منتدى استراحات زايد - قال الوداع ومقصده يجرح القلب ~..

روضه كانت يالسه وتحس بالملل تمت تتعبث فالاي باد مالها وعقب ساعتين دش خالها عليها ويلس حذالها
خالها حمود:غريبه مارقدتي
روضه:ماياني رقااد
خالها حمود:انزين ليش ماظهرتي
روضه:لا خالي مابي اظهر قلت ابا ارقد عسبت باجر ارد دبي
خالها حمود:جي تبغين اتروحين صبح
روضه:يب يب
خالها:انزين ليش بتروحين تمي وانتي بعد ماتيلسين ويانا كله يافوق يابرع
روضه:مره اليايه خالي
خالها :عيل برايج الله يحفظج
روضه طالعته وابتسمتله
خالها فخاطره"ويهج كلها برائه بس عيونج احسها ان فيها واايد اشيااا ياترا منو هاللي مزعلنج ليش جي عيونج احس ان دمعه عالقه فعينج ربي يحفظج من كل شر ويخليج لنا .."
وظهر برع
روضه:ها خالي بلاه جي تم يطالعني المهم
وكملت لعبها عقب تمت يالسه تفكر وهي تحس بالملل جان تتصل فموواز
مواز:هلا رواض
روضه:اهلينات اخبارج
مواز:بخير ربي يسلمج وانتي وينج ليش غايبه حظرتج
روضه:تمام فديتج امممم ماقلتلج اني مريضه
مواز:سلامتج نسيت والله
روضه:الموهميشن ورا باجر بي الاسكول
مواز:يعني الخميس
روضه:يب يبي
مواز:بعدج ع يبيبي ههههه
روضه:هع واخبار حمني فديته واخبارهم كلهم
مواز:اوف شو اقولج ها حمني لعوزني اليوم ظربته والاهل بخير
روضه:اويييييه حرام ها ياهل
مواز:والله مستوي موول وايد يقهر اتخيلي يالسه واي يلس ع ظهري ويمط شعري شو يتحراني حمار حظرته
روضه:هههههه انزين عادي خذها ريلاكس ها ياهل
موااز:اي ياهل ياهل هي
روضه:ههههه ماعلينا منه
مواز:هههه اممم رواض بخبرج شي بس بليز لاتزعلين اوك
روضه:من عيوني وليش ازعل غلايه قولي قولي
مواز:"خبرتها سالفت اموون اللي خبرتهم عنها"
روضه:هاااا مواز عقب برمسج باي
مواز:روضه ويت بس نحن واثقين منج
روضه:هاي بنت الذين ع كيفها
مواز:خلاص رواضي هدي انتي ومثل ماقلتتلج نحن واثقين فيج
روضه:اوجيج خلاص باي
مواز:ابند وانا مطمنه
روضه:هي باي
مواز:اوك باي الله يحفظج
روضه:ويحفظج
وسيدا بندت "رضه اتخبلت هني تمت تصيح "
كانت جنه حد يالس يدفن راسها فالمخده وجي حالتها مستعصيه "الله يعينها هاي لو كانت سالفه صج شو بتسوي هه"
"هههههههههههه احم توني اقرا تعليقات هي حسيتو الكل يقهر بس احاول اخففهم ههه"
امممم الموهيم بااااااك حق القصه
.....
شلت راسها من المخده
روضه:اكرهج اكرهج اكرهج
وجي يعني خلونا انروح صوب قوم امها برع
خالها حمود:لا روضه مب راقده بس شكلها رقدت لان قالت بترقد
يدتها:مادري بلاها هالبنت موول مب عايبني وظعها احس ان فيها شي بنتي "اترمس ام روضه" انتي بنتج تحب احس ان جي تحب
ام روضه:ههههههههه مادري امايه بسالها ههه
ميثو:هي خالو يمكن روضه اتحب اكيد اتحب سيرو طاعوها عادي عيال هالزمن يقصون عليها
ام روضه:بسم الله على بنتيه اذا بتحب خلها اتحب بس الحب له حدوود وليش يقص عليها يباها خلا يخطبها وبنتي ماتخش عني شي "للاسف يا ام روضه بنتج خشت عنج شي وعادي تفقدينها وتدمر بسبت هالحب "
خالها حمود:لا حب ولا ماحب انا واثقمن بنت اختي ماعندها هالسوالف يمكن تفكر فشي فالاسكول اوشي جي بس لاتيبون طاري الحب وهي بعدها صغيره
ام ميثا:هي صح كلامه خلاص غيرو السالفه
راشد:اممم انا بروح اشوفها
ام روضه:هي روح فديت روحك طمنها علي هايلا خوفوني عليها
راشد:ان شالله خالو
راح راشد فالغرفه اطالع روضه يلس حذالها
راشد:رواضي "ورفع قصتها عن عينها "حبيبي بلاج شو ها
رواض "مارامت تتحمل وطاحت فحظن راشد وتمت اتصيح "
راشد:روااضي
روضه:....
راشد:روضه انا اخووج بلااج خبريني شفيج ليش تصيحين يوم كنتي برع استوا بج شي شي صار خبريني رواض
روضه:ماااااصار ششي
راشد:عيل شفيج حياتي
روضه:"اتصيح اكثر عن قبل "
راشد:تبيني اوديج برع شو رايج انسير البحر
روضه:مابا اروح مكان
راشد:عيل خبريني بلاج
روضه قامت عن حظنه وقالت:مافي شي ويوم في بخبرك لاتحاتي اوك
راشد :فديت روحج انا ورد حظنها بالقو ورقدها ع فراش ولحفها عدل وباسها ع راسها
"احم اكيد بتشكوون فسالفه ان راشد يحب روضه صح هه بخبركم شي ولا اقول خلوني اوهقكم عقب كل شي بتعرفوون ههههه نذااله ههههه"
وروضه ماحست بعمرها الاوهي راقده عقب راشد ظهر من عندها وتم يفكر بحالها راح تحت وسيده يلس مارمس حد وتم يفكر فيها عقب 10 دقايق من هو يالس ومارمس حد
ام روضه:راشد طمني ع روضه رقدت
راشد:هي خالو
ام روضه:اها
راشد:اوك عيل انا بظهر تامروني بشي
يدتها:وين ياوليدي طالع الساعه كم
راشد:لا يدو بروح البحر اللي ورا بيتنا مابروح مكان
يدتها : اشعنه البحر فيك شي مهمووم مظايج من شي
راشد: لا يدو بس ابا اروح فمان الله
الكل:فمان الله
وظهر برع
"ياخي ماروم اتحمل بنزل البارت هيهيهيهي هههههه سخافه هاي ظحكتي شريريه هههه اممم يلا بنزله وبرد اكمل عاد هالله هالله فردوود واذا ع تخيلات اتخيلوو ترا مرات انا بعد يوم مانزل يكون مخي مقفل وماعرف شو اكتب ههه يلا عاد انتو اكتبو توقعات عسبت اخذ شوي منكم هه"
امممممممممم
توقعاااتكم ..
راشد هل بيشكي لحد عن روضه ؟؟
شو بينه وبين روضه؟؟
ميثا "عن عن ابليسها هه" هل بتتقرب من احمدوو وبتسوي اللي فراسها وبتخلي روضه تتحطم ولا بتحس فيها وبتكون شرات ماروضه اتحبها ؟؟
ام روضه بتسال روضه اذا اتحب اوشي ؟؟