|
نحين نزلي البارت |
~|~الجــــ الخامس عشر ــــزء~|~ ف السكن الصبح,, نورة:قومو بننزل البوفيه مريوم:هيه والله ان جبدي لاعت من اكل الخدامه يزوي:اوكي يلا قومن تريقن البنات و دقت نورة ع فطوم قالتلها اتي ف الحديقه ف الحديقه,, نزلن البنات الحديقه و خطفن من عدال المسبح كان سيف و فهد و خالد و كمن واحد من الشباب قاعدين عدال المسبح و يسولفون فطوم:السلام عليكم البنات:وعليكم السلام فطوم:شحالكن نورة:تماام,,انتي شحالج من يوم مارحنا الالعاب ماشفناج بعدها؟ فطوم اتذكرت الي ستوى هذاك اليوم و يها حمر يزوي بنظرات:فطوووم شو بلاه ويهج؟ فطوم ارتبكت:ها لا ماشي بس حر يزوي:اهااا بسوي عمري صدقتج نورة و هي تصد ع الشباب لانها سمعة زعقة سيف:بنات منو هذاكي اللي سيف لاوي عليه؟ صدن البنات ع الشباب و شافن سيف الي كان مسوي فلم هندي مريوم:اممم,,يمكن واحد من ربعه يزوي اكييد ربعه النذاله:المهم شو كنا نقول نورة شهقت و البنات فلخن من شهقتها يزوي بخوووف:شووو بلالالاج؟ نورة من الصدمه ما عرفت شو تقول:شــ..ـاروخـ...ـان البنات:ههههههه نورة معصبه و منصدمه:بلاكن طالعن الي سيف لاوي عليه يزوي و هي تصد مره ثانيه:ههه,,نورة شو بيب شاروخان هني نورة منصدمه:مسستحيل يكوون هذا شبه مريوم صدت عليه:اممم,,مهب غريب عليه نورة معصبه:اكييد يالهبله لانه شاروخاان فطوم:ههه,,والله انج مهب صاحيه,,شياب هذا الغزال عند هذاك الشويبه نورة:افاا يذا العلم شاروخان ستوى شيبه؟ فطوم:والله انه شيبه مادري شو عايبنكن فيه يزوي:ههههه,,انتي لو تسمعج شموو والله لدووس ف بطنج كله ولا شاروخاان ,,خلني ادق عليها يزوي:هلا والله شموه:اهلييين ,,شحالج يالدبه ,,تولهت عليييج يزوي:هههه,,حتى انا تولهت عليج يزوي:لو تدرين منو شفنا قبل شوي والله لتستينين و تاخذين اول طياره وتين صوبنا شموه:ههه,,وشو هذا الي شفتيه؟ يزوي بختصار:شاروخان شموه زين مأغمى عليها:شوووووووو يزوي:ههههه,,هدي هدي شموه:كييف وشاروخان شو يابه عندكو لالالالا الحين باقول حق يدو يحجزليه بي صوبكو يزوي:هههههه,,انزين خليني اكملج شموه:شو تكملين شو تقولين شاروخان عندج و انتي تتنفسين هواه و انا قاعده هني شرات الهبله لا مايستوى يزوي:خخخ,,انزين اسمعيني انتي ماخليتني اكمل,,السالفه ومافيها ان حصلنا واحد نسخه من شاروخان شموه بخيبة امل:ماخلق مثله وشرواه يزوي:هههه,,بس لايج انهيار عصبي شموه:مستحيل شاروخان مفنود عن كل الناس و ماظن في حد يشبهه يزوي:ههه,,حتى انا قلت كذي بس صراحه نسخه منه شموه:تحصلينه واحد هندي غاير من شاروخان ماخلى عمليه ماسوها عشان يستوي شراته يزوي:هههه,,ومنو قالج انه هندي؟ شموه بصدمه:لا تقولين مواطن!! يزوي:اظن لانه قاعد مع سيف شموه:وععع,,هذا ولد عمج؟ يزوي:هييه مالت علييه هو و ويه شموه:خخخخ,,احسبج وايد حاقده عليه يزوي بقهر:اخخ,,بس مسود الويه (وهي تقلده)ماحد بيخذج غيري انا,,مالت عليك و الله مسكينه خطيبته مادري كيف وافقت علييه شموه:دخييلج اصلا هيه ماصدقت انخطبت زين مأغمي عليها من الصدمه يوم قالولها ان سيف بن(.....) خطبج يزوي:مادري احسبها مسكيينه و ماتستاهل واحد شرات سيف شموه:يوه يوه اي مسكيينه الله يهديج قولي هبله و ع نيتها هي من ايام ما كانت معانا ف الثانويه و هي ما كانت تحلم بواحد شرات سيف يزوي:الله يعينها ع سيف و الله انه بلوى شموه:تستااااهل كم نصحتها و خبرتها انه نذل و راعي بنات بس هي ماتسمع و قالت اونه خريط و هاي اشاعات يزوي:المهم نحنا سوينا الي علينا و خبرنها عن سواد وييه نرجع حق شاروخان,, الي كان سيف لاوي عليه هو ربيعه من ايام الثانويه و اسمه خليل عكس سيف 180 درجه طيب لابعد حد ممكن الانسان يتصوره و حبوب و مثل ماقالت نورة هو نسخه من شاروخان بس ع اصغر و احلى عمره 25 سنه و هو سافر لانه توله ع سيف و مارام يستحمل البلاد بعده يمكن تستغربون كيف خليل مرابع سيف بس خليل حاس ان سيف انسان طيب بس مايعرف كيف يظهر طيبته لناس و هو يحاول يغير من شخصيته و يبعده عن سوالفه مع البنات و يحسن حاله لانه هو بنسبه له اخوه,,وسيف مايروم يبتعد عن خليل اكثر من يوم بس ظروفه حدته انه يروح صوب حبيبته و كان خليل بنسبه لسيف بير اسراره و خليل يعرف كل شي عن حياة سيف و اولها اليازي عند الشباب,, سيف:والله اني تولهت عليك و انا اقول بلاه امس يسأل عن الفندق خليل و هو يغمزله:هههه,,مارمت اصبر عنك قلت الحقك لان شكلك مطوول هني سيف:ههه,,الله يغربل بليسك ماحد فاهمني غيرك خليل:هههه صد خليل ع الشباب و هو متفشل لانه ماسلم عليهم خليل بأحراج:اسمحووليه شباب شحالكم؟ فهد و خالد الي نقعوا ضحك ع شكل خليل المتفشل فهد:ههههه,,لا عادي مسموح خالد:هييه من شفته ربعت صوبه ونسيتنا كلنا خليل:هههه,,اسمحليه و حقكو عليه الشباب:هههههههه فهد:مسمووح خالد:لو نحن مانعرف العلاقه الي بينك و بين سيف وشفناكو و انته لاوي عليه جان فهمنا السالفه غلط خليل بمزح:هههه,,خلووود ترااك مصختهاا خالد يصتصنع الغضب:انا خلووود يا مسوود الويه عند منى(بنت خالت فطوم),, منى ترمس ف التلفون:هههههههه :اموت ع الضحكه انا منى بدلع ماصخ:بس عاااد ترى استحي مالت عليج و ع مستحاج:فديت الي يستحوون منى:اقول حبيبي انته وين؟ وانتي شو خصج:انا احاوط ف المارينا واذكر الايام الخوالي منى قول تغازل يامسود الويه:هههه,,صراحه تولهت ع المارينا و ايامهـ.. ساره:منو ترمسين؟ منى:اقول بخليك الحين...ههههه...اوكي بحاول...هههه..مع السلامه منى:واحد ساره:ادري بس منو؟ منى:اممم,,تحيدين يوم رحنا المارينا قبل مانسافر؟ ساره:هييه,,عشان ناخذ سمان السفر منى:هييه,,و تحيدين الي رقمنا سارة شهقة:هذااكي العبد الضخم الجثه!!!! منى:هيه ساره:الله يلوع جبدج انتي وذوقج منى:ومنو قالج ان انا ارمسه عشان جماله الخلاب ساره:عيل شو تبين به!!! منى:هذا مخليتنه حق مخطط ف بالي ساره بخوف من افكار اختها:وشو هذا المخطط الي يحتي واحد مجرم؟ منى:ههه,,بعدين بتعرفين فـ الغرفه الي عدالهم,, موزه تصيح:فطووم اميه بتمووت فطوم بخوف:موزوه يا الهبله انتي شو تقولين؟ موزة و هي تشاهق من الصياح:انت ماشفتيها يا فطوم قاعده و توصي و كل خمس دقايق ترجع فطوم:انتي سمعتي الدكتور شو قال قال هذا كله ردة فعل جسمها من الاشعاع موزه عصبة:اصلا الدكتور ما يعرف راسه من ريوله و ياي يتفلسف علينا فطوم:الحين انتي بتين و بتفهمين الدكتور ف شغله؟ مورة:صدقيني الدكتور مايعرف شي شفتي المغذي الي حاطينه عليها فطوم:هيه بلاه؟ موزه:رافع السكري عندها و الدكتور الغبي قايل ان المغذي ماينشل عنها فطوم:هو ماحط المغذي الا لان اميه ماتاكل موزه:عاد مش يرفع السكر عندها و يذبحها فـ المستشفى,, يزوي ف الممر:الووو زايد:فديت الألو وراعيتها يزوي:ههههه,,شحلك يا الدب؟ زايد:بخير و سهاله,,شحالج انتي و شحال هلج يزوي:يسرك حالهو زايد:ها علووم متى بتردون؟ يزوي:اممم ماعرف يمكن بعد اسبووع زايد:هييه بسرعه ردوو تراني تولهت ع الحواطه معااج ف ربوووع بيتنا يزوي:ههههه,,تراك وايد متأثر برسووم زايد:هههه,,شو اسوي عاد يزوي:عا طاري الحواطه اشتريت الدراجه ولا ؟ زايد بضحكه شريه:نيهاهااااااا,,هيييه يزوي:مادري كيف ابووك خلاك تشتريها زايد بخيث:ومنو قالج انه يدري اني شريتها يزوي:هههه والله انك يا زيوود حركات و من وين يبت 18 الف؟ زايد:نيهاهاااااا,,الله يطول بعمر ابويه الي يعطيني فلوس بس مايسأل ليش يزوي:هههه زايد:اقول يزوي اول ماتوصلون بوظبي دقيلي اوكي يزوي:تووولهت عليه زايد:واااااااااااااايد يزوي:فددديتك,,حتى انا,,اقول بخليك انا ف المستشفى سايره صوب يدي زايد:عيل برايج,,مع السلامه يزوي:فمان الله سكرت يزوي و ابتسمت و هي تذكر زيوود و فجأه سمعة صوت من ورها يقول بعصبيه:منو كنتي ترمسين؟ لفة يزوي و انصدمت من متى هو هني بما انكوو عرفتو الشخصيات,,اريد اعرف رايكو فيهن,,و توقعاتكم ف الي بيستوي |
اتووووقع هذا حمداان .. تسلمين غلاي ع البارت.. ونتريا البارت اليديد..~ |
آممم اتوقع سيف لآنـه مـآتوقع حمدآن يسأل هـع آمم تسلمين ع البـآرت النـآيسسس ونترقب البـآرت اليـآي |
يمكن سيف او حمداان تسلمييييييييييييين حبوووووووووبه ع البااااااااارت ربي يعطييييييج العافيه لاهانج الرب ونترياااااج والسمووحه |
| الساعة الآن 10:22 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir