|
ثواني و البارت عندكم |
كان زهقان وما حس بعمره ألا ووهو عند كاسر الأمواج ما كان يدري وين يروح ؟؟؟ بركن السيارة ونزل عقب ما طلع زيجارة وقعد يدخنها.. راح يفكر في حياته.. كيف بتصير ويا سارة؟ ياربـــــــــــي.. ما أبي أظلمها.. بس خالتي؟؟ أففففففففففففففففففف ودي أصرخ ودي الكل يسمعني.. يا ناس ياعالم.. والله تعبــــــــــــــــــــــــــــــان؟ المشكلة أن حتى سارة رافضة الزواج.. يعني شلون بنعيش ويا بعض إذا الواحد فينا ما يطيق الثاني؟؟؟؟؟؟؟؟ الله يعين بس... .................................................. .. في اليوم الثاني... حصة في بيت عمها أبوسهيل.. حصة: يعني يوم السبت راح ايون سارة وخانقتنها العبرة: يقولون... حصة اللي حست بسارة بس ما حبت أنها تزيدها.. حصة: تعالي بقولج؟ سارة: خيـــــــــــر؟ حصة: اممممممممم شو بتلبسين يوم السبت؟ سارة: شـــــــــــــو؟ شو البس؟ هذا اللي قاصر بعد..أصلا أنا ما رح أظهر من حجرتي.. لأن الرياييل بس اللي بكونون موجودين حصة: شو؟ تبين تفضحين أهلج أنتي؟ وإذا حارب طلب يشوفج..شو نقوله.. والله اسمح لنا العروس هب كاشخة؟ سارة: يخسي يطلب يشوفني..اللي يقول ولا مرة شايفني.. حصة: جوفي حبيبتي..خليج من هالرمسة اللي ما تودي ولا تييب واسمعيني عدل..الحين بنروح نشتري لج بدلة..وعقب بنروح الصالون..عسب تتحنين ... عسب تكونين أحلا وحدة فينا.. والا نسيتي يعني انج عروس؟ ما عرفت سارة شو تقولها..كانت بتصرخ عليها بس يودت عمرها..ولمن شافتها حصة ساكتة فسألتها..: شو قلتي؟ ردت عليها سارة بغيض: وانتوا ع كيفكم تفصلون وتخيطون.. من غير ما تقولولي.. شو تتحروني لعبة بإيدكم وكملت.. سارة: بعدين شو تتحرون أعماركم ؟عاد أنا ما بسوي شي من اللي قلتيه..وما بروح الصالون ولا بشتريلي بدلة.. شو رايج؟ نشت حصة وهي زعلانة من رمسة سارة: كيفج..وأنا آسفة إذا غلطت بحقج مع إني ادري إني ما سويت شي أعتذر له.. |
ظهرت حصة من حجرة سارة وسكرت الباب بقو.. سارة: يا ربي شكلها زعلت..أفففففففففففففففف قعدت تصيح.. ياربـــــــــــــــــــــــي والله تعبت خلاص والله ما فيني.. ما أقدر اتحمل أكثر.. يارب تساعدني.. ظهرت سارة من الحجرة عسب تراضي حصة اللي ما تهون عليها.. لقتها قاعدة في الصالة ترمس أحمد عسب ايي ياخذها.. ووقفتها سارة الين ما خلصت من المكالمة وعقبها قالت لها..: فديتج حصة.. آسفة والله ما كنت أقصد حصة وما ترد<<<<<<<<<<<<< طــــــــــــــــــــــاف سارة: والله كنت بلحظة غضب..سوري.. والله أنا آسفة حصة: خلاص أنا من اليوم وساير ما يخصني فيج..ما تبين كيفج..تبين هم كيفج سارة ودموعها على خدها: حصوه.. خلاص عاد.. قلت لج إني آسفة..يا ربي أنا تعبانة.. والله محد حاس فيني.. حصة: ما يخصني.. ما برضى ألا إذا رحتي معايا الحينة ونسوي اللي قلت لج إياه قبل شوي سارة: دام هذا بيرضيج.. خلاض موافقة.. تشققت حصة من الوناسة وباست سارة على خدها: امممممممممممواح فديتج والله.. أصلا انتي أحلى عروس في العالم كله.. بس هب أحلى عني خخخخخخخخخخخخخ سارة: هههههههههه جب جب انزين حصة: ايوا.. هذي ساروه اللي أعرفها.. وفعلا يا أحمد وودانا المول.. سرنا كذا محل..أول شي دشينا محل الجعيدي بس ما عيبني شي.. عقبها دخلت اليشمك وهم ما حصلت اللي أبيه قعدنا نحوط بس ما لقينا شي غاوي.. على قولة حصوة.. حالفة الا تكشخني.. آخر شي..اخترت ثوب لونه أحمر فاقع.. وكنت أحس أنه وايد فخم يعني ما يناسب المناسبة.. وهذا إذا حارب طلب يشوفني.. بس والله أتمنى أن ما يطلب هالشي.. المهم خذيته عسب نرضي ست الحسن والدلال حصوه.. وعقب ما ظهرنا من المول.. سرنا الصالون.. وحصة الدبة ما خلتني أرمس مولية..وطبعا تحنيت.. واضاربنا أنا وحصوة في الصالون عسب إني كنت أبا حنة خفيفة.. وحصة تبا حنة عرايس.. والله الحين شو بقولون عني الحريم.. هالكثر هذي مستانسة..بس آخر شي رضيت بس عسب ما تزعل مرة ثانية.. |
في السيارة.. سارة وتطنز سألت حصة: أخت حصوه.. يوم السبت أي صالون تبيني اتعدل فيه.. في الشارجة ولا دبي..؟؟؟؟ نقعت حصة من الضحك: هههههههههههههههههه سارة: وايد عيبتج يعني؟ حصة: هي وايد...المهم انا أعرف وحدة تحط ميكاب وايد غاوي بييبها وياي يوم السبت عسب تمكيجج ما ردت عليها سارة وقعدت تطالع الناس برع.. ياربي كيف بتكون حياتي باجر؟؟؟؟؟؟؟؟؟؟؟؟؟؟؟ ................................................. يوم السبت اليوم المنتظر..بالنسبة لحارب وسارة.. كل واحد فيهم ما رقد البارحة وهو يفكر شلون بقابل الثاني؟؟؟؟؟ الساعة 7,30 في بيت أبوسهيل.. أم سهيل والبشاكير ومعاها أم ثاني قاعدات يرتبن الميالس ويبخرونهن شهد وشمة قاعدين يلعبون في الحوش مع سيف.. وأم ثاني كل شوي تصارخ عليهم عسب ما يوصخون الحوش.. فوق... في حجرة سارة... سارة و حصة و ربيعتها اللي بتحط الميكب لسارة.. حصة: يلا ساروه.. البنت بتحط لج المكياج الحينة سارة اللي كانت في عالم ثاني.... حصة: حووووووووووووووووه سارة وتوها تنتبه: هـــــــــــــــــاااا بلاج شو مستوي؟ حصة: سلامتج.. الحين ممكن تنشين من رقادج عسب نقدر نعدلج سارة: حصوه..والله ماله داعي..شو بقولون عني الحريم؟ حصة: ردينا.. لا تخليني الحينه أزعل منج وما أرمسج.. وبخليج تنسين أن عندج بنت عم اسمها حصة.. ها شقلتي؟ سارة: يعني شو بقول؟ وأنا أقدر أزعلج والا أعيش بدونج؟ ابتسمت حصة ولوت على سارة.. دلال " راعية الميكب" : أصلا انتي بروحج قمر.. بصراحة تسكتين ابتسمت سارة: تسلمين لي.. من ذوقج دلال وهي تحط الكريم: يجرب لج المعرس؟ سارة ومن دون نفس: ولد عمي |
دلال: دام أنه ولد عمج يعني أكيد حلو مثلج سارة: لا طبعا.. أنا أحلى ضحكت دلال من طريقة رد سارة.. سارة وفي خاطرها " من ناحية حلو..فهو غرشــــوب.. بس يظل في عيني بشع" قعدت دلال تحط لسارة المكياج وهي كل ساعة تدمع..راعية الصالون اتحرت أن عيونها وايد حساسة ما تدري أن سارة قلبها قاعد يتقطع عند كل دقيقة تمر.. الساعة 9.. في الميلس.. الكل كان حاضر.. أبوسهيل وأبوعلي وسهيل وأحمد وثاني وسيف وأكيـــــــــــــــــــــــــــــد المعرس حــــــــــــــــــــــــــارب.. أبوعلي: أصلا هذي اليمعة ما لها لزوم.. والولد ولدنا بس لازم نوضح بعض الأمور أبو سهيل: شوف يا ولدي حارب.. نحن هب لاقين أحسن عنك..يحافظ على بنتنا ويصونها.. ومثل ما قال بو علي أخوي.. نحن أهل وما بينا رسميات.. وكل اللي أقولك إياه.. الله يفرحكم إن شاء الله حارب: اسمحلي عمي... وبعد إذنكم كلكم.. وعسب تكون الأمور واضحة.. ترى أنا عندشي شرط الكل استغرب .. أبوسهيل: خير يا ولدي.. قول؟ وبعدين هذا من حقك؟ ....................... كــــــــــــــــــــــــــــــــــــأأأأأأأت سمحوولي اذا البارت قصير شو تتوقعون شرط حــــــاارب؟؟ و هل سارة بتوافق على الشرط ولا بتعاند؟؟ و سارة بيكون لها شرووط ولا ؟؟ و كيف حياتم بتكوون اذا الواحد ما يطيق الثاني؟؟ و شو رايكم في البارت؟؟ اتمنى انه الكل يحط توقعاته |
| الساعة الآن 09:43 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir