منتدى استراحات زايد - لي حبيبن حبيته وماضني بقدر أحب حدن شرواه

السلام عليكم

شحالكم ربكم بخير

أممممم أنا اليوم بنزل لكم نص البارت اللي مجهزتنه لكم لانه النص الثاني ما اقدر أنزله لكم لاني بعدني ما كتبته ع الكمبيوتر كتبته بس ع الاوراق وما واحيت اكتبه كله قبل يوم السبت

بس أن شاء الله اليوم بدايت البارت وباجر تكملته

وأسموووحه منكم كلكم

نادية طلعة من المستشفى ماتدري وين تروح .
نادية وهي تفكر : أممممممم وين أروح وين ؟ .... خل أروح البيت أرتاح لي شوي في الفتره الأخيره صرت ما أنام زين .
وراحت نادية البيت .
في هذا الوقت في بيت شوق وهزاع :-
شوق قامت من نومها وما حصلت هزاع لانه قايل لها أنه بيطلع من الصبح لانه عنده شغل
شلت تلفونها دقت لهزاع ولقته مشغول ودقت ع أخته هنـــد ( أصغر من هزاع بــ2سنتين وأختها نورة أكبر من شوق بسنه ) هنـــد كانت فالصالة أللي في بيت أبوها الكبير ونوره فيغرفتها .
هنــد وهي اتابع مسلسل أسوار يصيح تلفونها مكتوب علية شـــواقـــي يتصل بك ...وترد...

هنـــد :هلا وغلااا مرحباا ملايين
شوق :هلا بج زود فديتج ^-^ شحالج ؟!
هنـــد :بخير ربي يسلمج ومن صوبج .
شوق : بخير وسهاله
هنـــد : غريبه داقه علي ..... هزااع فيه شي ؟؟
شوق بدون شعور : لا فديت روحه مافيه شي " استحت "
هنـــد : أحــم أحم كح كح ...... ههههههههه
شوق :هههههههه
هنــد : وأخبارج من زمان ما كلمتيني ..... شخبار هزاع وياج لا يكون معذبج عادي قولي بربيه لج هع
شوق : لا بالعكس واايد مرتاحه وياه ..... وتمن شوق وهند يسولفن واتفقن يروحن العين مول ع الساعة 4 العصر ونوره وياهن وسكرت عن هنــد .
دخلت الـــوالــــده غرفة بنتهاا ولقتها تقرى قصة ع الاب توب
البنت : هلا أمايه نورتي الغرفه ^- ^
أمهاا : فديتج والله ...... بغيت أقولج شي :-
البنت : أمري أمــــاية
أمهاا : ما يـــا مر عليج ظالم :- أممممم بعد كم أسبوع بنساافر أبوج يتريانا .
البنت وادموعهااا ع خدهاا : ماماتي لا دخيلج لا مابا اسافر .
أمهاا : يابنت لازم نسافر ابوج يبانا نروح وياه.
البنت أتصيح :- امي رفجه ( وتصيح ) مابا اذا سافرت مابشوف منصور طول عمري أمـــــأيــــه والله أحبـــه مـــا اقدر مـــا اقدر وتصيح في حضن أمهاا.
أمهاا وهي تهدي فيهاا:- يابنتي قلت لج أنسيـــه اصلاً اهــــوو مايعرفج ولا شي ولا يدري عن حالج وأنتي معذبه نفسج عليه .
البنت مب قادره تتكلم من كثر الصياح ........

سمع صوت مسج أللي واصله من شوق أنهاا بتروح السوق ويا خواتة هنــد ونوره ابتســــم ورد عليهاا بمسج " " خذي راحتج فديتج " " استانس هزاع انه شوق بتروح مع خواته ^ ^ وقال في خاطره الله يقدرني أسعدج يارب ..........