|
عوده حمييده مبدعتنآ عساج ع القوه يا رب .,’ بأآرتأآت جمييله توقعاتي ان الامور كلهآ بتكون بخيير سواف و مهور !!! و اتوقع مستحييل يطلقهآأ ! ممم حمد!! , للحين :69: بالتوفيج مبدعتنأآ وفي انتضآر يديدج خذي رآحتج لاا تستعيلين :Afk_r: ودّي وخالص تقديري .,’ والسموحه .,’:1711: |
. . . البارت الـ 109 فتحت مهره عينها على اتصال شوق . . مهره : هلا شوقي شوق : بعدج نايمه ؟ مهره : هيه . . شوق : يعني مثل العاده لازم انا الي اواعيج . . . مهره تثاوب . . شوق : واكيد مانزلتي تاكلين ويا اهلج ؟ مهره : لاء . . شوق : يا مهووووور شو قلتلج انا شووووووووووو قلتلج الله يهديج . . ليش ما تسمعين رمستي ليش ؟ انا شرات اختج واخاف عليج والله . . ليش ماتاكلين . . تبين تموتين مهره : شفتيه ؟ شوق تتنهد : هيه مهره : بخير ؟ شوق : لاء . . مهره : شدراج شوق : يبين عليه مهره :يمثل جدامج يمكن شوق : ما يمثثثثثثل حرام عليج . . والله انه تعبان نفسسسسسسسج . . ويهه شاحب وتعبان وكل ما اطلع اشوف سيارته مبركنه مول ما يطلع من الشقه موووووووول . . ويوم اتخبر رامي يقولي بس يروح الدوام ويررد ولا يكلم حد ولا حد يكلمه . . مهره : اكيد عنده حد فالشقه . . شوق :افكارج سودا . .ليش تظلمينه ليش .؟ تراه حاول وياج وايد مهره : ما حاول وياي وايد .. ولا تحملني مثل ما اتحملتتتته . . بس ها الي قدر عليه ؟ يحجزني ف الشقه عسب يراضيني . . وانتي تتحرينه فالشقه شوي وبيحب ريلي ؟ لا فديتج . . من بين يوم كامل ما يحاول يكلمني الا وقت الاكل . . .ويترجاني اكل . . شوق : مش زين يا مهره الي تسوينه . . بتكلمون 3 شهور وانتو قاطعين بعض . . حرام . . مهره : قلتله يطلقني . . هو مطول السالفه يتحمل . . شوق : الله يهديج ياوخيتي الله يهديج . . مهره تبتسم : انا انسانه مستويه نكديه . . ليش تنكدين روحج وادقيلي وتكدرين خاطرج معاي شوق : لانج اختي . . صديقتي . . وقفتي معاي ماتبيني اوقف معاج ؟ مهره : ماذكر اني وقفت معاج مره . . انتي الي خييرج وفعايلج الطيبه مغطتني شوق : كفايا انج حسستيني اني عايشه وكفايا صرتيلي اهل وصديقه وقريبه وشاركتج الحلوه والممممره من عقب ما كنت الوحيده الي ماعندي احد فالدنيا . . كيف تبيني اخليج وانا احسج اختي وحشاشه يوفي مهره تبتسم : حتى خواتي ما سوو ولا حاتوني شرات ما تحاتيني . . شرات ما شايله همي . . شوق : لا تسايريني يالله . . وقومي علشان تاكلين . . عشان شوق الغاليه مهره : ههه عشان شوق بس بقوم . . شوق : وفجي البي بي خليني اكلمج منه . . مهره : ان شاء الله شوق : باي حياتي مهره : باي فديتج . . شوق : آقووول مهور ؟ مهره : هلا . . شوق : شرايج امر عليج وتين دبي . . بنتسوق بنتمشا بنغير جووو مهره : ممم . . شوق : فكري وردي علي خبر مهره : تبين الصدق . . انا محتاجه اغير نفسيتي . . بشوف وبرد عليج خبر شوق : اوكي . . ومن بعد ما بندت عنها . . قامت وراحت صوب الجامه وهيه تشوف ويهها الشآحب . . حطت ايدها ع عينها وهيه تشوف الهالات السودا . . >> شصار فيني ؟ معقوله انا مهره يصصير فيني جي ؟ انا الي ابتسامتي ما تفارقني صرت كله شاحبه وعبوسه وحزينه ؟ ليششش ؟ ليش سويت كل هذا . . " تحط ايدها ع بطنها " من غلاتها . . والله من غلاتها سويت كل هذا . . ومن غلاته . . ليش ابتعد ؟ ليشش تجاهلني ؟ ليش ما تحملني مثل ما تحملته ؟ " غمضت عينها وهيه تذكر اخر حوار بينهم " > < سيف : وين رايحه ؟ مهره تسكر الشنطه : بيت امي :. . سيف يتنهد : استهدي بالله . . ماشي طلعه من اهني مهره تطالعه بدون ماتتكلم . . سيف : خليني بروح اصلي التراويح وبرد وبنتفاهم ع كل شي مهره تمشي عنه : كل يووووووووووم نفس الرمسه . . بنتفاهم بنتفاهم . . على شششششششو تتفاهم ؟ وخرررر بس عني . . سيف يجابلها : الحين رمضضضضآن . . يآ بنت الناس سآمحيينيي . . سآآآآآمحيييني . . خلينا نعيش هالشهر بحلاته ونتعبد ونتقرب من ربنا وايدينا في ايد بعض . . ليشش تسوين كل هذا ؟؟ مهره تطالعه بذهول : انا ماقدر احط عيني بعينك . . وانت كل شوي تقولي ليش تسوين كل هذا ؟ انا تحملتك وتحملت ظيييييييييييييييييييييييييييمك وكل شي خاايسسسسسسسس فيك وانتتتتتتت سيف يصارخ : بسسسسسسس . .ذبحتيينيي . . كلللللللللللله تعايريني كله تعايرييييييييني . . محد قالج تتحملييييييييييني محد قاااااااااالج . . انت من نفسسسج اخترتي انج تتحملين . . جان فكيييتيني ورحتتتتتتتتتتي . . بسسسس . . ماشي على لسانج الا انا تحملتك وانا تحمممممممملتك !!! وانا تحملتج ترىىىىىىى وتحملت هالكلام الي يغثثثثث منج . . لوعتي جبدي كرهتيني عيشتي . . صايره نكديييييه . . يا بنت الناس ترى محد يعاششر وحده نككككككككككككد نفسسسسسسسج . . رؤؤؤؤؤحي . . والله روحي فكينيييي من هالنكد الي معيشتني اياه ليل ونهار .. منو يتحملج انتي ؟ منوووووو ؟ مهره : انا وايد يتحملوني . . " تبتسم له باستهزاء " لكن انت دور الي يتحملك . . وشلت شنطتها وطلعت . . > < > دق عليها ناصر الباب قطع عليها افكارها . . مسحت دمعتها بظهر ايدها بسرعه وابتسمت بتعب ملاحظ . . ناصر يتنهد : وبعدين معاج ياوخيتي ؟ مهره تغير السالفه على طول : متى ردييت من الدوام ؟ ناصر : توني . . " يمد لها ظرف " مهره تشل الظرف عنه : شو هذآ ؟ نآصر : شوووفيه فتحت الظرف بهدوء وقعدت ع السرير . . شافت تذكره ورفعت عينها تطالعه . . ناصر : روحي وغيري نفسيتج . . مهره تطالعه : والله محتاجه ارؤؤؤؤؤؤؤؤؤؤؤؤؤؤؤؤح . . ناصر يبتسم : اعتبرها موافقه ؟ مهره : اكيييييييييد . . وحد يرفض روحة بيت الله .؟ ناصر : الله يبشرج بالخير . . عيل رتبي اغراضج . . اباج تكونين جاهززه بعد صلاه العشا على طووول . . انا حاجز من يومين بس قلت انج ما بتوافقين وودرتهم فالسيارة . . بس توه وانا راد قلت بجرب يمكن توافقين . . والحمدلله انج فاجئئئئتيني ووافقتي . . " يبتسم " مهره تنزل راسها وهيه تبتسم ابتسامه باردة . . ناصر : شفيج . . تحاتين المحرم ؟ انا المحرم ولا مش مازر عينج ؟ مهره ترفع عينها : وين اطلع من يزاك انا ؟ كيف اردلك هالجميل ناصر : ابتسمي ياوخيتي من قلبج . . ورديلنا مهره الي نعرفها وبتردين لي الجميل . . مهره فخاطرها " الله يجبر بخاطرك يالغالي . . الله يفرحك شرى مآ فرحتني " اما ناصر تقرب صوبها وباس راسها وطلع . . . . . فهد : زعلانه ؟ روضه تطالعه وتبتسم : لا مش زعلانه فهد : اسمحيلي . . انا اسف . . " يمسك ايدها " والله فهمت غلط . . روضه تسحب ايدها بهدوء : لا عادي . . " تبتسم " انا مازعلت اصلا ! فهد يبتسم : يالله عاد رواضضضي . . والله باين عليج الزعل . . روضة تبتسم : لالالا . . سوء تفاهم وانتهى . . وصدقني انا مش زعلانه . . فهد : ونعم التربيه الي تربيتي عليها . . روضه تقوم وتبتسم : يالله قوم ننزل لليهال تحت . . عن يخبصون الدنيا . . فهد يبتسم : يالله . . . . . سلطان : الحمدلله . . نعمه دايمه " يرفع راسه يطالعها سرحانه فيه " وايد كلتي انتي صح ؟ عذاري تبتسم : هيه سلطان يشوف صحنها : ترى باين . . لحستيه كله . . عذاري تتنهد : والي يشوف هالويه كيف ما تباه يشبع ؟ سلطان يبتسم ويدق يبهتها بخفيف :ايه . . بو الشباب . . عذاري : احين انا الي كلي انوثه تقولي بو الششششششششباب ؟ سلطان : ما تشوفين قوات عينج . . تغازليني اشكره فيس تو فيس عذاري : ع الاقل احسن عنك انزين . .الي ما تطلع منك الرمسه الا بالدززززه سلطان يقوم : قومي قومي وصليني . . ماعندها الا هالهذرره . . عذاري تطالعه : وين رايح . . سلطان : بروح برقد بعد وين بروح . . عذاري تبوز : توا الناسسسسسسسسس . . سلطان يسبقها صوب المغسله يغسل ايدينه وهيه ماسكه بايديها المنشفه . . عطته اياها من عقب ما خلص . . ونظف فيه ايدينه . . عذاري : ما شبعت منك . . سلطان فخاطره " ولا انا شبعت منج " : ولا بتشبعين بعد . . ماتعرفين روحج انتي ؟ ما يمزرج الا طراق مش بيبسي . . " ودر الفوطه صوب المغسل وتجدم معاها لين الميلس مره ثانية " عذاري مبوزه ما ترمس . . اما سلطان طلع من بوكه مبلغ وعطاها . . عذاري : شحقه حياتي . . عندي . . بعدنا نص الشهرر وانت عطيتني اول الشهر سلطان يرد يدخل البيزات ف البوك : ع ـرآحتج عذاري سحبتهم : وووووووول . . ززطي . . هات هات . . سلطان قابض ضحكته : هيه اطلعي على حقيقتج . . عذاري تبتسم : بعد حد يرفسسسسسس النعمه ؟ سلطان يحط ايده ع شعرها ويكششها ع خفيف : هبله . . عذاري تبتسم : ماتقصر . . تعيش وتعطيني . . سلطان فاج عينه : بس تبيني اعيش علشان اعطيج ؟ عذاري : شفيك انا ما اقصد الخرده بس . . الحب والحنان ورررررربعهم " تنزل راسها بحيا " سلطان مبتسم : مكاره مكاره . . عذاري تطالعه : بترد البيت بترقد على طول صح ؟ سلطان : هيه صح . . وانتي ؟ عذاري : الي بيسويه ريلي بسويه . . سلطان يبتسم : زين فديتج . . " يبوس راسها " تامريني على شي ؟ عذاري : عاد انت بتعذذذذذذذبني لين الشوفه اليايه . !!! ما تيني الا اول الشهر واخره . . سلطان : دلعتج اليوم . . يييييييييتج الاول والنص وبييج قبل لا يخلص بعد . . مول ما يبين فعينج مول . . عذاري تطالعه بحنان : شسوي يوم ما اشبع من شوفتك ؟ شو بإيدي ؟ عبدالله يدق الباب ويتحمحم : السسلام عليكم . . عذاري صدت تطالع عبدالله . . يآ عبدالله وتخآشم ويآ سلطان . . سلطان : يييت بوقتك . . اختك مش مخلتني اروح . . عبدالله : ماعليك منها يا ريال . . روح لا تسويلها سالفه عذاري فاجه عينها : عبووووووود . . لا تشششوش ريلي علي . . ضحكو سلطان وعبدالله . . سلطان يمد ايده يسلم على عذاري : يالله الغاليه . . مع السلامه اما عذاري انقهرت من حركته لانه متعود يبوسها ع خدها ويخليها تبوسه ع خده . . مدت ايدها وقرمشته بشويش وقالتله : الله ويااااااك . . ابتسم سلطان اكثر وو صله عبدالله لين الباب . . . . . سلامه تكح : . . منصور يعطيها ماي : بسم الله عليج حياتييي . . اششربي . . سلامه : ششششششو هذا منصور شو هذا . . كيف تاكلون انتو اكل جذي كيف . . وقامت . . سلامه : طلعه برررى مش طايقه ريحته . . منصور : استغفري ربج . . نعمة الله . . ما يستوي تنقــــــمينها . . سلامه : اهلك يتعمدوووووون يسوون لي الاكل شين . . م ـا تلاحظ ؟؟ كل لقمه وشوووووف . . منصور مد ايدها بياكل وعق اللقمه على طول . . سلامه : شفففففففت كيف ؟ هاا اكل ينأكل ؟؟؟؟ منصور شل الصينيه ونزل تحت وشاف امه ومهره يالسين . . منصور : امايا لو ما تبوني انا وحرمتي ناكل عندكم ما فيها احراج ولا شي . . بس عطيني خبر وانا بطللب من برررررررع ولا بنسير بيت عمتي ناكل . . " حطا الصينيه بقوه ع الطاوله ورد يصعد فوق " ام عبدالله تطالع مهره : شو فيه هذا ؟ مهره باستغراب : مادري !! الاكل مافيه شي . . ام عبدالله قامت وقامت وراها مهره وذاقو شوي من العيش الي فالصحن . . مهره غصت : اعوذ بالله . . ام عبدالله : تونا ماكلين يا اميه الاكل مافيه هالطعم . . مهره : يمكن الشغالات حطو شي زياده امايا ام عبدالله : انا باااااااايييييييييدي حاطه الاكللللل يا مهره . . اما مزهبتنه ومخلتنه جدام عيني فنفس هالطاوله وقلتله تعال شله وشششله جداااااامي . . مهره تمسك جتف امها : اهدي امايا اهدي . . ام عبدالله : وهذا الحمممممار خلا فيها هداوه . . حسبي الله ونعم الوكيل عليها . . حسبي الله ونعم الوكيل جانها بتجلب ولدي علينا . . مهره : امايا لاتحطيين فذمتج . . يمكن بالغلط انصب شي بالاكل ماتدرين انتي ام عبدالله تصارخ : لا تخبلين فيني انتتتتتتتتي !! اقولج بروح ـي مسويه كل شي . . يعني ما بينصب شي الا فصحننننننننهم ؟؟ " فــوق " سلامه : تسمع امك تسسسمعها ؟ منصور : حبيبي ماعليج منها . . اهدي ليش معصبه انتي الحين سلامه معصبه : مابا اتم اهني مابا . . " تحط ايدها ع بطنها " آآآي . . منصور : الله يخليج اهدي حياتي مش زين عشان الي فبطنننننج . . ان شاء اللله بنطلع من اهني بس انتي اهدي اول . . سلامه : قلتلك مااااااابهدا لين اطلع من اهني . . مابا اشووووووفهم . . منصور : حرام عليج سلامه ليش تقولين هالكلام ؟ سلامه : اهلك ما يحبووووووووني . . محد فيهم يحبني . . منصور : الله يسامحج كيف تقولين هالكلام . . ؟ كلهم كانو واقفين وياي يوم كنت اساعدج تمشين . . وكلهم يشجعوني ويقولون لي تستاهل سلامه ومش خسارة تعبك فيها سلامه : هذاك اول . . لانهم كانو يشوفوني بنظرة الشششششششفقه . . الحين يوم شافوني صاحيه ومافيني شي يبون يستقوون علي وكارهيييني . . منصور يتنهد . . . سلامه : لاتطالعني جيه ولا تتأففف فويهي .. اولهم اختتتتتك مهره . . عشان اخوي مسولهاااااا طاف وعشان اخوي مش مفتكر فيها قامت تكبر راسها علي واطلع حرتها فيني .. منصور : مهره عاد ! مهره وحليلها فقيره ما تطلع من غرفتها والي فيها مكفنها وين لها حييل بعد تطلع فيج حررره . . واصلا من يت بيتنا صارت هااااااديه ومالها حسس . . سلامه : هذا جدددددددددددااااااااااامك مس . . انت يوم تروح الدوام كلهم يصيرون ضدي ويسوون حزب ويعقون علي رمسسسسه لكني ساكته عششانك " وتمسح دموعها " منصور: خلاص حبيبي . . خلاص فديتج . . زهبي اغراضج بنطلع من اهني . . سلامه تطالعه : بنروح بيت ابوي منصور : فشله يا سلامه كيف تبيني اقعد اهناك سلامه : بيتنا فاضي مافييه حد الا عنود وحمود واصلا كل وقتهم ف محلقهم ما يون داخل الا وقت الاكل . . منصور متردد . . سلامه تسحب ايده صوب بطنها : عشان الي اهني منصور يبتسم : عيوووووووووني فدوة للـ اهني .. ان شاء الله حبيبتي . . الي تامرين فيه . . . . . |
. . البارت الـ 110 بع ـد صلاه العشآ . . كل شي صآر جآهز . . شنطه مهره + شنطه نآصر والاهل حوالين الباب يسلمون ويوصووون . . عبدالله : يا امايا شو بتسوين فالمطار ؟ انا بوصلهم وبرررررد ام عبدالله تمسح دموعها . . مهره تسير صوب امها : ليش الصياح امايا ؟ ليش الله يهديج . . بردلج ان شاء الله ام عبدالله : منصور وشل الي ما تنطرا وطلع من البيت وحتى ما طيب خاطري ولا سلم علي . . غسلت مخه عني . . وروضة من مجابل اليهال ما تقدر تمر علي حتى شوي وتسلم . . وعذاري مستلمه هالريل 24 ساعه تكلمه ولا مسويه اعتبار لحد فالبيت . . وانت " تاشر على عبدالله " يومين عندي ويومين مسافر . . وهالاثنين " تقصد مهره وناصر " ربي يرضى عليهم الي عندي . . صح مهره منخششه ومعتزله بس بعد انا اسيرلها ايلس عندها وتيلس عندها تونسني . . وهالهرم يغلس علي ويرفعلي ضغطي . . شسوي عقبكم انا شسوي ؟ بيخلى البيت علي . . ناصر : افا يا امايا . . وابويه وين راح ام عبدالله : ها ابوك وينه الحين ؟ يا راقد يا مجابل الجريده يا فالعزبه يا فالدوام . . حتى ما قام ييلس ويايه مثل اول . . ناصر يمسك ايد امها وييوسها : خذي وعد اني برد باقرب وقت بإذن الله . . وبتشوفين بعد . . مهره : الا 5 ايام يا امايا . . بيمرن بسسسرعه .. عبدالله : وانا مابسافر . . بوصلهم المطار وبرجعلج . . لا وبعد باخذ اجازه . . شو تبين اكثر . . مهره : وانا عذور موصتنها تجابلج وتودر التلفون عنها . . واذا قصرت وخلتج بس اتصلي بي وانا بأدبها . . ام عبدالله تمسح دموعها : حتى وانتو بتسيرون فكرتو فيني . . ناصر : ايووا يا ام عبود . . بدينا بالدلال والدلع هااه . . انتي الغاليه انتي تاج الراااس " يحب راسها " عبدالله يشوف الوقت : يالله ماشي وقت . . ناصر : وعد بردلج باقرب وقت صدقيني . . "يغمز لها " ام عبدالله تبتسم : روح روح . . هررم واحد . . مهره تبوس ايد وراس امها : دعواتج امايا ام عبدالله : الله يردلكم لي سالمين غانمين ماعليكم ششر يارب . . مهره تبتسم : استودعكم الله التي لا تضيع ودائعه . . . . . عنود تبوس سلامه : توا ما نور البيت والله . . محمد يتخاشم ويا منصور : مرحبا السساع . . اقربوو . . ام خالد : حي الله من يانا . . والله فرحتني سلامه يوم خبرتني . . منصور يبتسم : ما قصرتي عموه . . ونحن ما بنطول الا كم يوم بس عشان خاطر سلامه ام خالد : البيت بيتكم ابويه . . اقعدو لين تشبعون . . . . . بع ـد سآعتين . . مهره : ناصر وين بتروؤؤؤح ؟؟؟ ناصر : انتي روحي اهناك " ياشر " وعطيهم التذكرة . . وأسبقيني . . مهره : نصور ششششعندك بتودرني ؟؟؟ ما سمعت توا قالو النداء الاخير حق طيارتنا . . ناصر : ما بتاخر شفيج . . بروح وبرررررد . . انتي اركبي الطياره وشوفي وين مكانا علشان انا ااي اقعد على طول . . ما بتاخرر يالله سيرررررررري مهره : اففف . . انزيييييين ومشت عنه . . >> قال لي دقيقتين . . والحين كمل 6 دقايق وما يااا . . الطياره بطيييييير . !!!!!!!! انقهرت وحطت راسها ع الدريشه وهيه تستغفر وخايفه . . ليكون صارله شي .!! انا كيف بدبر روحي . . عن اطير الطياره وانا برووووووووووحي اهني . . انا شسوي قاعده . . لااازم اقوم انززززل .. تفووتني الطياره اهون من اني اسافر رووووووحي . . وفجاه حست بايد تمسك ايدينها . . ارتاحت جزئيا وصدت صوبه . . مهره : واخيييييييرا . . والله خفففففففففت " وبانت ملامح الصدمه والدهشه فيها " سيف : لبسي حزامج . . بطير الطياره . . مهره بلعت ريجها ماعرفت تنطق . . وبعدها تطالعه بصدمه . . سيف يوم سمع ان الطياره الحين بطير ولازم يلبسون الاحزمه على طول سار صوب خصرها ولبسها الحزام ولبس هو بعد . . مهره : ناصر وين . . سيف يصد يطالعها : ما راح يي . . مهره تبلع ريجها : كيف ما راح ييي ؟ سيف : يعني السالفه كلها مفبركه . . انا الي بكون محرمج . . مش ناصر . . التذكره باسمي مش باسم ناصر . . ناصر ماحجز له تذكره اصلا . . بدت الطياره ترتفع وترتفع وقلب مهره يدق بقوووووووووه . . تحس برعب فظيع . . حطت قوتها كلها فايدينه ورصت عليه بأقصصصى ما تملك من قوه . . تحس بصوت وضغط فاذنها مش متحملتنه . . فـ اكتفت انها تغمض عينها وتحط راسها ع جتفه وترص ع ايده . . > < > < سيف يدق ع ـويهها : حبيبي .. لاتخرعيني علييييج قوومي . . مهره فتحت عينها بتعب وهيه تحس انها مبتتتلللله ،، عباتها نصصها ماي . . مهره تطالعه : شسالفه ؟ سيف يحط ايده ع قلبه ويغمض عينه : الحمدلله . . الحمدلله يارب . . مهره مستغربه وصدت يمين تشوف انهم استقرو فالجو . . سيف : طمنيني عنج شو تحسين الحين ؟ مهره تطالعه : ما احس بشي . . شصار ؟ سيف : اول ماارتفعنا طحتي غشيانه . . وكملتي تقريبا ربع ساعه طايحه وانا احاول اقومج . . وكل شوي ازقر المضيفات وييبولج شي . . مهره تبلع ريجها : الحين احس اني احسن . . سيف : شو ياج ؟ ليش تعبتي بسم الله عليج ؟ مهره اطالعته وعقب صدت الصوب الثاني .. سيف يمسك ايدها : خبريني . . شو ياج عسب اعرف اتصررررررف لو رد صارلج الي صار . . مهره تطالع الدريشه : اخاف من الطياره . . سيف ابتسم بدون ما يحس : بس ّ! كل هذا عسب انج تخافين من الطياره ؟ مهره تطالعه : ما يضحك انزيييين سيف يبتسم : اول مره تسافرين ؟ مهره تصد الصوب الثاني . . : هيه سيف : ههههههه . . قولي جي من الاول مهره تطالعه باحراج : ما يضحك اقولك . . سيف يحط ايده ع حلجه . . مهره : تاافه . . " وترد تصد عنه وهيه تبتسم وفخاطرها تقول ( شكله حلو بالاحرام ) " شوي وطلب لها عصير برتقال وعطاها : شربي عشان تصحصحين . . وراج عمرره . . مهره شلت عنه وتمت تشرب . . كح شوي ف على طول مدت له العصير . . سيف طالع اهتمامها . . " بعدها اتحبني . . بعدها اتخاف علي . . " شل عنها العصير وشرب شوي . . مهره : كمله كله . . انا شبعت . . سيف : لا . . انتي بتشربينه كله عسب تاخذين طاقه . . " يمد لها الكوب " مهره : شبعت . . " ترد له الكوب " سيف : بتشربينه " ويد له الكوب " مهره : قلتلك ششبعت والله ّ! انت اششرب خلاص " وترد له الكوب " تمو على هالحاله لين ما مهره ردته بقوه وانصب على احرام سيف وششهقت مهره . . مهره فاجه عينها : والله ما اقصد . . سيف فاج عينه بعد بصدمه : حرام علييج شسويتي . . على طول سحبت الشنطه الصغيره الي يابتها معاها وكانت محطتنها صوب ريلها . . وطلعت مناديل ورقيه مائية . . وتمت تنظف إحرامه . . ويوم حست انها ما قادره تنظف عدل . . بطلت عنها الحزام وتقربت منه اكثر ومالت صوبه عسبت تنظف عدل . . تمت تنظف بظميييييييير . .لين ما يت مطبه هوائيه وطاحت مهره فحظن سيف الي رص عليها بقوه بدون قصد " خوفآ عليهآ " . . رصصص عليها بقوه شرات الياهل الي من عقب سنييين حصل احلى لعبه واغلى لعبه عنده . . رصص عليها جنه خايف ان اللعبه اترد اتضيع . . 1 2 3 4 5 6 7 8 ثواني على هالحظنه واستقر الجو مره ثانية وعلى طول قامت مهره وقعدت مكانها وهيه ترجف . . وبنفس الوقت سيف . . فالبدايه كانت الحظنة عباره عن خوف عليها انها اطيح . . وبعدين صار شعور يعذب ويخلي الواحد يحن ويشتاق لـ احلى شي واعذب ذكرى واغلى شي جدام عينه وبين ايدينه . . ومهره . . شعورها خيالي . . شعور البنت الي فاقده حنان ابوها . . شعور البنت الي انفررت ف بيئه مهجورة وفجئت حصلت واحد من اهلها وحظنته بأمل مآ يودرهآ وحيده مره ثانية . . مهره من عقب ما قعدت صدت صوبه وتمت تطالع احرامه . . : صار نظيف الحين . . ولاجنه صار شي . . سيف صاد صوبها ويطالعها : واحلى شي صاار . . انه انصب العصيير . . " يبتسم " صح ؟ مهره ابتسمت لا شعوريا ونزلت راسها وبصوت خافت : صح . . سيف سحب ويهها بهدوء وخلاها تشوفه . . تم يطالع ملامح ويهها . . >> العيون ذبلانه . . وسواد عيونج زايد . . ويهج ضعفان . . " يطالع جسمها " وجسمج بعد . . مع ذلك حلوه حبيبتي . . على كل ملامح التعب بعدني اشوفج حلوه . . على كل العيون الحايره والذبلانه بعدني اشوفج منوره . . " يلمس ويهها بصبعه الابهام " وحشتيني . . اشتقت ألمس ويهج . . أشتقت آقرص خدج . . آشتقت آشششمج . . وألمج واحتويج . . مسك ايدها وباس ايدها وتم يشمها . . . كان وده ينطق ويقول كل الحوار الي دار بينه وبين نفسه بس ماقدر . . شي فيه اقوى خلاه يسكت وخلاه يتمتع بهالشي لـ حاله . . بدون ما ينطق بحرف . . اكتفى بايدينها الي في ايده . . مهره انحرجت وايد وصدت الصوب الثاني . . ماعرفت شتقول وشتسوي وكيف تتصرف . . من بعد دقايق بسيطه . . باس سيف ايدها بوسه اخيرة وحطاها ف حظنه وتم يطالعها وهو مبتسم . . قطع عليهم هالحوار الطيار وهو يقولهم أنهم دخلو الميقات ولازم ينوون ويلبون . . ومن عقب كلام الطيار . . لا مهره تكلم سيف ولا سيف يكلم مهره . . تمو يبادلون بعض بنظرات وابتسامات بس . . لين ما اعلنو ان الطيارة بتنزل . . . سيف يصد صوبها : ماكو اي شي يخوف ترى !!! مهره تبلع ريجها : ادري سيف مسك ايدها : شوفيني . .!!! مهره ماقدرت تشوفه وتمت راصه ع عينها بقوه ومسك ايده بقوه والخوف كله متزعزع فيها . . تحس انها ترجف من فوق لين تحت . . واذنها ردت تنصك . . خشت راسها صوب جتفه وما هداها غير شي واحد سيف : انا اهني . . معاج . . ايدي بإيدج . . دام ايدي بإيدج مآ رآح يصير لنآ آي ششششششي ان شاء الله . . شوفيني. . بس شوفيني . . شوفيني وراح تصدقين كلامي . . فتحت مهره عينها وهيه تسمع كلام سيف وبدت تحس ان عوار اذنها والضغط بدا يخف . . سيف : خلاص الحين بننزل . . ما باقي شي . . مهره يايه تصد بتشوف الدريشه لكن سيف سبقها ومسك راسها سيف : خلج وياي اهني . . مهره تغمض عينهاا : اخاااااااااااااااااف سيف : اششششش . . خلاص . . عدي من واحد لين 3 بسسسرعه يلا . . مهره : مابي مابي . . ماقدر سيف : يالله قلتلج بس لين 3 !! مهره تبلع ريجها : واااحد . . سيف : اثنننيين مهره : ثثثث سيف : كممملي يلا مهره : ثلاثثثه . . سيف يطالعها ومبتسم : هبطنا خلااصصص .. بطلي عينج . . وعلى طول من قال جي فتحت عينها : هبططططنا ؟ سيف متبسم : هيه . . مهره تشوف الدريشه واتنهدت براحه : الحمدلله . . سيف ابتسم : شفتي كيف . . مهره اطالعته وهيه مبتسمه : الحمدلله ع سلامتك . . سيف : الحمدلله ع سلامتج حبيبي . . اتغيرت ملامح مهره من قالها حبيبي . . وهو ارتبك . . طلعت عششوائي . . عدلت قعدتها وعدل قعدته وكل واحد طلع فونه وبطله . . واول مسج وصلها كان من ناصر " الحمدلله ع السلامه مهوره . . صدقيني بتشكريني على الحركه . . الله يتقبل منكم ياااارب . . ليني راسج . . لا تعاندين ولا تكابرين روحج .. كل شي فيه مصلحتج . . اسمعي كلام اخوج . . لاتنسين اطرشين مسج عقب ما تعتمرين ويا (((( ريلج )))) " تظل الروح مشتاقة تبي شوفته واشراقه تعالى وجل خلاقه فديته حسنها البراق ابي قربها دايم وفكري بالغلا هايم وقلبي بجوها حايم لانها جنة المشتاق تروح وتزعل وتاتي وترضى وتبعد اهاتي واقول ان هذي مناتي لانها اصدق العشاق اقدم واصبر وانطر لاجل عينه انا انطر وبعيني السما تمطر لكن ربي كتب الفراق ياحبي وسبة جنوني يا اغلى الناس في كوني اصونك وانت في عيوني مادام القلب بك خفاق نفذ صبري وتفكري متى ياحبي بتجيلي متى تضوي علي ليلي ترى بعدك ما ينطاق . . . |
صباح الخير والاحساس والطيبة صباحن ما يليق الا بأصحابه واااااااااااااااااااااااااااو والله البارتاااات شي يعني شي والله لا يحرمنا من اسلوبج وذوقج وااااااصلي ابداااعج |
|
| الساعة الآن 07:30 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir