طبعا الحين لكل جاهز ومزهب حق سفر وكل واحد ساير دبي شيراله ثياب واغراض سيف شوي شوي قام يتجاوز سالفة ساره وليحين لكل اوكيه ويا ثاني ع السفر ما تم شي

ولازم تتخلص كل الاجرائات لكن شو نقدر نقول تعرفون كيف تتأخر وجيه يلسوا عاد يسون فهاي الاوراق وابوهزاع وابو سيف كل واحد حاط ريل ع ريل ولا ع بالهم عاطين

هزاع وسيف الخيط ولمخيط ع قولتهم لكن محد يدري عاد بينجحون وبيكونون قد لمسؤليه لي عطوهم اياها ولا بتجرفهم امريكا ولكل يعرف امريكا وشو تسوي الله يحفظ الجميع

ان شاء الله مسكينه ام هزاع مستويه ثري ان ون فرحانه ع خطبة بنتها وزعلانه وخايفه من هاي السفره لكن بوهزاع تم يواسيها ويخفف عليها ويقولها تهتم بعرس بنتها

وتزهيبها احسلها وخاصه انه ما بيغيبون وايد

بس يخلصون الصفقه لي لين احين ولا واحد من شباب يدري قيمتها حتى هزاع لي مطلع ع الاوراق كلها بس لي يعرفه ان

بيسير مناك بيدخل لمكتب بلقا ظرف فيه كل شي يفتحه وبيعرف كل شي احمد اول مره ينحط بها لموقف بيسافر امريكا وبيكون لمحامي لخاص فيهم الله لمستعان اي ثغره

بتضيع كل شي ياترى بيكون قد لمسؤليه وخاصه انه متأثر بسالفة شوق

وايد تم يراجع الاوراق ولبنود ويدور اذا شي ثغرات عشان يتفادها وكل شي كان تمام تمام شبابنا من زمان ما اجتمعوا مع بعض لي فراك ولي فلعين ولي فبوظبي ولي فدبي

فقررروا انهم يجتمعون فالوحده مول ستار بوكس <<<منطقة الهنود مستحيل ما تلاقي بقعه هناك ما فيها هندي لمهم يلسوا مناك

علي: ها شوو اخر اخبار سفرتكم

هزاع: والله كل شي تمام

عواس: ها لمعرس شو خلاص اونك ما تشمي ويا عزابيه

ولكل: هههههههههههههه

يلسوا الا خوان يسولفون ويشربون لكوفي وعقبها ظهروا من هناك وكلن سار صوب دربه وطريقه احمد ووهزاع ومايد وسيف وراهم سفر باجر احسلهم يسيرون يرقدون لكل

سار صوب بيتهم وحط راسه ورقد لكن احمد تم واعي يفكر لين ما تعب ورقد

نشوا الصبح وساروا صوب المطار وكبوا طيارتهم وطبعا عقب رحله طويله اوصولوا كان هناك وفد يستقبلهم ساروا صوب لفندق عشان يبدولن ويرتاحون خاصه انه ماشي وقت

الاجتماع عقب ساعتين يلسوا ريحوا وليوعان كل ولعطشان شرب ولي غفاله شوي قبل نص ساعه من بداية الاجتماع كان هزاع وسيف واحمد ومايد يالسين فلاستقبال وعقبها

وصلتهم السياره

وخذالهم فدرب حوالي ربع ساعه وصلوا مناك وشافوا شركة وانصدموا من انه هاي الشركه شركتهم وصلوا ودخلوا غرفة الاجتماعات وقابلوا الوفد واكنت الصدمه يوم شافوا

العقد من صدمتهم كل واحد بغى ينسدح ع لكرسي لي وراه عقد بـ مليارات مب مليار ولا مليارين 50 مليار قيمة العقد لي بيوقع عليه عليه هزاع وسيف وكانت الصدمه لي

صدمتهم قيمة ها لعقد

يسلمووو خوويه على الباااارت
ونتريا البااارت الثاااني

جاآآآآآآآآآآآآآآآآآآري الانتظار

مشكور اخوي على البارت
ونتريا بارت الياي؟؟؟؟؟؟؟؟؟؟

ثانكس ع البارت