منتدى استراحات زايد - ليشّ تتعّمـد تعّـذبنّي ؟..}~* ..

البارت الثامن عشر

ملاك : شلون اخو عفرا ؟
ميثا : سكتي معذبني
ملاك : هو شكله حلوو بس بالنسبه للي حبيته هو ولا شي
ميثا : يا ويييل حالي ملوكه اتحب وانا مادري
ملاك : ايه احب واحد حلوو فديته
ميثا : هو كويتي ؟
ملاك : لا اماراتي
ميثا : منو هااه ؟
ملاك : سلطان ولد خالج يهبــــــــل احبه احبه
ساره مره وحده حدرت عليهم وصارخت : شــــــوووو
ميثا : ساروه شو تسوين ؟
ساره : والله ولحقتي اتحبين ومنو سلطان اصلا انتي توج يايه الحين يمكن شايفتنه مره ولا مرتين متى حبيتيه انشالله ؟
ملاك : والله من يوم ماشفته حبيته وانتي شو يخصج اصلا ليش تجسسين علينا هاي اسرار
ساره : انا ماتجسست عليكم بس كنت يايه اخذ كراوسون زعتر وعصير حق فطيم وبالصدفه سمعت الي تقولينه وسمعت الي تقولينه
ميثا : سارونه فديتج خلاص ماصار شي
ملاك : لالالا وييت ابا اعرف انتي ليش جي معصبه ؟
ساره وهيه تحاول تغير ملامحها : هب معصبه ولا شي انزيين
وجان تحدر المطبخ وتاخذ الي تبيه وتظهر بسرعه طبعا هيه كانت صدق محرجه لدرجه انها كانت تمشي بسرعه جان مره وحده تدعم سلطان وطاح الي فايدها
سلطان : ســووري
ساره :......
شاف عيونها محمره وشكلها شوي وبتصيح
سلطان : ساروه بلاااج ؟
ساره : مـــــــــــاشي مــــــــاشي جان تركض وتحدر البيت وركيــــــض صوب حجرتها عسب محد يشوفها قفلت الباب ويلست تتذكر رمسه ملاك وتمت متغصصه جان تتمد على الشبريه جان ترقـــــــــد بدون لاتحس
سلطان زاغ لما شافها جي جان يتصل فيها بس هيه ماردت رد اتصل تقريبا 8 مرات بس ماشي فايده طرش لها كمن مسج بعد ماشي فايده عقب سار صوب ميره ورمسها ، ميره من عرفت على طول سارت ودقت الباب كسرته لين ما ساره بطلته لها
تمت ميره تسألها بلاها وجيه عقب ساره خبرتها السالفه كلها ميره تمت تظحك على ساره وعلى غباءها قالتلها ان سلطان مايحب ولا بيحب وحده غيرها وتمت ترمسها

صوب ميثا وملاك
ملاك : شفتيها اش سوت حقيــــــــره تبا تقهرني براويج يا ساروه ان ما كنت انا ملاك يوسف الـ ....
ميثا : ملوكه بس عاااد مهما يكون هاي بنت خالتج
ملاك : ليش تدعم سلطان انا اغااار
ميثا : انتي بعد صدقج اتحبين سلطان ؟
ملاك : ايي صج يعني اتمصخر
ميثا : الله يهديج بس
ملاك : اففف تقهر ياربي
ميثا : ملوكه خلااص وبعدين سلطان مستحيل يفكر فيج لأنج بنسباله اخته
ملاك : لا والله وانتي اشدراج ؟
ميثا : من تعامله ويااج
ملاك : ماعليه انا بخليه يحبني ويموت فيني بعد
ميثا : ملاااك شيلي سلطان من راسج
ملاك : ودي اعرف انتي ليش معوره راسج ليكون تحبينه بعد ؟!!
ميثا : اففف منج الحين هو جدامي من متى الحين بحبه !!
سيري وليي والله اكتشفت ان عقلج عقل ياهاال
ملاك : لو سمحتي احترمي نفسج تراني اكبر عنج
ميثا : ملوكه حبيبتي والله انا خايفه عليج
ملاك : خليني انا اعرف مصلحتي
ميثا : برااايج
عقب ظهروا ميثا وملاك من المطبخ جان يحدرون الصاله ملاك يلست صوب يدتها الي كانت يالسه صوب سلطان (يعني اليده فالنص وملاك على يمينها وسلطان على يسارها ) وميثا سارت فوق
موزه : ملوكه فديتج شحالج ؟
ملاك بدلع : بخير شلونج انتي ؟
سلطان : ههههه لونها شرات لونج
ملاك : عسل والله عسل
موزه : ملاااااااااك شو هالرمسه بعد عيــب منقود جي تقولين لواحد
ملاك : ويي ليــش انا شو قلت ماقلت شي
موزه : كل ها وماقلتي شي صخي زين صخي
جان يحدر عليهم حميد ومحمد
محمد + حميد : مرحبــا
موزه + سلطان + ملاك : مرحبتين
محمد + حميد : شحالكم ؟
موزه + سلطان + ملاك : تمام والله ومن صوبكم
محمد + حميد : الحمدالله
محمد : الا وين الحريم ؟
موزه : سارن المطبخ يشوفن يعابلن الطباخ
حميد : ووين باقي الشباب ؟
سلطان : في الميلس
حميد : وانت ليش متفيزر هني ؟
سلطان : ههههه يالس ويا يدوتي حبيبتي
محمد : ووين البنيات ؟
موزه : كلهن متفيزرات فوق
بهاللحظه نزلن ميره + ساره + فاطمه
محمد + حميد : هلا والله بالبنات الحلوات
ميره : احم احم اهلين
ساره + فاطمه : اهلين
موزه : انتن وينكن ؟ شوفي ملوكه فديتها يالسه عندي هيه وسلطان
جان ساره تصد صوب ملاك وسلطان وتمت تطالع سلطان بنظرات استغرب منها
سلطان : ميروه تعالي شوي ابا ارمسج
حميد : اووونه شي اسرار من بينهم بعد
ميره : احم اكييد يبا شي مني ادريبه طراار
سلطان : لا والله ماعلييه كنت ناوي اوديج الدكان
ميره : هههههههه خل الدكان حقك ابا اسير الشيشا
سلطان : هااه الين منو الطراره
الكل : ههههههههههههههههههههه
عقب سحب سلطان ميره وظهروا خاري الصاله
سلطان : ميروه بلاها ساره ؟
ميره : ههههههههه اسكت الله يخليك لاتذكرني بالسالفه
سلطان : ليــــــش شو صاير بعد ؟
ميره : البنت بغت تموت بسبتك
سلطان زااغ : اوووه قولي شو السالفه
ميره : الله يسلمك ساره سمعت ملاك وهيه تقول انها تحبك وجان تغيض عليها وتضارب وياها بــس
سلطان : ههههههههههههه فديتها والله تغار عليه وبعدين هااي الياهل تحبني خلها تلتعن زيين
ميره : قلتلها لاتفكرين ان سلطان بيحب حد غيرج
سلطان : وانا اقول بلاها جي اطالعني انا وملاك زين زين
ميره : شو هو الزين ؟
سلطان : خخخخخخ مايخصج
ميره : طااعوا النذل اوكي براااويك
سلطان : شو دلاغج ولا صورتج
ميره : ماااعليه بقول حق ساره سلطان اعترفلي انه يحب ملاك
سلطان : ههههههه ماترومين اتسوينها والله ترى موول مابظهرج
ميره : افففففف نقطه ظعفي
سلطان : ههههههههه يلا ذلفي من ويهي
عقب حدروا سلطان وميره داخل طبعا سلطان سار ويلس عالكرسي الي مجابل ساره وتم يطالعها وهيه تدري ان سلطان يالس يطالعها كانت منزله راسها وعيونها محمره
محمد : ساارونه فديتج بلاها عيونج محمره حد زعلج حد صيحج ؟
ساره وهيه تحاول تغير ملامحها : هههه لا بس من قله النوم
محمد : اهــاا و اشعنه ماترقدين ؟
ساره : من حشره بعض النــاس
سلطان ظحك فهاللحظه : هههههههههههههههه
الكل صد صوبه
محمد : بــلاك ينيت ؟
سلطان : ههههههههه لا بس اتذكرت شي
محمد : اهـــاا ( ويصد صوب امه موزه ) اميــه اليوم عزمي قوم سالم ع الغدى وخلهم كلهم ايون حتى عزمي خطيب ظبيه واهله
موزه : من عيــووني الحين بتصل فيهم وبعزمهم

ساره صدت صوب ميره وفاطمه الي كانت يالسه عندها
ساره : تعالوا نظهر نتمشى برع شوي فالحديقه
ميره + ساره : اوكــي
عقب ظهروا ساره +فاطمه + ميره
تمن يتمشن شوي جان فاطمه تقترح عليهم يلعبون كوك بس ميره اعترضت لأن البنات شويه وقالت بتزقر ميثا وملاك عسب يستانسون كلهم
عقب ساره قالت اول مره بيلعبونها هم الثلاث وعقب بيزقرونهم وبيتريون ظبوي بالمره بيلعبونها كلهم جان يعدون عسب يظهرون الي بتلحقهم وبتدور عليهم جان تظهر ساره
ساره : لاااااااااااا افف لاتتخشون فمكان صعب مالي بارظ ادور عليكم
فاطمه + ميره : خخخخخ مشكلتج ياحلوه
( ترى حديقه بيتهم ورا المبني يعني محد يروم يشوفهم الا الي بيسير للحديقه )
ساره تمت اتعد جان ميره وفاطمه يركضون ويتخشون
فاطمه كانت تركض لين الحين اتدور لها مكان وميره منخشه صوب الدري وين الصاله
فاطمه وهيه تركض جان مره وحده تدعم واحد
فاطمــه : اويــــــه سوري والله ماشفتك
صد صوبها وذاب لما شاف عيونها وهيه بعد ذابت لما شافته
راشد : لا فديتج عادي
وتموا صاخين دقيقتين
راشد : شو تسوين هنيه ؟
فاطمه وهيه مستحيه : امممم كنت ادور مكان انخش فيه ؟
راشد : ههههههه ليـــش ؟ شو مسويه ؟
فاطمه : هههههههه هب مسويه شي بس يالسين نلعب كوك
راشد : ههههههههههههه ويا منو يالسه تلعبين ؟
فاطمه : انا و ساره وميره
راشد : بــــــــس !!
فاطمه : هيه
راشد : اسميكن حركات كل وحده اطول عن الثانيه وتلعبون كوك
فاطمه قفطت
راشد : انزيين تعالي انا بخشج
فاطمه : ويـــــــن ؟
راشد : فقلبي مكان محد يروم يوصله
فاطمه قفطــــــت من خاطر واحمــــــررت
راشد : هههههههه فديت الي يستحون فطامي فديتج انا خطيبج بلاج جي كل تستحين مني احبـــــج يابنت والله احبج
فاطمه : رشــود بس عاد انا بعد
راشد : انتي بعد شوو ؟
فاطمه : اممممم مادري
راشد : ههههههه فطامي متى اي يوم الاثنين افف يارب الايام تمر بسرعه اباج لي وبـــس لي روحي ( جان ايود ايدها ) فطامي انتي اتحبيني ؟
فاطمه احمـــررت وهمست: هيه والله احبــــــك
راشد : آآآآآآآخ ياقلبي عيديها
فاطمه بدلع : مـــــــاابااا
راشد : وفديتـــــــج انا
جان يظهر سلطان ويشوفهم
سلطان : يـا عينــــــي عالرومنسيه
فاطمه قفطت جان تسير صوب البنات
راشد : اوووووووه سلطون يالنحس ليش تخرب علينا
سلطان : ههههههههه عيب عليك ريال طول وعرض وجي تسوي
راشد : اسكت اسكت هاي خطيبتي وانشالله قريب بتصير حرمتي واااي فديتها
سلطان : عيــب عيــب
راشد : هههههههه اسكت دخيلك اونك بتعلمني العيب جب زيــن
وعقب ساروا هم الاثنين صوب السياير وكل واحد ركب سيارته وسار صوب الشيشه << ساروا يشترون كمن شي طلبوه منهم

صوب البنات
( ساره + ميره + فاطمه )
فاطمه انخشت فالمطبخ وساره تمت تربع وتدور عليهم وجان تحصل ميره وتمت تربع وراها وميره تركض بسرعه وساره وراها وتموا يدورون حول البيت ثلاث مرات جان مره وحده ميرة حست انها طايحه فـ حضن حد وساره تمت ناقعه على شكلها لأن لما ميره كانت تركض مره وحده صدت تطالع ساره وبهالحظه عبدالله اخو ظبيه حدر جان تدعمه وشوي وبغت اتطيح وهو شلاها كان شكلها يظحــــــك ميره لما استوعبت الي صار عيونها ومارامت ترمس عبدالله وقفها عدل وتم يرمسها
عبدالله : هههههههه ثاني مره لما بتركضين انتبهي ولا تصدين ورا
ميره : ............
ساره اتقربت صوبهم
ساره : هههههههه عبود سوري والله هاي ميروه دومها جي هبله
عبدالله : ههههههههه لا حراام عليج بس خل تنتبه يمكن ما اكون اناا الي حدرت يمكن واحد ثاني
ساره : لا والله ليش يعني ؟
عبدالله : خخخخخ جي
ميره عصبت ربعت داخل
عبدالله : ساروه منو هاي ؟
ساره : هاي ميره بنت عمي حميد
عبدالله : هاي رضيعة سلطان ؟!!
ساره : يس ، وبعدين شو يخصك ليكون عايبتنك ؟!
عبدالله : ههههه بصراحه هيه مشالله عليها
ساره : اوووووووب عبود اشوف قمت اتحب
عبدالله : جب جب طول وعرض اتقوليلي عبود
ساره : هههههههههه عادي عادي ، الا وين ظبوي وامك وابوك ؟
عبدالله : حدروا قبلي
ساره : اهــاا يلا عيل بسير اسلم عليهم واسكت ميروه اكيد الحين مسويه بحر في حجرتي
عبدالله : حليلها والله سلمي عليها
ساره تغمز له : يــوصل
عقب حدرت ساره الصاله وسلمت على روضه وظبوي وسحبت ظبوي وساروا فوق صوب حجرة ساره وشافوا ميره اتصيح
ساره : هههههههه ميروه فديتج ماصار شي عادي
ميره وهيه تصيح : لا والله هاي هب اول مره ها هو الي البارحه يودني من خصري
ساره : حلفــــــــــي !!!
ميره : والله
ظبيه : شو السالفه فهموني
ساره : بعدين بقلج ( وتصد صوب ميره ) ميروه خلاص هههههه تدرين سألني عنج وقالي سلمي عليها
ميره مسحت دموعها : حلفــــــي
ساره : والله
ظبيه : اووووووه بتخبروني شو السالفه ولا
ساره : الله يسلمج البارحه اخوج عبدالله يود خصر ميروه فالمطبخ يتحراها ملوكه واليوم كنا نلعب كوك كاانت تركض يوم صدت تطالعني طاحت فحظن اخوج عبود وبـــس هاي السالفه
ظبيه : ههههههههه وانا اشوف عبود متعذب ومتولع هالايام
ميره : جــــــب انزيين
ساره + ظبيه : هههههههههههههههههههههههه
ميره : بسكم عاااد
وعقب حدرت عليهم فطوم
فطوم : شو سالفتكم انتو ؟! اويييييييييه ميروه اشعنه تصيحين ؟
ساره : ههههههههههههه ماشي بس دلع
ميره : جب خلاااص مافيه شي
فاطمه : يلا نزلن يالعيايز يتريونكم تحت عالغدا
الكل : اوكيك الحين بننزل
عقب نزلن البنات وسارن تحت عند الحريم يلسوا يسولفون وياهم شوي عقب ساروا كلهم اتغدوا
عقب الغدا سارن البنات كلهن فوق ويلسن يسولفن مع بعض
( ساره + ميره +ظبيه + شيخه +ملاك + ميثا + فاطمه )

وهم قاعدين يسولفون مره وحده ظبيه شهقت جان الكل يطالعها
ساره : ظبوي بلاااج ؟
ظبيه : اويـــــه نسيت ارمس يموع اكيــد الحين زعلان
ميره : ليــش بعد ؟
ظبيه : البارحه واليوم موول مارمسته ولا اتصلت فيه
ميره : سوو وت ؟! ، عادي
ظبيه : عادي فخشمج ، اونه سوو وت ( جان اتدزها شوي ) ذلفي عن ويهي
عقب نشت ظبيه وشلت فونها وسارت بعيد عنهم شوي وجان تتصل بـ يمعه
يمعه : ألــوو
ظبيه : هلا والله براعي هالصوت الغاوي
يمعه : هيه هيه قصي عليه انا زعلان منج لاترمسيني
ظبيه : فديتك والله سامحني والله اني رقدت ومارمت استحمل
يمعه : اتريي شوي ( وهو يرمس الشباب ) دقايق وبيكم
عبدالله : هااه يموع منو الي متصل ؟
يمعه : مايخصك ملقووف
الشباب كلهم : ههههههههههههههههههههه
عقب شل يمعه مبايله وظهر عنهم
يمعه : سوري فديتج كنت اشرد من الشباب
ظبيه : لا عادي ، انزين يموع حبيبي لاتزعل والله آسفه
يمعه :انزين ليش الصبح مارمستيني ؟
ظبيه : كنت اقول بسير اتريق عقب بتصل فيك بعدين والله نسيت
يمعه : افــااا يعني مول ما ايي على بالج !!
ظبيه : يموع حبيبي عن الحركات
يمعه : اوكي اتغديتي ؟
ظبيه : هيه الحمدالله
يمعه : انزين نزلي تحت ابا ارمسج
ظبيه : انت هنيه بيت خالوتي ؟
يمعه : هيه
ظبيه : انزين اتريا بيب وياي حد
يمعه : لالالالالالا تعالي روحج
ظبيه : لا والله مااباا
يمعه : اوكي عيل لاتراظيني
ظبيه : يمـــــوع حبيبي
يمعه : نعــــــــم
ظبيه : انزين يايتنك وين بتكون ؟
يمعه : صوب سيارتي
ظبيه شهقت : ليــــــــش ؟
يمعه : يااربي ياحبيبتي انا ريلج وانتي حرمتي بلاج زايغه ماباكلج ولا بسويبج شي تعالي بس
ظبيه : اوكي ، يلا اجلب ويهك عسب انزل
يمعه : ههههه اوكي يلا بااي
وكل واحد سكر عن الثاني

ظبيه سارت ولبست شيلتها والعباه وعدلت الجحال و الجلوس وتعطرت
ساره : على ويــن يا حلوه ؟
ظبيه : هههههه بسير يموع يباني تحت
ميره : شو يبا ها بعد ؟
ظبيه : لا والله اشدراني اناا
ساره : يلا سيري فديتج ، تيك كير
ظبيه : هههههههه اوكي يو2 ألبــوو
وظهرت ونزلت تحت سارت عند امها فالصاله
ظبيه : مــااماا
روضه : خير
ظبيه : ماما يموع برع اتصل فيني يباني شوي بيظهر بشوفه شو يبا
روضه : سيري الله يحفظج بس لاتتأخرين
ظبيه : انشالله
روضه : سلمي عليه
ظبيه : ههه يوصل ، يلا مع السلامه
الكل : مع السلامه
وجان تظهر وسارت صوب سيارة يمعه وشافته واقف وكان شكله خبــاال كان لابس كندوره بيضه وسفره بيظه وريحه عطره شاله المكان
يمعه : هلا والله
ظبيه : اهلين
يمعه : بلاج مستحيه تعالي ماباكلج
ظبيه : هههه ( وتقربت صوبه ) نعم شو تبا ؟
يمعه : لا والله شو جابرينج اتين ؟
ظبيه : اممم لا
يمعه : ركبي السياره ابا ارمسج شوي
ظبيه : وين وين وين ؟
يمعه : انا لله وانا اليه راجعون وبعديـــــن
ظبيه : انزين اتريا دقايق بخبر امايه وبي
يمعه يود ايدها وسحبها صوبه : بلاج حبيبي مابسوي بج شي تعالي
ظبيه وهيه اطالع عيونه : يموع دخيلــك ودرني
يمعه : ركبي انزين
ظبيه : انزين بس ودرني
جان يودرها يمعه وركبت السياره وهو شغلها وتحركوا
ظبيه : وين بتوديني ؟
يمعه : انتي وين تبين اتسيرين ؟
ظبيه : اي مكان اكون فيه وياك
يمعه : اممممم شرايج انسير البحر ؟
ظبيه : الله كشخه
عقب توجهوا صوب البحر وجان يوصلون عقب عشر دقايق بالضبط ونزلوا من السياره
يمعه : وجــــان نوصل
ظبيه : انت شو وراك خلصني
يمعه يتقرب منها : حلفي انتي بس
ظبيه وهيه تدزه : يموع ترى بتصل فـ عبود اي وياخذني
يمعه : ههههههههههه ماترومين
ظبيه : احلــــف
يمعه : لالا خلااص ترومين يلا تعالي نتقرب من البحر
ظبيه ركضت صوب البحر وتم يمعه يظحك عليها
ظبيه : ليـــش تظحك ؟
يمعه : جنج ياهل
ظبيه : هههههههه فديتني
يمعه : هههههه تعالي بفرج فالبحر
ظبيه : اويــــه انت يايبني عسب تذبحني هنيه
يمعه : هيــــه
ظبيه : يمــــووووع
يمعه : هههههههههه فديتج والله يعني قلبي بيطاوعني ؟
ظبيه : اكيـــد لا
يمعه : هههههههههههههههههههه
بـ هاللحظه رن تلفون ظبيه ردت عليه
ظبيه : هلا والله
عبدالله : اهلين ، انتي وينج ؟
ظبيه : انا ويا يمعه
عبدالله : هههه لحق يصرقج
ظبيه : ههههههه فديته
يمعه : ياويل حالي يتفدوني
عبدالله : ههههههههه قوليله يصخ صوته يعور راسي
ظبيه : لا والله انزين شو تبا ؟
عبدالله : انتو وينكم بالضبط ؟
ظبيه : بحر جميرا
عبدالله : ياسلاااام عالرومنسيه
ظبيه : هههههههه انزين خلص التحقيق ؟
عبدالله : هيه يلا بااي
ظبيه : بااي
و اول ما سكر عبدالله الخط الشباب نقزوا عليه
الشباب : هاا هاا وينهم ؟
عبدالله : ههههههههههه شباب قوموا لبسوا بنسير بحر جميرا بنخرب عليهم الجوو
سيف : خل نشل البنات ويانا بعد
سلطان : هيه اكييد
الكل : هههههههههههههههههههههه
وعقب ساروا الشباب كلهم فوق وطبعا سيف وراشد اتبرعولهم بلبس عسب كندورتهم ماتتخيس
سيف وسلطان لبسوا برمودا بيضه وقميص برتقالي وجوتي رياضه برتقالي ورفعوا شعرهم عـ ورا
وراشد وعبدالله لبسوا برموده زيتيه وقميص اسود وفوقه كاب زيتي وجوتي رياضه اسود
وعبدالرحمن واحمدلبسوا برمودا جينز فوقه قميص ابيض وجوتي رياضه ابيض
وسعيد لبس برمودا بيجيه وتوب بني وكاب بيجي وجوتي رياضة بني
وعبيد لبسوه بنطلون بني وفوقه قميص زيتي وجوتي رياضه زيتي
عقب سيف سار صوب حجرة ساره وقالهم لو بيون البحر و طبعا اكيــد البنات وافقوا ولا وحده منهن اعترضت وكلهن لبسن بنطلون اسكيني جنز وفوقه قميص فوشي وجوتي رياضه فوشي << كانن مطقمات ويا بعض
وطبعا لبسن عباة مسكره وكل وحده شيلتها على ذوقها بس اسود وفي حركات فوشيه
عقب كلهن نزلن تحت جان الحريم يسألونهن وين سايرات وجي عقب قالولهم انهن سايرات ويا الشباب البحر طبعا وافقوا لأن الشباب وياهم ومابيخلونهم يسوون شي
عقب كلهم ساروا بثلاث سيارات سياره راشد وسلطان
الي ركبوا ويا راشد ( عبدالرحمن + عبدالله + سيف + سلطان+عبيد + سعيد)
والي ركبوا ويا أحمد ( ميره و ساره وملاك وميثا وفاطمه وشيخه )

وعقب عشر دقايق بالضبط وصلوا البحر وشافوا ظبيه ويمعه الي انصدموا من شافوهم
يمعه : بسم الله انتو شو يابكم
الشباب + البنات : ههههههههههههههههههه سبرااايز
يمعه : مالت عليكم وعلى سبرايزكم مابااه مول مب حلوو
الكل : ههههههههههههههههههههههههههه
ظبيه : يموع حرام عليك ليش جي تقلهم
عبدالله : ونطق الحجر
يمعه : حجر فراسك (يصد صوبهم كلهم ) نعم نعم ليش ياين ليش تخربون علينا الجو ؟!
الشباب : كيفنـــــــاا
البنات : اشتقنا لظبوي
الكل : هههههههههههههههههههههههههه
يمعه :لا وبعد امبدلين ولابسين بناطلين ومتعدلين وانا ياي ويا حرمتي بالكندوره
عبدالله : والله مشكلتك وحلها
سيف : هههههه يلايلا تعالوا نلعب ونستانس
الكل : يلاااا
ظبيه سارت صوب البنات وتمن يرمسن شوي وعقب تجربوا صوب البحر ، والشباب على طول ساروا صوب البحر ماشي تفاهم وتموا يرشون بعض بالماي والبنات يشوفونهن ويظحكون على اشكالهم جان سيف يسحب ساره اونه يبا يفرها بالبحر وساره اتصارخ والبنات ناقعين عليها ظحك وسلطان خاطره يسير ويلعب وياها بس عيب مايصير عقب مر الوقت بسرعه وبدت الشمس تغيب طبعا قرروا يسيرون البيت ويبدلون والشباب يظهرون يتعشون على حساب سلطان << من بنود الاتفاقيه .. لوول
كل واحد توجه للسياره الي يا ابها وعقب ركبوا وتموا مرتبشين وحاطين اغاني ومستانسين وردوا البيت الساعه 7 ونص كلهم ساروا اتسبحوا وبدلوا ونزلوا الشباب يلسوا شوي ويا الحريم وعقب ظهروا البنات تمن يالسات ويا الحريم يسولفن عن المدرسه ..
وعقب قوم ظبيه ردوا بيتهم وعبدالرحمن وابوه بعد وقالوا بيون يوم ملجة راشد ويمكن بعد بيباتون عندهم وقوم ميره بعد ردوا بيتهم حتى قوم فاطمه ( عمتهم مريم )،
وعالساعه 10 بعد ماقوم ساره اتعشوا سارت ساره فوق وبدلت ثيابها ورقدت لأنها باجر بتداوم ، وشيخه وملاك قالوا بيرقدون بعدين عالساعه 12

وعالساعه 1 كل ابطالنا رقدوا عسب ينشون باجر من وقت ترى باجر الاحد وراهم مدارس ودوامات وجامعه وكليه ..
الساعه 6 ونص نشت ساره بكسل وكان فـ خاطرها ماتداوم بعد ، بس سارت لانها بتغيب كمن يوم عسب ملجه راشد وعقب وايد دروس بتفوتها ترى هيه علمي واخر سنه يعني لااازم تنجح وتيب نسبه حلوه شراتها ^.* ، سارت الحمام و اتسبحت وبدلت ولبست ثياب المدرسة ونشفت شعرها وسحته ورفعته بطريقه حلوه وناعمه ولبست كواشيها ولبست شيلتها وتعطرت ونزلت تحت شافت سيف + راشد + امها ( عوشه ) يالسين يتريقون
ساره : صباح الورد والجوري
الكل : صباح الفل والياسمين
ساره : شحالكم اليوم ؟
الكل : بخير وسهاله .. ومن صوبج ؟
ساره : تمام
عوشه : يلا فديتج تعالي اتريقي ترى لين ما تلبسين وتتجهزين الحين صارت الساعه 7 ونص ولين ماتوصلين المدرسه بتتأخرين
ساره : من عيوني يا عيوني
ساره وهيه تصد صوب راشد الي كان سرحان
ساره : احم احم الي ماخذه عقلك تتهنا به
الكل : ههههههههههههه
راشد : ههههه منو يعني بياخذ عقلي ؟
سيف : منو غيرها فطيم بنت عموه
راشد : كم مره قلتلك لاتدلعها اغــاار
سيف : يالله من زينها الحين
راشد + ساره : ها عـــــااد مانرظى
سيف : لو ساروتي رمست خلاص بسكت
ساره : وفديــت ماي براذور
سيف : ههههههه فديت روحج
راشد : ماعليــه وانــاا وين سرت ؟
ساره : اووه بدينا نغار ؟
الكل : هههههههههه
ساره : الا وين يدوه بنانا ؟
سيف : هههههههههههه سكتي لو سمعتج بترد وتعيد السالفه
عوشه : اصصصصص سكتوا اشو ها بعد !! هب عيب عليكم هاي يدتكم
راشد : ترى ماعندهم مذهــب براويكم يالسود
ساره + سيف : هههههههه خلاص السموحه
عوشه : ثاني مره ان عدتوها بقص لسانكم
راشد يكمل : وبعطيها للقطاوه تاكلها
الكل : هههههههههههههههههههههه

صوب ميره
طبعا هيه بعد نشت الساعه 6 ونص وتسبحت ولبست ثياب المدرسه وتعدلت وتعطرت ولبست شيلتها وسارت تحت وتريقت وتوجهت للمدرسه

فـ المدرسه
ميره كانت واصله قبل ساره وكانت يالسه ويا بنات الشله
( مزون و جوري و بثينه )
كانوا يالسين يسولفون عن الملجه وعقب سولفوا عن الويك اند جان يشوفون ساره وهيه توها يايه ربعوا صوبها وسلموا عليها وصلوها الصف وحطت شنطتها وظهروا يتمشون
ميره : سااروه شريتي فستان لملجه رشود وفطيم
ساره : نوو
بثينه : ليــــــن الحين !!
ساره : يب
مزون : اشعنه هب مفصله ؟
ساره + ميره : نحن ناخذ للملجه جاهز وللعرس انفصل
البنات : ايــواا
ميره : سويره اليوم لاااازم انسير ناخذلنا فستان قرب العرس
ساره : اممممممممم
ميره : بشوتج شو ملجه اخوج لازم اتكونين انتي اول وحده مخلصه كل شي
بثينه : ليش هيه الي بتعرس
الكل : ههههههههههههههههههههههههههه
ساره : طفساات مادانيكم ( وجان اتظهر لسانها )
مزون : تشتغلين جلبه عندنا ؟!
الكل : هههههههههههههههههههههههههههه
ميره : اييييييه حدكم عااد مب على بنت عمي ما ارظى
ساره : احم احم فديتج والله
مزون + بثينه : الحيــــن بتصدق عمرها
وجــان اتيهم وحده بيدها ورقه وعطتها ساره
الشله كلها انصدمت ويوم بطلت الورقه حصلت كله كلاام حب وغرام << يعني الورقه رساله حب وغرام
ويوم شافوا الاسم عرفوا انها آمنه البويه
وهيه تحب ساروه من فتره بس ساره مسوتلها طاف مب مهتمه لأنها ماداني سوالف الحب بين بنت وبنت بس بتكون ربيعتها
وجــــــان يدق الجرس
تررررررررررررررررررررررن
الكل : اعععععععععععععععععع
ساره : هههههههههه اشكالكم اتظحك
مزون : جــب جـــب
ميره : قــــب
بثينه : عقرب
ساره : يعله مايلدغ حد
الكل : ههههههههههههههههههههه
ساره : الا وين جوري ؟
بثينه : قالتلي بتغيب لأنها شوي محمومه
الكل : سلامتها ماتشوف شر
بثينه : الله يسلمكن
وعقب توجهوا للكلاس وكان عليهم انجلش

صوب الشباب طبعا كل واحد منهن نش وسار تسبح ولبس ثيابه وتوجهوا للكليه الساعه 8 ونص

الساعه 10 فالعين دار الزين تحديدا فمدرسه قوم ميثا
ميثا كانت تتمشى ويا ربعها ( عبير و خفيه ) وكانن يدورن وحده للتقدرين
خفيه : ميثوووه ميثوووه ، شراايج بهالبنت والله انها طررررر
ميثا : هههههههههههههه لا ماابهاااا
عبير : اففف منكن شو تحبن بنات ؟ حبولكم واحد هب وحده
خفيه : سكتي سكتي يا ام الدمااار
عبير حرجت : انــاا ام الدمار !! عيل الي انتو تسونه شوو ؟
ميثا : نلعب عالبنات ، تسليـــــه
عبير : والله حراام عليكم ترى كما تدين تدان
خفيه : اوووووه بدت فيلسوفه زمانها ، اقلج لو نحن هب عايبينج دوري حد ثاني اترابعينه
ميثا : خفــوووي شو هالرمسه !!
عبير : برايكن تمن على خربطانكن وانا برابعلي غيركن
وجان تسير الكلاس وتمت تصيــــــــــــــح
ميثا : خفوي شو الي سويتيه حرام عليج الحين عبير ويانا من كمن سنه
خفيه : اففففففف واايد معقده هالانسانه
ميثا : صدقها عبير الي نحن انسويه كله غلط فـ غلط يعني اخر شي شو بنستفيد !!
خفيه : تسليــه شرات ماقلتي .. هااهااهااا
ميثا : سخيفــه يلا سيري راضيها والله حرام ماتهون عليه
خفيه : اصلا بدون ماتقولين الحين بسير
ميثا : يــــلااا
وجان يسيرون الكلاس ويحاولون يراضون عبير واخر شي رضت
وجان يدق جرس الحصه الرابعه
تررررررررررررن
وعقب كل وحده توجهت لصفها ( ترى الثلاثي ميثا و خفوي و عبير يوم يكونون فـ كلاس واحد يظهرون قرون للابله ف عسب جي مفرقينهم )

وكانت مرتبشه ع الاخر شافت سلطان
ميره : احم الاخ سلطان جاهز ؟
سلطان : ليـش ؟
ميره : تراك بتوديني البستان
سلطان : ليـــش التيوس بعد يعرفون يسوقون ؟
ميره اتذكرت : آآآآآآسفه والله
سلطان : يلايلا مــــــاشي خلج هنيه انا مواعد الربع بسير
ميره : سلطوووووون دخييييييلكم والله آسفه
سلطان : مــــــاااشي
ميره : وين امااايه ؟
سلطان : سارت بيت عميه محمد
ميره وهيه شوي وبتصيح : يعني ما اسير اخذ فستان ؟
سلطان : مب لااازم
ميره : دخييييييييييلك اي شي تباه بسويلك بس ودني
سلطان : اممممممممممممم اوكي سيري يبيلي كوب مااي بااارد
ميره : اوكــــي
جان ميره تربع للمطبخ للمطبخ وهو سار صوب سيارته وشغلها وترياها تحر شوي واول ماشاف ميره يايه صوبه نزل الدرشه وصارخ : سوووووري سيس الربع يبوني ظروري وخل التيوس والثيران ينفعونج ياقليلة الادب الحين انا الشيخ سلطان جي تسوين فيني !!
وجان يحرك ويظهر من البيت ، و ميره فرت الكوب صوب سيارته وتمت تصيــــــــــح
ربعت فوق سارت حجرتها شافت مبايلها على طول اتصلت فساره وتمت تصيييييييح
ساره : ميروه بلاج ؟
ميره وهيه تصيح : سلطون النذل
ساره زاغت : بلاااه ؟
ميره خبرتها السالفه كلها
ساره : ماعليج منه خليه المهم نحن الحين قوم ظبوي بيمرون علينا بقلهن يمرون عليج اتزهبي
ميره : اوكي اصلا انا زاهبه
ساره : يلا عيل انا بتلبس ويوم بنوصل صوب بيتكم بتصل فيج ظهري
ميره : اوكي
ساره : بــااي
وجان ساره تسكر الفون وتسير وتتلبس وتتعدل وتلبس عباتها ونزلت تحت
ساره : مرحبا مليون ولا يسدن في ذمتيه
الكل : مرآآحب
ساره سارت وسلمت على حرمة عمها ( ام احمد ) وعلى حصه وحبت امها فوق راسها
ساره : شحالكم ؟
الكل : بخير وسهاله ، ومن صوبج ؟
ساره : يعله مديم يارب ، تمام دام اني اشوفكم
حصه : ها الحلوه وين سايره ؟
ساره : الحين قوم ظبوي بيمرون عليه وبسير اخذ فستان من البستان
عوشه : لا والله وبدون استأذان !!
ساره : لااااا خبرت باباتيه وعطاني بيزات بعد
حصه : كم عطاج
ساره تحرك حياتها : ســـــرر
حصه : مــالت
ساره : عليج وعلى الي فبطنج
عبيد : جـــب انزيين مب على ماماتي
ساره : اوووه الدب عندنا
عبيد : أنــااا مب دب
ام احمد : تتمصخر وياك فديتك ( وتصد صوب ساره ) ترى حتى سلطان وميره سايرين البستان سيري ويا ميره انتي ذوقج فنان اختاريلها شي حلوو
ساره : هيه عقب ما ظبوي تمر علي بنسير ناخذ ميروه
حصه : اويــه سلطان بيوديها
ساره : هههههههههههه سلطان نقع فيها خيانه ماوداها
اتصلت فيه تمت تصييح قلتلها خلاص نحن سايرين بناخذج ويانا
ام احمد : هههههه اسميه هالولد مخبلبي مايوز عن حركاته
عوشه : ماعليــج الشباب كلهم جي عقب بيعقلون وبتشوفين احسن منهم ماشي
جان يحدر عليهم سيف
سيف : السلاااام عليكم سيفاني وصل
ساره : هههههههههه مالت ويعني الشيخ واصل وانا مادري
سيف : واصل ولا فاتوره واااااااك
الكل : ههههههههههههههههههههههههههههههههه
ساره : سخيـــــــــف مايظحك انزين
سيف : مقبوله منج خيتوو
ساره : وين ساير ؟
سيف : شو مسؤوله عني ولا حرمتي موصتنج ؟
ساره : ههههههههههههه لالا لاها ولا هاذيك ، يلا عاد بس جي اسأل وين ساير ؟
سيف : ساير اودي اختج المصون للعياده
ساره : ايــوااا
سيف : وانتي وين سايره ؟
ساره : بسير البستان ويا قوم ظبوي
سيف : زيــن زيــن (وهو توه ينتبه ع حرمه عمه واخته ) اوووه السموحه شحالكم ؟
الكل : بخير ، ومن صوبك ؟
سيف : يسركم حالي ، الا وين خالوه وعيالها ؟
ساره : هيه والله مالهم حس حتى عمو شيخه
عوشه : ههههه الله يسلمكم ساروا بوظبي يتحوطون شوي
ساره + سيف : شيــــــــت خيـاااانه ماخبرونا
عبيد : مب لازم يخبرونكم
ساره + سيف : جــب انت
ساره : ماباقي الا الدببه يرمسون
عبيد : انـــــــــــاا مب دب
سيف: هههههههههههههه ساروه حرام عليج والله اخر شي بيتعقد الولد
ساره : ههههههههه برايه
حصه : ساروه يالسوده مب على ولدي
ساره : من زيــــنه الحين
وجان يرن تلفون ساره وكانت المتصل ظبيه
ساره : اكـــيد تترياني خاري
وجان ترد عالفون
ساره : ألــوو
ظبيه : يالعنز سنه لين ماتردين ؟!
ساره : ههههههههههه الناس يسلمون
ظبيه : هههههههه عادي عادي انتي مب غريبه
ساره : لا والله شي يديد الصراحه يعني مايسلمون الا على الغربا ؟
ظبيه : اووووووه مب متفيجه لتفلسيفج ظهري خاري نحن نتريا
ساره : اوكيك قلبوو
ظبيه : ههه يلا جااو
ساره : جاااو
وجان تسكر عن ظبيه وتسير خاري صوبهم بطلت الباب وسلمت ويلست ورا
( ترى الي كان يسوق عبدالله وظبيه يالسه حذاله )
ساره : اممم ظبوي مري على ميروه بعد
ظبيه : هيه توني يايه بقلج ميروه مابتي
ساره : خخخخخ بتي بتي
ظبيه : زيــن ( وتصد صوب عبدالله ) عبدالله سير بيت حميد عم ساروه ( بو احمد وسلطان )
عبدالله : اوكيــه
وجان يتوجه لبيت حميد ويوم وصلوا دقوا لميره وقالولها تظهر ، عقب دقيقتين ظهرت ميره وحدرت السياره وسلمت عليهم وماكانت تدري منو الي يسوق لأنها ماركزت عدل من اول مادخلت وهيه يالسه تسب وتتحرطم وعبدالله ناقع عليها من الظحك
ساره : ههههههه ميروه ارحمي عمرج بسج سب والله مب زيين
ظبيه : هههههههههه خليها اتظهر الي فخاطرها عادي
ميره : هيه تراكم ماتحسون فيه ، والله لراويه هالنذل سلطون ان ماكنت انا ميره بنت حميد الـ ........
ظبيه : انزين ليش جي سوابج ؟
ميره خبرتها السالفه كلها ويوم خلصت السالفه سمعت ظحكت عبدالله ويوم رفت راسها واتطالعت المنظره اتيبست وانصدمـــــــت ساره لاحظت عليها هالشي وظبيه شكت ان ظحكه عبدالله ظايقتها
ظبيه : عبووود اشعنه تظحك فشلت البنت كانت اتسب من الصب والحين صخــــت مووول ماترمس
ساره : ههههههههههه يمكن البطاريه خلصت هههههههه
ميره نزلت راسها وسكـــتت
ساره : اويـــــــه ميروه بلاج ؟
ظبيه صدت صوبهم : كل منك عبود البنت قفطت الحين
عبدالله : هههههههههههههههه انا مايخصني السموحه منكن
ساره + ظبيه : مسموح
عبدالله : وين تبون اتسيرون الحين ؟
ظبيه : البستـــــان
عبدالله : تامرين امر الشيخه ظبيه ، الا وين يموع مانشوفه
ظبيه : فديتــــــه يعاني ويا الشغل
عبدالله : هههههه تتفداه بعد
ساره : عيـــــب عيـــــــب
عبدالله لاحظ هدوء ميره وحب يخليها ترمس
عبدالله : ميره اشعنه ساكته وماترمسين
ميره : هـــــااه !!
كــــــــــــــــــــــــــــــــــات