|
البـارت الـ 40 وعقـب نص سـاعه .. نزلـت الطيـاره والوكـت كان 10 .. و بـدو الركـاب ينزلـون و مريـوم و عليـا قبل لا ينزلـون فصخـو العبـاه و حطوهم فـ الجيـس وسـارو صوب المطـار .. وهـم فالممر .. مريـوم و عـزوز كانو يمشون عـدال بعض .. عـزوز : الله لايسـامح العـدو .. مريـوم : اشوووووه ؟ عـزوز : الكـل يشوف لبسج .. اغـاار .. مريـوم : انا ماقلتلهم شوفوني .. عـزوز خـلا ايدهـا ع ايده " شرات الاجانب يوم يعرسون .. كيف يمسكون ايد بعض هوه جيه مسوي " ومريـوم كانت بتخوز ايدها بس هوه ماطاع .. عـزوز : عشـان يعرفون انج حرمتيـه .. عن يصرقونج .. ترا اهنيـه في وايد يصرقون > يقص عليـها مريـوم شهقت : احللللللف .. وابويه جان تخوز ايدهـا و تمشي و هيه لاويه ع عـزوز " كيف اقولكم .. يعني حاطه ايدهـا اليمنـا صوب ظهر عـزوز و الثـانيه صوب صدره و مخليه راسها عند صدره .. مريـوم : اميــييييييه اشوفك تخليني ثـانيه عـزوز : هههههههههه عـمر : اييه انتـو وين يالسين .. عـزوز يصد ورا يسويله حركـات انه يسكت : آآآ .. لا بس اهنيه في وايدين يصرقون فمن جيه انا ماسكنهـا عشـان ماتنصرق عليـا شهقت : صـــدق !! عـزوز يسويلها حركات انه جذب و هيه تضحك عليهـم .. وعقـب سـارو يختمون الجوازات و سـارو يدورون شنطـهم و يوم خلصو و حصلـوهم سـارو يدورون الريـال اللي يتعـاملون وياه .. و وداهـم الفندق .. و يـوم وصـلو Arabella Sheraton Grand Hotel .. ويـوم و صـلو .. Room-Service يـاخون شنطـهم ,, مريـوم : كح كح كح .. كح كح كح >> صوت عـالي والـكح كانت قويه عليـا : آآآآتشو .. آآآخ الحمـدالله .. مريـوم : يرحمج الله عليـا : يهدينـا ويهديـج الله .. وابويه خشمـيييييه .. بلانـا امرض عنبـو !! مريـوم تسير صوب عزوز : آآ عبدالعزيز مطـولين .. انا بموت من البـرد .. ايدي بدت تزرق .. عـزوز صد صوبهـا وشافهـا مربعـه ايدهـا ويالسه تمسح عشـان تتفـا وكانت ترتجف : هـاا .. خلاص تعـالي خلصنـا .. عمـر سار صوب عليـا حط ايده ع خصرها و دخلهـا داخل وهيه ترتجـف بعد : وابويه ليش جيه برد وايد !! آآتشو .. آآه الحمدالله عمـر : شكلج بتعاديني وابويه .. يرحمج الله عليـا : يهدينـا و يهديك الله .. شو تباني اسوي يعني !! عمـر : انزين هههه لاتعصبين ,, سيري حبيبتي ايلسي ويـا اختج اهنـاك ولين مانخلص شغلنـا .. عليـا : اوكيه .. مريـوووم .. مريـوووم مريـوم صوت عـالي : هـلاااااااااااااااااع عـزوز : اصصصصص شو بعد هـلاااع .. مريـوم : هيهيهيهي كيفي .. جان تسير صوب اختهـا و ايلسون .. و عـزوز و عمـر واقفيـن عند الـ reception .. وعقـب يـوم خلصـو شغلـهم ... وسـارو صوب مريوم و عليـا .. شافوهم كل وحده حاطه راسهـا ع الثـانيه و راقدين .. عـزوز : وي كيـوووت عمـر : يبـالهم صـوره .. طلع طلع الكيمره مالتك .. عـزوز : ههههههه .. انزين وعقـب طلع عزوز ع السريع و صورهم كمن صـوره و دخل الكيمره مكانهـا عسب مايحسـون .. عـمر : علايه حبيبتي ,,, عـزوز : مريـووم ... اييه قومو نشـو مريوم و عليـا فزو مره وحده : هـااا شو استوا عمـر + عـزوز : قومو !! يلا مريـوم : آآخ راسي عنبـو هب بـلاد هاي كلهـا امراض كيف هايل اللي عايشين اهنيه مايمرضون الكـل : ههههههههه .. عليـا و عمـر تجدمو .. و مريوم بعدهـا يالسه .. عـزوز قـومهـا و مره وحـده مريـوم عصبت : عزوز بليـززز دونت تـاج !! عـزوز : شو سويتلج الحين انا !! مريـوم : يالس تقومني جدام الخلق !! عـزوز : والله انا ماسويت شي غلـط !! مـ *** وانا مادري !! مريـوم انحرجـت جان تسير صوب عليـا : اففففففففف عليـا : بلاج بعـد .. مريـوم : ماشي ماشي .. جـان ايي عزوز و يـاخذون اللفـت و يسيرون الطـابق الـ 10 .. و كل واحد سـار غرفته .. فـ غرفة عليـا و عمـر .. عليـا : افف مابغيينـا نوصل .. عمـر : هيه والله .. المهم .. " جان ايي جدامهـا و يمسكهـا من خصرهـا " : بدشين انتي تسبحين ولا انا .. عليـا : لا انا انا .. عمـر : خلاص عيل سيري .. تحملي بعمـرج .. عليـا : ان شاء الله ,, جـان تفتح شنطتهـا و تاخذلهـا ثيـاب و فوده وشـامبـو وهالسوالف ودشت الحمـام .. فـ غرفة مريـوم و عـزوز .. من دشو و هم يتضـاربون .. و عزوز خـلاص انفـجر مايروم يستحمل اكثـر من جيه .. عـزوز معصب بس ماسك عمره : شو تبين تتفاهميـن .. قلتلج والله انه هب انا مريـوم : نفس الصـوووووت !! وتروح عنه عـزوز : شوو تتحريني ... ماسمعته و جان تسير عنه عـزوز عصب مسكـها بالقـو عند ايدهـا و لفهـا صوبه وخلا ويهـا عند ويهه : يـوم ارمسـج تسمعيني انزين مريـوم اتصيـح : شو تبـاني اسمعك .. اسمع جذبك الزايـد .. اقولك نفس الصـووووت !! لو كنت مخبرني من قبل هااب احس هـاا عـزوز يلس ع الشبريه و يرد شعره ع ورا : انزين وبعدين يعني ... لين متى بتمين جيه .. مريـوم : لييين جهــنم !!!! فجت شنطتهـا اتدور مفـتاح قفـل الشنطه .. يوم حصلته فجت الشنطـه وطلعتلهـا تي شيرت وسـيع لين اركب لونه اخضـر فاتح و عليه بطريقين فالنص.. و خذت فودتهـا واغراض الحمـام وجيه .. و دخلت و اتسبحـت .. وعزوز تم يجلـب بالقنوات .. عنـد عليـا و عمـر .. تـوهـا ظاهره من الحمـام .. و طبعـا الفوده هب ع الراس .. عمـور هزبـها .. عمـر : يا السبـااااااااله .. حطي الفوده ع راسج عليـا : اووه تريـا شويه .. عمـر ايرهـا و ايلسهـا .. وخـذا الفـوده وتم يجفف شعرهـا .. عليـا : ايييه شوي شوي .. بتجلع شعريه |
عمـر : ههههه .. ويي تعـالي اشوف ويهج .. جان يرفع ويهه و يشوف شفايهـا صوب الضربه عليـا : اشووه ؟ عمـر : وييييييييه الضربه ههههههه عليـا : اييه حمـار .. والله يعور .. خوز خوز عنيه برقد احسنلي عمـر : لا لا وين برقد ويـاج ترييني .. عليـا : حبيبي تعبـانه .. آآ آآ آآآتشوووو .. الحمـدالله .. عمـر : يرحمج الله .. عليـا : يهدينـا و يهديـك الله .. يوم بتخلص وعني عمـر : انزين .. سـار عمور ياخذ ثيـابه .. و دخل الحمـام بسرعه و يـوم خلص .. سـار صوب عليـا .. سكر الليت .. و شافهـا فـ سابع رقـادها عمـر : ههههه فديت هالويه انا .. جان يبوسهـا ع راسهـا .. لوا عليهـا و رقد .. عنـد مريوم و عـزوز .. ظهـرت من الحمـام .. وتحس انه عزوز يشوفهـا من اول ما طلعت من الحمـام و هيه عاد ماتحب جيه .. و عقـب خذا عزوز ثيابه و دش الحمـام عسب يتسبـح .. و مريـوم طـاحت ع الكرسي .. و تمت اتشوف التيلفزيـون .. و يوم ظهـر عزوز .. و طاح ع الشبريه و تلحف عسب يرقد .. مرو 5 دقـايق .. عـزوز : مابترقديـن .. فيج رقـاد تقـولين .. مـريوم : كيفي مابا ارقـد .. مالك خـص .. عـزوز استغرب : تصبحين ع خيـر .. مريـوم : ..... ومـرت سـااااعه .. و مريـوم بعدهـا تشوف التيلفزيـون .. و يـوم خلاص صطلـت .. سارت فجت الكبت و شافت في فراش .. خذته و فرشـت ع البلكـونه .. " ماتروم توايج لانه في شبـك " وكـان الجو بـارد من الخـاطر و هـوا .. يابت مخدتهـا و اللحـاف اللي كان فشنطتهـا .. و خلت الكلينـكس عدالهـا .. لانه كانت فيهـا بداية زجمه .. و كله تكـح .. و يـوم رقدت فـ نص رقادهـا تكح و تخلي الكلينـكس صوت حلجـها و ترد ترقـد و طبعـا الكلينكس يكـون مفرر عـدالهـا .. و طول الوكـت ترتجف " الله يغربلج حد يرقد فـ البلكونه فهالجـو اللي يذبح !! غبيـه " و يـوم استوت سـاعه 7 الصبـح كـان يطيح مطـر قطراته نعـام هب الكـبار اللي عندنا لول .. و المطـر هادي كـان بس صبيب .. عـزوز حط ايده الصوب الثاني .. و ماحس فـحد طايح .. فز من مكـانه !! تم يشوف يمين يسـار ماحصلـها سـار الحمـام بعد ماحصلهـا .. عـزوز : ياربيـه وين سـارت !! معقـوله سـارت عند عمـور !! خلني اسيـر احسن .. دخـل الحمـام بسـرعه و صـلا .. و سـارت صوب غرفة عـمر و عليـا .. كـانت عليـا فالحمام دق دق دق دق دق .. دق دق دق دق عمـر : هـاااا ياي يـاااي ,, جان يسير صوب الباب و يشوف فـ هالعيـون .. وشـاف عـزوز فج البـاب عـزوز زايغ : مريـوم عندكـم !! عمـر : مريـوووم !! لااه محـد عـزوز يزعج : عيـل وين سـارت .. عمـر : صبر صبر اتريـا عند البـاب بلبس ثيـابي و بيك .. عـزوز : بسرعه الله يخليك .. عمـر : انزين .. جان يسـكر البـاب ,, وشاف عليـا فجت الباب الحمـام عليـا : منو ع الباب ؟ عـمر يلبس جلابيته ما النـوم : مريـوم محد فـ الغرفه عليـا : اشووووووووه !!!!!! وين سـارت يعني ! عمـر : مادري لبسي ثيـابج بسرعه .. عليـا : اييه تريـا لاتروح .. جـان تفج الشنطه و تشوفلهـا بجـامه محترمه .. ولبستهـا بسرعه و لفت الروب .. و دورت الشيله مال البيت لبستهـا و سـارو كلهم فـ غرفة عـزوز .. عمـر : خبرت الـ reception عـزوز : لااااا عليـا سـارت صوب البلـكونه ولاتشوف حد طايح .. زعجت : مريـوووووووم !!! عـزوز سيده فز من مكـانه وسـار صوب البلكونه .. و يوم سـارو يشوفونهـا .. خشمـها ينزل فيه دم و ويهـا مصفـر و بـاارده كـانت .. عـزوز خلاهـا فحظنه وهوه خاايف عليـها : حبيبتي مريوم !! عليـا : مريوووم !! مريـوم : ....... عـزوز صفعهـا صفعه خلتهـا تنش !! مريـوم : هـااااااااااااااااا .. فجت عينهـا و تشوف عمرهـا فحظن عـزوز و عدالهـا مريـوم صاحت : اشوووه ب ب بـلاكم ح ح حد يوعي جي جيه !! >> ترمس وهيه ترتجـف وتكح خلت ايدها صوب حلجهـا و يوم شافت دم فجت عينهـا وسيده مشت ع بنطلونهـا عسب محد يدري .. عليـا : ليش ترقدين فالبلكـونه !! خبله انتي .. الجوو بـاارد بتمرضين .. مريـوم : عزوز هدنيه !! عـزوز : مابهـدج هب انتي اللي تمشيج كلامج عليه .. عليـا خليني ويـاها .. وقولي حق عمور ساعه 8 بنسير نتريـق تحت اتزهبـو مريـوم : لا عليوه لاتخليني عليـا شافتهـا و روحت عنهـا و طلعت و خبرت عمور باللي قاله عزوز و جـان يسيرون غرفتهم .. عند مريوم و عزوز .. بعدهـا فحظنه و هوه هب طايع يهدهـا .. مريـوم : عـزوووز هدنيـه ماباااك تيودني .. مااباااااااااااك >> واتصيح .. عـزوز شلهـا شرات اليهـال : جب ولا كلـمه مريـوم تتحرك وتحـاول تنزل بس هوه ميودنهـا عدل وهيه تصرخ و اتصيح .. جان ايبهـا صوب ويهه مريـوم تدزه صوب صدره و تضربه ع الخفيف بس عسب تخوز : دخيـلك ماباك تلمـسني مابااااااااااك .. عـزوز : .............. مريـوم تدزه وتحـاول جان تلف و هوه ميودنهـا من بطنهـا بس هب طايح يهدهـا ,, وعقب شده فجت ايده و طاحت صوب حد الشبريه وضرب خشمـها .. جان تيلس وماجبه بايدهـا ورا و الثانيه عند خشمـها و يوم شافت الدم تخبـلت : داااااااااااااااااااام عـزوز فج عيـونه .. سـار و ياب كلينكس و مش خشمهـا ورفع راسهـا عسب يخف الدم .. بس هيه تنزل راسهـا و الدم كله ع ثيابهـا و تصيح ,, عـزوز عصب : ارفععععي رااااسج .. مريـوم تصيح : جااااااااااااااب سخييف تقهــر !! عـزوز : مريـوم قسـم بالله ان ماسكتـي بتشوفين شي ماشفتيه فحيـاتج |
مريـوم تصيح زيـاده و تصـارخ : لاتهدددنيييييييييييه !!! عـزوز خلاص الشياطيـن جدامه يودهـا بالقو صوب ايدهـا و وداها الحمـام وهيه تصارخ تقول خوز ايدك تعورني ومادري شو .. عـزوز : غسلي خشمج و تحت خشمج كله دم بسير ادور ملح .. مريـوم فجت المـاي وهيه معصبه .. وهوه سار يفج صوب الثـلاجه شاف نسكيفه وملح و شكر ياب 2 ملح و سار الحمـام .. ترس القـلاص ماي و حطه و خلطه .. عـزوز : اتنشقيه .. مريـوم : شو تبا تذبحني عـزوز : مريوم عن الاستهبال خليه يدش انزين فخشمج ع الاقل يخف شويه .. مريـوم سوت مثـل ما قال عزوز وهيه معصبه .. وهوه فج ماي الحوض و خلاه ماي دافي .. و يوم خف الدم .. لفت ويها شافت عزوز جدامها .. كانت ظهرها صوب المغسله مريـوم عينهـا محمره و كـانت وايد وايد بارده : ليش جيه تشوف عـزوز رفع حيـايه .. يود قميصهـا بيفصخه هيه فجت عيـنها سيده نزلت مريـوم : اييه انته شو اتسوي !! عـزوز : شو بسوي مثـلا !!! بشل القميص سيري تمي فالمااي !! جسمج بـارد و هب زين عليـج مريـوم الدموع فعيونهـا : لاتصرررخ انزين انا هب اصغر عياااااااااالك !! وثـانيا انا هب لبسه شششششلحه عـزوز : انا ريلج انزين !!! مريـوم : ........... عـزوز و رفع القميص وهيه رفعت ايدهـا .. منزله راسهـا كانت رفع راسهـا و شلاها و حطهـا فالحوض .. يلست ولمت عمرهـا و خلت و لوت ع ريلهـا وتشوف عزوز : بلاك تشوفني .. عـزوز : ماشي .. جان يطلع و يسك البـاب مريـوم تمت فـالحمـام 5 دقايق و عقـب طلعت بالروب .. صلت .. و طلعتلهـا قميـص طويـل لين فوق الركب بالضبط مال البرد " البالطـو " ابيض كان .. وفيه حزام اسود شويه عريض .. و طلعتلهـا قميص اسـود هاي نك .. وشوفو عـاد شو بتطلع الحيـن .. تتحسب عمرهـا فالروضه .. طلعتلهـا هـالي هـوب اسـود " هب شفاف " و بـوت اسود طويل كعب " كانت مستره لاتقولون وين تبا هاي تلبس جيه ومادري شو لابسه قميص طويل و بعد بوت طويل يعني مايبين غير ربكتهـا " .. و دورت الشنطه اللي فيها فرو اسود و ابيض حطت فيها اغراضها و موبايلهـا و خذتها و سارت تكـوي شيلتهـا .. وخلتهـا ع الكرسي .. و سارت تبدلت ثيـابها عـاد وين !! .. صوب الباب عسب انه في مكـان اللي داخل الغرفه مايروم يشوف شو تسوي .. و خذت شنطتهـا الصغير اللي فيهـا مكيـاج وهالسوالف .. بدلت ثيـابهـا فجت الليت وكـان فيه منظره كبيـره .. و يلست ترسم عينهـا و حطت مسكره و قلوز .. وسمعتـه يرمس عمـور .. عـزوز : لا لااا .. القميص الهـاي نك الابيض الصوف .. هييه هييه . و يـاه الجنز الاسود .. اي كـاب .. أأأأ .. هاي الكاب اللي ايي ضيج .. اسود بعد اي لون .. خلاص تمـام .. باي .. عنـد عليـا و عمـر .. سـار يتلبس عمور و يوم خلص .. يلس عسب يلبس دلاغه و جوتيه و عليـا كـانت هيه لابسه وكل شي .. (( كانت لابسه شرات مريـوم )) و يوم خلصت سارت عند عمـر و يوم شافهـا .. عمـر يشوفها من فوق لي تحـت : يالله يالله مانرووم عليـا : هههههه .. يلست ع الشبريه تسحي شعرهـا و تلفه عمـر : هيه جيه زين .. لو كنتي لابسه بوت قصير جان ذبحتج !! عليـا : لا لا ساتره عمريه ههه بس ركبتي طالعه عمـر : لا بس ثيـابج حلوه ذويقه و يغملزهـا عليـا : ههههههه .. يلا خلصت ؟ عمـر : هيه .. عليـا : عيل وين بتشوفلي شنطه .. فجت شنطتهـا و شافت شنطه فيهـا فرو ابيض و اسـود خذتهـا و حطت فيهـا موبايلهـا و الاغراض البـاجين .. و طلعـت شيلتهـا و كوتهـا و يوم خلصو طلعـو برع و سـارو غرفة مريوم و عـزوز .. كانو مخلصين هم .. وعزوز بعده ماشاف مريوم شو لابسه .. جان تسمع دقت باب .. مريـوم : عليـوووه مره ثانيه دقي عـدل !! عليـا : ههههه فجي الباب انزين .. مريـوم : صبري انزين .. بسير ايب شيلته .. سـارت داخـل وشافهـا عزوز وماقالهـا شي لانه لبسهـا اوكيه .. و لفت شعرها بالتوكه و حطت الشيله ع راسهـا و خذت الشنطه مالتهـا فجت البـاب وجان تسير و عزوز سار وياها .. عليـا : وييي مطقميـن كلنـا الكـل : ههههههههه عمـر : عيل كل يوم بنسوي جيه عـزوز : ياخوفي مره ايي واقولج شي عليوه و اتحراج مريومه مريوم و عمـر شافت عزوز بنظره عـزوز : ههههه خلاص خلاص .. وعقـب مريوم و عليـا مشو مع بعض و عمر و عزوز مع بعض .. مريوم يالسه تقول حق عليـا عن خشمهـا و هيه تضحك عليهـا و تقولها تستهليـن ... مريـوم : وييي مافجيت موبايلي !! طلعت موبايلهـا من الشنطه و فجته .. وعقب 5 دقايق ,, شافت مسج ياينهـا و يوم فجته قرته " جيكي ع الايميل " مريـوم : اجيك ع الايميل .. شحقـه ؟ عليـا : من منـوه مريـوم : فطيم عليـا : انزين يوم بنرد جيكي مريـوم : خلاص ماعليه .. وعقـب ركبـو اللفت و نزلو تحت عسب يتريقـون .. حطولهم ريوق .. طبعـا البنـات من شافو نوتـلا تخبـلو .. خذو كرواسون و نوتيـلا و حليب جوكليـت .. و الاولاد نفس الشي و يلسـو يتريقـون .. و مريـوم يالسه تكحكح و عليـا تشوفهـا .. وسيده مريوم حطت الكلينكس صوب حلجها و يوم يودته عليـا شافت دم انصمت .. عليـا : مريوم تعالي ويايه الحمـام .. مريـوم : هـا لا سيري بروحج عليـا : مريوم اقولج تعـالي جـان يسيرون الحمـام و سيده من يت مريوم عليـا قبذتهـا عنج تفهـا : من متــى !! مريـوم : شو من متى !! عليـا : من متى يظهرلج الدم ها !! مريـوم : مال الحكح علايه عليـا : اكيد !! مريـوم : هييه تحيدين قبـل يوم نسـافر لندن و كنت اكح ويظهر دم من الـبرد عليـا : عزوز يدري مريـوم : خـسي .. ولا اباه يدري بعـد .. آآ آآآ آآ " بسرعه خلت الكلينكس ع خشمهـا " آآتشو .. مشت خشمهـا عليـا : وييي دم ,, مريوم يسده حطت الكلينكس .. وتمت تغسل خشمـها لي ما خف و عقب سارو يتريقون .. عـزوز : ليش طولتو عليـا : هـا .. لا ماشي مريوم طلع فخشمهـا دم عـزوز يشوف مريـوم وهوه يحاتيهـا و عقـب كملـو ريوقهم .. |
فـ درا الظبـي .. سـاعه 11 الصبـح .. كـانو بو حمـد و ام حمـد و ام خـالد يودعـون .. بو حمـدان و ام حمـدان .. و البنـات والشبـاب .. عسـب انهم الصبـح قروو يردون الشـارجه .. و يوم سلمـوا ع بعض وجيه.. راحو بو حمـد و اللي ويـاه و يا وليـد .. وعقـب كلهم يلسـو فـ الصاله فطـوم شويه و بتصيح : شو هاااااااا ملل !! سـاره : كله فبوظبي .. مول بيت .. بيت مول .. ماشي شغله ثـانيه ام حمـدان : تبون تسيرون المبزره .. سـاره + فطـوم : هـااا .. هيييييييييييه حمـدان : ويا منـوه بتسيرون ؟ بو حمـدان : وين وين ماشي .. انا مشغول و باخذ محمد و حمـدان ويايه سـاره ترفع حيـايهـا : يعني ماشي سيره .. مالي خص بنسير يعني بنسيييييير فطـوم : بنسييييييييييير الكـل : هههههههههه بو حمـدان : عيل خـلاص .. خذو وليـد و جسـوم ويـاكم ام حمـدان : خلاص ماعليه .. سـاره : متى بنسير ؟ ام حمـدان : نتغـدا و بنسير .. وبنخلي ام مريوم و رفيعه ايون ويانا البنـات : يااااااي بو حمـدان : يلا شباب سيرو تلبسـو عسب نسير الشركه و عقـب نغـدا برع و نكمل الشغـل .. محمد + حمـدان : ان شاء الله .. جـان يقومون و يسيرون فوق و بو حمـدان بعد سـار .. و سـاره و فطوم ماصدقو يسيرون سيده نطو عند ام حمـدان فطـوم : خالوه فيه حلوين هنـاكي ام حمـدان : وي وي وي الا غراشيـب و مزايين و كل شي .. سـاره : ياويل حـاليه كشخه كشخه .. فطـوم : ياااااااااااااااااااااااي .. ام حمـدان : اووووص يلا لاتنسون انكم معرسـاات .. سيرو عنيه !! سـاره : اماايه .. لاتنسين قبل يوم سرنـا المبزره تميتي تشوفين واحد هـاا ام حمـدان احمرت : هـا متى ؟ فطـوم : هاا خـالوه .. عادي بنستخف بس بنكون خقاقات .. ام حمـدان : هههه سباااله .. سـاره : امايه كشخينـا ام حمـدان : من صدقكم عـاااد !! فطـوم : بس خفيف .. ام حمـدان : هههه انزين ماعليه .. وعـقب مر الوكـت بسرعه .. وبو حمـدان و الشباب سـارو .. و ام حمـدان عزمة ام مريـوم و رفيعه عسب يروحون وياهم ... و عقب نص سـاعه صـلو البنـات و ام حمـدان .. و تغـدو .. و فطـوم و سـاره سارو يلبسون نفس الشي .. فـ غرفة فطـوم سـاره : ياربيه مليت من كثـر البس هالموديل .. جنه ماعندنا غيره فطـوم : والله حلـووو .. جاكين اسود قصيـر و قمييص هاي نـك وردي هـادي و تنوره اللي تي كلوش سودا سـاره : انزييين ... وسـارت ساره تيب الملابس وغير ثيابهـا فغرفة فطوم و يوم خلصـو .. زقرو ام حمـدان .. عسب تجحلهم و جيه .. ام حمـدان : بس رسم عيون و مسكره و قلوز وبس فطـوم : شدو وردي خفيييف ام حمـدان : لاااء سـاره : بليييز !! خفيف انزين .. ام حمـدان : انزين ... و يوم كانت ترسم عيون فطوم من تحت .. فطـوم : أأ خـالوه ..عنونج حلوه يوم ترسمينهـا ام حمـدان : تسلمين فديتج فطـوم : عقي النقـاب ام حمـدان : بدون ماتقولين اصـلا ههههههههههه فطـوم : عاشت عاشت سـاره : هههههه وعقـب حطتلهم اللي يبونه و يوم خلصـو ام حمـدان سارت تشوف حمـاني .. ام حمـدان بحنـان : حبيبي بنسير المبزره حمـان : الله المـزززه .. ام حمـدان : فديتك والله .. يلا استوي شـاطر عاد و رشودي بعد بيي حمـان : هييييييييه .. احبث ماماتي ام حمـدان : فديت روحك .. وانا اموت فييك .. حمـان : متى نلووح >> متى نروح ام حمـدان : عقب شويه حياتي .. يوم بتي خالوه رفيعه و خالوه نوره و رشودي .. ولا دقايق تي البشكاره وهيه شاله رشودي ام حمـدان : هلا والله بالشيخ رشود . وباسته : شحااااالك حبيبي رشود اونه يستخي : بخيير ام حمـدان : عسى دوم حبيبي .. يلا حماني عطني ايدك عسب نسير تحت .. وعقـب سـارو تحت .. و ام حمـدان سلمت ع ام مريوم و رفيعه و يلسو يسولفون .. وعقب ثـواني ايوون البنـات وهم كاشخـات و متحمسـين لسيره .. و سـارو يسلمون ع خالاتهم .. و يوم كل شي استوا تمام .. طلعو برع .. و سارو بسيـارتين .. (بطره) ام حمـدان و الحريم و اليهـال فسيـاره النيسـار ويا وليـد .. و فطوم و سـاره ويا جسـوم .. و تحـركو و فـ نص السيره .. فـ الهـمر .. ( عنـد فطـوم و سـاره ) فطـوم : اممممم سـارونه سـاره : هلا فديتـج ؟؟ فطـوم : ابويـه .. بنـاته الـ3 و الولديـن شو كانو اساميهـم .. سـاره : همم وحده كان عمـرها 6 سنوات اسمهـا دانه .. و الثانيه صغيره كم شهر و اسمهـا الغـلا والريم كان عمرها سنتين .. اما ع الاولاد واحد كان اسمه احمـد عمره 9 و ثاني عمره 4 و اسمه ذيـاب فطـوم نزلت راسهـا : الله يرحمهـم .. سـاره : بس الريـم ماحصلـوها فطـوم : كيف يعني !!! سـاره : مادري بس اللي اعرفه انه الريـم ماحصلـوها .. مادري شو قالو عنهـا بس قالو انه اكيد بتموت لانهـا صغيره فطـوم : .............. فـ المـانيـا .. كـانو فـ المريـن ,, عن المحـلات و الكفيهـات ,, و البنـات لازم اذا دشو محـل لازم ياخذون شي .. هم يمشون جدام و الاولاد وراهم لول Body Guards مستوين لول .. و مريوم و عليـا مادري جنهم عارضـات ازيـاء .. طول الوكت شاقات الحلـج و يوم حد يمـر يقولوهم So Cute وهم عـاد يصدقون عمـارهم .. و عزوز و عمـور يهزبونهم .. وعقـب تمو يتمشـون .. و تعبو البنـات جان ايلسون فـ الكـافيه .. و مريوم اصرت انه تشرب كولا .. عمـر طلب 4 كولا .. و كان بارد بارد .. و مريوم سيده ماصدقت شربته نصه مره وحده مريـوم : آآآآآآآآآآح منعـش .. كح كح كح >> كانت كحتهـا قويه و حطت الكلينكس و شافت انه الدم زاد .. عـزوز : لو شو ما ناخذلج شي بارد !! |
البـارت 41 .. مريـوم : آآآآآآآآآآح منعـش .. كح كح كح >> كانت كحتهـا قويه و حطت الكلينكس و شافت انه الدم زاد .. عـزوز : لو شو ما ناخذلج شي بارد !! عليـا : هب زين مريووووم .. مريـوم : خلاص انزين .. عليـا حطت صبعهـا ع شفايفـها " تاشر" عشان مريوم تمش الدم اللي ع شفايفهـا .. مريـوم سيده مشت .. وعقـب قـام يكملون مشوارهم .. فـ العيــن .. كـانو الحريـم فارشين و داقين سوالف .. اما البشاكير ويا اليهال يلعبونهم .. و فطـوم و سـاره يحـوطون ,, و المبـزره كانت شويه زحمـه .. فطـوم : ابا اعق العبـاه !! سـاره : نعـم !! فطـوم : هيه بعقهـا اهنيه مافي حد .. وثـاانيـاً محتشمـاات هب لابسين بنطلوون و قميص انزين !! سـاره : هههه والله لو يدرون حمدان و محمد جان ذبحـونا .. فطـوم : ولا اقول .. مابا .. برفع العبـاه بس .. سـاره : مي تو .. جـان يرفعون عبيهم .. تمو يتحوطون و يضحكون وحالتهـم حاله .. و مره وحـده فطـوم بصوت عـالي وحـاد : OMG !!!! سـاره : ايييه فضحتينـا .. ومن صوب ثـاني .. كانو في 2 واقفيـن يسولفون و كلهم مره وحده لفـو ورا جان يشوفون وحده محطيه ايدها ع خدها و كانت اتصارخ .. فطـوم : OMg .. OMg وتسوي حركـات بايدهـا انه .. هممم جيه شرات تتهوا بس هيه قصدها شي ثـاني .. جان تسير صوب المريحـانه و تناقز : ياويل حـاليييه مريحـااااااانه شاقه الحلج وكان صوتهـا عالي سـاره : وي غربيلااات العـدو .. انتي اونج عاد الحين معرسه !! فطـوم تيلس ع المريحـانه و الشباب يراقبون فطوم و سـاره فطـوم : يلا يلا قومي ويايه سـاره : فطـوم تخبلتي !! فطـوم : عشااان خاطرييه تخبلي شويه .. يلا اذا ماتبين تتمريحين .. دزيني .. سـاره : انزين هههههه .. جان تسير ورا فطـوم و اتدزها .. و هيه عـادي تضحك و تصارخ .. فطـوم : واااايه ايييه زيدي شويه هـا سـاره بصوت عـالي : انتي دببببببه فطـوم : فدييييتني غـزااااااااااال .. ههههههههههه عنـد الاولاد.. راشـد : هيه والله غـزال .. سيـف : اول مره اشوف وحده بهالجمـال .. ماشالله عليهـا الله يحفظهـا راشـد : آآمين .. عنـد فطوم و سـاره .. فطـوم بصوت عـالي : سارووه بسج بطييييييح .. جان تزحلق فالكرسي .. " كان الكرسي ناعم " وجان اتطيح وطاحت طيحه قويه سـاره زاغت : فطـووووووووووم ... جان تسير صوبهـا ومن صوب ثـاني .. سيف و راشد سـارو صوب فطـوم بسرعه .. سيـف كان زايغ انه تعورت : شيخه تعورتي .. كانت سـاره تقوم فطـوم : هـا .. لا ماشي مايعورني شي .. طوفي خلينـا نسير سيـف : انزين اترييي فطـوم What : سيـف ماعرف شو يقول : شحـاالج ؟ فطـوم : بخيـر !! سيـف : بتقعدين نسـولف مع بعض فطـوم وهيه اتزعج : I think you didn’t see this !! و ترفع صبعهـا اللي في الدبله سيـف قفففط من الخـاطر : أأأ سوري .. فطـوم : لا عـادي .. بس مره ثـانيه لاتلحق بنـات .. لانه البنـات ماوراهن غير المصـايب !! عن اذنك .. جـان تروح عنه و تسير صوب ام حمـدان والباجين يسولفون وياهم .. فـ المـانيـا .. كانت السـاعه 2 الظهـر .. و كـانو توهم طالعين من مـاكدونالز .. وتمـو يتحـوطون عند المريـن .. و ابتعدو عن المرين .. و سـارو مكـان وايد حلـو .. حق مشـي .. كـان مريوم تمشي الصوب الثـاني .. و عزوز يراقبهـا .. تمـشي عـادي ولا جان تي سيـاره مسرعه و اتضرب هرن بالقـو وهيه اتيبست فمكـانهـا .. عـزوز بصوت عـالي وهوه يركض : مريـوووووووم خوووووووووووووووووووووووووزي مريـوم فاجه عيونها من الزيغـه : ................... عـزوز ياصوبهـا و دزهـا بالقو ..وجان يطيحـون ... عليـا تركض صوب مريوم وتصيح عـزوز يمسك ويهـا : ليش مشيتي بروحج !! لو محد شافج جااان رحتـي و خلييني بروحي !! جان يخليها صوب صدره و يلوي عليها مريـوم الدموع فعيونهـا : ............ عليـا : مريوم ,,, مريوم حبيبتي .. ارمس قولي شي .. شي يعورج .. قوولي دخيلج ارمسي !! مريـوم تهز راسهـا انه لا .. جان تكح و كان ويهه صوب صدر و مخليه ايدها صوب حلجهـا .. جان عزوز يشوفهـا . عـزوز : صحه فديتج مريـوم : ع قلبك .. عمـر يشهق : دااااااااام !! >> ماكان وايد .. مريـوم شافت قميص عـزوز وفخـاطرها : ششششششت !! عـزوز يشوف قميصه و يشوف مريوم : منـج انتي !!! طلع من خشمج !! "" شوف خشمهـا " ماشي دم !! عليـا : من حلجهـا يوم تكح يظهـر عـزوز خاف عليهـا و تم يصـارخ فويهـا : من متـىىىى !! وليش ماتقولييييييين !! عليـا : أأأأ عزوز ماله داعي هالتصريخ كله .. مريوم من قبل جيه عـزوز يقوم ,, يقووم مريوم وهيه زايغه منه يمسكهـا من ايدهـا و سـار .. عمـر : وييين سـاير !! عـزوز : بدورلي صيدليه عمـر يمسك ايدهـا و يسيرون صوب عزوز و مريـوم .. و وصلـو صوب المريـن .. و عزوز تم يدور صيدليـه و عقب دش و قال حق الريـال شو يبـا .. دفع و جـان يروحون و عقـب سـارو صـوب فندقهم ماسارو فـوق ,, عـدال اللف في باب يودي برع بعـد جـان يسيرون هنـاكي .. و عـزوز طول الوكـت محطي ايده ع خصر مريوم ويمشي وياها و مريوم ولا قالت ولاا شي .. و عقـب عليـا قالت تبا تسير الجمعيـه .. جان يسيرون كلهم الجمعيـه .. و يـوم وصلـو .. مريوم و عليـا بدو ياخذون .. ماشالله ماخذو شي حلاوه و كولا و جبـس ومادري شو .. و خذـو لهم كورفلكـس و حليب و جبن و عصـاير .. ولازم طمـاطا و خيـار حق السندويجات لول .. و يوم خلصـو دفـعو و طلعـو .. و تمـو تحت يحاوطون و شافو مخبز سارو دخلـوه .. و مريـوم خذت الدونـات اللي ايي كرات بالشكـر وايد وايد حلـو ,, خذتلهـا بوكس و عليـا خذت بوكس .. و عقب سارو صوب الفندق وخلو reception يودون الاغراض غرفتهـم .. وسـارو المحـلات اللي فالجهه الثانيه ياخذون بطـاقة موبايل ,, خـذو 2 .. وحده حق مريوم و عزوز .. والثانيه حق عمـور و عليـا ... و عقـب تمـو لين السـاعه .. 11 هم برع .. و عقـب سـارو الفنـدق وكل واحد فـ غرفة .. مريوم كان فخـاطرها مـاتدخل الغرفه و تم ويا عزوز .. يلست تحطط الاغراض داخل الثلاجه .. وطلعـت الكبـاسه " مال الخبـز " و طلعت الخبـز و الجبـن و الطماطا و خيـار .. وسـارت غسلت ايدهـا و عـزوز كـان يبـدل ثيـابه و سـار غسل ايده .. و ساعد مريوم عسب السندويـج .. عـزوز : كم تبغين ؟ مريـوم : وحـده عـزوز : تكفيج ؟ مريـوم : هيه .. |
| الساعة الآن 09:54 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir