|
..الجـزء التاسع والـ ع ـشرين.. ••.•°¯`•.•• قلب مجـافي ••.•°¯`•.•• على كف القدر نمشي ولا ندري عن المكتوب عبارة كنت أرددها صدق من صاغ معناها مشينا دون لا ندري وشربـنا من بـلاهـا كـوب وهـذي حال الـدنـيـا رمـتـنـا مـا رمـيـنـاهـا تضحكنا تبكـيـنـا تـمـشـيـنـا على المـطـلوب على كف القـدر نـمـشـي دروب ما رميناها ألا يا عـمـري الفاني ألا يا حـقـي الـمـسـلـوب متى عـيـنـي بليل الياس لـذيـذ النوم يهـنـاها متى يحـالفـنـي الحظ ويصحح وضعـي المـقـلـوب يعـدل قسـوة الأيام وغلطة ما ارتـكـبـنـاهـا ينزف قلبها جرووح..ويدها تنزف دم..تصرفها تصرف جنوني...لأنه بس يدها لمست يده..جرحتها بكل عنف..تدري ان اللي سوته كان من سبب ظروف مرت بها فالفترة الأخيرة وضغوط نفسيه أثرت عليها..ومن شافت سيف..فجرت أحاسيسها بطرييقتها الخاصه..زادت من قوتها ولمت الزجـاج المكسور ويا بعض ويودته كله على بعضه وبقووة ..وزاااد نزيف الدم..سيف..مذهوول..منصدم..؟؟هاي شو قاعده اتسووي..صارخ عليها ولاحظ انها اتزيد في عنادها وتأذي عمرها أكثر وأكثر..لين ما نزل على مستواها وسحب يدها اليسرى وحط يده ع الزجاج وشله ورمـاه ع الأرضيه اللي كـانت حمرا من نزيف يد رويض..وخلاها تنش وتوقف على طولها.. سيف:انتي شو يالسه اتسوين في عمرج..ليش جيه يا رويض ليش؟؟ رويض:................................ سيف:شو للي استفدتيه..؟؟رمسي ليش صااخه ريحيني قولي شي..قووولي شي..؟؟!! رويض:........................................ رميت أقداري في دربج وصرتي في عروقي اليم.. أحبـج كثر ما سالت الدموع..وما نسى ناسي.. صمتها حرق قلبه ..أشعله نيرااان..صد بنظره يمين ..يسار..وشل سفرته اللي كـانت ع جتفه ولفهـا ع يد رويض وتم ميود يدها..طالعته..هاذا ليش يسوي جيه..شو اللي يجبره يبدي اهتمامه بي..لييييييييييش..منعت عمرها عن الرمسه..خلاص اللي فيها مكفيها..وحست انها غبيه لأنها هي اللي حطت عمرها في هالموقف وتمنت انها رقدت ع شبريتها ولا نزلت تحت..!! سيف:رويض ..قوليلي ليش سويتي جيه بالعماله ليش.. رويض:.........ما كـان قصدي..يلا انا بسير..يود سفرتك.. سيف:لا مشكورة..خليها عندج..تتحمل دمج اللي نزف.. الدم ميت والشرايين تابوت... والقلب مجبور على ضخ دمي... وأغلى البشر حبه على القلب منحوت... ارتاح له وان راح يزيد همي... وان خيروني بين فرقاه والموت...؟ كني مخير بين (موتــــي) و (موتــي) مشت رويض ولا عبرته..مشت للقدر المجهول..!!!وهو..تسمر في مكانه ونظر عينه يتبعها..طرح على نفسه أسئلة وايد لتصرف سيف..ما استنتج شي ولا ظهر بشي من هالفكير اللي صدع براسه..جـان يرد للشباب ويستأذن منهم ويرد لسويحـان..من صوبها..وصلـت للصـاله..وانصدمــت يوم شـافت امها العيوز يالسه ع واحد من الكراسي..صدت اتطالع ساعتها..شافتها صكت الـ1 والعيوز للحينه هب رااقده..؟؟؟!! رويض:امايه فدييتج تانسين شي..؟؟ أم راشد"تصد عن رويض":لا .. بس يالسه افكر فيج ولين وين بتوصلين يا رويض.. رويض:انــا..؟؟ أم راشد:سمعي يا رويض..لولا سيف ما ياني من بعد صلاة العشا..ورمسني في سالفتج وسالفة هالشعر اللي لعبتيبه..والله انيه ما ارمسج ولا وديه بشوفة رقعة ويهـج..بس سيف رمسني وعن خاطره رضيت عنــج..؟؟!!! رويض:سيــــف؟؟!! أم راشد:هيه سيف..عيل منو..؟ رويض:........................ أم راشد:سمعي يارويض..ابوج ياني وقالي الرمسه اللي قلتيها..اممممرة ما دشت راسي..بالله عليج ما يكفي اللي سويتيه في عمج وولده..يايه اتعيدينه في عموتج وولدها..عقلي يا رويض عقلي..أنتي هب يااااهــل.. هالمـــرة..طـــاحن ادموووعها بكل انسيااااااب على خدها..كل ما نست السالفه اشوي..لقت الكل مهتم بها وممتحن بالسالفه زوود عنها..الكل محتشر يبغيها تاخذ سيف ولو على شو...!!طـاحت في حظـن يدتها ..ويلست اتصيييح واتصيييح..ف هاللحظـه..حست بألم في قلبها..وحست ان كل ذكرياتها الحلوة والحزينهه دااارت افخاااطرها..ما تعرف شو سبب وجود هالذكريات اللحينه..بس كانت تتذكرها وتصييييح.. أم راشد:رويض..فديتج لا اتمييين تصيحين جيه..قسم بالله بلحقج وبصيح من بعدج..أنتي بنتيه ومعزتج غير عن بنات عمج وخواتج كلهن..أنتي بنتيه اللي ربيتها وما تهونيين جدامي اتصيحين جيه.. رويض:...................... أم راشد:واذا عن سيف..انا اضمنه لج..صدقيني يا رويض هو اللي بيصونج ويحطج بعيونه.. قامت رويض من حظن يدتها..ويلست جدامها..ومسحت دموعها وردت خصلات شعرها ورى اذونها.. رويض:امايه..انا مليت والله ملييييت..خلاص الشور شوركم..انا ماليه شوور..ابيكم اتسوون اللي تسونه..خلاص ما يهمني..ما يهمني..حتى لو قلتوا العرس بااجر..عادي عندي..خلااااص..النفس طااااااااااااااااابـــت.. نشـــت من مكــانها..وسارت لحيرتها وهي تعباانه من كل اللي يستويلها..وفي خاطرها سؤال واحد..ليش سيف يفرض وجوده في حياتها بكل قوة..!!! × × × أنا || قوي || قدام كل المخاليق وأضعف بشر لا صرت قدام روحـي بين العهود الماضية ، والمواثيق مازلت أدور عن ~ بقايا ~ طموحـي الرمـــــــاح بيـت بوسهيل.. قسـم سهيل فج اعويناته ع وسعهـن..هو مب مصدق هالحروف اللي كتبهن رويض وهي اللحينه جدام اعيونه..وهي رويض هي بنفسها طرشت هالإيميل..لنصـد وكلمة الصدمه اشوي عن اللي استوى في هاللحظــه على قلبه..مشاعر تضاربت وأحاسيس هاااجت..غمض عيونه بكـل ألـــم..تخيل..لو استجمع قواااه كلها ورمس عمه في سالفة رويض..متأكد مليووووووووووووووون بالميه انهم ما بيردووونه..وان رويض لو عااارضت وسوت احتجاجات سلمية او شريــة..بيغصبونها بيغصبونها لو شو سوت..لو صاحت او اتبعت اضرابات عن الأكل لو استوت حبيسة حيرتها..؟؟!!..غصب عن خشمها تاخذ ولد عمها ..وبعديـن؟؟شو بتكون حياااتهـم..بالأصل كيف بتحقله نفسه ياخذ وحده عايفتنه..كيييف..الريال ما يرضاها..ولو انه هالوحده ايموووووت في الأرض اللي تمشي عليها..كيف بتكون حيااااتهم ..؟؟!!كيــف؟؟فج اعيونه ورد وطالع في لابه..وفي هالإيميل اللي صدمه وهز قلبه وكيـانه..ورد وقرى كلمـات القصيده..وكل حرف من هالحروف كان يزيده ألم..ونـــدم..وقهــر..على كل سواياه اللي سواها في رويض بنــت عمه..!! خساره كنت أحسب الطيب والاخلاص في ذاتك خساره كيف تترك طفله من صغـــــــرها تغليك مدام انك .. تعرف انك ابد مــــــــــــوقد كلماتك علامك رافع نفسك تهدد ثم تــــــــــــــقول ابيك عرفت الحين قدري يوم ذوقتك خســـــــــاراتك عرفت الحين قدري يوم عرفت أني ما ابـــغيك بالفعـل..رويض كانت تحبه من زمـــان..تغليه من يوم ما كانت طفله صغيييييره..وتهاذيبه في رقادها..وتتخيل اطيوفه..ما تعيش بدونـه..ومن صوبه..عديييم احسااااااااااس..كان يلعب بقلبها وكأنها لعبه بيمل منها..وبيعقها..وبيدور ع غيرها..ترى البنــااات وايدات..وبعدين يوم اكتشفته..زااد الطين بله..يشوفها يعق عليها رمسه تحرق القلب ويعزمها الا اتيي ملجته عسب تنقهر يوم تشوفه ميود يد حبيبته..وردت الأيام تعكس اللس سواه في روضه..ويستويله هو..عرف حقيقة حبيبته اللي ملج عليها وانها رمست خويه توأم روحه..!!..انصدم..انذهل..سوى حادث..يته وعقت عليه رمسه خلت قلبه ينحرق..وشرات الرمسه اللي قالها لرويض..كـانت تنقااال له بس بلسـان شويــخ..كـانت تسبه وتشتمه وتعيب عليه..ورويض يوم شافت دعت له وشجعته وسـامحته.. يوم وصل لهالموقف..وقف ونش من مكـانه..ظهر من قسمه..ظهر من الصاله..وظهر من بيتهم ووقف على طرف الباب مال الشارع وسند ظهره عليه وهو يحس ان هالموقف يأذيه ويعذبه من الخـاطر..شو يقول عن هالإنسـانه..بشو يوصفهـا..طيبه..لا والله..كلمـة الطيبه اشوي في حقهـا..انا واللي هي انا..كاتبة هالقصه..لو استوالي اللي استوى لرويض..وشفت اللي عذب قلبي جدامي ميلس ميهود وما يروم ينش..بقووووله تستاااااااهل ودوااااااااااك..مع انيه طيبه..هع ..بس في هاللحظه بستوي نذله وشريرة..>>لحووول وانتي شو دخلـج..غديت شرات شيخـاني..بس لا ما بزودها شراتها.. صد بنظره صوب حميد اللي ظهر من سيارته وطالع سهيل ووخى براسه وحدر بيتهم..حتى ما أشرله يسلم ولا هم يحزنون..يلس سهيل ع الأرض..ورد لفكره رويض..الي كـان يبغيه يستوي..تنرد له رويض..تنعاد ايامهم الأوليـه..ويشتاق لها ويتوله ع سوالفها وشوفتها..كـان يتمنـى انها هالأيــام تنعااااد..ويقول كلمة أحبج يا رويض بكل صدق ويحس بكل معااانيها..كـان يتمنـى انه هالأحداااث كلها ما استوت..بدايةً برمسته ويا سلامي وطيحة رويض بالمستشفـى نهايةً بطلاقه من شيخـاني وردته للبلاااااد..لو ما صار اللي صار..جان للحينه رويض محيرة لسهيل..وعرسهم بيتم مثل ما تحدد من قبل..في شهر 7..ولكن..قدر الله وما شاء فعل..صار اللي صار..وافترقوا رويض وسهيل..وكل اللي يتمناااه في هاللحظه..ان رويض اتم بعيده عن قلبه..بس جريبه من نظر عيونه..ويشوفها مستانسه بحياتها..وتأكد..مليوون بالميه..أن محد بيصون هالرويض العنيده وبيسكت عن عنادها الا سيف..لأنه ريال بمعنى الكلمـة..ويوزن الأمور صــح..!!ويتصرف بعقل وحكمــة..حــــــاليــــاً...هو يدري بالأوضااع في بيت عمه راشد..انهم ما بيردون سيف شرات ما ردوه..ومثل ما يفكر الأخ سهيل..إنهم مب مستعدين يخسرون سيف شرات ما خسروا سهيل>>>>وااايد قاص ع روحـــــه.. شل بعمره وحدر صوب حيرته..ودفن عمره في شبريته ورقد.. القلــب سلم لك أمره..في حالتي إنته أدرى.. ياللي حنــانك وطيبك..تنحط ع الجرح يبرى.. أبووظبـــي دار الظبــي.. الســاعه 10 ونــص... أبوظبـي مول.. كالعـــاده..بكشختها اللي ما تفارجها..كــانت في قمــة الجمــال..وكأن كل قصايد الغزل انعـدت فيها..بس للأسف..قلبها اسود وحقييييييييره..صدت صوب ساعتها..تتريا حصوه اللي للحينه ما يـت..وتأخرت عليهـا..حست بشوق في قلبها لحصوه..شهريـــن ما شافتها..من أيام ملجتها "أيـام سهيل اللي ولت ورااحت"..ابتسمــت..وقالت في خاطرها"انا اشتــاق لحصوه..اسميني ما عندي سالفه"..ردت وحطت سمــاعة تيلفونها ع اذونها تسمع "FM"..كـانوا حــاطين غنيـة "تنحط ع الجرح"..لراشد المـاجد ..وهي مندمجـه ويا الأغنيـه..اشوي وبتقوم بترقص..وثـواني الا شافت حصوه تيلس جدامها..جـان تنزل السماعه وتوطيها ع الطاولــة.. شيخـاني:جـان ما ييتي.. حصوه:شو اسوي..المدير ما طاع يظهرني الا بعد موووت.. ؟>>>ع راس شيخــاني.. شيخـاني:وأي مديـــر؟؟ حصوه:مدير الشركـه اللي انا اشتغل فيها..هيه صح انا من زمـان ما شفتج ولا خبرتج انه اخويه خلفـان دورلي على وظيفه اتناسب شهاداتي والحمدالله لقيت لي وظيفه محترمه في شركـة محترمــه.. شيخـاني:الله والشهادات بعد..شو من شهادات عندج ويا ويهـج.. حصوه:بليز شيخـاني عدلي اسلوبــج.. شيخاني:لا تغيرين السالفه..شو من شهادات عندج من غير الثانويه... حصوه:خذت شهادة"ICDL"..ونجحت في التوفل في الــEnglish ..وويا الوااسطـه..كل شي ينحــل..وفزت بالوظيفه.. شيخـاني:ههههههههه..فزت؟؟خخخخخخخ..ويا ويهـج داشه سباااق عنز ولا شو..خخخخخخ.. حصوه:اووه شيخـاني عن الطنازة وقولي شو عندج؟؟انا قايله للمدير ساعه ونص بالكثير ويايه .. شيخـاني:ريلاكس..ريلاكس..اول شي خـاطرج بشي..آمري شو تبغين طلبــاتج أوامر.. حصوه:ماريد شي..توني متريقه.. شيخاني:انزين..سؤال..ليش عطيتي ناصر ولد خـالج رقمي..هاه..؟ حصوه:ناصر..>>ارتبكت وحالتها لله.. شيخاني:لا تخافــين ما بزلغ لج شعرج اهنه..بس يالسه اسألج..؟ حصوه:شيخاني السموحه منج..بس والله انه هو اللي أصر..اقولج ما خلاني في حـالي..كل يوم ياينا البيت ولا مطرش مسجـات واحيانن يدقلي..الا معزر يبغي يرمسـج..شو اسويبه..حرقلي فوادي ..وما افتكيت منه الا يوم عطيته رقمـج..اسميها حمامة فواده طارت من الوناسه..تم يول ويبس وحالته لله .. صخت شيخـاني..وهي تحاول تخفي الفرحه اللي بانت في عيونها..ناصر مسوي هاليوله كلها بس عسب يرمس شيخــاني..سوت عمرها ما اهتمت وتمت تطالع في حصه.. حصه:هاه..شي سؤال ثــاني.. شيخاني:لا فديتج.. ؟>>>هالمرة ع راس حصه..استغربت..شو هاللأسلوب اللي طاااح ع لسان شيخــاني..من متى شيخـاني تتفداها..!!! حصه:الا ميثـاني وينها..معقوله من بعد ذيج السالفه ما رمستــج.. شيخـاني"توخي براسها تحت":ميثــاني؟؟خلاص ميثاني نستني ما تبغيني..حاولت اضغط ع نفسي وادقلها..بس ما رمت..اعق روحي عليها.. حصه"مستغربه":الله يهدااكــن..انتن ربااايع من زمــان.."وتظهر تيلفونها"..انا بدقلها بخليها اتيي اهنيه وبنسولف وياها اشوي.. شيخاني:لا ميثاني ما اتيي المولات وتيلس فالمطاعم شراتنا..اتيي بس تتشرى وتروح.. حصه:امممممم..خلاص عيل..بنسيرلها البيت.. شيخاني:البيـــت؟ حصوه:هيه بنسيرلها البيت..واذا ما سرتي صوب ميثاني..بتسيرين صوب منو.. شيخاني:.................................. حصوه"بصوتها النعييم":ألـــو..هلا والله..شحـالج ميثاني حبيبتي..تولهنا عليج دبوووه..هههههههه..انا الحمدالله بخير وسهـاله..الا انتي شحـالج وشحال دنيــاج..هي الحمدالله الحمدالله..اقول انتي ويــن..فالدوااام..أي دواااام..هيه انتي قدمتي فالتوطيـن..هيه هيه مشااالله عليــج..اتوقعت انج بتكمليــن دراستـج..هيه الله يوفقـج غناتيه..لا بس كنـت بخطـف عليج فالبيت بسلم عليج..اها عيل السموحه منج..بينا كوول..مع السلامـــة.. شيخاني:شو وينها..؟؟شو اخبارها ..ووين هي اللحينه ..؟؟ حصوه:حشى كلتيييني..دااامج مستلغثه عليها هالكثر جان رمستيها.. شيخاني:شوو؟؟أرمسها..؟؟والله ما صار.. حصوه:هيه بخير والحمدالله..وقدمت فالتوطين..؟؟ شيخاني:التوطين..؟وشو هاذا بعــد؟؟ حصوه:التوطين طولي بعمرج هو مكــان يسيرون له العرب اللي معهم شهاداتهم الثانويه او الاعداديه ..او اللي مادرسوا ولا شي..شواب ولا شبـاب..يقبلونهم..يدرسونهم..وعلى أخر الشهر يعطونهم راتب..وبعد فتره محدده ايوظفونهـم.. شيخاني:هييييييييه..والأخت ميثاني قاصره عليها الفلوس سارت لهالتوطين.. حصوه:المسأله هب مسألة فلوس..الأكثر رايحين يستفيدون..تعليم ووظيفة مضمونه..وميثاني..حالتها حاله..من بعد وفاة أبوها.. شيخاني"منصدمه":شووو..؟؟أبوها متى توفـى.. حصه:شيخاني انتي وين عايشه..ابوها اتوفى الشهر اللي طـااااااااف.. شيخاني:في ذمتــج..؟؟ حصه:والله ما جذب عليــج..عيل بالله عليج بتفاول ع الريـال..المهم..انا سايره..مع السلامه..اشوفح ع خيــر.. نشت حصه ..وخلت شيخاني ضااااااااااايعه في دوامة افكارها اللي صدعتبها..خلاااص..بقت وحييييييييده..منو لها..ربيعاتها اللي اشتغلت واللي كونت عمرها وبتشتغل..الكل يشتغل ويشوف حياته..حصه اللي هي حصه..من خلصت الثنوية اشتغلت على طول..وميثاني اللي فارجتها وبتعدت عنها حدرت التوطين وبتشتغل..وهي؟؟!!تشتغل فالمولات تحت وظيفة اسمها "الحواطه"..ترومون عليها انتوا..؟؟هي شو حياتها..يا ترمس ناصر ولا اتطالع لها افلام ولا تفج النــت..هالفتره بالذات ما اتشوف لا أمها ولا خلود ولا سلطــان ولا ابوها..كله ميلسه في حيرتها..ومنقطعه عن العالم الخارجي..وهالوضع راضيه به.. كـان يطالعها ومتخبل ع جمـالها..وهو مبتسم ومكشخ الضروس..تجدم صوبها ويلــس..مكـان حصوه..وهي..انصدمت من شافته..وتمت اتطالعه.. ناصر:في شو سرحانين..؟؟ شيخاني:ابد ولا شي..كنت ملانه..وروحي اشوي بتظهر من مكانها.. ناصر:افا افا افا..شو متسوي.. شيخاني"بضيجه":مااادري..احس حياتي تغيرت.. ناصر:بعدج بنيه وما عرستي..بعد ما تعرسين بتحسين ان حياتج تغيرت.. شيخاني:ما فهمت.. ناصر:لأن الزواج يا طويلة العمر نقطـه مهمه في حيــاة الإنســان..وما تخطف بشكل عـادي.. شيخاني:ما تخطف بشكل عادي؟؟انته ما تعرفني يا ناصر..انا كل شي عندي عادي..صح انيه اموووت في شي اسمه هزاااع..بس انا ما اهتم لهالأشياء ابداً..بايعه الدنيا.. ناصر:ههههه..بايعه الدنيــا وبشرف عــاد.. يلست شيخاني اتسولف ويا ناصر..وقالت له عن اللي اتحسبه..وعن اللي استوى لها وعن ربايعها..وهو كـان يسايرها ..ويرمس بكل فلسفه × صـدمـني الـوقت // مـا ابيـك (( انـت )) تصـدمـني.. ! يكـفيـني انـي من الاحـزان ’ مـوجـوعـه ، .. ابيـك | تبـني | لا صـار الحـزن :: هـادمـني :: .. و ابيـك تتـعب علـى عمـري و مـوضـوعـه .. ! الرمـــــاح بيـت بو راشــد السـاعه 12 بالضبــط!! رويض:ههههههه..عــاشت عــاشت عنوودي..صوووبنا صووبنا يالغرااااااشيب... شجون:لحوول..أكتمـل الخباااال..عنودي يلسي لو يتـج أمج عليا تدرين شو بتسويبج.. عنودي:.......هيه صــح.. شلت الريموت من يد رويض وبندت التلفزيون ويلست ع الأرض أونها مؤدبه ولا جنها البنيه اللي قبل شوي كـانت تترقص..اشويي الا اعصااااااااار مفاااجئ طير حمامة فوادهن..عبدالله مسرع معصب متنرفز وويه أحمـــر..شو السااااالفه..؟؟..انزين عنودي ليش نشت من مكانها تربع..وتضحك بعد.. عبدالله:قسم بالله انج حيوااانه وسبااااااااااله.. شجون:عيب لا تسب اختك.. عبدالله:ما شفتيها شو سوت..يودت كل اشرطة البلي ستيشن مالي وحطتهن فالماااي .. رويض:ههههههههههههههههههاااااااي..يلعن أبو النذااااااااله.. شجون:عنودي ليييش سويتي جيه.. قبل ما ترمس العنود نشت رويض من مكـانها ما فيها ع خبالهم وصياحهـم.شلت بعمرها وحدرت حيرتها..صدت اتطالع الساعه.."افففف..متى غبوش بتنش خاطريه انزل تحت بس خااايفه".. من الساعه 9 والأخت رويض نااشه..لأنه بالأصل ماشي رقاد يأ صوب عيونها..تمت سهرانه لين ما صلت الفير وغفت اشوي ونشت على طول!!وقفت جدااام دريشتها وفجتها بعد ما بندت المكيف وسمحت لأشعة الشمس تسلل لهالمكـان اللي عانت فيه رويض فالفتره الأخيــرة..أول ما يت اشعة الشمس ع عيونها..غمضتهن بسسرعه..عورتها اعويناتها جان تحط يداتها ع ويهها..لين ما تعودت ع الوضع وخوزتهن..صدت تحت..اتشوف شو اللي يستوي..حمدان يرمس البيدار اللي يابوه يعدل مزرعة البيـت..محمد موقف سيارته بيحدر الصاله..عمها ذياب ظاهر من قسمه وقصايد ويــاه..ابتسمت ع اشكالهم..شكلهم للحينه مادروا انها رمست يدوتها وقالتلها الشور شووركــم..ولا جـانهم هجوم عليها اللحينه يباركون لها..من تذكرت اللي سوته البارحه..بندت الدريشه على طول وسندت ظهرها عليها..حست بغصه..تمنــت انها ما قالت هالرمسـه..تمنت انها ما نزلت تحت ولا شافت سيف ولا استوى الموقف السخيف امبينهم ولا شافت يدوتها ورمستها وصاااحت ..تمنت انها تمت على موقفها..بس ابوهــا..هنيه المشكله..هو متأمل الخير فيها..اتسير اترده؟؟!! ظهرت من حيرتها..خلاص صار اللي صاار..وسارت لحيرة غبوش ..دقت الباااااب 10 مرات ولا حد يتوايبلها..اشوي الا غبوش تفج الباب ..والويه..استغفر الله..الله لا يرواويكم..!!لوووووول..تشرد جبايل سبع وديــان..لا جيه زعلناها..اوكيك يلا نقصنا 3وديان وخليناها 4 وديـان..جيه اوكيه صح.. رويض:هاهاهاهاهاهااااااااااااااااااااااااااااا ااااا اهاااااااااااااااااااااااااااااااا...شو هالويــه..شمس فوق فالسما وشمس عندنا فالأرض ..هييييييييييهيييييييييهييييييييهييييييهههههههي ييي ... غبوش:اووهوو.انا مب فايجه لج ولويهج واستبهااالج..شو تبغيييين..؟ روضه:ماااااااامااااااا..عنووووني نشي يلا .. اللحينه سايرين جدا بيت عمي بوخليفه ناسيه ان الغدا عندهم اليوم..ولا تخبروا عنج..شو نقول لهم؟؟نقول لهم واحليلها البنيه راااااااااقده.. غبوش:انزيييييين ..ثره اليوم يمعه..؟؟ رويض:هيه اليوم يمعه..واحليلج ما تعرفين شو اليوم..؟ غبوش:من خلصت المدارس وانا هب في حاله ولا عاايشه ويا الناس..انزين اقولج ما ينفـع ارقد نص ساعه.. رويض:لا للأسف الشديد ولا حتى ربع ساعه..أمااااااااايه العوووده بتاااااكلـــج.. غبوش:شو هالعيوز..؟؟تتحراني ريوق ولا؟؟ رويض:ههيييييييييهييييييييييهيييييييييهييييييي يييهه ههي.. غبوش:أخبرج..شو هالضحكه الغبيه.. رويض:ههههههههااااااااااااااااااااهيييييييييي. .ظااا اااهره عليج..يلا لا تتحيرين عليه بنسير بنتريق اربااااااعه.. وتقوم رويض وادز اختها دااخل الحيرة وتظهر من عندها..ردت لحيرتها بتاخذ تيلفونها وبتاكل شي من دكانها على ما اتيي اختها غبوش..من متى خاطرها تنزل تحت وتتريق..بس ما تبغي..ما تعرف هل هي متضايجه من هلها..ولا ما تبغي تسمع كلمـة"العروس"..ولا مستحيــه منهم..!!!كـانت بتنزل ويا شجون..المووهيم تبغي حد وياها..بس شجون قالت انها ما تبغي ريوق..جـان تصخ عنها..5 دقايق..ووصلتها شجون باللاب.. شجون:روااااااااضي شوفي هالتصميم حلووو.. روضه:اوووووووفففففف خباااااااااااال..ياااااالله يا اغاني ميحد اسميها ترد الرووووح.. شجون:بالهدااااااوه يا دوا المشتاااااق خذني بالهداااوه..لا يزيد بك الدلــ........ روضه:افففففففف مالت على هالصوت صخي خلينا نسمع ميحد وهو يغني.. كان موفي..مسوتنه شجون..صورة حرمـة تمشي ع العرقوب ببرقعها"رووح ما فيها حيله"..وكلمــات غنية بالهدواه مالت ميييحــد..وطبعاً صوت ميحد.. روضه:خسج الله من وين تعلمتي هالأشياااء كلها.. شجون:الفضل لسعيد وموزاني من بعد الله..كانوا كله يطرشون لي دروس ع الفوتوشوب والفلاش ع ايميلي..وتعلمت اشياااااااء واااااااااايد.. 5 دقايق ثانيات يلسن ايسولفن فيها عن التصميم الا حدرت عليهــن غبوش لابسه كندورتها وشيلتها ..وماده البوز شبريييييييين..ويلست ع الشبريه.. غبوش:استغفر الله استغفر الله..يمعه يمعه يا بنات الحلال..الناس يقرون لهم قرآآن ولا يسبحون..مب يتسمعون ميييحد.. شجون"تقصر ع الصوت":هييييه صح والله نسيناااااااااا.. رويض"اتصد صوب غبوش":وانتي شو بلااااه ويهج جيه..غاااديه مايكل جاكسون معصب.. غبوش:والله حااااااااله..اجاااااااااازه..الناااااس بيرقدووون..بيرتاااااااااحون..بيخيسووون رقاااااااااااااااااد..وإنتوا على عاداتكم الأوليه..كل يمعه عند واحد من عمومتنا يا غدا يا عشااا.. شجون:حشى ما ينرزى علييييج سيري سيري رقدي اسميج كلتينا بقشووورنا.. رويض:غبوش شو هالرمسه.."تقلد صوتها"عاداتكم الأوليه..شو تتحرين روحج انتي عايشه وين..تبغين الكل منقطع عنج وما توصلين حد ولا حد يوصلج ..حشمي عاااده.. الرقاااد ما بيطيييير عنج سلمي على عمومتــج وردي بيتج رقدي ..محد بيغصبج تيليسين للغدا وتتغدييين..بالنفااااااااد اللي ينفــدج.. نشــت من مكاااانها..بتظهر من عندهن..لأنها كانت معصبه من رمسـة غبوش..باجي لها خطوتين وبتوصل باب حيرتها وبتظهر..حدروا عليها أبوها وعمها ذياب وحمـد وحمدان ومحمد..سلموا عليها واحد واحد..وكلهم وايهوها وخلاف باسوها ع راسها"شكلهم متفقييين".. بو محمد:امبرووووك يا بنتيه .. كنت متأكد انج ما بترديني.. محمد"ميود يدها":مبرووووك .. ذياب:عاد سيييف..اسميييه بيتشقق من الونااااااااسه يوم رمسه حمدان وقاله انج موافقه.. حمدان"يحط يده ع جتفها ويلوي عليها":هاي رويض انتوا ما تعرفونها..مبروووك غنااااتيــه.. حمد"حاط يده ع راسها":عاااد انا ما اتخيل هالخبله سرااااقة السيااااااااااييير بتعرس.. كانوا يرمسون بكل سرعه..وما عطوا رويض مجال اترد عليهم..صدت شجون صوب غبوش باستغراب:فهمتي شي.. غبوش:أكييد فهمت..طالعه الأولى ع الفاااضي.."اتصااااااااااارخ"..روييييييييييييي ييييي ييييييييييييييييييييييييييييييييييييييييييض بتعـــــــــــــــــــــــــــررررررررررس.. تهافن شجون وغبوش لون علييييييييها بقوووو..وقطعن خدها من كثر ما يبوسن فيه.. شجون وغبوش:ألف الصلاااااااااة والسلااااااااااام عليييييييييك يا حبيب الله محمد..كلولولولولولووووووووووولووووووووووووووو ولووو ووش.. ذياب طالع صوب اللااب..وحصل غنيه مشتغله بس الصوت واطي..جــان يعلي الصوت..حمد صد صوب عمه..ومثل ما تعرفون..شوابنا ما يفارجون عصيهم..جان يشل عصا عمه وتم ييبس عند روويض..ومحمد وحمدان مسويين عمارهم يويله بشو عاده..بدون ولا شي..سلاحهم من هالنوع اللي توه نازل يديد..يسمونه المختفي..>>>>صيووووووووطاااااااااخ..اووووبس السقف تكسر..طبعاً من قوة الصاااروخ.. شاافــت الفرحه في عيونهــم..ما كانت متوقعه هاليوله وهالحلفه اللي بدون كيك..صدت صوب كل واحد من اللي قاعدين عندها..الكل مبتسم وشالنه الهوى..وحطت عينها ع عيون ابوها..حست بفرحه..استااانست..لأنه ابوها مستاانس اللحينه..لو تدري..جــان من زمــان وافقت..صد ابوها صوبها ولاحظ نظراتها جـان يلوي عليها وسحبها من بينهم ونزلوا تحت..عاد الكل ورااهم..وع الدري..الكل يصفق ويغني والمطربه شجون هب مقصره ..>>>الظاهر بنطرشها لعرس "مخاوي الزعيم"..ويا الأخت عنودي.. نزلوا صوب أمهـم العوده وأم محمد وعليا وريسه اللي كـانن يرقبن رويض اتييهن..عاد ما فيهن يرقن الدري صوبهـا..ومن يتهن..استلمنها..باركن لهـا..وبجيه..انتهت حفلتهم البسيطه..والرياييل ساروا المسيد والحرمـات لبيت بو خليفه..عدا رويض اللي يلست ويا ريسه لين ما تكشخ بنتها وبيلحقونهم القلب ياقلـــــــــبي اذا غبت ناداك..والعـــــــــين ياعيني رجـاها شوفك.. والروح ياروحي عن البعد تنهاك..والنفس يانفســـي حيــــاها وجودك.. والعمر ياعمري ضــــايع بفرقاك..كلي على بعضي وش اسوي بدونك؟! داار الظبــي الســاعه 12 ونـص قسم سلطان وخلود سلطان:ويا ويهه حرقت تيلفونه وما يرد.. خلودي"متشققه من الوناسه":وااايه فديت رووحه اكيد مستانس.. سلطان:يعني تقنعيني انه اخوج من زود الوناسه غلق تيلفونه.. خلودي:هههه..هيه.. سلطان:فدييييت هالضحكه.. خلودي:عدال من زينها.. سلطان:في عيوني عذاااب.. خلودي:المهم..قولي..شو سويت بسالفة السفره..؟ سلطان:خلودي ما رمت لهم..هم اختارولي استراليا وما روم اعارضهم.. خلودي:حشــى...استراااليا..و4 سنين.. سلطان"ينش من مكانه ويجابل المنظرة":ههههههههه..عيل يلسي فالبلاد..وخليني اسير استراليا ارووحـي..اجابل الغراااااشيب.. خلودي"تنش من مكانها":هاها..ضحكتني..اتسير عند الشقر الحمر..لا لا فديت روحك..ريلي ع ريلك.. سلطان:شو يعني ما بتفجيني عسب افجج راسي اشوي.. خلودي:سلطاااااااااان..شو خلاص انا ما اسوى شي..بتسير عند هاييلاك الرغيييييد.. سلطان:افااااااااااا صنفرتي يالعييوز..والله لو يابوا كل العذارى جدامي..في ذمتيه ما يسووونـج.. خلودي"تيلس ع الكرسي":هيه زين جيه ريحتني..اقول..الحق الحق ع الصلاة فديتك.. سلطان:يلا اللحينه ساير..تامرين بشي..؟؟ خلود:سلامتــك..تحمل ع عمرك.. سلطان:لا توصين.. ابتسم سلطــان..من خذ خلودي..ما قد مرة ظهر الا وقالت له "تحمل ع عمرك"..لزووووم هالكلمه ما تفارج لســانها..شلت بعمرها وظهرت من قسمهـم سايرة للبيت العود..فجت الباب وحدرت..لقـت عمها "بوسلطان"..يالس ع واحد من الكراسي بطريقة غير مريحه..الظاهر انه كان يالس زين وخلاف تغير الوضع ومارام يعدل من يلسته..جان تسيرله خلود وتعدل يلسته..وتحطله مخدات ورى ظهره عسب يرتاح..صد صوبها ابتسم لهـا..وهي ردت له الإبتسـامه..شافت الفواله جدامها..جان تسير بتقصله..بس هو أشرلها بكلمة "لا"..هو يروم يرمس..بس هالشي يتعبه..فطوول الوقت ملتزم الصمــت..يلست ع الغنفه تتريا خالتها اتيي..عسب تقولها عن خطوبة سيف وريض.. وشدها صوت شيخـاني.. شيخاني:ويا ويهـج مسويه عمرج الطيبه الحبوبه.. خلودي:...........................>>صاده صوب التلفزيون اللي كان ع قنـاة سما دبي..خطبة اليمعه.. شيخـاني:هيه انتي انا قااااااااعده ارمســج.. خلودي:.............................>>أكبر طاااااااااااااااااف.. سارت خلودي صوب الطاوله وخذت الريموت وبندت التلفزيون بكبره..خلودي طالعت صوبها..ونفس الشي ابوها اللي تم صااخ ومستغرب من تصرفات بنته.. خلودي:شيخاني قصري الشر..ولا ترمسيني.. شيخاني"اتوقف جدامها":عشتواااا..انتي اللي بتقولين لي ارمسج ولا ما ارمسـج... نشت خلودي من مكانها بترد قسمها احسن لها عن تجابل ويه هالشيخه..بس شيخاني اعترضت دربها.. خلودي:شو عندج؟؟ليش يايه في دربي..؟! شيخاني:كييييييييفي..سمعي ايييه انتي..أن ييتي صوب بويه شوفي شو بيستوييبج..شو يخصج فيه هااااه..؟؟ خلودي:................................ شيخاني:ايييييييه يالسه ارمسج انا ما ارمس اليداااااار ردي عليه وينه لســااانج..؟؟ خلودي:مستواي ما يسمح ارمس هالأشكــال.. وحطت يدها ع جتف شيخاني ودزتها بالخفيف عسب اتخوز عن دربها..جاااان تعصب شيخاني..وين ينونها.. شيخاني:اااااااييييييييه انتي السباله الحيوانه الحقييره الجلبه..وين سااااااااايره ..؟؟ خطفت خلودي عنها ولا سوتلها سااالفه..جان تتنرفز شيخــاني وتيلس عدال ابوها..يودت الريموت وشغلت التلفزيون..وكل ما تحط قنـاة يظهرلها ريال يلقي الخطبه..انزين سمعي يا بنت الحلال شوفي الناس شو قاعده اتقول..تدرون شو سوت..بندت التلفزيون وفرت الريموت ع اليداار بكل قوه..تكسر وتجزء لأجزااااااااء صغيييييره..طالعت ابوها..كان يناظرها بنظرات..وكأنه يلومها ويعاتبها يا ع تصرفها يا ع اسلوبها المهم انه وضع بنته هب عايبنه.. شيخاني:اوووهوووووووو ..وانته شو اتطاااالع ..كلتني بعيووونك.. نشت من مكانها ..وخطفت ع امها اللي حدرت عليهم الصاله.. أم سلطان:شخاني فديتج بنتيه شو بلاج ليش جيه معصبه..؟ شيخاني"بعصبيه وبصووت عالي":خوووووووزي عن ويهي انتي الثااااانيه.. صخت ام سلطان..وانصدمت من رمسة بنتها..جان تطيح دمعتها بدون مقاومه منها..ورقت شيخـاني الدري..وما عطت امها أي اهتمـــام..!! اعذرونـي .. لا تعلقـت بخيال فيني × طفل × ما مل من كلمة .. ( ياليت) كل ما نهرته غمض عيونه و قال : وش للزمـن .. يقسى ويهدم .. ( ما بنيت) محتار اجاوب ولا امسح دمع سال يا من يبيع الصبر .. في الحال ( اشتريت) من لام شخص ٍ فوق طاقة قلبه شال .. ربـي يلومهـ .. وانا مـن قلبي ( دعيت) الرمــاح السـاعه 1 الظهـر عن باب بيت بوخليفه رويض:ريسوه طالعي طالعي فطامي عند باب الصاله واقفه مشالله فالإستقبااال.. ريسه:حرمـة أخوها بتيي..لازم تستقبلها.. رويض"بضيييجه":بلا تعليقات سخيفه لا افر بنتج اللحينه.. ريسه"تشل قصايد عن رويض":بسم الله بسم الله كلتيني بقشوري..خلاص خلاص ما بنرمسج يالعروس.. رويض"تزخها بنظره":ما غيرتي شي.. ريسه:هههههههه..خطفي خطفي.. مشت ريسه بسرعه من هالشمس الحاره..اما رويض كانت تتمخطر وكأنها تمشي ع بيض..وفطامي واقفه عند باب الصاله ومريحه..تتريا رويض..اشرت لرويض بحركه انها عروس ..سوت بيداتها حركة لبس الطرحه والخاااتم..جان تعصب رويض..نزلت وشلت وحده من نعولها وصيووووووووووو صوب فطامي بس فطامي خازت عن النعول وضربه غير موفقه..شي مقوله ينقال فيها"فالإعاده افاده"..جان تعيد رويض الحركه وتاخذ نعولها وتفلع بها فطامي..وضربه غير موفقه..هنيه رويض ماتت من القهر والحر..والرمضه اللي تحرق ريولها..وفطامي ناااااااااااقعه من الضحك بصوووت عالي..يت ريسه صوبها ووايهتها.. ريسه:شحالج فطيم..؟؟ فطامي:ههههههه...انا بخير ومن صوبج..؟؟ ريسه:ما نشكي باس..ههههههههه..سلمتي سلمتي ما يتج شي من نعول رويض.. فطامي:ربج..الحمدالله..يا هالرويض اللي محد يروووملها.. ريسه:يالله الحمدالله ماشي صابني انا وبنتيه..يلا انا بحدر.. فطامي:اللحينه بنييكن.. رويض تربع صوب فطامي وشيلتها وراها باتماااااااان ماشالله ..باتمان بس صباااحي.لوووووول..وتربع بسسسسسسسرعه من هالرمضه..لين ما وصلت صوب فطامي وقبل الموايهه والسؤال عن الحال ضربتها ع راسها.. فطامي:اهئ اهئ..وهذا وانا اخت سيااااااااافي ريلج.. رويض:ريلي في عييييينج مسودة الويه..شو هالحركـــــاااات.. فطامي:والله ما اقصد شي..بس اباركلج بطريقتي الخااصه..الف مبروووووووووووووووووووووووووووك غناااااااااتيه... رويض"ويهها محمر":الله يبارك فيج.. خطفن وحدرن الصاله..واهنيه استوت حفله بدون كيك رقم "2"..حريم عمومتها تمن يباركن لها وينغزنها بتنغييزات ..والعروس والعروس..وين راحت وين يت..لا تخلونها تمس شي..وريحوها..ويوم يأ وقت الغدا..تهافن البنات صوب المطبخ ..الا العياييز حلفن على رويض ماتنش..اونه عرووس ما تسوي شي وترتاااااااااااااااااااااح..>>>عقبااااااااااا لكــن ..لوووووووووول.. ومن بعد ما تغدوا عربنـا..والحرمــات تسدحن في الحيرة اونه قيلوله ما قيلوله..والبنات يالسات فووق ومفتقدات سلامي وموزاني..وكل ساعه يدقن لهن ويسولفون..لين ما عصب سعيد واغلق تيلفونه..وشرات الحاله ويا خلوف..بس خلووف غيير..هزبهن.. رويض:بس احن نبغي نرمس سلااااااااااااااامي.. البنات يصارخن:سلاااااااامي سلاااااااااااااااااااااااااااااااامي.. خلوف:كله من رااااسج انتي يالعروووس جب سكتي لا ترمسيييييييين.. قلب رويض"طربق طربق طربق طربق">>>>>زااااايغه.. شجون:حوووووووه..وصل لهم خبر .. خلوف:سيف مشالله هب مقصر..داق يعزم يتحرى انه محد بيي عرسه..مادرى انيه بلصق فيه عسب اضويلي حرمة ثاانيه.. هنيه سمعن صوت سلامي وهي تقووووول "شووووووووو؟؟"وصوت شي طاح وتكسر..وصوت خلوف ميت من الضحك.. غبوش:شو سويت فالحرمه.. فطامي:ابشركن..طاحت مغمى عليها.. خلوف:فااال الله ولا فاااااالج..ههههههههههه..كــانت ميوده الصينيه وفيها عصاير جان اتطيح عنها من سمعت انيه بظوي حرمة ثــانيه.. رويض:عطني عطني سلامي برمسها.. خلوف:هاه..؟؟سلامي بوزت اللحينه..والله يا ان دقيتن وخصوصاً انتي يا رويض شوفي شو بيستوي بكن"ويصااارخ"..فاااااااااهماااااااااااااااااا ااااا اااااااااات..؟؟ البنات:لاااااااااااااااااا..هب فاهمااااااااااااااااااات.. خلوف"يضغط ع الرمسه":في ذمتيه يبغيلكن غسيل شرااااااااع..اتريني من ايي دور دور ووحده وحده اغسل شراعها مسودات الويه..سمعن..محد اتدق واللي اتدق عليه يا ويلها..سلامي ما بترمسنها اللحينه هي زعلانه وماده البوز شبرييين..وانا اترياااا بن المر يدقلي يعطيني اخر اخباار العرس فاهمااااااات.. طوووووووط..طووووووووط..طوووووط..طوووووووووووو ووط.. وقلب روضه غير دقاته واستوى"دق دق دق دق دق دق"..بس بطريقه سريعه..تمن البنات يسولفن..ونشن من مكااانهن "رويض وفطامي"..وسارن للمطبــخ..ورت فطامي ضو..لأن سيف مطرشلها مسج يقولها انه يبغي يتدخن..!! من بعد ما زهبته فطامي ..شلت تيلفون أمها"24 ساعه وياها"..وسارت ويا رويض للحوي..سمعن صوت المأذن يأذن لصلاة العصر.. رويض:مشااااالله خطف الوقت بسرعه..يلا انا بيلس ع الدري اترياج اتيين.. فطامي:انزين.. مشت فطامي اول خطوه سمعت صوت امها تزقرها من باب الصاله اللي كان مفتوح..وع الدري اللي جدامه رويض يالسه.. فطامي:جنها ما صدقت":هاه رويض فديييتج خذي المدخن وعطيه سياافي..>>وحطت التيلفون عدال رويض.. رويض:شووووووو..؟؟اتخبلت انا اسير صوب سيف اعطيه المدخن..سيري سيري انا هب سايره..شوفي امج شو تبغي بج وخلاف تعالي وتفاهمي ويا اخوج.. فطامي"بابتسامة خبث":اوكيييييك الغلا..هكوه المدخن عندج..وان ظهر سيف ولمحه عندج وانتي ما يبتيه..عادي يغسل شراااعـج..لأنه مستعيل وراه مشوار ضروري.. روضه:شووو؟؟يغسل شراعي انا؟؟انا رويض مب وحده حيالله.. فطامي"فاجه اعويناتها":عااااااااااشوووا الله ويااااااااااااك..من اللحينه وااااااااااااثقه.."وتسمع صوت امها"..باااااااي عنوني امايه تزقرني.. سارت صوب امها..وخلت رويض مستغربه من نفسها..ليش قالت هالرمسه لييش وبأي حق..يعني بهالرمسه..هي مقتنعه انها عند سيييف غييييييير غييييييييير..مب شرات أي وحــده..انقهرت..من هالشعور اللي تسرب لخافقها دون ما تدري..قطع تفكيرها صوت فطامي اللي واقفه جدام ويهها وميودة كندورة امها.. فطامي:السموحه منج بنت خالي..بس بسير أكوي كندورة امايه..تعرفين العياييز بعد صلاااة العصر وبعد ما يتقهون ويا الشواب في بيوتهن ما يقرن في بقعتهن..يسيرن ع حرمات الشعبيه..عاد شدي حيلج انتي وودي المدخن لسياااافي.. طالعت فيها بنظرات..كأنها اشوي بتزخها وبتصفعها..جان تقحص فطامي بويل وتروح اتكوي كندروة امها..وهنيه..تمت رويض محتاره..اتنش تودي المدخن واللي يصير يصير..الريال يرقب حد اييه ويا المدخن عنده مشوار ضروري..بس شو بيقول..هاي ما صدقت ان الخبر انتشر وانها استوت خطيبتي يتني تراكض بالمدخــن..قالت احس حل اتسويه..تيلس في بقعتها..وما يخصها لا في سيف ولا في فطامي ولا فهالمدخن اللي عداالها..هالمرة..قطع تفكيرها صوت تيلفون عموتها "ام سيف"..طالعت الشاشه..شو مكتوب.."صـاحب السمو يتصل بك"..فز قلبها..أكيد ما غيره سييف..شلت التيلفون وابعدتها عنها..خلت بينها وبينه مسااافه كبييرة..كأنها بهالحركة ابعدت سيف عنهـا..ووخت براسها تحــت..سرحت بأفكارها..وهالمرة..أفكارها كانت قويـة..كيف بتكون حياتها ويا واحد هب مقتنعه فيه ..وتخاف منه بالأســاس.ترتعب..تحس بخوف..وبعد..تحس بالأمــان..وثقتها بهالإنسـان وايد كبيرة وتروم تعتمد عليه..ما يكفيها انه سار للعيوز ورمسها عسب ترضى عليها..!!..مشاعرها كـــانت عكس بعض.. مستانسه ومتضاايجه..تصيح ولا تضحك...ما تعرف شو وضعها اللحينه..هالمرة..انقطع تفكيرها بصوت ترتعب منه..كـان سيف بن المر واقف جدامها..زقرها مرة مرتين..3 مرااات..والمرة الرابعه على بصوته اشوي وصدت صوبه.. صدت صوبه وانصاب قلبـه من نظرتها..بسرعه..بدون أي تحاليل أخرى..عرف انها كــانت تفكر..وفي دوااامـة أفكــار..وانها كانت محتااارة..وهالأشيــاء عرفها من لمح اللمعه الللي في عيونها..حس انه استاااااااااانس لأنه شااافها..ومب مصدق عمره..من خبره خاله راشد ان البنيه وافقت..وهو هب في حاله..أتوقع ان رويض بتشرد عنه لين ما يعرسووون..جان يشق الحلج الريال وكشخ الضروس ..الله يستــر بس عن تستوي مواقعه للمرة المليوووووون.. سيف:شحـالج رويض..؟ وقفت مكانها وتشيلت زيـن ووخت براسها تحت.. رويض:انا..الحمدالله بخير.. انــا:انزين شو ما تتخبرين عن احوااااااااااله..>> ما تريد كيفها..والله ما اعرف ليش ارز ويهي امبينهم.."أنا اقصد انا العنيده".. سيف:افا المدخن اهنيه وانا اتحرى حد بييبه صوبي فالميلس.. رويض:فطـامي سارت تكوي كندورة عموتي واللحينه بتيي وبتسير صوبك..بس انته سبقتها.. سيف:وداامـه عندج اشعنه ما يبتييه..؟؟ رويض:كنت ارقبها هي قالت بتوديه وين ارز بويهي بعد.. سيف:اهاااا..وانا حاارق التيلفون.."طالع التيلفون"..وبعــد؟؟التيلفون حذالج ولا قلتي لي تعاااال خذ المدخن.. رويض:سووو خبله انا ارد عليك..؟؟ سيف:هههههههههههههه..انزين انزين ييبي المدخن..>>يتمصخر ع حرف السين..وهي ما درت عنه.. رويض:ع فكرة انته واايد خقاااق.. سيف:اووه سمعتها من قبل بالملاااييين.. رويض"تعطيه المدخن":يعني انته مستانس لأنك خقااق.. سيف"يتأمل عيونها":انا هب خقاااق..بس انتي اللي تقولين عنيه جيه.. رويض:عداااال..المووهيم..بعد ما تخلص ازقر وحده من البشاكير خل تاخذ المدخن..انا بسير.. سيف:لالا..انا ما احب ارمس البشاكير..بفر المدخن اهنيه ع الدري.. رويض:لا اليهال بيون يترابعون..ربك حد تعوق منهم.. سيف:اووهوو..عيل وقفي اهنيه اترييني وخذيها.. رويض:شووو..؟؟ سيف:اللي سمعتيه.. تم سيف يتدخن ..وعاد سااااعه يبغيله..وبالعماله يالس يسوي جيه..يعرف انها على اعصااابها ومقهورة منه..وهاللي عيبه.. رويض"تيلس ع الدري":مطوول..؟؟ سيف:يعني..تقريباً نص ساعه.. رويض"تنش من مكانها":لا عيل اذا جيه السالفه ودعتك الله انا بحدر .. سيف:اقوول..مر ثانيه لا تراااابعييين .. الرمضه بتحرق ريووولج.. اخخخخخخخخخخخخخ..اخخخخخخخخ..احترق ويهها من الخااااااطر..حست بالفشيله تاكل هالويه أكل محترم..وين تودي ويهها..يلا وين تودي ويهها..غااااادي قوووووووووطي طماااااااطم.. رويض:سو..؟؟ سيف:ههههههههه..فطامي تتشكى من النعول اللي ما يتها..اذا يتها شو بتسوي.. رويض:كنت اتشوفنا.. سيف:هيه.. رويض:مستوي برج مراقبه.. سيف:غصب عني هب بشوري اخلي عيوني تخوز عنـج.. لالالالالالا..الأخ واااااايد خذ راااحتـه..من حركة ريولها..عرف انها بتودره وبتسير بدون ما تعطيه ويه.. سيف:هاج يودي المدخن.. ردت رويض وخذت المدخن عنه بكل حرص.. سيف:الدخون ريحته غاااويه.. رويض:هيه.. سيف:شو حالها يدج بعدها تعورج.. رويض:لا الحمدالله اوكيــه.. سيف:زين بعد ولا تعيدينها حركات اليهااالوووه.. رويض"بأدب":إن شالله.. سيف:رويض..تحملي ع روووحـج.. رويض:ان شاالله.. سيف:ههههههههه..غاديه مؤدبه..يالله يعله دوووم هب يوم.. رويض"تزخه بنظره":شو تقصد..؟؟ سيف:افاااا والله..ما اقصد شي..يلا شي فالخاطر..؟؟ رويض:سلامتك.. سيف:قولي لفطامي دواها عنديه..وقرصيها في اذنها عسب يوم اقولها شي تنفذه على طول وما تأجله.. خلص رمسته..ابتسم لها ابتساامه تذوب..وسار عنهـا..وهي..تمت واقف مكانها..بلا حرااااك..لين ما يتها فطامي.. وفي نفس اليوم فليل..ياها خبر من ذياب عمها..ان عرسهم تحدد شهر 10..هي صخت..ما رمست..ما عارضت..لأن بالأساس ما عندها شي تقوله..بس حست عمرها غلطاااااااانه يوم انها وافقت على سيف..!!!!!!!!!!!!!!!!!!!!!!! ،،×××,, أنـا « رهيـن الشـوق » من قبـل لا أغليـك اختـرت اسـم رهيـن الشـوق بـ ’ ذاتـي مرت الأيــام,,وتلتها الشهور,,والحال على ما هو عليه على شخصيات قصتي,,الا بوجود بعض الإختلافات,,المعاريس,,بعد ما قضوا احلى ايامهم,,ردوا لبلادنا الغاااليـه,,عكس خلودي اللي سافرت ويا ريلها لاستراليا,,بحكم ظروف شغله,,وما بيردون الا نص شهر 10 لعرس شيخـانيوشموس وحمد ريلها اللي سافروا الكويت لمدة اشسبوع اتشوف حالة امها وردوا.. ,,حاليــاً,, سهيل وسيف مسافرين,,واليوم يايين من الكويــت,,لأن عقـب اسبووع عرس سيف ورويض,,!! و ألحيـن . بعد . مـا ... تعـرفت ... عليـك [ صـرت ] رهيـن الشـوق بـ حـد ذاتـي ،،×××,, أنا كان الفرح فيني / رئيسٍ عزّ مقداري غدر فيه الزمان / وبات من أرض الفرح مخلوع وصار الحزن ×مستوطن× بلا أذن ٍ دخل داري تمادى واغتصب فرحي .. تعدى | حاجز | الممنوع أنا الساقـي / أنا غيمهـ / أنا اشعاري أمطاري أنا نبرة ( حـزن غامض ) .. اغرق سامعي بدموع يوم الأحــد العــزب الســاعه 4 وربــع.. على رغم المرارة اللي تحس بها..وعلى رغم الحزن اللي مستحل كيـانها..الا انها مستحيل تودر خبالها وضحكتهـا..وصوتها العالي ما يتأثر من اللي يستويلها موول.. رويض:هههههههه..بدويه غصب عن هالخشم..طالعي تراب العزب في ريولج.. موزاني:حشى والله انج بدويه من الخاااطر.. سلامي:دخييييلكن طالعن طالعن امايه العوده ميوده نعولها.. غبوش:شكلها بتفلع البيدار.. شجون:لحووول وهالبيدار حالته حاله..اسميها امايه العوده لعنت خيره.. رويض:ههههههههه..مسكين كل يوم يلقاله هزبه محترمـه.. شجون:الغلط منه..يدوتي اتقوله رمسه يسوي العكــس.. موزاني:عاده واحليله العيوز جنها الا ترطن جدامه بالعربي وهو هب فاهم ولا كلمـة.. رويض:لو ايي حمدان ويرمسه احســن"وتصد صوب يدوتها والبيدار..وتشوف البيدار ساير عن يدوتها وهي ترمسه..جان تاخذ نعولها وع ظهر البيدار"..دخيييييييلكن صدن صدن صوب امايه العوده.. صدن اللي يالسات عندها.. بس طافهن الموقف.. رويض:هههههههههههههههههههههههههههههه..هههههههه ههههه اااااااااي.."ودمعت عيونها من زود ما تضحك"..هههههههههههههههههههههههههه...ههههههههه ههههه هههههههههههههاي.. سلامي:رمسي.. شو مستوي..؟؟ شجون:يلاااااااا عااااااااد.. رويض:ههههههههه..يدوتي..ههههههههههه..خخخخخ..وا لله ما روم ارمس.. غبوش:رمسي عاده شو سوت يدوتي.. موزاني:ايييه رمسي..وبلاه هالبيدار يالس يتحرطم.. رويض:يدوتي فلعته بالنعول ع ظهره..هههههههههه.. الكل:هههههههههههههههههه.. سلامي:موقف يضحك بس حرام عليها.. رويض:نشن نشن بنشوف شو السالفه.. ونشن كلهن صوب امهن العوده..كـانن يالسات ع عرقوب صغيروني..واللحينه سارن للعياييز وشموس وعليا وريسه اللي كانن يالسات يتقهون.. شموس:يا مرحبا مليووون باللي لفووونـا.. غبوش:المرحب لا هـان.. شجون:يلا يلا صبولي جااااااااي اسميني متولهه عليه.. رويض:عشتوووووا..حتى الجاي تتولهين عليه.. موزاني:يدووه..شو السالفه ..ليش فلعتي الرياااال.. أم راشد:وااااااااايه التراااااااااب..اللحينه هاه اتسمينه رياااال..لا حشى يالمريله ما يت صوبه ولا شم رييييحها..مسود الويه مضيع المذهب ملعون الصير.. رويض:بس امايه فديتج لعنتي خييره..ههههههههه..شو شو سوااابـج..؟ أم راشد:يالسه اقوولـه لا تسوي بالصرم جيه ..بتجتلهن..يقصهن ع هوااااه.. "كلمة الصرم يعني النخل" شموس:ما عليج يمايه بو شهاب بيتفاهم وياه.. أم راشد:لا يتفاهم ولا شياته..هالهندي ماشوفه ميلس فالبلااد..امممره يكنسلون ويزته ويسفرونه.فقدت وفقدت ويهه مسود الويــه.. موزاني:لحووول.اسميه هالهندي كسب له أجر من بعد سب امايه العوده.. رويض:صخي ولا بالعيره ع راااسج..يدوه هالأيـام ما تتفاهــم... أم محمد:رويض انتي شو يايبنج العزبه..انا هب قايله لج ارتاحي فالبيت.. رويض:امايه انا مستحيل افوت الروحه صوب العزب..في ذمتيه ما ترد روحي الا بشوفة هالعراااقيب.. أم راشد:بشوفة هالعراقيب ولا بشوفة سيف اللي بيي اللحينه.. انصبغ ويه رويض وحست بالفشله..ومع هذا انصدمت..سيف بيي اليوم..؟ سلامي:فديته سهيل والله رمسته من اشوي قال انه ظهر من سويحان ووياه سيف وعموتي نورة وفطــامي.. شجون:فطامي وسهيل..؟؟!! رويض:الله يستر جان ما لقيتن واحد منهم مختفي .. موزاني:تلاقونهم مفالعه بالصواريخ والشتم.. غبوش:فطامي ما تستحمل شوفة سهيل.. سلامي:الله يستر بس.. اشوي الا ياهن خليفه..عاد خليفه شالنه الهوى.يالس يغني وبس.. خليفه"يصد صوب سلامي":هيمن على ارقى الجمال ولمه..وجمـع ثقافات البشر في تـاجه..قمه على قمـه وذوقه قمه.. أم راشد"تقاطعه":خس الله هالصوت يا مسود الويه.. خلوف:لحوول..العيوز بلاج كل الناس ويووهم سودا..طالعيني..انا اسمر..هب اسووود.. أم راشد:هيه مسود الويه..اللحينه هالبيدار شو ميلسنه اهنه..انا ما قلت لك اتظويلي البيدار اللي فالمزرعه..هاك يفهم في سوالف الصرم ما بيجتلهن شرات هالميهود التعبااان اللي كوره فااااضي..يعله العوق اسميه من يـأ والخير ما يأ ع الصرم.. خلوف:رحنااااااا وطي..انا شو يابني اهنيه"ويرمس يدوته وسلامي ورويض يسمعنه ميتااات ضحك"..يمايه كلتي الريال بقشوووره..الهندي هاه بنسفره اسميه تعذب منج يوم يأ بلادنا.. أم راشد:تعذب..؟؟وين تعذب وانا اللي قايله انيه بربع وراه بالعيره.. رويض:تربعين..؟؟حوه حوه هدي الأعصاب وحطيها في ثلاجه.. أم راشد:ثلاجه عر اسج..صخي انتي.. الكل:هههههههههههههههههههه.. غبوش:العيوز شاااابه ضو لحد يرمسها.. أم راشد:أنا عيوز؟؟عيز حييلج مسودة الويه.خوزي خوزي عن ويهي..انا بنش صوب الريااييل.. تم خليفه يضحك وحالته حاااالته..ويرقص حياّته لغبوش و رويض اللي كانن منقهرات منه.. غبوش:والله لولا سلامي اهنيه جان الا طحت فيك.. خلوف:عدااااااااال..بسلامي ولا هب بسلامي ما ترومين لي.. غبوش:انزين انزين نتفااااهم بعدين.. خلوف"بنذاله":نياهاهاهاهاهاهاهاها.. دق تيلفونه ومن شاف الرقم ارتبش وبان هالشي في ويهه جان يستأذن وينش..وعيون سلامي تراقبه..وتحس بالعبره خانقتنها..هاي هب اول مرة..من يوا البلاد تكررت أكثر من 6 مرات..وسلامي تحسب..وتزيد من صبرها.. مر الوقــت..وساروا عربنا بر محظـه..وهنـاك..محمد وحمد مزهبين الخيـام والحمامات"الله يعزكم"..ومرتبين الأوضاع كلها..لأنهم قرروا ييلسون يومين ..يدة رويض ما رضت ان رويض تسير وياهم..أونه هي عروس وسيرة البر هب زينه لها..وبتيلس عندها سلامي وموزاني جان تبغي..بس هيهاااات..رويض ما سمعت لهم شور وسارت وياهم البر.. وهنــاك..يوا سيف وسهيل ..وفطامي وامها..والتراااحيب والسلااام تدرون يبغيله ساعتين..يلسوا الرياييل..وقهوه..والحينه..كلن قام يتحدى الثـاني بالقصيد..وكلــن يعق قصيده من صووبه..والهوى شالنهم شل..والحرمات مستمعات..والبنات مشجعـات..ومحد رام على حمد..اللي كـان يتذكر كل الأغـاني وييبها اونها قصيدته..عاد الكل يتم يتطنز عليه..رويض وفطـامي..ما وقفن عن الرمسه..جنهن الا ما شافن بعض من 5 سنين..وسيف..نظراته عليها..وعلى ويهها البرئ..وجمالها الســاحر..خطفت الوقت..وصلوا عربنا صلاة المغرب في عزبهـم..وقرروا انهم يتعشون اهنه وخلاف بيسيرون لبيوتهـم.. الكل صد صوب قصايد اللي صاارخت مرة وحده ويلست اتصيح وريسه ما رامت اتسكتها..انتبه لهم حمدان.. حمدان:بلاها الشيخه قصاايد.. أم راشد: وااقع الا ظوت اليهده.. ريسه:مادريبها ما رمتلها.. حمدان:رويض ييبها ييبها..بلاعبها.. نشت رويض من مكانها..واستانست لأن سيف هب ميلس صوب حمدان..كـان يالس عند الضو اللي كـان للرياييل وجريب منهم اشوي..والشواب متحاوطين عليه..الا حمدان ومحمد وسهيل اللي يالسين ع صوب.. وصلت قصايد صوب ابوها .. ونش سهيل وسلم على رويض وتخبرها عن الحال..وقصايد يلست تضحك مستااانسه ..وشلها سهيل وتم يلاعبها..قفت بهم رويض..وسارت راااده للحرمــات..استلمتها يدوتها.. أم راشد:يييها يالبرد وصلنا بعياله..رويض علني فداج سيري ويا وحده من البنـات وييبن حطب بنوري لنا ضوو..اسميني بموت من هالبرد كسر عظــامي.. رويض:اممرة ما طلبتي ..على هالخشم..يلا منو بتشد الحيل.. فطامي:انا .. رويض:راعية فزعه.. سلامي:خلاص احن مالنا بيلسة البنـــات.. رويض:واااضح..وشو ميلسج جدامي..نشي نشي عند العياااييز.. عليا:لا فديتج شو عيااييز..بعدنا شباب احن.. موزاني:باجر الا بتيلسين ويانــا..ناسيه ان عرسج بعد اسبوع.. "لاتزيد المواااااااااااااااجع..خلني قد نسييييييييييييييييييت" يأ ع بالها هالبيت بسرعه..وقحصت هي وفطـامي..طول الدرب كاانن يسولفن..وتيلفون رويض عاقتنه عند عنودي..اما تيلفون ام سيف..كـان ويا فطامي..كـانن يتوطـن ولا عليهن..ومستانسات لأنه بعده شي ضو بسيييط..والدنيا بعدها ما استوت سودا.. فطامي:ياااااااالله يا هاليبال اسميها تزيغني.. رويض"توطي تاخذ الحطب":بالعكس..منظرها خيالي..خبلها انا ما يبت تيلفوني من عنودي.. فطامي:انزين رويض يلا يلا بسرعه..اخاااف انا..دووم اسمع سوالف عن اليـن في هالمنطقه. رويض:فطامي طبيعي هالمنطقه بيكون فيها ين..مثل ما تدرين منطقة يبال..وأكيد في حد عايش فيها..يعني سكن..او سااحر..!!!>>قصدها اتخوف فطامي.. فطامي:اووووووووويه رويض صخي عنيه والله اني اتنااافض من الزيغه.. رويض"بابتسامة خبث":افـــا..وهذا وانتي بنت الــ......ـــي..ما حيدج جيه..فطامي سمعتي اللي سمعته..>>تولع صاروخ.. فطامي:شووووووووووووووو؟؟شو سمعتي شو سمعتي..؟؟ رويض:ههههههههههههههههه..زغتي؟؟ فطامي:حماااااااره..يالسه تتطنزين..؟؟ رويض:حماااااااار ربعبج فالسكه.. فطامي:اوووه..اللحينه ما بنخلص من هالرمسه الفاضيه..مشالله مشاالله الحطب واايد ..خلاص يلا بنرد.. رويض:لالالا..خلينا نجدم اشوي.. والتهن بالسوالف والتعليقــات..لين ما صارخت فطامي وهي اتشوف الدنيا عتمه في عيونهن..ولا تلمح شي للضو اللي كـان عند الرياااييل.. فطامي:رويض..احن ابتعدنا واااااااايد عنهم.. رويض"تيلس والحطب عدالها":انزين شوفيها..انا ادل.. فطامي:ادريبج تدلين..بس والله انيه زاايغه..ماااادري..حاااااسه بخووووووف فظيييييييييييييع.. رويض"تولع صاروخ":الله يهداج يا فطامي..الساحر اللي اهنيه طيووب وما يزيغ وااايد..واكيد الينانوه اللي عنده مسلمييين.. فطامي:روييييييييييييييييييييييييييض.."وتتلصق فيها"..روييض دخييييييلج رحمي حااااااليه..احس بالموووووووووووت.. رويض:جان زين يبتي تيلفونج عسب اترمسين امج..ياهل انتي ياهل..؟؟؟ فطامي:هيه ياهل..مفروض اسير لأول ثنوي بس رسبت.. رويض:مبرووك عليج..ويعلها دوووووم هالفرحه.. فطامي:قومي يلا خلينا نرد صوبهم.. رويض:فايجتلج انا..خلينا نرتاح اشوي..انهد حيلي.. فطامي"تيلس عدالها":اففففففف..ليتني ما سرت وياااااااااج.. رويض:افا وانتي راااعية الفزعه..فطامي شو فيج خاايفه..صدقيني بنرد صوبهم اللحينه.. فطامي:روبيض انا هب متعوده على هالأجواء..صح ننزل البر ونيلس فيه..بس لدرجة انيه اسير فهالظلام ..ومنطقة فيها ينانوه وسحره..والله من الخاطر شي يخرررررررع.. رويض"تولع صاااروخ":احيييييييد يوم كنت ثاني ثنوي..انا ومحمد اخويه سرنا انييب الحطب..كان حزة المغرب..الا ونسمع لج دق وطبل ..وصراخ ومصايح وضحك..جـان يسحبني محمد وانا مندهشه الصراحه..ولا فرقة ميامي..لو سمعتي الدق والطبل..بين ينونج وبترقصين ويااااهم..ربششششششششه.. فطامي:شوووووووو..؟؟هييل اكيد الينانونه يرقصوووووون..رويض رويض نشي نشي والله قلبي يرقع من الخوف.. رويض:هههههههههههههههههههههه.. نشت رويض ..وردت لورا.. رويض:يلا بنسير صوبهم.. فطامي:شووو؟؟احن يايين من هالدرب..>>وتأشر بيدها اليمين.. رويض:شو فيج خرفتي..يينا من هالدرب<<<وتأشرلها بيدها اليسار.. فطامي:تستهبلين..رويض انتي ما دلين في هالبقعه.. رويض:شووو..؟؟انا حافظه كل شبر في محظـه..بس انتي ما تعرفين شي.."يودت يدها"..يلااا.. فطامي"تشل يدها عن رويض":رويض شو فيج صدقيني يينا من هالدرب.. انتبهت رويض لشي يتحرك بين ريولها..جان ترد على ورى وتدز فطامي دزه قويه ووتيود عمرها فطامي عن اطيييح.. رويض:فطامي خوزي خوزي عن هالبقعه..هاي حيـــه.. فطامي:شوووو حيــه..؟؟حيـــــــــــــــــــــــــــــه..!! اختفت فطامي في هالظلام..ورويض تتحراها عندهـا..وابتعدت رويض عن الحيه اللي كـانت صغيرونه نوعاً ما..بعد ما فرتها بكمن حصاه..لفت يمين يسار..ما لمحت فطامي..ما سمعت صوتها..صاااااااارخت..مرة ..مرتييييييين..ماشي فاايده..طاح قلبها في بطنها..داست ع الحطب اللي يمعته..وشلت لها عصا صغيرونه..وين سارت هالخبله..وين سااارت...؟؟ما تدل شي والدنيا ظلام دامس وما بتشوف شي..لامت عمرها ..ابتعدن عن هلهن وهي ما تدري..وكله اتزيغ فطامي وترعبها..واللحينه..فطامي اختفت في لمحة بصر.. رويض:فطاااااااااااامي..فطاااااااااااااااااامي ..أكي ييييد يالسه تستهبلين وتردين الحركــة فيني..يلا ظهري عااااااااده..فطااااااااامي.. فطااااااااااااااااااااااامي.. فطاااااااااااااااااااااااااامـــــــــــــي.. و لا حيــاة لمــــــــــن تنـــــــــــــــــــادي ورااااااااح صوت رويض بين نسايم هالليل البااارد.. |
..الجـزء الثلاثـيـ(30)ـــن.. ••.•°¯`•.•• دفـن المشاعر ••.•°¯`•.•• مصير الوقت لو طول قساه بيوم يجمعنا واعود احجر كل مركب هواك وافرد اشراعي انا ماهمني غيرك لو ان الكل يسمعنا مدام ان الغلا الصادق لقربك يسكن اضلاعي حييت بشوفتك يانور عيني والهوى معنا الحياة وباقي الدنيا بدونك مالها داعــي.. دموعها سالت ع الخدين اللي تعودوا على وجود هالدموع فالفترة الأخيره..لأن رويض كـانت تصييييح بأي لحظـه وبأي وقـت..ولكـن بعيد عن عيون ناسها وهلها..كـانت تصيح على حظها وعلى قدرها وعلى ذكرياتها وعلى قلبهـا..واللحينه..تصيح على فطـامي اللي اختفت عنهـا..واللي زقرتها وتوسلت لها تظهر لها ولا تعذبها زوود عن ما هي متعذبه..كــانت تزقرها..ومع صوتها نبرة الحزن والنوح فيييـه..كـانت تزقرها بكل خووف من هالليل القااسي.مستغربه..ليش محد ذكرها..ليش محد ذكرها هي وفطـامي انهن سارن ييبن الحطب وللحينه مـا ردن..بكل ضيجه..عقت العصا اللي ويـاها..وردت اتصااارخ بكل قوتها..وتنااظر بعيونها الدامعه..عل وعسى تلمح ضو يشب من بعيد.. رويض:فطـــااااااامي..فطـــــااااااااامي..دخيي يييلج واللي يرحم وااالديج ظهري..وينــج فطااااااااااامي..بلييييييييز ردي..آآآآآآآآآآآآآآآه.."وبصوت خفيف"..وينــج وينـج..يكفي اللي فيني..لا تزيديني هم وغـم يا فطـامي ردي..كله مني أنا..كله مني..انا اللي زيغتها وانا اللي خليتها تشرد عن الحيه..آآه يالحيه ليييتج ما ظهرتي..لا بركتن فيييج.. وكملــت دربها..وهي ما تعرف وين تسير..كل اللي تشوفه..يبــال عمـان..والنجوم اللي في السمـا ومالكنها بنوره القمــر..كـانت تطالع السما وتدعي ربها ..يخفف همهـا..وتلاقي فطـامي..ملت من هالمشي ..وملت من هالحـاله..جـان تيلس في مكـانها..وهي بتمووت من العطش..صدت تبغي اتشوف الساعه اللي في يدها..تبغي تعرف كم من الوقت خطف وهي في حاله يرثى لهـا..لكن ما شافت شي من قوة الظلاااام..كل اللي تسمعه صوت أوراق الشير وهي تتحرك بكل نعومه مع هبايب الهوى..وفجـأة..سمعت صوت..موتر ومركب هدرز..ميزت صوت الهدرز..ما توقعت الا حمد..اللي مركب في نيسانه الأبيض هدرز..قرب منهـا..ووقفت مكــانها..اتشوف منو هاللي بينقذها من هالحـاله..نفضت يدها من التراب اللي في يدها..وتحجبت زيـن..وقف الموتر عدالها..وظهر سيف وهو منصدم من وجودها..ربع صوبها بليا حااسيه..وكـأنه ما صدق انه شااافهـا..احساسه بالموت فالساعات اللي طـافت كـان يحرق قلبه..وهي..حست ان ريولها ما بتشلها من زود التعب..ووجود ريولها مثل عدمهـا..وعيونها اشوي بتبند برووحهـا.. سيف:روويض..رويييييييض.. رويض:سيف؟ سيف:وين سرتي انتي وين سرتي..؟؟ رويض:سيااافي"أول مرة تقول اسمه جيه"..وين فطامي دخييلكم ابغي فطامي..ابغي اشوف فطـامي.. سيف:فطامي لقاها خالي ذياب وهي عند امها.. انشق ويه رويض بابتسامـه حلوة..وخاطرها تضحك..وبطرف اصبوعها مسحت هالبقايا دموع ع ويههـا.. رويض:ريحتني الله يريحـك.. سيف:يلا يلا بنسير صوبهم..العياييز خايفات وقلوبهن انشلـت..ومحد تم من الشواب ولا الشباب الا وشل سيارته ويدور عليــج.. اشوي الا وقف ستيشن محمد عدال نيسان سيف..وكان حمدان اللي يسوق..ظهر حمدان وسار يربع صوب رويض ولوى عليها بقوو..وباسها ع رااسها.. حمدان:انتي وينج سود الله ويهـج..حشى هب حطب يبتيه لنا..يبتيلنا صداااااع.. رويض:.......ههه..انته ما تيووز.. وابتسمت..اول ما ابتسمت..طاحت جدامه بكل بطئ ويودها حمدان على طول وشلها وركبها السياره..تم يرش علييها مااي لين ما وعـت..وصدت اتطالع هي وين..وعرفت انها في سيارة محمد..جـان تصد صوب حمـدان وسيف..حمدان كـان واقف ع راسها فالسيت الوراني..وسيف واقف ع باب السواق..وعلى طول طـاحت اعيونها ع الساعه اللي فالموتر.."12:30"..انصدمــت..وبغت اتموت من الصدمــه..يعني من قبل صلاة المغرب لين الساعه 12 ونص وهي اروحها في هالبر اللي الواحد يمووت منـه.. رويض:حشـى طول هالوقت وانا اروووحــي..في ذمتيه ما يسوى علي.. ابتسم سيف يوم سمع صوتها وحاول انه ما يصد صوبها..وحس بفرحه في قلبه الي كـان ميت من الخوف عليها.. حمدان:ما اقول الا مالت عليـج..ارتـاحي ارتـاحي اللحينه بنسير صوبهم.. رويض:كيف ارتـاح وانا ميته من اليووع.. حمدان:ما بتتريين لين نوصل عندهـم..وديتينها اخر البر .. رويض:والله كنت ادور ع فطامي بليا حاااسه..بلياا ذهـن..اربع ولا ادري الله وين عاقني..كلـه من هالحيه اللي ظهرتلنا بين ريولنا.. حمدان:حيــه..؟؟!!زين سلمتن منها؟؟ رويض:الله يسلمك.. اعتدلت في يلستها ويابلها سيف من ثلاجة حمد عصير وكافيـات..جان تستانس ويلست تـاكل..وركبوا سياييرهم وويهوا صوب عربـانهم..استغربــ رويض..يوم شـافت الفتره الطويله وهم رداين.."معقوله انا مشيت هالكثـر..!!..فديتني رياضيه..خخخخ"..وصلوا ..ولقت رويض جماهيرها اللي يتريونها على احر من "النــار"..وأولهم أمها اللي لوت عليها بكل قوة ويلست تصيييح..ورويض مبتسمه..وثـانيهم فطامي اللي يلست تناشدها وتتخبرها عن حالتها وتمت لاويه عليهـا ..سلامي شموس..يدوتها و شجون اللي مـاتت من الصيـاح..وغبوش اللي يلست تاكل اظافرها من كثر الخوف..ابوها اللي ما خلا بقعه ما سارلها..عمومتها..اللي دوروها.. محمد اللي لوى عليها ولا فجها ريسه وعليا اللي تحمدولها بالسلامه..سهيل وحميد وسعيد وخلوف اللي يالسين يطنزون على اشكال العايله..وأخيــــــــــــراً..ابتسمــت لسيف بكل امتنــان..!! صعبه ألقى شي فيني مايحبك أنت في قلبي مثل ماأنا في قلبك روحي تسئلني متى ترجع حبيبي ياضوى العالم أنا أحبك وربك أبوظبـي.. السـاعه 9 ونـص.. صوب شيخـاني.. سوت البلاشر بطريقة سريعه..وتعطرت وهي اعيونها ع المنظرة اللي جدامها تلقي نظرة اخييره على شياكتها..شلت موبايلها ..ولبست نعولها..وظهرت بكـل سرعه صوب الدريول اللي يترياها تحت..وهي ظاهره..طالعت صوب امها اللي زقرتها.. شيخاني:هاه امايه..؟ أم سلطان:وين سايره..؟ شيخاني:امايه بسير السوق..واهناكي بلاقي حصوه..عسب اتشرى لي لبس لعرس سيف بن المر..للحينه ما تزهبت ولاشي..وناقصتلي اغراض عسب عرسي..تدرين بعد عرس سيف بأربعة أيـام..يلا مع السلامه..وان احتيتي شي سويلي تيلفون.. ما عطت امها مجال وفهمتها اسبـاب غير عن الأسبـاب الحقيقيه..ركبت..ووصلها عصير "لاكنور" برتقال من بشكارتهم اللي يالسه جدام..شربتها وهي تقول للدريول ايوديها ابوظبي مول.. كـانت تفكر في ناصر اللي كان يترياها..وتأخرت عليه نص ساعه..وتتخيل شكله كيف وهو معصب عليها..وخلاف..تحولت أفكارها لعرسها اللي بعد 11 يوم بالضبط..وكيف بتكون زفتها وكيف وكيف وكيف..واتوجهت أفكارها بالأخير..بهزاع..مالك قلبها وروحها بنظره من عيونه..!!وصلت للمول..ونزلت وسارت صوب المطاعم..شافت ناصر يالس على صوب وجدامه كابتشينو..جـان تسير صوبه وتيلس جدامها وهي مبتسمه.. شيخـاني"بأحلى ابتسامه":هـااااي.. ناصر"رافع وحده من حياته":هااايييييين..جـان ماييتي..نص ساعه يالظـالمه... شيخاني:هههههههههه..والله نشيت متأخره.. ناصر:وانا خاطريه اعرف..ليش اشوفج الصبح هب العصر ولا فالليل..العالم ترقد الصبح.. شيخاني:انتي يالبطالي عندك العالم ترقد الصبح..ولا سلطان اخويه العكس.. ناصر:سلطـان؟؟رد من السفر؟؟ شيخاني:هيه اليوم الفير ردوا..افف..ضربتني ضيجه من شفته وشفت حرمتـه..وانا ما طلبت اشوفك الا الصبح لأني متأكده مليوون بالميه الأخـت حرم الشيخ سلطان بتسير السوق فالليل ولا العصر.. ناصر:اوكيك نو بروبليم..انروم نتقابل في أي مطعم..المطاعم مازرة البلاد.. شيخاني:انا ما احب الا المولات.. ناصر:نااايس..شو في خاطرج..؟؟ شيخاني:ولاشي..توني شرب لاكنور.. ابتسم لها ناصر من خاطره..وهو يتأمل هالملاك اللي قاعد جدامه..لين ما شاف واحد ياي صوبه..كـان لابسه كندورة وعقال بعد..وشكله رزه..وحاط نظرات ويلعب بسلسة فيها سويج سيارته..سلم على ناصر..وتم يتخبره عن الحال وانه ناصر يعديبه من زمـان وما شافه وانقطع عن هل العين ومن هالرمسه...وشيخاني اتطالع فيه بكل احتقار..وهو يصد صوبها وذايب فيها..لين ما سار عنهم..ويلس ناصر مكانه.. شيخاني:امنو هذا؟ ناصر:هذا..؟؟ههههه..هذا واحد كان وياي فالشركه اللي كنت اشتغل فيها فالعين..واحد ملعون خيره..هههههه..والله ايام اتذكر يوم كان الأستاذ سهيل اللي يلعنه يهزبه هزاااب..المدير العود سيف يشرشحه..في كل اجتمااااع..وويهه يحترق.. شيخاني:سهيل وسيف؟؟ ناصر:هيه..هاييل هم راس الشركه اللي كنت اشتغل فيها..يقربون لبعض.. شيخاني:سهيل من هل الرمـاح..وسيف من هل سويحـان..؟؟؟؟؟؟؟ ناصر:هيه..تعرفينهم..؟؟ شيخاني:سهيل يكون ولد خالي..وسيف يكون ولد عموتي..يا ناصر..هو نفسه اللي كنت ارمسه تيلفون وووو....... ناصر"يأشر لها بيده ويقاطعها":وصار اللي صاار..وسهيل هو نفسه اللي ملج عليج..؟؟ شيخاني:هيه..اللي قلتلك سالفته يوم تشلل والسبه الحادث واللحينه صحته ردت شرات ما كـانت.. ناصر:الدنيا صغيره..أبد ما كنت متوقع ان لج صله باللي كرهولي حياتي وقطعوا رزقي.. شيخاني:ااخخ كيف اكرهه هالسيف..رمسته اللي قالها لي في عرس حمد ولد خالي..ابد ما كانت طبيعيه..كـانت اتييني بين كل فتره وفتره..وكأنها سهام تشق قلبي بكل تعذييييب وألــم..اكرهه يا ناصر اكرهه.. "علمن يوصلج ويتعداج يالواطيه..انتي حتى ما تسوين ربع نعالي" ناصر:اناا افكر بالإنتقام يا شيخاني..انتقم لهالروح اللي تحملت اهانات سيف..>>>جذاب كان يعاملك بكل موده..ومقيوله من زمـان"افعل خييراً..تلقى شراً.. شيخاني:وانا وياك يا ناصر..بس كيف..؟؟كيف وسيف يبل ما تهزه ريح..؟؟ ناصر:نيوده من اليد اللي تعوره.. شيخاني:شو تقصد..؟؟ ناصر:هله.. صخـت شيخـاني لمدة 5 دقايق..تفكر بأهل سيف..منو هم..أمه..أخته فطامي..واخته خلودي..ورويض اللي بتكون في ذمته بعد كـم يوم.. شيخـاني:رويض يا ناصر ما غيرها..!!! × × كنت أشوفك من قريب مع جميع الناس عادي .. ما تخــــــــــيلتك حبيب .. رايح بقلبي وغادي.. بر محظــه.. الســاعه 8 ونـص.. خيمـة أم محمد وبنـاتها.. أم محمد:رويض الغاليه تريقتي..؟ رويض"بابتسامه":هيه امايه..وقبعت لي طاسه لبن.. أم محمد:ادريبج ما تقصرين في بطنـج.. رويض:ههههههههه..كله ولا بطنــي..خلوها في صوب هاي الشيخه.. أم محمد:هاه رويض..بعدج محتايه شي لزهاب عرسج..؟ رويض:لا امـايه الحمدالله خلصت كل شي.. أم محمد:وراضيه عن هالعرس..؟ رويض:اشعنه هالسؤال يمـايه..انتي وابويه ويدوتي كنتوا عارفين بقراري الأولـي..كنت رافضه ورافضه ورافضه..بس..من حنة ابوي ويدوتي وفرحة اخواني..استويت راضيه.. أم محمد:سيف ريال والنعم فيه بيحطج في عيونه.. رويض:ييبولي حد ما مدح سيف..؟؟ أم محمد:ههههههههه..بس عليج اتحطينه في عيونج..ولا تقصرين عليه بشي.. رويض:لا توصيني يمـايه لا توصيني.. ابتسمـت رويض..وهي تتذكر شكـل سيف يوم لقاها ..كـان شكله من الخاطر خايف عليها..حست بفرحه من هالشي..يمكن لأنها حست بحب سيف لها..ما مداها اتحس بهالشعور..الا فـطامي طابه عليييهم.. فطامي:ألف الصلاة والسلاااااااااام علييييك يا حبيب الله محمد.. رويض:حوووه شو استوى؟؟ فطامي:نورت الإمارات في ذمتيـه..اختي خلود يت اليوم الفير.. أم محمد:زين والله تولهنا عليها هالخلود.. فطامي:رويض نشي نشي كلنا التمينا عند باب المطبخ بنروح رحله.. رويض:رحله..؟؟وين حديقة الحيوانات ولا الهيلي..؟؟ فطامي:هع هع هع..يلا يلا يلا نشي.. رويض:عن اذنج امايه.. أم محمد:اذنج معـاج.. نشت رويض ويا فطـامي..اول ما ظهرت..شافت شجون توها ظاهره من الحمام عزكم الله..وهالحمـام جريب وايد من خيـام الحريم..لأن الرياييل مسويين لهم خيمه عووده ..واللي يفصل بينهم وبين خيـام الحرمـات..العريش العود..وفيه مطبخهـم.. شجون:ويــن بها؟ فطامي:شجون استعيلي عسب انروح الرحله.. شجون:أي رحله الله يهداج في هالجو المغيم .. رويض:حلااااااااااااااااته.. شجون:انزين انزين تريوني لين ما اتلبس وبييكن..وين ميلسات؟ فطامي:فالعريش..عند باب المطبخ.. رويض"تسحب فطامي":استعيلي شجون ولا تتحيرين علينا.. شجون:اوكيك اوكيك.. سـارن رويض وفطامي وظهرن من سيد الخيـام مال الحريـم..4 خيـام مشالله..خيمه لأم محمد وبناتها..وخيمه لعليا وريسه..وخيمه لأم سهيل وأم سيف وأم خليفه وفطـامي..وخيمـه لموزاني وسلامي وشموس..البعض منهن رقد فالخيـام..والبعض الآخر فرش له فراش ورقد فالهواء الطلق>>تتحدون الرمسـه.. يلسن البنـات كلهن فالعريش.."غبوش رويض فطامي شجون اللي تلبست ويتهم"..والحرمـات"عليا وريسه وشموس وسلامي وموزاني"..كـانن داقات سوالف..والمحور الرئيسي لسوالفهن..سالفة فطامي ورويض.. رويض:ادخييييييلكن عاد يوم اقول لفطامي سمعتي اللي سمعته..اسمييها بغت اتمووت من الخوف.. فطامي:شو يعني انتي ما تعرفين ان اللي تقولينه يخلي قلبي يدق شرات الطبوول.. رويض:ليش قلبج مشترك في فرقة موسيقيه وانا مادري..؟ الكل:هههههههههههههههههههههه.. على صوت ضحكهـن المتواصل..وقفت سيـايير خلوف وسعيـد..وكل واحد شل حرمته وراحوا يتحوطون في هالجو الغاوي..ومع مرور الوقـت..اختفـى كلاً من ريسه وشموس وعليا..وما بقى فاليلسه الا رويض وفطامي وغبوش وشجون.. غبوش"بحسرة":جـاني معرسه بتشوفوني اللحينه ويا ريلي في سيـارته.. شجون:خسـارة أحمد ما يأ ويـانا.. رويض وفطامي"بنظرات خبث":ههههههههههههههههههههههههه.. غبوش"تضرب شجون ع جتفها":مـااالت عليج ويا رمستـج..مسودة الويـه..انا ما عندي هالسوالف.. رويض:الا انا مستغربه من الأخ أحمـد..ما استوى يطب بيتنا شرات قبل..مبركن فيه..ولا اسمع من الشباب طاريه ولا اييبون اسمه بعد.. غبوش:اللي سمعته من حمد انه اللحينه يدرس.. رويض:في شو يدرس وهذا الأبتدائيه ما تخرج منها...؟ فطامي:اكيد كمل دراسته..هو وقف في صف سادس..!! رويض:هههههههههههه..وياب 9 من 100 في الرياضيات.. شجون:بس اللحينه خذ شهادات ويدرس في معهد..هههههههههههه..اتطور..! غبوش:شو بلاكن تتضاحكن ع الريال جيه..صج ما تحشمن.. رويض:ارحبووا..محـامي دفاااع.. غبوش:مب عن جيه..يعني اذا في شخص شرا أحمد ردله عقله وكمل دراسته..مفروض نثني عليه ونشجعه..مب تنمصخر على ماضيه..صح رويض..؟؟ رويض:صح..وهالشخص انتي اتدافعين عنه لأنه أحمـد..أدريبج مب كل من هب ودب اتسوين له ساااالفه..أختي وانا ادريييبج.. نشت من مكانها غبوش معصبه وويها "قوطي طماطم".. غبوش:اففففف ..انا مالي يلسه ويـاكن.."وتشل صحن المكسرات اللي جدامها"..بظهر صوب العياييز وبشوف الشباب وهم يلعبون بالدراجـات..>>>وسارت عنهن وخشمها على فوووق.. رويض:خســــاااارة كـان خاطريه اجربها.. فطامي"تحط يدها ع يد رويض":كان ودي اساعدج..بس من بعد سالفة البارحه..الثقه راااحت.. رويض:هههههههههههه..يعني كنتي حاطه آمال فيني.. شجون:والله يا آمالج يا فطامي راااحت فالهوى.. رويض:اقووول..شرايكن نخاطر ونسرق دراااجه..افففف..حلااااتها ويا هالجو الملبد بالغيوم..في ذمتيه كشخه وطر كسرتيـــــــــــــم.. شجون:الغاليه رويض..عقلي عقلي اشويه..الأسبوع الياي بتستوين حرمه وفي ذمة ريال..للحينه بتمين بخبالج.. فطامي:لأول مرة اكون على حق واقول صح رمستج يا شجون.. شجون"تطالعها بنص عين":اشعنه الشيخه كنت طـاايحه من عينـج..؟؟ فطامي:لا كنتي متعلقه بآخر رمش.. الكل:هههههههههههههههههههه.. رويض:مالت عليها هالغبيشه..من تغبش الصبح ما نشوف الخير ..حتى صحن المكسرات شلته وياها.. شجون"تحط الـmp4 في مخباها":وهالشي السخيف اللي عندي مال ابوه دااااااعي..نشن بنسير صوب العيااييز.. فطامي:هيه والله بنقرض فيهن اشوي.. رويض:اسميني من زمــــــااان ما ولعت صواريخ..اللحينه بس بشوفهن بولع عليهن صواريخ لا استوت ولا سمعن بها..شكلي كنت اتريا العيد.. فطامي"تزخها بعين":مسودة الويه..والصواريخ اللي البارحه ولعتيهن عليه..وخلتني اشرد منج.. رويض:هههههههههههههه..تقصدين الرمسه اللي قلتها وخلت قلبج يدق شرات الطبول..الشيخه..الرمسه اللي نخوف بها خلق الله غير..والرمسه اللي نولع بها صواريخ على خلق الله بعد غير..وكل نوع يختلف عن الثاني.. شجون:وايه التراب هالبنيه مسويه اقسـام وانواع للرمسـه وطريقة الأسلوب.. رويض"تنش من مكانها ويا كيمرتها الفيديو":هههههههههه..الشيخه رويض بنت راشد..يلا يلا هجوووم ع العياااييز..وعند العيايز..كل شي يايز.. ونشن قروب البنوتات ولحقن غبوش..وخاري العريش..كـانن العياييز فارشات لهن حصير..ويالسات عليه..ودلال الجاي والقهوه والفواله جدامهن..وقصايد اللي كـانت شالتنها أم خليفه..وتلاعبها..وعنودي اللي يالسه عدالهن مرة تاكل لها فروت..ومرة تلعب بألعابها..يايبه لها جيس ومزرته العاب..تعرف انها بتمل..أما عبدالله..هاذا بعدوا عنه ..راكب دراجه وويا الشباب "سيف وسهيل وحميد وناصر"..يلعبون جدام قعدة الحرمـات..يلسن البنـات وتمت فطامي تشرب لها جـاي..اما شجون كـانت ميوده ديو لقته فالمطبخ"شي طيب"..ورويض..شغلت الكيمرا..وتمت تصور..وتركيزها كله ع سيف..كـانت اتصوره..وقلبها ينبض بقوو..وما تعرف ليش قلبها قاعد يستهبل عليها..شكله يسوي سوالف..لوووووووول..كـان عايبنها شكل سيف من الخـاطر..لابس برمود أبيض..وتي شيرت اسود..وكـاب أبيض..وسبورته أسود..كـان شكله طر..وحاط النظرات وأحياناً يفصخ الكاب ويتحرك شعره اللي لين نهاية رقبته مع الهوا..شكله خبلبها..والكيمرا عليه 24 ساعه..وهو ملاحظ هالشي..ان رويض يالسه اتصوره..بس يسوي عمره اونه ما يعرف ومادري شو..كـان يطالعها بس نظراته ما تنفظح والسبه النظارات..تموا الشباب يتسابقون واللي فاز هو سهيل..وفالمرة الثانيه فاز سيف..اما المرة الثالثه..تموا الشباب يستهبلون ويمشون ع الخفيف..وفاز عليهم عبودي..شق الحلج مستاانس وحليله..واشوي اشوي..تموا الشباب يبتعدون على الأنظـار..ويقحصون ..وعيون رويض اتشوفهم من بعيد لبعيد..وأم سهيل وأم خليفه وأم محمد..نشن وسارن للخيـام ييلسن فيهـا..مادري شو عندهن..لحظه بسير بشوف..لالا..ليش ارز فيسي..خلونا نيلس عند يدوتي وقروب البنــات..وجـان تبند الكيمرا..وتحطها حذالها..عاد اللحينه رويض متفيجه للعيوز..استحملوا الصواريخ اشويه.. رويض:وهاه وشحالها الشيخه ربج الا بخير؟؟>>وتحط يدها ع ركبة أمها العوده.. أم راشد:امممرة ما نشكي باااس..ومن صوبكم..؟ رويض:لا الحمدالله الأوضاع زينـه وكل شي تمــام..الا ما دريتــي..؟؟ شجون:ولــــــي..اللحينه هاي شقايل بتلم ثمها..؟؟ غبوش:الله يعينـــا.. فطامي:ايييه انتن..حاظفن على اعماركن لا تخسف بكن الأرض من صواريخ رويض.. رويض:لحظه لحظه..أنا اشم ريحة حش وقرض فيني.. شجون:ليش الأخت جلبه وانا مااادري.. رويض"تفلعها بفنيان قهوه":عنلاااات صدااج مسودة الويـه..اتسبيني وانا اختج العوده.. شجون"تهوس ع جتفها":حشـــــــــى..وحـــش.. ومب حلج عليج.. رويض:ياااااااالله عساه عرج فلفل حااااااار في حلجج.. شجون:سباااله..أذيتيني بفنيان القهوه.. رويض:سبااال ع ظهرج..انجبي يلا.. غبوش:حشى مب اسلوب عليها.. رويض"ترمش بعويناتها":ادري اسلوبي رااااقي وهو سر جمااااالي.. فطامي:هههههههههههههههههههههههههه...وااااااااا ايد قاااصه ع رووحها.. توها رويض بتفج ثمها الا العيوز ترمس وتقاطعها.. أم راشد:بس قطعنها الرمسه..صخن عنلاااات صدااكن مسودات الويه مضيعات المذهب..بتخبركن انتن ليش يالسات عنديه..نشن..نشن ما ابغي اشوف رقعة ويه وحده منكن..انقفضن سون لكن شي.. رويض"ترقص حياتها":انا عروووووووس..ما اشتغل ولا امس شي.. فطامي:آآآآآآآخ منج يالمقوي.. شجون:نشي نشي بنسوي لنا كرون فلكس ..وانتي عليج النسكافيه..يلا.. أم راشد:لا رويض ما تمس شي..عروس..وساد انها يت البر.. فطامي:تحافظ عليها العيوووز.. أم راشد"تضرب فطامي ع يدها بالعيره":عيز حييييلج مسودة الويه.. رويض"بصوت واطي":لاااازم مسودة الويه"وتعلي صوتها"وانتن شلكن بالكرون فلكس والنسكافيه..الا مادريتي يمايه شو استوى عندي سااالفة خطييرة.. أم راشد:خبري يا بنت راااشد... صيووووووووو طاااااااااااخ..صيووووووووووطـاااااااااااااخ.. طاااخ طااااخ طاااااااااااااااااااااااااااااااااااااااااااا خ... رويض:تقول رويض بنت راشد ام العلوم راعية أحلـى أخبار وفي قناتها "اخبااارنا العالميه"..ان في بنيه البارحه توفت في حادث.. أم راشد:شوووووووووو..؟بسم الله من اشو توفت واحليلها.. رويض:سمعي يمايه بخبرج سالفتها..اسميني صحت و صحت يوم سمعت مآساتها.. أم راشد:يالله قولي.. رويض:سمعي يمايه..في بنيه وااايد حلوه..من هل العين..ملكة جمال مشالله عليها..رحيييمه من الخاطر..ابوها خذ حرمة ثـانيه..وفي هالفتره امها كـانت حااامل..الحرمه الثانيه سباله ما تستحي ع ويهها..لا تحشم هالبنيه ولا تحشم امها..وفي ذاك اليوم..ردت البنيه من المدرسه..استغربت يوم ما شافت ابوها يالس فالصاله..جـان تسير حيرتها تبدل وتتغسل وتصلي ..وراحت للصاله مرة ثانيه..استغربت اشعنه محد حط لها الغدا..وينهي البشكارة وين سااارت.. فطامي:يااا ويل حااااااااااااالي..رويض لا تكملين خلاص الصاروخ اللي بتقولينه اللحينه يصيح.. شجون:صيوووووووووطااااااخ.. رويض"تيود فنيان قهوه":والله يا ان ما لميتي ثمج اممممره ع ويهج.. شجون:حشــى..اجرااااااااااااااااام.. رويض:المووووهيـــــــــــــــــم..جان تسير المطبخ..جـان تلف وتدور..ما خلت بقعه وما سارتلها..هالبشكاره وين ساااااااااااااارت.. أم راشد"بضيجه":اممممممممف مالت عليهن من بشاكير يالله يعل العوووق يصيبهن..أكيد شردت .. رويض:ليتها شردت يمـايه..البنيه المسكينه واحليلها اسميها صيحتني..المهم سارت حيرة امها...لقت امها ميهووده وطايحه ع الأرض وتنزف.. أم راشد:وااايه التراااب يا بنتيه من شو استوالها جيه؟؟ رويض"اونها تمسح دموعها بطرف شيلتها":ظهرت الحرمة الثانيه سوتبها جيه ويا البشكاره..أم البنيه الحـامل كـانت فالمطبخ تشوف غدا بنتها..جـان تدزها البشكاره ع ارضية المطبخ ..واتيي الحرمة الثانيه واتدوس ببطنها..الا تبغيها تطرح حملها..وجـان الحرمه تزحف لين تيلفونها اتدق ع ريلها وريلها ما يرد عليها مشغول..والبشكاره شلت لها كمن ألف من هالحرمه وشردت..والحرمه الثانيه سارت بيت هلها..وكأن شيئاً لم يكــن.. أم راشد:وهالحرمه الحامل..شو استوابها..؟؟ رويض:بتييج بتييج السالفه.."عدلت شيلتها بس لا زالت خصلات على طرف ويهها.."..جـان البنيه تربع صوب ييرانهم..وخبرتهم عن السالفه..وساروا المستشفـى..واهنـاك توفت امها..لأنها ما تحملت الألــم.. شجون"مندمجه":لااااااااااا حرااااااااااااااااااام..>>شكلها نست انه صاروخ.. فطامي:وخلاف شو صار..؟؟ رويض:جـان ترد البنيه بيتها وهي مكسورة الخاطر..خلاص من لها في هالدينا دام ان امها توفت..وحرمة ابوها ما ردت البيت.. أم راشد"تمسح دموعها":وااايه فديت روحها المسكينه.. رويض"بابتسامة خبييثه":هاه امايه اكمل ولا ؟؟ أم راشد:وخلاف شو صارلها..؟؟ رويض:وفي يوم من الأيـام..كـانت تمشي وهي طالعه من باص المدرسه سايرة لبيتهم..وفي هالفتره ابوها كان مساافر..جـان اييها شي عووووود وكبير ويدوسها..وتمووووت..تتوقعون شو هالشي..؟؟ الكل:..؟؟؟؟؟؟؟؟؟؟؟؟؟؟؟؟؟؟؟؟؟ رويض:طولي بعماركم هاي نعول واحد من هل العين..لأن البنيه بالأصل هي نمله.. شجون وفطامي:سخيييييييييييييييييفه.. أم راشد:واايه الترااااب..سبيحه وبييعه فالرمسه.."وتضربها ع ظهرها بالعيره"..ما تحشمين يا مضيعة المذهب.. رويض"تأشر لبعيد":اماااايه هديني بسير..هكوووه مذهبي يربع بروح بييبه.. الكل:ههههههههههههههه.. غبوش"تبند الكيمرا بعد ما صورت كل شي":ههههههههههه..تحفه يا روييييييييض تحفه..صورت صاروخج من بدايته لنهايته.. رويض"تسحب الكيمرا من عندها":هع هع..اشكرج فنج..ما عليج زوود بنت راااشد.. شجون:حدها مستااانسه.. ..×..صوب شموس وحمـــد..×.. انا اللي لو هزني الكون ما انساك..لو ارغمني الزمان بالجفاء ماجفيتك ماينساك قلب بالشــــــــوق اغلاك..لو تطلـــــــــب عيونه يقولك عطيتك حمد"يصد صوب شموس":شو فيه الحلو متضاااايج؟؟ شموس"تبتسم له":لا متضايجه ولا الله قاله..؟؟ حمد:عيل شو بلااااج جيه ماده البوز شبرين.. شموس:ههههههههه..لا والله ما فيني شي.. حمد"يوقف السياره":عيل يلا ظهري.. شموس"تبتسم له":انزيـن.. نزلوا من السيـارة..ووقفوا على طرف بقعه وواضح ان في سيل خطف عليهـا..جـان ييلس حمد وتيلس عداله شموس.. حمد:مستانسه..؟؟ شموس:اذا معك؟؟هيه أكيد مستانسه.. حمد:احم..احم..نلاحظ انتفاخ في راسي.. شموس:هههههه..خوفي لا ينفجـر.. حمد:واذا انفجر شو بتسويين؟؟ شموس:اممممم..عطني اختيارات....؟؟ حمد:1 تنفجرين بعدي على طول.. 2 تموتين من الصياح علي.. 3 تعقين عمرج من هاك اليبل.. ويأشرلها ع واحد من اليبال اللي كـانوا جدامهم..تمت شموس تطالع فيه..وميته من الضحك.. شموس:يعني في كل الحالات أموت..؟؟ حمد:طبيعي تموتين لأن انا راسي انفجر ومـت..خخخخخخخ..انتي ما تعيشين بلياي.. شموس:وشو اللي يثبت لك هالشي؟ حمد:لأن قلبي ما نبض وحس بطعم الحيـاه..الا من شفتـج..ومن ساعتها نبض باسمج..وانتـ.. شموس"اتقاطعه":وانا قلبي ما نبض وحس بطعم الحياه..الا من شفتك..ومن ساعتها نبض باسمك.. حمد:ههههههههههههههه..ليش تقلديني..؟ شموس:أحب اقلدك.. حمد:ههههههههههههههههه..يعني في كل شي انتي بتقلديني.. شموس:بلا جدااااااال..في كل شي.. حمد"بنظرات خبيثه":يعني لو عقيت روحي من هاك اليبل بتعقين روحج.. شموس"بدون تفكير":ويبغيله رمسه..أكيد بعق عمري بعدك.. حمد"بخبث":انزين لييييييييييييييييش؟؟ شموس"بعفويه":لأنـي أحبك.. حمد"ينقز من مكانه":وأخييييييييييراً وصلت للي ابغيه.. شموس"تحط يدها ع ثمها":افففففف ما اغبـــااااني.. حمد:قولي اوووففف محلاني وانا اقولها يا حمد.. شموس:محد يروملك..لفيت ودرت ووصلت للي تبغيه.. حمد:لأنج قلتيلي ما بقولك كلمـة"أحبك"..الا من بعد ما تييبين البيبي..واللحينه قلتيها.. شموس:ههههههههههه..انته ما تيووز.. حمد:خخخخخخ..للأسف لا.."بجديه"الا ما قلتي لي رمستي امـج..؟؟ شموس:لا.. حمد:ليش؟؟ شموس:لأنها ما تبغي ترمسني..كله تيلس اتصااارخ وتزاعج ع خالي .. حمد:ليش هالعصبيه..؟ شموس:امايه من استوت وهي جيه..الله يشفيها ان شالله.. حمد:ان شالله..وهالبيبي اذا ولد شو بتسمينه..؟؟ شموس:انا مالي شور..الشور شورك .. حمد:زين بعد..يعني بسمي ع كيفي.. شموس:هيه ع كيفك.. حمد:واذا بنت؟؟ شموس:هم ع كيفك.. حمد:وانتي؟؟ شموس:انا شو؟؟ حمد:ما بتدخلين.. شموس:لا..خذ راحتـك.. حمد:ليش؟ شموس:هههههههههه..ماشي سبب.. حمد:انا متأكد في سبب.. شموس:ولا اقولك..انا بسميهم..انته ما يخصك..اوكي..؟ حمد:اوكي..بس اذا ولد انا بسميه..؟؟ شموس:وانته شكو؟؟انا بسميهم.. حمد"فاطس من الضحك":خخخخخخخخخخخخخخخ... شموس:اشعنه تضحك ومظهرلي هالضروس..؟؟ حمد:هههههههه..ما عرفتلج..مرة ما يخصك..ومرة انته شكوو؟؟ شموس:وشو فيها كلمة شكو؟؟تعرف بعد نقز عرجي الكويتي.. حمد:هههههههههههههههههه.. شموس:اوووه انته مخليني مصخره.. حمد:شمووووس؟؟ شموس:..........>>أكبر طااف.. حمد:شموووس...شموس حبيبي شموس شموس حبيبي... شموس:..........ماني حبيبتك.. حمد:شو بلاج..؟؟ شموس:.................ماشي..خوز عن ويهي.. حمد:زعلانه..؟؟ شموس:........اووه وبعدين وياك فج عن ويهي.. حمد"يغنيلها":يااا كيف تزعل وانته تسوى عيوني..وانا بعيوني ...........ما عيبتج..بغنليج غنيه ثانيه..سمعي.. يا فكري المحموم مضيق مجــالك..ما هزّفك مطرب ولا عازف الــنـاي..سريت مع همك............وهاي بعد ما عيبتج.. شموس:..........ماشي عيبني..صخ عني.. حمد:عيل شو اسويلج..ماروم ايلسج ثانيه وانتي هب متفيجه لي..ولا زعلانه مني..؟ شموس:عيل لا تتمصخر علي رمستيه..شو اسوي انا رابيه فالكويت.. حمد:افا محشوووومـه..بس انا تعيبني رمستج.. شموس:خلاص انزين.. حمد:خلاص اوعدج ما بضحك.. شموس:توعدني.. حمد:اوعدج.. شموس:عفيه عليك.. حمد:ههههههههههههههههههه.. صدت صوبه شموس وعطته نظره صوبت صميم قلبه..زخته من فوق لتحت.. جـان يسكت الريال من الخوف..خخخخخ.. حمد:لالالا..خلاص آخر مرة.. يبتـــ,,,,,ـــــــــــــــــع..>>طويل تعرفون ليش؟؟ لأن البارت طويل..هاهاها..يلا انزلوا تحت بسرعه ..×..عند خلوف وسلامـي..×.. حزين وفي عيوني دمعه عتابي على الخلان ومثل موج السواحل يضرب الحزن بـ شراييني شربت من المراره والبحر والملح والطوفان وتعبت اركض لـ صوتٍ من ورا صدري يناديني . صدت سلامي صوبه بكل عصبيه.. سلامي:خلووف..شو اللي يخليك اتساافر وتخليني بروحي..؟ خليفه:انتي عند هليه..ما عليج شر.. سلامي:خلوف..هاي سفرتك مالها لزوم.. خلوف:شو مالها لزوم..قلت لج ربيعي عرس..بسير ببارك له.. سلامي:هذا هب عذر تودر حرمتك واشغالك..وما تيي عرس سيف بن المر.. خلوف:ما يخصج فيني..انا ماريد ايي..حشى بالغصب يعني.. صخت سلامي ..مستغربه من رمسته..توقعت انه بيسكت وبيوقف عند هالحد.. خلوف"يصارخ":انتي اصلاً ما تحبيني..ما تبغيني استاانس.. سلامي:وشو اللي خلاك اتقول انيه ما احبك..؟؟ خلوف:اووووووووهووو..تصرفاتج ورمستج واسلوبج وحتى نظرااااتـج.. سلامي"بصدمه":شـــو؟؟ خلوف:اووووووووووووف.."يصارخ عليها"..وبعدين وياج انتي..صخي خلااااص ماااريد ارمسـج..كله تعصبين وتغايضين وتصارخين..مب منج..من اللي يعيطج ويه..انتي ما تستاهلين هاه كله.. صخت سلامي..بس صوت انفاسها ينسمع..حست بالموت يسري ويخاوي دمها..ما تعرف كم من الوقت مر..وهي في حالـة دهشه ومنصدمه من اللي يالس يقوله خليييفه..لحظه..هي متأكده ان هاللي جدامها هو خليفه..تأملت فيه..هيه هذا خليفه ما غيره..بس شو فيه جيه لبق ضوو مرة وحده..صدت صوبه..وعيونها تحتظـن دمعه.. سلامي:خلووف..انا شو سويت لك تعاملني جيه..انا انا.. خليفه"يقاطعها":انتي شو..؟؟..انتي وحده كنـت احبها..وخلاص.. سلامي:كنـت..؟؟؟؟؟خليفه ليش تغيرت علي..ليــ....... قطع رمستها..صوت تيلفون خلوف وهو يدق..نش من مكانه..بدون ما يرمسها..بدون ما يقول لها شي..سار بعيد عنها..وعطاها ظهره..ويلس يسولف ويضحك ..ولا كأنه خليفه اللي قبل شوي معصب وواصل حده..وخت براسها..تداري دموعها..وتفكر..توه خلوف كـان يالس وياها..ويسولف..ومرة وحده انقلب الحال من يابوا طاري السفر..واستوى العكس..قااااال رمسه..لأول مرة تسمعها من خليفه..وما توقعت في يوم انها بتسمعها..حست ..حست انه من صجه يرمس..ما كان يسولف ولا يخورط عليها..كـان صادق بكل كلمه نطق بها..أمسـات شحلاته يسولف وياها..مع مواقعه بسيطه..هذا خليفه يا ناس هب أي حد..صدت صوبه..لقته بيلسته يسوولف وميت من الضحك والوناااسه..انقهرت..ليش ..ليش سولف ويا اللي دقله في هاللحظـه..وما سولف ويـاها..ليش؟؟..ليش قال هالرمسه..يعني..يعني خلاص هو ما يحبها.."انا كنت وحده وكان يحبها..واللحينه خلاص.."..شلت بعمرها..وركبت السياره..تترياه ايي..عسب يردون لهلهم..بس خلوف طول..واهنيه ما تحملت..يلست تصيح وتصيييح..واشوي..الا اتشوف المطر يصب..بندت الجـامات..ومسحت دموعها..وعزمـت تنهي الأمر اللحينه..اذا يأ خلوف..انفج الباب..وركب خلوف السيارة..فر تيلفونه ع ورى..ولا صد صوب سلامي..وتجاهل وجودها..فجت ثمها تبغي ترمس.. خلوف"يقاطعها ويأشر لها بيده":دخييييييييلج..لا تعكرين مزاجي..حدي مستااانس.. عقدت حياتها باستغراب..شو السالفه..هذا شفيه اليوم..شو اللي حل عليه..كتمت صوتها..وخنقتها العبره..ويلست ترمس روحها.. "الله يا الدنيا..اللحينه انا يا خلوف اعكر مزاجك..بعد ماكنت اتيي وتقولي انا متضايج..واللحينه انا اللي اخرب وناستك..آآآخ يالقهر".. صبرت عمرها..وعزّمت..لو شو من مشاكل استوت..لازم تحافظ على خليفه..!!! ..×..عند سعيد ومــــوزاني..×.. تـدري وش اللـي ذبحـني فيـني و احيـانـي .. انـي امـوت بـ / غيـابـك وارجـع احيـالك .. و تـدري وش اللـي يحطـم ’ عـرش سلطـانـي ، .. !! اسلـوبـك العـذب بيـن ][ الجـد .. و .. هبـالك ][ .. صد سعيد صوب موزاني..اللي حدرت السياره من شافت المطر يصب..تم يدق عليها الجامه..وهي يالسه ترقصله حياتها..لين ما شفقت لحاله ووطت الجامه.. موزاني:خخخخخخخ..أنته تخيست وانا ما تخيست.. سعيد:هههههههه..احيييدج تموتين ع المطر.. موزاني:لالالالالا..بعدين بتخترب كشختيه..اصلاً هالمطر اللحينه بيخلص..روح روح العب يالياااهل.. سار سعيد وفج الباب وظهرها غصب عنها..ويلس يتمصخر ع شكلها يوم صب عليها المطر وخرسها من فوق لتحت.. سعيد:ههههههههههههههههههههههه..واللحينه انتي بعد تخيستي.. موزاني:الله يهدااااااك.. سعيد:موزاني فديتج..ما تلاحظين ان اسلوبج تغير... موزاني"تسند عمرها ع السياره":كيف يعني..؟؟ سعيد:هههههههههه..كنتي دفشه..استويتي رقيقه.. موزاني"تخشن صوتها":انــا؟؟ سعيد"يودرها":بسم الله..بتستويلي وحش اللحينه.. موزاني:هههههههههههه.. سعيد:الله يا حلات الجو.. موزاني:يخبل.. سعيد:رومانسي..؟ موزاني:ههههههههه.. سعيد:عيل سمعي شو بقولج.. موزاني:اسمعك.. سعيد: علـى الطـاري ؛؛ حلـمت البـارحـة بـ / صـوتـك يغـني لـي أنـا .. [ أهـواك ].. و شفـت فـ : نظـرة عيـونـك حنيـن .. و بـ : خـاطـري ’ القـاك ، .. ! و لكنـه || مجـرد حلـم || .. !! موزاني:بس اذا يينا للواقع..فعلاً انا اهوااك..وشف نظرة عيوني..تلاقي فيها الحنين.. سعيد:عيل جيه انا ارتاح قلبي.. موزاني:ليش ومن قبل؟؟ سعيد:ههههههههههههه..ولا شي.. موزاني:وقف المطر.. سعيد:خساااااااارة.. موزاني:ردينالهم.. سعيد:شووو..؟؟وايد تنكتين انتي.. موزاني:ههههههههههههههههههههه..عسب جيه يالسه اضحك.. × × وين الصداقه والوفا ؟؟ يـ اللي تخونون العهود السالفه بانت ! وصارت مثل شمسٍ شارقـه كان الخيانه والردى من ساس دستور اليهود فـ الدِّين حلّل للقضا قطع اليمين السارقـه !! أبوظبي.. السـاعه 5 العصر.. حيرة شيخـاني.. شيخاني:هيه وصلتني الصور.. ناصر:هههههههههههه..شفتيهن ولا بعدج..؟؟ شيخاني:اللحينه بشوفهن..بعد ما ابند منك.. ناصر:بس اتصدقين..عايبني الوضع يوم كنـا .............. شيخاني"بعصبيه تقاطعه":نااصر..شو هالرمسه..؟؟ ناصر:صج رمستيه..انتي بنيه ما تتفوتين.. شيخاني:بس خلاص عيل انا رحت عليك..هزاع خطبني..ومتوثق بالقلب.. ناصر"باتسامه خبيثه":الله يوفقج وياه..يلا عيل انا مشغول اللحينه ادقلج بعدين.. شيخاني:اوكيك..باي..بس مثل ما قلنا بعد اسبوع من زواجهم.. ناصر:لا تحاتين..الصور الأصليه عندي..وهاي النسخه..بخليهم يستانسون أول اسبوع..وخلاف بنكد عليهم حيـاتهم.. شيخه:زين عيل..باي.. ناصر:ههههههه..باااي.. بندت شيخاني عنه..وكالعاده..فرت التيلفون ع الشبريه ..ونشت بسرعه صوب الجيس اللي كـان ع الطاوله..شلته بكل لهفه..ويلست ع الشبريه..وفجته..بكل بطء..وكأنها خايفه منه..شلت الصور اللي كـانن داخله..وتمت تطالعها صورة صورة..وتحس برعشه تسري في جسمها كــااامل..تحس انها..مب مصدقه هالشي..صدت وطالعت هالصور الفظيعه مرة ثـانيه..كـانت كلها صور ناصر وشيخـاني وهم في اوضاع مخليه بالآداااب..من بعد ما رمسته فالمول..سارت وياه شقته..وهناك خلوا واحد من ربع ناصر اللي عايش وياه يصورهم رباعه.. فرتهن بعيد عنها..حست بالخوف..حست انها غلطـانه.."كيف رضيت لعمري هالشي..أخلى ناصر...؟؟يلوي علي ويبوس يدي..آآآآخ..ليتني ما طعت شوره ليتني ما طعت شوره..؟؟انا ..؟؟انا اسوي هالسووووااااه..؟؟"تمت تلوم نفسها..وتتندم ع اللي سوته من 5 ساعات..بس من يأ ع بالها سيف ورويض..راح الشعور بالذنب..لمت الصور ورتبتهن..وفجـأة..تسمع صوت..في حد يدق الباب..انتفضت..خااافت..حست بالموت جدام اعيونها..هذا اكيد سلطان..محد غيره يدق الباب جيه..شو تسوي..؟؟ارتبشت..وين تخش هالصور..جـان تنش من مكانها وتسير وتفج الكبت وادسهن بين طيات ملابسها..هدت من عمرها اشوي..بس اللي يدق الباب كان يدق بكل قوة..فجت الباب ويلست ع طرف شبريتها..وهي خايفه.. سلطان:شو ..؟؟ما بتسلمين على اخوج من يييت ما شفتج.. شيخه"باتسامه":هـ...هلا سلطان"وتوايهه"..نور..ت الإمارات..>>>السالفه فيها صور وفظيحه وقص رقاااب..عسب جيه ميته من الخوف.. سلطان"يطالع الحيرة وكأنه يدور شي":شو بلاج جيه..؟؟ شيخه"مرتبشه":هاه..؟؟شو بلاني..؟؟ما..ما بلاني شي..عادي.. سلطان:اممممممم..هيه عيل انا بسير.. ظهر سلطان من الحيرة..وارتاحت شيخـاني..جـان تغير لبسها..وحطت لها ميكب خفيف"أول مرة"..ولبست عيابتها وشيلتها..وسارت اتييب الصور.."هالصور مستحيل اخليهن عندي..بوديها صوب حصوه"..شلت الجيس ونزلت بسرعه ..وبدون محد يشوفها..سارت لبيت حصوه ربيعتها.. حصه:بس يا شيخـاني هالصور شو فيهن..؟؟ شيخاني"بخوف":هالصور ما فيهن شي..بس أمنـتج يا حصوه..ما تفجينها..لو شو صار..لا تفجينها..ولا اتييبينها صوبي..ولا تيبين طاريها.. حصه:شيخه..؟؟ليش جيه زايغه..؟؟هالصور فيهن شي..؟؟أكيييد.. شيخاني:اوووووووه حصه بتذليني يوم قلت لج خلي هالصور عندج..؟؟ حصه:لا افا انتي محد يذلج..بس انا مستغربه..؟؟ شيخاني:لا تستغربين ولا شي..المهم..انا بسير اللحينه..سلطان اذا درى انيه ظهرت بدون ما اقول لمايه..بيسويلي سالفه..ومثل ما وصيتج..هالصور لا تشوفينها..حلفتج بالله.. حصه:لا توصين لا توصين..هالصور في ايد أمينه..ما قول غير الله يهداااج.. شيخاني:يلا عيل مع السلامه.. ودعتها حصوه لين باب الصاله..وسارت فوق بتشوف الصور..وكل ما تمد يدها ع هالجيسه..اتحس بخوف..وما تعرف ليش..احتـارت..وفالأخير..يودت الصور ..قررت اتشوفها..اكيد فيها مصايب عيل ليش شيخه جيه محتشره عليها..بس غيرت رايها..وخشتهن في مكــان مناااسب..!>>وهااي ع راسها.. × × × هذا انا ماقد صفالي بـ دنيتي غير الحسايف ابتسم قدام حظي / وحظي أعمى ما يشوف عزتيلي احسب اني صاحبه / بعد الطوايف جيتهـ اضحك للحياه ورحت اصفق بـ الكفوف مادريت ان كل حبّ ٍ فـ الورى كاذب وزايف اولهـ حيره ودمعه وآخره وِحْده وخـــوف . بـر محظـه السـاعه 5 ونـص جدام العريش صدت رويض صوب شجون وهي ناقمتنها..وفطامي وغبوش ميتـات ضحك.. رويض:هاه خلصتي آنسه شجون..؟؟ شجون"تشل الـmp4 من اذونها":شو السالفه..؟شو قلتي..؟؟ فطامي"تخشن صوتها وتقلد شجون": هلي لا تحرموني منه..هلي لا تبعدوني عنه.. شجون:هههههههههههههههههه..ويا ويهـج. فطامي:أحسـن عن ويهــ............. رويض"تأشر بيداتها لهم":بس بس دخيييييلكن بس..انا في بالي خطه.. شجون وفطامي صدن صوبها وغبوش طالعتها بنظرات استخفاف.. غبوش:لااااحوول..وبعدين وياج انتي وهالخطط..؟؟ رويض"تطالع غبوش":رجاءً غبوش ما يخصج فاللي اسويه..!! غبوش:دام جيه..عيل انا من اللحينه بنش وبتبرى منكم.. روييض:فداعة الله..ولا تروينا ويهج مرة ثــانيه.. وسارت غبوش وهي معصبه من رويض..ويلست ويا الحرمـات.. فطامي:رويض الله يهداج ليش جيه بترمسينها..؟؟ رويض:فطامي ..غبوش ما تحب هالسوالف ولا اداني تسمعها.. شجون:شو هو بالغصب قعدي ؟؟ برايها البنيه ع هواها.. رويض:الموووهيـم..طالعن..عبودي حط دراجته بصوب..وسار ييلس عند الرياييل..شجون سيري زقري عبدالله..عسب ايي واييب دراجته وبنسير نلعـب.. فطامي"شاقة الحلج":فكرة حلوه.. شجون:هيه والله بنستااانس..بس عبدالله توني متضاربه وياه..ما بيدزلي فيس.. رويض:اووووهوووووووو.. عنودي"اتطب عليكم":سمعتكـــــــــــــم.. فطامي"تسحبها وتقعدها عدالها":هاللي بتفظحنا.. رويض:وبتحول خططنا الناجحه الى فاشله.. عنودي"ببراءة":جيـه..؟؟كم طمـاطم يابت..؟؟ خخخخخخخخخخخ..واحليلها هالبينه.. رويض:لا ربج ستر يا بنت اخوي والحمدالله عدت السنه.. الكل:هههههههههههههههه.. شجون:فديت رووحج فديت هالصوت والله..عنودي الغلا سيري زقري عبدالله.. فطامي:ما تواقعت وياه اليوم؟ عنودي:لا ما تواقعت وياه..كله نيلس نلعب ارباعه.. رويض:شي طيب..سيري زقريه.. عنودي"اتنش من مكانها بتربع":ما بزقره..بسير صوب يدوه العوده وبقولها ..>>وفي عيونها نظرات خبث...نياهاهاها.. رويض"تسحب وتيلسها عدالها":اففففف يالمذله..اللي تبغينه بعطيج اياااه..ويوم بنرد البيت بعطيج من دكاني الصغير..شو تبغين بعد؟ عنودي:لا ابغي هاي.. وتأشر ع كيمرة الفيديو مالت رويض.. رويض"تاخذ الكيمرة":هاااااااج يودي..اتيين اللحينه ووياج عبدالله..فاهمه؟؟ عنودي:فاهمه فاهمه..ييبيها يلا.."وتصارخ اتسوي عمرها كبيرة"..يلاااااااااااا.. وتسير عنهن وهي رافعه خشمها فووووق..فووووووووق.. رويض"تناظرها بكره":الحايه بنت حرااام..ولا اللحينه بذمتكن يستوي عنودي تصارخ عليه وتهازب بعد وتذل..لولا الحـايه جـاني فوق بطنها ادبك.. شجون:دبكه عاااد..؟؟!! فطامي:عز الله البنت حفرت قبرها بيدها.. رويض:دواها مسودة الويه.. دقايق ..الا عنودي وعبودي واقفين جدام رويض..تمت تقردنه وتعرض عليه عروض..خلته اييب الدراجه من دون محد يحس به..وبعدوا عن هلهم اشوي..وعنودي عاد عزرت الا تسير وياهم..لعبوها..وسارت وحطت الكيمرا عند شجون..ومن بعد ما لعبوا كلهم..يأ دور رويض..تلثمـت بشيلتها..خخخخ..وشلت نظارات عبدالله ولبستها..رفعت كندورتها وركبت الدراجه..عاد ظهر صروالها..تلي أصفر..الله يا الذووووق..وشلت فطامي الكيمرا اتصورها..ورويض تغني ومستانسه وتقحص..وهي أكثر وحده طولت باللعب..بتموت من زود الوناسه..عطن عبدالله بيزات عسب ما يخبر حد انهن لعبن بدراجته..ومن صوب..عنودي اكتفت بالكيمرا اتكون وياها..وسارن ويلسن عند العيايز..وتموا يسولفون..وعنودي سارت تيلس عند الرياييل..عاد وين يلست؟؟..عند سيف..شاف الكيمرا عندها..وخذها منها..وهو من متى يتريا ايشوف هالكيمرا عند شخص غير رويض عسب يشوف كيف شكله بالتصوير..يوم كانوا ع دراجتهم..ويلس الأخ يشوف تصوير رويض..واشوي ..الا ويه رويض ظاهر وهي تولع صاروخ ع يدتها..كـان كـاتم ضحكته ..عسب محد يحس باللي قاعد ايسويه..واشوي الا خذ عنودي ..وساروا ويلسوا بعيد عن الرياييل..وقفى بهم..وظهر تيلفونه..وحط على اذونه..ويسوي عمره يرمس تيلفون عسب محد من الشباب يرز الفيس واييه ويعرفون انه قاعد يرمس تيلفون.. الموووووووووهيم.. الا صورة رويض وهي ع الدراجه متلثمه..باادي الأمر..ما عرفها لأنها متلثمه..بس من صوتها ميزها..ويلس يضحك من الخاطر..وعنودي اتطالعه بكل استغراب.. عنودي:ليش تضحك؟ سيف:تدرين ان عموتج احلـى وحده فالعالم.. عنودي:انته بتاخذها بعيييد عنا ..صح؟؟>>>لاحظوا سارت ترمس عدل.. سيف:هيه..بس بييبها كل يوم صوبكم.. عنودي:انزين..ترى انا احب عموه رويض.. سيف:بس هي تهازبج.. عنودي:امايه عليا اتقول ان..ان..عموه روضه تهزبنا لأنها تحبنا.. سيف:انزين ما تبغيني آآخذج انتي وعموتج مرة وحده.. عنودي"اتنش من مكانها":لا..انته تبغي تاخذنا كلنـا.. سيف:هههههههههههههههه..انزين سمعي" ويصد صوب خيمة الرياييل جـان يشوف حد عندها..بس الرياييل كلهم قاعدين خاري"..وقولي لعموتج رويض ان عمـج حمدان يبغيها في خيمة الرياييل..انزين؟؟ عنودي:كم تعطيني..؟؟ سيف:منو علمج هالرمسه.. عنودي:عموه رويض اتقول دايماً جيه للناس.. سيف:عموتج رويض غبيه..يلا يلا سيري.. عنودي:اففففف..انزين.. وسارت عنودي..وسيف شل عمره ويا الكيمرا..وسار لخيمة الرياييل..!!!! ...×..عند رويـــض..×.. رويض:طــاافج نص عمرج يا موزاني.. موزاني:انا اقوووووول السااااالفه فيها ان..وين وين سرتن مسودات الويه.. شجون:بنقولج بس لا تخبرين حد.. فطامي:سلامي بتخبر ريلها..لا ترمسن جدامها.. الكل:هههههههههههههههههه.. سلامي:.......................... رويض:بلاج سلامي؟؟ ..ليش صاخه..؟؟ سلامي:هاه..؟؟لا ما فيني شي.. عقدت رويض حياتها وصدت موزاني صوب سلامي..تحللها من فوق لين تحت..وشجون وغبوش يطالعن.. فطامي"تحط يدها ع جتف سلامي":السموحه جـانج زعلتي.. سلامي"بابتسامه باهته":مسموحه وبالحل..انتي ما قلتي شي.."وتنش من مكانها"..انا بسير للعريش..حد بتيي وياي.. موزاني ورويض:انــا.. وكل وحده صدت صوب الثانيه وقالن ارباعه:ليش تقلديني.. الكل:ههههههههههههههههه.. موزاني:ضحكتن بليا ضرووووس ان شااالله.. رويض"تسحب يد موزاني":الدعوه بتيي عليج صدقيني.. شجون وفطامي وغبوش:آآآآآآمييييييين ع الدااااااعين.. موزاني:ما جذبتي يا بنت راشد.. سلامي:اففف..يلا.. تحركن رويض وسلامي وموزاني..وسارن صوب العريش ويلسـن..وهناك شموس كـانت يالسه ترمس تيلفون..ويلست اتسولف اشوي وخلاف بندت.. رويض:اعترفي ترمسين منو؟؟أقوولج اعترفي.. شموس:منو بعد..؟؟حمد فديت رووحه.. رويض"شاااقه الحلج":تعالي ما قلتن لي شو سويتن اليوم..أشوف كل وحده راحت ويا ريلها.. شموس:"بابتسامه"شو سوينا بعد؟؟ موزاني"بحـالميه":لعبنا تحت المطر بأجوااااااااااء رووومنسيه.. رويض"ترقص حياتها":عاد هذا سعيد خوزا عنه..روماااااااااااانسي... موزاني"ذاايبه في دباديب الغرام":ووووووواااايد..آآآآآآآه حي ذا الطاري والله..تصدقن انيه تولهت عليه..؟؟ رويض"تضربها ع جتفها":يلا عاده..بلا بزا حرمـات..توج الا مفارجتنه.. شموس"تغمض عيونها":آآآه يا ويل حالي على بوشهاب..من وطاني عند العريش دقلي تيلفون ويلس يرمس ويسولف.. رويض"و بوزها ع صوب":ما يروووم على فرقــاااااااج.. شموس:أدري.. رويض:وانتي سلامي..اكيد يلستي ويا خلوف وتواقعتوا..؟؟ كلهن صدن صوب سلامي..اللي تمت صااخه وما نطقت بكلمـة..بس دموعها اللي ع الخد سااالت نطقت بمية كلمة وكلمـة..استغربن من هالوضع..وسارن صوبها يترجنها تقول اللي في خاطرها.. شموس"اشوي وبتصيح وياها":سلامي..انا ما رووم اشوفج جيه..متضايجه؟؟ رويض:قوليلنا شو مستويبج..؟ موزاني:أكيد خلوف قايل لج شي.. سلامي"اتصيح من خاطرها":خلوف ما صار خلوف الأولاني..هذا واحد ثـاني..هب ولد عمي اللي اعرفه.. رويض:جيه شو مستوي؟؟ سلامي:تعامله اسلوبه نظراته وكل شي..ويييين يوم كان اييني ويشكيلي اهمومه..اللحينه اذا فجيت ثميه يقوول لا ترمسيني ولا تعكرين مزااجي..يسويلي طااف وييلس يرمس تيلفون ..ويضحك ومستانس وانا اصييييح من اللي يستويلي.. شموس ورويض وموزاني..كل وحده صدت صوب الثانيه وهن مستغربات..ومجذبات سلامي..لأن خلوف اللي ترمس عنه هب خلوف اللي يعرفنه هذا واحد ثاني.. رويض:سلامي انتي متأكده من اللي تقولينه.. سلامي"تمسح دموعها بضعف":عيل بجذب عليج..مادري شحل عليه..ليش جيه تغير عليه ..؟؟ شموس:لا تحاااتيين سلامي..كل شي بيرد شرات ما كـان..يمكن قاعد يستهبل عليج.. سلامي:يستهبل عليه ويتفنن في تعذيبي؟؟..كـأنه يعاقبني ع شي انا مالي ذنب فيه..ليش جيه يسوي فيني..وانا سلامي اللي يحلف لي انه يحبني ويموت فيني..صدقوني..أكيد شايف له شوفة ثـانيه..ولا هالمعامله مستحيل اتيي من فراغ.. موزاني:الا خليفه يا سلامي لا تشكين فيه.. رويض:خلوف شرات اخويه وأكثر..وانا اعرفه زين ما زين مستحيل يخوونـج.. موزاني:ما عليج انا برمسه وبشوف حل وياه.. سلامي:لا يا موزاني..خليه على وضعه..وانا بستحمل اللي ايي منه..عشـان يوم يحاسب نفسه ويعرف أغلاطه..ما اتيييه لحظه ويشك ان سلامي ما استحملته ولا صبرت على تعذيبه.. كلهن صخـن من خلصت سلامي رمستها..الا صوت صياح شموس..حساااااسه لدرجه ما تتوقعونها ..أي حد يصيح جدامها بتصيح وياه على طول..تمت رويض اتطالع في سلامي ونظراتها حاااده..وتقول في خاطرها"وهذا خلوف اللي ميت عليها من قبل..شو يسويبها اللحينه..والله من صج ان الرياييل ما منهم أمان..بس يمكن عنده ظروف..شي يجبره يخليه ايعامل سلامي جيه..؟؟!!!"..ومن صوب..موزاني تطالع سلامي بنظرات شفقه..نشت من مكانها ولحقتها رويض..وخاري العريش وقفن ع صوب.. رويض"تعدل شيلتها":شو رايج فاللي سمعتيه..؟؟؟ موزاني:غث بقلبي.. رويض:ما توقعت خليفه ايسوي جيه.. موزاني:انا حاسه ان جرحها بالرمسه..بس سلامي ما تبغي تظهرها لنا..اللحينه والحل؟؟ رويض:انا ودي اتدخل ..بس ما يخصني..هاييلا متزوجين..ويمكن في بينهم أسرار..من قبل كانوا مالجين..وان تواقعوا اصالح امبينهم..بس اللحينه الوضع اختلف.. موزاني:بس يا رويض لا تنسين ان سلامي توأمنا..ما نرضالها هالمذله.. رويض:أخوج عندج يا موزاني ورمسيه..ترى والله حرام اللي يستويلها..شفتيها كيف صاااحت..؟ موزاني:هكوه خلوف..طالعي.."وبتعجب"..يالس يرمس تيلفون وشاق الحلج..!! رويض:واضح انه مستااانس..شو سالفته ويا الهذره فالتيلفون 24 ساعه..؟؟!! موزاني:صدقت سلامي..أكيد شايفله شوفة ثــااانيه.. رويض:لا تظلمين الرياااال.. موزاني:اشو ما اظلمه..عذبها هالسلامه.. يت عنودي صوب رويض.. عنودي"تسحب طرف كندورة رويض":عمي حمدان يبغيج في خيمة الريااييل.. رويض"بضجيه":هذا وقته عمج حمدان؟؟"تطالع موزاني"..بسير بشوفه شو يبغي..؟؟ موزاني:عيل بسير صوب سلامي..اتريااج لا تتحيرين.. رويض:اوكيك.. سارت عنودي ويا موزاني وحدرن العريش..أماا رويض ويهت صوب خيمة الرياييل..حدرت الخيمه..انصدمت من اللي اتشوفه..حست عمرها غبييييييه..سيف كـان يالس في نص الخيمه وميود الكيمرا ويضحك من الخاطر..تيبســت..كل اللي سوته انها سلمت .. رويض"بكل برود":السلام عليكم..>>>نست سالفة حمدان.. سيف:وعليــج السلاااام والرحمه..يا مرحبا السااع مليوون ولا يسدن.. تمت في وضعيتها..وهي مبققه اعيونها ع وسعهن..؟؟!! سيف:افــا يا رويض..جـان قلتي لي إنج بتصوريني عسب أعدل من وضعي.. ابتسمــت رويض..شافت ان الإبتسامه هي أفضل حل في هالموقف..كـان ودها تضحك..بس يودت عمرها..بس ابتسامتها يايه مع اشوية إحرااج..وسارت صوبه..مدت يدها عسب تاخذ الكيمرا.. رويض:ييب الكيمرا..منو سمحلك اتشوف خصوصياتي..؟؟ سيف:عيل انا اعتبر من خصوصيـااتج..؟؟ رويض:سيـــف..!! سيف:آمري يا عيـون سيف.. صخت رويض من اللي قاله سيف..(عيون سيف)..شعور تسرب لخافقها وهي تحس بنبضــاته تنسمـع..تحس بشي ثـاني..برجفه بخوف بفرح..ما تعرف..كوكتيل مشاعر..!! رويض:ما تشوف يداتي..؟؟ابغي الكيمرا.. ابتسم لها سيف بخبث..وسحب يدها ويلسها جدامه..اللي صار ..كان بسسسسرعه..بلمح البصر..حتى رويض ما حست بيد سيف اللي انمدت ويلستها ع الأرض..ورفعـت واحد من حياتها مستنكرة حركـة سيف..!! سيف"الكيمرا ع ويهها": ليت / لي / من قـوّ قلبك برودك في السلام وليت / لك / من طيبتي :: رقة :: ألفاظي معاك حتى في قمة جحيمي .. ( ودقق ) في الكلام قلت لك : من | قوّ قلبك | .. وأنا قصدي قساك ..!!صدت صوبه من قال هالرمسه..اجتاحت عيونها مسافات طويله كانت بالنسبه لها وحطت عينها بعين سيف اللي قلد حركتها ورفع واحد من حياته..المشكله..انها ما تعرف كم من الوقت مر وهي ميوده اعصابها وتطالع عيووونه..والمشكله..انها ما عرفت وين وصلت في عيون سيف..كل اللي شافته وفسرته بهواها إن سيف يغليها..للأسف..هاللي وصلت له..ما وصلت لمرحلة التدقيق في مواضع رمشه..وتعرف ان غلاها في حنايا قلبه..وبين رمش عينه.. [غلاك] صفّيته على موضع ::الرمش:: .. متثبتٍ مابين /رمشه/ و/رمشه/ .. يعني على ماجازلك في (الهوا) امش ؟.. [العب] على مزن السحايب .. ورشه!!.. قطع صمتهم..صوت سيف..!! سيف:الغلا يا رويض فالقلب والعيون..وأنـا من عشقتـج عشقتـج..صح انج على جروحي جنيتي..بس طلبتج لا تبعثريني.. يـ : اللـي علـى جـرحـي جنـيت .. | ليتـك دريـت | كـم فكـرة فـي بالـي طـرت .. ! كلـي شظـايـا اتـبعثـرت .. / نيـران أشـ ع ـلهـا الظـلام.. ابتسم لها..وردتله الابتسامه بأحلى..شلت الكيمرا منه..بندتها..وخلته في مكـانه..يجاهد غلاها...!!! تصافت النفوس..من صوب سيف ورويض..بس شيخـاني وناصر..بيكملون خطتهم ولا بيوقفونها؟؟؟؟!!! |
× × × انا / تكفيني الذكـرى / معك دام الزمان × يدور× عزاي إنّـا بذلنا للنجاح .. ولكن اخفقـنا من المخطي وضيّعنا ..؟ من اللي بيننا معـذور..؟ هو انتي ، أو أنا ، وإلا كبر هالحلم وهقنا..؟ الرمــاح بيت بوخليفـه قسـم خلوف وسلامي الســـاعه 5 ونـص وقفت سلامي ودارت في مكانها حوالي 4 مرات وهي ترمس موزاني بدون تركيز..وعيونها على خليفه اللي يالس جدامها ميود الريموت ويطالع التي في.. سلامي:هاه..؟؟لا السموحه ما سمعتج..انزين انتي ويـن..؟؟اووونه..؟رويض ظهرت التقويم..هههههه..شو شعورها اللحينه..ييبيها برمسها..هلا رويض..شو الشعور..هههههه..خلاف بتتعودين ع الوضـع..يلا عاد شدي الهمه..باجر المكسار ومن عقبـه العرس..........هاه..؟؟لالا..مالي حايه فالمول..برايكن انتن..مادري عنهن والله..اوكي باي.. ما صدقت انها بندت..حطت التيلفون ع صوب..وسارت يلست عدال خلوف..وتمت تلعب بشعره.. سلامي:بلاه حبيبي زعلان اليوم..؟؟ خليفه"أكبر طاف":لا هب زعلان ولا شي.."نش من مكانه"..زهبي شنطة السفر.. سلامي"توقف جدامه":خلوف عنوني يعني ملزم.. خلوف:اووه سلامه دخييلج فكينا من هالموال..انا اليوم بسافر يعني بساافر.. سلامي"فجت ثمها تبغي ترمس":بس خلـيفـ.................... خلوف"يقاطعها":قطعيها الرمسه..وسيري وري ضو..باخذلي شور وبظهر صوب ربعي.. ما عطاها مجال اترد عليه..سار وحدر الحمام الله يعزكم..وهي.يلست عالغنفه بكل ضييجه..انتابها شعور بالصيـاح..خاطرها اتصيح هاللي يستويلها..مب قاده تتحمل معاملة خليفه الجاسيه والجافه..حاسه عمرها منبوذه وما تعرف شو هو السبب..؟؟..دارت بنظر عيونها اتطالع هالقسم..هالمكـان اللي عاشوا أجمل لحظـاتهم..أيـام ما كـان صوت ضحك خليفه..كـان يشله شل..واللحينه..ما يتردد فيه الا صوت خليفه وهو يعق رمسته اللي تجرحها..ولا صوت سلامي وهي تناجي ربها..نشت من مكانها وهي تمسح بطرف أصبوعها ذيج الدمعه الحزينه اللي تبغي تنزل من عيونها..شلت بعمرها وظهرت خاري..سارت صوب المطبخ..سندت عمرها على طرف الباب..وتطالع حمد وشموس اللي يالسين ع الكراسي..وشموس يالسه تأكل حمد كرون فليكس..شايب مسوي عمره ياهل.....!!!!(صدق أو لا تصدق).. شموس:بس حمد خلاص..باله عليك كم صحن عبرت عليه.. حمد:شموس حبيبي وانتي شكو؟؟خليني آآآكل.. شموس"ترفع واحد من حياتها":تتمصخر يا حمود..آنا اوريـك.. نشت من مكانها وهي سايرة صوب الزباله اونها بتعق صحن الكرون فليكس..تخبل الأخ حمد..اشوي وبيموت..بس ربكم ستر..الموووهيم.. حمد:لالالالا..شموس حبيبي والله خاطريه فيه..يا ويلج من ربج.. شموس"بخبث":يلا أعتذر ولا اعقه اللحينه.. حمد"يحبها ع راسها":أعتذر وبس؟؟آآمري باللي تبغينه..حاضرين للطيبين.. شموس:لا تتمصخر عليه ..فاهم؟؟ حمد"ميت من الضحك على اسلوبها القوي اللي ما يليق عليها":عنلااات صداااج..هههههههههههه..ذكرتيني بختيه رويض.. شموس"بلهجه حاااده":لا تغير السالفه.. حمد:شابه ضو مشاااالله..خلاص شموس حبيبي ما تمصخر ع رمستج بس عطيني صحن الكرون فليكس.. شموس:وانا اروووم أردلك طلب يا غناة قلبي..يود ..بالعافيه عليك.. حمد:آآآآآخ..آآآآآآآآخ..صوب توام ربي لا هـانكم..شو اللي بيخليني صااااحي من بعد هالرمسه.. شموس"تيود يده وتيلس ع الكرسي":كل حبيبي..إنته ما تغديت عدل.. حمد:آآآآآآآه فديت اللي مهتم فيني.. سلامي"تقاطعهم":هههههههههههه..ولا روميو وجوليت..طريييتوهم.. شموس"حمرت خدودها من انتبهت لسلامي":حيالله سلامي..يلسي بييبلج كرون فلكس.. سلامي"ترقص حيّاتها فوق وتحت":لا الشيخه انا تغديت عدل..هب شرات بعض الناااس.. حمد:كح كح كح كح..عافانا الله..بشوي شوي علي..يلا يلا صكيني بعين اللحينه.. شموس:لا سلامي مب من هالنوع.. حمد:سلامي؟؟سلامي هاي محد يعرفها كثري..هاي ساحره من مستوى راقي.. الكل:هههههههههههههههههه.. سلامي"تطالع المدخن":مال منو هاه؟؟ حمد:مالنا..لا تمسينه.. سلامي"بعناد":اذا جيه باخذه.."وتشله"..يلا اشوفكم على خير.. حمد"محول عيونه":اقولج ردييييه.. سلامي:حشى حشى يالأحول..ما برده. شموس:عسب خاطريه حمد فديتك خلها تاخذه.. حمد"بابتســامه وعيون حالمه":آآآآه..والله عسبـج بس.."ويطالع سلامي بكره ويخشن صوته"..ولا انتي دواج بعدين.. سلامي"تظهر لسانها له":اننننننه..قهرتك.. حمد"يود الخاشوقه اللي في يده ":انجبي ولا بهاي ع راسج.. سلامي:اوكيك اوكيك.. شموس:اقول سلامي سيري قولي لخلوف.. حمد:خلوف؟؟!!اذا السالفه فيها خلوف..بشرد من اللحينه.. سلامي"بخقه":هاهاهاها..دواااك.."وتطالع شموس بابتسامه"..مشكووورة شميس.. حمد:على الرحب والسعه.. سلامي:الله يستر بس..مع السلامه.. حمد:أخييييييراً.. ما ردت عليه..بس نظرتها كـانت أقوى..ردت لقسمها..لقـت خليفه يالس يعدل سفرته..ابتسمت له..وهو بعـد..من هالابتسامه..حست ان الروح ردتلهـا..جـان تتنفس بصوت مسموع..بدون حاسيه..سارت صوبه ووقفت جدامه و حطت الدخون ..مدت يدها عسب اتدخنه..بس هو شل المدخن عنها وتدخن اروحه بدون أي مساعده منها..ما نطق بـ ولا كلمه..سارت صوب الكبت..وفجه..تم يطالع ..وخلاف رد ويلس ع الشبريه وهو ميود يتلفونه ..ومن شكله ينعرف انه يالس يكتب مسج..من خلص..نش من مكانه وحط تيلفونه في مخباه..ووقف جدام سلامي..تم يطالع فيها وهي موخيه راسها ع تحت وتصيييح بدون صوت..رفع ويهها بطرف أصبوعها.. خلوف:ليش تصيحين..؟؟ سلامي:.......................>>ما يخصها .. خلوف:آآآآآخ..والله سلامي ما اعرف ان شو يالس أسوي..بس أحس انه في يجبرني على انيه اسافر..سلامي..سلامي انسي رمستيه اللي قلتها لج..وصدقيني أنـا أحبـج..بس ما اعرف شو اللي تغير.. طالعته سلامي..والدمع في عيونها.. يا ساكن بعيني دمع.. ومسافر بليلي ضياع.. نفسي اضمك لقا او حتى وداع..؟؟!! خلوف:صبري عليه..تحملي اللي اسويه..يلا مع السلامه.. كـان وداعهم بااارد جداً..توقعت سلامي وداع من نوع آخر..!!!طاحت ع الشبريه..وهي تحاول تفكر في رمسة خلوف..بس هب رايمه..!!! × × أنا ما شعرت أني مع الناس قبل .. * ألقاك * ولا ذقت للدنيا طعم قبل .. * تلقاني * العيـن مول صوب المطــاعم بعد صلاة المغرب رويض"تيلس ع الكرسي بقوه":آآآآآخ آآآآآآآخ بطني..يلا موزاني استعيلي اشويه.. موزاني:حشى..والله العيشه هب طايرة عنج..انزين شو تبغين..يلا رمسي.. رويض"بتعب ترمس البشكاره":مادلين..يودي يودي هالأجياس خليها عندج ونزلي تحت..بتلاقين السيارة.. موزاني:اوووه..جاد اتضيع عنا هالخبله.. رويض:لا تخافين عليها..اتدل السيارة..فيها حبيب القلب.. موزاني:هههههههههه..والله محد سلم من هاللسـان.. وسارت البشكاره عنهن..وصدت رويض صوب موزاني.. رويض:ابغي 2 تويستر....لا تنسين ابغي بيبسي العود ..وابغيلي جيبس وااايد.. و 1ميلك شيك وخلي الصوص واايد والكريما بعد.. موزاني:دام هاي طلباتج..نشي من مكانج وتعالي ويايه.. رويض"اتزخها بنظرات حقوديه":ما تستحين..آمري لله.. ومن بعد ما خلصن طلبياتهن وشلنها على اساس انهن بياكلن فالسيارة..وقفت موزاني ويودت يد رويض بقوه.. رويض:آآآخ..شو هالدفشه..بلااااج..؟؟ موزاني:رويض..والله انا ما اصدق عيوني.. رويض"باهتمام":شو شفتي؟ موزاني:صدي ع يساري.. طالعت رويض يسار موزاني..وشهقت..بس حطت يدها ع ثمها بسرعه..كـان خليفه يالس ويا وحده..هي البنيه تسولف وتضحك..وخليفه يطالعها بهباله..ومرات يوخي راسه ع تحت..واذا ابتسم..يبتسم بدون نفس..وكأنه حد جبره ييلس ويا هالبنيه..اممم..البنيه كـانت اشوي بيظا..أكيد ملطخه في ويهها كيلو طحين..المهم..العيون فرعونيه..عاد اتخيلوا ..ومظهره قصتها..شكلاً..فيها جمال..بس ما يساوي جمال الشيخه سلامه.. موزاني:ما اصدق..انا اكيد مغلطه .. رويض:شو هالمصخره..انا بسير وباخذه عنها..برده البيت.. موزاني:انتي المصخره براسها..تيودين الريال جدام خلق الله..جيه ياهل جدامج..صدقيني ..هذا مب خليفه اخويه..خليفه اخويه ما يخون سلامي..مستحييييل.. رويض"تيود تيلفونها":صدقيني ..هذا خليفه..واللحينه يالسه ادقله.. موزاني:واااايه هالريال اللي يشابه خليفه دق تيلفونه وشله من الطاوله.. رويض"تبند":يعني يا ذكية زمـانج هذا خلوووف ولد عمي واخووج..يلا يلا بسرعه قبل ما ينتبه لنا.. موزاني"اشوي وبتصيح":يلا.. مشن رويض وموزاني ..وسارن صوب السياره..واهناك..يلست موزاني مرتبكه وتمسح دموعها..ورويض معصبه وحالتها لله..لو ان خليفه ما كان مسوي الفيلم الهندي الرومانسي قبل عرسه..بنمشي السالفه..بس انه كان مسوي فيلم هندي رومانسي فالعايله..والصغير والكبير يدرون به..واللحينه يالس ايخون اللي يحبها..شي فظيييع بمعنى الكلمه..يودت تيلفونها ودقت لسلامي... سلامي:هلا .. رويض:هلا سلاااااااااامي شحالج..خخخخ..ماشي ما بفج عنج اليوم.. سلامي:هههههه.. رويض:بلاج سلامي شو بلاه صوتج جيه جنج الا صحتي لين انقطعت الأحبال الصوتيه.. سلامي:لا ما فيني شي..شو خلصتن..؟؟ رويض:هيه اللحينه يايات فالدرب.. سلامي:اها.. رويض:الا اقولج خليفه ريلج وينه..؟؟ سلامي:خليفه..؟؟سافر.. رويض:سافر..؟؟وين سااافر..؟؟ سلامي:سافر السعوديه.. رويض:شووو..؟؟والعرس اللي ورى باجر..ما بيي.. سلامي:لا ما بيي.. رويض:شو عنده فالسعوديه..؟ سلامي:مادري.. رويض:اهااااااا..ما قالج متى بيي..؟ سلامي:قال اسبوع بالكثير.. رويض:اهااااااا.. سلامي:بلاج تتنشدين عن اخباره..؟؟ رويض:لا بس توه حمدان داقلي يقول ان خليفه ما قاعد يرد عليه فـ قالي سوي تيلفون لسلامي تخبريها.. سلامي:اها..جيه السالفه عيل.. رويض:يلا اخليج اللحينه بقوله ان خليفه مسافر..بس غريبه الشباب مادروبه.. سلامي:مادري شو السالفه.. رويض:اوكيك..فمان الله.. سلامي:الله يحفظـج.. بندت التيلفون وفرته بعصبيه فالفراغ اللي بينها وبين موزاني.. موزاني:شو قالت..؟؟ رويض:غمضتني سلامي يا موزاني..لو سمعتيها شقايل ترمس..جنها الا صاحت من شوي.. موزاني:آآآه ما توقعت ان خليفه يسويها.. رويض:بس لاحظتي كيف شكله..صدقيني..كأنه مجبور ييلس وياها.. موزاني:مجبور..؟؟الرياييل محد يجربهم ع شي..كل شي بهواهم.. رويض:لا صدقيني انه مجبور..كان موخي راسه ع تحت..كـان..كان يبتسم بغباااء..ترى السحر موضة هالأيـام..والسلعه الثمينه اللي يستخدمنها البنات الغبيات التافهات.. رويض:من انيي بنسير صوب سلامي بنشوف شو اخبارها..وكيف سافر وهو ميلس اهنه فالعين.. موزاني"تحط يدها ع راسها":مااادري مااااادري يا رويض..سالفته خبلت بي..لازم اخبر سعيد عسب يتصرف.. رويض"تتنهد":آآآآآآآه..الله يعينج يا سلامي..عين ما صلت ع النبي.. انتـظر و الشـوق ’ يـذبحـني ، .. و اكتـب الكلمـة و انـا مكتـوب .. انكـتب حـبّي و جـرّحـني حـرفهـا القـاسـي /و انـا | المشطـوب | .. سويحـــان السـاعه 1 ونـص.. الصاله.. سيف:أووووه فطامي لا اتمين تذليني رمسي عااااده.. فطامي"تعق عبايتها ع الغنفه":مووول هب متفيجه..حتى مالي بارض آخذلي شور..بس أبغي أرقد.. سيف"معقد حياته":رمسي يلا.. فطامي"تيلس":شو تبغيني اقووول..؟؟ سيف:أي شي..كيف كـان شكل رويض..؟ فطامي:اتحيدها انته رويض..حتى بدون جحال ملكة جمال.. سيف:ادري..انزين كيف شكلها يوم وقعت وجيه..؟؟ فطامي:كـانت مرتبكه اشوي..بس خاز الارتباك عنها.. سيف:أمممممم..وشو بعد؟ فطامي:ماشي بعد..أنا بسير برقد.. سيف"يود يدها":فطيييم..تراني مرتبش والحفوز ضاربني من اللحينه.. فطامي"باستغراب":الله..السيف بن المر ضاربنه الحفووووووز..ما يستوي.. سيف:هههههه..عيل يلسي ويااايه..تعالي بسألج..رويض وين تحب تسافر..؟؟ فطامي:أنا وحده دووم اسمع رويض تقول ان ودها تسافر الهند..بس محد مسويلها سااااااالفه.. سيف:عيل بوديها الهند وبوديها ماليزيا..وجانها تبغي باريس ..امممممرة على هالخشم.. فطامي:اوووبس..كل هاذا؟؟"وتضربه ع جتفه"..وانا اختك الي مجابلني كل يوم ما تفكر توديني حتى صلاله..مسود الويه مضيع المذهب.. سيف:ههههههه..شو علموج خوالج..؟ فطامي:لا تتطنز على خوالي.. سيف:انزين انزين..نشي دقي على رويض.. فطامي:واايه التراب..اشعنه ادقلها وانا من باجر بجابل فيسها في بيتنا..لا بظك عنها ولا بتظك عنيه..اممممرة فيس تو فيس.. سيف:ودج انتي تسمعين صوتها.. فطامي:لحووووول..هاللي بيفظحنا بين العربان..اخويه..اثجل اشويه.. سيف:اووه فطامي انا تراني جدامج جيه..أفظح مشاعريه.. فطامي:انزين اسمع..تحبها؟ سيف:آآآآآآآآه..احبها وبس..؟؟اموووت فيها..أعشقها حييييييل.. فطامي:من متى.. سيف:مااااااادري.. فطامي:الله الله يالحب..أخيرااااً تحقق كافة آمالي وأمنياتي..انك تكون لرويض ورويض تكون لك.. سيف:انزين يلا فارجي عن ويهي.. فطامي:أحلــى..من بدايتها اتسويلي طاااااااف.. سيف:لحووووول..لا الشيخه فطامي لا تفارجين جابلي ويهي.. فطامي"تكشخ ضروسها":أتحرى بعد.. × لا تكترث ... ما هو [ حـزن ] كل الحكايهـ وما بها خفت الجفاف يعمّـني وسخرتها .. عيوني [ مـزن ] الرمــاح السـاعه 2 ليلاً.. حيرة رويض طـاحت ع شبريتها وعيونها ع حيرتها اللي بتفارجها بـاجر..فصلت وحللت كل زاويه فيها..وكـانت نظراتها دقيقه تفحصيه..ما صدقت ان هالحيرة هي نفسها الحيرة اللي كـانت البارحه رايحه في خرايطها وكل شي مفرور فـ صوب..ابتسمت وهي تتذكر شكل موزاني وشموس اللي يلسن يلمن الأغرض..وتذكرت شكل حمد يوم حدر عليهن وشاف شموس تلم الجياس طاااح فيهن وشل حرمته وسار..خخخخ..بعد حمد ما يحب يتعب حرمته..صدت بنظرها صوب هالحنا اللي في يداتها..الحنا..والاجياس اللي لموها..و المكسار اللي استوى اليوم..الناس اللي يوا..شلت بعمرها ووقفت جدام الدريشه وكالعاده فجتها..تسمح لهبايب الليل البارده تحدر صوبها..تمت اتشوف البيت كيف منور باللمبات اللي حاطينها عسب العرس..وعلى حيرتها كـان تصميم شكل اللمبات غير عن باجي البيت..كل هالأشيااااء.."لييييييييييش؟؟؟"..هنيه السؤال اللي هف في عقلها..للحينه الأخت هب مستوعبه اللي يستويلها في هالفتره..أحياناً تلوم عمرها..وأحياناً تمدح عمرها..للحينه محتاره..وفكرها كله صوب سيف..سيف سيف سيف سيف سيف سيف سيف سيف سيف سيف سيف سيف.. سيف سيف سيف سيف سيف سيف سيف سيف سيف سيف سيف سيف سيف سيف سيف سيف سيف سيف سيف سيف سيف أسمه دوووم يتردد في بالها..!!! بندت دريشتها..وسارت صوب الشبريه وتنخش تحت لحافها..بس المشاعر اللي هاجت بقلبها ذيج اللحظه..خلتها اتفارج حيرتها وتسير اتشوف خواتها شعلومهن..وشخبارهن..من باجر..ما بتيلس كل يوم عندهم..ما بتييهن الفير وتوعيهن عسب الصلاه..ولا بتييهن الساعه 11 كل يوم يمعه اتوعيهن عسب يسيرن بيت عمومتهن..ولا بتيلس وياهن ايسولف ويحشن..أو تطفربهن اذا ساروا العزبه..ولا شجون بتسرق شي من حلوياتها في دكانها الصغير..أشيااااااء وااااايد ما بتستوي..لأن حياتها بتتغير..ويمكن بعد مشاعر قلبها تتغير..؟؟!! دقت باب حيرة غبوش..محد توايبلها..فجته..ما لقت حد..ويهت صوب حيرة شجون..هالمرة ما دقت الباب..على طول فجته..لقت شجون وغبوش يالسات ع الشبريه..وغبوش حاظنه وحده من المخدات الصغيرونه اللي على شكل دبدوب..أما شجون فاجه شعرها وتلعب فيه..ش شجون:يا مرحبا الساااااع.. رويض:مرحبااابج زوود..هاه شحااالكن؟؟ شجون"تعدل يلستها":بخير وما نشكي بااس..ومن صوبج؟؟ رويض:يسرج الحال..هاه غبووش شبلاج زامه البووز..؟؟ غبوش"تفر المخده ع الأرض":اووووف..متضاايجه..باااجر بتسيرين عنا..رويض ما اتخيل البيت بدووونــج.. شجون:هيه والله..ما نروم انصرف مشاكلنا بدونج رويض..الله يصبرنا بس.. صخت رويض..وكأنه خواتها زااادن المواجع عليها..توها من شوي اتفكر بهالأشياااء..كـانت بتخبرهن بحالتها اللي من اشوي..بس قوت عمرها وغيرت رايها.. رويض"بابتسامه":الله يهداااكن..عاد اللي يسمع جني بموت..هب عدااالكـن هنيه الا في سويحـان..وين بسير بعد..؟؟ شجون:بس بنفتقدج وااااااااايد.. غبوش"تمسح دموعها":رووويض..ما وصيج لا تقطعينا وتسوين شرات خلودي ياااالله بالسنه حسنه اتيي صوب هلها.. رويض:غبوش ترى ظروفي غيرعن ظروف خلودي..خلودي ما تروم تفارج البيت بسبة عموتي ناعمه وعمي خالد تدرين ابهم انتي كيف حالتهم..وانا ان شالله دوووم بييكم وما بقصر..ومن زوود ما تملن من فيسي انتن ارواحكن بتين وبتطردني من الرمـاح بكبرها.. شجون:هع هع هع .. رويض:بس هاااااااه ما وصييييكن..سمعن شو بقوووول وفجن اذونكن زين ما زين.. صخن غبوش وشجون..دليل على حسن المتابعه..هع هع هع .. رويض:بقول رمستيه..وان نست وحده منكن..اتذكر الثانيه..اول شي يوم اليمعه..لا تنسن..نشن من وقت..وورن الضو وشوفن البشاكير يوم يزهبن القهوه والفواله والريوق عسب قبل لا يظهرون صوب المسيد يتريقون العرب..وإنتي غبوش..لا تيلسين فالبيت رااااقده..امممرة بييج وبسحبج من كشتج.. غبوش:انزين انزين.. رويض"تطالع شجون"وانتي شجون..ودري اليلسه ع التلفزيون اشوي..ويلسي ويا العرب..وحطـن امايه العوده في عيونكن..لا تردن لها طلب..وانتن تعرفن مواعيد الدوا مالها..لا تنسن.. تمت رويض ترمسهن وتوصيهن..والعبره خانقتنها..بس يودت عمرها عن تصيح..أما شجون وغبوش كل ما سمعن كلمه يلسن يصيحن..واحليلهن وااااايد حسااااساااااااااااات..؟؟؟!!! ••.•°¯`•.•• لحظـة لقـا ••.•°¯`•.•• ♥ هيمن على ارقى الجــمال ولمه..جمــع ثقافات البــــشر في تـــاجه قمه على قمـــه وذوقـه قــــمـه..ذوق وجمــال وغرتن وهــــاجـــه خذت نفس ..وتنهدت من بعد ما ظهروا اللي عندهـا..شلت بعمرها ووقفت جدام المنظرة العوده..شافت عمرها بالفستـان الأبيض..!!استغربت.. "معقوله انا خلاص حددت مصيري بمصير سيف".. رويض..اللي من شافنها خواتها وبنات عمها وعياييز عايلتهم..سمن عليها وكل وحده من صوب تقرى عليها..وخوفهم لا حد يصكها بعين..كـانت رااقيه في جمالها ..كـانت أنيقه بمعنى الكلمـه..الجمال اللي وهبها اياه ربي كـان في أخلاقها قبل ما يكون في شكلها..وهالشي هو أحسن ما فيها..يلست على طرف شبريتهـا..وهي حاسه بخوف وتوتر..صدت اتطالع السـاعه..تشير الساعه الآن إلـى..التاسعه والنصف..تنهـدت..كم مرة تتنهد في الدقيقه..يمكن 5 او 6 مرات من زود الحفوووز اللي ضاربنهـا..ما كانت تعرف شو تسوي..يالسه اروحها..خواتها ايين صوبها 5 دقايق ويروحن..ونفس الشي ويا بنات عمها وحريم أخوانها..واللي زاد الطين بله..أفكارها اللي توديها وتييبها..كلتها أكـل..حست انها مصدعه..تبغي تتمدد ع شبريتها..بس بتخترب كشختها..جـان تنش من مكانها وهي تسحب هالذيله الطويله اللي اشوي بتظهر من الباب ارووحها..وقفت جدام الدريشه..ويودت طرف الستاره وسحبته ع صوب عسب تروم اتشوف شو الي يستوي تحت بس محد يلحظها..جدام بيتهم..كـانوا الرياييل شالنهم الهوى شـل..ربشه على مستوى..شافت سيف..وفز قلبها من مكانه..وكالعاده ما فز الا من خوف..للحظه كرهت عمرها..لأن بعينها انها استعيلت وااايد..وردت على هلها بهالرد..كـان ودها ان شعور الندم اللي يستحوذ على قلبها من ثانيه لثانيه..انه يفارجها..غمضت عيونها..استرجعت كل ذكرياتها القديمه اللي بدت تكرهها على كثر ما حبتها..لأنها استوت اتيي في بالها لا ارداياً في أي لحظه..هالمره بعد..تنهدت..ولكن هالمرة تنهدت من خاطرها..تعبت..تعبت واايد من هالأشياء اللي تستويلها وهي هب ملاقيه أي حل..يبعدها عن كل التفاعلات اللي تشابه التفاعلات الكيميائيـه..!! صدت اتطالع اليهال اللي على طرف الخيمه يلعبون و يولعون شلق..ووايد مستانسين..ومن بينهم عنودي الي لامه شعرها كله على فوق..ولابسه فستـان أبيض..كأنها ملاااااك..ابتسمت رويض وهي اتشوفها تضحك ومستانسه ويا هاليهال الثانيين..واللحينه..صدت بنظرها صوب بيتهم ..تتفقده زاااويه زاااويه..اليدار..والعريش..وخيمة الرياييل اللي صوب الميلس..النافورة..اللي كـانت من قبل تحب تيلس ع طرفها وتخلي الأضواء اتيي ع ويهها بس فالفتره الأخيرة تركت هالعاده..المطبخ..اللي دوم تسيرله فليل..الورود اللي زارعتنهم بشكارتهم مادلين ع صوب..والصرم اللي العيوز محتشره عليه والسبه الهندي اللي سفروه اللحينه.."أكيد ارتاااااح من أمايه فديتها"..قالت هالجمله بصوت مسموع..فالوقت اللي حدرت فطامي .. فطامي:منو هو اللي ارتـاااح مـن............................ قطعت رمستها ..يوم شافت رويض صدت صوبها..وتمت مبحلقه اعويناتها..وفاجه ثمها..وسارت صوب الشبريه وطاحت عليها بالخفيف مسويه عمرها انها داااااخــت.. رويض:أخييييراً ييتي يالسباااااااله.. فطامي:آآآآآآآآآآه..ملاااااااااااااااااااااااااااك ملااااااااااااك ياي من السما..الشيخه ممكن الرقم نبغي نتعرف.. رويض"بخقه":لا انا حرمه معرسه.. فطامي:وااااااااايه عنلاااااتج بتخلين أخوووويه بليا عقل.. رويض"ترمش بعويناته":هع هع..محد قاله يخطب الشيخه رويض.. فطامي"اتسير اتوايها":مستويه وااايد خقاقه اليوم..شالسالفه..؟؟ رويض"بشبه ابتسامه":عروووس..من حقي.. فطامي"توقف جدام رويض ":اوووف محلاااااااااااااااااااج..ملاااااااااااك..في ذمتيه انج طر كسرتيـــــــم.. رويض:قولي مشااااالله.. فطامي:مشاااااااااالله مشااااااالله..وين وين كيمرتج الفيديو بصورج..؟؟ رويض:آآآخ..الحرمه اللي يايه من صوب وانتي من صوب.. فطامي"تفصخ عبايتها وتفرها ع الشبريه":يلا يلا بلا فلسفه.. رويض:بتلاقينها في هالكبت.. سارت فطامي صوب الكبت اللي اشرت عليه رويض..وفجته..شافت اوراق معلقه فيه..مكتوب فيها 91%..74% ..82%.. فطامي"ميته من الضحك":أشوووفكن واااااااايد فرحــــااااناااات بالنسبه.. رويض:خخخخ..ما يبت الـ91 ع الفاضي..تدرين لو سرتي كبت أي وحده من خواتي بتلاقين شرات هالورقه فيها..حتى قلت لأمايه العوده تاخذلها وحده من أوراقي اللي طبعتها.. فطامي:مسودة الويه..يلا ييبي وحده بحطها عنديه.. رويض:وااااايد اللي طبعتهن..بعيج 10 بدل الوحده.. فطامي:الا موزاني..على كثر الدراسه اللي درستها..اتوقعت اتييب أكثر عنج.. رويض:بس بعد نسبتها وايد حلوة..فالثمانينات واايد يتمننها.. فطامي:اما سلامي هاي اروحها سالفه.. رويض:على ذيج الأيـام خلوف اسميه شل عقلها شل.. فطامي:على طاري خلوف..سمعت انه مسااافر السعوديه.. رويض"تذكرت سالفة خلوف والبنيه":هيه..الله يرده بالسلامه لهله..والله يعين سلامي.. فطامي:الله يعين اليميع.."تيود الكيمرا"..يلا الشيخه رويض صدي صوبي.. صدت رويض صوب فطامي بطرف عينها الجحيله..ونشت من مكانها و وقت على طرف التواليت ويودت الورده الحمرا وحطتها جريب من خدها..وابتسمت ابتساااامـة تذوووووب..ومرت سـاعه ونص..وقالوا ان الوقت حـان..عسب رويض تنزل صوب العرب اللي يتريون شوفتها..وبالفعل..وصلت رويض لباب القاااعه مالت الحرمـات..وهي قلبها يرقع من الخوف..صدت صوب اللي عندها..كلهن موجودات..حريم أخوانها وبنات عمها وأخواتها.. رويض:يا ويــل حاليه..أقول..غيرت راااااايي ما بظهر صوب العرب..خلاص خلو العرس يخلص.. موازني:ويديه..هالكثر مستعيله ع شوفة سيف بن المر.. رويض:صدقيني بس عسب كشختيه ما تخترب..ما بنش واترفس في بطنج.. موزاني:اتصدقين خوفتيني..امايييه اماييييه لميني في حظنـج رويض خوفتني.. شموس:بلاها هالسوالف اللحينه..يلا رويض سمي بالرحمن وحدري.. رويض:شوووو؟؟والله بمووت..قلبي يرقع من الزيييغه.. فطامي"بتفكير":يرقــع؟؟..ههههههه..شو يقول..طربق طربق.. شجون:لا طق طق ..يلااا رويض..شدي الهمه.. رويض:انتوا جيه تزيغوني..خلاص لحد يرمس.. الكل سكت.. رويض:يلا بسم الله.. وحدرت رويض القـاعه..وانطفت كل الأضوااء اللي فيها..بس ضوء خفيف عليـا..والشموع اللي تدل رويض صوب الكوشه.. طرفن كحيل وفي رموشه سمــه..والعود يسبي داجه وديباجــــــه وخصرن مثل كسره وراها ضمه..وفتحه على حد السكون تواجـه اعيونها الدمـانيه..سلبت اندهااااش الحضووور..بابتسامتها البريئه..استوحت على قلوب اللي شافوها..كـانت تمشي بكل رزانه..وبشوي شوي..ولا كأنها رويض اللي من شوي بتموت من الزيغه عند الباب..الموسيقـى اللي إختارتها شجون..ناسبت مع هدوء رويض..النادر تواجده طبعاً..وعيون البنـات..الي مغرمـات بسيف..يحللنها من فوق لتحـت..ويضربن كف بكف..خساارة..رااااح الفتى الوسيم..لوووول..وصلت للكوشه..بعد معاناه طويله..لاقت عليها بشكل ما تتصورنه..لأن فستـان رويض فيه لمعة ذهبيه..وميكبها طبعاً..ويلست ع الكرسي..وردت أنفاسها الطبيعيه..واللحينه..نلاحظ الوفود العربيه اللي عند رويض..شلة تسلم وشله تسير تيلس مكانها..و البنـــات مرتبشـات وحالتهن حاله..ميثوه ربيعة شخـاني..يت..وسلمت وسارت..أما شيخـاني..كـانت قاعده على واحد من الكراسي..لابسه فستـان موديله خيالي..ولونه فوشي..كـانت حاطه بودرة خفيفه وراسمه عيونها..وفاجه شعرها اللي قصته وصبغته..خسـاااارة أمهم العوده ما شافتها..و لا جـان سوت فيها اللي سوته في رويض..كـــااانت عيون شيخـاني تفيييييض بالنار الحقوديه لرويض اللي يالسه بين الكل ومبتسمه..وما تدري شو السبب..كل اللي تعرفه انها تكرهها وبس.. من صوب..عند رويض..سلمن عليها ربيعاتها..مريوم وسهيله وعويش ونعوم..وخلاف كلهن سارن ييلسن مكانهن..الا مريوم اللي يودت يدها رويض..وخلتها تيلس عدالها.. رويض:يلس اقووولـج.. مريوم:عنلاااتج..سويتيني وحده من العياييز اللي يرزن الفيس.. رويض:هههههه..المووووهيم..شحـالج؟؟ مريوم:الحمدالله ما نشكي باااس.. رويض:هاه..وشو حيـاااتج ويا ولد عمج..؟؟ مريوم:ولد عمي..آآآه يا رويض..الريال حاطني في عيونه..بس انا اللي ما استاهل.. رويض:شو..؟؟للحينه تفكرين في عمي ذياب..؟؟ مريوم:بديت اتناساه..الله يقدرني وانساااه.. رويض:أهم شي ما تقصرين في ولد عمـج..حطيه في عيونج يا مريوم..واقتعني بالوااقع.. مريوم:أمبونه ذياب موصيني عليه..ولا يهمـج..في ذمتيه بحطه في عيوني.. رويض:زين الحمدالله ريحتيني.. مريوم:عنلاتج..شو هالجمال كله..اللي اعرفه انج حلوة..بس من شفتج أول مرة..اقتنعت مليوووون بالميه ان هاي هب رووويض اللي اعرفها.. رويض:اقول..جلبي فيسج بسرعه..انا حلوة من يومي..ولا اقول..ودوني الحمام بمسح الميكب آب عسب تعرفين ان رمستيه صحييييحه مليووون بالميه..>>حركككات.. مريوم"تنش م نمكانها":مينونه حتى في ليلة عرسها..يلا مبرووك غناتيه الله يوفقج في حيـاتج.. رويض"تبتسم لها":الله يوفق اليميع..هاه خلي بينا كووول.. مريوم:لا توصين.. وسارت مريوم عن رويض..فالوقت اللي يتها فطامي... فطامي:آآآه آآآه.. رويض:آآهييييين..مب من شي..من الرقص يا مسودة الويه.. فطامي:سكتي دخيييلج ريولي راايحه في خرايطها.. رويض"بنذاله":دوااااج.. فطامي:في كل مكان ..في كل زمان..رويض نذله.. رويض:هاه شو تبين؟؟ فطامي:الساعه 11 ونص..المعرس بيدخل.. رويض..قلبها طااح في بطنها.. رويض:واايه التراااب..شو يدخل وين يبغي؟؟ فطامي:هاااه هااااه..من شوي عند الباب مستعيله عسب يخلص العرس..واللحينه ما تبغينه يظهر جدام البنـات..لهالدرجه يهمج سيااااافي.. رويض:اقول..بلا فلسفه..يا ويييييييييييلي ويلااااه.. اهتم من همــه وهمي همـــــــــه..ومنــهاج قلبي منهجه منهاجـــه دمي على دمه ودمــي دمـــــــــه..اهــوا الدوا وانا طبيــب علاجـه عند باب القاعـه..واقف سيف ويا أمه وفطامي..وخلودي..أم سيف يالس اترمس تيلفون..وخلودي بعد ميوده تيلفونها وترمس سلطان..تخطيط (حمدان)..إن أول شي سيف يحدر يسلم على حرمته..وخلاف..أبوها وعمومتها وأخوانها بيحدرون.. سيف"ميود يد فطامي":انزين شو قالتلج ؟؟أهمها ولا ما أهمها.. فطامي:ويبغيله سؤال يالذكي..أكيد تهمها..بس هي تسدل الستائر على إحراجها.. سيف"يطالعها بنقمه":متفيج لرمستج أنا.. فطامي:مااا عليه..زمــااانك بيردك ليه..بس ما بسويلك سالفه.. سيف:امممرة عاد...هاه الوالده..نحدر..؟؟ أم سيف:هيه فديت روحك.. ووقف سيف..وعداله أمه..وحدر الصاله..وكل اللي سوواه..ان عينه طاااحت أول شي على من ملكت قلبه ..وروحه..رويض..اللي لمحته لمحه وخت براسها ع تحت..ابتسم من حركتها..حللها تحليل..حشى هب عيون عليه..لووول..مشى ويا أمه..كـان سيف كـاشخ وشاد الحيل..معرس شو عليييه..؟؟..ريال قوي الساعد..عليه عظمه شكبرها..محد يقدر ينافسه لا بالطول ولا بالعرض..كـانت عيونه البنيه المايله لسواد كأنه كل شموخ العرب طاااح فيه..ومع حياته المرسومه على طول حيـاته..اتزيد من نظرة الغرور اللي دوم ما تفارج عيونه..وخشمه الطويل السليل..والإبتسـامه الخفيفه..بهالأشياء..كالعااااده..سلب قلوب البنات اللي اتطيح اعيونهن عليه..وصل للكوشه..واهناك..وقفت رويض..وهي تمسح آخر أمالها في أنها تغير رايها.."ما عندها شالفه سوولها طااف"..وتقتنع بالواقع..ولا زال قلبها لهاللحظه..محتاااار..كـانت أنفاسها تنسمـع..وتحس بعد ان دقات قلبها تنسمع..خووف..ربكه..وأشياااء وايد ما تسر.. من صوب..سيف ذااب في جمال هالحوريه اللي جدااامه..يحيدها..شيخة البنات في جمالها..بس لهالدرجه..موووول ما توقع..وايهها..بس ما باسها ع راسها..لأنه سيف طوول عمرها ما باس حد ع راسه..الا ابوه"المر"..الله يرحمه..وأمه فقط لا غير. سيف"يبتسم لها":مبروووك.. رويض"ما تطالع فيه":الله يباارك فيك.. وللمرة الثانيه..نلاحظ وجود الوفود العربيه..على سيف ورويض..يلسمون عليهم ويباركون لهم..وبعد ما خلصوا..يود يدها..جدام الكل..وهي..مااااااتت..خاااافت..خذت نفس قوووي..ويلست حذاله..كـان يسولف..ويضحك..و يقرض في فطامي اللي ميته من الوناااسه وتسير صوبهم وتيبس..للحينه ميود يدها..للحينه ميود قلبها.. سيف:رويض.. رويض:............. سيف:صدي صوبي..بسسسسرعه.. صدت رويض صوبه..وطاحت عينها بعينه..وللمرة الثانيه بعد..تاااااااااهت في متاهات عيون سيف الغامضه..ما وحالها اتفكر اشوي..الا سيف يرمس.. سيف:اهداااااء لأغلى ناااسي.. في ذمتي يا نــــور عيني ذمــــه..ذمــــه ولا لي حاجتن محتــــاجه لكن لك شـين فـــوادي ضــــمــه..يامـــن على قلبي حكم باسياجــه خفق قلبها..ما رامت تحدد الشعور اللي دخل قلبها بكل انسياب..لحظه لحظه..هي حست به من قبل..بس مب بقوة هالشعور..اللي خلاها اتصد صوب سيف اللي يطالع عنودي ويضحك لها..تذكرت..أيــام..ما كان سهيل يقص عليها..وأيام ما كانت ذااايبه في محبة سهيل..فسرت ..استنتجت..معقول حبت سيف؟؟؟!!!!!! حدروا أبوها وعمومتها..وأخوانها..اول ما شافتهم رويض..لمعت الدمعه في عيونها..انتبه له سيف.. سيف:لا تصيحين رويض..ما اقوى ع شوفة الدمعه في عيونـج.. رويض:........ليتني اروم ايود عمري اشوي.. سيف:لا تخافين ..أنا ويااااااااج..بس كله ولا دمووووعـج..غااليه عليه حيل.. رويض:..........آآه.. يوا هلها صوبها..وسلموا عليها وباركولها..واشتلوا الشباب ..حمد ما يعرف غير شموس..بس عليه يسير صوبها ويبس ويحوط اشوي ويردلها مرة ثـانيه..الكل كـان مستانس لوانسة سيف..وشبه وناسة رويض..وما ننسى عنودي..اللي شلت الكوشه شل بيوالتها ويا عبدالله..كـانت تصيح من داخلها..تبغي مصري..هاهاها..بي محد سوالها ساااالفه..ورضت بغنية قمـة..>>لووووول..^^..تحمد ربها..كله ولا ميييحد.. ومع وقفة سيف ورويض..وظهورهم من القـاعه..انتهى العرس..وانتهى البـارت ويــاه..نياهاهاهاهاهاها.. يا سيد مغروور الــجمال وعمــه..يا تاج راس الحسن زيد احراجه قل تم يا عمـــــري وقولي تمـــه..يا نشوة القلب والشجي وافراجه وانتهى الباااارت اسمحولي على التأخير اعرف اني مقصر |
الجزء الواحد والثلاثيـــ (31) ـــن ..×..الفصــل الأول..×.. •!¦[• المســ؟ـائل •]¦!• كل الوجود أنساها لاصرت وياك ؟ وتتصور إنك كل شيء بحياتي أفرح بذكرك كيف لاصار لقياك ؟ تصفالي الدنيا وتضحك شفاتي حبك تجسد في حياتي وذكراك ؟ طول العمر بأهواك حتى مماتي ركب السياره..وصد صوبها..في اللحظه اللي هي كانت اتطالعه..وخت براسها صوب الجامه..وسيف..حرك السياره..وهو في قمة الوناسه..!!؟؟!! سيف:هاه..ودعتي الأهل..؟؟ رويض:أودعهم..؟؟ليش الشيخ وين موديني..؟ سيف:وين بعد..؟؟بنسافر.. رويض:....لا......انا ما ابغي اسافر.. سيف:رويض...!! رويض"صاده عنه ما تبغي اتشوف ويهه":سيف طلبتك لا تضغط عليّه..انا ما ابغي اسافر..يالله بسويحان ما ابغي ازل خطاها.. تم سيف ساكت اشوي..ومعصب من الخاطر..ايقولها بنسافر اتقوله لا تضغط عليّه..والله ما عندها سالفه..لووول..هدا اشوي..وطالعها وهو مبتسم. سيف:انزين..ع الأقل دبي..صدقيني لمدة اربـع أيـام..؟؟ رويض"بضيجه":آآآآه..شورك وهداية الله.. سيف:رويض..لهالدرجه متضايجه..شو فيج..؟ رويض"تضبط عمرها":صدقني لا متضايجه ولا شياته..بس مادري شو فيني..؟؟ سيف:انزين يوعانه..؟؟ شو..؟؟يوعانه..؟؟الا يوعانه ونص وبطنها بتتقطع من اليوع..بس..؟؟؟!! رويض:لا هب يوعانه..وانته...؟؟ سيف:ههههههههه..اليوع لعوزني.. لحظة صمت..فيها هنّا سيف نفسه بمناسبة زواجه..من الإنسانه اللي يموت في هواها..وفي هاللحظه..عزت رويض نفسها..بموت آخر أمالها..في انها توعى من رقادها ومن هالكابوس اللي زارها..و في هاللحظه..أشغل التفكير سيف..وفي قلبه...اللي كان يموت في هوى وحده اسمها"مها"..واللحينه..تغيّر الحال..صار يحب وحده تشابه مها..وصارت حليلته..صارت ملكه..وفي هاللحظه..استرجعت رويض ماضيها الأليم..وتأكدت..ان دوام الحال من المحال..سهيل..وقصة حبها الجديمه..واللحينه..استوت حرمة ربيعه..؟؟!!!! كلهم..مروا..بتجربة أليمه..وقصة حب فاشله..كلهم عانوا وقسوا على مر الأيـام اللي طافت..ومع هاذا..اجتاازوا امتحانهم من رب العالمين بكل قوه..وردوا ورسموا الإبتسامه الحلوة ع ويوهم..حاولوا نسيان الماضي..أو تجاهله..بس المهم..إنه ما يأثر ع حياتهم المستقبليه..سيف ورويض..اصحاب القلوب الطيبه..القلوب اللي كانت جروحها داااميه..وما يندرى..لا زالت داميه أو لا..القلوب..اللي حبت بكل صدق..وفالأخير..كان جزاها حقد وقهر..!!!..والزمن..!!..بيوقف حذالهم..ولا ضدهم..؟؟ ما مداها اتغض طرف عيونها..الا سيف يزقرها ويقولها انهم وصلوا الفندق..فجت اعيونها ببطئ...وكل حركه من صوب رويض..سيف يحللها مية الف تحليل..حشى..هب عيون عليه هالريال..!!..وصلوا الجناح مالهم..ورويض..من شافت الغنفه جدامها..طاحت عليها..ولازالت لابسه عبايتها وشيلتها..شافها سيف..وسار ويلس عدالها..واعتدلت هي باليلسه..وتموا ساكتين..لين ما سيف..تكرّم..وقطع هالصمت الغير طبيعي.. سيف.بعترف لج بشي..؟؟ رويض"بارتبـاك":...........شو........؟؟ سيف:انزين طالعي صوبي.. صدت صوبه..وتم هو يطالع عيونها..الذبوحيه..الي تسل بقلبه سيوف الحب..وهي..تاهت في (عيون سيف)..دووومها هالمشاعر تنتابهم من يصدون صوب بعض..سيف..يعرف تفسير هالمشاعر..هو يحبها ويغليها..وطبيعي يحس باللي يحس به يوم يتأمل عيونها..لكن هي..؟؟؟شو طبيعة مشاعرها..؟؟ليش متناقضه في شخصيتها جدام سيف..؟؟وليش ما تكون رويض اللي تحسم قرارتها..بسرعه وبحكمه..!!!..ليش تأجل مسألة "هل هي تحب سيف أو ما تحبه"..لـ بعدين..شو الغرض من تأجليها..!!! سيف:بعترف لج بكل اللي في قلبي...رويض أنا أحبج..واغليج واااااااايد..كنت كل اللي اتمناه..انج اتكونين ملكي..والحمدالله..هالشي وصاااار..انا ماروم ابتعد عنج ثواني..واللي ابغيه منج يا رويض..انج تصونين قلبج شرات ما هو يصون قلبج.. كـان اعتراف " قوي" لقلب رويض اللي خفق بكل "قوه"..؟؟شرات الإعتراف..ما تدري شو تسوي..اللي اتحس به..أن ويهها محترق..لووول..اللي اتحس به..إن سيف ناوي يعدمها من رمسته الليله.. و كل اللي سوته..إنها نشت من مكانها..وبكل بطء..خلت الحروف الي تضيع منها في مواقف شرات هاي تظهر من ثمها.. رويض:سيــف.. كـان في خاطرها اتقوله أي شي..المهم..انها ما تمنع هاللحظات الشاعريه والرومانسيه اتمر بسرعه..استغربت من روحها..توها كانت متضايجه فالدرب وما تبغي اتشوف ويهه..واللحينه..تحاول تمنع الللحظات الرومانسيه تمر بسرعه..!!!..ارتبكت وااااايد من هالتفكير..وخافت وايد من قلبها اللي استوى يسوي حركات وقاعد يستهبل عليها..اتريت سيف يتفاعل وياها ويرد عليها بشي عسب تتشجع.. سيف:آآمري يا (عيون سيف)..؟؟!!! ؟ "عيون سيف" "عيون سيف" "عيون سيف".. ؟ بس اللي قاله سيف..خلاها بالأصل تفقد شجاعتها.. نطق بالكلمتين اللي تهيج بقلب رويض عاااصفه شاعريه...وتخلي الشرايين بقلبها توقف مساراتها لعدة دقايق..الكلمتين..اللي تشل بخفوقها المشاعر والأحاسيس..الكلمتين..اللي تعيش رويض في حرب مالها نهايه..حرب فريده من نوعها..قوية في ضرباتها..تحس بهالكلمتين تلامس حنايا قلبها بكل رقه..تسحره..تشتته..تلعب فيه على قد ماتبى..هالكلميتن..لها جاذبيه تختص بها بس لقلب رويض..ياها الأحساس اللي حستبه..يوم اهداها سيف مقطع من مقاطع غنية "القمه"..لميحد حمد..في هاللحظات..استغربت من عمرها..هالكلمتين..ليش تسوي فيها جيه..معقوله هي عيون سيف..؟؟؟؟!!!ما كانت تدري انها عيون سيف وقلب سيف..رمسة سيف اللي قالها من اشويه..صدقتها..بس..لا..زالت بين نارين..!! وخت براسها..تحت..وسارت عنه.. × × إشتقت لك... شوق الطفل اللي انحرم ! طفل مشى درب الشقا.. والضحك بشفاته عدم لا هو لقلى من يفهمه؟ ولا هو درى ليه انحرم! أبوظبــي.. الساعه 11 صباحاً..>>هع.. جدام وحده من أكبر الشركات في إمارة أبوظبي..وقفت سيارة قوم شيخـاني..وظهرت شيخاني منها..حطت النظارات الشمسيه على عيونها..ومشت بكل رقه وحدرت الشركه..كانت..مستااااانسه..لأن كل الأنظار توجهت لها..أعترف..إعتراف اكرهه..هي كانت ملكة جمال..بس نذله..نياهاها..تدرون بها..كاشخه كشخة اعراس..سارت لمكتب حصه..وشافته فاضي..جان تيلس على واحد من هالكراسي..وتحط شنطتها ونظاراتها بكل دلع على الطاوله..واايه فقدتها..ظهرت تيلفونها..بتدق لحصوه..بس شافت إن ناصر قاعد يدق لها.. "أفففففففف ..هاذا شو يبغي اللحينه مني..أنا لازم اقطع علاقاتي فيه..والله ما عندي سالفه..أرمسه وباجر عرسي".. شيخـاني:آلووو.>>يابتها بضيجه.. ناصر:هلا والله بأحلى ألوووووو.. شيخاني:نعم ناصر..؟؟شو تبغي مني..؟؟ ناصر:أسمع صوتج ووايد عليّه .. شيخاني:لا يكون تبغي شي ثاني.. ناصر:شيخاني..بليييييز تعالي الشقه مال ربيعي مرة ثانيه.. شيخاني:...شوووو...؟؟انته قاعد تسولف وتنكت حضرتك..شو ايي الشقه..شفتني وحده من بناتك الخايسات.. ناصر:شو الفرق انزين..تراج ييتني وتصورتي ويايه و................ شيخاني"بكل ندم":لا تكمل..انا الغلطانه اللي طعت شورك..انا الغلطانه.. ناصر:اللي افهمه منج..يعني ما اوصل الصور لـ سيف.. شيخاني"عادت حليمه لعادتها القديمه":لا شو ما توصلها..قلت لك..أول ما يكملون اسبوع من عرسهم..اتطرش الصور صوب مكتب سيف.. ناصر:قلتي لي اسمها روضه..؟؟ شيخاني:هيه..من بنات الرمـاح.. ناصر:أكيد مزيونه.. شيخاني:تراها اتشابهني يالغبي.. ناصر:الله الله..حتى السب منج عسسسسسسسل.. شيخاني:أوووه ناصر انا وحده هب متفيجه .. ناصر:هيه شعليج..باجر بتعرسين وبتنسيني ...............بتنسين اللي يحبج.. شيخاني:شووووو؟؟اتحبني..؟؟اقولك انته كم بنيه قلت لها هالرمسه..؟؟ ناصر:إنتي اول وحده.. شيخاني:هاها..ضحكتني..طحت من عيني..كنت اتحراك بتكون ربيعي وبس..قلت لك..انا ما عندي هالسوالف..وانا ما احب الا هزاع..ليش جيه..؟ ناصر:أووووووووف..خلاص يعني ما شي امل اتيين الشقه.. شيخاني:نااااااااصر...؟؟؟ ناصر:ههههههههااااااااااي..والله يالس اسولف عندج..انزين انتي وين اللحينه..؟؟ شيخاني:عند حصوه..فالشركه.. ناصر:أنزين ما ترومين اتيين المول عسب نتغدا ارباعه.. شيخاني:استغفر الله العلي العظيم..انته ايييه..ما تذهنها الرمسه..أقولك ما ابغي اشوفك..أكره شوفت ويهك.. ناصر:آآآآآآآآآآآآآخ بس بس لا تجرحين شعوري.. شيخاني:عيل لا تقول شرات هالرمسه..وانا بكون اوكي وياك.. ناصر:المهم..اذا عندج افكار ثانيه على سالفة سيف..قوليها بسرعه.. شيخاني:لا توصي لا توصي..الشي الزين اللي سويته في حياتك كلها يوم يبت لي هالفكره اللي بتدمر حياتهم هالإثنينه..يعلني بلااااااهم.. ناصر:هههههههه..الحمدالله اعترفتي اني كنت شي مفيد في حياتج.. شيخاني:هكي حصوه يت..بينا كوول.. ناصر:باي.. بندت منه..ونشت سلمت على حصوه..اللي كانت أنيقه في بساطتها..كـانت لابسه عبايه عاديه..وشيله فيها تطريز وردي خفيف..وحاطه جحال..ومن نظراتها وطريقة اسلوبها فالرمسه..ينعرف انها بنيه محترمه..عكـ×ــس ربيعتها..!!! حصوه:هلا والله..نورت الشركه.. شيخاني:اهليييين.. حصوه:السموحه تأخرت عليج.. شيخاني:لا تراني كنت ارمس ناصر.. حصوه:ترمسين ناصر؟؟..يا شيخوه..هاذا ناصر تخبريني عنه انا..راعي مشاكل..بعدي عنه..لصقة عنزروت..وما بيفج عنج لو شو استوى..؟؟ صدت شيخاني صوبها بنظره أليمه.."اللحينه تقوليلي هالرمسه..بعد ما طاح الفاس بالراس..بعد ما بليت عمريه وسرت وياه الشقه وتصورت على اساس انيه روضه..بس خلاص..كل شي استوى..وناصر ما يروم ايسوي شي..أمبونه يخاف مني..وانا..بكون حرم هزاع..محد يروم يقرب صوبي..ولايمسني بكلمه..أهم شي..العذاب النفسي اللي يمرون فيه روضه وسيف..اففففففف منهم..">>واايد قاصه ع روحها..يبالي ادق راسها اشويه.. حصوه:شيخاااااني..وين سرتي..؟ شيخاني:وين سرت بعد..امبوني يالسه جدامج.. حصوه:المهم..ليش يايه..؟؟ شيخاني"بتكبر":لا يكون تواجدي مأذنج..؟؟ حصوه"بطيبة قلب":لا الله يهداج شيخاني شو هالرمسه..؟؟ شيخاني:مادري عنج..سؤالج تافه..>>وتلبس نظاراتها.. قطع حوارهم..صوت الباب اللي انفج وظهر منه المدير..حصه..ارتسمت ابتسامه حلووووة زادتها جاذبيه..وشيخاني..فز قلبها من شافت هزاع..ومع هاذا انصدمت..ان الشركه اللي تشتغل فيها حصوه..هي نفسها الشركه اللي يكون هزاع مديرها..!!! هزاع:أخت حصه.. حصه"توقف":آمر.. هزاع:أجلي كل الإجتماعات اللي خلال هالأسبوعين لـ بعدين..وترى باجر عرسي..أتمنى إنج تكونين من الحاضرين..وهاج..بطاقة الدعوه.. وحط بطاقة الدعوه ع مكتبها..وصد صوب هالبنيه اللي يالسه في مكتب حصه..وطالعها بنظرة..من فووووق لتحت..نظرة استحقار بمعنى الكلمه..نظرة تصغيريه لمستوى هالبنيه..نظرة تكن عن الكره اللاطبيعي لهالأشكال..الأخ ما درى إن هالبنيه..بتكون حرمته بشكل رسمي باجر..!!..ظهر من مكتب حصه بكل هيبته..وشيخاني نظرات الأعجاب مزرت عيونها ..والفرحه شقت قلبها..الله يستر بس..اما حصه..يلست على مكتبها بكل بطء..وهي تسحب آخر أمالها في حلمها اللي عاشته من اشتغلت في هالشركه.. حصه"بصوت واطي":حراااام..بيعرس..وانا؟؟؟..وانا اللي احبه واموت فيه..آآآآخ..يالقهر.. شيخاني"بصوت عالي":واااايه فديته..حصوه حصوه هاذا هزاع.. حصه"تعقد حياتها":انزين..ادري انه مديري اسمه هزاع.. شيخاني:يا غبيه..هالريال..هو هزاع..ريلي.. حصه:شووووووووووو..؟؟؟؟؟!!!!!!!!!!!!!!! عيونها غدت حوله من تأثير الصدمه.. شيخاني:واايه فديته..وبعد يعزمج ع العرس..ما يدري انج ربيعة حرمته..ولازم اتكونين من الموجدين..واايه فديته..شهم له هيبه غير طبيعيه.. كانت عيون حصه مبحلقه في شيخه..وطريقة رمستها.."لالالا..هاي شكلها تسولف عليّه وتجذب..ولا الظاهر انها تمزح..معقوله..انا وشيخاني ..نحب الشخص نفسه..هزاااااع..آآآآآخ..انته الريال المحترم تاخذ بنيه شرات شيخاني من قوم الحثاله وقلبها اسود ..ومرمسه من قبلك سيف وناصر..تاخذ وحده تتقن ادوارها فالتمثيل..وبارعه في مهاراتها للعب..الله يعينك ع البلوه اللي الله بلاك بها..الله يعينك".. شيخاني:أوووووه انتي..شو بلاج سرحانه..؟؟أكيد فاللبس اللي بتلبسينه باجر..؟ حصه"بابتسامه باهته":هيه.. شيخاني:يلا يلا..خلينا نلحق ونسير المول..ابغيلي اشوية عطورات .. حصه:للحينه ما خلصتي من زهبتج؟؟ شيخاني:خلصت ومن زمـان بعد..؟؟بس بعد ابغيلي هالعطورات..بعدها New.. حصوه:هيه عسب جيه.. شيخاني"بوناااسه":وبعزمج على احلى غدا تاكلينه في حياتج..لأنه باجر عرسي..ولأنه ريلي ظهر مديرج.. الرمسه اللي قالتها شيخه..حرقت قلب حصه بكل بطئ..نيران حمرا استولت على كيانها ..بكل بساطه..تمشي الأمور على عكس ما تبغي حصوه..وكل اللي تتمناه حصوه..يكون لشيخـاني صله به..كرهت اللحظه اللي يت فيها شيخه للشركه..واكتشفت هالحقيقه الأليمه والصعب تصديقها..كرهت اللحظه الي عرفت فيها شيخه..كرهت هاللحظات..وكرهت شيخوه بعد..طالعتها.. حصه:انتي ما تقولين لي اشعنه ظاهره من بيتكم وباجر عرسج..؟؟ شيخاني"تاخذ شنطتها والنظارات":باجر عرسي..هب موتي.. حصه:و أمج..كيف سمحت لج تظهرين..؟ شيخاني:لا يكون يالسه ع راسج وانا مادري..؟؟ حصه:انا ما اقصد جيه.. شيخاني:عيل..؟ حصه:بس مستغربه.. شيخاني:انتي تعرفيني اللي في راسي اسويه واوصله يعني اوصله..ومحد يروم يمشي شوره عليّه..انا شيخاني بنت خالد الــ......ـي..هب حيالله.. حصه:وأمج..شو قلتي لها..؟؟ شيخاني:كانت تزاقر عليّه تبغيني اييها..بس انا ما رديت عليها.. حصه:حرام عليج يا شيخاني..هاي امج..الحرمه اللي تعبت عليج وااايد..جيه اتجازينها.. شيخاني"بضيجه":أوهوووووو..فارجت ميثاني يتني حصوه..دخييييلج لا تعوريلي راسي والسبه هالنصايح والرمسه اللي مالها معنى.. حصه:باجر اذا يوج يهال..وتعبتي عليهم..بيعاملونج شرات ما تعاملين امج اللحينه..بتحسين بالقهر في ذيج اللحظه.. صخت شيخاني..وهي اتفكر بطريقة عجيـــ ! ـبه..تحاول تستوعب رمسة حصوه"انا ويهال..؟؟وععععععععي..مووووول ما يليق".. شيخاني:خلاص انزين..المهم انيه ظهرت من البيت..؟؟ حصوه:غريبه..وسلطان وينه..؟؟ شيخاني:هههههههههههه..الحب الجديم..في ذمتج..للحينه اتحبينه..؟؟ حصوه:شيخاني بلا استهبال..شو احبه..؟؟هاي حركات ولت وراحت..والله لا ايعيدها عليه ان شالله..بس ما رديتي على سؤالي.. شيخاني:سلطان شل حرمته السباله وساروا سويحان صوب هلها.. حصوه:استغفر الله..شو بلاج ع الحرمه اتسبينها..؟؟ شيخاني:حصووووه..وبعدين وياج يعني.. حصوه:الحرمه طيبه وحشيم..اشعنه تقولين لها السباله.. شيخاني:كيفي..لسـاني ولا لسـانج..افففففف.. حصوه:المهم..ابوج شو حاله..؟ شيخاني:ابويه..؟؟مادري والله اذا هو حي او ميت..>>>>صدقوني ما تخيل ع ويهها..في حد يرمس عن ابوه جيه... حصوه:شيخاني..وابوج بعد ترمسيــ......................... شيخاني"اتقاطعها":أقووول..وفري هالنصايح بعدين لبناتج..انا في غنى عنها..ونشي خلينا نسير المول..ترى عندي اشغال واايد..!!!! ظهرن من الشركه سايرات المول..وشيخاني..مستغربه..كيف استوى لحصوه شخصية وأخلاق..ومن قبل هي كانت وحده غبيه على أي شي تضحك..أما حصه..كـانت افكارها اتوديها وتييبها..بين هزاع..وبين شيخه..ما تتخيل الموقف..هزاع وشيخاني..؟؟!!ع الكوشه..ارباعه..البنيه اتعاني وفي أشد حالات المعاناه..لووول.. × × الحـــــــــــــال في بعدك قسم بالله ماســـميه حال.. أنوي على الضحكه وأحس كلي خطأ لأنـي نويت.. أتصور إني من (رحلت) أشوفك لجســـمـي ظلال.. لاشفته أمشي بأبتعد وأثره [معي] مهـــما مشيت.. بيت بوخليفه.. قسم سلامه.. بعد صلاة العصــر.. لفت شعرها بطريقة سريعه..ووقفت جدام المنظرة اتطالع عمرها.."يالله..انا شو اللي ناااقصني..؟؟!!..هيه..خلوف ناقصني..وينه لا يتصل ولا يسأل عني..معقوله نساااني..آآآآآآآآه..بمووت بمووت خلاص..كله ولا إنت يا خليفه..كله ولا إنت..ما أتحمل منك أي شي..قالي بيغيب مده قصيرونه..واللحينه خطف على عرس بن المر..أربعة أيـام..وهو..حتى ما كلف عمره ودقلي..أهم شي انه يكون بخير..أهم شي"..غمصت عيونها..تحارب هالدمعه اللئيمة اللي تبغي تنزل على خدها..حاولت..حاولت..بس فالأخير الدمعه كـانت أقوى..لأنها قبل ما تظهر من عيونها ظهرت من قلبها..حتى قلبها يصيح ويذرف دموع..والسبب..غياب خليفه..!!ما تدري..بشو تفسر اللي قاعد يسويه فيها..يحقرها..ما يرمسها ..ولا تعرف شو هي الأسباب الحقيقيه لسفره..معقوله..عرس ربيعه..؟؟!!كل اللي سوته..إنها صدقت رمسته..من متى وهي تجذب رمسه قايلنها خليفه..؟؟!!!..كـانت تفكر..اذا يأ..من بعد غيبته..شو بتسوي به..بتقاطعه شهرين!!وترد الصاع صاعين..ولا بتزعل عنه كمن يوم..ولا بتحقره وما بتحفله..ولا بتعاتبه وخلاص..ولا كأنه شي لم يكـن..فالأخير..اتفقت على آخر فكرة يتها..يوم ايي خليفه..كأن شي لم يكن..أنسب حل..لأنها..ما ترم تعاتب خلوف..تعودت..هو يعاتبها.. يلست ع الشبريه..وهي ملانه..اتطالع هالفستان اللي جدامها بنظرات احتقار..وكأنه له يد بغياب خليفه..كـانت تفكر بالعرس اللي اليوم بيستوي..عرس شيخاني بنت عمتها..مالها خاطر اتسير العرس..وخليفه مب هو اللي بيوديها..ومالها خاطر تتعدل وخليفه ما بيشوف عدولها..يت عرس رويض..وهي ميته من القهر..لأنه خليفه..ما كان وياها..غياب خليفه..أثر عليها بشكل ما تتصورونه..لأنها تقريباً من عرفته..ما تعود يغيب عنها..ومن حبته..تعلقت فيه..وكـان هو بعد ما يقوى بعادها.. طالعت صوب تيلفونها اللي يدق..شلته وردت ع المتصل.. شموس:مرحبا بالحلويييييييييييين.. سلامه:مرحبتين.. شموس:شلونج عنوني..؟؟ سلامه:الحمدالله.. شموس:هاه وينج ما ييتي بيت عمي راشد..؟؟ سلامه:واشعنه ايي..؟ شموس:شبلاج..؟؟نسيتي ان الحرمه بتي ويا ربيعتها عسب يعدلونا..؟؟ سلامه:هيه هيه..نسيت.. شموس:رب ما شر..؟ سلامه:ما من شر..خلال نص ساعه بييكن.. شموس:اوكي لا تتحيرين.. سلامه:إن شالله.. شموس:مع السلامه.. سلامه:فداااعة الله.. بندت وحطت التيلفون عدالها..وهي اتقول في خاطرها"متضاااااايجه..وربي متضاااااايجه..والله والله ما روم اتحمل.."ويلست اتطالع هالدبدوب المرسوم على بيجامتهااا..كـان شكله مستااانس وشاق الحلج..جـان اتقوله بصوت عالي.. .."مااااااالت عليييييك".. انفج باب القسم..وعلى طول عيونها اتطالع منو هاللي فج الباب..نشت من مكانها بكل بطء..ونظراتها كـانت جداً عاديه..جداً غااامضه..لا شوق ولا لهفه ولا حتى وله بسييط ما بان في هالعيون..الي كـانت تشتاق لهالشخص اللي جدامها طول الليالي اللي غاب عنها.. إنزين..؟؟!!وهو..؟؟شو وضعه؟؟ هو..كـان واحد رااايق ومتفيج ع الأخير..مبتسم وشاق الحلج بهالإبتسامه..كـان على كل خطوة يخطيها للإنسانه اللي جدامه..كـان يتمنى إنها تغير نظرتها اللي ما حبها..؟؟كـان كل ما يتقرب صوبها..تذبل ابتسـامته ..؟؟مستغرب..مندهش..ما توقع هالإستقبال البسيط والعادي..وهو في الدرب..كـان يتخيل شكل سلامي وهي تستقبله بالدموع والفرحه..ما توقع نظرات تحمل اشوية اتهامات + عدة اشياء غير مفهومه..وقف جدامها بالضبط..بينهم شبرين ونص..[كنت يالسه احسب..لوول]..المووهيم..ترياها تنطق بكمن كلمه من هاللسـان الطويل اللي دوم يلعوزه..بس كـانت ساااااااكته..وبروودها غير طبيعي..وهي..تريته يقول شي ..أي شي..يبرر موقفه أو ما يبرر موقفه..ع الأقل يقول "السلام عليكم"..ع الأقل يقول أي كلمه أي حرف..المهم انها تسمع صوته..المهم تسمع صوته وتحس بوجوده..تسمع صوته اللي اشتاقتله..وهمساته ونظراته..بس كـان هو بعد ع السايلنت والهدوء اللي تشوفه وتحس به هدوء غير طبيعي.. تخطته..بكمن خطوه..عيونها ما قوت على كميات الشوق..تخطته..وقلبها ينبض بكل قوووه..أول مرة اتحس بهالشعور..لأنه خلوف أول مرة يغيب عنها..!!!!..زقرها.. خليفه:سلامي.. ما صدت صوبه..أكبر طااااااااااااف..يا غير انها ارتاااحت واستااااانست من سمعت صوته..>>والله ما يسوى عليها..نياهاهاهاهاهاها.. خليفه:سلامـــي..!!!! وبعد أكبر طاااااااف..ما تحمل هالوضع..جـان يسير صوبها وبكل تهور يود يدها وسحبها ع الغنفه ويلسها بدفاااشه.. خليفه:لا تصدين عني..هاي آخر مرة اتسوينها.. وخت براسها تحت..وما طالعته.. خليفه:ابغي اشوفج..اتولهت عليج ..حرام عليج رحمي حالي..طالعي طالعي فيني.. صدت صوبه وعيونها مليااااااااانه دمووووووووووووع..وكمن دمعه بسيطه على خدها.. خليفه:خلاص انا ييت..أنا خليفه يا سلامي..ليش هالدموع..لا تصيحين.. سلامي:خلاص عيل ما بصيح..>>وتمسح ادموعها بطرف كمها.. خليفه:آآآآآآآآآآخ..اتولهت عليييييج موووووووت.. سلامي:...................................... خليفه:وانتي ما تولهتي عليه..؟؟ سلامي:لا.. خليفه"بإحباط ومعقد حياته":أفااااااا..ليش..؟؟ سلامي:لأنك كنت ويايه في كل ثانيه.. ابتسم لها خليفه بس هي وحده ما شافت هالإبتسامه..خطفت كمن ثانيه جان اتصد صوبه وتطالعه.. خليفه:لا تسألين ولا سؤال..انا بقولج السالفه كلها.. سلامه"تقاطعه":لا تقول لا سالفه ولا سويلفه..انا ما صدقت اشوفك..انا ما بعاتبك..أهم شي انك رديت خليفه اللي يعرفه قلبي..ورديت وتولهت عليه بعد ما كنت تجافيني..والأهم إنك بخير وما تشكي من شي.. تم يتأملها لدقايق..ما كان متوقع انه هالرمسه بتظهر من ثم سلامي..توقع إنها بتزعل عليه..وبتعاتبه..وبتستوي حرب بسيطه أو كبيرة على حسب حجم شعلة الغضب عندها..وهو ..بالأًصل شو سوى..هو لو خبرها باللي كان بيسويه..جـان صار شي ثـاني.. خلوف:بس لازم اقولج يا سلامي لازم.. سلامي:قلت لك..انا ما اريد منك أي رمسه..انا بس ابغي اشوفك بخير وما فيك شي.. حسمت المسألة و الحين أبصدر لك قراراتي وهي حاصل تشارونا بعد تكرار غلطاتكـ .. أنا و جروحي و قلبي .. تعاهدنا على الآتي : نحب حتى الغلط منك لأنــَّه جزء من ذاتكـ خلوف:فديت هالمنطوق في ذمتيه..والله ومستويه شاعره.. سلامي:في غيابك استويت شاعره وساحره واللي تبغيه..بس خلوف..طلبتك لا تكررها..واذا بتسافر لأشغالك..قبلها بفتره..خل بيني وبينك ذكريات حلوة..لا تسافر وتخليني متضايجه..أنزين..؟؟ خلوف:ومن قالج انيه بسافره مرة ثانيه اروحي..هالمرة سافرت وانا احس شي ناقصني..انتي اللي كنتي هب ويايه..عسب جيه ما حلت لي السفره.. سلامي:هاه شو عرس ربيعك..؟؟ خلوف:ربيعي..؟؟من وين ظهر هاذا؟؟ سلامي:ربيعك اللي سافرت عسب تحظر عرسه.. خلوف:قصدج عرسي.. ؟؟ ؟؟ ؟؟ ما يحتاي اوصف لكم كيف استوى شكل سلامي من تأثير الصدمه..أترك لكم الخيال لتخيل شكلها..واذا ما عندكم خيال جامح..بكل اختصار..عيون سلامي غدت كبيييييييرة..وارتفعت حيّاتها لفوق..أما ثمها حطت يدها عليه فما شفناه..وبــث[س].. سلامي"بصوت خافت":عرسك..؟؟؟ خلوف:اللي ما استوى.. شو سالفته هاذا..كلمات متقاطعه..والله..؟؟حرق أعصاب الحرمه واحليلها.. خلوف:سلامي انا قلت لج لازم اخبرج بكل اللي استوى..عسب ما احس بالذنب.. أي ذنب وقلب الحرمه طاح في بطنها مسود الويه..مع طيحة قلب سلامي في بطنها..انته طحت من عيني يا خليفه..>>خلاص خلاص ما برمس..صدقوني أخر مرة..عسب ما أقطع عليكم.. سلامه:..................................... المسكينه يالسه اتداوي جروحها بروحها.. خليفه:البنيه يا سلامي كـانت عاديه...من أول مرة شفتها..بالأصل..هي متعرفه على واحد من الشباب..ولأنها..اتدبر له بنات الجبايل..هو بعد...يابلها رقميه..وبدت اترمسني..في بادي الأمر..كنت اتجاهل اتصالاتها..ومسجـاتها..بس من بعد ما زن عليه هالريال اللي يابلها رقميه..بديت ارمسها..كان يقولي إنه معرس ويحب حرمته..ومع ذلك..يرمس بنات وهي في خبر كـان..وانا فكرت..أنا احب سلامي..وبرمس هاي البنيه..بجرب..البنيه بدت تعودني عليها..غصب عني..كنت اتجاهلج وارمسها ..غصب عني كنت اتصرف بذيج التصرفات اللي ما تحبينها..كـان في شي يجبرني..في شي يخليني اسوي هالغلط وانا اعرف انه غلط..كل ما شفتج..حسيت بشي يخنق روحي..والسبب..والله ما كنت اعرفه.. تطورت علاقتنا..وبواااااايد..استوت ظهرات..وروحه ورده..وما ييت عرس بن المر.لأنه في نفس اليوم بيكون عرسي من هالبنيه..بس اللي صار..إن أختها توفت..وتريينا لليوم الثالث..يتني..والظاهر انها خافت من الموت..وقالت لي إنها ساحرتني..اعترفت بكل شي سوته في حقي..وقالت انها تخلصت من السحر..ويلست تعتذرلي وتطلب السموحه مني.."وباستهبال"..وانا قلت مسموحه وبالحل بس هاي اخر مرة اتسوينها..وتوته توته..خلصت الحتوته.. رفعت واحد من حياتها ..على كل كلمة نطقها خليفه..كانت سيوف خيانته تسل بقلبها وتلعب به..على كل كلمة..تعذب خفوقها اللي توله عليه..نشت من مكانها معصبه وهو نش وراها.. سلامي:أقولك هدني..يا ولد الحلال هكوه الباب اظهر وعرّس.. خليفه"يضحك وميت من الضحك":ههههههههههههههه..سلامي والله ماجذب عليج في كل كلمه قلتها..ههههههههههه.. سلامي:ما بسامحك ع الخيانه..ياااا خااااااين..والغلطه اللي غلطتها يا خلوف جرحتني.. خليفه:هههههه..مب انتي حسمتي المسأله واصدرتي قرارتج..وهي كانت حاصل تشاورج بعد تكرار غلطاتي..إنج انتي وجروحج وقلبي تعاهدتوا ع الآتي..تحبون حتى الغلط مني..لأن الغلط جزء من ذاتي.. صدت صوبه..طالعته بنظرات.. خليفه:أهم شي انيه خليفه الأولي اللي احب سلامي واتوله عليها..أهم شي انيه بخير..هاي رمستج..اغدي بنت ريال وقد رمستج.. سلامي"تيود يده بقوه وتضربه":بس هاي آخر مرة.. خليفه:أحلف لج آخر مرة.. × × × أبسألك يازمن ليه ..قلــوب.. الناس إمتلت قـسوه ؟ وصـــارالغدر...و [الخيانه]..لهم... أحلى.. غـنوه بيت بومحمد.. السـاعه 4 ونــص.. صوب شجون.. كـانت شجون مندسه تحت لحافها..وهي ميته من البرد.. عنودي:انزين..انزين قلت لج بنبد الكنديشين.. شجون:لالا..انا ما اداني الحر.. عنودي:انزين بسير بزقر يدوه حصه.. شجون:لا..لا تزقرين حد.. عنودي:اوووف..انزين يودي دواج..شربيه.. شجون:استغفر الله..انا ماريد شي.. عنودي:حرام..انتي ..انتي من يومين جيه..ميهوده..وعبودي كله يضربني ويشد شعري..عموه رويض محد..وانتي طايحه ع..ع.. الفراش..وعموه غبوش بس تضحك عليه..وأمايه..وأمايه محد..كله خاري البيت.. شجون:............أأخ..عنودي لا تعوريلي راسي..يالسه تشكين ليه الحال.. عنودي:أوووووووهووووو..انزين انتي بتسيرين العرس.. شجون:ويهي ويه وحده متفيجه اتسير العرس.. عنودي:........"بملل"..انا مليت.. شجون:ظهري يلا بسرعه .. عنودي:ما بظهر.. شجون"تظهر ويهها من اللحاف":عييل ييبي لابي.. عنودي:ما بييبه.. شجون:ما تستحين..؟؟ عنودي:لا.. شجون:ظهري يلا ..بلا سخافه.. عنودي:اووووووف..خلاص بظهر..محد يحبني.. شجون:هيه محد يحبج.. ظهرت عنودي وهي تصيح..مبزاااااايه هالبنيه..اما شجون..ردت وحطت راسها ع المخده..وهي تتنفس بصعوبه..وحطت يدها ع خدها اتشوف ويهها اذا حار او لا..نشت من مكانها ويابت لابها ويلست ع الشبريه..فجت المسن..محد اوون..بندت اللاب وردت حطت راسها ع المخده..وتفكر.. "اذا كـان عندي أم..بشوفها يالسه عنديه وما تفارجني..بس انا ما عندي ام..ليش ما اتذكر امي الا فالأوقات اللي اكون محتاجه لوجوها ويايه.."..وتنجلب ع الصوب الثاني.."بس..بعد حرمة ابويه هب مقصرة ويايه..ودومها اتييني..وقبل ما ترقد اشوفها توايق عليه من الباب..بس..بس بعد الأم غير..يالله..خساره ما بسير عرس شيخوه النسره الليله..والله قهر..خاطريه اشوفها.." مرت ربع ساعه..الا تيلفون شجون يدق.. شجون:هلا.. العنودي:اهلييييين..ومرحبتييييين بالحلوين.. شجون:يا مرحبابج زود.. العنود:هاه شو الصحه..؟؟ شجون:الحمدالله ع كل حال.. العنود:بتسيرين العرس.. شجون:لا..بتييني..؟؟ العنود:ان شالله..بعد صلاة المغرب بييج.. شجون:يا مرحبا والله بتنور رماح.. العنود:منورة بهلها..اهم شي عنودي بنت أخوج يوديها عندج.. شجون: هاي بتسويلنا حشره.. العنود:ويا محلا حشرتها.. شجون:خلاص عيل بيودها عنديه.. العنود:عيل انا بخليج..رقدي زين..عسب يوم ايي الاقيج صاحيه.. شجون:هههه..ما بندن عيوني يوم تيين..لا توصين لا توصين.. العنود:اوكي..باي.. شجون:فداعة الله.. بندت شجون..وتوجهت عيونها صوب الباب اللي انفج.. أم محمد:السلام عليج.. شجون"تتعدل في يلستها وترد خصلات شعرها على ورى":وعليج السلام.. أم محمد"تيلس ع الشبريه عدال شجون":هاه شحالج اللحينه.. شجون:الحمدالله..أحسن من قبل.. أم محمد:فيج حيل اتسيرين العرس..؟؟ شجون:لا عموه ماروم اسير.. أم محمد:خلاص عيل ..انا بيلس عندج.. شجون:لا عموه ما يستوي..بتزعل عليج عموتي ناعمه.. أم محمد:لا بتزعل ولا شياته..انا بسويلها تيلفون وبستسمح منها.. شجون:بس.. أم محمد"تقاطعها":ها اشوف دواج على حطة يدي..ما مسيتيه..؟؟ شجون:ما روم احط شي في حلجي.. أم محمد:لا لازم تحطينها في حلجج.. شجون:شي يمنعني.. أم محمد:جربي فديتج..اهم ما عليج صحتج.. شربت شجون دواها بعد محاولات من أم محمد..وتلحفت عدل..ورقدت..ويلست عندها ام محمد اشويه..وخلاف ظهرت.. ..،،يتبـــ,,ـــع,,.. ..×..الفصل الثـــاني..×.. •!¦[• أشواك و ورود•]¦!• تعبان قلبي ولا أحـــد فيــــــه داري..هذا وفا الصابر وهذي جـــــزاته.. مثل السفينه لـ غرقت في البحـاري..كل من يفكر في الحـــــياة ونجاته.. كـانت الصدمه كبيرة..عيون حصه اشوي وبتظهر من مكانها..وكل دقيقه تشهق..وتحط يدها ع ثمها بخوف..تمت اتجلب بين هالصور الخايسه..وهي تحاول اتجذب عيونها..لكن..اذا جذبت عيونها..كأنها تجذب هالواقع ..دق تيلفونها.. ناصر:هاه وينج انتي..؟؟ حصه:أووووهو اللحينه بظهر..ختيه ظهرت..؟ ناصر:هيه ميلسه عندي.. حصه:اوكي اوكي بس البس عبايتي.. بند التيلفون في ويهها..وردت وطالعت في الصور..وهي تتفحص الحركات والأوضاع اللي بها شيخاني وناصر..!!!!.. "يالله..شيخاني ليش عقت عمرها بهالمصيبه..متصورة ويا ناصر..؟؟شو السبب..وليش..؟؟ومتى ظهرت وياه..الله يستر عليج يا شيخاني..الله يستر عليج.." ردت الصور مكانها ولبست عبايتها وشيلتها وخذت تيلفونها ونزلت تحت وهي مستعيله عسب ما ياكلها ناصر..وركبت السياره.. ناصر:حشى..نص ساااااعه..مب منج..من اللي يخدمج وقال بيوديج العرس.. حصه:شو اسوي..كنت مشغوله..؟ ناصر:شو كنتي اتسوين..؟؟ حصه"بخوف وربكه":كنت ..اشوف صورك ويا..ويا.. شيخاني.. ناصر"يطالعها بابتسامه خبيثه":..هاهاها..حلوة صورنا صح..؟؟ حصه:ناصر..ليش وهقت البنيه ويااااااك.. ناصر:صدقيني هي الوحيده المستفيده من هالصور..انا ما يخصني..تدرين بي..امية ألف بنيه متصورة ويايه..وشيخاني هب اول وحده.. حصه:انزين ليييييييش..؟؟شو الأسباب..اللي خلتها تتصور وياك..؟؟ناصر..ليكون هددتها بشي... ناصر:اييييه..وبعدين وياج..لا مهددنها ولا شي..البنيه اتصورت ويايه برضاها..انزين سمعي..تعرفين وحده اسمها روضه..؟؟ حصه"معقده حياتها":رووضه..؟؟امنو هاي؟؟ ناصر:اللي تكون لشيخه بنت خالها.. حصه:هيه..روضه بنت راشد..احيدني مرة شفتها مادري وين..؟؟ ناصر:شو رايج فيها.. حصه:....................اشعنه تتخبر عن الحرمه..؟ ناصر:تشابه شيخه..صح..؟؟!! صخت حصه للحظات..ومية فكرة اتدور براسها..كانت تطالع ناصر..بنظرات رجا..واتفكر في شيخاني اللعينه.. حصه:ليكون..ليكون اللي في الصور هي روضه..؟؟مستحييييييل.. ناصر:ههههههه..لالالالالا..اللي في الصور هي شيخه..بس باسم روضه.. حصه"بعصبيه":انتوا شو اللي قاعدين تسوونه انته وشيخه..حرااام عليكم..بتهدمون حياة البنيه..توها من اربعة أيام معرسه..حرااام عليكم..لا يكون بتنشرون صورها..؟؟ ناصر:ههههه..لالالالا..بس بنطرشها لسيف ريلها..مديري الساااابق..عادي حلالها ..مب حرام اذا شافها بهالأوضاع..ههههههههههههه حصه:شووووووووو..؟؟وانته شو دراك بسيف.. ناصر"يطالع اخت حصه الصغيره":اختج غبيه ما تفهم.."ويرمس حصه"..أقولج مديري السابق اتقولين اليه شو دراني فيه..هاذا سيف بن المر..منو ما يعرفه..؟؟..الحقير الحيوان النذل..ادواااااااه عندي..بأدبه..وبخليه يمووووت من القهر..والله لسوي فيه فعايل محد سواها.. حصه:و روضه شو ذنبها..؟؟..هي حتى ما تعرف منو اللي اسمه ناصر.؟؟ ناصر:انا بيوده من اليد اللي تعوره..و بطعنه في شرفه..هههههههههههه..ههههههههههه.. صخت حصه..وهي تتجرع الخوف من هالإنسان اللي جدامها..وصوت ضحكات ناصر يتردد في أذونها..وصلوا..وحده من أفخم القاعات في أبوظبي دار الظبي..نزلت هي وأختها..بس وققهن صوت ناصر.. ناصر:حصه.. حصه:........................... ناصر:اياني وايااااج تظهر رمسه من لســااانج..والله لعلن خيرج وانتي تدرين بي.. حصه"بخوف":أنزين..انزين.. ناصر:ان دريت انج قلتي لحد بالسالفه اللي خبرتج عنها ..بييج شي ما يأ الكافر.. حصه:انزين..ما بقول لحد.. ناصر:تعيبيني والله.. تحرك ناصر من جدامهن..وسارن صوب القاعه..ويلسن على وحده من الطاولات..بعد ما فصخت حصه عبايتها..اشوي الا تييهن ميثا.. ميثا:السلااااام عليكم.. حصه"متفاجئة":وعليكم السلام..هلااااااااااااا وااااااااااالله..ومرحبا مليوووون.. ميثا:مرحبااابج زووود.. سلمت على حصه وأختها الصغيرونه ويلست.. حصه:ميثاني ما اتوقعت انج بتيين..؟؟ ميثا"بصوت مخنوق":قلبي ما طاوعني..ربيعتي بتعرس وما ايي لعرسها..مع إنها ما عزمتني..بس انا عزمت عمري.. حصه"تتذكر سالفة الصور":الله يهديها إن شالله..وشحالج انتي وشحال أمج..؟؟ ميثا"تتنهد":الحمدالله على كل حال..بدت امورنا تتحسن وايد.. حصه:دومي ادق على تيلفون بيتكم..بس محد يرد عليه.. ميثا:ترانا انتقلنا للعين.. حصه:شووو..؟؟من متى..؟ ميثا:نقريباً من شهرين.. حصه:أها..وعيبتج العين..؟؟ ميثا:امممم..حلوة..بس القلب ما يهوى الا دار الظبي.. حصه:شي طبيعي.. ميثا:نشي بنسلم على رويض فديتها..والله انيه تولهت عليها ومن زمان ما رمستها.. حصه:شووو..؟رويض..؟؟لالالالالا.. ميثا:بلاااااااج حصوه..نشي يلا.. حصه"ترمس اختها":يلسي مكانج..لا تتحركين.."وتنش ويا ميثا"..ييتي لعرسها..؟؟ ميثا:هيه..هي اصلاً عزمتني ولزمت عليّه ايي ويا الوالده.. حصه:شو عرسها..؟؟ ميثا:عرسها واااااايد حلوووو..هي وريلها يتنافسون فالجمال.. حصه:اسم ريلها سيف..؟؟ ميثا:هيه.. حصه"يعني رويض هي رويض هاي نفسها اللي بتسلم عليها ميثا..الله يستر بس.."..سارن ميثا وحصه وسلمن على رويض اللي كـانت كاشخه بفستان لونه وردي..كـانت ورده ورديه في جمالها ورقتها وحلات منطوقها وروعة اسلوبها..كـانت حصه تحلل رويض..اتطالعها بتمعن..بنظرة تفصيليه..كانت تحاول تلاقي شي ما يشبه شيخه..يمكن هي اطول من شيخه بشوي..؟؟؟!!وتطالع عيونها..ثمها..خشمها..يالله..سبحان من خلق من الشبه اربعين..روضه وشيخه..نسخه من بعض..ماشي فرق بينهن..كانت روضه اتسولف ويا ميثا..وتضحك وياها..وحصه تطالعها بشفقه..عن اللي بيستويلها من صوب ناصر وشيخه ×[صوب الشله]× فطامي:سلامي..اشوف الويه منور..احم احم ..وصلتني اخبااار.. موزاني:خلوف وصل.. فطامي:جديمه.. موزاني:قولي والله انتي بس.. سلامي:هيه فديته وصل.. غبوش:وانا اقول ليش سلامي تاكل من خاطرها.. شموس:فالفترة اللي طافت..كانت ما تمس الزاد مووول.. موزاني:حتى ان امايه العوده كمن مرة هزبتها.. سلامي:يالله..شقايل آكل وخلوف بعيد عن نظر عيوني.. فطامي:والله ما عندها سالفه..كللللله ولا الأكل..كله ولا تزعلين بطنج.. شموس:محد شرات موزاني..امبونها دبوه..وبعد ما عرست انتفخت.. فطامي:مب منها..من سعيد اللي يدزلها فيس وييبلها كل يوم وجبات خارجيه.. شموس:أنتي منو خبرج..؟؟ غبوش:اذا محد رويض..انا موجوده والحمدالله..والمصيبه العظمى اللي تسويها موزاني..تاكل جدامي..وانا..وانا..وانا في حالة يرثى لها.. موزاني:خلاص فديتج..ولا تزعلين..مرة ثانيه من اييبيلي سعيد شي..بقوله اييب دبل..واحد لي وواحد لج.. فطامي:صيوووووووووووطاخ..سبحاااااااانه مغير الأحوال..طاع موزاني مستويه ذوق واسلوب.. موزاني:اصلاً من زماني انا ذوقي قمه على قمه.. فطامي:هيه هيه..ما كنت اعرفج..أيـام ما تفلعيني بجوتيج مال المدرسه.. موزاني:بسم الله عليّه..اكيد هاي رويض هب أنا.. سلامي:هااااذااااااا كله من اخوووويه..بو عسكور.. فطامي:هي والله اشكر فنه..ولا موزاني كانت دفاشة المجتمع اللحينه استوت اتيكيت واسلوب.. موزاني:خلاص زين ذليتوني..لا تخلوين انش وارقص فوق بطن وحده منكن.. شموس:لا ماظني غيرها..لا زالت العادات القديمه موجوده.. الكل:هههههههههههههههههههههههه.. شموس:الا شجون ليش ما يت..ما اشوفها ولا اشوف عموتي أم محمد.. غبوش"المتحدث الرسمي":الشيخه..شجون ميهوده وحالتها لله..وما تروم اتيي العرس..وامايه لزّمت الا تيلس عندها.. شموس:محد شراتها عموتي أم محمد.. سلامي:شموس الخاينه..سمعنا خبر..؟؟ فطامي:شوو..؟خبر...؟وانا..؟؟ليش محد خبرني..الله الله..هـانت عليكم العشره الطويله يا بنت خوالي..خلاص..نسيتو فطامي اللي كنتوا تقولون لها كل شي..الله الله ..ما اتحمل اللي ييني منكم..خلاص طحتوا من عيني.. الكل تم يطالعها باستخفاف.. فطامي"تستهبل":اهئ اهئ اهئ اهئ اهئ.."وتشوف روضه يايه صوبهم"..لحقيني يا رويض..لحقيني يا حرمة أخويه.. رويض:هاااااااه هاااااااه..كله ولا أخت سيافي ..فاهمااااااااات..؟؟ غبوش:أحلــــى..الله وياك يا بو الشباب..؟؟ شموس:عشنا وشفنا..خلاص ما ترضين حتى على أخت السيف.. رويض:لا فديتج لا ارضى عليه ولا ارضى ع أخته..فطامي ما وصيج فيهن..ان أذنج بكلمه..أممممرة بالطاوله ع راس وحده منهن.. فطامي"بغباء":افلعها بالطاوله..؟ روضه:هيه.. فطامي:كييييييف..؟؟؟؟ روضه:يعني...................................... تقطع رمستها يوم تشوف تيلفونها اللي في يدها يهتز..ومع هزة التيلفون..انهز قلبها بعد..يمكن انهز من الشوق او الغلا..أو الحب..ما نعرف..؟؟!!!!سارت بعيد عنهن..ومن صوت الأغاني اللي شال القاعة شل.. روضه:هلا.. سيف:...........................................أهل ين.. روضه:.................... سيف:...................... تموا فترة ساكتين...والسبب غير معروف..!! سيف:متى بيخلص العرس..؟؟ كان سؤاله..سؤال طفل صغير..سيف ياب هالسؤال بلهجة فيها براءة فيها انتظار ..وتحمّل شوووووووق الظاهر انه مارام يتحمله..رويض..مااااتت من الضحك.. رويض:هههههههههههههههه..هههههههههههههههههههه..شو بلاك تبغي العرس يخلص بسرعه..هاه اعترف..؟؟ سيف:ما عليه يالسه تضحكين عليه وانا البرئ اللي يتريا العرس يخلص وأشووفج.. اوووووووووف..حراااااااااارة مرتفعه في ويه رويض..مستوي أحمر..حاله من حال قوطي الطماطم.. سيف:رويض.. رويض"بتلقائيه":اعيوونها.. سيف:.......فديت عيونج..سيري صوب الشاشه..مالت اليواله .. رويض:اللحينه..؟؟ سيف:هيه اللحينه.. رويض:.......امممم..أوككككي.. مشت بخطواتها السريعه صوب الشاشه..اللي كـان ينعرض فيها يوالة الرياييل خارج القاااعه..وعاد البنات اللي ميلسات اهناك..!!!!..كل وحده اتدور ع شوقها..!!والله بنات أخر زمــن..>>>>طاع ويهي..لوول.. رويض:هاه وصلت..شو السالفه..؟؟ سيف:الغاليه..ببند اللحينه..ويوالتيه إهداااااااء لج.. ابتسمـت رويض ابتسـامة حالمية..تكن عن الفرحه اللي حلت بقلبها..ماااتت من الفرحه.. سيف:ليش تبتسمين..؟؟ عقدت رويض حياتها مستغربة منه.. رويض:وانته شو دراك انيه ابتسم..؟؟ سيف:أعرفج..وأعرف انج استانستي.. رويض"بمكر":وما تعرف شي ثـاني..؟!؟ سيف:اممم..لا..شوو هالشي الثاني..؟؟؟ رويض:إنـي.................. سيف"بخبث":إنج شوو....؟؟؟ رويض:إني..وبس..يلا راوني يوالتك.. سيف:شي في الخاطر..؟ رويض:لا سلامتك.. سيف:رويض..متأكده ماشي في خاطرج ..؟؟ رويض:لا سلامتك.. بندت وضمت التيلفون لصدرها.."بالله..ليش ما قلته له اني أحبه..بس معقولة أنا احبه..هيه أحبه..لا ما احبه..بس سيف غييييييير..يعني لأنه غير أحبه..لا..لأنه ريلي لازم احبه..اذا ما حبيت ريلي..بحب منو ان شالله..هيه سيف..تسمعني..انا احبك..لازم اقولك انيه احبك..فاهم شو يعني أحبك..أحبك وأحبك و أحبك..ما يخصني..انا احبك..وانته تحبني..وخلاص.." صدت بعيونها الذبوحية صوب الشاشه..شافت الإنسان اللي هز قلبها بمعنى الكلمه..قاعد ايوول..وهاليواله اهداااء لها..شو اللي أحلى من هاه يا رويض..؟؟هع هع ..3 دقايق الا فطامي واقفه عدال رويض ومبتسه اتطالع اخوها بكل فخر..كـانت الكيمرا جريييييييبه واااايد من ويه سيف..ورويض..تتأمل في عيونه الغااامضه..كالعاده..تضييييع فيها..وتوصل لأماكن بعيده..هب موجوده فالواقع..كانت تطالع فيه وهي مبتسمه..تتذكر نظراته وكلماته وحركاته وحتى شلة واحد من حياته كانت تتذكر كل شي بالتفصيل في الأربع الأيام الي طافن وهم في دبي.. أما البنات اللي عدال رويض وفطامي..كاااانن بيموتن من حلات سيف..خلاص بيتشققن..أذون رواضي وفطامي عندهن..خخخخ.. البنيه:هيه هيه هااذا هو بن المر اللي قلت لج عنه.. البنيه الثانيه:واااااااااايه واااااااايه بموووت من حلاته..حشى أول مرة اشوف ريال بهالرحامـه.. البنيه:آآه بس لو اييني ويخطبني..في ذمتيه بمووووت.. البنيه الثانيه:هزرج معرس ولا لا.. البنيه:مادري و الله..طالعي طالعي هاللي عدالنا هي اخته..وايد اتشابهه.. البنيه الثانيه:هيه بس هو أحلى عنها..تعالي بنسألها.. البنيه:يلا.. >>>حشى مضيعات المذهب ومستلغثات ع الشباب..عافانا الله × صوب رويض وفطامي × رويض:يايات يايات..افففففففف..بنش وبفلعهن بنعولي.. فطامي:هههههههههههههه..ريلاكس ريلاكس اشعنه معصبه..؟؟ رويض:اونج ما تسمعين عن شو يالسات يرمسن..هاييلا يرمسن في ريلي ويتغزلن فيه بعد.. فطامي:بس فضحتينا.. رويض:سمعي..اذا سألن عنه..قولي لهن انه هب معرس..بس هاي الي عدالج خطيبته.. فطامي:شووووووو..؟؟ رويض:سوي اللي قلت لج عنه وبس.. فطامي:اوكي اوكي.. البنات:السلام عليكم.. فطامي ورويض:و عليكم السلام.. و توايهن البنات..ودقن سوالف..وعرفت فطامي ان هالبنات من بنات بوظبي..من جبيلتهم..وحده تدرس ثالث ثنوي..والثانيه ثاني ثنوي..كاانن يسولفن..وخلاف يصدن صوب رويض ويطالعنها بانبهار ويصدن صوب فطامي مرة ثانيه..طبعاً قاعدات يسون مقدمات على اساس بعد خمس دقايق بالضبط يبدن في السالفه المهمه..والحمدالله..مرت هالخمس دقايق..ورويض قاعده على اعصابها..بتموت من القهر..تحس ان القهر يعذب المشاعر اللي سكنت قلبها من كم يوم..المشاعر اللي سكنت قلبها يوم حبت سيف..رمسة البنات اللي تسمعها عن جمال سيف وغيره..تعذبها..تقهرها من الخاطر.. البنيه:الا اقول فطامي..اخوج هاللي كان ايوول مساعه.. فطامي:هيه اخويه سيف.. البنيه الثانيه:مشااالله على يوالته..من حدر..محد من الشباب تم يول.. فطامي:هيه الشيخه ما يرومون على يوالته ..تحترق ويووهم.. البنيه:الا بسألج هو معرس..؟؟!!!! صخت فطامي ورويض تطالع البنات الوقحات باشمئزاز..وخلاف صدت صوب فطامي بنظرة فيها غرور وتكبر خلت فطامي تنجبر تجذب .. فطامي:لا هب معرس..بس خطب... البنات"بغباء":وينهي وينهي خطيبته..؟؟..حلوة ولا مب حلوة..؟؟ ما مداها فطامي تفج ثمها الا رويض رمست.. رويض:انا خطيبته.. صدن صوبها وهن فاجات عيونهن منصدماااااااااات..وكل وحده اتطالع في الثانيه..وفطامي حاطه يدها ع ثمها تكتم ضحكاتها.. رويض"اتكمل":وجان وحده منكن خاطرها فيه..امممممممرة فالها طيب..ترى للحينه ما استوى بيني وبين سيف شي رسمي..الا خطوبه..يعني لا زالت الفرصه موجوده.. انصدمن البنات زوووووووووووود و زوووووود.. البنيه:لالا..ما نقصد جيه.."وتطالع اللي عندها"..يلا يلا .. وسحبت اللي وياها واختفن عن نظر العيون.. فطامي:ههههههههههههههههههههههههههههههههه..هههههههاا اااااي..خخخخخخخخخخخخخخخخخخخخخخخخخخخخخخخخخخخخخخخخخخ .. رويض"بعصبيه":..والله سخافة هالبنات.. فطامي:انتي خطيبته وانصدمن..شو لو عرفن انج حرمته..بيموتن.. رويض:يموتن ولا ينقلعن ربي لا يوفقهن..فقدتهن قليلات الأدب..جيه يالسات يتخبرن عن الرياييل وحالاتهم الإجتماعية.. فطامي"بخبث":ههههههههههههه..والله ما يسوى عليج الا سيف>>لعااانه.. رويض:لا فديتج..كله ولا سيافي..ماريد حد يرمس عنه وعن جماله الا انا.. فطامي:والله حالتج غريبه عجيبه.. رويض"بصوت واطي":أدري..أخوج ملك فوداي في يوم.. فطامي:شووو..؟؟ رويض:.....ولا شي..مشينا.. سارن فطامي ورويض ويلسن على طاوله..فطامي يلست اتسولف ويا الشله اللي عندها..اما رويض..كانت تفكر باللي استوى... "معقوووله..على سبب سخيف سويت جيه في البنات..ما رمت ايود عمري..لأني بس احب سيف..واموت فيييه..سيف سيف سيف..متى اشوفك بس واقولك عن اللي في خاطريه..لالالالا..لساني اذا فجيته ما بروم ايوده وادخله داخل ثميه مرة ثانيه..اعرف عمري واعرف اطباعي..آآآخ..نسيت ما اقوله شكراً على الاهداء..نياهاهاهاهاا" يودت تيلفونها بتطرشله مسج بتشكره على أحلى إهداء وصلها..بس ما مداها الا اتشوف مسج واصلنها من عند سيف..أبتسمت وفجته بكل سرعه.. "شو اللي خلاج تنسين اتطرشين مسج او ترمسيني وتشكريني على أهدائي لج".. "سااحر هالريااال ..بسم الله"..قالت هالرمسه في خاطرها..وبغبااااااء ..أقرووا زين بغبااااااااااااااااااااااااء تمت تطالع بنظرات سريعه بين الحضور تدور سيف..اتقول يمكن ايكون موجود ويراقبها عن "كثب"..هع هع ..مسكييين حالج يا رويض..بالذات انتي اذا حبيتي..حبيتي بكل حالاتج..استوت تتخيل تواجد وياها في كل مكان..في قلبها..وفي عقلها..لحظه..ون مينت..في عقلها..عــــــــــــقــــــــــلـــــــهــــــــــ ــــــا..!! ..المكان اللي تفكر في "اللي شو بتسويه اللحينه"..تحس ان سيف موجود هناك..لأنه يعرف هي شو بتسوي اللحينه..!!!!!!!!!!!..طرشتله مسج.. "ما نسيت..شكراً على الاهداء" طرشت المسج..وهي تعض بضروسها شفاتها السفليه..تحس عمرها مرتبكه..يودت التيلفون وتمت تطالع الشاشه بأمل وصول مسج من عند سيف..بس ما وصلها شي..وبملل..حطت التيلفون جدامها ع الطاوله.. سلامه:شو فيج ..أحسج ملانه..؟؟ رويض"بابتسامه":لا الوضع عادي.. سلامه:اللحينه بيدخلون العروس.. رويض:زين والله.. فجت ثمها بترمس وبتسولف على سلامي..بس وصلها مسج جان تاخذ التيلفون وتقرى المسج اللي من سيف.. "كنتي تترييني اطرش مسج صح؟؟" رفعت واحد من حياتها وطالعت المسج وقرته مرتين..وتأكدت ان هالريال سااحر وبمعنى الكلمه سااااااااحر..ما عرفت شو تسوي..قررت اتسوي طاف..بس"قلبها ما طاوعها"..وطبيعي..طرشتله.. "لا ما كنت اترياك..وليش بترياك اصلاً" وخلت يداتها تحظن التيلفون..و وصلها مسج.. "المهم..أحبج" هنيه ماتت الحرمه..حشى حشى هيدي ع روحج..خخخخخخخخخخ..تمت تطالع المسج..كانت بتمسحه..بس غيرت رايها..وحطت التيلفون وتمت تطالع شيخه اللي كانت في بداية القاعه..شو بوصفلكم عن جمالها وحلاتها..كـانت تشابه رويض ليلة عرسها..حتى الشله اللي عند رويض احتشرن.. فطامي:سبحااااااااااااااااااااااااان الخاااااااالق.. سلامي:ويل حاليه..طالعن شقايل تشبه رويض ليلة عرسها.. رويض:..........اتشابهني صح..؟؟ قالت هالرمسه وهي حاسه أن شي يخنقها..شي تعلق بحبال صوتها..ياما تمنت رويض ان اللي تشابهها..تكون طيبه ومالها دخل بسوالف النذاله..يا ما تمنت ان بنت عموتها اللي نسخه منها في الهيئه تشاركها افراحها واحزانها..بس شيخه ظهرت العكس وما خاوت قوم خوالها موووول..في هاللحظه بالذات..يأ في بال رويض سالفة شيخه وسيف..تذكرت يوم سارت المطبخ وياا فطامي وشافت سيف وشيخه محتشرين واشوي كان سيف بيصفع شيخه بس هي اللي منعت هالشي من انه يصير..وتذكرت رمسة سيف بالحرف..حست ان قلبها ينعصر بقوو..حست ان الضيجه اضربتها مرة ثانيه..حست بالغيره تاكل قلبها أكل..يودت تيلفونها بكل قوه ودقت لسيف..تعرفون شو اللي في خاطرها..تسأل سيف هل هو يحب شيخه ولا خلاص نساها..هالفكره متى يتها وتذكرتها..بس يوم شافت شيخاني..بتعرس..ورايحه في حال سبيلها..!!! هالجنون..متى اييك..الجنون والغباء والتصرفات الغبيه ..الأشياء هاي متى تحس عمرك منجبر تسويها بدون حاسيه..يوم تشوف ان الحب سكن قلبك في يوم ولا يومين..الحب اللي شيد في قلبك أساس في دقايق..وبنى صروحه في اقل من ثواني..!!..شي غريب صح..؟؟متى اتييك حالاتك الهستيرية..؟؟!!..يوم تحب..وتعشق..وتوصل قمة العشق..هذا هو حال روضه..انا منصدمه من تصرفاتها..مع انها تحت اصابع يدي اكتب حروفها..لااااحظت..حالة العشق الجنونية..تصرفات غريبه عجيبه ما يسويها عاقل..بس مجنون الحب..شو نقوله.. تدراكت الموقف بسرعه وانهت اتصالها صاحب السؤال الغبي..عفواً الذكي..يعني الريال قالج من اول ما عرستوا انه يحبج ..اشعنه هاللف والدوران..[يا صغر عقل الحريم]>>>اقتباس من نمر بن عدوان.. واللحينه..رد لها عقلها..وردت التيلفون مكانه..وهي تطالعه بأمل انه ما يدق..انزين اذا دق..شو تقوله..بشو بتتعذر..؟؟أي عذر بتقوله وانتهينا..لا يا ماما..لا..هاذا سيف هب حيالله..مستحيل يقبل بأي عذر..هاذا السااااحر..هع .. دق التيلفون..وردت بعد موووت.. سيف"بعصبيه":ليش ما تردين..؟؟ رويض:ازعااج وما سمعت التيلفون.. سيف:................اوكي..ليش داقه..؟؟ رويض:........انزين انته ليش جيه ترمس..؟؟ سيف:لأني ما اتحمل أي حركة جفا منج.. رويض:ومتى صار هالكلام..؟؟ سيف:اللحينه..دقيت..وما رديتي..شو يسمونه هاذا..؟؟ رويض:أوكي ..سوري.......>>>يابتها حرف حرف.. سيف"سوى طاف للاعتذار":ما قلتي ليش دقيتي..؟؟ رويض:سيف...انا..كنت..كنت.. سيف:وبعد ما كنتي.. رويض"تقول في خاطرها اووف ما يشجع..خخ":كنت بدق ع تيلفون محمد اخويه وبالغلط دقيت لك .. سيف:اها..شي في الخاطر..؟؟ رويض:سيف..بلاك..؟؟اشعنه ترمس ويايه جيه..؟؟ سيف:...................رويض..باي.. بند التيلفون في ويهها..وهي تمت تطالع في التيلفون لمدة 5 ثواني..وردت وحطت التيلفون ع الطاوله بكل عصبيه.. × صوب شيخه × مثل ما ذكرنا في موضع سابق...إنها كانت نسخه مطابقه من رويض الطيوبه..كـانت تمشي بكل دلع..ودها توصل الكوشه وترتاح من هالتعب..بعد ما وصلت..ويلست..توافدت الوفود العربية كالعاده عليها؟.ومن بينهم حصه..اللي سلمت عليها من ورى الخاطر..كـانت..بتمووت من القهر..أن هالحيه بتاخذ حبيبها مديرها "هزاع"..منها..ما كانت متقبله هالفكره موول..فالأخير..هدت من نفسها..وردت ويلست مكانها..وحاولت انها تعدي هالأمور"التافهه"على خير..وانها ترد وتهتم في حياتها..وما توقف عند شيخه وهزاع..كانت تطالع رويض..وخاطرها تقوم من مكانها وتسير وترمسها وتقولها انها في دائرة خطر..بس..تهديدات ناصر ما خلتها في حالها..اتم تتذكر رمسة النذل وترتعش من الخوف..تحس ان بيدها حياة انسانه بتخترب..ولازم توقف هالخراب عند حده..بس ماباليد حييله..؟؟!!!!! خطف الوقت بسرعه..واعلنوا عن دخول المعرس..يلا..حاااانت اللحظه الحاسمه..وقفت شيخه من مكانها وهي متشققه "مب شايفه خير" من شافت هزاع في بداية القاعه ووياه أمه..بعد الخطوات البطيئة السربيعه..وصل..وهنيه..تم يطالعها وهم عاقد حياته..يالله..هالويه هو شايفنه في مكان من قبل..هالويه اهو متأكد مليوون بالميه انه شافه..بس وييين وين وين وين وين.؟؟ما تذكر وين شافها..المهم..انه استانس ان ذوق امه كشوخي..وان حرمته غااااااااويه..ومب أي غوى فيها..؟؟كان حده مستانس من هالملاك اللي عداله..مع ذلك..خيوط الشك لا زالت في مخيلته..؟؟!!! |
× × × " كم تمنيتج يتــــــــيمه وخافقي دار التبني ؟! تسكني داخل ضلوعي وتستغيثي من هواها " " كم تمنيتج ولايه واسكـنج من صغر سني ؟! واقصد بـ شعري دخيل العالم اللي في ذراها " " كم تمنيتج وليته ينفـــــــــــع اليوم التمني ؟! كان شفت اللي يرد الروح لـ انفــاسي لقاها " جدام بيت بوسيف.. السـاعه 12 ونص.. فجت الباب وظهرت وهي مستعيله..ودها تغمض عيونها وتناااااام..من بعد هاليوم الحافل بالأحداث..بس صوت سيف وقفها مكانها..زين سمعت صوته..لأن طول الوقت وهم يايين من بوظبي هي ساكته وهو ساكت..هع.. سيف:تعالي ابغيج في رمسه..؟ رويض:............................... تجدم سيف..وهي تبعته..ساروا صوب"الحديقه السريه"على قولت رويض..فج الباب بكل بطء..كـانت الأضواء جداً خفيفه ..تجدم ويلس على واحد من الكراسي..فالوقت الي هي كات واقفه ع الباب..وتم اتطالع فيه..لين ما حدرت ويلست ع الكرسي اللي جدامه..سبق وذكرت فالبارتات الأولى..انه هالحديقه دائرية الشكل..تطل عليها الدريشة العوده مالت قسم سيف.. [صون قلبي] يا عيوني وقلبي محتاجك تصونه.. يالغلا ما راح تخـــــــــسر إن تولعت بحنــــــانه.. سيف:شو العرس..؟؟ رويض:حلوو.. سيف:استاانستي..؟؟ رويض:هيه.. سيف:........................... رويض:......................... سيف:شي في خاطرج..؟؟ رويض:هيه..بس ما اروم اقوله...؟؟!! سيف:لا تخافين..انا وقلبي وياج.. من قال هالرمسه..صدت صوبه..وهو ابتسم لها.. والله انه قلـــــــب وافي والمشاعر به حنونـه.. بس ما حصّل مـن اللي بالوفاء يوفي وصـانه.. رويض:ما اروم ارمس وانته تطالعني.. سيف:لا..يعني شو اسوي بعيوني..؟؟ رويض:بندها ..سوى أي شي..كيف تبغيني ارمس..؟؟ سيف:لهالدرجه عيوني تأثر عليج..؟ رويض:.........لا..مب جيه قصدي.. سييف:عيل شو تقصدين..؟؟ رويض:.................. فصخ سيف سفرته وحطها على عيونه جنه الا عيونه تعوره..لووول..وتم جامد في مكانه.. سيف:هاه..جيه اوكي.. رويض:........هيه اوكي..بس..بس انا غيرت رايي.. سيف:لا تغيرين رايج..ودي اسمع اللي تقولينه مع انيه اعرف.. رويض:......شو..؟؟شو تعرف انته..؟؟ سيف"يفصخ السفره ويحطها عداله":أعرف انج وانج وانج... رويض:انزين..اني واني واني..شو..؟؟ سيف"بابتسامه تذبح":انج روضه..هههههههههههه.. رويض:قاعد تستهبل..؟؟ سيف:لا والله.. رويض:عيل.. سيف:بس قاعد استخف دمي..هاه..ما بتقولين ليه شي.. رويض"بعناد":لا..مابرمس.. سيف"يسند ظهره ببطء":ع راحتج..أهم شي راحتج.. فترة صمت..رويض تستعد أنفاسها..أما سيف..يحاول يستخدم ذكائه ويظهر الرمسه اللي مول هب طايعه من ثمها..من أي درب يوصل للي في خاطره..كيف بيخليها تظهره..كيف..؟؟؟ سيف:هاه..شو شيخه بنت عموتنا ؟>>عليك ذكاااااء.. صدت صوبه رويض..بعد ما انتشلها من بحر أفكارها..ومنو طرالها..شيخه..؟؟يا شينه من طاري..هع..يأ في بالها ..السؤال اللي ياها في العرس..وصارت غبيه.. رويض"باندفاع":بسألك..؟؟ سيف"يقول فـ خاطره..زين والله بدينا":كلي تحت أمرج.. رويض:شو سالفتك ويا شيخه..؟؟ شافت سيف جامد في مكانه..وما رد عليها..فـ حاولت انها توضح أكثر.. رويض:السالفه اللي............................. سيف:اللي حضرتيها انتي وفطامي.. رويض:صح..وين فطامي و عموتي..؟ تم سيف يطالعها..أكتشف ان رويض عفويه لدرجه ما تتوقعونها..ما عندها من المكر والخبث ولو ذرة بسيطه..أي شي في بالها..على طول ينطرى على لسانها..ما فيها صبر اتكمل سالفة مهمه..!! سيف:امايه وفطامي في رمـاح.. رويض:...شووو..؟؟ليش..؟؟واشعنه فطامي ما قالت لي..؟؟ سيف:أونه فطامي ما تبغي تيلس في سويحـان..اتقول انها ملت.. رويض:هالـ فطامي مبزاااايه.. سيف:ما عندنا الا فطامي وحده.. رويض:علني فداها..اشتقت لسوالفها وايد..هالفتره ابتعدت عنهن كلهن.. سيف:ما قلتيلي..شو السؤال اللي كـان في خاطرج..؟؟ رويض:..بس انا..سألتك.. سيف"يسوي عمره ناسي وعقبها تذكر":سألتيني..؟؟هيه..عن شيخه..أمري..شو تبغين تعرفين بالضبط.. رويض:....لا..انا مب طالبه شي محدد يعني.. سيف:المجال مفتوح..؟؟ رويض"بابتسامه":هيه..المجال مفتوح.. سيف:أنزين..وشو رايج اذا قلت لج ..انيه اعرف انتي شو تبغين تعرفين بالضبط.. لا ..ساحر يعني ساحر..بس رويض تمالكت اعصابها وسوت عمرها هب مهتمه..اووووني..؟؟!!! رويض:اذا تعرف اللي في خاطريه..قوله..خلني اسمعك.. سيف"يحط عينه بعينها":..هل للحينه احب شيخه ولا لا.. تمنت في هاللحظه..ان الأرض تنشق و تبلعها..ولا تكون في هالموقف..بين مواجهات سيف..ومناقشاته اللي تقول عنها روضه انها حاده..!!..أنها محرجه وما عنده هالريال ون تو..تمنت ان الجرأه ما يتها وسألته لا عن شيخه ولا عن طوايف أهل شيخه..تمنت..أنها ما استعيلت في هالنقطه..اللحينه بالله عليكم..شو ياب طاري شيخه..!!! سيف:ولا يهمج..امممرة اللي ودج اياه بيصير..سبق وقلت لج..انيه احبج..وطبعاً مستحيل احب شخصين في وقت واحد..رويض..أحبج..انتي ولا غيرج.. اعتراف للمرة المليون..ولكن..شاللي يفهم رويض..؟؟!! سيف:يأ دوري ولازم أسأل.. بلعت ريجها..خااافت..ماااااتت من الخوف..توقعت مليووون بالميه...بيسأل عن شي يخص قلبها هي..ذاتها..و..شعورها..وهي ما تبغي حد يقلّب في ذكرياتها الأولية ولا يلعب بجروح قلبها..ما تبغي اتواجه سيف ولا تعترف له بشي..بس لين متى..؟ سيف:شو الشي اللي خلاج تسأليني عن شيخه..؟؟ تنفست الصعداااء"تتحدوني في الألفاظ"..هع..سؤاله كان ذكي وهي ما تعرف.. رويض:........................................ طالعت في عيون سيف..ردت ونزلت عيونها مرة ثانيه..حست انها في حرب ولازم تكسبها..وسيف..يتريا اللحظه اللي بتعترف رويض عن اللي في قلبها..وكل رجاويه..ان الأمور ما تعاكسه..وتظهر رويض تحبه..شرات ما خطط..!! طيع شوري لا تــــكابر..خل فــي قلبــك ليونه.. زفني بإحساس صـادق خل لي في قلبك مكانه.. يلا..هاي هي اللحظه اللي تترياها رويض وتصرّح عن اللي في خاطرها..فيها شي اذا قالت لسيف انها تحبه..؟؟!!..غمضت عينها.. رويض:سيف..انا..انا.. سيف:......تحبيني..؟؟ رويض:...................... سيف:ردي عليه يالس ارمسج.. رويض"تفج عيونها":......اممممم..ما بقولك.. سيف:ليش..؟؟ رويض:بس جيه..كيفي.. سيف:حشى.. رويض:حشى في عينك.. سيف:أخيراً شليتي الحاجز اللي كـان امبينا..رديتي لرويض ام السوالف..؟؟ رويض:امبوني ما تغيرت.. سيف:هاذا هو أهم شي.. تعرف إن صرنا حبايب واجب(ن) حبّك أصونه.. وأنـــــــــت واجب منك تاخذ حبي بعين الأمـانه.. سيف:وأهم شي..انج تصونين قلبي..شرات ما انا اصون قلبج.. رويض:.......................... سيف:كنت اتريا االلحظه اللي بتحبيني شرات ما انا احبج..عذبتيني ..ومتأكد..هاللحظه بتكون جريب..وكنت اشوف التردد والارتباك في عيونج وين ما نسير ووين ما نروح.. رويض:............................... سيف"استغرب هاي اشعنه ما ترد عليه فـ قال يغير السالفه":انزين..شو تخطيطاتج لبــاجر..وين خاطرج اتسيرين..؟؟ ودي أجــمـ ع ــك بغرامـــي بس تتعرف بلونه.. هو غرام(ن) من صفاته يكره أصنوف الخيانة.. بدت السهره.. ورويض..كانت تعيش احلى لحظات عمرها..بتواجد سيف..وهاللحظه..وهالذكرى..وهالموقف..و هالمكان..لو الموت..ما تنساااااه.. × × عيني وقلبي وعقلـــــــــي يحبونك..ان بغيـــــــــت الصدق كلي ( أحبــك) عاشقك عاشق أوصافك ومجنونك..في الزعل والرضى قلبي على (قلبك) الرمــــ×ــاح.. السـاعه 10 ونص.. بيت بو خليفه..المطبـخ.. صدت موزاني صوب سلامي..وهي فاجه اعويناتها ع وسعهن..اما شموس وطت كوب العصير ع الطاوله.. موزاني:سلامي..انتي شو يالسه اتقولين..؟؟ سلامه:هزري سمعتيني عدل.. شموس:لا...مستحيل اللي تقولينه.. موزاني:اخويه وانا اعرفه..مستحيل يحب غيرج.. شموس:موزاني..امبونه ما حب غيرها..بس هاي نزوة..والحمدالله رد خليفه الأولي.. موزاني:بس انا هب مصدقه في خليفه..معقوله يستويله جيه.. سلامي:أقولج خلوف واايه فديت قلبه..مسحور..آآه يعلها تفدى ثريه وثرى خلوف..فقدتها مسودة الويه.. شموس:حشى قطعتي البنيه.. سلامي:لو اشوفها..صدقيني بقطعها إرباً إرباً.. الكل:هههههههههههههههههه.. موزاني:أهم شي انه رد خلوف الأولي.. سلامي:هيه فديتج ما يستغني عن سلامة غناة قلبه.. شموس:عاشت الواثقه.. أول ما قالت هالكلمتين..على طول دق تيلفونها.. سلامي:حمووووووود.. موزاني:حمووووووووود.. شموس:حمود حبيبي حمود حمود حبيبي.."وردت"..آلوو..لا فالمطبخ..اوكيك اللحينه يايه..لا بس شموس وسلامي..ههههههه..لا عاده حمد ما يستوي..خلاص خلاص خل سوالفك لـ بعدين اللحينه يايه..بييب العصير وبييك..باي.. سلامي:هااااااه شو قاعد يقول..؟؟ موزاني:هاذا ما عنده شغله الا يحش فينا.. شموس:اونه..يالس ايقولي تفلي على ويه سلامي وشردي..اما موزاني فلعيها بنعولج.. موزاني:لالا..شكله يبغي ايضااارب.. سلامي:سيري سيري صوبه عن يينا اللحينه..إعصار جونو.. موزاني حطت يدها على عصير شموس عسب تاخذه شموس قبل لا تظهر..بس حمد حدر عليهن وهو رافع وحده من حياته.. حمد:شمووس..يلا تعالي.. سلامي:بسم الله الرحمن الرحيم..هاه هب إعصار جونو.. موزاني:الشيخه هاه أبوه..اسمه تسونامي.. حمد:شو اسوي اذا مستواي ما يسمح ارمس هالأشكال..يلا شموس تعالي بقولج سالفه..وين العصير مالج..؟؟ ويطالع في يد موزاني..ويسير صوبها وياخذه من عندها.. حمد:اصلاً أنا ادري اذا شموس يلست عندكن..تنهبنها وتسرقن من عندها كل شي..عنلات صداااكن انتن ما تخيلن.. وسار يود يد شموس ويمشي وياها بشوي شوي..كله علشان صحتها..ويطالع فيهن بنظرات اتزيغ..ويصد صوب شموس ويطالعها بنظرات حالميه..هع..لين ما ظهر من المطبخ..فالوقت..اللي تمت سلامي اتطالع موزاني بنظرات استغراب.. موزاني"تضرب كف بكف":الله يهداااه.. فطامي:السللللللللااااااااااام عليكوووووووووم.. موزاني وسلامي..صدن صوب بعض باستغراب..هاييلا الثنتين بس عليهن يستغربن.. فطامي:ردوااااا السلااااااام..ولا هب عايبنكن سلامي بلوط وعلقم.. موزاني وسلامي :وعليكم السلام.. موزاني:انتي شو يابج اهنيه..؟؟ فطامي: شو يابني بعد..ييت بـ سكوتر الشيخه وانتي ييتي بـ شو..لا تقولين سيكل..؟؟ وتسير فطامي وتيلس على الكرسي واتم اتدق على الطاوله بقوووه.. سلامي:ايييييه..متى ييتي..؟؟ فطامي"اتدق ع الطاوله ومع كل دقه كلمه":ييت..ويا..أمايه.. موزاني:اتقولين لها متى ييتي..اتسير اتقولج يت ويا أمها.. فطامي:تيفي..تيفي.. سلامي:سمعي شو بقولها..انتي ومنو ييتي.. فطامي:البارحه .. ييت .. سلامي:رواضي يت..؟؟ فطامي:لا.. موزاني:ليش.. فطامي:مب فايجه اتطالع في اشكالكن.. موازني:لا..اييه انتي ما عندج ون تو..كااش فالويه.. فطامي:مب عايبتنج رمستيه دقي راسج فالطوفه.."وتدق الطاوله بقووووه".. سلامي:اييه انتي..بلاج مسوية حشره.. فطامي"مطيحه الميانه":اوووه..وين بشاكيركم ما يون يسمعون طلباتي..انا فطامي هب حيالله.. يلست فطامي مسوية حشره..لين ما تريقت وسدت يوعها وسارن صوب يدوتهن اللي كـانت ميلسه فالصاله.. × × × غديت مثل العود مشراه غالي //غلاه// لجله يحرق على النار تشوف //دخانهـ// يجيله ضلالي ويروح كنه لاتكون ولا صار أبوظبي.. قبل صلاة العصر.. بيت هزاع بن محمد.. قسم هزاع وشيخه.. وقف هزاع جدام شيخه بعد ما تعطر..كأنه يسوي استعراض.. هزاع"بابتسامه":هاه شو رايج في ريلج..؟ شيخه"بحيا":ملك جمال.. هزاع:ههههه..حلو هـ الاعتراف..تدرين شيخاني.. شيخه:شو..؟؟>>>>وعععع مالت عليها.. هزاع:كذا مرة مستويلي موقف ويا وحده فالسوق..تدرين انها تشاااابهج واااايد.. شيخه"بخوف":اتشاابهني..؟ هزاع:هيه..تشاااااابهج واايد ..كأنج انتي واقفه..حتى انا يوم شفتج..الصراحه تحريتج انتي.. شيخه:وبعدين..؟؟ هزاع:بس.. البنيه اللي فالسوق قليلة أدب..مظهره قصتها..ولا..توزع عليه ابتسامات..هع..حتى انيه شفت وحده فالشركه..فيها ملامح منج..بس كانت حاطه نظارات.. شيخه"ترقع السالفه":هيه..وااايدااات اللي يشابهني..عندك وحده من بنات خالي راشد..نسخه مني..ماشي فرق امبينا.. هزاع:المهم..بسير بصلي..تامرين بشي.. شيخه:سلامتك.. ظهر هزاع..من عند شيخه وباله مشغول..عيبه ذوق امه في شكل الحرمه اللي اختارتها له..بس..أخلاقها..كيف أخلاقها..هع هع..شو من نوعية أخلاق شيخه..؟؟هاذا هو الشي اللي يبغي يعرفه بأسرع وقت..لكن..كيف ومتى ما يعرف..بس اللي يعرفه..انه عنده احساس..ان شيخه..فيها شي.. من صوب..يلست شيخه ع الشبريه بضيييج..الا بتمووت من الضيج..تفكر في هزاع..وأسلوب هزاع.. "يالله..معقوله..ما يبغي ايسفرني شهر العسل عسبة الشركة مالته..ولا..بس بيقعد اسبوع وخلاف بيرد للشركه..آآآه ياكرهي لهالشركه..ليش جيه..ليش..؟؟" شافت الساعه..يأ في بالها اتصلي..بس غيرت رايها..وظهرت من حيرتها..تمشي في هالقصر..اللي كـان أفخم من بيتهم بمليون ألف مرة..ذكرها في بيت عموتها أم سيف.. بنخبركم اشوي عن عايلة هزاع..طولي بعماااركم..هزاع هو أكبر أخوانه..ابوهم متوفي من زمـاااااااااان..مشالله..أخواته واايد..ست بنات..كلهن معرسات..الا وحده تدرس فالجامعه اسمها هند..وعندهم ولد..معوق..يعني يالس ع الكرسي..تقريباً عمره 16 سنه..اسمه حامد..يعني المتواجدين فالبيت اللحينه..الأم..هزاع..هند..حامد..وشيخه اللي انضمت لهم أمس.. نزلت شيخه تحت..شافت حامد يالس على كرسيه ويطالع التلفزيون..وكـان هب معتدل في يلسته..حتى انه يبين على شكله انه حييل متضاييج..تجدمت صوبه..وهي تتذكر حالة أبوها..حست انها مشتااقه له حيييل..وما تعرف شو هالأشواق اللي يت في قلبها بدون سابق إنذار.. شيخه:هاه حامد متضايج في يلستك.. هزلها حامد راسه على اساس انه متضايج..مع ابتسامه خفيفه..وحطت يدها ع جتفه ورفعته اشوي وحطتله مخده صغيرونه ورى ظهره..وطالعت فيه بشفقه..اففااااا..شو هالرحمه اللي نازله على قلبج يا شويخ النسره..ولا في خاطرج اتقولين انج بتكسبين سكان هالبيت بطيبة القلب المزيفه.. وفجـــــأة.. وبدون سابق انذاااااااااار.. ارعبها صوت سمعته شل قلبها شل..صدت وراها اتطالع.. هند:اييييه انتي..شو ياااابج عند اخويه..؟؟؟؟>>>اتصاااااااارخ.. شيخه:.....................>>منصدمه قاعده اتطالعها باستغراب.."حشى..انا شو سويت لها اشعنه هاي تصارخ عليه جيه".. هند:ما تردين..ما تقولين شي..؟؟اشعنه لامه هالثم..مسويه عمرج مأدبه وحبوبه..مااااااااالت عليييييج.. خطفت هند ..ووقفت جدام ويه شيخه.. هند:هاي اول مرة اتسوينها واخر مرة..ان جربتي من اخويه قسم بالله لرويج نجوم الليل في عز النهار فااااهمه.. شيخه:......ايييه انتي..شعندج تصارخين فوق راسي...؟؟ هند:هاللي ناقص والله..اتردين عليه بعد..لمي ثمج يلا..يلا.. خطفت هند صوب أخوها..ويودت الكرسي ودزته..وهي تطالع في شيخه بنظرات كريهه..وشيخه..واقفه في مكانها باستغراب..اتطالع في هالإنسانه اللي اول مرة اتشوفها في حياتها..اللحينه هاي اخت هزااع..شو هالشراااانيه..تمت متصنمه وتطالع في الفراغ اللي جدامها..ما حست الا بصوت أم هزاع تزقرها.. أم هزاع:إييييييييه انتي..اشعنه واقفه جيه ما تقولين الا صنم..انقفضي..انقفضي ما اريد اشوف رقعة ويهج..يالسه اتصارخين على حامد هاه..؟؟..ما عليه يا بنت ناعمه ان ما أدبتج ما كون بنت الـ.........ـي..سيري سيري يلا..وانا دريت انج مأذيه هندوه ولا حامد..بييج شي ما يا الكافر..واللحينه..سيري قسمج..وما اشوف ويهج الا يوم اطرشلج البشكاره واتقولج ان الحرمات ين..يلا..يلاااا..توني دريت انيه مختاره الحرمه الغلط لولديه.. خطفت ام هزاع بعد ما فجرت قنبله ثانيه على راس العروس..خخخخ..وشيخه..للحينه واقفه مكانها..سحبت ريولها بخوف..من هالمستقبل اللي بتعيشه.. "حشى..حشى شو هالناس..توني أول يوم استلموني مهازب ومشاكل..شرانين من الخاطر..ما عليه منهن..براويهن العين الحمرا..يتحرني بسكت لهن يعني..اصلاً ان الغبيه اللي رضيت اسير ويا هزاع لبيتهم وما سرنا الفندق..والله ما عندي سالفه..اللحينه بيي وبقولهعن حركات أمه وأخته..لا ..شو اقوله..جيه بخسر هزاع من أولتها..اووووووف..شو هالمصيبه اللي طحت فيها.." سارت لـ قسمها..ويودت تيلفونها بدق على حصه..بتخبرها باللي استوالها..بس غيرت رايها..وشافت رقم ميثاني..قررت ادقلها..بس احتارت في أمرها..حطت التيلفون ع الطاوله..على اساس انها اتدقلها بعدين هب اللحينه.. × × × غريبه يامعاندني تجـــي وتقـــــول جاك مناك..تجي يــــــومين ثم تبعد وقصدك بس تذبـحني غريبه كل هالعــــــــالم تلـــــفه لف في يمناك..ولا لك بيت كل النـــاس غيري وأنت خابـرني تعوذ من إبليس وهاك دام القلب راضي هاك..عراق القلــــب وإسكن دجلته وإحتل شرايـيني أنا والله لولا الله وخوفه قلت لجــــــل رضاك..وحبك جيــــــت في الدنيــــا ومنك الله خالـقني أنا قارون برموشك وأنا فرعـــــــونها لولاك..أنا المذنب وأنا المؤمن بشــوقك وأنت تكفرني أنا يجتاحني رجفه لو أسمع بس وقع خـطاك..أجل وش عاد لو شفتك حشــــــا والله تموتني لو سلهمت حطيتـــــك بعيني وقلت لك أفـداك..أنا داخل بوجه اللــــــــه ووجـــهـك لاتضيعني أنا ويــن ماوجهت وجهي في الوجيه ألـقـاك..أحس إنك تبعثرني ولاأدري كيـــــــف تجمعني أجيلك شرق يسرقني جنوبك وأنسحب مناك..وأجيلك غــرب يسرقني غـروبك وأنت تشرقني أحس إنك معي دايم وأتوه بعالمك وأحيااااك..وأصحى أحيان وأتساءل لـك الله كـيف سخرني تفاخر لعن أبوغيرك لأن غيرك يموت هناك..وربي ينتظــــــــر كلمه وأصد وهو يكـــــــلمني ومدام الله عطالك شئ فاشكر وإغتنم ماجاك...ومدام تشوفني ساااكــــــن نصيحه لاتحركني إذا قررت تمنعني عنك وشفت القرار أعياك...ماأبيك تقول <وش تبغى> ترا والله تضايقني أنا أبغى أو ماأبغى"على بعضك"كذا أبغاااك...ولعيونك [[بخـــــربها]] وإذا مجنــــون قيدني أنا أبغى من يطري عليك إسمي يهز أقصاك...وأبيك إن شفتني مذنب بحبك توب وإغــفرني أبيه يصير فعيني منـامك والرموش اغطاك..وأبي يصـير في عينك منامي وأنت تسهــــرني أبي(حبـك) وأبي"قـربك" وأبي لبيه ياحياك..وأبي ضمك وأبي شـمك وأبيك لوتحب تجرحني أبيك إن نـادوا بإسمي تقوم تفز دون إدراك..أبيك تحس بي دايـــــم و لو أقصد أنت تسمعني أبيك وماأبي غيـرك وهذا كلامي وأتحـــداك..إذا في يوم بتقدر عــــن \هواك/ شلون تمنعني "عاد هالقصيده أحلى ما قرته عيوني" المووووهيم.. في أرجــاء مدينة العيــن..دار الزين.. سيارة سيف.. صوب منطقة فلي هزاع.. رويض:سيافي طلبتك وقف.. راسي افتر.. سيف:نياهاهاهاهاهاها..هاذا اللي ابغي اوصله.. رويض:افااااااا..خلاص انا زعلانه منك.. سيف:لالا..كله ولا هاذا.. رويض:خلاص لا ترمسني..ما ابغي اسمع صوتك.. وقف سيف السياره.. رويض:بلاك..؟؟ سيف:ليش ترمسيني..انتي زعلانه منيه..لا ترمسيني.. رويض:ههههههه..والله انك.. سيف:ياهل.. رويض:انا ما قلت لك شي..انته اعترفت.. دق تيلفون رويض..وابتسمت.. رويض:هاي فطامي.. يود سيف التيلفون من رويض.. سيف:نعم..؟؟خير شو تبغين..رويض اللحينه مشغوله يرجى معاودة الاتصال لاحقاً.. وبند التيلفون في ويهها.. رويض:هههههههه..حرام عليك بيحز في خاطرها.. سيف:هاي ما عليج منها.. رويض:سيف شو رايك اتنزلني بيت ربيعتيه..بسلم عليها.. سيف:وين بيتهم.. رويض:هي قالت لي انه في فلي هزاع.. سيف:منو هاي ربيعتج..؟؟؟ رويض:ميثاني..هي بالأصل ربيعة شيخه بنت عموتي..بس يتني وتعرفت عليه واستوينا ربايع.. سيف"بابتسامه":عيل يودي تيلفونج وتخبريها وين بيتهم..؟ يودت رويض التيلفون ودقت لميثا..وبعد ما عرفت وين البيت..ظهرت صوبها..وسيف سار يتحوط لين ما تخلص رويض.. رويض:السلاااااااام عليكم.. ميثاني:وعليكم السلام..يا مرحبا الساااااع..نور نور بيتنا.. رويض:منور بهله فديتج.. بعد السلام و السؤال عن الحال..يلسن ميثا ورويض يسولفن ويت أم ميثا اللي كانت حالتها الصحيه متدهورة.."فديتني يالسه اتفلسف"..وسلمت على رويض..بعد مرور نص ساعه..دقت رويض لسيف..وقالت لها اييها..وبجيه..انتهت رحلتنا..وسيف ورويض..ساورا الرمـاح.. ..×..الفصل الثـالث..×.. •!¦[• خيــانة قلب •]¦!• يمــــكن أكون أو لا أكون..صفـــحة قصايد فاضيه ويمكن ع ــــــلاقتنا تكون..ذكــــرى سعاده ماضيه بس المهم ان الـ ع ــيون..لــــــي رافقتني راضيه!! دخلت بي حب وجنــــون..وخرجت بضربه قاضيه على صوت ضحكـات سيف و رويض ..انفج الباب..وتوجهت عيون فطامي عليهم.. فطامي:هلا..هلا والله..جان ما ييتوا..هااييلا اللي قالوا فطامي سيري لبسي عبايتج ونحن بنترياج فالسياره.. رويض:هاه هاه..انا ما يخصني..اخوج اللي يسوق وهو اللي حرك السياره.. سيف:هاه هاه لا تعقين صوبنا..ومنو اللي يلس يترجاني ويزن على راسي الا نسير بليا فطامي.. فطامي:خلاص خلاص انتوا اصلاً طحتوا من عيني..يلا فاااااااارجوووني يلاااااااااااا.. رويض:قلتلج ما يخصني كله من اخوووج.. سيف:وانتي اصلاً ليش رازه بالفيس..قعدي ودرسي..اشوف كتابج عندج.. فطامي:هيه يالسه ادرس جيولوجيا..مليت..مليت يوم انيه عدت هالسنه وشرات الكتب..اووف..لازم تجديد.."وتصارخ"..اصلاً كله منك سييييفااااااني..انته ...انته اللي يبتلي الإشمئزاز يوم حطيتلي الجداول ولصقتهن في كل مكان.. رويض وسيف:هههههههههههههههههههه.. سيف:بسج بسج دراسه سيري رقدي الساعه ثنتين.. فطامي:وانته باجر بتسير الشركه.. سيف"يطالع رويض":مجبر.. فطامي:هع..توقعتكم بتسافرون.. صخ سيف ورويض بعد.. سيف:.....عسب الشركه ماروم اودرها.. فطامي:لا ؟؟و هاك اللي وياك اللي اسمه سهيل..شو حضرته ما يجابل هالشركه..اعععع أحس بلوعه من طريت اسمه على لسـاني..>>يابتها باشمئزاز.. سيف"بحزم":فطامي..؟؟ فطامي:خلاص زين زين..الا ما قلتوا لي وين سرتوا..؟؟ رويض:المبزرة والمول وخلاف سرنا مطعم وتعشينا ويينا.. فطامي:حتى ما فكروا ايبولي عشا..؟؟والله ناااااااااس..والله دنياااااااااااااا... سيف:هههههههه..نسيناج..مرة ثانيه ان شالله.. خطفوا سيف ورويض صوب قسمهم..وفطامي اتطالعهم بابتسامه..^^ |
| الساعة الآن 08:16 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir