|
وين التكمله ابا اعرف شو بيستوي؟؟ اتقبلوا مروي اختكم نونو كيوت |
السلام عليكمـ... احم..انا غرشووب انا قلت لاختيـ امسااات ان انا اليوم راح انزل لان ماعنديـ اليوم جامعهـ... وتسلمونـ عـ الـمرور الـطرررر... وهيـ البارتااات.... البارت التاسع عشر عبدالله لاحظ هدوء ميره وحب يخليها ترمس عبدالله : ميره اشعنه ساكته وماترمسين ميره : هـــــااه !! ظبيه : ههههههههههه ميروه بلاج مسطله زيغتي اخوي ساره : ههههههههههههههههههههههههههههه عبدالله بسكم خرعتوا البنيه ظبيه : اوووب اووووب منو قدج عبود يدافع عنج ميره قفطــــــت نزلت راسها ظبيه + ساره : هههههههههههههههههههههههههه عبدالله : بسكم ظحك بتموتون علي مافيه ظبيه : خخخخخخخخخخخ بسم الله علينااا عبدالله : شو تبون تسمعون ؟ ظبيه : اغنية مايد عبدالله اسمع صداك ساره : لااااااااا اغنيه فيصل الجاسم ليش تتعمد تعذبني ظبيه : لاااا اسمع صداك يعني اسمع صداك ساره : لااا ماابااا ماابااا عبدالله : افف منكن محد ياخذ رايكن سكتن سكتن حشره بحط اي اغنيه على كيفي جان يحط السيدي ويبطله على طول يت على اغنيه عيضه المنهالي قلبي رهيف القوس قوسك والسهام سهامك مالي على رمش(ن) تسله قوه انا اسيرك واقف(ن) قدامك واللي تبا تسويه فيه سوه وثقت في قلبك وطيب انسامك ماظن تظلم وانت فيك امروة قلبي رهيف ولا يروم هيامك توه تعلم كيف يعشق توه قلب(ن) قطفته لا ترص احكامك خفف على قلب(ن) حتمت بجوه يفداك لكنه يشيل احلامك ملكك ولا لي منه غير انخوه بك زين من راسك يـ لين ابهامك والليل ياخذ من صباحك ظوه ما يحجب الويه الصبوح الثامك طلتك دايم يالحلى محلوة صوب الشباب كانوا ( عبدالرحمن +سلطان +حارب +خميس +راشد +يمعه ) كانوا يالسين فكوفي من كوفيات صحارى ، كانوا مرتبشين ظحك وسوالف وتعليقات عبدالرحمن وجنه يذكر شي : شيييييييييييـت الكل : خير خير شالسالفه عبدالرحمن : هزاع اخوي تراه اليوم ياي وانا ناسي اسيرله المطار راشد : اووووبــــس وانا اوني الي ساير ايبه من المطار والله انكم تنسون الواحد عمره يمعه : هههههههه اتحداك ان نسيت ان باجر ملجتك راشد : لا عـــااد الملجة مستحيل انساها الكل : هههههههههههههههههه وقف راشد : يلايلا عبدالرحمن بتي ؟ حارب : ويـــن هااه لو سايرين اتغازلون لاتنسوني تراني ربيعكم الكل : هههههههههههههههههههههه خميس : هااه هااه رشود من ورانااا ؟ سلطان : لا وبعد باجر بيملج حارب : وين خطيبتك عنك راشد : مايخصكم فيها فديتها الكل : اوووب اووووب لالامانروم راشد : خخخخخخخ حارب : منو ها هزاع الي ياي ؟ عبدالرحمن : هزاع اخوي الي كان يدرس فامريكا حارب يستهبل : اويـــــه صدق عندك اخوو !! عبدالرحمن : حروووب عن الاستهبال الكل : هههههههههههههه سلطان : حروب ها هزاع الي كنت تقول عنه خقاق حارب : هييييييه ها هزاع ماغيره !! سلطان : هيه عبدالرحمن : خخخخ والله انكم مخبل يلايلا رشود انسير يمعه : يلسوا انزين تو الناس راشد : وين تو الناس تعرف درب شارجه لين مطار دبي يمعه : اووه نسيت انكم هل دبي حارب : لا والله راشد : هههه يلايلا زين تامرونا بشي ؟ الكل : لا سلامتك راشد + عبدالرحمن : فمان الله الكل : فمان الكريم ساروا راشد وعبدالرحمن وكل واحد منه توجه لسيارته عسب يحركون ويتوجهون للمطار فالبستان وصلن البنات البستان وسار عبدالله ويلس فكوفي من الكوفيات وقالهن يدورن روحن بس مايبتعدن واايد ، طبعا البنات ماقصرن ماخلن محل ماحدروه اول شي ساروا محل الفساتين تموا يدورون الين ماحصلت كل وحده فستان يعيبها طبعا كلهن قايسوه وشافوه اوكي عليهن عقب ماخلصوا من الفساتين ساروا يدورون لهن نعل ومن خلصوا دقوا لعبدالله ظبيه : هلا والله عبدالله : اهليين ظبيه : وينك ؟ عبدالله : بعدي يالس فنفس الكوفي ظبيه : انزيين نحن خلصنا الحين بنيك لاتتحرك عبدالله : خخخخ انشالله اوامر ثانيه ظبيه : ههههه لا سلامتك بروو عبدالله : الله يسلمج وعقب سكروا الخط وسارن البنات صوب عبدالله سألهم لو يبون ياخذلهم شي ياكلونه وتم يحن عليهم عسب يلسون فالكوفي ويطلبلهم شي بس هم ماطاعوا لأن الوقت تأخر وباجر عندهم دوامات ، عقب توجهوا للسياره وحركوا وهم فالطريج مر عبدالله على ماكدونلز وكل وحده طلبت الي تباه وعطاهم طلبياتهم ووصل كل وحده منهن بيتها وعقب هم ردوا البيت .. من ردوا البيت كل وحده اتسبحت ولبست بيجامه وتعشت وراجعت دروسها وعدلت شنطتها وتوجهت لشبريتها عسب ترقد .. اما الحريم والشباب عقب ماوصل هزاع بالسلامه ساروا عنده وتحمدوا له بالسلامه ويلسوا شوي وعقب كل حد رد لبيته وعالساعه 2 كل شخصيات قصتنا توجهوا لشبريتهم ورقدوا .. فاليوم الثاني نشت ميره الساعه 6 الصبح سارت الحمام اتسبحت ولبست لبس المدرسه واتعدلت واتعطرت و راجعت حق الامتحان وعقب نزلت تحت وسارت اتريقت ويا امها وحصه ميره : اميييه وين احمد ؟ ام احمد : مادريبه سألي حصه حصه : احمد يبدل الحين ياي ، ليش بغيتي شي ؟ ميره : هيه بغيته يوديني المدرسه ام احمد : وسلطان وينه ؟ ميره : مااباا اسير ويا هالنحس انتي ماتدرين شو سوا فيه البارحه ام احمد ادري ادري خبرتني سارونه بهاللحظه سلطان كان توه نازل تحت سلطان : منو هالنحس الي ماتبين تسيرين ويااه ؟ ميره : محــــــد سلطان : هيه زيين .. صبــــاااح الخير الكل : صباح النور ميره : امييييه شو ها احمد والله مال مذله كل ها يلبس بتأخر عالمدرسه سلطان : افــااا الحلوين زعلانين مايبون يسيرون وياي ميره : اففففف سلطان : امييه شوفي بنتج بلاها ميره : اونك ماتعرف بلايه ماتدري البارحه شو سويت ؟ سلطان : هههههه بعدج تذكرين الي صار والله الي مايحترم الي اكبر عنه جي نسوي به ميره وهيه تقلد سلطان : والله الي مايحترم الي اكبر عنه جي نسوي به ام احمد : هيه صدقها شو هالحركات بعد فظحتنا جدام قوم عمك سلطان : والله هيه ماتحترمني انا بأدبها ميره : اسكت صوتك يلوع جبدي سلطان يغايظها : هههه ميــــــرووه فديتج ميره : فدااك مصري سلطان : افـــااا ، خلاص حقج علي انا آسف اي مكان تبيني اوديج الحين انا حاظر ميره ماصدقت : صـــــدق !! سلطان : هيه والله بس انتي خلصي بسرعه عسب مانتأخر عالمدرسه ميره : الله وناااسه ام احمد : وين اتوديها انت بعد من صباح الله خير بتتأخر على مدرستها ميره : لالا مابنتأخر سلطان : يودي سويج السياره سيري شغلي السياره انا الحين ياي ميره : من عيـــووني سلطان : تسلملي عيونج وسارت ميه وشلت شنطتها وربعت صوب السياره وشغلتها عسب تحر لين ما سلطان اي مرت 5 دقايق جان اي سلطان وحركوا وهو فالطريج سلطان : امم اقول ميروه اتصلي فساروه خلها اتي ويانا ميره : ايـــوااا جي السالفه من الصبح تراظيني اثاري ساروه بالسالفه سلطان : الله يخليييج والله متوله عليها من زمان ماشفتها ميره : الله الله عالعاشق الولهان ، انزين عطني فونك خلني ادقلها سلطان عطاها الفون : يودي اتصلت ميره على بيت عمها ردت البشكاره وعقب زقرت ساره ساره : هلا والله ميره : اهليــن ، شو تسوين ؟ ساره : ارقص يعني شو اسوي بذمتج ؟ ميره : ههههههههههههههه ف هاللحظه سلطان تم يأشر لميره عسب تحط على سبيكر عسب سلطان يسمع حسها وطبعا ميره ماقصرت على طول حطت ساره : خلصيني شو تبين ؟ ميره : ول ول ول ساروه بلاج سايره تعطين بالوييه ؟ ساره : ههههه تأثير الكيميا والله تعبت من كثر ما اذاكر للامتحان ميره : الله يعينا بس ، اقلج نحن قريب صوب بيتكم تعالي ويانا ساره : لا والله ميره : هيه والله دخيييلج تعالي عشاني حرام لاترفظين طلبي ساره : ههههه انزين عن تصيحين عليه خلاص بي ميره : فدييتج والله ، ساروه بقلج شي بس لاتعصبين عليه ساره : قولي قولي ميره : تراني حاطه على سبيكر بعض الناس مستانسين وهم يسمعون حسج ساره انصدمت : حلفـــــــي ميره : والله بـ هاللحظه سلطان سحب الفون عن ميره سلطان : احم احم الشيخ سلطان يتحدث شحالج ؟ ساره : هههههههه بخير ، شحالك انت ؟ سلطان : تمــــــااام دام اني اسمع هالحس ميره : يا ويــــــــل حــــــــــــااالي سلطان : ششش صخي انتي ( وهو يرمس ساره ) جاهزه ؟ ترانا صوب بيتكم ساره : هيه جاهزه ميره سحبت الفون من سلطان ميره : يلايلا تعالي بسرعه لا تتأخرين ساره : انشالله يدوه اوامر ثانيه ؟ ميره : خخخخ لا سلامتج بندت ميره الخط وردت الفون لسلطان وهزبته شوي اونه عسب سحب الفون من ميره ورمس ساره عقب وصلوا صوب بيت ساره ودقولها هرن الين ماظهرت وهم فالطريج سلطان طول الوقت تم يطالع ساره بالمنظره سلطان وهو يطالع ساره : ميــرووه اشعنه جي متعدله ماتدرين اني اغاار عليج من الهوا شو تبين يصرقونج مني ؟!! ميره مستغربه : شـــووو !! سلطان يعلي صوته : آآآآخ ياقلبي لاتتعدلين مره ثانيه والله انج تعذبيني ميره فهمت قصده : خخخخخخخ اونك عااد فديتك والله ماكنت ادري انك جي تغاار عليه ( وتغمز له ) سلطان : ههههه اشعنه مختفيه ويوم اتصل ماتردين عليه حتى ماتردين عليه بالمسجات هنيه ساره احمــــــــررت ونزلت راسها وتمت ميره تظحك عليها عقب وقف سلطان صوب الشيشه ونزلن ساره وميره وخذن الي يبونه وعقب حرك صوب المدرسه ميره : متى بتمر علينا حظرتك عسب تودينا بوظبي ؟ سلطان : اممممممممم عالساعه 9 ونص ميره : اوكيك هب تتأخر علينا سلطان : انشالله يالله جلبي ويهج ميره : مالت باي وعقب نزلن ساره وميره وحدرن المدرسه طبعا اول شي ساروا الحمام واتعدلوا وعقب ساروا الصف وحطوا شنطهن وعقب ساروا يسلمون عالربع وتمن يتمشـن الين ما دق الجرس تررررررررررررررررررررررن مزون : لا تقولون ان علينا فيزيا ؟ ميره : يعني شو بيكون علينا اسميج ذكيه انتي بعد مزون : انا بتأخر عالحصه اوكي الكل : اوكي مزون : يلا جااو الكل : جـااو جان اتي ابله الفيزيا ( ابله رائده ) حدرت الصف وسلمت ابله رائده : بنــاات مين غايب اليوم ؟ ( بنات منو غايب اليوم ) الكل : مـاندري ابله رائده : اوكي الحين بنوخذ امتحان شافوي ( اوكي الحين بناخذ امتحان شفوي ) الكل : لالالا شووو .. مايصيييير جي انتي ماخبرتيناا .. شو ها ظلم .. حرااام عليج ابله .. اصلا اليوم علينا امتحان كيميا وبعد فيزيا شو تبونا نموت !! الابله : بــــــس ، شو انا قاعد اشرح لمين يعني للحيطان يعني انتوا مابتفهموا عليه ( بس ، شو انا قاعده اشرح لمنو يعني لليدار ، يعني انتوا ماتفهمون عليه ) |
مها : انا مابمتحن مايصيــرر جيي الابله : لكن لاتمتحني وانقلعي برع وبتاخذي سفر من 6 ( لا تمتحني وانجلعي برع وبتاخذين صفر من 6 ) مها : ابركها من ساعه يلا جـااو بنوتات الله يعينكم الصراحه ( وظهرت من الصف ) وبهاللحظه حدرت مزون مره وحده مزون : هــــــآآي ساره + ميره + بثينه + جوري : هـااياات ساره : هلا هلا توه نور الصف حياج اقربي الكل : ههههههههههههههه الابله : شووو هاي إلة الادب الي فيكووا شو انتوا بنات ؟ ( شوو هاي قلة الادب الي فيكم شو انتوا بنات ؟ )م يره : يعني انتي شو رايج ؟ ساره : انا اشك الصراحه الكل : ههههههههههههههههههههههههه الابله : شوو هاا انا واقف الحين ما ألي احترام يعني ( شو هاه انا واقفه الحين شو يعني مابتحترموني ؟ ) مزون : شحالج ابله تولهت علييج الابله : مزون انقلعي برررع ( مزون انجلعي برع ) مزون : افــااا ايا يايتنج ومتعنيه اخر شي تقولين لي انجلعي بررع الكل : خخخخخخ الابله : اوكي اوقفي فووق ( اوكي اوقفي ورا ) مزون تستهبل : فوق الصف !! الابله : مزون ما تستهبلي انا بدي اعمللكم امتحان شافوي ( مزون لا تستهبلين انا ابا اسويلكم امتحان شفوي ) مزون : انزين انزين وسارت مزون صوب شنطتها عسب تظهر كتابها الابله : نزلي الشنتايه مابدنا كتب ، بناات رفعوا كل شي حاطينو عالطاولي ( نزلي شنطج مانبا كتب ، بنات دخلوا كل شي حاطينه عالطاوله ) البنات يستهبلون علينا طبعا كلهم رفعوا الكتب والمقالم الابله حرجت عليهم الابله : شووو هاااه البنات : ابله انتي قلتي ارفعوا كل شي محطوط عالطاوله الابله : ما تستهبلواا خلاص انا بدي اسير لابله مهره ( الوكيله ) واحكيلها عنكوم انا مابستحمل سخافتكم وإلة ادبكم ( لا تستهبلوا ، خلاص انا بسير عند ابله مهره واخبرها عنكم ، انا مستحيل استحمل سخافتكم وقلة ادبكم )وطرااااااخ << ظهرت من الصف .. هــع اول ماظهرت شي بنات ظحكوا والي صفقوا والي يلسوا يغنون والي ميتين من الزيــااغ عقب عشر دقايق ردت الابله ووياها ابله مهره ( الوكيله ) يلست ابله رايده تخبرها عن كل شي والبنات مرات يظحكون على طريقه رمستها ومرات اونهن بريئاات يلست الوكيله تهزبهم هزااب وعقب سألتهم منو الي دوم يلعوزون الابله ، الابله قالت ان شله قوم مزون ومها اكثر شي يلعوزونها انصدمت الوكيله منهم لأنه عقولتها هذيله شاطرات شلتهم الوكيله وتمت تعطيهم محاظره وعقب خلتهم يردون الكلاس عقب دق الجرس وكان عليهم كيميا امتحنوا وخلصوا وعقب عالساعه 9 ونص مر عليهم سلطان وخذهم ووداهم بوظبي فبيت عمتهم مريم .. وصلوا هناك وسلموا عالكل وعقب ساروا فوق شافوا ملاك وميثا وفاطمه وشيخه سلموا عليهم ويلسوا وياهم وعقب تمن يساعدن الحريم وساره وميره يهدون فاطمه شوي ويتطنزون عليها شوي وعقب الغدا عالساعه 2 عقب ماتيمعوا كل البنات ، عقب ظهروا البنات بـ 3 سياير سياره مايد وسيف واحمد .. قبل لا يركبون السيايير سلطان طرش مسج حق ساره ( ساروه لاتركبين ويا ميود وحاولي ماتحتكين به موول ) لما قرت ساره المسج تمت تظحك وطرشت له ( اوكيك اومامر ثانيه ؟ ) رد وطرش لها ( هيه تعالي برع ابا اشوفج ) ردت وطرشتله ( لا والله احلف انت بس تحلم يلا باي ) رد عليها ( باي ) وعقب فاطمه + ميثا + ملاك +شيخه ساروا ويا مايد و ساره +ميره +ظبيه ساروا ويا سيف وحصه + ام ملاك ساروا ويا احمد وعقب توجهوا لدبي لأنهم كانوا حاجزين فصالون هناك يقولن عنه شي شي وعالساعه 3 ونص وصلوا الصالون ونلزن البنات وعقب كل وحده اختارت الي تبااه وعقب مر الوقت بسرعه وصارت الساعه 6 الكل خلص ماعدا ساره وميره ساره : ايـــه بصييح انا لين الحين مابدت بشعري ميره : حتى اناا وياج حصه : والله انتوا بعــد ، اتوهقون الواحد ساره : حصوو لاتتحرطمين على راسي انتي روحج شفي اشقايل كان زحمه حصه : انزين انتوا سيروا الحين خلصونا عالاقل تسويلكم شي ميره : اوكييك مبايل حصه رن حصه : هااه شوفي سيفو دق عليه واحمد دق عليه اكيد مايد بعد وياهم بتأخرون العروس ساره : لاتخلوني اصييح الحين واخرب ميكابي الكل : لالالالالالالا فاطمه : بلاكم محتشراات الحين ؟ ميره : سكتي انتي يالعروس فاطمه : ايــــه الكل : هههههههههههههههههههههه حصه : شفوا نحن كلنا بنسير ساروا وميروه تموا هنيه نحن بنوصلهم وبنرد لكم اوكي خلصوا بسرعه دخيلكم والله مافينا نتأخر اكثر عن جي ساره : بتودرونا هنييه روحنا!! حصه : شونسوي بعد ؟ ، لو امايه تدري جان ذبحتناا يلايلا نحن كلنا سايريين الحين عقب ظهرن كل البنات من الصالون الا ميره وساره الي سارن يسون شعورهن عقب خلصوا بسرعه جان تتصل ميره بحصه وقالتلها انهم خلصوا حصه قالتلها هم الحين قريب بيوصلون مافيهم يردون مره 2 خل تتصل فسلطان لأن هو الحين ساير دبي عسب اييب شي كانوا ناسينه عقب بندت ميره من حصه واتصلت فسلطان وقالتله ايهم فالصالون ، عقب ربع ساعه وصل سلطان كانت الساعه 7 ونص تقريبا اتصل ف ميره وقالهم خل يظهرن ميره قالت حق ساره تسير لانهم واقفين برع يتريونهم وهيه سايره اتيب شيلتها الي نستها فوق فالصالون وبتي ساره ماكانت تدري ان سلطان الي ياينهم ، وفوق سلطان وسيف كانوا متبادلين السياير ، طبعا حليلها ساره على طول ركبت جدام جان تشل الغشوه عن ويها ويلست تتحرطم : شوو ها والله .... ( وجان تسكت ) سلطان انصدم بساره لما يت ويلست جدام لا وبعد شلت الغشوه تم يتفداها فخاطره وناقع عليها من الظحك على شكلها لما شافت سلطان ساره حطت الشيله على ويهاا : سووري والله تحسبتك سيفوو وجان تبطل الباب عسب تنزل سلطان يود ايدها بالغلط جان ساره تسحب ايدها ونزلت وركبت ورا وهيه شوي وبتصيييح ويها قــــــاااافط عقب يتهم ميره سلمت وعقب حركوا عالساعه 8 وربع وصلوا بيت عمتهم مريم الكل كان متيمع الشبااب كلهم كانوا برع فالخيمه والحريم كانوا داخل فالصاله العوده ساروا ميره وساره وسلموا عالحريم وعقب ساروا فوق عند فاطمه حدرن الحجره عليها وعقوا العباه والشيله وكل وحده سارت وتلبس فستانهاا |
( ميثا : كانت لابسه فستان بني طويل وايد ناعم وبسيط وفي حركات عالخصر وكانت حاطه ميك اب بسيط وحلوو وكانت مستشوره شعرها وفالتنه .. ملاك : كانت لابسه فستان اخضر حفر و كل شيفونات وحرير وشكله كان غريب وحلوو وكانت حاطه ميك اب ناعم وكانت مشتسوره شعرها وفالته .. ميره : كانت لابسه فستان رمادي وفيه كرستالات وحركات تحت الصدر وكانت رافعه نص شعرها وكانت حاطه ميك اب خفيف وحلوو وكانت وايد محلوه لان اللون كان طرر عليها .. ظبيه : كانت لابسه فستان ازرق فاتح وكان شكله يجنن وكانت حاطه ميك اب واايد ناعم وكانت فاله شعرها ومسويه بف .. ساره : كانت لابسه فستان فوشي وفيه حركات وكرستالات صغيــره عالصدر اللون كان ظاهر عليها خبال وكانت حاطه ميك اب بسيط وناعم وحلوو وكانت رافعه نص شعرها ونصه كان طايح على ويهها .. شيخه : كانت لابسه فستان احمر ولونه كان يجنن وكانت حاطه ميك اب حلوو وكانت رافعه شعرها كله ومنزله بعض الخصلات .. وام ملاك : كانت لابسه فستان بيج وكانت حاطه ميك اب ورافعه شعرها كله .. حصه : كانت لابسه فستان برتقالي لونه حلوو عليها وكانت حاطه ميك اب حلوو وكانت رافعه شعرها كله .. والحريم :كلهم كانوا لابسين مخورات راقيات وفنانات طبعا كل وحده ومخوره غير عن الثانيه واحلى عن الثانيه .. واخيرا العروس فاطمه : كانت صدق صدق رهييييييبه ومحلوه من خاطر كانت لابسه فستان ليموني فاتح ظيج عالصدر ومن تحت وسيـع وكل حركات عالصدر ومن تحت كل شيفونات وحرير وكان الفستان شوي دفش بس يجنن وكانت حاطه ميك اب ناااعم وحلوو وكانت مسويه حركه حلوه بشعرها وكانت قاصه قصتهاا وكـــانت طرر .. ) كلهن نزلن تحت الا ساره وميره وظبيه الي يلسن يهدن فاطمه لأنها كانت واايد متوتره وزاايغه .. ساره : هههههههههههه يا ويل حالك يارشود مادري شو بيصير فيك ان شفت فطوم ميره : بيتخبل الولد علينا ظبيه : هههههههه هيه مشالله عليها صدق فطيم محلوه فاطمه احمـرت : بــس عــاااد الكل : ههههههههههههههههههه ساره : فديت حرمة اخوي انـاا فاطمه : اييه والله انيي زايغه وقلبي يدق دق ساره : هههههههه لاازم الشيخ راشد بياخذج ميره : هههههه حليله رشود اكييد حاشر الشباب الحين يبا يشوفج ظبيه : هههههههههه فطوم مب صح الشعور الي انتي حاستنه شعور يزييغ من خاطر فاطمه : هيــه والله خلااص مابا اعرس ساره : شووو كيفج هوو لا تخليني اتصل برشود واخليه اليحن اييه وياخذج فاطمه : لالالالالا والله انتي مينونه واتسوينها الكل : ههههههههههههههههههههه فاطمه : بطني يعورنييي ظبيه : انتوا لاتستعبطون عليها حرام عليكم روحها الي فيها كافيها تراكم ماتحسون فيها ميره : خخخخ نحن عنسنا خلاص ساره : هههههههههههههه حليلنا بعدنا في عمر الزهور فاطمه : بــس يالحشره ساره : بس هااه ، انشالله عمو مريم وماما ايون الحين ويقولون بينزلونج الحين انزيين فاطمه : لااااااااا ظبيه : لاتلعوزوووهاا حراام عليكم جان يسمعون دق عالباب فاطمه : مســررع مادعائج استجاب ساره : هههه تف تف تف الله واكبر ميره : اففف خيستينااا الكل : ههههههههههههههههههههههههههه ظبيه بطلت الباب وكانت مريم وعوشه وروضه كانوا ياين عسب يخلون فاطمه اتوقع وقعت وهيه ترتجف وقلبها يـــــدق وعقب لما خلصت تموا يباركولها عقب قالوا بينزلونها صوب الشباب كانوا يسولفون ويظحكون وايولون يمعه : ها رشود شو شعورك وانت معرس راشد :آآخ شعور يعذب ووااايد حلوو هزاع : صـــدق عيل انا ابا اعرس دورولي وحده سيف : افــاا اشعنه اتدور يا ولد الخاال هاذي العروس جاهزه هزاع : وين وين جان يأشر سيف على ايليسا بشكاره قوم احمد سيف : هااي بعد منوو الكل : هههههههههههههههههههههههههههههههههههه هزاع : هاي خلها لك يالهرم سيف : هههههههههههههه لالا كل ولا اسمها اتحدااك اتحصل وحده اسمها شرات اسم هااي هزاع : بعـد شو اسمهااا سيف : إيليســــــااا هزاع : ياويــل حاالي الحين ايليسا المغنيه بتعتزل الكل : ههههههههههههههههههههههههههه احمد : بس عــاااد جنكم تضاربون على بشكارتيه ترى محيرينها يعني لاتحاولون سلطان : حق منو حق عبيد ؟ احمد : لا حقك شو نسيت سلطان : احمــد ماقلتلك لا تخبر حــد اني طلبتها منك الكل : هههههههههههههههههههههههههههههه مايد وهو توه ياي من صوب الحريم مايد : مبرووووك مبروووك راشد وقعت الشيخه راشد نش من مكانه : يلا عيل انا رايح الكل : ويـــــــن ؟!!! راشد : بلاكم بسير عند حرمتيي الكل : ههههههههههههههههههههههههههه يمعه : شوو ها رشود انا الي انا ماسويت جيي الكل : هيه مره انت بغييت اتموت يمعه قفط : هــاااه متى الكل : هههههههههههههههههههههه عبدالرحمن : يقولون الزوااج حلوو مايد : انشالله قريب بنجربه عبدالرحمن : ليكون خاطب من ورانااا خميس : هيه البااارحه يالس يرمس اميــه فهاللحظه سلطان انصــدم وحس ان ساره بتسير عنه والي يرمس ان بيخطبها هيه ساره حس بصداع فظييح ودوخه من يومين يحس ابهم سيف لاحظ عليه سيف : سلطان بلاااك ؟ سلطان : ماشي ماشي سيف : وغلاتي اتقول سلطان : من يومين احس بصدااع فظيـــع وبدوخه سيف : سرت الطبيب ؟ سلطان : لاااا سيف : اشعنه !!! .. اسمع باجر اتسيير سلطان : مب لااازم عادي الحين ها من التعب صدقني بيخف سيف : اوكي برايك بس ان ردلك اتسيير ترى بسحبك جدامهم سلطان : هههه انشالله يدي سيف : خخخخخخخخ هزاع : بلاكم تتصاصرون لو عندكم وحده صوبنا سيف : طاااعوا ها بشوو يفكر الكل : هههههههههههههههههههههه صوب الحريم نزلوا فاطمه والكل انبهر بجمالها وكــانت هيه مستحييييه ومحمره عقب يلست ويلست ساره حذالها تمت تسولف وياها وجي عسب اتم كول وتبتسم .. مر الوقت بسرعه والكل كان مرتبش وصارت الساعه 11 صوب الشباب راشد : ميووود شوف سير خبرهم ان ماحدرت الحيين والله لاحدر واسحبها واسير اخذها ويااي الكل : ههههههه عن تسوييهاا سيف : ها الي بيفظحنااا اييه ترى انا بعد بعرس يعني لاتفظحنا الحين راشد : يااربي اشكثر يعذبوووني بس خلااص مارووم استحمل اباا احدر اشوفهاا خميس : اعصـــاابك ياريااال ترى مابخلييك تحدر راشد : طاعوا ها بيذلني تراها حرمتي الحيين هااه مايد : اتريا مبايلي يرن يمكن اميه تقول خل راشد يحدر راشد : رد رد بسرعه مايد : انزيـــــــــن رد مايد وبالفعل كانت امه وقالتله لو راشد يبا يحدر الحين وجيي عقب سكر الخط عن مايد مايد : للأسف اتقول اتريا بعد نص سااعه راشد : شو هو بكيييفهم انا بسير والي فيها فيها ونش من مكااانه متوجه للباااب مايد يصااارخ : اتريااااا بقلك شي راشد : بعد شو تبااا ؟ مايد : امييه قالتلي اخليك تحدر بس اتريا خل ابوك ايي عقب يا محمد ( بو راشد ) وحدروا ومن حدر راشد تخبـــــــل بغا يغمى عليه من شااف فاطمه ما صدق انه هو ابوه كان على يمينه ومايد وخميس على يساره وكانوا يتطنزون عليه وهو مسويلهم طـااف .. كان راشد يمشي بسرعه بس عسب يوصل عند فاطمه لما وصل حبها على راسها وهيه تمت مستحييييييه راشد : مبــــروك غناتي فاطمه وهيه مستحيه : الله يبارك فيك ويلس حذالها ويود ايدها وهيه ذااااايبـــه عقب قالولهم يسيرون الميلس عسب راشد يسولف وياها ويتعشون مره وحده .. عقب ساروا راشد وفاطمه الميلس وحدروا الشباب داخل عند الحريم اليده موزه كانت يالسه سلطان : هلا بروحي سيف : هلا بغناتي اليده موزه : هييه هييه قصوا عليه بكمن كلمه وينكم عني والله تولهت عليكم سلطان سار وباس راسها ويلس حذالها : موجودين فديتج انتي الي وينج مختفيه سيف : ليكون انتي العروس وانا مادري اليده موزه حرجت : اسكــــت جليل الحياا يعل لسانك القص سلطان : خخخخ دواااك الكل : هههههههههههههههههههههههههههههه هزاع : افـــاا من لقى احبابه نسى اصحابه اليده : فديتـــــك كلكم والله اني احبكم كلكم سيف : اوووب العيوز هب هينه اليده موزه : عيز حيلك وعقب تموا يسولفون فالميلس صوب راشد وفاطمه راشد : آآآآآخ ياقلبي والله اني هب مصدق انج صرتي لي خلاص فاطمه وهيه محمره : ههههه صدق صدق راشد : فديتج وفديت كل شي فيج يعذبني فاطمه بدلع : راااشد راشد : يا عيوون راشد فاطمه : تسلملي عيونك . اكل اشوفك ماكلت شي راشد : من شفتج شبعــت فاطمه : هههههه بس عــااد والله استحيي راشد : فديت الي يستحون انــاا ، فطيم خلاص انا بخطفج من العالم كله فاطمه : اوييييه حرام عليك راشد : هههههه والله احبـــــج فاطمه : وانا بعد راشد قرب منها : انتي شووو ؟ دزته بدلع : ماااشي راشد : وغلاااتي فاطمه بدلع : احبــــك راشد : آآآخ قالت احبك ياراشد قلت من قدي فاطمه : هههههههههههههه راشد : فديت هالضحكه انااا ، فطيم ابا العرس يكون باجر فاطمه انصدمت : شووو انت مينــــوون راشد : مينون فيـــــج فاطمه : ههه بس عـــااد والله ترى بسير عنك راشد : شو هو بكيفـج تراني ريلج فاطمه : ها من الحين بدى يتحكم فيه راشد : عيـــــــل ، شوفي اخبرج من الحين اي مكان بتسيرين لازم اتخبريني قبل ماتظهرين ويا اي حد الا قبل لاتقوليلي منو فاطمه : انشالله حبيبي راشد : شـــوووووو !! فاطمه قفطـــــــت راشد : هههههههههه بس خلاااص لاتعذبيني زيااده فالصاله كانوا الشباب يالسين يسولفون ويا اليده موزه اليده موزه : ها هزاع متى بتخلص دراستك ومابتسير جهنم ؟ هزاع : جهنم !!! الكل : هههههههههههههههههههههههههههههههههه اليده : هيه جهنم بعد شوو كلهم كفــاار هناك سيف : يدوه امريكا امريكا اليده : هيه هااي هيه امكيرا الكل : ههههههههههههههههههههههههههههههه سيف : هههههههههههههههههههههه شوو ؟ اليده : سيفوو لاتستعبط عليه هاي الي هيه يدرس فيها هزاع : هههههههه باقيلي شوي وبخلص وبي هني وبشتغل اليده : الله يوفقك يااارب سلطان : يدووه متى بنحرك ؟ اليده : بسم الله سلطان بلاه شكلك ليش جي مصفر ؟ سيف : يدووه يقلي من يومين يحس بدوخه وصدااع اليده : ويي ويي بسم لله على ولدي شفيك حبيبي فيك شي ؟ سلطان : هههه فديتج يدوه لا مافيه شي بس من التعب والله فييه رقــاااد هزااع : انا ساير الحين ماتامروني بشي ؟ الكل : سلامتك هزاع : يلا مع السلامه الكل : مع السلامه ظهر هزاع من الصاله وهو كان يمشي سمع صوت صريخ وحده سار لحق صوت الصريخ شاف وحده كانت بنظره جميييييييييله من شافها تخبـــل تم يتسآل منو هااي ؟ .. وينها عني من زمان ؟! |
مشكور خيو ع البارت الحلو |
| الساعة الآن 06:00 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir