منتدى استراحات زايد - ~*¤ô§ô¤*}أغليهـ يعنيـ أعشقهـ~*¤ô§ô¤*أعشقهـ يعنيـ أموتـ فيهـ{~*¤ô§ô¤*~

منتدى استراحات زايد (http://vb.ma7room.com/index.php)

- استراحة قصص وابداعات الاعضاء (http://vb.ma7room.com/forumdisplay.php?f=28)

يسلمو ع القصه

السلآم عليكم ..

اول .. شي مبرووكـ علييكم الشهر .!

ومسمووح اخووي خذ رآآحتكـ .. >! بس موب واآيد ^_^ هع لا .. لا اسولف تيكـ يور تايم ..

وهيي بغييت اقوولكم السمووحهـ .. يمكن ماآقدر اكمل ويآآكم لين ما اررجع البلآد بالسلآمهـ .. انشالله

والسمووحهـ عالرد المتأآخر ..!

اختكـ : د . جرووحهـ .!

ۈش سآڷفه قڷبڪ ترى آפــترت ۈيآڪ...!

البارت 35...

ضلوع صدري مآلهآ غبك لآيم
تسسٍتآهل اكثر
يَ آكثر آلنآس [ قيمه ٍ] . . !
صوتك مثل نفحة هبوب النسسٍآيم
كل مآسمعته قلت : [ربي يديمه ] :
هند: كيف يت عندك..!!؟
سلطان نزل راسه: شو نسيتي الطيحه ..
هند توترت:..هاا .. هيه مدت ايدها وخذت السواره .وصابيعها لمست كف ايده..
هند: شكراا ..
توه بيرمسه ..بس ما شفاف غير اغباارهاا .. اخخ
سلطان مبتسم: عفوا..

اذا كانك تبي ودي ,,

ابيك | العـهد | تعطيني ..
وعليك الله .. وـامان الله ,,
لح ـطك فوق خلق الله ..

صووب نوره..
انفتح البااب وانصك وتساندت عليه
نوره نقزت من امكانها: بسم الله الرحمن الرحيم.. جي الناس تحدر ..خوفتيني
هندبعدها متسانده على البااب وتتنفس البسرعه ..
نوره تمسح ادموعها: شووفيج .. شوو صاير ..؟؟
هند: هااا .. مـ ..ماا شي..
نوره: كنتي تربعين ..!
هند: تقريباا ..
نوره: جيه..!!
هند: خاالج...
نوره: خالي..!!.. شوفيه..
هند: ترى ماخبرتج شو صاار
نوره تذكرت: هيه صح.. شو سالفه..
هند سحبت ايدهاا ويلسو على السرير ..
هند وهي تتربع: الله يسلمج..اليوم الصبح
نوره: اهممم..
هند: وانا نازله ..نسيت عمري عبالي في بيتنا .. نزلت وما كنت لبسه الشيله ..
نوره:هه انزين
هند رفعت حياتها : جيه تضحكين ..
نوره: ما شي .. كملي ..
هند : والله غبيه .. صدق غبيه .. تخيلي .. نازله وشاده حيلي وزاعج..على اميه..
نوره: لا تقولين نزلتي بالبجاامه ..!
هند:تخيلي ..
نوره:هههه.. انزين ..
هند: هيه اضحكي .. مب انتي الي طايحه ..
نوره: انزين ..
هند: المهم حدرت الصاله .. وشفت يدوه ..واميه وعموه..وسعيد..
بس شفت سعوود استوعبت ..جان اصاارخ .. هههه وحليلها يدوه .. نقزت من صوتي
ويلست اتزاعج
نووره :ههههههههههههههه
هند:ههههههه والله لو تشوفين شكلها بتموتين من الضحك حتى سعوود يلس يضحك..
اميه هزبتني ..
وانا عطيتها شرده.. اربع وطالع ورايه الي يشوفني يتحسب حد يربع ورايه ..
نوره:هههه انزين ..
هند: وفجاء...طرااااخ..
نوره: فاليداار انضربتي
هند: ياريت ..
نوره: عيل
هند: دعمت خالج.. وطحت عليه وحليله تكسر ..
نووره انسدحت على سرير:ههههههه....

....

تـــــابع

ايه أحبك

وكل مافيني يبيك

نبض واحساس ومشاعر
بس .... أنت وينك؟؟؟
قل لي ... وينك ؟؟؟
ليش غايب؟
وينها ذيك المشاعر؟
ووين حبك ؟
ليش غاب؟

تحت فالصاله ..

اليده: سارت ولا ردت...حسبي الله عليهاا

ام حارب: اميه شو تبين فيهن .. خليهن في حالهن..

اليده: الحين كلهن سلمن على حاارب ماعده نووره وينهاا . جيه ماتنزل ..

ام حارب: خليها على راحتها ..في خاطرها : والله منحقها .. عيل يغلط عليهاا وتي تسلم عليه ..حسبي يالله عليك ياحاارب من صغرك وانا اتمنها لك..بس ماتستاهلها ..

شيماء:الحين بتصل عليها وبخليها تنزل ..

ام حارب: خليه على راحتها .. لا تجبرونا

اليده: شوو لا نجبرها .. هذا سلاام..اونه لا تجبرونها ..اسكتي اسكتي انتي بس..شيماء

شيماء: هلاا عموه..

اليده: اتصلي عليهاا ..خليها تنزل ..

شيماء: ان شاءالله

مدري وش اللي في كلامك خنقني

كنك بكل آحبال صوتي...{تعلقت~

طبعي كذآ من يوم ربي خلقني
مآأعرف آوسع صدري"لا تضآيقت

نوره:ههههه..

هند:طحت في موقف لا يحسد عليه هههه

رن فون نوره

نوره:ههه

شافت الفون..

نوره:هه ..هلا اميه ..

شيماء: وينج.. جيه ما تنزلين ..طرشنا هند بس عسب اتنزلج.. بس ماردت ..

نوره: جيه انزل ..!

شيماء: شو جيه...وحارب ..

نوره: شو فيه..

شيماء: نووير عن الحركاات ونزلي اتحمديله على السلاامه ...

نوره: لااازم ..

شيماء: هيه .. ويلا لا طولين ابسرعه اشووف .. وصكت الفون..

نوره صكت الفون: يااربي ..

هند:شوو صااير

نوره: انتي اونج امطرشينج لي ...

هند شهقت وحطت ايدها على ثمها : اوووويه.. نسيييييت .. اسميه يدووه بتشرشحني اليووم..

نوره: شكلها مب بس انتي .. حتى اناا ..

هند:ههه الله ييعني ..

نوره: يلااه خلينا ننزل عن يصيبنا شي..

راشد: نترياك يالغالي ..
ابوصقر : مسافة الدرب .. ان شاءالله
راشد: خلاص يالغالي ..اخليك عيل
ابوصقر : فمان الله ..
راشد: فمان الله
ذياب: ابوويه ..!
ابو صقر : هلا بوي ..
ذياب : قوم عمي اهناك..!!
بو صقر : هيه ..
ذياب: ونااسه ...
صقر:اماايه..!
ام صقر: هلا بوي..
صقر:انتي خبرتي مرت عمي انه بنكون عندهم اليوم..!
ام صقر: لاا ابوك قال خليها مفجاء..
صقر: اها...زين..
ذياب قرب من الكرسي لي يدامه وهمس باذون صقر: مشتاق لها ..!!!
صقر لف عمره وضرب ذياب على راسه: يالهرم ..شو هل رمسه ..
بو صقر: شو فيكم..؟
صقر يرد مكانه:سلامتك ابويه
ذياب يحط راسه على صدر امه : شفتي اميه ولدج شو سوى فيه .. ماسويت شي انا ..

اممم اكيد نسيتو امنوه بوصقر وعياله .. بوصقر يصير عم حصو والتوم ..((ريم وعبود))

تــــابع

لا تنصدم اذا قلت انا اليوم مـا أبيك . .
القلب عافك و انتهى اليوم دورك . .
اعميتني بحبك عسى الله يعميك . .
ورميتني يا شين بـ أعمق بحورك . .
يالله توكل لا تجيني و لا أجيك . .
يـالله حبيب أمك قوم رتب امورك !!

..

فالمزرعه ..

توهن حادرات الصاله

نوره وهند: السلام عليكم..

اليده: جيه نمتو فوق بعد..!!

نوره: السموحه يدوه..

اليده: هنووود.. تعااي تعااي .

هند جربت من يدتها ويلست : هلا يدوه..

اليده زختها من اذنها : انا طرشتج عسب تنزلينها مب اتسولفين معااها ..

هند زاخه ايد يدتها : اخخ سووري سووري يدوه .. والله ما بعيدها اخخ..

اليده: مره ثانيه لا تعيدينها ..زين.!!

هند تبوس راسها: زين والله زين ..

الباجي: ههه

نشت هند ويلست صوب نوره ..

نوره كانت يالسه وتصب قهو.

نوره ببرود وهي تشرب القهو: سلامات حارب..

حارب نزل راسه يوم تذكر الموقف: الله يسلمج..

اليده: شوفيج جنه ضربينج عسب تقولين هل كلمه ..

نوره: اناا ..!!..

اليده: هيه عيل انا

نوره: مافيه شي يدووه .. بالعكس عادي صح هنوود..!!

هند: هاا ..هيه هيه صح..

خلصت القهوه وردت الفنياان .

نوره نشت من امكانها : تامرون على شي..!!

اليده مستغربه: وين وين ..توج نازله ..

نوره: ماشي بس قلت اصعد انام اشووي.. لاني امصدعه ..

شيماء: يلسي اشووي.. توج نازله ..

ام حمد: شيماء ..احمد نام اخليه اهني ولا اعطيه للخدامه توديه فوق..

شيماء: لا ياختي خليه عدنا اخاف يصيح وما تسمع الخدامه بعدين

نوره: ماما هاتي حروب..باخذه معايه

اليده: توج تبين اتنامين ومصدعه..

نوره: هاا .. انزين انا امصدعه بس عادي باخذه .

شيماء : خليه عندي..

نوره:ماما دخيلج..

اليده: تراج بتنامين ليش تاخذينه..خليه عند امه ..

نوره:كيفكم..هنوود..

هند: هلاا

نوره: مابتصعدين معايه ..

حارب نش من مكانه: عن اذنكم..

وظهر من الصاله وصعد فوق..

اليده: تراج بتنامين ليش تصعد معااج..

هند تغمز لنوره: نووره روحي نامي .. مالي خلق اصعد..

نوره: انزين ..

نوره: عن اذنكم..

وظهرت من الصاله وصعدت فوق توها بتصعد

بس ردت ونزلت مره ثانيه

وراحت امطبخ

وخذت لها بيبسي وردت صعدت مره ثانيه

وصلت لطابق الثاني توها بتصعد لطابقهم بس ..

جاني يبي حبي
جاني يبي قلبي
جاني يبي قربي
ماارد مهما كان يحسبني ماقدر

في ابعاده مااصبر مارجع لو يتعذر لوطال ازمان

خلاص ارجوك انا بنساك ابيك ترحل الله معاك

حارب: نوره..

نوره لفت صوبه: ممكن تترك ايدي..

حارب: ممكن تسمعيني ..

نوره: ليش.. اسمعك..!!..على شو اسعك لك اصلن..!

حارب: على الي صار اليوم ..

نوره: جيه .. وانــا وشلي ..!!

وانا وشلي ..

وانا وشلي..

وانا وشلي ..

صارت تتردد على اذن حارب ..

حارب: كيف انتي وشلج..انا احبج..

نوره: هه صدق.. لا تخبر حد.. اوكيه ..

بعدت عنها وكملت دربها .. بس ..

حارب صعد ورها ..الين ما حدرت غرفتها ويوم يت بتصك البااب ماتعرف انه هو ورها ..

حدر وصك البااب وغفله ..

نوره : انت شو تسوي اهني .. اظهر برع ..

حارب: اباج تسمعيني ..

نوره: شو اسمع .. شو مب كافي الي سمعته والي عرفته مب كاافي هذا كله.. (( صارت اتصيح..)) عذبيتني معاك.. هذا مب كافي .. خليت هلي يشكون فيه هذا مب كافي ..

شوهيت جسمي هذا مب كافي ...شو بعد.. شوو..انت شو عبالك انا .. حيوانه ما احس ..

حتى الحيوانات يحسون.. انت شوو من البشر شوو..ماتوقعت ف يوم من اليام كل البلاوي الي تصيبني من شخص انا كنت احبه ..سمعت كنت .. كنت احبك..واصلن حبك غلطه ..

سكتت ...

وهو تم ساكت .

حارب امنزل راسه :.................................

نوره تناهدت: ممكن تظهر ...

حارب رفع رسه وقرب منها

نوره:لا تقرب ..

حارب اسمعيني ..

نوره:..الي سمعته كافي ..

حارب رفع راسها بعصبيه : اسمعيني وشوفيني ..

نوره لفت راسها ما تبه اتشوفه تخاف تضعفه يدامه

حارب: شوفيني اقولج..

نوره خافت وصدت تطالعه ..شافت اعيونه محمره

حارب:انا عمري ما حبيت ولا بحب حد كثر ما حبيتج..انا احبج احبج افهمي ..

انا ماعرف انتي عن شو ترمسين .. اي بلاوي الي ترمسين عنها انتي ..!!

انا اخاف عليج اخاف يصيبج شي.. اتمنى يكون فيه ولا فيج.. تين وتقولين انا سبب البلاوي ..

شو سويت قولي .. شوو..(( صار يهز اجتوها))

واذا عن الرمسه الي قلتها يدام ساره ترى من قهري والله العظيم ..من القهر الي فيه .

والين اليوم وانا متندم على الي قلت ..

وعن سالفة اليوم.. هذي وحده ..من فتره انا ارمسها وربي اعتبرها شرات اختي . كمن مره قتلها لا تتصلين ويوم تتصل ما راد عليها بس بعدها يوم انتي تغيرتي عليه .. ماحصلت حد..مشفت يدامي غيرها ..هي تحبني يانوره تعرفين شو يعني اتحبني .. تموت عليه ..

صارت اتصيح نوره..

حارب: بس عمري ماحبيتها لاني الين الحين احبج.. يام حاولت ابعدج عن فكري .. وانسااج..قلت يمكن لو رمسيتها راح انساج ..مثل ماانتي طلبتي مني ..تذكرين تذكرين يوم رمستج وقلتي انساني ..تذكرين ..حاولت ..بس ماقدرت اشوفج ف كل مكان يدامي

رفع راسها مره ثايه

حارب دمع : انتي خبلتي فيني يانوره ..تعرفين شو خبلتي فيني ..

تعرفين عندي اكتاب ب يخصج انتي كله عنج..

ردي شرت قبل دخيلج..

ادري انج بعدج اتحبيني ادري ..

انتي اتحبيني الين الحين صح..!!

نوره:.........................

حارب: دخيلج نطقي..اخاف ما اشوفج بعدين ..

في هل وقت البااب اندق..

كـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــت..

ادري البارت وااايد اقصير .. السموحه منكم هذا الي قدرت عليه ..

فطوم راح تطلب من امنوه تتو قعون ..؟؟

امنوه الي دق الباب ..؟؟

نوره راح ترمس عن خالد ..؟؟

توقعون حارب راح يسمع ((الين احين احبك)) من نووره ..؟

حاولت انزله البارحه بس المنتدى مادري شو فيه ..
وانا اليوم امسافر الكويت اتمنى البارت يعيبكم..
وسموحه منكم مره ثانيه وان شاءالله البارت الي يااي راح يكون اطوويل اذا الله راد ..
مع السلاامه .