منتدى استراحات زايد - قال الوداع ومقصده يجرح القلب ~..

احم السمووحه ع قصوور ..وبنزل 3 بارتاات احين .. واتمنى يكوونوون طووال..

راشد يالس يمشي صوب البحر ويقول بخاطره :اه ياروضه انتي فيج شي يعني معقوله اتحبين انزين ولا مظايجه ياربي منو مظايجنها وهاي روضه كل تقول الشكوه لغير الله مذله وماتشكي لاي حد بس انا لازم اتقرب منها فديتها انا يوم حظنتها حسيت انها ارتاحت معقوله روضه محتاجه لحنان لا ماظن وخالو مب مقصره شي عليها ياربي الله يصبرها ع بلواها يالله ويلس ع رمل وتم يلعب فيهم ويفكر
.....
وبعد مرور كمن ساعه وساعه استوا اليوم الثاني وكلن ففراشه خلونا انسير صوب روضه اللي حاطه منبه حقها بس عسبت ترد ترد دبي اول ماقامت السااعه كانت 7ونص راحت خذت لها شور سريع وصلت حست انها مطمئنه وهيك قرت لها 4 صفحات من القران ماتدري ليشكانت تصيح بس صدق ترا يوم تقرون شوي شوي وتستوعبون الكلام بتصيحون ولبست بنطلون جي من فوق وسيع ومن تحت ظيج ولبست قميص اخضر شرات مال علي بابا هع ولبست عباتها اللي جي ع اطراف اخضر ولبست اسكارف اخضر ونزلت تحت وشافت امها تحت ويدتها سلمت عليهم عقب الخدامه يت قالتلها تجهز لان بيروحون عقب يدتها قالت : روضه ابنيتي تمي ليش جذا اتسوين فعمرج ماتميتي وياي بس يوم واحد وبتروحين لهدرجه انا عندج ولاشي
روضه:لا امايه انا ماقلت جي وانا رايحه لان عندي امتحان
يدتها:الله يحفظج يابنيتي ومريوم مابتي وياج
روضه:مادريبها امايه ماظن اذا تبا كانت بتخبرني امس عادي اذا تبا تي بطرش لها دريول اقين
يدتها:شو هاي بعد اقين
روضه:هه يعني بي مره ثانيه
يدتها:ارمسي عدل ارمسي عدل شو هالرمسه المخبقه انا يا دوب دوبي اعرف من هالرمسه كله سانكيو
روضه:ههههههههه امايه مب سانكيو ثانكيو
ام روضه:يعني شكرا ههه
يدتها:اظحكو اظحكو يالمتعلمين هالرمسه المخبقه
ام روضه و روضه:هههههههههههه
عقب ربع ساعه راشد نزل وكاشخ وحالته حاله
روضه تطالعه وحاطه ايدها ع خصرها :ياااااربي اوو ماي قااد رشود اخطبني بواافق
ام روضه:هههههههه
راشد نزل يلس ع ركبه ورفع ايده وقال هل تقبلين الزواج بي
روضه:نعم نعم كيف لااقبل برجل لديه هذا الجمال
راشد:انا ايضا كم مستانس لانني سوف اخذ وحده جميله
ام روضه:مستاانس ها ههههههههههه
روضه:فديته انا فديت اخووي والله وجان تبوسه
يدتها:عيب عليج اتبوسينه ها ولد خالتج
روضه:اماايه نسيتي امي مرضعتنه يعني اخوي اونه ولد خالتي صح اخوي
يدتها:او صح نسيت وانته هي ع غفله تدخل ولا تسلم
روضه: اسمحيله امايه نسا
يدتها:لا والله انتي ليش تقولين بداله محامي دفاع
روضه:يدووو شو هالرمسه
يدتها:هي محامي عيل شو
راشد:اسف امايه "ويحبها ع راسه"ويشوف ام روضه " اسف خالو حتى انتي
ام روضه:وليش ازعل انا عادي فديتك
راشد:فديتج انا
ام روضه:ربي يخليك لنا
روضه:امين
راشد:او رواض ع وين من صباح الله خير
روضه:احم برد داار الحي
راشد:لا والله
روضه:يب يب
راشد:اييييه روضوو
روضه:السمووحه مااروم لازم ارد مستويه سالفه هونيك
راشد:سالفه شو
روضه: اممم سالفه وجي
راشد:اها زين زين
روضه:وانت ع وين
راشد:بروح المدرسه
روضه:اوييه وهايلاك ليش رقود
راشد:احين بينزلون وعقب 5 دقايق قعدو ينزلون كلهم
روضه:عيل فمان الله انا
ميثو:هي نسيت اقولج فطامي حبيبتي تسلم عليج واتقول سلمي ع حب مالج عن يطير عنج
روضه اطالعتها بنظر حقاره :التزمي حدوودج حبوبه
ميثو:ليش التزم قلت اللي بلغوني
راشد:هي انتووو شو حب ماحب شو سالفه
روضه:ماشي سلامتك "وسلمت عليهم"وظهرت
والخدامه كانت برع تترياها
روضه:يلا انروح
الخدامه:يلا
وركبت سياره
ومني احمدو اتصل فيها وروضه ردت
روضه:هلا
احمد:اهلينات وسهلينات صباح الحب والخير والورد والسرور
روضه:اممم صباح النور
احمد:شو واعيه
روضه:يب