|
[SIZE="3"]Part 22 #! ام سعود: سيف هد مب زين تسوي بعمرك جذا.. بو سعود: على اخر عمري بنتي تسوي جذيه؟! و اعزهم ع قلبي.. حدروا الكل و استغربوا انه ابوهم واعي.. بو سعود بصراخ هز البيت: فواااااااااغي.. فواغي تجمدت من الصرخه.. تقرب أبوها منه و سحبه من شعرها و قطها ع الارض و بصراخ: انتي بعدج ترمسين عادل؟! الكل شهق.. فواغي ارتبكت: ها لا منو قال؟! بو سعود بصراخ؛ لا تجذبين *انا جيكت ع فونج و جفت مكالماتج كلها.. فواغي باصرار: هيه ارمسه و بر مسه لين اموت* قاطعها كف* جمدت ف مكانها من قوته بو سعود بعصبيه اول مره يجوفونه جذي: هذي اخر تربيتي كل العالم تخلى عنه *و نزل راسنا بالقاع و انتي ترمسينه ليش انا قصرت عليج ف شي..!! فواغي و هي تقاوم لانها حاسه بدوخه فضييعه من بعد الكف: انزين مب حرام عليك هو يحاول يصحح غلطته اذا ربنا يسامح منو منو م منو انته عسب ما تسامحه؟! بو سعود و هو راص ع ضروسه: انتي تدرين أني انطردت من شغلي الاولي و السبه هو.. فواغي بصياح و ترجي: حرام عليك سامحه و الله اذا سامحته هو بيرتاح انا برتاح أتت و الكل بترتاحون.. بو سعود خلاص وصل حده: فواغي انتي عن قريب بتصيرين ع ذمة ريال و أتوقع ولد عمج ما بيرضى بتفكيرج.. فواغي خلاااااااااااص انهاارت: ما بيه ما بتزوجه ما بي اتزوجه.. بو سعود شدها من شعرها: انا عمري و حياتي ما مديت ييدي ع عيالي و عطيتهم كل اللي يبونه و كنت واثق من تربيتهم بس شكله من الدلع الزايد نسيتوا سمعتكم.. مريوم يالسه تبجي.. و راشد منزل راسه.. اما سعود تقرب من ابووه: أبوي الله يهديك مب زين تسوي بعمرك جذيه.. بو سعود بصرااخ: ما تسمعها شو تقول بعد ما وافقت عليه تقول ما تبيه اختك ما يي من وراها غير البلاوي ف الصميييم يت هالكلمه لفواغي و اختل توازنها و ما قدرت تيود روحها بس ما زالت تقاوم.. سعود ما عرف شو يقول لابوه و لا بشو يرد عليه!! ظهرت اليده ع صراخهم: بسم الله الرحمن الرحيم يلتكم شو مستوي .. *و عقب جافت منظر فواغي.. سيف انت شو مسوي بالبنيه؟! بو سعود: هذي مب بنتي اللي انا ربيتها بنتي أخلاقها اعلى بواايد من جذيه.. فواغي انهارت: لا حرام هئ هئ أبوي لا تقول جذي ا انا م. و ما قدرت تكمل لان اغمى عليها.. ام سعود: فواغي بنتي سيف دخيلك ودها المستشفى.. بو سعود: ما يحتاي سعود تعال شلها وو دها فوق.. سعود شل فواغي و سار فوق و خطها ع شبريتها و فتح ثلاجتها و خذ شوي ماي و قام يرش عليها.. فواغي فتحت عينها بشويش و جافت سعود فرت عمرها بحضنه و يلست تبجي: هئهئهئهئ سعود: بس يالغلا لا تبجين جذي تراج تقطعين قلبي.. فواغي: ليش ليش كل شي يصير فيني سعود. دخيلك انا ما بغي منصور دخيلك سعود.. سعود انصدم: كيف بعد هاي نا تبينه؟! فواغي هذا مب لعب يهال.. فواغي بصراخ: ما بيه ليش ما تفهمون انا ما بييه.. و لا الباب ينفتح بقوه بو سعود: و الله ثم و الله ثم و الله اذا ما خذتي ولد عمج لا انتي بنتي و لا انا اعرفج.. فواغي: هئ حرام عليك.. أبوها ظهر و لا سوى لها سالفه.. فواغي: حرام سعود قول له أني ممدري قول له أني كنت ف غفله.. سعود يتحسب انها دايخه و مب عارفه شو تقول ف حضنها و يلس يقرا عليها لين ما هدت و رقدت و خذها ع الشفرين و ظهر.. _______________________________ عند موزه بعد ما وصلها سعود بيتهم حدرت البيت و جافت حمدان و ما عطته سالفه و بغت ترقع الدري و تسير فوق.. حمدان: افاا بنانا تجوفيني و لا تسلمين علي.. موزه منصدمه و تقربت من حمدان.. حمدان: تعالي شو فيج؟! موزه تقربت منه و يلست تبجي.. حمدان: يعني مب عايبنج خلاص انا بسير.. موزه بسرعه مسحت دموعها: لا لا خلاص لا تسير و حطت راسها ع ريله.. و يلس حمدا يلعب بشعرها.. موزه: اشتقت لك واايد اشتقت لحنيتك و طيبتك و كل شي.. حمدان: و انا اشتقت لج واايد لهبالج و كل شي بس صدقيني غصبن علي.. موزه: شو اللي بيغصبك تسوي كل هذا حتى ف البيت..؟! حمدان: الظروف.. موزه: لهدرجه!! حمدان: فوق ما تتصورين.. _______________________________ عند شجون و مايد راحوا لغرفهم و كل واحد حط راسه شجون نامت* مايد بخاطره: انا ليش اوهق عمري وياها قح انا طوول عمري احبها و اتمنى اجتمع وياها تحت سقف وااحد بس مب تحت هالظروف معقووله يا مريم كنت اجوفج نظره ثانيه كنتي غير عن كل البنات ف نظري ليش ليش؟! .. و نزلت دموعه.. _______________________________ و اللي نام الليله و هو مرتاح و اللي مضايج و اللي مهموم و اللي و اللي هذي هي الحياه تريوني مع بارت ثاني و لا تبخلون علي بردودكم تراها مهمه عندي لأني اعتبرها حافز لي.~[/SIZE] |
نااااايس بااااارت |
اقتباس:
|
حلووو البارت نتظر شو يصير ل فواغي ومايد |
اقتباس:
تسلمين يالغاليه ع المرور نورتي فديتج |
| الساعة الآن 12:32 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir