منتدى استراحات زايد - ~*¤ô§ô¤*}أغليهـ يعنيـ أعشقهـ~*¤ô§ô¤*أعشقهـ يعنيـ أموتـ فيهـ{~*¤ô§ô¤*~

منتدى استراحات زايد (http://vb.ma7room.com/index.php)

- استراحة قصص وابداعات الاعضاء (http://vb.ma7room.com/forumdisplay.php?f=28)

وّوووووينـــــــِك ,, خيــــــٍووو‘

البـــــ{34}ـــارت...

مها: شكله مروان صك التلفزيون ورح يناام..

سمعت صوت البااب وهو ينفتح..

صكت اعيونهاا ورصت عليهم من الخوف

مها في خاطرها: مها مافي شي.. .. وصاارت تتنفس ابسرعه خوفها ..

تسمع صوت خفيف يقرب سوبها

مها صارت تتنفس ابسرعه في خاطرها: يااربي .. مافي شي..

تحس قريب منها وايد....

مها ماستحملت صارت اتصيح..

مَـلآكْ لكـِنَ منْ يَسَـآويكَ ،
آنْتهْ آلِذي سَآكنْ عَيُونيِ ،

أغْلِيكَ يآ آلمَحْبُوبَ أغْلِيكَ ،
غَصِبنْ عَلى نَـآسَ آعْذَلونِي . . *

4:17 الصبح

مروان بهدو: مهااا...

مها صارت اتصيح وحضنته: مرواان لاا تهدني.. دخيلك.. في حد فالبيت

مروان انصدم منها بس بعدها ابتسم وحضنها: مافي شي لا تخافين ..امنوه يعني غيرناا ..مافي حد ..صدقيني ..

مها:بس سمعت صووت فالبيت انا متاكده سمعت صوت وحد يكسر ....في حد اهني

ابتعد عنها عسب يروح ايب لها مااي

مها زخت ايده: وين سااير ..!!؟

مروان: بسير ايب مااي ..

مهاا: ما ابه .. تم معاايه

مروان: ان شاءالله بس دقاايق بيب لج مااي

مها: لا تتاخر..

مروان مبتسم: ان شاءالله ..

عدلت في يلستها وحضنت ريلهاا

مها: يااربي .. شكلي خرفت ...

صوب مروان

وهو يمشي متجه للمطبخ

مروان: انا شوو سويت... خبلت فيهاا ... ياربي اخااف تصير مينوونه وسبه انااا..هه ..لا بسم الله عليهاا الحين انا الغبي لو فكرت في خطه ثانيه احسن من هذي ..

اففف ..ان شاءالله اتعدي على خير ..

وصل للمطبخ وخذ الماي بارد

مروان: لا لا الماي البارد بيمرضهاا ..

رح وخذ ماي دافي ورجع للغرفه حصلها يالسه وحضنه ريلها وسرحانه..

يلس على السرير يدامها بس مها ما حست فيه بعدها سرحانه ..

مروان : بوووو

مها فزت من مكانه ويلست اتصاااارخ ..ماسكتت لين ما مروان زخها وحط ايده على فمها.. وحرجت ازياده يوم شافت مروان اشووي وبينفجر من الضحك عليهاا: لااا اضحك ليش زاخ ضحتك..عااادي..

مروان وقتها صدق انفجر: هههههههه مهـ هههه

مها: جنك ماصدقت.. الحين بدل ما تهدي فيه تي وتخوفني ..

موران:هههه والله اسف... ههههه بس شكلج يضحك يوم فزيتي..

مها: هه هه مايضحك..

مروان:احم.. خلااص مابضحك.. راح صوب الطوله وياب لها المااي ..

مها : ما ابه اشرب ..

مروان: شربي صووتج راح من الكثر الصريخ..

مها شافت المااي : مااابه دافي شكله ..

مروان: احسن لج من الباارد.. باجر بتصبحين وانتي مريضه..شربي الدافي احسن

مها توها بتاخذ من ايده

مروان:لا لا انا بشربج..

مها: لا مايحتاي ..انا بشرب روحي

مروان: no no no no

مها: yes yes yes yes

مروان: اممم اووكيه..خذي..

وعطها الماي ولف عسب يروح

مها:وين رايح..!!

مروان مبتسم في خاطره: اكيد بتقول نام معاايه .. ..قربت تنجح خطتي ..

مروان لف صوبها: احم..بروح غرفتي .. جيه تبين شي..!؟

مها: هاا...لا سلامتك..تصبح على خير ..

مروان : اكييييد....

مها في خاطرها: ياربي كيف .! .. لا مابطلب منه ..مسرع نسيتي يامها ..كلي لي طااف كان حلم.. ومروان متزوج.. و اول ما نرد الامارات بيطلقني....وبعدين انتي كـ

مروان يزاعج: مهااااااا ..

مها فزت: اففف ياربي .. يعني شوو بيصير لو ناديتني بدون اصريخ..!

مروان: صار لي ساعه ازقرج بس ماتردين قلت اصاارخ .. يمكن تسمعين ..

مها: نعم..!!!..

مها: خير ان شاءالله ..

مروان في خاطره: لا لا البنت فيها شي.. فجاء تغيرت .. نظراتها تغيرت ..ليكون صارت مينوونه ..!!

(( هههه .. انت وين ومها وين .. انت في شرق ومها في غرب .. اخخ انرد للقصه ))

مها: مرواااان..

مروان: هاا هلاا ..

مها: تصبح على خير ..

مروان: يعني طرده ..!!

مها: تقدر اتقول ..

مروان: اها .. انزين بس..جان سمعتي صوت ولا شفتي شي .. لا تين صووبي .. ما ابه احد يزعجني ..

مها تذكرت الاصووات وخاافت:هااا .. لا لا تخاف مابزعجك..

مروان: اووكيه .. تصبحين على خير

مها: وانت من اهله ..

مروان: تسمعين هل صوت..

مها بشك: اي صوت..

مروان: بسم الله عليج معقوله ما تسمعينه ..

مها :لااا مافي شي..

مروان: صوت قطوه .. جنه..

مها اشوي وبتموت: لا لا مافي ..

مروان: كيفج.. لا تصدقيني ..

وظهر من غرفتهاا

موران في خاطره :ههه..وحليلها قصيت عليها .. بكمل معاج اللعبه وبنشووف امنوه بيستسلم ..

ودي انقل لك شعوري واستريح ..

من وجع فالقلب تاعبني معاه ..

لو تجرب شوقي مره من صحيح ..

كان قلبك ضمني داخل حشاه ..

انرووح.. الحين .. اممم وين تبونه انروح عند امنووه..!؟

اشرايكم..انروح امريكا .!

يلااه الكل يلس مكانه ويربط احزاام الامان ..بعد اشووي بنطير ..

في امريكااا..

الساعه 7:47 الصبح

فالجامعه..

مايد يمشي ويدور : انت وينك..!؟؟

حمدان: تعال شفتك.. اخر طاوله على اليمين ..

صد مايد وشاافه يالس وراح صوبه

مايد: مرحباا

حمدان:مرحبتين..

ويلس مايد. وفتح كتابه عسب يراجع.. عنده امتحان اليوم

حمدان نش من مكانه

مايد: وين ساير .!

حمدان: بسير اطلب لك كوفي

مايد: لا مايحتاي .. من اشوي شاارب واحد.. تسلم

حمدان رد ويلس مكانه: شوو ذاكرت عدل !

مايد:هيه الحمدالله بس براجع اشووي

حمدان: اها .. الحمدالله ربي يسهل عليك ان شاءالله ..

مايد: امين.. وانت عـ قطع رمسته صوت فونه

مايد: هلا حامد..

حامد : اهلين..

مايد: اخباارك الحين ان شاءالله احسن عن البارحه ..!

حامد: هيه الحمدالله والله لو ماعندي امتحان جان خذت اجازه وغبت

مايد: كله منك البارحه الدكتور نصحك تنام فالمسشتفى بس انت الله يهداك عنيد..

حامد: تعرف الدكتور زفت مابيعيد الامتحان

مايد: لا بيعيده لو كنت راقد فالمستشفى

حامد:خلاص الحين انا احسن ..انت وينك.. ماحصلتك فالغرفه ..!

مايد: فالجامعه اناا ..

حامد: هه هذا كله عسب امتحان .. انت امذاكر عدل وجي خاايف ..عيل انا شوو اقول

مايد: هه قول ماشاءالله عن يطير كل الي ذاكرته

حامد: ما شاءالله ماشاءالله ..انزين حمدان معااك..!

مايد: هيه ..

حامد: متى وصلت

مايد: توني من اشووي..

حامد: خلاص عيل نص ساعه بالكثير وانا عندكم..

مايد: اووكيه تيك يور تايم.. نترياك نحن..

حامد: اووكيه .. سلام على حمدان..

مايد: يسلم عليك حامد

حمدان: ربي يسلمه ويسلمك..وينه .!

مايد: بعد نص سااعه بيوصل ..

حمدان: اها

حامد: اووكيه.. بصك عنك..هيه صح.. لبتوبك معاك ولا نسيته ..!! عسب ايبه معايه

مايد: هه لا هل مره معاايه ..مشكور

حامد: العفو.. اوكيه.. باي

مايد:باي..

حمدان: شوو ان شاءالله احسن من البارحه..!

مايد: يقول احسن....بس والله ضرابة البارحه

قلت واحد فينا بيروح..

حمدان: ههه طالع ويهك.. كيف صاير ..

مايد: ماشاءالله عليك انت الي مول ماصاابك شي

حمدان زيخ خده:اففف الحقير عطاني بكس زين ما ضرسي طاح..

مايد: بس بالاخير خذينا حقنا منهم..

حمدان: اهرووم..

مايد:هههه تعرف كسر خاطري الي ضربك على خدك ذليته ههه.. مابغيت اتهده

حمدان:ههه عيل يضربني وسكت . يستااهل لو ما سحبتوني عنه جان مات على ايدي..

مايد:ههه

(( البارحه حمدان وحامد ومايد.. ومعاهم شباب خليجين تضاربو مع شبااب مكس..)اممم مكس يعني في منهم من المانيه وفي منهم من اسبانيه وفي منهم من الهند.. يعين مكس(..

المهم تضاربو معاهم لانه هل شباب المكس تحرشوو ف بنت ((*****)) بتعرفونها بعد اشووي وهيه خليجيه .. وهذيله الشباب قليلين ادب مايستحون على اويهم.. ف تدخلو حمدان وحامد ومايد.. وبده الضرب والبكس.. وسب .. ودخلو معاهم شباب خليجين .. مافجوهم عن بعض الين ما وصل مدير الجامعه .. ودكاتره معااه .. ياالله قدرو يفجونهم عن بعض .. عاد حمدان ..كل ما يزخونه يفلت من ايدهم..ويرد ويضرب الولد.. عاد حمدان ومايد.. امعضلين اشووي.. هه فما رحمو وصاارو يضربون.. اما حامد..يوم كان يضرب واحد فيهم يه من وراه وضربه على راسه بغرشة زجااج.. ونفس الوقت الي كان يتضارب معاه كسر ايده.. عاد اهني الشبااب ماسكتو.. وصار الي يزخ مايد وحمدان يتركهم ويبده يتضاارب .. ..(( هل سالفه صاارت صدق.. بس السبب ثاني مايخصه فالبنات .. حتى اول سنه لنا ..فالجامعه صارت هل ضرابه ... وفصلونه كلنه تقريبا اسبوع .. بس كنا ناخذ الواجباات ونحل بس ما ندخل الاكلااس.. وعلى فكره ..نص شبااب الاكلاس .. انفصلون يمكن حول العشرين مع شبااب المكس.. يعني الصف كان فاضي..هه))

انرد للقصه

حمدان: انت متى امتحانك.

مايد: الساعه 9 .

حمدان: احلف انت بس..ويلس اهني ليش..!

تو النااس ياابابا

مايد: عادي.. بيلس اراجع..

حمدان:هه تعرف ..!

مايد: شوو

حمدان: انت عبيط صرااحه لو انا بدالك جان نمت وعلى الساعه 8 ونص نشيت ويت الجامعه..

مايد: الحين انا عبيط..!

حمدان: هيه عبيط..

مايد: باجر جان يبت درجه مب زينه هل نوم مابيفيدني ..

حمدان: لا ان شاءالله .... انت تيب درجه مب زينه مستحيل !.. هه زلمه ..

مايد: قوول ماشاءالله .. عن اتصيبني ابعين

حمدان:هه لا حبيبي اعيوني مب حااره..

مايد: بنشووف . جان يبت ف هل امتحان درجه انا مب متوقعهاا ياويلك ياحمدانووه ..

حمدان: هه الله يعين

مايد: توك اتقول اعيوني مب حااره

حمدان: صدق انزين .. بس اخااف لا سمح الله يعني اليوم اتصير حااره .. اتريه بجرب ..

مايد:هههه انت صااحي..

حمدان : اتريا انت بس..

وصاار يدور بعيوونه على شي..ماحصل يدامه غير كوب كوفي

حمدان: حصلت

مايد: وين ..!

حمدان: هل كووب.. امم شوف عسب اتصدق اعيوني مب حااره

مايد:هههه اوكيه يلاه

حمدان: بل اكبر من هل كووب ماشفت ..

مايد:هههه تستهبل

حمدان:هه شفت ما نكسر

مايد: بس هذا مب دافع قوي ابه شي قوي ..

حمدان: عن المصااخه .. هه تعرف وانا اشووف الكوب اقول يارب ماينكسر اخخ

مايد:ههه

مدآمـ أني بڪيت ولآ لقيت فـ هآلزمن إحسآس
بصير آحسـآس للدنيـآ يمڪن تخجل دمـوعي .. }

في جه ثانيه فالجامعه ..8:01

1: عيل وينه .. .....ليكون تعور

...2..: تستهبلين اكيد تعور ..

...1..: اخااف صاابه شي..

...2. مبتسمه: تحبينه هااا..

..1...مرتبكه: هاا اي حب الله يخليج.. بس الريال دافع عني لازم اخاف عليه وبعدين حامد شرات اخوي وبس..

...2..: علينااا

....1.: كيفج لا تصدقيني..

.....2..: انزين..هذا مايد صديقه روحي يلاه ابسرعه وسألي عنه

..1....: لا لا ما بي شوو قوول .. انسي السالفه

....2...:يالهبله ماتبين تشكرينه على الي صار البارحه ...! ومره وحده تطمنين عليه ..

....1...: ابه بس ..

......2..: خلاص عيل ... روحي سألي مايد عنه ..

.....1...:يمكن غايب

....2....: لا ما اظن..اليوم عندنا امتحان كيف يغيب ..وبعدين نسيتي الاستاذ شو قال البارحه قال الي يغيب صفر فالامتحان

...1...: انزين .. بروح..

ومشت لين وصلت صوبهم..

....1...: السلاامه عليكم

مايد رفع راسه وبتسم وحمدان بعد: وعليكم السلام

مايد: اشحالج اميره .!؟

اميره اطالع ويهم كيف صاايره من ضرابة البارحه: الحمدالله ابخير انتو اخباركم.!؟

مايد: الحمدالله...

حمدان: استريحي..!

اميره: لا مشكوور ما يحتااي مابطول اناا

حمدان: على راحتج..

اميره: مشكوورين ماقصرتو الي سويتوه البارحه معايه اخوي ما اظن يسوي هل شي ..السموحه منكم كل الي صار معاكم ابسبتي طاعو كيف صرتو وسبه انا

مايد: ولو انتي اختنا ..ههه واذا على الضرب عاادي اصلن من زمان ماتضااربنا والبارحه ظهرنا كل حرتنا فيهم

حمدان: وبعدين هذا وجبنا .. عاادي اختيه مسموحه

اميره: مشكورين والله ....السموحه مره ثانيه

مايد وحمدان: العفو... مسموحه افا عليج

سكتو..

اميره: عيل وين حامد..بغيت اتـ قطع رستها

حامد من ورها بس ما عرفها ملتهي مع ايده الي لفوها بجبس

حامد امنزل راسه بصوت ثقيل : سلااااام شبااب..

مايد وحمدان واميره: وعليكم السلاام

حامد يوم سمع صوتها رفع رسه عسب يتاكد..

اميره ابتسمت : اشحالك حامد..؟

مايد وره اميره وايشر لحامد انه يرمس بهدومن غير مايعصب (( لانه اذ تكلم مع بنت يتكلم وهو امعصب ومحرج اشووي وبيذبحها)

(( هذا الصدق حامد مب تزعل .. تعرفون انه بنات الاكلاس مايجربون صوبه يخافون منه اخخ.. بس الحين غير هو..لسبب واحد.. ان شاءالله بتعرفون بعدين ..))

حمدان مندمج يطالع الموقف ويضحك على مايد..

حامد انتبه على مايد: احم.. ابخير الحمدالله ..و..وانتي ...اخبارج.؟!

اميره مبتسمه عينها في عينه :الحمدالله.. انا تمام

حامد: على دوم مب اليوم..

اميره شافت ايده وانتبهت على راسه الي لافينه بشااش ابيض وختفت ابتسمه فجاء: .....

حامد لاحظ هل شي وشافها اطالع ايده: مافيه شي عادي.. كله اسبوع وبيشلونه

اميره: اسفه والله اسفه كل هذا ابسبتي

حامد: لا عادي... وبعدين نحن تدخلنا بمزاجنا مب عسب حد

مايد يسااسر حمدان: هااا طالع خربهاا الحين بدل مايقول عسبج.. انتي شرات اختناا يقول ابمزااجناا..

حمدان:ههه.. اسكت خلنا انطالع

اميره ويها احترق : اها.. على العمووم مشكور .. والسموحه منك اخوي..

رجعت لوره على اسااس هم يدمها ومجابلتهم:

بتوفيق فالامتحان ربي يسهل عليكم استاذن انا مع السلاامه

راحت قبل لا تسمع مع السلاامه ...

الشبااب : مع السلاامه

اول ما حدرت الحماام يلست اتصيح..

بعدخمس دقاايق

اميره تمسح دموعها و في خاطرها: انا ليش اصيح .. خلاص سويت الي عليه وتشكرت منه وتسامحة ليش اصيح..!؟.. وبعدين حامد مع كل البنات جي مب شي ايديد.. يااربي ..معقوله احبه..!؟

صوب الشبااب..

حمدان: وحليلهاا والله حرام عليك..

مايد: حسيتها حبسه ادموعها يدامنا عن اطيح..

حامد عينه على الحمام البناات الي حدرت له اميره :............

حمدان: حااااامد..

حامد بهدو: نعم..

حمدان: مب حرام عليك..

حامد: ارحموني ما اقدر ..ما اقدر .. كل ما اشووف بنت اشووف فيها خيانة امي ووالخايسه (( قصده حبيبته... ما قل اسمه لنا ولا مره ))..

مايد: حامد.. مب كل البناات شرات امك وحبيبتك..

حامد:أأه ادري.. ادري

حمدان: انزين روح اتسامح منها

حامد لف صوب حمدان منصدم: نعم.. ليش..؟!

حمدان: كل هذا وليش.. ويها احترق ..وحليلها يايه تتشكرنا وتتسامح منا على الي صار فينا وانت اتقولها ( يقلده))ابمزاجناا ..

مايد: رووح يلااه ظهرت من الحمام....

حامد: ما ابه...طااف ماعليكم..وفج كتاابه يرااجع ..

مايد: حـ

حامد: ماايد ..دخيلك..

سكت مايد..ورد يراجع

شاف ساعته : يلاه عن اذنكم.. عندي اكلاس الحين..

حامد ومايد: اوكيه.. اذنك معاك..

حمدان: وين احصلكم بعدين ..!

مايد: جيه متى بتخلص.. !

حمدان:عندي اكلاسين ورى بعض.. تقريبا عشره بخلص

مايد: خلاص عيل اترياانا فالحديقه ونحن يوم بنخلص امتحان بني صوبك..

حمدان: متى اتخلصون .. !

مايد: 10 ونص..

حمدان: اووكيه.. باااي

مايد: بااي

صد صووبه

مايد: اونك اترااجع ..!

حامد:......

مايد: حامد..

حامد انتبه عليه: هااا هلاا

مايد: وين رحت..!

حامد: مارحت مكان اهني يالس اراجع ..

مايد: تستهبل ..طول الوقت ساكت .. شوفيك..

حامد تناهد... وبعد فتره: ما ابه اخسرهاا ..

مايد: جيه انت فزت فيها عسب تخسرها

حامد رفع راسه وطالعه : تستهبل

مايد: والله صدق ارمس..

حامد:..........

مايد: هذي اول مره ترمس معاها وبالاخير خليتها اتصيح..

صوب حمدان..

حمدان يزاعج: اميرره.. اميرره..

صدت اميره اطالع امنوه يناديهاا

اشر لها حمدان عسب توقف ..

وقفت تتريه

ويوم وصل

حمدان: اسف..

اميره استغربت: على شوو..!

حمدان: اتاسف بنيابة حامد..

اميره: لا عادي حصل خير ..توها بتصد وتكمل دربها بس

حمدان: حصل خير وانتي صايحه..

اميره انصدمة في خاطره : ليكون امبين عليه

حمدان: ادري اربيعي دفش مع البناات خاصة بس ..عنده سبب

اميره: و شو هل سبب

حمدان: اول شي انتي عندج اكلااس..الحين.!

اميره: لا ..

حمدان: اوكيه عيل ..تعاي بنيلس فالحديقه وبخبرج شو هل سبب ..

اميره: بس انا عمري كله ما يلست مع شبااب .. كيف تباني ايلس معاك..

حمدان: اختيه اميره.. اذا حامد يهمج بخبرج.. يعني عادي لو ماتبين ..

اميره:اممم.. انزين ما ابه انطول ..

حمدان :اووكيه...بخبرج ونحن نمشي للحديقه ..

اميره: اسمعك..

حمدان: بس ترى محد يعرف عنه بس انا ومايد نعرف

اميره: لا تخااف انا مب من النوع الي يفضح

حمدان: ماقصدي جي.. بس اتمنى حامد نفسه مايعرف اخاف لو حرف يتضاايج..

اميره: ان شاءالله ..

حمدان: حامد يوم كان اصغير ........الخ..

اعرفكم على اميره

اميره: بنت عمرها 20 سنه ..من البحرين..ابوها بحريني وامها من اصل لبناني ..

ما شاءالله عليها حلوه.. بيضه وعيونها اكباار عسليات بس على الفااتح.. ويها يااي بطول وضعيف

خشمها شرات الصقر ..شعرها لونه بني فاتح .. اطويله بس مب وايد.. تدرس مع مايد وحامد طب بس تخصصها طبيبة اطفال ...

انرد للقصه..

خليت قلبي عند بابك وروّحت
بآرجع أكمل دنيتي|| بس ~
بع’ــقلي
............بع’ــقلي
.......................بع’ــقلي

فالمزرعه ...

الساعه 11:44 الصبح..

نوره: ااووكيه ناازله شووفيك..

سلطان: ابسرعه يتريوونج..

نووره: اووكيه جااو..وصكت عنه

سحت شعرهاا ورفعته ..

نوره: اممم اي وقايه البس..!؟

حدرت هند عليها

هند امحرجه: نووره يلااه .. الكل محتشر تحت ..

نوره: انزين شووفيكم.. تعرفين اني من نص سااعه متسبح و من اشوي نشفت شعري ولين ما اخترت ثياابي

هند اتكمل عنها: ولين ماسحيتي شعرج كل ها سااعه ونص ..

نوره تخصرت :شوو اسوي يعني ..

هند: لا تسوين شي بس خلصيناا .. الكل يترااج تحت..

نووره: اووكيه .. امم هنووده اي وقاايه البس..؟!

هند: امم.. لبسي الاخضر حلو عليج..

نووره: امم..الاخضر ولا التركوازي..

هند: كيفج..بس يلااه خلصيناا ..

نووره: اووكيه بلبس الاخضره ..

نوره كانت لبسه امخور امشجر فيه اخضر وتركوازي وفيه ذهبي .. على صندل احباله لونها اخضر..ماحطت شي على ويهاا لانها حلفت ماتحط اجحال ولا غيره على ويها لين ما تكمل اماني شهرين ..على وفاتها....

لبست شيلتها الخضره..

وصاارت تتعطر وتحط دهن عود..

هند: يااربي .. كيف باارده هل انساانه..

نوره:ههه خلاص خلصت ..

هند: يلااه يداامي..

نوره: اووكيه..

فتحت البااب توها بتظهر بس

نووره:اوويه.. اتري..

هند: شوو بعد..

نوره: نسيت فوني.. باخذه معاايه..

هند: يلااه ابسرعه..

نوره : اوكيه..

يابت فونها

وحطته في مخبها ..وظهرو من الغرفه ..

وصلو صوب الدري

نوره: يااربي .. نسيت شي..

هند حرجت: لااا حول ..

نوره:ههه شووفيج امزح معااج... شووفيج امحرجه من دخلتي عليه وانتي امحرجه.. شي صااير؟!

هند: مااشي... بس انا الخبله عـ

سلطان كان صاعد عسب يشووف نوره وينها الكل محتشر تحت ..

شافها هي وهند نازلين

سلطان: انتي وينج سنه لين ماتنزلين ..!

نوره: هه سووري ..

سلطان شااف هند..ابتسم ورد نزل...مره ثانيه..

نوره اطالعة هند شافتها محمره : شو سالفه ..!؟

هند: ها .. بعدين ..بعدين بخبرج.. يلاه نزلي يدامي..

اليده اطالع الدري الي نوره وهند ينزلون منه : مووزه..

موزه: هلا يدوه..

اليده اتحاول اتركز: هذي نووره وهند..!!؟

موزه: هيه يدوه..

اليده: ما اشووفهم عدل ..

موزه: يمكن عندج ظعف نظر للبعيد..

اليده: شو هذا بعد..

موزه: ماتشووفين البعيد عدل ..

اليده: هيه ما شووف...

حدر سلطان الصاااله

سلطان: واخيرا نزلت ..

راح ويلس مكانه..

راشد: شو تسوي فوق كل هل وقت ..

سلطان: من ساعه امخلصه سبوح ماتعرف بنتك.. لين ماتخلص سنه..

راشد: ليش واقفه على دري هي وهند...

صوب هند ونوره

نوره: ما يخصني مابنزل لين ماتقولين..

هند: دخيلج نزولي شووفي كيف يطالعون..

نوره تخصرت : قوولي بنزل ...

هند: والله بقوول بس.. نزلي .. يوم بنيلس بخبرج...

نوره: اكيييد..!

هند: هيه اكيد..

نوره ابتسمة : اووكيه ..

ونزلت ونزلت ورها هند.. حدرت الصاله

نوره وهند مبتسمين: السلاام عيلكم

الباجي: وعليكم السلاام..

محمد: هندووه.. انا قتلج سيري زقريها مب يلسي معاها

هند:بـ قطعت رمستها نوره

نوره: عمي.. انا اخريتها ... السموحه منكم..

الباجي: مسموحه..

هند ساارت ويلست صووب البناات ونوره ساارت بتيلس عندها عسب تعرف السالفه بس..

اليده: نوووره..

نوره: اعيونها .. هلا يدوه..

اليده: تعاااي .. تعااي يلسي عندي...

نوره اطالع هند..

هند اتساسرها : شووفيج روحي..

نووره: من غير ما تقولين بروح بس تعااي معاايه عسب السالفه..

هند دزتها: بعدين سيري يلااه ..

ساارت نووره ويلست صووب يدتها

محمد: الكل موجود...!!!

سعيد: حااارب وينه ...!

نوره: انقهرت اونها زعلانه : عيل حشرتوني وكل اشووي نزلي ونزلي ..

وانتي متاخره .. حتى هو متاخر ..مب بس اناا ليش محتشرين عليه بس ..

راشد: عبالنه موجود.. انا شفته ..يالس وين ساار ..

شيماء: ولدي.. حارب وين...!!

حارب : هني ..عندي..

حدر حارب الصاله وهو زاخ حارب الصغير: سرت اتمشه معاه مليت من اليلسه ..

راشد:ههه غيرتو جو يعني ..

حارب:هه تقدر اتقول ..

وقف محمد: وقت الجوايز الحين ...

حارب يلس مكانه وبايده حارب الصغير..يلعبه

محمد : محد خسران حتى ..( اطالع فطوم) الي فالمركز الرابع فاايز..

فطوم : احم.. صفقولي ..يوم بظهر

سااره:هه على شوو ترى مركز رابع مب اول والله ..

فطوم: لا تصفقين انتي .. انتوو بناات صفقولي سمعتو....

محمد: المركز الرابع .. فاطمه.. هديتج تطلبين شي واحد بس

من اي شخص وقصبا عنه بينفذه ..

فطوم ابتسمه شريريه على ويهاا نشت من مكانها وحبت عمها : مشكوور ..احلى هديه ..بس مايصير كمن طلب ..

محمد: لاا .. بس شي واحد..

فطوم:اووكيه.....(( علت صوتها ) سمعتوو.. اي طلب ..ومن اي وااحد.. حتى انتي يدوه..لا تقولين ما ارووم..

اليده: انزين انزين..

فطوم: بطلب منج تربعين اخخخ

البااجي:ههههه

اليده : شوو..!! ما سمعت عيدي رمستج..!

فطوم: ههه ماشي سلاامتج.. لا تخاافين ما بطلب منج.. شي..نامي وانتي مرتاحه .. دونت وري والله ..

اليده: تحسبت بعد

البااجي:ههههه

محمد: هه الله يقطع ابليسج يافاطمه.. عاد ماحصلتي غير اميه..

فطوم: هه اتقشمر معهاا عمي.. ماعليكم اتشووفونها اتزاعج عليه وتسبني بس هذا يداامكم بس .. ولا يوم تيلس عدنا ف دبي .. مووول عسل انا وهي (تغمز ليدتها ) صح يدووه..هه

اليده: عن الخرط الزاايد.. تقص عليكم.. لا عسل ولا دبس.. هي لو تبطل عن حركتها بنصير عسل انا وهي بس هي ماتبه..

فطوم: اشتغل الشريط.. الحين بتقول عن كل خراابيطي.. سوت جي وجي

اليده: هيه بقول عيل تبيني اسكت ..

فطوم: يدوه قلبي انتي .. بس الحين سكتي .. حراام اتخربين عليهم.

اليده: لااا مابسكت..

فطوم: ترى بخليج تربعين .. لا تتحدين..

البااجي:ههههه..

محمد عله صوته : لانه حارب وسلطان اتعادلو.. في هل حاله ماشي مركز ثالث.. والمركز الثاني سلطان وحارب .. كل واحد فيهم بياخذ نفس المبلغ..

نش سلطان وحارب معاه وبيده حارب الصغير

سلطان: مشكوور عمي وتخاشمو

حارب : مشكوور خالي.. وتخاشمو

فطوم: عادي عمي انا باخذ المركز الثالث .. جان محد يبااه

البااجي:هههه

سلطان: اقوول احمدي ربج عطوج ويه..بعد تبين المركز الثالث..

فطوم سوت طااف لخالها: شوو قلت عمي..؟

محمد: اختاري شي واحد.. تبين المركز الثالث .. ولا تطلبين شي من اي شخص موجود..!

فطوم: اممم.. مني ..ولا طلب ..! اممم .. خلااص بتم في مكاني احسن..

محمد: خلااص عيل ..

محمد: وطبعا المركز الاول نوره وفوق المبلغ لها الخيل الي ركبته .. لانها هي الوحيده الي قدرت اتسيطر على هل خيل

نوره مبتسمه: مشكوور عمي..ونشت من مكانها وبااسته على خده

راشد: عسب نوره فازة فالمركز الاول .. اليوم العشاء.. عليه .. بوفيه فالحديقه ..

نوره: مشكور باابا .. ونشت وحبته على راسه ..وخده..

فطوم نشت من مكاانها وتخصرت : وانا مب بنتك... ليكون انا لقيطه وانا مااادري ..

اليده حرجت وزخت عصااتها ودها تضرب فطوم: هاتوها لي عسب اصلخها ف هل خيزرانه.. ..شوو هل رمسه بعد..

راشد يكمل : وعسب فطوم ياابت المركز الراابع في اول سباق لهاا ....

فطوم: يعني لازم اقول لقيطه عسب تعطوني ساالفه ..

البااجي:هههه

راشد مبتسم: اسف حقج عليه ... مابعيدها جي ..

فطوم راحت وحضنته : خلااص بابا سامحتك..

شيماء: فطوم عن قلت الادب

فطوم: شووفيج ماما .. الوحد مايتغشمر معااكم..

اليده: وهذي غشمره ..

فطوم: الحين بابا ماقال شي .. انتو ليش محترقين..

البااجي:هههه..

اشووي ولا يسمعون صوت هرناات ..برع..

اليده: امنووه ياي لناا ...!

بو سعيد: هذا اكيد.. ابو عبدالله ..عزمنااهم..

(( امم اكيد نسيتوو امنوه بو عبدالله ..زوجته اخت شيماء.. ..عندهم عبود وريم تووم وحصه العوده..))

نشوو الشبااب ..عسب يرحبون فيهم..

ظهرو خااري..

راشد وهو ينزل من الدري: مرحبــااا مرحبااا .. حي الله من ياانه..

ابو عبالله : مرحبتين .. الله يحيك.. وتخااشموو..

محمد:هلاا والله بالغاالي ... عاااش من شاافك يابوعبدالله .. وينك ماتنشااف ..

ابو عبدالله اتخااشمو: هلا فيك.... عاشت اياامك.. شو نسوي من سفره لسفره ما ارتااح حتى الاعياال ما اشووفهم ..من كثر الشغل

ابو سعيد اتخااشمو: وشحاالك. بعد...

ابوعبدالله: يسرك حالي يالغالي .. ومن صوبك..؟

ابو سعيد: عله دوم..حالي من حاالك... يابو عبدالله العمر يخلص وشغل مايخلص.. جيه ما تحط واحد بدالك يساافر ..

ابو عبدالله: كل السفرات لازم فالعقد توقيعي ..مايصير ماحضر ..

انروح صووب الحريم...

ام سعيد: حي الله من لافاانا ..توه ما نور البيت ..

ام عبدالله: امنور بوجودكم يالغاليه.. وشحالكم بعد..

ام سعيد: يسرج حالنا ومن صوبج..

ام عبدالله: عله مديم.. ياربي .. حالي من حالكم

شيماء:اشحالكن بناات

حصه وريم: تماام خالتي ..

ريم: خالتي وين البناات ..ما اشووفهن .!

شيماء:مادريبهن ..فجاء اختفو.. بتحصلينهم فوق اكيد..

ريم: اووكيه....ونشت من مكانها ..نشي حصووه..

حصه: وين..

ريم: بنصعد لهن..

حصه: اووكيه..

ريم وحصه: نخليكم نحن..

ام حمد: خذو راحتكم فديتكم..

صعدن فووق البناات ..

ريم: اممم تتوقعين اي غرفه ..

حصه: امم مادري ..اتري اخااف مب هل طاابق ..اتري اشووي

حصه: وين سايره

ريم: بسال خالتي .. البنات في اي طاابق غرفهن..

حصه : اها اووكيه ابسرعه ..

نزلت ريم ابسرعه وراحت لصاله : خالتي .. البنات في اي طاابق ..!!

شيماء: الطابق الثاالث اخر واحد..

ريم: اها اووكيه .. ثاانكس حبي ..

شيماء ابتسمت: العفو...

رفعت عبااتهاا وصاارت تربع على الدري.

ريم تتنفس ابصعوبه: الـــ... الطابق ..ماقدرت اتكمل واشرت ابدها الثاالث..

حصه:ههه.. ارتااحي.. خذي نفس عميق..

ريم خذت نفس: يلاه نصعد..

حصه: اووكيه..

وصلو لطاابق الثاالث..

ريم: امم في اي غرفه همم تتوقعين..

حصه: امم مادري يمكن في هذي..( واشرت على وحده من الغرف ..))

ريم: امم.. اشرايج نبده من اول غرفه ..

حصه: اووكيه..

وحدرو اول غرفه.. كانت باارده . وليتاات امسكره ..

ريم: بنااااااات..

حصه: محد.. تعااي نظهر

ريم: اووكيه..

وحدرو الثاانيه ونفس الشي..

وصلو لثاالثه ..

فتحت البااب حصه.. وحدرو داخل

ريم: هل غرفه اظلم من بااجي الغرف .. وين اليت فتحي اليت اخااف

حصه: يمكن فالغرفه الي بعدها . تعااي نظهر ..

توهن بيردن عسب يظهرون .. بس البااب انصك من برع ..

رحت ريم تفتحه بس .. مايفتح..

ريم: اميه.. حصوه .. البااب ماينفتح..

حصه:ايه لا تخوفيني .. مافي شي.. وراحت عسب تفتحه..بس مانفتح..

ريم حضنت حصه من خصرها: حصووه.. في جني اهني..

حصه: ايه .. عن الحركاات .. اسكتي عني روحي خاايفه..

فجااء سمعو صووت : اوووووووووووو.....

ريم: امييييييييييييييه.. بموووووووت .. يلست اتزااعج..

حصه اتحااول تفتح البااب..: ريمووه صخي اشووي..

فجاء ظهروالبنااتوربعو صوبهم وحضنوهم وهم يقولون:اووووووو

حصه: ههه خوفتووناا

البنااات:ههههه

نوره: ههه احلى شي ريووم.. هه

فطوم: خوووفه

ريم بعدها منصدمه .. وحاطه ايدها على قلبهاا

ساروه: وحليلج ياريم..

فجاء انفتح البااب وكانت موزه ومعاها شهد.. هم الي صكو البااب

مروزه: مرحباااا.

شهد:ههه خوفنااكم صح..

ريم:خوفتونا وبس.. زين قلبي ما وقف ..لو عبوودي يدري جان ضربكم كلكم..

نووره: الي يسمعج يقول ريلج .. مب توومج..

فطوم: ذليتينا بعبوودج هذا ..

ريم: كيييييفي .. مايخصكم... بس ابه اعرف فكرت امنووه هاااي..

فطو شاقه الحلج: فكرتي ..

ريم ربعت صوبها وصارت تضربها على خفيف: ياخاايسه قلبي زين ما وقف .. ( لفت صووب البناات) وانتوعلى طول تسمعون رمستهاا وتنفذوون..

البناات:ههههه

عواش: بااركي لنوري يابت المركز الاول اليوم

ريم: مبرووووك.. بس في شوو..!

نوره: ف سباق الخيل ..

فالميلس..فيه صالتين .. اكباار ...صاله فيها الشيااب وكانو يرمسون عن الشغل

وصاله الثانيه فيها الشبااب ..

سعيد: حي الله عبوووود..

عبود: الله يحيك

سلطان: يبت معاك اثيااب..

عبوود: هيه ..

حارب : عيل نشوو خلونا نسبح فالمسبح..

حمد: وعلى العصر بنتساابق فالدرجاات ..

الشبااب : اووكيه..

حارب: عبوود.. هات اغراضك.. وتعال معانه انا وسلطان فالغرفه ..

ثاني: نشوو يلااه .. كل واحد يروح يبدل ..

سعيد: يلااه ..

نشو الشبااب وظهرو من الميلس.. الي رااح غرفته والي راح للمطبخ ..هذا سعيد.....

بعد.. نص ساعه تيمعو يدام غرفة المسبح ..

حدرو الشبااب..

راح سعيد صوب التكيف

حمد:بتشغله ..!!

سعيد: هيه ..

ثاني: جان مرضنه ابسبتك..

سعيد: ما راح تمرضون بس انت صك باب المسبح عسب يتم المكان باارد..

اول واحد نط فالمسبح حارب ووبعده حمد وثاني

سلطان : يلااه نط..

عبوود: لا انت اوول..

سعيد من وراهم: اشرايكم انتو الاثنين مع بعض.. ودفعهم هم الاثنين وطااحو فالمسبح ..ونط سعيد وراهم..

حمد: خبرت الخدامات ..!

سعيد يسبح: هيه .. اشووي وبيوصلن ..

حارب : يلااه ...1...2..3..go

حارب وسلطان وعبود.. نزلو للقاع وتربعو..

واول واحد يظهر هو الخسران ..

عبود يسوي حركات ابيده لا تحاولون بفوز..

حارب سوى حركه يقصد فيها بنشووف ..

اما سلطان هاااااادي ويطالعهم بس..

حدرو خدامتين وحده ف ايدها سله فيها فواله

وثانيه ف ايدها صينيه عوده فيها عصير وصحون للفواله ..

نيرسي: بابا ..ماما سيماء قول مافي اكل كتير عسان يتغده كويس..

سعيد: اووكيه..

حمد: انتو الي تحت ظهرو بسكم عن اتموتون..

ثاني: كل واحد اعند عن الثاني ..

حمد:ههه شكلهم مابيظهرون اليوم..

تحت..

حارب ياشر يلاه ظهرو

عبود يحرك ايده انت رووح..

حارب ياشر انا!..

عبود يحكر راسه يمعنى هيه

حارب يحرك ايده : لا لا انتو ظهرو..

فووق..

سعيد:مافي غير حل واحد..

حمد: شوو..

سعيد: تعاالو ..

اجتمعو هم الثلااث على ينب..

وبعد دقاايق ..

ثني:اووكيه..

سعيد: يوم اقول ...3..ننزل

حمد: اووكيه..

سعيد:...1..2..3..go...

نزلو هم الثلاثه تحت وكل واحد منهم زخ واحد وظهروهم برع ..بس حارب وسلطان وعبود هب طايعين يرافسون

يوم ظهرو

حارب: ليش.. ظهرتوناا ...!

عبود: يالسين نلعب..

سلطان: كنت بفوز عليهم ..

حارب :يواثق انا الي كنت بفوز عليكم..

عبود: هههه ضحكيتني .. لاا حبيبي انا الي كنت بفوز..

حارب:.احـ

سعيد يزاعج: بببببببس.. حش.. شوفيكم.. لو تميتو جان متو ..

ثاني: احمدوربكم .. ظهرناكم..

سلطان: مشكورين .. بس انـ

حمد: نحن الغلطانين يوم ظهرنااكم..

سعيد: صدقك.. يلااه انزلو مره ثانيه عسب اتموتون..

حارب وعبود:هههه

سلطان : عطشان ..

سعيد: من اشووي. نيرسي..يابت عصير سير اشرب ..

سلطان: عصير شوو..

سعيد: ماادري ..

ظهر سلطان من الحوض وسار صوب الطوله الي حاطين عليها الاكل والعصير ..ويلس

صوب البنات ..

كانو فالمطبخ ..كلهم متيمعين حول الطاوله ويطالعون ساروه

ساره : شو تبون انحط ..!

نوره: اممم .. فروله .

هند: لااا لا توت ..

ساروه: تبون مكس..

البنات: يكون احسن..

موزه: خلطيه عدل ..

ساروه: ايدي عورتني..

موزه: هاتي عنج..

ساروه: بعد مانخلص انحطه فالفريزر ..وبعد ساعه نقدر ناكله ..

شهد: عوااش وين الجلكسي..!

عواش: فوق فالغرفه

شهد: هنوود سيري هاتي الجلكسي..عواش وين حاطه الجيس..!!

عواش: بتحصلينه فالثلجه الي فالغرفه جيس امم اشوي عود فيه حلوياات وايد ..هاتي الجيس..

هند:اووكيه...

ظهرت هند من المطبخ

حصه: شو تبين فالجلكسي..!

شهد: بنذوبه .. ويوم بيجهز الايسكريم بنحطه فوقه ..

عواش: يااامي..

صوب هند..

توها بتصعد بس وصلها مسج من خليفه ..

فتحت المسج..وهيه تصعد الدري..

يا حبيبي ليش فى ۆصلي»ιlبخـﻳل |,
--------\ڪـم تعذبّڼـي ۆلا لـي مۼـفـرﮪ
إرحمالي عاش فى»ιl حبّـڪ علـﻳل ..,
--------\قبل ما يخڛرڪ ۆاڼـﺗـﮪ تخڛـرﮪ !

وصلت للغرفه وحدرت ويلست على السرير

هند:اممم.. شوو اكتب...

هند:اممم .. هيه .. لقيتها ..

آمِرْ وتِلقَانِي عَلى طُولْ مَوجود . . . !*
أعطِيكْ مِن [ روحي ] و أقصرّعَليِها

مَا أقبل لكْ النِقصَانْ وأبغالكْ { الزود . . ~
أشرّ \ عَلىعِيني كَانكْ تَبيـها

هَذا تَرى وِرثِي من [ يدّي العُود ]
نَاسْ كِرامْوتكرمْ اللي يِجيها . . . !*

هند سارت صوب الثلجه الصغيره وفتحتها حصلت خمسه رد بول وخمسه اورنامين سي

وغير الايس كرريم والحلويااات .. شافت الجيس..شلت الجيس.. وخذت ردبول وظهرت من الغرفه ..

فتحته صارت تمشي وتشرب ..

نزلت لتحت وراحت المطبخ..

شهد شهقت :عن حد من الحريم شاافج..!

هند مستغربه: لااا ليش..

عواش: شربيه ابسرعه والله لو شاافوج.. بيسولج محاظره اطويله عريضه..

شهد: انا وعواش نشرب من غيرمايعرفون ..لو عرفو بيجتلونا

هند:وين تبين اخلصه ابسرعه ..ما ارووم. بارد واايد...

شهد: تصرفي خلصيه .. ابسرعه عن حـ

حدرت ام سعيد ووقتها هند كانت تشرب ومعطتنها ظهرها ..

ام سعيد: هاا بنات خلصتو

هند بس سمعت صوتها شرقت وصاارت اتكح..

نوره فيه ضحكه : احم. صحه صح...

هند اتكح..: كح كح كح.. احم...

ام سعيد: بسم الله عليج شوفيج...

لفت هند عليه وخلت الرد بول ورها ..

هند: ما شي.. عمووه..احم..كح كح كح كح.

ام سعيد: نووره دحيها من وره ..

نوره اشوي وبتنفجر من الضحك: هه.. احم.. ان شاءالله عمووه..

شهد شلت الرد بول من ايد هند من غير ام سعيد ما تشوفه ..

حصه : بسم الله عليج .. زخي شربي مااي..

ام سعيد:عين ماصلت على النبي ..

ساروه : خلاص اميه .. هيه ابخير الحين ..

ام سعيد: قلت اي اشوفكم شو تسون فالمطبخ..

ريم: سوينا الايس كريم ..

ام سعيد: سويتو واايد.. عسب الشباب يكلون بعد...

ساروه: هيه اميه سوينه واايد..

ام سعيد: زين سويتو.. بعد نص ساعه بيحطون الغده هب تتاخرن ..

البنات : ان شاءالله .. اول ما ظهرت ام سعيد..

هند: تووبه ما بشرب مره ثانيه .. كح كح كح ..

البناات:ههههههه

صوب الشباب ..توهم ظاهرين من المسبح ..

حدرو من الباب الرايسي..قصدي باب الصاله ..

سعيد: لو يبنا ثيبنا جان تسبحنا فالحمامات الي اهناك احسن ..

ثاني :صدقك.. اففف برد...

سعيد: شبااب اووصصص.. والله لو يدوه تشوفنا بتهزبنا اهزااب..

مشى السعيد ووراه الشباب

شاف الصاله الي على اليمين كانت فاضيه مافيها حد..

شاف الصاله الي على اليسار كان اليده يالسه مع ام عبدالله وشيماء و ام حمد بس ف اخر الصاله يعني ما يطالعونهم ..

سعيد سوى حركه ف ايده معنها يلااه ..

مشو لين وصلو لدري .. توهم بيصعدون .. بس

ام سعيد شهقت: سعووود...!!

سعيد: الله يعين ... هلا اميه..

ام سعيد: جيه ما لبستو فالمسبح ..

سعيد: نسينا ثيابنا .. وبعدين بنسبح مره ثانيه ..

ام سعيد: بتمرضون جيه .. الله يهديكم بس .. لو يدتك تعرف بتهزبكم..

حارب: اميه يدوه ما بتعرف الا اذا خبرتيها

ام سعيد: لا ما بخبرها يلااه ..صعدو ابسرعه يدااامي اشووف.. يااهل جنكم.. في حد ينسى ثياابه .. خوفي بس تمرضون..

سعيد يرفع خصل شعره عن ويها : ياربي .. انزين لا تزاعجين.. بتسمع ..

ام سعيد: انزين .. يلاه ابسرعه خلصو .. بعد نص ساعه بنحط الغده ..

الشباب : ان شاءالله ..حدرت الصاله

وصعدو فوق..

ظهرت فطوم من المطبخ وهيه تربع وبيدها جلكسي عود..

يت صوب الشباب عسب تصعد فوق عسب البنات مايزخونها

صعدت بس انتبهت عليهم وصدت اطالعهم

فطوم:هههه اشكالكم تحفه ..طاعو ويوهكم كيف صايره .محمرين.. ..

حمد: هه هه .. مايضحك..

سعيد: جيه تربيعن ..!!

فطوم: خذت منهم الجلكسي..عندهم ثلاثه اكباار غير هذا ما طاعو يعطوني جان اخذه وشرد..

شهد اتزاعج : فطوووووم .. فطووم..

فطوم: لااا تين.. شي شبااب ..ههههههه

شهد مب لبسه وقايه .. واقفه فالممر عسب مايطالعونها : يالخايسه .. هاتي الجلكسي..

فطوم: ما ابه ..

حمد: عطيهاا

فطوم: ما ابه ..

توها بتصعد

ثاني بنذله : بتاكلينه كله .. هاتي بناكله معاج..

سلطان: صدقه ثااني ..

فطوم: الحين انا ما خذتنه عسب انتو تاكلون..!!

سعيد: هيه عيل شوو .. وسحبه من ايدها .. وفتحه

وقطع منه وكله وبعده عطه لحمد ونفس الشي الين ما وصل لحارب وخذه

وحطاها

حارب: مشكووره .. ها زخي..

فطوم: اااااايه ..خلصتووه عليه ..

حارب: لا تجذبين بقى اربع حبات

فطوم: تطنز.. سخيف واحد..

سلطان: احمدي ربج .. وجان مب عايبنج بنكلهم عاادي.

فطوم: لا لا خلاص..

سعيد: مره ثانيه جان خذتي منهم شي..اعزمينه شرات اليوم...

فطوم بحقد: انا متى عزمتكم اصلن .. سخيفين .. وصعدت فوق..

الشباب:ههه

صعدو عسب ياخذون شور سريع ..

بعد نص سااعه ..

الشيااب بعدهم فالميس..

وطباخ وباجي الخدمات يحطون الصفره ..

صوب الحريم..

يالسات فالصاله ..

والخدامات يحطن الصفره ..

صوب البنات يالسات فالصاله الي فوق..

اما الشباب.. الي تسبح وتلبس ونزل وراح الميلس والي توه امخلص اسبوح..

والي يتلبس....

ثاني وحمد وسلطان نزلو وراحو الميلس..

اما سعيد يتلبس ..

وعبو توه امخلص اسبوح ..

حارب خلص بس يالس فالغرفه يتريه عبود..

اخـتبرتك في غـلاي..وما نجحت..!
شفت قلبـك ...؟
كيف من عينيسقط !
كنت اظن انك تحبنـي :
مهما رحـت
اثرك انـت.. "تحـبها نفسك " فقـط!

صوب البنات ..

ساروه: وين نوره...!!

هند: نزلت تحت ..حاروب الصغير يلس ايصيح ونزلته تحت لخالتي شيماء

ساره:اها..

قسم الشباب.

توه ظاهر من الغرفه

حارب:هلاا ..

حمده: اشحالك..

حارب: الحمدالله

يلس فالصاله الي في قسم الشباب الي تكون يدام الغرف ...

حمده: عله مديم.. ياربي ..

حارب: وانتي اشحالج..؟

حمده: انا ابخير دامك ابخير ... يعني اذا ما تصلت ما تتصل ماتسال

حارب: انا ما اعرف ضروفج عسب جي ما اتصل ..

حمده: انزين طرش مسج..

حارب: ان شاءالله .. المره اليايه.

حمده: انت وين ..فالبيت ..!

حارب:لا والله .. فالمزرعه

حمده: اها...حارب

حارب: اعيونه..احم.. قصدي..امري

حمده فرحت : ابه اشوفك..

حارب: اتشوفيني ..!؟!؟

حمده: هيه ..

تـفهـّم شوي..بـس شوي..وآفـهمني

مـن كـثر حـَبك صـآر آلـهوى مـتأثر شـــوي.~!

آييـه سـآكن بــْوظبي }مـا قـلنآ لـآ {

بـس يـآخـي وش فـيهآ لـو نلتقــي بدبــي ؟!ّ