|
× × × أنا .... ليه (احلف اني ماعشقت الا انت) علمني !!!!!!هذا ( انت) بقلبي.. تلفت في احد غيرك !!!! أبوظبـــي بيت بو هزااع.. السـاعه 5 ونص.. وقفت شيخه على طرف الدري..وهي تسمع اصواتهم تحت..أم هزاع و هزاع وهند وحامد...ما كانت تعرف شو تسوي..هل تنزل عندهم..ولا لا..؟؟بس فالأخير اتشجعت ونزلت عندهم..هزاع موجود..وهي..هب خايفه من حد.. أم هزاع:هـلا..هلا والله بالعروس.. فجت شيخاني عيونها على وسعهن..الله الله..شو هالنفاااق..؟؟ يلست شيخه عدال هزاع اللي استقبلها بابتسامه "طر".. هند"تجرب فنيان الجاهي لشيخه":أماااا انتي يماااايه عليج ذوووق..ما اختارتي الا شيخة البنات لـ هزاع.. أم هزاع:هيه فديتج..الزين للزين..وشيخه..امبونها راعية الزين..جمال ودلال واخلاق..يا زينا من بنيه.. زادت الصدمه..معقوله هاييلا هم أم هزاع وبنتها هند..لا لا لا ..نووو ويي..هع.. هند:عاد يا هزاع ..لو شفت بنات ييرانا شقايل تخبلن على جمال حرمتك.. أم هزاع:قسم بالله خفت الا يصكونها بعين.. هزاع:عاده يمايه ما وصيج على شيخه..اقري عليها وين ما تسير.. أم هزاع:لا توصي لا توصي ..شيخه غلاتها ومعزتها من غلاة ومعزة هند بنتيه..هاي شيخه..حرمة ولديه هزاااع.. شيخه..كأن ما عندها لسـان..كانت تطالعهم بنظرات برييييئة..نظرات طفله غبيه"ساذجه"..هي كـانت خبيثه..واللحينه..شافت ناس أخبث عنها..قالت في خاطرها"الله يستر بس".. هند:اليوم بتسيرون مكان..ولا ربيعاتي بييون بيشوفون حرمة هزاااع.. هزاع:لالا..يا مرحبابهن..انا عنديه شغل..ما بنظهر مكان.. صدت شيخه صوب هزاع..ما نطقت ولا كلمه..بس كانت منصدمه منه..توه قبل ما يظهر لصلاة العصر قال بيخطفها بيت هلها..واللحينه يقول ما بيسيرون مكان..وهو..لاحظ هالنظره..بس سوى عمره"اوني ما شفت".. هزاع"ينش من مكانه":يلا انا بسير..تامرون بشي.. هند وام هزاع:لا سلامتـك.. ظهر هزاع من البيـت..فـ الوقت اللي صدن أم هزاع وبنتها هند صوب شيخه بنظرات حقيييره.. أم هزاع:شو ميلسنج اهنيه..؟؟>>ما ترين اشويه على طول طاحن فيها.. شيخه:شو..؟؟ هند:شو ما تسمعين..؟؟ شيخه:............................>>استغربت..لسانها وين رااح..؟؟!!!!!! أم هزاع:من يجلب ريلج ويهه..ما نريد انشوف رقعة ويهج.. هند:ايييه انتي يالحيوانه..شو بلاج قاعده..ظنتيه وصلتج الرمسه.. نشت شيخة من مكانها ..وتمت تطالعهن.. شيخه:مشالله كم ويه عندج انتي وبنتج.. أم هزاع:اتردين عليه يا بنت ناعمه.. شيخه:هيه برد عليج وبرد ع اللي يابوج بعد..اشوف السالفه عيبتج انتي وبنتج.. هند:لا تردين على امايه.. شيخه:جب انتي..اونه لا تردين على امايه..اممرة اللي يسمع أني أنا شيخه بنت خـالد بسمع رمستج..لا تحطن راسكن براسي ترى والله تندمن.. سارت شيخه وعطتهن عرض جتوفها وتمشي بكل دلع..وسارت لـ قسمها..وبعد صرااع نفسي دام طويلاً..قررت اتدق على ميثاني ربيعتها..ودقت..ويلست اتسولف وياها بعد ما صفن الخواطر وبعد ما كل وحده رضت ع الثانيه..واللحينه..يابت ميثاني طاري رويض..وقالت لـ شيخه عن رويض يوم يت بيتهم ويلست وياها..واللي يابها هو ريلها سيف..وبعـد ما بندت شيخه عن ميثـاني..حست ان فكرة روحة رويض لبيت ميثاني..بتزيد سالفة الصورة حلاه أكثر..جـان تدق لنـاصر بسرعه و تقوله السـالفه..وخلاف..رمست أمها..وعرفت منهـا..أن ام سلطان وأبو سلطان..بيسافرون ويا سلطان و خلودي هالمرة..وبتكون فترة سفرهم..أربع شهور..شيخه..اونها..اونها..اونها حست بضيجه..بس الضيجه خازت بسرعه..!!!!! × × × إن قلــت أحبك..زااد قلبي عليـك إصرار.. يزود الـ غ ـلا بخاطري كل ما طريتك.. أنا صرت (مجنونك) حبيبي بدون إجبـار.. سبايب جنووووني كلــها يوم (حبيتك).. الـ ع ـيـن دار الزين.. السـاعه 4 ونـص.. شركة سيف وسهيل.. حدر سيف المكتب..وشاف سهيل قاعد على واحد من الكراسي..وكان ميود تيلفونه ويرمس بكل جديه..وأول ما شاف سيف ..أنهى المكاملة بسرعه..!! سيف:السلام عليييييييكم.. سهيل:وعليكم السلاااااام..حيييييه بوهناد..المعرس.. ويتوايهون.. سيف:ههههههههه..معرس لي متى ان شاالله.. سهيل:لين ما أشوفك مشيب.. استغرب سهيل تواجد سيف فـ الشركه بس ما ياب طاري لهالإستغراب..وما حب يسأل سيف ..ليش ما سافر..وشو يابه الشركه يوم الأحد.. سهيل:هيه شو عليك متغدي فـ البيت هب أنا ميلس اهنه من الساعه ثمـان.. سيف"ييلس ع الكرسي":لا الشيخ ما عليك من تعرس شهرين لا تطب الشركه.. سهيل:اوووه اللي يسمع جني الا بحفلك انته والشركه..أكبر طااااااااف.. سيف:أدريبك ما تتفاهم..هاه رمستهم هل الكويت.. سهيل:توني مبند من عندهم..اسمع..بعد يومين انا مسافر صوبهم.. سيف"يقاطعه":والمرة اليايه انا بسير.. سهيل:..........بتســ......... سيف:هيه انا والعايله.. سهيل:شي طيب..المهم..تامر بشي..؟؟انا بسير خلاص راسي تبند اروووحه.. سيف:لا الشيخ سلامتك..وباجر الصبح انا بسير الشركه انته ارقد وبعد صلاة العصر كمل دوامي انا.. سهيل:اوكي لا تحاتي..يلا فمـان الله.. سيف:الله يحفظك.. سار سهيل بعد ما شل تيلفونه ونظاراته..وسيف..يلس يطالع فـ الفراغ اللي جدامه..يسافر الكويت..؟؟هو ووالعايله..؟؟مناه واللي يترجااااه..ان رويض تعترف له..إنها تحبه..بس وده يسمع هالكلمه..بس..متى..متى..متى؟؟تذكر شكلها يوم كـان ظاهر من البيت..ويوم ودعته عند الباب..بأحلى ابتسامه شافها فـ الكون بعد ابتسامة الوالده الله يحفظها..كل اللي سواه..ان ابتسم لهالموقف اللي طرى على بالها بكــل فرح..غمض اعيونه بـ تعب..وبدى يطير في عالم اسمه رويض..يلس يفكر في حياته..ومستقبله..ويا رويض..يلس يفكر في اشياء وااايده..وأول ما فتح عيونه.. شاف الظرف اللي عـ المكتب..فـ البداية..استغرب شكله..جان يحط يده عليه..ويوده ببطء..انتاااابه شعور بالخوف من شكل هالظرف..يحس انه بعد ما ابتسم لأشياء حلوة..ان هالظرف بيخرب عليه..!!...وجـان يفجه..كـانت النظرة حزينه..واللي أحزن..هو سيف..اللي تم يطالع في الصور بانصدام وذهول..مستغرب..شو ياب رويض عند هالريال..لا هاي مب رويض..كل الصور مب واضحه..كلها تصوير من بعيد..دقق..تأكد..هاي رويض..شاف الصورة اللي بعدها..تأكد انها مب رويض..واللحينه.شو الحل..؟هاي رويض ولا لا..لا مب رويض..مستحيل مستحيل مستحيل..مرر الصور بشكل سريع لين طاحت الصورة الأهم.. تم يتمعن فالصورة..هالشكل مب غريب عليه..هاذا ناصر..السكرتير الأولي..شو عرفه برويض لا مب رويض....كيف يعرفها كيف..؟؟بعد ما عرف ناصر..وبعد ما عرف ان اللي فـالصور هي رويض ما غيرها..تم يجلب فالصور مرة ثانيه بطريقة سريعه..بين مصدق ومجذب..ومع كل صورة يعقها ع المكتب..تبدا بداية جرح في قلب سيف..ومع كل ابتسامه لهالإنسانه اللي في الصور..ينهدم صرح من صروح الحب اللي بناها سيف لـ روضه.. حالته صعيبه..شو اقول وبشو اوصفها هالحاله..؟؟كان يفسر ويحلل..بس قطع هالتفكير وتم يطالع فـ الظرف مرة ثـانيه..شاف ورقة..جان ياخذها..ويقراها..واللي مكتوب..كان مكتوب بخط يد.. "السموحه لأني استعرت حرمتك اشويه..بس تدري..والله أنها عسل..لو سمحت..كل يوم نزلها بيت ربيعتها ميثا..اللي في فلي هزاع.." و ورقة ثـانيه.. "آآآه يا حلات منطوقها..فديت رويض والله..محد شراتها..تحياتي لك..سكرتيرك الأولي..وربيع رويض أيام العزوبية وأيام الزواج (نـــاصر).....!!!" نيراااااااااااااااان..اشتعلت في قلب سيف..النذاله و الوقاحه وصلت حدها و زوود عند اللي اسمه نـاصر..وسيف..كان وده يجذب الصور..بس..بس..كيف..وهو فالواقع ..نزل رويض بيت ميثا ربيعتها..يعني..ناصر يعرف رويض..يعني..ماشي مجاااال انه يجذب اللي يشوفه...يــاللأسف..ما يت في باله النسرة شيخه..ولا رام يظهر الفروق اللي في الصور بين حرمته وبين اللي كان يحبها من زمان.. قعد يدور تيلفونه..يالله..وين التيلفون..؟؟هيه صح نساه فـ الموتر..جان ينش من مكانه وهو مستعيل..والأفكار السودا..شلت راسه شل..؟؟..يتخيل..تخيلات ..ما توقع انه في يوم من الأيام بيتخيلها..عن رويض..وانها تكون لـ واحد غيره..صابه جنوووون..جنون مووول هب طبيعي..مستعد..يذبح ناصر..ويذبح رويض وراه..الي طعنته في ظهره..وقابلت حبه بـنكران وخيــانه..أول ما ركب موتره..شاف تيلفونه ..حط يده عليه..الا يدق..طالع الرقم..رقم غريب.. سيف:ألو........ ناصر:مرحبا مديرنا سيف شحالك شعلومك..يا ريال وينك من الصبح ياي..المهم..شفت الهديه اللي حطيتها على المكتب..أحلى هديه أقدمها لأحلى سيف فـ الكون..شو رايك فـ الصور..حلوات صح.. كان يرمس بطريقه سريعه..بطريقة حقيره..واللي اعصابه بارده برود الثلج..غصب عنه بيعصب على اسلوبه ..والكلمات اللي تظهر من ثمه جنها الا سم..فج سيف ثمه بيرمس..بس ناصر ما عطاه المجال.. ناصر:شوف اخويه..لا اتم اتعب عمرك وتيلس فـ البلاد كلها اتدور عليه..انا اللحينه في مطار دبي..مسافر أدورلي بنات احسن عن حرمتك..هيه صح..سلم عليها..وقلها انيه بتوله على الأيام الخوالي..هههههههههههه..سلملم.. هالمرة..كان بيرد عليه..بس شو يقول..بعد ما عق القنابل على قلب سيف..شو يقول..وناصر سد الخط في ويهه..تم يطالع جدامه..كل هالكون والعالم..صار لونه اسود..خلاص..شو اللي باقي..؟؟شو اللي بيفرح قلب سيف بعد اللي استوى.. اللي استوى شي كبير ..وكبير وااااااااايد بعد..ولا زالت موجة الأفكار السودا تعذبه أكثر وأكثر..وبدا يمشي في شوارع مدينة العين دار الزين..بس ياللأسف..سيف ما شاف من الزين شي..وده انه يصيح ويريح عمره من هالهم اللي ظواه...بس ما حقت له نفسه يصيح عسب حرمه..عسب حب..؟؟؟؟..يحيد عمره قوي جدام كل شي..الا محبة رويض..لا..؟؟!! ابتعد عن العين..صوب درب دبي..وبعد ما خطف على الهير..وقف الموتر على صوب..وظهر منه..شاف الساعه صكت الـ12..و راح وظهر تيلفونه من الموتر..حشى محترق..وهو لهالدرجه ما حس بصوته..الوالده و سهيل وخليفه وسعيد ..عرب وايدين دقوله..واللي فز قلبه من شافه هو اسم"الغلا"..بس أي غلا..دام هالغلا خـااين..من يت هالفكره في باله..ضرب بيده بقووووه على الجامه مالت الموتر..وده يظهر غيضه وقهره في أي شي..في ايي شي..شاف منظر الزجاج وهو يتكسر..ذكره برويض يوم شافها وتكسر الزجاج بين يداتها وكيف انجرحت..طالع فـ الدم اللي ظهر من يده..يالله..كل شي يذكره برويض..كل شي.. × × × دنيتي من غير حســك..سطر خـال من الحروف.. ينتهي الأحســـاس فيني..كالجسد من غير روح.. لا تظن صمتي غ ـيـاب..أو تجـــاهل..أو ظروف.. أنت شي في ح ـيــاتي..ما يتـــــعوض لو يروح.. انفج الباب..وصدت بعيونها الدعج صوبه..كـانت تترياااه ايي..عسب تقوله عن كل شي في قلبها..خلاص..كم مرة تيلس تسوي بروفا عسب يوم ايي تقوله وتريح عمرها اشوي..كم مرة وهي تحاول تنطق بشي بس ما تروم..كانت تنتظر شوفته وهي مشتاقه له..لأنه من ظهرته للشركه لهاللحظه ما شافته..ولا حتى سمعت صوته..!!تجدمت صوبه..وهو بعد تجدم صوبها..استقبلته بابتسامه..واستقبلها بنظرات وحشيه..عقدت حياتها..وهي تخفي في قلبها الخوف اللي تراكم فجأه..خوف مب طبيعي.. روضه:سيف..بلا..................... سيف"بقهر":بــــــــــس..صخي..انا ما اريد اسمع صوتج..لا ترمسين.. زادت الصدمه..بلاه هاذا..شو اللي غيره جيه مرة وحده..؟؟!!لا..لازم تتفاهم وياه.. وش فيك متضايق .. عسى ماحصل شي ..؟ ما عاش من ضايقك يا | عيون خلك | صوتـك من الآهـات في نبـرته كي ..! وضيقتك هذي ماهي بـ عادة ٍ لك ! روضه:سيف شو بلاك..................................؟؟ سيف"يقاطعها بصوت عالي":قلت لج لا ترمسين..ولا تطرين اسمي على لسانج الوصخ..ليش يا رويض تسوين هالسواه فيني ليش..؟؟انا بشو قصرت عليج..يا لعنبودارج ما مداه عرسنا من اسبوع الا وظهرتي ويا ربيعج الأولي.. سواه..؟؟ربيعها الأولي..؟؟لا الريال الصراحه شكله مخرف ولا شي فالعنه في راسه ومخرب عليه الذاكره..؟؟!!كـانت منصدمه..وماتعرف شو تقول شو تسوي..ما رامت ترمس ..ما رامت تقول شي..بس فجأه..لاحظت الدم على كندورته..جربت يدها منه..صوب مكان الدم..جان يخوز يدها بطريقه وحشيه ودفشه.. روضه:سيف..شو الي استوالك..؟؟شو هالدم..؟انته وين سرت..ليش جيه شكلك..ليش تأخرت عليّه وليش ما رديت عليّه و على مسجـاتي..سيف..انته شو قاعد تقول شوو سواه وشو ربيعي الأولي..؟؟شو اللي سويته انا..؟؟ سيف:لا تسوين عمرج مب فاهمه السالفه..أنا ما بطولها وهي قصيره..طحتي من عيني يا رويض..طحتي من عيني..اخترتج لي حليله..وانا ما كنت اعرف انج راعية شباب..ومخليه سمعت هلج هي والتراب واحد.. ويظهر الصور من الفايل اللي عنده..ويلمهن ويحطهن جدام عيونها.. سيف:هالصور..هي اللي خلتني اكشف حقيقتج يالواطيه يالخاااااينه..من قوات عينج تظهرين ويا واحد وانتي في ذمتيه..هالصور يا رويض..هي اللي كشفت لعبتج..وبينت لي مهاراتج فالتمثيل.. مدري وش اللي بكلامك خنقني.. كنك بــــــــحبال صوتي تعلقت.. سيل دموع منصدمه على خدها..خاطرها اتصارخ وتقوله انها مظلووووووومه..وبريييييييئه من هالرمسه اللي يعقها عليها..الرمسه اللي حرقت قلبها..مسحت كرامتها..خلتها وحده دنييييييييئه..يعني معقوله..ما هزت سيف هالدمعه اللي لاحظها تسيل على خد رويض..معقوله..ما حركت فيه مشاعر ..ولا احاسيس..!! دخيـلك جـامـل الدمعـه .. تـرا مهـما أكـون (إنسان).. ’ مشـاعـر قلـب ، تحكينـي وأزود حبرهـا دمـي .. تصور ما بقـا فيني سوى باقـي [بركان]!! :: ودفتـر من قصيد الأمـس :: على جال البحر مرمـي .. !! خاطرها تصارخ في ويهه..تصفعه..تخليه يسكت عسب هي ترمس..تخليه ينجب ويعطيها مجال..تفهم تستوعب..تعرف عن شو هو يرمس بالضبط..انزين ليش انفجر في ويهها..ليش ما تفاهم وياها..ما تعرف ان الغيره احرقت قلبه..و اعمت عيونه وعقله.. ما أبيـــك / غـيــــــــــوم / صيـــــــــف .. و ما أبيـــك تكون ضيـــــــف ودي يا عمــري أعـيشــــك .. لا تقول الحـيـن كـيــــــف ؟؟ سيف"بابتسامة مصخره":يودي..خلي هالصور عندج ذكرى طيبه..شهر واحد..وتوصلج ورقة طلاقج..وهالشي ما قلته الا عسبة خاطر اهلج..ولا ياكلونهم الناس بالرمسه..ولا انتي..طابت النفس منج..كرهتج وعفتــج.. تــرجـم الإحـســاس صــــــرّح .. قبل ما تنـــوي / تــــــروح / لا تخليني ( معلــــق ) بالهــوا ... ثــمــــــّن / تــــــــروح / فر الصور على فوق..وتناثرت الصورة بطريقة عشوائيه عليها..رفعت عيونها فوق تطالع..تتأمل هالصور..وعيونها تسيل من هالدموع اللي ما وقفت..صدت اتطالع سيف..اللي كان يودعها بنظراته الوداعيه الأخيره..ومشى عنها..وظهر من عند رويض..وظهر بالمرة من حياتها.. ..كل هـــمــي هو / خـيـالــــك / والخيــــال أصبـــح ~ طـمــــــــوح ~ و رغــم هـــذا .. و رغــم عـنـــّي .. أطلبـــك .. أنا أطلبـــك مابي تـــــــروح ., يلست ع الأرض بكل قوه ..منهاره..مفجوعه..منصدمه..ويلست معها الصور الحقيرة واللئيمه..يودت وحده وطالعتها..حطت يدها ع ثمها..شافت عمرها فالصورة..ما فكرت..إن في وحده تقربلها وتشابهها..ما فكرت الا بسيف..يودت الثـانيه..شافت عمرها..وواحد ولا مرة شافته في حياتها حاط يده ع خصرها..!!..خســاره..وياللأســف..هي الثانيه ما ميزت عمرها عن انسانه ثـانيه..ما انتبهت للفروق اللي بينها وبين اللي في صور..سيف..ورمسة سيف..من سبتهم..انشل عقلها..كيف تفكر..وكيف تلاحظ..وسيف جرحها..بدون ذنب..انصدمت..وبدت تصيح بصوت مسموع..تصيح بكل حرقه..تصيح هالإنسان اللي حبته في اسبوع واحد..حبته بكل ما تملك..استوى نور عيونها ونبض قلبها..سيف ..اللي ما تستغني عنه..هو..استغني عنها..!!!!!.. حتى لـو أصــبح ~ خـيـــالـــك ~ .. بـس هـو كل الطــمــــوح .. تكـفـى [ طـلـبتـــك ] ياخــلــي .. / لا تـــــــــروح / صدت بعيونها اتدور على سيف..لا..مستحيل اتخليه يظهر من حياتها بكل سهوله..كيف وهي مخططه انها تقوله كل شي في هاللحظات..تقوله عن قلبها وعن احساسها وعن مشاعرها..؟؟كيف يظهر من عندها ويودعها..كيف..كيف يباها ترقد ولا تاكل..؟؟ولا تضحك ولا تبتسم..كيف يباها تعيش من عقبه..طالعت..في كل زاويه..في كل مكان..وين سيـــــــــ؟ـــــــــــــــف؟؟يا ناس يا عالم سيف وينه..بس للأسف..سيف راااااااااااح.. راح راح راح ..وما ترك..الا قلب مجروح..اسمه روضه..نشت من مكانها..وسارت صوب الدريشه اتشوفه وين سار..؟؟ في دقايق..في ثواااني..انتهت كل الأمــاني.. انتهت كل المشاعر..أنتهت كل المعانـــي.... ومن صوب..ظهر سيف من البيت..ويحس ان كل احزان هالعالم يت وقعدت على قلبه..حس بالخيانه تتعبث بعروق هالقلب..فج الباب..وحدر سيارته..ورقعه بكل قوه..وحرك السيارة بعد ما خذ دورة ع الحوي وقحص وهو يلف ظاهر من البيت..ما يعرف شو هو احساسه..كل اللي يباه..انه يبتعد عن روضه.. يبتعد يبتعد يبتعد ..لأن جروحه تنزف..لأنه حطها بعينه وعمره ما صد لغيرها..لأنه يغليها ورفعها عن الكل..لأنه عيشها الحب بالعماله..ولأنها هي عيشته معنى كلمة الحب..لأن روضه باعتقاده طعنته في ظهره..لأن روضه باعتقاده ممثله عظيمه..!! "..أعتـرف لـك .. " مابقى لـك [ لا غـرام ولا حنـان ] ولابقى بعينـي "دمـوع" ولا بقى بصوتي ( غـلا ) حتى كلمـة [ ياحبيبـي ] مالها بعمري مكـان ....!! كل جرح في حياتي قال : للفرقـا " هــلا" نهـاية البارت. هنيه..ونقطه..على نهاية السطر |
الجزء الثاني والثلاثيـــ (32) ـــن •!¦[• كــ ـ ـلمة ورد •]¦!• سميت حـــــــبي تسليه ... ونكرت اخلاصى معاك ونسيت كل تضحــــــيه ... كل حـــــــقايق تسمعك اسالك عن حبي تقول ... انى بخلاصــــــي وحيد وإن كان كذب العذول ... صورلك الحــــــب جديد : : انفج باب القسـم..ومشت فطامي..وهي بتمووت من هالبرد..ومع هاذا..ما حبت إنه تخرب الجو الرومـانسي اللي كانت عايشتنه وهي إغنية تامر حسني..وهي ميود الـ Mp4 بيدها اليمين..أما اليسار فكـانت ميوده بيبسي.. فطامي: صوتك..متغير كده ليه..في حد قنبك..ولا ايه..خلاااص..فهمت وحأفل..بس أبل ما أفل..سلميلي عليه..وأولليه ياخد بالو منك..زي ما كنت انا بخاف عليكي..ويحاول على أد ما يأدر..يحميكي ويحافز عليكي.. آآآآآآآآآه محلا صوته ولد الذينه..روييييييض..رويييييييض..بسم الرحمن الرحيم..ليش محد يرد عليه..حرام عليهم..محد يحبني..اووف..محد يرد عليه.. مشت بخطواتها..صوب حيرة الرقااد..دقت الباب مرة..مرتين..ثلاث مرات وفجته..تمت تطالع..البقعه فااظيه..صدت بطرف عيونها لقت رويض توها ظاهره من الحمام"عزكم الله"..انصدمت من شافت شكلها..شلت السماعات من أذونها وسارت صوبها.. فطامي:بسم الله الرحمن الرحيم..رويض..بلاج و بلاها عويناتج جيه..شو مستوي..؟؟ مشت رويض ويلست على أقرب غنفه شافتها.. رويض:.....................وين سيف..؟؟ فطامي:شو..؟ رويض"تطالعها بنظرة":قلت لج وين سيف..؟ فطامي:الريال توه داق على امايه يقوللها انه بيتغدى في رمـاح..ويا سهيل.. رويض:شووو..؟؟؟ فطامي:رويض..شو السالفه..؟؟سيف ما قالج..؟؟ رويض:لا ما قالي..سيف ما شفته من البارحه..؟ فطامي:ليش هو ما رقد فـ البيت..؟؟ رويض:لا..مادري وين سار..؟ فطامي:مسود الويه الجذاب..يقول لـماماتي إنه ظاهر من قبل صلاة الفير..أونه عنده شغل.. رويض:...آآآآآآه.. فطامي:ايه شو بلاج رمسي..؟؟ رويض:انزين يلسي عسب اقولج شو اللي صار.. فطامي:هيه صح نسيت عمري وانا واقفه..هاه قعدنا..يلا شو السالفه.. رويض:فطامي كنت اترياااه..كنت اتريااه ايي واقوله عن اشيااء واايده..اشيااء مهمه كنت دوم الاقي صعوبه عسب اقولها عنه..انيه بديت اشتاق له واحبه واغليه واهتم لتواجده..واول ما شفته..طاح فيني..سبني..لعن خيري..خلاني ما اسوى بيزه..كان يخربط عليه برمسه..طول ليلي أحاول استوعبها ما رمت من زود التفكير..كان يقولي ما مدانا نكمل اسبوع من العرس إلا وظاهره ويا ربيعج القبلي..انتي وطيتي راس هلج فـ التراب..واللي اعظم..إنه طرى سالفة الطلاق..تخيلي بعد شهر بيطلقني.. فطامي:شوو..؟؟انتي شو يالسه اتقولين..؟؟معقوله سيف اخويه يقول هالرمسه ويتهمج..؟؟ويتهمج اتهامات انتي في غنى عنها..الدنيا مب فوضه..على أي اساس ياي تالي الليل يقولج هالرمسه..؟؟ نشت رويض من مكانها..وسارت صوب الكوميدنو وفجت السده وظهرت فايل ..ويلست عدال فطامي ..وفطامي عيونها اشوي وبتظهر من مكانها.. رويض:على اساس هالصور اللعنيه اللي مادري منو يابها لـ سيف..ومادري ليش طرشها له..وليش يتهمني..؟؟وليش هالحقد كله..؟ فجت فطامي الفايل..وكـانت تظهر صورة صورة..وتطالع فيها بـ صمت..بـ دقه..بـ تحليل..بـ تفصيل.. رويض:مادري منو اللي ياب صورتي وحطها بهالأوضاع البذيييئه..ليش..؟؟انا من متى كرهت حد وآذيته عسب يسوون فيني جيه..؟؟والله حرام عليهم يلعبون بصورتيه ويسوون بها جيه..؟؟ويخلوني مع واحد عمري ولا حياتي شفته..؟؟؟؟يالله؟..شو هالناس..؟؟شو هالقلوب اللي عليهم..حشى..ولا صخر..؟؟ فطامي"بانفعال":.............انتي يالسه تستهبلين ولا تستهبلين...؟؟انتي مصدقه ان اللي فـ الصورة هي إنتي..؟؟هاي مب إنتي..هاي وحده ثانيه اسمها شيخه..بنت عموتج..؟؟؟؟!!!!!!! رويض"بـ صدمه":.....شو..؟شيخه..؟؟فطامي استهدي بالله ولا تعقين رمسه هب زينه ع البنيه..؟؟ فطامي:شو اللي اعقه ولا ما اعقه..انتي كيف ما ميزتي عمرج عن هاي الحيوانه اللي اسمها شيخه..شو اللي خلاج ما تميزين شكلج عنها..إنتي أطول عنها..بس هي أمتن عنج..؟؟طالعي طالعي هالصورة..هالإبتسامة..إبتسامتها هي..هب أنتي..شوفي النظرات و شوفي كيف حاطه شيلتها والأهم لون شعرها..؟؟؟ شعرها لونه بني مايل ع الأسود..بس انتي شعرج لونه أسود ..؟؟والله انج غبيه..يعني لهالدرجه صراخ سيف نسـاج شكلج.. شلت رويض الصورة عن فطامي..وانصدمت من عمرها..معقوله هي ما ميزت عمرها عن شيخه..استغربت.."عقلي وين راح..وليش ما لاحظت هالأشياء".. رويض:بس..بس ليش بتسويبي جيه..وهي اصلاً من وين تعرف هاذا اللي في الصورة..؟؟؟؟!!!انا..انا بنت خالها وما ترضالي هالشي..؟؟ فطامي:روووحي زين..مسكينه إنتي..هاللي أسمها شيخه محد بيأدبها ألا أنا.. ويلست تلم الصور وتردهن فـ الفايل.. رويض:...اللحينه شو اسوي..؟؟ فطامي:ما عليج رويض لا تعورين راسج..الأمور كلها بتنحل..سيف بنقوله السالفه..ولا زم يفهمها غصب عن خشمه .. هاي اللي فـ الصور مب إنتي يعني مب إنتي..وهو..ليش ما ميزج عن أي وحده ثانيه..؟؟!!شو هالعقل اللي طاح فيكم انتي وريلج..موول ما تفكروون..؟؟ رويض:............................ فطامي"تلومت":المووهيم..نشي اللحينه وتغدي ويانا..وبعد الغدا انا بدق على سيف وبخليه ايي البيت و نتفاهم وياه.. رويض:شو..؟؟اللحينه حزة غدا.. فطامي:ييييب..بس انتي كله راقده راقده.. رويض:.......خلاص اللحينه بييكم.. فطامي:يلا عيل..عيل بسير بوطي الفايل في الحيره وانزل تحت الاقيج .. رويض:...اوكيك.... نشت فطامي وشلت قشارها وظهرت ..فـ اللحظة اللي نشت رويض من مكانها وسارت اتوايج من دريشة القسم اللي اتطل ع الحديقة السريه..وودها اتصيح..بس ما فيها اتشوفها أم سيف واتم تسألها..يالله..حاسه عمرها مخنووقه..واشياء ثجيله على صدرها..محتاجه لـ حد..محتاجه لأمها تتواجد معاها في هاللحظه..ما حست بعمرها الا وهي ميوده تيلفونها وتدق على أمها.. أم محمد:هــلا..هـلا بالغاليه.. رويض:اماايه.. أم محمد:بسم الله الرحمن الرحيم..رويض غناتيه بلااج ..؟؟شو تانسين..؟؟ رويض:امايه والله بمووت خلاص احس عمريه مخنووقه ومتضايجه حيل.. أم محمد:من شو فديتج..؟شو مستوي..؟؟ رويض:يالله يماايه قولي شو اللي ما استوى..؟؟ أم محمد:متى نشيتي..؟ رويض:اللحينه.. أم محمد:السالفه بينج وبين ريلج.. رويض:.........هيه... أم محمد:عيل حبيبتي سيري صبحي على عموتج نورة..وتغدي..وارتاحي..وانا العصير بييج ويا اخواتج..وحريم اخوانج..وكل شي بينج وبين سيف بيعتدل..لا تخافين فديتج.. رويض:امايه..بس..بس انا خاايفه.. أم محمد:قلتلج لا تخافين..وتوكلي على الله.. رويض:انزين امايه..انا ببند..تامرين بـشي.. أم محمد:ذكري الله يالغاليه... رويض:لا إله إلا الله.. أم محمد:يلا عيل...مع السلامه..وطمنيني عليج.. رويض:إن شالله..الله يحفظج.. بندت رويض عن أمها..وحست بنوع من الراحه لأنها قالت لأمها عن ضيجتها ..في ذمتيه ذمه..أن الأم هي الإنسانه الوحيده اللي تزيح عنك اهمومك سواء برمستها ولا بحكمتهـا ..تعرف شوفيك وشو في خاطرك..وتحس فيك وتداري على مشاعرك..مهما صاار.. نشت من مكانها وظهرت من قسمها سايرة للصاله..وسلمت على أم ريلها ويلست تتغدا بهدوء..؟؟!!! × × × مآفيهـ دآعي بـ ’ الغرآم.. نتكلم ! ومآفيهـ دآعي بـ ’المسير .. نتخآوى ! ألـــذ مافــــ ’ الحب : إنآ نتألم ! وألذ مافــــ { الجرح } .../ إنا نتسآوى !!! : : الرمــاح.. السـاعه 3 بالضبط.. جدام بيت بوسهيل.. سيف:هلا .. سهيل:أهلين..يا ريال وينك ما حدرت صوبنا تتغدا.. سيف:النفس ملتاااعه.. سهيل:رب ما شر..؟؟ سيف:.......مــامن شر.. سهيل"سكت اشوي وما حب يضغط عليه":............يوم حدرت الميلس بزقركم للغدا..استغربت يوم ما شفتك.. سيف:ظهرت ويلست فـ الموتر..عقب ما تخلص تعال بنسيير العراااقيب.. سهيل:لا خلاص..الضيجه من ضيجتك..عفتها العيشه اللحينه بييك.. سيف:لا والله ما صار..حلفت عليك عقب ما تخلص اتيني .. سهيل:يـا ريـال ما يصيـ............... سيف:لا يصير..يلا اترياك.. وبند في ويهه..جان يدق تيلفونه مرة ثانيه..شاف الرقم..سهيل.. سيف"من ورى خـاطره":ههههههههـ.............. قطع صوت ضحكته..لأن سهيل بند فـ ويهه..ودق عليه سهيل مرة ثانيه.. سهيل:قسم بالله بيطوفك الغدا.. سيف:انزين شو غداكم.. سهيل:ما بقولك.. ورقع التيلفون في ويه سيف..وجان يدق التيلفون مرة ثانيه.. سيف:ايييه انت يا سهيل المتفيج شو عندك؟؟ رويض"بخوف":.....بس..بس انا مب سهيل.. انصدم سيف من سمع صوتها..حس..حس انه استانس واايد..لأنه اشتاااقلها واايد..لأنه كرهها واايد..لأنه عاف صوتها..؟؟لأنه..لأنه..بس خلاص ما يعرف شو يقول..كل اللي في خاطره قالها البارحه حقها..كل اللي عنده من طاقه لهالمواقف استهلكها..مب مستعد..يدخل في مناقشات واعترافاااات..خلاص..ما يريد يعيد ويزيد في هـ السالفه..اللي صار صار..واللي قاله قاله..كل شي انتهى..ورقع التيلفون في ويها..شافها حرقت التيلفون وهو في يده..جـان يعقه ع الكرسي اللي عداله..وهو عارف..إنه ما عندها وسيله إلا المسجات من بعد الإتصال..وتم يطالع في تيلفونه..ويشوف المسجات اتي صوب تيلفونه..كان يحارب الفظول..خاطره يعرف..بشو بتبرر عمرها..شو بتقوله..؟؟شو من أعذار بتييبلها..قعد يضحك في خاطره على هالإنسانه الحقيره الجذابه في ناظره..الإنسانه الخااااااينة اللي ما تستحي على ويهها..واللي ردت اتمارس سوالفها القبليه حتى بعد زواجها وارتباطها بإنسان..إستغرب حال هالناس الضايعين ...؟؟..ما توقع..ان رويض من هالنااااس..؟؟!! خسااااااره..عقله خذله و ثقته فيها راحت..الغيره ذبحته وعمت عيونه..مب رايم يفكر..لأنه هالإنسان اللي اسمه ناصر طعنه في شرفه..في كرامته..خسااااااارة..ما يعرف إنها هالإنسانه..شريفه..وما يخصها في هـ السوالف..إن هالإنسانه كانت تترياه اتيي عسب تصرحله عن حبها ومشاعرها واشواقها..؟؟!! ما حس بعمره الا حاط يده ع التيلفون ويفج المسجات ويقراهن.. (1) " ما أصدق إني " ممكن " أفقدك ! تكفى طمني , وقلّ : (مافيني شي )" (2) "سيف بليز رد عليه..خلنا نتفاهم..لا تخليني جيه" (3) "حرام عليك..انا مظلومه..وربي مظلومه" (4) " ياصاحبي ليتك تعود .. رجع لي قلبي .. ولا تعود ان ما حصل لك مرني .. والمس على قلبي وشوف .. وش كثر بعدك ضرني !" (5) "تكفى امانه لا يطوّل غيابك وان طالت / الغيبه ،، تذكر حنيني ! الله يرحم من على العز جابك انا " ابيك " اكثر من انك تبيني" (6) "أفــا يا سيف أهون عليك اتسويبي جيه..انزين..خلنا نتفاهم" (7) "صدقني..هاي اللي فـ الصور هب أنا.." 7 مسجات ولا هزته..كل مسج يوضح معاناة رويض أكثثثر عن الثاني..كل مسج..أصدق من الثاني..كل مسج..طرشته من صميم قلبها..وهو..كل ما يقرى مسج..يضحك عليها..ايقول"تتحراها بتيب راسي بهالرمسه".. وفجـأة وقفت المسجات..فـ الوقت اللي ارتاح سيف..حط يداته على راسه..وبـ هالشكل..كل من سيف و رويض يعانون..؟؟بس..لين متى..؟؟!! دق تيلفونه..طالع الرقم..كان قلبه يقول هاي رويض..بس ظهر رقم الوالده.. سيف:هـلا.. فطامي:اهلين..وينك..؟؟ سيف:اوووف..شو تبين..؟؟ فطامي:متى بتيي البيت.. سيف:مادري.. فطامي:ترى اللي سويته في حق رويض لا الله يرضاه ولا....... سيف:فطامي..هالرمسه خليها حقج..وهالموضوع لا تفتحينه..لأني ما بغير شي من اللي استوى..؟؟لو شو ما صار..يلا..فداعة الله.. فطامي:انزين لحظه اشوي........................ ورقع التيلفون في ويهها..وابتسم لـ سهيل يوم فج الباب ويلس لعداله.. × × ان غاب عن عيني من الناس غاليين’’ ماسأل/ وأقول (اللي يبيني يجيني).. إلا انته ,, بسأل عنك كل العناوين’’ معقــوله انسى //نور قلبي وعيني// : : أبوظبي دار الظبي.. صوب شيخه وريلها.. كـانت شيخه ميوده تيلفونها وترمس أمها..وملاحظه نظرات هزاع التفحصيه لها..واتسوي عمرها..اوني ما اطالع فيك..؟؟!! شيخه:شوو..؟؟افا يمايه للحينه ما غيرتي راايج..تبغين اتودريني وتسيرين.. >> مناك ما هزها سفر أمها وأبوها.. وتكمل:انزين..ومتى بتظهرون..وااايه يماايه في ذمتيه بتوله عليج وايد وعلى ابويه وسلطان وعلى خلود بعد.. >> صيووو صيووو طااااااخ.. وتكمل:بس أهم شي لا تنسيني..وخلي بينا تواصل..تدرين بي ما ارقد الا من اسمع صوتج يالغلا واتطمن عليج وعلى ابويه.. >> عاد شوفوا ويه أم سلطان كيف غادي..كله علامات شرات هاي (؟)..!! الا من متى هاللي اسمها شيخه ما ترمس بهالأسلوب ويا امها..احيدها يا تصارخ يا ما ترد عليها..؟؟ و تكمل:خلاص ما عليج من اتيين بيتنا دقيلي بنزل عندج..اوكي..مع السلامـه.. بندت التيلفون و عقته ع الشبريه بكل ضيج..؟ شيخه:يالله..كيف بتستوي الدار من عقب ما تسافر الوالده.. هزاع"بنظرات خبث":لهالدرجه تحبين أمج.. شيخه:وفي انسان ما يحب أمه.. هزاع:هيه وايدين جيه.. شيخه:استغفر الله العلي العظيم.. هزاع:الناس انواع واشكال.. شيخه:هيه شرات ما قلت..المهم اسمع..امايه بتيي بعد اشويه هي وابويه واخويه سلطان وحرمته.. هزاع:يا مرحبابهم..اليووم بيسافرون.. شيخه:هيه من مطار دبي.. هزاع:اها.. شيخه:واحن هزاع ما بنسافر.. هزاع:جان خاطرج فـ السفر سيري وياهم.. شيخه:وانته..؟ هزاع:انا واحد ملتزم بأشغال وااايده..وفوق هاذا عندي ناس غيرج محتايين لي أكثر عنج..؟؟ شيخه"بغباء":ومنو هالناس..؟؟ هزاع"ينش من مكانه":منو يعني..؟؟الا امايه وهند وحامد..في حد غيرهم..؟ شيخه:................... هزاع:يعني مثلاً تعرفين انيه مهتم في حد غيرهم..؟؟ شيخه:لا.. هزاع:خلاص عيل..أنا بسير بيلس ع التلفزيون..من اييون هلج قوليلي.. سار صوب التيي في و يلس يطالع مباريات..في اللحظه اللي دق تيلفون شيخه وسارت اتشوف منو اللي داقلها..بس استغربت يوم شافت انها مكالمه خارجيه..شلت التيلفون وردت.. (؟):هم يقولون..ياهل قطر عندكم مزيون..بس لأني انا ييت من قطر..بقول يا هل بوظبي عندكم مزيون.. التم لسانها داخل ثمها وما رامت اتظهر ربع كلمه..حاولت اترقع الموقف..وما يلاحظها هزاع اللي كان يختلس النظر بكل سرعه.. شيخه:يا مرحبا والله مليوون ولا يسدن..هلا هلا.. >>طبعاً يابتها بارتباك.. (؟):هلا فيج والله..شحالج يا قلبي.. شيخه:الحمدالله..شحالج انتي شو علومج..؟؟ (؟):ههههههههههه..في حد عندج هاه..؟؟ شيخه:هيه والله..انا بعد تولهت عليج..هاه وينج محد يسمع عنج.. (؟):بعد ما انجزت المهمه..لقد نفذت بجلدي من اللي اسمه سيف.. شيخه:هيه يالغاليه عاد انتي تدريبها هاي وين بتشردين عنها..وراج وراج.. (؟):لا ..مب سيف اللي يسويبي جيه.. شيخه:اقول عويش تريي اشويه..بسير المطبخ ابغيلي حايه.. ظهرت شويخ من قسمها بسرعه..وتخطت الصاله..شافت أم هزاع يالسه وتطالعها بنظرات جان استوي طااف وتسيير المطبخ.. شيخه:نصووور يالهرم..يالي ما تستحي ع ويهك..شو تبغي داق عليه..خلاااص..انا ما اعرفك ولا انته تعرفيني.. ناصر:هههههههاي..افا..افا يا قلبي يا نور عيني..نسيتي ذيج الليالي..ونسيتي ذيج الأيام..ما حيدج خاينة العهد.. شيخه:أي عهد وأي ليالي وأي أيـام.. ناصر:له له..إيه دا يا ست الكل..؟؟دا كلام ما يعقبنيش.. شيخه:انته ايه..رمس عدل..ولا اتم اتحيس عليه بلسانك.. ناصر:انزين..انا توني راد من قطر.. شيخه:شو اسويبك يعني.. ناصر:شو..؟يعني ما شي استقبال حلو..منج يا حلو.. شيخه:اووهو ناصر وبعدين وياك .. احن كانت بينا علاقة تعارف وصداقه..أونلي ذس ماشي غيره.. ناصر:شو علمج هزاع هو واخوانه الرمسه الإنجليزيه..هههههههههه.. شيخه:شو قصدك..؟ ناصر:ما اقصد شي..الا شعلومج وشخبارج..؟؟ شيخه:الحمدالله..كل شي..تمام.. ناصر:اها يعني للحينه ما صار شي.. شيخه"بخوف":مثل شو يعني..؟؟ ناصر:ههههههههه..خخخخخخخ..شو بلاه صوتج جيه..كنه الا حد ميود بحبال صوتج..ليش زايغه..؟ شيخه:احم احم..بسم الله عليه من شو.. ناصر:مادل..سألي روحج.. شيخه:الحمدالله مب مسويه شي يزيغ..؟ ناصر:هيه ..هههههههههههه..حتى أنا اقول..الا ما سمعتي شي عن قوم سيف..؟ شيخه:لا ما سمعت شي وما اريد اسمع.. ناصر:للحينه يعني ما سمعتي الأخبار الحلوة..؟؟ شيخه:خبرني شو سويت..؟؟ ناصر:بعد ما بندتي عني..وقلتلي عن حركة اللي اسمه سيف..انه منزل حرمته عند ربيعتج اللي اسمها ميثا.. شيخه:هيه.. ناصر:يبت ورقه وكتبت فيها رمسه..اسميها الا بتحرق قلبه حرق ولد الذينه.. شيخه:شو كتبت..؟؟ ناصر:ما يخصج.. شيخه:نااااصر.. ناصر:يا عيون ناصر..بس ماريد أقولج..وبعدين حطيتها على مكتبه..ودقيتله..وعطيته من الزين اشويه..وعلى طول سافرت قطر..وتوني..توني اللحينه واصل.. شيخه:اشعنه رحت لقطر.. ناصر:عسب اذا سوى اتصالاته الشامله والواسعه..يعرف أنيه ماجذب عليه..وانيه صح مسافر قطر.. شيخه:بس احس انه سيف مب هين..صدقني يا ناصر ما بيخليك جيه.. ناصر:ههههههه..شو بيسوي يعني..؟؟ شيخه:آآآخ..يعني كل شي تم والحمدالله.. ناصر:نراكم فـ السنه المقبله.. شيخه:انيي للأهم..لو سمحت..قاعده اقولك لو سمحت..هالرقم تنسااه وتمسحه من موبايلك..خلاص..اللي بيني وبينك انتهى..لا تنسى انيه انا شيخه بنت خالد حرم هزع الـ......ـي..يعني مستوايه أعلى عن مستواك بكثير..وما يسرني انيه اكمل علاقات فاشله ويا الحثاله شراتك.. ناصر:قدها هالرمسه يا شيخه.. شيخه:اقول..يلا..يلا اجلب فيسك.. يندت التيلفون في ويهه..و يلست ع الكرسي..وقالت للبشكاره اللي كانت تسوي عصير برتقال فريش..اتسويلها واحد بعد..ويلست اتفكر بالسالفه .. × من صوب × البنيه اللي اسمها هند..اذونها اشوي بتشقق من هول اللي تسمعه..أمها طرشتها اتسير ورى شيخه اتشوفها شو بتسوي فالمطبخ..وهي سوت تيلفون لـ تيلفون المطبخ اونها تبغي عصير برتقال فريش..عسب ترقع السالفه اذا شافت شيخه وجهاً لـ وجه..سمعت اللي قالته شيخه بالحرف..من حدرت المطبخ..لين ما انهت المكالمه..وهي مستانسه حيييل باللي تسمعه..يعني..للحينه في شي ميودينه على شيخه..ووترببببببببع صوب امها..تنشر العلوم عندها.. هند:يمايه..يالسه اتقول ناصر وعلاقتنا انتهت ومادري شو..؟؟اشياااء وااااايد.. أم هزاع:يييييها..ظهرت البنيه مب أصيله وحشيم.. هند:والله يمايه هذا ذوقج واختيارج..هدينا بنات عمي وسرنا للغريب.. أم هزاع:انا عاد وحده ما احب شوفة بنات عمج.. صخت هند وهي معصبه.. أم هزاع:والله يا هاللي اسمها شيخه من شفتها في بيت ابوها دشت خاطريه..بس من يت بيتنا..احسها مب هاييج البنيه اللي شفتها.. هند:يمايه هاي وحده من ملامحها انها داشه فالسالفه طمع..انتي ما شفتي ملامح ويهها يوم شافت فخامة البيت.. أم هزاع:لالالا..هالبنيه ما تيلس في بيتي..لازم اخلي ولديه يطلقها.. هند:يمايه شقايل بيطلقها.. أم هزاع:ما يخصني..لازم يطلقها..هاللي ناقص بعد..تبغينا نستوي علج في حلوج الناس..حرمة ولدهم هب حشيم وتعرف شباب الدار..لالالالالا..هالشي انا ما ارضاه.. هند:وهزاع..؟؟ أم هزاع:تدرين به هزاع انتي..ما يرد كلمة أمه.. هند:والله مادريبج..سوي اللي يريحج.. أم هزاع:هيه يا شويخ..ترمسين رياييل غرب..ماعليه دواج عنديه.. نشت هند ويابت لابها ويلست تشتغل عليه..اما أم هزاع يلست تشرب قهوتها وتلف وتدور فـ التفكير..وهاللي سمعته من هند بنتها..جان ينفج الباب وتحدر شيخه الصاله بخوف.. شيخه:السلام عليكم.. هند وأم هزاع:وعليج السلام.. شيخه"بكل أدب":خالوه..اللحينه أمايه يايه بتسلم علينا قبل ما تسافر.. أم هزاع"من ورى خشمها":يا مرحبابهم.. شيخه:تامرين بشي ..؟؟ >>غاديه مؤدبه مشااالله..الله يحفظج ..وععع.. أم هزاع:............... صدقه من قال.."الحقران يقطع المصران"..وهنيه..شويخ بكبرها تقطعت..بلعت ريجها وسارت لقسمها يكون أخير لها..ومن سارت..ردت هند هي وأمها وفجن سالفة شيخه..ويلسوا يحشون فيها حش..استغفر الله العلي العظيم..الا وشوي هزاع وحرمته نازلين من تحت..واستقبلوا أم سلطان و خلود.. أم هزاع"تنش من مكانها":يامرحب يامرحب والله باللي لفانا..هلا..هلا بأم شيخه..هلا بأم الغاليه.. >> عاد تعالوا شوفوا عيون شيخه كيف غاديه.. هزاع:شحالج خالتيه ربج الا بخير..؟ أم سلطان:بخير ربي يسلمك وشحالك انته..؟؟ هزاع:مانشكي باس.. صد صوب خلود اللي كانت متغشيه..سألها عن حالها وردت عليه وكان موطي عيونه..ريال يحشم..بس ما لقى من يحشمه..وظهر صوب سلطان وأبوه اللي كانوا قاعدين فالميلس..ويلسن الحرمـات..عاد شوفوا شيخه اللحينه..تبغي اتقص الفواله بس ما تعرف..لوووووول..جان تنش هند وتسوي عمرها "اونه شوفوني احسن عن شيخه"..ويلست اتقص الفواله.. أم هزاع:يا زين ما ربيتي يا أم سلطان..اسميج ما خربتي والله..بنتج..كل من شافها مدحها ..جمال على ذوق وأخلاق..سبحان من سواها..موول ما شفنا منها قصور.. تمت شيخه اترمش عيونها باستغراب..عكس خلود اللي هزت راسها باستحسان وهند اللي زادت من جرعة الصواريخ.. هند:حتى أخويه حامد استانس باليلسه وياها.. أم هزاع:يا زين ما ربيتي.. استانست أم سلطان بالرمسه اللي تنقال لها..مع شوية استغراب..بس الفرحه كانت أكثر..لأنها أول مرة تسمع شخص يمدح بنتها..وبعد مرور ربع ساعه من السوالف ..نشت أم سلطان وحظنت بنتها..ويلست تصيح..هنيه شيخه يتها رغبه بالصياح..بس ما صاحت..فراق أمها عندها شي عادي.. أم سلطان:ما وصيج يا أم هزاع على بنتيه.. أم هزاع"تحط يدها ع جتف أم سلطان":لا توصين..بنتج غلاها من غلا هند بنتيه..هاي الغاليه حرمة الغالي..ما نرضالها بالشين.. أم سلطان:يزاج الله ألف خير.. وسلمن الحرمات على بعض..الا وام سلطان تظهر مفتاح البيت وتمده لـ شيخه..استغربت شيخه من عالشي الي جدامها.. أم سلطان:سمعي يا شيخه..هـ المفتاح مال البيت..خلي عندج..ترى الدريول سافر..والبشكارتين بعد..والبيت خلي.. شيخه:شووو..؟؟لاا امايه هـ المفتاح ما احتايه.. أم سلطان:يا بنيته طيعي شوري.. شيخه:لالا..ماريده..اخاف يضيع عني..خلاف اتسوون ليه سالفه..خذيه وياج.. ردت أم سلطان وحطت المفتاح في شنطتها..وبعد مرور 5 دقايق..ظهروا من بيت قوم هزاع.. : يتبــ,,,ــع.. : مآيهدكـ ـ " غير " حلمكـ ـ ! لأنكسر قلبكـ ـ فـ ’ يديكـ ـ , تدفع سنينكـ ـ / ثمن / !! لـ ’ ذنب .. مآهو ذنبكـ ـ ! لـ ’ خطـآ مآهو خطآكـ ـ .. آآآآهـ ... يآمرآرآت الزمن ,, ضآق فينآ المكآن .. لآ السما هذي سماي ,, ولآ المدى هذآ ... مدآكـ ـ ! : : بيت بوسيف.. ع الدري اللي جدام باب الصاله.. السـاعه 9 ونـص.. رويض:فطامي..والله..ثم والله بيذبحني..أقولج حرقت تيلفونه..كله مسويلي طااااااف.. فطامي:يا رويض..استهدي بالله..والله ما ينرزى عليج.. رويض:اشو ما ينرزى عليه انتي تبغيني اموت..اقولج هاذا سيف.. فطامي:زين هدي اعصابج شويه..وينهم هلج ما يوا.. رويض:من شويه رمست غبوش..اتقولي ان امايه حست بويع براسها وما رامت تظهر خاري البيت..والله انيه هب في حاله..امايه من صوب..وسيف من صوب.. فطامي:الموهيييم..انا بخليج..بسير صوب مهاري بنت ييرانا.. رويض:اوكي..انا بتم اتريا سيف..عل وعسى ..يحن قلبه.. فطامي:ما عليج..المياه ستعود لمجاريها.. رويض"وبلمعة دمعه في عيونها":الله يسمع منج.. شلت فطامي غرشة البيبسي اللي كانت عدالها ..ومشت ظاهره من بيتهم صوب بيت ييرانهم قوم مهره..فـ الوقت اللي تمت رويض تدق على سيف..وكل ساعه يظهر لها.."لم يتم الرد"..العبره ختقتها..وحست ان الدنيا جدامها سودا.. كل ماجا لم يتم الرد تدمع عيني وأتذكر صوتك الدافي على [ جوالي ] ليتني أجمع أماني الكون بين يديني كان أح ـطك أمنياتي .. وأملكك بـ لحالي ..!!! كـانت تفكر..ليش سيف يسويبها جيه..ليش يحقرها..؟؟ليش ما يتفاهم وياها ويرد على مسجاتها..؟؟ليش ما يطمنها على الأقل..ليش يجفيها ويسويلها طااااااااااف بهالشكل..يعني هو ما يعرف ان في هاللحظات اللي تخطف تتعذب مية مليون مرة..يعني هو ما يعرف انها تحبه وتغليه وتعزه وما تروم تتحمل كل هالعذاب منه.. كـانت أفكارها..على قد عقلها..ودورت له مية الف عذر..عذر وعذر وعذر..لين ما شافت سيارة سيف تحدر البيت وبركنها ع صوب..ويظهر من سيارته وبفصخ سفرته ويحطها ع جتفه..وبعدين خذ تيلفونه ونظارته في يده اليمين..وويه صوب باب الصاله... شو اللي صار في قلبه..شو اللي استوى..اشتلت به النيران..من شاف ويهها..تذكر ذكرياته الأليمة ويا شيخه..شيخه..تيلفونها اللي كان فـ المطبخ..تذكر بصورة سريعه مسجاتها..اتصالاتها..يأ للماضي الجريب..تذكر الصور..الفايل..شكل رويض..لا..لا..لا..كل شي مرتبط ببعضه..الماضي الجديم والماضي الجريب..ويه رويض وويه شيخه..هي دووومها جيه حياته..ارتباطات وعلاقات..وكل شي يشبه الثاني..كل شي له صله بالثاني..شيخه ورويض..خيانه × خيانه..حس انه يكره رويض..يكرهها ويكرهها للمليووون..وده ايي وينتف شعرها..شعره شعره..دامها هي اللي خانت..وهو اللي صان..دامها ما حشمت..وهو الي حشم..دامها هي اللي انكرت..وهو اللي عطى.. يعني لأنه عزها وحبها..راحت اتسوي فيه جيه..؟؟؟؟!!!..وده يودها ويضربها ضرب"ولد حرام"..يهزأها..يمسح بها الأرض..يخليها ما تسوى نعاله..يخليها وحده لا يت ولا راحت..بس شو يسوي..ريال..والريال ما يمد يده ع الحرمه..؟؟..!! : : من شافته..ولعت بقلبها نيران الشوق والوله..سبحان الله..كيف تشتاق له..وكيف هو كرهها..تحس ان له سنيييييين ما شافته..ما سمعته..اشتااااااااقت له حيييل.. : لو بعـآدكـ ـ عني | وآقع | . . بعـدي عنكـ ـ | مستحيل | !! مآيعثرنـي غيآبكـ ـ .. لو يصير اسمكـ ـ : [غ ـيـآب ] ! روح و ارجع روح و ارجع يآعسى عمركـ ـ طويـل , واوعدكـ ـ مآرآح تسمع مني اي كلمة : " ع ـتـآب " خـذ من .. " المجنـون " حكمهـ ! فيهآ تحريفٍ جميل .. مآيحرّفهـا جهالهـ .. ولآ يصيـب الآ الصـوآب .. اصلا المشـوآر ( خطوهـ ) .. تبتـدي بعـد { 1000 } ميـل ! و دآمـه اختـآركـ ـ عذآبـهـ .. [ ظلمـ ]!! تحرمهـ العـذآب .. !! : أول ما شافته..عاهدت نفسها ما تعاتب...ما تنازع ولا تصارخ عليه...ليش يخليها طول هالسـاعات اروحها..مبتعد عنها..وهي ما تعرف سماها عن ارضها..؟؟ليش..؟؟يسوي ديليت لأي وسيله تحاول تقترب منه..لا مسج..ولا اتصال..حست ان انفاسها بدت تنسمع..جان تذكر الله..وتهدي الوضع اشويه..بتحاول تكون ريلاكس..وما تظهر كلمة عتاب ولا زعل من لسانها.. ..واللحينه.. اشتعلت النظرات بين عيونهم..عيونه ناتج حقد وكره..وعيونها ناتج حنية وشوق..مشى بكل خطوات ثجيله صوبها..وهي وقفت من مكانها..وكأن الحياة انردت لها مرة ثانيه..بس..بشوفة سيف..بس..لما طل عليها لمدة ثواني..و كمل مشيته لين ما يأ صوبها..كانت متوقعه منها يقول شي..شي واحد..كلمة بسيطه..بس اللي صار..انه خطفها و ويّـه صوب باب الصاله وفجه وحدر الصاله..طالعت..يمين يسار..وينه..حشى..مب جنه الا من شوي واقف اهنيه.. سارت وراه..وهي تدوس على كرامة قلبها..اتدوسها..وتحاول نسيانها..كله عسب ترضي خاطر سيف..وتفهم عقله..وتطمن قلبه..ان رويض..ما تخون اللي يصون.. فجت الباب..توقعت يصد صوبها..بس والله ما حفلها..سيف..من النوع اللي اذا بيطنش..يعني يطنش..بمعنى الكلمةوتطنييييشه يحرق الأعصاب..ورويض..حاولت تخلي اعصابها تكون بارده..شافته يرمس البشكاره..و يتخبرها عن الوالده..وفطـامي..ولا حفل تواجدها..ليش ان شالله يسأل البشكاره..؟؟ولا يسألها..؟؟لأن ماله رمسه وياها بعد اللي استوى..؟؟ كــانت تطالعه..وهو ييلس ع الغنفه..ويود تيلفونه ويرمس تيلفون..بعد ما أمر البشكاره اتييب لها ماي.. سيف:آلو..مرحبا الغاليه شحـالج..؟ هنيه..كلمة ماتت اشويه فيها..منو..؟؟منو الغاليه..الغيره قطعت قلبها..خخخخ.. سيف:هيه والله سألت البشكاره..قالت مافي بيت..جان ادقلج.. هيه الحرمه تحرت شي ثاني..كـانت بين الحياة والموت..وهي امبونها..حالتها يرثى لها..يلست ع الغنفه اللي جدامه..في هاللحظه..حن عليها..وطالع في ويهها..وشاف تقاسيمه..انصدم..معقوله هاي رويض..الللي دوم نظرة الحيويه في حزنها..اللحينه..مكسورة وضايج خاطرها..يحس ان في خاطرها تصيح..وان العبره خانقتها..عذبته صح..؟اشقته صح..بس للحينه ما فقد الأحساس فيها..في خاطره يسألها.."علامج..شو فيج جيه اتطالعيني..مشتاقه لي..؟؟ولا بس تحاولين تنقذين عمرج وتسوين روحج ما سويتي شي وبريئه..كل هالمحاولات ما تنفع ويايه"..نزل عينه..وياه شعور انه ينش من المكان اللي رويض متواجد فيه. رويض:سيف.. قلبه صد صوبها..بس عيونه لا..ومستحيل اتصد صوبها..بعد اللي صار.. رويض:حرام عليك اللي تسويه فيني..والله حرام عليك.. سيف:............................ رويض:ليش تحقرني وتجفيني..ليش ما تطالع فيني..انا..انا مالي يد في هاييج الصور..والله..احلفلك بالله الغالي..أن هالريال اللي فـ الصور ما اعرفه..صدقني سيف ما اعرفه..انا مستحيل اخونك..مستحيل.. سيف:................................. رويض:سيف اشعنه ما ترد عليه..انا ارمسك..صدقني ..هاي مب انا اللي فـ الصور..كل شي واضح.. نش من مكانه..وسار صوب القسم..فج الباب وحدر.."آآآآآآآه كيف اكره هالمكان"..تنهد وسار صوب الكبت يظهر له ملابس عسب ياخذ شور..هو امبونه ما رد البيت..الا عسبة هالشور..ولا ما وده يعور راسه.. رويض:سيف..سيف..بليز لا تخليني جيه..والله انيه متعذبه حيل.. كـان بارد لدرجه ما تتوقعونها..وشدة بروده تقهر..صد صوبها بعد ما ذلها..شاف دموعها تطيح على خدها بكل براءة..توقعت انه بيرمس..بيقول شي..بيهدي من خوفها..بيمسح دمعتها..يراويها..إنه لا زال سيف اللي يخاف عليها ويداريها..بس كل اللي استوى وصار..طالعها من فوق لـ تحت..بنظرة استحقاريه تصغيريه..وشل بعمره وحدر الحمام "عزكم الله".. انهارت..وانهانت..شعور جاسي انتحل قلبها وعاش بين حناياه..يوم تحس عمرك انك منبوذ من قبل شخص اتعزه وتغليه..يلست تصيح بحرقه..وبالأصل..سيل دموعها اللي يتمشى ع راحته على خدها..هو اللي يحرقها من الخاطر..انخشت تحت لحافها..حاسه بخوف..بوحده ..بضيجه مالها اول ولا آخر..وما حست بعمرها..وهي تبند عيونها ببطئ..وترقــــــــد.. من صوب..ظهر سيف من الحمام"عزكم الله"..لاحظ ان رويض منخشه تحت اللحاف..قلبه يقوله..شبع عينك بشوفتها..بس عقله يقوم يرده..ما يعرف شو يسوي..جان يسير صوبها..وشل اللحاف عن ويهها..يلس على ركبته..وتم يتأمل ويهه..يالله كيف اشتاااق لها..و كيف اشتاق لضحكتها وسوالفها..جرب يده من خدها ناوي انه يمسح هـ الدموع..بس حس انه يده انشلت..ما رام..في شي يزخ قلبه بقوو..جـان يشل يده بسرعه قبل لا اتتيي ع ويهها..ووقف من مكانه..وعلى طول تلبس..وشل سفرته في يده و ظهر من البيت.. فكر أن يسير المول..أكيد بيلاقي الربع مبركنين هناك..لكل اللي صار..إن تيلفونه دق.. سيف:هاه خليفه..بشّر..؟؟ خليفه:أسكت..اللي اسمه ناصر..توه اليوم يأ من قطر..تبغيني ازخه حقك.. سيف:لا مشكور ولد خالي ما قصرت.. خليفه:ما قلت للي شو بينك وبينه...؟ سيف:تصفية حساب..الا قلي..شو عنوانه.. خليفه:شفته رايح شقه...................... وتم خليفه يعطي سيف العنوان كـامل..وشكره سيف للمرة ثانيه..وييلس يفكر..شو بيسوي فـ هالفظيحه..!! × × لــو وصفت الشــــــــــوق فيني ماأظن إنه كفاك ولو وصفت احساس دمعي كل دمعة تفتديك ولو أقول إني أعـــــــــزك وأشعل الدنـيـــا بغــــــــلاك بتكون كلمة : " أ__حـ__ب__ك " والـلــه شويه عليك. . . : : بيت بو خليفـه.. فـ الحوي.. الســاعه 9 ونــص.. سلامه:يمايه الله يهداااج لا تتعبين روحج على هـ اليهال.. أم راشد:شووو..؟؟هاييل ظهرولي قروون..عبدالله..غربلك الله ايلس والله فريت راسي من كثر ما تناقز فـ كل مكااااااااان.. سلامه:خلاص عنودي يلسي من اتيي امج انا بقولها عن سوايا عبدالله.. أم راشد:هاي عليااا ما تستحي..اشعنه فاره هـ اليهال جيه.. عبدالله:كييييفنا...احن مب يهااال.. أم راشد:جب يلا..لم ثمك..عن ايودك اللحينه واضربك بهـالعيره.. عبدالله:انتي بعدج ع العيره..تحريتج مغيره الموضه اشوي..؟؟! سلامه:هههههههههاي..حلوه حلوه منك.. صدت أم راشد بطرف عيونها على سلامي..اللي بلعت ريجها ووطت عيونها تحت..هع هع ..اشوي الا شجون حادره عليهم باللاب.. شجون:السلاااااام عليييييهم.. الكل:وعليييج السلااام والرحمه.. وباست امها العوده على راسها ويلست.. شجون:ناصر وينه ابغيه ضروري.. سلامه:عاااااشوووووو.. شجون:يالله حركات خليفه هاي.. أم راشد:هاه انتي كل ما شفتج الا ميوده هاللعبه اشوي..عبود..تعال تعال شوف هـ اللعبه.."وتصد صوب شجون"..ييبيها خل الولد يلعب اشويه بسه من الركيض.. شجون:أي لعبه.. سلامه:ههههههههههههههههههه..يا غبيه تقصد اللاب توب.. شجون:شووو..؟؟اللحينه هاه مسمتنه لعبه..امايه..الناس يشترونه بالألاف..مب مصخره.. سلامه:خخخخخخخخخخخخخ.. أم راشد:هيه..عيل هـ اللعبه احسن عن سلامي..سلامي اذا بيعناها فـ السوق ما تييب عشر ربيات اتسكت عنود.. قفط ويه سلامي.. سلامي:وايه يمايه يعني انتي ما تحبيني.. أم راشد:لا بسم الله عليه..الله لا يقوله..انا ما احب قطاوه..اخيييي.. شجون:هههههههههههههه..قطاوه مرة وحده..؟؟ أم راشد:عيل هـ الألواان اللي في عيونها والعيون الزرقا شو تسمينها..جنها قطوه يايه من الشااارع.. سلامي:يماايه انا متعدله حق ريلي.. أم راشد:هاذا عدول هاذا..ابصم لج بالعشره ان ما يود عقاله وفره ع الأرض وشرد من البيت..حشى..تزيغييييين.. شجون:هههههههههههههههههههههههههاااااااااااااااااااا ااي.. سلامي"اتطالع شجون":تضحكييين هاااااه..؟؟..يعني الا عدسات..و آي شدو وردي خفيف..لـ هالدرجه مب حلوووو.. أم راشد:يا زينج وانتي تحطين جحال ..وبس..اما هاذا اللي فـ عيونج..اخيييييي..يخرع.. سلامي:هاااااااه..؟؟ شجون:نيااااااهااااااااهاااااااااهاااااااااااا.. ام راشد:اييج شور..؟؟ نشي غسلي ويهج.. سلامي"اتنش من مكانها":وشورج ع العين والراس..عيل بسير بغسل ويهي.. شجون:ههههههههههههههههههههههههه.. نشت سلامي من مكانها..وسـارت لـ قسمها عسب تغسل فيسها..من صوب.. أم راشد:هاه..حرمت ابوج شحـالها.. شجون:الحمدالله يسرج حالها.شربت دواها ورقدت.. أم راشد:منو فـ بيتكم..؟؟ شجون:غبوش ختيه..وحريم عمومتيه كلهن..أمايه تعالي بسمعج احلى غنيه.. أم راشد:لالالا.يا بن روغه يا بلاها هالأغااني.. شجون:والله كيفج.. يلست شجون ع اللاب جدام امها العوده..اللي كاااانت تسولف اروحها..شكلها بدت تخـرف..لوووول..اشــوي الا حمـد وشموس حادرين البيت بالموتر..وعاده حمد..بدا يزود جرعة الإستهبال..ويجرب الموتر من العيوز وشجون.. حمد:يلا يماايه اتشهدي خلاص انا اللحينه بدوسج انتي وبنت ولدج..خلاص يمايه يمكن هاي اخر مرة اتشوفيني فيها..تهع تهع تهع.. شجون:وااااااايه سأنقذ نفسي بـ نفسي>>لا قولي والله انتي بس..وقـامت الأخت من مكانها وربعت لأخر الحوي.. أمهم العوده:مسود الويه ..جان فيك خير وانته ريال من صلب ريال دوسني وشف شو بسويلك انا ما مردغت يمبك بهالعيره بتقول قالت امايه العوده.. حمد:لا خلا انا غيرت رااايي..بسير صوب شجون.. شموس"توقفه عند حده":حرام عليك بتزيغ البنيه.. حمد:هع..اللحينه شجون بتزيغ مني..اسميج ما عرفتيهن زييييين..هاييلا تربية رويض..هع هع.. وحركـ الموتر صوب شجون..الي فجت عيونها من كثر ما تروعت منه..ع بالها ان حمد من صج بيدوسهااااااااا..غبيااااااا... حمد"مظهر راسه من الجامه":يلا اعترفي بكل سيئاتج اللي سويتها فـ الدنيا وصدقيني ما بدوسج.. شجون:ايه انت لا تيلس تستهبل..هـ المسأله فيها حياه وموت.. يجرب السياره منها أكثر.. حمد:هاه بترمسيــن ولا..شو سويتي في حياتج..شو هـي الأعمـال السيئــه..؟؟؟؟!!!اعترفي..قولي..تذكري شي مني منــااااك..انتي هـالويه البرئ احس ان من وراه شي..ويا ماتحت السواهي دواهي.. صخت شجون..وقف قلبها..حست انها تسمع صوت الدم وهو يسري بعروقها..شافت ويه خالد جدامها..اووووه..هـ الذكرى الأليمــه للحينه ما نستها..ما عرفت شو تسوي..كل اللي سوته..انها ابتعدت عنهم.. حمد:بلاها هاي...؟؟ شموس:الله يهداك..زودتها والبنيه اكيد زعلت.. حمد:أووه شموس بس انتي تعرفيني كنت امزح.. شموس:اللحينه شو بتسوي.. حمد:بشوفها بعدين وبرمسها..عاد هاي شجون ختيه الصغيره..المهم المهم..ظهري الأغراض بنسير صوب امايه العوده .. شموس:يلا.. حمد:لالالالا..نسيت انج حااامل..خلج مرتـاحه.. شموس:لا ما عليك باخذ الأغراض ما بيستوي بي شي..>>وحركت يدها عسب تفج البــاب.. حمد:لالالالالالالالا..انا شو قلت لج..لا تسوين شي..ون منت.. وسار حمد وفج لها الباب.. حمد:وااااااااو يا احلى مس شموووس فـ الكون كله.. شموس:انته واايد تبااالغ.. حمد:قولي والله.. شموس:والله.. حمد"بابتسامه":انزين هاذا احلى شي.. × × × ملكت القلب ولا تكــثر ظنونك..ولو قلبي يبلي غيـــــــرك نهرته يمر البال ناس يشبــــــــهونك..كثر ما مر غيـــــــــرك ما ذكرته رياح الشوق تستأذن سـكونك..بها من الوجد فوق اللي انتظرته يكفيك العمر فدوه عيونــــــك..وكل الـــــــــــــــحب بدربك نثرته : : أبوظبــي دار الظبــي.. قسـم هزاع وشيخه.. الســاعه 12 ليلاً..>>وااككككك.. رن تيلفونها فجأه..وفزت من مكانها..شافت الرقم..وقلبها طااح طيحه محترمه في بطنها.. هزاع:بلاج ما تردين.. شيخه:هــااه..؟؟ هزاع:اقولج بلاج ما تردين.. شيخه:امبلا اللحينه برد.."وردت ع التيلفون"..هـلا.. ناصر:اهلين..شحــالج...؟؟ شيخه:بخير الحمدالله.. ناصر:ليش ما تردين بسرعه.. شيخه:ههه..لا بس كنت مشغووووله.. ناصر:هيه..بعدين بتنشغلين من الخاطر..ع العموم..في هديه غاااويه اللحينه بتوصلج اتمنى انها تعيبــج.. شيخه:شوو..؟؟؟>>وبدى راسها يعورها من الأفكار السودا.. ناصر:نيااهاهاهاهاهاها..يلا باي يا قلبي.. بند ناصر التيلفون فـ ويهها..وهي تمت فاجه ثمها.. هزاع:حووووه..بلاج ما تردين..عليه....؟؟ شيخه:لا..ما كنت اسمعك..شو قلت...؟؟ هزاع"طالعها بنظره":لا ما قلت شي..بس اقولج يلسي بلاج واقفه.. شيخه:هــاه..؟؟..انزين اللحينه.. بندت تيلفونها وحطته في كندورتها..ويلست اتكمل سوالف ويا هزاع..بس قلبها قارصها.. × من صوب× أم هزاع:هاه هنوده أخوج رقــد.. هند"تاخذ الريموت":هيه امايه شرب دواه ورقـد.. أم هزاع:دقت ام شويخ اليوم اتسلم عليج وتسأل عن بنتها.. هند:هيه صح شخبارهم..؟؟ أم هزاع:الحمدالله..والله يا ان هـ الحرمه طيبه..بس بنتها مول ما توقعتها جيه.. هند:يمايه انتي اللي اخترتي البنيه.. أم هزاع:ردينا ع الطاري يلي..انتي بلاج ما تشوفين عيون هـ اللي اسمها شيخه..والله يا ان الشر ظاهر من عيونها ومقطعنها تقطيييع.. هند:انا ما عليه الا اني اسمع رمستج وانفذها.. ام هزاع:وقالوا انهم بيتأخرون في سفرتهم..لأنهم قالوا بيعالجون ابوشيخه.. هند:هيه..الله يشفيه ان شالله... أم هزاع:آمين.."وتسكت اشويه"..هنوده..منو ياينا فـ هالحزه.. هند:والله مادري..أسير اشوف.. أم هزاع:لالا..اكيد البشكاره بتيي.. دقيقتين..الا البشكاره تفتح باب الصاله العود..وميوده بيدهـا فايل..>>يـا هالفايل أبو المشاكل.. البشكاره:ماما هازا في ريال يجي يقول يعطي هاذا بابا هزاع.. هند"تنش من مكانها":أكيد شي يايبه السكرتير من الشركه..ييبيه بوديه صوبه..>>ما تعرف ان اخوها معين سكرتيره..وتكون ربيعة حرمته.. أم هزاع:لالالا..ما استوت من قبل..الشغل وااصل لـ هزاع الساعه 12 بليل..ييبيه وفجيه خل انشوف شو دااخله..انا قلبي قااارصني..مب مطمنه.. هند:على شورج.. وتفج هند الفايل ببطء.. أم هزاع:فجيه بسرعه بلاج جيه....؟؟ هند:انزين لحظه لحظه.. وفجت هند الفايل..ظهرت اشياء وايد..شافت صور..واول صورة طاحت فـ يدها..رفعتها عسب اتشوفها..وانصدمت..وخلت يدها معلقه فـ الهوى ويا الصوره.. أم هزاع:ايه انتي..شو يالسه اتشوفين.. هند:.........امي..امي هاي شيخه صح...؟؟ أم هزاع:هاه شو يالسه تقولين.. وتاخذ الصور عنها.. أم هزاع:واااايه الترااااااب..انا كنت حاااااااسه..ان هـ البنيه ما من وراها الا سواااااد الويه..وينه هالإحساس ليش ما ياني يوم شفتها فـ بيت ابوها..وه يا قلبي وه..اللحينه..انا مخليه بنيه صايعه ضايعه متصوره ويا الشباب في الشقق تعيش فـ بيتي وتاكل من اكلي ومتهنيه ويا ولديه..لا في ذمتيه ما صارت وانا بنت ابويــه.. تمن ايشوفن الصور.. هند:يمي..بسير بعقها فـ الزباله..ما يحتاي نوصلها لـ هزاع..والله ليذبحها ويخلينا رمسه فـ حلوج الناس اللي يسوى و اللي ما يسوى..انتي تدرين به ولدج..وبييلس يلومج..وبيعق الشرهه عليج.. أم هزاع:يلومني لين ما يحطني فـ قبري..الا هالحيه اللي تتلوى فـ بيتي وبين عيالي ما اخليها تيلس و لا ثــااانيه..يا انا يا هي فـ البيت..ييبي الصور اقولج ييبيها.. أم هزاع لمت الصور بسرعه..و زقرت البشكاره اتطرش الفايل فوق لـ قسم الشيوخ شيخه وهزاع..وشلت بنتها وظهروا من الصاله.. : : العنيــدي: طاااع..اللحينه انا اروحي فـ الصاله..آآه يالدنيا عيالي خلووني..هههههههه..لا صدق هاي ام هزاع شلت بنتها ورااااحت..بس الشي الحلو..انيه اشوف جدامي..جاهي وفواله..ولا وحلوى عمانيه بعد..تبووون..ماريد اعطيكم..>>خبييييييثه..خ خ خ خ خ وه يا قلبي بس..اتشوفون اللي اشوفه..هـااي ذبحني الشوق..شو يابها.. ذبحني الشوق:سلامن عليييج.. انا:وعليييج السلام والرحمه.. نشيت من مكانها بوايهها..ودقيييينا الخشــــم..كككك.. انا:وشحــالج وشحال هلج وتواليج وعربانج كلهم..؟؟ ذبووح:بخير وسهاله..من صوبكم..ربكم الا بخير.. انا:زين زين شفنـاج... ذبوح..انا ولا انتي..؟؟:@..من متى اترياج ع المسن.. انا:سوري سوري اخر مرة.. ذبوح:المهم انا صاكه مشوار من بيتنا اقولج متى الحرب الثااانيه..ومتى بتظهريني للمول.. انا:وه..ام سوري..تدرين بس انسى كل شي الا بطني..بس ما عليج الأيـام بينا.. ذبووح:اوكي عيل يلا فـمان الله.. أنا: وييين وييين ما تفااولتي.. ذبوح:فـ المول فـ المول..بعدين بعدين>>البنيه مستعيله.. اشوي الا ذبحني الشوق تطير فوق مكنسه..ساحره بسم الله مب عضوه..خ خ خ خ ..يلست بهداوه..اغني ميحد..بالهدواه يا دوا المشتاق خذني بالهداوه..واشرب جاهي حليب مهيّل..عاد يا زينه زينااااااه..ريحته بس اترد الروووح..ويذكرني بـ بر الشمــال وبر السعوديه أيــاااام الشتاااااا.. المهم..الا اسمــع صوت صرييييخ..وسب ولعن خيــر..نشيت من مكـاني اشوف شو السالفه..ما اشوف لكــم الا الأخ هزاع ميود شيخه من شعرها..ويسحبها ع الدري..وجسمها كل مرة يدق فـ كل مكاااان..كـانت تصيح بصوت عالي..واتصاااارخ...من الضرب اللي يييها بكل قسوه..وهو..يفرها من غنفه لـ الثانيه..وخلاف يعقها ع الأرض..ويتوطـاااا في بطنها..يدووس بأقوى ما عندها..يرفعها مرة ثانيه..يثبت راسها بيد..ويصفعها بيده الثــاانيه..يسبها..يسبها..يلعن خيرها..والله ما خلا كلمة شينه الا وقالها..وااااو لو شفتوا شعرها اللي تقطع وتناثر ع ارضية الصاله من غير الدم اللي ظهر من خشمها وثمها واندمج مع هـالشعر وويا دموووعها الي ما وقفت عن السيييل.. هزااااع تهور..صار يدق راسها باليدار..وهي تترجاه يتركها .. يريحها اشوي بس بعدين الشور شوره اذا وده يكمل الضرب..وهذا من غير الأعذاااار اللي اتييبها وتبرر موقفها..وكـانت تحلف ..وتذكر اسم الله علي لسـانها بشي مب صحيح..تحلف انها مب هي اللي في الصور..مب هي..وحده ثانيه وتكرهها وتبى تخرب حياتهم........!!!!!!!.. تدخلت ام هزاع..يوووم شااافت ان الدم صار يظهر من راس شيخه وان البنيه يمكن فـ أي لحظه بتموت..و ريّحت شيخه عن الوحش اللي اسمه هزاع لـمدة ثوااني..اقنعته يطردها ويخليها ويطلقها..خلاص..شو يبا فيها دام هاي سواياها..أنها تظهر ويا هالريال يوم كانت بنيه وحتى من بعد ما عرست..لأن ناصر مطرش رساااله ويا الصور لـ هزاع بنفس الأسلوب والكلمـات والصواريخ اللي استعملها فـ رسالته لـ سيف.. و اللحينه..هزاااع يود شيخه وفرها خاااري البيت..جنها زباله بيعقونها اللحينه فـ الزباله العوده..استغفر الله العلي العظيم..ولكـن..هاذا هو أبلغ تشبيه لـ حالة شيخه..وتبند البــاب في ويهها..دقت عليهم..كسرت الباب عليهم..للحينه عندها أمل انها ما بتهدم الحلم الوردي اللي عاشته..ما بتهدم حلم حياتها..[ هزاع ] .. ما تريده يودرها بهـالسهووله..بس للأسف..محد ساعدها..الا هند اللي حن قلبها..وساعدتها تركب سيارة البيت..ويوديها الدريول بيت هلها......!!!!!! وصلت الشعبيه اللي فيها بيتهــم..ظهرت من السياره وهي بكندورتها مالت البيت والشيله..والدم..ينزف من كل مكاااان..كـان تمشي لين باب البيت..وهنيه ..تذكرت انها كيف بتدخل بيتهم..وهلها محد..مسااافريـــن..وماشي مفتـاح عندها..تندمت مليووون مرة..لأن لو خذت المفتـاح..كــاااان الحال تحسن اشويه..ضاااااااقت بها الدنياااا..حست عمرها وحييييده.وضعيفه..جدام الله سبحاانه وتعالى..من متى وهي تحس بهالشعور اللي اسمها شيخه من متى..طووول عمرها متكبره وجبروتها وين يّوصل..اللحينه..حست بضعفها وانكسارها جدام حكمة ربها.. من بين هـ الدمووووووع..لمحت بيت حصه..اللي عدال بيتهم..ما ترددت..سارت صوبهم على طووول..دقت الباب..دقت ودقت ودقت ودقت..لين ما قالت بس..ولكن..للأسف الشديد..لا جواااااااب..شافت البيت مظلم..وتذكرت ان حصوه راحت لـهــلهم اللي فـ الشارجه..شو تسوي..منو لها.. ردت لباااب بيتهم..من الخوف اللي فيها..يلست اتدق باب بيتهم..و تدقه وتدقه..كااانت تصييييييح بصوت مسموووع..كله ألم..كله خوووف من هـالزمــان.. خطفت سيااره كــانت ممزورة شباب..كل ابوهم وطوا الجامات من شافوها..ومشوا بشوي شوي..يحللونها من فوق لين تحت..الواضح انه كانت بتم هناك عمليه اختطاف..ولكن..من شافوا حالتها غيروا رايهم..ومرت نص سااااعه..وهي فـ هالحاله..تصارع الخووف..والخوف يهزمها..تصارع الدموع..والدموع تهزمها..لين ما وقفت سياره ثانيه وظهر منها شاب .. الريال:السلام عليج ختيه.. شيخه:روووووووح..روح الله يخليك رووح..انا اروحي هنيه ضعيفه.. الريال:بسم الله ..بلاج ياخي انا بعرض مساعدتي لج.. شيخه:لالالا..ماريد مساعده"وبصوت عالي+ صياح"..رووووح الله يخليك لا تقرب صوبي..ماريد منك شي .. الريال:استغفر الله العلي العظيم..قوليلي وين هلج وين بيتج..بوديج صوبهم..استهدي بالله يا بنت الناس.. شيخه:انا ما عندي اهل..ما عندي حد..رووح رووح عني.. مافيني ع المشاكل..بس..كافي اللي فيني.. تم الريال يطالع فيها..بنظرات اكيد بيكون مستغرب منها..مشى وركب الموتر وحركه..وهي..يلست بكل خوف ع طرف باب بيتهم..لو اقولك انها صاحت دموع..بجذّب..كــااااانت تصييح دم من زود القهر..كانت تصيح على كل افعالها الشينه في حياتها..كل شي يمر بسرعه..وكل شي انقلب ضدها..تذكرت..ناصر..الشقه ..الصور..سيف..رويض..حياة رويض اللي انهدمت..كل شي يأ في بالها..عرفت..ان اللي يستويلها اللحينه..وان هـ الحال اللي تعيشه فـ هاللحظه..جزاء و عقاب من ربي..على افعالها.. فجــأه..تذكرت ان حطت تيلفونها في مخباها..جـان اتظهره بسرعه..تمت تهوس ع الأزرار اللي فيه..اتدق على منو ولا منو.. اول اسم..اسم حصوه..وحتى لو دقت لـ حصوه..شو بتسوي لها..يعني.هي بالأصل مب في بوظبي..وبعدين اسم ناصر..ومستحيل اتدق له..تيلفون أمها..سلطـان اخوها..وفـ الأخير..طاح نظرها على أسم "ميثاني"..وعلى طول دقت لها.. شيخاني:ألووو..الووو ميثاني لحقي عليه يا ميثاني راحت حياتي.. ميثاني:بسم الله الرحمن الرحيم..شويخ حبيبتي بلاااج ..شو مستوي..؟؟ شيخاني:على آخر عمري..استويت انطق وانعق فـ الشااارع..حالي من حال التراب اللي ادوسه بريووولي..خلا..خلاص والله ما فيني حييل..لحقي عليــه... ميثاني:هدي اعصابج حبيبتي انا ويـاج لا تحاتين..انتي وين اللحينه..؟!! شيخـاني:انا جدام بيتنا..ميثوه..خـ..ـايفه وربي خاايفه.. ميثاني:شووو..؟؟وليش مب فـ بيت ريلج.. شيخـاني:آآآآآه..ميثاني بقولج السالفه عقب..بس تعالي وخذيني..انا ارووحي..وبيت هزاع ما يستقبلني..حسبي الله عليك يا ناصر جانك هدمت حياتي فـ لحظه..الله يلعنك ويلعن الساعه اللي عرفنك فيها.. ميثاني:خلاص خلاص هدي اعصابج..تدرين بس محد عندي الا امايه..وما نروم نظهر من البيت اللحينه.. شيخاني:لا ميثاني..لا تقولين جيه..منو لي غيرج..ميثا بليييز بلييييز ابووس يدج دوريلي حل..خذيني من فريجنا..السيايير كلها اتطالع فيني..بلييز ميثا الله يخليج>>شوفوا..هاي شيخه اللي ما كانت تتنازل تنزل مستواها..اللحينه تريد تبوس يد ميثا..الله يا الدنيــااااا.. ميثاني:اوكي.انا بدق على رويض..هي الوحيده اللي بتروم اتســاعدج ..يلا باي.. بندت ميثا التيلفون في ويه شيخه بسرعه..وشيخه..انهارت ع الأرض ويلست اتصيح..حالها انجلب اليوم..وتبدل..من احسن لأسوء..آخر ما توقعته..ان الإنسانه اللي دمرت حياتها بسبب صور..هي اللي بتساعدها..واكيد بتساعدها.. .+[ صوووووووب سويحــان ]+. فطــامي:يا ويل حالي عليك يا شاروخـان..اسميك ما فيك حيله.. رويض:....................................... فطامي:بل بل الشيخه بلااج ما تعلقين ع الفلم.. رويض:هــاه.شو قلتي..؟؟!! فطامي:اقول اقول..خلج ع الخط انتي..كنت اقول منذ ثانيه ونصف بلاج ما تعلقين ع الفلم.. رويض:شووو..؟؟خلص..؟؟! فطامي:هااااع يا هااااع..خلص..؟!!انتهى + انتهى + انتهى... رويض:ما انتبهت.. فطامي:الله يستر بس..يلا انا بسير برقد..الساعه صكت الهنتين وانا بعدني ما رقدت وباجر مدارس.. رويض:هيه صح كلامج.. أول ما نشت فطامي من مكانها..دق تيلفون رويض اللي كان مفرور ع الغنفه الثــانيه..فزت رويض من مكانها..وهي اتطالع فطامي بنظرات اتدل انها فرحـانه.. رويض:شفتي..قلت لج ان سيف ما ينسـاني وبيدق لي.. فطامي ما علقت ع اللي قالته..وشلت رويض موبايلها وتمت تطالع الرقم.. رويض:هاي ميثوه.. فطامي:غريبه..؟؟!! رويض:آلوو.. ميثا:هلا رويض..شحالج.؟ رويض:يسرج الحال ومن صوبج..؟! ميثا:ما نشكي باس..السموحه منج داقه عليج اللحينه..بس الأمر ضروري.. رويض:رب ما شر..؟! ميثا:رويض..ترى شويخ يالسه عند باب بيتهم..مادري شو استوابها..سوتلي تيلفون وهي اتصيح..لو فـ يدي جان ساعدتها..بس مارووم..فـ قلت ادقلج.. رويض:شووو..؟؟عند باب بيتهم فـ هالوقت..شو سالفتها..؟؟ ميثا:مادري والله....؟؟!! ميثا..يلا عيل بخليج انا بسير بييبها.. ميثا:اوكي عيل يلا باي.. رويض:باي.. فطامي:شو السالفه.. رويض:سكتي..شويخ اللحينه واقفه جدام بيتهم.. فطامي:هع..تتريا حد يعزمها يعني..الغبيه تحدر بيتهم..؟؟!! رويض:انتي يالسه تستهبلين..؟؟..البنيه هلها مسافرين..سيري قولي لـعموتي وانا بزقر الدريول.. حطت رويض الشيله ع شعرها..وظهرت بتشوف الدريول وينه..ما تريد تسير صوبه..فـ راحت المطبخ اتشوف وحده من البشاكير اذا كانت واعيه تزقره..وزين انها لقت وحده منهن وقالت لها تزقره.. وبعد خمس دقاييق..وصل الدريول وهو فـاج وحده من عيونه والثانيه مبنده ولله الحمد.. رويض:يلا شغل موتر اللحينه يسير بوظبي.. الدريول:بابا سيف يقول انتي مافي يروخ"يروح" مكان..انا ما في ودي انتي مكان.. صخت رويض..تتحرى الريال مشفر..ودهمان وحليله.. رويض:شو يقول انته..انا يريد يسير بوظبي.. الدريول:ام سوري..انتي مافي يركب سياره.. سارت رويض عنه..وتأكدت اللحينه ان سيف موصي الدريول ما يظهرها من مكان..يعني..لا سيف يظهرها ولا الدريول.يعني..بيخليها عايشه فـ هالسجن لين متـى..؟؟!!!فجت باب الصاله..جـان اتشوف أم سيف في ويهها.. أم سيف:رويض بنتيه..رب ما شر ..؟؟!! رويض:دقت لي ميثا ربيعة شيخاني بنت عموتي ناعمه..اتقول لي ان شيخه اتصيح وواقفه جدام باب بيتهم.. أم سيف"تاخذ عباتها":يلا يلا تعالي ويايه.. رويض:هاه..؟؟ أم سيف:تعالي ويايه..ورمسي سيف قوليله ايي.. رويض:لالا..سيف شكله فار تيلفون في الموتر مايرد..وانا مافيني ع صك خطوط بوظبي..فطامي بتسير وياج.. فطامي:هاه..؟؟لا انا ماسير لهالأشكـال..انتوا شو تبون فيها.. أم سيف:قطعي الرمسه يلا..وييبي عباتج انا بترياج.. ظهرت ام سيف..وهي خايفه على بنت اختها وحالتها لله..وفطامي رضت ويابت عباتها وسارت وياهم..ويلست ارويض اروحها..على طرف الدري اللي فـ الحوي..ويوم حست بالهبوب الباارده..جـان تشل بعمرها وتيلس فـ الصاله..كل ما غضت عيونها ثواني..فزت من مكانها..وفكرها مشوش..بين سيف..وبين شيخه.. : : من اكون ؟؟ انا السعاده في حياتك والا الجراح والا الطعون ؟ انا الحبيب والا القريب والا مسافر ما يدوم ؟ انا العقل في دنيتك والا الهبال والا الجنون ؟ ابسألك ورد علي .. في دنيتك من اكون ؟ يتبــع.. فـ البارت الياااي.. |
الجزء الثالث والثلاثيـــ (33) ـــن •!¦[• ج ـبتها ع الـ ج ـرح •]¦!• : : بعض البشر طبعه مقدر ومحشوم .... وبعض البشر عيبٍ عليك احترامه واللي ستر عيبه عن الناس بهدوم ... وش يستره لا صار عيبه كلامه فزت من مكانها بخوف..وتمت اتطالع المكان اللي هي قاعده فيه..طالعت عمرها شو لابسه..استغربت..هاي مب ملابسها..وهالمكان ما تعرفه..شافت دريشه جدامها..حركت ريولها..وحست بويع فظيع..جـان تريح عمرها..ردت خصلات شعرها على ورى..وحطت يدها على طرف عينها اليمين..تذكرت أحداث البارحه الأليمــه..والساعات اللي عاشتها بين الخوف والحزن والنـدم..وكــانت اتعس اللحظـات اللي عاشتها..كل الأحداث مرت بشكل سريع..خلت الدمعه اتطيح بعد بشكل سريع..بس شيخه ما مسحت اول دمعه طاحت على عيونها..لأن شيخه من متى تصيح من متى تعترف بشي اسمه صيااااح..أو دمووووع..عايشه حياتها كله في الوقاحه واللعانه.. قست على عمرها ونشت من مكانها..يلست تمشي ببطء لين ما وصلت صوب المنظرة اللي شافتها جدامها..وشافت عمرها..وانصدمت..بل..ويهها مشوه بقوو..تمت تحط يدها ع الجروح والكدمـات..حست عمرها توها الا ظاهره من حلبة مصارعه..ويهها منتفــخخخخخ..ودرت المنظره..و ردت حطت عيونها ع الدريشه اللي جدامها..كان في ضو خفيف ظاهر من الستـاره..وسحبت الستااره..انصدمت بتواجد دريشه عوده..هع..تحرته باب..بس لا..ظهرت دريشه من بداية السقف لين نهاية اليدار تحت..شافت حديقه صغيرونه على شكل دائره..عيبها شكلها..لأنها كانت حلوة فيها كرسيين وطاوله صغيرونه..تمت تطالع الورود..لين ما انفج الباب..ولفت ويهها بخوف اتشوف منو اللي يأ..انصدمت من شافت رويض.. شيخه:روضه..؟؟ روضه:شيخاني فديتج متى نشيتي.. سارت بسرعه صوبها ويودت يد شيخه ويلستها على اقرب كرسي جدامهن.. روضه:استريحي استريحي.. شيخه:................................ وسارت رويض صوب الكبت..وظهرت جيس..و عطته شويخ.. رويض:يودي..هاه فيه اغراضج.."بابتسامه"..سرنا انا وعموتي اليوم السوق وخذناهن لج..كل اللي عليج خذيلج شور ..شكلج وايد تعبانه..وبعيدن بييب لج شي تاكلينه.. تمت شيخه اتطالع فـ رويض..بنظرات غااااااااامضه..تحس بشي يقطع قلبها..يدخل بين شرايين هـ القلب..يقطع فيهن يلعب بهن..يقولها شوفي الإنسانه اللي دمرتي حياتها بسبة افكارج السخيفه..شوفي كيف مستهمه عليج وماخذه همج على راسها.. رويض:حوووه..شيخه بلاج..يلا نشي.. نشت شيخه من مكانها..وسارت الحمام الله يعزكم..من صوب..ظهرت رويض من قسمها..ومشت للمطبخ..قالت للبشكاره اتعدل الأكل لـ شويخ وتييبه صوبها..ظهرت من المطبخ..وسارت وقعدت عند أم سيف وبنتها فطامي اللي كانت حاطه اللاب جدامها.. أم سيف:هاه رويض..نشت شيخه ولا بعدها.. رويض:هيه نشت.. أم سيف:الحمدالله..الله يهداها ما خلتنا انوديها المستشفـى.. فطامي:هههههه..والله ضحكتني..امايه تقولها شويخ بنخطفج على مستشفى المفرق تقووول لا دخيييلكم لا تفظحوني زياده..هههههههههههههه.. أم سيف:والله يا ان ما لميتي ثمج قسم بالله افرج بهالنعله.. فطامي:بل بل العيوز مصنفره..خلاص خلاص بنسكت.. أم سيف:والله يا ان هالبنيه غمضتني..هلها بعاااد عنها ويستوي بها جيه.. فطامي:مب من شي..اكيد مسويتلها بليه وكشفها ريلها ولعن خيرها وعقها عند باب بيتهم..دواها الحقيره دواها .. رويض:فطيم الله يهداج اشو هالرمسه هاي بنت خالوتج جيه ترمسين عنها..حشميها.. فطامي:هاي عيبــن عليه احترمها..انته ليش اتدافعين عنها بعد الي سوته فيج..هيه والله ذكرتوني..اللحينه بسير صوبها وبقولها وبفتح وياها السالفه..منو هي عسب اتسوي فيج جيه.. أم سيف:صخي ولمي ثمج يلا..والله يا ان دريت انج مأذتنها برمسه..شوفي شو بسويبج..وشويخ وحليلها شو سوت في رويض..هن اخوات ما بينهن هالرمسه.. فطامي:افا يا ام فطيم افاااا..هانت عليج العشره بهالسهوله..اللحينه أنا اتقولين لي هـ الرمسه..افا والله افا..سمعي هالأغنيه اهدااء لج.. يلست فطامي اتسمع امها اغاني حزينه..وحليلها البنيه امها متغيره عليها..لووول..جـان اتنش رويض من مكانها وسارت ويا البشكاره صوب قسمها..يوم فجت الباب فزت شويخ من مكانها ..شكلها صارت حساسه..هع.. ابتسمت لها رويض..وطلبت منها اتيي وياها..مشت شيخه..وهي تحس بغربه ..بوحده..كان احساسها جداً صعب ..وصلن فوق..وفجت رويض الباب..وانتشرت ريحة الدخون .. رويض:حياج شيخاني تفضلي.. تجدمت شيخه..ودخلت الحيره.. رويض:السموحه عاد ما لقينا مكان ترتاحين فيه الا غرفة خلودي..عشـان تاخذين راحتج فيهـا.. شيخاني ما ردت عليها..مب تكبر هـ المرة..لا..هـ المرة تحس انها مستحيه منها..هع.. اشرت رويض للبشكاره اتحط الصينيه ع "الطربيزه"..هههههههههههه..شو رايكم فيني كافة اللهجات اعرفها..اتحط الأكل ع "الطاوله".. رويض:انا اللحينه بظهر عشان تاخذين راحتج..واذا تبين شيي امممرة ما يردج الا لســانج.. ظهرت رويض ..فـ الوقت اللي شيخـاني تمت اتطالع فـ زوايا هـ المكان..يوم شفت رويض ظهرت من عندها..جان افز وارمس اللي اسمها شيخه.. انا: لا يكون هب عايبنج المكان... شيخاني:لا بسم الله حد قال..؟!! انا:مادري من نظراتج.. شيخاني:لا عايبني المكان..بس خلود حرمة سلطان.. انا:شو بلاها..؟! شيخاني:شو بتسوي لو عرفت اني احتليت مكانها..؟ انا:شو بتسوي يعني..بيكون عادي عندها..تتحرينها شراتج يعني.. فجت لسـانها ..كانت بترد عليه..بس انفج الباب..كـانت أم سيف..يلست عدالها..سألتها كمن سؤال..يعني.شو السالفه..شو اللي صار..وشيخه ما عطتها السالفه الصحيحة..ولعت عليها كمن صاروخ ..عشان تصخ العيوز عنها..وظهرت ام سيف عنها.. × × × ســلام العشـق وأعمــاقه..يضم القلــــب بــأشــواقه.. تجيك الروووح مشتـــاقه...وتهديـــك القصيد ألوان.. يــوم الخميــس.. السـاعه 5 وربــع.. بيت ابو خليفـــه.. ظهرت سلامي من قسمها سايره صوب المطبخ..وخلوف يمشي عدالها.. خلوف:افا افا.. سلامي:شو اللي افا.. خلوف:أقولج اليوم بنظر بنتعشا اتقولين لي ماريد.. سلامي"تصد صوبها بنظره":بس جيه كيفي.. خلوف:اوكيه ادري كيفج..بس راعي شعوري اشويه.. سلامي"بعصبيه":اراعي شعورك..؟؟وانته يوم تخوني ليش ما تراعي شعوري..؟! خلوف:قلت لج انا ما خنتج..كل الي صار كان بيد بنيه ملعونه سحرتني وبس.. سلامي:تدري خليفه..لو وحده ثانيه احلف لك ما تصدق الرمسه اللي تقولها.. خلوف:بس انا مالي ذنب.. سلامي:بعد ما تسوي اغلاطك اتقول انا مالي ذنب..لازم يعني تبري عمرك.. خليفه:اوكي..انا غلطان..اعترف غلطان..تبغييني اصارخ يعني جدام الناس..اقولهم انا غلطااان.. سلامي"بخباثه":هيه هاللي اباه.. خليفه"بنظرات فيها مكر":اوكي..عطيني خمس دقايق.. سلامي:اوكي.. سارت سلامي للمطبخ..فـ الوقت اللي يلس خلوف يتحوط فـ الحوي يفكر شو يسوي..يراضي سلامي..عادةً..هـ الوقت..الأكثريه من العايله يروحون للعزب..حتى العياييز مشالله عليهم..لازم كل عصير العزب العزب العزب..فـ البيت كان فاظي..يعني في مجال للإستهبال اللي بلا حدود.. × من صوب × حدرت سلامي المطبخ..وهي متضايجه..من اللي استوالها فـ الفتره الأخيره..يعني هي محتاره ما تدري شو تسوي..هي سامحته..بس قلبها لا..سامحته ليش..؟؟لأنها كانت تبغي تشوفه..ومشتاقه له..بس اللي صار صار..بتحاول تنسى هالشي..في قرارة نفسهاااا..متأكده..ان خلوف ما بيسوي هالشي عن رضا خاطر..أكيد كان السحر لاعب به عسب جيه..والدليل..إنه صارحها..يعني لو كان ما يحبها وما يخش عنها شي..جان استوابها شي ثاني..لووول.. بعد ما ورت الضو..ظهرت من المطبخ..انصدمت بالمنظر اللي شافته..تمت تطالع..وهي تحس عمرها اشوي وبتموت من الضحك.. جدام باب المطبخ بالضبط..خلوف..يايب ناس..عشان يصارخ جدامهم ويقولهن انه هو الغلطان وانه يعتذر لسلامي.. منو هالناس..بشاكرتهم الفلبينيه..وبشكارة ييرانهم اللي ورى بيتهم..وبشكارة قوم رويض والدريول مالهم.. خلوف:نفرات نفرات..سكوت سكوت.. الكل تم صاخ ويطالع خلوف..وسلامي..مبتسمه.. خلوف:انا زياده يسوي غلط مشان قلب مال ماما سلامه انا يقول اللحينه سووووووري ماما سلامه انا ملعوم انا مافي كويس سوري سوري ماما..آي لف يو سلامه.. عاد الفلبينيات عيبهن الموقف..وجان يستانسن ويصفقن..اما الدريول يلس مبتسم ويضحك..من صوب..خلوف مشى صوب سلامي و يود يدها.. خلوف:ما صدقوا يشوفون فلم رومانسي.."ويصد صوبهم"..خلاص خلاص يلا سيروا .. سلامي:فظحتنا غربلات العدوو.. خلوف:عادي عادي.. سلامي:شو اللي عادي..اللحينه شو بسوي..؟ خلوف:كل اللي تسوينه تتزهبين بسرعه ورانا مشاوير.. × × × صدقـــــــيني مابقى للحب قيـمه .. الــــجفا شل الوفا واصبح مكانه والصراحه اصبحت كلمه قديـمه .. والـهوى اصبح خيانه في خيانه الســاعه 12 ونص..ليلاً.. أبوووظبــي..دار الظبي.. جدام العمـاره اللي فيها شقـة ناصر..سكرتير سيف الأولــي..وقفت سيارة سيف..واللي كان يسوق هو سهيل..فج الباب سيف بيظهر..بس سهيل يود يده.. سهيل:السالفه فيها ان..بن المر..قولي شو السالفه.. سيف:تصفية حساب ويا اللي اسمه ناصر.. سهيل:ليش..شو مسوي الريال..؟؟ سيف:شارد ..يتحراني ما بدل بقعته...شل يدك عني.. سهيل:ما بشلها..قولي شو السالفه..ولا اقول..بسير وياك.. سيف:لا تسير ويايه ولا الله قاله..قر مكانك لين ما ايي..ما بطول بس 5 دقايق.. سحب يده من عند سهيل..ورقع الباب بقوو..مشى ودخل العمــاره.. وعيون سهيل ترقبه..توه اليوم ياي من الكويت..و انصدم من رمسة سيف انه باجر ع السـاعه 10 فليل بيسافر الكويت وبيكمل شغله ..بس اروحه..غريبه..مب من قبل قايل له انا والعايله بنسير..؟؟!!! غير موجة افكاره..للي قاعد يستوي اللحينه..شو السالفه..شو اللي بين سيف وناصر..شو يقصد بكلمة(تصفية حساب)..كل اللي يعرفه..انا اللي اسمه ناصر حاط فايل وقال خاص لـسيف بن المر..وهالشي عرفه من خلال تواجده فـ الشركه في اليوم اللي استوت فيها السالفه..حتى انه بند بسرعه من شاف سيف..يبغي يقوله ان هـ الظرف واصلنك انته بالذات..وهـ الشي اول مرة تصير..انه يخصصون فايل لـ سيف أو سهيل..في كافة الأمور..كان يشتركون..كان يبي يقوله..ويسأله عن هـ الفايل بس غير رايه.. فكره ما راح لبعيد..كل اللي فكر فيه اشياء تخص الشغل وبس..ما فكر فـ الشرف ولا الحقاره ولا غيره..مرت خمس دقايق..وقال يلا بتريا 10 دقايق..وخطفت العشر دقايق..جان يفتح الباب..ويظهر من موتره..وسأل عن شقة الأخ اللي اسمه ناصر.. ؟ ؟ وصل للشقه..لقى الباب مفتوح..اول شي طاحت عليه عيونه..ناصر طايح الأرض وفي حاله يرثى لها..ربع صوبه..حط يده على الجرح اللي يظهر منه دم بشكل كبير تحت عينه اليمين..بس هزه صوت سيف..اللي كان واقف جدام منظره ويعدل سفرته.. سيف:شل يدك عن هـ الحقير..عسب ما تتعلم منه.. سهيل:انته شو قاعد تقول..الريال بيموت..شو سويت به انته.. سيف:قلت لك "تصفية حساب"..لولا الخوف من الله..جانك شفته مذبووح شرات الذبيحه..بس ربك ستر..يلا يلا..ورانا مشاوير لسويحان ورماح وباجر مشوار للكويت.. سهيل:شو مشاويره والريال هنيه طايح ميهود..بيموت .. سيف:هذا المطلوب.. سهيل:سيف شو بلاك..؟ سيف:والله ان ما نشيت من مكانك لا اسير وايلس بروحك عنده.. نش سهيل من مكانه..ونزلوا تحت..حرك سيف السياره.. سيف:شو ما تريد تسوق بعد اللي شفته.. سهيل:اريد اعرف السالفه..شو بينك وبينه.. سيف:الحقير الحيوان غلط عليه وسافر لـ قطر يتحراني ما اروم ايوده..خليت خلوف يتصرف ويعرف وين سار ووين رد..ومن دليت بقعته..سرت صوبه..تدري اني وايهته بالخشم بعدين طحت فيه ضرب..اسميني لعنت خيره.. سهيل:ما اشوفه سوابك شي.. سيف:مب ريال..لو ريال بيدافع عن عمره ..وبيصلب ظهره..كان منصدم من شافني..ما يروم يسوي شي..بس لسانه يباله قص.. سهيل:انزين..وليش هاه كله.. صد سيف صوب سهيل..بنظره خلت سهيل يسكت..سهيل كان يروم يتجاهل نظرات سيف..بس هو ما حب يضغط عليه ويرز فيسه في خصوصيات سيف.. سهيل:واذا اشتكى عليـك في الشرطه.. سيف:ما يسويها..ما عليك منه.. سهيل:باجر الصبح بييك بعطيك الأوراق.. سيف:............ سهيل:بن المر..بلاك... سيف:..هاه..شو قلت..؟؟ سهيل:عز الله الريال هب صاحي..شو سالفتك..رب ما شر يا ريال..؟! سيف:مـامن شر..بس انته شو قلت..؟! سهيل:قلت لك باجر بييك الصبح بييب لك الأوراق.. سيف:أي أوراق...؟! سهيل:عسب تكمل الشغل اللي فـ الكويت.. سيف:اها..اوكي اوكي..خلاص تم.. سهيل:متى طيارتك..؟؟ سيف:ع الساعه 10 فليل.. سهيل:بتسافر اروحك..؟ سيف:هيه.. سهيل:عيل بخاويك..ولا بقول لعمي ذياب يخاوينا.. سيف:لالا ما يحتاي..مابغي حد ويايه.. سهيل:ليش..؟ سيف:بس.. رد سهيل ظهره وحط سفرته على عيونه.. سيف:شو بترقد...؟! سهيل:هيه عيل بتم اجابل شيفتك..كل ما رمستك عطيتني نظره.. سيف:هاهاها..والله انك.. سهيل:هدوء هدوء.. سيف:ان شالله عمي سهيل.. صخ سهيل..شكله رقد..بس سيف..التفكير لعوزه..كان يطالع جدامه..ويحس بعمره يمشي لمكـان ما يدري وين..مايدري شو يسوي.. هل سفره وابتعـاده عن رويض بيحل المشكله..ولا بيزيدها تعقد..؟؟ كل اللي يبغيه..يتبعد وبس..جروحه تزيد من يشوفها..يحس انه يتعذب..ويتعذب..ويتعذب..عذابه ماله لا بدايات ولا نهايات..واللي يزيده أكثر وأكثر..اللي تسويه رويض..ترمسه..تحاول تفهمه..تدزله مسجات..وهو..ما يهزه شي..كل شي فـ نظره وسائل تستخدمها رويض تظهر عمرها من السالفه..يحاول ينكر..ولكن كيف..الصور تثبت.."ما يفرق المسكين"..ولو قلنا ان الصور ظهرت(خرطي)..الرمسه المكتوبه تأكد..بمعرفة ناصر بروضه..تأكد..إن رويض نزلت بيت ميثا..صح..ولكن كان تجذب على سيف..اونها نازله عند ربيعتها ومن هناك استوى شي ثاني.. من وصل عند هالفكره..بدت موجات ثانيه من نوع الأفكار السودا..تحتل مخيلته بكل قوه..خلته يتخيل خيانة رويض..ليييييش..وهو اللي كـان يحبها ويعزها ويغليها..ومستحيل يضرها بشي..ليش ليش..؟؟ وقف السياره..بدى يتنفس بصعوبه..النيران حرقت قلبه..فج العقم وحاول يتنفس بشوي شوي..ولكن مارام..حس انه مكسوور..لـثاني مرة..ينخدع سيف بالحب..لثـاني مرة ..يعيش حاله من النكران بعد المحبه..يعيش احاسيس ما يحسبها الا هو..والقلب..اللي ياما عطى لناس ما يستاهلون في نظره..حس انه ضعييف..و عايش في دوامه ..في متاهه..صعب يظهر منها..توه من يومين..كانت حياته شي ثـاني..حياته حلوة × حلوة..ويا رويض..واليوم بسبتها..ينعكس حـاله..ويصير انسان ثــاني.. شل يده وحطها على جتف سهيل اللي فز من مكانه.. سهيل:افا..بلاك..؟! سيف:ماشي..بس راسي يعورني..تعال خذ مكاني.. ظهر سهيل من السياره وسار صوب سيف..فج الباب..وساعده يركب الصوب الثاني..وركب مكان سيف..وحرك السياره..صوب سويحــان × × × بعيد تاركني ادور لـــــــــك اعذار..على الغــــياب وصدتك وانعزالك.. معقوله ما جالك على البال زواار..اللـــــي عطالك فرحته ما طرالك.. سويحــان.. السـاعه 1 تماماً.. الصــاله.. فطامي ورويض يالسات في نص الصاله..فطامي عندها اللاب..ويالسه ع المسن ترمس ربيعاتها..اما رويض كانت تطالع في فطامي بجمود.. فطامي:خخخخخخخخخخخخ..خخخخخخخخ.سوالف هالمهره.. رويض:منو مهره..؟! فطامي:بنت ييرانا..هيه صح انتي للحينه ما شفتيها.. رويض:لا للحينه ما تشرفنا.. فطامي:خخخخخخخخخخخخخ.. رويض:للحينه ما يأ سيف.. فطامي:اوووهووو..ردينا ع الطاري يلي.. رويض:اوكي اوكي خلاص بسكت..تعالي ليش ما تسيرين ترقدين..قلتي عليج امتحان يوم الأحد.. فطامي:ذكرتيني..امتحان جغرافيا..افففففف..دمه ثجيل هالكتاب..بنش من وقت بدرس..بييب علامه كامله.. رويض:ان شالله.. مرت ربع ساعه..فطامي مشغوله ع المسن وسوالف البنات اللي عندها..ورويض..أكيد مشغول فكرها بسيف..فجأه..سمعوا صوت الباب..نشت فطامي من مكانها بتفجه.. سارت صوب الباب..وهي ترحب.. فطامي:مرحبا والله بخووويه فديييييييت هالشوف في ذمتيه.. انصدمت يوم شافت سهيل في ويهها..جـان اترد على ورى بسرعه.. سهيل:هووود هووود.. فزت رويض من مكانها..من سمعت صوت سهيل..وعرفته على طول..شلت شيلتها اللي كانت عاقتنها ع الغنفه..اما فطامي ربعت فوق هي وبيجامتها..خخخخخخ.. روييض:قرب قرب.. سهيل:جرب منج الخير.. ظهرت رويض صوبه..انصدمت من شافت سيف ساند عمره عليه..سيف من شاف رويض اصطللب وكل عوق طار منه..ههههههههه...حتى سهيل يلس يطالع باستغراب.. سيف:مشكور سهيل..تعبتك ويايه.. سهيل:....لا افا عليك.. سيف:اقرب الميلس وبات الليله هنيه ... سهيل:لالا مشكور ..ورايه اشغال انا.. سيف:عيل خل سويج الموتر عندك.. سهيل:يلا عيل فمـان الله.. سيف:فداعة الرحمن.. قفى بهم سهيل فـ الوقت اللي التقت عيونهم..ولكــن..مب للحظــات..قطعها بسرعه هالنظرات وحدر الصاله..شاف فطامي في ويهه.. سيف:انتي اللي فجيتي الباب.. خافت فطامي يهزبها لأنها فجت الباب بهالشكل.. فطامي:لا مب انا..رويض.. سيف:........................... فطامي:تعال تعال برمسك في موضوع.. سيف:شوو..؟؟! فطامي:مرة ثانيه قبل لا تدخل البيت هوّد.. سيف:ليش ان شالله.. فطامي:شيخه بنت خالد عندنا.. سيف"ما كلف عمره يسأل":......اممممممممم..اوكي.. قالها بابتسامه..ورويض تطالع فيه..اشتااااااقت لهالإبتســااامه..اللي انحرمت منها فـ هالفتره ..ما طالت النظر فيها..لأن سيف توجه لـقسمه وانخش تحت لحافه ورقد × × لـو نـظـر فـي قـاسيٍ قـلبه تمرد .. لان لـو قـلـبه مـثل صـم الحجاره من كثر شوقي غدا فكري مشرد.. و كـل لـيـلـه في منامي له زياره الرمـــاح.. الحوي.. الســاعه 9 ونــص.. حدر ذياب الحوي..وشاف أمه يالسه وتتقهوى..من شافته...نشت من مكانها..وما رمست..بس كانت اتطالعه..شكلها معصبه عليه..أما هو..تجدم صوبها..ووطى اللبن ع الأرض.. ذياب:السلام علييييييج.. أم راشد:وعليك السلام ... تجدم وباسها ع راسها..وهي يودت عيرتها انتبه لها جـان يود يدها بسرعه.. ذياب:هههههههههاي..ناويه عليه انتي.. أم راشد:مسود الويه لا ترمسني.. ذياب:من شوي رديتي السلام.. أم راشد:رد السلام سنه ولا انت..ما تستاهل الحشيمه.. ذياب:افا افا يالعلم..شو سالفتج..؟! أم راشد:لعنبو دراك اسبوعين ما شافتك عيني..كله منخش فـ الشمال..شو ضويت لك حرمه هناك..ويودتك عن تسير عنها.. ذياب:حرمه..خخخخخخخخخخخخخخخخ..ههههههههههههههههههه.. والله سوالف امايه كم رقم تيلفونج بسولف وياج..؟ أم راشد"صدقت":هيه هيه..اللحينه خلاص نسيت رقم تيلفوني.. ذياب"ييلس عدالها ويحط راسه ع جتفه":آآآآه يمايه..انسى العالم كله ولا انســاج.. أم راشد:فديت هالنصخ ياربي..لا عدمتك يا ذياب.. ذياب:هوسي هوسي هنيه يعورني.. ويأشر على جتفه.. أم راشد:وييييديه..من شووو..؟! ذياب:هاه..ولا شي ولا شي.. طبعاً ما بيقول لها السالفه الصحيحه انه يلعب بالدراجات وتعور..عادي تيوده بحبل عنده وما يظهر خاري البيت.. أم راشد:هاه اشوفك سرحت للعزبه.. ذياب:هيه والله..متوله ع الرجاب.. أم راشد:شو شفتهن..؟! ذياب:ياخذن الناموس ان شالله... أم راشد:ان شالله.. صخ ذياب..فـ الوقت اللي يلست امه تطالعه.. ذياب:ههههههههه..شو بلاج تطالعيني جيه..؟! أم راشد:هاه ما بتعرس انته..طول عمرك بتيلس جيه..؟ ذياب:هيه فيها شي.. أم راشد:والناس..؟! ذياب:وانتي كله مهتمه برمسة الناس..شو تبين بهم.. أم راشد:بياكلون ويهي بيقولون شو بلاه ولدج للحينه ما ياب له حليله شو ارد عليهم... ذياب:قولي لهم كيفه هو يمشي ع هواه.. نش ذياب من مكانه.. أم راشد:وين بها..؟! ذياب:بسير برقد..يومين ما رقدت..تصبحين على خير..ههههههههه.. باسها ع راسها وتوجه لقسمه بيرقد..ومن صوب..حدر سعيد الحوي...وبعد ما سلّم على امه العوده يلس يتقهوى ويتريق.. أم راشد:وينها امك ما يت..؟! سعيد:بتييج بعد شوي..بتسيرين وياي العزب.. أم راشد:هيه هيه ضقت من هالبيوت يعلهن النفاد..لو اتييبون لي بيت شعر وتيلسوني حذال العزب جان زين.. سعيد:هههههه..لالالا..ما يستوي..الا عمنا اللي اسمه ذياب وينه..كل ما دقنياله رد علينا بكلمتين وبند..وما شفناه توطى ارض رماح جريب..؟! أم راشد:يييييها..هالريال عايابي..توه حدر حيرته بيرقد.. سعيد:اها..بن المر داق عليه من اشوي..الغدا عنده.. أم راشد:غايته.. × من صوب × شجون"ترد الستاره لمكانها وتيلس ع الأرض":امي العوده وسعيد ظهروا من البيت..وين بيسيرون.. غبوش:وين يعني اكيد بيسيرون العزب.. شجون:انزين توه عمي ذياب ياي من العزب.. غبوش:مشالله عايلتنا جبيله..صحن لبن واحد ما يكفي.. غبوش كانت يالسه ع الأرض..وناثره جدامها كتاب الفيزيا والآله حاسبه وأوراق واقلام وسوالف بنات علمي.. شجون:أف منج..وانتي كله تدرسين وتدرسين.. غبوش:هيه ابا نسبه ترفع الراااس.. شجون:اووووه..ياخي رويض من متى ما رمستها.. غبوش:سيري رمسيها انزين محد يودج.. شجون:بسم الله الرحمن الرحيم منج.. غبوش:اقوول..كلي وانتي ساكته..حشى عبرتي عليه كله..شو بقيتي حقي..؟؟ شجون:ما يخصني..فيج.. غبوش:يلا نزلي تحت عند البشكاره..اتييب لي ثاني.. شجون: تحلمين وايد وحليلج.. غبوش:شو اتم بلا ريوق.. شجون:ما يخصني فيج.. غبوش:لا تستهبلين.. شجون:ما استهبل..ما يخصني فيج.. غبوش:ومنو بييب لي الريوق.. شجون:هزري عندج ريول.. عصبت غبوش ونزلت تحت اتييب لها ريوق..فنتكه هـ الشجون..هع هع هع .. ســـلهـــمـ بـ|ــعيــنهـ| مايـــسـ الـــقد والــــقـــــــلبـ أشـــــرلــــهـ وحـــيـــــاهـ قـــلتـ \ــالســــلامــ\ ولا لفـــــــا رد واجـــبـ تـــــــــردونـ التــــــــتــحـيــــهــ سويحــان.. جدام باب بيت بن المر.. السـاعه 10 صبــاحـاً.. وقف سهيل سيارته..بعد ما شّيك على شكله وهو واقف جدام المنظرة..خذ الأوراق بيده اليمين وظهر..أول ما حدر بيت قوم سيف..شاف فطامي يالس ع القعده ومقفيه وتصارخ..صوتها شال الحوي شل..وهي عادي عندها..هـ المره..كانت لابسه كندورتها وشيله..زين زين زين..هع..وقف خمس دقايق..الغبي ما يعرف شو يسوي ويا هالياهل.. فطامي:له له له ..ايه ده يا فتامي..يالله ..شو بلاني..ليش هالصفحه بالذات ما تريد تدش راسي..وليش معلوماتها جيه صعبه..اف كله زراعه × زراعه.."وتعلي صوتها اكثر واكثر"..ماااااااااااااماااااااااااااااااااا..تعالي تعالي يلسي عدالي عشان اروم ادرس تعاااااااالي.."وتصارخ اكثر واكثر"..البشكااااااره وين راحت ما يابت الـmp4..افففف شو هالحــاله.. طاحت عيونها ع الكتاب..جـان تاخذه وتفره على ورى..هع هع ...وتبدى بدعائها اليومي.. فطامي"ترفع يداتها وراسها للسما وتدعي من خاطرها بصوت عالي":يالله يعلج النفاااااااااد يا مدرستنا..يالله اسير باجر الصبح واشوفها غاديه رماااااااااد..يالله اضوي من المدرسه وانا مرتاحه نفسياً..يالله يا مس الجغرافيا يعلج العوووق على هالإمتحان اللي يوم الأحد..يالله يعل ريلج ياخذ عليج حرمه ثانيه جانج ما تسمعين رمستيه وتخلينا نرتاح يوم الأحد ونسير صوب قوم خوالي فـ الويكند.. نزل سهيل عيونه ع الكتاب اللي انفر عند ريوله..خلاص..ما يروم ايود عمره ويكتم الضكه زوود والسبه خبال هالخبله اللي يالسه جدامه..1 2 3.. سهيل:هههههههههههههههههههههههههههههههههه..ههههههههه ههههههههههههههههههههههههههههههههههههااااااااااي..آ مين آمين.. صدت فطامي مصدر الصوت..انصدمت من شافت سهيل..وقفت مكانها.. سهيل:هوود هوود يا هل الباب لمبوب..>>تو الناس انته وضروسك.. افتشلت..انحرق ويهها..شو تسوي.."لقطي ويهج يلا"..جان توطي راسها تحت وويها غادي قوطي طماط..هع هع هع.. فطامي:هدا حياك محد غريب.. خوزت عن مكانها دليل على ان سهيل ييلس..وتجدم سهيل..وييلس..ويلست فطامي جدامه..سألها عن الحال و جاوبت عليه..وحطت جدامـه فنيال القهوه و نشت من مكانها بسرعه صوب المطبخ.. فطامي:رويض يا بنت راشد لحقي عليه..ظوتني الفضيحه والفشيله وبناتهن.. رويض:بسم الله الرحمن الرحيم..ما الذي حدث يا اختاه..؟؟ فطامي:ما الذي حدث هاه..قولي شو اللي للحينه لم يحدث..؟؟ رويض:ههههههههههههههههههههههه.. فطامي:اقول..سيري قصي الفواله لسهيل وانا بزقر سيف..اف اف اف الجو بارد بس انا احس بحراره فظييييييييعه.. رويض:هاه هاه شو السالفه.. فطامي :بقولج بعدين بعديييييييييييييين.. × من طرف آخر × سحبــت الستــاره من بعد ما شافت اللي صار بين فطامي وسهيل....وردت و وقفت جدام المنظره..اتشوف ويهها..الكدمات اللي كانت تشوه جمالها الرباني ووييها الحلو واللحينه بدت اتخف اشوي..يعني لو تعدلت اشوي ما بيبن شي..تمت تحط يدها ع الخفيف..وبعدين نزلت يدها..ويلست على طرف الشبريه..طاحت عيونها ع اغراضها..يعني زهاب عرسها..أمس..هند داقه عليها تسألها هي اللحينه وين يالسه..و قالت لها انها في بيت خالتها..وعلى طول طرشوا اغراضها لها و الشي الثاني اللي قالته لـ شيخه..انه ورقة الطلاق جريبه بتوصل لها.. مــــــــــرت الأيام والحلم أنهدم لو ندمت الحين وش يفيد الندم ما بقـــــالي شي غيــر الله يعين "سهيل تغير..لو تميت حرمته..يا ترى شو بتكون حياتي..لو ما عرفت ناصر..يا ترى شو بتكون حياتي..لو كنت انسانه ثانيه..ما بكون فـ هالحاله اللحينه..لو كملت دراستي..و ودرت الحواطه فـ المولات..لو سمعت شور ميثا..لو سويت وسويت وسويت.." آه لو أرجـــــع بعمري كم سنه كان أصير أنــسان ثاني مو أنا كان أصلح كل غلطــات السنين "لو تنرد الأيــام..بحاول اعدل اللي صار..ما بضر حد..بكون انسانه ثـانيه..انا شو سويت من غلطات..شو سويت..؟..هدمت حياة رويض وقصيت على سيف نزلت مستوااااي وظهرت ويا ناصر..انا..انا.." أرتكــــبت أخطاء بس الله ستر وأتـخذت اسوء قرارات البشر كان لـي قلبين مبسوط وحزين شيخاني..تحس عمرها عايشه بكابوس..ولازم تصحى منه..يعني..معقوله تتهدم حياتها وهي ما تفكر فيها..مب هامنها هـ الشي..كل تفكيرها متوجه لإنسـانه وحده وبس.. رويض.. رويض.. رويض.. كانت تفكر..رويض أكيد تعرف انها مب هي اللي فـ الصور..واكيد ميزت بين شكلها وشكل شيخه..ومع هذا..ساعدتها في ازمتها ووقفت عدالها واستقبلتها بكل فرح..ورقدتها في حيرتها بعد ..كل هـ الأشياء ما تدل الا على طيبة قلب هالإنسـانه.. ناسي كنت أفهم نصايحهم غلط شــــرهـم مع طيبهم فيني أختلط أكتشــــــــفت الحين أنهم طيبين و (هل) تستاهل..؟؟! رويض..هل تستاهل حد يشوه سمعتها وهي بريئه..ما يخصها فـ هالسوالف..هل تستاهل ان في حد يحقد عليها ويكرهها..ويلطخ صفحات حياتها بنقاط حبر لونها اسود..يعني هي طول عمرها تعااااااني وان فرحت شوي فرحتها ما تطول..الأوقات الحلوه عندها تمر بسرعه..ومب أي سرعه..سرعه في ثوانيها ودقايقها ضحكات رويض وفرحتها ..وتروح هالسرعه..وتروح معاها الضحكات والفرحه.. اللي تتمناااه شيخه..تمسح اللي صار..تمسحه..بأي شي..دموعها..اعتذارها..او حتى اعترافها.. ليـــــــتني أقدر أرد اللي رحل ولا أمحي بيدي كل اللي حصل آه يا كــبر السما وكبر الحنين لو نلاقي ناس شرات رويض في حياتنا..لازم نتأكد..ان حياتنا و دنيانا لا زالت في خير..الطيبه والحنيه للحينه موجوده..كل عضوه تدري باللي صار بين شيخه ورويض..لو أي وحده مكان رويض..ما تسوي اللي سوته..مستحيل تستقبل شيخه في بيتها وتهتم فيها من ناحية ريوقها ولبسها..مستحيل..انزين ليش..؟؟لأنها سوت وسوت وسوت.. شيخه شو سوت..شيخه شو سوت..؟؟!!! مب شي بسيط..؟؟! أكيد مب شي بسيط.. لأن في حياه تنهدم و روح تنظلم وسعاده تنعدم.. كل هاذا..و بنقول عنه بسيط.. طبعاً لا.. خايف الأيـــــــــــام تتوقف هنا خايف ارحل قــبل ماذوق الهنا خايف تكون آخر أنفاسي أنين طرى الموت على بالها..طرى..ارتعش جسمها..لو قابلت ربها شو بتقوله..؟؟!؟؟!؟؟! انا اهنت سيف وهدمت حياته.. انا تبليت على رويض وهدمت حياتها.. انا كنت اظهر المول بشكل مب طبيعي.. انا كنت اظهر ويا ناصر و اتصور وياه.. انا ما كنت اصلي..؟! انا ما كنت مهتمه لـشي.. انا اعاند امـايه واطنشها واحرق اعصابها.. انا اصارخ على ابويه وما اساعده يتخطى مرضه.. انا اعذب حرمة اخويه.. انا اسوي واسوي واسوي..؟؟!!!...؟!! : : |
: : وسط دموعها..حست ان في انسان يدق الباب..بسرعه مسحتهن..حاولت تبين انها كانت طبيعيه..بس ما رامت..فجــت الباب..شافت خـالتها نورة "أم سيف" جدامها.. أم سيف:شيخاني بنتيه بلاج تصيحين..تانسين شي...؟! شيخه:لا مـا فيني شي.. أم سيف"تمد لها التيلفون":يودي هـاج..رمسي أمــج.. شيخــه"بفرحه":أمــااايه..؟؟!؟؟ أم سيف"بابتسـامه":هيه امـج.. شلت شيخه التيلفون بـ فرحه..وبـ خووف..وصلها صوت امها..انهـارت ع الأرض..طــاحت بكل قوه..صوت امها هزها هز..سرى فـ دمها وكأنه يحتويها اللحينه..حست برعشـه..بمجرد ما وصلها الصوت..بدت اتصيح واتصيح..على كل اللي سوتــه لأمها..ومع ذلك..ما تخلت عنها..صح سافرت..بس سألت عنها ودقت لها..شيخاني تتحرى ان امها نستها..وبدت ترمسها..كـانت ترد على امها بكل لهفه وشوق..و تترجاها اترد فـ أقرب فرصه..تترجاها اترد وتاخذها من بين هـ المشاكل اللي تعيشها حالياً.. شيخاني:الله يخليج امايه..ردي اللحينه..والله انيه مب فـ حاله.. أم سلطان:هدي اعصابج يا شويخ..لا تخافين..انتي بتيلسين بيت خالوتج لين ما ايي.. شيخاني:وبعـد.؟؟!متى..متى بتيين.."تمسح دموعها ولكنها تلاقي دفعات أخرى"..أمايه انا معبله ع النـاس..وفوق هاذا متضايحه ومهمومه ومب رايمه حتى ارمس..احس ..احس ان العبره 24 ساعه خانقتني..اناااا..انااا..مادري مادري شو اقولج.. أم سلطان:شو صار..شو اللي استوى.. شيخاني:امايه كله مني..انا الغلطانه..انا اللي هدمت حياتي بتصرفاتي وافكـاري الخبيثه..كله مني انا..ما بعق اللوم ع حد ثـاني..امايه..شو اسوي...قوليلي شو اسوي..يمايه ظلمت ناس ما سوولي شي ..شو اسوي .. أم سلطان:شيخاني..ذكري ربج اللي نسيتيه وما نسـاج..ذكري الله وصلي يا بنتيه ترى الصلاه بتريحج..بتخوز عنج همومج والله بينور دربج وبتلاقين الحلول تحلين بها مشكلتج..وانا وديه اعرف انتي شو مسويه هالكثر ندمتي عليه اللحينه.. شيخه"وسط دموعها":بقولج بعدين.. أم سلطان:خلاص عيل..انتي يلسي بيت خالوتج..ومن نخلص علاج ابوج بنيي ما بنيلس.. شيخه:متى متى..؟! أم سلطان:للحينه ما اعرف متى بيخلص علاجه..ابشري بخير ان شالله.. صخت شيخه شو تقول..انهد حيلها..ما رامت ترمس..وبعد فتره ..نطقت وبندت من أمها..ولا زالت دموعها اتطيح..تبى ترتــاح..تبى اتسوي أي شي يريحها..ولو كان الموت..تبى تنهي هـ القلب..وتنهـي هالمشاكل اللي هي عايشه وسطها..سمعت صوت الباب يدق للمرة الثانيه..هـ المرة ما مسحت دموعها..خلت اللي يدخل يشوفها.. أم سيف:هاه فديتج..ارتحتي من رمستي أمج.. شيخاني:هيه الحمدالله.. أم سيف:يلا عيل..نشي تسبحي وتنشطي اشوي..وكشخي ..خليج شيخه الغاويه اللي دوم نعرفها ترى هل الرمـاح كلهم بييون اللحينه.. شيخاني:........................ان شالله.. نشت شيخاني ومدت التيلفون صوب خالتها.. أم سيف:يا بنتيه..صلي وذكري ربج..وبتخوز عنج الضيجه ان شالله..لا تستهنين بالصلاه.. شيخاني:ان شالله.. ظهرت أم سيف..ووطت شيخه راسها..خلاص..بينفجر راسها من كثر ما تفكر..بينفجر وبيتفتت وبتظهر الأفكار تربع منه..لووول...نشت من مكانها..وخذتلها شور سريع..من تلبست..يابت السياده..بدت اتصلي..واللي شروات شيخه مب حافظ لا آيه ولا هم يحزنون..من يلست اتدور فـ السده مالت الكبت العود لقت قرآن جان تاخذه وتصلي وهي ميودتنه..كل ما تسجد..اتصيح بشكل اكثر..تحس عمرها وحده دنيييئه"تو الناس الشيخه..؟!" وتحس عمرها لازم تواجه سيف ورويض و تعترف بكل شي وما تسكت.. بعد ما خلصت..لبست لها كندوره وتعدلت ع الخفيف..اوه اوه من متى..احيدج تصبغين ويهج كامل..ككككككك..وظهرت من المكان اللي تنخش فيه..أول ما فجت الباب بتظهر للصاله..شافت فـ ويهها عبودي وعنودي يالسين ع الأرض يلست اتطالعهم.. عبودي:أقول لا تيلسين تتفلسفين انتي وراسج .. عنودي:ما يخصني..انا خذته من عند سيف.. عبودي:خذتيه من عند سيف من عند أي حد ثاني..انا ريال وانا اللي العب اول شي.. عنودي:مايخصني..والله اصيح.. عبودي:صيحي محد قالج لا تصيحين..ييبي يييبي يلا.. وشل عنها البلي ستيشن و يلس يعابلها عسب يشغلها..فـ الوقت اللي يلست عنودي وشغلت ونانها ويلست اتصييييح بصوت عالي ومسمووووع.. شيخه:تعالي تعالي عنودي بنسير تحت.. صدو الإثنينه صوب شيخه اللي كانت تطالعهم مستغربه نظراتهم.. عبودي :لا تسيرين عندها عنودي يلسي يلسي بلعبج والله.. عنودي:والله..؟! شيخه:اشعنه ما تبيغها تيلس عندي.. عبودي بس كيفي..ختيه وبتمشي ع هوايه.. شيخه:لا والله.. عبودي:اقول ما يخصج فيها..روحي روحي يلا.. صخت شيخه تطالع هـ الياهل اللي اسمه عبدالله سكتها .. عنودي:يلا عبود انته شغلتها عطني اللحينه بلعب.. عبودي:جب جب سيري هناك يلا.. ويلست عنودي اتصيح مرة ثانيه.. شيخه:قلت لج تعالي ويايه.. عبودي:لالا يلسي وياي لا تسيرين ..صدقيني بلعبج والله.. عنودي :رووح انته جذااب.. نشت عنودي من مكانها وتمشي بدلع عند شيخه .. عنودي:يلا شليني صوب امــايه.. شيخه:لا والله.. عنودي:ماروم ماروم امشي..آه ريولي تعورني.. ضحكت شيخه وشلتها.. شيخه:هاه وين تبين تسيرين وينها امج.؟ عنودي:أمايه ميلسه تحت..يلااا يلااااا... شيخه:انزين انزين بسم الله الرحمن الرحيم.. صخت عنودي..ونزلت شيخه تحت..وهي تمشي ع الدري..تسمع صوت الحرمـات اللي يالسات فـ الصاله..ازعـااااااج ..أول ما حطت ريولها ع الأرضيه ونزلت عنودي ورفعت راسها تطالع الحشود اللي جدامها..الكل سكت..الكل يطالعها..استحت..حست ان ويهها غادي قوطي طماط..يلست اتطالعهن وحده وحده..لين ما طاحت عيونها على فطامي اللي تعطيها نظرات حقد..حست بإحراج..بخوف..وهي تطالع ويوه اللي جدامها..الكل ويهه خالي من التعبير..لين ما شافت رويض تأشرلها تسلم..وتشجعت.. شيخه:....الــ...السلام عليكم.. الكل رد:وعليج السلام... مشت شيخه صوب يدوتها ..وسلمت عليها..وبعدين سلمت ع الباجيين..ويدوتها سوت لها مكان عسب تيلس عدالها ويلست..كــانت ساااااكته..ما ترمس..وموطيه عيونها..ان حد سألها عن حاله جاوبت وردت سكتت مرة ثانيه..مر الوقت بشكل سريع عند الكل..ما عدا رويض وشيخه..اللي كانن متضايجات وكل وحده عايشه بهمومها..وبعد ما تغدوا عربنا..التمن "موزة وسلامي وشموس ورويض وشيخه وشجون وفطامي".. رويض:غبوش الدبا ليش ما يت.. شجون:اونه عندها امتحان وتبغي تدرس.. فطامي:انزين باجر السبت..والإمتحان يوم الأحد.. رويض:البنيه شراتج..انتي درستي الصبح ووو...........مب لازم اكمل......هههههههه.. احتشرن اللي يالسات..الكل عرف ان في سالفه..صخت فطامي وويها صار احمر.. شجون:هاه شو السالفه.. شموس:يلا لا تخشون عنا.. سلامي:هههههههههههههه..انا ادري شو اللي صار.. فطامي"فاجه عويناتها على وسعها":شووو .. منو اللي قااالج.. سلامي:هاهاهاها...فلانه قالت لي..انتي ما تستحين تفرين الكتاب عند ريولها.. موزه عصبت..تقريباً الكل يعرف شو السالفه..الا هي..هع هع هع..وبعد شيخه تعرف السالفه..لا تنسون..كانت واقفه عند الدريشه من فوق وتشوف اللي صار بين فطامي وسهيل.. موزاني:لااااااا والله..ما يستوي..اشوف الكل يدري بـ السالفه الا انا الفقيراااا.. شجون:وانااااااا بعد.. شموس:واناااااا بعد.. فطامي:والله ياللي تعرف السالفه وتنطق بكلمه وحده شوفي شو بيستوي بها.. رويض:هههههههههههههههههههه... سلامي:فديتها من شافتني عند السياره ظاهره صووب بيتكم قالت لي قولي للخبله تدرس زين مب ييلس تدعي ع المدرسه وتفر الكتاب عند ريولي..هههههههههه.. رويض وشيخه:هههههههههههههههه... فطامي"تطالع فـ شيخه وبصوت خشن ":لا يكون انتي بعد تعرفين السالفه.. شيخه:هيه شفتج من فوق.. فطامي:لااا والله..عزالله انفضحت من صدق... موزاني:سلامي انتي تطرين منوو..؟؟!! سلامي:اطري وحده غاااااويه..ههههههههههههه.. مر الوقت..والكل يضحك ويسولف..و في فئه من اللي يالسات ياهن فظوول فظيع عشان يعرفن السالفه اللي استوى بين فطامي والمجهوله..هاااع..استأذنت شيخه سايره لـ فوق..وفطامي سارت فوق تييب لها كافي ما تعيش بدونه.... اما شموس وسلامي سارن صوب العياييز وعليا وريسه بيصلن ييلسن يسولفن..و رويض وموزاني..بعد ما صلن العصر..سارن المطبخ يسوون القهوه للرياييل والحرمـات.. موزاني"تسأل بدافع الفظول": اللحينه وينها شويخ..؟! رويض:سارت تصلي .. موزاني:اهـا..الا ما قلتي لي شو سالفتها..شو اللي مستوي..؟! رويض:والله مادري شو اقولج يا موزاني..انا بروحي ما اعرف شو السـالفه..كل اللي صار ان سرنا يبناها من بيت هلها وبس.. موزاني:وهي ما قالت شو اللي صار بينها وبين ريلها.. رويض:هـ الشي من خصوصياتها واكيد ما تبغي حد من يعرف بسالفتها.. موزاني:الله يصبرها مسكينه..توها ما مداها تتهنى.. سكتت رويض وما ردت عليها.. موزاني:وانتي بلاج جيه مويمه حالج من حال شيخه ..بسم الله الرحمن الرحيم حد صابكن بعين انتن..؟؟ رويض:لا انا ما فيني شي.. موزاني:مادري فيج مب رويض الأوليه..صاخه وما ترمسين حد وكله تفكرين..رب ما شر..؟! رويض:لا ما فيني شي.. موزاني:اها.. فجت موزه ثمها بتكمل رمستها الا تيلفونها يدق.. موزاني:هلا سعيد.. سعيد:اهلين..شحــالج..! موزاني:بخير ربي يسلمك..ومن صوبك.. سعيد:بخير وسهاله.. موزاني:هاه وينك ..؟! سعيد:اللحينه رادين من المسيد.. موزاني:عيل قربوا للميلس.. سعيد:لا بنيلس فـ الحوي.. موزاني:اوكي عيل بقولهم يظهرون القهوه والفواله للحوي.."وتسير صوب باب المطبخ عشان تشوف الجو لووول"..يا زين الجو..يخبل.. سعيد:عسب جيه اقولج بنيلس فـ الحوي..حياتي خاطرج تظهرين مكان..؟ موزاني:لالا..بيلس عند رويض متولهه عليها.. سعيد:اوكي ع راحتج..هيه صح على طاري رويض..قولي لها ان سيف يقول لها تزهب له ملابسه واغراضه.. موزاني:ليش..؟! سعيد:ههههههه..وانتي شو لج..؟الحرمه تعرف ريلها شو يبغي بالملابس.. موزاني:هههههههه..اوكي اوكي..بس انا اريد اعرف.. سعيد:لأنه بيسافر اليوم للكويــت.. موزاني:اهــا..وليش ان شالله ما يدقلها..؟؟ سعيد:ههههههههه..تيلفونه ناسنه فـ الميلس.. موزاني:ولهالدرجه مستعيل يعني..يوم ايي البيت يقولها.. سعيد:يالله من اسئلتج اللي ما تخلص..الريال مستعيل ويبغي ايخلص عنده شغل فـ بوظبي.. موزامي:هااااع هاااع هاااع..اوكي اوكي بقولها اللحينه..يلا بي باي.. سعيد:الله يحفظج.. بندت موزاني وردت صوب رويض.. موزاني:ريلج بيسافر هاه...؟! رويض"تحط الفنيال ببطء ع الطاوله اللي جدامها":......."تستوعب"...يسافر..؟! موزاني:هيه اونج..بيسافر الكويت..وانتي ليش ما بتسافرين..؟! رويض:انا..."ترقع السالفه"..مالي خاطر بصراحه.. موزاني:غبيااااااا.. رويض:لا..بعدين بنسافر مب اللحينه.. موزاني:اهـا..عيل يلا زهبي ملابسه يقول اونه مستعيل.. صخت رويض..تحس ان الدنيا دااارت بها..كيف كيف كيف..يسافر ويخليها هنيه تعاني من ابتعاده وغيابه عنها..كيف يسافر بدون ما يقولها..ولا يطفي هـ النار اللي اشعلها..معقووووله سيف ما عنده احساس..لهالدرجه يعني..كل شي عادي عنده..ما يرمسها ولا يفهمها ولا حتى يحط عينه عليها.. موزاني:بسم الله شو فيج انتي..؟! رويض:................................... موزاني:اعوذ بالله من الشيطان الرجيم..انا بظهر بصراحه انتي خبلتيبي.. ظهرت موزاني من عند رويض..وهي..يلست على اقرب كرسي اتشوفها..ريولها ما رامت توقفها وهي ما فيها حيل ع اللي يصير اللحينه..حالها وحياتها تغيروا..ماشي بقالها ..كل اللي عليها سوته .. حاولت وحاولت وحاولت.. ولكن هو اللي ما عطاها نص فرصه..خطف الوقت بسرعه..وهي بين افكارها..وتمسح دموعها..يلست اتدق على سيف..وهو ما يرد عليها..واللحينه ما تدري هل تيلفونه عنده او لا..زقرت البشاكير يحولن الفواله من ميلس الرياييل للحوي..دام الكل بيلس هنـاك.. ظهرت من المطبخ..شافت الحرمات التمن كلهن..بس الرياييل توهم واقفين عند باب البيت العود..لمحت عبدالله يالس ع الدري ميود تيلفون ويلعب به..زقرته..وياها..وهي عيونها اتدور ام سيف..وما شافتها يالسه بين الحرمـات.. رويض:سير عند عمك سيف..ازقره ايي للمطبخ..قوله امك تبغيك.. عبدالله:اووووهوووووووووووووووووووووو..انا مب متفيج اللحينه.. رويض:والله لا اييك طراق يفر راسك فر..يلا سير اشوف.. لا زالت رويض نذله وتخوف عيال اخوها..عبدالله بلع لسانه وسار صوب سيف وقاله امك تبغيك فـ المطبخ..يهال ما اييون الا بالعين الحمرا..ومن صوب..رويض كانت متأكد انه بيي..لأنه يتحرى أمه فـ المطبخ ومب يالسه ويا الحرمات اللي يالسات فـ الحوي.. حدر سيف المطبخ.. سيف:آمري أمايـ............ ما كمل رمسته يوم شاف رويض تترياه و أمه مب هنيه..عرف ان رويض تقص عليه اونه امه تبغيه..هاااع.. لف ويهه بيظهر من المطبخ..بس صوت رويض وقفه.. رويض:يعني لازم اجذب عسب اشووفك.. رد وطالعها مرة ثانيه..تريته يرمس..بس هو ما نطق ولا بنص حرف.. رويض:شو ناوي تسافر وتخليني بروحي..وما تبغي تتفاهم وياي..ولا تبغي تشوفني او تسمعني..عايبنك انته الوضع جيه..؟؟!! حس سيف ان غلطان..لأنه ما تفاهم وياها..كل اللي سواه انه عق اتهامات عليها واحتقرها وبس..مع هاذا مع عطاها مجال انها تكمل رمستها..ظهر من المطبخ بكل برود.. : نفس اليوم.. السـاعه 10 ونص فليل.. كـالعاده..فـ بيت المر الـ.....ـي..أم سيف يالسه فـ الحوي..وجدامها فطامي..ميوده دفتر وتشخبط فيه وتراوي امها اللي كانت تضحك عليها..ورويض تطالعهن بجمود..تتريا طلة سيف.. وشيخه اللي كانت تطالعهم من فوق..تتأملهم وساكته..حتى إنها ما تفكر الا بشي واحد..ولازم تسويه اليوم لو شو ما صار..؟!؟؟! اشوي..الا تشوف سيف حـادر الحوي..ويسلم عليهم..وييلس خمس دقايق..ويسير داخل البيت..ورويض قامت وراه.. × من صوب × رويض كانت ساكته..وهي تشوف سيف ياخذ اغراضه ويزقر البشكاره تاخذهـا..تحرك بيظهر من القسم..ومن البيت بكبره..طالع فيها..كان بيقولها أي شي.بس لسانه ما نطق..حس ان قلبه يمنعه..شموخه عزته..تقوله لاترمس هاللي خانتك..الأكيد..انه سمع كلامهم..وظهر للحوي..وهي تمشي وراه بحزن..وقفت عند باب الصاله..وهو ظهر للحوي وين امه واخته..وسلم عليهن.. كانت متأكده انه بيطالع فيها مرة ثانيه..انزين..بس نظره..تكون هي الوداع..ولكن..سيف مشى بخطواته..و دموع رويض بعد تمشي بخطواتها على خدها..وقلبه وقلبها..يمشون بخطواتهم للعذاب والعنى.. خلآص بـ ’ تسآفر ؟ زين التفت لحظة .. ع ـطني جروحكـ ـ بس ..!! خلها تسليني .. بـ {غيآبكـ ـ } الكآفر ..! واخذ النظر مني .. وخبّهـ مع اشيآئكـ ـ ..! مآبي اشوف النآس .. وشـ ’ لون اشوف النآس .. وشوفي معكـ ـ ... سافر ..! فقدت الأمل انه بيصد صوبها..لأنه سمعت صوت السياره..تمت تطالع فـ المكان اللي جدامها..صار خالي..صار فاضي..فـ ثواني..ابتعد ورحل عنها سيف بكل سرعه..بكل هدووووء..شو اللي حل على سيف..حتى انه ما يسلم عليها قبل ما يسافر..شو اللي يضمنه انه بيشوف رويض مرة ثانيه شو..؟!..سحبت عمرها..وانخشت تحت لحافها تصيحه..الإنسان..اللي كان يحبها بجنون..بدون سبب..صار اللحينه يكرهها بعمق..بدون سبب.. شافت فطامي يايه صوبها.. فطامي:يا ويل حالي ع الحزينين..تعالي بنسير ويا اامايه صوب مهره اتشوفينها.. رويض:مالي خاطر.. فطامي"بابتسامه":كييفج.. دخلت فطامي راسها فـ اصاله وعقت الدفتر والقلم وسارت ويا امها صوب ربيعتها مهره اللي عدال بيتهم..مرت 10 دقايق..وتمت رويض يالسه فـ مكانها.. المكان اللي ترتاح من تيلس عليه..سمعت صوت سياره..نشت من مكانها وعدلت شيلتها..يأ على بالها انه حد من هلهم..بس انصدمت من شافت سيف ظاهر من السياره..ويصد صوبها.. ×من صوب× ظهر وحالته لله..مايدري شو اللي رده اللحينه..لعن الساعه اللي فكر انه يرد يشوف رويض و خلاف يكمل دربه..شافها..واقفه تترياه..لاحظ ملامح ويهها..عرف انها متضايجه..تجدم وتجدم..لين ما وقف جدامها بالضبط..ارتبش..ما يعرف شو يسوي..شو يقول..حس عمره غلطان يوم رد من الدرب عشانها..من شافها تذكر الصور وتذكر كل المواجع ..جان يخطفها ويسير لـ قسمه.. اول ما حدر..حس بكره فظيع لهالمكان..جان ييلس يدور في كبته أي شي ياخذه يسوي عمره ناسنه وياي ياخذه..شاف كرتون مال تيلفون..جان ياخذه و يظهر صوب الحوي..انصدم من شافها واقفه فـ مكانها..توقع انها بتروح عنه..ولكنها..يلست تطالعه..وهو ينزل من الدري اللي كانت يالسه عليه..زقرته.. رويض:سيف..؟! ما صد صوبها..تم يطالع جدام.. رويض: بتسافر وبتخليني جيه.. سيف من سمع رمستها..صد صوبها..كان وده ايقول أي شي..اي شي.. تامرني بشي..؟؟؟؟؟!.. أنا الليله بسافر .!!. في بحر "عينك" عن عيون البشر .. أبغى ألف الكون وأنا فيك أناظر مايمل القلب لو طال النظر .. لك بآجي مشتااق وآقول : حاااااضر ،، آمريني جيت في لمح البصر .. لا ألتقينا وإنجرف سيل المشاعر وإنسكب دمع الفرح مثل المطر .. ليلة فيها يصير الليل شاعر ينثر أبياته على أمواج السهر .. ليلة فيها أنا لآجلك بخاطر وبرمي الدنيا وراي وبنتظر .. تكتحل عيني معك بآحلى المناظر وأرسمك صورة سما وروض " خضر .. لك عيون مالها بالعمر آخر ولك غرور جاوز حدود النظر .. يوم غيرك صاار حلم و طيف عابر خبريهمـ..!! كان مااااعندك خبر .!. إن زعلت رضوتك مـــلــــيون خاطر ،. وإن رضيت ماعلي من البشر.،.،.ّ شو يقولها.. انه يحبها بس الزمت وقف ضدهم.. انه وده يسامحها بس فـ نفس الوقت عزته ما تسمحله.. انه اشتاق..لها..وتوله عليها..بس اللي سوته مب اشوي.. انه وانه وانه وانه..اشياء وايد.. بس وين يقولها..ومتى..وكيف..وهو مب رايم يتحكم لا فـ تصرفاته ولا فـ شي ثاني..كل يستوي بسرعه وكل شي يمر بسرعه..يلس يطالعها..كأنه يشبع من شوفتها..لأنه مايدري متى بيرجع..ومايدري شو بيسوي يوم بيرجع..مـا سمع الا صوت ازعجه"بييييييييب..بيييييييييب"..جان يحس بعمره..عطاها نظره اخيره..وداع اخير..وقفى بها..وكمل طريجه صوب سهيل اللي كان يترياه فـ السياره.. خلص البارت هع هع هع هاه تبون انزل الباجي ولا اخليه ويا البارت الياي.. لووووووول ×من صوب× حطت شيخه شيلتها على راسها..ويلست اتشوف شكلها..حست انها مرتاحه..لأنه بتقدم على خطوه بتغير مجرى حياتها..ومجرى حياة غيرها..شعور ثاني اتحس بها..احساس بالفرح..ماتدري ليش.. ظهرت من مكانها اللي دوم تنخش فيه..مالقت غير رويض يالسه فـ الصاله..سلمت..بس رويض ما ردت عليها..استغربت..قالت انه اكيد تسرح.. ظهرت الحوي اتدور على سيف..كانت تبغي تفتح موضوع مهم وياااه..كانت تبغي تعترف له بكل شي..لأنه ما صدقت ان الشجاعه اتييها فجأه..سألت البشكاره عنه..وبكل بساطه..قالتلها سيف سافر..؟؟!!!؟! ردت..صوب رويض..ويلست اتطالعها..وفجت لسانها ..بتقول رمسه كانت تبغي اتقولها من زمان..واللحينه هو الوقت المناسب... شيخه:............................................. ...... |
الجزء الرابع والثلاثيـــ (34) ـــن •!¦[• طعـن الجرووح •]¦!• { الفصل الأول ~... أنا رحت المــــكـان الـلي جمعنا من قبل أسبوعين.. بغيت أصبر مـــــــــــع الذكرى وأعيد أيام تذكارك.. تصدّق!!شفت يا عـمري رسوم بها حروف إثنين.. ولقيت إن الجدار الــــــــلي لمسته يحمل أسرارك.. : : الحديقـه السريه>>خخخخ.. الســاعه 7 ونــص..صبـاحاً.. بيت بو سيــف.. صدت بعيونها..اتشوف البخـار اللي يطلع من كوب النسكافيه اللي جدام عيونها..كل حب عاشته فـ حياتها..فـ النهايه يتحول لـ بخــار..شرات هاذا اللي يطلع بالضبط..غيرت السالفه..وصدت اتشوف المكــان..اللي اجتمعوا فيه..هي وسيف..في مرة من المراااات.. خلاص يا عالم يا ناس..رويض..حفظت هـ المكــان بالضبــط..حفظته وحفظته وحفظته..كل زاويه..كل مكــان..تتذكر همســة سيف..وضحكته..وحركته يوم حط السفره على عيونه..يمنعها اتشوف نظراته اللي تعذبها..كل شي مؤلم..وكل شي ذكرى ..صح ان الذكرى حلوه..ولكن يوم نييب طاريها نتألم..ومع هاذا نبتسم..شفتوا كيف التناقض اللي فينــــا..؟؟شفتوا كيف ان الإنسـان يفرح ويـحزن فـ نفس اللحظه.. بدأ بذاك المكان اللي تحيده كل شي إيلين.. نعم..يشفق على حالي..ويتخبر عن أحوالك.. وعطرك هو ترى عطرك ولو قد صارله أسبوعين.. أشمه..بس في الواقع اشم بغيبتك نارك.. شـافت تيلفونها..اللي يا ما تريا اتصال ولا مسج من عند سيف..ويأس من هالإنتظار.. فـ هاللحظه..لمحت شيخه واقفه على صوب.. رويض:مرحبابج شويخ..تعالي يلسي.. مشت شويخ بخطوات ثجيله..وراسها ع تحت.. رويض:يودي شربي النسكافيه.. شويخ:لا ماريده.. رويض"بابتسامه":لا تخافين..يديد..ما شربت شي منه.. شيخه:لا مب جيه السالفه..بس انا مالي خااطر.. رويض:آها..غريبه ناشه من وقت.. شيخه:لأني ما رقدت.. رويض:أفا..ليش...؟؟ شيخه:ماادري.. رويض:ربـ ما شر.. شيخه:مـأ من شر.. صخت رويض..وشيخاني بعد صخــت..ومرت فتره طويله ..تعتبر من اقوى لحظات الصمت اللي عاشنها رويض وشيخه..شيخه مرة اتطالع في رويض..ومرة اتوخي براسها تحت وتسرح في افكارها الخاصه فيها..ورويض مرة اتشرب النسكافيه..ومرة تنساه وتطــالع فـ هـالمكــان.. قعدت أتخيلك تطلع..وأشوفك بس ما أعرف وين..؟؟!! ولكـن وين يا عمري وإنته بعيد في دارك.. بدت تخنقني العبره وأنا اصارع دموع العين.. ياليتك عشت هالموقف بتعرف كيف مقدارك.. حركت رويض راسها صوب باب الحديقه الدائريه..اتطالع..تحرت سيف موجود..لا..هي شافته..شااافته..متأكده..بس وين شافته..هيه..يمكن شافته بقلبها..بس سيف..ماله وجود اللحينه..ماله وجود في حياتج يا رويض..حست بشي يتجمع فـ عيونهــا..جـان تمسح بشيلتها على طول..انتبهت لها شويخ..بس ما رمستها..ويلست اتطالع فيها..وقلبها..يااااكلها اكل..شرات الدوووود..اتشوف انسـانه تبديهـا في أتفه الأشيــاء..وتجازيها على حركاتها النذله بكل ما يسر القلب..اتشوف انســانه تعاااني وتموت في كل لحظه..من تصرفاتها ومن نظراتها..ومن صوتها اللي خانقتنه العبره.. حتى شيخه ينأبها ضميرها..حتى شيخه تتعذب ويا رويض..حتى شيخه تبا تعدل اللي يصير..تبى تسعد رويض..تنتشلها من احزانها..شرات ما اهي انتشلتها..ولكــن..الصمت..الصمت..الصمت.. مر اسبوع ويومين من سفر سيف..يعني 9 ايام بالضبط..ورويض ماتسمع اخبار سيف الغالي الا من فطامي..قـال لـ فطامي بياسفر لمدة اسبوع بالكثير..بس رويض تشوف طول...هالـ 9 أيام..ما خطفت بشكل عادي..خطفت..بـ حزن..بـ عذاب..بـ كل ما تحويه هالكلمتين من معـاني..ومشاعر..هـالـ 9 أيام ..أكدت لـ رويض ان سيف غالي على قلبها..ومع انها من قبل كانت مب شاكه فـ هالشي.. يأ فـ بالها..سيف اللحينه راقد ولا شوو..كيف حياته..شو اشغاله..يفكر فيها ولا لا..طووول هـ الفتره هو حتى ما سأل عنها..وهي طوول هالفتره ما ظهرت من البيت..كل اللي صار..ان امها يتها مرة وقالتلها السالفه كلها.. فجأه..يأ على بالها الموقف اللي صار..من 9 ايام..ما تشوفوني كررت هالحرف واايد..لوول..الموووهيم..يأ على بالها الموقف اللي صار بينها وبين شويخ فـ الليله اللي سافر فيها سيف..زقرتها.. رويض:شيخه.. فزت شيخه من مكانها..وكأنها كاااااااانت سرحااااانه .. شيخه:........نعم.. رويض:شو الشي اللي كنتي تبغين اتقولينه..بس كل اللي صار انج طالعتي فيني وصحتي وركضتي فوق ..شو مستوي..!؟ صخت شيخه..شو يعني انتي يا رويض..ما تعرفين شو اللي في خاطرها..انا بقووولكم..طولي بعماركم رويض تعرف شو اللي في خاطر شيخه..تعرف انها يالسه تتعذب..وهي بالأصل تتريا اللحظه اللي فيها شيخه تشجع وتعترف بكل شي..رويض ما تريد شيخه تنذل من اتقول هالرمسه..يعني من هالإعتراف..انها سوته (كذا وكذا وكذا) على قووول مس العربي ..اللي تبغيه رويض ان شيخه تحس بغلطتها اللي ارتكبتها في حياة رويض وسيف..غلطتها اللي دمرت شيخه ورويض وسيف..ويا بعض.. شيخه:اممم...انا..انـا.. رويض:انتي شو..!؟ شيخه:..........انا.... سمعن صوت أم سيف تزاقر عليهن..نشت رويض من مكانها..عكس شيخه اللي رفعت راسها اتطالع رويض.. رويض:بلاج..كنتنيو>>لوول.. شيخه:لا..شي مب مهم.. مب مهم هاااااااااااااااااااااااااااه...!؟؟!؟؟!؟!؟اففف منها.. رويض:ع راحتج..عموتي نشت..يلا بنسير نتريق وياها.. نشت رويض وظهرت من الحديقه ع السريه"كككككككك"...ووياها شيخه.. طلعت من المكان وكن قلبي منقسم قسمين.. في عيني صورتك وانته اقبالي تسمع أشعارك.. عرفت أن الزمن قاسي ولكن فرقة القلبين.. صعيبه يا بعد عمري وفي وسط الروح تذكارك.. ظهرن من المكان اللي كانن منخشات فيه..شافن أم سيف يالسه ع القعده..وتفهم البشكاره شو تييب.. رويض:صبحج الله بالخير.. ام سيف:صبحكن الله بالخير.. باسنها على راسها.. ام سيف:يلسن اللحينه البشكاره بتييب الريووق.. رويض:لا والله ما يابته وانا يالسه اهنه..انا بسير بييبه.. أم سيف:قري مكانج يا بنتيه.. رويض:لالا ما عليه انا بسير بييبه.. شيخه:بسير وياج.. سارت رويض للمطبخ وشيخه وياها.. رويض:هههههههه..تتوقعين شو الريوق.. شيخه:مادري.. رويض:لو شي لبن من العزبه جان زين.. شيخه:ليش محد اييب لبن.. رويض:لو سيف اهنه بييبه .... صخت شيخاني..وساعدت رويض فـ سوالف الريوق وسارن يتريقن ..ويسولفن مع ام سيف..حتى شيخه ما صخت يلست اتسولف.. أم سيف:هاه رويض ما رمستي ريلج..شو اخباره شو علومه..متى قالج بيي.. دفعت الأسئله اللي وجهتها ام سيف لـ رويض..خلت اللقمه تمشي فـ المرئ"مس احياء شرايكم فيني"..ببطئ..وقلبها بنبض بكل قوة..ما كانت تعرف شو تقول.. يامكانـهـ يســألـوني .. والتعـب يـفـضـح عيــوني .. " ويـن راح " ؟ واسـكـت .. وأبلـع جــراح ! " ويـن راح " واسكـت .. وأبلـع جـراح ! " ويـن راح " ؟ واسكــــت .. وأبلـع جــراح ....!! وأبلـع جــراح ....!! وأبلـع جــراح ....!! رويض:بخير وسهاله.. أم سيف:ما قالج متى بيي.. رويض:لا ما قالي.. أم سيف:فديته..اسميني تولهت عليه.. حتى قلب رويض توله عليه..حتى رويض تولهت عليه..بس شو تقول..انسدت نفسها عن الريووق..فاكتفت باللي كلته..ويلست تسمع سوالف أم سيف.. أم سيف:يييييها ما دريتن شو استوى البارحه.. رويض:رب ما شر....؟! أم سيف:مامن شر..الا هـ البنيه اللي اسمها فطامي..توني دريت انيه خليتها مبزااايه.. شيخه"باهتمام":ليش شو سوت..؟! أم سيف:الساعه 2 ونص واصلتني الحيره..اونه امايه انا ماريد اداوم باجر .. رويض:اشعنه.. أم سيف:مادري فيها.. اول ما خلصت ام سيف رمستها..ظهرت فطامي من باب الصاله العود..كانت لابسه لبس المدرسه..وعبايتها..وكاشخه شاده حيلها البنيه..و"حقيبتها المدرسيه">>اففف صدقوني متأثره بـ مس العربي هـ الفتره وااايد..الموووهيم ال فطامي:سلاااااااامن عليكم وصبااااااااااااااااااااااااااااااااح الخييير.. الكل:وعليج السلام.. ام سيف:حشى..طريتي اذووني..بلاج اتصااارخين.. فطامي"تيلس عدال امها":خلوووني متفيجااااااااااااااا.. أم سيف:متفيجا هاه..؟ياتني في انصاص الليالي اتقولين ليه ما بداوم باجر اتريي للصبح انزين..؟! فطامي:اممم..والله كنت ملانه قلت اروح اسولف وياج اشوي.. الكل:هههههههههههههههههههههه.. رويض:والحينه سايره المدرسه..الساعه 9 ونص.. فطامي:ادري..تراني بالعماله سويت هالحركه..ماريد احضر الطابور ويخالفوني.. رويض:والله حركات عليج.. فطامي:هاااع..شو اسوي..علمتيني.. رويض:انا يحليلي..ما سويت شي.. فطامي:علينااااااااااااااااااا..امايه امايه.. ام سيف:هاه..شو تبغين.. فطامي:لا ماشي..بس ييبي راسج خليني ابوسه.. أم سيف"معصبااا":يالعنز..انا اييب راسي.. فطامي"تجدم راسها لـ أمها":عيل انا بييب راسي وانتي بوسيه.. الكل:هههههههههههههههههههههههههههه... باست فطامي امها...وسارت ويا البشكاره والدريول للمدرسه..مسويه طاف للإداره اللي بيسألونها عن التأخير..بس كـ العاده تعطيهم سالفه يصدقونها.. بعد ظهرة فطامي بـ 10 دقايق..ما نشوف الا سيارة ذياب حادره الحوي..وموقفها وين يلسة هل البيت.. أم سيف:حوووه حوووه..بتنفدنا انتوا.. ذياب"يظهر من السياره":هااااااااااع..البلاد تعاني منكن..احسن أنهي حياتكن.. استـانست رويض من شافت عمها..بصراحه..اشتاااقت له واااايد..يعني من بعد عرسها ما شافته الا هـ المرة..وهو كله ميلس فـ الشمـال هـ الفتره..ويلس يتريق وياهن.. ذياب"حاط عيونه على رويض":وشحااالها العروووس.!.؟! رويض:لا ترمسني..انته ما تعرفني.. ذياب:هاه هاه..ليش قاصه ع روحج.. رويض:شوو.!؟. ذياب:اتسوين عمرج زعلانه ومادري شو..صدقيني مب لايق عليج.. رويض:شوووو.!.!؟؟!؟.!.؟!؟!؟!.! ذياب:بسم الله..اقول أم سيف.. أم سيف:عووونك.. ذياب:عـانج الرحمن..يا غير هـ الحرمه الله يعينج عليها..اكيد شاله البيت شل بصوتها.. أم سيف:رويض..؟؟..فديتها والله اسميها هي شيخة البيت.. ذياب:وانتي كل ما تسيرين بيت لازم هله يمدحونج وتكوينين شيخة البيت.. رويض"ترقص حياتها فوق تحت":وانته ليش غيرااااان.. ذياب"يقهرها يصد صوب شيخه":شحالج شويخ شخبارج..!؟ شيخه:يسرك الحال..من صوبك..!؟ ذياب:ما نشكي باس..هاه شحالها امج ويا سفرات سلطون وخلود.. شيخه:الحمدالله بخير وسهاله.. ذياب:شي طيب.. رويض"بوحشيه":ليش ما يبت وياك لبن.!..؟؟! ذياب:حشى..اصرف عليج وانا مادري..ليش انتوا ما عندكم عزبه...!؟ أم سيف:يييييهااا..العزبه موجوده..والرجاب وايدات..غير محد بن المر اييب اللبن.. ذياب:هاااااااه..يعني الي افهمه اللحينه تبغوني اسير لعزبتكم..!؟ أم سيف:جان زين.. ذياب:انزين لحظه بدق على امايه بقولها.. أم سيف:وانته دومك جيه.. ذياب:بسم الله الرحمن الرحيم..وانتي دومج جيه تغارين مني.. أم سيف:بسم الله عليه..اغار منك انته يالياهل.. ذياب:علييينا...انتي اكثر وحده تغارين مني..نيااااااهاهاهاهاهاهاهااااااا..امايه تحبني..ما تحبكم.. رويض:يلاااااا بنسير العزبه..نشي شويخ سيري ويانا.. شويخ:لالالا..انا بييلس ما فيني.. ذياب:ييها..مب متعوده ع الرجاب..عهدن عليه باجر لأشل الجبيله كلها لـعزبنا... شويخ:ههههههههه..باجر يصير خير.. ذياب:يلا عيل بنت راشد..حولي.. رويض:امممرة ما طلبت.. حولت رويض لـ موتر عمها..وساروا العزبه..طبعاً..وحلف عليها الا تسير وياه صوب رمـاح.. × × × ليا منــــــــي تباطيت وجا بخاطري لك شوق دعيت إن الفرح دربك ولا تنشاف بك ضيقه بيت بو محمد.. السـاعه 12 ونص الظهر.. الحوي.. شموس:يمايه الجو حااار..بنحول للصاله.. أم راشد:أي حر ترمسين عنه..يا زين الجو زينااااه..اسميه يرد الروووح.. شموس:عيل انا بحدر و بودرج.. أم راشد:الله لا قاله..والله ثمن والله ثمن والله ما تنشين من مكانج..صكي الدعنه يلا.. يلست شموس وهي متضايجه..الجو حاااار..والشمس يايه ع راسها..ومع هذا يدوتها ما تبغي تحدر البيت..كانت تحس بويع براسها..وكل ما صدت صوب يدوتها..تلاقيها تصب فنيان قهوه وتشرب..وكأن شيء لم يكن.. شموس:يماايه..انا بحدر..تراني ما اقوى ع الشمس.. ام راشد:يييييييهااا..ويوم ابوج عطاج اسم شمسه الله يرحمه وشـ له ما تقوين ع الشمس.. شموس:راسي يعورني..شو اسويبه..!؟ أم راشد:عنلاااااااتكن يا بنات هـ الزمن..اممممره ما تقون ع شي.. شموس:عيل ايلسي ارووحج..اللحينه بيون عبودي وعنودي.. أم راشد:لا..يلسي اقولج يلا..انتي ما تذهنينها الرمسه.. تمت شموس صاخه وما ترمس..و يدوتها كل شوي يايتنها بسالفه..وشموس تسمعها وما تعلق بشي..اشوي..الا العيوووز تصااارخ..وتنش من مكانها.. شموس:بسم الله الرحمن الرحيم..سكنهم فـ مساكنهم..بلاااج..!؟ العيوز"تأشر ع الكوووورة اللي جدامها":امنوو عق هـ الكورة ع ظهريه..ااااخخخخ اخخخخ اسميه تكسر هـ الظهر..ويديه يعله ما يتوفق السبال.. شموس"اتطالع عبودي اللي واقف عند باب البيت العود":تعااال تعاااال يا مسود الويه.. عبودي:والله مب انا..هاي عنود فرتها عليكن.. عنودي:عموه شموس جذاب لا تصدقينه.. شموس:امبوني ما بصدقه..انتي حتى الكره ما ترومين تلعبين بها..تعالي تعالي فديتج حدري البيت.. العيوز"مصنفره":وااااااايه التراااب..عنلات صداك يا عبود السبال..اللحينه اتفر كورتك السباله شراتك عليه..ويه ويه ويه..الا وامردغك بهـالعصا ياللي ما تخيل ع ويهك.. عبودي:بسم الله..شو هـ العيوز..اللحينه لو فريتها عليج بقووه شو بتسوين.. العيوز:شو بسوي..بذبحك وبذبح ابوك وراك.. عنودي"بدلع وخوف":ابويه ما يخصه.. العيوز:لمي ثمج انتي الثانيه.. شموس:وييييه امايه بلاج تهازبين عنودي فديتها..تعالي عنودي بنسير داخل..ما يخصنا فيهم.. العيوز"تسير صوب شموس":اشوو ما يخصكم فيني..ريلي ع ريلج يا شموس.. شموس"بخباااثه":ويين ويييين امايه يلسي يلسي فـ هالجو الغاوي..وااايه يا زينه من جو.. العيوز"تغير رايها":لالالا..انا ما بيلس تحت هـ الشمس..عورني راسي منها.. شموس:اللحينه هاه..!؟وانا يحليلي كل ما قولج بحدر تعبت من اليلسه خاري تقولين لي يا ويلج..!؟ العيوز:لالالا..انا ما قلت جيه..هاه..اشوفج تقولين رمسه ما قلتها..حشى عليه جاني ما خليتج تحدرين البيت ترتاحين.. وتمشي العيوز وشموس فاجه ثمها منصدمه..عيل وينها هـ الحرمه اللي تقول من اشوي يا ويلج يا شموس ان حدرتي..!؟؟!؟؟؟!؟.. عبودي:يدوووووووه..وين ساااايره..يلسي ويايه بنلعب كووورة.. ام راشد"تزخه بنظره":حشى عليه..ايلس عندك انته يالسبال.... عبودي:افاااأ..اوكي اوكي..مشكورة ع الرمسه اللي قلتيها... شموس:هاااااهاهاهاها..مسويلنا فيها حساس.. وحدر الكل للصاله..العيوز سارت لـ حيرتها على طول..وعبودي وعنودي ساروا يبدلون ملابسهم..وشموس بعد ما صلت يلست فـ الصاله..يودت تيلفونها..ودقت لـ حمد..تسأله عن داره.. حمد:لا..لا تتريني ع الغدا..تغدي فديتج.. شموس:وانته..!؟ حمد:واحد من الربع مسوي عمره طيب واونه عازم الشباب ع الغدا.. شموس:اها جيه عيل.. حمد:وانتي وينج.. شموس:والله ميلسه فـ بيت عمي راشد.. حمد:شو بتتغدين عندهم..!؟ شموس:هيه.. حمد:يلا عيل بالعافيه عليج..بس هاه.. شموس:شو.؟ حمد:كلي زين..ولا تتحركين من مكـانج.. شموس:لا والله.. حمد:سمعي كلااااااااااامي.. شموس:بسم الله الرحمن الرحيم..ان شالله..تامر أمر.. حمد:يلا عيل شـي فـ خاطرج..!؟ شموس:تسلم.. حمد:فمـان الله.. شموس:الله يحفظك.. بندت شموس..فـ الوقت اللي انفج باب الصاله العود..وحدر ذياب وهو ميود يد رويض.. ذياب:حياج حياج الأخت رويض لا تستحين خذي راحتج البيت بيتج.. رويض:شو تستهبل انته..؟! ذياب"يحرك حياته":من اصبحت وانا مجابل ويهج وما تبيني استهبل.. رويض:استغفر الله العلي العظيم..فديتني ما استهبل.. ذياب:هيه وااااضح.. رويض"تشوف شمووس":السلااااااااااااااااااااااام عليكم.. شموس:وعليكم السلاااااااام مرحبااااااا مليووووون ولا يسدن..نورت نورت الرمـاااااااااااااااح... رويض:ككككككك..جااان استحي.. ذياب:وين وين السيده رويض..؟؟!؟؟؟!؟..اونه تستحين..موووول ما يليق.. رويض:ما يليق هاه.. تجدمت صوب شموس ووايهتها..ويلسن سوالف و أخذ علوم هل سويحان وهل رمـاح..وساتر رويض لـ حيرتها فووق..خذتلها شووور..وبدلت ملابسها..ونزلت تحت عسبة الغدا..والعيوز سوت حفله بدون كيك..من شافت رويض..لووووول.. منــــكـــم وعنــــكـــم ماليـــه بــــــد حــكم \ــالـــهوىا\ قــاسي عليـه ثيبــــوا فــــواداً عــــــاشـــــق مــــود لا تـــسوقــــــنــــي صـــوب المنيــــه سويحـان.. الساعة 3 الا ربع.. حوي بيت بوسيف.. وقفت السيـاره..وظهرت فطامي و دخلت البيت..كانت تتريا هـ اللحظه وترد البيت..اتحس عمرها انها اذا حطت راسها ع المخده ما بتنش من رقادها الا اليوم الثاني..فجت باب الصاله.. فطامي:سلاااااااااااااااااااااااااااااااااااااااااا اااااااااااااااااااااااااااامن عليييييييييييييييييييييييكم.. شيخه:وعليج السلام.. فجت فطامي ثمها..وتقول فـ خاطرها"لا والله..هـ اللي قاصر..شيخوه يلسه تحت..ليش ان شالله..ليش مب يالسه فـ مكانها اللي تنخش فيه".. فطامي"بوحشيااااا":انتي هنيه..!؟؟!؟!؟!؟؟!؟؟!؟!؟!؟!؟ بلعت شيخه لسانها..وما رمست بنص حرف..تطالع جدامها وسااااااااااااكته..وفطامي..لمحت البشكاره جدامها اللي كانت ترتب تنظف الطاولات..سألتها عن أمها..قالت لها انها فـ حيرتها..وعن رويض..انها محد من الصبح سارت لبيت هلها..فطامي..حست ان هـ الوقت..وهـ اللحظه بالذات..هي افضل فرصه اتواجه فيها شويخ..لأن طوووووووووووووووووووووووووووووووووول الفتره اللي طاافت..وهي ساكته..وميوده عمرها عن تذبح شيخه..وتروح السجن..وكانت تتريا شيخه..أو رويض..يسون شي..يحركن من الأمور اللي طولت وهي جامده..ولكن..لاحظت ان ما شي تغير..وعرفت ان هي اللي لازم تغّير.. فجت ضمها بترمس وبتبدا العاصفه..ولكن..يت فـ بالها فكره شيطانيه..تخلي سالفة صراخها على شيخه واعترافاتها تحلو واكثر واكثر.. وطيرااااااااااااااااااان لـ حيرتها..بدلت ملابسها..حتى ماحدرت الحمام الله يعزكم وتوضت وصلت..فجت السده اللي فـ الكبت..وخذت منها الفايل اللي خبري خبركم...وطيرااااااااااااااااااان مرة ثانيه صوب شيخه..من وصلت للصاله..هدت عمرها..ومشت بشوي شوي..اونها رقيقه..هع..ويلست ع الغنفه اللي عدال شيخه.. فطامي:مرحبا مليووون بشيخه.. شيخه:.........مرحبابج زووود... فطامي"تفج الفايل وتظهر الصور وتمدها لـ شيخه وترمس بلغه عربيه فصحى":شيخه..بنت خالتي العزيزه..اريد رأيكي في هذه الصور.. طااااااحت عيوووووون شويخ..ع الصور اللي جدامها..وقف الدم اللي كان يسري فـ عروووقها..صدمتها كانت قووووياااا..شافت الصورة فـ المرة اللي طافت..و خافت..لدرجه انها فرتهن عند حصووه..بس اللحينه..خافت اكثر و اكثر..لأن الصور شافتنهن مرة ثانيه عن طريق فطامي..كانت مستغربه..كيف وصلت لها الصور..كيييف كييييييييييييف...!؟!؟! فطامي:اسمعي يا بنت خالد..انا لو ابغي اهددج..جان هددتج من زمان..عطيتح فرصه تحركين دمج اشوي وتقولين لـ سيف..عن كل شي سويتيه غلط في حقه وفي حق رويض حرمته..انتي مب ساااادنج اللي سويته له من قبل..يايه تكملين بعد ما نساج وعاش الحب مرة ثانيه..رمسه..توصلج و تتعداج..باجر اخويه واصل من الكويت..واذا ما صار اللي في بالي..انا ما بتفاهم وياج..انا بتفاهم ويا اللي اكبر عنج..ما غيره سلطان..والله ثمن والله ثمن والله..ان ما سويتي اللي قلتلج عليه..لا ادق لـ سلطان..وين ما كان..ايي يتفاهم وياج..شو تتحرين عمرج انتي..محد يروم يوقفج عند حدج..ترى مثل ما خربتي حياة اغلى الناس عندي..ترى والله لـ خرب حياتج فوق اللي استوالج..وانتي فاهمتني.. فرت الصور عندها..ونشت من مكانها.. فطامي:سوي اللي تبغينه بالصور..المهم تعترفين.. مشت فطامي وهي مستانسه..اخييييراً..اخييييراً حست بت الفرحه تشل قلبها شل..دام انها ظهرت اللي في خاطرهـااا..اهم شي عندها رويض..وسيف..ما يتمون على هـ الحال..لأنها بتتين..ولكن.. وشيخه..يلست اتطالع في المكان الفاضي..يعد ما سارت عنها فطامي..وعيونها..تسيل منها الدمووووع..على الصور اللعينه.. × × × تمنيتك على بعدك..تجي تجلس معي ساعه.. تذكرني وتريحني..وتاخذ عني همومـــي.. رمـاح.. الساعه 5 ونـص.. حيرة رويض.. كانت رويييييييض رااقده..وما تدري شو اللي صار..بين شويخ و فطامي..لأنها اكيد ما بترضااااه..اشوي..الا تحس ان البااااااااااب بتكسر خلااااااااص.. نشت وفجت الباب..الا تشوف عنودي وعبودي يربعون صوب الدكان"الثلاجه لو تذكرونها".. عنودي:ويييييييين الحلوياااااااااااااااااااات.. عبودي:ابااااااا باااااااااسكن روووبنز.. رويض:لا انا ما عندي شي..يلا يلا ظهروا.. عبودي:جذاابه..ذياب قالي انه يابلج حلويات وايد.. رويض:اووهوووو..ما ريد اعطيكم.. عنودي:حرام عليج.. رويض:عاد انتي يا ام الدلع..ما نروم عليج.. عطتهم حلويات..وظهروا من عندها بهدووء..سارت صوب الدريشه..تحس انها تذكرت ايام العزوبيه..ايام..ما كانت تعرف سيف المعرفه الجريبه ولا كانت تحبه..ايام ما كان قلبها خالي من بعد اللي صار ويا سهيل..خذتلها شور ع السريع..وصلت وقرتلها قرآن..ووقفت ع الدريشه مرة ثانيه..كانت تشوف الناس اللي يالسين تحت..العايله كـ العاده كل عصر يلتمون فـ بيت ابوها راشد..كونه أكبر الأخوان..الكل الكل الكل..يالس..محد ما تم يالس عندهم..الا سيف..فـ حيرتها..ماشي يذكرها بسيف..مع هاذا..قلبها يذكره..كرهت هالقلب اللي انذل وايد..كرهت هاللب ولكن لا زالت مستعده تنذل عشان سيف..عشان يعرف منو الغلطان واللي غلط ع الثاني وظلمه..عشان تعرف منو اللي تجرأ وترك الثاني ارووحه.. وردت افكارها اللي تربطها بسيف..وظهرت من حيرتها..شافت غبوش فـ ويهها..اللي كانت سايره لـ غرفتها.. رويض:هاه هاه..وين وين اخت غبوش..يالسين يالسين..توني بيلس عندهم نشيتي من مكانج.. غبوش:شوووو.!.!؟؟انا بسير برقد..خلاااص عيوني تتبند ارووووحها.. رويض:وانتي دوووومج رااقده.. غبوش:هيه..بدى شغل الحسد.. رويض:بسم الله احسدج على شوو.!.؟ غبوش:مادريبج..يلا باي باي.. سارت غبوش..ورويض نزلت تحت وتقول فـ خاطرها عن غبوش"عافانا الله"..نزلت تحت..وين ما العالم متوالفين..يلست امبينهم..كانت نجمة القعده..لووول..شرايكم..حلوة نجمة القعده..استخدموها ما وصيكم..ومع مرور الوقت..بدى الكل ينسحب لأشغاله..والأكثريه راحوا العزبه..بس رويض قررت باجر اتسير دام انه باجر خميس واوريدي الحرمات والبنات كلهن بيسيرن.. شموس وشجون ورويض و موزاني..يلسن فـ الصاله..سوالف وضحك..اشوي الا موزاني تسكتهن.. موزاني:جاااااااب جاااااااااااااب.. شجون:مالت.. شموس:فقدتج قطعتي سوالفنا.. موزاني:شي(ن) غرييييييييييب.. الكل:شوووو.!.!؟ موازني:بخبث":ماريد اقووول.. الكل:يلا قووولي.. موزاني:سهيله داقه..بصراحه شي غريب..اعديبها من زمااااااااااااااااااااااااااااااان هـ البنيه.. رويض:حتى انا..الشله كلها على تواصل وياها..الا سهيله كله اتسوي طاف.. موزاني:هدووووووووووء برد عليها.."وترد عليها"..مرحبا باللي يينا على باااله.. سهيله:مرحبابج زووووووووود..شحالج..!؟؟ موازني:بخير وسهاله..من صوبج..!؟ سهيله:ما نشكي باس..حي هـ الصوت والله.. موزاني:اللحينه هاه..اللحينه ييت على بالج.. سهيله:في ذمتيه من زمان على بالي..الله يلعم انيه مشغوووله..المهم.. موزاني:آمري.. سهيله:اليوم بعد صلاة المغرب ابغي اشوفكن كلكن فـ بيتي.. موزاني:والسبب..!؟ سهيله:بس جيه..متولهه عليكن.. موزاني:فالج طيب..بنرمس رياييلنا..واذا بنيي..بنقولج.. سهيله:اوكي عيل ..اترياكن.. بندت موزاني عن رويض..وسارت صوبهن اتقولهن ع السالفه..وبعد صلاة المغرب..كشخن الشله..وسارن لـ بيت سهيله يتبــع ,,, { الفصل الثـاني ~.. {.. بدأ جَو ـالامارات يبـردَ ..، وبدتّ تِبرد مشآعرنآ .., ترىآ گل الفُصَول ـأربعَ .., وحبگ فصْلي ـالخآمس ..، } سويحـان.. قسم رويض.. الساعه 2 ونص.. فطامي"تتلحف بقووه":اخخخخخخخخخخ ..برد برد برد.. رويض:هيه والله برد من الخاطر.. فطامي:وبعد يلا قوليلنا شو سويتي في بيت سهيله.. رويض:بس بس..سيري فوق رقدي..يلا..باجر مدارس.. فطامي:آآآخخخ بموت من الفرح..باجر خميس.. رويض:وباجر بعد بنسير العزبه.. فطامي:متى... رويض:العصر.. فطامي:زين زين شي طيب..من زمان ما سرت لاعزبه.. رويض:جب يلا سيري رقدي.. فطامي:ارقد هاه..؟واذا قلت لج عندي لج خبر يسوى مليووون.. رويض:هاه شو صار..!؟ فطامي:ترى الخبر عن سيف.. صخت رويض ما نطقت بـ ولا كلمه..صدت صوب فطامي..بنظرات حزينه..كأن طاري سيف وسالفة سيف حطت رويض للمرة المليو..فطامي تريت رويض ترمس تقول شي..بس رويض لامه ثمها..يعني..تترياج يا فطامي ترمسين.. فطامي:سيف باجر بيي.. لليـــوم وانا اقـول يمـكـن اني انســـاهـ ., ولليــوم اشــم بكـف يـدي عـطــرهـ ! حارت عيون رويض..وتحس الدمع بينزل..باجر بيرد سيف..و بتنرد معاناتها..هل بيكون سيف..اللي يجرحها ويتجاهلها..ولا سيف اللي عرفته الحنون الطيب اللي يداري على مشاعرها.. هل بيكون الشخص..اللي جمع التناقض في شخضيته الفتره الأخيره..!؟؟ ولا منو بيكون.!.؟ فطامي:اقول..باي انا بسير برقد.. رويض:الله وياج.. ظهرت فطامي من عند رويض..ونشت رويض ووقفت جدام الدريشه العوده اللي تخليها اتشوف الحوي كامل والحديقه السريه شرات ماقول..لووول..كانت تشووف أوراق الشير تتحرك يمين يسار..وعرفت ان اللحينه يهب هوا بارد..والشتا وصل..بس سيف وصل..!؟؟؟! يعنـي متى بتهطـل سحـاباتـك عليّ ..؟ يعنــي متى ..؟! حنـا على أبـواب [الشتـــا] إنت تبـووق كـل السحـايّب .. و صـاحبـك ميّت ضمـا ! بكـرهـ يجــي [ البــرد ] و أنـا أكـرهـ تفـاصيـل [ الشتــا ] لمـا تغــيب ..! حتـى الجمــر يلبـس بيــاض حتـى الجمـر من غيـر مااتحضـر يشـب .. يعنـي متى بتهطـل سحـاباتـك عليّ ..؟ يعنــي متى ..؟! هل بيطول سيف لين ما تشوف عيونه الحقيقه..هل بيمنع رويض عن شوفته وعن سماع رمسته..وشو بيصير يوم بتشوفه..شو بيصير يوم بيشوفها..لين متى بيتمون جيه..لين متى.. أبسأل ... يا أجمل أنواع الصبر .. ليه انتظر ؟؟ وانا ادري في حالتي .. مالي أمل .. لو انتظر كل العمر .. انك تجي .. ولا تحس بلهفتي .. ولا تمــــــــــــــر .. ليه انتظر .. واخفي بــــــ عيني عبرتي .. و اختنق .. وأحاول القى سبب يوم انّــــــــا .. .. نــــ فــــ تــــ رق .. ليـــــــــهـ الفراق .. كان يمكن نوصل لــــ اتفاق .. ونتفـــــــــــــق .. كنت تعطيني سبب واحد .. ولا تخليني احتــــــــرق .. سيف كان بيده اشياااء وايد يروم يحل بها المشكله..سيف..صاحب العقل الواسع..الحكمه..اللي كل مشكله يروم يحلها..و أولها مشكله شيخه اللي كشفها ونساها من بعدها..بس مشلكة رويض..ليش ما انتبه للصور..ليش يبتع هالأساليب معها..شو اللي فـ قلبه..شو اللي يفكر فيه..؟!؟!؟هي ما تعرف..بس اللي تعرفه..انه القهر يقطع قلبها..وان الحزن عذبها..و سيف..كل اللي يسويه فيها..انه يهجرها..يعذبها..ويغيب عنها.. يا غيــاب .. ليـه الغياب ياخذ قلوب ٍ أبيها ..؟ ويترك بـ قلبي العــذاب ..؟ ما سألتك يـ الغياب .. ! وينها وجيـه ٍ [ نقيـه / التقيـه ] يا غياب ..؟! هي تعيش بـ وسط صدري ..؟ ولا صدرك يا غياب ..؟ لـ ح ـظـه .. لـ ح ـظـه ....! يا غيــاب عطني من وقتك شويـه .. لو سمحت / بلغـه إني بـ غيابه .. ما فرحت / ولو كسر ظهـري الحنين ,, وثم طحت ..!..!! ملت من هـ الأفكار..ويلست ع الغنفه شلت تيلفونها..يلست اتطالع المسجات اللي كانت بينها وبين سيف..كل مسج من عند سيف تيلس تقراه..اتشوف حرووفه ومعانيه..شو يقصد سيف بكلماته..وشو اللي ما يقصده..فـ كل مكان فـ كل زمان..رويض بس تفكر فـ سيف.. ولو | ليلة | تعال أعلمك عن وقتي بلياك وشف وشلون أحاول [ عزل قلبي ] عن حكي بالي وأنا أحاول ولكني فشلت وكل ما بنساك تذكرني الرسايل يوم اقلبها بجوالي فرت التيلفون..من سمعت صوت المطر..ما توقعت ان شي مطر بينزل ع سويـحان اليوم..ونشت صوب الدريشه العوده..يلست تشوف المطر اللي كان يضرب ع الدريشه بكل قوه..ما قاومت شكل المطر والجو الخاري..مع انه فليل..بس كاااااان طرررر كسترييييييييم.. حطت شيلتها ع راسها..وطيراااااااان للحوي.. من ظهرت..وقفت فـ نص الحوي..كان المطر ينزل بقوووه..حست بفرحه تسري فـ عروقها..من زمان ما شافت المطر"لا تلومونها بنت الإمارات واحن نطول لين ما نشوف الأمطار ما نقول غير الحمدالله على كل شي".. يلست تحت المطر..تستمع بهـالجو الغاوي..اللي ما يتفوت..الناااس رقووود يتلحفون من هـ البرد..وهالخبله دااااااايم عكس قانونه ويالسه تحت المطـر..تحس بالبرد يدخل فـ عظامها..مع هذا..يلست..اتحس عمرها مرتاحه.. البــرد ماحــس بـ \ عــذابي و شكــوايّ .. ولا لقـيت الا القصيـد اشتكي لـه .. و إن كـان ماهمـك غيـابي و شكـوايّ ..! شـوف غيبتـك ياهـي و ربي ثقيلـة ..! تركت المطر..وتركت الحوي..راحت لـ الشبريه..وانخشت تحت لحافها..متأمله بيوم يديد باجر..وبعودة سيف بشكل أخر |
| الساعة الآن 07:03 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir