الحوي..فطامي من شافت رويض ظاهره..انخشت فـ المطبخ وهي خايفه ان رويض تشوفها.. مرت الدقيقه الأولـى..ورويض تتريا سيف يطل عليها..وتستانس من شوفة طلته و هيبته..تريت بعد اشوي..عرفت ان سيف ما بيي..هي قالت له..دقيقتين..ومرت اكثر من دقيقتين..عطت الباب العود مال الشارع مقفاها..ومشت اول خطوه..فجأه..تسمع صوت موتر مسرع..ياي صوبها ووقف عدالها بالضبط..ما ناقص الا يدوس ع ريولها.. هيه صح..كان سيف..فج باب الموتر وظهر..كان مخيس ماااي من المطر..لابس كندورة كركميه وجاكيت اسود وسفره حمرا..والماي كله ع ويهه..صدت هي صوبه..استانست من شافته..ابتسمت..وهو بعد ابتسم..كان مع ابتسامة رويض دموووع مندمجه مع قطرات المطر..جان سيف يتجدم صوبها ويضحن ويهها بكفوفه.. سيف:خلاص..لا تصيحين.. رويض:كنت ناوي من صج تتركني اروحي.. سيف:هيه.. رويض"ترفع راسها فوق وتطالعه":انته غبي..ما تعرف اني احبك.. سيف"يلوي عليها":وانتي غبيه..ما تعرفين اني احبج.. ابتسمت رويض..ورفعت راسها.. سيف:المطر بعده يصب.. رويض:هيه..سيف..!؟ قلت..لا يـزال الجـو ممطر .., قالـت : أدري لا يـزال ! دام تدرين ارجعي لـ صـدري وفي الصمت | ادفنينـي | سيف:"عيوون سيف".. رويض:اتحبني..؟! سيف:ههههههههههههههههههه.. ( اتحـبنـي ..؟ ) سـألتني × وانفجـر فيني السـؤال × وقمت أضحك .. واتهـرب .. وأسجن الدمعـه بـ عيني سيف: سهله أهمس لك ] أح ـبـك [ واتظاهر بـ الكمال !! بس كيــف أغفـر لـ قلبي بعد مـ انتي تصدقيني ...؟ ] ما أح ـبـك [ لأني خايف .. اتطلـّع لـ المحــال .. وماني فاهمنـي !! وإنتي .. حاولـي ما تفهمينـي .....! "يفصخ جاكيته ويحطه على جتوف رويض":هاج ..يلا بنحدر صوب الصاله..كلمـة أحبج ما تساوي شي عندي.. ابتسمت له..و يود يدها وحدروا الصـاله..وفطـامي..يلست ع الأرض..وهي تقوول: افففففففففففف اخيراً.. النهــــــــاااايــــه.. لا تـفكـر بالـ / نهـايـه .. ! تـوّها عـندي : بـدايـه : تـوي احس بـحيـاتـي ؛ يـا هـوى عمري وذاتـي لـو رجـ ع ـت لـ ذكـرياتـي ... ! ما لقـيت الا [ انـت ] فـيها مـ ح ـتويـهـا ... !! كيـف اعـيش بيـوم ’ دونـك ، يبعـدونـي ..... يبعـدونـك ما ابتـ ع ـد ... [ قـلبي و قـلبـك ] دام تـجمعـنـا | أحـبـك | شو خلصت القصه..!؟؟! لا طبعاً المايك عند فطــامي..!! فطــامي:- بندت اللاب..وانا مرتـاحه..كانت نهايتهم حلوة..وهـ اللي ابغيه..وهـ اللي يتمناه كل الأعضاء اللي يقرون قصـة "مع غيري الـ ع ـب وبين له مهاراتك..نشيت من مكـاني..وسرت صوب المنظره بشوف شكلي..لوول..شكلي كان يضحك..لو شافني اخويه سيف ما بيعرفني بيقول هاي مب فطامي..كنت لابسه بيجامه وشعري لامتنه كله على فوق..هع هع هع ..صديت صوب الدريشه وطالعت تحت..الله الله..الجو رهيييييييييب..أكيد شي مطر بينزل..خذت لي شور ع السريع..و كشخت بعد ع السريع..ونزلت تحت..مشااااااااااااااااااااااالله..العايله كلهم هنيه..تدرون كيف عرفت..لأني شفت اليهال اهنيه....اول واحد طاحت عليه عيوني..برووك سراق التواير..هاذا ولد سيف..لووول..سرت صوبه.. انا:برووك تعال.. بروك:شو تبين..!؟ انا:قلت لك تعال.. بروك:مااااااااااريد.. شرد عني..مادري وين سار..نسخه مطابقه من ابوه..نظراته..رمسته..حتى اسلوبه..فـ كل شي..سيف الثاني..كوووبي بست منه..سرت قسم رويض..بشوفها اذا سلمت ولا انا وياها بنسلم ع الحرمات رباعه.. دقيت الباب..ودخلت.. انا:سلاااااامن عليج.. رويض:وعليج السلام.. رويض..مثل ما هي..ابد ما تغيرت..لا فـ الشكل ولا فـ الأسلوب ولا شي..بس مادري حسيتها استوت رزينه اشويه مب خريش شرات قبل..طبعاً رويض كـانت كاشخه..وشاده حيلها.. انا:شو سلمتي ع الحرمـات.. رويض:لا بعدني..يلا بنسير رباعه.. انا:يلا.. ظهرنا انا وياها صوب حيرة الحرمـات..وسلمنا عليهم..الكل موجود..تبون تعرفون شو صار عليهم صح..!؟اووووووووووووووكي..خلوني ايلس بسم الله..بشرب لي جاهي كرك..حد يبغي..!؟!ما بعطيكم هاذا مالي انا وبس............................................... ....................احم احم..خلصت يلا.. سمعوووووا.. على يميني "رويض"..بعد اللي صار في حياتها هي وسيف..ردوا شرات قبل واحسـن..كانوا الحب يمشي بأساس ذاته..فـ كل شي فـ كل موقف يستوي..ما اظهر الا بنتيجه وحده..ان هـ الإثنينه ماشي بيفرق بينهم غير الموت..طبعاً..ذكرت فـ موضع سابق انهم يابوا ولد..وسموه مبارك..كانوا بيسمونه المر على اسم ابويه الله يرحمه..بس انا قلت لهم لا..المر واحد ما غيره ومحد بياخذ اسمه.. عدال رويض.."امايه العوده"..يعلني فداها والله..مشالله عليها..على مر السنين وهي ع قوتها وما تغير شي فيها.. "شجون"..اللي كـانت عدالي..اللحينه هي تشتغل فـ وحده من الشركـات اللي فـ العين..بشهادة التقنيه..مشالله عليها..احلوت وايد..واللي يعيبني انها خبيرة كمبيوتر..كل ما اخترب لابي سرت صوبها على طول.. "سلامه"..اللي كانت يالسه عدال شجون..صاحبة القلب الكبير..نصف خلوف الثـاني..عاد هاييلا الإثنين ما عليهم من حد..وجود خلق الله وعدمهم واحد..فـ كل مكان وفـ كل زمـان..عايشين جو الرومانسيه..اللحينه حامل..وهاذا أول حمل لها..الله يوفقها ان شالله.. "موزه"..يالسه عدال سلامه..وميوده بنوتتها المبزايه الشقيه اليازيه..كـانت اليازيه تصيح..الا تبغي تصفع مبارك اللي من شوي قطع شعرها قطعه قطعه..ويقهرها يوم يقول لها يا "عنز الحاره"..موزة..انتفخت وايد..مب موزه العصقول الدياي من قبل..لووول..هي وريلها اصحاب التكنولوجيا..انتقول للعيش في بوظبي بسبب شغل ريلها..عايشين احلى عيشه..بعييييد عن العزب..لوووول.. "غبوش"..بنت علمي المصريه..اللحينه تدرس طب وهاي اخر سنه لها فـ الجامعه..من كمن شهر..كانت ملجتها..وخذت واحد اسمه "أحمد"..لو كنتوا تذكرونه..لوول..هـ البنيه..ف نظري اكيد بيكون لها مستقبل زااااااااااااهـر.. "شموس"..اللي كانت يالسه عدال غبوش..ميوده ولدها الصغير.."علي"..عمرها 8 شهور بالضبط..يتها فتره وتغيرت بعد وفاة أمها..ولكن .بما انهم هي وحمد ريلها عصافير الحب..قدر بو شهاب يظهرها من جو الكآبه اللي كانت عايشته..عندها بنوتتها العوده..اللي هي ظبيه.. "انــا"..لالالا..انا برمس عن عمريه بعدين..حوه..اشوف الناس كلهم قاموا.. انا:حووه حووه..على وين العزم.. شموس:بنسير العزب.. سلامه:هيه الجو غادي غرااام.. فطامي:هيه هيه زين.. شليت الكام مالي..وحولنا كلنا صوب العزب..انا ركبت ويا حمد وحرمته..لوول..يتحروني بفج عنهم..خخخخخخ... في منطقـــة سويحـان..المطر ع الخفيف....و السما ملبده بالغيوووم..والجو مسسسسسكـــــــت..النااس راادين راايحين..شباب الإمارااات معروووفين..يعني بدوون رمســـه هم فالعراقيب..اللي يصور واللي يسولف واللي يقز واللي يشل واللي يتمصخــر..طبعهم الشباااب جيه عاايشين حياتهم ع الكييف.."صــح؟؟" واللي منهم شل هله وقهــــوته وسار ييلس له افبقعـــه يستمتع ابهالجــــو..واللي منهم سااار لعزبته ايشووف حلالــــه..واللي يتحوط فالشــارع ويسيّر على اللي يقربله ويييرانهم..يعني تقريبن محد يااالس فالبيت.. "اقتباس من اول فقره فـ البارت الأول من القصه" انعقينا نحن الحرمـات والشواب فـ العزب..والشباب كل ابوهم ساروا صوب العرقوب العود عسب يلعبون بمواترهم..ماقول غير يا حظهم.. فـ الفتره اللي طافت..رويض مشالله عليها علمتني اصول سرقة السيايير..وانا قلت اليوم لازم اسرق كلوزر واحد من خوالي واقصح واخذ شجون ويايه..طرشت اليازيه بنت حمد اتييب لي سويج موتر خالي راشد.."ابو رويض"..ويابته..بس بروك الحيوان لعن خيرها..وياب السويج صوبي..اونه شوفوني انا الطيب. بروك ويزوي دومهم مواقعه..الله يستر بس.. ركبنا السياره انا وشجون وشردنا بها..لوول..يسلنا نتحاوط صوب العزب ع راحتنا لأن محد شباب اهنيه والكل سار صوب العرقوب العود..ما نشوف الا رويض وموزه يايات بسياره ثانيه..كككككك..والله طماشه.. تقريباً يلسنا نلعب..نص ساعه او اكثر..وخلاف ردينا السيايير..ويلسنا انا وشجون على عرقوب صيغنون..ويلسنا نسولف وجيه..لين ما راحت شجون عني..مادري منو زقرها.. في عدة اشخاص ما رمست عنها صح.. "خالي ذياب"..تدرون انه عرس..واللحينه مسافر لمصر..هو وحرمته..خذ وحده اسمها عفرا..ودايم كان يقولي..واول بنت يابها سماها مريوم..والشي اللي صج انصدمت منه..ان رويض قالت لي..ان مريوم سمت ولدها ذياب..!.!......!.!.!.!. "شيخه"..اللي الكل يكرهها من بداية القصه لين نهايتها..اكيد مثل ما تعرفون..كانت بتتطلق..وبالفعل تطلقت..واللحينه يالسه فـ بيت هلها..تغيرت مليووون بالميه وخاصتن بعد وفاة أبوها السنه اللي طافت..كملت دراستها..وهي اللحينه تدرس في جامعة زايد.. "سلطان وحرمته"..استقر شغلع فـ بوظبي والحمدالله...واللحينه عدهم يهال..لووول..وخلودي ابد ما تشكتي من معاملة شويخ..بالعكس..تمدحها وايد.. "هزاع وهله"..ما نعرف عنهم شي..بس سمعنا ان هزاع تزوج وخذ وحده اسمها حصه..يقولون انها كانت ربيعة شويخ..وانها تشتغل في شركته.. هـ اللحظه..برمس انا عن عمري.. "أنا".بعد ما يبت الشهاد السودا ورسبت فـ اول ثنوي..شديت حيلي فـ الدراسه..واللحينه أدرس فـ جامعة الإمارات ثالث سنه..لوول.فديتني والله..من جم يوم..سهيل رمس سيف عني..اونه يباني حليلته..حله حلوول فـ بطنه..خخخخخخخ..وانا اتريا الساعه اللي بشوفها فيه..وبقوله فـ ويهه..عبارة..تحتم مصيري ومصيره..لأنه سهيل ما يناسبني..موول..عبــاره..قالتها رويض له من قبل..وهي عنوان للقصه اللي تقرونها.. " مع غيري الـ ع ـب وبين لها مهاراتك" تمــ,,ــت.. بتاريخ.. 29-3-2008 بقلــم / العنيده212.. مع غيري العب و بين له مهاراتك كامله وتسلمووون على تواصلكم وانا اسف خليتكم تنتظرون واااايد وسلاامي |
انا اللي عشت بالدنيا اصارع غابة الاحزان,,,,,,حزن هموم عذابي يبتسم فيهــــا تعبت بدنيتي هايم وصرت بدنيتي حـــيران,,,,,,تعبت وهذي الدنيا دايم الاقيهــــا زانا في داخلي نغمة وجدها داخلي فــنان,,,,,,وجدها نغمة حيه وتبغى من يغنيها سويحـــان.. صوب شويـــخ.. السـاعه 2 ونـص.. حطــت تيلفونها على طرف الطـاوله..وهي حزينه..وهي فرحــانه..حزينه..على اشياء وايد..وفرحـانه على شي واحد..حزينه..بعد الهزبه اللي وصلتها من سيف..اللي خلت قلبها يطلع من مكانه..اللي صار..ان بعد ما وصل سيف من رمـاح..ردت حرته كل ابوها فـ شويخ اللي كانت واقفه عند باب الصـاله..عطاها من الزين وخطف وخلاها..وفطامي أكيييد كاانت موجوده..وتطالعهم بصمت.. ما تدري ليش اتذكرت موقف يوم اكتشفها سيف ان هي مها ..شيخه هييمها ومها هي شيخه..ما تدري شاللي ربط بين موقف مر عليه الزمن..وموقف مستوي البارحه..فـي كلا الموقفين..هي تهزأت..وسيف كان الأقــوى..ولكــن..هـ الموقف أثر عليها أكثر..كل ما تذكره ماودها اتسوي شي واحد غير الصياح وبس..يمكن لأنها اتعرفت بأغلاطها فـ حق سيف..و فـ حق رويض..وفـ حق كل من عرفتـه شويخ..وعاشت معـاه.. توها اللحينه مرمسه امها تبشرها انهم اليوم فليل بيون البيت..وأكيد شويخ بتكون فـ استقبالهم..يعني ما بتصبر لين باجر..!؟!؟؟ بعد ما غيرت لبسها..إلى كندورة ومصلى..نزلت تحت..ما شافت الا خـالوتها يالسه اترمس تيلفون..مرت ربع ساعه..وشويخ يالسه بدون ولا كلمه..لين ما بندت خالوتها وصدت صوبها.. أم سيف:تسلم عليج رويض.. شويخ:الله يسلمها..وينها ما شفتها من اصبحت.. أم سيف:من أمس سايره بيت هلها.. شويخ:ليش..؟ أم سيف:أم محمد ميهوده..وهي ودها تيلس فـ رماح .. شويخ:أها.. صخت أم سيف..وشويخ بعد..الا فطامي طابه عليهن توها يايه من المدرسه.. فطامي:السلاااااااااااااااااااااااااااااااااااااااا اااااام علييييييييييييييييكم.. شويخ وأم سيف:وعليج السلام والرحمه.. فطامي:بسرعه بسرعه..الغدااااااااااااااااا.. أم سيف:زاهب زاهب..صلي وتعالي.. فطامي:اوكي اوكي..آآه بطني..يعورني من اليوووع.. أم سيف:انتي سيري اللحينه وبس.. فطامي:اوكيي.. أنت يوم ٍ غبــت أذّاني .....عليك ! قلبي اللي صـار .. من حبك . أذااااي ! ياخي والله بـ ( ماي ) عيني مشتريك ذا .. إذا باقى بعـد ... بالعين .. ماااااي ! الرمـــاح.. حيرة رويض.. السـاعه5 العصر.. شجون"واقفه عند الباب":يوم ادقـلج من تحت..اشعنه مغلقه الموبايل.. رويض:مب متفيجه له.. شجون:غريبه..هيه صح..ريلج يزاقر عليه من اشويه يقول يبغي ايشوفج.. رويض"تصد صوبها":سيف..!؟ شجون:هههههههههههههه..عندج ريل غيره..!؟ رويض"تفرها بالعبايه اللي في يدها":عنلااات هالنصخ..لمي لمي ثمـج.. شجون:اوييه عصبت عبله.."تفر العبايه عليها"..فكييينا يلا لبسي عبايتج..ورانا مشاوير.. رويض:انزين انزين..وانتي ما عرفتي السوق الا من ييت هنيه.. شجون:أمبوني كنت اتريــااج.. رويض:منو بيسير ويـانا.. شجون:محد.. رويض:شو محد؟؟..نسير ويا الدريول ارواحنا.. شجون:اوووه..رويض بلا استهبال.. رويض"تتذكر سيف":ريلي ما يرضى.. شجون:رووويض.. رويض"عناد":اقولج يلا خطفي الدريول وينه.. شجون:يتريانا يحليله.. رويض:يحليله..؟!..حلول افـ بطنه وبطنج..خطفي جدامي.. شجون:يماااا..بلاج شابه ضو.. رويض:هههههههههههههههههاااي..ماااشي.. نزلـن تحت..صوب الصـاله.. رويض:وين العرب بسم الله الرحمن الرحيم توني شايفتنهم.. شجون:ساروا بيت عمي.. رويض:مشالله مشالله..متنقلين.. شجون:ايه تيلفونج نسيتيه.. رويض:ادري..يلا خطفي.. شجون"مستغربه":اوكي.. ركبن السيـاره..وقالت له شجون يخطفـون على هل سويحـان فطامي كـ العاده بتسير وياهم..فـ السياره.. فطامي:صديق سلم على رفيق قله ترى حالتي تيكا.. شجون:تيكا.. فطامي:اقول..بلاه هاه دريولكم جيه صاخ وما يرمس.. رويض:ههههههههههههههه.. شجون:أكيد دريولكم ما يسكت دقيقه.. فطامي:دريولنا..خليه ع صوب مسود الويه.. شجون:ليش شو مسويبج..!؟ فطامي:عنلاته مستوي ولي أمري..خخخخخخخ..كل ما سرت المدرسه قالوا ويا منو يايه ويا الدريول..ودوومي ع الدريول.. رويض:هاهاها..دواج..دومج سايره المدرسه ع الساعه 9 ونـص.. فطامي:مافيني ع الطابور وسوالف الطابور.. شجون:بالعكس..الطابور احلى شي..كله طماشه وضحك..وخصوص المخالفـات.. فطامي:امحححق..انا يقطعوووني.. رويض:بالله عليكن..انتن شو مظهرنكن وباجر مدارس هاه..!؟ فطـامي:واايه فقدت المدرسه واللي داخلها..اشعنه طريتيها لي..افف..لعنتي خير مودي اللحينه.. رويض:هيه هـ المطلوب.. فطامي:شوووو..!؟ شجون:انا ما عليه امتحان ولزوم اسير السووووق.. فطامي:ليييييييش..!؟ شجون:يوم اليمعه بنلتم كلنا بيت ربيعتي عنودي.. رويض:ربيعتج يوم كنتي فـ المدرسه الأوليـه.. شجون:هيه..فطامي تعالي ويايه.. فطامي:امبوني بسير وياج..ابغي اشوفهـا.. شجون:شااطره شاااطره..استحي اروح بروحي لأنها بتعزم بنات عمها وبنات ييرانهم وبنات ما اعرفهم.. فطامي:اوكي اوكي..بروح وياج بس تعطيني عمولتي.. شجون:أي عمووووله.. رويض:هاللي اسمها فطامي ما تمشي الا بالعموله.. فطامي:هااااااااهاههاهاااي.. شجون:يستوي خير.. من وصلوا المول..اتجهن صوب محل كـان كـان..عسبة شجون وفطـامي يتشرن لبس عسبة الحفله اللي بتكون باجر في بيت ربيعة شجون.."عنود"..كـان يتنقن اللبس..وخلاف يسألن رويض..جانه عيبها ..ولا لا..لأنهن أوريدي ما يتستغنن عن ذوق رويض الرااقـي..تقريباً خلصن كل شي..الا فطـامي بعد تبغيلها نعول..من ألــدو..وصلوا لألـدو..ويلست فطامي اتنقي..وشجون بعد خذتلها نعول.. فطامي:لقد انتهينا والحمدالله..يلا ما بقى شي غير الأكل.. شجون:اووه..انا مب يوعانه..وفوق زحمـه..خلونا نخطف على بيتزاهت وخلاص.. فطامي:لالالالا..انا احب اسير فوق..احسه طماشه.. رويض"جيه بنتأخر..السـاعه اللحينه 10 ونص.. فطامي:هدووء هدووء..سيافي يتصل بك.."وترد عليه"..الوووو..اهلين..شووو..!.انا قلت لأمايه انيه بسير ويا رويض..هيه رويض ويانا..اوكي..انته وين..تتريانا..اوكي اللحينه ظاهرات..بي باي"تبند وتطالع في رويض"..وانتي وين عاقه الفون مالج..اتشوفين هاه اللي اسمه سيف مأذيني.. رويض:ما يبته ويايه.. فطامي:يلا..لا اكل ولا هم يحزنون..سيف يتريانا تحت.. شجون:زين زين..يلا خطفنا.. خطفن و ظهرن خاري المول..ورويض..اتحس بشعور غير طبيعي يحتل كيانها..اللحينه بتجاابل سيف فيس تو فيس..شو اللي بيستوي..شو اللي بيصير..!؟؟! شافت رنج سيف جدام اعيونها بالضبط..حست..حست بأن ذكرياتها تنرد لزمـان أول..أيــام..هي و سيف ما تجمع بينهم علاقه سوى السلام وبس..الموقف..اللي هي لاقت سهيل فـ المول..وكانت مستانسه..وبالمره كانت ضاعت عليهم..يوم حدرت السياره..هزبها سيف وهي ظهرت من السياره ولاقت سهيل اللي ردها لـ سويحان.. هـ الموقف..مر بسرعه..ولكن بالتفاصيل في مخيلتها..لاحظت ان شجون وفطامي ركبن ورى..يعني انتي ارتزي جدام..وبـ الفعل..فتحت الباب..لاحظت أن [عيون سيف] كـانت تطالعها..بس هي وخت بعيونها تحت وما عطته نص نظره..وحرك سيف السياره.. فطامي:سيييييييييييييييييييييييف.. سيف:نعععععععععم.. فطامي:اخطف على أي مكان ابغي اكل.. سيف:ما بخطف.. فطامي:ليش..!؟ سيف:مستعيل الرياييل يتريوني ع العشا وانا ياي للعين عشـان سواد عيونكن.. صدت رويض صوب سيف..كانت نظرة سريعه..ارتبش منها سيف..ورد يطالعها مرة ثـانيه..يتحراها بتطالع فيه أقيين..ولكن هي صدت صوب الدريشه وما رمست ولا بنص كلمه..و شجون وفطامي يصارخن على راس سيف..الا يخطفهن على بيتزاهت..وهو مب راضي عسبة ما يتأخر ع الرياييل..كان يرد عليهن بردود تضحك..ويتطنز..كان يحاول يجذب انتباه رويض..بس هي كانت مسويه له أكبر طاف.. من وصلوا لـ بيت قوم رويض..ظهرن شجون وفطامي وهن ميوادت اغراضهن..ولكن رويض كل ما حاولت تفج بابها..كانت ما تروم.. سيف:ما بتظهرين.. رويض:................................ سيف:ليش معصبه..ريلاكس.. لا والله..ريلاكس هاه..كانت رويض بترد عليه..وهـ اللي يبغيه سيف..ولكن لا ثمن لا ثمن لا..رويض بتحرم سيف حتى من سماع صوتها..فـ التزمت بالصمت.. سيف:ردي عليه..ليش مستحقرتني.. رويض:....................................... سيف:لين متى بتمين لامه ثمج..رمسي..حلفتج بالله ترمسين..يعلم الله انيه اشتقت لج مووت.. رويض:................................. سيف:انزين..طالعي فيني..انا اترجاااااج وانتي موول مب معطتني أي اهميه.. ردت رويض راسها لورى وسندته..يعني افهمها يا سيف شكلك مطول وانا ورايه شغل..اللحينه..تأكدت مليوون بالميه..ان سيف عرف الحقيقه..ويبغي يعتذر..وما لقى طاري الشوق لها بس هو العذر.. سيف:رويض..رويض.. رويض:............................................. سيف:ما بترمسين.. رويض:......................................... سيف:قولي شي..أي شي..أي شي..رويض..انا عرفت السالفه..واسمحيلي لأني طول هـ الفتره ظـالمنج.. توقع من قال لها هـ الرمسه انها بتصد صوبه..ولكـن..هالشي ما صار..رويض..حست بالدموع تتجمع وسط عيونها..اللي تتمناه صار..والله ما ينسى عباده..كانت تتريا اللحظه اللي بيعرف سيف منو هي رويض ..رويض بنت ابوها اللي عن درب المدانيس محشومه..يعرف ان الإنسـانه اللي سلمها قلبه و روحه..ما بتحون وتلعب بالأمـانه..يعرف..ان رويض..اذا حبت..تحب بكل حالاتها..من هـ الأفكـار..حست ان عيونها تحرقها..ولازم تصييييح..لازم لازم لازم.. سيف..لاحظ التغير للملامح اللي صار في ويهها..عرف انها مستانسه..ومع هذا تخبل يوم شافها اتصيح بصمت..كل اللي يستوي..دموع تنزل من عيونها وبس.. سيف:لاااااااااااا..لا تصيحين..كله ولا دموووعج لالالا.. رويض:...................................... سيف:رويض..خلينا نرد شرات قبل..اطلبح يالغاليه..انا..مالي حياة بدونج..طول الفتره اللي كنا فيها متباعدين وانا مب فـ حاله..كنت اشتاق واكره واحب واحقر وكل شي عكس بعض.. انهز قلب رويض..يعني سيف كان يعـاني مثل ما كانت تعـاني..يعني سيف كما كان يعرف شو يسوي ..كـان محتار و ما يعرف وين الصح ووين الغلط.. سيف:وانتي يعني ما بتسـامحيني..اذا انا غلطت عليج..فـ أنا كنت بالفعل غلطان و ما اعرف شو اسوي بـ حياتي.. صخت رويض..وما كانت تعرف شو تسوي..هل ترد عليه..هل تكمـل صمتها..دق تيلفون سيف..كـان محمد يزقره للعشـا..ورد عليه سيف انه ياي فـ هاللحظه.. سيف:بعد العشا ابغي اشوفج.. رويض:............................. سيف:ماروم اتحمل هـ الوضــع.. رويض..كانت تفكر..ما رام يتحمل هـ الوضع..وانا شو كانت حالتيه بالوضع اللي عشته فـ الفتره الأخير..!؟ فج سيف الباب..وخلى رويض تظهر..من ظهرت ظهر وراها..ويلس يطالعها..بس هي طنشته وكملت دربها صوب باب الصاله..! (الحــب) كلمــة تجمـــع قلــوب ودروب..محتــــــــاجهــا قلبــي وقـــلبك يبيهــــا غنيتهـــا لعيونــك الســــود بأسلــــــوب..لو هي على أبيـــــات الغـزل ما انتهينا غنيتهــا دبكـه وعرضـه ومسحــــــــوب..غنـي مــــــــعـي وان جــاز لك موليهـا تدرين انا شفتك نصيب ومكتــــــــــــوب..فرحـــــــــة عمـر تستأذنك تفرحيهـــــا اليــوم الثــاني.. السـاعه 5 العصر.. بيت بو سهيــل.. سعيد:بس بس .. عبدالله:والله ما يخصني..انا اريد قطاوه واريد العصافير.. عنودي:لا لا..عصافيري لا.. سعيد:يود قطوتك وانته ساكت.. عبدالله:والله اسرق عصافيرها..اللحينه قطوتي شو بتاكل.. سعيد:يبتلها اكل..لم ثمك.. عبدالله:انزين.. ويعطي عنود نظره..وعنودي تيود كندورة عمها سعيد بخوف..فج سعيد باب الصاله..و حدروا..جان يشوفون امهم العوده..موجوده عندهم..لأنها من بعد الغدا ما ردت بيت ولدها راشد..وموزاني اللي كـانت قاعده ويا يدوتها.. سعيد:السلام عليكم.. العيوز وموزه:وعليكم السلام والرحمـه.. عنودي:يدووووووووووووووووووووووووه..شوفي عمي سعيد شو شرالي..!؟ العيوز:مسودة الويه..ِليتي اذوووني..يعلني بلاج.. موزه:امايه الله يهداج البنيه فرحانه باللي عندها..تعالي تعالي عنودي بشوف شو عندج..!؟ عنودي:عصـ..عصـافير.. موزه:ووواوو..غاويات..احلى وحده هاي..روعه شكلها..ذوقج ولا ذوق سعيد.. سعيد:ذوقي ذوقي..<<صيوطااخ.. عبدالله:جذاب..ذوق هالصخله اللي عندج.. موزاني"تلوي ع عنوده":حرام عليكم..لا تسبون الشيخه عنودي.. سعيد"يضرب عبدالله ع راسه ضربه خفيفه":مسود الويه لا تسب البنيه ولا تجذبني..فاهم..!؟ عبدالله:انا ما جذبتك..وما سبيتها..امبونها البنيه صخله..شسويبها انا..!؟ العيوز:وانته عبدالله شو هاللي فـ يدك.. عبدالله:عمي سعيد شرالي قطوه..طالعي امايه هاي مب حيالله قطوه..قطوه امريكيه..طالعي طالعي كيف عيونها..بربيها ما بستغني عنها..مستحيل اتركها.. العيوز"تفره بفنيال قهوه":مسود الويه..وبعد ما بتتركها..هاه بدل ما ترابع ويا ابوك ويدك صوب الرجاب تشوف حوالهن يالس اتربي فـ القطاوه.. سهيل"يظهر من قسمه":هاه هاه..شو السالفه..منو على عيوزي..!؟ العيوز:تعال شوف اخوك سعيد شو مسوي بـ عبدالله"تطالع فـ سعيد"..بتخبرك انته تبغي عبدالله يظهر شراتك.. سعيد:ههههههههههههههههههه..خليه ينسى سوالف الرجاب..هله وشوابه ما بيقصرون.. موزه:القطاوه احسن عن الرجـاب..القطاوه شكلهن كيوت.. خخخخخخخخخخخخخخخخخخخخخخ..تزيد الطين بله.. العيوز:سهيل..شلني وياك..بيننون بي سعيد وحرمته و عيال محمد.. سهيل"عرق النذاله":كللللللله من سعيد..هو اللي مخرب عبدالله وعنودي.. سعيد:شووو..!؟ سهيل:سعيد محد يعرفه كثري.. سعيد:لا تعق صوبنا.. سهيل:رح وطي يلا..تتحرى العيوز ما تعرف بسوالفك.. الكل:ههههههههههههههههههههه.. سهيل:هاه ام راشد..ويانا صوب العزب.. العيوز:هيه هيه..بظهر من هـ الينانوه اللي هنيه.. موزة:له..له..له..جرحتي شعورنا.. العيوز:يعله زووود.. سهيل:عبدالله.. عبدالله:اييك العون.. سهيل:ابوك ظهر للعزب.. عبدالله:مادري..ما شفتهم.. سهيل:عنلاتك..ما عندك مونه..يلا العيوز..ورانا درب.. العيوز:عيز حيلك مسود الويه.. عبدالله:ههههههههههههه.. سعيد:دواك..يلس الياهل يتمصخر عليك.. عبدالله:انا مب ياهل..شفتني عنودي الصخله.. عنودي:يااااااااااااااااااالس يسبني يقولي..يقولي..يقولي..الصخلااااااااااااااااااا.. شغلت ونانها..فـ اللحظه اللي نشت العيوز بمساعدة سهيل..وويهوا صوب العزب.. نعم من غــابت عيونك وانا اصفق على الكفين.. واتوه بــخطوتي ضايع ولا ادري وين عنواني,, حبيبي شـــــــــفت هالدنيا حلاها لاجتمع قلبين.. تخلــــــي قلوبنا اجمل من اللي عاش وحداني,, أبــوظبي.. الســاعه 6 الا ربــع.. بيت بو سلطــان.. شويخ:هاه ميثــووه وينج..!؟ ميثا:اللحينه اللحينه يايه.. شويخ:اوكي عيل..اترياج انا.. ميثا:يلا جرب بوصل.. شويخ:اوكي باي.. ميثا:باي.. بندت شويخ عن ميثا ربيعتها ..و حطت الفون ع التواليت..ما تلاحظن غريبه ما فرته ع الشبريه..لووول..لبسـت لها لبس كشخـه..وحطت مكيب..طلعت طرر..عشان ربيعتهـا..لوول..ونزلت تحت..شـافت أمها يالسه ع الأرض..وكـانت تشرب قهوه.. شيخه:السلاااااام عليييييج ماماتي.. ام سلطان:وعليج السلام.. شيخه:شحالج..!؟ أم سلطان:يسرج حاليه.. يلست شيخه عدال امها وصبتلها جاي وكانت تطالع التلفزيون بالصمت..فـ الوقت اللي أم سلطان تطالع شيخه وتشوف ملامحها.. أم سلطان:شويخ..شو هـ الشرخ اللي ع خدج..!؟ شيخه"تحط يدها عليه بارتباك":هاه..؟هذا..طولي بعمرج هذا من طيحتيه ع الدري.. أم سلطان:هيه..انزين سمعي يا بنتيه ترى ريلج اليوم ياي صوب سلطان الصبح ورمسه ويقوله انه بيطلقج.. شويخ:............................................. .. أم سلطان:يا بنتيه شو اللي مستوي بينكم..انتي شو سويتي به وهو شو سوابج..!؟ما مداكم تكملون شهر من عرسكم الا وتتطلقون.. شويخ:يمايه..خلوه ع راحته..الريال اللي ما يبغيني ما بعق عمريه عليه.. أم سلطان:شو اللي صار..؟وخلاج تردين لبيت خالوتج نورة.؟! شويخ:ما صار شي..بس انا وياه ما تفاهمنا..ما أقدر اعيش وياه.. أم سلطان:الريال ما يعيبه شي يا بنتيه..وهزاع..كلن يشهد له بطيبة اخلاقه.. شويخ:ادري ادري..بس خلاص يمايه..دام انه طالب الطلاق..لبوا طلبه..لا اتمون اتزنون على راسه..خلوه ع راحته.. أم سلطان:يا شويخ..بتتطلقين للمرة الثانيه..الناس شو بيقولون عنا.. شويخ:ما عليج من رمسة الناس..لا اتودي ولا اتييب.. أم سلطان:الله يهديج يا بنتيه الله يهديج.. شويخ:ان شفتي سلطان قوليله الرمسه اللي قلتها لج.."تطالع الفون مالها"..هـأي ميثوه اتدق..اكيد واقفه بسيارتها خاري البيت.. أم سلطان:هيه هيه يا مرحبابها والله..نشي قربي بها صوبي.. شويخ:افا عليج ما طلبتي..لا يكون الدريول موجود هنيه.. أم سلطان:لا انا طرشته لـ بقعه اييب لي حايه.. شويخ:هيه زين عيل.. شلت فونها وظهرت خاري صوب الحوي..شافت ميثوه واقفه عند باب البيت العود.. شيخوه:يا مرحبا ملاييين..قربوا قربوا.. ميثاني:المرحب باجي.. تجدمت ميثا ويا أمها..صوب شويخ..سلمت عليهن و رحبتبهن صوب أمها.. × × × مابقـى في عيــــوني الا دمعتين..لو يــــــــجفن كيف انا ببكـي عليك الفـراق اللي ذبحـــنـا من سنين..مايبي يرحـــــــــل او يرسلني اليك والعمر يمضي وعـذبني الحنين..ساكــن بعينـي ومــــــــا اقدر اجيك اسمع الآهات في قـلبي الحزين..واسمع جروح الزمن تســـأل عليك !!؟ رمــاح.. بيت بومحمد.. دري المطبخ.. يودت رويض عنود من أذونها.. رويض:من وين لج هالحلويات كلها..!؟ عنودي:..............لا.........لا.... رويض:رمسي عدل لا ادفنج هنيه.. شجون"يايه تربع":والله يا ويلج منيه يا رويض..شو بلاج ع البنيه.. رويض:تسرق تسرق تسرق.. شجون:لا مب سارقتنه..هاه انا يبته حقها.. رويض:هيه .."و تدز عنود عن ويهها"..سيري يلا.. عنودي:والله انتي يعا.. رويض:هيه انا يعا مب حلوة نذله حقيره انتي شويخصج فيني.. عنودي:دوباااا.. رويض:هههههههههههههههههههههههه.. اشوي الا سعيد طاب عليهم.. سعيد:عنووووووووووووووووووووود.. صدت عنود صوبه.. سعيد:والله ان ما ييتي تاخذين هـ العصافير من ويهي بفرهن فـ السما ولا بزقر عبدالله بقطوته عسب تاكلنهن.. رويض:اووب اووب والله عندهم عصافير وشغلات حلوة.. نشت من مكانها وسارت صوب سعيد وخذت العصافير من عنده ويلست تلعب بهن وعنود كـ العاده معصبه عليها لين ما يت شجون وخذت عنود بعصافيرها صوب بيت عمهم بوخليفه عسب يسلمون على سلاموه..لوول..محد شافها.. يلست رويض اروحها..تطالعهم وهم سايريين عنها..ماتدري ليش يأ تيلفونها في بالها..نشت من مكانها وردت عند دري المطبخ ويلست اتشوف الفون وتشيك ع اللي واصلنها..مسجاااااااااات واااااااااااااايد..بس كـ العاده ما تكرمت وفجت واحد منهم وقرته..فزت من سمعت صوت التيلفون يدق..طالعت الرقم..رقم عموتها..يعني فطامي.. فطامي:الوووووووووووووووووووووووووووووووووووووووووو وووو.. رويض:بسم الله الرحمن الرحيم..الو.. فطامي:بسم الله من ويهج..شحالج حرمة اخويه..؟ رويض:يسرج حالي من صوبج..؟ فطامي:حالي من حال اخويه واعليه عليه فديت ويهه.. رويض:....................................>>كان ودها تضحك بس يودت عمرها اسلوب فطامي طرر.. فطامي:اشعنه مسويه له بلوك..ناقص تسوين ديليت.. رويض:أخوج يستاهل الديليت.. فطامي:وه وه وه ..ايه ده الكلام يا بنتي..!؟ رويض:هيه صح كلامي..بعد كل اللي صار ياي يعتذر عنه..شو بيفيدني الإعتذار.. فطامي:أدري انه جرح مشاعرج واهااانج باللي سواه..بس يا رويض..بيتم سيف اللي تعزينه وتغلينه..معقوله بتخلينه وهو عرف غلطته.. رويض:.........ما أقدر ارمسه..احس في شي يمنعني.. فطامي:.....انزين لين متى..!؟ رويض:ما اعرف..لا تسأليني هـ السؤال..سيف ما عرف قدري و انا عنده..يمكن اللحينه بيعرفه وانا بعيد عنه..ياكم قلتله وفهمته وطلبت منه يسمعني..ع الأقل يسمعني ..يعطيني فرصه أدافع عن عمري بدل ما يهيني ويخليني وحده موطيه راس هلها فـ التراب..مع هذا..كان حد ما يتكرم وينزل مستواه ويطالع فيني.. فطامي:يا رويض سيف بأشد حالاتها..في ذمتيه لا العيشه يجرب صوبها ولا الرمسه اييبها..حياته صارت × بدونج.. رويض:وانا شو كانت حياتي بدونه..كنت اعاني وكل ليله كنت اتمنى انه يرد ويفهم اللي صار ولا يخليني اعيش أيام سودا..وكله ايلس افكر فيه..فطامي..انتي مب فاهتمني..سيف ما اهاني وبس..سيف عذبني عذبني عذاب فظيييع ما قويت عليه بصراحه..وانا شو ذنبي..لأني عزيته واغليته وحبيته.. فطامي:................................... رويض:وانتي اكثر انسانه تعرفين شو سيف يعني لي..اتخيلي..فـ اليوم اللي كنت بصرحله عن مشاعري واحاسيسي فاجأني باللي قاله..حطمي وحطمي هالمشاعر والأحاسيس..طول هـ الفتره ما أثرت فيه..سيف من عرفته وهو عديم احساس و قلبه صخر.. × فــ هاللحظـــه × ليـتك تشـوف شجرالـي الحـال صارت نحيـله دمعـي على الخـد سالي ومـالي على الصـبر حيـله انصدم سيف من الرمسه اللي يسمعها..اهتز كيـانه..حس بالقهر يلعب بقلبه ويعذبه..فـ اليوم اللي كانت رويض ناويه تصرح باللي في خاطرها..يروح سيف ويجرحها.. فـ اليوم..اللي كـان بيجتمع قلبين بأسم كل شي وباسم الحب..سيف انهى هالقلبين بكل سهوله.. فـ اليوم اللي كانت رويض ناويه تعيش باجي ايام حياتها بعد اللي صارلها ويا سيف بكل وفاء واخلاص..سيف حطم أحلامها وكل امانيها.. انقهـر سيف من اللي يستويله..رد للواقع..وين ما يسمع صوت رويض وصوت فطامي.. فطامي:اوكي رويض انا بخليج اللحينه.. رويض:اوكي عيل يلا باي وسلمي على عموتي .. فطامي:وسيف ما اسلم عليه.. رويض:مع السلامه.. فطامي:ههههههههههههههه...فمـان الله.. بندت فطـامي..وصدت صوب أخوها وهي رافعه وحده من حياتها.. فطامي:هاه شرايك السيف بن المر..؟عايبنك الوضع اللحينه.. سيف:........................ فطامي:أرمس انته شو فيك جيه سـاكت.. سيف:مب ساكت.. فطامي:خخخخخخخخخ..شو بتسوي اللحينه.. سيف:بدقلها بتفاهم وياها..ماروم ابتعد عنها وهي ماخذه في خاطرها علي.. فطامي:اللحينه هاه..؟والله لو انا بدل رويض..لا اسوي فيك شي..وقسم.. سيف:انا محتار..مب طايعه ترمسني تصد صوبي حتى اتسلم علي.. فطامي:ادواك..انته جيه كنت تسويبها.. سيف:انا كان وضعي غير وهي وضعها غير.. فطامي:انته كنت تعذبها وهي اللحينه تعذبك..خلها تأدبك اشويه..ترى اللي ياها منك مب بالشي العـادي.. سيف:ولين متى يعني..يومين وانا عايف هالدنيا ومن فيها..خلاص..احس احس..بشي ع قلبي..شي ثجيل..أحس صوتي شي خانقنه..احس انيه مهموم فطامي:وهي يوم كـانت تعاني منك..انته شو كنت تسوي لها..ما تعرف شي غير انك تصدها وتجفيها وما تهتم له..عكسها هي اللي كانت تداريك وتحاتيك.. سيف:عطيني حل..لا تيلسين تلوميني.. فطامي:انته اصلن للحينه ما حسيت بعمرك غلطان..تتحرى السالفه عااديه ..والوضع عادي..بصراحه..زين اللي تسويه رويض فيك.. سيف:انتي بتزيدينها.. فطامي:هيه دواك.. سيف:ونعم الأخت والله.."يفرها بالمخده "..سيري عن ويهي يلا.. فطاامي"تنش من مكانها":اوكي عادي بسير..مسكيييييييييييييييين حالته حاله.. سارت عنه..لمدة خمس دقايق خلته يفكر باللي يستويله..وردت عنده مرة ثـانيه.. فطامي:انا اشتقت لمايه.. سيف:وشو اسويلج يعني.. فطامي:ودني صوبها..حرام عليك.. سيف:انا المسكييييييييين اللي حالتيه حاله..شو تبغيني بي.. فطامي:لا..لا..لا تقول هـ الرمسه..انته اخوي الوحيد وسندي وظهري وعزوتي في هذه الحياة القبيحه.. سيف:اتقردنيني هاه..ما بوديج.. فطامي:حراااام.. سيف:حرام فـ الدرام.. ينش من مكانها.. سيف:انا برووح بدور بقعه افكر فيها زين مب مجابلة فيسج.. فطامي:لا..اتم اروحي فـ البيت..لا لا لا.. سيف:ما يخصني فيج..سيري رقدي يلا كلي طالعي التلفزيون يلسي ع النت ما يخصني فيج.. فطامي:لا لا لا.. سيف:لا في عينج.. مشى سيف وفطامي تلصقت فيه.. فطامي:والله ما تسييييييييير. سيف:ماااااا يصخني فيج.. فطامي:انزين ودني عند رويض.. سيف"بهمس":رويض.!؟ فطامي"ترقص حياتها":هيه رويض..؟ سيف:اوكيي يلا.. فطامي:يلا..بزهب عمريه واغراضي بس ربع ساعه.. سيف:يلا بسرعه.. خل القصايد تغتنم مــــــــن محاسنك ..موت القصيده بين رمشك وعينك.. كم صمت عن شعري فطرته بمفاتنك..ألقى النوادر بين شعــــري وبينك.. رمــاح.. الســاعه 8 ونــص.. بيت بوخليفــه.. حمد:خلوووف..من اللحينه اقولك..حرمتك ان ما يودت لسـانها والله لا يستوي لها شي مب طبيعي.. خليفه:لا والله ..؟انتوا اصلاً غيرانين ما ترومين تظهرون.. عنودي:عمممممممممممممممممممموووه شمس..عندها كورة.. شمووس:ويديه..أي كورة..!؟ عنودي حطت يدها على بطن شمس.. حمد:عنلات صداج يالياهل..انتي كلج على بعض كوره..هاذا ياهل فاهمه.. عنودي:ياهل..؟ خلوف:الله يعينكم اللحينه بتبدا بالأنسئله..يلا سلامي سرينـا.. شموس:وين وين العزم يالشيوخ.. خلوف:بنسير صوب هل بوظبي..بنسلم عليهم.. حمد:هاه بتباتون هنـاك.. خلوف:لا..بنظوي فليل..يلا تامرون بشي..!؟ حمد:سلامتك.. نشت سلامي وظهرت ويا ريلها صوب بوظبي..فـ اللحظه اللي طبن فطامي و رويض وشجون اللي يايه بلابها..ككككك..بعد السلام و اليلسه والسوالف.. حمد:الا بتخبرج يا بنت المر..؟ فطامي:عووونك. حمد:عانج الرحمن..وينه اخوج..؟ فطامي"تصد صوب رويض":اخويه..اخويه ويه صوب العين ايقول بيسير ويا سهيل مادري وين.. حمد:امبونه ما يقر فـ بقعه..امسـات ظهرت وراه من ميلس الرياييل قلته بلاقفه اللحينه..وين الريال حرك سيارته.. شجون:لا تلومونه ويا رنج.. الكل:هههههههههههههههههههههههههههههه.. شموس:الا بتخبركم..العرب وينهم.. شجون:الكل ملتم صوب قوم عميه محمد.. شموس:اها.. حمد"يطالع شجون":وانتي شعندج ميوده اللاب وين ما تسيرين.. الكل صد صوبها. شجون:بقولكم..بس اللي يضحك يا ويله.. الكل:خخخخخخخخخخخخخخحخخخخخ.. شجون:وبعدني للحينه ما قلت..ويالسين تضحكون.. حمد:قولي قولي..محد بيضحك..يلا هدووء.. شجون:انزين..يالسه..يالسه اتعلم اللغه الهنديه.. صدت صوبهم .. تطالعهم..استغربت شافت الكل ساكت..فجأه..تشوفهم كلهم يضحكون وميتين من الضحك..بدت يلسة السوالف..لين ما نشت رويض منحرجه من تيلفونها .. ردت لـ بيتهم وكانت تمشي بسرعه..بخوف..من اللي يستوي..سيف قالب الدنيا عليها..وكل مسج يطلب انها يرمسها..يدق..يطرش مسج..يدق..يطرش مسج..وهي مسويه له أكبر طاف.. " رحـيلك وشـ تـرك فينـي ؟! // سوى // × التابـوت × و × الجثمـان × و عـرفت " المـوت " لهـ اسميـن وكـان الثانـي ×× غيابـك ××" قررت اترد عليه..هـ المرة ما ودها اتصده..تبغي تجرحه بالكلام وتعذبه..تبغيه ايحس باللي هي حست به..يوم كـان يجفيها وكـان ما يعيطها ويه.. " انآ احيـآنا عليـكـ ـ : اغلـط : ويقصـر معـآكـ ـ تعبيـري ! ولكن ...بعد الذي شفتـهـ !وبعد مآصرنآ | نتحـآرب | .. تحسب اني ابـي ( حبـكـ ـ ) ؟او بتنـآل تقديـري ! حسآفـهـ .....قـدركـ ـ العـآلي بدآ لـ ’ الأرض يتقــارب" فرت التيلفون على اقرب طاوله شافتها عيونها..و هي تطالع فيه..تتريا..سيف..شو بيطرش..شو بيقول..شو بيبرر اللي سواه في حقها.. "ردي عليه..دخيل الله ثمن دخيلج.." دخيلج..يا ما هـ الكلمه كانت تهز مشاعرها..وتهز مشاعره..واللحينه..كل اللي يصير..هي مجرد ذكريات تمشي على هـامش الزمن الجريح..ذكريات على قد ما تحزن بها رويض..على قد ما اشتاقت لها..وطرشتله :- "ابعد بطيفكــ عيونيـ ماتبيـ شوفكــ تراااكــ جرحـ الخفوقــ ابجد لامستهــ لو كانـ بعضـ الخيانهـ ساكنـ ابجوفكـ عذرتـ قلبي وعاطفتهـ ووسوستهـ صحيحـ انااا كنتـ أحبك و أعشق اطيوفكـ وأن جيتـ قلبيـ بغربة همـ ونستهـ " توقعت..مليون بالميه ان سيف بيدق عليها اللحينه..وهاللي صار..بعد قرايته للمسج دق عليها..حرق التيلفون..و كانت ما ترد ما ترد ما ترد ما ترد..هي من صوب تعـاني..وهو من صوب يعــاني.. من شافت ان سيف مب راضي يفج عنها..اغلقت الفون..وفرته فـ السده..و نزلت تحت.كـان ودها تسير صوب الأهل وين ما هم ملتمين ..بس ماكان لها خاطر..الضيجه حاله تـامه ع قلبها وين ما تسير..باب البيت العود مال الشارع كان مفتوح..وشافت شجون وفطامي وهن خاطفات سايرات لبيت عمها بو سهيل..كانت بتزاقر عليها يترينها بتسير وياهن..بس بعد غيرت رايها..ويلست ع الدري مال باب الصاله..وتطالع جدامها وتسكت..تفكر..تفكر..تفكر..شو تسوي..وهل اللي يالسه هي تسويه فـ هاللحظه صحيح ولا لا.. حست ان شي بداخلها يرمسها..يقولها لين متى بتمين تنجرحين وتنهانين..بعد اللي سواه سيف فيج ..بعد ما اهانج..واتهمتج بسوايا مب انتي راعيتها..اتهمج بأشياء تمس كرامتج وكرامة هلج وتخلي راسهم واطي مواطي جدام العرب..اتردين له..الإنسـان اللي كره لج حياتج وخلاج اتعانين..ترابعين وراه وهو ما حفلج..بتردين له..!؟؟الإنسـان اللي خلاج اتشوفين الويل..ونجوم الليل عز الظهر..بتردله ..ليش..؟!هل الحب هو عذر كـافي..ان رويض تنسى اللي صار وتمسحه من دفتر حياتها..!؟ كيف تمسحه اللي صار وتمسح سيف من دفتر حياتها..وسيف ويااها..فـ كل لحظه..فـ كل دقيقه.. × من صووب × عجايب كيف ما توله عجايب..وانا اللي في غرامك صرت ذايب علامك تاخــــــذك دنياك عني..بعد ما كنت انا وانتــــــــه حبايب.. فج باب الموتر وظهر..طالع يمينه ويسـاره..استغرب ان كل السيايير موقفه جدام بيت خااله بوسهيل..ما عطى هـ الشي أي اهتمام..كل همه كـان رويض..وبس..يبغي ايشوفها..و عشـان يتفاهم وياها..الوضع اللي هم فيه..لا هي مرتاحه فيه..ولا هو..وهو يدري بهـ الشي.. حدر الحوي..شـاف رويض يالسه ع الدري..كـان يمشي صوبها..بكل هدوء..يرقب ان عيونه تلتقي بعيـونها..لكـن..رويض كانت تطالع تحت..وشكلها..كـانت غاااااارقـه فـ التفكير..تجرب صوبها..ويلس عدالها..تأمل ملامح ويهها..حس انه اشتاق لها واشتاق واشتااق.. كانت يترياها تطالع فيه..طول..وهي طولت..لين ما تكرم و زقرها.. سيف:رويض.. فزت من مكانها بخوف..تحس كأنه دقات قلبها تنسمع..خـافت..لأنها طلعت من دوامة افكارها اللي تييب لـ راسها الصداع..يوم طالعت على يمينها..شافت سيف..انصدمت.. كـانت بتنش..بس هو يود يدها بقوووو.. سيف:ورفجة الغالي تيلسين ببقعتج..فـ خاطريه رمسه وابغي اقولها.. صخ سيف..يعطيها مجال ترمس..توقع مليون بالميـه انها بتحرمه مـن سمـاع صوتها..انها بتخلي الصمت كـ العاده سيد الموقف..ولكــن..!! رويض:زيين ييت..لأن بعد انا فـ خاطريه رمسه وابغي اظهرها.. ابتسم سيف..حس ان الفرحه شلت قلبه شل..استبشر بـ خير.. سيف:اوكي..انتي ابدي.. رويض:..انته أول.. سيف:أول شي شحـالج..؟! كـيــف حـالــي ! وربي / بـ الحـزن ممتحني كـيـــف حـالـــي؟ وعمري / انجرحت وماحكيت !! بسـمتي ارتسمها رغم حـزني وكني دايم الحـال طيب / أبد ماقد شـكيت .. صخت رويض..وما ردت عليه..وبعد مرور ثـواني.. رويض:شو اللي فـ خاطرك.. سيف:..بكل اختصار..انا آسف..و واللي ودي انه يصير فـ هاللحظه..أنه نرد شرات قبل وأحسن.. صدت صوبه..كـانت نظراتها جداً غامضه..مب مفهووومـه..حتى انه سيف يلس يطالعها باستغراب..نظراتها ما كانت الا مزيج عن حزن وألم وقهر لا غير..مزيج عن بقايا مشاعر واحاسيس من هـ الزمـن اللي يعذبها..ما كانت الا نظرات..من عيون جارت عليها الظروف وقسوة الحياة.. رويض:آسفـه..لا انته لي..ولا أنا لك.. حبيبي ليش قلبك صار جــافي..وطبعك يا بـــــــعد من كان وافي.. غالي لا تــــــــــزيد الهم كافي..فراقك زاد في قلــــــــــبي لهايب.. انصدم سيف من الرمسه اللي تنطقت بها رويض..شو شو شو تقصد..؟!شو تريد هـأي يالسه تستهبل عليه..يعني شو تفارقــه..يوم عرف اللي صار..يوم رد يعتذر..يوم رد يطلب السموحـه..ندمـان..منكسر..مقهور ع الأيـام اللي طـافت..ع السـاعات والدقايق والثواني..اللي كان فيها مبتعد عن رويض..ويجفيها..ويعذبها.. متندم انه ما سمعها شو كانت بتقول..وان كل اللي سواه انه عق اتهامات وبس..مع هذا..اللحينه ياي يعتذر..بكل برود اتقوله رمسه شرات السـم.. سيف:شوو..!؟ رويض:خلاص سيف..اللي بيني وبينك انتهى.. سيف:وبتتركيني..؟! رويض:شرات ما تركتني اعـاني.. سيف:وانا كنت اعـاني.. رويض:تعـاني من فراغ..بس انا غير.. سيف:اهون عليج.. رويض:شرات ما انا هنت عليك.. سيف:اللي صار ما كان بيدي.. رويض"بانفعال":لا تبرر موقفك..لا تبرر.."وبصوت مخنوق"..تحيد يوم كنت اترجـاك تسمعني..وانا ما اسمع الا صوتي ينرد عليه..تحيد يوم خليتني وحده واطيه ما تسوى التراب اللي ينداس..تحيد يوم فرت عليه الصور..وتركتني..فـ ذيج الليله اصيحك واصيح حيـاتي.. سيف:...قلت لج هـ الشي ما كان بيدي.. رويض:ليش خليتني اتعلق فيك واحبك ليش..!؟ليش بعد ما ملكت قلبي رحت وخذته ويـاك..انته..تتحرى انيه ما احس..انيه..انيه عديمة إحساس..كيف يطاوعك قلبك تجافيني طول هـ المده..انا ما رمت ع اللي تسويه..ما رمت عليه.. سيف:اللي صار مب الشي القليل.. رويض:اللي صار انا مالي يد فيه..شيخه و سواياها..سيف.......سيف.. صد صوبها..يترياها تقول شي..للأسف..ما قالت شي..بس لمح سيل دموع على خدودهـا..كانت تصيح بحرقه..بكل ما في قلبها المقهور من حزن..وسيـف..آآآه يا سيف..دارت به الدنيـا..معقوله هو يكون سبب نزول دموع اغلى إنسـانه..هو سبب حزنهـا..وكآبتها.. سيف"يحط يده على دموع رويض":لا..لا..لااااااااا..لا تصيحين رويض..انا ماريد اسبب لج الحزن والضيجه..طلبتج لا تصيحين.. رويض"تمسح دموعها بطرف يدها":اللحينه همتك دموعي اللحينه..يوم سافرت..كنت اصيح اصيييييح امووت من الصيــاااح..وانته مب ممتحن مني.... سيف:انا كنت اعـاني شراتج..والله يا انه القهر يقطع قلبي..كل شي يصير جدامي كأنه..كأنه..مادري..احس..احس..ان قلبي ياكلني من الغيره..رويض..رويض.. صد صوبها..لقاها تصيح بكل صمت..حط يده على ويهه وفره صوبه.. سيف:رويض..ليش تلوميني..وخطتهم مافيها مجال انيه اجذبها..كل شي واضح جدام عيوني..انتي مصدقتني..!؟ رويض:طبعاً لا.. سيف"يود يدها بقوو":لا..لازم تصدقيني..انا ماجذب عليج يا رويض.. رويض:وانا ماجذب عليك..يوم كنت اقولك يا سيف هاي مب انا..كانت رمستيه ما تهمك..كـنت تتجاهلني وتتجاهل اتصالاتي ومسجـاتي..كنت تتعمد انك تعذبني .. سيف:كان الجرح صعب صعب.. رويض:وانا .. جروحي شو اقول عنها..شو اقول..شو ..؟! انـا ’ قـلبي ، محـال يصـير معـنى الهـجر / دسـتوره ؛؛ يـ غ ـني للـ ، بعـد مـرّه ... ومـرة يـزور [ خـلانـه ] رسمـتك في سـكون : الليـل : لحـظة صمـت ’ مغـروره ، ورسـمتك في ؛ سـ ح ـاب العـمر ... قـطرة شـوق ... حـيرانـه لحظــات صمت..دامت ودامت ودامت..ما ينسمع منها غيير صوت الهوى أيام الليالي البارده..الشتــا..الشتــا..ومبين ان ليله بيكون طوييييييييل على رويض وسيف.. [ الشتـــا ] ليلـه طــوويل .. بـردهـ اللـي هـب قــاسي ..! و إنت بـ \ أنفــاسك لهــيب الشـووق يـوم التقينــا إيــه أنـا مــركـب غــرام و جـيت أدور لـي مـراســي .. و ارتمـيت .. بـ \ حضنــك اللـي ينتظـرني .. و انت مينــا و لاتفكــر كـان شفـت الشــووق .. و لـ ع في حمـاسـي .. تـدري إنـه من ظـروفك .. و الغيـاب ! والله إنـك غـبت عنــي .. لـين قلـت أكيــد نـاسي ..! و قمــت أعـاني من غيـابـك .. بـس تـدري [ ماعلينـــا ] فـ هاللحظـات..سيف يراجع حساباته..ورويض تراجع حساباتها..ما بقى شي ينقـال..الكل ظهر اللي فـ خاطره..شو بقى شو بقى.. سيف:رويض..انا احبج ولا تفكرين فـ لحظه انيه بتركج..!؟ أعـشـقـك .... أهـواك .... أحـبـك ما كـفت ... ؟! اكثـر من ’ الحـب ، احـبـك فـي هـيـام لـو بيـوت الشعـر تـوصف ما وصـفـت كيـف ابوصـف لك شـ ع ـوري بـالـ / كـلام ... ؟! صدت صوبه..ناظرته بنظرات..كـ العاده..عجز سيف يفسرها.. سيف:رويض..خلاص انسي اللي صار..خلينا نبدا صفحـه يديده فـ حياتنا.. رويض:اتقول هـ الرمسه.....لأنك...ما عشت اللي انا عشته.. سيف:وعسب جيه انا اقولج انسيه.. رويض"تنش من مكانها":سيف..اسمحلي..لازم تنفذ رمستك وتكون قدها..وتطلقنـي.. نش سيف من مكانه.. سيف:شوو.!.؟ رويض:اللي سمعته..بصراحه ماروم اكمل حياتي وياك بعد اللي صار..صح كنت لي راحتي..بس انته اللحينه سبب احزاني..انا..انا ماريد اعيش وياك..لا انا استاهلك..ولا انته تستاهلني.. سيف:شو تقولين انتي..تتحريني بتركج بهـ السهوله..تتحرين انج بتمشيني على كيفج..تتحرين انيه بخليج تمشين على هواج ..انا شو بكون بدونج قوليلي..شو تبغيني استوي مينون..اتخبل..تبغيني اصيحج..اناا اموووووووت من بعدج..انتي..انتي مب حاسه فيني باللي يستويلي..انا اللي كنت اتعذب أكثر منج لأنج انتي الغاليه خنتيني..هـ الأشياء ما تخليني ارتـاح..ما تخليني اشوف حياتي..ما تخليني ارقد .. وان رقدت..ما رتحت برقـادي.. رويض:..................................بس..لازم نفترق..لا تضغط عليه..لو شو سويت انا مستحيل اكمل حيـاتي معاك..ودك برمسه ظاهره من خاطريه..أنا اموووووت ولا اعيش ويا شخص اهـاني.. سيف:......لكن.. رويض"تقاطعه":لكن حط شي فـ بالك..الي يحبك..مستحيل يخوووونك..انت تتحراني اخونك..تتحراني بروم ع فرقـاك..كل اللي فكرته به كان غلط × غلط.. سيف:قلت لج انسي اللي صار..مستعد اسوي اللي تبينه..الا البعاد.. رويض:سوري..والبعاد هو اللي اطالب به.."وبعنــاد"..ولازم تنسـاني.. نسيتك يشـــــهد الله ما نسيتك..لقيـــــــــــتك وين مابرحل لقيتك.. عطيتك عمري وروحي عطيتك..يا اغــــــلى من محبين وقرايب.. قفت به..وهو يزقرها.. و حـانت سـاعـه غيـابـك .. و جتـني تسـأل ’ جـراحـك ، .. - | ويـنه | - من جـرح قلبـك .. ؟ ليـه غـاب .. ؟ // ويـن راح ..؟ جـراحـك × رافضـة تـبرى × .. ! تبـيك ... و ودهـا تبـقى .. ! املهـا كـان فـي الـدنيـا .. || ... وجـودك ... || .. حـتى لـو جـارح ..! طعـونـك دايـم تنـادي .. و تسـأل : ويـنه الخنـجر ..! تعـال ارجـوك لا تـرحـل .. طعـونـك مثلـي ... [ تحتـاجـك ] .. ! تجدم صوبها..ويود يدها..وخلاها اتشوف فيس تو فيس.. سيف:وين رايحه.. رويض:ارقد.. سيف:ترقدين..!؟ رويض:هيه ارقد..راسي يعورني.. سيف:من شوو..!؟ رويض:من حياتي.. سيف:وانا حياتج..يعني مني.. رويض:............................. ترياها ترمس..طالع فيها.. رويض:السموحه انا بسير.. دندنت آخـر ثوانـي ساعـة الفرقى ... ورنـّت ,, وانتهت ( آخـر فصول المسرحيه ) بـ اغترابـه احتواهـ الصمت لكن صاحت دموعـه , وجنـّت .. هو بقى شي ٍ بـ عمرهـ يَرجي الوقت اغتصابـه ؟! دايم افراحه خجوله .. لـو عزف حزنـه تغنـّت .. يا كبر جرح ٍ سكن بـه لا شكى / ولحد ٍ درى بـه .. سحبت يدها..ومشت لـ دري باب الصاله..كل خطوه كـانت تخطيها رويض..كان سيف حاط أمل انها بتصد صوبه..وتقوله خلاص سيف انا بنسى اللي صار..ولكـن..رويض..حدرت الصاله..وسيف..لا زال يتوهم..ويتمنــى..!! كـانت ’ اخـر امنـيه ، فـي حيـاتـي رجعـتك .. ليـه اختـرت البعـاد .. ! تـدري فيـني ../ الشـوق زاد .. !! انتـظر .. بس انتـظر .. و اتحـرى | جيّـتك | .. ! طـالع فـ المكان اللي جدامه..وينها رويض..قبل شوي كانت هنيه..ترمسه ويرمسها..كان على وشك اقناعها انها ترد له وتنسـا الماضي الأليـم...ولكن الله ما قدر هـ الشي..وحكم عليهم قدرهم بـ الفراق..اللي ما يروم عليه قلب سيف.. عيـد ميـلاد موتي / أفرحي يا جـروح وأسقي الشمع ’ دمعـه , من وريد الألم وإن طفى الشمع ولا ما بقى فيـه روح .. إسحبي من عروقي وإسقي الشمع دم !! إعزمي كل جرح , وكل قلب ٍ سموح وكل عاشق / تعذب في الهوى وانظلم / يحس بألم..بـ قهر..بـ حزن..بعدة اشياء ما تسر القلب..تييب الهم والغربال..شو حياته بتكون بعد رويض..الحرمه راسها يابس وشكلها معزمه خلاص ما ترد له..جارت الدنيا عليهم..بعد ما كانوا احلى قلبين..صااااروا..بعيدين عن بعض..شل بعمره صوب سياته وحرك الموتر..من الضيج اللي فيه يلس يقحص ويلات..الله وياااااااااااااااااااااااااك..كـان يبغي ايرد حرته فـ أي شي..وما لقى غير موتره وطاح القهر عليه..يلس يتحاوط فـ الشوارع..ما يدري وين مراده.. ووين بيوصل..؟! اللـيـلـة هـــذي واضـحــة لـيـلـة فـــراقـ..حــاولـــت أعـديــهــا وعــيـــت تــعـــديـ ظــروف مـــا تـنـطـاق ولا راح تـنـطـاقـ..صـــد الـقــدر مـاهــو بـصــدك وصـــديـ يود تيلفونه..لازم يطرشلها مسج..مستحيل ينهي اللي بينهم بهـ الشكل.. انـا بـ / غـيابك ضعـت وانتـي تشـوفيـن ... ! بس السـ ؟ ـؤال اللـي جـرح ’ قـلبي ، الآن ... صحـيح انـك في غـيابـي ..... [ تنـاميـن ] .... ؟! عـادي ... !! ولا كـنك فقـدتي لك ... انـسـان ... ! : |
[size="5"]× من صوووب × بندت باب الحيره..وسندت ظهرها عليه..حياتها انتهت عند هـ النقطه..ما تظن ان سيف بيرجع لها مرة ثـانيه بعد الرمسه اللي وصلته..اهـانته..واهانها بما فيه الكفايه.. ما مداها تيلس ع الشبريه..الا و تسمع صوت..فـي حد يدق الباب.. سارت صوب الباب..وفجـته.. غبوش:....السلام عليـ.....اووه..رويض بلاج..؟! رويض:............"ترد تيلس ع الشبريه"..ما بلاني شي..انتي اللي شو بلاج..!؟ غبوش:بلاه لونج مخطوف.. رويض:لوني..مادري مادري.. غبوش:ويهج..امممم..صوتج..رويض..انتي كنتي تصيحين.. رويض:هيه.. غبوش:افا..ليش..!؟ رويض:تذكرت شي صيج بي..وما استحملت..جان اصيح.. غبوش:انا بيلس عندج.. رويض:سوري..بس انا اريد ايلس اروحي.. غبوش:انتي فيج شي.. رويض:هيه فيني اشياااء مب شي واحد.. غبوش:انزين قوليلي..انا اختج رويض.. رويض:ادري..بس باجر ان شالله بقولج بالسالفه كلها.. غبوش:اللحينه بتخليني احاتيج.. رويض:لا تحاتين ولا شياته..سيري صوب بيت عمي..الكل ملتم هناك..لحقي عليهم.. غبوش:اهـا..اوكي.. ظهرت غبوش وقلبها على رويض..ورويض..حالتها يرثى لهـا.. ومهما غبت يا روحــــي علينا..عســى الله عقب هالفرقى يعينا.. ودادك ضــــــــاق بلا شك فينا..نحبك حاضرن وان كنت غايب.. اليــوم الثـاني.. السـاعه 4 ونـص.. حوي بيت قوم رويض.. ذياب"يفر نعوله على عبدالله":عنلااااااااااااات صدااااك ياللي ما تخيل ع ويهك.. عنودي:انا..انا..قلت..له..لا لا..ياخذ عصافيري.. عبودي:انا قلت لـ عمي سعيد من قبل..انيه ابغي عصافير عشان تاكلهن القطوه.. ذياب"يفر نعوله الثانيه ":سير عن ويهي مسود الويه..يحليلها اللحينه عنودي يالسه تصييييح.. عنودي"تيود كندورة ذياب":واااااااااااااااااااااااااااهههههههئئئئئئئئئ ئئ.. سعيد"ياي من بيتهم":يلا يا جماعة الخير..يلااا.. ذياب:خلاص الكل حولوا ع مواترهم..يا غير انا يالسه مجابل هـ اليهال.. سعيد:هيه عيل يلا.."ويصد صوب فطامي اللي كانت يالسه ع الدري مال المطبخ"..وانتي بنت المر.. فطامي:هلااا.. سعيد:مب يايه ويـانا.. فطامي:لا والله مب سايره.. سعيد:البنات كلهن سايرات.. فطامي:هيه.. ظهر ذياب وسعيد من البيت وويـاهم عبودي وعنودي..من صوب ..يلست فطـامي ع الدري وتجلب فـ فون ماماتها اللي عندهـا.. × من صوب × وقفت رويض صوب دريشة الصـاله تطالع اللي فـ الحوي..وشافت الموقف اللي استوى بين عمها ذياب يوم فر عبدالله بالنعله..لوول.. اليوم..يمعه..الكل التم وساروا للعزب..كان الجو..كلمة "رهيب" ما توصله..يعني كاااااااااان رووووعه روووووعه..خصوصاً ان فترة الظهر نزل مطر خفيف برد الأرض..السما ملبده بـ الغيوم..واشعة الشمس بين ظهور واختفاء.. ولكـن..فطامي ورويض ما طاعن يسيرين..صحيح رويض انتبهت للموقف عمها ذياب..و لكنها ما انتبهت ان فطـامي موجوده ويالسه عند دري المطبخ.حن. يلست تطالع فـ الحوي..وفكرها كـان عند سييف..شعورها كـ العاده متناقض.بين عقل مقتنع بفراق سيف للأبد..وبين قلب متندم حيل على بعاد سيف.. كل شي فـ حياتها يحيرها..بين سيف..وبين انها تتركه وتترك الماضي الأليـم..كل شي.. استهدت بالله..خذتلها شور سريع..وصلت وذكرت ربها بقرايتها للقرآن..يأ فـ بالها تكشخ اشوي..كـ تغيير للنفسيه..وبالفعل لبست كندورة غاويه وحطت ميكب ع الخفيف..و نزلت تحت مرة ثانيه شغلت التلفزيون ويلست.. دق تيلفونها..وردت.. روويض:آلوووو.. فطامي:ألووو هاه..ليش جيه يا رويض ليش..!؟ رويض:شو..!؟ فطامي:انتي شو سويتي فـ سيف..؟ رويض"يتكبر":ما سويت شي.. فطامي:تعرفين ان بعد نص ساعه طيارته..الريال مسافر لـ لندن..وقال انه ابد ما بيرد..وازيدج من الشعر بيت..قـال لأمايه بعد كم شهر ياي وبياخذنا وياه.. رويض:شوووو.!.؟!؟!؟!؟ فطامي:وياااااااااالله يعلها في ذمتيه..ان هـ الرمسه انقالت اليوم الصبح..والتطبيق بعد ساعه..انتي..انتي شو ما تحسين..انتي ما تعرفين ان مصيرنا انا و ماماتي مرتبط بمصير سيف.. رويض:شووو.!.؟يعني يتغرب عسبة شووو...!؟ فطامي:عسبتج انتي..وصلني اللي سويتيه فيه البارحه..الله يسامحج.. رويض:بس..بس انا.. فطامي:انتي بتقصين على عمرج انج بترومين على فراق سيف..انتي كم يوم فارقتيه وحالتج انقلبت فووق تحت.. رويض:بس..كرامتي..سيف اهاني وايد يا فطامي.. فطامي:اهانج..وانتي اهنتيه..لين متى بتمون تكابرون..وكل واحد منكم يحتاي للثـاني..يوم انتي اغليته هو تركج..يووم يأ يعتذرلج انتي رحلتي عنه.. رويض:............................... فطامي:فكري زين..ترى حيـاة سيف بيدج اللحينه.. رويض:ماقدر..ماقدر.. فطامي:انا بقولج شي..انتي تحبين سيف وما ترومين تعيشين بدونه..ليش تكابريين..ليش تعذبين عمرج و تعذبينه.. رويض:................................. فطامي:يا رويض انتي بتندمين اذا سافر سيف..بتندمين.. رويض:...................انا... فطامي:يلا..قبل لا تخطف الساعه ويكون الوضع انتهى.. رويض:انتي وين..!؟ فطامي:انا فـ العزب.. رويض:وليش مب من قبل تقولين لي.. فطامي:كنت اتحرى ان السالفه جذب..لين ما شفت اغراض سيف فـ موتره..ورمسة سهيل انه بيوصل سيف للمطـار.. رويض:فـ ذمتج..فطامي..انا مب مصدقه..! فطامي:انا قلت اللي عندج..الباجي عليج..شدي حيلج.. بندت فطامي التيلفون في ويه رويض..و رويض بين مصدق و مجذب..ما تعرف شو تسوي..سمعت صوت المطر خاري..جان تسير صوب باب الصاله..وتفجه..وتوايج..شافت المطر يصب بشكل غزير..عرفت ان هلها فـ هاللحظات بيردون..لأن المطر شكله قووووي من الخاطر..ردت ويلست..شو تسوي شو تسوي شو تسوي.. الأمر فـ يدها..يا اما انها تنهيه..وتخلي سيف يرجع لها..يا اما انها تترك سيف..يسوي اللي يباه..قطع حبل افكارها..صوت المسج..اللي كـان من عند سيف..!! ليه أحبك وأدري إني في بحر غدرك غريـق وليه أتصفّح حياتـك؟ دام عذّبنـي الغـلاف إن عشقتك صدقيني كني عاشق لـي حريـق الحَطب عمري .. ونارك بس تاكل ما تخـاف ردت تقرى المسج مرة ثـانيه..جان يوصلها مسج ثـاني.. ’ أوعـديـني ، اوعـديني انتـي تتـوصي فـي / روحـك ... ! واوعـديـني ... تـ غ ـسلي بـاكر جـروحـك .. اوعـديـني .... تلبـسي | ثـوب السـ ع ـاده | و ... أوعـدك ... ارحـل عـن / عـيونـك ، بـعـيد واكتـبك يـا [ غـايتي ] أحـلى نشـيد واخـفي الاشـعار والاحـزان عـنـّك ؛ و أوعـدك .... اشـتاق لك ’ أكثـر ، أكـيـد .. خـافت..قلبها انهز من مكانه..اسم يوم فارقت سيف..هي اللي طالبه هـ الشي..ولكن..يوم توصل حروف كلمات سيف..لصميم قلبها..اتحس بالموت جدام عيونها..بدت تصيح..كـ العاده..تبغي اتظهر شي من اللي في خاطرها..اتحس ان قرارها بفراق سيق..بيكون غلط × غلط..لأنه بيكون قرار يعذبهم كلهم..دامه اعتذر..وعرف الحقيقه..ومستعد يعوضها عن اللي طاف..ليش ما تنسى جرحها..وتسامحه..صدت صوب الموبايل..يوم شفات ان فـ مسج ثـاني وصلها.. اسمـعي ’ وصـاتي ، قـبل لا تـدمع الـ ع ـيـن لا اعـلنت عن دنيـا : المحـبـه : مسـيـري اذا / تـفارقـنا ... ابي مـنك شيئـين .. ! 1... مـا أبيـك تكـرهـني 2... ولا تـحـب غيـري ... !! هنيه انهـااارت..ما رامت تجذب على عمرها زووود..انها بتروم على فراق سيف..انها حالتها بتكون جداً طبيعيه بعد سيف..هـ الشي كان فـ داخلها..بس هي كانت تنكره..وما تعطيه أي اهتمام..وتحاول تقنع عمرها انها قويه جدام بعاد سيف..يودت موبايلها..وطرشت لـ سيف..مسج.. تـ ع ـال ان كـان لك نـيـه , معـك دقيقــــ2ــتين ترضيـني وغـلاك ان ’ طـاح ، مـن عـيني .. تـرا مـاني بـ / نـازلـّه واذا كـانك تـبي ودي .. ابـيـك | العـهـد | تعـطيـني وعـلي الله .. وأمـان الله .. احـطك فـوق خـلق اللـه فرت تيلفونها..ومسحت دموعها..خلاص هي قررت..سيف لازم يردلها..وهي لازم ترد لـ سيف..لأن كل واحد منهم يكمل الثاني..لأن كل واحد منهم قلبه متعلق فـ الثـاني.. صدت صوب الفون..تتريا أي مسج..ولكن ماشي وصل..ظهرت مرة ثـانيه للحوي..شافت المطر..للحينه يصب بطريقة قويه..حتى المطر اشتقات له..جان تظهر من البيت..وتيلس فـ الحوي..فطامي من شافت رويض ظاهره..انخشت فـ المطبخ وهي خايفه ان رويض تشوفها.. مرت الدقيقه الأولـى..ورويض تتريا سيف يطل عليها..وتستانس من شوفة طلته و هيبته..تريت بعد اشوي..عرفت ان سيف ما بيي..هي قالت له..دقيقتين..ومرت اكثر من دقيقتين..عطت الباب العود مال الشارع مقفاها..ومشت اول خطوه..فجأه..تسمع صوت موتر مسرع..ياي صوبها ووقف عدالها بالضبط..ما ناقص الا يدوس ع ريولها.. هيه صح..كان سيف..فج باب الموتر وظهر..كان مخيس ماااي من المطر..لابس كندورة كركميه وجاكيت اسود وسفره حمرا..والماي كله ع ويهه..صدت هي صوبه..استانست من شافته..ابتسمت..وهو بعد ابتسم..كان مع ابتسامة رويض دموووع مندمجه مع قطرات المطر..جان سيف يتجدم صوبها ويضحن ويهها بكفوفه.. سيف:خلاص..لا تصيحين.. رويض:كنت ناوي من صج تتركني اروحي.. سيف:هيه.. رويض"ترفع راسها فوق وتطالعه":انته غبي..ما تعرف اني احبك.. سيف"يلوي عليها":وانتي غبيه..ما تعرفين اني احبج.. ابتسمت رويض..ورفعت راسها.. سيف:المطر بعده يصب.. رويض:هيه..سيف..!؟ قلت..لا يـزال الجـو ممطر .., قالـت : أدري لا يـزال ! دام تدرين ارجعي لـ صـدري وفي الصمت | ادفنينـي | سيف:"عيوون سيف".. رويض:اتحبني..؟! سيف:ههههههههههههههههههه.. ( اتحـبنـي ..؟ ) سـألتني × وانفجـر فيني السـؤال × وقمت أضحك .. واتهـرب .. وأسجن الدمعـه بـ عيني سيف: سهله أهمس لك ] أح ـبـك [ واتظاهر بـ الكمال !! بس كيــف أغفـر لـ قلبي بعد مـ انتي تصدقيني ...؟ ] ما أح ـبـك [ لأني خايف .. اتطلـّع لـ المحــال .. وماني فاهمنـي !! وإنتي .. حاولـي ما تفهمينـي .....! "يفصخ جاكيته ويحطه على جتوف رويض":هاج ..يلا بنحدر صوب الصاله..كلمـة أحبج ما تساوي شي عندي.. ابتسمت له..و يود يدها وحدروا الصـاله..وفطـامي..يلست ع الأرض..وهي تقوول: افففففففففففف اخيراً.. النهــــــــاااايــــه.. لا تـفكـر بالـ / نهـايـه .. ! تـوّها عـندي : بـدايـه : تـوي احس بـحيـاتـي ؛ يـا هـوى عمري وذاتـي لـو رجـ ع ـت لـ ذكـرياتـي ... ! ما لقـيت الا [ انـت ] فـيها مـ ح ـتويـهـا ... !! كيـف اعـيش بيـوم ’ دونـك ، يبعـدونـي ..... يبعـدونـك ما ابتـ ع ـد ... [ قـلبي و قـلبـك ] دام تـجمعـنـا | أحـبـك | شو خلصت القصه..!؟؟! لا طبعاً المايك عند فطــامي..!! فطــامي:- بندت اللاب..وانا مرتـاحه..كانت نهايتهم حلوة..وهـ اللي ابغيه..وهـ اللي يتمناه كل الأعضاء اللي يقرون قصـة "مع غيري الـ ع ـب وبين له مهاراتك..نشيت من مكـاني..وسرت صوب المنظره بشوف شكلي..لوول..شكلي كان يضحك..لو شافني اخويه سيف ما بيعرفني بيقول هاي مب فطامي..كنت لابسه بيجامه وشعري لامتنه كله على فوق..هع هع هع ..صديت صوب الدريشه وطالعت تحت..الله الله..الجو رهيييييييييب..أكيد شي مطر بينزل..خذت لي شور ع السريع..و كشخت بعد ع السريع..ونزلت تحت..مشااااااااااااااااااااااالله..العايله كلهم هنيه..تدرون كيف عرفت..لأني شفت اليهال اهنيه....اول واحد طاحت عليه عيوني..برووك سراق التواير..هاذا ولد سيف..لووول..سرت صوبه.. انا:برووك تعال.. بروك:شو تبين..!؟ انا:قلت لك تعال.. بروك:مااااااااااريد.. شرد عني..مادري وين سار..نسخه مطابقه من ابوه..نظراته..رمسته..حتى اسلوبه..فـ كل شي..سيف الثاني..كوووبي بست منه..سرت قسم رويض..بشوفها اذا سلمت ولا انا وياها بنسلم ع الحرمات رباعه.. دقيت الباب..ودخلت.. انا:سلاااااامن عليج.. رويض:وعليج السلام.. رويض..مثل ما هي..ابد ما تغيرت..لا فـ الشكل ولا فـ الأسلوب ولا شي..بس مادري حسيتها استوت رزينه اشويه مب خريش شرات قبل..طبعاً رويض كـانت كاشخه..وشاده حيلها.. انا:شو سلمتي ع الحرمـات.. رويض:لا بعدني..يلا بنسير رباعه.. انا:يلا.. ظهرنا انا وياها صوب حيرة الحرمـات..وسلمنا عليهم..الكل موجود..تبون تعرفون شو صار عليهم صح..!؟اووووووووووووووكي..خلوني ايلس بسم الله..بشرب لي جاهي كرك..حد يبغي..!؟!ما بعطيكم هاذا مالي انا وبس............................................... ....................احم احم..خلصت يلا.. سمعوووووا.. على يميني "رويض"..بعد اللي صار في حياتها هي وسيف..ردوا شرات قبل واحسـن..كانوا الحب يمشي بأساس ذاته..فـ كل شي فـ كل موقف يستوي..ما اظهر الا بنتيجه وحده..ان هـ الإثنينه ماشي بيفرق بينهم غير الموت..طبعاً..ذكرت فـ موضع سابق انهم يابوا ولد..وسموه مبارك..كانوا بيسمونه المر على اسم ابويه الله يرحمه..بس انا قلت لهم لا..المر واحد ما غيره ومحد بياخذ اسمه.. عدال رويض.."امايه العوده"..يعلني فداها والله..مشالله عليها..على مر السنين وهي ع قوتها وما تغير شي فيها.. "شجون"..اللي كـانت عدالي..اللحينه هي تشتغل فـ وحده من الشركـات اللي فـ العين..بشهادة التقنيه..مشالله عليها..احلوت وايد..واللي يعيبني انها خبيرة كمبيوتر..كل ما اخترب لابي سرت صوبها على طول.. "سلامه"..اللي كانت يالسه عدال شجون..صاحبة القلب الكبير..نصف خلوف الثـاني..عاد هاييلا الإثنين ما عليهم من حد..وجود خلق الله وعدمهم واحد..فـ كل مكان وفـ كل زمـان..عايشين جو الرومانسيه..اللحينه حامل..وهاذا أول حمل لها..الله يوفقها ان شالله.. "موزه"..يالسه عدال سلامه..وميوده بنوتتها المبزايه الشقيه اليازيه..كـانت اليازيه تصيح..الا تبغي تصفع مبارك اللي من شوي قطع شعرها قطعه قطعه..ويقهرها يوم يقول لها يا "عنز الحاره"..موزة..انتفخت وايد..مب موزه العصقول الدياي من قبل..لووول..هي وريلها اصحاب التكنولوجيا..انتقول للعيش في بوظبي بسبب شغل ريلها..عايشين احلى عيشه..بعييييد عن العزب..لوووول.. "غبوش"..بنت علمي المصريه..اللحينه تدرس طب وهاي اخر سنه لها فـ الجامعه..من كمن شهر..كانت ملجتها..وخذت واحد اسمه "أحمد"..لو كنتوا تذكرونه..لوول..هـ البنيه..ف نظري اكيد بيكون لها مستقبل زااااااااااااهـر.. "شموس"..اللي كانت يالسه عدال غبوش..ميوده ولدها الصغير.."علي"..عمرها 8 شهور بالضبط..يتها فتره وتغيرت بعد وفاة أمها..ولكن .بما انهم هي وحمد ريلها عصافير الحب..قدر بو شهاب يظهرها من جو الكآبه اللي كانت عايشته..عندها بنوتتها العوده..اللي هي ظبيه.. "انــا"..لالالا..انا برمس عن عمريه بعدين..حوه..اشوف الناس كلهم قاموا.. انا:حووه حووه..على وين العزم.. شموس:بنسير العزب.. سلامه:هيه الجو غادي غرااام.. فطامي:هيه هيه زين.. شليت الكام مالي..وحولنا كلنا صوب العزب..انا ركبت ويا حمد وحرمته..لوول..يتحروني بفج عنهم..خخخخخخ... في منطقـــة سويحـان..المطر ع الخفيف....و السما ملبده بالغيوووم..والجو مسسسسسكـــــــت..النااس راادين راايحين..شباب الإمارااات معروووفين..يعني بدوون رمســـه هم فالعراقيب..اللي يصور واللي يسولف واللي يقز واللي يشل واللي يتمصخــر..طبعهم الشباااب جيه عاايشين حياتهم ع الكييف.."صــح؟؟" واللي منهم شل هله وقهــــوته وسار ييلس له افبقعـــه يستمتع ابهالجــــو..واللي منهم سااار لعزبته ايشووف حلالــــه..واللي يتحوط فالشــارع ويسيّر على اللي يقربله ويييرانهم..يعني تقريبن محد يااالس فالبيت.. "اقتباس من اول فقره فـ البارت الأول من القصه" انعقينا نحن الحرمـات والشواب فـ العزب..والشباب كل ابوهم ساروا صوب العرقوب العود عسب يلعبون بمواترهم..ماقول غير يا حظهم.. فـ الفتره اللي طافت..رويض مشالله عليها علمتني اصول سرقة السيايير..وانا قلت اليوم لازم اسرق كلوزر واحد من خوالي واقصح واخذ شجون ويايه..طرشت اليازيه بنت حمد اتييب لي سويج موتر خالي راشد.."ابو رويض"..ويابته..بس بروك الحيوان لعن خيرها..وياب السويج صوبي..اونه شوفوني انا الطيب. بروك ويزوي دومهم مواقعه..الله يستر بس.. ركبنا السياره انا وشجون وشردنا بها..لوول..يسلنا نتحاوط صوب العزب ع راحتنا لأن محد شباب اهنيه والكل سار صوب العرقوب العود..ما نشوف الا رويض وموزه يايات بسياره ثانيه..كككككك..والله طماشه.. تقريباً يلسنا نلعب..نص ساعه او اكثر..وخلاف ردينا السيايير..ويلسنا انا وشجون على عرقوب صيغنون..ويلسنا نسولف وجيه..لين ما راحت شجون عني..مادري منو زقرها.. في عدة اشخاص ما رمست عنها صح.. "خالي ذياب"..تدرون انه عرس..واللحينه مسافر لمصر..هو وحرمته..خذ وحده اسمها عفرا..ودايم كان يقولي..واول بنت يابها سماها مريوم..والشي اللي صج انصدمت منه..ان رويض قالت لي..ان مريوم سمت ولدها ذياب..!.!......!.!.!.!. "شيخه"..اللي الكل يكرهها من بداية القصه لين نهايتها..اكيد مثل ما تعرفون..كانت بتتطلق..وبالفعل تطلقت..واللحينه يالسه فـ بيت هلها..تغيرت مليووون بالميه وخاصتن بعد وفاة أبوها السنه اللي طافت..كملت دراستها..وهي اللحينه تدرس في جامعة زايد.. "سلطان وحرمته"..استقر شغلع فـ بوظبي والحمدالله...واللحينه عدهم يهال..لووول..وخلودي ابد ما تشكتي من معاملة شويخ..بالعكس..تمدحها وايد.. "هزاع وهله"..ما نعرف عنهم شي..بس سمعنا ان هزاع تزوج وخذ وحده اسمها حصه..يقولون انها كانت ربيعة شويخ..وانها تشتغل في شركته.. هـ اللحظه..برمس انا عن عمري.. "أنا".بعد ما يبت الشهاد السودا ورسبت فـ اول ثنوي..شديت حيلي فـ الدراسه..واللحينه أدرس فـ جامعة الإمارات ثالث سنه..لوول.فديتني والله..من جم يوم..سهيل رمس سيف عني..اونه يباني حليلته..حله حلوول فـ بطنه..خخخخخخخ..وانا اتريا الساعه اللي بشوفها فيه..وبقوله فـ ويهه..عبارة..تحتم مصيري ومصيره..لأنه سهيل ما يناسبني..موول..عبــاره..قالتها رويض له من قبل..وهي عنوان للقصه اللي تقرونها..[/size] " مع غيري الـ ع ـب وبين لها مهاراتك" تمــ,,ــت.. بتاريخ.. 29-3-2008 بقلــم / العنيده212.. وتسلموون على تواصلكم والسموحه منكم خليتكم تنضروني واااايد وسلااااااااااامي |
| الساعة الآن 04:51 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir