|
اقتباس:
ولكم نورتيني بمرورج |
>@-- *Part 25 مايد حدر الميلس: انا بروح عندي شغله ضروريه الكل: الله يحفظك ظهر مايد و سار ركب سيارته و سار صوب المطعم و حدر و جاف سالم.. مايد: هلا.. سالم جافه و ابتسم: يا مرحبا بك حياك تفضل.. مايد: انا مب ياي ايلس.. سالم: ايلس اطلب لك شي و انا بعد ابغي ارمسك.. مايد يلس و طلب له عصير افوكادو.. سالم فر الصور يدامه.. مايد: شو هذا؟! سالم: انا ما ابغي بيزات و لا ابغي شي و الفيديو اللي جفته كان تركييب مب شي ثاني.. هني مايد صج استغرب: عيل ليش سويت كل هذا دام هدفك مب البيزات عيل سو تبغي؟! سالم: كنت ابغيكم تحسون شو هو الشعور يووم وحده تطيح سمعة العايله طيحتوا سمعة غيركم ذوقوا من نفس النار.. مايد: انت منو؟! سالم: انا سالم سعيد ال..... مايد انصدم: انت اخو شمسه؟! سالم قام: كنت اخوها اما الحيين لا.. و ظهر.. مايد خذ الصور و فكر بطريقه خذا الصور و سار محل الورد و التغليفات.. _______________________________ فواغي: آه يالدنيه احس عمري رديه يزوجوني بهذي الطريجه انا .. نزلت دموعها .. انزيين لييش انا؟! ليش يا منصور ليش؟! اكرهك و الله اكرهك تفهم .. صرخت .. اكرهك،، _______________________________ ظهروا كلهم من بيت بو صقر و كل واحد سار بيته.. حدر بو صقر و محمد و عبد الله الصاله و جافوا اسمه: مرحبا ببنتي شحالج ؟! الحمدلله ع سلامتكم.. اسمه حبته ع راسه: الله يسلمك من كل شر حمود: الحمد لله ع سلامتج عبود: الحمد لله ع السلامه مرت اخووي اسمه: الله يسلمكم بو صقر: عيل صقر وييينه؟! *اسمه: تعبان سار يرقد بو صقر: هييييه زين عيل.. اسمه استأذنت و سارت فوق و حدرت الغرفه بشويش و جافت صقر راقد سارت الحماام.. الله يكرمكم .. و لبست لها بجامه اورنج فوق الركبه و الأكمام مفتوحه لين الكوع و فتحت شعرها كانت جد رووووعه.. ظهرت من الحمام .. الله يكرمكم .. و جافت صقر واعي.. صقر تنح يوم جافها و تقرب منها.. اسمه: صقر.. صقر: نعم.. اسمه و امتلت الدموع بعينها و فرت عمرها بحضنه و يلست تبجي: احبك و الله العظييم و الله أني ما خنتك و لا بحياتي فكرت بغيرك.. صقر احترق قلبه و هو يسمعها تبجي بهذي الطريجه: اسمه ودي اصدق بس كل شي ضدكم.. *و يلس يمسح ع شعرها و هي تهدا شوي شوي اليين رقدت بحضنه شلها و خطها ع الشبريه رقد بأفكاره المتلخبطه.. _______________________________ ف سيارة حمدان كانت موزه وياه و حمدان ما خلا نجود وياه عسب ياخذ راحته بالاسئله.. موزان: حمدان.. حمدان: هلا.. موزان: ما خبرتك!! حمدان بدا يتحرقص شوي: شو خبريني؟! موزان حبت تلعب باعصابه شوي: اليوم خالتي وديمه خطبت مريوم حق مايد.. حمدان: و بعد شو صار؟! موزان: و بس حمدان: يعني امييه ما خبرت حمده موزان: هييه خبرتها حمدان: و شو صار موزان: اول شي ييب لي من باسكن حمدان يلس يطالعها موزان: برايك لا تييب حقي أنت الخسران بالنهايه حمدان: يا رب شو هالاخت موزان: نعم!! حمدان: بييب لج و سار صوب باسكن و خذالها* و ركب السياره موزان: شو يبت لي؟! حمدان: strawberry موزان: هييه زين عطني حمدان: لا يا شيخه اول شي قولي لي موزان جوف هذا اللي صار ام حمدان: حمده أمييه تعالي يلسي يمي ابغيج بموضوع.. حمده قامت.. ام حمدان: سمعيني حمده انتي خلاص كبرتي و انا ادري امج رحمة الله عليها كانت بتستانس ف هاليوم* نزلت حمده راسها كملت ام حمدان بس كل شي يميه قدر مكتوب و اليوم انا يايه اطلب منج انج تكونين مرة ولدي و بنتي الثانيه البنات: اووووووووه اونه اونه* حمده حمرت و قامت من المستحى.. موزان: بس حادا اللي صار حمدان: حراام موزان: هيييه و الله صعب فراق الام حمدان تنهد: فووق ما تتصورين ______________________________ ام سعود ف الصاله: راشد سر ازقر اختگ.. راشد: انشالله.. بو سعود: عاشه شو تبغين منها!! ام سعود: و لا شي بس خلها تنزل تحت.. سعود: ابويه اذا فواغي مب موافقه ليش تجدم العرس انا اقوول لو تنكسلون احسن صج منصور حسبة اخوي بس بعد بو سعود: و الله ما ارد ولد اخوي مريوم بخاطرها: و أمي اكييد بتقوول ما بترد ولد أختها يا ربي شنو هذي الورطه؟! ظهرت اليده من جناحها: السلام عليكم الكل : و عليكم السلام و الرحمه بو سعود: امييه ليش ما ييتي ويانا؟! اليده: ريولاتي تعورنييه ما رمت ايي بو سعود: ما تجوفين شر فواغي و راشد نزلوا.. فواغي بصوت خفيف: السلام عليكم الكل: و عليكم السلام و الرحمه فواغي يلست ع طرف.. بو سعود: تعالي فواغي يلسي حذالي.. فواغي نشت و يلست حذال أبوها و حطت راسها ع جتفه ام سعود: عندي لكم خبر بتستانسون منه اليوم وديمه خطبت مريوم حق مايد ولدها.. |
تسلمين غلااايه ع هالروااااايه الروووعه ما شاءالله عليج ابداع امم حليلها فواغي تكسر الخاطر سلامه ان شاء الله بتنسى المرحوم خطيبها و بتحب سعود علاايه الله يعينها اذا عرفت ان سعود يحب توأمها أسما الله يعينها و ان شاءالله صقر بيعرف أنه كان غلطان فحقها و بيعوضها عن الايام اللي طافت صقر المفروض يتأكد من السالفة و يسمع رأي سلطان و أسمه و بعدين يحكم و يقرر ع اللي صار منصور يقهر ليش يبا ينتقم من فواغي يعني هي ماسوتله شي ؟؟ مريم ربي يهديها واللي سوته كان اكبر غلط فحقها و فحق أهلها مايد الله يعينه عبود وحمود و لا أروؤوؤوؤوع حمدان شخصيته حلوه سالم شو سالفته << شوقتيني ابا اعرف سالفته فانتظار البارت الياي غلاااااااااااااايه لا تبطين علينا امم فأي يوم بتنزلين البارت اللي عقبه ؟؟ و السموحه وايد اتفلسفت عليج |
نورتيني يالغاليه و الله الحين عندي عرس يوم اليمعه مقدر احدد بس انشالله من تبدأ المدرسه بندر شرات قبل كل ثلاثه ويمعه |
تسسلمممين حبيبتي عالباررت منصور شو سالفته وسالفه هذييج البنت ><" كسرت خاطططري فواغي ونتريياج الغللااا |
| الساعة الآن 07:40 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir