|
. . . السلام عليكم ورحمه الله وبركآإته وآإآي فوديت قرآإئي آنآإ إلي يحتروني . . . . :yaw: والله جد جد . . مآإعرف ششّقولكم عقب كل هالردود الطيبه والرمسه الحلوه . . . مآإقول غيير آلله يجبر بخآطر فرد فرد . . والله لآ يذوقكم الحزززن ي ـآإ’آإرب :wrd: لكن سسؤآل . . شس ـآلفه العضوه " هعهع " ؟ ليش آنحذفت ردودهآإ وليش آعضآء وآيد طرشولي رسآييل يتأسفون عنهآ ويقولون لي طنشي . . مآ فهمت شي . . بس لو حد يوضحلي شو كآن ردهآ يحتوي . . . :Afk_r: آمآ بالنسبه للرسآيل والردود البآقيه . . ـالصرآإآإآإآإآإآإآإح ـه . . لا تعليق الله شآهد آني عرفت غلآإتي عندكم . . ومآ قصرتو والله :1711: ج ـد آستآإنسسست آنآإ وآإآإآآآآآآآآآآآآآآآآآآآآآآآآآآآآآآآآآآآآآيييييد :191: . . . هآإه قٌرآئي آلآعزآإء . . آع ـترفو . .آشتقتولي آنآ ولآ الروآيه :191: ؟ لو قلتو الروآيه مآإشي بآرت آليوم :09: > بنششآت . . لؤؤؤل . . . . . عسسآنآ كل ـنآ آنكتب لنآ نكوؤن من عتقآإء النآر يـآإآإرب . . وعسى بعد العيد آمنيآت كل شخض وكل عضو تتحقق ي ـآإرب . . وكل حآل يتحسن للآفضضل آن شإآإء الله . . . وهآإ لآإتنسسون صيآم 6 شوآإل . .! قال النبي صلى الله عليه وسلم " من صام رمضان وتبعه بست من شوال كمن صام الدهر " فـ شدو الهمه ـ ترآهآ بس 6 آيآم وبيخطفون بسرعه . وين الواحد بيحصل آجر مثل صيآم الدهر كله ؟ . . . عؤؤده للـروآيه . . للحين مآ رتبت جدول . . متى بنزل ومتى مآ بنزل . . لكن بإذن الله رآح آعوضكم :wrd: رآح آبذل كل ج ـــــهدي ورآح آعطي كل الطآقه إلي آقدر عليهآإ هالفتره لين مآ آحس آني عوضتكم عقب رآح آسسوي جدول آن شآإء الله . . س ـلآإمي لكم . . ضحيهـ :wrd: . . . |
. . . البارت الـ 106 ط’ـآف شهر رمضآإن كآمل . . وطآف بعده شهر ثآني . . يعني شهرين ونصص مرو . . . ( منصور + سلامه ) . . تزوجو . . من بعد مآإ قدرت سلامه تمشي . . الفرحه ف قلب منصور كل مآيآهآ تزييد . . وكل يؤوم يمر هالاثنيين يحبون بعض اكثثر واكثر . . عرسسو . . وسآرو شهر العسل . . ومن ردو من شهر العسسل على طول . . سلامه حممملت . . والحيين منصور وسلامه عايشين في بيت بو عبدالله لين ما يحصلون لهم بيت يديد . . هالاثنيين للحين عآيشين في وضع مستقر وثقه . . . هل الاستقرآر والثقه رآح آتم ؟ بنعرف بعديين ( عنود + محمد ) تزوجو مع منصور وسلامه ف نفس اليوم وطبعا حسب الاتفاق بدون حفله ولا خرابيط علشان اخوهم خالد الله يرحمه . . مآ سآفرو شهر العسل لآن محمد مآعطوه إجآزه ولآن عنود بآقيلهآ شوي وبتتخرج مآ تبغي تضيع الفرصه . . عاشو شهر العسسل تجوآل فقط فـ دبي وبوظبي وآلشآإرج ـه . . ومن فندق لـ فندق . . والحين عآإيشين في نفس البيت الي كانو فيه . . لان ام خالد حلفت ما يطلعون . . وبو خالد اصصصر بعد لانهم خافو البيت يخلى عليهم وهم الاثنين ما يحبون الوحده . . هالاثنييين للحين حيآتهم فيهآ نقررره وعنآد وضرآبه خفيفه . . والي اكبر عن جذي ! حبهم العنيييد المخبآي والي من تحت لـتحت . . لكن هل هالششي بيستمر ؟ بنعرف بعديين ( فهد + روضة ) بع ـد تزوجو عقب الملجه البسيطه وعقب حفله العرس الابسط العائليه . . طبعآ قرآر من روضه احترآمآ لآإخو سيف . . روضة كانت شروطهآ العيال يكونون معاهآ وابد مآ عآرض فهد بحكم ان هو عنده عيال بعد ورضضت فيهم روضه بدون جدال فـ رضى هو فـ عيال اخوها بعد بدون جدال . . يعيشون في بيت فهد الي يعيش فيه هو وبنته بس . . حياتهم للحييين حياه ناس عآقلين . . في انسجام وتفاهم وقناعه . . لكن حب ؟ بنعرف بعديين . . ( عذآري + سلطان ) وآإخييرآ ملجؤؤؤ ! وطبعآ فرحه عذاري ماتنوصصصصصصف آبد . . متلهفة وما خلت عصآير مـاوزعتها ع الفريج وشلت البقعه ولا جنهآ شآيفه خيير ! حب عذآري لـ سلطآن كل مايآه وهو يزيييد . . وكل مآيآهآ وهيه تبيه اكثر واكثر وتبي تعرسس اكثر عنه فاقرب وقت . . آمآ سلطآن آخر العرس لـ بعد 3 شهور . . مع ان سيف عاطنه مبلغ كبييييير علشان يعرس فيه ويسافر ويعيش فيه هو عذاري لمده ! لكن سلطان قرر آنه فهالفتره يذبح روحه شغل صبح ومساء علشان يوفر ع الاقل نص المبلغ ويرده لسيف ويحس برآحه . . قرر يتم عهالوضع لين يخلص الصيف وعقب بيوقف دوام المساء وبيدرس ف الكليه . . سلطآن بعده كآتم حبه . .وبعده كاتم نص مشآعره تجاه عذاري . . يآترى بيتم جي ؟ بنعرف بعدييين . . ( مهـــــــــــــره & سيـــــــــــــف ) بعد شهرين ونص . . شو تتوقعون آلحآل صآر ؟ مهره للحين مش قآدره تسآمح سيف . . مع ان ما خلا شي مآ سوآلهآ آيآه . . تمت معآه نص شهر رمضآن وعقبها طلعت من البيت وردت رآك عند اهلهآ ويآ شوق . . يئئس منهآ من عقب كل محآولآته ولا عرف شو الي ممكن يرضيهآ . . الشي الوحيد الي هيه ماتوقعته يسويهآ آنه يتجآهلهآ . . الكل لآمهآ والكل قالها تسستاهلين على الي سويتيه وعلى الجفا والعذاب الي عيشتيه . . لكنها تجاهلت كل الكلام وتجاهلت كل شي . . وهي في بالها جمله وحده " هنت عليك ياسيف ؟ ما يحق لي اتم اتدلل عليك واعذبك مثل ما عذبتني طول ما انا على ذمتك ؟ انا تحملت كل شي منك وتحملت عذابك وضيمك . . والحين ما ياي تتحمل غلطه انت ارتكبتها ؟؟؟ ليش يآ سيف . . لييش . . " عقب هالجفا الكبير الي انولد حتى الاتصال انعدم بينهم . . لا هو يتصل فيها ولا هيه تتصل فيه . . حمد ونآصر آكثر اثنين يحآولون فيهم واكثر اثنين كل يووووم يفكرون يسوون شي يديد علشان يرجعونهم لـ بعض . . لكن كل طرقهم فششلت . . سيف وصلت فيه انه غير رقمه . . علشان محد يتواصل معاه ويلومه على قطاعته لمهره وحتى لـ قطاعته لآهله الي من عقب ما راحت عنه مهره ما قام يشوفهم ولا يرمسهم . . يآترى راح ينتهي كل شي ؟ رآح تنتهي قصه هوآهم ؟ رآح ينتهي الحب العميق الي ما عاشه اثنين في الدنيآ ؟ بنعرف بعدين . . . |
. . . البارت الـ 107 قهد : شفييييييج بابا ليش اتصصصصصيحين ؟ ريموه تمسح دمموعها وتأششر على روضه . . توجه فهد بعصبيه صوب روضه ومسك شعرها : ليش ضرببببببببببتيها ؟؟؟؟ روضة بصدمه : فهد ليش تضربنيييي .؟؟ فهد يجابلها : ليش تضربييييييييييييييييينها ليش ؟؟؟؟؟؟؟؟؟ روضة فاجه عينها : اضرب منوووووووو ؟ فهد : بنتتتتي . . انا زين اليوم راد من الدوام من وقت وشفت صياحها لو انا محد جان ماعرررررررفت ولازخييت سوالفج الي تسوينها . . طلعي برا بيتي مابا اشوف ويهج اهني . . انا شرطي كان بنتي يوم انج ما تبينها اانا مااباج بعد روضه عينها بدت ادمع : فهد . . فهد يصارخ : مابا اسسسسسسسمع حسسسج . . شلي قششارج واطلعي برا بييتي روضه : حرام عليك انت ظالمني . . فهد يتأفف : لا حول ولا قوه الا بالله العلي العظيم . . يا بنت الناس سمعتي الي قلتلج اياه ولا ؟ روضة : غلط الي تسويه . . انزين اسمعني ع الاقل . . " مسحت دموعها ." فهد عطاها نظره . . مما خلاها تبلع ريجها وتركض فوق وتقفل على روحها الباب . . سار فهد صوب ريموه وحظنها . . فهد : خلاص بخليها تروح بيتهم ما نباها . . ريموه تصيح : لااااااااا . . ماااااماه لووذذذه ماتلللللللللللوح فهد مستغرب : توا انتي صحتي عشان هي ضربتج ليش تبينها ؟ ريموه تهز راسها بالنفي : ماذذذذذذربتني . فهد تم يطالع ريموه : عيل شووو . . ؟ليش تصيحين انتي ريموه : علشان انا قلتلها وديني ألعاب . . هي قااااالت خذي دوااا بعدين بنلللوح انا قلتلها مووووووبي موووبي ابا ألوؤؤح مابا دوووووووا . . بعدييين انا ززززللللعييت وتميت اثيييييييييح فهد غمض عينه بقوة بصدمه من كلام بنته . . ابد ما توقع يسمع هالشي . . راح باله بعييييييد وايد . . ماعرف يتصرف . . اتندممممممم على سرعه تصرفه وعلى انه ما فهم الموضوع من البدايه ولا سمع من روضة شي . . . . . . عنود حاطه ايدها ع خصرها : والدوام ما يخلصصصصصصصص ؟ محمد: اقولج ببند فويهج قسم بالله ترى . . عنود : سوها لو فيك خير سوها محمد : مافيني خير " وتم يكح ويكح ويكح " عنود حاطه ايدها ع قلبها : انت خذت الدوا ؟؟ محمد : لا الدوا فالسياره . . عنود بعصبيه : حمود كيف ناسي الدووووووووووا . . انت قبل لا تطلع من البيت قلتلككككك شله وياك لا تخليه فالسياره ليش ما تسمع كلامي . . محمد : خلاص يا بنت الناس باقي شوي وبيخلص الدوام وبركب السياره وباخذذذذذذه . . لاتحنين ولا بتصفعين ترى . . عنود : محمد والله اني ما امزح ليش ماتهتم ف صصحتك يعني محمد : وانتي شو خانتج ؟ حرمتي عالفاضي عنود : ويديييييييه !! والي علي تراني اسويه . . اذكرك شسوي اكثر عن جي محمد : ليش ما تيني الدوام وتعطيني اياه بنفسج . . هاي الحرمه المثاليه الي تسوي جي اصلا مش عنود . . مالت على الي عندي " وتم يكح " عنود : حموووووود لا تخوفني عليك مش وقت مزحككككك الحين قوم خذه يالله محمد : مابا . . خافي علي اكثر . . عنود : وبعدين معاك ؟ محمد : مابا عنود : عن البــززززا عاد واسمع الكلاااااام . . انت ليش ما تسمع كلامي . . محمد : وانتي منو عشان اسمع كلامج . . عنود تتأفف يقهر : حمود لا تغصص بي مش زين يمككن اكنون حامل محمد : هااه عنود : هيه بعد شو . . ترى الحامل مش زين لها الززع ـل ياخي . . محمد : احلفي عنود : والللله محمد : يعني انتي حامل عنود : لا اقول يمكن . . وانت يالس تغصص فيني الحين . . تبا تقهرني ويطيح الياهل ؟ محمد : لالالالالالالالالالالا . . والله الحين بقوم باخذه . . والله . . باي . . طوط طوط طوط عنود باستغراب : بل . . معقوله هالموضوع فرحه لهالدرجه ؟ " تبتسم " فديتك ياحمود . . حمد من وراها : اكيد تتفديني انا اكييد . . عنود قفطت : اويه انت من متى اهني حمد : من قلتي ( يقلد صوتها ) فديتك حمود عنود حطت ايدها عويهها من القفطه .. حمد : هههههههههههه عادي عادي . . كني ما سمعت شي . . عنود تبتسم : بتسير مكان ؟ حمد : وين اسير توني رآد من الدوآم . . عنود : عيل ليش ريلي ما خلص حمد : عاد انا دكتور . . مرتبتي فوق رتبت ريلج . . لازم بطلع شوي بدري . . عنود عاقده حياتها : لا تتخقق ع حسابه ما ارضى اوكي حمد مبتسم : ما اتخقق . . عنود : ايلس اباك ف سالفه حمد يتنهد : لو نفس السالفه لا تفتحينها عنود : انزين ليشششش حمد : من غير ليش . . قلتلج هذا قلبي وانا ماقدر اتحمل منه . . يعني لو انا قادر اطلعها منه جان طلعتها من خذت اخوي . . دخيلج الف مره اقولج سسسسسسسسسكري الموضوع ولا عاد تفتحينه لي مره ثانية عنود بتردد : اخاف اقولك شي تعصب عيل حمد عاقد حياته : شو عنود : مم انا ما يخصني . . ماشي ماشي " وتمشي بتروح " حمد يمسك ايدها : تععععععععععالي . . شووه السالفه ؟؟ ارمسي عنود ترص ع عينها : ماشي لاااااااا حمد : والله تقولين حلفت عنود : مممم امايا حمد عاقد حياته يترياها تكمل . . عنود : شافت وحده وقالت بتخطبها لك . . حمد بصدمه : شششششششششششوووووووووووووووووووووه ؟ عنود : انا ماليييييييي خصصصصصصصصص من خلصت الجمله طار حمد من عيونها واختفى . . > < > بطل الباب بكل قوة . . ام خالد حطت ايدها ع قلبها : شششوه بلاك ؟ خوفتني حمد يحاول يكتم غيضه ما يبا يصارخ على امه ، جمع كفه ورص على كفه بالقو عشان يطلع الي فيه ف نفسه مش فـ أمه . . وبهدوء مصطنع : شو الي سمعته امايا ؟ ام خالد : وهاي السوسه ما تقدر تيود لسسسسسسسانها .. اكيد خبرتك حمد يييلس ع السرير ويشوف امه : امايا انا شو قايل لج ؟ ام خالد : ولين متى تباني اشوفك جي ؟ يا وليدي ما عليك قصور . . ناقصنك حررمه بس حمد : امايا ترضين بالظلم ؟ ام خالد تنفث ثيابها من قال جي : اعووذ بالله . . طبعا ما ارضى حمد : تبيني اظلم بنتتتتتتتتت الناس وياي ؟ ام خالد : ولييييش تظلمها ؟؟ خبرني ليش حمد : يا امايا انا اقولج لو عرست بظلم البنت . . وانتي ماتحبين الظلم . . وبيطيح كل شي ع راسج وبذمتج ام خالد : انزين خبرني ليش ياولدي ما تبا ليش يالغالي ؟ خبرني . . في حد فـ خاطرك ؟ تبا حد ؟ حمد يتنهد . . ام خالد : خبرني . .والله اخطبها لك اليوم قبل باجر . . حمد : امايا الي احبها عرست . . ام خالد انصدمت وتمت تطالع عيون ولدها المتعذبه . . حمد : اموت فيها امايا . . والله اني اموت فيها ام خالد : تحب معرسه ؟ حمد يطالع امها : احبها قبل لا اتعرس . . لكن النصيب . . تزوجت غيري ام خالد : وليش ما قلتلي اول ما تعلقت فيها قبل لا اتعرس عنك ؟ حمد : يوم سافرت . . ام خالد : لو اتحبك جان اتريتك حمد : قالتلي . . وتمت تترجاني .. بس انا ما سمعت كلامها ام خالد : ليش ما سمعت كلامها . . حمد : ما يا في بالي الزمن بيلعب فينا . . كنت واثق انها ما بتكون لغيري ام خالد تدمع وتمسح دموعها بشيلتها : يا حسره قلبي عليك ياوليدي . . حمد : امايا . . امانه هالرمسه بيني وبينج . . ماتطلع لـ أي حد . . ام خالد : سرك ف بير يا ابويه . . انا سترك وغطاك لا توصيني . . ودخل ف حظن امه وخلا دموعه تنزل براحه من غير ما يستحي من نظراتها . . . . . |
. . . البارت الـ 108 سلامه تشوف المسج وتحذفه ويدخل منصور . . منصور : السلام عليكم . . سلامه تقوم له بابتسامه : وعليكم السلام منصور : انا ما قلتلج لا تقومين ؟ ما قلتلج ارتاااااحي يا حبيبي سلامه : انا زينه شوفني . . وبعدين بعدني فالشهر الاول ما علي خوف منصور : لازم تحافظين ع البي بي بالذات اول الشهور . . ليش ما تسمعين كلامي انتي ؟ سلامه : اسفه . . اخررر مره " تبوس خده " رضيت ؟ منصور يبتسم : وانا اقدر ازعل عليج ؟ يالله نشي خلينا ننزل تحت حطو الغدا . . سلامه بتردد : ممم . . منصور :شو حبيبي ؟ سلامه : خل ييبون الاكل فوق . . منصور :ليش ؟ سلامه : ماقدر انزل الدري . . منصور : من عيووووووووووووووووني . .تااااااامرين اممر والله . . ويشل تلفونه ويدق ع البيت . . وردت عذاري عذاري: ألوو منصور : ابغي اكلم امي . . عذاري تتنهد " متى بترضي علي يا منصور متى ؟" تعطي السماعه حق امها : يبا يكلمج منصور ام عبدالله : الووو . . منصور :امايا طرشو الاكل فوق . . ام عبدالله عاقده حياتها : وليش ؟ العروس ما تبا تنززززل ؟؟؟ منصور استغرب من رد امه : امايا بلاج ؟ ام عبدالله : ان شاء الله . . مثل ما تبا . . بخليهم يييبونه فوق . . وبندت فويهه . . استغرب منصور بس ما قال شي . . . صد لسلامه وابتسم : شوي وبييبونه . . سلامه تنزل راسها .. منصور : بلاج حبيبي ؟ في شي ؟ سلامه : اهلك ماعرف كيف منصور استغرب: شفيهم اهلي سلامه : احس انهم ما يحبوني منصور : حرام عليج . .ليش تقولين هالكلام . . سلامه تتنهد : ماعرف . . احسساس . . منصور : لا يحبونج والله . . كلهم يحبونج سلامه : لا تحلف . . جدامك بس يحبوني منصور باستغراب : في شي انا ما اعرفه ؟ سلامه تصد يمين : لاء منصور : خبرينيي ؟ خاشه عني شي؟ سلامه : قلتلك لاااااااااا . . " وتقوم تروح صوب التواليت " منصور : ليش ما تصارحييني حبيبي ؟ سلامه : حبيبي يالله روح بدل علشان ناكل . . منصور يحط صبعه ع راسها :هذا يابس . . وراح عنها .. . . . عذاري : امايا هكوو وصل . . ام عبدالله : يالله روحيله وانا بطرش الغدا الميلس . . عبدالله : اوه يعني انا وامايا رواحنا اليوم بناكل . . عذاري تبتسم له : ادري مكاني بيخلى . . اتحلمو شوي . . بو عبدالله : عقب الغدا بي اسلم عليه . . عذاري : ان شاء الله ابويه . . وركضت صوب الميلس . . عذاري تبتسم : السلام عليكم . . سلطان يبتسم : وعليكم السلام ورحمه الله " يمد ايده " شحالج ؟ عذاري تمد ايدها من بعيد : الحمدلله . . سلطان يرص ع ايدها ويسحبها شوي جدام وهي تنزل راسها : تستحين يعني . . تستحين هاه عذاري تبتسم بحيا . . سلطان : ام لسان وتستحي . . وين طلعي حنتج البارحه اشوف ؟ متى بتيني متى بتيني ؟ ويوم ييت سكتي ومنزله راسج . . عذاري تبتسم اكثر : بس عاد . . خلنا نيلس . . وتسحب ايدها وتسبقه تيلس عالغنفه . . ابتسم سلطان ولحقها وقعد قريب منها بس مش وايد . . عذاري عقدت حياتها وتقربت منه وهيه تشم : ليش مغير العطر ؟ سلطان باستغراب : خلص عطري الجديم . . عذاري : وليش ماخذت نفسه ؟ سلطان : ما لحقت وعندي عطر ثاني لين ما اروح اشتري ذاك العطر . . عذاري عاقده حياتها سلطان : بلاج ؟ عذاري : ليش مغير العطررررر سلطان : بس جي قلتلج " يبتسم " القيير فرند اليديده قالتلي تحب العطر عذاري عطته نظرة فالصمييييييييييم بالقو سلطان : هههههههه عذاري : كم مره قلتلللللللللللك لا تقول هالرمسسسسسسه ما احبببببها سلطان : وين الغدا ؟ يوعان انا توني راد من الدوام . . اكليني ع الاقل عقب استجوبيني عذاري: والله ما راح يدخل شي ف بطنك لين تقولي ليش مغير العطر سلطان مبتسم : جاوبتج ترى . . عذاري بوزت وصدت الصوب الثاني سلطان يسحب ذقنها ويخليها تشوفه : شفيج عذاري تطالعه بعيون وسيعه وقهر : قلتلك الف مره ماحب هالكلام ولا احبببب يوم اتقول جي ولا احبببببببببببببببببب يوووووووم . . . . . . . . . . . . . . . . . . سلطان يقاطعها ويطالعها بنظرات تذبح : اانزين احبج عذاري تطالعه بعين ملهوفه : هاه . . سلطان يبتسم : شو هاه . . احبج عذاري تنزل راسها بحيا ومبوزه شوي : لو تحبني ما بتم تقول القير فرند اونه سلطان : تغارين علي ؟ عذاري تطالع عيونه : وايد . . سلطان : ليش عذاري : ياخي انت جميل كل العيون عليك . . سلطان : هههههههههه عذاري : والله صدق . . لازم اخسسسسسسفك انا . . مااتحمل كل حد يطالعك . . سلطان : بس عشان ويهي جميل ؟ عذاري : وجسمك طرر . . وصوتك حلو . . ووؤ اسلوبك رآقي . . ويعني تلفت النظر والله " تبوز " انا ماتحمل . . سلطان : انزين عيوني ماتشوف غيرج . . عذاري تطالعه بحنان : والله ؟ سلطان يبتسم : والله . . عذاري : مول مول ؟ سلطان : قلتلج عيوني ما تشوف غيرج . .شوه ما يسدج ؟ عذاري تنزل راسها بحيا : يسدني . . سلطان : وايد ترست الغرشه هاه . . عذاري تبتسم وتطالعه : جان زين جي كل يوم . . سلطان يقرص خدها : ماشي . . وايد عطيتج ويه عذاري تحط ايدها ع ايده وتغمض عينها . . وحس بقشعريره من حركتها فـ على طول وخر ايده . . عذاري فتحت عيونها وشافته ارتبك . . ارتبكت عقبه وقامت على طول . . ومن قامت شافت االخدامه فويهها يايبه الاكل . . تمت تعاون الخدامه وترتب الاكل ع طاوله الطعام . . وعقب ما خلصت صدت له عذاري : يالله تعال . . ابتسملها وقام وراها وتمو يتغدون .. . . . |
. . . عقب كل هالبآرتآإت حبيتؤوؤني صح:Afk_r: ؟ ي ـآإلله آستمتعو بالقرآإءه . . ولإ تنسسسوني بردودكم وآنتقآدآتكم . . هآ إلي قدرت عليه فهالوقت :wrd: ولي عوده قريبه للتكمله آن شآء الله . . |
| الساعة الآن 03:30 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir